رواية الجامحه والبدوي الفصل الاول والثاني والثالث بقلم الكاتبه ميفو السلطان حصريه وجديده على مدونة النجم المتوهج للروايات والمعلومات
 |
رواية الجامحه والبدوي الفصل الاول والثاني والثالث بقلم الكاتبه ميفو السلطان حصريه وجديده على مدونة النجم المتوهج للروايات والمعلومات
البارت الاول
كانت جالسه تستدعي النوم بصعوبه فايامها أصبحت مرهقه وجامده ايام رتيبه رتابه الموت وجمود غير عادي لتحاول ان تأخذ قسطا من الراحه من حياتها المؤلمة لتحاول ان تدخل في النوم
. لتدخل عليه اختها رودينه لتهتف وتقول.. سوسو يا سوسو يا سوسو..
لتقطب سهيله جبينها.. عايزه ايه داخله بغاغه انا جايه تعبانه ماتسيبيني ارتاح.
لتقترب منها وتقبلها... قومي بس يا قمري عايزاك.
لتتنهد سهيله وتجلس... عايزه ايه يا اخره صبري.
لتقول رودينه.. بصي بقه انت مش اختي حبيبتي هاه وبموت فيكي.
لتهتف سهيله بتزمر.... اخلصي في ليلتك الطين عايزه اتهبب.
لتقول رودينه.... بصي بقه ورحمه بابا لتوافقي والنبي يا شيخه فوقيلي كده وابقي اتهببي كمان شويه . فيه رحله لسيوه ونازله وعليها تخفيض والله يعني مش هكلفك وانا محوشه فلوس والنبي يا سوسو هموت واطلعها.. الناس بتطلع وانا قاعده بطه بلدي... بلاص مش والنبي يا سو
لتهتف سهيله... غوري ابت مصحياني عشان كده..
لتدمع رودينه.. كده يا سوسو هو عشان انا ماليش حد تتحكمي فيا كده دانا مابخرجش في حته وانت كبتاني هطق البنات بتخرج وانا لا والنبي ورحمه بابا توافقي.
لتهتف سهيله.. رودي انت عارفه اني مابحبش كده وماتبعديش عني ولازم تبقي تحت عيني يبقي لازمته ايه الكلام.
لتنزل دموع رودينه.. خلاص انا عارفه اني هعيش مقهوره خلاص.
ليرق قلب سهيله فهي نقطه ضعفها الوحيده لتقول.. مانت عارفه اني ماقدرش اسيبك لوحدك اعمل ايه خلقتي كده مابعرفش.
لتهتف رودينه... طب ماتيجي معانا انت والبت هاله اهي مرزيه تحت وهتفرح.
لتقول.... اجي فين انت هبله انا فضيالك عندي شغل.
لتصرخ رودينه... شغل شغل يا بنتي بقالك تلت سنين ماخدتيش يوم اجازه هو انت عبد اسود.. يا بت بقيتي دكر مقشف من كتر مانت بومه.. عجوز في السبعين.. والنبي يا سوهي توافقي عشان خاطري ورحمه بابا.
لتتنهد سهيله.. طب بس بس هشوف بس ماوعدكيش.
لتقفز رودينه وتقبلها بحبك يا عسليه يا مزه يا قمر انت لتقبلها بقوه.. ايه يا بت الحلاوه دي دانا لو راجل هاكلك.
لتقطب سهيله جبينها لترتبك رودينه وتحتضن اختها... والنبي اسفه والله ماقصد ازعلك..
لتبتسم سهيله مرغمه.. لا يا حبيبتي يلا سيبيني انام بقه.. لتظل رودينه تنظر لها بحزن ثم تقبلها وتقوم وترحل.
لتنام سهيله وقد احست بالاحزان تعود اليها فهيا من الاساس لم تفارقها فسهيله فتاه في الخامسه والعشرين من عمرها من اسره طيبه ميسوره الحال الي حد ما تعيش مع عائلتها في بيت العائله.
عائله الورداني في الدور الاول يمكث الجد والجده ومعهم خادمه تخدمهم وهذا مكان ومستقر الجميع وتكون وجبه العشاء هيا الموعد الرئيسي لتجمع العائله .
اما الدور الثاني فهو للابن الاكبر عصام وزوجته فتحيه ولهما ابنان الكبير كريم والاصغر حمزه والابنه الصغري هاله.. كان كريم شخص مستهتر الي حد ما يحب المرح ولا يتحمل المسئوليه وشارد مع نفسه بعيد عن العائله. اما حمزه الاصغر فهو شخص صلد كالصخر جاد ورزين يحمل شغل ابيه علي عاتقه ويعمل في التجاره ولهم شركه يقوم هو بالاشراف عليها مع والده ولكنه هو له اليد العليا نظرا لقوته وذكاءه. اما هاله ففتاه جميله حالمه تحب عائلتها فتاه وديعه الصديقه الحميمه لابن عمها رودينه .
اما الدور الثالث للاخ الاصغر عاصم وهو قد توفي وله رودينه وسهيله. وربتهم امهم امينه ورفضت اي اعانات من الاسره وكانت تعيش علي معاش زوجها الصغير ومبلغ اخر ياتيها من بلدها من ورث صغير لها يعينها علي الحياه وربت فتاتين ولا اروع. سهيله الكبيره واصبحت في الخامسه والعشرين ورودينه واصبحت في الثانيه والعشرين.. فسهيله خريجه فنون جميله وتعمل في مجال الجرافيك ديزاين كانت فتاه محبه للحياه وكانت تعشق ابن عمها كريم وكان هو يري ذلك فتماشي معها ودخلا معا في علاقه حب كانت علاقه حب رهيبه من ناحيه سهيله. الا ان كريم باستهتاره لا يمانع ولكنه ليس جادا فكان يشاغلها فهو يكبرها بخمس سنين كان لم يتخرج ومازالت هيا في الكليه وكانت ملتصقه به كضله لا تفعل شيئا الا باذنه كانت كالملاك جميله حالمه تحب وتعشق شخصا ليس لها فهو ياخذ حبها ويترجمه كتحصيل حاصل وحاول اكتر من مره ان يتجاوز ولكنها كانت تخجل وتغضب ليعاود ويصالحها لتستجيب علي الفور كانت هيا تعيش من اجله انثي رائعه تفتحت عينيها عليه ولا تعرف غيره وهو متحكم فيها كانها ممسحه يفعل بها مايشاء يبتعد و يقترب وهيا لا تعترض كانت مغيبه لا تري شخصيته المستهتره وتنتظر بفارغ الصبر ان ياتي اليوم التي تكون له وكلمته كثيرا وكان يتحجج بجامعته فكان يرسب كثيرا فكانت تنتظر فلا حيله لها كانت هيا في اول سنه في الكليه لتصاب بفاجعه موت والدها لتحس بالدنيا تخلو من حولها لتلتصق بكريم بشده غصبا عنها ليحس هو بذلك وبدا يستغلها وبدا هو في تلمسها بين الحين والاخر ولكنها كانت تعترض بشده وزادت تجاوزاته خاصه بعد موت عمه لياتي يوم اسود قلب حياه سهيله علي النقيض من تلك الفتاه الحالمه المحبه لفتاه قاسيه متوحشه لا تابه لاحد ولا تجعل اي كان يقربها فكانت سهيله ذات يوم قد جهزت العائله كلها لكي يذهبون الي مناسبه احد الاقارب لتتعب سهيله ولا تستطيع الذهاب معهم ليخلو البيت من الكل الا من الجده التي كانت الي حد ما متهالكه الصحه ليخلو البيت ليعود كريم الي البيت ويذهب الي شقه عمه ويذهب اليها لتفتح اليه كانت جميله فاتنه شعرها منسدل وعيونها تشع جمال وبراءه ليدخل علي الفور لتستعجب هيا لتقول.. ايه يا كوكو انت مش في الفرح ليه
ليهتف بخبث.. كوكو جه عشان حبيبه فرح ايه اللي اسيبه ده.
لتخجل وتقول.. بس بقه عيب كده يلا انزل مفيش حد هنا.
ليبتسم.. مانا عارف وقلبي جابني ليشدها اليه وحشتيني وهموت عليكي وحاول ان يقبلها
لتبعده.... بس بقه عيب انا مش بحب كده
ليشدها ويقول.. بس انا بحب يا بت انت هتبقي مراتي بس اخد الشهاده ونتجوز انا كلمت بابا.. وكان كاذبا.
لتفرح وتقول والنبي يا كوكو بجد يا قلبي.
ليهتف بخبث.. انا ليا غيرك وشدها اليه وشدد عليها وقال هاتي بوسه بقه عشان انا ماعتش قادر.
لترتبك وتهتف لا يا كوكو عيب.. اما نتجوز
ليقول.. كده هزعل وانا زعلي وحش
لتهتف... لا والنبي ماتزعل بس مش هقدر انا كلي ليك لما نبقي في بيت واحد.
ليتذمر ساخطا.. سهيله انت مابتحبنيش اللي بيحب بيسعد حبيبه وانا هموت عليكي انت مراتي من دلوقتي.
لتحزن وتمسك يده... اخص عليك دانا بعشقك
ليشدد عليها ويهتف... خلاص اعشقيني صح بقه وشبعيني يا بت انا والع مش قادر وشدها اليه وبدا يقبلها لتحاول ان تبعده الا انه شدد عليها.
لتصرخ..... كريم اعقل انت اتجننت كريم انا خايفه الا انه لم يسال في اعتراضها ليشدها اكتر ويرفعها ويدخل بها حجره النوم.
لتصرخ كريم انت اتجننت انا سهيله يا حبيبي انا حبيبتك لتجده يخلع قميصه لتصاب بالذعر وتسمعه يهتف... بصي بقه انا جبت اخري يا تديني بمزاجك يا هاخدك غصب..
لتنظر اليه برعب وتحس بفاجعه لما تراه من نظراته لتصرخ.. كريم انت اتهبلت اخرج بره انا ماعتش هكلمك تاني اخص عليك كده انا حبيبتك.
لينقض عليها ويهتف بس بقه بلا حبيبتي بلا بتاع انا هموت عليكي يا شيخه جسمك هيموتني وماعتش قادر ليقترب ويمزق ملابسها بعنف.
لتصرخ وتحاول ان تمنعه كان عنيفا لتصرخ ويعلو صراخها لتتفاجا انه بدا يضربها بشده الا انها لم تستسلم وعلمت من نظراته انه شيطان وتحول ولن يفلتها لم تعلم ماذا تفعل كان يمزق ملابسها وهو يحاول ان يقبلها ومسكها من شعرها وخبطها في الباب لتنزف وتزوغ عينها لتقع لينام فوقها وبدا يقبلها بعنف ويده تجوب جسدها يجتاحها بوحشيه الا انها علمت ان حياتها وشرفها علي المحك ورغم ترنحها الا انها تجلدت واعطاها الله قوه لتضربه بشده وتدفعه ليمسكها من قدميها لتسقط علي السرير لينحدف عليها بعنف وقد هاج من منظر جسدها العاري وهيا تصرخ وتصرخ وتتوسل اليه ان يرحمها وتذكره بانها شرفه وعرضه الا انه لم يستجب كانت أصبحت هالكه فهو يضربها بشده ويجتاحها ويمزق ملابسها كانت مأساه بشعه تمر بها انقلب الحب الي سواد والعشق الي جحيم والحبيب الي شيطان غادر.
ولكنها لم تستسلم لتتململ بقوه وتقع من علي السرير لتهب ليمسكها من شعرها ويديرها ومسك رقبتها ليضغط عليها لتستسلم له كانت تشعر انها ستموت ولكن قررت ان تموت بشرف لتندفع بداخلها قوه ربانيه لتدفع قدمها وتخبطه بشده وعنف بين قدميه ليتراجع ويصرخ لتهب كالرمح وتخرج من الحجره ثم من البيت ليلحقها لتنزل السلم جريا وصراخها يعلو المكان لتحس بها جدتها وتسمع صراخها العالي لتهب من حجرتها وتذهب لتفتح الباب لتجد ما وقف قلبها فسهيله تنزل السلالم والدماء تعلو وجهها وملابسها ممزقه وجسدها عاري وتنتحب وتصرخ بهستيريه ومتشحه بالكدمات لتنحصر الجده وتلطم خدها. وما ان وصلت سهيله اعل السلم ورات جدتها بالاسفل حتي انهارت واغشي عليها لتسقط من علي الدرج وتنتهي عند اقدام جدتها مغيبه لا تحس بشئ لتسمع الجده صوتا اعلي الدرج لتنصعق وتنشل اكتر لتجد كريم ابن ابنها يقف ووجهه عليه علامات العنف وملئ بالخرابيش وعاري الصدر وجسده ملئ بالسحجات وعيناه تشع نار لتخبط علي صدرها وتصرخ.
ليبهت كريم ويحس بالمصيبه التي فعلها ليرجع علي الفور ويدخل شقته مرعوبا ويدخل ولا يعلم ماذا يفعل فهو ظن انه سياخذ منها ما يريد كونها تعشقه وسيضغط عليها لتصمت وسيمر الامر الي ان يجد حلا ولكنه لم يظن انها ستصبح هكذا وبهذه القوه الضاريه
اما الجده فدخلت مرعوبه تتصل بالجد لياتي الجميع ويعم الهرج والمرج ويعلو النحيب ويحمل حمزه سهيله ويدخلها بيت الجد ويحضرو الطبيبه لتخبرهم انها محاوله اعتداء وانها نجت منها وانها دخلت في انهيار وستنام لفتره.. لينشل الجميع وتنوح امها والكل حولها وصعد عصام لابنه وهجم عليه وابرحه ضربا وانقض عليه حمزه فهو رجل حر ايضا واصبح كريم لا حول له ولا قوه.
لتمر الايام سواد علي البيت ورودينه تلتصق باختها رعبا مما رات فهيا روحها فسهيله كانت شعاع من الحنان والعطاء ليمر اليوم تلو الاخر ليقف عصام لامينه ويقول.. اسمعي يا امينه انا عارف ان ابني عمل عمله ما تتغفرش بس انا بقول نلم الدنيا ونجوز البت للواد هما بيحبو بعض والا ايه يا حاج..
ليهتف الجد.. عمله اسود ومهبب الواطي والله لو طلت اجيب رقبته..
لتهتف امه فتحيه.. معلش يابا الحاج شاب وطايش وبيحب البت وهيا بتحبه يبقي خلاص والنبي نجوزهم ونسترهم.
كان كريم يقف مطاطي الراس ليهتف عصام انا هتكفل بكل حاجه يا امينه وهعملها فرح الدنيا كلها تتحاكي عنه وهجبلها عفش وشقه ملوكي والواد ده هينزل يتهبب الشركه مع اخوه..
لتجلس امينه تبكي بلا حول ولا قوه فهي طيبه وليست قويه فموت زوجها كسرها لتاخذ رودينه في احضانها لتقول اما تفوق يا عصام حاضر
لتهتف فتحيه... احنا هنحضر كل حاجه علي ماتفوق وتحضر الفرح وتبقي ست البنات لزينه الشباب دا الشارع كله بيحسدنا علي ولادنا.. يلا نحدد بقه الفرحه الكبيره
ليصمت الجميع فجاه وينذهل لسماع صوت سهيله القوي الذي خرج كطوفان
..لتقول... فرحه ايه اللي هتبقي كبيره يا مرات عمي كانت سهيله منظرها بشع كدمات وسحجات ووجهها بلا ملامح وراسها مربوط نتيجه الخبطه فقد انفتح جبينها لتقف وقد تحولت سهيله وقدت من حديد.
لتهتف زوجه عمها.... حمدالله عالسلامه يا حبيبتي.. انا عارفه انك زعلانه بس والله ابوه واخوه هروه ضرب ودا كوكو حبيبك برضه وبيحبك وغلط ويعتذر. لتستدير مش كده يا زفت وهنعملكو فرح مااتعملش لحد.. واللي هتشاوري عليه هنجيبه يا قلبي دا يوم الهنا لما سهيله تبقي لكريم وكريم يبقي لسهيله..
لتهتف سهيله بجمود لم يعهدوه من قبل ... اممم سهيله لكريم اه صحيح لازم سهيله تبقي لكريم فعلا مايصحش.
لتهتف فتحيه.. معلش بقه دا كوكو سيد الرجاله ما هتلاقي زيه.
ليتفاجا الجميع عندما انفجرت سهيله من الضحك وتدخل في هستيريه والكل قد انشل لتخرسهم بفعلتها ولكنها تعود بعد فتره وقد تصلب وجهها وتوحشت عيناها وهتفت بقوه لم يروها فيها من قبل وتقول...
الجامحه_والبدوي
mevo
البارت الثاني..
كنا قد تركنا سهيله وقد انهارت ضحكا لتقف مره اخري ويتحول وجهها بلا ملامح وتقول بقوه.. هو مين اللي كريم لسهيله وسهيله لكريم.. هو مين كريم اصلا والا فين كريم.
لتبهت فتحيه.. ايه يا سهيله كريم حبيبك.
لتهتف بقوه.. دا كان. دا ماضي واندعك في الشقه ومات عالسلم.. كريم ده تاخدوه ترموه في اقرب زباله بس يا ريت تنضفوه قبل مايروح الزباله الا الزباله تزعل.. اتجوز مين ده.. ليه حد قالك اني باخد كسر رجاله وزباله البشر.. حد قالك اني ارضي بقرفكو.. لتذهب الي كريم..وتنظر اليه لتهتف بصلي..
كان مطأطئ الرأس ليرفع وجهه لينصعق عندما رفعت يدها وصفعته علي وجهه بقوه مذهله. ليبهت ويتراجع... لتهتف بقوه... انت فاجر ليه كده.. عايز تتجوزني دا انا اقتلك واقتل نفسي قبل ماكون ليك.
ليهتف عصام... اهدي يا حبيتي هو غلط وهيراضيكي.
لتسخر منه.. غلط ليه كان داس علي فستاني ولا وقع عليا كوبايه شاي.. دا شرفك يا عمي يا كبير ترضاها لهاله والا عشان ابويا ميت هتلزقوني له وتلمو الليله.. بس لا انا زي مانا بس نضفت.. البيه العالي حبيته والحمد لله عمل عملته اللي شكل وشه وعرفني هو اد ايه واطي.. جايين تلمو الليله وعشان امي طيبه وغلبانه تجوزوني الواطي ده بدل ماتطردوه بره وتنضفو البيت منه منقوع النجاسه ده.. لتقترب من كريم.. تصدق انا حاسه اني كنت عاميه عمي السنين ازاي ماكنتش شايفه وساختك انت ازاي وسخ كده دانا قارفانه قرف يا اخي ايه ده.. دانا كنت في وحل وربنا نجاني.
لتستدير لتقف لجدها. اسمع يا جدي الواد ده خلاص لو مات وحفي وهو أصلا ميت ماهيقربش مني واه ليك تختار دلوقتي يا تقعد بناتك في البيت ومرات ابنك يا نمشي والواد ده يقعد.
لتخبط فتحيه علي قلبها.. ايه عايزاه يطرده بره البيت انت اتجننتي.
لتصرخ.. هو المفروض يقتله مش يطرده اللي يعمل كده مالوش قعاد فيها انا بقول اهوه اختار يا جدي ولو اختارته ماهتشفناش العمر كله.
لتسقط فتحيه ويضع عصام يده علي راسه والجميع في وجوم ليمر الوقت.
ليقف الجد ويذهب لسهيله وياخذها تحت ذراعه ويقول لعصام... شوف لابنك حته يترزي فيها بعيد عن هنا ويقعد لوحده دا حكمي عليه وماعادش يعتب البيت ولا له فيه.
لتصرخ فتحيه.. لا والنبي يا حاج لا والنبي دابني البكري.
ليصرخ الجد.... لو عايزاه حصليه لتصمت قهرا فالجد قوي وكلمته مسموعه ليمتثل عصام ويتحول البيت الي بيت اخر وتشيل النفوس ويتغير الكل فعصام اصبح مهموما وفتحيه مغلوله بشده واصبحت لا تطيق امينه ولا اولادها وبدات المشاكل تتفاقم وزالت الالفه بين النساء فلا يجتمعون الا ويحدث مشكله.. وتجنبت امينه العائله ومرضت وتعب قلبها اما سهيله فاصبحت فتاه اخري ماتت سهيله الحنونه الطيبه الطفله البريئه لتحل مكانها فتاه متوحشه تنهش قلب من امامها. تكره الرجال ولا تقربهم ولا يجرؤ رجل ان يقربها واذا حدث تجعله مسخه وعبره. تحولت سهيله وبدات تنحت ايامها وتجتهد في دراستها حتي تخرجت باعلي تقدير وكانت قد اتت لها منحه في احد الشركات الكبري لتعمل فيها بأجر جيد تساعد والدتها وهيا في دراستها وكل ذلك لاجتهادها فكانت نابغه وتاكل من امامها باجتهادها وشغلها لتتخرج لتتعين بمرتب مجزي مصممه جرافيك للاعلانات ونجحت في مجال الماركتينج واصبح لها اسم فشغهلها مميز وذو ثقل.. نست سهيله حياتها الشخصيه ونست الفتاه الحالمه التي كانت عليها وتبدلت لتصبح رجلا في تصرفاتها انثي في ملامحها كانت اتشحت بالوقار ولا تلبس الا ما يريحها واصبح سمتها رجولي لا تظهر انوثتها كانت ذو جسد رائع ولكنه مختفي وراء الملابس الكاجوال الواسعه التي هيا اقرب للرجال كان شعرها رائع يتساقط عليها كشلالات حريريه تتهدل علي كتفها لتمنع اي كان ان ينظر اليه ويراه لتعقده علي مر سنينها لا تسدله ابدا حتي تناست اصلا انه موجود.. كانت سهيله الجمال والانوثه والرقه لتمر بكبوه وغرزه في قلبها لتتحول لسهيله القوه والجموح. سهيله التي مات قلبها بعد ان مزقها من ظنت انه حبيبها.. مات قلب نابض حالم ليحل محله قلب لا يتاثر لا يحزن ولا يفرح قلب يعيش بلا نبض.. لتعيش سهيله بقيه ايامها مثال للفتاه الحره الطليقه التي لا يقدر عليها احد من عنفوانها فكان من يقربها يخافها بقوه فتحولت الي رب العائله تتحكم فيهم وتخاف عليهم وتضع اختها في مكان لا تتخطاه فالتصقت بها اختها وكان ما مرت به جعلها شخصيه خائفه لا تتحرك الا باذن اختها فرودينه رقيقه حالمه ليست مثل سهيله وتمتثل لاختها كانها امها وفي وجود سهيله لا يقوي احد علي الاقتراب من امها واختها كانت تعمل والعمل حليفهاولا تعرف ولا تريد شيئا من الدنيا الا عملها. اما من تسول له نفسه ويقترب من قلبها تنهشه وترديه صريعا يعض علي يديه بعد ان تجعله مسخه للكل.
كل ذلك دار بمخيلتها وهيا تنام ليحل عليها التعب وتتنهد وتجلس غاضبه فهيا كلما تذكرت ذلك الحقير تغضب حتي بعد ان حاول مرارا ان يتوسلها لتعفو عنه فهو اصبح مقيت بالنسبه لها وكان قد عمل مع اخيه في الشركه ولكنه ليس مثل اخيه فحمزه شخص يتسم بالاحترام والجديه ولا يقبل بغير ذلك وكان يقدر ابناء عمه ويراعيهم ولكنهم لا يعطونه فرصه ليكفر عن ذنب اخيه..
كانت سهيله تمنع رودينه من النزول الي بيت عمها ابدا واذا نزلت بيت الجد تستاذنها اولا لتجلس سهيله والغضب ياكلها.. الله يسامحك يا رودي بس انا ناقصه قرف. لتدخل عليها امينه وتقبلها.. ايه يا حبيبتي ماتقومي يلا جدك مستنينا نتعشى.
لتتنهد.... مش عايزه يا ماما هنام تعبانه.
لتهتف..... يابنتي عيب كده جدك بينقهر وانت كل فين وفين اما بتتجمعي معانا يلا يا قلبي..
لتتنهد وتقول.... حاضر يا ست الكل عيوني بس بقلك الوليه اللي اسمها فتحيه لو فتحت بقها هشقها نصين.
لتضحك امينه.. يا لهوي يا بت اهمدي دا فتحيه ما بتنطقش اول ما بتتدخلي.
لتقول ساخره.... اه مانا عارفه كفايه لما ببقي مش موجوده بتسمعكو الهم كله انا نفسي اعرف الوليه دي ما بتهمدش وتتكسف بقه ماتغور مع اللي غار.
لتتنهد امينه..... خلاص يا قلبي والنبي ماتغضبي قومي يلا.
لتقوم وتنزل معهم ليتجمع الجميع ليجلس الكل وتجلس فتحيه مغصوبه ولا تنطق لتنظر اليها سهيله بسخريه ازيك يا مرات عمي داخله ساكته يعني داخله علي يهود.
لتتذمر وتهتف. ايه يا سهيله َماتخليكي في حالك.
لتهتف.... الجده خلاص بقه مش قصه كل يوم
لتدخل هاله وحمزه لتقوم رودينه وتقبل بنت عمها لانها رفيقتها وانتيمتها ولا تنظر الي حمزه الذي يحس بالغضب كثيرا لتجاهل رودينه له فهو رغم جديته وسيم وذو قوه وتتهافت عليه النساء ولكنه لا يأبه بهم وياتي عند تلك الصغيره ولا يعلم لماذا يغضب عندما لا تنظر اليه او تتهافت عليه فوجوده في السوق جعله شخصيه ذو ثقل فاصابه بعض الغرور ولكنه في نفس الوقت شخص جدير بالثقه محبوب من الكل وليس له في امور الهزل والمسخره رغم انه يقابل من يتمنون ان يكونو بين يديه طواعيه..
ليفوق هو من سرحانه علي كلام رودينه..... بت يا هاله رحله سيوه يا بت هحجزها وحجزتلك مكان ايه رايك لو كده قولي هاكد الحجز هتنقعد اربعه ايام وهياخدونا من البيت للبيت يا لهوي قلبي هيقف.
لينظر حمزه بغضب.. قلبك ايه اللي هيقف ورحله ايه ياختي اللي عايزه تطلعيها وتباتي بره انت اتهطلتي في عقلك والا ايه فيه ايه يا مرات عمي البت دي بتقول ايه.
لتقف رودينه وتضع يدها في وسطها.... بت ايه ماتحترم نفسك حد كلمك اش دخلك انت..عيل بومه.. بتنعق ليه فيها انت مالك بيا. كانت رودينه فتاه رقيقه جميله ولكنها امامه تغضب من تعاليه فهو ما ان يتكلم حتي تثور وتصبح كالقطه التي تنهش عدوها..
ليقف لها.. ماتتلمي ابت انت. شوفي انت بتكلمي مين انت اتجننتي والا ايه.
لتدمع عين رودينا وتتراجع من لهجته فهيا ما ان يثور تخاف وتتراجع وهو امامها قد تحول لغضب جارف.
لتقوم له تلك المتوحشه لتنهش قلبه وتقف وتبعد رودينا.. اقعدي كده شويه اما نشوف الليله دي.. لتنظر اليه بسخريه.. هتكون بتكلم مين يا سي حمزه عرفني كده ليكون فيه جديد والا حاجه وطلعت القمر وبتكلمنا من هناك فيه ايه ماتفوق انت بتكلمها ليه كده اصلا ليك عندها ايه.
ليتنهد حمزه فهو يعلم ان وقوفه امام سهيله لن يجلب الخير فهي ليس لها رادع وهو لا يريد ان يغضبها هيا بالذات فهو قد احتك بها كثرا لتغضب منه وفضلت فتره منزويه وتمنع رودينه من النزول فهما شبه ملتصقتان فحرقه ذلك ولكن لا يعلم لماذا يمتثل لها ولا يريد ان يعاديها رغم انه قوي ويمكن ان يقف لها ولكن كونها تمنعهم من التواجد يحرقه بلا سبب ليتنهد ويقول.... فيه ايه يا سهيله انت راضيه انها تروح لوحدها حته عيله.
لتهتف رودينه.... انا مش عيله انا عندي اتنين وعشرين سنه والله فيه ايه كل شويه عيله. انت اللي عجوز وشايب.
لتلوح علي وجهه شبه ابتسامه لينظر الي سهيله اتفضلي.. ها هتسيبي دي تبات بره
لتصرخ رودينه ايه دي.. ماتحترم نفسك يا بومه انت.
ليهتف بغضب.... ماتلميها بقه انا ساكت عشانك
لتلتصق رودينه بسهيله.. لا يا اخويا ماتسكتش ووريني هتعمل ايه ليك عندي ايه تسكتني دا ايه ده..
لتدخل سهيله.... بس بقه انتو ديوك لتنظر لحمزه وتقول ماتقلقش يا حمزه انا عارفه انك قلقان بس انا هكون معاهم..
لتلين ملامح حمزه ليهدا ويقول ماشي ان كان كده.
لتهتف رودينه.. هو ايه اللي ماشي. ولو مش ماشي عندك يمشي عندنا دا ايه البلاوي دي.
لينظر اليها بغضب ويقترب منها لتلتصق من سهيله ليهتف بغضب.. ايوه ياختي لمي نفسك وارشقي فيها اوي لما بتكون هنا بتتفرعني غير كده بتقلبي بطه بلدي مابتنطقيش ماشي يا رودينه ان ماعرفتك تكلميتي ازاي.
لتنظر اليه وتطلع لسانها وتقول.... يلا يا شاطر بلا تعرفني بلا تعرفك هوينا.
ليظل واقفا والغضب ياكله ليقول طب عشان لسانك ده هاله مش طالعه.
لتدمع عينها وتهتف.... لا بقه حرام عليك
لتصرخ هاله.... لا والنبي يا حمزه عشان خاطري
لينظر بخبث.... طب هيا اختها َمعاها. انا مش هامن عليها
لتهتف سهيله... ايه يا حمزه هاله زي رودينه انت عقلك خف واللي يقرب منهم اشقه نصين
ليهتف.. لا انا مش هامن خلاص قلت كلمتي وذهب وجلس بعيدا
لتبكي هاله لتفكر رودينه.... طب ايه عبوشكلك الرحله هتبوظ منك لله لتاتي اليها فكره لتذهب اليه مرغمه.. وتقول ميزو بقلك ايه يا واد
ليرفع جبينه من طريقتها فهي تتكلم بمهادنه ليقول.... بقي انا واد نعم عايزه ايه.
لتخبطه وتقول... ما تبقاش قفوش كده ماتيجي معانا يا واد تسلي سهيله مانتو شكل بعض غفر وبومات وانا والبت هاله نتشهيص ونفرح مع اصحابنا..
ليرفع حاجبيه ويقول.... لا والله بقي احنا بومات وشكل بعض يلا يا بت من هنا فاضيلك انا.
لتدمع عينيها وتنظر اليه ببراءه وتجلس بجواره وتمسك يده وتهتف.... والنبي يا حمزه هموت واروح الرحله وهاله انت عارف روحي
ليحس بقلبه ينبض من لمستها ويحن قلبه لمراي دموعها وحنيتها المفرطه ليتنهد ويقول بلا وعي.. حاضر عيوني انت تؤمري..
لينصعق ويتراجع عندنا تقفز صارخه وتهتف لووولي اخير وافقت دانت عيل ثقيل وذهبت لهاله وظلا يقفزا فرحا تاركه حمزه منصدم.. ايه ده انا ثقيل البت اتقلبت في ثانيه نيمتني ووافقت. قلبتني ايه ده وانت مالك اتهببت اتسهتنت كده ووافقت زي فرده الجزمه ومانطقتش. طيب يا جزمه ان ماكنت اقطم رقبتك شوفو بتتنطط ازاي ايه دي عيله مابتكبرش. بس قمر يخربيت كده.. لينهر نفسه فيه ايه يا زفت ماتتلم ليعود الي طبيعته الجامده ويجلس لا مبالي باي حد
ليتجمع الجد ويعلم انهم سيذهبون في رحله ليسعد ويطمئن ان حمزه معهم ليهتف.. ابقي خد فلوس معاك كتير ماتخليش ولاد عمك محتاجين حاجه..
لتهتف سهيله.. كتر خيرك يا جدي ولاد عمه مش محتاجين انا كفيله باختي اطمن انت عارف
ليهتف بوجع.. برضه يا سهيله يا بنتي دانا جدك هو انا غريب كل شويه تقهريني كده.
لتقول.... بعد الشر عليك يا حبيبي بس معلش انت عارف والله مابرتاح ربنا يخليك مش محتاحين والله ولو احتاجت هقول انا ليا مين غيرك.
لتهتف فتحيه بغل.. ماتسيبها يا حاج بقت شملوله وبتصرف..
ليصمت الجميع ويعلمو ان سهيله لن تصمت لتستدير لها سهيله وتقول.. الحمد لله اني شملوله ومابحتاجش لحد يا مرات عمي الدور والباقي عللي بيشحت اكله من ابوه وامه واطلقت ضحكه لتقهر فتحيه
ليهتف الجد بس بقه مش قصه خلونا ناكل بهدوء وشرع الجميع في الاكل وذهبا ليجلسا لبعض الوقت ثم بداو بالانصراف.
لتنتهي الامسيه وتصعد هاله ومعها رودينه ورائها حمزه وسهيله لتهتف رودينه بت ابقي اطلعي وريني هتلبسي ايه عشان انت فقر ومابتعرفيش تلبسي هتفضحيني وسط اصاحبي لتذغدها هاله
ليهتف حمزه اه هيا مابتعرفش تلبس طب ياختي ابقي لمي لبسك والاقيكي جايه بحاجه مقطعه ولا محزقه.
لتنهره بغضب.. انت مالك انا نفسي افهم ان شالله اقلع بلبوص عيل بارد انت ايه اللي جابك معانا اصلا احنا شباب وانت واد عجوز في وسطينا
.. ليبهت انا عجوز يخربيتك دا هما ست سنين ابقي عجوز
لتخبطه علي كتفه وسع وسع .. دانت كهل وحط عليهم بومه لا بتعرف تهزر ولا تعرف تروشن يبقي حط فوق السته ستاشر دانت كانك من زمن السينما المتحنطه.. ابول الهول راقد مابينطقش.. ناقصك مسله وحجر تكحت بيه وشك المشقق وسبقته الي الاعلي ليتصنم وتمر به سهيله لتخبطه وتقول.. خلاص يا حمزه مالك قلبت كده عنيك هتطلع نار دي عيله انت عارف ماتعملش عقلك بعقلها انت كبير وتركته وصعدت.
ليدخل شقته ويرزع الباب يا نهارك اسود يا رودينه بقي انا من ايام السينما المتحنطه انا عجوز دانا البنات بتتحدف عليا يا زفته الطين لا والكبيره معديه تقلي انت كبير وهيا عيله وماتعملش عقلك هما اتهبلو هما شايفيني عجوز ليقف امام المراه.. البت هبله دانا مز وقمر ومافيش بت الا ما بتقع فيا دول بيسحسحو لما يشوفوني تقلي عجوز.. انا عجوز هموت من الغيظ يا جزمه انا مابعرفش اروشن ولا اهزر.. دانا َمابقعدش في حته الا ما العين تبقي عليا.. انا بومه وشكل سهيله هيا سهيله ليها شكل دي تخوف اكونش بخوف يانهارك اسود يا رودينه نفسي اطلع روحك في ايدي بقي انا حمزه الورداني حته بت تقولي اني عجوز ومابعرفش اروشن.. وعايز مسله ارشقها.. دانا لو طلتك هرشقك في السقف.. طااايب يا زفته ان ما ورديتك مين هو حمزه اخليكي بس تشوفي هيتلمو عليا ازاي عبوشكلك. لييذهب الي السرير ويجلس بغضب ليغمض عينه ليتذكر لمسه يديها.. ليبتسم رغما عنه وتنساب مشاعره
دخلت رودينه تعد اشياؤها وهيا سعيده لتقترب من سهيله.. ليه يا سو شنطتك صغيره كده.
لتهتف سهيله.. بت انت انزلي من علي وداني انا مش عارفه شورتك دي هتوجعلي دماغي. لتستدير رودينه وتفتش في دولابها لتهتف الله فين الجينز المقطع ماما ودته فين.
لتذهب لأمها.. ماما فين الجينز المقطع.
لتهتف امينه.. منشور عالسطح.لتتنهد رودينه يا ماما الله مافيه منشر انت ايه ده.. لتهتف هطلع اجيبه.لتهتف امينه.. هتطلعي كده قميصك مكشوف البسي حاجه.
لتتنهد رودينه.. الدنيا ضلمه هيا دقيقه. لتتركها قبل أن تعترض لتصعد وتبحث في السطح كان مظلما وقد اخذت تليفونها لترن لها هاله فجاه لتهتف انت يا زفته عايزاك عايزه اخد هدوم من معاكي.
لتهتف رودينه.. انا عالسطح بجيب حاجه انزل واطلعيلي.
لتهتف هاله وبتعملي ايه عالسطح في الضلمه انت هبله دا وقت.
ليهب حمزه.. هيا مين اللي عالسطح.
لتهتف هاله... رودينه فوق لتهتف خلاص هخلص اللي في ايدي واطلعلك. لتقفل الخط وتدخل هاله تاركه حمزه راسه مشغوله ليهب مره واحده ويصعد عالسطح كان المكان مظلم وهيا تقف بعيدا بجوار السور وتضئ النور لتظهر وسط الظلمه كانت تلبس قميص بيتي رقيق بحمالات ليشتعل غضبا وينظر حوله خوفا من ان يراها أحدا ليجد احد الشباب بعيدا ينظر عليها ليندفع ويشدها بعيدا لترتعب ليسقط تليفونها لتصبح الدنيا ظلام لتصرخ مين ايه انت مين.
ليبتسم هو ليشدها لاحضانه لتصرخ انت مين اوعي والله اموتك لتضرب فيه ليحملها بعيدا لتلمح وجهه لتهتف غاضبه انت يا زفت خضتني اوعي نزلني الا انه أخذها ووضعها في احد العشش وقفل عليها لتصرخ افتح يا طين انت والله اموتك.
ليركن علي الحائط ويذهب ليحضر تليفونها ويعود ويفتح النور ويسلطه عليها ليبتسم كانت جميله في هيئتها الطفوله. لتصرخ والله لو مافتحت هموتك بقلك افتح عيب كده سيبني انزل الله.
ليهتف.. حد قالك تطلعي مكشوفه والخلق تبص.
لتصرخ... انت مالك تبص والا تتنيل
ليرفع جبينه.. بجد طيب خلاص ليركن بعيدا ويظل يتاملها.
لتصرخ... انت بتبص علي ايه احترم نفسك
ليهتف... ببص زي الخلق ايه اشمعني
لتتنهد فهيا تعلم غباوته لتهتف حمزه افتح بقه ماتبقاش رخم.
ليبتسم.. بتقلبي قطه في ثواني.. ليهتف اتحايلي عليا شويه.
لتنظر اليه غاضبه ليربع يديه لتتنهد.. حمزه وحياه هاله عشان خاطري. ليقترب ويمد يده لتمسكها وتلمسها بحنان افتح بقه انا تعبت.
ليقترب ويهتف قوليلي يا حموزي يا ميزو.
لتتنهد وتهمس برقه... افتح يا ميزو بقه عشان خاطري كان يلمس يدها ورقتها قد جعلا قلبه يخفق ليقترب ويبتسم ويهتف.. عيون ميزو ليفتح وما ان فتح حتي دفعته غاضبه انت عيل ثقيل لتندفع. ليقطب جبينه ليبتسم ويهتف طب حوشي البرص اللي علي كتفك. لتصرخ وتتلفت حولها وهو يضحك وهيا تستدير بعنف وهو يهتف اهوه علي ضهرك لا علي دراعك وهيا تقفز صارخه لتندفع تحتضنه شيله شيله..
ليحاوطها بذراعيه ويحس بسعاده غير عاديه وهيا تصرخ شيله والنبي يا حمزه هموت كانت تتنطط في احضانه ليشدد عليها ويهتف اهمدي عشان مايتحركش. لتستكين علي صدره وتكلبش في جسده ليحاوطها ويمد يده حولها لفتره. لتهتف شيلته..
ليتنهد بغلب.. ليهتف اه شيلته.
لتدفعه غاضبه.. انت قعدتك فقر وتنزل تاركه ذلك الذي يضخ دما بلا سبب ليركن علي الحائط يستعيد قربها لا يعلم ماذا به ليهتف.. انت عقلك خف مالك دا رودينه فيه ايه.. ليتنهد وينزل وظلل ليله يفكر في قربها وجودها في احضانه لا يعلم ماذا يدور بداخل صدره لتلك الشقيه. وينام وهو لا يفهم ماذا يحدث له.
الجامحه_والبدوي
_mevo
البارت الثالث
مر يومين واخذت سهيله اجازه من عملها واستعدا الجميع ليذهبا الي الرحله لتلبس سهيله بنطالا وعليه قميص واسع طويل مريح فضفاض وتعكص شعرها بشده وتضع عليه كاب لتخرح اليها رودينه.... ايه سوهي ده لابسه راجل ماتلبسي حاجه روشه كده.
لتنظر اليها نظره اخرتها.
لتكمل رودينه.... خلاص خلاص انت هتبرقيلي روحي لفي نفسك بفرش الكنبه انت حره ياختااي يلا يلا ليقبلا امهما ويخرجا وينزلا وينتظرا حمزه بالأسفل.
لتهتف رودينه هو البيه اتاخر ليه قلت بومه انا عارفه جاي يقرفنا.
لتحس بخبطه علي راسها وسمعته يقول لسانك ده هقطعه قريب لتستدير لتنذهل من منظره كان يلبس تي شيرت ضيق يبرز عضلاته بسبعه وتظهر احدي السلاسل من تحتها وشعره مصفف بعنايه الي الخلف وبه لمعه رائعه وبنطلونا من الجينز وكوتشي شبابي ويلبس نظاره سوداء..
لتهتف ايه ده يا واد انت اتبدلت امال فين الواد اليبومه الثقيل العجوز بتاع امبارح..انت شكل البادي جاردات يا حزين.
لينظر اليها و. هيا تنظر اليه ببلاهه ليقول ماتتلمي بقه في يومك الجاز احنا لسه ماصطبحناش..
لتهتف ببلاهه اصطبحنا ايه بس الواد بتاع المسله راح فين.. حد يجيب امنحتب من فوق اكيد المسله راشقه منه في حته معطلاه..
ليمسكها من رقبتها.. مسله لما ترشق عينك يا بعيده اتلمي.
لتهتف سهيله.... ماتيلا بقه انا مش طايقه روحي.
لتشدها هاله... ايه يا زفته مالك ومالو انتو مولدين فوق روس بعض ماتتلمي لاحسن بياخدني ويطلع.
لتهتف رودينه. يا بت ماعرفتوش دا بقي مز يخربيت. هو كان عامل فيها توفيق الدقن ليه.. لتخبطه هاله... والله لو سمعك هيسود عيشتك
لتهتف رودينه.... بس بس هو مين ده انا يا بنتي اقول براحتي مابخافش اه عجوز وتوفيق الدقن هاه بس ويبقي يوريني نفسه.
لتحد من يمسكها من رقبتها فهو ذو بنيه ضخمه ليهتف.... هو مين يا بت.
لتنكمش وتهتف... فيه ايه يا واد انا حيت جنبك
ليقول.... ولما انت خفيفه كده بتنطقي ليه اعمل فيكي ايه كان يمسكها.
لتهتف... خلاص خلاص وانحنت امامه حقك علينا يا كبير عدي ليلتك. ارجع ابو الهول وهنقعدك عالكنبه الكبيره تبرطع لوحدك..
لينظر اليها لتنزل عيناه علي بلوزتها فعند انحنائها ظهر جزء من صدرها ليشتعل بشده ويقبض علي رقبتها مره اخري بعنف نهارك اسود انت لابسه ايه وكلو عالبحري بره يا وقعتك الهباب.
لتصرخ بشده.
لتاتي سهيله... ايه يا حمزه مالك سيب البت.
ليستدير... اسيب ايه دانا هطلع روحها.
لتصرخ رودينه وتجهش بالبكاء سهيله الحقيني.
ليصرخ بها... اخرسي دانت وقعتك طين ايه ده يخرب بيتك عامله عرض شوفو وانبسطو هموت يا جزمه لو ماكنتش شفتك.
لتاتي سهيله وتمسك يده... سيبها انت اتجننت زعلان ليه
ليهتف بغضب.... اقولك زعلان ليه حاضر ليحنيها بعنف لتسقط بلوزتها ويظهر صدرها.. ها اتفضلي متعي عنيكي الهانم حاجزه شبابيك وفتحاها بحري والشعب هيهيص في الرحله. الهانم قالبه ترسو ومرجعه افلام السينما النظيفه..
كانت رودينه تبكي وتضربه علي قدمه ليتركها وهيا محنيه لا تقوي ان ترفع راسها. وهو متحكم بها.
لتصرخ رودينه بس يا غلس سيب رقبتي يا بومه ايه اللي جابك وانت شكل الضفدعه تعرني وسط اصحابي مالك بلبسي يا اللي جاي من الحفريات.. دانت شققت من الركنه تفهم في اللبس..
ليهتف.. وليكي عين تتكلمي..
لتمسك قدمه وتعضها ليصرخ والله لاطين عيشتك..
لتهتف... سيب رقبتي يا خفرع روح لاصحابك وارقد في سلام
لتتنهد سهيله وتهتف.. طيب طيب خلاص سيبها انا هتصرف ليدفعها بعيدا لتترنح وتمسكها سهيله لتنظر اليها من بين دموعها.. انت جاي ليه انت جاي تنكد علينا دي مش رحله ايه القرف ده..
لتنكمش عندما رات غضبه مشتعلا لتهتف لسهيله حوشيه بقه انت ساكتاله ليه طايح كده
لتهتف سهيله... بس بقي قرفتوني دا يوم اغبر.. اتنيلي اطلعي غيري الزفته دي بسرعه.
لتندهش رودينه لتنظر اليها سهيله... علي فوق دقيقه تكوني هنا الا والله انا جبت اخري لتنصرف وهيا غاضبه وعدت بجواره زقته وشتمته وصعدت تاكل نفسها.. زفت وطين جاي ليه عيل بومه. كئيب ايه القرف ده دي هتبقي رحله سوده علي دماغه منك لله رقبتي وجعتني عبوشكلك عيل. عامل فيها البيضه المقدسه وبيتامر..
اما هو وقف والدخان يتصاعد منه.. البت دي متخلفه اه متخلفه مابتحسش خالص ايه ده مش شايفه نفسها دا نص صدرنا بره يخربيتك هموت لو ماشفتكيش كان حد شافك وقعد يملي عنيه من منظرك اللي يهبل يخربيت كده البت بتنور من جوا صدرها رشق في عيني خرمه يا شيخه ايه ده طب انا والع دلوقتي منك لله.. اتكتم بقه اهي طلعت اما نشوف انا عارف هرجع بمصيبه من الرحله دي يا اقتلها يا اقتلها.. بت فصيله..
لتنزل هيا ولا تنظر اليه ليلقي عليها نظره ويقيم لبسها ليسبقهم ويركبا ويتجها الي مكان التجمع وتبدا الرحله.
لتجلس هاله ورودينه بجانب بعض وتجلس سهيله وحمزه بجانب بعض وتبدا الرحله ورودينه تمرح مع اصحابها وحمزه مشتعل.. ليهتف لسهيله.. هو ايه انا حاسس ان اختك بهجه الَمجتمع هتنزلنا بفقره التنوره كمان شويه ماتقليلها تهمد شويه بدل ماهي راحه جايه ذي الدبور والكل بيبص عليها.
لتهتف بتأفف... ايه يا حمزه مالك قلبت عيل صغير كده سيبهم عيال احنا كبار مالناش في لعبهم ده
لينظر اليها بذهول.. نهار اسود البت عندها ٢٥ وانا ٢٩. تقلي احنا كبار وهما عيال هو فيه ايه ليهتف.. فيه ايه يا سهيله محسساني اننا بعكازات في وسط الشباب واحنا الشيبه..انت ناقص تدخلينا دار المسنين
لتضحك سهيله.. فيه ايه انت مالك بجد مستغرباك.
ليقول... مستغرباني ليه مالي مانا امور ومز اهوه والبنات راشقه عنيها فيا من ساعه ما طلعت.
لتنفجر في الضحك.. لا لاانت حالتك صعبه اما انام واسيبك انت اتبدلت.. حمزه العاقل الرزين عقله خف.. بس بس روشتوني.
لينظر اليها بتذمر.. حمزه العاقل الرزين.. طب ياختي نامي وانت بقيتي بومه ليستدير ولا يجد ما يفعله ليجد فتاه تنظر اليه ليبتسم لها ويقوم لتقف له ويبدا في التعارف وتبدا ضحَكات الفتاه تعلو فحمزه لبق وذو شخصيه مرحه وجذابه عندما يريد لتلاحظ رودينه ذلك لتذهب الي هاله.. لتنفعل.. ماله الاخ جاي يشقط هنا هو اتهبل واقف عامل كده ليه والبت الزباله مالها بتسحسح كده دا كل شويه تتحدف عليه ايه السفاله دي ودا واقف فاتح بقه ومبسوط. ماشفش بنات محروم سيادته صحيح بومه ماصدق
لتهتف هاله... يا بت ارحمي امي انت مالك وماله دا ايه المرار ده ما يسحسح ولا يتنيل ماتسيبيه ينبسط مش كنتي زعلانه انه بومه اهوه ياختي قلب و فتحها عالبحري وشويه البت هتقعد علي حجره. اتنيلي بقه
لتجلس سهيله تنظر اليهم بغيظ لتجد اختها نائمه لتقول هاله مش كنتي عايزه تتزفتي تنامي روحي جنب سهيله لتقوم هاله وتتركها وتستغرق في النوم بجوار سهيله لتستدير رودينه بخبث طيب يا بومه ان ما رجعتك بومه تاني ان مادخلتك الكهف ترجع تعض في روحك وتنكش شعرك واقف تسبسب للبت عبوشكلك انت جاي تاخد بالك مننا والا تشقط جلست تفكر لتحشر قدمها في الكرسيين اللي امامها وتصرخ لينتبه حمزه ويترك الفتاه ويندفع اليها ايه فيه ايه..
لتقول بدلع.. رجلي انحشرت وبتوجعني اوي
ليهتف بلهفه... طيب طيب ماتتحركيش وبدا مد يده بنعمومه ويمسك قدمها ويشعر بنار وسخونه في قربها فهيا انحنت عليه دون قصد ومسكت ضهره ليشتعل عن اخره لينزع قدمها بهدوء ليرجعها مكانها ويرفع جذعه ليلمس وجهه وجهها لترتبك بشده ويشتعل هو لتنزوي هيا وتبتعد وهو متسمر مكانه يحاول ان يهدا من لمستها ليسمعها تهمس وتقول.. خلاص متشكره ممكن ترجع مكانك لو حابب
ليهتف ارجع مكاني.. لو حابب ليتنهد لا مش متنيل.. هقعد خلاص.
لتقطب جبينها هو ماله زعلان كده انه ساب السحليه دي. بت شكل برص الحيطه زعلان ليه لتهتف اما اتخمد انام بلا حرقه دم هو ماله اتهبل ده وايه اللي لابسه ده والبنات نازله بص وسحسحه.. ايه ماشفوش واد حلو ومز عبنات زباله. جاي ليه ده جاي ليه عشان يبصبص ويشقط عبوشكلك ليجدها تخبط علي شنطتها بعنف وغضب ليستعجب من منظرها ويقول مالك يا رودينه بتاكلي روحك ليه.
لتنظر اليه ساخطه.. وانت مالك.. حد كان اشتكالك نطقت والا مش عاجبك القاعده وعايز تكمل شقط وسحسحه.. اقعد بقه بشكلك ده اما اتخمد وركنت واغمضت عينها وهو مذهول
هيا زعلانه ليه هيا اتهبلت.. وايه شكلي ماله شكلي يا جزمة مش عاجبك اهجم عليها ابطحها هيا عميه مابتشوش دا مفيش بت الا ما خدت رقمها. اتنيل واسكت بقه دا هتبقي رحله طين ليمر الوقت ليحس براسها ينساب علي كتفه ليتجمد كانت كالطفله الرائعه جميله ذو ملامح ملائكيه.. لينظر اليها.. يخربيت حلاوتك ايه يا بت ده قمر لتقدم علي ما اوقف قلبه لتستدير وتاخذ ذراعه وتحتضنه وتنام علي كتفه ليحس بالشلل.. ايه فيه ايه هيا هتفضل كده طب اروح فين انا دلوقتي استغفر الله يا رب بقه.. ليغمض عينيه يحاول ان يهدا الا ان ملمس يديها وذراعه في احضانها يلهبه ليهمس كل نفسك لحد ما تصحي اثبت واوعي تتحرك ليغمض عينيه ويبتسم لا اراديا ويظل هكذا يشعر بها ليمر الوقت لتبدا الرحله ان توشك علي الوصول لتستيقظ رودينه لتجد ذراع حمزه في احضانها لتظل برهه لا تعي لتنتفض وتبعد فجاه.
ليستيقظ حمزه ويهتف ايه فيه ايه
لترتبك وتهتف هاه لا مفيش مفيش وتستدير وتجلس.. ايه يا زفته قافشه في الواد ليه كده يخربيتك هيقول ايه..
ليمر االوقت ويصل الجميع ويحل المساء ويبدا حفله الشواء والمرح كان الجو ساحرا ورودينا منطلقه وهاله وحمزه معها يمرحان هنا وهناك وسهيله تجلس بمفردها لا تحرك ساكنا وتتنهد والجو بدا ينقلها قليلا الي عالم اخر لتنساب دواخلها لتحس انها تريد ان تبتعد قليلا كانت تلبس جاكت جينز طويل وتحته بادي كب وتضع وشاحا علي صدرها وتلم شعرها وتضع كابا وتلبس حقيبه كروس لتقوم ويتتجول في المكان كانت تمشي بجوار بحيره تحاوطها الخضره كان المنظر رائعا لتسرح قليلا. تسهم ولا تعلم اين ذهبت لتحس انها انفصلت عن العالم واحست براحه شديده كان هناك سكون غريب ولم تدرك انها ابتعدت من اساسه فهيا سرحت وهامت وابتعدت وضوء القمر يسطع عن اخره وبين كل مسافه ومسافه شعله من النيران تعطي بعض الضوء واضفي جو من الحالميه.. لتقف سهيله امام البحيره وتخلع حذائها وتشمر بنطالها وتنزل تبلل قدمها لتشعر بشعور يجتاحها لتجد صخره لتجلس عليها وتلمس بقدميها الماء ويمر وقت لتتنهد لتقوم بفك شعرها وخلعت جاكتها لينساب شعرها علي كتفيها العاريتين لتحس بالهواء يداعبها من كل ناحيه لتهيم بمفردها وتنسي ضغوطها وكبتها وتغمص عينيها لا تشعر بذلك الذي يقف يراقبها وعيونه تتفرس بها.. كان يجول المكان فهو يحفظه جيدا فهو مكان نشاته ومولده واهله وعشيرته ليترك مكان تجمع قبيلته ويرتحل قليلا وظل هائما لفتره ليصل الي مكانه المفضل الذي يسافر مخصوصا لياتي اليه ليقف قليلا ساهما لينتبه الي حركه قريبه ليقترب من الصوت لينصعق مما راي كان يقف كانه مس او به شيئا من الجن.. ظن ان من امامه حوريه خرجت من البحر كانت جميله خلابه لوحه فنيه ليجدها تقوم بترك شعرها لينسدل ويطير ويطير معه قلبه كان شعرها يتماوج مع الهواد وقلبه يتمايل معه تكمل عليه وتخلع جاكتها ويظهر كتفها الغض وجسدها الرائع ينير وسط النور كانت ايه وجمال. حوريه خرجت من البحر ليقف مسحورا لا يفعل شئ ولا يقدم علي شئ يخاف ان يتحرك لتنزل الي البحر وتختفي فهي حوريه خطفت قلبه ليرتكن علي الشجره القريبه ويجلس بهدوء لا يفعل شيئا الا ان يراقبها وهيا تتمايل باريحيه وبين الحين والاخر تحرك قدميها في الماء لم يعرف كم من الوقت مر ولا كم سيبقي ولكنها لا تتحرك كانها مسحوره ليقوم لا اراديا ويقترب بهدوء كان يتسحب مثل الذئب حتي لا تحس به الي ان وصل خلفها ليقف خلفها مباشره لينشق قلبه فشعرها يتطاير ويلمس وجهه ليقترب اكثر ويشتم شعرها ليحس انه مس وان هناك ضربا من الجنون اراد ان يمد يده يلمسها ولكنه تراجع احس انه سيفقد تلك اللحظه ليجلس بجوارها بهدوء وهيا سارحه في عالمها تتنهد بحالميه وهو يراقبها وينظر الي وجهها اي فتنه واي جمال من اول شعرها لعيونها الرائعه لشفتاها التي اشعلت صدره فاحس بطوفان يشتعل بداخله لينزل الي رقبتها التي تنير المكان وصدرها الغض الذي يعلو ويهبط بهدوء الي خصرها الرائع فمثلها لا مثيل له اراد ان يخطفها ويهرب بعيدا يشبع منها فحوريته ظهرت له في العتمه ولم يعرف ماذا سحره ليقترب مسحورا كأن الدنيا انتهت والحياه ستتوقف ليقترب من وجهها ويضع شفتيه علي جانب شفتيها ليرتعش قلبه وهنا حدثت الصاعقه. صاعقه ملمس شفتيه لجانب شفتيها اهلكته وصاعقه اخري وطوفان جامح سينقض عليه من حيث لا ندري..
البس عشان خارجين.. يامه يابه 😁😁😁
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق