رواية كعموشا الحلقه الثالثه والرابعه بقلم الكاتب محمد منصور حصريه وجديده
رواية كعموشا الحلقه الثالثه والرابعه بقلم الكاتب محمد منصور حصريه وجديده
وبدا يلف حوالين منهم وقال
يا جماعه السكوت دة يخوف اكتر من كلامكم. طيب انا كنت بتفرج علي فيديو والباقة خلصت في ردو عليه
طيب انا اخرج ازاي من هنا.
وفضل سعد يلف ويدور وكلهم لسة ثابتين و فجاة. سعد قال
استوب وانا مش هكمل التهريج اللي بيحصل دة
وقت ما سعد قال كدة كان جوة استديو وفي كاست كامل من مهندسين صوت ل مونتاج ل مصورين ل ممثلين ل اخراج قاعدين قصاد منه وقام من علي كرسي الاخراج راجل في الستينات من عمره لابس بدله تدل قد اية هو غني وساعة من الماظ الحر والراجل دة اسمه الخواجة اللي قرب من سعد وقال
يعني اية مش هتكمل انت واخد ملايين علشان تنفذ اللي انا بأمرك بي.
سعد
وانا يا خواجة جبت اخري من التهريج دة واللي انت بتصوره دة ما حصلش للمطرب الوطني العربي اللي عاش عندنا في مصر هربان منكم. سعد كريم اللي انتم خليته اسمي علي اسمه
و جايبني علشان اضحك الناس عليه. وعلي قصة كلها كذب تخص مرضه ب كعموشا واللي هي شتيمة لي وتريقة علي قصره ووشه اللي في علامات تعذيب اليهود لي.
الخواجة
وانت من امتي يا جربوع مهتم بالتاريخ انت نسيت لما جيت لي هنا مكتبي مكسور والفقر والجوع معلمين في جسمك وطلبت مني اكتشفك واعمل لك نجم. وحصل وتفتكر اني عملت منك نجم علشان موهبتك تبقي حمار انت زيرو موهبه لكني عملت منك نجم في التمثيل والغناء علشان تنفذ اللي رئيس مجلس العالم عايزك تنفذه. ما هو لما شاف فيك شبه من سعد قرر يخليك نجم علشان تصور قصة حياته وتنزل فيلم يلف العالم كله
سعد
واية الغرض من تشويه صورة مطرب ميت زي سعد كريم واظهار عيلته بالشكل السخيف دة وكمان طلعتو سواق ميكروباص مجنون. بيشوف و بيتخيل ناس مش موجودة. ما الراجل مات خلاص سيبو في حاله بقي
الخواجة
انت مالكش الحق تسال وانا مش هنا علشان اجاوب. اللي زيك خدام جاي تصور اللي مكتوب وبس حتي لو انت شايف انه كدب. ودة اتفاقنا معاك وانت واخد ثمن اللي بتعملو دة روح يا بابا اقف قصاد الكاميرا علشان نكمل تصوير. واعرف ان في قانونا الارجوز اللي زيك يطلع يمثل ويغني اللي احنا عايزينه وبس
سعد
انا مش اراجوز ومش هكمل تشويه في صورة الراجل الميت اللي كلنا اتعلمنا منه الوطنيه والشرف وفلوسك هترجع لك
و سابه سعد ومشي ابتسم الخواجة وطلع موبيله وقال
ازيك يا استاذ يا ملك البرامج المثيرة للجدل هبعت لك كام صورة ل فنان الجيل سعد كريم وهو في احضان مدير اعماله توفيق وبيروج للشذوذ
وخلصت المكالمة وبعت الصور وقعد الخواجة علي كرسي وابتسم ابتسامة الشيطان،،،،،،،
كعموشا
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعدها بيوم بالظبط كان سعد قاعد في مكتبه وقصاد منه مدير اعماله توفيق اللي كان متعصب اوي وبيقول
يعني انت ترفض تكمل الفيلم وانا يتشوه صورتي بالطريقة دي طيب لية بتعمل فينا كدة
سعد
مش انت لوحدك اللي صورتك اتشوهت ما انا كمان صورتي اتشوهت وبقيت لبانه في بوق اي واطي لي حساب معايا وعايز يصفي وانا عارف ان الخواجة وراء كل اللي بيحصل دة
توفيق
سعد اسمعني كويس انا عندي بنات علي وش جواز وفضيحة زي دي انت عارف في مجتمعنا هتوصلنا ل اية. ف احسن لك ترجع عن اللي في دماغك
سعد
مش هرجع واعلي ما في خيلهم يركبو دول عايزين يزيفو التاريخ ويحولو بطل زي سعد كريم وقف قصاد منهم باغاني ويا ما عذبو لمجرد مجنون وبطريقة كلها استخفاف واهانه
توفيق
وانت مالك. انت مالك ما تعمل اللي بيتقال عليه وخلاص هو انت من امتي كنت ثورجي ولا انت فاكر ان دة اخرهم لا يا سعد دول معاهم كل حاجة ويقدرو يحرموك من اهلك واحد وراء التاني بعد ما يرجعوك زي ما كنت ماحلتكش اي حاجة
سعد بص ل توفيق وفضل ساكت وتوفيق كمل وقال
الخواجة كلمني وعنده استعداد يرجع كل حاجة زي الاول و البرنامج اللي شنع علينا هيتقفل علشان يبان قصاد الناس ان المجلس الاعلي للاعلام هو اللي واخد القرار دة
سعد
ونكون السبب في اهانه راجل ميت ضحي علشان قضيتنا كلنا كتير ونطلعه مجنون
توفيق
الحي ابقي من الميت احسبها صح علشان كلنا نكسب
سعد رجع يسكت تاني والقرار بقي صعب،،،،،،،،
سعد كان جوة الاستديو وقت ما الخواجة كان باصص له وبيقول
الاعتذار نزل بالبونط العريض علي كل المواقع والمذيع اللي فضحك قريب هيتحاكم بتهمة السب والقذف انا كدة عملت اللي عليه جاهز يا نجم تعمل اللي عليك
سعد بصوت مكسور
جاهز
الخواجه فرح اوي وقال
برافو سعد كلنا كنا عارفين انك هترجع
وندهه الخواجه علي المساعد بتاعه مايكل وجه مايكل ووقف قصاد منه وقال
اوامرك يا خواجه
الخواجه
جهز الاستديو وعرف الكاست كله اننا من تاني راجعين نكمل فيلم. كعموشا
وبص الخواجة ل سعد وابتسم ابتسامة الشيطان، """
ح(4)
خلص الفيلم بالحلو والمر اللي في ممكن بقي نركز في الخطوة اللي جاية
دة اللي قاله توفيق ل سعد اللي اتنهد وقعد علي اقرب كرسي في مكتب توفيق وقال
انا مش طايق نفسي
توفيق
لا. روق كدة ولا انت ناسي انك النهاردة رايح تخطب نرمين حبيبه قلبك بنت السفير صادق
سعد
انا مش عارف هروح لهم ازاي وانا مودي بايظ كدة
توفيق طلع سيجارة حشيش وقال
اشرب دي وانت مودك هيبقي غير
سعد بص للسيجارة وقال
ودي تنفع النهاردة
توفيق
وهي تنفع الا النهاردة يا عريس
مسكها سعد وحطها في بوقه وقال ل توفيق
طيب ولع بقي خلي الكلام يحلو
ولع توفيق السيجارة وخد نفس عميق وغمض عيونه ورفع وشه ل فوق لكن ملامح وشه عجبته لما سمع
هيلهع هيلهع هيلهع
بص للي بيضحك كدة لقي عوض اللي كان مع في الفيلم قاعد قصاد منه دعك عيونه وبص حوالين منه عمال يدور علي توفيق وملقاش توفيق فقال ل عوض
كان في توفيق هنا
عوض
توفيق الدقن مات يا سعد يا ابن خالي اروح اجيب المليجي
سعد
انا مش ابن خالك احنا كنا بنمثل مع بعض في فيلم كعموشا وخلاص الفيلم خلص
عوض
نزل علي التتر كلمة ثا ايند
سعد
ثا ايند. انت تعرف ثا ايند
عوض
اومال دة انا خريج مدارس ويلكم دادي شوجر
وضحك تاني
هيلهع هيلهع هيلهع
سعد قام وقف وهو مفزوع وقال
توففففففففففيق،،،،،،،،،،
كعموشا
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعدها بكام ساعة كان توفيق وسعد جوة عربيه توفيق قصاد قصر السفير صادق وكان سعد بيقول ل توفيق
مابلاش ندخل انا حاسس اني مش مظبوط
توفيق
مالك يا سعد ما كنتش سيجارة حشيش اللي انت شربتها تعمل فيك كدة
سعد
يا عم صدقني والله انت مشيت من هنا وعوض ظهر لي
توفيق
عوض دة ممثل و انا بنفسي اتصلت بي قصاد منك وقال انه في لوكيشن تصوير تاني
سعد
اومال انا شوفت مين وكان قاعد يقولي هيلهع
توفيق
سعد انا ما قومتش من قدامك لكن باين اوي ان السيجارة خليت دماغك تلف. ف يلا بقي لم اللي فاضل من تركيزك وخلينا نخش نجوزك ونخلص منك. يا عم نفسي امشي في جوازتك
في الوقت دة رنت نرمين عليه بص للموبيل وقال
دي نرمين بتتصل
توفيق
قولها احنا داخلين
رد عليها سعد وقال
انا علي الباب اهو
نرمين
طيب يلا فاضل اتنين دقيقة
و العشر دقايق بتوعك اللي واخداهم من بابا بالعافية يبداو
سعد
ولية بالعافية ما هو لو مش موافق عليه اروح
نرمين
موافق بس وقته ضيق خش بقي وبطل رغي ،،،،،،
ومن جوة القصر كان توفيق وسعد قاعدين قصاد السفير اللي كان قاعد وساكت. وباصص في ساعة ايدة وكانه صورة فقال سعد
عمي ان،،،،،
قاطعه السفير وقال
لسة ميعادك معايا هيبدا كمان 30 ثانية. احترم النظام
سكت سعد وبص لتوفيق وهو محرج و عدو ال 30 ثانية وهنا قال السفير
معاك عشرة دقيقة تقول فيها اللي عندك
سعد
عمي انا جاي طالب ايد،،،،،،
قاطعه تاني وقال
موافق يلا فين الماذون ولا تاخدها عندك البيت تجربها سنه او اتنين تشوفها ليها في الجواز ولا. لا
سعد استغرب
عمي في اية بس هو دة كلام يتقال برضو
السفير
احنا عيلة اوبن مريندا. يعني الدنيا عندنا زبادي خلاط صوب واشرب
توفيق ميل علي سعد وقال
هو انت تشرب السيجارة وهو يتسطل
سعد
انا حاسس اني جيت مكان مش تمام
توفيق
طيب اساله كدة لو عنده بنت تانية اخدها اجربها سنه
سعد
انكتم
هنا السفير موبيله رن بنغمه
وعملنا اللي علينا يا دياسطي عملنا اللي علينا
رد السفير وقال
انا مش قايل اني النهاردة من الساعة 3 ل 3.10. بجوز بنتي ومش عايز حد يرن عليه.
سكت شويه وقال
الصفارة معايا وطول م انا اجازة ما حدش هيصفر بيها فاهمين ولا. لا. دة انا السفير يا كلاب
توفيق ميل علي سعد تاني وقال
صفارة اية هو سفير ولا حكم
سعد
الراجل دة عامل دماغ قراقيش
هنا السفير بص لهم وقال
بتقولو اية سمعوني
سعد
ولا حاجة يا عمي انا بس عايز اتكلم معاك بخصوص،،،،،
قاطعه السفير وقال
العغش عليك ودي معروفة واي خشب عليك. والذهب عليك انما الاجهزة الكهربائية واي حاجة بفيشة. معروفة انها عليك والقايمة هتتكتب ب 20 الف بلبل. اصل احنا بنشتري راجل ولا انت مش راجل
سعد كان باصص له ومتنح فقال له السفير
ساكت لية يا ابني. الكلام في الاصول زعلك ولا اية
سعد
لا. خالص انا ب،،،،،
قاطعه وقال
الكلام خلص هو في كلام بعد كلام بابا السفير
سعد وهو بيعيط
نفسي اكمل جمله
السفير
يا خدم يا حشم اتنين شاي في كوبايات بلاستيك علشان الاسطوات خلاص ماشيين
سعد
بس يا عم،،،،،
السفير
ال عشرة دقيقة خلصت
سعد
دة ال 30 ثانية كانو اطول من كدة
السفير وقف وقال
شرفتو،،،،،،،
بعدها بشوية كان سعد وتوفيق خارجين من القصر وفي ايديهم كوبيتين شاي بلاستيك وتوفيق بيقول
اسهل جوازة انا حضرتها في حياتي
سعد
كانت هتبقي احلي لو انا كملت جملة
وسمع زغروطة جاية من جوة القصر فقال سعد
هو انا كدة اتجوزت صح
توفيق خدو بالحضن وقال
مبروك يا صاحبي، ،،،،،،
ورجع سعد فيلته لقي الشيخ كريم قاعد علي الارض بيلزق النظارة بالامير ومراته فاطمة بتمسح السجادة بعد ما ابنها شخ عليها وامه حجازيه بتاكل اندومي سعد برق ومابقاش عارف هو في الفيلم ولا برة، ،،،،،،،
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
إرسال تعليق