رواية العراب الحلقه الرابعه بقلم الكاتب إسماعيل موسي حصريه وجديده على مدونة النجم المتوهج
رواية العراب الحلقه الرابعه بقلم الكاتب إسماعيل موسي حصريه وجديده
قال إيه سلمى
قال رساله لك إيتها الأميرة سلافا ،بودينا ترسل تحياتها
الغريب ان سلمى قالت هى بتضحك كأنها بتقول مزحه نكته مكررة ،متعرفش ان معدتى كانت بتتقطع من الخوف
سلافا ؟ دا نفس الاسم إلى الشخص دا قال انه مكتوب فى الرسالة
للحظه تأملت سلمى وعلى وجهى إمارات الزعر ،معقول يا روح الروح تكونى أميرة جنية ؟
أممكن ان افقد كل هذا الحنان والروح المرحة ؟
همست بضعف، سلمى، انت مش مراتى بس انتى كل الحجات الحلوة إلى حصلتى فى حياتى ووليت وشى الناحيه التانيه بعيد عنها
همست سلمى وبتقول ليه الكلام الحلو ده دلوقتى؟
قلت ما انا دايمآ بقول كلام حلو !!
رفعت سلمى ايدها بتقول كلام حلو لما تكون عايز حاجه معينة يا يوسف
كنت عارف انها بتهزر لكن انا جوايا كنت مخنوق جدا
بصيت على الحيطان
حيطان الشقه إلى انا وسلمى ساعدنا بعض لحد ما اشتريتها
وجهزناها مع بعض
سلمى مش مجرد زوجه، دى كانت رفيقه فى كل اوقاتى الصعبه
وعقلى راح لبعيد ،كل حاجه تحولت لشك ،طبيخ سلمى إلى ذى العسل إلى عمرها ما أخطأت فى وصفه حتى لو كانت أول مره تعملها
عيونها العميقه إلى بشوف نفسى فيها والى دايما بتكون صاحيه قبلى كأنها عارفه ووقت استيقاظى
سلمى إلى ياما طبطبت عليه وقت ضعفى وكانت مستعده تضحى بأى حاجه عشانى
لا مش معقول ابدا صوتى طلع غصب عنى خلى سلمى تنتبه
انا بحب سلمى اكتر من نفسى، بس مش ممكن اكون انانى
لو كان فيه خطر ولو حتى بسيط، مجرد شك لازم احمى سلمى.
قلتلها سلمى انا كدبت عليكى
وش سلمى اتغير
انت خننتنى يا يوسف ؟
كنت هضحك، تفتكرى واحد مجوز وأحده ذى القمر زيك يا سلمى هيبص على غيرها ؟
انا قصدى حاجه تانيه
قالو سلمى بدلال طيب قول
قلت الراجل إلى قابلته ترجم الرساله وكان فيها اسم اميره اسمها سلافا
اميره من أرض الجان وبيقول انها فى خطر
مجرد سماع الاسم خلى سلمى تترعب، دى مش ممكن تكون صدفه ،الغراب كمان قال سلافا
سلمى، حتى لو كنتى أميرة جان او عفريته او حتى شبح انا لا يمكن اتخلى عنك
انا سامع نفسك بتقول إيه يا يوسف؟ أميرة جان بس ايه
دا انا اخدت ضرب فى الملجاء مياخدوش حمار
قوم افتح الباب يا يوسف وبطل هبل
افتح الباب ليه وازاى يا سلمى ؟ الباب مخبطش
سلمى قالت انا عارفه بقا دى كلمه جات على لسانى من غير ما أشعر
لكن الباب خبط فعلا بعد كلام سلمى بلحظات
قمت ورجليه بتخبط فى بعضها ،كل شويه شكوكى ببتأكد اكتر ،حجات كتيره مكنتش بأخد بالى منها زمان دلوقتى بقت واضحه جدا.
لقيت نفس الراجل واقف على باب الشقه، قال استاذ يوسف ارجوك تسمعنى
قلتله باستسلام اتفضل ادخل ،انا كمان محتاج أجوبة
مشيت قدام الراجل ومشى ورايا اول ما شاف سلمى مراتى
انحنى نص انحنأه وقال تشرفت بمقابلتك اميره سلافا
مستغربتش كنت لسه بتمنى ان دا كله يكون حلم
سلافا مين وزفت مين اتفضل اطلع بره
ازا مره اشوف سلمى متعصبه بالطريقة دى ،اصل إلى بيحصلنا دا كلة مش طبيعى لكن لو كان فيه اى فرصه حتى لو صغيره عشان اساعد سلمى مش هفرط فيها
اخدت سلمى فى حضنى وهمست اهدى خلينا نسمع من الراجل مش هنخسر حاجه
فضلت ساكت والراجل بيقول محتوى الرسالة لسلمى مره تانيه
وأنهى كلامه ان الاميره سلافا فى خطر ولازم نغير مكان معيشتنا بأستمرار عشان عيون جواسيس الجان
بعدها سأل سلمى، مفيش حاجه محتفظه بيها من زمان؟
من يوم ولادتك مثلا ؟
سلمى فكرت شويه، مفيش حاجه خالص غير سلسله فضة فيها حبة خرز جدتى اديتهالى قبل وفاتها وقبل دخولى الملجاء
فين السلسه دى ممكن اشوفها ؟
معرفش قالت سلمى مش متأكده انها لسه معايا او ضاعت من ايام الملجاء
قال الراجل من فضلك دا موضوع مهم جدا لو كان فيه خاتم او تميمه دى بتكون علامه
سلمى قالت معتقدش انها لسه معايا، رغم كده لما فتحنا الدولاب نبحث عنها لقينا السلسلة على الوش فوق الهدوم كلها
كأنها طلعت، كأنها استدعت
سلمى وانا بصينا على السلسه بأستغراب لكن مبقتش فارقه
خدنا السلسه للراجل ،بص سلسله عاديه بحبة خرز يعنى لا جنيه ولا حاجه
مسك الراجل التميمه فى ايده ،المعدن دا مش فضه
المعدن دا أغلى معدن فى أرض الجان دا ممكن يشترى قصر
وفضل ممشى ايده على السلسله والخرزه ويقلب فيها
مده طويله قبل ما يفتح عنيه ويفتح الخرزه إلى اتحركت فى ايده ،ويبتسم سلافا مكتوب داخلها سلافا بنفس اللغه
لسه مخلصناش من الصدمه الراجل طلب من سلمى تلبس السلسله
سلمى لبست السلسله واول ما لمست جسمها السلسله لمعت بنور غريب
ذى ما توقعت همس الراجل، كان لازم سنك يوصل عمر معين عشان السلسله تشتغل ،كل ده وانا وسلمى عمالين نبص على بعض بطريقه غريبه.
لازم تخرجو من هنا حالآ انتو فى خطر ومكان مكشوف
سيبو كل حاجه انا هنقلها بنفسى خد مراتك وامشى يا استاذ يوسف وقبل ما نتحرك شباك الشقه اتهز هزه جامده
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق