رواية كبرياء العشق الفصل الاول بقلم الكاتبه شيماء طارق حصريه وجديده على مدونة النجم المتوهج

 رواية كبرياء العشق الفصل الاول بقلم الكاتبه شيماء طارق حصريه وجديده على مدونة النجم المتوهج 

رواية كبرياء العشق الفصل الاول بقلم الكاتبه شيماء طارق حصريه وجديده 

تأتي دائما الريح بما لا تشتهي الانفس

فماذا عندما يتحرك القلب من حصونه مع هذه العاصفة ....هناك من يستطيع التحكم في نفسه ولكن هل يوجد من يتحكم في القلب.... هل القلب ملك لك ام ملك لمن تحب       ماذا لو كان القلب مغلق واتي من يريدان يجعله يفصح عن ما به

كبرياء العشق للكاتبة شيماء طارق - الفصل الاول 

    تدلف الى الداخل بخطوات بطيئة حذرة من اصدار اي صوت خلفها تتلفت حولها في الغرفة تنظر الى التي تخبئ وجهها بالغطاء تتقدم لكي تفزعها ولكن الامر ينقلب عليها مجددا مثل كل يوم ......تستيقظ وتقوم بسحب الغطاء من على وجهها بعد ان شعرت بخطوات اختها اليها 

برده مش هتعرفي تخضيني   -

هتفت الاخرى بتذمر...كل مرة بتعملي فيا كدا يا روما

روما وهي تعتدل وتجلس على الفراش...الطبيعي يا يارا

يارا : طيب عايزة فلوس

روما: هي دي صباح الخير

يارا: يا بنتي عندي كلية ومحاضرات وسكشن ولسه في تسليم شيتات ومشاريع وووو

قاطعتها روما بعد ان نهضت من على الفراش

روما: بااااس خلاص اتفضلي الفلوس اهي وانزلي شوفي انتي رايحة فين

يارا: تشكري يا حاجة ربنا يخليكي للغلابة اللي زيي

نظرت لها روما نظرة تعرفها جيدا فهرولت من امامها مسرعة وغادرت المنزل نظرت لها روما الى ان اختفت من امامها وظهرت على ملامحها ابتسامة سرعان ما تغيرت معالم وجهها الى الحزن حين وقعت عيناها على صورة والدتها المعلقة على جدار غرفتها فابتسمت بحزن وهي تردد ..... الله يرحمك يا ماما

دلفت الى الحمام ومن ثم قامت بالوضوء ثم ادت فرضها وتوجهت الى خزانة ملابسها وارتدت فستان من اللون الزهري ووضعت حجابها ثم نظرت الى الساعة

روما: يا ربي الساعة بقيت 9 وانا عندي محاضرة 9 ونص يارب الطريق يبقى كويس

ثم اخذت حقيبتها وغادرت المنزل ثم توجهت الى سيارتها وذهبت في طريقها الى الجامعة

----------------------------------------------------------------------------------------------------------------------------

ينزل من الاعلى بهيئته التي تسحر من حوله لما لا فهو اسر السيوفي احد احفاد راشد السيوفي ويمتلك القوة والنفوذ ولديه بعضا من الغرور ولكنه يسميه ثقة بالنفس اسر السيوفي في التاسعة والعشرين من عمره هو الابن الاكبر ل احمد السيوفي يلحق به على الدرج اخيه سيف الذي يصغره بعامين يمتلك نفس صفاته الا انه متواضع مع الجميع

سيف: صباحو يا اسر

اسر: صباح الخير يا سيف

سيف: هتروح الشركة النهاردة

اسر: يظهر ان ذاكرتك بعافية شوية

نظر له سيف بعدم فهم فتركه اسر ونزل الدرج مسرعا متوجها الى غرفة الطعام حيث ينتظره والده ووالدته

اسر وهو يقبل امه: صباح الخير يا ماما

ميرفت: صباح الخير يا حبيبي

احمد: وبالنسبة لبابا مفيش ليه صباح الخير

ابتسم اسر وتوجه الى ابيه وقام بتقبيل جبهته

اسر: صباح الخير يا بابا

احمد: صباح النور اقعد افطر عشان نتحرك

سيف: تتحركوا فين

نظر له اسر ولم يعلق بينما تحدث احمد

احمد: انت نسيت ان جدك طلب اننا نسافر البلد

ضرب سيف جبهته: اووه نسيت

اسر بخفوت : مفيش فايدة

احمد: لحقت تنسى دا انا لسه قايلك بالليل

سيف بمرح: حكم السن بقى يا احمد يا ابني

ميرفت: سيييف

سيف وهو يضع الطعام في فمه : سكت

احمد: هتيجي معانا يا ميرفت

ميرفت: لا انا من امتى ةانا بروح الصعيد انا مش هسيب بيتي واروح الصعيد روحو انتو وانا هفضل هنا

اسر: هتفضلي لوحدك يا مام

ميرفت: لا معايا سيف

احمد: بابا قال الكل يجي يعني سيف هيسافر معانا

كان سيف يشرب المياه وما ان استمع الى حديث والده الى ان قذف المياه من فمه

ميرفت: ايه ده يا سيف انت اتجننت

احمد: ايه القرف دا يا غبي

بينما ابتسم اسر وهو ينظر الى سيف الذي نظر له بغضب ف سيف لا يحب السفر الى الصعيد هو الاخر فهو يعتبره تقيد لحريته 

سيف: يعني ايه يا بابا

احمد وهو ينهض من على طاولة الطعام : يعني هتكون معايا يا سيف و الشنط جهزت و هنتحرك كمان ساعة

وتركهم وغادر

اسر وهو ينهض هو الاخر: نتقابل في السفر يا سيفو

نظر له سيف بغضب ورحل اسر وهو يبتسم

ميرفت: لو مش عايز تروح يا حبيبي مش مهم اي حد

سيف: مفيش حاجة اسمها مش مهم يا ماما دا جدي اللي طلب واحنا لازم ننفذ.. عن اذنك عشان الحق اجهز ..وتركها وغادر

ميرفت: يووووه امتى يموت ويريحنا اووف

-------------------------------------------------------------------------------------------------------------------

في كافتريا الجامعة

يارا: اووف سكشن غبي

لمار: دكتور متخلف

يارا: مش عارفة انا امتى هنخلص

لمار: متقلقيش كلها سنتين ونخلص من القرف دا

يارا : ياارب... هي الساعة كام

نظرت لمار الى ساعتها لترى الساعة كم وما ان رأتها حتى هبت واقفة وصرخت

لمار: يا نهار ابيض

يارا: في ايه يا بت انتي

لمار : محاضرة الساعة 9 ونص

يارا: مالها ما الساعة 9 تقريبا

لمار وهي تلملم اشائها وتجعل يارا تلملم اشيائها هي الاخرى

لما: لا الساعة 9 ونص وخمسة

يارا: يا نهار مش فايت ليلتنا بيضة

لمار: هتطلع عنينا انا عارفة

يارا: متعيطيش من دلوقتي استني لما نوصل ..كله منه ..منك لله يا دكتور مهاب ربنا ينتقم منك يارب

وصلوا الى المدرج حيث المحاضرة ووجدوا باب المدرج مغلق

يارا: خبطي وادخلي

لما: وانا مالي ياختي انا ماليش دعوة

يارا: طيب بصي يللا ندخل مع بعض

لمار: بس انا هبقى وراكي دي ممكن تتهور

يارا بخفوت: دي لو متعصبة يبقى ليلتنا طين

دلفوا الى الداخل بعد ان طرقوا الباب و لم يأذن لهم بالدخول

._ انا أذنت ليكو انكو تدخلو

نظرت الفتاتان الى بعضهما وابتلعت يارا ريقها وقالت

يارا: أسفين يا دكتور على التأخير

د. بررررررة

لمار: يا دكتور والله كنا في سكشن وووو

قاطعتهم : كنتو في سكشن لوحدكو اشمعنا انتو اللي اتأخرتوا

يارا: يا دكتور والله احنا كنا

قاطعتها مرة اخرى : قولت بررررة

يارا: يا روما والله

روما بعصبية : اسمي دكتور روما و دلوقتي اطلعوا برة ضيعتوا وقت زمايلكم

خرجت يارا ولمار من المدرج مسرعين فهم يعرفونها عند الغضب 

 بينما التفتت روما الى الطلاب هاتفة بصوت عالي : انا قولت قبل كدا ان مفيش حد يدخل بعي زي ما انا بلتزم بالمواعيد يبقى لازم الكل يلتزم واظن اكبر دليل اني مش بتعامل مع حد بتمييز اني طردت اختي من المحاضرة

قالت جملتها وهي تنظر الى احدى الفتيات التي كانت تتحدث مع صديقتها ان روما تفرق بين اختها وباقي الطلاب

الكل يشهد قوة روما وذكائها فهي تربت على القوة وعدم الخضوع كل ما مرت به في حياتها كان يزيدها قوة على قوتها فصنعت منها شخصية يهابها الجميع ويحترمها الكبير قبل الصغير

------

لمار: عجبك كدا

يارا: وانا مالي وبعدين انا كنت مصحياها من النوم مكنتش متعصبة كدا

لمار: وهنعمل ايه بقى ياختي في المحاضرة

يارا: ولا حاجة هي كدا كدا اللي مش فاهم حاجة بتشرحها ليه فاحنا هنذاكر ولو مفهمناش منخليها تشرحلنا

----------------------------------------------------------------------------------------------------------------

تحت امرك يا افندم..... هبلغ الجميع يافندم...احمد بيه مش جاي هو كمان....تمام يافندم...حاضر

اغلقت الخط وتوجهت الى الاستقبال في الشركة

ميرا: بلغي الجميع ان مستر اسر واحمد بيه  مسافرين ومش جايين النهاردة وبيبلغوا الجميع ان الشغل هيفضل زي ما هو تحت ادارة مساعد رئيس مجلس الادارة الاستاذ عبدالحميد

موظفة الاستقبال : تمام يا ميرا

صعدت ميرا الى مكتبها مجددا فهي تعمل سكرتيرة في شركة السيوفي فهي السكرتيرة الخاصة ب اسر السيوفي

توجهت الى هاتفها ثم ضغطت على احدى الازرار وانتظرت ان يأتيها الرد

ميرا: الوو ايوة يا حببتي عاملة ايه 

الحمدلله يا بنتي...

ميرا: اخدتي الدوا يا ماما

والدتها: ايوة يا حببتي اخدته

ميرا: طيب يا حببتي انا هخلص الشغل و هشتري اكل وانا جاية متتعبيش نفسك وتعملي

والدتها: ليه يا بنتي

ميرا: عشان متتعبيش يا حببتي وبعدين اهو تغير يلا مش هتأخر عليكي

والدتها: تيجي بالسلامة يا بنتي 

ثم اغلقت الخط وما ان اغلقت الخط الى ان رن هاتفها معلنا عن اتصال جديد

ميرا: انتي فين بقالي اسبوع مشوفتكيش كدا يعني ولا اكني صحبتك ولا اي حاجة ومبتسأليش عليا ما هو الاهتمام مبيطلبش يا ست روما

روما: ايه يا ماما اهدي شوية مش مبطلة رغي كدا ليه وبعدين انا اللي بسأل مش انتي 

ميرا: مدخلناش في التفاصيل

روما: وحشتيني عاملة ايه

ميرا: انا الحمد لله ايه رأيك تجيبي البت يارا وتيجي تتغدي معايا انا وماما النهارده

روما: طيب تمام طنط اصلا وحشتني

ميرا: تمام هشوفك على الغدا

روما: تمام سلام........واغلقو الخط

------------------------------------------------------------------------------------------------------------

شهلي يا ام ادهم الولاد زمانتهم على وصول.......

هناء: حاضر يا عمي خلاص اهو

راشد: وينها صفاء

اتاه الرد من خلفه: انا اهه يا عمي كنت بالمطبخ

راشد: خلصتي الوكل ولا لسه 

صفاء: خلصته يا عمي كلاته

راشد: وينه زوجك

صفاء: محمود راح الشغل من بدري وجال انه هيجي على ميعاد وصول الاستاذ احمد

راشد: وولادك يا هناء

هناء: ادهم راح الشركة وحسام جال انه هيروح مزرعة الخيل

راشد: ومحمد

اتاه الرد من خلفه: انا اهو يا حج

راشد: اخوك جاي ميتي يا ولدي 

محمد: جدامه ساعة ويوصل يا حج

راشد بغموض: منشان اتوحشته هو والولد يا محمد

نظر له محمد بصمت ولم يعلق

اتت تهرول بسعادة

اسماء: يا جدو يا جدو

راشد بابتسامة: خير يا بتي

اسماء: عايزة هدية

راشد: واه هدية ليه

اسماء: منشان عيد ميلادي يا جدي

محمد: كل سنة وانت طيبة يا بتي

راشد: اللي انت عايزاه كلاته يجيلك تحت رجليكي

اسماء: توعدني ادخل كلية في القاهرة

نظر لها محمد بغضب ولكن كلمات الجد لهم جعلته يهدء

راشد: اللي فيه الخير يجدمه ربنا يا بتي

اسماء : يعني ايه

راشد: يعني اللي فيه المصلحة ربنا يجدمه ليكي  يللا همي روحي ساعدي امك ومرات عمك

اسماء بطاعة : حاضر يا جدو

محمد : انت هتسيبها تتدلى مصر يابوي

راشد: سيبها على الله يا ولدي شوف الولاد اتأخروا ليه

دلف الى الداخل وتوجه الى جده وابيه يلقي عليهم التحية

ادهم: صباح الخير يا جدي - صباح الخير يا بوي

راشد: نزلت ميته يا ادهم

ادهم من الصبح يا جدي جولت اعدي على الشركات جبل ما عمي وولاده يجو ووجنها مش هعرف اشتغل واصل 

محمد: طيب اطلع ارتاح عجبال ما يوصلو

ادهم بطاعة: امرك يا بوي ... عن اذنك يا جدي

ادهم السيوفي... احد الاسماء التي يهتز لها الصعيد بسبب قوته وحدته مع الجميع لا يهاب احد سوى جده وابيه بينما الجميه يهايه ويخافون منه ولا احد يجرؤ على مواجهته يبلغ من العمر 30

ووووو

الفصل الثاني من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺