رواية آروتا الفصل الاول بقلم عمرو البليهي حصريه وجديده على مدونة النجم المتوهج
رواية آروتا الفصل الاول بقلم عمرو البليهي حصريه وجديده على مدونة النجم المتوهج
مش تخبط الاول ي جحش
ايه ده لمؤخذة ي هنا معرفش ان حد معاكي ف الاوضه
خلاص ي هنا محصلش حاجه زي اخويا الصغير بردوا
انجز ي ادم شوف هتجيب ايه من الاوضه واطلع
اخدت شنطتي وطلعت عشان اروح التمرين
فضلت وانا بجيب الشنطه ابص ع صاحبه اختي جذبني جمالها وعنيها اللي كل مره بتخطفني ف عالم تاني
انا ادم عندي ١٩ سنه وعمري م فكرت ف الحب لحد م شوفت امنيه صاحبه اختي هنا اللي عندها ٢١ سنه
المهم نزلت اروح التمرين
بس افتكرت امنيه صاحبه اختي ف دماغي
سرحت ونمت ف الميكروباص وانا بتخيل امنيه واحنا بنتمشي مع بعض وسرحان ف ملامحها اللي كل مره بحسها أجمل من الاول
ايه الهبل ده دي اكبر مني وثانيا صاحبه اختي لالالا اللي بفكر فيه ده غلط بس عيونها فيها برائه وجمال مشوفتهمش ف بنت قبل كدا
___________________
ادم !! ادم!!!
ايه يبني ركز ف التمرين انت سرحااااان كدا ليهههه
مرهق شويه ي خالد قولتها وانا بفكر ف امنيه ومبتسم وروحي ف حته تانيه
خلاص تعالي اروحك
لالا فكك هتمشي كمل تمرين انت يلا هكلمك بالليل
طلعت من بوابه التمرين
واتمشيت لحد البيت وانا حاسس انا مش انا كل ده عشان امنيه عايز اعرفها اكتر لازم اكلمها
و روحت البيت لقيت الاوضه فاضيه امممم مشيوا
_________________
دخلت مسكت تلفوني ودخلت ع بروفايل اختي عشان اشوفها عندها امممم
امنيه رأفت
يمراري البروفايل مقفول المهم عرفت الاسم ماشي
نزلت اتمشى لحد الكافيه اللي دايما هما بيقعدوا فيه لقيتهم جوا ف دخلت كاني قابلتهم بالصدفه
ايه ده انت من امتي بتيجي هنا ي ادم ، هنا قالتها وهي مستغربة
مستني واحد صاحبي هنقعد شويه
ماشي روح زي الشاطر اقعد ع تربيزه تانيه
امنيه ب ابتسامه خفيفه
يبت ي هنا انتي بتعاملي اخوكي كدا ليه يلهوي عليكي
اقعد ي ادم ع م صاحبك يجي
قعدت وفضلت قاعد سامع حوراتهم حوالي ربع ساعه
وعيني متشالتش من ع امنيه ولا عيون امنيه بس بصيت بعيد تاني عشان متاخدش بالها
____________
هدخل الحمام واجي ي امنيه
ماشي ي قلب امنيه مستنياكي
بصيت ل امنيه ف عنيها وكنت عايز اكلمها بس اتكسفت اوي
ادم اوعي تكون جاي تقابل بنات
قالتها وهي بتضحك ضحكتها دخلت قلبي وحسيت كأني عايزه اسمعها تاني
لالا انتي تعرفي عني
م انا لو اعرف هقولك انا معرفش عنك حاجة
ابتسامتك حلوه اوي ع فكره ، طلعت ب عفويه مني واتكسفت ووشي احمر وبقيت محروووووج اوي.
الله يخليكى ي ادم انت اللي حلو ي عم
قالتها بس طبعا بدون مشاعر طبعا زي م انا قولتها
اه لو تعرفي مشاعري ي امنيه اه
وبعدين جتلي فكره
هنا كدا كدا طلعت من الحمام مش هعرف اكمل كلام معاها
قومت بلهفه وحماس
هستاذن انا بقي شكل صاحبي مش جاي
ماشي ي ادم روح انت
باي ي ادم قالتها امنيه الرقيقه يخربيت كدا انا بقيت مغرم بيها
___________________________
روحت البيت ومسكت التلفون
ابعت مبعتش ابعت مبعتش ابعت مبعتششششششششش
و ف قرار مصيري بعتلها ادد ودخلت بعتلها ازيك عامله ايه ؟
قفلت التلفون وانا عايز اعرف ردها اوي اوي اوي وكنت مش عارف انام
لحد م هنا رجعت البيت المغرب
مقدرتش اقعد لاني كنت صاحي من بدري وغفلت
صحيت الساعه ١٢ بالليل ع رنه صاحبي خالد
ايه يبني انت كويس دلوقتي؟
ايه اه اه كله تمام كنت عايز انام بس شوية
هننزل بكرا اكيد
اه اكيد ي خالد خلصانه
قفلت معاه عشان الاقي
إشعار رسالتين من المسنجر مكتوب من امنيه رأفت
ردت ردت ردت ردت ردت
قلبي نط من مكانه بس لانها ردت مش مهم الرد ايه بس ردت
دخلت عشان اشوف الرسالتين وانا كلي فضوووول
ي تري كتبت ايه ؟!؟!؟!
يتبع ..
قولولي رأيكم عشان اول حاجه اكتبها😁❤️✌️
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق