رواية غرام أهل الصعيد الحلقة التاسعة والعاشرة والحادية عشر والثانية عشرة بقلم الكاتبه هدي سمير حصريه وجديده على مدونة النجم المتوهج
 |
رواية غرام أهل الصعيد الحلقة التاسعة والعاشرة والحادية عشر والثانية عشرة بقلم الكاتبه هدي سمير حصريه وجديده على مدونة النجم المتوهج
هم جابر بالوقوف قائلاً وهو يذهب من امامها:-
-اني هطلب الدكتوره تيچي تشوف مالها عتوچعك تاني ليه عاد مفاهمشي
مسكت سلمى يده حتى توقفه قائله بهدوء:-
-استني بس ياجابر دا وجع عادي مش حاجه تاني متقلقش انا كويسه
-كويسه كيف يعني انتي مشيفاشِ رچلك عتوچعك كيف ولا هو نشفان دماغ وخلاص
-فين نشفان الدماغ في الموضوع ..وبعدين طبيعي توجعني عشان مشيت عليها.. هدهن دلوقت المرهم وهبقى كويسه
هز رأسه نافياً بتصميم قائلاً وهو يذهب من امامها:-
-لاا هطلبها تيچي تكتبك على دوا زين عشان متوچعكيش تاني واصل خاليكي اهني
ثم نده على احد الخدم امراً بمهاتفه الطبيبه حتى تأتي على بيته
بينما ظلت سلمى تتابعه وهى عقلها مشتت فحبه وخوفه عليها واضحاً لاي احد فلما لا تدي لنفسها فرصه حتى تبداء معه حياه جديده هزت رأسها من كثره المواضيع التي بها منذ ان تزوجها قائله وهى تهم بالنهوض من الفراش:-
-طب يلاا نطلع نتعشى مع شريف ..اصلاً عقبال ما تيجي هتاخد وقت نحون احنا اتعشينا فيه يلاا
-لااع هنتعشى اهني شريف نام يبجي هنتعشي اهني عجبال ما تيچي
-نام امتى احنا لسه طالعين !
-نام كيف الناس ما بتنام واجعدي بقى تعبتيني ويامي
هزت رأسها بالموافقه دون رد عليه وشرعوا في بداء عشائهم وبعد مرور نصف ساعه اتت الطبيبه الي منزله
-السلام عليكم
-وعليكم السلام
-رچليها عتوجعها تاني يا دكتوره ازاي وانتي كاتبالها على دوا
رد الطبيبه بهدوء من هجومه عليها الغير مبرر لها:-
-اكيد هى مشيت عليها وانا محظراها من المشي الفتره دي ..مش مني ولا تقصير في حقها
قالت سلمى مهدئه الموضوع:-
-خلاص يا جابر حصل خير انا اللي كنت فعلاً بمشي عليها
كتبت الطبيبه لها دواء جديد ورحلت مع تحذير بعدم اجهادها
-هاا خلاص كدا اطمنت
-ايوه
-طب انا هنام بقى تصبح على خير
-عتنامي بدري اجده
-اه هنام اومال هنعمل ايه
-نتفرچوا على فيلم ولا انتي عاوزه تنامي
-لا يلاا نتفرج سوى وننادي شريف
-شريف نام جولتلك
-منا لسه سامعه صوته والدكتوره بتكشف عليا
-مهو نام دلوجت
-اه
-طب يلا نتفرج على الفيلم
-لا هنام الدكتوره جالت انك تستريحي يبجي يلاا ننام
***************
صباح يوم جديد ذهب الكل حيث عملهم عدا محمد للذي يحاول في ارضاء زوجته وحبيبته لكنها ابت ان تكلمه
فقال بأجهاد بعد عده محاولات فاشله في ارضائها:-
-وبعدين امعاكي يا رقيه تعبتيني وياكي
لم تنظر له واكملت ترتيب ملابسهم في الخزانه:-
-وبعدين ايه انا كلمتك..اتفضل روح شغلك عشان معطلكش عنه
-متبجيش غلطانه وزعلانه كومان
نظرت له مجيبه:-
-انا اللي غلطانه يا محمد..ليه انا اللي زعقت في وشك مره واحده وزعلتلك مني ..لا انت اللي غلطان مش انا
-طيب اني اللي غلطان حجج علياا
-ماشي ،بس دي اخر مره تزعق في وشي كداا
************
دلف الي شركته بطالته الخاطفه للانظار هو وابن عمه شريف بكبرياء ثم دلف كل منهما الي مكتبه حتى ينتهوا ويعودوا الي المنزل في وقت الغداء
ظل جابر يعمل بتركيز واهتمام كعادته في وقت شغله حتى قاطع تركيزه صوت هاتفه معلناً عن اتصال من معشوقته فأجاب سريعاً قائلاً:-
-معجوله حبه الجلب بنفسها بتتصل بيا اؤمري ياجمرر
بينما على الجانب الاخر ظلت سلمى صامته ولم ترد عليه فهى بالاساس لا تعمل لما اتصلت به ..ظل جابر صامتاً يستمع الي نفسها السريع فقال:-
-خلاص اتنفسي براحه مش اجدي عادي عادي بتحصول كَتيرر
قطبت جبينها من حديثه ثم سألته بأستفسار:-
-هى ايه دي اللي عادي عادي بتحصل مش فاهمه
-عادي ياحبه الجلب متاخديش في بالك..عامله ايه دلوجت
-تمام
-ورچلك كيفها لسه عتوچعك؟!
-لا تمام ..بتسلم عليك
-ياشيخه ! الله يسلمها وحشتني جوي
سألته بعدم فهم:-
-هى مين دي
در عليها بنبره ذات مغزي:-
-رچلك ياجمرر
-اااا..طب انا هقفل بقى
-ماشي،،معوزاشي حاچه اچيبهالك وانا جاي
-ااه كنت عاوزه اا
-جولي ياجمر عاوزه ايه
-شيبسي وكنز وشوكلت
ابتسم بحنان على طلبها مجيباً:-
-اني چايبلك منِهم في التلاجه نادي على حد يچيبهملك متجوميش انتي من على السرير
-حاضر باي
-في رعايه الله ياجمر
***************
ظل يرن عليها حتى تصحى من نومها وتكلمه لكنها لا ترد عليه فحاول اكثر من عشرين مره حتى ردت عليه قائله بنفاذ صبرر:-
-ياعبدو حرام عليك اتقي الله عاوزه انام قبل ما اجيلك بليل
-وتنامي ليه وانا صاحي اقعد اكلم امي مثلاً
-وانا مالي ياعبدو دا كدا حررام بقى عاوزه انام يا ناس ..طب ربع ساعه بس انام واصحي تاني
-ياشيخه يعني الربع ساعه دي هتفرق معاكي وهتصحي تكسري الدنياا بقى
-انت صح خلاص هنام واصحي بليل اجيلك ماشي،يلا باي يا بيبي
-بت ..بت فوقي بدل ما انفخك
-انت مش في شغلك ركز في وعقبال ما تخلص هكون صحيت ماشي ..باي
-لا مالكيش دعوه انا فاضي
-وانا عاوزه انام حرام عليك انت منيمني الفجرر بسبب خطتك اللي مش نافعه ابداً
-شكلك عاوزه تنامي بجد؟
-اه
-طيب نامي يا لولاا يارب تحلمي بكابوس متعرفيش تنامي منو اربع تيام
قالت بصوت رقيق:-
-اخس عليك بقى كدا يا بودي
-اتسهوكي يا ختي اتسهوكي
ذادت من رقه صوتها قائله بنعومه:-
-انا بتسهوك يا بودا
-لا يا قلب البودا نامي ولما تصحي هكلمك
اغلقت الهاتف معه ثم ابتسمت بحب فهو مهما كان دائماً يهزر لكنه يعرفها حق المعرفه وعلى الرغم من شخصيته المرحه الا انه صارم في بعض الامور ولا يتهاون فيها ابداً
-هاا وصلتي لحد فين..انا بقول طب روحي نامي مش تنامي وانتي معايا على الموبايل
ثم اكمل مستفسراً:-
-اومال هشام فين يعني مش بيرد عليا هو نايم هو كمان ولا ايه
نظرت بأستغراب للهاتف فهى اغلقته:-
-مش عارفه هتلاقي في بيته او نزل الشركه
-ماشي يلا كملي نوم انتي بس افطري قبل ما تنامي تاني
-حاضرر
*********
-مش هتبطل عط شويه بقى احترم نفسك جابر لو عرف انك بتعرف بنات على اخته مش هيرحمك انا ساكتلك لحد دلوقتي يا هشام بعد كدا هيبقالي تصرف تاني مش هيعجبك
-هيعملي ايه مش فاهم وانت هتعملي ايه انا حُر واعمل اللي عاوزه
ضرب بيده على المكتب قائلاُ بحده :-
-لا يا باشا انت مش حُر وانت متجوز وفريده اي حد يتمناها احسن منك
نظر له محذراً:-
-رأفت لاحظ انك بتتكلم على مراتي
-طب كويس انك عارف ان ليك زوجه وبيت ..احترم نفسك بقى شويه وخليك جمبها ولو مش مرتاح معاها اوي كدا سيبها وطلقها على الاقل تكون عملت حاجه عدله في حياتك بعد جوازك منها
-انت محسسني اني بعذبها ماهى قاعده كل طلباتها مجابه وعمري ما زعلتها
-بس اكيد حاسه انك تعرف حد عليها دا طبعاً غير ان جابر اكيد عارف بس سايبك بمزاجه حافظ على بيتك قبل ما يتهد وترجع تندم عليه
-قول ياارب ،،ويلا نكمل شغلناا
*********
-بابي حبيبي صباح الخير
-دلوقت بابي ..وامبارح كان ابويا
-بيس يابابي بقى
-ماشي يا اروبه..عاوزه تقولي ايه خشي في الموضوع على طول
-عاوزه اروح عند سلمى ازوها عشان رجليها وجعاها
-طب هخلي السواق يوصلكوا بس هى تص ساعه وترحعي يا رغد فاهمه
-فاهمه يابابي ،بس يعني انا اروح مسوارح 3ساعات رايح و3ساعات جاي عشان نص ساعه بس ..ماشي هروح وامري لله
كشر وجه قائلاً لها بأستفسار:-
-3 ساعات ايه هى مش سلمى المفروض انها رجعت القاهره
-لاا ..هى هتقعد هناك خلاص
-ليه
-مش عارفه مفهمتش منها حاجه اخر مره
-اوكي
-هقوم البس بقى اروح
-لا مفيش نزول اقعدي زي ما كنتي
-ليه يابابي ما انت قولتلي روحي
-قولت روحي عشان كنت فاكر انها هنا جمبنا نص ساعه وهترجعي عشان زياره المريص واجب لكن مش سفر وتعملي زي المره اللي فاتت انتي وشمس هنام ..لا يا رغد اقعدي لو سمحت احنا اللي بينا وبين العيله دي خلاص انتهي من يوم ما شمس وشريف اتطلقوا وحالتها النفسيه اللي مل يوم في النازل بسببهم
-بس سلمى ذنبها ايه في كل دا يا بابا
هز رأسه نافياً:-
-لاا سلمى ملهاش علاقه طبعاً وانا بعتبرها بنتي بس معلش بلاش تروخي وانا لما افصي هاخدك انتي وشمس تقضوا معاها يوم كامل يا ستي
-ماشي يابابي
-اومال فين الاستاذ خالك
-نزل الشغل
-اخيراً الواحد هيرتاح منو شويه
-مين قال كداا ..انا هنا اهو منور البيت وهفصل منوره دا انا حتى بقمر اتجوز هنا معاك يابو نسب ياحلو انت
-انت بتيحي على السيره ..اعوذ بالله ياريتني ما كنت اتكلمت
-بودي
-قلبه
-تعالى نروح اي حته عشان زهقانه اوي
-لا مش فاضيلك ياختي
-ليه سيادتك وراك ايه عشان متفضاش لبنت اختك
-اهو عشان بنت اختك دي انا لو فاضي هشغل نفسي ..بقولك يابو نسب
-قول يا اخره صبري
-لما تيجي ليلى بليل ..انت وعيالك تقولولي ياعموو ومراتك تقولي ياسي عبده
-عنيا انت تؤمرني وانا وبناتي ننفذ
*********
#الحلقة_العاشرة
اتي الليل سريعاً وذهبت ليلى مع شقيقها وزوجته الي بيت يحيي مهران وظلوا يتساهرون تحت حديث عبدالرحمن وشمس الذي لا يخلوا من مشاكستهم لبعض
-اومال فريده فين يا هشام مجتش معاك ليه
-اصلي خلصت شغل وجيت على طول ف مفيش وقت ان اتصل بيها وكدا
-اه
-اه ايه انت مالك انا بكلم شمس
-منا وشمس واحد
-ياراجل ! واحد ازاي بقى
-مش هى بنت اختي
-حصل
-يبقى واحد..بص خاليك في حالك احنا قرايب في بعضينا
-اولع
-انا وانت في يوم واحد يارب
- ان اا
قاطع شجارهم صوت يحيي الصارم بعض الشيئ:-
-بس انت وهو البنات قاعده في وسطكوا
-انت تؤمر يابو نسب
-ايه ابو نسب دي انت كمان هو انا اعرفك
-مش انت جوز طنط دريه
-اه
-وطنط دريه دي تبقى اخت عبدالرحمن
-انت جلط تعرفني على عليتي
-الصبر بس
-وعبدالرحمن دا يبقى خطيب اختي وانا اخوها يبقى انت ابو نسب ولا لا
-هاا
****************
قال جابر مستفسراً بعدما كان يتابعها تحاول الاتصال بشخصاً ما:-
-بتتصلي بمين في الوجت دا
زفرت بضيق دون ان تنظر له:-
-بتصل برغد بس شكلها مش سمعاه
ثم نظرت له قائله:-
-ايه دا هو انت بتلبس ورايح فين
-شغل
رفعت احدي حاجبيها قائله بصوت عال بعض الشيئ:-
-بليل كدا ..شغل ايه داا بقى
نظر لها بجمود قائلاً:-
-طريجه سؤالك مش عجباني ونبرت صوتك كُمان !
هزت رأسها بأختناق ولم ترد عليه ثم عاودت الاتصال مره ثانيه ب رغد فهى بحاجه لهم الان
-خلاص اجفلي تلاجيها مش فاضيه او بتعمل حاچه عاد
-وانت ايه عرفك كنت مدير اعمالها وانا معرفش
ذهب اليها ثم جلس بجانبها قائلاً بهدوء:-
-مالك
هزت رأسها مجيبه بعصبيه:-
-ماليش ..هيكون مالي يعني
-اومال عتتصرفي اجده كيف المجانين من فراغ ولا اي ..مين مزعلك انطجي زعلانه من حاچه انا ..شريف اي حد اهني زعلك ولا اي ..
قال بصوت عال بسبب صمتها:-
-ردي علي ساكته ليه !
لم ترد عليه وبدون سابق انذار شرعت في البكاء بغزاره فأحتضنها قائلاً بحنو ويده تربت من على شعرها لظهرها:-
-شش خلاص عاد بكفياكي بكا وجوليلي مين زعلك وعتشوفي هعمل في ايه زعلانه عشان شمس معتردش عليكي خمس دجايج واشيعلها حد يخليها ترد بس بلاش بكا ياحبه الجلب
لكنها لم ترد عليه واستمرت في البكاء فهى اصبحت مشوشه لا تجيد التفكير بمفردها تاره تقرر بدء حياه جديده معه وتاره لا لا تستطيع اخذ قرار حاسم بمفردها ..استمرت في البكاء حتى انهكها التعب وذهب في ثبات عميق
**************
دلف رأفت الي منزله فوجده هادئ بعد سفر اخيه وزواج شقيقته فدلف الي غرفته ابدل ملابسه ثم خرج حتى يبحث عن والدته فوجدها جالسه بصمت شارده في شيئ ما
فاقت رقيه على قبله رأفت ليدها فأبتسمت له مرتبه على شعره بحنو :-
-جيت امتى ياحبيبي
-يدوبك غيرت هدومي وجيتلك يا جميل..قاعده لواحدك ليه كدا اومال بطوط والحج فين
قرصته من وجنته قائله:-
-اسمها خالتو وبابا لسه مجاش زمانه جي هو ومهران
ثم سألته بأستفسار قائله:-
-شريف مش بيرد عليا ليه كلمته كتير مش بيرد ..انت كلمتوا انهارده
اومأ لها قائلاً وهو يجلس بجانبها:-
-اه كلمته من نص ساعه كدا وهو لسه في الشركه هيخلص اللي ورا ويرجع
-كل دا في الشركه ليه يعني
ثم اكملت بضيق:-
-طبعاً مش يسافر عشان يقضي اليوم كله في الشغل ماشي يا شريف
-متقلقيش عليه معاه جابر وسلمى
-ازاي مقلقش عليه وهو من ساعه ما ساب شمس وهو دافن نفسه في الشغل 24 ساعه كان ناقصني كمان انو يسافرر عشان يبات بالمره في الشغل يارب احرصه من كل شرر
-هو مين دا اللي يبات في الشغل
وقف رأفت على الفور عند سماع صوت والده ثم ذهب اليه مقبلاً يده:-
-ماما زعلانه على شريف يابابا
-زعلانه عليه ليه ..شريف راچل وميتجلجش عليه واصل
-لا يتقلق عليه انا امه وبقولك كدا
عرف رأفت انهما على وشك بدء عراكهم سوياً كعادتهم عندما يزعلوا من بعضهم فقال وهو يذهب حيث غرفته:-
-اه..طب بعد اذنكوا بقى هرتاح شويه قبل ما العشا يجهز
-ماشي يا حبيبي
هم محمد من مكانه قائلاً لها :-
-همي ورايا مش هنتحدت جدام الشغالين عاد
***************
دلف هشام الي بيته مع زوجته بعدما اوصل ليلى الي بيتهم
دلفت فريده دون ان تنبت بكلمه الي غرفتهم ثم الي المرحاض حتى تأخذ شاور وتبدل ملابسها بينما بالخارج تأكد هشام من انها دلفت الي المرحاض عندما استمع الي صوت المياه فأخر هاتفه مجيباً بعدما دلف الي الشرفه حتى لا تسمعه فريده:-
-رولاا انتي فين
-موجوده اهو يابيبي انت اللي فينك كدا مجتش انهارده
-جايلكوا اهه بس انتو في انهي مكان انهارده
-احنا في ***********
-تمام جاي اهو باي
-اوكي باي يابيبي
دلف الي الغرفه فوجد فريده تخرج من المرحاض فدلف من غير ان ينبت بكلمه الي المرحاض بعدما اخذ ملابسه حتى يبدلهم وخرج فأوقفته قائله :-
-ايه دا انت خارج تاني ولا ايه
-اه خارج عاوزه حاجه اجيبهالك وانا جاي
-لا تسلملي
هز رأسه بعدم اهتمام :-
-اشطا باي
جلست مكانها بحزن بعدما سمعت صوت غلق الباب ورأه قائله وهى تكلم نفسها كأنها شخصاً امامها تقنعه:-
-اكيد راح يسهر مع صحابه اه هيكون راح فين يعني ..
ثم سحبت هاتفها حتى تكلم والدتها
***************
ظل شريف يعمل منذ ان اتي بالنهار حتى انهك فنظر في ساعته حتى ير كم مر عليه من الوقت فوجد الساعه تعدت الثانيه عشر بعد منتصف الليل ففرك عيناه قائلاً:-
-يا الله ! كل دا بشتغل ومحستش بالوقت زمان ماما من كتر ما اتصلت جيالي بنفسها مشي تشوف في ايه
ثم سحب چاكت بدلته وهاتفه من على الكرسي وسار خارجاً من الشركه بأكملها بأرهاق قاد سيارته نحو منزله فوجد جابر واقفااً بالشرفه ناظراً للفراغ فقال وهو يترجل من السياره:-
-ودا واقف كدا ليه شكله كدا بيقول انو بيعد النجوم
فاق جابر من شروده على صوت سياره شريف وهو دالف الي القصر فهو كان يفكر في السبب الذي ادي الي انهيار سلمى بتلك الشكل ترا انه منه بسبب اجبارها على الزواج منه ام من والديها بسبب تركهم لها حتى تعيش وحدها ام منهما سوياً لا يعلم السبب لكنه مازال يفكرر فلو السبب منه سينزلها على الفور الي بيتهم بالقاهره حتى تكون بجانب اهلها واصدقائها
-ايه ياعم وصلت لحد كام
-لحد كام ايه مفاهمشي
-مش انت بتعد النجوم برضو ولا ايه
-لااع بعد النيازك اطلع بجي جبل مااحدف واحد عليك يجيب اجلك ياعم الحلو انت
-لا انزل انت نقعد شويه اومال فين سلمى نامت ولا ايه
-ايوه نامت عحبال ما تنام انت كومان وارتاح منك
-اتكلم عدل يا جابر بدل ما اطلع اقبلك من فوق
-لااع استني انزل عشان تجلبني صوح
-ياعم بهزر مالك في ايه
ثم اكمل بجديه:-
-انزل نقعد شويه ولا هتنام؟!
-لا مش هنام نازلك اهه
نزل جابر وظلوا يتسامروا حتى اذن عليهم الفجر فقامرا سوياً ذاهبين الي المسجد حتى يصلوا جماعه مع اهل البلد ورحعوا الي القصر مره اخرى
-اومال الواد هشام اختفي مره واحده ليه كدا
نظر له بأهتمام قائلاً:-
-اختفي كيف يعني
-مش بشوفوا خالص من ساعه الفرح بتاعك انت وسولي
صحيت سلمى بعد نومها ماسكه رأسها من الصداع نتيجه نومها بعد بمائها فنظرت بجانبها وجدته فارغ فسمعت صوت الاذان فعرفت انه ذعب الي المسحد ثم قامت ادت فريضتها وعندما انتهت سمعت صوت شريف وجابر بالجنينه فنزلت لهم
قاطعت حديثه قائله ببسمه صافيه وهى ذاهبه نحوهم:-
-صباح الخير
وقف حابر على الفور ذاهباً لها قائلاً بعتاب:-
-اني مش جولتلك ترتاحي زين عشان رچلك
-مالها رجلي ماهى بقت مش بتوجعني زي الاول اهه
حملها ذاهباً الي اخدي المراسي حتى يضعها عليه:-
-برضو ترتاحي لحد ما تخف خالص مش هعيدها تاني ياسلمى
-انا اخوها وواقف على فكره
-اعلملك ايه ياعني يااخوها اجعد ساكت
-شريف فين رأفت مش بيتصل بيا ليه
-نزل الشركه بقى يا سولي ومحدش قده
-ايه دا بحد عقبالي ياارب
-عجبالك في ايه
-لما انزل شغلي انا كمان
-ااه ..لما رچلك تخف نبجي نشوف الموضوع داا
ثم حول بصره الي شريف قائلاً:-
-هم يا شريف على اوضتك ناملك شوي انت منمتش من امبارح
-ماشي تصبحوا على خيرر
ذب سريف ثم حمل جابر سلمى مره ثانيه الي غرفتهم فقالت :-
-لا نزلني انا عاوزه اقعد هنا
-اني هنام عتطلعي كيف
-رحلي لسه فيا والله ..هطلع عليها وبعدين انت هتنام وانا صحيت هقعد في الاوصه اعمل ايه
-هتنامي عتعملي ايه ياعني
-بقول صحيت يعني مش هنام تاني ..نزلني بقى
-لااع لما اصحي هبجي انزلك يلاا
********************
#الحلقة_11
ظلت الايام تمر بملل على الجميع حتى مر شهرين على زواج جابر وسلمى و لم يحدث فيهم شيئ يذكر
*****************
صباح يوم جديد مليئ بالاحداث على الجميع
نظر لها في صورتها المنعكسه في المرأه قائلاً وهو يصفف شعره قائلاً ببسمه لا تخرج الا لها:-
-صباح الخير ياجمرر
-صباح النور ..
ثم اكملت بأستغرب من هيئته:-
-انت لابس بدري كدا ليه ولا انا اللي صاحيه متأخر
-لااع اني لابس في ميعادي وانتي صاحيه زي كل يوم
هزت رأسها له ثم قامت حتى تغير ملابسها في المرحاض فأوقفها قائلاً :-
-حضري حالك عشان هننزل القاهره ياجمرر
نظرت له ثوان لا تستوعب حديثه ثم صرخت بصوت عال وهى تحتضنه قائله بفرحه عارمه:-
-يييسس ..ييسسس..اخيراً هننزل القاهره مش مصدقهه
ثم بعدت عنه قائله بأستغراب:-
-بس دا ليه اقصد من امتى وليه مقولتليش
-كل دي اسأله في وجت واحد ابلعي ريجك ..ليه عشان انا مسافر ومش هتجعدي لحالك اهني اما امتى فأنا جولتلك اننزل هننزل دلوجت خلاص كداا
-يعني احنا مش هننزل نقعد في القاهره
-لاا هننزل عشان اني مسافر وانتي كنتي عاوزه تشوفي اهلك
بعدت عنه قائله بعصبيه:-
-هو بمزاجك يعني في الاول اقولك نقعد في القاهره ترفض ودلوقت جاي تقولي يلا عشان هننزل اصل انا مسافر وبعدين اقولك اشوف اهلي تقولي استني شويه ودلوقت تقولي يلاا هتشوفيهم ..انا مش كرسي تحطه مترح ماا انت عاوز انا بني ادمه ولياا رأي على فكره لو نسيت
كور قبضتت يده رافعاً سبابته في وجهها قائلاً بتحذير وصوت هادئ:-
-صوتك لو عالي تاني هتعرفي انا اجدر اعمل ايه ويلا امشي من اهني شوفي رايحه فين
-انا بشحت منك ولا واقفه على دماغك
هز راسه ثم رد بسخريه عليها وهو يرحل من امامها:-
-لااع واجفه على جلبي امشي بجى البسي خلينا نُخلص من اليوم داا على خيرر
***********************
-ها يا عبدالرحمن الشقه كدا خلصت خلاص
-لسه يابو نسب بتتشطب خلاص اهي اهدي بقى هاا
رد عليه بأستغراب:-
-اهدى ليه مش فاهم هو انا بشد في شعري وانا بكلمك قوم يالا روح شغلك خلينا نرتاح شويه..
هم من مجلسه قائلاً وهو يذهب من امامه:-
-اقولك اقوم انا اهو بالمره ارتاح من خلقتك الحلوه دي شويه
-خد بالك من نفسك يابو نسب ومتروحش في حته مع حد متعرفوش الدنيا مبقاش فيها امان ربنا يسترها عليك بقى
وقف ناظراً له:-
-انت بتودع ابن اختك وهو رايح المدرسه اتعدل ياعبدالرحمن احسنلك انا خلقي ضيق اليومين دول
-وايه اللي ضيقه وسعه ماانت ربنا موسعها عليك بلاش بُخل
هز راسه نافياً ثم ذهب من امامه:-
-انا ماشي قبل ما اتجلط منك ..
رحل من امامه فقال عبدالرحمن بصوت عال حتى يسمعه يحيي:-
-بعد الشرر عليك يابو نسب متقولش كدا ياحبيبي دا انت لسه 50 ..60 سنه شباب ياراجل هه
نزلت دريه على صوتهم ثم ذهب خلف زوجها تودعه قائله لشقيقها بعتاب دون ان تنظر له:-
-بس عبده متقولش لـ يحيي كدا دا لسه شباب ياولد
- ياولد ! مش هرد عليكي لحل ابو نسب وبعدين شباب ايه ..اه منا عارف انتي هتقوليلي دا شباب اكتر مني
ثم اكمل بصوت عال:-
-اومال فين رغد والبومه التانيه
-عايز ايه يابو نسب
-ابو نسب ! انتي خدتي عليا يابنت يحيي مهران
-ومالو مش عيب
-فين البومه اختك
-بومه ! مس هرد عليك احتراماً ليك عشان انت حبيبي يابو نسب فلل؟
-فلل يا صاحبي
ثم اكمل وهو يقرص اذنيها قائلاً بغيظ:-
-تعالى بقى عشان انا مستحملك بالعافيه هو انتي بتكلمي صاحبك يابت انا خالك انا مش قايلك تقوليلي ياخالو بودي
-طب سيب ودني احسنلك بدل ما ااا ..انت حرر
-قوني يلاا غيري هدومك عشان هتخرجي
نظرت له بعدم فهم قائله:-
-هخرج اروح فين
-معرفش المهم تخرجي انا مش عاوز اقعد مع اشكالك دي في البيت فـ البسي انتي واللي قاعده متنحه جمبك دي وطيروا يلاا من هناا
-دا بيتنا ياعم الحلو
-ايه دا رغد الخرسه طلعلها صوت اهه وبقت تتكلم
-هو انا كنت خرسه قبل كدا ؟!
-يلا اسرحوا من هناا مش ناقصه عيال رزله كتكوا نيله مش طلعينلي لا
-دي الحسنه الوحيده اللي عملوها والله
****************
قال متنهداً بتعب من كثره تكرار والدته تلك السؤال:-
-ياماما انا تمام والله اعمل ايه تاني بس عشان اثبتلك اني تمام
-تقولي هترجع امتى وانا ارتاح ومسألكش خالص
-لا مش عارف الصراحه شويه كدا وهرجع عشان جابر مسافر اهه عشان يخلص الصافقه وانا هقعد هنا عشان كدا الفرع اللي هنا مش هيبقى في حد يديره في غياب جابر واول ما جابر يرجع بالسلامه هاجي بأذن الله
-يروح ويرجع بالسلامه ان شاء الله
ثم اكملت بأستفسار:-
-طب وسلمى هتقعد معاك ولا هتروح معاه ؟!
-تروح معاه فين هو طالع رحله ياماما دا مش هيبقى عنده وقت يهرش .. جابر قالي انها هتنزل تقعد معاكوا لحد ما يرجع
قالت بفرحه عارمه غير مصدقه كلامه:-
-بجد يابني قالك كدا يعني سلمى هتنزلنا انهارده
-اه قالي كدا ..وبعدين هو كان مانعها عننا ولا ايه ماهى عندنا اهي ياحجه في اي وقت عاوزه تشوفيها الحج هيجيبك ثم ان جابر هيخلص شغل هنا وهينزل القاهره هو كمان يعني كلها كام شهر وتزهقي منها
-ربنا يهنيهم سوى عقبالك انت ورأفت اللي تاعبني اما اطمن عليكوا انتو كمان
رد عليها سريعاً حتى ينهي ذلك الحديث قبل ان تبدء فيه والدته كعادتها:-
-طب يا مانا هقفل عشان انزل الشركه ومتأخرش ولما ارجع هتصل بيكي ماشي باي ياحبيتي وسلميلي على الحج
****************
دلف الي الغرفه مره ثانيه قائلاً :-
-كل دا لسه مخلصتيش عااد
نطقت ببرود حتى تستفزه وهى تفتح الميكاب الخاص بها:-
-استني شويه ايه انا اله بالكهربه هعمل كل حاجه في خمس دقايق بس
-عتعملي ايه ؟
-انت شايف ايه
-اني شايف واحده ماسكه عدة المحاره و وعتلون نفسها
شهقت قائله وهى تترك الميكاب ناظره له بصدمه وهى تشير على نفسها:-
-انا بلون نفسي وماسكه عده المحاره ..ليه هو في حد بجمالي دا
ذهب من امامها الي المرحاض قائلاً:-
-متجولي لنفسك ياختي عتجوليلي انا ليه ..ولما انتي حلوه احده عاوزه تلوني نفسك ليه مش فاهم ..يلاا شهلي شوي خلينا ننزل انتي بالشكل دا هتأخرينا سنه
ثم عاد اليها مره اخره قائلاً بتحذير:-
-الياكي المح طيفك بـ عدة المحاره دي تاني ..انتي حلوه من غيرهم ياجمري
قالت بفخر وهى تنظر بالمرأه:-
-منا عارفه اكيد
-يخربيت اللي يچاملك تاني
*****************
ظل يعمل بعض الوقت حتى زفر قائلاً بملل وهو يسحب هاتفه قائلاُ:-
-ايه الملل دا اما اروح اتسلي على رغد شويه زمانها في النادي ولا مش في النادي
اخرج هاتفه مخرجاً رقمها حتى يهاتفها ثم تراجع باعتاً لها رساله على موبايلها
على الحانب الاخر كانت رغد تبعث بهاتفها عندما وصلت لها الرساله الخاصه به فقرأتها ولم ترد عليه
-عملتي سين ومردتيش حيث كدا يبقى هتيجي النادي معروفه يعني
*****************
-رايحه فين سيادتك
لم تنظر له واستمرت في ضب اغراضها قائله بهدوء:-
-رايحه اقعد مع بابا وماما شويه
-مش فيه كإن عايش معاكي هنا تسالي الاول قبل ما تلمي هدومك ولا انا شفاف و لا ايه..وايه الهدوم دي اللي وخداها معاكي دا انتي رايحه ناويه على اقامه بقى
-ممكن مين يعرف
ذهب اليها ممسكاً بيدها بنفاذ صبر:-
-اقفي اتكلمي معايا زي ما بكلمك يافريده انتي رايحه عند خالتي ليه
-قولتلك وحشاني هى وبابا هروح اقعد معاهم شويه
-تمام روحي وهعدي عليك بليل اخدك ونا مروح
-لا انا هبات معاهم
-فريده متعصبنييش احسنلك قولت هعدي بليل اخدك معايا
-عصبتك فين انت سألت وانا جاوبت فين المشكله مش فاهمه انت مش قاعد معايا انا بقيت اشوفك زي الصيف يا هشام !
-مش حاسه اني متجوزه من سنه لا حاسه اني عجزت بدري انت شايف ان اللي احنا فيه دا طبيعي
-انتي شكلك عاوزه مشكله وخلاص يعني.. اوكي يا فريده مشكله بمشكه اتفضلي اقعدي ومفيش مرواح في حتة النهارده
هزت راسها نافيه ثم قالت بنبره باكيه:-
-هشام لو سمحت عاوزه اروح عند ماما كام يوم من فضلك حاسه اني مخنوقه
-ماشي روحي وتيجي بليل اخر كلام عندي يافريده ولوسمحت كلامي يتسمع
-لا هبات
-يبقى مفيش خروج
قالها ببرود منصرف من امامها بينما هى اصرت على الذهاب دون علمه . .
****************
#الحلقة_12
نزلت من منزلها صاعده الي سيارتها بعدما ارسلت رساله الي زوجها تبلغه انها ذهبت الي بيت والدها جأت حتى تقودها قاطعها صوت هاتفها معلناً عن زوجها الغاضب فأجابت ببرود :-
-نعم
-انتي ازاي تنزلي وانا قايلك لا يا فريده بتكسري كلامي يعني
-بكسره فين ..انا قيلالك عاوزه اروح عند مامي
-وانا قولتلك لا تروخي من غير بيات
-اوكي
-اوكي ايه
-هاجي بليل
-لا خليكي هاجي اجيبك انا
-ماشي..باي
اغلقت معه بأبتسامه ماكره ثم قاده سيارتها لبيت والدها
***********
- وقفت امام السياره محتضنه شقيقها قائله بحزن:-
-يعني برضو مش هتيجي معايا عند ماما يا شريف
زفر متنهداً قائلاً وهو ينظر للاشئ:-
-ماانتي عارفه اللي فيها يا سولي انا مش حابب انزل دلوقت محتاج اقعد شويه هنا وما صدقت اقنع ماما اني لسه مخلصتش شغل
-ماانت كدا هتفكر اكتر لما تقعد لواحدك..يبقى عنلت ايه
هز راسه نافياً وهو يفتح باب السياره ويدخلها بها قائلاً بهدوء:-
-هبقى عملت كتيرر ولا مش هفكر ولا حاجه هنزل الشركه متشغليش بالك انتي ويلا اركبي جابر شويه وهيطلع نار من ودنه
ثم وجه نظره الي جابر قائلاً له:-
-خلي بالك منها وسلمولي عليهم كلهم لحد ما ارجع يلاا في حفظ الله
-يوصل ياخويا يلا اطلع يا عطا خلينا نوصل
*/*/*/*/*/*/*/*/*/*
-النادي منور ياحلوين
التفت كلاً من رغد وشمس على صوت رأفت
فقالت شمس على مضض:-
-اهلاً
-ومالك بتقوليها من تحت الضرس كدا ليه
ثم اخفض نبرته قائلاً لرغد:-
-انا يتعملي سين وتتجاهلي المسچ ماشي
جائت حتى ترد عليه قاطعتها شمس وهى تقول له:-
-ولا من تحت الضرس ولا من فوق الضرس وفكك مني
ثم وجهت حديثها الي شقيقتها قائله وهى تذهب من امامه:-
-انا رايحه التمرين يارغد ولم اخلص هجيلك باي
-طب استني انا جايه معاكي
جأت تهم بالذهاب خلفها فقاطعها يد رأفت الذي سحبتها حتى جلست امامه فسحبت يدها بعنف موبخه اياه :-
-ايه دا انت ازاي تمسك ايدي كدا يابني ادم انت !
ثم اكملت بعنف اكبر لا تعلم متى واين اكتسبته في وجوده:-
-لا اذا كنت بسكتلك قبل كدا فـ دا بس عشان خاطر شريف وليلى مش اكتر بس دا ميسمحلكش انك تتمادى اكترر من كدا معايا الزم حدودك
نظر لها مجيباً بسخريه:-
-هو انا اتجوزت غصب عنك في ايه مالك بتتكلمي بحرقه كدا ليه ثم ان شريف مالو بقى ياحلوه وايه عشان خاطره دا هو ابن اختك وانا مش واخد بالي !
-اتكلم عنه عدل انا مسمحلكش تتكلم عليه في غيابه واه الزم حدودك معايا بتاع ايهزانت عشان تكلمني او تمسك ايدي كدا
نظر لها معنفها بحده:-
-تتكلمي عدل معايا احسنك يا رغد انا بسكتلك كتير !
هزت رأسها بعصبيه وجأت حتى ترد عليه فوجئت من طفل صغير من الذي تلعب معهم بالنادي يضربه بالقلم قائلاً بطفوله وهو يحتضن رغد:-
-انت بتزعق لمين كدا ياض
نظر له بصدمه من المفاجأه بينما ظلت رغد تضحك على شكله فهو كان يتحدث دون خوانه للذي ينظر له بغضب طفولي بريئ وفوجئ في ثوان بالصفعه التي نزلت على وجنته فلم يتحدث من الصدمه من ذلك الصغير الذي طول يده ولسانه يتعدي المتريين فاق على صوت ضحك رغد فـ نظر لها بحده حتى تصمت فسكتت على الفور تحت نظرته حمحمت قائله وهى تحمل الصغير وتذهب من امامه :-
-يلاا ياحبيبي نمشي من هناا عشان عمو مياكلناش
فقال الصغير وهو يسير بجانبها :-
-دا رخم اوي عمو دا
بينما ظل رأفت يتابع سيرها حتى اختفت من امامه فتحسس مكان الصفعه قائلاً بغيظ:-
-ياابن ال ..خدني على خوانه لو كان جه في وشي كنت طحنته ابن الغدار داا ماشي هشوفك تاني هتروح مني فين ..
ثم اكمل قائلاً بغيظ:-
-وانا اللي بقول اروح اتسلي عليها شويه اديها هى اللي اتسلت عليا وضحكت كمان ماشي يارغد ليكي يوم قال سكتالي عشان شريف ماشيي
ذهبت من امامه ثم وقفت قائله للصغير بهدوء:-
-ينفع كدا يابودي تضرب عمو بالقلم
-اه عشان زعقلك
-لا ياحبيبي مينفعش كداا خد البونبوني دي واحده ليك وواحده لـ عمو و روح اعتزلوا
هز رأسه نافياً بتصميم طفولي قائلاً:-
-لا
*****************
كانت تجلس تشاهد التلفاز فقاطع اندماجها بالفيلم صوت الباب قامت حتى ترى من الزأر فوجدتها ابنتها فريده فأحتضنتها على الفور قائله بفرح:-
-ديدا حبيبتي
احتضنتها الاخرى قائله بأرهاق:-
-مامي وحشاني خالص..اومال فين بابي
-مهران في الشركه شويه وجاي تعالي ادخلي انتي وحشاني خالص
دلفت معها الي الداخل ثم ردت بمرح حتى تخفي عليها سبب مجيئها :-
-ما عشان كدا انا جيت اقعد معاكوا كام يوم لحد ما تزهقوا مني
-بجد يا ديدا اومال فين هشام مجاش معاكي ليه الولد داا
-هشام مبقاش ولد يا مامي دا راجل قد الدُنيا
قرصتها من وجتها قائله بحب :-
-اه ياستي ومين يشهدله غيرك
-طبعاً
ثم اكملت وهى تهم بالنهوض قائله:-
-اومال فين خالتو تعالي نقعد معاها شويه دي وحشاني خالص
شدتها من معصميها حتى تجلس مره اخري قائله:-
-خالتو يا ستي بتجهز وليمه لـ سلمى عشان راجعه
انتفضدت من مجلسها قائله بصريخ :-
-ايه داا سلمى راجعه يعني اكيد جابر راجع يااا مااميي صح جاي امتى دلوقتي صح يلاا نروحله احناا يلااا
-بسس يا فريده بسس ودني مش حاسه بيها ايوه راجع اومال انا قاعده هنا بعمل ايه
فريده وقد تناست حزنها قليلاً:-
-طبب يلاا نعمل باقي الاكل اللي بيحبه سوى قبل ما يجي
هزت راسها بحزن:-
-لا دا مش هياكل بيقول هيوصلها ويمشي على طول عشان يلحق الطياره
هزت رأسها نافيه وهى تقول بأصرار:-
-شغل ايه وطياره ايه الشغل هنا في القاهره ..وبعدين حتى لو هيسافر مش هسيبه يمشي هيبات هناا الليله دي انا بقالي كتير مش سرفته ولا حتى بيتصل يطمن عليا من ساعه الفرح
هزت راسها بخيبه امل لمعرفتها بحب ابنها لعمله:-
-ويسيب شغله انتي بتحلمي يا ديدا جابر حياته في شغله
-بس يلا نروح نساعد خالتو وهنشوف هيبات معانا ولا لا..مع اني متأكده ان الشغل هناا اصلاً
************
قالت بجوع بعدما انتهدت من اكل كل ما جلبه جابر لها قبل سفرهم:-
-جابر
-جلبه
حمحمت قائله بخفوت:-
-جعانه..انا جعانه
نظر لها قائلاً بهدوء:-
-اني چايبلك وكل كَتير عشان تتسلي بيه واحنا في الطريج عتلاجي جارك كلي بالهنا
-الاكل اللي انت كنت جايبه دا
-اه عتلاجي جارك
-منا كلته عاوزه غيره
نظر لها بعدم فهم قائلاً:-
-الاكل اللي جايبه كلتي كله..
هزت رأسها بخجل ولم ترد فقال بحنو:-
-بالهنا ياعمري
ثم وجه حديثه للسائق الخاص به قائلاً بأمر:-
-اجف في الاستراحه الچايه يا عطا
رجع قائلاً لها بحنو:-
- افتحي التلاچه اللي في العربيه كلي الشيكولاته والعصير اللي فيها لحد ما نوصل للاستراحه واچيبلك اللي عاوزاه
-تلاجه ! انت عندك تلاجه في عربيتك ياجابر
هز رأسه قائلاً بجمود وهو ينظر امامه:-
-اه عندي ..اومال فكراني چاهل في كل حاچه ولا اي
اما هى عندما استمعت الي كلمته اصرت الصمت لا تعلم ان كلمه قالتها له في وقت عصبيه اثرت فيه لتلك الدرجه فلم تكن في وعيها حينها كانت تقول اي شئ حتى يبعد عنها ويتركها فقالت بهدوء وهى تنظر للجهه الاخري:-
-سوري مكنتش اقصد ازعلك ساعتها ..وياريت نمشي على طول عشان ماليش نفس للاكل
***************
-اومال رغد وشمس فين ياعبده
-سرحتهم
-س ايه؟
-سرحتهم مش لما يبقى عندك كلب رزل مش بتحبي بتسرحي في الشارع انا بقى سرحت الكلبتين بتوعك الواحد عاوز يقعد براحته بدل الدوشه دي
-ايوه يعني راحوا فين
-النادي انتي بتسألي اسأله غريبه
-وانت قاعد ليه روح شوف الشقه والناس اللي فيها ناقصهم ايه
-ماليش مزاج لو انتي مهتمه اوي روحي انتي
-اروح انا للعمال !
-اه انتي قد امهم عادي يا دودو ..اقولك انا كدا كدا كنت خارج هقوم البس
-رايح فين كدا
-كنا خارجين انا والكلبتين بتوعك والكلبه اللي انا هتجوزها
-حمار ماشي مع تلت كلاب طب ازاي
نظر لها بصدمه قائلاً:-
-وانا اللي كنت متفاجئ من لسان رغد اللي طول فجأه ..ماشي يوم ما تقصفي يبقى انا اول حد الدنيا مبقاس فيها خيرر
***************
وقفت السياره امام البرج الذي يسكنوا فيه فترجل منها هو وسلمى بعدما اوقف السياره في اخر استراحه وجلب لها بعض المُسليات
فأمسك يدها دالفين الي المصعد فقالت له:-
-احنا هنروح على شقتنا ولا هنبات عند ماما
-هنروح على شقتنا
-انت مش قولت مسافر
-اه
-هترجع امتى
-مش عارف لسه حسب الشغل ما يخلص
اومأت له ثم قالت بتردد:-
-هتتأخر طيب
-ليه
-عادي بسأل
وقف المصعد في الدور المنشود فخرج طارقاً الباب عده طرقات ثوان وفتحت فريده الباب نطت عليه محتضناه قائله :-
-جااابررر وحششتني عامل ايه
احتضنها قائلاً ويده تمسد على ظهرها:-
-اني كويس انتي عامله ايه ياجمري
-قمرك زعلان منك ..بس مش وقته
ثم نظرت لـ سلمى محتضانها قائله:-
-عامله ايه يا سولي
-عامله ايه يا سولي بس كداا ..دا على اساس اني بايته معاكي
احتضنتها قائله ببسمه:-
-لا عامله ايه مع حضن هديه يلا ان شالله ما حد حوش
-محوشاهم لمين
-هاا
زمجرهم جابر بحده طفيفه:-
-ادخلي انتي وهى يا جليله الحيا منك ليها
دلفوا الي الداخل بعبوس مع جابر وبعد سلامات واحضان من الجميع جلسوا في انتظار والده وعمه ورأفت
***************
... يتبع..
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق