رواية حين تقع في الحب الجزء الثاني البارت الخامس والثلاثون والسادس والثلاثون للكاتبه ندي علي حبيب حصريه وجديده
نورهان عمر قول احمد ساب سلوي ليه
عمر عرفه الحاجه الوحيده اللي مش بيد الراجل مهما كان ليه مركزه وهيبته هو الحب بغلب الانسان بيعيشك في الخيال بجد
نورهان بستغراب :افهم ان احمد مكنش بحب سلوي
عمر :مين قال كدا تعرفي بقي ان احمد بيعشق سلوي اختي بس في سبب انه يسبها وانا عارف ليه
نورهان بعصبيه:عمر متجننيش انت عارف السبب طب قول ايه هو
عمر بهرب:المهم بنتي الحلوه عمله ايه
نورهان مسكت بطنها بحب :بتسلم علي بابا وبتقولك انت مأهمل ماما ليه
عمر باس خد نورهان :دا انا كلي لماما وعيون ماما وراح قعد جنبها علي السرير وخدها في حضنه
نورهان بحب :عمر انا بحبك اووي
عمر :وانا بعشقك امك ولسه هيبوسها
سكينه دخلت من الباب :نورها..
نورهان بعدت عن عمر بكسوف :تعالي يا سوسو انا هنا احم احم
سكينه بضحك :عمر احنا في مستشفي والبت تعبانه اهدي كدا واسكت
عمر بضحك :انا ساكت والله يا ام نور
سكينه بضحك:ربنا يهنيكم يارب يلا يا نورهان علشان العلاج يابنتي
عمر :طيب انا هبات هنا جنبك يا نوري علي الكنبه واناي يا امي انا حاجز قوضة هنا هتباتي فيها علشان ترتاحي
سكينه :تسلم يا حبيبي
نورهان اخدت الدوا من هنا واتستلط ونامت
.......................
في الصباح في منزل منير الالفي
غسان صحي علي الساعه 7 صباحاً قام فتح الدولاب وطلع هدوم ليه ودخل الحمام اخد شور
نور صحيت علي صوت الميه اللي في الحمام بكسل مسك الفون بتاع غسان اللي جنبها وبصت في الساعه كانت 7 وربع
نور بفرع :ينهاااار مش فااايت مدرسه الاولاد يختاااااي ولبست روب طويل وطلعت من الاوضه جري علي غرفه الاولاد
نور :عاصي قوم المدرسه
عاصي:.....
نور بصويت :ولاااااا قوم يلا اخلص تاخرت يا حيوان
عاصي بغضب :مش رايح انا مش عاوز اروح
نور بغضب :خلاص تمم انده ابوك يتصرف معاك بقي
عاصي بسرعه :لالالالا انا قايم اهو خلاص والله
نور :طيب قوم انجز يالا وطلعت هدوم المدرسه اللي عباره عن بنطلون بني وقميص جملي وجهزت شنطته
نور :يلا ادخل علي الحمام اغسل وشك وسنانك واطلع علشان البسك
عاصي بكسل :حاضر ودخل غسل سنانه وشه وطلع
نور باست خده :الله علي الجمال وريحة الحلوه
عاصي بغضب :بطلي تشمي فيا انا راجل وبقيت في الحضانه دلوقتي
نور بضحك :حاضر انا اسفه ولبسته وطلع يلا اعد لما اعمل الفطار علشان تفطر مع بابا
عاصي :طيب
نور دخلت الاوضه كان غسان طلع من الحمام بيلبس قدام المرايا
نور :فوني فين عوزه اتصل علي نسمه تلبس اسر علشان المدرسه
غسان ببرود :تحت المخده تقريباً
نور بستغراب :طيب هكلمها واجهز الفطار يا حبيبي
غسان ببرود :تمم
نور رنت علي نسمه
نور :الو نسوم صحي اسر ولبسيه علشان المدرسه يلا
نسمه :اسر جاهز اهو وبنفطر وقاسم هيخدو وهو رايح الشغل يوديه المدرسه
نور :خلاص تمم عاصي هيروح مع ابوه بقي وقفلت الفون
غسان :يمكن اتاخر النهارده في الرجعه
نور بستغراب :يعني
غسان بص ليه :بمعني نامي
نور :هو انا ضايقتك في حاجه يا غسان
غسان ببرود :خالص ليه
نور :اصل معاملتك ليا بارده كدا النهارده
غسان وهو بيحط المحفظه في جيبه :ولا بارده ولا حاجه وباس راسها وطلع برا مع استغراب نور من معاملته ليها
عاصي:صباح الخير يا بابي
غسان باس خده :صباح الفل يا روح بابي كبرنا وبقينا بنروح الحضانه
نور جهزت الفطار وقعدت من غير ما تاكل
غسان وهو باصص لطبقه :مبتكليش ليه
نور :مش جاي لي نفس كلو انتو
غسان راح قعد جنبها :اسمعي يا نور علشان مش هعيد الكلام كل يوم كلي يلا اخلصي
نور :مش جعانه كل انت
غسان بزعيق:وانا بقول كلي يا نور وبطلي عند
نور لسه هتتكلم افتكرت ان الكلام قدام عاصي غلط عدت اكلت بس جوا حاجه غريبه من معامله غسان ليها
وبعد وقت
غسان :يلا يا عاصي اتاخرت
عاصي شال شنطته :يلا باي
نور وقفت لحد ما نزلو وقفلت الباب واتفتحت في العياط
نور بعياط :طب هو بيعاملني كدا ليه ما هو كان كويس امبارح ايه اللي جرا يعني ومسحت عيونها ودخلت تنضف السفره مكان الفطار
................
في شقة نسمه
نسمه بعد ما قاسم واسر مشيوا كانت فرحانه علي فرحت قاسم انه اسر حبه واتقبله وحزينه علي انها اخدت حبوب منع الحمل وحرمت قاسم من الاحساس بابوه منها هي دخل نامت شويه
((انتظرو القادم ))
اسفه والله علي التأخير
الصعب مش من الحياه الصعب من الأشخاص اللي في الحياه في ناس قلبها من كتر الحب شفاف وناس قلبها من كتر الحقد مليئ بالسواد بس احنا فينا نتعلم من دا ومن دا والاخر الكذبه مهما كانت صغيره هتكبر وتنكشف في يوم
حين تقع في الحب 2
البارت السادس والثلاثون
للكاتبه /ندي علي حبيب
غسان نزل ونزل عاصي ودخل المدرسه بيه مع تحيات الكل ليه
في مكتب المدير
المدير :نورت المدرسه كلها يا حضرت الرائد
غسان :منوره بيك احم المهم دلوقتي عاصي ابني دي اول سنه ليه في الحضانه
المدير :نورت يا غالي يا ابن الغالي
غسان :عاصي امانه معاك انا متفق مع باص يجي يخده ويرجعه بس النهارده جيت معاه علشان اول يوم فا انا مش عوزه يخرج برا المدرسه بأي حجه مهما كانت تمم
المدير :علي دماغنا يا سيادة الرائد
غسان بص لعاصي بهمس :انا عارف انك مش محتاج توصيه كفايه انك ما ماشيني علي العجن متلخبطش تمم
عاصي بغرور :عيب عليك دا ابنك
غسان :ترجع مع الباص تطلع علي البيت ومتنزلش تمم
عاصي :تمم يلا انا هروح اشوف اسر فين
غسان :تمم يلا سلام ومشي ركب عربيته وراح علي شغله
....................
في منزل منير الالفي
نور نزلت كانت لبسه قميص بيتي و حطه طرحه علي رقابتها لما نزلت شالتها
نفين كانت خلصت صلاة الصبح
نور :صباح الخير يا ماما واتجهت لمنير اللي قاعد علي الكرسي بيقرا الجريده صباح الخير يابابا
منير ونفين :صباح النور يا بنتي
نفين :عاصي واسر راحو المدرسه
نور :ايوا غسان اخد عاصي وقاسم اخد اسر يوديهم
منير بضحك :بالله العظيم يا نور يا بنتي عاصي ابنك انا خايف علي العيال منه
نور بضحك :لاء هو يخاف يضرب حد من غسان
نفين :ربنا معاهم كلهم يا بنتي نسمه فين كل دا
نور :تلاقيها دخلت نامت بعد ما مشت قاسم
نفين :خلاص سيبها علي راحتها انتي فطرتي
نور :ايوا يا ماما فطرت
نفين :والبيت نضيف مش محتاج تنضيف ولسه بدري علي الغدا لو وراكي حاجه في شاقتك اطلعي اعملها
نور :خلاص هطلع اعد مع نسمه شويه
نفين :ماشي يا حببتي اطلعي
نور طلعت علي شقت نسمه رنت الجرس كذا مره لحد ما فتحت
نور :ايه تور نايم
نسمه :ادخلي ادخلي
نور دخلت قعدت
نسمه :تشربي قهوه
نور بحزن :لاء القهوه غلط عليا
نسمه :خلاص يبقي نسكافيه ودخلت تعمل
.........................
عند نورهان في المستشفي
الدكتور كان بيكشف عليها :لا دا تحنا بقينا عالي العال
عمر بغيظ منه :ايوا يعني هتخرج امتي
الدكتور :بإذن الله هكتب ليها علي خروج النهارده بس مش هقول الراحه التامه وعدم اي اكل حراق
سكينه بفرحه :الحمد الله انها بقت كويسه وبخير كدا اروح وانا مرتاحه
نورهان بغضب :سوسو انسي فكرت انك هتروحي دي انا لسه تعبانه ومش هتمشي غير لما اكون كويسه
الدكتور :تمم استاذن انا بقي وطلع
عمر :عيب والله الكلام دا يا ام نور تروحي ليه ما احنا سوا اهو
سكينه :يبني علشان تاخد راحتك في بيتك
نورهان باست ايدها :رحتك هي راحتي يا سوسو
عمر :اذن يلا جهزو هدمكم علي ما ادفع حساب المستشفي وارجع
نورهان بفرحه :اخيراً هطلع من السجن دا بقي
سكينه :علي خير يا نن عيني
وبدات تجهز الهدوم
....................
في القسم
غسان كان قاعد علي مكتبه وقدامه فريقه وكان بيشرح ليهم خطه تبع الشغل ولاحظ حزن احمد الشديد
غسان :المهم انا مش عاوز اي غلطه ولا كلمه تطلع برا المكتب دا تمم
الفريق :تمم يا فندم
غسان :تمم انصراف معادا احمد خليك عوزك في موضوع
احمد قعد والفريق طلع برا
غسان :مالك بقي انت مش عارف ان الصح اللي انت عملته المهمه اللي احنا دخلينها دي خطر جداً وانت اكتر واحد عارف كدا
احمد بحزن :بس حتي كنت اعرفها ان دي لعبه افرض ضاعت من بين ايدي يا حضرت الرائد انا ممكن اموت قصدها
غسان :وانت مين قالك ان سلوي هتكون لحد تاني سلوي ليك وانت لسلوي وبعدين انت لو كنت عرفتها انت كدا بتعرض حياتها للخطر يا تحمد افهم
احمد تنهد :خير انشاء الله كلها شهر ونخلص
غسان :ايوا كدا عاوز الظابط احمد الجدير في شغله مش الحبيب اللي بيجري ورا حببته
احمد :عيب يا جدع دا انا اعجبك اووي
غسان بضحك :ايوا كدا انصرف بقي
احمد بضحك :تمم وطلع غسان اتنهد ورجع راسه ورا علي الكرسي
غسان :طيب انت خاطب واقدر احل مشكلتك ابعدك عن خطبتك علشان المهمه طب انا ابعد عن روحي وعقلي وقلبي ازاي ارجع غسان الالفي ازاي وبعدين رجع كمل شغل وشويه وقاسم دخل
قاسم :حبيبي حبيبي كان شكلك حلو اوي وانت ماسك عاصي ورايح توديه المدرسه الاب المثالي واو
غسان :قاسم مش ناقص ارغي جي ليه
قاسم بضحك :في ايه يا جدع انت عمرك ما بتضحك هنا ابداً بحسك ابو لهب كدا في نفسك اووي
غسان بغضب :بالله يا قاسم لو مطلعت لعلم علي هه انت عارف بقي
قاسم بضحك :تمم يا زعااامه المهم القضيه 6 اتقفلت خالص ودا طبعاً بفضلي
غسان بستغراب :يابني اتقفلت ازاي دا في اداه وشهود
قاسم :الموضوع تدبيره وواضح جداً هو واد غلبان مستحيل يكون ليه في المخدر*ات والقصص دي
غسان بغموض:تمم يلا هلينا نروح ارض الطابور نشوف اخبارك الدنيا هناك عمله ايه
.................
في شقة نسمه
نور بعياط :بس ياستي ومن الصبح قالب وشه عليا ومش بكلمني وطريقته بارده معايا
نسمه :بس اهدي مش يمكن زعلان علشان حاجه بينكم يا نور ركزي
نور بغضب وعياط:يا نسمه افهمي احنا بليل كنا كويسين وبيحبني ونمنا عادي الصبح قام اخد شور وحتي مرضاش يصحيني افهم ايه بقي
نسمه بستغراب :بالله يختي معرف في ايه بس الموضوع غريب طب هقولك استني لما يجي بليل اتكلمي معاه بطريقتك وشوفي زعلان ليه
نور :وبعد كل دا يقولي انا هتاخر بليل نامي انتي شوفتي بقي
نسمه :بس اهدي و بطلي عياط وخلينا ننزل نحصر الغدا قبل ما يجو
نور مسحت عينها :يلا ننزل
واخدو بعض ونزلو علي تحت
.....................
عند نورهان
نورهان لبست جيبه جلد سودا وتوب ابيض وجاكت جلد اسود وعملت شعرها كحكه وهاف بوت ابيض وعمر سندها
نورهان بتعب :عمر انت علطول بتشلني جيت لما تعبت بطلت تشلني الله دا ايه يا ربي
عمر بضحك :علشان عوزك تمشي يلا خلاص معدش حاجه
نورهان بتعب :يلا تستعنا بالله الواحد لسه طالع من الاوضه وحاسس انه بيمشي بقاله 9 سنين
عمر بضحك :يلا يا نورهان الله يباركلك
نورهان :الله سوسو فين
عمر :في العربيه
................................
في ارض الطابور
غسان بصوت عالي :دا ايه ايه التمارين دي اسيبكم فتره ارجع القي فريقي اللي الكل بيحلف بيه في جميع مراكز مصر عامل كدا شكلكم نسيتو الكتيبه اجمع صف كامل يلا عاوز اشوف التمارين عامله ازاي بسرعه
الفريق كله بقي بيضربو علي اجمل وجه وغسان هو الوالي بتاعهم ومدربهم
اللواء امجد بفخر :فعلاً انا لازم افتخر بنفسي ان كنت بدرب واحد في فريقي زي الرائد غسان
اللواء صالح :فعلاً الرائد غسان من اكفئ الظباط اللي مرو علينا ومستحيل يتعوض
غسان بزعيق :مش قادرين تشلو 150 وزن الله يرحم ايام 200 وزن ابعد يا حنين منك ليه واتفرج واتعلم
وحمل الوزن اللي عباره عن عاجلتين لودر ومشي بيهم شويه وبعدين نزلهم
غسان بصوت :يلا كل واحد يقرب بشيل الوزن دا ويمشي نص متر يلااااااا
قاسم :ربنا معاكو والله دا غسان بيطلع روحهم ببطئ ربنا معاكم
والفريق بقي يدرب احسن التدريب مع غسان مع فخر القوات الموجوده واعجابهم بيه
.........................
علي الساعه 1 الضهر وصل الباص ونزل عاصي واسر مع بعض وطلعو علي فوق
عاصي :تيجي نسابق مين هيقول ماما اعلي
اسر :انا طبعاً
عاصي نشوف 1،2،3 يا مااااااااااااماااااا
اسر :مااااااااااااااا ماااااااااا
نور بغضب:في ايه يا حيوان انت وهو
عاصي رمي الشنطه ليها :بقولك ايه انا نازل العب شويه قبل ما بابا يجي تمم
نور :والواجب يا دكتور
عاصي وهو بياخد العجله وينزل :لما اطلع
اسر :وانا كمان نازل سلام ورمي الشنطه هو كمان
نور بغضب :اقسم بالله اللي هينزل منكم اقول لابوكم يتصرف تصرف انتو عرفينه
عاصي وقف بغيظ :دي ام دي مستحيل اصدق
نور :بتبرطم بتقول ايه يا عاصي بيه
عاصي :بقول هاتي الشنطه اكتب الواجب
نور :امسك خد يا اسر يلا علي جوا اكتبو ولعبو ساعه بس قبل ما بابا يجي
عاصي بفرحه :اشطااا يلا يا لااا نخلص بسرعه ودخلو علي جوا
نور بضحك :دا شيطان صغير دا ودخلت المطبخ تساعد نفسن ونسمه في عمل الاكل
وبعد ساعه
عاصي ماسك الكراسه :حلو كدا انزل العب بقي
نور :خلصت كله
عاصي :اه والله انزل بقي شويه
نور :وانت يا اسر
اسر :بكتب اخر كلمه اهو .... خلصت
نور بتحذير:ساعه بالظبط لو اتاخرت عنها انت وهو انتو عرفين اللي اللي هيحصل
اسر وعاصي :حاضر ونزلو جري
نسمه بضحك :لاء مسيطره
نور :اتنيلي انتي التانيه دا لو عرف انهم نزلو احتمال يطلقني فيها
نفين اللي قعده علي الكنبه بتقلب في التلفزيون :والله يا نور يا بنتي غسان جوزك دا طول حياته انا وابوه بنخاف نكلمه من الثانويه قاعد في الشقه بتاعتكم دي لوحده ولا يكلم حد ولا حد يكلمه وكان عامل اوضة رياضه فوق وطول النهار بيضرب
نور بضحك :كان متوحد
نفين :عمره ما قعد علي سفره معانا كدا غير لما اتجوز والله
نور ضحك هي ونسمه
نور :تعالي نعد في البلكونه علشان الولاد
نسمه :تعالي يلا
وطلعو قعدو في البلكونه قدام الاولاد
(انتظرو القادم )
فنزاتي اللي بموت فيهم مقدرش ازعلكم بارت تاني اهو وطويل ♥️♥️🌞
الحمد الله ان احمد عامل خطه علي سلوي علشان هما قابل حلو مع بعض بس المشكله هنا ان سلوي مش قادره تنسي غسان بعد كل اللي حصل ولسه بتحبه
صعب جداً الحب الاول الانسان ينساه حتي لو كان ايه🌞🍂 تابعووووني
تعليقات
إرسال تعليق