رواية حظ عوالم الفصل الثاني بقلم الكاتبه الكبيره حنان حسن حصريه وجديده على مدونة النجم المتوهج
رواية حظ عوالم الفصل الثاني بقلم الكاتبه الكبيره حنان حسن حصريه وجديده على مدونة النجم المتوهج
زوجي خرج من تربتة واغ،ت...&ص،ب بن،ت،ي ادامي
لولا الراجل الشهم
ودلوقتي هنرجع بالاحداث من ساعة ما وقفنا
في الجزء الي فات
زوجتك خاينة وبناتك الثلاثة من صلب الفران
دا الكلام الي قالتة سلفتي نرجس لفؤاد زوجي ..قبل ما تفارق الحياة
في اللحظة دي
انا قلت ان فؤاد هيقوم يق..&تلني او علي الاقل..هيبلغ عني ويتهمني بق..&تل نرجس
او حتي يفضحني ادام الكل
لكن الغريبة ان فؤاد معملش اي حاجة من دول
وكل الي عملة فؤاد انه فضل متسمر في مكانة شوية
بدون ما يتكلم ..وحتي مكنش مركز مع توسلاتي ولا سامع القسم الي كنت بقسمة باني بريئة من التهمة الي لبستهالي نرجس
وفضل فؤاد علي الحال دا
لغاية ما فاق من الصدمة. وحمل جثة نرجس علي ايده ودخلها غرفتها...وبعدها فتح انبوبة الغاز واشعل النار فيها وفي الغرفة
في الوقت دا مكنش في حد من اخواتة الرجالة في البيت
لكن لحسن الحظ ان ( ام فؤاد) هي الي صحيت علي صوت صراخي.. و شافت فؤاد بعنيها وهو بيدخل جثمان نرجس وبيولع في غرفتها
ام فؤاد عرفت ان ابنها قتل نرجس لكن معرفتش الاسباب الي دفعتة لقتلها
وطبعا مقدرتش تسألة عن سبب تصرفاتة دي لان فؤاد
... غادر البيت فورا بعد ما اشعل النيران
ولغاية امبارح مكناش نعرف طريقة
وطبعا انا ونورا مجيبناش سيرة عن الي حصل نهائي
عشان نورا خافت من الفضيحة
وانا خوفت لايتهموني بقتل نرجس
المهم
ام فؤاد خافت علي ابنها وشهدت زور بانها شافت بعينها ان اهمال نرجس هو السبب في اندلاع الحريق
وهو دا الكلام الي وصل لاخوات فؤاد
عشان كدا
لما اخواتة الرجالة اتصلوا بالمطافي
قالوا ان نرجس كان عندها بوتجاز بعين واحدة ..و متعودة تضع عليه الفحم لزوم البخور ..وبرغم انها كانت عارفة انه بيسرب الغاز الا انها برضوا شغلتة
فاحدثت الكارثة
والكل صدق ان اهمال نرجس كان السبب في اندلاع الحريق
وكان مفروض ان موضوع نرجس ينتهي علي كدا
لكن بعد الحادثة..
بدائنا نسمع صوت نرجس جاي من اوضتها
وانا بنفسي كنت بشوف دخان خارج من غرفتها
ولما قولت لحماتي علي الي شوفتة..
قالتلي انها هي كمان شافت نرجس بتطوف في البيت طول الليل بالمبخرة بتاعتها
دا غير الجيران الي كانوا بيشوفوا نور غرفتها بيولع ويطفي
ودا كان سبب انهم قالوا علي الاوضة بتاعة نرجس مسكونة
عشان كده محدش كان بيقرب من الغرفة...حتي عابد زوجها قفل الغرفة وقعد مع امة ومحاولش حتي يزيل اثر الحريق منها
للكاتبة..حنان حسن
المهم
بعد اختفاء فؤاد اخواتة (عابد ..و يحي)
سألوا عليه
فما كان من( ام فؤاد) الا انها ادعت ان ابنها سافر سفرية شغل
قبل اشتعال الحريق بساعات
واخواته صدقوها
وبمجرد ما انقضت ايام العزاء
رجع عابد زوج نرجس يتعايش ويباشر حياتة عادي
ومش هو بس.. دا كلهم
رجعوا يمارسوا اشغالهم
حماتي رجعت .. تفرش الحصيرة في الصالة و تلف حلة المحشي بتاعتها وتطلب مني اخدم عليها كا العادة
ونورا رجعت لمكياجها ولبسها المحزق ودلاعها مع جوزها
وانا كنت فاكرة ان الموضوع خلص علي كدا
لغاية ما اكتشفت ان ملك بنتي اتعرضت للاغت..&صاب ...وعرفت ان المجرم يبقي فؤاد ابوها
فا انتقمت لبنتي وقتلتة...
لكن الغريبة اني بعدما دفنتة لقيتة بيتصل بيا في الموبيل
وبيقولي انه جاي
في اليوم دا فضلت انتظرة لكن النهار عدي ومجاش
لكن باليل...لقيتة داخل عليا انا وبناتي
وهو لابس قناع علي وشة
ولما حاولت اصرخ كممني..وقيد ايدي ورجلي
وحاول ياخد ملك تاني من جنبي
للكاتبة..حنان حسن
في اللحظة دي
كنت بموت علي بنتي حرفيا ..لانة هياخدها تاني وكان بدء يمزق هدومها وانا عاجزة اني احميها
لكن فجاءة
ظهر راجل شهم عضلاتة البارزة كانت بتقول انه رياضي
وفضل الراجل دا يضرب في فؤاد لما عدمة العافية
وبعدما انقذ بنتي منه
فك وثاقي..وطبطب عليا
وقالي...(متخافيش... من النهاردة محدش هيقدر يأذي بناتك
نامي واطمني ( انا معاكي)
وبعدها اتجه الراجل الشهم لفؤاد تاني واخده علي غرفة نرجس
واختفوا الاتنين
الي حصل دا رعبني حرفيا
وخلاني اتأكد ان غرفة نرجس مسكونة فعلا
ودا خلاني قررت اني لازم اخد بناتي واهرب من البيت
بس ههرب فين وانا معنديش حد اروحلة؟
فا فضلت قاعدة غصب عني في الرعب دا
لغاية ما اكلني الجوع انا وولادي
لان الكل نفض ايده من مصاريف ولادي
و مكناش لقيين ناكل بعد اختفاء فؤاد
ولما لقيت نفسي بدون عائل عرفتهم باني هخرج ابحث عن شغل في البيوت
عشان اجيب مصاريف ولادي
فا رد يحي اخو فؤاد
وقالي..في مكتب توظيف للخادمات
معايا الكارت بتاعة اهوه
وفعلا اخدت الكارت وروحت لصاحبة المكتب (مدام نوال)
لكن..لما روحت لمدام نوال
قالتلي
مفيش عندي غير زبون عايش لوحده
عايز جليسة مريض لكن شرط تكون (مقيمة)
فا رديت وقلتلها.. انا مش عايزة اشتغل في شقق عزاب؟
فا ردت وقالتلي...لا دا مش عازب من الي بالك فيهم
دا ياعيني راجل مريض بمرض خطير
وهيودع الدنيا قريب
..ومش بيقوم من السرير
وعنده واحده ست كبيرة بتنضف
بس كانوا عايزين له جليسة تساعدها في رعايتة
وغمزتني وهي بترقع ضحكة خليعة
وقالتلي
الراجل مريض
يعني الحرارة مقطوعة.. والكهرباء مفصولة فا مفيش منه اي خطر
خايفة من ايه بقي؟
للكاتبة..حنان حسن
في اللحظة دي
انا لقيتها فرصة
الراجل مريض وعايش لوحده
وانا ممكن اخد بناتي معايا وابعدهم عن البيت الملعون لغاية ما لاقي حل
ودا خلاني وافقت علي الشغلانة
لكن...سالتها
وقلتلها..طب هو اتفق معاكي ازاي وهو مريض ؟
فاردت مدام نوال
وقالتلي...هو مكلمنيش
دي اختة هي الي كلمتني من بلاد بره
وقالتلي انهم محتاجين جليسة مريض
وادي العنوان اهوه
اركبي اوبر واول ما توصلي قوليلة
نزلني في العنوان دا
الزبون اسمة ( حمزة الكاشف )
وبالفعل
اخدت العنوان و روحت الشغل
وانا بقول يارب ارزقني برزق ولادي
و لما رنيت الجرس
فتحتلي مديرة المنزل
واول ما شافتني
قالتلي.. انتي مين؟
فا فتحت شنطتي وخرجت منها البطاقة بتاعتي
وقلتلها...انا عاملة النظافة الي ....
فا بصت في البطاقة
وقالتلي..ايوه ايوه تعالي ادخلي
واخدتني لغرفة الراجل الي هقوم برعايتة
ولما دخلنا غرفتة...شوفت راجل في اواخر الاربعينات طريح الفراش
لحظتها كان نايم وموجه ظهرة لينا ..فا معرفتش اشوف وجهة
ولما مديرة المنزل اقترحت عليه انها تغيرله ملاية السرير
مردش عليها وفضل غاطس براسة في المخدة...وكانة مش عايز يبصلها ولا عايزها في الاوضة م الاساس
فا اخدتني وخرجنا من غرفتة بعدما ضلمت الغرفة تاني
بصراحة برغم اني مشوفتش وجه الراجل الي هشتغل عنده لغاية ما خرجت
لكن...الوضع المبدئي كان مريح بالنسبالي
لان كان واضح انه لا حول له ولا قوة
عشان كده استعانوا بجليسة مريض
تساعد في خدمتة مع مديرة المنزل
للكاتبة..حنان حسن
المهم
بعدما قضيت اليوم كله في الشغل
لقيت مديرة المنزل بتعطيني الف جنية
وبتقولي خدي دول تحت الحساب
فا فرحت اوي با الف جنية
وقلت لنفسي..يلهوي الف جنية مره واحده؟
دا انا اول مره امسك المبلغ دا في ايدي
واول مره احس اني فرحانة
يمكن ساعتها لو مكنتش قلقانة علي عيالي كنت هقول ان مشاكلي خلاص اتحلت
عشان كده
اخدت الست الطيبة علي جنب
وقلتلها...اني بربي ثلاث بنات يتامي واخاف لو تركتهم لوحدهم يتأذوا
واستأذنتها اني اجيبهم البيت هنا
فا ردت مديرة المنزل
وقالتلي..
والله انا مقدرش اوافق لك علي الاقتراح دا
لان صاحب البيت ممكن يرفض
بس انتي ممكن تسالية
وهو راجل طيب وممكن يوافق
بس انتي فهمية ان وجود بناتك مش هيأثر علي شغلك
فا قلتلها...ماشي هسألة
وبالفعل انتظرت لغاية ما الطبيب وصل وكان لازم ندخل نصحي الراجل المريض
(حمزة الكاشف)
وكنت ناوية ان بعد ما الطبيب يغادر افاتح حمزة بيه في موضوع بناتي
المهم
لما لقيت مديرة المنزل
بتقولي.. تعالي ساعديني عشان نجهز حمزة بية للكشف
دخلت معاها علي حمزة بيه الي كان صحي اخيرا و قاعد علي سريرة
وبمجرد ما حمزة شعر بينا التفت بوجهة ناحيتنا
للكاتبة..حنان حسن
في اللخظة دي
انا كنت بشوف وجهة لاول مرة
وبمجرد ما شوفتة اتصدمت ...ووقفت متسمرة في مكاني
وانا بقول ..استحالة اصدق الي عيني شايفاه
معقولة دا
حمزة الكاشف؟
عارفين حمزة الكاشف طلع مين؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق