رواية أرملة رجل حي الحلقه الثانيه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الثانيه بقلم الكاتب محمد منصور
ويجي الليل وكريمة كانت نايمة عند اختها نحمده مع عيال اختها وسمعت طارق رواية أرملة رجل حي الحلقه الثانيه بقلم الكاتب محمد منصور حصريه وجديده على مدونة النجم المتوهج
ل اختها
عيب اللي انتي بتقولي دة. دة البيت بيت كريمة واياكي تحسبيها اي حسبة تانية دي وانا بقي ليا كلام تاني مع ابن الكلب جوزها
نحمده
طول عمرك اصيل يا طارق.
طارق
المهم هي اتعشت
نحمده
اتحيلت عليها وما رضيتش تحط لقمة في بوقها بعد ما الخسيس ضربها ورماها في الشارع
طارق
انا مش عارف رجاله اية دي اللي تمد ايدها علي الحريم
نحمده
رجاله عايزا الحرق
طارق
طيب حط لي العشاء. عقبال ما اخد دش واخرج حاكم انا راجع تعبان من الشغل
نحمده
حاضر يا اخويا
وراحت ناحية المطبخ وطارق اتاكد انها دخلت المطبخ فتح باب اوضة العيال مرة واحدة ودة خلي كريمة تغطي نفسها اوام بالملايا اللي قصادها وقالت
في اية
ابتسم وقال
بطمئن عليكي. واعتبري نفسك في بيتك
و بصة البصة اللي بتفهمها اي ست وقفل الباب وراء منه وكريمة رميت الملايا من فوق جسمها واتنهدت وقالت
انا ماليش قعاد هنا،،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ويطلع النهار وكريمة تروح المستشفي اللي شغاله فيها وتقعد في اوضة الممرضات وبعد ما غيرت ولبس اليونيفورم بتاع الممرضات تقعد قصاد منها واحدة كانت اول مرة تشوفها ودي تبع الحج بركات واسمها رحاب وكانت بتبص ل كريمة وهي بتقول
عاملة اية النهاردة
كريمة
زي كل يوم ما فيش جديد. لكن انتي مين
رحاب قربت منها وقالت
انا جديدة معاكم في فريق التمريض. بس انا حساكي تعبانه
كريمة
اتشرفت بمعرفتك. اما اقوم اشوف ورايا اية
ولسة هتقوم كريمة رحاب قالت وهي بتقعدها
استني بس عايزاكي
وطلعت رحاب منديل قماش غرقان مخدر وحطت المنديل علي مناخير وبوق كريمة وبدات كريمة تحاول الخلاص منها لكن رحاب كانت اقوي و قاومت كريمةم علي قد ما قدرت لكن جسمها استسلم للمخدر واغمي عليها
واتاكدت رحاب ان فقدت الوعي شالت المنديل من فوق وشها وحطيته في جيبها وراحت ناحية باب الاوضة وفتحته وبصيت في الممر يمين وشمال لقيت الدنيا هادية طلعت موبيلها واتصلت ببسيوني واول ما رد قالت
هات ترولي وتعالي بسرعة
وقفلت وبعدها ب دقيقية بالظبط كان قصاد منها بسيوني ومع ترولي ركب كريمة فوق الترولي واتحرك بيها وخرج من الباب الخلفي للمستشفي بمنتهي السهوله اصل الفلوس بتعمي النفوس والعيون.،،،،،،
ومن جوة فيلا الحج بركات كان بركات قاعد مع طارق وبيقول
رحاب كلمتني و كريمة دلوقتي في عيادة خاصة تبعي وكل شئ مترتب. المهم بقي مراتك
طارق
هخلصها معاها وكريمة هتفوق تلاقي اختها جنب منها وبتقول لها ان عدي تلت شهور علي دخولها في الغيبوبه
بركات
اي غلطة هزعل منك. وانت مش قد زعلي
طارق
لا عاش ولا كان اللي يزعلك يا عم الحج، ،،،،،
من جوة اوضة نوم يقعد طارق مع نحمده. وكان بيقول
هو كدة وتعملي اللي بقول لك عليه ورجلك فوق رقبتك والا قسما برب الكعبه اهينئك واحرمك من عيالك
نحمده كانت مصدومة وقالت
عايزني ادخل ملعوب وسخ زي دة علي اختي هو انت اية شيطان
طارق
يا بت الحج بركات راجل كبير. ومن وقت ماشاف اختك وحلاوتها وهو بيريل عليها وعنده استعداد يدفع فيها مبلغ حلو يعيشنا مستورين نقوم احنا بقي نقول للعز لا.
نحمده
ايوة لا. طالما من حرام
طارق
وهو فين الحرام واحدة مطلقه وهنجوزها
نحمده بعصبية
يا اخي روح منك لله. عايز تجوز واحدة وهي في شهور العدة بتاعتها دة لو افترضنا ان الطلاق فعلا وقع
طارق
صعبانه عليكي خليها في حضنك واطلقك انتي وانا بقي فايق وواعي لكل حرف في كلمة طالق هتطلع من بوقي تحبي اسمعك وتاخدي اخدك وتنامي تحت الكوبري او ترجعو المنصورة بلدكم. وبرضو هناك هتنامو تحت الكوبري اصلي باين انك نسيتي انكم مالكوش حد يسال فيكم.
واتنهد بخبث وقال
هه اسمع حاضر هعمل اللي انت عايزه وتبقي كلها مرضيه ولا اسمع لا. وتباتي متحرمة عليه
نحمده دموعها غرقت عيونها وبصيت له وفضلت ساكتة،،،،
من جوة بيت صغير في المنصورة كان نايم محمد شاب اسمر وسيم في الاربعينات من عمره وقت
ما رن موبيله مسك موبيله اللي كانت خلفيته صورة كريمة وهي واقفة جنبه في خطوبتهم ورد بصعوبه وقال
الو مين
انتبه للكلام واتعدل وقال
كربمة فين في القاهرة، ،،،،،،،،
في نفس الوقت كان بركات قاعد في مكتبه بيقراء في كتاب وقت ما دخلت عليه بنته نيرة اللي بصت له وفضلت ساكتة وهو بص لها وقال
نعم
نيرة
مين البت اللي جت عيادة اكتوبر وهي مغمي عليها
بص لها من وراء نطارة القراء بطرف عينه وقال
وانتي مالك
نيرة
لا دة. مالي ومالي ومالي
بركات بنفس الهدوء وهو بيقلب صفحة من الكتاب اللي قصاده
طول ما انا عايش يا شاطرة دة مالي انا وانا حر في
نيرة
وصلت السن دة ولسة بتريل علي اي واحدة لونها اخضر وشعرها اصفر.
بركات
دي العصفورة اللي في العيادة وصفتهالك بالظبط
نيرة
ما تغيرش الموضوع و قولي ناوي تكبر امتي
بركات
لما الاقي واحدة تنسيني امك واللي شوفته معاها
نيرة
وتكون شبه حبيبه القلب اللي ماتت
بركات هنا اتعصب وخبط سطح مكتبه بايده بمنتهي القوة وقال
اتقتلت واللي اقتلها امك واهلها
نيرة
لا بجد. انت لسة مصدق نفسك. فوق يا بابا وبلاش تخليني ابوظ لك كل اللي انت بتخطط لي
بركات رجع يقراء الكتاب تاني بمنتهي الهدوء وقال
فكري وانا هخليكي تيجي تبوسي رجلي علشان اسامحك. وللعلم البت دي انا هتجوزها وهعمل لها فرح وانتي اختاري تحبي تمسكي لها الفستان الابيض ولا الشمع
نيرة
الشمع دة انا همسكة لما اجي اولع في فساتنها واخلي النار تاكل لحم جسمها يابابا
وسابته وخرجت من المكتب ورزعت الباب وراء منها وبركات ابتسم ابتسامة خفيفة و كمل قراءة في الكتاب، ،،،،،،،،
ونروح للعيادة وكريمة بدات تفوق وكان قصاد منها بسيوني اللي اول ما فاقت باس ايدها وقال
حمد لله علي السلامة
كريمة
انا فين دلوقتي
بسيوني
في عيادة حبيب القلب الحج بسيوني. جوزك يا عروسة
كريمة
شوف احنا نصبنا علي كام واحد لكن المرة دي انا حاسة انها مش هتخلص علي خير،،،
هتخلص علي اية الحكاية لسة مش عارف لكن اللي انا عارفه ان حلقة النهاردة خلصت.
مع السلاللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق