سكريبت بين المرض والخزلان بقلم مصطفى جابر حصريه وجديده على مدونة النجم المتوهج
سكريبت بين المرض والخزلان بقلم مصطفى جابر حصريه وجديده على مدونة النجم المتوهج
جرا اي يا ريم هتفضلي نايمه كدة كتير أنا قولت من الأول الجوازة دي ما تنفعش ... لا عارفه تجيبي عيل يسند جوزك ولا قادرة على خدمته حتي وعلطول تعبانه ومرضانا وقولنا ملهاش حد غيرنا وجوزناكي الواد لكن طلعتي أرض بور.
ريم بدموع وحزن: يوه يحماتي حرام عليكي هو كل يوم الكلمتين دول قولتلك خمسين مره ما باليد حيله ده ابتلاء من ربنا وأنا صابرة وراضيه بقضاء الله.. أنا مش بي ايدي حاجة والله والتعب مالي جسمي ومبقتش قادرة اقف على رجلي .
حماتها بسخرية :صابرة! صابرة على إيه يا خايبة انتي ..صابره على الراحة اللي انتي فيها ولا علي جوزك اللي من يوم ما أخدك وهو مش شايف يوم راحة لا في بيته ولا في نفسه أومال إحنا جوازتنا كانت إزاي كنا بنشقى ونتعب ونحمل ونجيب عيال ونخدم ازواجنا ...لكن إنتي لا شغلة ولا مشغلة وقاعدة على السرير تبكي وتهللي صح ولا لا.
ريم بحزن :لا ياما أنا بحاول والله بحاول ومستمرة ع العلاج زي الدكتور ما قال وبإذن الله أخف وابقي حامل واجيب الحفيد اللي نفسك فيه
حماتها بغيظ : نقطيني بسكاتك احسن ياريتني كنت جوزت ابني حوريه بنت عمه كانت هتسعده وتجيب الواد علطول !
بتسيبها وتخرج وريم بتحط وشها في كفها وتعيط
بعد شويه الباب بيتفتح وبيدخل حمدي جوزها ..
حمدي باستغراب:مالك يا ريم في اي وإيه الدموع دي؟
ريم بصوت مخنوق: مفيش يا حمدي كله تمام..
حمدي بحنان : لا مش تمام .. امي شكلها جت وقالت كلامها الدبش ده صح ؟ حقك عليا بس ما تاخديش على كلامها هي ست كبيرة ودماغها ناشفة بس قلبها طيب والله وبتحبك
ريم بحزن : هيا شايفة إني مليش لازمة وانا شايفه أن عندها حق بسبب اني مخلفتش لحد دلوقتي.. وأنا بجد حاسة كده انا تعبانة يا حمدي المرض واخد مني كل حاجة لا قادرة أقوم أشوف شغل البيت ولا قادرة أخدمك حتى..
حمدي بحنان وهو يمسح دموعها:
بصي لي كويس يا ريم.. أنتي أغلى حاجة في حياتي واللي بيحصل ده قدر واختبار من عند ربنا وربنا كبير مش هيسيبنا.. وأنا معاكي لحد آخر يوم في عمري ما تخليش كلام أمي يكسرك.
ريم بصوت ضعيف:بس أنا حاسة إني حمل تقيل قوي عليك يا حمدي..
حمدي بابتسامة :حمليك لما يكون على القلب ما يتحسش بيه يا ريم وبعدين انتي مراتي وحبيبتي والمرض ده مش هيغير حاجة بينا وبعدين إحنا بنقول الصبر مفتاح الفرج وإن الله معا الصابرين مش كده.
ريم بتبتسم بأمل
..
بعد شويه...حمدي نزل عند امه..
أم حمدي ببرود :يا حمدي يا ابني اسمع كلامي الدنيا مش بتقف على حد مراتك دي ربنا يشفيها ويعافيها لكن إنت شاب وحقك تشوف حياتك لسه العمر قدامك ليه تحبس نفسك معاها .. اتجوز وهاتلك بنت تشيلك وتجيب الواد اللي يشيل اسمك ويكون عندك في الدنيا بدل العيشة اللي كلها تعب دي.
حمدي بهدؤء : ياما انتي مش حاسة بيها خالص ليه كده الست دي ضحت معايا كتير ما ينفعش أسيبها في الوقت الصعب ده.
أم حمدي بعصبية:
وإنت هتفضل كده لحد إمتى بكرة تشيب وتكبر وما تلاقيش اللي يقف جنبك ياولدي وبعدين هي خلاص المرض واكل فيها يعني ولا بتفيدك في حاجة ولا بتنفع البيت اسمع نصيحتي حورية بت عمك لسه صغيرة وجميلة وكويسه وتقدر تعيش معاك وتخدمك.
حمدي بينزل راسه و ساكت كأنه بيفكر في الكلام وريم بتحس قلبها بيتقطع وهيا بتتسنط وبتسمع كلامهم
حمدي بشرود: بس ياما..
ام حمدي مقاطعه: بلا ياما بلا غيرو اسمه مني ده افضل حل ياولدي ولو علي ريم هتفضل علي زمتك عادي فكر كده ورد عليا
تاني يوم
ريم بهدوء: مالك يا حمدي فيه حاجة متغيره فيك حسام متغير مش زي عوايدك يعني.
حمدي ببرود: لا مفيش بس ياريت تهتمي بالبيت شوية كده الدنيا بقت مكركبة وأنا تعبان طول اليوم في الشغل.
ريم بكسرة: أنا بحاول بس التعب بيزيد عليّا وإنت عارف ..
حمدي بغضب : أنا مستحمل التعب ده بقالي كتير وانا مش هفضل عايش في التعب ده طول العمر كده .
ريم بتبص له بعيون مليانة دموع وبتحاول تقوم تهتم بالبيت لكن جسمها ضعيف فتقع على الأرض.
ريم بتعب: ااااه
حمدي بيبص لها وهو متردد لكنه بيسيبها واقعه ويطلع الأوضة
في اوضة حماتها. أم حمدي بفرحة:
أنا كلمت اهل حورية وقالوا مفيش مانع نتكلم في الجواز، ربنا يفرحنا بيك ينوب عيني قريب.
حمدي بتوتر: هو دا صح ياما طيب
ام حمدي ببرود: ده عين العقل يا ولدي يلا جهز نفسك بقي للجوازة اللي هتعوضك عن كل اللي فات ده.
حمدي بهدؤء: ماشي ياما..
بعد شويه..
حمدي ببرود: ريم إحنا لازم نتكلم شويه في موضوع أنا وانتي
ريم باستغراب:خير يا حمدي.. في حاجة؟
حمدي ببرود : إنتي عارفه إن الدنيا مش بتمشي باللي إحنا عاوزينه وأنا حاولت كتير أستحمل وأقف جنبك بس الحياة صعبة يا ريم
ريم بصوت مكسور: يعني إيه إنت زهجت مني ؟
حمدي ببرود :مش كده بس أنا محتاج حد يراعيني ويشوف طلباتي وطلبات البيت وأنا مش قادر أعيش حياتي كلها في الشقى والتعب.
ريم بدموع: أنا عمري ما قصّرت معاك يا حمدي المرض هو اللي كسرني كده وأنا محتاجة ليك أكتر من أي وقت فات تقوم تتخلي عني
حمدي بعصبية: أنا متخلتش عنك بس أنا كمان محتاج اعيش حياة طبيعية يا ريم أمي بتقول كلام صح وأنا لازم أفكر في مستقبلي.
ريم بدموع : أنت عايز تتجوز عليا مش كده ؟
حمدي ببرود: ايوه يا ريم هتجوز علشان كده جيت اتكلم معاكي
ريم بحزن : أنا مش هقف في طريقك ولا هقولك حاجة يا حمدي لو ده اللي يريحك أعمله وافرح وانبسط وبالنسبه ليا أنا فأنا موجودة هنا.. مش هقدر أمشي ولا أسيب البيت ده
حمدي بضيق:
أنا مش قصدي أظلمك بس فكري بالعقل إنتي عارفة إن البيت محتاج ست قادرة وإنتي تعبتي كتير وده حقي
ريم بتمسح دموعها وتبص له بحسرة، لكنه بيطلع من الأوضة من غير ما يستنى ردها.. بتفضل قاعدة في مكانها وتحس بوحدتها بتزيد وتقعد تهمس لنفسها وهي تبص للسقف.
بعد شوية بتسمع ريم دبدبة رجلين جاية ناحية اوضتها و فجأة الباب بيتفتح وبتدخل حماتها ووراها حورية بنت عم حمدي وهي لابسة عباية جديدة وعاملة شعرها بطريقة تبين جمالها ...حماتها بتدخل بإبتسامة كلها شماتة وتقف قدام ريم.
ام حمدي بابتسامة خبيثة: قاعدة في الضلمة كده ليه يا ريم ..احنا جينا نطمن عليكي وحورية قالت لازم تطلع تسلم عليكي بم انها هتكون مرات جوزك وهتعيش معاكي هنا علطول
ريم بغضب :
#بارت_2
قاعدة في الضلمة كده ليه يا ريم ..احنا جينا نطمن عليكي وحورية قالت لازم تطلع تسلم عليكي بم انها هتكون مرات جوزك وهتعيش معاكي هنا علطول
ريم بتبصلهم بحزن وبتسكت
حورية بأبتسامة كلها برود وهيا بتبص في المراية:
مساء الخير يا ريم أتمني تقومي بالسلامه..انتي عارفه ان اي راجل من دول بيحب الست الجميله اللي بصحتها علشان كده حمدي اتجوزني فا المفروض متزعليش
ريم بقرف: جاية تشمتي في مرضي و تفرحي بصحتك قدامي يا حوريه ؟.
حورية بتكبر: أخص عليكي مين قال كده انا بس يطمن عليكي وعايزاكي تاخدي بالك من صحتك
أم حمدي بتقعد على الكرسي وهي بتهز رجلها وتتكلم بنبرة كلها قسوة.
أم حمدي: بصي يا ريم إنتي عارفة إني صريحة وما بحبش اللف والدوران ... إحنا تعبنا بما فيه الكفاية وإنتي خلاص ربنا يديكي الصحة والمرض اخد كل صحتك وابني كان دائما جمبك بس دلوقتي الوضع اتغير وجه الوقت اللي حمدي ولدي يفكر في نفسه شوية وحورية بنت ناس وحنينة هتشيله وتراعيه وهو محتاج بنت كويسه زيها
ريم بدموع وهي بتحاول ترفع راسها:
أنا عمر ما حمدي قال إنه عاوز يتجوز عليا ولا حتي يبص لأي واحده كده يمكن بس تحت هو ضغط.
حورية بتريقة وهيا تضحك:ضغط إيه يا ريم الراجل مش هيفضل مربوط كده طول العمر لازم يعيش حياته وأنا عارفه هسعده ازاي وهقغ جنبه وانتي موتي علي راحتك بقي ههههه.
ريم بحزن: ربنا يسامحك يا حمدي كنت فاكرة إنك هتفضل جنبي للآخر شمت فيا اللي تسوي واللي متسواش.
أم حمدي بغضب: يا بت إنتي إحنا وقفنا جنبك كتير قوي لكن لكل حاجة نهاية وإنتي خلاص بقيتي حمل تقيل على البيت وبدل ما تعملي فيها مظلومة قومي ساعدي على قدك البيت لسه بيتك لكن احفظي حدودك مع حورية.
حورية بغرور: أنا ما عنديش مشكلة إننا نبقى أخوات البيت يساع الكل بس المهم ان كل فرد هنا يبقي عارف مقامه
أم حمدي بتخرج وهي بتبص لريم بحزن : يا خسارة يا ريم كنتي حلوه وفراشة في أول جوازك بس المرض ما بيسيبش حد المهم إحنا هنبدأ صفحة جديدة مع حورية.
حورية بغيرة: عمرها ما كنت حلوة يامرات عمي انا احلى و الأحق ب ولدك من اول يوم.
ام حمدي بخبث: عندك حق يابتي يلا عشان تجهزي حالك للجواز يا عروسة يا زينة انتي.
حورية بدلع: يلا ياما.
بتطلع أم حمدي وحورية من الأوضة و ريم بتاخد نفسها بحزن...
بعد مرور اسبوع..
يوم الفرح الستات كلها متجمعه جوا الدار..
حورية قاعدة بفستانها وهيا راسها في السماء: ارقصو وهيصو ايوا عاوزة الكل يكون فرحان
واحدة من النسوان بصوت واطي وهي تبص على ريم:
سبحان مغير الأحوال بقي دي ريم ؟دي كانت زي القمر زمان شوفي شكلها بقي عامل إزاي الوش دبلان والعين سودة ربنا يشفيها وتقوم بالسلامه
التانية بتريقة: عندو حق جوزها أنه يتجوز عليها الست مننا لو ما حفظتش على نفسها الراجل هيطير منها والراجل بيحب الست الحلوة الزينة مش اللي شكلها يجيب النكد
ريم سمعت الكلام وبتحاول تكتم دموعها وفجأة حورية بتعدي من قدامها وهيا بتضحك ضحكة مستفزة وتتكلم بصوت عالي علشان الكل يسمع.
حورية بغرور:
الفرح فرحين يا ناس.. فرح الجمال وراحة البال.. يا بختك يا حمدي الحمد لله اللي عوضك بواحدة تعرفك يعني اي ست بجد .
النسوان بيضحكوا بصوت عالي.
أم حمدي بشماتة وهي تبص لريم : قومي يا ريم ساعدي حورية و خدي منها الطرحة كده بدل مانتي قاعدة زي البومة كده ويتخاف منك.
ريم بدموع : ربنا يسامحك يا حماتي.. مش كفاية اللي انا فيا عاوزة تكسري نفسي اكتر من كده ؟
حورية وهي بتضحك وتعدل الطرحة: سيبك منها يا أمي معلش أصل مش كل الستات بيتولدوا حلوين زيي في اللي صحتها تساعدها وفي اللي خلاص راحت عليها.
الناس بتضحك أكتر وريم بتحس بالكسرة .. بترفع إيدها وتمسح دموعها بسرعة وتبص في الأرض عشان ماحدش يشوف ضعفها.
واحدة من النسوان بهمس:
اي اللي خرجها ونزلها هنا المفروض كانت فضلت في بيتها معززه مكرمه بدل الاهانه اللي بتحصلها دي
ريم بتحاول تقوم وهيا حاسه إن الفرح ده سكين بينزل في قلبها كل دقيقة لكن فجأة حمدي بيدخل وبيعدي من جنبها، ويبص لها نظرة كلها برود كأنه واحد غريب.
ريم بصوت مكسور : حتى النظرة بخلت بيها عليا يا حمدي .
حمدي ماردش ويمشي بسرعة ناحية حورية اللي بتضحك وتتكلم مع صحابها .. ريم حست إنها خلاص مش قادرة تستحمل أكتر بتتحرك وتقعد في ركن بعيد والدموع تنزل من غير ما حد يشوفها.
تاني يوم..
ريم نايمة في اوضة جنب المطبخ اللي نزلتها فيها حماتها بعد الجوازة.
بتدخل حماتها ببرود : قومي يا ريم مش ناوية تصحي بقي إحنا مش هنقعد نخدم نفسنا البيت بقى له ست جديدة ولسه عروسه قومي حضّري ليها الفطار يالله
ريم بصوت ضعيف: حاضر يا أمه.. ثواني بس افوق واخد علاج وهنزل اعمله
أم حمدي بغيظ : طيب يالله وعايزه فطار محترم، يعني فطير ولبن وسمن بلدي وعسل مش العك اللي كنتي بتعمليه ده.
ريم بحزن: حاضر ياما في حاجه تاني
ام حمدي ببرود: بلاش كلمة ياما دي مبقتش بطيقها منك
خرجت و ريم بصت بحزن ليها..
بعد شوية نزلت حورية مع حمدي.
حورية بصوت ناعم:
يا صباح الهنا يا حمدي فين فطاري بقا أنا جعانة اووي.
حمدي بيقعد جنبها وهو مبتسم وينسى وجود ريم اللي واقفة جنبهم زي الخدامة.
حمدي بابتسامة:
الفطار في السكة يا حبيبتي ريم أكيد هتعمله زي ما بتحبي.
ريم بتحس قلبها بيتكسر وبتلمح ضحكة حورية اللي كانت بتبص لها من طرف عينها وهيا مبسوطة بالانتصار.
حورية بخبث:
على فكرة يا ريم انا متعودة على حاجات معينة.
ام حمدي: ياريت تكوني فاهمة يا ريم الست لازم تظبط لزوجها أكله عشان يحس بالفرحه مش كده يا حمدي.
حمدي وهو بيضحك: طبعًا يا ست الكل وإنتي عارفه أنا بحب نفسك في الأكل.
أم حمدي بغضب فجأة:
إيه يا بت مالك واقفة كده إوعي الأكل يقع منك
حورية بتضحك وهيا تقطع لقمة صغيرة وتاخدها بحركة كلها دلع قدام ريم وتقرب من حمدي : دوق كده يا حمدي شوف طعم العسل والسمن أكيد طعمه زيي كده.
ريم بهمس : حاجة تانية يا حماتي
أم حمدي ببرود:
نضفي المطبخ واغسلي المواعين وقولي الحمد لله إننا سايبينك قاعدة معانا.
بعد شويه
:يا أماه كنت عاوزة أستاذنك أروح المستشفى عشان الجلسة النهارده.
أم حمدي بسخرية: جلسة إيه يا بت انتي مبتزهقيش هو احنا مش ورانا غير جلساتك دي ؟ مش شايفة الظروف عامله ازاي مش كفاية علينا خدمتك ليل ونهار.
ريم بحزن :
الجلسة مهمة يا حماتي والدكتورة منبهه عليا لو مخدتهاش التعب هيرجع يزيد عليا
أم حمدي بقرف: سيبيني في حالي دلوقتي أنا مش فاضيه للكلام ده قومي حضّري الغدا وبعد كده شوفي لو عايزه تروحي روحي
ريم بتوتر :طب هو حمدي مش هيجي معايا ولا هروح لوحدي؟
أم حمدي بغضب : إنتي عبيطة ولا إيه يا ريم عاوزاه ينزل يوم وهو لسه في شهر العسل ده مكملش يومين جواز عايزاه يسيب مراته الجديدة ويجري معاكي عالدكاتره قومي يا بت غوري من وشي بدل ما أكسر راسك دي.
شافت حمدي واقف عند الباب بيلبس الجلابية الجديدة، بيعدل في شكله قدام المراية .
ريم بصوت مكسور : حمدي .. هتيجي معايا المستشفى الجلسة النهارده ومحتاجة حد يكون معايا.
حمدي يرفع عينه ويبص لها ببرود : أنا مش فاضي لك دلوقتي يا ريم نازل أجيب حاجة حجات لمراتي حبيبتي مش ناقص أضايقها بيوم نكد من أوله.
ريم بتحس الكلام زي السكاكين في قلبها وبتحاول تتكلم، لكن صوت حورية يجي من فوق وهي بتضحك بدلع.
حورية بصوت عالي:
حمدي يا حبيبي ما تتأخرش عليا.. نفسي في حاجة حلوة شبهك كده تحلي الدنيا عليا
حمدي بيبتسم وهو يبص لفوق ويرد بصوت كله حنية.
حمدي:حاضر يا روحي رايح أجيب لك أحلى حاجة.
ريم بجمود : يعني مش هتيجي.. ولا حتى تسأل عليا في تعبي.
حمدي: ريم .. ما تتمسكنيش الدنيا مش واقفة عليكي روقي شوية وبطلي زن أنا مش فاضي
ريم ببرود : حمدي.. أنا عاوزة اتطلق
حمدي بسخرية: بتطلبي الطلاق و هتروحي فين منتي ملكيش اهل هتترمي زي البهيمة في الشارع اهدي كده وروجي.
ريم ببرود: لا أنا مش قادرة أكمل كده أنا تعبت يا حمدي تعبت من العيشة دي ومن كل حاجة.
أم حمدي بغضب:
طالما مش عجباكي العيشه دي فا الباب يفوت جمل طلقها يا حمدي طالما هيا اللي عايزه كده طلقها وخليها تغور
حمدي ببرود:
تمام.. بما إنك عايزة الطلاق فا تمام انتي طالق يا ريم..
ريم بصدمه :
#بارت_3_والأخير
يعني مش هتيجي معايا المستشفى يا حمدي ؟
حمدي ببرود: ريم .. قولتلك بطلي دوشه وزن بقي أنا مش فاضي للكلام ده
ريم ببرود : بقي كده يحمي ؟ طيب .. أنا عاوزة اتطلق
حمدي بسخرية: بتطلبي الطلاق و هتروحي فين منتي ملكيش اهل هتترمي زي البهيمة في الشارع اهدي كده واستهدي بالله وروحي المستشفي يالله متتأخريش
ريم ببرود: لا أنا مش قادرة أكمل كده أنا تعبت يا حمدي تعبت من العيشة دي ومن كل حاجه من فضلك طلقني
أم حمدي بغضب:طالما مش عجباها العيشه دي فا الباب يفوت جمل طلقها يا حمدي طالما هيا اللي عايزه كده طلقها وخليها تغور
حمدي ببرود: تمام.. بما إنك عايزة الطلاق فا تمام انتي طالق يا ريم..
ريم بأبتسامه : هيجي اليوم اللي هتندموا فيه علي كل حاجه عملتوها معايا
دخلت لمت هدومها ومشيت..
وصلت بيتها القديم ... دخلت ورمت نفسها على السرير والدموع كانت بتنزل منها بغزارة.
فجأة تلاقي تليفونها بيرن والدكتورة بتتصل.
الدكتورة بهدؤء : السلام عليكم يا ريم إزيك .. أنا عايزة أطمن عليكي دلوقتي انتي فين
ريم وهي بتتكلم بصوت ضعيف : وعليكم السلام يا دكتورة أنا دلوقتي في البيت.
الدكتورة بهدوء: تمام المهم صحتك دلوقتي عامله اي .. أنا حاليا مستنياكي في المستشفى علشان ميعاد الجلسه بتاعتنا فيه أمل كبير تخفي لو قدرتي تحافظي على هدوءك وتبعدي عن أي ضغوط أو تفكير سلبي
ريم بحزن : بس أنا مش قادرة أجيلك دلوقتي ممكن نأجلها.
الدكتورة بحنان : عارفه إنك تعبانة بس لازم تيجي علي نفسك .. لو استمرينا عالعلاج ده وكملنا الطريق لأخره هتلاقي نفسك أفضل صدقيني .. أنا مستنياكي يالله متتأخريش
ريم بتقف على رجليها بصعوبة وبتحاول تمشي رغم التعب والدموع وبتخرج من البيت وتروح المستشفى.
في المستشفى الدكتورة بتكون مستنياها في اوضة العلاج وريم دخلت وحست بشوية أمل لكنها لسه خايفة.
الدكتورة بابتسامة: أهلا بيكي يا ريم .. زي ما قولتلك باذن الله في أمل كبير .. الجلسات دي هتساعدك لكن الأهم إنك تركزِي في نفسك ومتخليش حاجه تأثر فيكي ما تفكريش في الماضي .. لو قدرتي تغيري نظرتك لنفسك وللي حواليكي هتلاقي نفسك خفيتي وبقيتي افضل.
ريم بتنهيده : بس يا دكتورة كل حاجة ضاعت حتي حمدي جوزي سابني في عز محنتي ودلوقتي مبقاش ليا حد غير ربنا ..وبقيت قاعده لوحدي في بيت اهلي القديم
الدكتورة بابتسامة : متقلقيش أنا هفضل معاكي واي حاجه هتحتاجيها بتلاقيها عندك متشليش هم حاجه .. أنا بس عايزاكي تعرفي ان أنتي دلوقتي بتبدئي حياه جديده مع نفسك واللي باعك بيعيه وشوفي مستقبلك المهم إنك تمشي عالطريق الصح.
ريم بتفكير: مش عارفه اقولك ايه بجد يا دكتوره متحرمش منك ولا من كلامك ده بجد .. بإذن الله همشي علي نصيحتك واللي فيه الخير يقدمه ربنا ..مش يالله نبدء الجلسه بقي ولا اي
بعد مرور ست شهور.. في اوضة في المستشفى.
ريم قاعدة قدام المرايه مبتسمة لأول مرة من زمان ..وشعرها بقى أطول وأحسن .. ووشها بدأ ينور من جديد.
الدكتورة بابتسامة:شوفتي يا ريم مش قولتلك إن في أمل انك تخفي وترجعي تقفي علي رجلك من جديد شوفتي بقي عوض ربنا ليكي ..تعبنا مرحش عالفاضي
ريم بفرحة: انا مش مصدقه نفسي .. دلوقتي بس حاسة إني رجعت انسانه تاني .. كنت فاكرة إن خلاص حياتي انتهت وهموت بالبطيئ.. بس بفضل الله وبفضل وقفتك جمبي الشهور اللي فاتت دي والجلسات بقيت أحسن ومبقتش حاسه بأي تعب مش بس جسمي لكن نفسيتي كمان.
الدكتورة بابتسامة : كل ده بسبب قوتك وإصرارك وعزيمتك والحمد لله ربنا كرمك ومضيعش تعبك
في بيت ام حمدي..
أم حمدي بغيظ : أومال حورية لسه محملتش ليه يا ولدي بقالها ست شهور معاك الوضع مش طبيعي كده في حاجه
حمدي بهدوء : لسه بدري ياما مستعجله علي اي
أم حمدي بغيظ : بدري اي ؟ دا إنت اتجوزتها بسرعه علشان تجيبلك العيل اللي نفسك فيه بدل مهي قاعده ليل نهار قدام الشاشه كده ومفيش منها منفعه
حورية بغضب: هو إنتي اي يا خالتي مش عاوزة تسكتي ولا اي مين أذن لك تتكلمي عني بالطريقة دي.
أم حمدي بتبص لحورية بنظرة كراهية : اتكلم زي مانا عاوزة انتي هتتجنني يبت ولا اي.
حورية بسخرية: اوعي تكوني فاكره ان علشان انتي حماتي يبقي هسمحلك انك تزعقيلي أو تهيني فيا تبقي بتحلمي.
أم حمدي بصوت عالي: لا دنتي اللي بتحلمي يا حورية انتي المفروض تكوني تحت طوعي واللي أقوله لك يتنفذ بمزاجك أو غصب عنك انتي فاهمه ولا لا .
حورية ببرود :لا مش فاهمه .. ومن النهارده انتي ملكيش حكم عليا جوزي بس هو اللي من حقه يتكلم معايا ومن النهارده شوفيلك واحده تخدمك انا مش ملزمه اخدم حد هنا غير جوزي
ام حمدي بغل: اخرسييي.
حمدي بغضب: كفاية بقى خناق وكلام ملوش لازمه انتو مبتزهقوش كل يوم نكد وخناق
أم حمدي بغضب شديد: لو حمدي شافك يا حوريه زي ما أنا شايفاكِي كده كان خلاص طلقك من زمان إنتي مش هتتحكمي في بيتي
حمدي بغضب: يوووه بردو مفيش فايده .. أنا سايب البيت وماشي
خرج بغضب ورزع الباب..
حورية بتريقه: من النهارده إنتي مش هيكون ليكي كلمة تانية في البيت ده .. بعد كده الكلمة هتكون كلمتي.
أم حمدي بغل : عند امك الكلام ده إنتي فاكرة نفسك إي ؟
حورية بخبث :فاكره نفسي ست البيت وابنك الحيله ده بقي خاتم في صباعي وبأشاره واحده مني بحرك ابنك يمين وشمال وبإذن الله كده قريب هخليه بنفسه برميكي برا البيت أو بسلام لو تموتي بقى وتخلصينا.
أم حمدي بصدمه: أخرسي قطع لسانك ان شالله انتي اللي تموتي كان يوم اسود يوم ما جوزتك ابني أنا غلط غلطه كبيره يوم ما سيبت الهانم وجيبت مساحة السلالم تتجوز ابني
حورية قربت منها وضربتها كف نزل علي وشها..
ام حمدي بصدمة : انتي بتمدي ايدك عليا
حورية ببرود: اه و اكسرلك عضمك كمان لو اتكلمتي عني وحش بعد كده
ام حمدي بترفع ايديها عشان تضربها لكن حوريه بتمسكها بغل: هو انتي مفيش فيكي فايده ولا مستعجله علي موتك يا حماتي
ام حمدي بألم ودموع: ابعدي عني.
حورية زقتها و قعتها علي الارض: مكانك من النهارده تحت رجلي.
سألتها وخرجت ببرود..
ام حمدي بحزن و ندم: فينك يا ريم يبنتي كنتي تحت طوعي وعمرك ما رفعتي عينك في عيني حتي مهما عملت فيكي حقك عليا يبنتي انا ظلمتك واهو حقك بيرجعلك
عند حمدي..
كان راكب عربيته و انصدم لما شاف ريم بتركب عربية نزل راح عندها..
حمدي: إيه ده .. إنتي ريم بسم الله ماشاء الله إنتي اتغيرتي خالص .. اي اللي حصل هو مش كان مفيش أمل وكنتي تعبانة جدًا.
ريم ببرود: خير عايز اي
حمدي بذهول: إزاي رجعتي كده أنا مش مصدق يعني إزاي؟
ريم ببرود: الحمد لله ربنا كرمني واتعالجت و بقيت احسن من الاول.
حمدي وهو بيبص للعربية: واي العربية دي بتاعت مين؟
ريم ببرود: عربيتي يا حمدي انت نسيت اني وارثه من ابويا
حمدي بأستغراب : ايوه ورثتي اراضي هنا بس دي اتباعت من زمان ونصها اتصرف علي علاجك وجلساتك
ريم بأبتسامه : وارض و عمارة في مصر محدش فيكم يعرف حاجه عنهم كنت سيباهم للظروف ولما انت طلقتني أنا بعتهم واهم نفعوني واتعالجت وبقي عندي مشروع خاص لنفسي واشتريت ارض كبيره هنا في البلد يالله سلام.
سابته و مشيت وهو بص لها بعدم استيعاب..
بياخد عربيته وبيرجع لامه بسرعه..
ده اللي حصل ياما ريم خفت وبقيت زي القمر ده غير أنها عندها ورث ومشروع كبير قوي .
ام حمدي بفرحه : خلاص حاول ترجعها من تاني ليك و طلق حوريه.
حمدي بتفكير: تفتكري ياما هتوافق تراجع
ام حمدي بخبث: ايوه ياواد دي في الاول والاخر مراتك الاولي وحورية دي ملهاش اي لازمة اصلا هنا .. اجري صالح ريم ورجعنا البيت
حمدي بخبث: عندك حق ياما ..ريم لازم ارجعها من تاني.
حورية كانت واقفه بعيد بتسمعهم وبتتوعد ليهم:
ماشي يا حمدي انت وامك انا هدفعكم التمن غالي قوي .
عند ريم..
ريم كانت قاعده بتشوف شغلها وفخورة ب نفسها و نجاحها..
شخص بيتصل:
الو يا استاذه ريم معاكي عاصم المٌحمدي من شركة RD كنا عاوزين نحجز ميعاد معا حضرتك علشان نتكلم في تفاصيل الشغل لو حضرتك وافقتي
ريم بأبتسامة: تمام تقدر تيجي الارض عندي بكرا الضهر.
عاصم بهدؤء: تمام يا مدام مش هتأخر.
قفل معاها وهيا ابتسمت بهدؤء...
تاني يوم..
ريم كانت واقفه في الارض بتاعتها والعمال شغالين..
حمدي بيجي بخبث: ريم ازيك يا حبيبتي.
ريم ببرود:
حبيبة اي م تلم نفسك انت أتجننت في مخك ولا اي.
حمدي بخبث: انا جاي ارجعك لعصمتي يا ريم.
ريم بسخرية: ومين قالك اني هوافق اني ارجع لواحد زيك ..امشي من هنا واياك اشوف وشك تاني.
حمدي بغيظ: انتي تطولي اني ارجع لك يا بت انتي.
ريم ببرود للغفر بتوع الارض: يا أمن .. تعالو ارمو البتاعة ده برا ارضي.
حمدي بصدمة: بتطرديني يازباله .
لسه هيمد ايده عليها ايد مسكته.
عاصم ببرود : هيا من الرجولة انك تمد ايدك علي واحدة يا راجل يا مهزق!
حمدي بغل: وانت مين انت.
عاصم ببرود:
انا اللي هعلمك يعني اي رجولة لو ممشتش من هنا.
حمدي بغل: وريني هتعلمني ازاي كده لو راجل فكر اقرب مني
عاصم بجمود: أنا مش محتاج اقرب منك علشان اءذيك انا عاصم الجبري عارفني ؟
حمدي بخضة: عاصم بيه الجبري من اكبر رجال الاعمال في البلد.
عاصم ببرود: مانت عارفني اهو.
حمدي بخوف: ومين ميعرفكش يا بيه حقك عليا
عاصم ببرود: استاذه ريم يلا نتكلم في الشغل.
ريم بهدؤء: تمام اتفضل معايا
مشي معاها و حمدي واقف متغاظ علي اخره...
بعد شويه.
عاصم بابتسامة: انا عاوز اشتري الارض بتاعتك ب المبلغ اللي تطلبيه.
ريم بهدؤء: اشمعنا ؟
عاصم بابتسامة: مناسبة ليا زيك كدا بالظبط.
ريم باستغراب: افندم !
عاصم بهدؤء: انا قبل ما اتعامل مع اي حد بكون عارف عنه كل حاجه عشان اكون عارف انا بتعامل مع مين.
ربم بجمود: تمام و اي المطلوب.
عاصم بهدؤء: تبيعي لي ارضك و نكون شركاء في المشروع بتاعك ويكون بالسعر اللي انتي هتطلبيه.
ريم بهدؤء: تمام اديني مهله افكر فيها
قاطعهم صوت اسعاف و مطافي والبلد كلها بتجري.
عاصم بيطلع يشوف في اي
عاصم بأستغراب : انت يبني في اي :.
الراجل بخضة: مش عارف بس تقريبا في حريقه كبيره في بيت حمدي البوهي
ريم بخضة بتجري تروح عالبيت:
اول ما بتوصل بتلاقي بيت حمدي بيولع
واحده جارتهم : لا حول ولا قوة إلا بالله حد كان يصدق أن حوريه تعمل كده ... حوريه ملت البيت بنزين وولعت في حماتها وجدت تهرب لقت حمدي دخل جري علشان يلحق أمه ولسه مطلعش لحد دلوقتي ربنا يسترها
ريم واقفه ودموعها عماله تنزل وبدعي يطلعو بالسلامه
عاصم بهدؤء: لاحول ولا قوة الا بالله العلي العظيم هو حمدي ده اللي كان لسه واقف معانا من شويه صح ؟
ريم بحزن: اه هو وكان طليقي بس بتمني يطلع هو وأمه ومراته
بعد شويه المطافي بتطفي الحريق وبيدخلو علشان يشوفو الناس اللي جوا ولو في مصابين يلحقوهم .. والاسعاف بتدخل معاهم بسرعه لكن بيطلعو شايلين جثث التلاته
ريم اول ما بتشوفهم بتفضل تعيط وبتدعيلهم بالرحمه ومبتستحملش المنظر وبتمشي بسرعه
بعد شهر من شغل عاصم وريم..
عاصم بابتسامة: ريم .. في حاجه عايز اعترفلك بيهم .. أنا بحبك وعايز اتجوزك .
ريم بتوتر: اييي.
عاصم بهدؤء: انا بحبك من اول يوم شوفتك فيه ويكون اسعد انسان في الدنيا لو توافقي تتجوزيني
ريم بابتسامة: وانا موافقة..
تيرارارااااا ... رأيكم في الحلقه بقي أتمني تعجبكم واتمني متبخلوش عليا بالدعم والتفاعل واستنوني في روايه جديده 🤎✨
💙🌺🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️❤️🌹
جميع الروايات الكامله علي موقعنا من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق