رواية حين تقع في الحب الجزء الثاني البارت الثالث والعشرون حتي البارت الثامن والعشرين للكاتبه ندي علي حبيب حصريه وجديده
قاسم بصدمه :نام يا حبيبي وغطاه ومسك نسمه من ذراعها جامد وطلع برا الغرفه
نسمه بوجع:قاسم في ايه سيب دراعي
قاسم بغضب:نسمه انا عمري مامديت ايدي علي ست ومش عاوز اليوم اللي امد ايدي فيه تكون مراتي هي اللي في الوش
نسمه بدموع :صدقني مكنش قصدي انا فكرت اسر نام وانا فرحت هلي فرحتك وبصت في عيونه بس سيب دراعي علشان وجعني
قاسم بضعف ساب ذراعها ومسك شعره رجعه لورا بايده وقرب علي نسمه شدها جامد وتخبطت في صدره
قاسم بنفس عالي :عمري ماحبيت في يوم وحده قدك حتي غزل اللي هي كانت ام ابني محبتهاش كانت رغبة بالنسبه ليا لكن انتي رغم اللي عملتيه بس مش قادر اسيبك وقولك امشي وجودك جنبي بنسيني همومي يا نسمه
 |
نسمه بدموع قربت علي شفايفها من شفايفه وباسته باشتياق وقاسم فضل سابت ونسمه بما لقيته كدا بعدت ولسه هتمشي قاسم شد ايدها وباسها من شفايفها بعنف واشتياق وتمدت القبله حتي ازاح من عليها ثيابها وحمالها واتجة لغرفتهم
.................
عند غسان
كانت عاصي خلص الجالسه وغسان حاسب الدكتور وحمل عاصي ونزل ركب العربيه ومشي
نور اللي شايله عاصي في حضنها :غسان اقف قدام البقاله عوزين طلبات للبيت
غسان وقف بالعربيه :عوزه ايه وانا هروح اجيب
نور :هات زبادي وحليب وجبن وبيض وبطاطس وطماطم وخيار وفلفل وليمون وبسكوت شاي علشان عاصي بس
غسان اخد المحفظه :تمام خليكي مش هتأخر
نور :ماشي يا حبيبي
غسان نزل راح يجيب الحجات ونور فضلت في العربيه سانده راسها علي الكرسي وعاصي ساند راسه علي صدرها
..........................
في بيت عمر
دخل عمر ونورهان البيت وعمر قفل الباب:ااااه اخيراً روحت يا عالم
نورهان بضحك :المنظر يقت'ل وهما بيتخانقوا
عمر بضحك :يعيني عليكي ياسلوي يا اختي عندك حماه ربنا يعينك عليها
نورهان فضلت تكح من كتر الضحك :وربنا باين ان احمد بيحبها
عمر :ايوا المهم نورهان انا جعان
نورهان :عمر احنا لسه وكلين مكملناش ساعه بكرا بنتي تيجي تلقي ابوها بكرش يعني
عمر برفع حاجب :جعااااان وغمز ليها
نورهان قلدته بغيظ وغمزت :ايه يعني الاكل بقي بغمزه ولا ايه
عمر بغيظ:متخلفه اقسم بالله طب هاتي بوسه طيب راضي بقليلي
نورهان بصت ليه بطرف عينها وقامت رجعت راسها ورا ومشيت :اعتبر نفسك بوستني
عمر بغيظ مسك ريموت التلفزيون وقعد يقلب :يادي ام الجوازة المنيله
............................
عند غسان وصل قدام البيت
غسان :نور اطلعي هاتي اسر من عند قاسم وانا هجيب عاصي والحجات واجي وراكي
نور بتعب :حاضر وطلعت
نور قدام باب نسمه :نسمه يابنتي وترن الجرس مفيش رد
غسان :في ايه
نور :محدش بيرد خالص
غسان ضحك :طب تعالي خليه يبات هناك النهارده
نور :يا غسان مأكلش حاجه خالص
غسان بهمس:طب اعمل ايه يمكن مش فاضي تعالي تعالي وطلع ونور طلعت وراه
نور فتحت ودخلت وغسان حط الحجات علي السفره ودخل عاصي علي سريره وغطاه وطلع
نور :غسان رن علي قاسم يطلع اسر زمانه نام جعان ياعمري عليه
غسان :يا نور هو قافل الشقه من جوا وقاسم تحت افهمي بقي الله يسترك
نور بعدم فهم :طب وايه يعني
غسان وهو بيقلع تيشرته بيقرب عليها بخبث:تعالي وانا اقولك يعني ايه
نور حطت ايدها علي بؤها :انت قليل الادب
غسان بضحك :طب اعمل ايه بحاول افهمك مفيش قولت اجرب نظري
نور دخلت غيرت هدومها لبجامة سوده ستان وعملت شعرها ديل حصان وراحت علي اوضة عاصي
....................
في غرفة عاصي
نور حطت ايدها علي راسه لقيت الحراره بدأت تخف ارتاحت
عاصي بتعب :ماما
نور :يا روح ماما
عاصي :نامي جنبي
نور طلعت جنبه علي السرير وتغطت وعاصي نام علي صدرها وهي حضنته وباست راسه ورجعت شعره اللي نسخه عن غسان لورا :نام يا حبيبي نام لما نشوف بكرا مخبي بينا ايه
حين تقع في الحب 2
البارت الرابع والعشرون
للكاتبه /ندي علي حبيب
في الصباح
في شقة قاسم
قاسم صحي لقي نسمه نايمه علي صدره وغرقانه نوم
قاسم غمض عينه ورجع راسه لورا بغضب:برضو حلفاني وقع نسمه نسمه
نسمه بنوم :امم صباح الخير
قاسم قام بص عليها
نسمه قامت ومسكت ايده :سامحني يا قاسم واللي تطلبه هعمله
قاسم بص عليها وضحك وجاب الملا*يا وغطاه بيها :خدي بالك يا نسوم وغمز ليها
نسمه بصدمه :انا انا وجريت علي الحمام
قاسم بضحك :خدي يابت تعالي هقولك
نسمه :مش انت خلاص مسامحني يلا روح اتشطف في الحمام الصغير
قاسم طلع بضحك :يارب دي كانت عقله ودخل الحام الصغير بس لقي اسر نايم بص عليه بحب وباس راسه ودخل ياخد شور
....................
في شقة نفين
غسان قاعد مع ابوه علي السفره وعاصي علي وجله
ونور بتجهز مع نفين الفطار
منير :رن علي قاسم ياغسان ليكون جري ليه حاجه
غسان :الوضع مش مطمن والله يابا من بليل واسر مستحيل يفضل نايم لحد دلوقتي وفونه رن دا عمر
غسان :حبيبي اللي وحشني
عمر :انت اكتر يا حبيب اخوك عامل ايه وخالي والعيله
غسان :بخير والله وانت مزاجك واخبارك ايه
عمر :انا بخير بس انت عارف الظابط احمد اللي كان ماسك قضيه سلوي
غسان :ايوا طبعاً اعز المعرفه بس ماله
عمر:متقدم لسلوي ومستنين خبر مننا
غسان :بدام احمد يبقي علي بركة الله احمد جدع وشهم وهيحافظ علي سلوي
عمر:يبقي هنستناكو كلكو تيجو علشان نشوف الموضوع دا بقي
غسان بضحك :بالحريم باكله
عمر:كله يجي احنا بنتجمع كل يوم يعني دا يوم
غسان :خلاص بكرا نكون عندكو
عمر :مستنيك يا ابو اسر
غسان :حبيبي وقفل
منير :في ايه خير
غسان وهو بيحط الفون علي السفره قدامه:سلوي جي ليها عريس ولازم نروح نشوفه
منير :علي بركة الله
غسان :هنروح كلنا بكرا اهو يوم ترفيه
منير :خلاص تمام قاسم ينزل ونعرفه ونروح
قاسم وهو نازل :ودي قاسم نزل صباح الخير
غسان :النموسيه كحلي لدرجة دي يا باشا طب راعي ان احنا عوزين ناكل
قاسم بضحك:ياعم خلاص نزلت الهم في ايه
غسان :هنروح القاهره بكرا كلنا بالحريم علشان سلوي جي ليها عريس هنشوفه
قاسم :اخيراً هنخرج ياعالم
غسان :اسر فين
قاسم :نايم مردتش اصحي هتلاقي نسمه هتجيبو وهي نازله
غسان :يانور هنفطر امتي بكرا
نور جابت الاكل :خلاص الاكل اهو
نسمه نزلت وفي ايدها اسر :صباح الخير
اسر حري علي نور:ماما
نور حضنته:قلب ماما يلا اطلع افطر وانتي بقي يا نسمه هانم نزله متاخر ليه
قاسم :لا حول الله انتي وجوزك عوزين مننا ايه مش عارف
نور حضنت نسمه
نسمه:نورتي البيت
نور:منور بصحابه ياروحي المهم اعدي افطري انا خلصت
غسان :ريحين القاهره كلنا بكرا علشان خطوبة سلوي
نور ونسمه بصو لبعض:اخيراً
وراحو قعدو وبدء فطار
نور :هات عاصي يا غسان علشان اكله
غسان :سبيه هأكله انا
عاصي بتعب:عاوز ماما يابابا
غسان :تصدق انت عيل واطي روح لامك يا اخويا واداه ليها
نور حضنته وحطت خدها علي وشه:الله الحراره نزلت خالص وبدأت تأكله
السعاده علي وشوش الجميع
........................
في بيت نورهان
نورهان اللي بتلم بعض الهدوم في شنطه :عمر
عمر اللي قاعد علي السرير بيلعب في فونه :نعم
نورهان :انا جبت ليك طقمين غير البدله وهدوم بيتي كويس كدا
عمر :حلو بس خدي الشبشب اهم حاجه
نورهان :أخدته وبرفناتك وساعاتك وكل حاجه ليك ايهي
عمر :خلاص تمام المهم يلا خلصي علشان نمشي امي بترن من الصبح
نورهان:وسلوي رنت عليا اكتر من 3 مرات
عمر:تمام يلا واخد الهدوم من نورهان ونزلو
.............................
في بيت احمد
احمد :يا امي انتي مش عجبك ايه في سلوي بس
سعيده :كلها علي بعضها بقي تسيب احلام بنت خالتك اللي بتتكسف من الهوا وتروح لدي
احمد :يا امي انا شايف احلام اختي هتجوزها ازاي
سعيده :طول ما انت باصص لباب دا وانا مش هرتاح فيهم
احمد:طب بوصي انا مش عوزك تضايقي بس المهم متعمليش مشاكل هناك تمام ومشي
سعيده :اكيد عملاله سحر الواد مهبول باسلعوه اللي اسمها سلوي
......................
نور بتكنس البيت وغسان قاعد حاطط رجله علي الطربيزة اللي في الصالون وبيشرب سجاير
نور نفضت الكنب ورتبته بتعب وخلصت كنيس
غسان طفي السجاير وقع علي الارض
نور :غسااان السجاير بتوقع يووووه انا مبقتش قادره اكنس وضهري وجعني جداً
غسان واح عندها ورجع شعرها لورا :طب انا مش هتكلم بس صوتك عالي ودا بيعصبني جداً وبعدين ليه يا روحي ضهرك وجعك ليه
نور بصت عليه بغضب :مش عارف بجد كله بسببك
غسان ضحك :دا انا مفيش اطيب مني وبعدين انتي تعبه نفسك ليه هاتي المقشة دي انشالله محاجه اتكنست ورمي المقشة
عاصي :ماما عاوز العب في الشارع مع اسر
غسان :الحيوان دا ايه نزله الشارع اصلاً دا تحنا يدوبك لسه قيمين من علي الفطار
عاصي :انا عاوز العب
نور باست خده :يا روحي انت تعبان تلعب فين بس
عاصي :طيب تعالي خليني انام في حضنك
غسان شال عاصي ومسكه من لياقة هدومه:تنام فين ياض انت في حضن مراتي ازاي
نور ضحكت وسابتهم ومشيت
عاصي:هي ايجة نامت في حضني امبارح وسابتك
غسان :الا قولي يا عاصي امال مين اللي صورني يوم البت اللي كانت في القهوه افتكر افتكر معاك مهل
عاصي بسرعه:اسر يومها لقيته بيصور حولت افهمه ان كدا غلط بس هو كان مصمم يفضحك يلا المسامح كريم بقي
غسان برفع حاجب :يعني اسر هو السبب
عاصي بتوتر:طبعاً طبعاً انا مليش دعوه بحاجه
غسان :تمام يلا مش عاوز المحك في الشارع لما انزل للحيوان اللي تحت دا اطلعه انا بليل ليا كلام معاكو
عاصي بقلق :حاضر
غسان نزل
اسر كان بيلعب كره ومتحمس
غسان :اسر انت يلا اسرررر
اسر:نعم يابابا
غسان بغضب:مش عاوز اشوفك في الشارع يلا علي فوق
اسر طلع جري علي فوق
غسان راح علي القهوه لقي قاسم وابوه قعدين
قاسم :تعالي ياكبير
غسان قعد :الواحد من كتر القعده بقي حاسس نفسه عواطلي
منير:ايوا بقي ما انت لو طايل تمحي الاجازه هتمحيها
غسان:والله يابا الواحد وحشه الشغل
قاسم :لا لا دا انا باجي راسي ورمه من المتهمين كل وحده عليها لسان اطول من الكلب
غسان بضحك:شيشا يا ابو جمال
ابو جمال:واحد شيشا لاجدع واحد في المنطقه يلا
غسان :المهم هنصحي بكرا علي 9 الصبح نفطر ونمشي تمام
قاسم :بإذن الله
.........................
في المطبخ
نسمه :كان اسرد اسبوع في حياتي بجد
نور بصدمه :علشان المخ متركب غلط يعني ايه تخدي حبوب منع حمل ازاي ولا الجرأه تجي ليكي ازاي
نسمه :كان سكوته بيقتلني ودا اللي خلي الشيطان يلعب في عقلي
نور :تحمدي ربنا ان جوزك سامحك يا دكتوره المهم خير
نسمه :الحمد الله
نور بغمزة :شدي حيلك كدا عوزين عيل بقي
نسمه بكسوف:قريب انشاء الله
وبعد وقت كبير من المناقشات خلصو الغدا
نفين :خلصتو يابنات
نسمه :ايوا يا ماما خلصنا
نفين :خلاص نادي يا نور علي اسر يروح يندهم من غلي القهوه
نور :اسر اسر
اسر:ايوا يا ماما
نور:روح يا حبيبي انده بابا من القهوه علشان الغدا
اسر بتمرد:مليش دعوه مش نازل
نور:يعني انزل انا
اسر:ايوا علشان هو قالي مش عاوز اشوفك في الشارع وهيحصل مشكله لو نزلت ودخل الاوضة
نفين :خلاص خليكي وانا هشوف حد يندهه
نور وهي بتلبس عبايه علي قميصها وطرحه علي راسها:خليكي وهنزل انا انادي عليهم
اموت نفين برأسها ونور نزلت
..........................
في القهوه
غسان بضحك:احنا كنا في الكتيبه يابا كان في واحد عسكري مستجد كنت ادخل عليهم اقول اجمع يا عسكري اجي ابص الاقي الواد نايم بالبياده والزي الرسمي والسلاح
قاسم بضحك:اسمه اسعد صح
غسان :كان مسيحي بس كان عيل مسخره
منير بضحك :يادي النيله ياولاد
غسان قاعد سمع صوت نور ولكن مستحيل نور عرفه ان غسان ممكن يتحول لتنين لو عرف ان حد بصلها بنظرة طيبه حتي
غسان لف راسه بغضب ورجع بص لابوه:هي دي نور
منير شاف منظر غسان اتكلم بحذر:غسان اوعي تنسي انك في الشارع وبعدين روح شوفها عوزه ايه
غسان قام وهو بيحاول يسيطر علي غضبه اخدها مت ايدها وراح علي بوابة البيت بتاعهم
غسان بغضب:افهم انتي ايه اللي منزلك من ام البيت يا نور و مكور ايده
نور ببرائه :نزله اقولك تعالي علشان تاكل
غسان بغيظ:انشالله ما اكلت ولا انك انزلي الشارع ومنزلتيش حد من الولاد ليه
نور :بالله قولت ولا خد عبر فنزلت انا بدل ماما نفين
غسان غمض عينه فهو كان يناظر فرصة هجومه علي الاولاد لانهم تجاوزو جميع حدود الادب
غسان بغضب:اطلعي واحنا جاين وراكي يلا بسرعه انتي لسه واقفه
نور طلعت بدلال علي السلم :الله في ايه يا غسان
غسان بلع ما في حلقه برغبه واضحه ونفس عالي وسابها ومشي:صبرني يارب انت شايف حالي قاااسم ياحج الغدا اتحط يلا
قاسم من علي القهوه اللي مش بعيده:جين اهو وطالعوا علشان يتغدو
حين تقع في الحب 2
البارت الخامس والعشرون
للكاتبه /ندي علي حبيب
في شقه نور
غسان كان بياخد شور وطلع لبس بنطلون ميلتون وعاري الصدر
نور كانت لبسه لجامه حمرا حرير وعمله شعرها ديل حصان وقاعده علي السرير بتتفرج علي فونها
غسان واقف قدام الدولاب:نور فين التيشرت الابيض انا مش عارف انتي بتحطيه فين كل ما اجي ادور ملقهوش لا حول الله
غسان :يا غسان انا طبقتة وحطاه بيدي في الدولاب
غسان بغيظ:بالله يا نور لتقومي وتشوفي بنفسك يمكن بكذب عليكي
نور نفخت بغيظ:انا كنت عاوزه بطل زي اللي في الرويات كدا وسرحت شويه يقولي بحبك وانا اقوله بموت فيك
غسان برفع حاجب:نور التيشرت وبعدين روحي اتخيلي
نور فتحت الدولاب ودورت شويه وبعدين راحت فتحت دولابها وطالعتها:اهي شوفتها ولا لاء
غسان قام وقف قدامه :ظلمك انا عارف واخد التيشرت ورماه علي السرير وحاصرها بين الدولاب وايده وبعد راسه عنها يعني انا مش زي الابطال اللي في الروايه
نور بتوتر:حبيبي مين بيقول كدا دا انت مفيش اجمل منك بعضلاتك دي وبصت علي بطنه
غسان وهو علي وضعه :يعني انتي عوزه نحنه وشغل سهوكه ومشكلتي انه انا بحب العملي علطول
نور وهي بتحرك ايدها علي عضلات بطنه :لاء يا روحي دي مش سهوكة دي رومانسيه
غسان :طب يعني لما اكون بمشي كتايب واجي هنا اتسهوك علي مراتي مش يبقي عيب
نور بدأت تحرك ايدها علي بضنه بحركة دائريه وغسان غمض عينه
غسان بنفاز صبر:مشكلتك انك يتعيطي في الاخر وتتعبي
نور بدلع:انا عملت ايه طيب دلوقتي
غسان :شيلي ايدك يا بطه ومسك ايدها وبعد عنها ولبس التيشرت
نور بستغراب:رايح فين
غسان :نامي اناي هتكلم مع الولاد شويه
نور برقت:غسان هتتكلم في ايه سبهم ينامو والصبح كلامهم علشان كلامك بيقلب ضرب وزعيق
غسان حك دقنه بصوابعه ورفع حاجب :طب اسمعي بقي انتي هتنامي ولو لمحتك يا نور جيتي برا وقفتي في وشي وانا بتكلم انا ليا كلام تاني معاكي وعقابك هيكون كبير وطلع برا
نور بخوف:طب اعمل ايه دلوقتي ممكن يتعصب علي حد فيهم وعاصي لسانه 5 متر وبطنها بدأت توجعها علشان التوتر غلط عليها
.....................
في شقة نسمه
قاسم دخل الاوضه لقي نسمه لبسه قميص ابيض والروب بتاعه و مستنيه قاسم
قاسم :اوبااا انا شايف من بعد الخناقة وانتي بتحولي كدا انا لو كنت اعرف كنت اتخنقت من اول الجواز والله
نسمه بكسوف :قااسم اسكت
قاسم قرب منها وباس خدها :طب انتي مكسوفة ليه
نسمه وهي راسها في الارض:كدا
قاسم رفع واسها بصبعه:كدا ليه بقي دا انا جوزك حتي
نسمه رفعت راسها :قاسم انت لسه زعلان مني صدقني ان ب
قاسم حط ايده علي شفايفها:انا مش عاوز انكلم في الماضي يا نسمه علشان لو الماضي اتفتح بيوجع وانا معنديش استعداد اتوجع منك انتي علشان لو الدنيا كلها ايجة عليا هاجي احكي ليكي علشان اناي نفسي
نسمه حصنته بدموع وباس رقابته :اسفه وهفضل اقول اسفه
قاسم وهو بيشيل الروب:مش عاوز اسف علشان معنديش وقت ليه
نسمه ضحكت بكسوف وهو باسها من شفايفها بحب كبير
................
في منزل انتصار
عمر ونورهان وسلوي وانتصار قعدين بيتكلمو
عمر:اذن عليلة خالي منير كلها جايا ومعزيم سلوي واصحابها وصحابي انا هتكون حفله دمار
انتصار :ونورهان تعد معاها تفهمها علي شغل البيت والنظام اهو تاخد معلومه
عمر بص لنورهان وكاتم الضحكه:نورهان مراتي عليها طبخ الشيف شربيني ميعرفش يطبخه ولا غسيل الهدوم ولا ولا اقولك ايه بس يا امي
نورهان بتوتر وهمس:بالله يا عمر بو ماسكت لتنام في حضن امك النهارده
انتصار :ربنا يخليكو لبعض يا رب
عمر :وكلنا معزومين عند احمد ب عيلة خالي منير بعد بكرا ونحدد الخطوبه هناك
نورهان بفرحه :مبروك يا سلوي عقبال الفرح يارب
سلوي :الله يبارك فيكي يا حببتي انا هدخل انام انا علشان خلاص فصلت
انتصار :وانا يلا تصبحو علي خير وراحت علي غرفتها
نورهان مسكت المخده ونزلت ضرب في عمر :انا الشيف شربيني بتشبه دا ليا انا
عمر بضحك :ماهو احنا لازم نعرف حلو التشبيه ولا مش من مقامك
نورهان بغيظ:مش من مقامي طبعاً انا مش مره عملت ليك محشي ولا لاء قول
عمر :المعجن والحصي مع بعض ومش عارف طلع معاكي أزاي دا
نورهان :بس اكلته
عمر:طب قولي وقتها اعمل ايه اموت نفسي كنت جعان ومن يومها بنزليني بحلة المحشي
نورهان بغيظ سابته ومشيت:ناكل الجميل والله عملت معملتش مش مشكوره برضو اعد احسن
عمر :هي قامت امتي علشان هتعد صبرني يارب وقام علشان ينام
...................
في غرفة الاولاد
غسان بحده :عاصي روح اعد مع ماما
عاصي بنوم:حاضر ومشي
اسر بخوف:بايا انا هفهمك ان
غسان بحنان :متخفش ياحضرت الظابط انا مش جي اعاقب انا جي اتكلم مع ابني الكبير في موضوع
اسر :اتفضل وانا سامعك
غسان :طبعاً انت عارف ان انا مش ابوك الحقيقي بس انت برضو عارف ان غلاوتك عندي اكتر من عاصي صح
اسر هز راسه بحزن :صح
غسان :طيب ومش عاوز تعرف مين ابوك الحقيقي
اسر بدموع:لو عرفته هياخدني منك وانا مش عاوز ابعد عنك
غسان :مستحيل يخدك علشان انت هتكون معانا في نفس البيت ومش هتبعد
اسر بستغراب :ازاي يعني بابا معانا في البيت
غسان :قاسم هو ابوك الحقيقي
اسر بصدمه :...
اسفه بجد بجد علي التأخير دا لكن حصل معايا ظروف صعبه و مقدرتش انزل والله ولكن تعويض عن كل دا في 3 بارتات النهارده ✨✨
اصعب حاجه ان الطفل يكون متشتت بين الحياه انا نفسي اسر يستوعب حياته الجديده ويعدي الازمة دي انشاء الله
حين تقع في الحب 2
البارت السادس والعشرون
للكاتبه /ندي علي حبيب
اسر بصدمه :مين قاسم هو بابا ازاي هو عمره ما قالي كدا
غسان حضنه :شوف انا بقولك كدا ليه علشان لما تكبر متقولش انت خبيت عليا انا ابوك وانت حته مني علشان من يوم ما اتولدت وانا بين ايدي وبين حضني قاسم برضو بيحبك وعوزك تعيش معاه بس انت هتفضل معايا انا تمام
اسر بدموع :طب وفين ماما
غسان واسر في حضنه:شوف بقي يابطل انا من وانت عمرك سنه وانا معودك انك مش هتعيط ابدا لما موضوع ماما فين دا انت عارف لو نور سمعتك هتقول ايه
اسر بضحك:هتموتني وهتقولي خير يا اسر بيه انا مش مكفيه ولا ايه
غسان بضحك وهو يزغزغ اسر :طب ما انت عارف اهو ايه رايك في قاسم ينفع اب ولا لاء
اسر :انت بابا وقاسم برضو بابا بس انا هفضل معاك انت
غسان باس راسه:وانا موافق يلا علي النوم علشان عندنا سفر بكر
اسر باس خده :تصبح علي خير
غسان بتس راسه وغطاه :وانت من اهله وطلع راح غرفته لقي عاصي نايم في حضن نور ونور نايمه ابتسم علي شكلهم وراح شال عاصي ونيمه في غرفته ورجع اخد نور في حضنه ونام
غسان وهو باصص لسقف :خليك معايا يارب اللي جي اصعب من اللي راح
نور بنوم حطت وشها في رقابته وباسته :وطي صوتك علشان عوزه انام
غسان ابتسم ونام في هدوء تام
........................
اشرقت الشمس لبدايه جديده ويوم جديد علي عائلة الالفي
قدام بيت الالفي
غسان كان لبس تيشرت ضيق بارز عضلاته وبنطلون ابيض وكوتش اسود ونظاره وكان وسيم جداً
غسان وهو بيحط الشنط في شنطة العربيه :نور ياجماعه يلا
نور من فوق:خلاص نازلين اهو
نفين :وانا هركب مع مين فيكو بقي
غسان باس ايدها:معايا يا ست الكل وفتح الباب تركب جنبه وركبت
نفين :انا هركب عنا ومراتك فين
غسان وهو ساند علي الباب :كدا كدا نور هتركب ورا علشان المطبات وهي حامل
نور نزلت وفي ايدها شنطة صغيره
غسان بستغراب :شنطة ايه دي
نور :الدوا بتاعي وبتاع عاصي وشويه اكل علشان الولاد في الطريق
غسان :طب يلا اركبي انتي وعاصي ورا اسر راح مع نسمه وابويا
نور :حاضر وركبت ورا
عاصي بفرحه :اخيراً هنروح مشواااار
نور :اهدي يا عاصي علشان ممكن تخبطني
غسان ركب وانطلقوا اللي القاهره
.................
في سيارة قاسم
اسر اللي عمال يصور
قاسم بضحك :يابني مفيش مكان ولسه متصورش انت محسسني ان رايح بريس ليه
اسر :انت مش عارف انا بعمل حاله علشان العيال يعرفو ان انا بخرج ياعم
نسمه بضحك:عات الفون وانا اعمل ليك استوري ترند
اسر اديلها الفون وهي صورت الطريق بحتراف
اسر:واو جميل لما انزل بقي
منير :انتو هتنزلو الشغل من امتي
قاسم :اول الاسبوع هننزل الشغل بقي الاجازة خلصت
منير :ربنا معاكو يابني
قاسم بحب:ويخليك يا حج لينا يارب نسوم مش عوزه حاجه
نسمه :لاء
قاسم :لا شيبسي ولا حاجه خالص
نسمه بلهفه :لاء عوزه كولا
قاسم بضحك:كنت حاسس وانت يا اسر بيه
اسر بغرور:شويبس من غير كلام
قاسم ابتسم :زي ونفس اللي انا بحبه
اسر بص ليه بعيونه اللي شبه جامد :اصل انا بحبه اووي
قاسم :تمام يابو الصحاب
.................
في سيارة غسان
عاصي اللي عمال يطلع راسه من الشباك
نور :عاصي دخل راسك
عاصي :متخافيش
غسان :اسمع الكلام يا حيوان
عاصي بعند:متخافش
غسان بغضب:تلاته بالله العظيم انزل اكسر راسك
نور شدت عاصي بخوف عليه :خلاص اقفل الزجاج
غسان قفله وعاصي قعد مربع ايده بغضب في نفسه:يارب كنت اكون انا ابوكم شبه الحج منير كدا وتيجو تخدو رأي في كل حاجه واقولكم لاء
نور فتحت الشنطه وبدات تعمل سندوتشات :خد يا عاصي كل
عاصي بغضب:مش واكل
غسان بص عليه في المرايا:ولا انا مبحبش العند كل احسن ماجي أكلك
عاصي اخد السندوتش واكله بغيظ
نفين بضحك:خرابي دا انتو دوشه مين يستحمل كدا
غسان :بالله مفيش غير الحيوان دا لسانه 8 متر
نور :خدي يا ماما السندوتش
نفين اخدته واكلت
نور :خد يا غسان
غسان :لاء مليش نفس دلوقتي
نور :غسان انت نازل علي معدة فاضيه كل السندوتش دا مش هيعمل حاجه
غسان :ولو مأخدتش دماغي هيوجعني طول النهار من نقك عليا واخد السندوتش وبدء ياكل
عاصي في نفسه :ياتري بابا كان عاوز اسر امبارح ليه انا ازاي انسي اسأل الولا اسر و ياتري بيعمل ايه دلوقتي قاعد قعدتي دي ولا بيلعب
نور بصت عليه بستغراب:بتخطط لأيه يا عاصي
عاصي :لا حول الله شوفت هي اللي عوزاني اناحي اهو وانا قاعد في حالي علشان متقولش انا مش متربي بس
غسان :بس يا نور اسكتي خليه قاعد ساكت ملكيش دعوه بيه
نفين :ابو لسانين اتكلم
غسان :احياناً بحس ان بربيهم هما وامهم
نفين بضحك :ربنا يخليك ليهم يارب
غسان بص لنور في المرايا اللي عماله تاكل لمون
غسان :نور ارمي الليمونه علشان متعملش قرحه في المعده
نور :لاء انا نفسي راحه ليها عوزه اكلها
غسان ابتسم عليها وكمل الطريق
.................
في منزل انتصار
عمر :نورهان نورهان
نورهان طلعت من المطبخ :نعم يا روحي في ايه
عمر بعصبيه :البطاقه بتاعتي فين
نورهان بستغراب:مش انت ديماً بتحطها في المحفظه هتلاقيها فيها
عمر بعصبيه :نورهان انا مش هسألك غير لما اكون دورت في كل مكان
نورهان :طب انت متعصب ليه بس
عمر مسح وشه بعصبيه :ادخلي يا نورهان مكان ما كنتي
نورهان مسكت ايده :يا روحي اهدي متشغلش بالك كل الامور هتخلص
عمر ابتسم ليها :حاضر المهم متتعبيش نفسك والبنات في الطريق
نورهان بفرحه :تعرف انهم وحشوني علشان كدا انا متحمسه اشوفهم
عمر باس خدها :بالله انتي اللي وحشاني
نورهان بتعبده :عمر ابعد في ايه
عمر :نصبر شويه كمان مش هنخسر حاجه
سلوي :نورهان نورهان
نورهان :جايا يا سلوي وراحت ليها وعمر طلع حديقة البيت يستني غسان
حين تقع في الحب 2
البارت السابع والعشرون
للكاتبه/ندي علي حبيب
بعد وقت كبير وصلت العيلة بيت انتصار
انتصار بفرحه :نورتونا والله وحضنت نفين نورتي يام غسان
نفين :بنورك يا ام عمر
غسان نزل سلم علي عمر :حبيبي اللي وحشني وحضنه وبعد السلام دخلو كلهم لجو
.....
في صالون البيت
العيله كلها قاعده وفرحانين
عمر بعد ما حكي علي احمد لمنير بشهادة غسان
منير :يعني يستحق ياخد سلوي ويحافظ عليها
غسان :هو من شغله معايا ومعاملته كويسه ومحترم
منير بص لسلوي :طب والعروسه موافقه ولا ايه
سلوي بكسوف:اللي تشوفه يا خالي
منير ابتسم :يبقي بعد بكرا الخطوبه
عمر :احم كلنا معزومين عند احمد بكرا
قاسم :يبقي علي بركة لله
نورهان ونور ونسمه اللي عمالين تتوشوشو
نسمه بهمس :عوزين نتكلم
نورهان بهمس:مش عرفه هنتكلم فين
نور بهمس:وطي صوتك يا طور انتي وهي
سلوي بهمس:تعالو الحديقه اللي ورا جميله نعد فيها
نور :اشطا يلا وقامو
غسان بستغراب:ريحين فين
نور :هنعد بكرا شويه نتكلم
قاسم بهمس:اللي مراته تقلب عليه يطلقها تمام
غسان :قاسم بالله متعملش السبع رجاله والاخر تنام في حضن عمر
عمر :ربنا يستر الثلاثي دول المفروض يبقو بعاد عن بعض احسن لينا
.................
في الحديقه
نور بتفكير:بنات ايه رأيكم ننام سوا والشباب يناموا سوا
نسمه :موافقه
نورهان:وانا كمان
سلوي:يبقي هنام في اوضتي
نور بدأت تصفق بيديها :ويا عروسه انتي القمر يا جمالك ويت حلوتك وبدؤ يصفقو ويغنو ويضحكو والشباب سمعينهم ومبتسمين
نفين وانتصار انضمو ليهم و بدؤ يغنو
والشباب اخدو الشيشه وطلعوا معاهم وكانو في حو اسري سعيد
منير :الواحد عمره محس بسعاده دي من زمان شعور جميل انك تحس انك بين ولادك واحفادك حاجه حلوه كدا
غسان :ربنا بخليك لينا يا ابا
عاصي نايم علي رجل نور
نور :سلوي اوضتك فين انيم عاصي علشا رجلي نملت
سلوي :اول اوضة في وشك اللي جنب المطبخ
غسان قام شال عاصي ونور دخلت وراه ودخلو قوضة سلوي
...............
في غرفة سلوي
غسان حط عاصي علي السرير وغطاه
نور :غسان
غسان بص ليها :نعم عوزه حاجه
نور حطت راسه في الارض بكسوف :فلوس
غسان بص ليها بعصبيه :مفيش فلوس انا مش هديكي
نور بصت ليه بستغراب:ليه انا عوزه الفلوس علشان محتاجها لو مش عاوز تديني عادي
غسان بعصبية مسك ايدها وقعدها علي السرير وقعد جنبها :انا بشتغل ليه انا بصحي بدري اروح شغلي ليه انا بقبض كل الفلوس دي ليه وبتروح فين مش علشان خاطرك وخاطر ولادنا عمري كله ليكم انتم وبس
نور غضت علي شفيفها :صح
غسان :يبقي ليه بتتكسفي لما تطلبي مني فلوس من يوم جوزنا مش احنا واحد
نور بص عليه :انت زعلت
غسان :مش قصة زعلت قصة ان بحس في فرق بنا
نور قربت منه ومسكت وحطت ايدها علي رقابته وباسته من شفايفه بتوهان :اسفه متزعليش مني يا روحي
غسان بخبث:اوباا دي لحظه تاريخيه مدام نور غسان الالفي قربت منه من غير كسوف لازم يكون في مكافأة علي الشجاعه دي ولسه هيقرب عليه
اسر خبط :بابا بابا
غسان بضيق :بالله لو مقطع الحظه كنت هقلق عليه ادخل يا اسر ادخل يا حبيبي
اسر دخل بشك ولقاهم قعدين قريبن :انتو كنتو بتعملوا ايه
غسان :لاء وبجح كمان
نور بضحك :عاوز ايه يا روحي
اسر :كلهم نامو وانا جي استأذن لو ينفع انام مع قاسم ممكن
غسان ابتسم :ممكن طبعاً
اسر ابتسم :يلا تصبحو علي خير وطلع
غسان :ها كنا بنقول ايه
نور :كنا بنقول يلا ننام علشان تعبانه واخدت بجامه من شنطتها
نور بتبص حوليها :طب اغير فين دلوقتي
غسان اللي كان قاعد علي كرسي ورجله علي السرير وبيلعب في فونه :في الاوضة علشان باين مفيش حمام هنا جوا الاوض
نور :هغير هنا ازاي يعني
غسان بخبث:اقوم اساعدك لو مش عرفه تغيري ازاي
نور بكسوف :لا لا انا هغير لوحدي بس بلاش تبص عليا
غسان برفع حاجب :احياناً بحس ان انا خطيبك مش جوزك
نور بدأت تغير قدامه وهي هتموت من الكسوف
غسان قام غير كمان ودخل علشان ينام جنبهم
نور اخدت عاصي في حضنها ونامت
غسان بغيظ:وخداه في حضنها ومدلع احلي تدليع ماشي ماشي بكرا نروح
نور بضحك :غير منه يا غسان غير من ابنك
......................
في غرفة نسمه
نسمه :قااااسم وطي الفون مش عرفه انام
قاسم :نسمه قومي بصي علي الفديوا دا كدا
نسمه بنوم :في ايه يا قاسم اسر نام وانا هموت وانام في ايه
قاسم قفل الفون وبص علي نسمه :انتي وحشاني اوي
نسمه بكسوف :وانت كمان
قاسم بص علي اسر :طب والعمل يا عم اسر
اسر بنوم :انتو وحشني برضو بس انا عاوز انام
قاسم بضحك :نامي يا نسمه الواد دا الواحد بقي يخاف منه
نسمه بضحك :حاضر ونامت
...................
في غرفة نورهان
نورهان بعياط :ياعمر بطني ااااه
عمر :طيب اهدي ايه اللي بيوجعك
نورهان :انا اكلت زياده النهارده علشان كدا بطني وجعاني
عمر :نورهان العمليه خلاص هتتعمل اهي الدكتوره قايله بلاش تضغطي عي نفسك
نورهان :بحاول بس تعالي كدا
عمر راح قعد ونورهان قعدت قدامه ورجعت ضهرها عل صدره وعمر حط ايده علي بطنها
عمر :مرتاحه كدا
نورهان غمضت عنيها بنوم :جداً
عمر فضل علي الوضع دا طول الليل
عمر بص عليها بنوم :عندي الموت اهون من ان اشوفك موجوعه او تعبانه من حاجه ورجع راسه لورا ونام
حين تقع في الحب 2
البارت الثامن والعشرون
للكاتبه /ندي علي حبيب
في الصباح الرجاله كانتو قاعدين علي السفره ونفين وانتصار والبنات كانوا في المطبخ بيحضرو الفطار في المطبخ
نسمه وهي بتشيل الاطباق :انا هطلع دول وانتو يلا تعالوا علشان هموت واكل
نور وهي بتعد علي الكرسي :خلاص ماشي اطلعو وانا جايا وراكو
عاصي :ماما انا جعان يلا خلصو
نور اخدت الباقي وطلعت هي والبنات وسلوي شايله الشاي وطلعو وكل وحده قعدت جنب جوزها
قاسم :الواحد كان فقد الامل ان ياكل النهارده
غسان بص علي نور اللي بتأكل عاصي ولكن وشها متغير
غسان قرب عليها :مالك
نور ابتسمت بتعب :كويسه متقلقش
عاصي وهو فاتح بؤه :يا ماما انا فاتح بؤي بقالي ساعه يلا عاوز اكل
نور حطت الاكل في بؤه : خد يا حبيبي كل
عمر قرب علي نورهان :بس نورهان
نورهان وهي بتبلع :نعم
عمر :انتي عملتي ايه من الاكل دا علشان يا روحي احنا عندنا خطوبه ومش عوزين نروح المستشفي
نورهان بغضب:كل يا عمر وانت ساكت انا قولتلك اه
عمر :حاضر
قاسم بضحك :كله فوق بيضرب لما بيتعدم
الكل ضحك علي كلام قاسم
منير :اسمعوا علشان نروح ومش عوزين نتأخر علي الساعه 6 المغرب هنروح عند الناس تمام
غسان :ودا رأي علشان الخطوبه تتحدد بعد بكرا ونرجع بقي علشان شغلنا
اسر :ماما انا عاوز سندوتش مربي
نور بتعب واضح :حاضر يا حبيبي وعملت ليه
نفين بستغراب :مالك يا نور فيكي حاجه يابنتي
نور :لاء يا ماما متقلقيش انا بس هدخل ارتاح شويه
غسان اللي مراقبها من ساعت ما قعدت ونور دخلت الأوضه وفضلت تعيط
................
في غرفه نور
غسان بلهفه :نور مالك في ايه
نور بعياط :عندي مغص شديد ومش قادره اقف علي رجلي خالص
غسان بخضه حضنها :اهدي يا حببتي تعالي مروح عهد الدكتور حالاً يلا قومي
نور برفض:لاء انا عوزه انام عوزه ارتاح يا غسان
غسان فك حجابها وحطه جنبه ونايمها علي صدره وبيمسح علي ضهرها :نامي يا روحي نامي
نور بتعب :الحمل دا صعب غير عاصي خالص عاصي كان صعب بس مكنش كدا
غسان برفع حاجب بغرور:دا ولاد الرائد غسان الالفي يا بنتي
نور ببتسامه :غسان انا كنت بخاف منك لدرجه ان كنت بتمني افضل مشفكاش ايام الكتيبه
غسان ببتسامه:ياااااه دا كانت ايام
نور :وقتها انت حبتني صح
غسان :اممم انا حبيتك مش من اول نظره والكلام دا انا حبيتك لما بقيتي حلالي مراتي قبل الجواز كان اعجاب بيكي لكن دلوقتي عشق يانور انتي ادمان صدقيني
نور كانت نامت و هو بيتكلم بص عليها بضحك :صدقيني انتي ادمان صعب العلاج منه وغطاها كويس وباس راسها وطلع من الاوضه
......................
في غرفة سلوي
سلوي بتتكلم في الفون بكسوف:احنا هنيجي عندكم النهارده
احمد بحب :وانا مستني الوقت علشان اشوفك يا سولي
سلوي ببتسامه :انت طيب اوي يا احمد
احمد بعشق :طيب وبعشقك يا سلوي بعشقك
سلوي بكسوف فقلت الفون في وشه :مستعجل ليه كدا دا تاني مكالمه بينا
نورهان دخلت وبتاكل جزره :سلوي وركزت في وشها بشك انتي حمرا ليه كدا
سلوي بتوتر:اصل اصل انا
نورهان وهي مغمضه عينها شويه :كنتي بتكلمي احمد صح ايوا شكلك بيدي علي كدا
سلوي بتوتر:ايوا كنت بكلمه
نورهان بفضول قعدت قدامها علي السرير :بتتكلموا في ايه ها
سلوي بكسوف:قالي انه بيحبني
نورهان :اهو اللي كنت خايفه منه حصل وخبطت علي ايدها نسمه دخلت
نسمه بستغراب:في ايه
سلوي بخوف:اصل احمد قالي بحبك ونورهان بتقول اللي خايفه منه حصل
نسمه بصت علي نورهان بغيظ :سلوي سيبك من البت دي خالص واوعي تسمعي كلمه منها علشان لو رديتي عليها انسي انك هتتجوزي
نورهان بغضب:ليه بقي ياست نسمه علشان انا مش بحب النحنحه والمياعه بتاعتكو دي ابقي بكون مش عوزها تتجوز
نسمه بصت لسقف :ياحظك يا عمر متجوز راجل
سلوي اللي عينها راحه جايا معاهم
نسمه :بصي يا سلوي بدام قالك بحبك عادي انتو كدا كدا هتتخطبو وبكرا هيكون جوزك فعادي بقي
نورهان :شوفتي بكرا لسه هيبقي جوزها لكن اوعي تقولي ليه بحبك انتي فاهمه
نسمه :سيبك منها خالص اسمعي البي بقول عليه خليكي الست اللي في حياته علشان لو تعاملتي بجفاف بالله مايستحمل يعد معاكي ساعه
سلوي :بس بس بس انتي وهي انا عرفه انا هعمل ايه بطلو تناقرو بعض كدا
نورهان وهي بتاكل الجزره :ايوا اسمعي كلام عقلك سيبك من الموكوس قلبك دا ونامت علي السرير
نسمه بغيظ:دا استفزاز رسمي
..............................
في فيلة احمد
احمد بسرعه:انا مش عاوز ولا غلطه عاوز كل حاجه في احسن صوره
الخدم :تمام يا فندم
سعيده بقرف :كل دا علشان ام سرم رد السجون اخص علي تربيتك
احمد غمض عينه :يا امي انتي وعدتني انك هتعدي اليوم
سعيده :بقي اربيك راجل والاخر السحليه دي تيجي تخدك متربي كدا
احمد بغضب:يعني كنت اتولد متجوز مثلاً قال متربي قال
سعيده وهي داخله الغرفه :كل واحد بيقع علي اللي شكله ودخلت
احمد :يارب عدي اليوم دا بذات علي خير
.......................
عاصي خبط علي الباب بتاع غرفه نور
نور تململت بتعب من احضان غسان واتعدلت علي السرير :ادخل يا عاصي
عاصي دخل وطلع علي السرير حضن نور ونور بادلته الحضن
نور :مالك يا روحي في ايه زعلان ليه
عاصي بحزن :علشان النونه مزعلك
نور وهي بطبطب علي ضهره :ومين قال ان النونه مزعلني
عاصي بص لعينها :علشان انتي مش بتنامي دلوقتي خالص
نور :بس انا تعبانه شويه علشان كدا نمت وبعدين الساعه كام دلوقتي
عاصي :مش عارف وبعدين نط علي بطن غسان اللي كان نايم
عاصي وهو ماسك ودن غسان :اصحي يابابا يلا بابا
غسان بنوم :نامي يا نور لسه بدري
نور وعاصي ضحكو
عاصي :انا عاصي مش نور
غسان قام بسرعه مسكه وفضل يزغزغ فيه وهو يضحك ونور بتضحك كمان
اسر اللي واقف قدام الياب مبتسم عليهم قاسم شافه واقف راح عنده
قاسم بستغراب:ايه اللي موقفك كدا يا بطل
اسر مسح دمعته بسرعه :مفيش انا كنت بدور علي عاصي
قاسم :تعالي يا اسر عوزك
اسر راح معاه وقعد في الحديقه الصغيره بتاعتهم :نعم
قاسم بحزن :انت عارف ان انا اكون
اسر :بابا انا عارف انك ابويا
قاسم ابتسم ليه واخده في حضنه :اسف سامحني ان خبيت عنك بس كان لازم
اسر مسح دموع قاسم :بلاش تعيط يا بابا مهما كان انك موجود جنبي
قاسم ابتسم بدموع :ديماً هكون جنبك ولا عمري هبعد ابداً
اسر :عاوز 10 جنيه
قاسم :الاستغلال اشتغل اهو
اسر :عاوز اجيب صوريخ
قاسم طلع 20 احلي صروخ ليك يامعلم
اسر اخد الفلوس وجري :شكراً يا بوب
قاسم ابتسم وبص لسما :الحمد الله يا رب ديماً ثقتي فيك بتكبري يوم عن يوم انت عظيم فعلاً حليت مشكله كنت مفكر ان لو ايه حصل مش هتحل الحمد الله وقام دخل جوا
غسان :يلا يا جماعه كلو يلبس علشان نروح
الكل راح علي غرفته يلبس ويجهز علشان يروحو عند اهل احمد
(انتظرو القادم )
الثقه بالله اجمل شعور في الكون كله الواحد بيجي وقت يقول مستحيل اعدي من المشكله دي ويفضل بأيام يفكر ازاي يحلها ولكن نسي ان في رب كبير موجود بقول (اسعي يا عبد وانا اسعي معاك )ودا اللي قاسم حسه لما فكر ان اسر مستحيل يتقبله كا اب ولكن ربنا قادر علي كل شئ
👌🏻👌🏻👌🏻👌🏻👌🏻✨
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الروايه كامله من البارت الاول حتى البارت الثلاثون من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق