رواية كبرياء العشق الفصل الثاني بقلم الكاتبه شيماء طارق حصريه وجديده على مدونة النجم المتوهج
رواية كبرياء العشق الفصل الثاني بقلم الكاتبه شيماء طارق حصريه وجديده
يتعالى صوت الضحكات بين الفتيات وتلك السيدة القابعة امامهم والدة ميرا والصديقة المقربة لوالدة روما ويارا
تهتف مها والدة ميرا : انتي عمرك ما هتتغيري يا يارا
يارا: والله يا طنط معملتش حاجة كل الموضوع ان دكتور مهاب الرخم جه متأخر وخلص السكشن متأخر قلنا هنقعد فيالكافتريا انا ولمار لحد ميعاد محاضرة روما اتفاجأنا ان الوقت عدا
روما: مش مشكلتي انك عايزة تقعدي في الكافتريا وانتي عارفة اني مبتهاونش في الاخطاء
يارا: بس مكانش ينفع تزعقيلي كدا قدام الكل
ميرا: يا بنتي اختك لو ما زعقتش واتعصبت على الكل متبقاش روما
يارا: والله معكي حق دي عصبيتها رخمة قوي
ميرا: ولا لما دمغها بتقفل
يارا: بتيقى دماغ صعيدي
تعالت ضحكات ميرا ويارا بينما تبادلت مها وروما النظرات في صمت ثم نظرت روما الى الساعة التي بيدها قم وقفت
روما: يلا يا يارا بقى الوقت اتأخر
مها: ما لسه بدري يا بنتي
روما: عشان يارا تلحق تذاكر قبل ما تنام وانا اخلص شوية حاجات ورايا
ميرا: كنت عايزاكو تباتو معانا النهارده
روما: مرة تانية بقى وبعدين متنسيش اننا هنسافر مع بعض كلنا بعد امتحانات يارا
ميرا ويارا: انا متحمسة جدا للسفرية دي
ضحكوا الاثنتان
ميرا: لسه مصممة متقوللناش هنسافر فين
روما: مكتن جديد انتو مسافرتوش ليه عشان كدا هخليها مفاجأة
يارا: يا خوفي من مفجأتك
روما: طيب يلا يا خفيفة خلينا نروح
--------------------------------------------------------------------------------------------------------------------
تدخل الى شقتها وتدلف الى الداخل وتدخل الى انفها رائحة التي تشتهيها تدلف الى المطبخ تجد والدها يقف يطهي لهم الطعام
لمار: الله الله الله على الروائح الجميلة
يلتفت اليها محسن بابتسامة
محسن: مش هتبطلي تدخلي فجأة كدا
لمار: ومين يخضك يا جميل
محسن: يا بنت اتلمي
لمار بخفوت: امال فين ابنك المفتري
اتاها الرد بعد ان تلقت يد على مؤخرة رأسها
اياد: بقى انا نفتري
لمار بتذمر: امال دا تسميه ايه يا باشا
اياد: دي محبة يا متخلفة
لمارك بقى انا متخلة يا ابو خمسين في المية
اياد: خمسين في المية والبلد كلها تقف احترام ليا احسن ما اتعب وابقى زيك 95 في المية ومحدش بيحترمني ولا يعملي اعتبار
لمار: اهو اتنفخ علينا اهو
محسن: بس بقى انتو الاتنين مش عاملينلي احترام ولا ايه
لمار: سوري يا بابا
اياد بسخرية: سوري...الله يرحم
لمار: ياض اتلم
امسكها اياد من ملابسها : بتقولي ليه
لمار: مبقولش حاجة يا باشا سيبني بقى
اياد: عشان الحج بس
محسن: وهو انت خليت فيها حج
اياد: طيب انا عايزكو في موضوع
لمار: خير
محسن: نتغدا الاول وبعدين نبقى نتكلم
اياد: تمام
محسن النجار والد اياد ولمار توفيت زوجته اثناء ولادتها لابنها الاصغر الذي توفي بعدها بشهر
محسن رجل حكيم طيب القلب لم يتزوج مرة اخرى ويحب ابناءه بشدة
اياد النجار رائد شرطة شديد و عصبي ولكنه يحب اخته جدا ويتعامل مع الجميع بحزم ولا يتهاون في عمله..
محسن بهدوء: وانت بتعرفنا ولا بتاخد رأينا
اياد: مش كدا يا بابا بقول لحضرتك اللي حصل
لمار: يعني المفروض اننا نجهز نفسنا اننا ننقل لبلد تانية منعرفش فيها حد ولا حد يعرفنا ونسيب كل اللي ورانا عشان خاطر شغلك
اياد: مش كدا انا ما قلتش كدا
محسن : قول اللي عندك
اياد: يا بابا انا هتنقل هخدم في مكان تاني وكمان هناك في تجار في كل حاجة وانا اتكلفت من قبل الادارة عندي بأني اوصل للتجار دول فلازم انتقل بالنسبة انكو تكونو معايا دي برغبتكم بس انتو عارفين اني مش هقدر اعيش لوحدي من غيركو
محسن: رأيك ايه يا لمار
لمار: يا بابا انا لسه فاضلي سنتين في الكلية عايزني انقل منها عشان اروح مكان معرفهوش
اياد: بصي يا ستي لو معجبكيش الوضع هناك ابقى ارجعي تاني وانا ابقى انزل اجازة ليكو اشوفكو
لمار: طيب سيبني افكر
محسن: طيب يا اياد موفقين
لمار: ايه يا بابا انا لسه ما فكرتش
محسن: كدا كدا هتوفقي لازمتها ايه التفكير
لمار: تصدق اقتنعت
اياد: هبلة
نظرت له لمار بغضب ولم تعقب
---------------------------------------------------------------------------------------------
على طاولة الطعام
مبتاكولش ليه يا سيف......
سيف وهو ينظر الى الطعام الذي امامه ولا يفهم ما هو
سيف: انا باكول يا جدو
راشد: مش باين يا ولدي
سيف: لا لا باكول والله
واخذ يضع الطعام في فمه بقرف ولكنه سرعان ما استمتع به فقد اعجبه بشدة
اسر بخفوت : شكلك هتتربى من جديد
نظر له سيف ولكنه اكمل طعامه
ادهم: اخبار الشغل ايه معاك يا اسر
اسرك كله تمام بس محتاج توقيع جدي على شوية اوراق
راشد: اوراج ايه ديه يا ولدي
اسر: هشتري الارض اللي جنب الشركة وهعمل توسيع للشركة وكمان فب صفقتين هدخلهم وحتاج توقيع حضرتك عشان حضرتك المسئول عن الشركات
راشد: بعد الوكل هعملك اللي انت عاوزه
حسام: عملت ايه يا ادهم مع ابن الشرقاوي
ادهم: سيبه يلعب لحد ما يجيب اخره
حسام: بس خلي بالك منه
اسر: هو لسه برضه مش راضي يسكت
حسام: لا وعايز يوقع الشركات بأي شكل وجده حسن الشرقاوي بيقويه وخصوصا ان في عداوة بينه وبين جدي
نظر اسر الى ادهم فابتسموا الاثنان وهزوا رؤوسهم بالموافقة وكان هذا تصريح لمن حولهم بان نهاية ابن الشرقاوي على يديهم فكل منهم يملك القوة والذكاء فماذا لو اجتمعوا الاثنان معا
نظر لهم راشد وهتف: متعملوش حاجة وسيبوه زي ما هو يلعب ويجيب اخره
احمد: ازاي يا بابا لازم يقف عند حده
محمد: بالظبط لازم يعرف هو بيتعامل مع مين
محمود: لااه لازمن يجيب اخره لاول وبعدين نضربو احنا ضربتنا عشان ساعتها ميبجالوش جومة تاني
اسر: بس كدا هيفتكر اننا ضعاف
راشد: الضعيف ضعيف العجل يا ولدي وانت عجلك يوزن بلد بلاش التهور والغضب يعميك
ادهم: جدي وعمي محمود معهم حق خصوصا ان اي ضربة هتيجي لابن الشرقاوي هيبقى من المؤكد ان احنا اللي وراها وكدا هنحط نفسنا في مشاكل اكتر مع عيلة الشرقاوي
حسام وهو ينظر الى سيف الذي يكمل طعامه ولا يهتم لمن حوله
حسام : انت ايه رأيك يا سيف
سيف بدون وعي: الاكل جميل جدا تسلم ايدك يا طنط صفاء انتي وطنط هناء
ضحك الجميع عليه فانتبه لهم ولكنه ادرك ما تفوه به وانه لم يشاركهم الحديث
سيف: بصوا بقى انا وقت الاكل مليش في الشغل عايزين افكاري وعقلي يبقى بعد اما اخلص اكل
ضحكوا مجددا فهم يعلمون بذكائه ولكن يعلمون انه لا يحب الشغل في اوقات الطعام
راشد: يارب تفضل لمتنا ديه ديما
الجميع يارب
اسر: عاملة ايه يا اسماء مش سامعنلك حس يعني
اسماء: اسكت بقى الامتحانات قربت
اسر: اةنت من امتى بتهتمي بالامتحانات
اسماء بسعادة: اصل جدو قال ان انا لو جبت مجموع كويس هدخل الجامعة في القاهرة
محمد: جال ربنا يسهل مجالش انه وافج
اسماء: بجد يا جدو يعني حضرتك مش هتوافق
راشد: شدي حيلك انتي بس وسيبي الباجي على ربنا
ثم وجه حديثه لاحفاده وابناءه .. عايزكو بعد الوكل
نظر الجميع لبعضهم ولكنهم اكملوا الطعام في صمت
بعد انتهاء الطعام ******
محمود : خير يا بوي
راشد: اجعدوا بس
جلس الجميع وهم مترقبين لما سيقوله الجد
راشد: مرتك مجاتش معاك ليه يا احمد
نظر احمد الى ابناءه ثم وجه نظره الى ابيه وقال
احمد: ما انت عارف با بوي هي مبتحبش جو الصعيد اهنه
راشد: مش مهم ابجى عرفها انك هتجعد اهنه على طول لو رفضت طلجها لانك مش هتسافر تاني يا ولدي وهتجعد اهنه معايا انا و اخواتك
نظر الجميع الى راشد الذي اكمل حديثه وه يعلم المعارضات التي ستواجهه
راشد: وسيف كومان هيفضل اهنه وهيشتغل مع وابن عمه ادهم وحسان هيتدلى القاهرة مع اسر يخلصوا الشغل هناك ويشوفو ناجص ايه ويعاودو اهنه تاني ويبجى اسر يتابع الشغل من اهنه
احمد: يعني ايه يا بوي
راشد: يعني انا هلم عيلتي حوليا من تاني يا احمد وهتعيش معايا انت وولادك ومرتك واللي مش موافج الباب اهو يفوت جمل بس اللي هيمشي ميستناش مني مليم
ثم نهض وتركهم خلفه ينظرون الى بعضهم
سيف: يعني ايه يا بابا انا هعيش هنا هعين في المنيا
احمد: انت سمعت
سيف: بس انت عارف اني مبحبش اعيش هنا لا وكمان هتجيب ماما ازاي ولا هتطلقها زي ما جدي قال
محمود: اهدى يا ولدي
سيف: انت مش سامع يا عمي هو قال ايه لا ومحدش اعترض خالص
ادهم: اكيد فيه حل يا سيف اهدى
حسام: طيب وانا هنزل القاهرة ليه
سيف: وانا اقعد هنا ليه
محمد: ما تهدا بقى يا سيف لحد ما نفهم فيه ايه
ادهم: انت ساكت ليه يا اسر
اسر بهدوء وهو ينظر اليهم: الموضوع هو ابعاد سيف عن القاهرة ودا اللي احنا منعرفش ليه بس ماما كمان تيجي الصعيد ولو مجاتش تبقى تطلق يبقى الموضوع فيه حاجة
ابتسم راشد على ذكاء حفيده فهو كان يستمع لحوارهم نظر الجميع الى اسر بدهشة من تحليله للموقف ولكنهم يريدون معرفة الاجابة على ما يحدث بينما تنهد راشد وذهب الى غرفته وجلس على فراشه وهو يحادث نفسه
راشد: وبعدهالك يا شرجاوي ناوي على ايه
ثم اخرج من جيبه محفظته والتي تحتوي على صورة لطفل رضيع لم يكتمل شهر من عمره
راشد: يا ترى انت فين دلوجت كله بسبب الشرجاوي بس وحياة غلاوتك عندي لهكون مندمه على كل اللي عمله
************************************************************************
مرت الايام وابتدت امتحانات يارا ولمار وايضا بدأ اسر هو وحسام اختيار الشخص الموثوق به لكي يدير الشركة اثناء غيابهم اسر كان متأكد من عدم اطالتهم لهذا الغياب فيوجد سر لا يعلمه الا الجد والذي بسببه يجمع الجميع حوله بينما سيف استمتع كثيرا على عكس ما كان يتوقع ولكنه لا يحب التقيد والاوامر وهذا ما يفعله ادهم به بينما احمد اجرى اتصال ب ميرفت ليعلمها ما حدث ويخيرها
ميرفت: يعني انت بتقولي لا اما اكون معاكفي الصعيد يا احمد يا اما تطلقني مش كدا
احمد: دا اللي عندي والست لازم تكون مكان ما يكون جوزها
ميرفت: بس دا مكانش كلامك في الاول
احمد: واهو اتغير اسمعي ابنك هينزل القاهرة يزبط حاجات في الشغل هو وابن عمه وهيرجع تاني المنيا عايزة تيجي معاه اهلا وسهلا مش عايزة يبقى تستني ورقة طلاقك .............ثم اغلق الخط
ميرفت: كدا يا احمد ماشي
مرت الايام وها هو اخر يوم في الامتحانات
يارا: ياه اخيرا خلصنا
لمار بشرود: اهاا
يارا: مالك يا لمار
لمار:هنسافر
يارا: واحنا كمان روما قالت هتخلينا نسافر الاجازة في مكان مروحنهوش قبل كدا
لمار: هنسافر تبع شغل اخويا وهنقل لكلية تانية
يارا: نعممم
لمار: اخويا مش عايز يبعد عننا واحنا مش هنقدر نبعد عنه انتي عارفة من بعد ماما الله يرحمها واحنا ما بنفترقش ابدا
يارا: بسس
لمار: هتفضلي صحبتي وهنقعد نتكلم كل يوم واياد قالي لو مش مرتاحة في الكلية هناك هيرجعلي ورقي تاني القاهرة
اتت اليهم روما
روما: مش يللا يا بنات عشان نروح
احتضنت يارا لمار وودعتها بعد ان دعت لها بالسعادة وشددت عليها بأنها يجب ان تحادثها كل يوم
روما: مالك بتودعيها زي اما تكوني مش هتشوفيها تاني
يارا: اخوها هيسافر محتفظة تانية عشان شغله وهي هتنقل ورقها في الكلية هناك
روما: اياد ... غريبة ما قليش
اتى من خلفها
اياد: اصل انا واطي
يارا بخضة : يا لهوي مش هتبطل الخضة دي
روما: كويس انك عارف نفسك ... هتسافر ليه
اياد: شغل يا روما بس هفضل على اتصال بيكي متقلقيش
روما: والشغل دا جه فجأة كدا
اياد: انا شغلي كله مفجأت
روما: تقوم تنقل البيت كله
اياد: مقدرش اعيش من غيرهم ما انتي عارفة
يارا: طيب خد عمو محسن وسيب لمار
اياد: هي خضار خد دا وسيب دا
يارا: انت رخم اصلا
اياد: عارف
روما: انت جاي ليه
اياد: جاي اودعكو عشان هنسافر بليل بأذن الله
روما: تروح وترجع بالسلامه ابقى اتصل طمني لما توصل
اياد: تمام ابقي سلميلي على ميرا وطنط مها عشان مش هلحق
روما: يوصل بأذن الله
ثم غادر اياد
يارا: مسئلنهوش مسافر فين
روما: لما يبقى يتصل بينا نسئلو يللا دلوقتي عشان هنروح عند طنط مها هنسافر الصبح
يارا: ايوة بقى
************************************
في صباح اليوم التالي
ميرا: هنروح فين بقى
روما وهي تنظر الى مها: هنروح المنيا
شهقت مها وضربت على صدرها بخضة
مها: لا لا مش هنروح
روما: لا الزم نروح
نها: يا بنتي متفتحيش في القديم
روما: القديم متقفلش يا طنط عشان انا افتح فيه
مها: انسيه بقى ةعيشي
روما: محدش بينسى يا طنط
ميرا : هو في ايه
روما: مفيش يللا عشان نلحق نوصل
يارا بخيبة امل: هنقضي الاجازة في المنيا وانا اللي كنت مفكرة اني هستمتع
روما: يللا عشان هنتأخر كدا
مها: يا رب استرها يا رب
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات