رواية الزمن والقدر والمنطق الحلقه الأولي بقلم فدوي خالد حصريه وجديده
إلِ بتحبيه هَملك من زمان، و إلِ بتوديه باعك مع أقرب ما ليكي، و إلِ مش قابلاه قرر يضحى علشانك "
كنت ماشية فى الشارع أنا و محمود خطيبى و لقيت واحدة لابسة أسود فى أسود شدتني و قالتلي كده وقفت فى صدمة شوية و لقيت محمود راجع بيقولي:
- فريدة واقفة كدة ليه؟
شاورتله على الست الى قربت منى بس ملقتهاش التفت حواليا و لكن مكنش ليها أثر فابتسمت بهدوء و توتر و قولتله:
- لا مفيش يلا نكمل.
ابتسم ليا و كملت مشي معاه بس لسه الجملة بترن فى دماغي روحنا كافية قعدنا فيه و كنت طول الوقت شاردة لحد ما حرك محمود إيده و قالي:
- فريدة روحتي فين؟
فوقت و أنا ببتسم و أقوله:
 |
- لا موجودة .
- موجودة فين يبنتى، انتى مش مركزة خالص من اول ما دخلنا الكافية.
- تعبانة شوية يمكن.
- طب أنتى كويسة؟ نروح؟ نأجل الخطوبة لو عايزة؟
بصيتله بشك:
- أي حوار تأجيل الخطوبة الى طالع على لسانك اليومين دول ده.
اتوتر:
- تأجيل اى ...انا ...انا ....اه فصدى عشان صحتك.
- اى علاقة ان سرحت شوية بتأجيل الخطوبة بردوة.
- بحسبك تعبانة فقولت نغيرها ليه عاملة مشكلة من مفيش؟
- أنا الى دلوقتى عاملة مشكلة.
- أيوة انتى علطول بتعملى كدا اقلبى الطرابيزة على كلمة قولتها.
قومت و انا بمسك شنطتي:
- انا بقا الى هفشكلها بجد و الخطوبة هتتفركش يعنى هتتفركش.
مشيت شوية ف مسك ايدى:
- فريدة اقفي هنا مش من كلمة هتمشي!
لفيتله:
- و هو طبيعي من يوم ما قرينا الفاتحة من شهر و انت بتتهرب من الخطوبة و كل المشاكل على اننا نأجلها أو نفشكلها.
- ي حبيبى أنا قصدى.......
قاطعته:
- حبك برص انا مش خطيبتك حتى عشان تقولي كدا و عشان اريحك الحوار خلااص قفل معايا.
مشيت فمسك إيدى تانى و هو بيقول:
- فريدة اهدى بس و اسمعينى انا دا كله مش قصدى.
- بجد!! قصدى انا ولا اى مش فاهمة القاعة و اتحجزت و المعازيم و اتعزمت اى تانى بقا ناقص؟
اتنهد و هو بيلعب فى شعره:
- مش عارف؟
- اى ؟
- مش عارف بجد مش بهزر؟
- يعنى مش عارف انا من حقى اعرف؟
- يعنى خايف اننا منبقاش مناسبين.
- و انت اكتشفت دة قبل الخطوبة بيومين.!
قعدنى على الكرسي و قال:
- انا مش بفشكل و شاريكي بس متوتر انا بحبك اووى و مش هقدر أسيبك بس فى حاجة مدايقانى حاجة مش عارف هى اى؟
- و المطلوب منى ؟
- طمنيني زى ما بطمنك انك جمبي مش معقول من اقصر حوار بينا تقومى و تسيبينى خلينا نتناقش.
ابتسمت و هديت شوية و قولت:
- ماشي بس ياريت بردوة تبقى صريح معايا مش بس فكرة انك تقول هفركش و خلاص قولى اسبابك.
ابتسم و هو بيطمني و يقول:
- خلااص اتفقنا، هقوم اجيب حاجة نشربها بقا.
قام يجيب حاجة يشربها و ساب تليفونه لثانية كنت بحمد ربنا على وجوده فى حياتي و قد اى هو عوضني فعلا بعد وفاه بابا ساعات بحس انى قلقانة شوية بس ماما قالتلي انه قلق عادى عشان متوترة قبل الجواز و لغاية ما تتعودى عليه بس شوية شوية بدأت اطمن بما أنه جمبي.
رجع و ابتسم ليا و هو بيقول:
- أحلى أيس موكا لأجمل فريدة.
ضحكت و قولت:
- يااه انت لسه فاكر.
- اومال ازاى انسى اى حاجة بتحبيها دا سبب معرفتنا اصلا.
ابتسمت ليه و سكت فقالى:
- انت مالك بقا النهاردة؟
كنت لسه هحكيله على الى حصل من شوية و لكن تليفونه رن و ظهر الاسم على التليفون "❤ Mariem Shebal " رقم صحبتي المقربة بس هو حاطط قلب ليه بصيتله بصدمة و هو سحب التليفون بسرعة فقولت بحدة:
- افتح الخط بسرعة أو مش عارفة اقولك على الى هعمله و انت عارفني مجنونة؟
- فريدة بس استنى افهمك.
- أفتح بسرعة .
- فريدة ......
- افتح و متختبرش صبري على الإسكبير.
فتح بتوتر و قال:
- ألو......
ردت هى بكل رقة:
- ازيك ي حبيبي.................
بصيتله أنا بصدمة و هو بتوتر و .
تابعووووووني
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق