رواية نقطه وثلاث فواصل الفصل الثاني بقلم الكاتبه أمل أحمد سلوم حصريه وجديده على مدونة النجم المتوهج
رواية نقطه وثلاث فواصل الفصل الثاني بقلم الكاتبه أمل أحمد سلوم حصريه وجديده على مدونة النجم المتوهج
حسام : انتي منيحه امي
امنيه : اي
حبيبه : الله يرحم تيته عتاب هاد نصيبها امي
امنيه : 😔
ياقوت : مابدي شوف هالدموع بعيونك بنتي عتاب ماتت بس انا عايشه
حطت راسها على اجرين ياقوت وبكيت بحرقه… كان نفسها تعيش متل اي بنت بكنف امها وابوها ليش لحتى تتحمل غلطهم ليش تحمل وصمة عار ب انها بنت حرام بسبب ام مراهقه واب طايش 😔
ياقوت : ازا بدك مارح كمل كلامي
رفعت امنيه راسها ومسحت دمعتها بكم بلوزتها : لا امي كملي
ياقوت بشك : متأكده ؟
امنيه : اي امي متأكده
ياقوت : كل يلي خبرتكم ياه كان مجرد مقدمة لمأساه حقيقيه عشتها
حبيبه : شو صار اكتر من هيك
ياقوت : رح خبركم
*╚══════ღღ══════╝
كان يومها المتمم ل اربعين عتاب…
🍃سنوات تخطت من عمر اقداري .. سريعة ومتشابهه اشعر انها كذلك ؟ 🍃
كل شيئ كان متل ماهو لحتى اجا اليوم اللي قسم عمري لقسمين كما الطوب القاسي حينما ينصرم ويبدو اشتاتا
اخدنا ابي بسيارة جارنا ابو فهد وطلع فينا عالبحر… كان اول مشوار النا من بعد وفاة اختي عتاب… بقيت ازاحم براسي الصغير لحتى وصلت عند الشباك ومديت راسي منه لاسمح لهبات الهوا تمسح فؤادي العليل
كنا فوق بعض وكأنا محشوين بشي علبة سردين .. كان برفقتنا فهد ابن الجيران يلي بيكبرني ب خمس اعوام .. طلع معنا بعد الحاح من ابي لحتى يعتني بالمدلل محمد ولان السياره لابوه
وصلنا للشاطئ .. مشيت ببطئ ب اتجاه البحر كان شعور عظيم بينتابني وقتها .. طفلة صغيرة وثريه بالاحلام تحمل الدهشه والفرح والصراخ والامل والصمت والخوف
كيف لقلبي ان يتحمل كل هالمشاعر المتناقضه
حملت كندرتي وضمتيها لصدري لاني كنت خايفه اتضيع مني ولو ضاعت مارح لاقي شي انتعله بقدمي وقت روح عالمدرسه بنهار الغد
كانت رمال الشاطئ بارده رطبه بعكس حرارة الشمس الملتهبه كانت رماله بداعب ارجلي وكأنها بتدعوني ل اللعب معها
لعبت… لعبت… وضحكت بصوت عالي وكأني بعمري ما ضحكت… نسيت حالي نسيت عتاب !!!!
كنت عم ابني قصري مع فهد
بنيتله غرفة نوم كبيره وهو بنالي غرفه كبيره توسع لكل شي… كان نفسي قله ابنيلي غرفه صغيره الي لحالي لاهرب من شخير عمتي جهينه بس مو مهم المهم اني فرحانه وانا قاعده مع فهد عم نبني قصرنا الرملي واشعة الشمس مسلطه فوق جماجمنا… من فرحتنا ماحسينا بلهبها وبقينا مشغولين بقصرنا يلي هدمه محمد وركض تخبى بحضن ابي
فهد : لاتبكي ياقوت هلأ بعملك غيرو
ياقوت : هو اتعمد يدوس عليه ليش هيك عمل
فهد : هاد ولد صغير وانتي الكبيره ما بيصير عروس متلك تتصرف متل الاطفال وتبكي
عروس متلي ؟؟ هالكلمه حفرت خندق جوات قلبي كنت حب يكون موجود معي واتأمل تفاصيل وجهو الحنطي وشعرو الناعم وكفيه الكبار
كان بالنسبه الي الرجل الوحيد على وجه هالارض لاني ماكنت شوف غيرو… وكل سنه كنت اكبر كان يكبر حبو معي
بقينا على هالحال انا وفهد لحتى نسيت نفسي ونسيت اني لازم اهتم ب اختي حنان ولاعب امنيه… كنت حاسه حالي اميره واميري قاعد قبالي عم يبنيلي بقصرنا الخاص فينا… سرحت بخيالي الطفولي لبعيد وماصحاني الا صوت اقدام اخي محمد عم يدوس ب اجريه عالقصر ليهدمه من جديد
ركضت لعند امي ودموعي بعرض وجهي مدت كفيها لتوصل ريحة حناها لاعماقي وبلشت تمسح على وجهي وشعري وتنفضني من التراب
صوت خفي متعب جواتي عم ينادي لامي…
يا امي انا بحبك… . يا امي انا تعبانه
بيومها حسيت ب اعياء شديد وخمول ثقيل بيحاصروني… . صوت امي عم تنادي لحتى روح ع مدرستي… كنت ارجف وخبي حالي تحت غطاي وانا اهمس بصوت مرتجف كله رجاء… بببردانه يا امي ببردانه
وقفت امي عند راسي وصرخت ياقوووووت…
كنت سامعه صوتها ومو قادره ارد عليها اخذت مني الحمى مأخذها حاولت اقنع امي اني مريضه ودورت على وسيلة اقناع بسيطه بحجم طفله بريئه… لكن اجا صوت ابي الجهوري وهزني وكأنه بيقول حاجتك تتمارضي قومي لمدرستك
حاسه بالبرد وعم انتفض رغم ان الحراره القياسيه برا تجاوزت الاربعين وهو موسم جني الرطب من النخيل المتدلي بثمره اليانع
قمت من فراشي عم اتصبب عرق وارجف .. كان نفسي اخد
الحافي معي عالمدرسه لولا ان اختي الصغيرة بتشاركني فيه… . تركت فراشي ورحت لمدرستي ارجف عارية الاكتاف الا من جدايلي وثوب مهترء
دخلت عالصف بشفاه مرتجفه بجر اجريي بتثاقل كأنها جزء ليست مني منفصل عني
اتكورت عحالي بمقعدي الخشبي وكأني بقله احضني بقوه وعم استنجد بكل انفاسي لتوهبني شوية دفا…
كانت معلمتي حسناء عم تشرح درس القواعد وانا عم حاول اسمعها .. عم حاول شوفها كل شوي بضم ايدي على عيوني المليانيين بالدموع والملتهبين بالحراره… بتنفس بعمق وببلع ريقي عله يزيح هالحجر الصلد العالق بحنجرتي
ماعم حس بشي
سواد هالعالم كله
مين طفا نور الشمس مين اسكت الحضور وجاب كل هالهدوء بوسط الضجيج ؟!
حاسه بصمت جواتي صمت مطبق طويل عم حاول فيق منه عم حاول عبثا اطلع من هالدائره الصامته المرعبه ومن هالظلام الدامس والكوابيس يلي عم ترفض توهبني شي من الراحه
ماعم حس الا انفاس امي وصوتها يلي عم ينده ب اسمي بشكل متقطع… سامعيتها وحاسه فيها حاسه ب اختي جواهر ولمسة حنان عم ميزهم منيح بس ماعم اقدر اتحرك ايدي تقيله وانفي عليه دبانه مزعجه بشتهي اهشها عني بس مين يناولني ايدي ؟!
سمعت صوت ابي لاول مره بيناديني ياقوت ، كان نفسي قله انا عفيفه واني تعودت على هالاسم منك
مين ياقوت يا بابا ؟؟ ياترى قصدتني ولا قصدت بنت الجيران اللي عشت معها قصة حب من ورى الحيطان القصيره والمثقوبة الاسرار حتى انتهت قصة الحب سريعا وقت انخطبت محبوبتك لتاجر القماش وساقها ابوها متل البهيمه لداره
عرفت اليوم ليش ماعمرك اشتريت لامي الحرير ؟
عم اسمع صوت امي عم تهمس برفق وغضب فكيف لهذا وذاك ان يجتمعا بحنجرة امرأه ؟؟
تعاتبك على هجرانك وتلومها على التقصير
كان نفسي افتح عيوني لحتى خبرك انها امي كتير بتحبك وانها رح تنجبلك ولد بالعام المقبل
كان نفسي اصرخ بيكفيييي او غير مكاني… .مابدي الا اطلع من هالدائره السوده واهرب من الصداع اللي عم يشل كل حواسي
لحظه !!!! ليش هنه بحدي ؟؟
بحدي ؟؟؟!!!
ليش انا وين ؟؟
المفروض اني بحصة اللغه العربيه مع المعلمه حسناء اللي بتوبخني دايما لاني مابميز ان المبتدأ ببداية الجمله والخبر يليه ليتمم معنى الجمله وتكون جمله مفيده ؟
رجع الصمت هالمره.. صمت موجع وفراغ واسع… فراغ بيمتد ليلتهم كل الحكايا والذكريات… مافي شي الا سحب سوده فوق راسي
فتحت عيوني بصعوبه وانا عم حاكي حالي مين طفى الضو ؟؟
تحسست مكاني .. هاد مو مقعد المدرسه انا هون ببيتي وبمخده كامله تحت راسي وغطا الي وحدي ؟!
ملامح خواتي متكدس فوق راسي هيك حسيت من تردد انفاسهم وبدون ماشوف ملامحهم
وبصوت يكاد مسموع طلبت منهم يضوو النور .. ما كملت جملتي ليصرخوا بصوت واحد يااا امي ياقوت فاقت ياقوت فاقت
امي حدي عم تهزني ب اديها التنتين وتناديني من وسط دموعها سعاد : ياقووووت يابنتي انتي منيحه
كنت عم رد عليها من جواتي : اي يا امي انا منيحه
ترجع تهزني وتناديني ياقوت عارفيتني يا امي
برد عليها… اي ياامي عارفيتك
بتصرخ من جديد وبترجع تسألني لان صوتي كان بيهتز جواتي وحدي وماسمعته امي كان صوتي اصم بلا حروف ولساني تقيل وكأنه مربوط طرفه بعجل كبير عم جرو بعنف
رجعت امي تلوح بكفها قدام وجهي
شميت ريحة الحنا و حسيت بحركة كفها تمنيت لو تتبعتها لاعرف انا وين وليش هالظلام حولي من كل مكان
هناك امي قاعده وماده اجريها عم تضرب عراسها وتولول
بيشاركها كل يلي حواليها الا حنان ماسمعت صوتها ولا عمتي جهينه… يمكن لانها شريكتها بالخيبه والصمت
جهينه المعروف عنها بالصراخ والصوت العالي لطمت فاها واسترسلت بصمت مديد
سرت اتحسس مكاني ودور عن بقعة ضوء لاكف عن هالشعور وانا عم ارسم حركاتهم الكل بخيالي
عرفت بعد طول بكاء وزحمة الضجيج والاصوات المكتظه حولي ولوم امي يلي صبته على ابي مره وحده اني تعرضت لحراره شديده ودخلت بحالة اغماء… . حاولت المعلمه حسناء اسعافي بسيارتها وصحبها حارس المدرسه وتعرضنا لحادث قبل مانوصل للمشفى
على جراء الحادث بترت اصابع الحارس اما انا ف اصبت بضربه قويه على راسي فقدت على اثرها شيئا مني .. بينما معلمتي حسناء فقدوها اهلها 😔
فقدت حبيبتي .. عيني .. نافذتي للحياه
اصبحت كما يقولون ( كفيفه)
لا اعرف ماذا يعني العما بعد ..
اهو نوبة مرض وتمضي بطريقها وهي موعوده بالشفاء !؟
ماهو العــما يا امـــي ؟!
هل هو كحبك لوالدي وبكائك لغيابه وهو يتوسد حضن امرأه اخرى ؟
هل هو تخليه عنا من اجل ذكر ، دون ان يشفع وجودنا بشئ ؟؟
ماهــــو العمــــا يا امــــــي
ســــؤال يحــــدق بـــوجـــــوهكم… اتـــركــــه لــــكم… ..
!اســــمي عفيــــفه الكفــــــيفه
عمري عشرون عاما
عمر الظلام ثمانية اعوام
كل الجدران تعرفني… اتحسسها ، اعرف كم ثقب مسمار اوجعها وانغرس في خاصرتها
احاول ان اعثر على ظلي وابكي حين اجد الظل يسكنني… اصبحت المشهد المألوف لاطفال الحي .
المهرج الذي لايكف عن اضحاكهم واللعب معهم والجري دون توقف رغم سقوطي المتكرر كنت انهض بكل مره اتحسس عصاي اتوكئ عليها وارسم ضحكتي من جديد واستمر بالمحاوله
اصبحت الدميه التي لا يؤذيها رمي حجارتهم ولا تكترث لتعاطفهم… اصبحت الشخص الذي يضحك وهو يبكي ،، ويلتف حول نفسه ولايسقط او هو الذي يقاوم سقوطه بالانحناء!
كل شيئ يبدو بلون واحد.. حتى حائط المدرسه الذي كان ممتلئا بالعبارات اصبحت اراه بلون واحد
لا اعرف كيف يتحول إلى الرماديه نهارا والسواد فجرا…
كيف تسرب النور مني ؟!
ومن جعل اطرافي بلهاء تبحث عن دليل ؟!
*╚══════ღღ══════╝
اعيدوا ترتيبي
اعيدوني لنفسي
احتاج إلى صوتي ..احتاج عيني
اضيئوا مصابيحكم ابصروني من جديد… !
*╚══════ღღ══════╝
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق