رواية نقطه وثلاث فواصل الفصل الرابع بقلم الكاتبه أمل أحمد سلوم حصريه وجديده على مدونة النجم المتوهج
رواية نقطه وثلاث فواصل الفصل الرابع بقلم الكاتبه أمل أحمد سلوم حصريه وجديده على مدونة النجم المتوهج
حبيبه : شو حلو انك تقدري تخلي كائن متحجر المشاعر ينطق ويحس
ياقوت : الانسان المتحجر المشاعر بيكون اكتر الناس شفافيه ورقه… بس بيحتاج لدفشه بسيطه تحرك احساسه
امنيه : غريبه ما عمري حسيت العمه جهينه بهالطيبه
ياقوت : لانك كنتي تشوفيها بعيونك مو بقلبك
امنيه : صدقتي والله
حسام : لهيك بيحكوا الاعمى هو الحي البصيره لا البصر
ياقوت : فعلا وهالشي استوحيته مع تجربتي بالعما وحربي مع العمه جهينه
حبيبه : طيب ياتيته فهد ما رجع ؟
ياقوت : رجع
حبيبه : وتزوجتوا ؟؟
ياقوت : احيانا في حب لازم نحتفظ فيه بداخلنا
حبيبه : كيف يعني
ياقوت : الأكثر وجعاً ، ليس ما لم يكن يوماٌ لنا ، بل ما امتلكناه برهةً من الزمن ، وسيظل ينقصنا إلى الأبد .
حبيبه : كمان مافهمت
حسام : اسكتي خليها تكمل وقومي صبي عصير لنبل ريقنا
حبيبه : لا ماحزرت هلأبتفوتني القصه
ياقوت : هههه رح انطرك لحتى ترجعي
حبيبه : حاضرررر
قامت حبيبه متل الطير لتصب عصير وترجع تسمع باقي القصه شقاوتها كانت بتزكر ياقوت ب ايام الطفوله رغم المآسي يلي عاشتها لكنها دايما كانت محتفظه بداخلها بالامل والنشاط،
حبيبه : تفضلي ياست الكل
قوت : يسلمو هالادين يا روحي عقبال مانشرب شرباتك
حبيبه بخجل : تسلمي تيته
اطالت ياقوت النظر بعيون حبيبه الدبلانين وخدودها الحمره… . نفس الخجل يلي كان بوجه حنان بهديك الليله………
* ╚══════ღღ══════╝
ابو محمد : اليوم اجا خطاب لحنان
سعاد بصدمه : لحنان ؟؟
ابو محمد : اي لحنان وانا عطيتهم كلمه
سعاد : بس البنت مريضه ويمكن زوجها مايتحمل ويرجعلنا ياها بعد اسبوع وبطنها ولد
ابو محمد : من هالناحية لاتاكلي هم الرجال كبير بالعمر وبدو وحده تونس وحدته ومابدو منها ولاد
سعاد : ومين هالعريس ؟؟
ابو محمد : جارنا ابو فهد
سعاد بشهقه : شووو هاد اكبر منك
ابو محمد : بعرف… الرجال مابيعبوا شي الا جيبه وابو فهد جيبه عمران
سعاد : لا يا ابو محمد حرام البنت مسكينه ومابتدرك شو يعني زواج
ابو محمد : مين قلك مابتدرك استني وشوفي بعينك… يا حناااان حناااان
اجت حنان ووقفت عند الباب بعلامات استفهام على وجهها
ابو محمد ; اليوم اجاكي عريس شو قلتي
احمر وجه حنان ونزلت عيونها بالارض ببلاهه وعدم فهم .
ابو محمد بيضحك : ههههه شفتي
سعاد : يا رجال البنت مو مدركه شو بتحكي هي يتعرف انه عريس يعني حفله وزيطه ورقص ومابتعرف شو يعني زواج
ابو محمد : حنان ابو فهد بدو يتزوجك موافقه يابي
هزت راسها وابتسمت
سعاد : حرام عليك لا تعمل هيك بالبنت
ابو محمد : انتي مو فاهمه انا لشو عم خطط
سعاد : لشو عم تخطط بالله
ابو محمد : بعدين بتعرفي… هلأ خدي حنان وجهزيها عريسها بدو ياها الليله ببيته
سعاد : الليله ؟؟
ابو محمد : اي الليله وحكي كتير مابدي قومي خدي بنتك عجوز واعمليلها اللازم
سعاد : بس
ابو محمد بنفاد صبر : شو سمعتي
سعاد بقلة حيله : امرك 😔
*╚══════ღღ══════╝
كنت واقفه ورا الباب كاتمه شهقتي ب ايدي وانا بسمع نقاش امي وابي… .. كان نفسي اصرخ بوجه الظلم لاحمي اختي حنان من بطش ابي وجبروته… . كنا بالنسبة اله سلعه بيتاجر فيها والعريس اللي مابيعجبه بيحكي عنه مابيصلح يكون زوج متل ماعمل مع العمه جهينه ف اي قلبا تحمل بين ضلوعك يا ابي… 💔
حل الليل وامي جهزت الذبيحه (العروس) لتروح لبيت زوجها كانت حلوه والكحله بعيونها ساحره هيك كانو يحكوا نسوان الحاره بالهمس… . كنت اتحسس كتف حنان واشد عليه مالبست الفستان الأبيض هيك خبرتني عمتي جهينه… لبسوها. عبايه سودا ككحلتها
ماسمعت صوت الرصاص ولا الزغاريد كنت عم اسمع بكا امي واتحسس دمعتها بكفي لامسحها
وصل العريس ونادى ابي بصوته الجهوري وبفرح يالله هاتو العروس لسلمها لعريسها كنت ماسكه ايد حنان بقوه وكأنها رح تاخدني معها متل ماتعودنا وقت كانت تاخدني من غرفه لغرفه ومن المطبخ للسطح ومن عتبة الدرج اللي بنقعد عليها لفراشي
ماعم صدق انها حنان كبرت ورح تتزوج كنت حسها دايما طفله متل امنيه…
حنان لاتكبري فجأه… . دون ان تدركي هذا .. لاتشبهيني هنا ..
قفي لنكبر معا
او لنمت ومعنا طفله لاتنوي الكبرمالبست الفستان الأبيض هيك خبرتني عمتي جهينه… لبسوها. عبايه سودا ككحلتها
ماسمعت صوت الرصاص ولا الزغاريد كنت عم اسمع بكا امي واتحسس دمعتها بكفي لامسحها
وصل العريس ونادى ابي بصوته الجهوري وبفرح يالله هاتو العروس لسلمها لعريسها كنت ماسكه ايد حنان بقوه وكأنها رح تاخدني معها متل ماتعودنا وقت كانت تاخدني من غرفه لغرفه ومن المطبخ للسطح ومن عتبة الدرج اللي بنقعد عليها لفراشي
ماعم صدق انها حنان كبرت ورح تتزوج كنت حسها دايما طفله متل امنيه…
حنان لاتكبري فجأه… . دون ان تدركي هذا .. لاتشبهيني هنا ..
قفي لنكبر معا
او لنمت ومعنا طفله لاتنوي الكبر
🍂🍂🍂🍂🍂🍂
راحت حنان وايدي عم تتبعها تمنيت ازاحمهم وارجع اختي لحضني… .
يا الله كيف عم ياكلو احلامنا كوجبه شهيه بلا بسمله !!!
كيف نخلي من صغار ارواحنا عرايس ليلة مارح تنتهي ؟ كيف خبرهم انها حنان مو بحاجة زوج لتكون بخير !!
هي بحاجتكم وبحاجة نفسها قبل كل شي !
رجعت حنان لبيتنا بعد ثلاث شهور حامله ثروه من مال وذهب بعد وفاة ابو فهد
وكأن كلشي خطط اله ابي تنفذ بالحرف… .
ابو فهد كان غني جدا وبيملك بيوت ومزارع ومال بيعيشه ملك لولد ولد ولده هالشي عرفته بعد ما تزوجت حنان منه وكنت شوف ابي بيعزمه كتير لبيتنا وبكل عزومه يطلب منه يسجل لحنان ارض او بيت او يشتريلها دهب لضمان حياتها ولأن ابو فهد كان شبه مخرف… ماكان اقناعه صعب والاحتيال عليه امر محال… .
استولى ابي على كل الثروه اشترالنا بيت بنفس الحي لكنه بيت جميل متل ما وصفولي ياه ومتل ما تحسست جدرانه الناعمه وعتباته اللينه الزلقه
*╚══════ღღ══════╝
رحلنا لبيتنا الجديد وكان شرط امي انه البيت القديم ماينباع ويتسجل ب اسمي… كانت الها نظره بعيده… . فهي ضامنه زواج خواتي ومتيقنه ببقائي وحيده طول عمري لهيك كان لازم من حيطه استند عليها لو صار الهم شي
اول مره من سنين افرح هلقد… اخر مره ضحكت من قلبي وقت كنت ابني قصري مع فهد ومن بعدها غابت ضحكتي وغاب نظري معها 💔
*╚══════ღღ══════╝
الرساله الثانيه… .
اليك يا انا بعد عام
هل سمعتي يوما بلعبة القدر… هي نفسها اللعبه التي لعبها ابي مع حنان… هي نفسها الاضحوكه التي صدقناها جميعا ب ان حنان تزوجت
الشي الذي اسعدني ان حنان عادت الينا محتفظه ببكارتها فذاك العجوز الخرف لم يمسها قط ..
لتبقى طفلتي نقيه كما كانت
ودعت عتبات بيتنا القديم ودعت السجاده المثنيه منذ سنوات والتي كان الجميع يتعثر بها الا عفيفه الكفيفه
بت ادرك اني اكثر قوه وصلابه على التحمل واني س اخلق من رحم المجزات نورا استمد به وسط هذا الظلام المحيط بي
سأكتب لك اكثر… اما زلت اقول اكتب ؟؟
اهي حماقتي ام ان وجه امنيه الصغير الذي غاب عني من سنين يبث بداخلي الامل لابني الامنيات !!!
لا أعلم ماذا يخبئ لِي الغـد ؟ ولكنِّي خبّأتُ له التفاؤل !
*╚══════ღღ══════╝
اليوم التاسع عشر من رمضان…
كنت بحسب للعيد وكأنه جايبلي معه شي بشاره مابعرف لي كنت عم استتاه بلهفه وكأني طفله فرحانه بثوب العيد وناطره يطل هلال 🌙 العيد لتلبسه وتتبختر فيه بالحاره والازقه
مع كل اذان مغرب كنت اسمع امي بتدعي مبتدأه ب ابي عله يرجع لحضنها وبعد هيك بتنخرط بباقي الدعوات
كنت بنصتلها بشكل جيد علها خبتلي شي دعوه غير كوني كفيفه وكل املها اني ابصر بشي يوم حسيت انه في دعوات منطويه بين لهفات الرجاء يمكن هي الدعوه يلي تمنيت اسمعها
عم تمضي ايام رمضان متل غيرو من الايام لولا ريحة الاكل وسهر النسوان بعد صلاة التراويح لياكلو لحمة بعض ب امسيات النميمه
رمضان هالسنه كان غير بالنسبه الي… كانت عمه جهينه تنشغل كتير عن مسجلها وانا ابقى برفقته وابعت رسائل لنفسي… كنت بحكي مع حالي كتير ولوقت متأخر
احيانا اضحك واحيانا ابكي وماحس بحدا… . لغاية اليوم اللي نده اخوي محمد على ابي ليقله انه فهد واقف برا وبدو الاذن ليفوت ؟؟؟
فهد !!!! معقول رجع اخيرا… ..
معقول دقات قلبي طول الوقت اللي راح سببها اقتراب موعد رجعته
معقول الورود فاحت بعطرها الشذي وتمايلت ب اغصانها لتستقبله !!
فهد هون… واقف على عتبت البيت ياترى بعدو متزكرني ؟؟
كنت حاسه بخطواته وكأنه بعدو هداك الصبي يلي ماكبر
مسكت عصاي بدون وعي ومديت ايدي بالفراغ اتحسس طريقي لحتى اصطدمت بكتله بشريه ضخمه بعرفها منيح من ريحة الريحان…
ياقوت : عمه جهينه
جهينه : لوين رايحه
ياقوت : انا انا
جهينه : رايحه تشوفي فهد
ياقوت : معقول دقات قلبي فضحتني
جهينه : ومعالم وجهك المستبشر كمان
ياقوت : كيف صار شكله ياعمه
جهينه : متل ماهو عدا ان لحيته انغرس فيها المشط وصار رجل
ياقوت : بعدها اصابعه عريضه وبشرته حنطيه وشعرو اسود ناعم نازل على جبينه
جهينه : الافضل انك ترجعي لفراشك وتنامي ياعمه
ياقوت : حاسه انك عم تبكي….. عم تبكي عمه… . وقربت منها اتحسس خديها المبتلين بدموعها واردفت بصوت مخنوق
ياقوت : ششو سبب هالدموع عمه
جهينه : لانك رح تشاطريني الخيبه يا ياقوت
ياقوت : خيبه ؟؟!!
جهينه : فهد جاي يعزمنا على عرسه
حكت اخر جمله وتركتني بوسط دهشتي وراحت
بقيت واقفه مكاني لدقايق بين الم قائم وحلم ماضي بين حب بلعته الاقدار متل مابلعت بصري وبين شعور بالرأفة على حالي وحال فهد… .
ماكنت رح اقبل انه يربط حياته بوحده كفيفه وما بعرف ليش حبه كبر جواتي وليش الامل بقي ملازمني… . رجعت على فرشتي اجر خيبتي والامي واحزاني بقيت داسه راسه تحت مخدتي وابكي بصمت متل ماكانت تعمل عمه جهينه فلكلا منا نصيبه من الالم 💔
*╚══════ღღ══════╝
امشي وكأني كفيفه للمره الاولى
ما بعرف وين غرفتي ووين فراشي وين الجدران القديمه اللي كانت دليلي كنت امشي وكأن اجري مربوطين بسلاسل عم جرهم وانا تعبانه… .. عم ابلع غصاتي وكأنها قارورة مي افرغت مره وحده بتمي لتوقف بحلقي وتخنقني
ما وصلت لغرفتي…… .. لقيت اجري عم تسوقني لارتقي عتبات الدرج واهرب عالسطح لا على مكان ممكن اهرب عليه من فهد ومن ابي ومن نفسي ومن قدري…
كنت بحاجة للهوا لاتنفس محتاجة اصرخ مع اذان المغرب لحتى مايسمعني حدا… . كان بداخلي صوت عميق عم يصرخ ي الله
وقبل مااوصل وقبل ما اصرخ وقبل ما ارمي بالاه اللي كانت رح تقتلني……… .
انزلقت اجري وقت نسيت اخر عتبه… ف انا اتعودت على عتبات بيتنا القديم ونسيت احفظ العتبات الجديده نسيت اعدها متل ما نسيت سنوات عمري وكم مضى منها وانا بستنى فيهاتكورت لادحرج لاخر الدرج… كنت حاسه بقوة سقوطي وبكل وجع التصق ب اضلعي…
التواء كاحلي واصطدام فكي بالعتبات… . كنت عم ادحرج واستلم الالم بكل عتبه لحتى استلمت اخر عتبه مقلوبه بضربه مؤلمه على راسي
شعري منكوش وجديلتي انفرطت وجسمي متفكك اجزاؤه
ماحسيت ب الم سقوطي يلي كان يوجعني هو قلبي 💔
*╚══════ღღ══════╝
صوت اذان المغرب الله اكبر ومن داخلي بصرخ ب الم يا الله… ودمعه بتنزل بقهر لتنفض عن قلبي غبار السنين اللي راحت من عمري سدا بين ظلام مكدس وحب كبر داخلي بساق عرجاء وب اي وقت بتنبتر 💔
غابت الاصوات والضوضاء من حولي وحل السكون والهدوء… هدوء مخيف مرعب مر كتير من الوقت وانا بين صاحيه ومو صاحيه وماعم اسمع الا الهدوء… حتى صوت انفاس عمه جهينه الحارق ماكنت اسمعه ولا خطوات امنيه ولا مشاغبة اخواتي وصراخ امي عليهم طول الوقت….. معقول فقدت سمعي !! يا الله مالي سواك
مرت ساعه او اكتر واخيرا بلشت حس بمي بارده على وجهي وبلشت استنشق ريح الحنه بكفيها
اختي جواهر عم تحاول تفيقني وعمتي جهينه عم ترفع راسي لاتوسد حضنها…… هالحضن يلي بقي شاغر لسنين طويلة دون ما تسمح لحدا منا يتوسده لقيت نفسي بتعرشه وعم اسمع ضربات قلبها وحس بخوفها علي بكل ما اوتيت من عاطفة
عرفت اني دخلت بحالة اغماء وخربت عليهم متعة الافطار بعد صيام شاق وجوع وعطش مضني
عرفت اني ارعبتهم بدون ما يعرفوا سبب توهاني عن عتبات الدرج وسقوطي من الدرجه التاسعه كعمر سنواتي بالظلام
بقيت امي عم تمسح ع وجهي بماء الورد لحتى فيق كنت حاسه بوجودهم وحتى حنان يلي واقفه بعيد وساكته متل عادتها حسيت بوجودها من فرقعة اصابعها
فجأه حسيت انهم عم يغسلو شي عالق بعيني كنت عم شوف لون تاني غير السواد نقطه ضو عم تدلى من بعيد
كان نفسي اصرخ وقلهم كفو عن غسل وجهي بالمي وانتي ياعمتي حاج تهزيني خلوني اتبع هالزائر الغريب لعيني…
غمضت عيوني بتعب وسندوني لاوقف وكانت خطواتي تخط بخطوات عرجا وكاحل ملتوي وخيبة امل تقيله… تقيله كتير 💔
كانو عم يمشوني لفوت اتسطح على تختي وانا عم راقب خطواتي… . كانت واضحه بوقع اذاني…… حتى ريحة المكان ولمسة ايديهم كانت غير مو متل ما تعودت لمدة تسع سنوات
حسبت انه هالشي من شدة الصداع والالم اللي كان مسيطر على كل جزء بجسمي ورغم هيك بقيت مغمضه عيوني لحتى مايهرب هالزائر الغريب
نسيت بوقتها كل شي حتى خبر زواج فهد
حطوني اخيرا بفراشي… . فتحت عيوني وكأني عم دور عشي فلت مني… . شي معلق بين ملامحهم العالقه بذهني من سنين طويلة
رجعت احاول فتح عيني برمش ناعس وهدب تقيل بيحاول يغفى من شدة الألم وانا عم قاوم هالغفوه بكل قوتي
اخيرا قدرت فتح عيوني لشوف لون رمادي غير الاسود…… يا الله في بعيوني ضيف جديد
غمضت من جديد وكأني خايفه شي يروح مني متل ما فقدت بصري يمكن هالمره طار جفني او انثقب البؤبؤ ؟؟
الصدمه احيانا بتعمل اكتر من هيك
رجعت بمحاوله مستميته وانا بكرر بداخلي يا الله هب لي جندا من جنود رحمتك… . وفتحت عيوني بسرعه ولاقيت نور معلق بين الوان هون وهون… . وسوف شوي بلشت الصوره توضح قدامي والنور يتسلل لعيوني من جديد
حطيت ايدي على وجهي وصرخت يا الللللللله ان كان حلم ماتصحيني منه يارب
امي وعمتي جهينه وخواتي حواليي عم يراقبوني بتعجب وفي بقلوبهم فسحة امل انه ياقوت رجعلها بصرها من جديد
مسكتني امي من كتافي وهزتني بقوه وهي بتصرخ بصوت مبحوح وسط دموعها
سعاد : ياقوت ياقوت انتي شايفه يا امي… قولي انك. شايفه رجعي لقلبي الحياه دخيلك يا امي
نزلت ايدي عن وجهي ل المح احن وجه بالوجود .. يمكن الصوره مو واضحه منيح بس اي هاد وجه امي .. حافظيته منيح رغم ان السنين خطت عليه… نفضت عنها غبار الزمن وحطيت كفي على وجها يمكن دفاها يكون حقيقه واني ماعم احلم…… .. ونطقت بشهقه ادمت الفؤاد : امي انا شايفتك يا امي شايفتك يا امي 😭
بكل حنية الدنيا يلي خلقت ويلي لسه ماخلقت حضنتني امي لقلبها وصارت تشد فيي من تلابيبي لحتى حسيت حالي رح اخترق جسدها واستقر بين ضلوعها دمعاتها غسلت كل الم السنوات الماضية
ماعاد بدي من هالدنيا الا اني شوف وجه امي هالوجه يلي ياما حلمت فيه وياما استقر صوتها بحنايا روحي لاستمد قوتي من بين الظلام
كانت لحظة كلها حب وسعاده ممزوجه بدموع الفرح حتى عمتي جهينه الجباره حضنتني وبكيت بحرقه
خواتي صارو صبايا واحلا صبايا… امنيه الطفله يلي كان عمرها اربعين يوم وقت فقدت بصري صارت شتله بعمر تسع سنوات بتحمل نفس تقاسيم اختي عتابومن بين نوبات الفرح والدموع دخل ابي متعجب من حالنا
ابو محمد : شو في ليش اصواتكم طالعه شو صاير
مسحت امي دمعها بكفها ورسمت ع وجهها ابتسامه واطلعت فيي
ياقوت : يااااه شو كبرت يا ابي لما راح بصري كنت عدلك الشيبات يلي بلحيتك وهلأ لحيتك صارت بيضا وكم شعره سوده بقيوا ثابتين مكانهم
ابو محمد بصدمه : اانتي شايفه ياقوت ؟؟؟
ياقوت : اشتقتلك ابي ورب العزه اشتقتلك 😭
ابو محمد : ياااااقوووووووت
اول مره ابي يحضني ياااااه ما اجمل العما خلاني حس بحنية امي وعطف ابي يلي انحرمت منهم من وانا طفله لتلتهي امي بخواتي وحزنها على فراق ابي ويلتهي ابي بزوجته الجديده واولادو الذكور… .. كانت لحظة من اجمل لحظات حياتي فشكرا والف شكر لك يا الله وشكرا للعتبه التاسعه وشكرا لانزلاق قدمي وتعثري وشكرا لخبر زواجك يا فهد 💔
*╚══════ღღ══════╝
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق