رواية كعموشا الحلقه الخامسه بقلم الكاتب محمد منصور حصريه وجديده على مدونة النجم المتوهج
رواية كعموشا الحلقه الخامسه بقلم الكاتب محمد منصور حصريه وجديده على مدونة النجم المتوهج
اديني فتشت كل اوض الفيلا ومافيش حد
دة اللي قاله توفيق. لسعد اللي كان قاعد في مدخل الفيلا وباصص لتوفيق وبيقول بعصبية
ايوة جو الافلام الرخيصة ابتدي واللي اشوفو انا ما حدش هيشوفو غيري مش كدة.
توفيق
طيب ممكن تهدئة وتعالي النهاردة بات عندي
سعد
امشي يا توفيق وانا هبقي كويس
توفيق
خلاص هبات معاك انا النهاردة
سعد
مش عايز حد يبات معايا امشي يا توفيق وقولت لك انا هبقي كويس
توفيق
خلاص يا سعد براحتك بس مش عايز امشي من هنا ترجع تتصل بيا تاني وتقولي تعالي الحق بتوع فيلم كعموشا ظهروا ليا
سعد وهو بيزقو برة الفيلا قال
لو رنيت تاني ما تبقاش ترد عليه
وخرج توفيق وسعد قفل باب الفيلا وبص للفيلا اللي لسة فاضية وقال
انا مش هشرب حشيش تاني خالص
وطلع اوضه علشان ينام وحط دماغه علي المخدة واول ما غمض عيونه سمع صوت شخير عالي اوي فتح عيونه وبص جنب منه علي السرير علشان يشوف فاطمة نايمة جنب منه برق ومسك المخدة وقرر يكتم نفسها وحط المخدة علي دماغها لقي المخدة بتنزل علي الفاضي يعني مافيش فاطمة لكن ازاي وهو شايف فاطمة قدامه راح بايده ناحية جسمها وايده عديت جسمها عبارة عن شبح لكن فاطمة هنا ضحكت بمياصة وقالت
سعد شيل ايدك من علي جسمي العيال لسة صاحين بعدين انحرف وانا بحب الانحراف
رفع ايده عن جسمها وصرخ وجه ينزل من فوق السرير رجله خانته واتكعبل ووقع علي الارض وبدا يفقد الوعي،،،
كعموشا
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعدها بشويه سعد بيفتح عيونه لقي نفسه علي الارض
قام بصعوبه وبص لموبيلة اللي كان بيرن مد ايده ناحية الموبيل واللي كان بيتصل بي توفيق. سعد كنسل وقعد علي الارض ومسك دماغه وقام وقف علي رجله ولبس هدومة وخرج من الفيلا. وركب عربيته وهنا رن الموبيل بتاعه تاني وكان توفيق برضو رد سعد وقال
ايوة يا توفيق نازل زن ليه علي الصبح
توفيق
انا غلطان اني بطمئن عليك
سعد
انا لسة عايش ممكن بقي تسيبني في حالي
توفيق
مالك بس يا صاحبي
سعد
لا مافيش بس طلعت عايش مع اشباح
توفيق
هما بتوع الفيلم طلعو لك تاني
سعد
اة. طلعو يا اخويا بس انا عارف اصرفهم ازاي
توفيق
ازاي
سعد
اعرف شيخ هجيبو يقراء قران في الفيلا وهو يخلصني منهم
توفيق
فكرة عبقريه، ،،،،،
وبعدها بساعة الشيخ كان واقف في نص الفيلا وبيقراء باعلي صوته سورة الفاتحة وجه عند ولا الضالين كل اللي كانو في الفيلم شافهم سعد وهما بيقولو باعلي صوت عندهم
أمين
سعد
أمين. واية كمان
هنا الشيخ كريم قرب من سعد وقال
تعرف ان الشيخ دة صوته حلو يخلي يقراء الرحمن
سعد بص للشيخ اللي هو جايبو وقال
عايزينك تقراء الرحمن
الشيخ
هما مين
سعد
بتوع الكعموشا
الشيخ
كعموشا اية يا ابني
سعد ل توفيق
خدو يا توفيق وامشو
توفيق
هو انت بقيت تجبني لية طالما هتطردني
سعد
وحياة امك خدو وامشي
الشيخ
هو في اية يا ابني
توفيق
تعالي يا عم الشيخ اوصلك مكان ما انت عايز وسيبك منه دة اعصابه تعبانه
وفعلا توفيق خد الشيخ ومشيو وهنا سعد قعد علي الركنة وقال
ممكن بقي تظهروا كدة وتعالو نتكلم كلام رجاله كبار عاقلين قبل ما اتجنن وادور فيكم الضرب
فاطمة راحت قعدت جنبه وقالت
العصبية دي زي الحزء في الحمام الاثنين غلط علي بواسيرك
سعد
وانتي مالك ومال بواسيري انا عايز اعرف انتو مين اللي حدفكم عليا واعمل اية علشان تغورو من وشي
كريم قعد جنب منه وقال
تروح الترعه ودوس علي زرار بوابة المزغودا علشان البوابه تتفتح وكل حاجة ترجع زي ماكانت
سعد
هو انت يا حج مبرشم. هو في كوكب اسمه المزغودا دة كلام افلام هابطة الغرض منها ان بطل الحكاية يطلع مجنون
هنا حجازيه قعدت علي حجره وقالت
ولما انت عارف انه كلام افلام هابطة لية مثلت الفيلم دة
سعد
كنت مغلوب علي امري يا حجة
حجازية
حجة اية بس دلعني وقولي يا حجوزا
سعد
حجوزا. طيب قومي من علي رجلي يا حجوزا
وحاول يزقها بعيد عنه لكنه كان بيزق هواء فقالت
مش هتعرف تزقني ودة شرطنا الوحيد علشان تخلص مننا
سعد
وان قولت لا
كريم
هنطلعك قصاد الناس كلها مريض نفسي ب كعموشا زي ما قولت ان المطرب الوطني سعد كريم مريض نفسي
سعد
ما انا قولت اني ما كنتش عايز اعمل كدة
كريم
وعملت ولازم تدفع ثمن غلطتك. والا
وبدات الفيلا كلها تتهز وكانه زالزال وسعد بيبص للتحف واللوحات اللي بتقع علي الارض وتتكسر وقال
خلاص كفاية هعمل لكم اللي انتو عايزينه، ،،،،،،،
ويجي الليل وسعد خد توفيق وراحو عند الترعه اللي كانو بيصورو عندها وقال توفيق
انت بجد ناوي تنزل الترعه
سعد
هنزل علشان ارتاح.
وقلع سعد وبص للترعة ونط فيها وكان مع كشاف و،،،،،،،
خلصت الحلقة لكن ما خلصتش الحكاية وبكرة نكمل باذن الله
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
0 تعليقات