رواية تائهه فى بحور الذكريات الفصل التاسع بقلم الكاتبه دودو محمد حصريه وجديده على مدونة النجم المتوهج

رواية تائهه فى بحور الذكريات الفصل التاسع بقلم الكاتبه دودو محمد حصريه وجديده على مدونة النجم المتوهج 

رواية تائهه فى بحور الذكريات الفصل التاسع بقلم الكاتبه دودو محمد حصريه وجديده على مدونة النجم المتوهج 

اشرقت شمس صباح يوم جديد لتستيقظ نيره من نومها على صوت بناتها 

جيسى :- صباح الخير يا ماما 

نيره :- قامت قعدة واخدت جيسى وجيرمين فى حضنها وقالت صباح النور يا قلب ماما وحشتونى اوى 

جيرمين :- انتى ليه مشيتى وسبتى جيرمين انا زعلانه منك

نيره :- معلش يا حبيبتى ماما كانت تعبانه شويه وانتم كنتو نايمين ومردتش اصحيكم مين اللى جابكم هنا 

جيسى :- عمو وليد وصلنا بالعربيه ومشى 

نيره :- ماشى يا حبايب ماما اكلتم ولا لسه 

جيرمين :- عمو وليد اكل جيرمين انا بحبه اوى يا ماما 

نيره :- وانتى يا جوجو اكلتى 

جيسى :- اه يا ماما عمو وليد اكلنا قبل ما نيجى هنا ده عمو وليد ده طيب اوووى يا ماما قعد يلعب معانا كتير وبصى جاب لينا ايه شنطه كبيره حلويات ووعدنا ان هو هيودينا الملاهى 

نيره :- بعصبيه فى ايه وليد وليد مش عايزه اسمع الاسم ده على لسانكم تانى وملكمش دعوه بى فاهمين 

البنات خافو من امهم فى دخلت نادر عليهم 

نادر :- فى ايه يا بنتى صوتك عالى كده ليه ومخوفه البنات منك ليه ومسك البنات حضنهم وبسهم وقال روحو يا حبايبى العبو بره 

جيسى :- حاضر يا خالو ومسكت ايد اختها وخرجت بره 

نادر :- فى ايه يا نيرو متعصبه على البنات ليه ملهمش ذنب تطلعى عصبيتك عليهم 

نيره :- انا تعبت يا نادر وهو عمال يقرب البنات ليه وشكله مش ناوى يجبها لبر 

نادر :- بس وليد فعلا حنين ومن قبل اى حاجه وهو بيحب البنات 

نيره :- لا اللى اسمه وليد ده مش سهل وواخد البنات سكه علشان يوصل للجواز علشان ينفذ وصية اخوه بس ده بعينه انا استحاله هوافق على الجواز منه مهما حصل 

نادر :- طب ماتفكرى تانى يا نيره وليد مش وحش وهو احق بتربية بنات اخوه بدل ما يجى يوم بناتك يرجعو بيعيطو علشان زميلهم معهم ابوهم وهما لا 

نيره :- مستحيل يا نادر وبناتى مش اول ولا اخر بنات اتربو من غير اب 

نادر :- يا حبيبتى انا مش بحاول اغصبك ولا افرض عليكى رأى بس بطلب منك فكرى فى الموضوع من جميع الاتجاهات وفكرى فى بناتك وفى نفسك 

نيره :- قطعته وقالت الموضوع مفهوش تفكير يا نادر انا قرارى مش هرجع فيه وهنزل شغل واعتمد على نفسى و الحزن هرميه وراه ضهرى وهعيش لنفسى ولبناتى وبس مش هيجراه حاجه يعنى 

نادر :- براحتك واللى انتى شايفه الانسب ليكى اعمليه وتأكدى مهما كان قرارك فأنا وقف فى ضهرك وحميكى ومش هتخلى عنكم ابدآ

نيره :- ربنا يخليك لينا يارب قولى عملت ايه مع بنت صاحب المكتب 

نادر :- انا سبت الشغل فى المكتب 

نيره :- ليه 

نادر :- حكلها اللى حصل مع فريده 

نيره :- يخربيتها هو فى بنات بالشكل ده 

نادر :- انا من اول يوم اشتغلت فى المكتب ده ومش مرتحلها 

نيره :- طب هتعمل ايه فى الشغل 

نادر :- بنفوذها منعتنى من الشغل فى المكاتب الكبيره بس انا كلمت واحد صاحبى مقتدر وفتح مكتب جديد هنزل معاه من اول الاسبوع الجاى 

نيره :- منها لله وربنا يوافقك فى المكتب الجديد يا حبيبى 

نادر :- يارب بس كان فى حاجه عايز احكيها ليكى 

نيره :- احكى 

نادر :- حكلها على شهد 

نيره :- امممم يعنى حبتها 

نادر :- مش بالظبط كده بس يعنى مرتحلها وشايف انها بنت مؤدبه ومناسبه ليا بس انتى برضه ليكى نظره عايزك تتعرفى عليها وتقوليلى رأيك فيها 

نيره :- يا سلام من عنيه ده يوم المنى لما اشوف البنت اللى خطفت قلب اخويه المحامى 

نادر :- يابت بلاش لماضه بقولك ارتحتلها بس 

نيره :- ماشى يا عم نمشيها ارتحتلها 

نادر :- انا هطلع بدل ما اموتك وسبها وطلع 

نيره :- ربنا يسعدك ويفرح قلبك يارب 

وقامت من على سريرها دخلت حمامها وغسلت وشها واتوضة وطلعت لبست هدوم الخروج و اداة فرضها وخرجت من الاوضه 

……………………………………………………

فى فيلا وحيد الدمنهورى 

كان الكل متجمع على سفرة الفطار 

أدم :- امال فين وليد 

امينه :- فطر هووالبنات وراح يوديهم لامهم 

تقى :- طب ناويه على ايه ياماما 

امينه :- الجوازه دى هتم بالعافيه او بالذوق 

ادم :- يا ماما ما تصرفى نظر عن الموضوع ده بدل ما تعذبيهم معاكى والجواز لازم يكون بموافقة الطرافين والاتنين مش موافقين 

امينه :- لا وصية ابنى لازم تتنفذ وبعدين هى لسه صغيره ومسيرها تشتاق للجواز وانا مستحيل اسيب بنات ابنى يربيهم راجل غريب  

تقى :- سعتها يا ماما يحلها ربنا مع انى متأكده ان نيره مستحيل تفكر فى الجواز علشان هى بتحب ابنك رامى الله يرحمه

امينه :- مفيش ست مش بتحتاج للراجل يكون ونيس ليها وحميها وبذات لما تكون لسه صغيره زى مرات اخوكى 

وفى الوقت ده وصل وليد 

امينه :- طلعت البنات لامهم 

وليد :- لا اتصلت على عم محمد ونزل اخدهم منى 

امينه :- ومطلعتش انت ليه 

وليد :- ماما بلاش والنبى الاسلوب ده معايه مش ذنبى ان هى رافضه انا من نحيتى قولتلك ان موافق عن اذنك 

وسبها ومشى 

امينه :- ماشى يا وليد لو مكنتش اخليها تيجى تتحايل علينا نجوزها ليك مبقاش انا امينه 

تقى :- معجبهاش كلام امها قامت وقالت انا ريحه الجامعه عن اذنكم ومشيت 

ادم :- قام وقال وانا كمان هروح المستشفى عن اذنك ومشى 

امينه :- لنفسها مش عجبكم كلامى دلوقتى بس بعد كده هتيجو تشكرونى انا بعمل كده لمصلحة الكل 

……………………………………………………

فى بيت محمد إبراهيم 

خرجت نيره من اوضتها وكان الكل متجمع على سفرة الفطار

نيره :- صباح الخير 

الكل :- صباح النور 

محمد :- نمتى كويس 

نيره :- لا يا بابا كنت نايمه نوم قلقل 

محمد :- معلش يا حبيبتى من الضغط اللى انتى فى 

نيره :- ولا ضغط ولا حاجه انا اخد قرار وهنفذه من النهارده 

محمد :- قصدك ايه مش فاهم 

نيره :- انا هنزل ادور على شغل حتى لو مش هيكون بشهاده بتعتى 

نرمين :- جدعه والله احسن قرار اخدى 

منيره :- اخرسى انتى يا مقصوفة الرقبه وبصت لنيره وقالت شغل ايه اللى انتى عايزه تنزليه ده وتبهدلى نفسك طب مالراحه موجوده انك تستتى فى بيت جوزك وتعيشى مرتاحه ولا محتاجه شغل ولا حاجه 

نيره :- اولا موضوع الجواز ده انا قفلته نهائى ثانيآ انا مش هشتغل علشان فلوس ربنا يخليلى بابا ونادر مش مخلينى محتاجه حاجه لا انا ولا البنات انا هنزل اشتغل علشان اعمل كيان وشخصيه لنفسى بدل ما انا قعده وحطه ايدى على خدى لا هنزل واشتغل لحد ما احقق كل اللى فى نفسى 

منيره :- منها لله مقصوفة الرقبه دى هى اللى لعبة فى دماغك وعلقت فكرة الشغل وملت دماغك بكلامها اللى ملهوش لزمه ده 

نرمين :- لا اله الا الله يا حاجه هو اى نصيبه تحصل تقولى مقصوفة الرقبه دى ده نقاص تقولى انا سبب خسارة نادى الزمالك علطول مش كده يعنى اهدى عليا شويه 

منيره :- بت انتى اسكتى احسن انا مش طيقاكى بسبب منظرك المسترجل ده 

نرمين :- وقفة وقالت طب و على ايه اقعد قصادك واعصبك اكتر انا رايحه الجامعه وبعتت ليها بوسه فى الهوا وقالت سلام امزه ومشيت 

منيره :- بصت لمحمد وقالت ساكت ليه عجبك اللى بناتك بيعملو ده 

محمد :- انتى اللى تعبه نفسك ما تسبيهم هما حرين فى حياتهم هما مش صغيرين 

منيره :- وقفت وقالت انتو متفقين عليا ولا ايه والله الواحد هيجى عليه وقت وهيطفش ومحدش هيعرف ليا طريق ومشيت 

محمد :- انتى رايحه فين 

منيره :- هغور فى داهيه هروح اقعد مع الجيران شويه افك عن نفسى بدل الهم والغم اللى فى البيت ده ومشيت وراحت عند بيت شهد 

محمد :- لا حولا ولا قوة الا بالله 

نادر :- معلش يا بابا انت عارف ان ماما بتعمل كده من خوفها علينا ونفسها تشفنا فى احسن حال 

محمد :- عارف يا ابنى عارف وقام دخل اوضه 

نادر :- انتى هتنزلى دلوقتى تدورى على شغل 

نيره :- اه يا حبيبى 

نادر :- طب تعالى معايه على السكه 

نيره :- انت نازل 

نادر :- اه هروح عند صاحبى المكتب اشوف محتاج مساعده فى تحضير المكتب ولا ايه علشان الافتتاح قرب 

نيره :- ماشى يا حبيبى يلا بينا 

ونزلت نيره مع نادر وركبو تاكسى 

ووصلها عند شركه كانت جايبه اسمها من على النت 

نادر :- هنا عنوان الشركه 

نيره :- اه هو 

نادر :- تحبى اجى معاكى 

نيره :- لا يا حبيبى روح انت شوف وراك ايه ونزلت من التاكسى 

نادر :- طب خلى بالك من نفسك ولو حد ضيقك اتصلى بيا 

نيره :- ماشى روح انت بقى علشان تلحق معادك 

نادر :- ماشى ومشى بالتاكسى ودخلت نيره للشركه وسالت على مكتب السكرتيره ودلها عليه موظف الاستقبال 

طلعت زى ما قلها الموظف وكان فى سكرتيره قعده ولبسه لبس مفتوح جدآ

يظهر جميع مفاتنها 

نيره :- بقرف من منظرها السلام عليكم 

السكرتيره :- هاى ايوه حضرتك 

نيره :- لوسمحتى كان فى اعلان وظيفه نازل على النت وانا جايه اقدم عليها 

السكرتيره :- بصت لنيره من فوق لتحت وقالت امممم صعب تتقبلى بمنظر لبسك ده بس هقول للمدير اتفضلى اقعدى وقامت وقفت ومشيت خطوتين وبصت لنيره وقالت اه نسيت معاكى السى فى بتاعك 

نيره :- اه اهو اتفضلى 

السكرتيره :- اخدته منها ومشيت راحت لمكتب المدير 

عاصم المدير :- اتفضلى 

السكرتيره سميه :- ايوه يا فندم فى واحده بره جايه تقدم على وظيفة مديرة الحسابات اللى معلن عنها فى الوظائف الخاليه 

عاصم :- اممم معاها السى فى 

سميه :- ايوه يا فندم اهو 

عاصم :- بص فى وقال حلو السى فى بتعها حلو 

سميه :- بقرف بس يعنى 

عاصم :- بس ايه 

سميه :- طريقة لبسها بيئه اوى وكمان محجبه 

عاصم :- امممم ماشى اديها الابلكيشن تملاه وهاتى قبل ما هى تخش 

سميه :- حاضر يا فندم وطلعت راحت على مكتبها وادتها الورقه وقالت ليها ممكن لو سمحتى تملى البيانات دى 

نيره :- ليه 

سميه :- علشان لما تتعينى هنا بنحتاج المعلومات دى فى شؤن العاملين 

نيره :- اه تمام واخدت الورقه وملة البيانات وادتها لسميه 

سميه :- ثوانى هدخلها للمدير 

ودخلت تانى لمكتب عاصم واديته الورقه 

عاصم :- اخد الورقه وبص فيها وعلى الحاله الاجتماعيه بتعتها وقال حلو ارمله اسرع وانجز 

سميه :- قصدك ايه ان شاءالله 

عاصم :- ها ولا حاجه دخليها بسرعه 

سميه :- انا مش مطمنالك انت ناوى على ايه انت عارف لو ناوى على اللى فى دماغك انا اموتك 

عاصم :- انا اقدر برضه يا جميل ده انت اللى فى القلب وقعده ومتربعه فيه 

سميه :- بدلع بجد يا عصومى 

عاصم :- بجد ياروح عصومى روحى بقى دخليها 

سميه :- ماشى بس اعمل حسابك لو اتأخرتو فى المقبله دى هتلاقينى فوق دماغك 

عاصم :- خلاص بقى يا سمسمه 

سميه :- ماشى وطلعت من مكتب عاصم وبلغت نيره بدخولها لمكتب المدير 

نيره :- دخلت المكتب وقعدة على الكرسى وهى متوتره 

عاصم :- لنفسه اللهم صلى على النبى هو فى كده وقال انتى خايفه ليه كده اهدى شويه 

نيره :- ا.ا.اصل اول مره 

عاصم :- متخفيش كده مفيش حاجه يعنى ومسك كوباية الميه ومد ايده بيها 

نيره :- مدت ايديها تخدها 

عاصم :- وهو بيديها الكوبايه لمس ايديها قصدها

نيره :- سحبت ايديها بسرعه وشربت الميه وقالت احم تمام يا فندم اتفضل اسأل اللى عاوز تعرفه 

عاصم :- لا ما هو كل حاجه مكتوبه فى الابلكيشن قدامى بس انتى صغيره اوى على ان تكونى ارمله معاكى اطفال 

نيره :- وده حضرتك داخله ايه فى الشغل 

عاصم :- ها ع.ع.عادى يعنى بسأل علشان ميكونش سبب عاطله ليكى فى الشغل 

نيره :- لا متخفش حضرتك مش هيبقى فى عطله ولا حاجه ان شاءالله 

عاصم :- عمومآ تقدرى تتفضلى دلوقتى واحنا هنتصل بيكى فى اقرب وقت 

نيره :- شكرآ عن اذنك وخرجت من المكتب وهى بتاخد نفاسها بصعوبه من شدة التوتر من نظرات عاصم ليها ومشيت من الشركه وراحت على البيت 

فى مكتب عاصم 

عاصم :- لا البت فرسه الصراحه ومزه مزه بس هتتعبنى على ما تيجى معايه سكه 

سميه :- هى مين دى ان شاءالله 

عاصم :- ها ع.ع.عليكى انتى طبعآ ده انتى وحش مفترس يا سمسمه 

سميه :- ولو انى مش مقتنعه بس هعمل نفسى مصدقه عمومآ عملت ايه مع البنت دى 

عاصم :- ولا حاجه قولتلها هنبقى نرد عليها فى التليفون 

سميه :- والله وناوى تنزل البنت البيئه دى تشتغل هنا فى الشركه وفى الوقت ده دخل الساعى جايب القهوه لعاصم 

عاصم :- تمام كده الشغل ده يا انسه اتفضلى على مكتبك 

سميه :- عن اذنك يا فندم وطلعت على مكتبها وهى متغاظه من نيره وغيرانه من جملها على عاصم 

……………………………………………………

فى الجامعه 

كانت تقى وقفه مع نرمين 

تقى :- وهى عامله ايه دلوقتى 

نرمين :- والله انا سيبها وهى مجهزا نفسها علشان تنزل تدور على شغل 

تقى :- شغل ده لو ماما عرفت هتهد الدنيا 

نرمين :- بقولك ايه يا اما اهدى شويه انتى والحاجه امك محدش ليه عندها حاجه وهى حره تشتغل او لا اللى كان ما بنكم اخوكى رامى الله يرحمه وهى دلوقتى برحتها 

تقى :- انا مقولتش حاجه بس ماما مصممه تجوز نيره لوليد زى ما الوصيه مكتوب فيها ونزول نيره الشغل دلوقتى ماما هتعتبرو عند من نيره وممكن تحصل مشاكل كتيره 

نرمين :- والله هى حره واللى مش عجبه يخبط راسه فى الحيطه ومحدش هيقدر يمس شعره من اختى ولا يقدر ليها على حاجه 

تقى :- انتى بتتعصبى عليه انا ليه انا مليش دعوه بكل ده 

نرمين :- متزعليش يا توتا بس الصراحه عيلتك دى عايزه الحرق اقسم بالله 

تقى :- يا بت اتلمى 

وفى الوقت ده جه عمرو زمليهم 

عمرو :- صباحو 

تقى :- صباح الورد 

نرمين :- صباحك بيضحك 

عمرو :- واحشتونى كنتو فين اليومين اللى فاتو محدش شاف وشكم فى الجامعه 

تقى :- معلش يا مورى كان فى شوية مشاكل عندنا 

عمرو :- مش الحمدالله اتحلت 

نرمين :- مع الاسف لسه 

عمرو :- عمومآ يا بنويتى ربنا يبعد عنكم المشاكل ويسهل اموركم 

تقى ونرمين :- اللهم امين 

عمرو :- يلا احسن المحاضره هتبدأ

ومشيو التلاته على المحاضره 

……………………………………………………

فى بيت محمد إبراهيم 

وصلت نيره للبيت ولسه هتفتح الباب طلعت شهد من باب شقتها 

شهد :- السلام عليكم 

نيره :- وعليكم السلام 

شهد :- حضرتك نيره صح 

نيره :- صح بس من غير حضرتك دى وانتى شهد 

شهد :- ايوه 

نيره :- الصراحه اسمك على مسمى اسمك شهد وانتى شهد بجد 

شهد :- شكرآ لحضرتك 

نيره :- ما قولنا بلاش حضرتك دى 

شهد :- حاضر 

نيره :- انتى كنتى دخله عندنا صح 

شهد :- ايوه طنط منيره كانت عايزانى 

نيره :- لا اعملى حسابك طلبات طنطك منيره مبتخلصش تعالى وفتحت الباب ودخلو الاتنين 

……………………………………………………

فى فيلا وحيد الدمنهورى

فى اوضة وليد كان قاعد وسمع تليفونه رن مسك التليفون وفتح المكلمه 

وليد :- السلام عليكم 

اللواء :- وعليكم السلام 

وليد :- امر سيدك 

اللواء :- الاجازه اتلغت ومطلوب تنزل من بكره لاستلام مهمتك الجديده 

وليد :- حاضر سيدك 

وقفل مع اللواء وقام حضر شنطته وحط الهاند فرى فى ودنه وقعد يسمع غانى علشان يمر الوقت وبدء يتصفح على شبكات التواصل الاجتماعى 

……………………………………………………

بقلمى (دودو محمد)

«تائهه فى بحور الذكريات»

الفصل العاشر 

فى بيت محمد إبراهيم 

وصل نادر الشقه وكانت شهد قعده مع نيره 

نادر :-السلام عليكم 

نيره وشهد :- وعليكم السلام 

نادر :- اذيك يا انسه شهد 

شهد :- احم الحمدالله وبصت لنيره وقالت هروح انا بقى الشقه 

نيره :- فى ايه يا بنتى خليكى قعده 

شهد :- معلش علشان بابا زمانه جايه 

نادر :- ما تخليكى قعده يا انسه ولا اذا حضرت الشياطين ذهبت الملائكه 

شهد :- لا مش كده والله بس لو بابا جه وانا مش موجوده فى البيت بيبهدل الدنيا 

نيره :- ماشى يا حبيبتى روحى انتى 

ومشيت شهد وقعد نادر يبص عليها 

نيره :- على فكره البونيه مشيت 

نادر :- ها ا.ا.اه ما انا عارف 

نيره :- جرى ايه يا عم النحنوح مش عوايدك يعنى تسبل لبنت وبعدين ايه الشياطين والملايكه ده انا جسمى قشعر يا جدع 

نادر :- خلاص يا خفه خلصتى استظرافك 

نيره :- حاجه شبه كده ليه 

نادر :- علشان عايز اعرف رايك فيها 

نيره :- الصراحه البت مؤدبه جدآ دى مبتعرفش تتكلم غير بكلمة حضرتك ده انا اتكسفت من نفسى لما لاقتها بتتكلم بالاسلوب ده شهاده لله البت لقته ومش هتلاقى زيها فى اليومين السود دول ده ربنا يستر عليها من اختك نرمين ده مش بعيد تاكلها والبت مش هتقول حاجه ده امك مشغلها عندها كل شويه تطلب منها اكله شكل

نادر :- يعنى اتوكل على الله اول ما استلم الشغل فى المكتب اتكلم عليها 

نيره :- هههههه على فكره امك مسبقه وعرفين كل حاجه وشبه منتظرينك 

تتقدم رسمى 

نادر :- ده مين اللى قالك الكلام ده ماما 

نيره :- لا شهد 

نادر :- مش عارف اقول ايه بجد امك متسرعه فى كل حاجه 

نيره :- يا عم خلاص مش انت مرتاح للبت يبقى سبها ماشيه واللى فيه الخير يقدمه ربنا

نادر :- يابنتى انا حتى معرفش هى مرتاحه ليا ولا لا 

نيره :- لا معجبه بيك 

نادر :- بفرحه بجد مين قالك هى 

نيره :- لا طبعآ دى بتتكسف من كل حاجه 

نادر :- امال عرفتى ازاى 

نيره :- من لمعت عنيها اول ما انت جيت ومن طريقة كسوفها منك واضح اوى انها معجبه بيك 

نادر :- يسمع من بؤق ربنا 

نيره :- ربنا يسعدك يارب يا حبيبى 

نادر :- اه عملتى ايه انهارده 

نيره :- احم تمام قدمت وقالو هيتصلو بيا 

نادر :- مالك يا نيره فى حاجه حصلت ولا ايه 

نيره :- ها ل.ل.لا مفيش ليه بتقول كده 

نادر :- علشان انا حفظك لما يكون فى حاجه بتحاولى تداريها 

نيره :- ها لا بس فكرة الشغل موترانى بس 

نادر :- بعدم اقتناع ماشى يا حبيبتى ربنا يوفقك وسبها ودخل اوضه 

……………………………………………………

فى الجامعه 

خلصت تقى ونرمين المحاضرات وخرجو وخرج معاهم عمرو 

عمرو :- ايه يا حلوين ناوين على ايه انهارده 

نرمين :- انا عن نفسى هروح البيت ده انا اتهلكت انهارده فى المحاضرات 

عمرو :- وانتى يا توتا 

تقى :- انا عن نفسى مش حابه اروح على الفيلا انهارده بقى كله مشاكل 

عمرو :- اشطه تعالى نتغدا فى مطعم وامشيكى شويه 

تقى :- اوك يلا بينا 

ومشى عمرو وتقى ونرمين طلعت من باب الجامعه بس لاحظت عربيه بتدى ليها كلاكسات 

نرمين :- اللهم يطولك ياروح ووقفت وقالت نعم يا نونوس عين امك بس سكتت لما لاقته ادم 

ادم :- ايه يابنتى لسانك ده مش بياخد اجازه 

نرمين :- ادم جاى ليه 

ادم :- جيت اطمن عليكم صح فين تقى 

نرمين :- ها ر.ر.راحت تتمشى شويه مع زمايلها

ادم :- وانتى مروحتيش معاهم ليه 

نرمين :- لا انا جسمى متكسر من محضرات انهارده مش قادره هروح انام 

ادم :- طب اركبى اوصلك 

نرمين :- ركبت جمبه وقالت بس مبروك العربيه الجديده 

ادم :- الله يبارك فيكى عجبتك 

نرمين :- تحفه احلى من التانيه بكتير 

ادم :- يعنى زوقى عجبك 

نرمين :- جدآ 

ادم :- نرمين 

نرمين :- اممم

ادم :- ممكن نفضل اصدقاء ومشاكل العيلتين متأثرش على صداقتنا 

نرمين :- طبعآ يا ادم ده ملهوش دعوه بده ما تقى اهى اختك وعمر ما صدقتنا اتأثرت بحاجه 

ادم :- وانا ناويت ان شاءالله كل اسبوع هروح معاكى الملجئ بجد كان اسعد يوم فى حياتى 

نرمين :- اشطه يا معلم هستناك كل جمعه تاخدنى ونروح مع بعض 

ادم :- تصدقى ان انا اخر حاجه كنت افكر فيها ان قلبك يكون طيب بالشكل ده ويكون عندك قلب حنين على الاطفال كده 

نرمين :- ليه بقى ان شاءالله 

ادم :- علشان علطول عصبيه ولسانك طويل وكده يعنى فاللى يشوف شخصيتك كده يقول عليكى قاسيه 

نرمين :- تصدق يا ادم ان هما دول اللى بينسونى اي كلام ضايقنى ولا موقف حصلى مش حلو بحس نفسى ان انا طفله زيهم بتمنى اعيش معاهم العمر كله مفهوش خداع عالم بريئه وقلبهم ابيض كلامهم من القلب ضحكهم من قلبهم 

ادم :- كان بيبص على نرمين بأعجاب 

نرمين :- ادم انت ليه بتبصلى كده 

ادم :- ها ولا حاجه يلا نمشى 

نرمين :- يلا 

……………………………………………………

عند عمرو وتقى 

كانو قعدين فى مطعم وبياكلو 

عمرو :- تصدقى ان دى اول مره نقعد مع بعض لوحدينا من غير نرمين 

تقى :- اه والله القعده نقصاها 

عمرو :- تقى 

تقى :- نعم 

عمرو :- كنت عايز اعترفلك بحاجه 

تقى :- خير 

عمرو :- تقى انا معجب بيكى من اول مره شوفتك فيها وكنت خايف اعترفلك من زمان لا تبعدى عنى وكنت راضى بصداقه بس علشان اكون جمبك ومتبعديش عنى بس بجد مش قادر اسكت اكتر من كده 

تقى :- ……………………………

عمرو :- سكته ليه يا تقى 

تقى :- احم هقولك ايه 

عمرو :- قوليلى ان كنتى بتحسى بحاجه من نحيتى ولا لا مع انى اوقات كتير بحس انك بتبدلينى نفس الشعور 

تقى :- عمرو ممكن نمشى 

عمرو :- انتى زعلتى لو كلامى زعلك انا اسف بس ارجوكى متبعديش عنى وانا راضى اكون جمبك لو حتى صديق زى ما كنا 

تقى :- لا مزعلتش بس عايزه اروح 

عمرو :- حاضر يا تقى ونده على النادل وحسبه على الاكل وخرجو من المطعم وركبت تقى مع عمرو ووصلها الفيلا ومشى 

……………………………………………………

عند نرمين وادم 

وصل ادم نرمين عند بيتهم 

نرمين :- نزلت وقالت شكرآ يا ادم على التوصيله دى 

ادم :- العفو ياستى انا تحت خدمة حضرتك هههههههه

نرمين :- ههههههههه سلام 

ادم :- نرمين 

نرمين :- نعم 

ادم :- ممكن رقم تليفونك علشان ابقى اطمن عليكى 

نرمين :- اه طبعآ ومسكت تليفون ادم وسجلت رقمها ورنت على تليفونها علشان تسجل رقمه ومدت ايديها تديله التليفون بس ايديها لمست ايده 

ادم :- حس بشعور غريب لما ايديها لمست ايده وقعد باصص فى عنيها 

نرمين :- سرحت فى عين ادم وقعدة باصه ليه بس انتبهت لنفسها وقالت احم س.س.سلام 

ادم :- احم سلام 

نرمين :- طلعت تجرى على السلم وهى عندها شعور واحساس بالسعاده 

ادم :- قعد باصص على اثرها لحد ما اختفه وقال وايه حكايتك معايه يا نرمين ليه بيجى ليا شعور بالسعاده وببقى مش عايز الوقت يعدى ويخلص طول ما انتى معايه ومشى بعربيته

……………………………………………………

فى شقة محمد إبراهيم 

دخلت نرمين وهى مبسوطه جدآ

نرمين:- السلام عليكم 

نيره :- وعليكم السلام 

نرمين :- امال فين القوم اللى هنا 

نيره :- ماما وبابا نايمين ونادر فى اوضه والبنات نامو 

نرمين :- وانتى قعده ليه 

نيره :- كنت زهقانه ووقفت فى البلكونه شويه وامممممم شفت كده عربيه موصلاكى وكنتى بتتكلمى وانتى مبسوطه 

نرمين :- احم اه د.د.ده ادم قابلنى فى الجامعه ووصلنى 

نيره :- بس دى مش عربية ادم 

نرمين :- اه ما هو غيرها انهارده 

نيره :- اممممم قولتيلى بقى 

نرمين :- شامه ريحه مش ظريفه من طريقة كلامك 

نيره :- لا بس يعنى شيفاكى مبسوطه والفرحه هتنط من عنيكى وارقام بتتبادل ولمعة عين من ذكر اسمه كل ده عادى 

نرمين :- ادم مش اكتر من صديق واخو جوز اختى الله يرحمه 

نيره :- لما سمعت كده عنيها دمعت 

نرمين :- لامت نفسها وقالت انا اسفه يا نيره مش قصدى افكرك برامى والله 

نيره :- بدموع انا منستهوش يا نرمين اصلا ورغم كل اللى حصل ده مش قادره اكرهو ولا اشيله من تفكيرى 

نرمين :- مسحت دموع اختها وقالت خلاص بقى يا نيرو طب سيبك من رامى وادم قوليلى بقى عملتى ايه انهارده 

نيره :- قدمت فى شغل وقلى هيبقى يتصلو بيا 

نرمين :- مالك يا نيرو شكلك فى حاجه مخبيها 

نيره :- هو فى ايه مالكم كل شويه حد يقولى كده 

نرمين :- علشان انتى بيبان على وشك علطول اى حاجه مخبيها 

نيره :- هقولك بس تعالى فى الاوضه جوه 

ودخلت نيره ونرمين فى الاوضه 

نرمين :- ها قولى بقى 

نيره :- بصى هو موضوع ممكن يكون عادى وانا اللى مكبرها شويه مش عارفه بقى 

نرمين :- طب قولى 

نيره :- اول حاجه لما روحت الشركه السكرتيره شكلها مش مريح ولبسها استغفر الله العظيم مينفعش يتلبس اصلا فى اوضة نوم تانى حاجه صاحب الشغل نفسه شكله كده مش تمام ومش ولا بد وحاول يلمس ايدى ونظراته قلقتنى اوى بجد مخيفه بيبص عليكى من فوق لتحت من غير خش ولا احترام 

نرمين :- بصى لو مش مرتاحه وخايفه بلاش من الشركه دى بس انا رأى حاجه تانيه 

نيره :- ايه هو 

نرمين :- انا من رأى انزلى ومتبينش انك خايفه منه وحاولى يكون ليكى شخصيه علشان الكل يخاف منك وبلاش الضعف اللى فى عنيكى الواضح ده واللى يحاول يقرب ليكى ولا يقول ليكى كلمه تجرحك ردهالو عشره ونطى فى كرش التخين فيهم وخليكى متأكده مدام انتى صح ومش بتعملى حاجه غلط يبقى محدش ليه عندك حاجه 

نيره :- يعنى رايك انزل الشغل ده ومدورش على غيره 

نرمين :- يا حبيبتى كل شغل هتلاقى فى من عينة الراجل ده ولازم تتعلمى ازاى توقفيهم عند حدودهم علشان انتى وضعك مختلف شويه انتى ارمله وصغيره وحلوه والطمع هيكون فيكى مضاعف 

نيره :- تمام انا هستنا تليفونهم وانزل الشغل ده وربنا معايه ويقوينى 

نرمين :- يارب وفى الوقت ده رن تليفون نرمين 

نيره :- امممم ادم 

نرمين :- هههههه لا اخته عن اذنك ودخلت اوضتها 

تقى :- ايه كل ده علشان تردى عليا 

نرمين :- اخلصى يا زفتت الطين متصله ليه فى الوقت ده 

تقى :- بطمن عليكى عادى يعنى 

نرمين :- والله مش عوايدك يعنى قولى ابت ايه عندك 

تقى :- احم كان فى حاجه حصلت كده 

نرمين :- ههههههههههه عارفها 

تقى :- طب ايه هى 

نرمين :- عموره اعترف ليكى بحبه 

تقى :- انتى كنتى عارفه 

نرمين :- ده كان باين اوى عليه يا بنتى ده كان بيبص عليكى بهيام ومعملته ليكى كانت مختلفه 

تقى :- انا اه كنت بحس بده من معملته ليه وانا مكدبش ليكى بحس بسعاد

بداية الرواية من هنا