رواية أحاسيس ميته 2 الحلقه السابعه بقلم الكاتب محمد منصور حصريه وجديده على مدونة النجم المتوهج
رواية أحاسيس ميته 2 الحلقه السابعه بقلم الكاتب محمد منصور حصريه وجديده على مدونة النجم المتوهج
الحكاية اتعقدت اكتر لان فريد شغل درة وعيونها فتحت وامرها تمسك المسدس وتضرب نفسها بالنار في دماغها وفعلا خرجت الرصاصة وانفجرت دماغ درة. دة اللي كان عايز فريد يعمله واتخيلة لكنه ما عملش كدة وبعد ما تم شحن درة حطها علي تربيزة سفرة عليها كل الاكل اللي بتحبه
و شمع بتاع الرومانسية واضاء خفيفة وربط ايد بالكلبشات في ايد الكرسي وقعد في اخر السفرة. وحط قصاد منه الايباد الخاص بالتحكم في وبص لها وقال
اصحي
فتحت درة عيونها. ومعاها بدا الحوار دة، ،،،،،،،
درة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
كان فريد بيحط ملح في طبق الاكل اللي قصاد منه لما بص ل درة وقال
لسة لحكايتنا فصل اخير.
وبص ل عبير اللي كان في المطبخ وقال
البطاطس يا عبير
درة بصت للكلبش اللي هي مربوطة بي وقالت
الفصل الاخير نهايته مش هتعجبك دة وعد مني
حط فريد حتة لحمة في بوقه في نفس الوقت جت عبير بالبطاطس وحطتها قصاد منه فبص لها وقال
تعرفي يا عبير ان درة بتهددني
عبير بصت ل درة وقالت
وهي مربوطة كدة واضعف منك
كان فريد بيحط حتة بطاطس تاني في بوقه وقال
قوللها. اصلها مصدقها ان النهاية هتكون في مصلحتها.
عبير
سيبها تشوف بعيونها النهاية اللي تليق بيها
فريد
مش بيها هي لوحدها. دة بكل بني ادم فاكر انه يقدر يكسب فريد
درة
انت مصدق نفسك انت ولا حاجة
مسك الايباد اللي عن طريقة يقدر يتحكم في درة وقال
بقيتي قويه وانا السبب
وداس علي زرار الذكاء ونزل بمستوي ذكائها للصفر وقال
كنتي عايزا تهربي مني وفاكرا ان حياتك اغلي من حياة صابر و كريم ونانا
درة
هي نانا ماتت
فريد
ماتت وانتي اللي قتلتيها زي ما قتلتي كريم. وصابر والظابط. وعلشان كل دة اقدر اثبته من غير اي غلطة لازم احط الفلاشة وارجع السيستم بتاعك ل اول برمجة انتي جيتي بيها
وحط الفلاشة وفعلا رجع البرمجة بتاعت الشريحة اللي جوة دماغها للاعدادت الاولية و ندهه علي عبير وجت عبير فقال لها
فكي الكلبشات بتاعتها
وفعلا فكها وبصت درة للي بيحصل وهي مستغربه وشاف فريد في عيونها الاستغراب فقال
مش عايزك تستغربي اصلي زي ما خليتك حيوان مفترس رجعتك لطبيعتك وبقيتي حيواني الاليف والمضيع واللي ضد الاذية. وعايز اعترف لك اعتراف بس والنار بتاكل لحم جسمك علشان الوجع يكون ضعف
وقام فريد من مكانه وقال
ل درة
مد ايدك قصاد منك
مديت درة ايدها وهو مسك شمعة وحطها تحت كف ايدها ورجع قعد مكانه وقال
حاسة بوجع مش كدة
كانت درة بتتوجع جدا وهي باصة للشمعة اللي بتحرق كف ايدها وفريد كمل وقال
ومع انك حاسة بالوجع لكنك ما تقدريش تبعدي ايدك عن النار الا بامر مني انا
بدا الوجع يبقي فوق الاحتمال و درة باصة لكف ايدها اللي النار بتاكل في ومن شدة الوجع عيطت وقال فريد
انتي انسانه يا درة لكني قدرت اخطفك من اهلك
ومسك حتة لحمة وقطمها بوحشية وقال
عارفة مين اهلك. واحدة من مصر اسمها ريحانه اخترعت شريحة شبة اللي جوة دماغك دي واشترتني من مكان لبيع الروبوتات علشان اعوضها عن حبيبها ولما رجع حبيبها قررت تخلص مني ورجعت مكان ما جيت لكنها ما كانتش تعرف اني رجعت اقوي من الاول وقدرت اعدل في الشريحة اللي هي اخترعتها وبعتها لشركة يهودية في امريكا وبقيت تحط الشريحة في دماغ اللي بيختارو العملاء. وخطفتك وسلمتك للشركة
هنا النار مسكت في كف ايد درة ولحم ايدها بدا يتشوي زي اي حتة لحم بتاع ذبيحة وهنا فريد قال ل عبير
طفئ ايدها مش هعرف اكمل كلامي وايدها بتولع كدة
وراحت عبير ناحية ايد درة بطفاية حريق وطفت النار اللي كانت بتاكل في ايدها
و درة بصيت ل ايدها المتفحمة وكانت لسة بتعيط من شدة الوجع و كمل فريد وقال
وبعت صورتك لعمي صابر علشان يشتريكي ليا هدية عيد ميلادي ويدخلك مصر علي اساس انك روبوت. واشفي غليلي من امك اللي حولتني ل وحش ما اعرفش الرحمة ما كنتش احبك تعرفي كل الكلام دة لكن معلش كلها كام ساعة ومندوبين الشركة يجو وهيلاقو كل البيانات اللي متسجلة في الذاكرة بتاعتك اتمسحت. لاني هعمل لك اعادة ظبط مصنع. و ريحانه اللي نانا بعتت لها رساله جينيه هتيجي تلاقي القصر فاضي لاني هسلمك
ل مندوبين الشركة وهرجع مصر وتبدا املاك عمي صابر تتنقل لي بحكم اني الوريث الشرعي والوحيد لي. مع اني مش ابن اخو لكنه صدق اني فعلا ابن اخو اصل تزوير الاوراق في مصر ما فيش اسهل منه.
و بدا ينهش لحم من اللي قدامه في الطبق وقال
ما كنتش عايزها تخلص كدة لكن القدر اراد ان النهاية تكون بالشكل دة
وقام وقف وقال
نامي يا درة
وغمضت درة عيونها وهو راح ناحية اوضة وقال ل عبير
لما المندوبين بتوع الشركة يجو ابقي صحيني، ،،،،،،،
وتعدي الليلة ويطلع النهار وفريد كان قاعد مع المندوبين اللي واحد منهم اسمه مايكل والتاني اسمه اسحاق. وقال مايكل وهو بيبص ل درة
ازاي كل دة يحصل الشريحة الموجودة جوة المخ مش مبرمجة علي القتل
اسحاق كان بيفحص درة اللي فريد عملها ظبط مصنع وقال
لية عملت لها اعادة ظبط
فريد
لاني كنت خايف منها دي قتلت اربع اشخاص فيهم ظابط امريكي
مايكل
التقرير الخاص بحاله الروبوت درة هيكون هو التقرير الاول من نوعه
اسحاق
ما فيش تقرير هيتكتب
الا بعد تفريغ الهارد ديسك الخاص ب الروبوت درة
فريد استغرب
وقال اية الهارد ديسك دة
اسحاق
دة برنامج تسجيل جوة الشريحة بيسجل صوت كل اللي حصل مع الروبوتات اللي بتطلع من شركتنا علشان لو تم اختراق سيستم البرمجة الخاص بيها بيتم كشف مين عمل كدة.
فريد
يعني كل اللي حصل بيتم تسجلية صوت
اسحاق
بالظبط.
فريد ارتبك و بص لعبير
و قرر يخلص منهم لكن قبل ما يعمل كدة سمع جرس القصر بيرن بص في شاشة كاميرات المراقبة وشاف ريحانه وجوزها ادم قصاد الباب،،،،،،،،،
خلصت الحلقة لكن ما خلصتش الحكاية. وسلالللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق