رواية ضحية انتقامه الفصل الثالث عشر والرابع عشر والخامس عشر والسادس عشر والاخير بقلم الكاتبه نور محمد حصريه وجديده
رواية ضحية انتقامه الفصل الثالث عشر والرابع عشر والخامس عشر والسادس عشر والاخير بقلم الكاتبه نور محمد حصريه وجديده
وفجأه حسن حس بألم رهيب وحط ايده على قلبه بوجع ووقع على الارض ومحمد فاق وجرى عليه بصدمه ورعب وقال: لااا.. بابا لا بوس ايدك رد عليا يابااااابا
وبعد وقت في المستشفي
خلود بشفقه: كفايه يامحمد بقى اهدى عمي هيبقى كويس ان شاء الله
محمد بدموع: مش قادر ياخلود بابا لو جرى له حاجه بسببي انا ممكن اموت وراه
خلود بسرعه: بعد الشر عنك متقلش كده تاني
محمد بص عليها ببسمه ودموع وفجأه حضرت نسرين
نسرين بدموع: بباك عامل ايه دلوقتي يامحمد طمني
محمد بغضب: انتي ايه اللي جابك هنا مش كفايه اللي حصل بسببك
نسرين ببرود: انا هنا علشان اطمن على جوزي يامحمد وده حقي
محمد ادايق اوي منها وسابها ودخل غرفه تاني وخلود جرت خلفه بسرعه
خلود بقلق: انت كويس يامحمد
محمد بضيق: لا مش كويس ومش هبقى كويس ومرتاح قبل مااخلص من العقربه دي
خلود ببسمه: طيب انا هقولك نخلص منها ازاي
محمد بانتباه: قولي ياخلود بسرعه انتي عندك خطه حلوه
خلود: ايوه عندي انا قبل ما اطلع من البيت ويحصل اللي حصل بينا يامحمد بسببها سمعتها بتتكلم مع حد وبتتفق معاه انها تروحه وكنت هقولك بس ملحقتش بسبب اللي حصل
محمد بسرعه: قصدك ان نفسه الولد اللي كان معاكي في الاوضه هو عشيـ'قها وابو الطفل ده
خلود بتأكيد: ايوه باظبط كده انا متأكده انه ابو الطفل ده
محمد بخبث: تمام انا هعرف اجيبه ازاي؟
خلود بقلق عليه: هتعمل ايه يامحمد ارجوك قولي متقلقنيش عليك
محمد ببسمه: اهدي ياحبيبتي وانا هفهمك كل حاجه
بقلم نور محمد
وبعد وقت فاق ابو محمد الحمد لله وصحته تحسنت شويه
محمد بتخطيط: خلود خليكي هنا جنب بابا وانا عرفت مكان الحيوان ده هروح اجيبه هنا بسرعه علشان يعترف بكل حاجه قدام بابا ماشي
خلود بقلق: ماشي بس خلي بالك من نفسك
محمد: ان شاء الله
وفعلا محمد بعد وقت وصل للعنوان اللي عرفه من الرقم اللي رد عليه في فون نسرين وقف محمد قدام شقه قديمه وبدون مقدمات دفع الباب قدامه بقوه ودخل بغضب
بقلم نور محمد
وفجأه انصدم لما لقى شاب قدامه على الكنبه وهو شبه عا*ري وفي حضنه بنت بشكل زباله
محمد بسخريه: الله ده انت طلعت مقضـ'يها بقى مش نسرين بس ياشبح
الشاب اتفزع منه والبنت جرت على اوضه التانيه بسرعه ومحمد قرب منه بخبث وقال: قوم معايا ياله علشان تلم الزباله بتاعتك
الشاب بخوف: محمد انت انت عرفت مكاني ازاي؟!
محمد مسكه من رقبته بقوه وقال: مش مهم تعرف عرفت ازاي المهم تعرف انا هعمل فيك ايه
الشاب بخوف: لا انا مظلوم دي نسرين السبب مش انا
محمد بسخريه: تاني هيقولي مظلوم زي ماضحك عليا اول مره قدامي ياحيلتها علشان تاخد حقك يامظلوم
الشاب بتوتر: طب اغير هدومي الاول هخرج كده قدام الناس يعني
محمد بحده: ايوه هتخرج كده ولو كترت كلام معايا هتخرج ملـ'ط خالص قدامي ياض يالا
الشاب خاف اوي من محمد وخرج قدامه بخوف
*****************
وفي نفس الوقت في المستشفي
خلود بحزن: كل يابابا ابوس ايدك علشان تاخد العلاج
حسن بدموع: مش عاوز او قادر اكل يابنتي والله سبيني دلوقتي
خلود بصت عليه بحزن وشفقه ونسرين دخلت ببرود
نسرين: عامل ايه دلوقتي ياحسن
حسن بتعب: الحمد لله على كل حال
نسرين قعدت جنبه تحت نظرات خلود الخارقه لها وفجأه دخل محمد ومعاه الشاب وهو بيجره من قفاه
محمد بغضب: ادخل ياض بقولك كفايه تعبتني معاك
نسرين بلعت ريقها اول ماشفته وحسن نطق بتعب: مين ده يامحمد وازاي تجيبه هنا باشكل ده يابني
محمد بص على نسرين بخبث ومسك الشاب بغضب وقال: ده يبقى عشـ'يق مراتك المصون يابابا وابو ابنها
حسن بصدمه: انت بتقول ايه يامحمد؟
محمد ببرود: بقول الحقيقه يابابا.. ووجه نظره لشاب بغضب كبير وقال: انطق ياض الحقيقه احسن ارحلك من هنا على قبرك
الشاب بخوف: ايوه ايوه انا انا عشـ'يق نسرين مراتك وابو طفل ده
نسرين بلعت ريقها برعب وحسن بص عليها بغضب وقال: روحي وانتي طالق باتلاته غوري يازباله يار*مه بقلم الكاتبه نور محمد
نسرين انصدمت منه ومحمد تنفس براحه ومسك الشاب بقوه وقال: الحمد لله انا كده ارتحت اوي عن ازنك بقى يابابا هطلع الزباله دي ارميها في صندوق الزباله بره وراجع فورا
حسن اكتفى بهز رأسه بس بدموع ووجع وخلود وقفت وشمرت ايدها بتوعد وقالت بشماته: استنى يامحمد في كيس زباله تاني عاوز يترمي معاه
محمد ابتسم بحب لما لقى خلود مسكت نسرين من شعرها وجرتها خلفه للخارج
*****************
وعلى الجهه الاخرى في القسم
مراد قعد يحكي الحكايه من اولها لعز وقال
:الحكايه اني كنت بحب اخت عمده في الصعيد اللي اسمه حمدان من اول ماشوفتها في الارض بتاعتهم وانا قلبي اتعلق بيها ورحت طلبتها من اخويا بس هو رفض وقال انا اختي متتجوزش حد من البندر او تطلع بره البلد بتاعتها وانا حاولت معاك كتير بس بدون جدوى وفي الاخر قولت لنوال امك اننا نجوز في السر وبعدها نحط اخوها تحت الامر الواقع علشان يقبل جوازنا وهي وافقه علشان كانت بتحبني اوي بس بعد مابقت حامل اخوها عرف واخدها مني وهددني انه هيقتلها ويخلص من عا*رها وانا حاولت معاه كتير وترجيته يسيبني اخدها علشان ابني بس هو رفض وبعدها عدت الشهور ووصلت لشهر الولاده وتعبت اوي منه فاخدها للمستشفي وانا كنت منتظر اللحظه دي بفارغ الصبر علشان دورت عليها كتير في كل مكان ممكن حمدان يخبيها فيه بس مقدرتش الاقيها ولما وصلت للمستشفي قالولي انها ماتت هي وابني وهي بتولده وانا تحطمت وقتها ومعرفتش اعمل ايه فسبت البلد كلها ورجعت بلدي وحلفت بعدها مش هجوز وحده تاني وهعيش بس على زكرياتي معاها وده اللي حصل يابني
عز نزلت دموعه بحزن كبير وقال:يعني احمد في وقتها كان مع ماما نعمه وشاف اخت العمده اللي هي امي الحقيقه بالصدفه وهي علشان خافت غليا من خالي قالتله ياخدني يربيني
نعمه بدموع:ايوه يابني واحمد جابك ليا وقالي انك ابني الحقيقي
عز:يعني انا كان محكوم عليا بالموت من وقتها
مراد بشفقه:لا متقولش كده ربنا كان بيحبك فنجاك ليا ياحبيبي وانا هعوضك عن كل شئ ياعز اوعدك
نعمه سمعته ونزلت دموعها ووقفت بحزن وقالت:طيب انا همشي بقى مدام كل حاجه رجعت لاصلها
توجهت للباب بس عز مسك ايدها بسرعه:انتي رايحه فين ياماما
نعمه بدموع:هرجع بيتي يابني خلاص انا دوري هنا خلص
عز بسرعه:لا لا انتي مش هتروحي لمكان انا صحيح مشوفتش امي الحقيقه بس انتي امي اللي ربتني ومقدرش اعيش من غيرك
نعمه قربت حضنته بحنان كبير وعز بص على مراد وقال:انا مش هسيب امي مكان ماهتكون امي انا هفضل معاها
مراد ببسمه:وده حقك طبعا ياحبيبي ونعمه هتاجي تعيش معاك ومش هتسيبك
عز فرح اوي وكمان نعمه وفجأه دخل الظابط وقال:مراد بيه مش كفايه كده احنا لازم نكمل التحقيق لو سمحت
مراد ببرود:تحقيق ايه ياحضرت الظابط انا ابني بريئ ومفيش دليل عليه
الظابط بصدمه:بريئ ازاي والفديو اللي يثبت تهمته
مراد بجديه:الفديو ده ميعتبرش دليل وفيه شهود على الحادث ولو لاحظت ان احمد كان بيتخانق مع عز علشان امه مش كده يانعمه
نعمه بتأكيد:ايوه احمد اعترف انه كان عاوز يخلص من ابني قدامي وبعدها كان عاوز ياخدي معاه وعز اللي منعه
مراد ببرود:يعني احمد ده مجرم ويستحق الموت بس ابني قتله بدون قصد وانا مستعد ادفع أي كفاله انتو تطلبوها
الظابط:كلامك ده مش دليل يامراد بيه دي جريمه قتل و
قاطعه دخول دكتور الطب الشرعي وهو بيقول:المريض ممتش بسبب اصابته المريض كان عنده سرطان وفي المرحله الاخيره وهو كان سبب موته في الوقت ده لان الاصابه بتاعته كانت سطحيه
الكل انصدم من الخبر ده ومراد تهند براحه وقال:الحمد لله يعني ابني مقتلوش ده قضاء ربنا اقدر اخد ابني دلوقتي ياحضرت الظابط
الظابط:تمام تقدر تاخده دلوقتي
مراد سمعه واخد عز ونعمه وفيروز وخرج من القسم وقال:هتاجي معايا فورا على بيتك الحقيقي ياحبيبي اكيد هيعجبك اوي
عز ابتسم ليه بحب ومشى معاه
********************
وفي الليل عند نسرين
كانت نسرين في شقه نفس الشاب وهي حضناه بحب وقالت:محمود انت هتتجوزي دلوقتي صح
محمود بجمود:لا طبعا
نسرين بصدمه:قصدك ايه يعني مش هتتجوزني علشان ابنك اللي في بطني حتي
محمود ببرود:وانا قولتلك احملي مني ياحلوه دي غلطتك انتي وبعدين انا اتأكد منين انك حامل في ابني مش يمكن يطلع ابن حد تاني
نسرين بدموع:لا والله ده ابنك انت يامحمود صدقني والنبي ماتسيبني احنا لازم نجوز بعد شهور العده علطول
محمود بملل:بقولك ايه يانسرين انا مش بتاع جواز لو عاوزه تخلصي منه ونكمل مع بعض كده تمام مش عاوزه شيلتك وتشيليها ياحلوه بعيد عني
نسرين بغضب ودموع:انت حيوان وسافل وابن كلب
محمود اسودت عنيه من كلامها ومسكها بقوه من شعرها وقال:انا هفرجك ابن الكلب هيعمل فيكي ايه يار*خيصه يارما*مه
خلص كلامه ونزل فيها ضرب بدون رحمه لغايه مابقت تنز*ف بقوه بس محمود متأثرت من حالتها بل العكس سحبها من شعرها بقوه ورماها خارج البيت وتف عليها بقرف وقال:غورى من وشي انا عمري ماشوفت وحده او*سخ منك قبل كده في حياتي قال اجوزها قال الر*كام دي انتي اخرك مع واحد يقضيها معاكي في الحر*ام بس يابت الـ*** ده اخرك بس اتوف عليكي
وقفل الباب في وشها وهي كانت مرميه على الارض لاحول لها ولا قوه من التعب وهي بتنز*ف بقوه
*****************
وفي نفس الوقت في منزل محمد
حسن رجع بيته تاني بعد ماحالته اتحسنت شويه واخد علاجه ونام
وفي غرفه محمد
خلود كانت في حضنه وهي هتموت من الكسوف
محمد بحب:ايه الكسوف ده كله احنا مش زوجين وبنحب بعض ياقلبي
خلود بكسوف:ايوه بس انا مش مصدقه اني بقيت مراتك اسما وفعلا دلوقتي يامحمد
محمد ببسمه:لا صدقي ياحبيبتي اخيرا بقينا مع بعض ومفيش حاجه هتفرقنا تاني ابدا
خلود بحب:انا بحبك اوي
محمد بحب:وانا بموت فيكي
واخدها محمد في حضنه بقوه وناموا سوى بعمق
******************
وفي الصباح
صحى محمد على صوت فونه ففتحه بنعاس وقال:الووو مين معايا
عز بخبث:ايه لحقت تنساني ياواطي
محمد بفرحه:عز انت وحشتني اوي والله ياصاحبي
عز ببسمه:وانت كمان يامحمد ومش هتصدق انا حصل معايا ايه
محمد بسخريه:والا انت هتصدق انا حصل معايا ايه بس قول انت الاول
عز بدأ سرد كل اللي حصل معاه لمحمد بكل تفاصيل
محمد بصدمه:اييه بقيت مليونير بقى انا صاحبي اللي مكنش معاه حق السجاير زمان بقى مليونير دلوقتي فجأه
عز بضيق:اه قر قر علشان بكره نعلن افلاسنا من قبل ماابدأ حتي
محمد بضحك:ياعم والله مش بقر بس مش مصدق الف مبروك ياصاحبي انت تستاهل كل خير
عز ببسمه:شكرا يامحمد بس انا عاوز اشوفك ضروري هبعتلك العنوان في رساله
محمد:حاضر ياعز هاجي طبعا لازم اشوف بيتك الجديد و اه صحيح نسيت اقولك مش انا اجوزت
عز بصدمه:اييه اجوزت بدون علمي
محمد بضحك:ياعم انت متعرفش انا اجوزت ازاي اصلا بس هاجي انا والمدام وهقولك كل حاجه
عز:تمام انا في انتظارك يامحمد
محمد كان لسه هيرد عليه بس انصدم لما سمع صوت صراخ خلود من الخارج فوقع الفون من ايده برعب وعز سمع كمان الصوت فقال بقلق وخوف:محمد رد عليا حصل ايه..ايه الصوت ده؟
بس محمد وقتها كان خرج يشوف خلود وهو خايف عليها اوي وهنا كانت الصدمه لما لقى يوسف جوز ام خلود ماسكها من شعرها بقوه وهي بتصرخ منه
ومحمد عنيه اسودت من الغضب وجر سحبها منه بعنف وقال:ايدك لو اتمدت على مراتي تاني انت هقطلعها ليك يازباله
يوسف بصدمه:مراتك؟!!
محمد بتأكيد:ايوه مراتي واللي هيقرب منها انا هاكله بسناني
يوسف قرب منه بسخريه وقال:ههه مراتك ازاي وانا كانت كتابها على المعلم محروس قبل هروبها من الفرح
محمد سمعه وبص على خلود بصدمه كبيره وووو
#البارت_الرابع_عشر
:ايدك لو اتمدت على مراتي تاني انت هقطلعها ليك يازباله
يوسف بصدمه:مراتك؟!!
محمد بتأكيد:ايوه مراتي واللي هيقرب منها انا هاكله بسناني
يوسف قرب منه بسخريه وقال:ههه مراتك ازاي وانا كنت كاتب كتابها على المعلم محروس قبل هروبها من الفرح
محمد سمعه وبص على خلود بصدمه كبيره
محمد بغضب:الراجل ده بيقول ايه ياخلوود
خلود بتوتر: كذاب انا معرفش يامحمد صدقني انا هربت قبل كتب الكتاب
يوسف بسخريه:طيب وقسيمه الجواز دي كمان كذب
قدم يوسف قسيمه جواز خلود من المعلم محروس لمحمد اللي اتسعت عنيه بزهول
محمد بزهول وصدمه:يعني ايه الكلام ده انا اجوزت وحده مجوزه اصلا
خلود بدموع:ده كذب يامحمد متصدقش الكلام ده
محمد بحده:وقسيمه الجواز دي كمان كذب ياخلود
خلود بدموع:معرفش صدقني معرفش
يوسف بنفاذ صبر:انا مش عندي وقت للكلام ده ياله يابت قدامي على بيت جوزك
خلود بدموع وحده: ده هو بيت جوزي ومش هخرج منه
يوسف بضيق: لا هتخرجي ياروح امك قدامي يالا
خلود نزلت دموعها بغزاره وبصت على محمد برجاء بس محمد كانت الصدمه مأثره عليه ومش واعي اصلا للي بيحصل حوله
ويوسف استغل الموقف وشد خلود معاه تحت صرخاتها العاليه بالنجده لمحمد
وبعد وقت فاق محمد من صدمته ولقى البيت فاضي حوله فنزلت دموعه بالم وفجأه لقى عز دخل بسرعه وقلق عليه
عز بقلق:محمد انت كويس مالك ياصاحبي حصل ايه؟ بقلم الكاتبه نور محمد
محمد شاف عز وجرى عليه حضنه بدموع مثل الاطفال وقال:اخدها مني ياعز واخد روحي معاها ومقدرتش امنعه طلعت مجوزه من قبل مااجوزها وجوازي منها بقى زور وباطل
عز حضنه بعدم فهم وقال:طيب اهدى وفهمني حصل معاك ايه انا مش فاهم حاجه منك
محمد بدموع:خلود مراتي جوز امها اخدها مني
عز بصدمه:اخدها منك ازاي؟وانت سبته ياخدها ليه؟!
محمد بحزن ودموع:علشان طلعت مجوزه من قبل مااجوزها وانا معرفش
عز بصدمه وزهول:الكلام ده مستحيل اكيد في حاجه غلط
محمد:انا شوفت قسيمه جوازها بعيني ياعز وقلبي وروحي بينزفوا من الوجع
عز بشفقه على حاله:طيب اهدي يامحمد وانا معاك مش هسيبك ياصاحبي خلاص اهدي
محمد حضنه بوجع ودموع وبقى على الحال ده وهو موجوع
****************
وبعد مرور اربع شهور على ماحدث
عز حاول بكل الطرق يطلع محمد من حالته الصعبه وشغله معاه في شركه مراد ابوه وبقى يحاول يخفف عنه بكل الطرق الممكنه
وعز كانت احواله كويسه اوي مع عيلته الجديده وعمته اللي رحبت بوجوده وباقي العيله كمان وكانت حياته سعيده مع فيروز اللي بقت في الشهر السابع لها في الحمل بتاعها
****************
وفي يوم في شركه عز
كان بيراجع الملفات مع محمد صاحبه مثل العاده
عز بحزن:لسه بتفكر فيها مش كده
محمد ببسمه وجع: ايوه ومغبتش عن بالي طول الاربع شهور اللي فاتوا قلبي رافق يصدق اللي حصل معايا من وقتها ومش قادر انساها
عز بحزن عليه:ربنا يشفي قلبك ياصاحبي وتنسى
محمد بسخريه وحزن:للاسف الظاهر مش هقدر ياعز اتخطى خلود لاني حبتها من كل قلبي
عز:ده نصيب ياصاحبي وربنا هيكتبلك الاحسن ان شاء الله
محمد بحزن:ان شاء الله
ورجع يكمل شغل بس قاطعه صوت فون عز اللي مسكته بقلق
عز بقلق:الوو ياماما انتي كويسه وفيروز كمان
نعمه بخوف:فيروز تعبت واخدها للمستشفي الظاهر انها بتولد ياعز
عز بصدمه:ايييه ازاي دي لسه في الشهر السابع
نعمه:عادي ياحبيبي تولد في الشهر السابع بس ربنا يستر على الجنين
عز بخوف: تمام انا هاجي فورا مسافه السكه بس
عز وقف بقلق وخوف ومحمد قال:في ايه ياعز انت كويس
عز بسرعه:فيروز بتولد وهي لسه في الشهر السابع وانا خايف عليها اوي
محمد بتوتر وقلق: تمام اهدى وانا هاجي معاك فورا
عز جرى بسرعه وهو قلقان اوي على فيروز ومحمد اخد الجاكيت بتاعه ومفاتيح العربيه ولسه هيطلع خلفه لقى موظف دخل عليه بيقول: استاذ محمد في ست بره عاوزه تشوفك
محمد: ست مين وعاوزه ايه؟
الموظف: معرفش هي طلبت تشوفك وبتقول مراتك في حظر
محمد سمعه بصدمه وقلق وقال: طيب دخلها بسرعه ياله
الموظف خرج بسرعه ودخلت ست في اواخر الخمسين وهي بتعيط
محمد بقلق: انتي مين وتعرفي مراتي من فين ؟!
الست بدموع: انا عمت خلود مراتك يابني وجيت علشان اقولك الحقيقه خلود مظلومه
محمد بصدمه: اييه انتي قصدك ايه؟
الست بحزن: قصدي ان جواز خلود من المعلم محروس باطل لان خلود هربت قبل كتب الكتاب بس جوز امها منه لله هو اللي كتب كتابها على المعلم محروس بدون علمها لانه اخد منه فلوس كتير
محمد الصدمه اثرت عليه وبقى في دنيا تاني وعمت خلود قربت منه بترجي وقالت: ابوس ايدك يابني الحق مراتك دي من يوم مارجعت مع يوسف وهو بيضربها ومطلع عينها علشان ترفع عليك قضيه خلع وتتطلق منك وبعدها يجوزها للمعلم محروس بس هي رافضه ومستحمله علشان بتحبك
محمد الدموع غرقت عنيه وقال بصوت مخنوق: عنوانها فين ياخاله؟
عمت خلود بفرحه:تعال معايا وانا هاخدك لبيتها بنفسي
محمد هز رأسه لها بدموع وخرج معاها وهو قلبه بيتعصر من الوجع والخوف على حبيبته خلود
**************
وعلى الجهه التانيه وصل عز بسرعه البرق لقى العيله كلها متجمعه
عز بقلق وخوف:فيروز فين هي كويسه؟
مراد:دخلت العمليات يابني ادعي لها انت بس
عز سمعه وجرى على غرفه العمليات وقعد قدامها وهو بيدعي بقلق وخوف كبير على فيروز
بقلم نور محمد
وبعد مرور ساعه خرج الدكتور بتعب فجرى عليه عز بقلق وقال:طمني يادكتور فيروز مراتي كويسه وابني كمان كويس
الدكتور:الحمد لله المدام كويسه بس الطفل اتولد ضعيف للاسف وهيدخل الحضانه بس
عز بخوف:بس ايه يادكتور ارجوك كمل بسرعه
الدكتور بأسف:بس الطفل محتاج كمان نقل دم من نفس فصيلته قبل دخوله الحضانه
عز بسرعه:انا ابوه ومستعد اتبرع ليه فورا
الدكتور:تمام تعال معايا نعمل شويه تحاليل الاول
عز هز رأسه وزهب مع الدكتور
******************
وبعد ساعه كمان خرج الدكتور ومعاه النتيجه بقلق
عز:فيه ايه يادكتور مأخدت مني الدم ليه انت مش قولت ابني محتاجه ضروري
الدكتور بتوتر:بصراحه يافندم دمك غير متطابق مع دم الطفل ومنقدرش ناخد منك الدم المطلوب
عز بصدمه:انت بتقول ايه ازاي دمي مش متطابق مع دم ابني يعني
الدكتور بخوف:معرفش بس نتيجه تحليل DNAطلعت سلبيه وانت مش ابو الطفل ده
عز بصدمه وزهول:ازاي الطفل مش ابني امال ده ابن مين؟!
****************
وفي نفس الوقت محمد وصل لشقه خلود بسرعه كبيره واول ماوصل خبط باب الشقه بعنف ففتحت له ست في الاربعين من عمرها وقالت:انت مين وازاي تخبط باشكل الهمجي ده
محمد بضيق:خلود مراتي فين؟
هدى بتوتر:انت انت جوز خلود بنتي
محمد بحده:مش هعيد كلامي كتير خلود مراتي فين؟!
هدى بلعت ريقها قدامه بخوف وفجأه سمع محمد صوت صراخ خلود من الداخل فبدون تردد دفع هدى وجرى بسرعه عليها
وصل لغرفتها وقلبه بيدق برعب عليها فتح الباب بقوه وتسمر مكانه لما لقى يوسف نازل ضرب في خلود بدون رحمه وهو بيقول:هتفضلي لامتى كده يابت دنا مخلتش فيكي حته سليمه ولسه مخك برضو ناشف اموتك يعني علشان ترتاحي ياخلود
خلود كانت موجوعه اوي منه ومردتش عليه من الوجع ومحمد عنيه بقت حمره من الغضب ومسك يوسف بغضب جحيمي ونزل فيه ضرب زي التور الهائج
محمد بحده وغضب:بقى بتمد ايدك الو*سخه دي على مراتي انا يابن الـ**** وكمان ضحكت عليا علشان تاخدها مني دنا هطلع روحك في ايدي النهاردا
يوسف استسلم لمحمد بألم لغايه مااغمى عليه ومحمد سابه وجرى على خلود بخوف
محمد بحب وخوف:خلود ردي عليا انتي كويسه ياحبيبتي انا اسف اسف سامحيني ابوس ايدك ياخلود
خلود بحب وألم:وحشتني اوي يامحمد
محمد بدموع وحب:انتي كمان وحشتيني اوي ياخلود انا مش عارف اذاي قدرتش ابعد عنك الوقت ده كله ياروحي سامحيني ارجوكي ياخلود
خلود نزلت دموعها بألم في قلبها من كلامه وفجأه حست بألم رهيب في بطنها فصرخت بوجع:محمد الحقني بسرعه ابنك في خطر يامحمد انا حامل
محمد سمعها بصدمه وزهول وقال:اييه انتي حامل؟!!!
#البارت_الخامس_عشر
بوجع:محمد الحقني بسرعه ابنك في خطر يامحمد انا حامل
محمد سمعها بصدمه وزهول وقال:اييه انتي حامل؟!!!
خلود كانت بتتألم بشده ومحمد كان مرعوب عليها فحملها بسرعه وجرى بيها لخارج البيت
وبعد وقت في غرفه الكشف
الدكتور: الحمد لله لحقتها في اللحظه الاخير قبل مايحصل نزيف ولا قدر الله الجنين كان نزل
محمد تهند براحه وشكر ربنا انه لحقها هي وابنه وقعد قدامها في انتظار انها تفوق
وبعد دقايق طويله فتحت خلود عنيها بتعب لقته قدامها فنزلت دموعها بحزن وألم
محمد بخوف ولهفه: خلود انتي كويسه ياحبيبتي انا كنت هموت من الخوف عليكي
خلود ببرود: ايوه بقيت كويسه وعاوز امشي كمان من هنا بسرعه
محمد: حاضر ياقلبي اطمن عليكي اكتر وهنرجع سوى للبيت
خلود بجمود: انا عاوزه ارجع لبيت اهلي يامحمد
محمد بصدمه: اييه عاوزه ترجعي للعذاب اللي هناك تاني ياخلود
خلود بنرفزه ودموع: ايوه العذاب اللي انت رمتني فيه ومسئلتش عني هناك اربع شهور يامحمد
محمد بندم: انا عارف انك موجوعه اوي بسببي بس صدقيني انا كنت موجوع اكتر منك ياخلود الاربع شهور دول عدوا عليا كمان زي الجحيم
خلود ببرود: محمد لو سمحت رجعني بيت اهلي تاني
محمد بحده: لا مستحيل على جثتي ياخلود انتي هترجعي معايا انا البيت وكفايه عذاب وبعد بقى وفكري كمان في ابننا اللي في بطنك
خلود بدموع: مش هقدر اعيش معاك تاني يامحمد بعد اللي حصل صدقني
محمد بدموع وندم: انا اسف ياخلود اعطيني فرصه تاني بس وانا اوعدك اني هعوضك عن كل الألم اللي عشتيه في غيابي عنك
خلود نزلت دموعها بوجع ومردتش عليه لان قلبها عاوز يسامحه بس عقلها رافض بسبب اللي حصل معاها بسببه
***************
وعلى الناحيه الاخرى
عز كان في حاله صدمه كبير من كلام الدكتور ومحسش بنفسه غير وهو بيجري على غرفه فيروز وقلبه موجوع اوي
دخل الغرفه لقاها فاقت وامها حياه جنبها
فيروز بقلق: عز ابني اخدوه فين هو كويس مش كده
عز بص عليها بنظرات كلها تسائل وبدون مقدامات قال بسرعه: الطفل ده ابن مين يافيروز؟!
فيروز بصدمه: انت بتقول ايه؟ قصدك ايه بالكلام ده؟!
عز ببرود: كلامي واضح يافيروز الطفل ده ابن مين انا عرفت الحقيقه انه مش ابني
فيروز بصدمه وزهول: انت اكيد اتجننت ياعز الطفل ابنك انت ازاي تقول كده
حياه بصدمه: ايوه انت ازاي تقول كده على بنتي انت بتتهمها في شرفها وبتشكك في نسب ابنك
عز بحده: انا بقول الحقيقه والاثبات اهو اتفضلي شوفي بعينك
فيروز قرأت الملف بصدمه وقال: لا مستحيل ده ابنك انت ياعز صدقني
عز بوجع: اصدقك واكذب الحقيقه مش كده يافيروز
فيروز بدموع: قصدك ايه ياعز
عز بألم ووجع: قصدي انتي طالق يافيروز روحي شوفي مين ابو الطفل الحقيقي
فيروز انهارت في حضن امها بقوه
حياه بغضب: انت عمرك ماهتتغير ابدا ياعز هتفضل حيوان طول عمرك
عز تجاهل كلامها وخرج وهو ضايع خالص ومراد دخل وعرف اللي حصل فجرى خلف ابنه بخوف عليه
****************
وعند محمد وخلود
محمد ببسمه:ادخلي ياقلبي البيت نور بوجودك
خلود بتعب:انا عاوزه ارتاح بس تعبانه اوي
محمد بشفقه:حاضر ياحبيبي روحي خدي دش وانا هحضر ليكي الاكل بسرعه
خلود اكتفت بهز رأسها وسابته ودخلت الغرفه
وبعد وقت محمد خلص تحضير الاكل ودخل علشان يقولها لقى الغرفه فاضيه فجرى على الحمام بخوف وقلق عليها دخل بسرعه لقها في بانبو بتعيط
محمد بخوف:خلود انتي كويسه بتعيطي ليه ياحبيبتي مالك
خلود بدموع:جسدي كله وجعني ومش قادره اخد شور لوحدي
محمد بص على جسدها لقها كله كدمات وقلبي وجعه اوي عليها فتهند بدموع وقال:خلاص اهدي وانا هساعدك
خلود بصت عليه بكسوف ومحمد بدأ يساعدها لغايه ماخلص ولبسها البرنص وطلع معاها
محمد ببسمه:هتقدر تغيري لوحدك او اساعدك انا كمان
خلود بكسوف:لا شكرا انا هلبس لوحدي
محمد ابتسم لها وقال: تمام خلصي والاكل جاهز بره ياقلبي ماشي
خلود هزت رأسها بوجه احمر ومحمد قرب قبلها في خدها وقال:متتأخريش عليا ماشي
وسابها وخرج وبعد دقايق طلعت خلود وهي لابسه بجامه مريحه لقت محمد جهز السفره وعليها اكل كتير اوي
محمد ببسمه:ياله ياحبيبي انا حضرت لك اكلك المفضل كله
خلود ابتسمت ليه واجت تقعد محمد سحبها على رجله وقال:خليكي هنا احسن علشان تبقى مرتاحه
:بس انت كده مش هتعرف تاكل
محمد بحب:انا مش جعان انا حضرت الاكل ده كله علشانك انتي بس
خلود اتكسفت وبصت قدامها ومحمد مسك الملعقه وقربها من بقها وقال:ياله ياقمر افتحي بقك بقى
خلود فتحت بقها وبقت تاكل من ايده وهي فرحانه اوي اوي
وبعد ماخلص محمد قال:خلود ممكن تسامحيني انا بجد بحبك اوي ومش هقدر اعيش من غيرك
خلود بصت عليه بتردد وقلبها وعقلها في صراع كبير وبعد معركه كبير كان جواها قلبها كسب لانها حبته اوي ومش هتقدر تعيش بدونه
خلود مسكت ايده وحطتها على بطنها وقالت:هسامحك يامحمد لما تثبت حبك ليا
محمد دفن وجهه في رقبتها بعشق وقال:وانا مستعد اثبت حبي ليكي انتي وابني كمان كل ثانيه ياخلود
خلود كانت فرحانه اوي بقربه منها ونست كل اللي حصل معاها
*******************
وبعد مرور شهرين على ماحدث عز كانت حالته صعبه اوي ومراد حاول يخفف عنه بأي طريقه ومحمد كان كل يوم يثبت حبه وعشقه لخلود اللي سامحته في الاخر وقررت تكمل حياتها معاه علشان بتحبه وعلشان ابنها كمان
****************
وفي يوم ما عز كان في المسشفي عند الدكتور بيسئله عن حاله امه نعمه لانها تعبت اوي اخر فتره والدكتور كان بيشرحه ووقف علشان يجيب ملف نعمه من المكتب بتاعه بس فجأه وقع كل الملفات الباقي على الارض وعز قرب علشان يساعده وهو بيلم فيهم اجت عنيه على ملف كان بأسمه فمسكه بسرعه وفتحه وهنا انصدم بجد
عز بصدمه:ايه المكتوب هنا ده ازاي يعني يعني الطفل كان ابني انا
الدكتور بتوتر:يافندم اهدي وهفهمك
عز مسكه بغضب وقال:تفهمني ايه يابن الكلب انت ضحكت عليا ليه وقولتي انه مش ابني
دكتور بخوف:انا بس عملت المطلوب مني
عز بجنون:ومين أمرك تعمل كده انطق قبل مااقتلك
الدكتور برعب:اللفت هانم عمتك هي اللي طلب مني اعمل كده
عز بصدمه:عمتي هي السبب اه وانا اقول ليه كانت بتضغط على بابا علشان يقنعني اجوز بنتها
وهنا عز وقف بتوعد لهم وقال:انا هعرف اتصرف معاهم كويس بس الاول لازم اروح ارجع مراتي وابني لحضني تاني
عز خلص كلامه وطلع بغضب من المستشفي كله
**************
وعند فيروز
حياه بدموع:يابنتي فكري تاني انا مش عاوزاكي تندمي بعدين
فيروز بعند:لا متخافيش عليا ياماما انا كده مش بظلم نفسي هو شك فيا وفي ابني وطلقني وانا دلوقتي من حقي كمان اشوف حياتي
حياه:طيب فكري في ابنك كده هيتربي بيعد عن ابوه وعنك
فيروز باصرار:لا ياماما ابني هيتربى في حضني وانا اتفقت مع معاذ على كده وهو وافق وبانسبه لابوه الحقيقي فهو اللي اتخلى عن ابنه بكيفه وانا هعرف اعوض ابني عن وجوده
حياه بحزن:تمام يافيروز انا حاولت معاكي يابنتي بس بدون جدوى ربنا يسعدك يارب
فيروز ابتسمت لها ودخل جمال وقال بهدووء:خطيبك وصل بره يافيروز هو وعيلته ياله يابنتي علشان نقرأ الفاتحه
فيروز هزت رأسها وطلعت مع حياه وكل الموجودين انبهروا من جمالها حتي معاذ بلع ريقه بتوتر قدامها ووقف قبل ايدها وقال:احلا قمر منور في الدنيا يافيروز
فيروز ابتسمت ليه بكسوف وقعدت جنبه
ام عماذ بفرحه:يازين مااخترت يامعاذ يابني جمال وادب
معاذ بفرحه:شكرا ياماما
جمال ببرود:تمام كده ياله ياجماعه نقرأ الفاتحه
كل الموجودين رفعوا ايديكم علشان يقرأ الفاتحه بس فجأه قاطعهم دخول عز اللي تسمر في مكانه لما لقى فيروز قدامه وفي شاب تاني جنبها
فيروز اول ماشافته انصدمت وكمان حياه وجمال
بس معاذ قال بحده:انت ازاي تدخل علينا باطريقه دي
عز قرب منه بصدمه وقلبه خلاص هيقف من الخوف وقال:انت مين؟
معاذ ببسمه:انا خطيب الانسه فيروز وبعد شهر هبقى جوزها انت بقى اللي مين؟
رد عز بسخريه:انا ابقى جوز العروسه وابو ابنها
البارت_السادس_عشر_والاخير
عز قرب منه بصدمه وقلبه خلاص هيقف من الخوف وقال:انت مين؟
معاذ ببسمه:انا خطيب الانسه فيروز وبعد شهر هبقى جوزها انت بقى اللي مين؟
رد عز بسخريه:انا ابقى جوز العروسه وابو ابنها
معاذ بصدمه وزهول: انت بتقول ايه.. ووجه نظره لجمال بحده وقال: عمي الجدع ده بيقول ايه فهمني
جمال ببرود: مفيش حاجه يابني ده اكيد بيهزر معانا بس و
قاطعه عز بحده وغضب: لا طبعا انا مش بهزر انا بقول الحقيقه فيروز مراتي وام ابني
فيروز بحده وضيق: اخرس انا مش مراتك والا انت نسيت انك طلقتني يوم ماولدت ياعز
عز سكت بحزن وام معاذ قالت بضيق: ايه اللي بيحصل هنا وليه بيقول عليها مراته وهو مطلقها
رد عليها عز ببسمه مستفزه: علشان هي فعلا مراتي انا صحيح طلقتها لاني كنت مجروح منها بس رديتها لعصمتي تاني يوم علشان بحبها وعرفت الحقيقه كمان ان ده ابني و
قاطعته فيروز بغضب: اييه ابنك دلوقتي عرفت انه ابنك بعد ماشكيت في شرفي وفي نسب ابني ياعز
عز بندم ودموع: فيروز انا اسف بس كنت مخدوع ومش في وعيي صدقيني
فيروز بصت عليه بدموع وام معاذ وقفت بغضب وقالت:ياله يابني بينا العروسه طلعت مجوزه كفايه قله قيمه هنا بقى
معاذ بسرعه:طب استني ياامي نفهم الحكايه الاول مش يمكن
قاطعته امه بحده:يمكن ايه بيقولك ردها لعصمته يعني هيتصفوا دلوقتي مع بعض ياله يابني كفايه بقى
معاذ بص على فيروز بدموع وخرج مع امه وفيروز بعد خروجهم نظرت لغز بغضب وقالت:وانت كمان اتفضل من هنا وكفايه اللي عملته بقى باعز
عز بحزن:فيروز ارجوكي اسمعيني الاول بس انا
قال جمال بحده:انت ايه شكيت في بنتي ياعز بعد ماكنت فاكر انك هتحافظ عليها شكيت في نسب ابنك دلوقتي جاي تقولها اسمعيني لا الكلام هنا خلص وفيروز مش هترجع معاك تاني
عز بصدمه وحزن:طيب وابني كمان هتحرمني منه
جمال ببرود:ابنك انت اللي حرمت نفسك منه ياعز سبته شهرين بعد ماشكيت في نسبه ومن وقتها خسرت حقك فيه
عز انصدم وقلبه وجعه من كلام جمال وقبل مايرد عليه سمع صوت طفل بيعيط بقوه فجرى عليه بلهفه كبير
واول ماشافه حمله بسرعه في حضنه وهو بيبوس فيه بحب وبيقول:ياحبيبي انا اسف سامحني سبتك وحرمت نفسي منك بسبب غبائي ياقلبي مش هسيبك تاني اوعدك
وهنا دخلت فيروز ولقت عز على الحال ده وهو متمسك بأبنه بقوه قلبها وجعها على حاله قدامه بس تمالكت نفسها وجرت عليه نزعت ابنها منه وقالت:ابعد عن جمال ابني متلمسوش ابدا
عز بصدمه:انتي بتقولي ايه ده ابني انا كمان يافيروز
فيروز بدموع:لا ده ابني انا لوحدي ومش هسمحلك تاخده مني
عز حزن اوي من حالتها قدامه فقرب منها بحب وقال:وانا مستحيل احرمك منه يافيروز انا بحبك وعاوزك انتي وابني ترجعوا لحضني تاني
فيروز بدموع وحده:ده مستحيل يحصل ياعز مستحيل ارجعلك تاني انسى
تهند عز بدموع وقال:وانا مش هسيبك قبل ما تسمحيني يافيروز ونرجع تاني سوى
فيروز بصت عليه بدموع ومردتش وعز مسح دموعه وقال:انا همشي دلوقتي وباليل هاجي اشوفك تاني يافيروز مش هسيبك ابدا
طلع عز بحزن وفيروز ابتسمت رغم وجعها منه الي انها كمان بتحبه وقلبها مقدرش يكرهه ابدا
دخلت حياه وجمال ولقوا فيروز بتلعب جمال الصغير وهي بتبتسم بفرحه فقربت منها امها بخبث وقال:ايه بقى وشك منور كده فجأه ليه بسبب عز مش كده
فيروز اتكسفت وسكتت وجمال ابتسم وقال:انا عارف انك كمان بتحبيه يافيروز ونفسك نرجعي معاه بس عز محتاج قرصه ودن علشان يتوب يعمل كده تاني
فيروز ببسمه:ايوه عندك حق فعلا يابابا
وضمت ابنها بحب وهي بتحمد ربنا ان عز عرف الحقيقه وجمال الصغير مش هيتحرم من ابوه ابدا
**************
وعلى الجهه التانيه في قصر مراد
دخل عز زي البركان ونادى بصوت عالي:نسمه تعالي هنا فورا
نزلت بنت في العشرين من عمرها بخوف وقالت: عز حبيبي انت جيت وحشتني اوي
عز الغضب تملك منه ومسكها من شعرها بقوه وصرخ فيها بحده:بقى انتي يازباله وامك تضحكوا عليا وتخلوني اشك في مراتي وابني علشان اجوزك والعز ده كله يبقى ليكم بس مش كده
نسمه كانت بتحاول تبعد ايده عنها من شده الألم بس عز كان مسكها بقوه وفجأه نزلت عمته ومراد اللي وقفوا بصدمه وزهول
عمته بصدمه وغضب:انت بتعمل ايه ياعز في بنتي سيبها احسلك
غز بضيق:اخيرا شرفت زعيمه العصابه بنفسها اهلا ياعمتي ياسبب خراب بيتي
عمته بلعت ريقها بخوف ومراد قال بصدمه:انت بتقول ايه ياعز عمتك ايه دخلها في خراب بيتك يابني
عز بحده:دخلها هي وبنتها الزباله دي انهم اتفقوا مع الدكتور يزور التحاليل علشان اشك في مراتي ونسب ابني واطلقها وللاسف هما نجحوا في كده بس انا عرفت الحقيقه وهرجع مراتي وابني لحضني تاني
خلص كلامه ودفع نسمه بغضب وقال:وبنتك ياعمتي انا طبعا هفسخ خطوبتي منها ومش هقعد في القصر ده تاني
مراد بصدمه وحزن:عز انت بتقول ايه عاوز تبعد عني يابني بعد مااتحرمت منك العمر ده كله
عز بحزن:اسف يابابا بس انا مقدرش اقعد هنا دقيقه كمان بعد اللي حصل بسببهم
مراد تفهم موقفه فبص على اخته وبنتها بحده وقال:عندك حق ياعز يابني وانا مش هسيبك تخرج من بيتك علشان ضيوف هنا
اخته بصدمه:مراد انت بتقول ايه انا اختك ضيفه هنا عندك
مراد ببرود:ايوه ضيفه وليكي بيت جوزك اولا بيكي انتي وبنتك وانا مش هسيب ابني يبعد عني بسببك ياله لمي هدومك انتي وبنتك وارجعي بيت جوزك تاني
انصدمت منه بس اخدت ايد بنتها وطلعت بدون ما ترد عليه ومراد قرب من عز بشفقه وقال:انا اسف يابني كله ده حصل بسببي انا اسف
عز بحزن:لا يابابا متقولش كده تاني انت مش السبب وانا بأذن الله هعرف ازاي اصلح غلطي معاها وهعمل المستحيل علشان ترجع ليا تاني
مراد بفخر:انا فخور بيك اوي ياعز انت فعلا راجل وابن راجل يابني
عز ابتسم له وهو بيفكر في طريقه يصالح بيها حبيبته فيروز
**************
وفي اليوم التالي
فيروز فتحت عنيها بتعب وفجأه انصدمت لما لقت نفسها في غرفه غريبه كلها بالون الابيض
فيروز بفزع:انا فين انا مت والا ايه
بقت تتلفت حولها بخوف وفجأه لقت عز دخل الغرفه وهو يرتدي شورت نص وقميص خفيف مفتوح وقال بحب:صباح العسل ياقلبي
فيروز بصدمه:عز انا فين انت خطفتني والا ايه
قرب منها عز بخبث وقال:باظبط كده انا خطفتك في مكان مستحيل حد يقدر يلاقينا فين يافيروز
فيروز خافت من كلامه فجرت خارج الغرفه برعب وهنا وقعت عليها الصدمه بجد
فيروز برعب وصدمه:يالهووى احنا في نص البحر ياعز يالهووى
عز بضحك:خلاص يامجنونه اهدي انا جبتك هنا علشان نتكلم سوى براحتنا و
قبل مايكمل عز جملته لقى فيروز جرت عليه برعب وهي بتدفن نفسها جوه حضنه بخوف
فيروز بخوف:عز ابوس ايدك طلعني من هنا انا بخاف اوي من البحر
عز بصدمه:هشش اهدي انا معاكي ياقلبي ومش هسيبك اهدي
فيروز كانت خايفه اوي وعز اخدها ودخل الغرفه تاني وقدم لها ميه وقال:فيروز بصي عليا ياحبيبي انا جنبك متخافيش انا مكنتش اعرف انك بتخافي من البحر بس اهدي انا معاكي
فيروز بدموع:انا خايفه اوي طلعني من هنا ياعز لو سمحت
عز ببسمه:لا مش هنرجع قبل ماتسمحيني الاول وترجعي لحضني تاني يافيروز
عز مسك ايدها بحنيه وقال:فيروز بصي في عنيا انا اوعدك مستحيل اخذلك تاني ابدا وهفضل احبك باقي عمري كله
فيروز ركزت نظرها في عنيه وشافت الصدق بيلمع بيفهم فبتسمت بفرحه وانفاسها بقت طبيعيه تاني
وعز وقف بعد وقت وقال:ياله ياقلبي انا جبت لكي فستان روعه البسيه وتعالي انا محضرلك مفاجأه هتعجبك اوي
فيروز تحمست اوي وعز سابها وخرج من الغرفه
وبعد عشر دقايق فيروز جهزت نفسها ولبست الفستان اللي عز جابه لها وكان فستان ابيض اللون ورقيق اوي متفضل لها مخصوص
طلعت فيروز بكسوف هي بتتمسك بالفستان برهبه بس فجأه لقت عز احاط خطرها من الخلف ودفن وجهه في رقبتها بعشق وقال:احلا حوريه شافتها عنيا في الدنيا كلها يافيروزي
فيروز ابتسمت بكسوف وجواها شعور جميل اوي وعز بعد ومسك ايدها بحب واخرج من جيب بدلته الانيقه خاتم الماس💍وحطه في صباعها وقبله بحب وقال:انا بحبك اوي
فيروز قلبها بقى بيطير مثل العصافير من السعاده وعز منتظرتش جوابها سحبها بحنيه وتوجه لسفره مستديره في المكان مزينه بالورد الاحمر وفي النص مكتوب فيها:كنتي في البدايه ضحيه اتنقامي والان اصبحتي اعز ما املك في حياتي
فيروز عنيها دمعت بتأثر وعز قرب وحضنها بحب وعشق وقال:فعلا كنتي مجرد وسيله لانتقامي يافيروز بس في النهايه بقيتي اغلى واعز شخص في حياتي كلها انا بعشقك بجنون
فيروز بقى وجهها كله احمر من الكسوف ونطقت بخفوت:وانا كمان بحبك اوي ياعز
عز سمعها بفرحه كبيره وحملها بسرعه وهو بيلف بيها بسعاده:وانا بموت فيكي ياقلب وروح وعقل وحيات عز كلها
فيروز بقت ضحكت بفرحه وعز نزلها بسرعه وقرب قبلها بحب وشتياق كبير وفيروز تجاوبت معاه كمان بحب وعشق وو
النهايه...بقلم نور محمد
ضحيه_انتقامه
واخيرا خلصت روايتنا بنهايه سعيد طبعا بعد اللي مر بيه ابطالها من صعوبات ووجع كل واحد وصل لحبه الحقيقي في الاخر وهنا نقول ممكن صدفه تجمعنا تكون سيئه في نظرنا وفي النهايه تبقى سر سعادتنا قولوا رأيكم في الروايه وانتظروا روايات تاني قادمه احلا بأذن الله تعالي دمتم سالمين
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات