رواية غرام أهل الصعيد الفصل الثالث عشر والرابع عشر والخامس عشر والسادس عشر بقلم الكاتبه هدي سمير حصريه وجديده على مدونة النجم المتوهج
رواية غرام أهل الصعيد الفصل الثالث عشر والرابع عشر والخامس عشر والسادس عشر بقلم الكاتبه هدي سمير حصريه وجديده على مدونة النجم المتوهج
ظلو منتظرين مجيئ محمد ومهران حتى قارب موعد عودتتهم فأستأذن جابر وسلمى حتى يبدلوا ملابسهم في شقتهم قبل مجيئهم
فقال وهو يهم بالنهوض موجهاً حديثه لـ سلمى وهو يسحبها من يدها برفق:-
-يلاا ياجمرر عشان نرچعوا جبل عمي وابوي ما يچوا
-يلا فين
-هنغير هدومنا جبل ما يچوا ..وانتي هتغيريهم عشان تجال عليكي
-لا روح انت وانا هستنى هقعد استنى بابا وناهدخل اغير في اوضتي القديمه
هز رأسه نافياً وهو يشدد على يدها:-
-لااع يلاا همي عشان ترتاحي شوي لسه رچلك مبجتش زينه!
-روحي يا سولي مع جابر غيروا هدومكم وتعالوا يا حبيبتي بابا ضويه وجاي
قامت على مضض معه قائله بضيق :-
-حاضر يلا يا جابرر
ذهبوا من امامهم فقالت رقيه بسعاده لرؤيه الحب بعين ابن اختها لابنتها :-
-ربنا يسعدهم انا حاسه ان سلمى ابتدت تميل له شويه اهه
-ياارب يا رقيه ياارب ..جابرر وشه بقى منور وحلو كداا
ظلوا يثرثرون بعض الوقت ولم ينتبهوا لتلك المتابعه حديثهم بحزن فكم تمنت من الله ان يرزقها بزوج مثل اخيها في عشقه لزوجته !
فاقت فريده من شرودها على صوت خالتها:-
-مالك يا ديدا بتفكري في ايه من ساعه ما جيتي
هزت رأسها بنفي قائله بمرح حتى تخفي حزنها عنهم:-
-ماليش..بس بفكرر اروح اعمل كيك واجرب حظي اهو جابرر هنا وهو اللي بياكل اي حاجه بعملها
-لاا لاا روحي جربي في رأفت ماشي بس جابر لا دا لسه عريس حرام عليكي
-ايوهه هو رأفت اللي هينصفني هو فين يا خالتووو هاا فينن
-هتلاقي في الشركه
-بجد نزل الشركه مش مصدقه لاا
-ونا مكنتش مصدقه زيك كدا لحد ما لاقيته طالع لايف على الفيسبوك هو وعبدالرحمن وهشام من مكتبه بيلبعوا دومنه!
-اه اذا كان كدا اصدق مصدقش ليه
*/*/*/*/*/*/*/*/*/*/*/*/
دلف عبدالرحمن النادي باحثاً عن بنات شقيقته فوجد شمس لم تنتهى بعد من تمرينها ورغد جالسه تقرأ احدي الكتب بهدوء فذهب اليها قائلاً وهو يجلس امامها:-
-بتقري في ايه يا مثقفه
قالت بأهتمام دون ان تنظر له:-
-تعالي اقعد يابودي
-منا قعدت اقعد فين تاني على راسك
-ماشي مقبوله منك . . اومال فين ليلى
-زمانها جايه ..وبعدين انتي مالك يا بايخه بتسألي ليه
-انا حُره صاحبتي واسأل عنها براحتك
-هى ولا صاحبتك ولا تعرفك اصلاً ثم ان انتي مش هتقعدي معانا اصلاً هسرحك انتي واختك بعيد عننا
-لا هقعد
-لا مش هتقعدي
-هقعد
-مش هتقعدي
-هقعد
-مش هتقعدي ويلا بقى قومي من وشي بدل ما ارشق الكتاب دا في عينك
قاطعهم صوته الساخر بعدما كان يتابع حوارهما من بدايه الحديث:-
-انتو بتزعقه لبعض ليه كدا ياولاد مش عيب كدا
التفت عبدالرحمن ورغد ليروا من المتطفل هذا فوجده رأفت ينظر لها بخبث فقال عبدالرحمن على الفور وهو يقوم من مجلسه :-
-اهلاً اهلاً يا تولتميت اهلاَ وسهلاً رأفت بيه بنفسه هناا في النادي لا اكيد انهارده يوم مش عادي نورتنا نورك غطى على نور الفلاش بتاع الموبايل نفسه
نظر رأفت له بأستغراب قائلاً بريبه:-
-ايه يا بودي مالك انت عيان؟
-اه ركبي سايبه تعالي امسكها بسرعه
-طبعاً انا لو حلفتلك اني مش فاضي اهرش مش هتصدقني
قال عبدالرحمن بغيظ وقد تناسى وجود رغد :-
-انا اتساب في الشارع من 10 ل3 العصر في الشارع مستنيك وفي الاخر تقولي سوري نسيت اني هقابلك النهارده اكني صاحبتك
-خلي قلبك كبير زي طولك يابو الصُحاب
-دا انا قلبي مفيش اطيب ولا احن منه حتى تعالى شوف
هز رأسه ب قائلاً بغباء:-
-اجي اشوف ايه
-قلبي يا حبيب قلبي
انهي جملته بلكمه قويه في منتصف وجه
-اه يابن ال*** مش هسيبك يا عبدالرحمن استناني ادام النادي بعد نص ساعه
-اشمعنا نص ساعه؟
-اكون حطيت تلجه عليها الله يحرقكك يا شيخ جابر زمانه رجع من السفرر هيحفل علياا لو شاف ايدك معالمه عليا كدا
نطقت رغد بفرح بعدما كانت تضحك عليهم:-
-ايه دا جابر رجع يعني سلمى رجعت هى كمان
ثم اكملت ل رأفت:-
-رأفت بلير خدني معاك
نظر لها عبدالرحمن ورأفت الذين لاحظوا وجودها الان
-ياخدك معاه فين هو رايح جنينه الحيوانات وبعدين انتي لسه قاعده ليه روحي للهبله اللي جوا دي اكلوا بعض موز يلاا
*/*/*/*/*/*/*/*/*/*
دلفوا الي شقتهم فقال جابر بضيق بأستفسار لـ سلمى:-
-مالك بجي مش عاوزه تيچي تغير تيابك ليه !
جلست على الاريكه بعبوث قائله:-
-عشان كنت عاوزه اقعد مع مامي وخالتو وكمان ديدا بقالي كتيرر مش شوفتها
جلس بجانبها قائلاً بهدوء:-
-طب خشي غيري تيابك عشان تروحيلهم يلاا
-طب ما كنت غيرتهم هناك لازمتها ايه اجي هنا
-كنت عاوز اخش انا وانتي شقتنا مع بعض
نظرت له بذهول فهي لم تتوقع كلمته تلك
-بس عشان كدا
-اه..جومي يلا غيري
-وانت مش هتروح معاياا
هز رأسه نافياً بأرهاق:-
-لاا لما ابوي وعمي يچوا هاچي روحي انتي لو عاوزه بس تجعدي في مكانك عشان رچلك
-رجلي بقت كويسه . .
هز رأسه بعدم استطاعه وهو يتصطح فوق الاريكه قائلاً وهو يغمض عينه بأرهاق:-
-اسمعي الكلام بدل ما تجعدي چاري اهني !
اومأت موافقه بأستسلام وهى تذهب من امامه:-
-اوكي
دلفت الي الغرفتهم ثم الي المرحاض الملحق بها حتى تغير ملابسها بعدما جلبتهم من الخزانه وعندما انتهت خرجت من ثانيه الي بهو المنزل فوجدته نائماً في سبات عميق على الاريكه فيبدو انه مرهق دلفت مره ثانيه الي الغرفه حتى تأتي بشئ تغطيه به ثم سحبته عليه وجلست بجانبه تنظر له ثم شردت قليلاً فمنذ عده ايام كانت تعايره بعد اتمامه لتعليمه حسب كلام والده والان صارت لا تهتم بذلك الموضوع ولم يفرق معها ! حتى جلبابه الذي لم ترى من قبل مرتدياً غيره اصبحت تراه صُنع خصيصاً له باتت تحب تلك اللهجهه التي يتحدث بها ترا مميز بكل شئ كل شئ به مميز لا تعرف اهو منذ زمن كذلك ام ماذا ؟ مواقفه الذي لا تنتهي معها ومعاملته المميزه لها منذ الصغرر لما اصبخت تفكر في كل تلك الاشئ الان !
فاقت من شرودها متمته بخفوت ولا تستطيع بعد الان انكار اعجابها به او تظن انه مجرد اعجاب:-
-ربنا يستر بدايه مش مبشره وانا الصراحه حباهاا جداً ظلت جالسه تنظر للفراغ حتى مر ساعه و فاق جابر من نومه فوجدها جالسه جانبه بصمت اعتدل في نومه قائلاً لها بصوت اجش من اثر النوم:-
-ايه جمرر خلصتي لبس
-خلصت من..مش عارفه
-ووه مش مجمعه ليه احده ..سحب هاتفه حتى يرى الوقت فوحد انه نائماً منذ ما يارب الساعتين..يابوي يعني اني نايم بجالي ساعتين.محستش بالوجت ولا ميتي نعست
ثم نظر لها مستفسراً :-
-اومال مطلعتيش ليه عندهم
نطقت بهدوء حتى لا يلاحظ ارتباكها فهى لم تحس بمرور الوقت وهى جالسه بجانبه:-
-قولت استناك لحد ما تصحى ونطلع سوى عشان بابا وعمو يعني
-طب استنيني دجيجه ابدل تيابي واچيلك طوالي
اومأت له بالموافقه ثم دالفت الي المطبخ تعد لهم كوبين من العصير
خرج ناظراً لها بهدوء وهو يغلق ازرار جلبابه:-
-عاوزاك
-نعم
-اما نرچع عشان تبجى فايقه
-اوكي يلاا
ثم ذهبوا مره اخري الي بيت عمه حتى يراهم
*/*/*/*/*/*/*/*/*/*
ظل شريف جالساً بغرفته بأرهاق بعدما انهي عمله وعاد الي المنزل فقاطعه صوت هاتفه معلناً عن اتصال من شقيقه فأجب عليه قائلاً:-
-هببت ايه تاني يارأفت حرام عليك
-ايه ياعم ابلع ريقك دا انا عاملك مفاجأه هتشكرني عليها طول العمر
-ايه هى بقى المفاجأه اللي هشكرك عليها دي
-افتح الكاميرا
-نعم !
-ايه ياعم افتحها عادي يعني عشان المفاجأه
اومأ موافقاً بأرهاق :-
-حاضر استني
ابعد الهاتف عن اذنه ثم فتح الكاميرا
-عااااا
وفي اقل من ثوان وكان الهاتف على الارض من خضته فعدما فتحها وجد عبدالرحمن وشقيقه في وجه وفمهما مفتوح لاخره وقام عبدالرحمن بالصوات في وجه
-ايه ياعم قله الذوق بتاعت اخوك دا كسفني
-ياجدع هو اللي كسفك بقى تقولي خلي شريف يفتح الكاميره واول ما يفتحها تعمل نفسك مدبوح ياعبده دا اتفاقنا !
-انا حُر مبحبوش اصلاً
سحب شريف هاتفه من على الارض قائلاً بغيظ وهو ينظر لهم عبر الكاميرا:-
-ماااااشيييي يا رأفت
-اسف يابونت بس بجد عاملك مفاجأه
-مش عاوز من وشك حاجه سلام
وجه رأفت الكاميرا ناحيه شمس الواقفه مع الكابتن الخاص بها:-
-طيب ماشي براحتك سلام
لم يرد عليه وظل ينظر لها حتى حول رأفت الكاميرا نحو مره اخري قائلاً:-
-هاا مفاجأه حلوه ولا وحشه
لم يرد على سؤاله قائلاً بأستفسار حاد:-
-مين اللي واقفه معاه دا
-مدربها الجديد
-مش كانت بتدرب مع مدربه
-لا معرفش الحكايه دي
-اقفل يارأفت احسنلك دلوقت
-دا قفل في وشي
-مهزء
-منا طالع زيك..انا هقوم امشي بقى
-في داهيه ياحبيبي
**//**//**//**//**//**
-اوكي يا هشام باي
-مالك يا ليلى زعلتي ليه مالو اخوكي
-هشام بيقولي انو مش جاي
-مش جاي فين
-كان المفروض يجي عشان نقابل عبده ورغد وشمس في النادي بس اتصل قال عندي سغل
-طيب ياحبيبتي مس مهم قومي البسي ونا هتصل ب عبدالرحمن اقوله انك مس هينفع تيجي تكوني خلصتي عشان نروح عند خالتو زمان جابر وسلمى رجعه
قامت على مضض ذاهبه الي غرفتها:-
-حاضر يا مامي
ذهبت ابنتها الي داخل غرفتها فتمتمت بحزن على ابنها:-
-وبعدين معاك يا هشام ..ربنا يهديك
****************************************
#الحلقة_14
رتب محمد على ارجل ابن اخيه قائلاً :-
-حمدلله على السلام ياولدي
-الله يسلمك ياعمي . . صحتك كيفها
-صحتي بومب متجلجش واصل
-ربنا يديك الصحه كمان وكمان
-تسلم ياولدي
قالت فريده بعبوس مصطنع:-
-ايه ياعمو هو انا شفاف ماانا كمان لسه جايه زي جابر وسولي
ابتسم لها فاتحاً ذراعه الثاني قائلاً:-
-تعالي ياجلب عمك چاري اهني
هزت سلمى رأسها بالنفي وهى تخرج لسانها ل فريده قائله لوالدها بعبوس مصطنع:-
-على فكره المفروض تحضني انا بدراعاتك الاتنين عشان انا اللي كنت مسافره مش هى
-اخس عليكي وانا اللي لسه وخداكي حضن مطارات دلوقتي
-طب يلاا همي انتي وهى مفيش احضان عشان هغير تيابي
ظلوا يتحدثون كثيراً حتى قاطعهم دلوف رأفت الذي لم يلاحظه احد هم بالدلوف الي غرفته مباشرهً لكن هيهات فقد رأته فريده وهو يتسلل حتى لا يرا احد فقالت بصوت عال عندما لاحظت وجه فذهب اليه متسأله:-
-رأفت مال وشك في ايه
نظروا الجميع بأتجاهه عقب انتهاء جمله فريده فهرول اليه الجميع احتضنته امه قائله بهلع:-
-ياحبيبي مين عمل في وشك كدا انت كويس
اومأ لها حتى يهدئها وبداخله يتوعد ل عبدالرحمن فقال وهو يربت على ظهر والدته:-
-انا كويس ياامي كنت بهزر انا وصُحابي واتخبطت
قالت سلمى بضحكه حاولت اخفائها مشعلله الموضوع عندما لاحظت ان اخيها ماقاله ليس حقيقه:-
-صحاب مين دي اللي تعمل في وشك هو حد يهزر في الوش بالشكل دا
نظر لها محذراً :-
-اهدي يا بوتاجاز مش كدا
رتبت خالته على كتفه قائله:-
-تعالي اقعد ياحبيبي عقبال ما اجيبلك تلجه تحطها على وشك
جلس بجانب جابر المتابع حديثه بصمت :-
-مش تسلم عليا يابو نسب وتقولي الف مليون سلامه عليك
-مين علم عليك اجده
قال بغيظ وهو يتحسس مكان اللكمه:-
-عبدالرحمن بس مش هسيبه هيروح مني فين دا النادي جنينه وچيم
خرج والده بعدما ابدل ملابسه فقال بخشونه عندما شاهد وجهه:-
-مال وشك يارأفت ياولدي اتعاركت مع حد اياك؟
وقف متجهاً اليه مقبلاً يده:-
-لا ياحج كنت بهزر انا وصاحبي
ظلوا هكذا حتى قاطعهم صوت الباب هذهب رأفت حتى يرى من الزئر فوجدها خالته وابنتها فأحتضنها قائلاً:-
-فوفا عامله ايه
-كويسه ياقلب فوفا انت ااا ايه دا مال وشك يارأفت
-هو اتدمر اوي كدا ماشيي ان ما وريتك وشي الجميل باظ خلاص
نظرت له ليلى قائله:-
-هو مين
رد عليها بغيظ قائلاً:-
-مالكيش دعوه ياختي وخشي يلاا
دلفت وفاء ولبنتها وبعد السلامات من ادحميع عليها هى وابنتها جلسوا فقال مهران لها:-
-اومال هشام فين ياحچه مجاش اياك
-مش عارفه ياحج والله
ثم وجه حديثها على فريده الذي ظهر الحزن عليها بعدما جئت سيرته:-
-اومال هشام فين يا ديدا
-في الشغل يافوفا لو خلص بدوي هيجي
نظر جابر فاجأه تجاه رأفت عندما قال بخفوت دون ان يسمعه احد غير واعياً بجابر الجالس جانبه
-شغل ايه مااحنا خلصنا شغل من بدري مش هتبطل عط بقى !
قال محمد وهو يهم بالنهوض:-
-طب يلا عشان نتعشي سوى
ثم وجه حديثه الي وفاء وابنتها:-
-هتجعدوا انهارده امعانا ياام هشام
-مش هينفع مش عامله حسابي ياحج هشام ممكن يعدي علينا انهارده وكمان ليلى مش عامله حسابها
-لا هتابتوا معانا يا فوفاا انتي بقالك قد ايه مجتيش هنا من يوم فرح جابر وسلمى
ظلوا يثرثروا حتى انتهي العشاء تحت نظرت جابر لشقيقته فهو منذ ان اتي ولا تخفي عليه نظراتها الحزينه اكثر الوقت وذاد شكه اكثر عندما اخبرته والدته انها سوف تجلس معهم عده ايام فاق من شروده ثم قام من مجلسه قائلاً وهو يهم بالخروج من المنزل قائلاً:-
-طب اذنكوا انا
-رايح فين ياولدي
-مشوار يابوي وراچع على طول
ثم نظر الي سلمى محدثها:-
-المفتاح مكانه عشان لو عوزتي تروحي الشجه
علم رأفت من حديثه انه سوف يذهب حيث هشام فقال وهو يهم بالنهوض قائلاً طيب خدني معاك اجيب حاجه واجي
اومأ له وهو يعلم انه اتي معه وذهبوا سوياً وهم رأفت بفتح الباب وجد هشام يستعد لطرقه فقال بسره
-يخربيتك جيت لقاضك
-السلام عليكم
ثم احتضن جابر عندما وجده
-واحشني يا صاحبي
احتضنه حابر قائلاً بعتاب لم يفهم هشام:-
-مش باين ..يابن خالتي
-ليه ياعم عملت ايه ..استني اسلم الاول واجيلك
دلف الي الداخل فوجئ بوالدته وشقيقته بالداخل
فقال وهو يقبل يد والدته ويسلم على الجميع:-
-الحبايب كلهم هنا متجمعين عند النبي ان شاء الله
-اهلاً ياولدي مجتش على العشا ليه
-كنت بعمل كام حاحه كدا ياعمي وجيت اهه عشان اسلم عليكم واخد فريده
ثم وجه حديثه الي فريده قائلاً لها بغيظ مكتوم من تصرفتها:-
-يلاا ياديدا عشان نمشي
-يلا ايه انتي مش قولتي ياديدا انك هتقعدي معانا كام يوم
تفاجئ هشام من جديثها فـ جاء حتى ينفي كلامها لكن هيهات فلم تعطي فريده وقت حيث قالت مسرعه:-
-ايوهه يامامي هقعد كام يوم بس هشام شكله نسي اني قولتله كدا الصبح
جاء جابر من الخلف مرتباً على ظهره بقوه قائلاً بنبره ذات مغزي فهمها رأفت على الفور :-
-هشام شكله بينسى كتير الايام دي معلش بجا ضغط الشغل عليه كَتير وبيتعب ولا ايه !
استغرب هشام من طريقه كلامه معه منذ ان اتي فقال جابر:-
-خيتي هتجعد معايا شوي يا هشام وحشتني ياچدع ولا انت رأيك ايه
نظر لها هشام بحده من توريطها له امام عائلتها فوافق على مضض :-
-طب همشي انا بقى مع السلام يا جماعه
-ماشي بدري ليه ياولدي اجعد امك وخيتك عيجعدوا اهني النهارده اجعد معانا انت كومان
-لا اعذرني انا يا عكمي ورق الشغل في البيت وعاوز اروح عشان اكمله بعد اذنكوا
***
بينما قال رأفت ل ليلى بخبث وهو يتحسس مكان اللكمه :-
-عاوز اديكي حاجه تديها ل عبدالرحمن لما تشوفي يا لولا ممكن
نظرت له بأستفسار قائله:-
-ايه هى
-هاتي وشك اما اقولك
-هبوظلك وشك كمان يا رأفت اجعد ساكت
-حاضرررر
******
قام محمد من مجلسه ساحباً سلمى ورأه قائلاً:-
-همي يا جلب ابوكي
-رايحين فين ياحج
-عاوز اكلم بنتي في حاچه عندك اعتراض يارأفت اياك !
-اعتراض ايه لا سمح الله خد وقتك انتو ما بتصدقوا الواحد يقول كلمه !
***************
بينما على الجانب الاخر يجلس يحيي وزوجته يشاهدون التلفاز بهدوء بعدما ذهب عبدالرحمن برفقه رغد وشمس الي احد السينمات ليشاهدون احد الافلام حتى يلهون شمس عن التفكير بطليقها فهو الوحيد القادر على تبديل مزاج شمس بعد حبيبها شريف
-الولاد راجعين امتى اتأخروا
-اتأخروا فين يايحيي دول مكملوش ساعتين وبعدين متقلقش حبيبي هما مع عبده
-ما هو عبده اللي يقلق ربنا يستر مبخافش غير منه
-اخس عليك متقولش كدا
************************
ظل جالساً في مكانه بغيظ منذ ان شاهدها مع مدربها الجديد
-ماشي يا شمس مااشيي
سحب هاتفه حتى يفتح احد مواقع التواصل الاجتماعي لكي يلهي نفسه عن مهاتفتها لكن هيهات ظهرت في هاتفه ما ان فتحه صورتها في احد السينمات برفقه شقيقتها وخالها ذاد من عصبيته اكثر فهو دائماً كان يحذر من نشرها لصورها على ايه ابلكيشن كما انه كان يخذرها من التعامل مع ايه شاب مهما ان كان سنه لكن هيهات فيبدو ان اشياء كثيره قد تغيرت بها مااصابها؟ هل عشقت شخص غيره لاا فهو متأكد من حبها له وحبه لها
فـ اسرع وبدون تفكير بكاتبه كومنت لها "منور يابو الصُحاب منوره يا برنسس يارغد"ولم يذكرها حتى يشعل غصبها كما اشعلته به
*********
خرجت شمس من السينما برفقه عبدالرحمن وشقيقتها وقامو بألتقاط الكثير من الصور لهم
-يلاا ننزلهم على الميديا
هزت شمس رأسها نافيه :-
-لا مش هينفع
-مش هينفع ليه يابومه هانم
-كدا ياحبيبي مش بحط صوري على الميديا
-ودا رايي مين استاذ شريف
-اه
-تعالي ياموكوسه هعملك خطه
-ايه هى يابو نسب
-بتاعتي دي لو قوليتها تاني هزعلك
-ماشي
-شاطره تعالي اما اقولك
وافقت شمس على نزول صورتها بعدما اخبرها عبدالرحمن بأنه سوف يحادثها بعدنا يشاهد الصورن ظلت منتظره حديثه بقلق من شريف فهو دائماً كان يحذرها من تلك الفعله ثوان واتي اشعار فتحته بسرعه وماان قرأته حتى هتفت بغيظ قائله:-
-منور يابو الصحاب ومنوره يابرنسس رغد هو انا شفاف ولا ايه
**************
ابتسم شريف بخبث بعدما ارسل الكومنت فقاطع بسمته رنين هاتفه بأسم والده فأجاب على الفور:-
-ايوه ياحج عامل ايه وماما عامله ايه
-احنا تومام يالولدي كيف حالك
-نحمد ربنا على كل حال
-الحمدلله اني متصل بيك عشان عاوزك في حاچه ..اؤمرني يا بابا
-الامر لله يا ولدي ..انت لساتك رايد مرتك
هز رأسه قائلاً بدون تفكير :-
-اكيد يا بابا اكيددد
-اما ترچعك بالسلامه نبجى نشوف الموضوع دا
-موضوع ايه
-اما ترچع يا ولدي يلا اسيبك اني بجى تكمل اللي كنت بتعمل مع السلامه
-مع السلامه يا حج
اغلقزالهاتف مع والده بعدم فهم من سؤاله واتصاله المفاجئ
بينما قد اخذ محمد قرار لا راجعه فيه
**********
#الحلقة_15
عاد جابر وزوجته الي شقتهم بعدما انتهي الاجتماع العائلي
جلست سلمى على الاريكه زافره بأنهاك:-
-ياربي رجلي مش قادره منها
-عتوچعك ولا اي
-مش اوي هاخد شاور وهبقى تمام
-ماشي
كادت ان تدلف الي المرحاض تذكرت شيئاً فتراجعت نظره اليه قائله بأستفسار:-
-هو انت هتسافر
هز رأسه بعدما فهم قائلاً:-
-اسافر ..اسافر فين؟
-مش قولت عندك شغل وهتسافر عشان كدا جبتني معاك هنا
-ايوه عندي شغل اهني
-يعني مش هتسافر
شدها من يدها حتى تجلس بجانبه قائلاً بهدوء:-
-جايز اسافر الله اعلم
هزت رأسها قائله بعفويه:-
-وليه انت اللي تسافر دايماً خلي هشام او اي حد بدالك واقعد انت
نظر لها قائلاً بجديه:-
-دا شغل ياجمرر واني متعود اعمل كل حاچه بنفسي عيل انا اياك عشان اخلي حد يسافر بدالي وهشام هو كومان عنده بيت وسغل مسؤول منه مش فاضي عشان اجوله سافر يجوم يسافر طوالي
ثم اكمل بنبره خبيثه وهوويغمز لها:-
-وبعدين عاوزاني مسافرشي ليه هاا
هزت رأسها بأرتباك من نظرته وهى تهم بالنهوض من امامه:-
-عادي يعني هكون مش عاوزاك تسافر ليه ..براحتك عاوز تسافر سافر انت حُر ..انا اا..هدخل اخد شاور بقى عشان عاوزه انام
دلفت الي المرحاض بخجل من نفسها بينما ظل جابر مكانه جالساً بفرحه فالاول مره تريده بجانبها وقالت ذلك حتى وان كان بعفويه تلاشت فرحته سريعاً عندما تذكر وجه شقيقته والتي يعتبرها ابنته وهو مليئ بالحزن فسحب هاتفه حتى يهاتف هشام لكنه تراجع فيجب ان يبقى بعيداُ قليلاً حتى يستطيعوا حل مشاكلهم سوياً فشقيقته ان كانت تريد تدخله لكانت اخبرته هز رأسه من الصداع الذي داهمها فجأه ثم دلف الي غرفه الملابس مرتدياً شورت وجلس امام التلفاز بملل حتى تنهي سلمى حمامها وتخرج تجلس معه
**********************
-خلاص بقى ياشمس الله
-يعني انتي مش شايفه حركاته يا رغد بيغيظني
-انتي بتكلمي نفسك ولا ايه
-بص كاتب ايه وكأني انا شفافه مثلاً ما كله منك انت
-وانا مالي ياختي
-الوقت اتأخر وبابا كدا هينفخنا
-اجمدي يابت انا معاكوا
-ماانت اول واحد هيتنفخ منه متقلقش
-بت انتي اخرسي..انا بودي اه بس راجل اوي ابوكي مين دا اللي اخاف منه دا هو اللي بيخاف مني بس انا بسكتله اكمنه مربيني بسس مش اكتر يا عنيااا
قالت رغد فجأه وهى تسحب هاتفها:-
-ايه رايكوا نطلع لايڤ
-يلاا
نظر لهم بحده قائلاً:-
-يلا ايه ياختي انتي وهى هو عشان سكتلكوا اول مره وخليتكوا تنزلوا صوركم يبقى خلاص مفيش حد يقفلكوا لاا فوقوا
-بنهزر يابودي انت قفشت ليه كدا
-عشان محدش يطلع لايڤ غير من فوني انا ..يلا يا عيال تعالوا ياحبايب خالو
ثم نظر الي شمس قائلاً:
-ابعدي انتي يابت
-ودا ليه جربانه
-لا مبحبكيش
-بس بقى ويلا
-انتي هتتشرطي من اولها وبس وهس لا امشي من جمبي يابت يارزله انتي زي جوزك وتعالي انتي يا رغد انا حبيتك خلاص
*****************
في منزل يحيي
-بصي يا دريه البهوات اتأخروا ازاي
-معلش يا حبيبي ما عبدالرحمن معاهم
-عارف انو معاهم بس انا قلقان عليهم كلهم الدنيا مبقتش امان زي الاول
-ربنا يسترها عليهم هما واللي زيهم ياارب
-يارب
-ايه دا
التفت اليها بقلق:-
-ايه في ايه
-دول طالعين لايڤ من عربيه بودي
سحب منها الهاتف قائلاً:-
-خضتيني يادريه ..فين وريني كدا
*************
بينما على الجانب الاخر بصعيد مصر حيث شريف
جاء حتى ينام فقاطعه صوت هاتفه معلناً عن اشعار فوجده من عدالرحمن
-صايع يابخته هو بيصيع وانا بنام بدري ماهي الناس حظوظ
جاء حتى يغلق الهاتف سمع صوت ضحكه شمس يعلو هز رأسه عده مرات ظناً منه ان من كثره تفكيره بها يسمع صوتها لكن مهلاً انها تتكلم فهل وصل لتلك الدرجه ..سكت قليلاً حتى تأكد ان صوتها خارجاً من الهاتف وليس من عقله!
امسك الهاتف مره ثانيه ثم نظر فيه فوجدها امامه بالهاتف هز رأسه بغضب منها ومن تصرفاتها
-يعني مش بس نزلت صورها لا وكمان طالعه لايڤ ماشي ياعبدالرحمن انا هموتك اغلق التطبيق ثم قام بالاتصال عليه
-ايه دا شريف بيتصل
شد هاتفه من يد شمس وترجل من السياره حتى يستطيع محادثته:-
-هاتي يابت الموبايل
وماان فتح حتى اسرع شريف قائلاً بغضب:-
-عبدالرحمن انت جبت اخرك معااايااا
رد عليه ببرود قائلاً:-
-براحه يا حبيبي ليجيلك شوجر وانت لسه صغيرر
-عبدالرحمن !
-ايه ياعم في ايه
-انت بتعمل ايه لحد دلوقتي في الشارع
-وانت مالك هو انا مراتك
-لا ياخفيف بس مراتي معاك
-مراتك مين لامؤخذه
-انت هتستعبط
-لا انت اللي بتستعبط قصدك طليقتك مش مراتك تفرق
-لا متفرقش انت عارف كويس اني هرجعها مسأله وقت بس يبقى ايه لزوم الحركات دي
-حركات ايه
-انت عارف كويس حركات ايه اقولك اما اشوفك هعرفك حركات ايه سلاام
-لا استني ياعم انا عمال اقولها من الصبح يابنتي لا طب شريف هيزعل طب هو مش كان مانعك من تنزل صورك وهى تقولي ابداً لا يمكن وطلعت كمان لايڤ بت مش جدعه ايه دا
ابعد الهاتف عن اذنه فوجده اغلق بوجه
- انت كمان مش جدع ..يلا احسن وقعتهم في بعض اروح اكمل على رغد بقى عشان انام مرتاح
****************
صباح يوم جديد ملئ بالاحداث على الجميع فاقت سلمى من نومها فلم تجد جابر بالغرفه ظنته بالمرحاض فنادت عليه لكنه لم يرد قامت بالبحث عنه بالمنزل فلم تجده فظنت انه ذهب الي شغله فقالت بعبوث:-
-ماشي يا جابر مشيت من غير ما اعرف
ذهبت الي غرفتهم مره ثانيه ثم أبدلت ملابسها الي ملابس اكثر احتشاماً حتى تذهب الي منزل والدها
دلفت الي منزل والدها فوجدتهم يهموا بالافطار
فقالت بعبوس مصطنع وهى تجلس بجانب والدتها:-
-ايه دا هتفطروا من غيري ماليش لازمه خلاص
-مين جال اجده بس جولنا انك هتفطري مع چابرر
-ما جابر ياسافر الصبح يامحمد
نظرت بصدمه لحديث والدتها:-
-ايه سافر ازاي من غير ماااعرف
قال لها والدها بأستفسار حاد:-
-اومال عياخد الاذن منيكي ولا ايه
-عادي ياحبيبتي تلاقيكي كنتي نايمه ومحبش يقلق نومك
لم ترد عليهم وهمت بالنهوض حتى تذهب الي شقتها
-رايحه على فين
-رايحه شقتي يابابا
-لااع اجعدي افطري
-ماليش نفس بعد اذن حضرتك
-جولت مفيش مرواح في حته واجعدي افطري
رأت رقيه ان الوضع سيأذم فحاولت تخفيف الامر قائله بنبره ذات معنى:-
-خلاص يامحمد ملهاش نفس تاكل ..وبعدين شكلها عاوزه تكلم جابر سيبها تكلمه
هز راسه موافقاً على حديثها:-
-ماشي روحي
**********
ثم دلف الي غرفته ساحباً هاتفه ثم اخرج رقم يحيي مهران حتى يهاتفه فأتى الرد بعد محاولتين قائلاً:-
-السلام عليكم
-وعليكم السلام !
-كيف وكيف المدام والبنات
-الحمدلله كلنا بخير
-اني كنت عاوزك في موضوع اجده
-اتفضل يا حج محمد
- هجوله في التلافون اياك !
-لا طبعاً تنورنا في اي وقت
-الاصول اصول ..شوف انت فاضي ميتي وجولي
-ايه يا حج الكلام دا احنازفي يوم من الايام كان فيه بينا عيش وملح تنورني في لي وقت البيت او المكتب
-يبجي بأذن الله هچيلك بكره
-منتظرك مع السلامه
-سلام
اغلق يخيي الهاتف معه ثم نظر الي زوجاه الحالسه بحانبه قائله بأستغراب:-
-مقالش عاوز ايه
هز رأسه نافياً:-
-لا ..لما يجي هنعرف..انا رايح المكتب
-ماشي ياحبيبي توصل بالسلامه
**********
لم ترد عليهم سلنى وذهبت الي شقتها بغضب ظلت تيسر ذهاباً واياباً قائله بعصبيه وهى تكلم نفسها وترد عليها ! :-
-ازاي يسافر كدا من غير ما يقولي دا لسه امبارح بيقولي مش عارف اذا كان هيسافر ولا لأ فجأه كدا قرر انو يسافر..وانا مضايقه ليه اصلاً ميساافرر هو حُر ..بس برضو مكانش ينفع يسافر فجأه كداا ..وانا مالي مهتمه بالموضوع كدا ليه ..اه مهتمه عشان شكلي ادام اهلي بس مش اكترر وكمان عشان هو كان بيعرف كل حاجه بعملها..بس انا اللي كنت بحب احكيله تفزصيل يومي وهو كان بيحب يسمعها بالتفاصيل ..بس ايه علاقه دا بـ دا.. يووهه بقى فين سلمى ورغد بس انا عرفت مالي فيه ايه انا عاوزه سلمى ورغد سحبت هاتفها حتى تحادثهم
-سولليي وحشااني مووت كنت لسه هجيلك انا وشمس
-ياسلام ياختي كُليني بالكلام الحلو بتاعك دا بس صحيح لو كنت انا وحشاكي بجد كنتي كلمتيني لكن انتي بقالك شهر معبرتنيش حتى وفين البت شمس هى كمان
سحبت شمس الهاتف من شقيقتها مجيبه عليها:-
-سولي وحشاانيي كتيرر اوي اوي اوي شوفتي اوي قد ايه
-حتى انت هتاكليني بالكلام بس لا لو وحشاكوا بجد هتجولي
استغربت شمس من عصبيتها فقالت بمرح:-
-مين زعلك بس عشان عامله كدا وانا انفخهولك
-اما اشوفك هحكيلكك
-طب تعالي نتقابل في النادي
-لا ماليش خزاج تعالوا انتو عشان عاوزه اتكلم معاكوا انتو وحشتوني اوي وكمان ليلى هنا بايته معانا من امبارح
-اسطا هقول ليابا واجيلك انا ورغد
-اوكي بيبي
-بااي
************
#الحلقة_16
انتهت سلمى محادثتها مع رغد وشمس ثم جلست منتظرهم
فسمعت صوت ارجل اخاها رأفت على الدرجات السلم فذهبت اليه حتى تحادثه
-رأفت انت رايح الشغل
-اه
-طب ماتقعد معايا
نظر لها بأستفسار:-
-ومين يروح الشغل
-ما عمو وبابا رايحين
هز رأسه نافياً وهو يذهب من امامها قائلاً:-
-لا مش هينفع .. هروح ولما اجي هقعد معاكي باي
قالت بمكر حتى يجلس معها:-
-خلاص ماشي روح انا بس كنت عاوزاك تقعد معايا لحد شمس ورغد ما يجوا يقعدوا معايا شويه عشان وحشوني
التفت اليه ساحباً يدها سريعاً قائلاً وهو يدلف الي شقتها مره اخري:-
-طب تعالي نستناهم سوى
-طب وشغلك
-ما بابا وعمي هيروحوا مجتش من يوم يعني يلا انتي لسه واقفه !
*****************
بينما على الجانب الاخر
سافر جابر دون ان يعلم سلمى بمعاد سفره فهو من الاساس لم يكن ينوي السفر الي الخارج لكنه فضل ان يبتعد قليلاً حتى تستطيع سلمى ان تفكر في زواجهم دون ضغط عليها منه خرج من شروده على صوت شريف قائلاً :-
-بس برضو مكانش ينفع تسيبها وتسافر كدا يا جابر ماما بتقول انها كانت هتطلع نار من ودنها
-لازمن اسافر ياخوي عشان تعرف تفكر زين من دون ضغط عليها مني
-طب يلاا ننزل تحت شويه انا زهقت
-انت لحجت تزهح وبعدين انت چيت ليه وسبت الشركه اللي اكنك متجوزها ..مش دي كانت الحچه بتاعتك اياك !
-زهقت ياعم ما صدقت انك قولتلي انك هتسافر حيت حتى من غير مااغير هدومي نسيت اغيرها من الفرحه
ضحك جابر على حديث رفيقه فهو عندما كان يحادثه وهو ياملم اشيائه يخبره بسفره خارج البلاد وبعد مرور ساعه كان شريف يدلف داخل المطار ببنطاله البيتي ذاد من ضحكه عندما تذكر وجوه المارين عندما شاهدو هكذا امامهم
نظر شريف لصحك جابر الذي يذاد فقال بتهكم:-
-ماخلاص يا خفيف في ايه الله !
-لا مش خلاص ياخويا اضحك براحتك
توقف جابر عن الضحك قائلاً له بجديه:-
-ناوي على ايه عتفضل اكده كَتير من بلد لبلد ومن شركه لشركه عشان متفكرش فيها اياك دا انت مش بتعنل حاچه غير انك تفتكرها
-اومال اعمل ايه ابويا مش راضي بيها وابوها من راضي يرجعها غير لما ابويا يوفق وابويا مش موافق ولفي بينا يا دنياا ومعرفش ليه اتصل بيا وسألني عليها ومن ساعتها متصلش وهى مش بترد على مسچاتي و ااا
-بس خلاص انت بالع راديو ثم ان ابوك شكله مش هيوااا
-انازغلطان اني بحكيلك جراحي و مواجعي ..المهم عانل ايه انت وسلمى حلوينن ؟
-اه ليه
-يابختكوا
-جومي يالا
-قايم اهو مش عارف سلمى مستحملاك ازاي كان الله في عونها
-مالكش دعوه
-حبيبي
-بجولك يا شريف
-نعم
-خلاص
-لا قول
-لا يلاا ننزل
-كنت هتسأل على الامتحانات
-اه ..اني مش مصدج نفسي بعد كل السنين دي هكمل تعليمي كيف العيال
-ياعم وفيها ايه بيبقى عندهم اربعين سنه وبيتعلمه ثم ان انت معاك دبلوم وبتكمل بس يعني مش من لاول وكلها ترم اهو وتتخرج خلاص ويبقى معاك شهاده جامعه
-سلمى مش مصدجه ان اني كنت في مدرسه
هز شريف رأسه قائلاً بضحك:-
-ليها حق الصراحه دا انا صاحبك اهو وابن عمك ومن صغرنا مع بعض ومع ذلك مكنتش بشوفك معانا من كتر ما كنت بتهرب من الحصص والمدرسين كانوا بيخافوا منك ف كانوا بيسيبوك
-طب جوم ياخفيف اخواتك
**ذئب الصعيد بقلمي/هدى سمير***
على الجانب الاخر في منزل يحيي مهران نجده جالساً على رأس السفره وجانبه زوجته واولاده
قال بهدوء وهو يمضغ الطعام:-
-اومال فين عبده يادريه
-انا ندهته بس طلع بياخد شاور يا حبيبي وزمانه نازل
اومأ لها بصمت فقالت رغد بهدوء:-
-بابي
-نعم يارغد
-كنت عاوزه اقول لحضرتك ان انا وشمس هنروح نقعد مع سلمى شويه
-ايه دا هى رجعت
-اه يا مامي رجعت امبارح هى وجابر جوزها امبارح غالباً
ثم وجهت بصرها الي والدها منتظره جوابه على طلبها فقال بهدوء وهو يقوم من مجلسه متجهاً الي الخارج:-
-لا يا رغد لو هى عاوزه تشوفكم تيجي هى تقعد معاكوا البيت مفتوح ليها 24 ساعه انما انتم مش هتروحوا
ردت شمس عليه قائله:
-ليه يابابي ما حضرتك قولت قبل كدا لما ترجع من السفر هتروح بنفسك معانا ايه اللي جد بقى
-اللي جد يا ست شمس هنام ان انا رجعت في كلامي عند حضرتك مانع ولا حاجه
ثم عل صوته قالاً بحده لهم:-
-انا كلامي يتسمع من اول مره يا هوانم مش عشان اتساهلت معاكوا في كذا موضوع ان الدنيا بقت سبهلاله خلاص ومالكوش كبير يحكمكوا لا فوقوا بقى كفايه لحد كدا
تدخلت دريه حتى لا يتأذم الموضوع اكثر من ذلك بينهم:-
-مش قصدهم يا يحيي هما بس كانوا عاوزين يشوفوا سلمى مش اكتر
ثم قالت لهم بحده خفيفه:-
-يلا يا رغد انتي واختك على اوضتكم مش لازم انهارده كلموا سلمى خليها تيجي هى
رحلت الفتاتان من امامهم بذهول فما سبب تلك الحده الغير مبرره
جلست دريه بعد ذهاب الفتاتان من اماهم بحزن قائله بعتاب:-
-مالك يا يحيي في ايه وزعقت للبنات كدا ليه هما معملوش حاجه كنت تقدر تقولهم متروحوش بهدوء عن كدا مش تزعق فيهم بالطريقه دي
-زعقت ازاي يا ست دريه انتي كمان يلا قوليلي منا مبقاش ليا لازمه في البيت
نظرت له ثم رحلت من امامه بهدوء الي غرفتها فهي لا تعلم سبب تلك المعامله معهم
***ذئب الصعيد بقلمي/هدى سمير***
هم رأفت من مجلسه قائلاً وهو يهم بالرحيل:-
-انا قايم على شغلي شكلهم مش جايين
وقفت على الفور قائله له بلهفه:-
-لا يا رأفت اقعد معايا شويه بقى انت مش بتقعد معايا خالص
-مين دا انا
هزت راسها قائله بحزن دافين:-
-اه انت مش بتقعد معايا من قبل حتى مااتجوز وانت دايماً مع نفسك او في شغلك
احتصنها قائله:-
-اكيد مش ببقى قاصدها يا سولي بس انتي عارفه من ساعه ما سبت الهدمه وانا كاره حياتي حرفياً
-يعني انت مبتكرهنيش
-انتِ عبيطه يابنتي اكرهك ازاي دا انتي روحي ويلا مفيش شغل انهارده خشي البسي يابت نخرج شويه
نظرت له بفرحه عارمه قائله :-
-بحد يا رأفت هنخرج فعلاً
-اه يلاا..عقبال ما اخلي الهبله ليلى هى كمان تلبس وبالمره نقابل عبدالرحمن
نظرت له بخبث بعدما فهمت سبب تلك الخروجه:-
-اه وبالمره في طريقنا ناخد رغد معانا
-لا من اولها استخفاف دم مش عاوز من سكات كدا تخشي تلبسي وتكلميها عشان تيجي قالتلك لا مش هاجي من نفسك برضو تطلعي تقعدي مع الحجه وخالتك
-ياغدار
-حبيبي
***ذئب الصعيد بقلمي/هدى سمير***
قامت سلمى بالاتصال على شمس فأخبرتها بعدم موافقه والدهم بالاتيان اليها بحزن فقالت لها على اقتراح رأفت وبعد اقناع لمده ساعات لوالدهم وافق على مضض مع تحذيره بعدم التأخر وذهب لرؤيه محمد النجار
***ذئب الصعيد بقلمي/هدى سمير***
تحركت سياره رأفت برفقه شقيقته وابنه خالته بينما على الجانب الاخر كانت سياره عبدالرحمن قد تحركت الي المكان المنشود الذي اتفقوا عليه رأفت وعبدالرحمن
-ايه ياعم مش تحاسب
-احاسب ايه دا انت اللي جاي علياا
-اجي براحتي الشارع واسع المفروض انت شايفني جاي عليك تقولي اتفضل ياعبدالرحمن ياخويا شارعك ومطرحك
-طب انزل اركن ياعبدالرحمن ياخويا بدل ما اساوي وشك بالاسفلت
قالت رغد بأستفسار بعدما لاحظت غياب فريده:-
-ايه دا هى فري مش جت معاكوا ولا ايه
-لا فري بتلم هدومها عشان راجعه بيتها
-هى لحقت طب حتى كانت جت خرجت معانا انهارده ماهي كدا كدا بتقعد لواحدها
-خاليكي في حالك يا رزله دا انتي ااااهه
قاطع جملته لكمه رأفت قائلاً بأنتصار:-
-عشان نبقى خالصين يابونتي
-اه يابن ال*** ماشي هوريك
قاطعهم صوت شمس قائله بعبوس:-
-يلا ندخل بقى الله
-خشي ياختي هى المراجيح هطير
-اه هطير ياخفيف
-انا خفيف
-لا انت حبيبي يلاا بقى
دلفوا الي داخل احدي الملاهي قام رأفت بشراء التذاكر فقالت سلمى بفرحه:-
-يلاا يا رأفت عاوزه اركب دي
-مين هيركبها تاني
-انا
-وانا
-على بركه الله وخدوا ليلى معاكوا عشان نخلص منكوا في يوم واحد
-بقى كدا ياعبدالرحمن ماشي
-انتي زعلتي
-اه
-ماشي
-ايه دا مش هتصالحني
-لا مش قادر
************
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق