سكريبت حل اللعنه بقلم ساره عاصم حصريه وجديده وكامله جميع الفصول
اوضه ف مستشفي الامرا'ض النف'سيه بيطلع منها صوت غريب و الريحه اكنها صدأ ممزوج بالدم ريحه تحس انها ريحة الموت
_ أي الاصوات دي؟
عاملة النضافه: متقربيش من الاوضة دي ي دكتورة لتتلب'سي
_ اتلب'س! اتلب'س ازاي يعني؟!
عاملة النضافه: اصل بعيد عنك الاوضة دي أوضة سا'حر
_ سا'حر! و اي اللي يجيب سا'حر مستشفى الامرا'ض النف'سيه!
عاملة النضافه: اصله اتج'نن بعد مو'ت ابنه و مرات ابنه و حفيدته مقتو'لين
_ دول اتق'تلوا ازاي!
عاملة النضافه: هوا حضرتك بجد ي دكتورة متعرفيش قصته؟!
_ اه بجد مش عارفاها هيا مشهورة للدرجه يعني؟
عاملة النضافه: اه المستشفي كلها هنا عارفاها ممكن عشان حضرتك لسه جديدة ف متعرفيهاش
_ ممكن، طيب ممكن تحكيهالي؟
عاملة النضافه: اكيد طبعا ي دكتورة بصي الحكاية هيا ان السا'حر دا كان مشهور اوي ف إمبابة و ناس كتير من اللي بيؤمنوا بالخر'فات دي كانوا بيروحوا عنده اللي عايز يتعالج من مرض و اللي عايز يتجوز و هكذا لحد ما ف مره جاله واحد و طلب منه يعمل س'حر لمرات المنافس بتاع شركته و فعلا السا'حر وافق و عمله الس'حر بس للاسف الس'حر اتقلب و مرات الراجل ما'تت بعد ما لفت على كل الدكاترة و الشيوخ بسبب النوب'ات اللي كانت بتتعرضلها و اخر شيخ راحوا عنده هوا اللي اكتشف الس'حر و قالهم ان سا'حر واحد بس اللي يقدر يعمل الس'حر و هوا اللي يقدر يفكه بس و هوا السا'حر سامي الصاوي راح الراجل دا و رجالته للسا'حر عشان يهدده انه لو مفكش الس'حر عن مراته هيأذيه و يردله ضعف اللي عمله ف مراته ف السا'حر سامي معجبوش تهديد الراجل ليه و قلب الس'حر و خلاه اسو'د بالم'وت و فعلا مرات الرجل انتح'رت قدامه بفعل الس'حر ف الراجل من كتر حبه لمراته و زعله عليها دبر حا'دثة للسا'حر انه يبعت عربيه كبيره تدخل ف عربيته و فعلا دا اللي حصل بس للاسف اللي كان ف العربيه ابن السا'حر و مراته و بنته و اما السا'حر عرف الخبر اتج'نن و من ساعة ما جيه هنا و هوا بيكرر كلام غريب و بينادي علي ابنه و مرات ابنه و حفيدته و محدش فاهمله حاجه بس الكل بيتجنب يتعامل معاه و محدش راضي يعاجله لانه ف النهاية سا'حر و الكل شايف ان دي النهاية اللي يستحقها و دا عقا'ب ربنا ليه
 |
عاملة النضافه: مالك ي دكتورة مصدومه و وشك اصفر كدا ليه!
_ قولتي اسم السا'حر دا اي؟!
عاملة النضافه: سامي الصاوي
_م.. م.. مستحيل يكون هوا!
البارت التاني .
حل اللعنه.
_ م..م..مستحيل يكون هوا!
عاملة النضافة: ف اي بس ي دكتورة رين؟
رين مركزتش معاها و طلعت جري بسرعه لأوضة المدير بتاع المستشفي وصلت عنده و خبطت على الباب
المدير: مين؟
رين: انا دكتور رين ي دكتور
المدير: اتفضلي ادخلي ي دكتورة
رين و هي بتاخد نفسها بصعوبه أثر الصدمة : ممكن ي دكتور لو سمحت تديني مهمة علاج السا'حر
المدير بصدمه: انتي بتقولي اي انت تقصدي سامي الصاوي؟! مفيش حد فكر طول المدة اللي قضاها هنا انه يعالجه! اشمعنا الحالة دي اللي عايزة تعالجيها!
رين : ارجوك ي دكتور سيبني اعالجه دا لو متعالجش امي هتموت!
المدير: انا مش فاهم حاجه اي علاقة مامتك ب علاج السا'حر؟!
رين : السا'حر دا عمل س'حر لأمي و محدش يعرف مكان السحر عشان يتفك غيره
المدير اتصدم: اشمعنا مامتك يعني ؟
رين اتنهدت: هحكي لحضرتك
فلاش باك
رين و عيلتها كانوا عايشين حياة حلوة جدا ك أسرة بتحب بعضها اوي و كانت مكونه من ( الاب أحمد المحمدي _الأم فاطمه الصاوي_ رين بنتهم ) و الاب كان فاتح شركه صغيرة و بيديرها لحد ما ف يوم كسب ثفقة كبيرة و رفعت شركته جدا وقتها رجع البيت فرحان اوي و جاب هدايا لمراته و بنته بس روح لقى عندهم ف البيت سامي الصاوي اخو فاطمه مراته و كان هوا و سامي أصحاب من ايام الجامعه و احمد كان بيحبه جدا
أحمد بفرحه : فاطمه انا جيت و عندي ليكوا خبر تحفه
فاطمه بإبتسامه علي فرحته : قول يلا بسرعه
أحمد بسعادة : كسبت ثفقه كبيرة النهاردة نقلت الشركه ف مكان تاني
فاطمه بفرحه: مبروك ي حبيبي دا تعبك و ربنا عوضك خير عن كل اللي شوفته ف حياتك
سامي بتمثيل الفرحه: مبروك ي صاحبي استأذن انا بقا
أحمد: لا خليك اتغدى معانا
سامي : لا شكرا عندي شغل سلام
و عدى على اليوم دا سنه و كل مدى شركة أحمد بتكبر و بتتعرف
سامي بغل: انا لازم اخد منه كل املاكه هوا ميستحقش دا كله اصلا
هدى مراته: ي راجل بطل غ'ل بقا و حب الخير لغيرك و صاحبك تعب ف دا كله انت اللي قاعد مشتغلتش زيه
سامي : بس انتي ي وليه
سامي راح لأحمد شركته و دخله
أحمد بترحيب : اهلا اهلا بالغالي
سامي بتمثيل و خبث خفي: بس انا مش شايف اني غالي عندك و لا حاجه
احمد: ليه كدا أنت شوفت مني حاجه وحشه
سامي بمكر: بقا كدا شركتك تكبر و ميهونش عليك تدخل صاحبك معاك؟
أحمد بتفاجأ : ادخلك معايا ف اي؟
سامي : شريك ف شركتك ي صاحبي
أحمد : بس انت معملتش حاجه فيها ادخلك ليه انت صاحبي و كل حاجه بس دي شركتي انا اللي تعبت فيها و انت قولتلك تعالى معايا ندخل شراكه و نأسسها مع بعض بس انت مرضتش ف انا اسف ي صاحبي مقدرش ادخلك فيها و كمان دي ف النهايه ل رين بنتي من بعدي عشان متتعبش زيي انا تعبت دا كله عشانها
سامي : بقا كدا ي صاحبي تمام كدا كل اللي بينا انتهى
أحمد اتصدم و لسه هيتكلم سامي سابه و مشي و الغل وصل ب سامي انه يروح ل سا'حر يعمل س'حر ميتفكش لصاحبه و السا'حر اداله س'حر يحطه لأحمد ف الاكل مقابل ان سامي يشتغل معاه ف الس'حر و يبقا مساعد ليه و هيديله فلوس حلوة و سامي وافق ف قرر انه يمثل انه صالحه لحد ما يحطله الس'حر
كان أحمد و فاطمه و رين قاعدين بيتغدوا
أحمد: اخبار الكليه اي ي رينو؟
رين: حلوة ي بابا اخيرا هتخرج السنادي ان شاء الله و هنزل تعيين علطول بإذن الله
أحمد: ربنا معاكي ي حبيبتي قطع كلامهم خبط سامي علي الباب و اما رين فتحت لقت خالها
رين: خالو تعالي ادخل اتفضل
أحمد بتفاجأ: سامي؟!
سامي بتمثيل : انا اسف ي صاحبي معرفش كان عقلي فين و انا بقولك الكلام اللي قولته امبارح دا
أحمد و قلبه مش مطمن : لا ي صاحبي حصل خير يلا تعالي اتغدى معانا
و بعد الغدا فاطمه حضرت الشاي و سامي دخل المطبخ مثل انه بيشرب مايه و ف غفله من فاطمه حط الس'حر ف كوباية من الكوبايات و خرج
سامي بخبث : ادي الشاي جيه كمان تعالى ي أحمد ف البلكونه عايزك ف موضوع و نشرب الشاي
أحمد: يلا
و اما دخلوا البلكونه لسه هيتكلموا قاطعهم تليفون سامي و هوا بيرن
سامي: هرد و اجيلك و بعد شويه عن أحمد و فاطمه دخلت لأحمد
فاطمه: استني ي أحمد دي كوبايتي انا مش كوبايتك انت بدلتهم
أحمد: تمام
سامي : خلاص كلام و رجع بعد ٥ دقايق كانت فاطمه خرجت و احمد خلص الشاي بتاعه
سامي : معلش ي صاحبي انا مضطر امشي حالا و لاحظ ان الكوبايه اتغيرت ف سأل أحمد: هوا مش انت كان معاك كوباية غير دي؟
أحمد : اه ما طلعت كنت مبدل كوبايتي مع فاطمه و هيا جت اخدت بتاعتها
سامي بصدمه : لا لا مستحيل
احمد: اي !
سامي و طلع يجري علي جوا : فاااطمه
أحمد طلع يجري وراه و هوا مخضوض و مش فاهم حاجه و لقي رين بتصوت كمان لقى فاطمه اغمى عليها و رين جمبها بتعيط
رين: بابا الحق ماما اغمى عليها مره واحده
أحمد و هوا بيحاول يتمالك اعصابه: اهدي و هرن على الدكتور
سامي بجمود: الدكتور ملوش لازمه
احمد: يعني اي!
سامي : يعني انت السبب الكوبايه دي كانت ليك انت مش لفاطمة انا كنت حاططلك فيها س'حر و دلوقتي الس'حر دا مربوط ب حاجه انا مش هقول عليها غير انا تكتبلي تنازل عن الأملاك كلها
أحمد بصدمه : س'حر وصل بيك الانح'طاط انك تحطلي س'حر
سامي ببرود : اه و يلا بقا الورق هيوصلك كمان ساعه وقع عليه و انا افك الس'حر و مشي و ساب أحمد و رين ف صدمتهم
و فعلا الورق جيه و احمد مضى علي املاكه كلها عشان فاطمه ترجع و بعدها لقى ريكورد من سامي بيقول بشماته: اديني اخدت كل حاجه منك و مش هفك الس'حر مراتك جالها كان'سر و أقصي حاجه هتعيشها ٦ شهور و انا سبت المحافظه كلها و متحاولش توصلي و خلي بالك من اختي
أحمد اتصدم ان ف شخص بالوسا'خه دي و ازاي يعمل كدا ف اخته و فضلوا يلفوا علي دكاتره مصر كلها و الشيوخ و محدش لاقي حل و فاطمه مكمله ف الكيماوي و مفيش فايدة و خست خالص و بقت هيكل عظمي اما عن سامي ف السا'حر اللي عمل الس'حر لفاطمة علمه كل حاجه عن الس'حر و سامي بقا متمكن جدا و عجبته الثروة اللي جمعها و ق'تل السا'حر و اخد مكانه و بقا عبارة عن جب'روت ماشي علي الارض لحد ما حصلت حاد'ثة ابنه و مراته و حفيدته ف ات'جنن و خصوصا ان متبقالوش حد حتي هدى ما'تت بقهرتها بعد ما سامي سابها و بدأ يشتغل ف الس'حر
نهاية الفلاش باك
المدير بصدمه بعد كل اللي سمعه : انا متوقعتش كدا خالص و بصراحه انا اللي منعت ان حد يعالجه بعد س'حر اختي و ما'تت و محدش اهتم انه يعالجه اصلا ف عشان كدا هساعدك تدخليله بس خلي بالك ليأذيكي انتي زي بنتي ف هاجي معاكي و اساعدك
رين : شكرا لحضرتك ممكن ندخل دلوقتي انا مبقاش معايا وقت باقي اقل من شهرين و امي هتروح مني
المدير : يلا بينا دلوقتي جاهزة ؟
رين: جاهزة
اول ما راحوا للاوضه رين دخلت بتردد و قلبها بيرجف من خوفها بس شجعت نفسها عشان مامتها و اول ما دخلت على سامي مسكها من رقب'تها و..،،،
البارت التالت
حل اللعنه
رين دخلت عند سامي بتردد و قلبها بيرجف من خوفها بس شجعت نفسها عشان مامتها و اول ما دخلت على سامي مسكها من رقب'تها و قال بجنون: هاتولي ابني و حفيدتي و الا مش هرحمكوا كلكوا هق'تلكوا
المدير قعد يفصل بين رين و سامي و سامي مكمل ف الضغط لحد ما المدير قدر يشيل رين من ايد سامي و فصلهم
رين فضلت تكح و هيا بتدور على الأكسجين
لحد ما استعادت توازنها و المدير نادى الأمن يمسكوا سامي و سامي مكمل تهد'يد
المدير: هوا لو فضل بالنظام دا مش هنعرف نتعامل معاه و لا ناخد منه و لا كلمه
رين : ف حقنه معينه لو حقناه بيها هيهدي و نعرف نتكلم معاه و يعترف بكل حاجه اكنه نايم نوم مغناطيسي ممكن يبقا فيه شويه هلوسة بس هنعرف نكلمه
المدير : اكتبي اسمها ف ورقه هبعت حد من الأمن يجيبها
رين كتبت اسم الحقنه و ادتها لواحد من رجالة الأمن الواقفين
بعد نص ساعه كان راجل الأمن جاب الدوا و رين اديته لسامي و كان مفعوله بدأ
سامي بهلوسه: هاتولي ابني و حفيدتي و الا هت'موتوا كلكوا انا س'حرت اختي فاكرني مش هقدر عليكوا
رين : ايوا اتكلم يلا ربط الس'حر بتاع اختك فين
سامي بغير وعي و ضحكه سخريه: ف سلسله
رين بإستغراب: سلسلة اي؟ فين السلسله دي او شكلها اي
سامي: سلسلة عليها صورتها في .. في.. في صندوق ف البيت عندي
رين للمدير : انا هروح بسرعه اشوف البيت و حضرتك لو عايز تسأله حاجه زي ما تحب انا حاليا هروح اشوف السلسله دي و اشوف حد يفك الس'حر منها و يارب أنجح بس ارجوك محدش يأ'ذيه او يعملوا حاجه لحد ما اتأكد ان الخطر راح عن امي
المدير : تمام متقلقيش روحي يلا
رين ركبت عربيتها و راحت بسرعه لبيت سامي اللي اخدت عنوانه من الملف بتاعوا وسط ملفات المرضى
بعد ساعه الا ربع كانت رين وصلت الفيلا بتاعت سامي و لقت بواب الفيلا قاعد
البواب : اتفضلي مين حضرتك؟
رين بكدب : انا دكتورة استاذ سامي و جيت اخد لبس ليه من هنا
البواب : و انا اضمن منين انك مش بتكدبي ؟
رين و هي بتطلع حاجه من الشنطه : بطاقتي اهي
البواب و هوا بيبص ف البطاقه : فعلا مكتوب انك دكتورة
رين : صدقتني بقا ممكن تفتحلي الباب عشان انا مستعجله
البواب : خليكي هنا و انا هجيبلك اللبس
رين بكدب: لا هوا بعتني عشان برضوا عايزني اجيبلوا حاجه تاني
البواب: تمام اتفضلي
و فتحلها الباب
رين اول ما دخلت شمت ريحه بش'عه جداا بس مركزتش تعرف مصدرها و كانت مرعوبه دا برضوا بيت سا'حر دخلت و قعدت تدور على السلسله وسط الحاجه اللي كانت محطوطه على الترابيزة لحد ما لقيتها بس بالغلط وقعت تميمه كانت جنبها و متعرفش انها داخله على أيام سو'ده بسبب التميمه اللي وقعت دي
رين خرجت جري بسرعه عشان البواب ميمسكهاش و ركبت عربتها و مشت بسرعه و فعلا البواب ملحقهاش
رين روحت بيتها و دخلت لباباها : بابا باباا
احمد: اي ي رين اهدي بس و خدي نفسك ف اي؟
رين بفرحه : لقيته ي بابا لقيت الحاجه اللي مربوط فيها س'حر ماما
أحمد بفرحه : أحلفي!
رين : والله اهو هات ماما و يلا نروح لأي شيخ بسرعه
احمد: ماشي يلا و انا هكلمه ف الطريق
راحوا فعلا للشيخ و قدر انه يفك الس'حر و قالهم اللي لازم يعملوا و قالهم ان لو مرضها بسبب الس'حر ف كلها شوية وقت و تخف ان شاء الله
و طلعوا من عند الشيخ
رين و احمد بفرحه: الحمدلله يارب
احمد: عرفتي ازاي بقا ي اروبه؟
رين بفخر : دا سر الشغلانه بقا يلا نروح عشان انا هموت و انام و اليوم كان طويل اوي
احمد: يلا
بعد شوية وقت كانوا وصلوا البيت و رين دخلت نامت
: انتي غلطتي غلطة عمرك اما لعبتي معانا و كسرتي التميمه و هتدفعي تمن دا وو...،
البارت الرابع و الاخير
حل اللعنه
: انتي غلطتي غلطة عمرك اما لعبتي معانا و كسرتي التميمه و هتدفعي تمن دا
رين بخضة : أعوذ بالله من الشيطان الرجيم اي الكابوس دا
و شربت ميه و هدت نفسها و نامت
و حلمت بنفس الكابوس تاني
رين: اي دا طيب انا انام ازاي دلوقتي و فضلت مش عارفه تنام للصبح و هيا بتفكر في الكابوس لقت المنبه بيرن عشان معاد شغلها قامت لبست و خرجت من اوضتها
رين و هي بتتاوب: صباح الخير
أحمد و فاطمه: صباح النور
فاطمه : يلا تعالي كلي ي رينو
رين: مش قادرة ي ماما شكرا
فاطمه بإستغراب : مالك ي رين انتي منمتيش و لا اي؟
رين: لا مقدرتش انام ي ماما
فاطمه : ليه ي بنتي
رين: حلمت بكابوس خلاني معرفتش انام بس متخديش ف بالك
فاطمه : خير ان شاء الله ي حبيبتي
ورين باست مامتها و باباها و نزلت تركب عربيتها للشغل و اول ما ركبت الكاست اشتغل لوحده و اترددت نفس الجمله اللي ف الكابوس رين اترعبت بس قالت ممكن عشان معرفتش تنام و فضلت تفكر كتير ف الكابوس و مشت
اول ما وصلت المستشفي لقت زحمه عند اوضى سامي
رين للمدير : ف اي ي دكتور ؟
المدير: كويس انك جيتي سامي قالب عليكي الدنيا
رين بإستغراب: هوا فاكرني اصلا؟
المدير : معرفش بس دا كان بيكسر الدنيا الأمن مسكوه و عمال ينادي ب اسمك بس صوتوا غريب و خشن
رين بخوف : اي؟ طيب هدخل اشوفوا تمام؟
المدير : تمام بس خلي الباب مفتوح واحنا هنستناكي ليأذيكي
رين : تمام و دخلت لسامي
رين للامن: ممكن تقعدوه علي كرسي ؟
الأمن: تمام
المدير: اربطوا ايديه ف الكرسي ليأذيها
الأمن: حاضر و بعد ما خلصوا رين جابت كرسي و قعدت قدامه
رين : اتفضل عايزني ف اي بقا؟
سامي بصوت خشن و غليظ جدا: هههههههه تصدقي ضحكتيني جداا المهم انا خليتك تيجي عشان تشوفي مصيرك كمان شويه احنا هنلعب معاكي شويه و نعمل معاكي زي ما هنعمل ف سامي كدا عشان هوا اللي بدأ اللعب الأول و الطمع عماه انه يجيب تميمه الج'ن الأكبر و دا جزاءه و انتي هتاخدي جزاءك عشان كسرتيها بس نستمتع بخوفك شويه
رين برعب : ا..ا.انا والله كسرتها بالغلط معرفش هيا بتاعت اي اصلا
الصوت اللي جوا سامي: ملناش دعوة انتي كسرتيها و هتاخدي جزاءك زي ما هيحصل ف سامي دلوقتي كدا
رين برعب وصل لأقصى حد : ه...ه...هيحصل اي؟
الصوت : هيحصل دا
ي دوبك خلص كلامه و راس سامي انف'جرت قدامها و قدام كل اللي كانوا واقفين قدام الاوضه رين مستحملتش الرعب و الضغط النفسي ف اغمي علي بعد ساعة فاقت علي كابوس كانت بتحلم فيه باللي حصل لسامي قدامها و كلمة دا مصيرك بتتكرر قدامها صحت لقت نفسها ف المستشفي و متعلق ف ايدها محاليل و أهلها جنبها
فاطمه: حمدلله علي سلامتك ي حبيبتي كدا تخضينا ي رينو ،ملقتش رد من رين و لقت ايديها بيرجفوا و وشها اصفر و بتكرر جملة "نهايتي زيه مش هيسيبوني"
فاطمه حضنت رين و قعدت تنادي علي الدكتور و احمد اللي راح يجيب لرين حاجه تشربها و جيه علي صوت فاطمه و هيا بتستغيث بالدكتور و الممرضين
أحمد بخضه : ف اي ي فاطمه؟
فاطمه ببكاء علي بنتها : معرفش ي أحمد رين فاقت علي الحاله دي و بتكرر نفس الجمله نهايتي زيه مش هيسيبوني
أحمد و هوا بيتجه ل رين : اهدي بس ي بنتي نهاية اي و مين اللي مش هيسيبوكي
رين برجفه: ملك الج'ن الأكبر مش هيسيبني انا كسرت التميمه بتاعته و هيمو'تني زي ما ق'تل سامي
أحمد و فاطمه بصدمه: ملك ج'ن اي؟!
بس رين مردتش كانت نامت أثر المهدئ اللي الممرضه ادتهولها بأمر من الدكتور
رين كانت نايمه بتهل'وس: مش هيسيبوني نهايتي زي سامي ....أ..أ..أنا كس'رت التميمه و هيعاقبوني و فضلت تهلوس بنفس الكلام و فاطمه و احمد مرعوبين علي بنتهم
فاطمه ب بكاء: كدا مش هينفع ي أحمد انت شايف حالة البنت اي انا بخف و هيا بتس'وء
أحمد: اهدي هنلاقي حل متقلقيش مش هنسيبها انا هكلم دلوقتي شيخ يجي يفضل جنبها لحد ما تفوق و نفهم منها
فاطمه : ماشي
و احمد كلمه و الشيخ جيه و شرحولوا الوضع
الشيخ: بصوا انا مليش ف الس'حر و الد'جل بس انا اعرف ان ف تميمه بتاعت الج'ن الأكبر اللي بيمتلكها من غير علم بيها بتق'ضي عليه لو اتكسرت بتق'ضي علي اللي امتلكها و علي اللي كسرها و بنتكم كسرتها
أحمد بخوف غلي بنته: يعني مفيش حل كدا
الشيخ : لا فيه و كويس انكم اكتشفتوا بدري عشان كل ما بيتكشف بدري بيكون لسه مسيطرش اوي علي الج'سم ف بيبقا القضاء عليه سهل دلوقتي انا هبدأ اقرأ الآيات اللي تق'ضي عليه ياريت تدوا خبر للمرضين محدش يدخل الاوضه و لا يشتكوا من الصوت العالي
أحمد: انا هروح اخد اذن من المدير و اجي
بعد ربع ساعه كان أحمد رجع بالاذن و كل حاجه تمام بعد ما فهمه الوضع
الشيخ : تمام هبدأ اهو
أحمد: و هيا نايمه كدا؟
الشيخ : متقلقش هتفوق أثر اللي هيحصل بس متخافوش و لو حد قلبه ضعيف ياريت يطلع برا
أحمد لفاطمة: اطلعي يلا و انا معاها هنا
فاطمه : لا ي أحمد هفضل جنب بنتي
أحمد بإصرار: بنتنا انا جنبها اطلعي يلااا
فاطمه بإستسلام : حاضر
الشيخ: اوعا تدخلي ي مدام لأي سبب مهما سمعتي صوت بنتك بتستنجد تمام ؟
فاطمه بخوف : تمام و طلعت
الشيخ بدأ يقرأ الرقيه الشرعيه و ي دوبك بدأ رين صحت
صوت خشن و غليظ جدا داخل رين : متحاولش انا مش هطلع من جس'مها هفضل هنا و هوريها اسو'ء ايام حياتها قبل ما اف'جر راسها زي سامي
الشيخ مكمل ف القراء و جيه صوت رين و هيا بتستنجد بيه و بتقولوا يبطل قراءة
الشيخ: رين ي بنتي اوعي تستسلمي ليه قاوميه ب اقصي ما عندك و استعيني ب ربنا و خلي ايمانك كبير و رددي ورايا يلا هتتو'جعي دلوقتي بس هترتاحي صدقيني و تخلصي منه
و كمل قراءة ف الرقيه الشرعيه و خلصها و رين بتقاوم و تردد وراه و بدأ ف قراءة سورة البقرة و هنا صوت رين وصل لأقصى حد من الاستنجاد بس كان بتستنجي ربها و فضلوا على الحال دا لحد ما طلع من جس'مها تع'بان اسو'د كبير الشيخ داس عليه ب رجله و التع'بان اتحول لرماد و ف ثواني كان اختفي
رين فضل مغمي عليها و الشيخ فهم أحمد انه يقدر يجيب الممرضات يشوفوها و بعد ما أحمد نادى الممرضات الشيخ فمهه هيعملوا اي ل رين و الآيات اللي يشغلوها و مشي رين فاقت بليل و هيا مصدومه من كل اللي شافته و مش بتتكلم و الدكتور فهمهم انها اتعرفت لصدمه نفسيه كبيرة فقدت النطق مؤقتا بسببها و انها هتحتاج لعلاج نفسي
رين طلعت من المستشفى للبيت و أهلها معاها
بعد مرور سنه
بعد مو'ت سامي محدش زعل عليه بسبب انه خر ب حياتهم بس دفنه اكراما لصلة الرحم
اما ف بيت رين
فاطمه بترص السفرة و احمد جنبها فرحانين برجوع بنتهم ليهم من تاني بعد ما بعدت عن المحافظه سنه كامله بتوجيهات من الدكتور النفسي عشان تخلص علاجها و قال ان بعدها عن المحافظه هيأثر بشكل إيجابي علي علاجها ف رين سابت القاهره و راحت إسكندرية لحد ما خلصت علاجها و اديها راجعه لأهلها بعد سنه كامله
رين بفرحه : ماما بابا انا جييييت وحشتوني
أحمد و فاطمه بفرحه و بياخدوها ف حضنهم: وحشتينا اكتر اخيرا جيتي و البيت نور كان وحش من غيرك
رين بمرح : لا دانا جيت و هقر'فكم بيا طول اليوم
أحمد و فاطمه : براحتك خالص المهم انك رجعتيلنا تاني
قعدوا أكلوا و هزروا لحد ما جيه الليل و كل واحد دخل اوضته
رين كتبت ف مذاكرتها: لقد فعلتها! لقد تغلبت علي شياطيني و تحصنت ب ربي ف حفظني منهم
لقد حدث ما حدث لكنه انتهي بلطف ربي بي و تم حل اللعنه♥️
تمت
تعليقات
إرسال تعليق