رواية عشقت صعيديه الحلقه الخامسه والسادسه والسابعه بقلم الكاتبه فرحه أحمد حصريه وجديده على مدونة النجم المتوهج للروايات والمعلومات
 |
رواية عشقت صعيديه الحلقه الخامسه والسادسه والسابعه بقلم الكاتبه فرحه أحمد حصريه وجديده على مدونة النجم المتوهج للروايات والمعلومات
خديجه_انتي بتعملي اي هنا
خديجه_ ملكش صالح بيه ياولد الناس هملني في حالي
مالك بستغراب _هو حصل حاجه مع اهلك
خديجه مشيت ومتكلمتيش
مالك فضل باصص عليها وفلاخر مشي
كوثر _البت دي تستاهل حش رقبتها قليله الربايه صحيح
نعيمه بصرامه_ كوثر خدي بالك اللي بتغلطي فيها دي تربيتنا واحنا تربيتنا زينه
كوثر برتباك بعد ما شافت نظرات نعيمه وفوزيه
احم مقصدش يا نعيمه مقصدش
كان الرجاله مش عرفين يتصرفو كيف ولا يعملو اي
ومحسن مش عرفين هو فين
كريم باحراج _هو انا للاسف مضر ارجع الشغل يابا وموضوع خديجه ده انشاء الله يتحل
سبهم كريم وطلع يحضر شنطه علشان يسافر في الليل
محسن نزل من محطه القطر في القاهره توقع انها تكون هنا لانها متعرفش مكان تاني
كانت خديجه بتلف في الشوارع مش عارفه تعمل اي
دخلت محل اكل تاكل
وبعد ما كلت سألت الجرسونه لو تعرف شقق للايجار
ندا الجرسونه _اه اعرف البيت اللي انا ساكنه في الاوضه اللي علي السطوح
خديجه_ طب هو فين
ندا _قريب من هنا انا نص ساعه واخلص شغل واخدك معايا
قعدت خديجه تستنا وهي خايفه من اللي جاي
عدا نص ساعه وخرجت ندا وخادتها ومشيو
ندا_ اسمي ندا
وانا خديجه
ندا _وانتي منين بقه
خديجه بتوتر _انا من الصعيد
ندا_ احسن ناس علي كده جايه تتعلمي
خديجه_ لا انا معايه دبلوم تجاره انا جايه شغل
ندا _وعندك كام سنه
خديجه_ ٢٠ وشهرين
ندا_ ماشي تعالي يلا وصلنا
طلعو اربع ادوار ووقفو
خديجه_ انتي مش قولتي علي السطوح
ندا _هنكلم الأول صاحبه البيت
خبطت ندا طلعت ليهم كريمه ولدت مالك طبعا خديجه ماتعرفهاش ولا كريمه تعرفها
ندا_ ازيك يا خالت ام مالك
كريمه _بخير اتفضلو
بعد ما دخلو
ندا _دي خديجه كانت عايزه تسكن في الاوضه اللي علي السطح
كريمه _وانتي منين يا خديجه
خديجه_ من الصعيد وجايه اهنا اشتغل
كريمه _وأهلك سابوكي تسافري لوحدك كده
خديجه بتوتر _ها لا انا معايا ولد عمي بس مينفعش نسكن سوا
كريمه_ ماشي اطلعي شوفي الاوضه الأول
خديجه_ ايجارها كام
كريمه _مش هنختلف اطلعي شوفيها الأول
راح محسن علي مكان جمعتها وكان بيدور بين الناس زاي المجنون
شاف واحده ماشيه جري عليها وهو بيمسكها من درعا بعصبيه وبيقول خديجه
البنت بستغراب ووجع من ايده خديجه مين سيب ايدي
محسن _انا اسف اسف
ومشي وهو تايه مش عارف يعمل اي قرر يروح لسمر ويعرف مين اللي بعت الصور
ندا هسيبك ترتاحي بقه وخرجت ندا بعد ما اتفقو مع كريمه ودفعت الايجار وكانت نفسها تنام ومن التعب نامت من غير ما تحس
فوزيه _خلي بالك علي نفسك ياولدي هتتوحشني اوي
كريم_ وانتي كمان يا حبيبتي وخدها في حضنو
محمود _خد بالك من نفسك ياواد
والكل سلم عليه وخرج كريم متجه للقاهره
كان مالك قاعد مع امه سرحان
كريمه_ مالك يا مالك قاعد ساكت لي وبتفكر في اي
مالك _ولا حاجه يما .....بقولك صح في واحد صاحبي هيجي يقعد في اوضه السطح كام يوم لحد ما يلاقي مكان
كريمه _بس الاوضه اتاجرت انهارده يا بني
مالك_ مين اللي أجرها
كريمه_ واحده تبع ندا
مالك _خلاص هقلو
كريمه _بس مش ده اللي شاغل عقلك مالك يابني
مالك_ حق أبويا يا ماما مش عارف اخدو
قامت كريمه قعدت جنبو وطبطبت عليه وقالت
حق ابوك ربنا اللي هيجيبو يابني انت صغير وقدامك الحياه متشغلش بالك بي حاجه عند ربنا
ربك هيجيب حق ابوك عاجلا ام اجلا وكلها ربنا يابني انا مليش غيرك
سعتها مالك افتكر خديجه وقرر يسمع كلام امه
وصل كريم وراح علي مكان ساكنه مع صاحبو علشان ينام وينزل تاني يوم الشغل
ويفوت الليل وتشرق الشمس من جديد
تصحي خديجه وتشوف الساعه وتستغرب انها نامت كل ده
وتقعد تفكر هي هتعمل اي
وتقرر انها تشتغل وتصرف علي نفسها لحد ما تم ٢١ سنه وتاخد ورثها من اعمامها
كريم دخل الشركه وعينه بدور علي مالك لاقي قاعد علي مكتبه قرب منو وفضل باصص لي كتير
مالك_ هتفضل تبصلي بنت عمك ورجعتها من غير ما يحصل ليها اي حاجه وابوك وسايب ربنا هو اللي يجيب حق أبويا
قرب منو كريم وحضنو وهو بيقول _انا اسف علي اللي ابويه عملو انا اسف. بس بجد أبويا ندمان
مالك_ انت ملكش دعوه بيه واللي حصل في ايد ربنا يا كريم اقعد شوف شغلك يلا وانا هنزل مشوار صغير وجاي
كان محسن قاعد قدام بيت سمر اللي جالها امبارح وملقهاش وقعد قدام البيت
محسن _اهلا ست سمر اخيره شرفتي كنتي فين
سمر وهي بتفتح الباب _ادخل بس الاول انت هنا من امته
محسن_ انا اهنا من امبارح يا سمر كنتي فين
سمر_ كنت عند ماما نمت عندها امبارح في اي
وانت اي اللي جابك غفله مش المفروض انك عريس
محسن_ انتي هتستعبطي ياروح امك انتي اللي بعتي الصور يا سمر صوح
سمر بستغراب_ صور اي يا محسن انا مش فاهمه
محسن_ صورنا سوا وتسجيل بلخطه اللي عملنها سواء لي خديجه انتي
سمر_ وانا هعمل كده لي انا اللي عايزاك تتجوزها يامحسن اصلا.. الرواية بتنزل حصري علي صفحة روايات ملك إبراهيم.. محسن قعد ومسك دماغو وهو مش عارف يعمل اي ومين بعت الصور سمر ولا مين
قعدت خديجه علي الرصيف بتعب بعد ما لفت علي محلات وشركات كتير ومش لاقيه شغل
خديجه_ يابوي كل دي محلات ومفيش شغلانه فاضيه
لقت_ حد بيقول لها مككن اشغلك
بصت خديجه لقيت مالك هو انت ورايه ورايه
مالك _والله انا كنت جاي اجيب شويه طلبات لي امي من هنا ولقيتك قاعده القاعده دي
خديجه _طيب جيب طلباتك وانا هروح
مالك _اوصلك انا خلصت
خديجه_ لا وفضلت ماشيه ومالك ماشي وراها وقفت خديجه لما قربت علي البيت وهي بتقول لي مالك مش كده عيب يا جدع تمشي وراي
مالك_ والله انا مش ماشي وراكي انا رايح بيتي
خديجه مشيت وسابتو
لاقت مالك طالع نفس البيت قالت _وده كمان بيتك
مالك_ انا اللي المفروض أسألك انتي ساكنه هنا ازي
خديجه_ وانت مالك
مالك_ يمكن علشان ده بيتي
خديجه بسخريه_ هتضحك عليا إياك ده بيت الست كريمه وانا اجرت منها الاوضه
مالك بنفس طريقتها_ ما الست كريمه تبقي امي
خديجه بي احراج_ احم اتشرفت يا أستاذ مالك
طلع مالك وخديجه
مالك_ طب تعالي اتفضلي
خديجه_ لا شكرا
مالك_ هعرض عليكي شغل وكده كده ماما جوا
فكرت خديجه انها فعلا محتاجه شغل فا دخلت بعد ما تأكدت ان كريمه جوا
كريم_ هو الواد ده اتاخر كده لي شكلو روح
دخلت بت جميله شكل واسم
كريم_ ازيك يا جميله عامله اي
جميله _الحمد لله انت اخبارك اي
كريم وهو عينو في الاب توب _بخير
جميله _اي الغيبه دي كلها
كريم _شويه مشاكل في البلد
قعدت جميله ولاكن كريم مش مديها اي مجال للكلام فا خرجت
سوسن بتريقه_ نفضلك بردو انا معرفش تعبه نفسك في حبه لي وهو مش معبرك
جميله _خليكي في حالك يا سوسن
وقعدت علي مكتبها وهي حزينه علي حبها الواحيد اللي مش شايفها
كريمه _اتفضلي يابنتي الشاي
خديجه_ تسلم يدك يا ام مالك
كريمه_ قوليلي يا كارمله زاي مالك يابنتي
خديجه_ من عيوني يا كارمله
وبصت لي مالك اللي كان متابعه بعيونه وقالت
اي هو الشغل يا استاذ مالك
مالك _انتي معاكي شهاده اي
خديجه_ دبلوم تجاره
مالك _حلو انا في الشركه عندي محتاجين موظفين مككن تيجي تشتغلي
خديجه _ بسرعه لا طبعا كريم ولد عمي شغال هناك
مالك بستغراب _طب وفيها اي
خديجه بتوتر_ اصل انا مش عايزه حد يعرف انا فين
مالك _لي هو محدش من اهلك عارف انتي فين
خديجه _لا هتساعدني ولا لا
مالك _هسعدك
خديجه_ ومتجيش سيره لحد اني ساكنه هنا أو انك شوفتني
مالك_ هدورلك علي شغل بكرا وهرد عليكي
خديجه _تمام بعد ازنك وطلعت وهي داخله الاوضه لقت ندا بتنادي عليها
ندا_ عامله اي يا خديجه
خديجه_ زينه ياندا لسه جايه من الشغل ولا اي
ندا _اه قولت اسلم عليكي الاول لقيتي شغل
خديجه_ لا هشوف بكرا الدنيا هترسا علي اي
وكل واحده دخلت الاوضه بتعتها
كريمه_ اي حكايه البت دي تعرفها منين
مالك _هي دي البت اللي حكتلك عنها بت اخوي محمود
خديجه_ يعني انت كنت خاطف السكر دي
مالك_ اه وخدي طلباتك اهي انا نازل شويه
كريمه _طب والشغل
مالك_ شغل اي بقه الوقت عدا واتخصملي خلاص
نزل مالك يتمشي ومش عارف هو عايز اي
خبط في واحد ولسه هيتأسف لاقي بيمسك في ونازل ضرب
مالك بقه يدافع عن نفسو والناس فكت بينهم ومالك مش فاهم حاجه ولاكن لما الناس بعدتهم عن بعد مالك شاف محسن وفهم هووضربو لي
بعد ما الناس مشيت
محسن _مراتي فين يا ولد المحمدي
مالك_ وانا مالي مش رجعتها لحد بيتكو
محسن _وهو موضوع خطفها ده عادي
مالك_ لو مش عايزة عادي يبقه ناخد حقنا من بعض بقه انا اخد حقي من اللي عملو عمك وانت تاخد حق خديجه
محسن كان هيقرب ويضربو تاني بس المرادي صاحب محسن اللي كان ماشي معه بعدهم وخد محسن ومشي
علي صاحب محسن_ اهدا كده انت هطلع غلك في روح دور علي اللي هربت
راحو قعدو في كافيه وهما قعدين فون علي رن
بص بتوتر وقال انو رايح الحمام
علي رن علي الرقم
الو عايزه اي مش عارفه اني مع محسن
سمر _عارفه بس وحشتني
علي_ اعقل كده يا سمر خليني اعرف اصلح اللي عملتي
غيرانه علي ياختي
سمر _وانا اغير عليه لي كنت بحبو ولا بحبو كل الموضوع اني عايزه اتعبو شويه علشان محسن لو مسك الفلوس بساهل هيتخلي عني إنما لما يمسكها وهو مدمن مش هيقدر يبعد عني
علي_ بس البت هربت
سمر _هترجع ملهاش مكان غير أهلها هترجع
ياتري خديجه هتعمل اي في اللي جاي
ومحسن هيعرف مين اللي عمل كده ولا لا
#الحلقة_السادسة
مالك رجع البيت وهو متعصب من محسن ومش شايف قدامو
وهو طالع قابل خديجه نازله
خديجه _يابوي اي اللي عمل في وشك أكده
مالك بنرفزه _ابعدي عن وشى كل ده بسببك اصلا
وطلع وسبها
خديجه قعدت علي السلم بدموع محدش بيحبيني لي هو انا واحشه وجايه مشاكل للكل كده
اتفجات بمالك قعد جنبها وبيقول
انا اسف انا كنت متعصب شويه متزعليش
خديجه بصت قدمها ومتكلمتيش
مالك_ خلاص طلما زعلانه مش هقولك علي الشغل
خديجه بسرعه ولهفه _بجد شغل اي
مالك _في واحد صاحبي شغال في شركه ومحتاجين موظفين فا تروحي تعملي انترفيو
خديجه _امته
مالك _بكرا الساعه ٩ الصبح والشركه مش بعيد هتخرجي علي الشارع العمومي هتلاقيها في وشك تعدي الشارع بس
خديجه _انا مش عارفه اشكرك ازي جميلك ده فوق راسي
مالك _ولا جميل ولا حاجه .....هو انتي كنتي راحه فين
خديجه _كنت نازله اجيب حجات كيكه نفسي فيها
مالك _خليكي وانا هجبهالك بس بشرط ادوقها
خديجه بأبتسمه_ موافقه
محسن_ اي يعم علي كل ده في الحمام
علي_ معلش يلا نروح
محسن _لا انا هروح عند سمر روح انت
علي _ماشي
في الصعيد كان الرجاله متجمعه مع رجال عيله معروفه في الصعيد عيله عمران
عمران الاب وكبير العيله
إسماعيل الابن الأكبر لي عمران
وسالم الابن التاني
وممدوح الابن الصغير
عامر_ منورين يارجاله والله
عمران_ بنورك ياحج
احنا انهارده جاين وطلبين ايد فاطمه بت محمود لي ابني ممدوح
عامر _شرف لينا ياحج بس بردو الري ري ابوها والبنيه بردو
محمود_ وانا مش هلاقي احسن من نسابك ياحج
اسماعيل _يبقه علي بركه الله ونقرأ الفتحه
عامر _معلش يا اسماعيل يابني ناخد رأي البت الاول
عمران_ اتفضل يا حج
فاطمه_ جدي اتفضل
الجد _مبروك يا فاطمه جايلك عريس وانا وابوكي موافقين انتي رايك اي
فاطمه_ الري ريكو يا جدي
عامر_ يعني انتي عندك استعداد تتجوزي عادي
فاطمه بكسوف_ اللي تشوفو ياجدي
عامر بحب_ انا شايف ان العيله كويسه والواد باين عليه محترم
فاطمه_ وانا موافقه باجد
عامر _يبقه علي بركه الله
نزل عامر وقال نقرو الفتحه
عمران انشاء الله خطوبه وكتب كتاب يكون يوم الجمعه الجايه
محمود_ خليها خطوبه بس ياحج
عمران_ علشان الولاد يقعدو مع بعض من غير حرمنيه يامحمود
محمود_ تمام
عامر_ الشربات يا ام فاطمه
وصوت الزغاريط في الدوار
نزلت خديجه بل الكيكه عند شقه مالك وكانت مكسوفه جدا
خبطت قام مالك جري يفتح
كريمه _اسم الله عليك بتجري كده لي
فتح مالك لاقي خديجه واقفه وفي ايدها طبق في كيكه شكلها يفتح النفس
اتفضل
مالك_ تسلم ايدك يا خديجه طب تعالي اتفضلي
خديجه _لا شكرا بعد ازنك وطلعت
كريمه _اممم اي الحوار بابن بطني
مالك_ مفيش حوار يما واحده ومنزله حتت كيكه هتخدي بقه ولا أكلها كلها
كريمه _لا هات حته شكلها يفتح النفس
مالك _الله اي الحلاوه دي
كريمه _جميله اوي اه
سمر _اصحه بقه يامحسن من ساعت ماجيت وانت نايم كده
محسن بنوم _الساعه كام
سمر_ الساعه ١٢ بليل يا خويا وانت نايم
مش هتقوم تقعد معايا شويه بقه
محسن _هقوم هقوم
عند خديجه كانت فارده ضهرها علي السرير وشارده في اللي حصل واللي لسه هيحصل وهي مش عارفه القدر مخبي ليها اي وحست انها لوحدها ومحدش جنبها
وبعدين افتكرت مالك وجدعنتو معها وانو وفرلها شغل ووقف جنبها عن أهلها اللي طمعو فيها
كان كريم قاعد في شقه ساكن فيها مع ناس صحابو
اسلام_ ها ياض يا حسن في جديد ولا نفس الكلام
حسن _لا ازي في جدبد طبعا
كريم علي اي ياض
حسن_ لا حجات ملكش انت فيها
اسلام _جيبين بنات إنما اي هيعجبوك اوي جرب
كريم_ لا مليش في الكلام ده انا هنزل اتمشي لحد ما تخلصو القرف ده
سمر _ها يحبيي ناوي علي اي
محسن_ في اي
سمر بغيظ_ في موضوع خديجه
محسن_ سبيها لظروفها لما تظهر يبقه اتجوزها غضب عن اي حد
سمر _خلاص عرفني علي اهلك وعرفهم اني مراتك
محسن بغضب _شكلك اتجننتي يا سمر
سمر_ اتجننت علشان عايزه الكل يعرف اني مراتك
محسن_ اه اتجنينتي لان من الاول واحنا متفقين صوح
سمر _والسبب خديجه وخديجه خلاص هربت يبقه نشوف حالنا احنا وكملت بخبث
ويمكن لما تعرف انك اتجوزت ترجع
قعد محسن يفكر في كلمها لحد ما اقتنع
خلاص ماشي بس مش هنقول متجوزين هنقول هيتجوز لسه
سمر _طب ازي
محسن _انا هتفق مع مأذون اي كلام وخلاص وأهلك كلهم مي..تين فاهمه
سمر بحزن_ ما هما كده كده اكنهم مي..تين مش فارقه كتير
كان كريم ماشي علي الكورنيش والجو ليل والشوارع هاديه سمع صوت بنت بتعيط راح نحيتها لقها قاعده جنب النيل وبتعيط
كريم _مالك يا انسه ولما لفت ضهرها لي اتفاجا بيها
كانت مني نايمه مع فاطمه في الاوضه
مني_ فون خديجه لسه مقفول
فاطمه_ اه شكلها غيرت الخط
مني بحزن_ وحشتني اوي
فاطمه بحزن_ وانا كمان كان نفسي تكون معايا في فرحي
مني_ حضنتها وقالت انشاء الله خير
كريم_ انتي بتعملي اي هنا يا جميله وبتعيطي كده لي
جميله_ وهي بتمسح دموعها لا مفيش شويه مشاكل
كريم_ احترم رغبتها وقعد جنبها ساكت
جميله _اي اللي منزلك دلوقتي
كريم _مخنوق قولت اتمشي وبصلها وقال بس شكلي مش لوحدي اللي مخنوق
وسكتو ومره واحده جميله قالت بحزن ودموع
مرات بابا مصممه اتجوز ابن اختها علشان تاخد ورثي وانا مش عايزه
كريم _وفين بابكي
جميله بدموع _بابا م..ات من شهر والورق بتاعو اتقسم بيني انا وهي ولاكن دلوقتي مصممه اتجوز ابن اختها لما امشي واسيب البيت
كريم _والبيت ده من حق مين
جميله بحزن_ بابا كتبو باسمها وأكملت بسرعه وقالت بس والله مش هو يوم ما بابا م.ات اختها جابت ورق تسجيل البيت باسمها وبصمت بابا عليه بعد ما..ت وعملت العقد بتاريخ قديم ......وانا معنديش مكان اروحو ومش عارف اعمل اي
كريم بتفكير _انا عندي حل هيخلصك منها تعالي اروح دلوقتي والصبح اقولك علي الحل
في الصباح قامت خديجه كلها نشاط وراحت علي الشركه وهي مبسوطه وبتدعي تتقبل
قعدت لحد ما نادو علي اسمها
المدير_ انسه خديجه اشتغلتي فين قبل كده
خديجه_ اول مره اقدم علي شغل
المدير بتكبر _ بس الوظائف الفاضيه هنا للمؤل العالي ممكن اعينك في البوفيه
خديجه بصت لي بحزن وقالت لا شكر بعد ازنك
خرجت خديجه وهي محبطه وبتفكر ترجع لي أهلها لان الفلوس اللي معها خلاص بتخلص وهي مش لاقيه شغل
روحت خديجه ولسه بتفتح الباب لقت ندا نازله الشغل
حكتلها اللي حصل
ندا_ تعالي اشتغلي معايا واشتغلت في المطبخ علشان متتعمليش مع حد
خديجه فكرت حبه وقالت موفقه انزل امته
ندا _تعالي دلوقتي يلا
في الصعيد كان الكل متجمع علي الفطار
دخل عليهم محسن وفي ايدو سمر
عامر _مين دي ياولدي
محسن _اعرفكم سمر خطيبتي
حمد_ والله ده حوصل ميته ده
محسن_ هفهمكو يابوي
قعد محسن وسمر جنبو راسمه وش البرائه
محسن _دي سمر اتعرفت عليها ايام ما كنت بروح شغل في القاهره وحبيتها وعايز اتجوزها
هي أهلها متوفين ووحيده وهنتجوز ونقعد معاكو هنا
عامر_ بص عليها وهو مش مستريح ليها ولاكن قال
اللي انت شايفو في مصلحتك اعملو انت راجل وعارف كيف تتصرف
نعيمه_ مبروك يا ولدي
كوثر_ من ساعت من البومه مشيت والبيت داخلو الفرح
عامر بغضب وزعيق_ كوثر متجبيش سيره خديجه واصل مفهوم
كوثر _حاضر يابوي
محمود_ بت عمك جالها ليله امبارح ياولدي ممدوح عمران والخطوبه وكت الكتاب هيكون الجمعه الجايه
محسن_ زين والله ممدوح محترم وأهله ناس محترمين وعيله تشرف
كان مالك قاعد شارد في خديجه وعايز يعرف عملت اي في الشغل بس مش معه رقمها فا قرر يستني لحد ما يراوح
كان كريم قاعد في كافيه الشركه مع جميله وبيعرفها تعمل اي
جميله بصدمه _اي
#الحلقة_السابعة
كان كريم قاعد في كافيه الشركه مع جميله وبيعرفها تعمل اي
جميله بصدمه _اي
وبعدين استوعبت اللي بيقولو وفرحت جدا بس حاولت تداري
كريم_ بقول اللي في مصلحتك انا بقول اني اتجوزك علي الورق علشان متقدرش تجوزك ابن اختها وهكلم محامي صاحبي يرفع قضيه عليها ويحاول يثبت ان العقد بتاع البيت مزور ولحد ما يثبت الكلام ده هتفضلي مراتي علي الورق
جميله بتوتر_ انا مش عارفه اقول اي
كريم بهزار _انا شايف انك توافقي ده عرض ما يترفضش
جميله بضحك_ ماشي يا كريم انا موافقه
كريم _تمام بعد الشغل هخدك نكتب الكتاب
جميله _من غير ماتقول لي اهلك
كريم _محدش هيعرف بالموضوع ده غيرنا احنا ومرات ابوكي بس وكده كده هو زواج علي الورق
جميله ببعض الحزن_ تمام
عند خديجه كانت خدت علي الشغل وبدأت في وكانت عجبه المدير لانها خفيفه وشايفه شغلها من اول يوم
وبعد مرور سعات خرجت ندا وخديجه من الشعل ومتجهين علي البيت
خديجه _الشغل حلو وانا بحب واقفه المطبخ اصلا
ندا _الحمد لله انو عجبك
كانو طالعين علي السلم لاقو كريمه قاعده علي السلم وشكلها تعبان جدا
خديجه _مالك ياخالتي فيكي اي
كريمه بصوت مبحوح_ عايزه البخاخه
ندا _طب هي فين
كريمه _ما...فيش مش...قد..ره اخد نف..سي
خديجه _طب بطلي كلام عاد وانا هنزل اجبلك
وانتي يا ندا دخليها جوا اوام
ونزلت خديجه علي الصيدليه وجابت البخاخه وطلعت علطول
كريمه _كتر خيرك يابنتي تسلمي
خديجه _انا معملتش حاجه
ندا _انا هستذان هطلع اغير وهبقه اطمن علي حضرتك تاني
خديجه_ هتعوزي اي حاجه
كريمه_ لا ياحبيبتي تسلمي
خديجه_ استأذن انا بقه
في دخلت مالك البيت
مالك _وانا اقول البيت متور لي
خديجه بكسوف _منور بي ناسو
مالك_ كنتي محتاجه حاجه ولا اي
كريمه _لا كتر خيرها كانت بتسعدني انا
خديجه_ ولا اي حاحه يا خالتي بعد ازنكم
وطلعت خديجه وكريمه حكت لي مالك اللي حصل
بليل كان كريم واقف مع جميله قدام عماره بعد ما كتبو الكتاب
كريم_ انا عندي شقه في العماره دي فيها كل حاحه تحتاجيها اقعدي فيها وانا كل فتره هاجي اطمن عليكي
جميله_ ماشي
وطلعو الشقه
كريم_ ها اي رايك
جميله_ حلو اوي بس كبيره عليه وهخاف اقعد فيها لوحدي
كريم _انا هكون معاكي وهطمن عليكي كل يوم والشقه امان متخفيش
في الصعيد كان الكل بيحضر نفسو للفرح اللي بعض ايام ومفيش حد شاغل دماغو خديجه فين ولا اي اللي حصلها يمكن تكون ماتت ولا حصلها حاجه ولاكن هما كانو بيربوها علشان هي من دمهم بس لاكن محدش حبها فوزيه كانت معتبرها خدامه كانت بتخليها تجبلنا طلبات وخديجه كانت شايفه كده عادي وانها بتعملها زاي بنتها
ونعيمه كانت مش فارقه معها اوي بتعملها عادي
وحمد ومحمود لحمهم ودمهم لازم يربوها لاما هيكون عار عليهم في وسط البلد وابوهم بيحبها لانها من ريحه اخوهم
سمر بتتسحب في وسط الليل وبتدخل اوضه محسن وتشوفها نعيمه اللي بتتصدم
وتقرب تسمع اللي بيتقال
ولاكنها مسمعتش حاجه خالص
محسن_ انتي اي اللي جابك هنا
سمر بدلع _واحشتني
محسن وهو بيضعف قدمها لانه شهواني جدااا
وانتي كمان بس اخاف حد يشوفنا تقوم مصيبه في الدوار
سمر _متخفش خدت بالي كويس
خدها محسن في حضنو ووووووو
خديجه وهي بصه للسماء وبتكلم نفسها
ياتري اي اللي هيحصل في حياتك تاني يا ديجه
مالك_ كل خير يا ديجه
خديجه_ بسم الله الرحمن الرحيم خضتني يا اسمك اي
مالك بضحك _عامله اي وعملتي اي في الشغل
خديجه بحزن _شغل اي بقه ده كان عايز يشغلني في البوفيه
مالك بستغراب _ازي
خديجه حكت لي مالم اللي حصل وكانت واضح انو مضايق جدا
مالك _طب وانتي اتسرعتي لي ونزلتي مع ندا
خديجه_ لاني مش هفضل قاعده لازم تنزل شغل
مالك _المهم انك مرتاحه
خديجه_ اه
مالك_ احم خديجه....وسكت
خديجه _رايد اي يا مالك
مالك _عايز اقول حاجه انا مستغربها بس انا مش بحب الف والدوران
خديجه_ قول اوام ياواد
مالك_ اهو العرق الصعيدي ده اللي محببني فيكي قوي قوي
خديجه بصدمه_ اي انت بتقول اي
مالك _بقول اني بحبك وعايز اتجوزك
خديجه بصدمه _مبقتش عارفه تتصرف ازي دخلت الاوضه وقفلت الباب في وش مالك اللي ضحك علي تعبيرها ونزل وقال يسبها تفكر
مالك نزل وخديجه خرجت تاني بعد ما اتأكد انو نزل وفصلت تفكر في كلامه وتسرح وتحس انها فرحانه وبعدين تفتكر أهلها وتقول انها مش هتفضل طول العمر هربانه تعمل اي
وعدا كام يوم وخديجه بتتجنب مالك خالص ولسه بتفكر هتعمل اي وكريم مش بيروح لجميله الشقه خالص وبيتنا الكلام معها في الشغل زاي الاول
في الصعيد كان الكل فرحان لان بكره شبكه وكتب كتاب فاطمه وكانو البنات الأقرب متجمعين ومشغلين الاغاني وفي وسطيهم سمر اللي قامت ترقص والكل بيتفرج عليها وعلي جراتها
اما في القاهره كان مالك بيلبس هدومه بستعجال علشان يطلع لي خديجه بعد ما رنت علي كريمه وقالتها انها محتاجه مالك
كريمه بضحك_ علي مهلك ياواد خليك تقيل كده
مالك_ بحبها يا ماما
كريمه بصدمه _اي بتحب خديجه
مالك _اه فيها حاجه ولا اي ده انتي حبيتها
كريمه _حبيتها اه لاكن العيله بتعتها لا يا مالك
مالك_ وخديجه ملهاش دعوه بيه عيلتها خالص
وطلع مالك لخديجة ملهوف لي رويتها
جميله قاعده بملل لقت الباب بيخبط خافت لان محدش يعرف انها هنا غير كريم وكريم مش بيجي خالص
جميله_ مين برا
كريم _انا يا جميله كريم افتحي
فتحت جميله بفرحه ونسيت ما ترتدي
كريم بصدمه _ادخلي جوا حالا
دخلت جميله وهي مستغربه وبتقول لمريم اللي بيقل الباب في اي
كريم _في اللي انتي لابسه
بتشوف جميله نفسها بصدمه وتجري علي الاوضه بكسوف فاهي كانت ترتدي شورت علي كت وكان منظرها مغري جدااا
كريم بينو وبين نفسو _ده انتي حلوه اوي يا جميله هو انا قولت الجواز غلي الورق اخس عليا
بتغير جميله وبتخرج بكسوف ازيك يا كريم
كريم _بخير انتي اخبارك اي
جميله_ تمام بس عايزه اطلب منك طلب
كريم _اطلبي
جميله بخجل ولاكن شجعت نفسها وهي بتفتكر كلام صحبتها ليها وانها لازم تخلي كريم يقرب منها ودي فرصتها علشان يحبها
انا خايفه اوي علشان قاعده لوحدي والشقه واسعه يعني ....ممكن تيجي تقعد معايا وكده كده مش حرام انت جوزي قدام ربنا
كريم بتوتر وهو مش عارف يقول اي ....
خديجه بدون مقدمات_ انا فكرت في اللي انت قولتو وموافقه
مالك بي ابتسامه _بجد ده احلا خبر سمعتو
خديجه _بس مش المفروض تطلبني من اهلي
مالك _بس ازي وانتي هربانه
خديجه_ انا هرجع ليهم بكره وهفهمهم كل حاجه وانت هتيجي بعديها بيومين تتطلب ايدي تمام ومش هعرفهم اني قابلتك خالص
مالك بتوتر_ لان ولدتو هترفض تمام يا خديجه بس انتي متأكده انهم هيوفقو
خديجه _اه ويلا انزل بقه
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اللي بيحب الروايات الكامله والحصريه من هنا 👇 ❤️ 👇
الحلقه الخامسه والسادسه والسابعه من هنا
الحلقه الثامنه والتاسعة والعاشرة من هنا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق