رواية ملاكي المنتقم الفصل الرابع بقلم الكاتبه آيه المهدي حصريه وجديده على مدونة النجم المتوهج
رواية ملاكي المنتقم الفصل الرابع بقلم الكاتبه آيه المهدي حصريه وجديده على مدونة النجم المتوهج
روزالين ببكاء : أسر هيروح انا عايزة أرسلان ابني فين هاتوه اكيد ابني كويس لتتحرك العائلة تجاه المشفي وروزلي تحتضنه ببكاء وأمر الجد راكان ابنه الأكبر ياسر للرجوع الي منزلهم للاطمئنان علي صحة حفيده الأكبر والجميع يشعر بالحزن والقلق فالأب وابنه الان في حالة ليست جيدة وأخذ الطبيب الطفل وهو يطلب منهم الانتظار خارجا وبعد مرور بضعة ساعات خرج الطبيب وهو ينظر لهم بغضب
الطبيب : فين والدة الطفل ايه الإهمال ده الطفل دماغه اتاذت جامد واحتمال أنه يدخل في غيبوبة
روزلي ببكاء : انا مامته انا ارجوك اعمل اي حاجة بس رجعلي أسر بخير ارجوك يا دكتور ده لسه طفل
الطبيب بحزن عليها : ادعيله احنا عملنا كل اللي علينا
ليجلس الجميع بتعب فيكفي حالة أرسلان ليأتي أسر الان وذهب ريس وهو يطلب من الجميع للاستعداد للسفر وسينقل الطفل أيضا لمشفي اخري ومر اليوم بحزن واغماء روزالين المتكرر ويتحرك الجميع نحو المجهول .
وصلت عائلة المنياوي أمام مشفي الحياة واستقلبهم أحد الأطباء بحفاوة فهذه المستشفي هي ملك لعائلة المنياوي
سند بغضب : ده وقت ترحيب فين اوضة أرسلان المنياوي
الطبيب بتوتر : انا اسف مكنتش اعرف ثواني هسال موظفة الاستقبال ليرحل سريعا قبل أن يفتك به وبعد عدة دقائق اعطي لهم المعلومات واشار لاحدي الممرضات أن تذهب معهم للطبيب المعالج لحالة أرسلان فهو لم يتجرأ علي القول لهم عن حالته الصحية
ليركض راكان وخلفه الجميع وذهب ياسر للطبيب المعالج لارسلان للاطمئنان عن صحته ورأي إياد العائلة وروزالين تخطي بترنح هي فقط تريد رؤية ابنها
ريان بحزن : إياد أرسلان أخباره ايه دلوقتي
إياد بتردد ملحوظ : العملية خلصت لكن وشعر بالتوتر فكيف سيخبرهم بأنه ما زال تحت الخطر
راكان بعصبية : ما تقول يا إياد الواحد مش قادر يقف
سامر بدمع : أرسلان في العناية المركزة وحالته الصحية لسه في خطر ادعوله الساعات دي تعدي علي خير لتبكي روزالين بانهيار والجميع متوتر للغاية
شمس ببكاء : روزالين اهدي اكيد هيبقي كويس ادعيله
مصطفي : انا هروح اشوف ياسر الدكتور قاله ايه
ليجلس الجميع بترقب لحالة أرسلان وروزلي تقف بثبات مزيف ولكن بداخلها تشعر بالانهيار فهي لا تريده أن يرحل وايضا تأنب نفسها علي حالة طفله لم تنتبه له
وبعد مرور أسبوع تعدي أرسلان مرحلة الخطر والجميع يتناوب علي البقاء معه والاعتناء به ولكن تدهورت حالة الطفل ولا تقدم بها
علي الجهة الأخري
تخفت هي بردائها الاسود لتنهي هدفها القادم لتري شاب أمامها مقيد في العقد الثالث من عمره وهو ينظر لها بخبث
غيث بضحكة : ما هذا يا عزيزتي اري ان الموت لم ياخذك بعد
روزلي ببرود : لسه وقتي مجاش وبعدين كنت هزعل قوي لو كان قتلك حد غيري لتمسك بأحد أسلحتها وتنحر عنقه ولكن إصابته لم تكن قوية لتحرر يده وهي تطلب منه الهروب
روزلي بضحكة عالية : ده علشان تفكر مليون مرة قبل ما تقرب من اللي يخصني وتركته ورحلت وهو يحاول الوقوف والهرب بحياته
بداخل مشفي الحياة
تجمعت العائلة حول أرسلان ووالدته تنظر له بدموع
ليفيق أرسلان بتعب شديد والجميع ينظر له بسعادة فهو آفاق الان ليأتي الطبيب وهو يتفصحه
الدكتور : لا انت كده بقيت كويس بس بلاش حركة كتير علشان جرحك ميتفتحش والراحة اهم حاجة
ياسر : اطمن يا دكتور كلنا هناخد بالنا منه ورحل الطبيب وهو يملي بعض التعليمات علي الممرضة التي ترافقه
أرسلان بتعب قليلا : متخافيش يا ماما انا بقيت كويس اهو ليه الدموع دي
روزالين ببكاء : كنت هتروح مني يا أرسلان انت مش عارف الاسبوع ده عدا عليا ازاي
ريان بمرح : هما كل الستات كده يفرحوا يبكوا يزعلوا برضو يبكوا متعرفش بيضحكوا أمته دول ليضحك الجميع على كلماته البلهاء
أرسلان : فين أسر مجاش معاكم ولا ايه
ليتوتر الجميع فكيف سيخبروه بحالة طفله الصغير والطبيب أمرهم بعدم انفعاله وتوتره
آسيف سريعا : أسر في البيت طبعا المستشفي هنا جوها مش حلو وده طفل ممكن يتعب لما تقوم بالسلامة هتلاقيه مستنيك ليؤمي لها أرسلان وينظر للجميع بريبة بسبب توترهم الغير مبرر بالنسبة له
أرسلان بنظرة ما : انتوا مش مخبين عني حاجة
ريان ببربشة : هنخبي ايه بس انت متاخدش في بالك واهم حاجة صحتك حاليا
سراج بهمس : وربنا انت اللي هتفضحنا يا ريان بالريأكشن بتاعك ده اسكت خالص ومتتكلمش
ريان بمرح : عيب يا سراج انا اكبر منك وبعدين مش شايف أرسلان اقتنع بكلامي اهو
جود بضحك : أيوة واضح جدا أنه اقتنع
سند : ده انت بالذات محدش يصدقك
رائف بضحك : مسيطر يا ريان يا اخويا
ريان بغيظ لهم : خلاص كلكوا عليا طب اتصرفوا انتوا يا فالحين لو سال عن ابنه تاني شوفوا بقا هتقولوا ايه
ريس ببرود : اسكت انت خالص واحنا هنعرف نتصرف
لينظر ريان لهم بحنق طفولي اضحك الجميع عليه
ساهر بهمس لثائر : روزلي فين يا ثائر
ثائر : روزلي مع آسر مش عايزة تسيبه مع حد غريب وكل يوم تحمل نفسها الذنب انها مش انتبهت عليه الخوف دلوقتي علي أرسلان لما يعرف انت عارف ده ابنه حتي لو مش من دمه بس الاب بيفضل اب
وبعد مرور يومين لم يحدث شئ روزلي بجانب أسر دائما وتحسن أرسلان قليلا ولكن يشعر بأن الجميع يخفي عنه شئ
علي الناحية الأخري
تجمعت الفتيات بالحديقة يتحدثون بأحاديث مختلفة وكل منهم تتحدث عن حياتها وهوايتها ليأتي سند وهو يطلب التحدث قليلا الي ناري لتذهب وهي تشعر بالخجل من نظرات الفتيات لها
روح بعدم فهم : هو في ايه مش فاهمة
نياز بضحك : لا ابدا بس تقدري تقولي دول عشاق صامتين بس الظاهر سند هيتحرك ويعترف
ورد بحماس : انا عايزة اتفرج وهو بيعترف ليها
سلمي بحدة : انتي مجنونة هتروحي تسمعي كلامهم اعقلي يا ورد
رغد : انا عندي فكرة احنا هنراقبهم من غير ما يشفونا وهنصور اعتراف سند لناري
عشق بهدوء : طب وانتوا ايه اللي خلاكوا متأكدين أنه هيعترف ليها ما يمكن عايزاها في موضوع تاني لتؤكد لها سمرة بأن شقيقها سينتهز فرصته الان
علي الجانب الآخر
تجلس ناري وهي تشعر بالتوتر قليلا وسند يأخذ الطريق إيابا وهو أيضا بداخله يشعر بالقلق فهو لا يدري هل ستبادله مشاعره أم لا
ناري : سند هو انت جايبني علشان تسكت
سند : انا لا انا عايز اطمن عليكي
لتنظر ناري له بحنق شديد فهي ستجن يوما بسبب هذا الاحمق وقبل أن تغادر مكانها استمعت لحديثه بصدمة وفرح
سند بسرعه : ناري تقبلي تتجوزيني
ناري بغيظ مصطنع : حتي مش عارف تبقي رومانسي زي الناس مش هاين عليك تقولها
سند باستنكار : هو في احلي من كلمة تتجوزيني
ناري بصراخ : سند امشي من وشي افضل انت هتشلني انت الرومانسية معدتش عليك خالص
سند بحب : متزعليش خلاص انا بحبك بس احيانا مبعرفش اعبر عن مشاعري وده مش برود مني
ناري بخجل : بجد يا سند بتحبني
سند بضحك : انتي بتتحولي في ثواني كده ليه لتنظر له ناري بحدة وتذهب للداخل وتتركه ينظر لها بضحك وهو يركض وراء هذه المجنونة كما لقبها والفتيات تضحك بهيسترية شديدة
توليين بضحك : يا ربي علي الضحك شكلهم كان يجنن والله
سلمي : دول مجانين بجد بس شوفتوا ناري اتحولت ازاي قصة حب فريدة والله ليضحك الجميع علي كلماتها الأخيرة
وبعد مرور أسبوع طلب أرسلان الخروج فهو لا يريد البقاء اكتر من ذلك وايضا اشتاق لطفله بقوة ليساعده راكان بالوقوف وذهب اكمل لإتمام إجراءات الخروج والجميع يشعر بقلق فحالة الطفل لا تتقدم وارسلان لا يدري ما حدث له
ياسر بتوتر : أرسلان انت لسه تعبان افضل كام يوم كمان
أرسلان بملل : بابا انا زهقت من قعدة المستشفي وكمان بقيت كويس وبعدين أسر واحشني عايز اشوفه
لتتحرك العائلة بصمت وبعد مدة من الوقت تتوقف السيارات بوابة الڤيلا الخاصة بهم ليساعده اكمل بالوقوف
أرسلان بتنهيدة : بلاش تعاملوني علي اني طفل خلاص بقيت كويس
مصطفي بضحك : معلشي يا ابني هما قلقانين عليك بس
ليتحرك الجميع للداخل وروزالين تركض وهي تحتضن ابنها بفرح وبكاء شديد
إيمان بابتسامة : حمد الله على سلامتك يا ابني انت متعرفش روزالين كانت عاملة ازاي من وقت ما سمعت انك اتصابت
أرسلان : الله يسلمك يا مرات عمي وأخذ يتلفت حوله وهو يبحث عن من ملكت قلبه وايضا يريد رؤية أسر
راهف : بدور علي حاجة يا أرسلان
أرسلان باستغراب : فين أسر معقول مسمعش صوتي ده كله
فريد : انا راي تطلع ترتاح يا ابني وبعدين نتكلم
أرسلان بنبرة شك : لا وعايز اعرف آسر فين ودلوقتي انتوا مخبين عني ايه فين ابني
شمس بحزن : بصراحة يا ابني أسر وقع من علي السلم يوم إصابتك في المهمة تقريبا سمع كلامنا عنك وحالته مطمنش وروزلي مش بتفارقه معاه دائما
أرسلان بصدمة وغضب : ازاي تخبوا عني هي دي الأمانة قولتلكم تخلوا بالكم منه وذهب سريعا دون الالتفاف لأحد
روزالين ببكاء : حد يلحقه أنا خايفة عليه قوي
الجد راكان : متخافيش يا بنتي هو اكيد راح لأسر
ليمر اليوم بقلق علي الجميع وارسلان لم يعد
بالمشفي ركض أرسلان لغرفة أسر ليري روزلي تجلس أمام الطفل وهي تتحدث معه وتبتسم له ليشعر أرسلان بالم بقلبه وهو يري حالة طفله هكذا
أرسلان بهدوء : روزلي
روزلي بصدمة : أرسلان انت بتعمل ايه هنا مش المفروض انك لسه في المستشفي
أرسلان بغضب مكتوم : يعني كنتوا عايزين تفضلوا مخبين عني لأمته صح أسر مش ابني الحقيقي بس انا عمري ما فكرت أنه مش ابني بالعكس لأول مرة احس بمشاعر الأبوة معاه مقدرش اخسره ابدا بس انا غلط اني سيبته لوحده
روزلي بحزن : صدقني اللي حصل مش غلط حد فينا وكلنا كنا منتبهين علي أسر بس لما عرفنا باللي حصلك الكل اتوتر
لينظر أرسلان لها بابتسامة شكر ويذهب تجاه أسر المتسطح علي الفراش وحوله كثير من الأجهزة وهو ينظر له بحزن ويمسك بكفه الصغير وهو يقبله بحنان شديد وظل يتحدث معه كثيرا ليشعر بأحد أصابعه تتحرك ولكن ظن أنه يتوهم لتنادي روزلي الطبيب فهي رأت أيضا تحرك الطفل ليأتي الطبيب وهو ينظر للطفل ويري مؤشراته الحيوية وينظر لهم بابتسامة
الطبيب باستغراب : دي اول مرة تحصل ردة الفعل دي من الطفل ممكن اعرف حضرتك تبقي مين
أرسلان بهدوء : انا أبوه
الطبيب : ده مؤشر حلو واضح انه متعلق بيك قوي ووجودك هيفرق هيحس بالأمان وأن باباه معاه وده هيخليه يتحسن ويفوق خلال أيام
روزلي بسعادة : بجد يا دكتور ده خبر حلو قوي اخيرا أسر هيرجعلنا لازم نقول الخبر الحلو ده للعيلة ليؤمي لها أرسلان بابتسامة
علي الناحية الأخري
بداخل غرفة راكان وتوليين
تجلس تولين وهي تلاعب روز بحنان امومي وروز تبتسم لها ببراءة ولم تنتبه لذلك الذي يراقبهم بابتسامة حب
راكان بحنان : تولين تعالي عايزاك
تولين : نعم يا راكان خير في حاجة
ليعطيها راكان صندوق وتاخذه تولين باستغراب ليشير لها بفتحه وهي تري أمامها فستان هادئ وبسيط للغاية ولكنه رائع وبداخله حجاب وبعض الاكسسوارت
تولين بفرحة : جميل قوي يا راكان ده ليا
راكان بحب لها : طبعا يا حبيبتي هو انا عندي كام توليين يعني
تولين بخجل : هااا انا حبيبتك
راكان بهدوء : اقعدي يا تولين انا عايز اتكلم معاكي لتجلس تولين وهي تنصت له باهتمام
تولين انا عارف أنه جوازنا كان فجأة وكان لحمايتك بس اللي متعرفيهوش أنه بالنسبالي كان غير كده خالص انا لما اتجوزت مريم والدة روز انا كنت بحترمها جدا مكانش في بينا حب ممكن تقولي كان اعجاب لأنها كانت اختيار العيلة بس يشهد ربنا أنها كانت زوجة صالحة وقدرت في فترة قليلة تدخل قلوب الكل ولما اتوفت وهي بتولد روز حسيت اني خسرت حد مهم في حياتي كانت بالنسبالي صديقة ومراتي وام بنتي ولو كانت عايشة يمكن كنت قدرت احبها بس لما انتي دخلتي حياتي حسيت ناحيتك بشعور جميل ولما شوفتك بتحبي روز قد ايه حبيتك اكتر لما عرفت من سمرة عن الشاب اللي بيضايقك حسيت وقتها اني عايز اروح اخلص عليه وماما لما اقترحت جوازك من حد مننا كنت بغلي من الغضب لمجرد انك هتتجوزي حد من اخواتي بس فرحت لما سمعت اسمي متتخليش السعادة اللي كنت فيها بس كنت دايما قلقان لتكون مشاعرك ناحيتي مجرد شكر ناحيتي تولين انا كل اللي عايز اوضحهولك اني بحبك وعايزاك في حياتي انتي دلوقتي مراتي وام بنتي وحبيبتي تقبلي تكملي حياتك معايا
تولين ببكاء : راكان انت متعرفش كلامك ده فرحني قد ايه انا فكرة يوم ما وقعت قدامي وكنت فاقد الوعي كنت هتجنن عليك خايفة في يوم أصحي مش الاقيك معايا وأنه ده كله حلم عرفت وقتها اني مقدرش اكمل من غيرك انت وروز انتوا عيلتي اللي هتفضل اشكر ربنا عليها انا كمان بحبك يا راكان وموافقة نكمل مع بعض ليضمها راكان بحب وهو يشعر بالراحة برفقتها
راكان بمرح : القميص اتغرق يا تولين ينفع كده
تولين بخجل : راكان بس بقا وبعدين روز موجودة ليذهب راكان وهو يحمل ابنته وهي تضحك له ببراءة وتولين بجانبه تنظر لهم بسعادة
مر اسبوع علي هذه الأحداث
وحالة أسر تحسنت كثيرا وأخبر سند العائلة برغبته للزواج من ناري وروزلي لا تدري حقيقة مشاعرها تجاه أرسلان
علي الجانب الآخر
سمرة واكمل
أكمل : سمرة حابب اتكلم معاكي في موضوع
سمرة ببرود : أكمل لو نفس الموضوع انا قولتلك راي
أكمل بانفجار : انتي ايه مبتحسيش انا مش ههين كرامتي اكتر من كده انا حاولت كتير علشانك بس مش معني اني بحبك تهيني فيا ملعون ابو ده حب من انهاردة يا سمرة انسي اكمل اللي بيحبك ورحل وتركها وهي تنظر له بحزن ليأتي شقيقها راهف وهو ينظر لهم بحزن
راهف : ليه كده يا سمرة ليه بتعذبيه اكمل بيحبك
سمرة بتوهان : معرفش يا راهف معرفش ورحلت سريعا قبل أن يري دموعها وراهف لا يدري ماذا يفعل لشقيقته وابن عمته
بالمشفي استند أرسلان علي المقعد وهو يمسك باحدي القصص ويلقيها لطفله النائم وروزلي تراقبهم بابتسامة
أرسلان بتنهيدة : مش هتقوم بقا يا أسر بابا مش واحشك ولا ايه ليشعر أرسلان بأصابع أسر وهي تتحرك ليتجه سريعا نحوه وهو يحتضنه بسعادة وروزلي تقف أمامهم بسعادة وتطلب من أحدي الممرضات بأن تخبر الطبيب ليأتي ويفصحه
روزلي بسعادة : أخيرا أسر فاق انا لازم افرح العيلة لتأخذ هاتفها وتطلب رقم شقيقها ريس وهي تنظر لأسر بفرحة شديدة وتطلب منهم المجئ ويأتي الطبيب وعلي وجهه ابتسامة مشرقة وهو يفصح الطفل
علي الجانب الآخر
اقترب ريس بسعادة من الجميع
ريس : عندي خبر حلو ليكم
شمس بفضول : قول يا ابني
ريس بابتسامة: أسر فاق وبقا كويس
ريان بفرح : بجد أسر فاق اخيرا اكيد أرسلان مبسوط ليأمرهم الجد بالذهاب للاطمئنان علي صحة أسر وبعد مرور عدة ساعات استيقظ أسر وهو ينظر للجميع بتعب وبدأ بالبكاء فهو يشعر بالألم
أرسلان بحنان وخوف : مالك يا أسر في حاجة وجعاك يا حبيبي
أسر ببكاء طفولي : بابا في وجع هنا ليشير علي جبهته
أرسلان بحب : معلشي يا حبيبي وبعدين في رجالة بتعيط ليؤمي له أسر برفض
إيمان بحنان : أسر بطل وهيبطل عياط علشان انا وتيتا روزالين هنعمله كل الاكل اللي بيحبه
أسر بفرحة طفوليه : انا خلاص خفيت يا تيته بس عايز ماما هي اللي تعملي الاكل
روزلي بحنان : اكيد يا قلب ماما انا عندي كام أسر يعني لينظر لهم صقر بغيرة طفوليه
صقر بغيرة : وانا يا عمتوو مش بتحبيني
ليان بضحك علي غيرة طفلها : لا يا حبيبي عمتو بتحبك بس أسر تعبان علشان كده لازم روزلي تاخد بالها منه وبعدين مش هي مامته وانا كمان بعملك كل حاجة لما بتتعب علشان انا مامتك وانت ابني فهمت يا حبيبي ليؤمي لها صقر بخجل ويذهب بتجاه أسر ويحتضنه بحب وطفولة ليتأثر الجميع لمحبة الطفلين لبعضهم
وبعد مرور عدت ايام عاد أسر مع العائلة وهو يضحك بسعادة لاهتمام روزلي وارسلان به
وطلب سند من جده وعمه رغبته بالزواج من ناري فهو يعشقها كثيرا والجميع رحب بسعادة فحب سند ظاهر لها
الجد راكان بسعادة : كده نعلن خطوبة سند وناري الشهر الجاي
طارق : بعد اذنك يا عمي انت وسلمان انا طالب ايد روح لثائر ابن اخويا لتنظر روح لهم بخجل شديد
سلمان : انا معنديش مانع ثائر شاب محترم وهابقي مطمن عليها معاه المهم رأيها وراي عمي
روح بخجل شديد : اللي تشوفه يا بابا انت وجدو
الجد راكان بخبث : خلاص يا طارق روح مش موافقة
روح بتسرع : لا موافقة مين قال كده ليضحك الجميع علي حبها الظاهر له وثائر ينظر لها بحنان ركضت سريعا لغرفتها حتي لا يري أحد وجهها واكمل ينظر لسمرة بحزن وتنهيدة
ليتفق الجميع علي خطوبة الشباب الشهر القادم
بعد مرور شهر تقرب رائف من سلمي كثيرا واحب سراج أسيف ولكن يشعر بالقلق من مصارحتها
استيقظ الجميع باكرا فهذا اليوم المميز لاحفاد المنياوي والقاسم ويقف كلا من سلمان وطارق وهم يوجهون العمال لما يفعلونه
بالاعلي بالجناح الرئيسي تقف الفتيات أمام روح وناري
روح بتحذير : بقولكم ايه انا مش عايزة الهبل بتاعكم ده
تولين : يا بنتي هنعملكم مسكات وحمام بخار مش لازم تبقوا قمرات انهاردة يومكم لتؤمي لها روح وناري بقلق وبعد مرور عدة ساعات أتت لهم روفيدة وإيمان وكل منهم تحمل فساتين الفتيات وتأخذ سلمي فستان شقيقتها وهي تنظر له بانبهار
الفتيات بعيون لامعة : واو الفساتين تحفة لا ذوق ثائر وسند تحفة
روفيدة باستعجال : بسرعة يا بنات مافيش وقت
آتي المساء وتجهز الجميع بفرح والفتيات تنظر لهم بفرح
سلمي بفرح وسعادة : بسم الله ما شاء الله قمرات قوي يا حبايبي اكيد سند وثائر مش هيقدروا يشيلوا عينهم من كتر جمالكم لتدخل شمس وإيمان وروفيدة وروزالين لهم وروفيدة تنظر لابنتها بدموع الفرح حزنت روح لعدم وجود والدتها معها بهذا اليوم المميز لتذهب روزالين وشمس لها
شمس بحنان : حبيبتي متزعليش اكيد مامتك دلوقتي شايفاكي ومبسوطة علشانك وبعدين يا قلب عمتوو بلاش دموع ده انتي بنت الغالي انا مامتك يا روحي انتي معندكيش ام واحدة بس عندك اربعه لتبستم روح لها بشكر وامتنان
روزالين : امسحي دموعك يا حبيبتي انهاردة يومك
ليذهب مصطفي وسلمان للاعلي وتطلب منهم روفيدة الدخول لينظر كل اب لابنته بانبهار لشدة جمالهم وتذهب كل فتاة برفقة ابيها والجميع يقف ورائهم وهم ينثرون الورود الحمراء عليهم وأخذ ثائر روح لمكانهم المخصص وفعل سند نفس الشئ والجميع ينظر لهم بحب وسعادة وذهبت إيمان وهي تحمل علبة مخملية بها خاتم رقيق للغاية وعقد من الالماس وتمد بها لسند ليلبسها لعروسه وفعلت روزالين نفس الشئ فهي لا تريد لابن شقيقها أن يحزن لعدم وجود والدته فهي أعطت وعد لنفسها أن تكن أما لاولاد اشقائها ومر اليوم بسعادة وطلب ثائر أن يتحدث مع روح قليلا بالحديقة لتوافق علي طلبه بعدما اعطي ابيها الموافقة
روح بخجل : اتفضل
ثائر بتردد : روح انت مبسوطة بخطوبتنا
روح باستغراب : اكيد امال وافقت ازاي واكيد مش هتجوزك شفقة ولا إجباروبعدين عمو طارق طلبني ليك قدامك وقدام العيلة وبعدين انا حاسة تجاهك بانجذاب
ثائر بسعادة : روح متتخليش سعادتي انهاردة قد ايه اوعدك اني احترمك واقدملك كل الحب والثقة اللي تستاهليهم
روح بخجل : انا بقول ندخل الجو برد وكمان بابا هيضايق لو اتاخرت وركضت للداخل قبل أن يتحدث لينظر ثائر لطيفها بحب وسعادة
وبعد مرور ٣ اشهر تغير الكتير اعترف ريان بحبه لنياز
وبادلته الاعتراف بحب
ريان ونياز
ريان : نياز بطلي مناهدة ووافقي علي موضوع خطوبتنا انا بقالي شهرين من وقت ما اعترفت ليكي بحبي وانتي مبهدلاني حرام اللي بيحصل ده
نياز بعناد : قولتلك مافيش خطوبة قبل ٦ شهور
ريان بغيظ : عندك حق انا اللي دبست نفسي انا هروح اشوف واحدة تانية تقدر مشاعري ليها وخليكي انتي بعنادك
نياز بغضب وغيظ من عنادها : استني هنا اعملها كده يا ريان وانا اقتلك واقتلها
ريان بضحك : انتي عارفة يا حبيبتي مقدرش اعملها انتي اللي ساكنة قلبي ومافيش واحدة تانية تقدر تاخدني منك
نياز بخجل : خلاص موافقة علي خطوبتنا صعبت عليا
ريان بمرح : لازم اعمل التمثيلية دي يعني علشان توافقي وركض للداخل وهو يصيح باسم عمه مصطفي بصراخ
مصطفي بخضة : مالك يا ريان حصل ايه
ريان بفرح : بنتك وافقت اخيرا يا عمي علي الخطوبة انا عايز الخطوبة بكرة انا ما صدقت ويمكن تتهبل وترجع في كلامها
نياز بصراخ : انا هبلة يا ريان طب مافيش خطوبة
ريان بهدوء وضحك : لا لا يا حبيبتي انتي قمر انا أقدر أقول غير كده
جود بمرح : رجعت لورا يا ريان أنا كده عرفت اللي هيظبطك لينظر ريان له بحنق مع ضحكات الجميع عليهم
الجد راكان : جود متعصبش ابن عمك ريان خطوبتك علي نياز كمان اسبوع بكرة مش هنلحق نجهز حاجة
ليتحدث سراج وهو يخبرهم برغبته للزواج من آسيف
طارق بمحبة : انا موافق بس الاهم راي أسيف ده قرارها
فريد بمرح : الشباب كلهم عايزين يتجوزوا مرة واحدة بس انتوا ناسين أرسلان الحفيد الأكبر للعيلة لازم نجوزوه هو كمان
أرسلان بنظرة ما لروزلي : اعتقد لازم اقولكم اني بحب بنت
سمرة بفضول وصدمة : لا متقولش بتحب ومخبي علينا قولنا هي مين نعرفها
أرسلان بخبث : هعرفكم عليها اكيد
آسر بغضب وبكاء : بابا انت هتتجوز غير ماما روزلي انت وعدتني انك هتتجوز ماما روزلي
شعرت روزلي بحزن بداخلها فهي تعترف الان أنها تعشق أرسلان ولكن هي تعتقد أنه لا يحبها هو فقط ممتن لها علي اهتمامها بطفله ذهبت روزلي وهي تحمل أسر وتحاول تهدئته فوجهه احمر من كثرة البكاء وذهبت لغرفتها وهي تحمل الطفل
ريس بغضب : أرسلان انت ازاي توعد أسر بحاجة زي دي اختي مش لعبة في ايديك انت فاهم
أرسلان بتنهيدة : ولو قولتلك أنه البنت اللي بحبها هي روزلي ليشهق الجميع بصدمة
راكان بضحك: والله كنت حاسس بس قولت لا خليه لما يعترف لوحده بقا ارسلان باشا عنده قلب وبيحب
أرسلان : تحب اوريك الحب وبعدها أمر الجميع بعدم اخبار روزلي بحديثه فهو يخطط لذلك بمفاجأة لها والجميع يشعر بالسعادة لهم
وبعد مرور أسبوع تمت خطبة سراج واسيف وريان ونياز وبدأ الحب ينمو بينهم
مر يوم اخر وخرج الجميع لأعمالهم وذهبت الفتيات للتسوق وبقيت روزلي فقط برفقة أسر للاعتناء به وأتي لها اتصال هاتفي برقم شقيقها الأكبر
روزلي : أيوة يا ريس
أحد ما : حضرتك تقربي لصاحب التليفون ده
روزلي بقلق : انت مين وريس فين
الراجل : صاحب التليفون ده فاقد الوعي ممكن حضرتك تيجي للعنوان ده هابعتهولك حالا واغلق المكالمة لتحمل روزلي أسر وهي تغير له ثيابه وقادت السيارة بسرعه كبيرة وكادت أن تفتعل حادث اكتر من مرة والطفل يشعر بالخوف فهدات سرعتها قليلا حفاظا علي سلامتهم وبعد مرور نصف ساعه من الوقت ذهبت روزلي بخطوات سريعه وهي تمسك بكف الصغير وتجد أمامها مبني غريب بعض الشئ وهي تهمس لنفسها ما الذي أتي بشقيقها الي هنا ومع تقدم كل خطوة منها تجد ظلام دامس ليشعر أسر بالخوف الشديد وهو يتمسك بقدمها بقوة
روزلي : متخافش يا حبيبي انا معاك وبدأت بمناداة شقيقها بقلق عليه لتضأ الانوار بشكل رائع وتنظر روزلي وأسر بانبهار لروعة المكان
أسر بفرح طفولي : مامي المكان هنا جميل جدا
روزلي باستغراب : هو فعلا حلو بس فين ريس معقول عاملي مفاجأة بس مافيش اي مناسبة انهاردة
أرسلان بهدوء : مش لازم يكون في مناسبة لتفزع روزلي وهي تري أرسلان ورائها يرتدي أحدي البدلات الرسمية ولكنه وسيم للغاية بها
روزلي : أرسلان بتعمل ايه هنا وفين ريس هو كويس
لتخرج العائلة وهم ينظرون لها بابتسامة وتري شقيقها يقف بجانب أرسلان وهو ينظر لها بمحبة
روزلي براحة : الحمد لله انت بخير يا ريس طب مين الراجل اللي كلمني ده
الفتيات بصوت واحد : دي مفاجأة يا روزلي لتنظر روزلي لهم بفضول ذهب أرسلان وهو ينحني أمامها ويمسك بعلبة مخملية صغيرة وتجد بداخلها خاتم براق يخطف الأنفاس
أرسلان بعشق : روزلي تقبلي تتجوزيني
روزلي بصدمة : هاااا
ريس بضحك : هااا ايه دي مش مصدقة أو مصدومة انا عارف يا روزلي انك بتحبي أرسلان وكنت رافض مشاعرك دي مش عايزاك تتجرحي بسبب حب من طرف واحد بس ارسلان فاجئنا كلنا باعترافه بحبه ليكي
أرسلان : روزلي حابب اتكلم معاكي لوحدينا ليشير لها علي أحد الأماكن الهادئه فهو لا يريد اخجالها أمام العائلة
روزلي انا عارف انك مريتي بتجربة مش سهلة شوفتي سلين قدامك وهي بتموت وبتتعذب من شوية حيوانات وكمان انا عارف انك قتلتي رجال الأعمال سعد السيوفي وعابد المصري أنهم كانوا السبب في حادثة باباكي وعمك ومرات عمك وللاسف محدش نجا منها غير عمك طارق انا كنت مراقبك خطوة بخطوة
روزلي بصدمة : انت عارف كل حاجة طب محاولتش تأدي واجبك العملي وتبلغ عني ليه
أرسلان بصوت رخيم : صدقيني لو مكنتيش عملتي كده غيرك كان هيعمل انا سيبتك تكملي انتقامك للآخر ووقعتيني في حبك يا ملاكي المنتقم لتبتسم روزلي علي لقبه الغريب لها
روزلي بحزن : انا مريت بحاجات كتيرة قوي يا أرسلان ولسه لحد الان بعاني منها مستعد تقف جمبي للاخر وتتحمل تقلباتي للاسف انا كمان مقدرتش امنع نفسي من حبك وكنت حاسة بالعجز وانت بتتكلم عن حبك لبنت بس مكنتش اعرف انها انا وانا موافقة اكمل معاك للاخر
أرسلان بعشق وحماية لها : انتي نورتي طريقي يا روزلي كنت فاكر اني معنديش وقت للحب والتفاهات دي بس كنت غلطان اوعدك اني احميكي دايما انتي وأسر واعشقك للنهاية وأمسك بيديها وهو يقبلها بحنان ثم ألبسها الخاتم وهي تنظر له بهيام ثم نظرت حولها ورأت الجميع وهم يصفقون لهم بحماس
عبد الرحمن : ايه رايكم ناخد صورة بالمناسبة الحلوة دي وتجمعت العائلة لأخذ صورة عائلية وارسلان ينظر للجميع بسعادة ثم اخفض بصره لوجهة الجميل وهو يشكر ربه علي هذه العائلة
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق