رواية انتَ مـلكُي البارت الثالث والرابع بقلم الكاتبه حوراء على حصريه وجديده على مدونة النجم المتوهج للروايات والمعلومات
 |
رواية انتَ مـلكُي البارت الثالث والرابع بقلم الكاتبه حوراء على حصريه وجديده على مدونة النجم المتوهج للروايات والمعلومات
"part 3 حكاية انتقام
::- للحظه حسيت برعب و اول مرة
اسمع نبض كلبي بين اذني توترت
ماعرف شسوي اباوع الي اسمه طارق
مثلل مخبل ونضراته قذرة وليد يباوعلي
ويضحك سمعت صوت صار كدامي متت
من شفته اجة وماعرف شراح يسوي
عمار ::- ششششسوون هنا؟؟؟ تتحارشون
صدك ماتستحون وسيابببب
فزو من سمعو صوته
محمد ::- اسم الله مين طلعت
وشلون عرفت مكانة؟
وليد ::- انتته شجابكك
لحكتني مووووو ؟
عمار ::- اذا ما عفتوهة والله
راح تشوفون مني شي ما شفتو
طارق ::- اي بالله شتسوي تشرد منة مو
ولك انتة زعطوط وجباننن متكدر تسوي شي
وانتة مجرد وحيدد وجبانننن واعرفك كلش
زين امشي منا لانبتلي بيك
عمار ::- اتعوفهة لو لا!!
محمد ::- لا ما نعوفهة هاي صارت
مرت طارق ما تريد تباركلة وهية همين قبلت بي
ريماس ::- والله جذاب حيوان
عوفوني خلي اروح ساعدني الله يخليكك
طارق ::- حبيبتي ليش مستعجلة ؏ كيفج
شوية ونروح اني وياجج سوةةة
طلع سلاحة ورفعة عليهم
وهمة ترددو من شافو السلاح
عمار ::- شو خفتو اذا ما عفتوهة
هاذة السلاح اخلصة ؏ روسكم ترى اني
مجرم وهاي مو اول مرة اكتل بيهة عوفوهة
او اكتلكم اهواي ارتكبت جرايم واجة دوركم
وليد ::- مسلح عوفككك
محمد ::- مين جبت هذا السلاح
عمار ::- عوفوهة لو ارتكب بيكم جريمه
باوعت ؏ عمار وهوة اشرلي
بعيونه بمعنا اطلع
عمار: بعد ثانية ترحين ؏ السيارة
طارق ::- شنو؟
عرفت شنو يقصدك دفعت
طارق وركضت بسرعه بدون ما اباوع لوراي
طلعت من المكان بسرعة كلبي وكف
بمكانه
عمار ::- اوكفو مكانكم والله
اذا تحركتو اضرببببببب
محمد ::- يمعود عوفة من ايدك
خلينة نحجي شبيك
عمار ::- خفتو جبنا ويتظاهرون
جر السلاح وليد واخذا منه طاح
بالكاع وتكسر بقة صافن
طارق ::- هذا اصلاً مو حقيقي؟؟؟؟
هاذة مسدس مزيف
عمار ::- اي صح
ضرب وليد بوكسي ؏ وجهة وكع
بالكاع وركض طلع من المكان
شفته كلت::-
ريماس ::- تعاللللل
عمار ::- لا تعالي انتي
للسيارة اصعدي بسرعة
صعدت وشفت طارق اجة
وعمار داس سرعه وحس كلبي طار
طارق ::- انيي اعلمك يا غبييي وين
تشرد اصيدك حيوانننننننن
عمار ::- لا تخافين صارو بعاد عنة
تكدرين تجرين نفس
ريماس ::- امسح بدموعي واجر نفس
بسرعة بسرعة اي يمةةة يخوفون مجاي
اصدك وميتة ابكاني
عمار ::- اخاف ما سوولج شي؟؟
ريماس ::- لا بس ضلو يحجون حجي
محلو بس الحمدلله شكراً لأنك
اجيت بوكتك يمة لو تدري حسيت
راح اموت لو ما اجيت انتة ماصدكك
شنو صارر قبل شويي
عمار ::- شكد وصخيننن
خصوصاا طارقق ما اعرف شريدد
نذللللل اسمعي اذا شفتيهم احتمال
يرجعونن لا تجين بعدد مايعرفون الحرام
ريماس ::- تمامم اني كلش
اشكرك لو مو انته جا رحت بيهة
عمار ::- هسا اهدي
طلعتج انتي بخير مو
ريماس ::- بخير اني بخيررر
عمار ::- ما كتيلي شنو اسمج؟
ريماس ::- اسمي ريماس
عمار ::- اي مثل ما كتلج لا تحجين
وياهم ولا تشوفينهم اشردي ميرحمون واحد
ريماس ::- بس وليد
ما توقعته هيج نذل وحقير
عمار ::- ليش انتي تعرفينة؟؟؟
ريماس ::- اي اعرفة هوة
يعرف اختي ومرتبط بيهة
عمار ::- ماتوقعت اني صح
شفتها هناك بس نصيحة الاختج
خلي تعوفة والله اني اعرفة زين واحد
خاين وحقير واعتقد يخون اختج وهية
ماتعرف بشي هاذة نذلللل
ريماس ::- صدك ما اعرف بس
راح اكللهة وراح تعوفة والله وما
اخليهة تروحلة شكراً الك
عمار ::- انزلي وصلنة
ريماس ::- وين وصلنة هاذة
مو بيتنة؟!! وين جبتني
عمار ::- ادري انزلي وصلنة
لمكان نكعد بي اشربي
ماي واني هسا اجيج
نزلت وكعدت ؏ طاولة شربت
ماي لهسا احس نفسي خايفة
بس راح اهدء
عمار ::- تمام اطلبي رايدة شي
ريماس ::- لا ما اريد بس خلي ارتاح
كعدت بقيت صافنه وافكر
حتى استوعب جريت نفس وما انسة
سوالفهم وحجيهة الخايس وماعرف
بيبن اثق بعد بس هاذة الشاب امبين
ما اعرف قصته شفت عمار اجت بنيه
حلوة تحجي ويا وتضحك والبنية
جانت حلوة ضليت صافنة اشرب
مي واباوعلهم منو هاي؟ بقيت امسح
بوجهي وخايفة يرجعون ويسوون الاكثر
::- جلاب ما اخليهم يندموننن
::- هاي شبيك ؏ كيفك؟؟
وهذا وليد ما توقعتة هيج
::- اي وخصوصاً طارق تحارش بيهة
::- اخاف سوالهة شي؟
::- ما ادري المهم انتي شوفي شغلج
::- تمام اشوف صدك شو ما باركتلي؟
::- ؏ شنو؟؟
::- شكم مره كتلگ عرسي
راح يجي واريدك تحضر عرسي
::- اي اجي روحي شوفيهة
::- ههه احسك معجب بيهة
::- شنو معجب؟ شتحجين!
::- ههه معجب بيهة صح
::- لا تصيرين سخيفة
اصلاً اني ماعرفها؟؟
::- اي يلا حبيبي اني راح اسجنهم
وعاقبهم ؏ كلشي تدلل شتريد بعد
::- لا تكليلي حبيبي انتي
شنو مو راح تعرسين بعد شكو؟؟
::- شبيك ترى اني احبك بس انتة
ما تحبني والله اذا ما جنت مخطوبة
ساعتهة انتة تخطبني وانتة تزوجني
::- لا بالله اني شايف منج غير
السخافة والتفاهة واكرهج؟؟
::- شبيك اشاقة ليش عصبت
ترى اني اعرفك تحبني وبعدين
انزع هاي النضارة خلي اشوف
عيونك الزرق الحلوات
::- يلا اني راح اروح
::- فديتك يمة شحلاتك يروحي
انت تخبللل راح تموتني وين بعدك
::- هاي انتي صدك تحجين
صدك انتي مو صاحية شنو خطيبج
ماكايلج لاتحجين ويا غيري ميغاررر؟؟
شنو انتي فهميني يعني عادي
::- شبيك انتة صديقي ما عندي
اصدقاء انتة الوحيد يلي تعرفت
عليك وحبيتك
::- غبية
::- احبك
::- استغفرالله انتي مثلل الجهال
شنو هل حركات
::- هههه اني جاهلة يمعود اني
صار عمري 25 وتكلي جاهلة
شبيك ماعندي احد اشاقة ويا غيرك
وانته كلي شكد صار عمرك
::- اكبر منج بـ سنة بلا لغوة زايدة
باجر اني اجيچ واريدهم اشوفهم كدامي
::- اي بالله اذا سجنتهم
شراح تسوي احجي
::- انتي بس شوفي شغلج
::- اي حبي اقصد صديقي
اسوي اي شي علمودك
::- لا ما اريد شي بعد
::- هههه دقيقة خلي اشوفهة
واحجي وياهة خلي افهم منهة
كاعدة وخايفه رفعت راسي شفت
اجت بتجاهي ابتسمت بهدوء جانت البنية
كلش حلوة حسيتهة قوية من شخصيتها
::- مرحبا؟
::- هلا ؟
::- هلا بيج اني رحمه واشتغل محاميه
وعمار حجالي كلشي ؏ الشباب
صدك متحارشين بيج؟ وشنو سوو بيج
هزست راسي بـ أي
::- وخصوصن طارق النذل
كامو يحجون حجي مو حلو ابد
::- لا تخافين بعد ما يجوچ
ولا يسوولچ شي
::- اي لو ما عمار جان رحت بيهة
::- انتي بت سرحان مو؟
::- اي بس شلون عرفتي؟
::- اني اعرفكم حتى
اعرف اهلج كلهم
::- اي بس اني ما اعرفج اول مرة اشوفج؟؟
::- اي صحيح بس راح احجي ويا الاهلج
::- شنووو لا لا حبابة والله
يكتلوني ماريد اهلي يعرفون
::- يلا تمام بس لو اني مكانج
ما سكتت وما اخاف منهم
::- انتي محاميه وحقج ما تخافين بس
مو مثلج اول مرة اواجه هيج نماذج واخافن
::- حبيبي لا تخافين وليد
راح احاسبة بالسجن
::- اي هذا طلع واحد وصخ
وراح احجي الأختي تبتعد عنه
::- اختج عدهة علاقة ويا؟
وليد اعرفة من زمان صدكيني
هذا واحد حقير واذا تردين مصلحت
اختج خليهة تنهي علاقتها بي
::- اي اختي غبيه ما تعرف حقيقتة
راح اخليهة تعرف كلشي بس تدرين
اختي كالت ما احبة مجرد كصديق
بس هوة لازك بيهة ويحبها
::- اي حتى لو صديق لازم تعوفة
متعرفين شسوي يضحك عليها
يلا اني عندي شغل اشوفج وانتبهي
لنفسج افتهمتي وراح اعاقبهم
::- شكرا
راحت نزلت راسي اجة عمار باوعلي
::- يلا خلي اوصلج للبيت كومي
::- تمام اني رايحة للسيارة
::- روحي واني هسا اجي وراج
صعدت للسيارة وافكر لازم
انبه لميس بسرعة شفت اجة عمار وصعد
::- يلا ارجعج البيتج
::- تمام اني اشكرك مرة ثاني
بنهاية انتة شخص مو سيء
::- العفو وانتبهي لنفسج
::- اي البنية خطيبتك؟
::- لا غلطانة مجرد صديقة
اعرفهة من زمان
::- هاا عبالي وانتبهت لابس
محبش بصبعك عبالي مخطوب
::- لا وهذا المحبس لوالدي
الله يرحمه واني لابسة
::- ها الله يرحمه لعد انتة وامك باقين؟
::- لا؟
::- ويامن لعد
::- اهلي متوفين عايش وحدي
ماعندي احد من اهلي او اقربائي
::- بس صعب الواحد يعيش
وحدة بدون عائلة صعب حيل
::- اي لعد شسوي حياتي عادية
اشتغل واصرف على نفسي مدبر
اموري ما احتاج احد الحمد لله
وما اخاف من احد وحتى ما احتاج احد
::- هاا زين اسألك شنو
ردت من اجيت لبيتنه؟
::- مردت شي السالفة مجرد ضاعت
محفظة وادور عليهة وعبالي اختج الي ماخذتهة
::- هاا اذا هيج عادي لاتعيدهة مو حلوة تجي
هيج وراح احجي ويا لميس وافهم منهة
::- تمام اشوفج بالشغل وهذا
رقمي شصير اتصلي علية وانتبهي
و همة اعرفهم ما راح يعوفونج كلشي
يسوون اذا صار شي اتصلي بية ولا تخافين
::- تمام راح اخذة بس اذا صار
وياي شي راح اتصل عليك اليوم
جان كلش صعب زين اسألك
همه شنو يصيرون منك؟
::- لا ميصيرون مني شي
بس اعرفة من زمان تكدرين
تكولين اعداء الية
::- بس انته انتبه منهم
::- كتلج ما اخاف
منهم يلا وصلنة لبيتكم
::- يلا شكراً المرة الاخيرة
نزلت و ودعتة طبيت للبيت كلشش
جنت خايفة اليوم الصار ابد مو طبيعي
اني افكر ب لميس خايفة عليهة
الغبية مالكيت احد بالبيت رحت
شربت ماي وهدئت شفت اجت
عمتي باوعتلي كالت
::- هلا بلحلوة شو اليوم جاية من وكت
::- هلا عمة اكلج وينهة لميس وامي
::- والله امج راحت يم ام نور ولميس
ما ادري طلعت سألتهة كالتلي عندي
شغل شنو هاذة الشغل ما ادري اختج
راسهة يابس اصيح عليهة ما تسمع
::- هاا تمام اني اروح للغرفتي تعبانة
::- بيج شي شبيج خايفة صاير شي
ليش وجهج اصفر هيج
::- لا ما بية شي بس شوي
تعبانة اروح ارتاح
::- ؏ راحتج
رحت الغرفتي اتصل ؏ لميس
ما ترد كامت ترفض بس ردي
ليش ترفضين هاي شبيهة وينهة بس
لا راحت تشوفة الخبلة والغبية
ياربي منهة خايفة عليهة
لميس "
::- كعدت بالغرفة ضايجة كمت
من مكاني لان مليت ماكو شي
رحت كمت امشط شعري وكلت
اغير ملابسي فتحت الكنتور اباوع
رجعت سديتة شفت موبايل يرن فتحتة وليد
ما هتميت ماريد اجاوبك شفت الغرفة
تهلهل كلت ارتبهة عدلت الجرباية
شفت جنطتي اخذتهة تذكرت اخذتة
من رحت اشوف وليد لو ادري مرايحة
فتحتهة طلعت مكياج ومحفظة؟ صفنت
اخذتهة فتحت عيوني شفت كومت فلوس!!
فزيت هاي الفلوس شكدها
اتذكرت شنو يريد من كالي يدور
؏ المحفظة رجعت استوعب ضربت
جييني اوففف شسويتتت الفلوس
اهواي يعني صدك اني بواكه
بس اني مسويت شي يمكن اخذتهة
بالغلط وما اريد اصير حرامية ومو حرامية
بس هم لازم ارجعهن ميصير وين
الكي هذا تذكرت صح هوة يشتغل
ويا ريماس اروح المحل وانطيهيا وافظ
السالفة ويوخر عن حياتنه
رحت بدلت ملابسي وطلعت وصلت
للمحل طبيت لكيتة ما هوة
سألت ولد الي يشتغل وياهم
سألته عن مكانه كال
::- ها قصدج عمار؟
::- ما اعرف اسمة بس
يمكن هوة هيج عيونة بيهن لون
::- اي هوة عمار شتردين منة
ترى هوة طالع قبل شوي راح
::- صدك لا اريد احجي
ويا بشغلة وين راح
::- ما ادري يمكن
راح البيتة انتهة شعلة
::- زين بيتة زين صاير؟
::- تردين عنوانة اني اعرف وين بيتة
::- اي ياريت انطينيا؟
انطانين العنوان كلت شكراً ممنوتك
رحت هيج منطقة عادية نزلت كمت
امشي حرت وين الكي بيته بس
ما اروح الة انطيهيا شفت جهال جاي يلعبون
كلت اسألهم رحت سألت واحد
منهم وكال عن بيتة اشرلي عليه شكرته
شفت صفنت بيتة زغير وعادي
بقيت حايرة ادخلة لو لا دكيت
الباب البيت محد فتح رجعت ادك
ماكو الباب مفتوح دخلت
طبيت رحت دكيت الباب
ماكو احد حطيت ايدي عل
مقبض انفتح استغربت وكفت بمكاني
كمت التفت دخلت لجوة راح احط
المحفظه واطلع طبيت الصالة ازغيرة
وبيتة جان اضلم صعدت الدرج طبيت الغرفه
كلت يمكن هاي غرفتة زغيرة وهمين
ضلمة حطيت المحفظه ؏ الجرباية شفت
الغرفة بسيطة ومرتبة باوعت لكيت اسلاح
محطوط ؏ الميز بقيت اباوع كلت يمكن
مزيف اخذتة لكيتة حقيقي وثكيل
خفت بسرعه رجعته خطوة لمكانة
شفت اوراق مدري شنو اني كمت
اخاف لازم اطلع منا شطببني اني
سمعت الباب الجوة انفتح واسمعه يحجي
دمي نشف فتحت الباب الغرفة كلت
اطلع اسمعة يحجي ويصيح رجعت
بسرعه وتوترت لا ما انزل هسا يشوفني
وماعرف شسوي بيه ياربي اني شجابني
لهنا لازم اطلع بس شلون اطلع سمعت
خطواته ويصعد الدرج حرت وكمت
افتر بالغرفة صفنت ؏ الجرباية رحت
لبدت جوة الجرباية وكلبي ينبض بسرعة
::- هاي شبيك وينك رحت يم الملعب
ما اجيت هاهية بعد ما اريد اشوفك
.... يحيى... شبيك صارت وياي شغلات
ما تسولف بيهة... لا ما زعلت اني هسا
بلبيت يلا.. بعدين اشوفك
احس كلبي راح يطلع من كثر
الخوف واشوف خطوات رجلي
جاي يمشي وغرفتة ضلمة
ياربي شنوووو شجابنيييي
شفتة طلع وما اعرف اذا راح
رجع دخل للغرفة كطعت نفس
نزع ملابسة نصهة وذباهة بلكاع وطلع
فجأة رن الموبايل فزيت بسرعه رفضتة
وخليتة صامت شفت المتصل اختي
وكتج اني شلون اطلع صدك اني وحدة
غبية ومتهورة اسوي الشي بدون ما افكر
رجع طب كعد ؏ الجرباية
كمت ارجف وانفاسي فضحتني
مر الوقت ضليت كاعدة بمكاني
وصامدة ماطلعت صوت ابد كلش
خايفة نايم وما يكوم من مكانة
شوكت يكوم سمعت يراسل احد
تجي مسجات اني شنو شجابني لهنا تورطت
اصدك وحدة غبية وراح ابقةة غبيةةةةةة
حسيت كام من مكانة اني
خفت مدري شأخذ وطلع
من الغرفة مسمعته ولا دخل
كلش خفت ما اريد ابقة هنا
راح اطلع وشصير خلي يصير
كمت من جوة الجرباية لان ماعندي
غير البد بي كمت من مكاني واحس
جسمي تكسر وخدران فتحت الباب باوعت
ماكو احد صفنت ثواني مشيت
خطوة سمعت الماي كاعد يسبح
اكو بصف الغرفة حمام اتقربت منة
سمعت الماي جاي يسبح كمزت هاي فرصتي
فرحت رحت اخذت جنطتي وعفت
المحفظة ؏ الميز حتى يشوفهة نزلت بهدوء
وصلت للباب فتحت الباب ماكو ومقفول
حطيت ايدي ميفتح الباب وافتح
بي ماينفتح رحت للمطبخ واباوع
اكو باب ثاني كلشي ماكو
رحت احاول افتح ابد مجاي ينفتح
عصبت وجهي صار احمر كمت
ادمع و اليوم ماراح اطلع ابد
هذا عايش وحدة واني ويا
لافوكاهة عندة سلاح
عصبت طكيت الباب برجلي
حيل واني سديت حلكي
دعيت بكلبي بلكي اطلع
ياربي ساعدني اطلع ماريد ابقة
هنا بشر ماعرفة تذكرت كلماتة
كمت اخاف كلش صعدت فوك
سمعت الماي انسد واني لزمت
كلبي حرت وين اروح هسا اصعد
اروح البد جوة الجرباية لاا اجتني فكرة
دكيت الباب بقوة رجعت لبدت بالمطبخ
شفته نزل فتح الباب باوعت رجع صعد
لفوك كلت هاي فرصتي اطلع رحت
للباب فتحتة ماينفتح لكيتة مقفول
::- لاااا هاي ليشش!؟؟
هذا قفلة مرة ثانيه غبييي لا ماستسلم
راح ادكة مرة ثانية واني معصبة دكيتة
حيلل ابرجلي دفرته دفرات
نزل مرة ثانية ومعصب فتح الباب
ماكو احد حجة بعصبيه
::- ولله اله اليوم اكمشك
وما ارحمك بس اعرفك اطلع
احسلك شلون عالم ما تحس
باوعت صعد للغرفتة ركضت للباب
فتحتة لكيتة مفتوح همزين ياربي
بعد ابد ما اعيدهة والله
اول ماطلعت سمعتة نزل حرت
وين اروح بقيت واكفة برة لان
هسا يشوفني ويعرف اني بيتة
رجعت وكفت بالباب ودكيتة
حيلل كلت ماعندي حل
واول ما فتح الباب بسرعة
حجة بعصبية
عمار::- منوو بالباب اليوم انعل والدي..!
بقة صافن من شافنة انصدم
عكت حواجبة وكال
::- هاي انتي تدكين بالباب شجابج؟؟
حجيت بالطف وتوتر
::- مرحبا اااءءء شلونك لا مو اني
الدكيت الباب بس هاي الجهال خطية
جاي يلعبون ويدكون بالبابك واني من
شفتهم صحت بيهم ههه!!
::- وانتي وين شفتيهم؟
::- هاي شبيك همة جهال جاي
يلعبون شبيك عصبي اليشوفك
يكول اني ادك الباب مو همة
اصلاً راحو لبيوتهم
::- اي بالله وانتي شجابج لهنا وشعرفج
مكان بيتي صار عندي فضول؟
::- ها.. لا مو هاي صديقتي هنا واني
اجيت حتى اشوفهة وشلون صدفة انتة
طلعت نفس المطقة مالتكم ههه
::- وشسمهة هاي صديقتج اني
اعرف هاي المنطقة كلهة
وعرف كل ناسهة
::- لا هية ستوهة جاين ساكنين
هنا وصديقتي ماتعرفهة
::- تمام يلا امشي منا
::- اي واصلاً اني ماجايتك يلا باي رحت
عفتة ومشيت وحتطة ايدي ؏ صدري
كمت اتنفس بسرعه همزين نفذت اني
اعرفة ما صدك كلامي شكرا ياربي
لو ادري ما اجيت بس يلا ماصار شي
بعد ما اعيدهة وخلي انسه
اروح للبيت احجي ويا ريماس واكللهة
كلشي صار وياي بس صدك اني وحدة
غبية شعندي افكر هيج
طب وسد الباب وصعد للغرفة
باوع شاف محفظه اخذها طلعن كل
فلوس صفن مين اجت شجابهة عرف
::- يعني اطبين البيتي انتي ادكين بالباب؟؟
رن جهاز
::- الو
::- عمار وينك انت مو اشتكيت
همة انسجنو ورفعت عليهم دعوة
وهمة هسا موقوفين وراح اسجنهم
::- هاا خوش
::- تجي لو لا
::- اي اكيد اجي ربع ساعة
ويمج بدلت وخلصت
لميس
::- كنت اتمشة شفت جهال
جاي لعبون صدك حلوين اني
رحتلهم حجيت وياهم عادي العب
وياكم جاي احجي وياهم وهمة يضحكون
وحدة كمشت شعري وتكلب بي كمت
اضحك وياهم شفت عمار صفن علية
ويباوعلي بنضرة غريبة خفت ضليت
اباوعلة شفت اشرلي بيدة كال تعالي
كلت هاهية هوَ عرفني اني اجيت البيتة
::- خير شكو شعندك ترى رايحة اني
::- انتي نفسج اخت ريماس مو؟
::- اي؟؟ ليش
::- لا بس هيج اسأل
::- اي ريماس اختي
اقترب مني خطوة وصفن بعيوني
استغربت شجعت نفسي
::- شكووو خيرك
::- اريد اشوف عيونج وكلشي
واضح انتي وحدة جذابة
::- شنو قصدك اني بجذابة!!؟
::- اسمعي ما اعرف بشنو
تفكرين بس جيتج لهنا
مو صحيح واذا شفتج رجعتي
صدكيني مراح اسكتلج
::- شنو ما يصير اجي منو انته اصلا؟
وبعدين يصير انتة تجي البيتنة وتبوك
واني هم مثلك اريد اجي لهنا
::- امشي منا انتي وحدة
مثلج وشسوي هنا بمنطقة تعبانه؟
::- وانتة شعليك؟
::- خوش اذا شفتج بيتي ساعتة
اعلمج اهلج بعد ما تشوفيهنم ولا آي
انصدمت مكاني بلعت ريكي
ماعرف شحجي عافني وراح
::- شلون عرف بس
مو صوجة صوجي اني الغبيه
حسيت نفسي انقهرت كلش
رجعت للبيت طبيت شفت ريماس باوعتلي
::- وين جنتي اتصل عليج وما تجاوبين!!
حجيت بنزعاج
::- وخري عني اني
تعبانة ومالي خلكج
::- شبيج تعالي للغرفة اريد
احجي وياج بشغلة مهمة حيل!!!
::- اوف مالي خلكج بعدين نحجي
::- جاي اكلج شي مهم
وضروري تعالي وراي
صعدنه للغرفه صفنت علية
::- هاي احنة بالغرفة احجي شرايدة
::- الموضوع يخصج ويخص وليد
::- ليش وليد شبي شكو شصاير بعد
::- شوفي اريدج تنهين
علاقتة بي فهمتي عوفي
::- انتي شبيج شصاير شبي
وليد شنو انهي علاقة شتحجين
::- راح احجيلي وراح افهمج وليد
مو مثل ما متوقعتة ترا هوة يخونج
وما تعرفين اي شي عنة
::- شدا تحجين اني اخذت قرار
راح ارتبط بي وشنو يخوني ما تعرفين
عنة اي شي وشعرفج بي هوة يخوني
::- حقج ما تصدكين عمار
حجالي عنة وكلي وليد واحد نذل
وصخ ويخون باختج وهية ماتعرف
::- شنو شنو شنووو كلتي عمار
هذا النفسة يشتغل وياج ونفسة
الجة البيتنة هوةةةة
::- اي هوة نفسة افهمي عوفي وليد
هسا تتصلين عليه وتنهين علاقتة
وبعد لاتشوفينة واحد غريب وخاين
::- شبيج هذا الحجي كله جذب
وبعدين شنو صدكتي بعمار ومن
شوكت تحجين ويا ها فهميني شنو
صايرة صديقتة لو شنو انتي تخبلتي
لجج مجاي استوعب شي
::- نصي صوتج لا يسمعنة احد
ولج جاي اكلج انتي ماتعرفين حقيقتة
كل الوقت يكضيهة يم البنات ويخونج
::- فهميني انتي من شوكت تحجين
ويا انتي مو ما تحجين ويا ولد ولا تحبين
تحجين ويا واحد ولج عمار هوة الوصخ
ابتعدي عنة افهميي
::- لا انتي غلطانة عمار انسان محترم
صحيح هوة اجة البيتنة وكام بس ماسوة شي
هوة بنهاية مو سيء وليد هوة الوصخ افهميي
::- انتي شبيج وليد مو وصخ وهو
عاملني بحترام واعرفة وماعندة شي
بس اني اتجاهلتهة اسمعي اذا شفتج
آو سمعت تحجين ويا هذاك ما ارحمج
::- مكاعد تفهميني ما راح اسمح
يصير هيج واني موجودة وهسا راح
تشوفين حقيقتة وكولي ما كالت
وبعدين وين جنتي كولي اسئل عمتي
تكول راحت بشغلة شنو ها وين جنتيي
::- كافي فهمتي ما اريد
احجي وياج اطلعي من الغرفة
كل كلامج موصحيح
::- تمام روحيلة اني طالعة
انتي ماينحجي وياج
كعدت ؏ السرير وصفنت
معقولة وليد يخوني واني
ما اعرف
::- لا مستحيل هيج يسوي
#نهايت_البارت 🔱
#انتَ_مـلكُي
"part 4 ¦حكاية انتقام¦🔱
••••••••••••
ريماس "
اشتغل كل يوم وشغل عادي صرت
ما اشوف عمار اشوفة بس مو كلش
ما يحجي وياي ولا يباوع
اليوم الرابع كل عادة رحت اشتغل
شفت عمار جان شكلة حيل حلو
صفنت علية ابتسملي رجعت
استوعب درت وجهي خجلت
رجعت اباوع اجة لأمامي ابتسمت عادي
::- هلا شلونج
::- هلا بيك بخير وانته
::- حمدالله بخير
::- اي شكو ماكو؟؟
::- ماكو شي
::- الحمد لله
::- اني اروح
رحت عفته شربت مي سمعت اجة
ابو مصطفى صاحلة كام يحجي
ويا فجأة صاح عمار وبدأ يعيط
::- ليشش منوو كلكك؟؟
::- شوف عمار اني محترمك وانتة
خوش تشتغل بس لازم تعوف الشغل
واذا تريد اني الكيلك شغل زين ومرتب
::- انتة تقصد تريد تطرطني كول؟؟؟
اكو شي مسوي لا اكو سبب لاا
اني ما عندي غير هذا الشغل تعرف انته
::- لا ما اريد اطردك
بس عوف الشغل اذا تريد
::- لووو صدك زلمه حجيتت
جبان طزز بيككك وبشغلك
شفت طلع ومبين معصب حيل
كلت بحيرة عمار شبيك صاير شي؟
::- ما كو شي اني راح اعوف الشغل
::- ليش شحجيتو كول
::- كتلج بعد ما اجي لهنا
ولا اشتغل اشتغلي انتي
::- اوكفف
طلع وجان ضايج كلش رحت
جبت جنطتي مصطفى كلت هسا ارجع
طلعت ورا ما لكيتة وين راح هذا؟
ضليت ادور علية رحت كمت اتمشة
للملعب بلكت الكا مشيت جان
قريب شفتة جان وضايج ومعصب
::- عمار هاي شبيك شصاير
::- ليش اجيتي؟؟
::- اعرف صاير شي احجي؟
::- ماكو شي
::- لا اريد اعرف
شصاير وياك كول
::- امشي كتلج
::- راح ابقة هنا اريد
اعرف احجي شبيك؟
::- روحي ماكو شي
::- ليش؟ شصاير
::- اصلاً ماصار شي بس مايريدني
بالشغل رجعي انتي مو مهم
::- انتة بخير؟
::- اي اني بخير بس ليش مهتمه
اني راح اشوف شغل ارجعي
::- مو من شفت خفت وحبيت اطمن
::- تمام يلا اني راح اروح بعد
ما اشوفج واهتمي بنفسج وشكرا
::- اني راح احجي ويا ابو مصطفى
وراح اخلي يرجعك شنو السامعة؟
عنك راح افهم وراح يرجعك
::- اسمعي اني اخذت
قراري ما اريد ارجع
::- بس خوفتني عليك انته
ساعدتني وما نسيت مساعدتك
::- اي يلا موفقة بشغلج اني رايح
ابتسمت سمعت صوت بقيت صافنة
التفتت لوراي شفت لميس
لميس ::- ريماس؟؟ ريماسسس
شسويننن هنااا
ريماس::- هاا؟؟ لميس
لميس ::- انتي شسوين هناا يمة
وانتةة؟؟ شنو علاقتك بأختي
ريماس ::- لميسس انتي شجابج
شنو علاقة شتحجيننن شوكت اجيتي؟
عمار ::- شرايدة هم تردين تجين لبيتي؟؟
احجييي شنو ردتي وشسويننن
ريماس ::- شنووو
لميس ::- انتتتتتة شتحجيي
عمار ::- تفهمين شكاعد احجي
ريماس ::- شنو فهميني
شنو صاير شوكتت
عمار ::- لا بس اختج اجت البيتي
واني ما شفتهة ما ادري شتريد
وبعدين طلعت اسأليهه؟؟
ريماس ::- واني اكلت وين رحتي وصرتي
تحجين حجي عليَ ومجرم ومدري شنو
عمار ::- اني ماعندي حجي رايح
راح مشة وعافنه خزرتني وحجت بعصبيه
لميس ::- احجي انتي شسوينن شنوو
تحبينة شفتكم سوة واحد غريب ومانعرف
عنة شي شسوينن وياااا احجيييي تحبينة؟؟
ريماس ::- لاااا اصلاً مسويت شيي فهمتي
غلطط واصلاً اني ما احبة شتحجين فهميني
شتسوين بيتة ها صدكك الحجا؟؟!
لميس ::- تذكرين من اجة البيتنة
وفات وطلع ماخذ ملفات تخص الشغل
وبابا يدور عليهن واني كلت يمكن وهوَ
البايكهن ف رحت ادور عليهن بس مالكيتهن
ريماس ::- صدك تحجين متأكدة؟؟
لميس ::- اي شنو قابل
اجذبب ما اسوي شي بيتة
ريماس ::- يعني مو هوَ البايكهن لعد منو
لميس ::- شمدريني
واحجي انتي شسوين يمه
ريماس ::- ما اسوي شي هو
يشتغل وياي وهيج حجيت ويا
لميس ::- اسمعي خلي يولي واحد سرسري
ريماس ::- اصلا عاف شغل وراح
لميس ::- الله ياخذة ويموتتت
ريماس ::- شتحجيننن لا تدعينن هيج
لميس ::- اسمعيني اني اروح وانتي روحي
الشغلج وبالبيت نحجي واذا شفته رجع
لا تحجين ويااا ابدددد وعوفييي
ريماس ::- اني مو جاهلة ترى
اعرف ادبر نفسي يعني مثلج
طبين بيوت العالم
لميس ::- احترمي نفسج اني اختج
الجبيرةةة ترى اهواي اشخاص
خطيرين هنا اخاف عليجججج
ريماس ::- تمام فهمت
لميس ::- يلا روحي بالبيت نحجي
ريماس ::- ما سويت شي غلط؟
لميس ::- شفتج تحجين وياا
ممنوع تحجين ويا افتهمتيي
ريماس ::- كااافييييي
اخذت جنطتها وراحت
حسيت نفسي مقهورةة بس
همين الغلط مني رجعت للبيت
قبل لا ارجع كلت اروح اشوف
نسرين رحت مريت بيتهم
دكيت الباب انتظرت دقائق محد فتحلي
وماكو احد صفنت شنو معقولة محد
بالبيت؟ رجعت دكيت الباب انفتح طلع
كرار اخوها الثاني صفن علية
::- هلا؟ شتردين
::- اجيت اشوف نسرين
هز براسة اطب دخلت بسرعه سعدت
لفوك دكيت باب الغرفة بعصبية حجت
نسرين ::- منو هااا؟
لميس ::- اني لميس اطب لو اروح
نسرين ::- ها لميس هلا
شلونج شوكت اجيتي؟
لميس ::- صارلي ساعة ادك محد
يفتحلي الباب شنو ما تسمعين؟
نسرين ::- جنت حاطة سماعة
ما اسمعتج طبي راح اجيلج ماي
لميس ::- ياريت الجو حار
كعدت ؏ الجرباية واحاول اجر نفس
جابت مي شربت الجو نار
::- مو كلش الجو زين لعد
ما اتصلتي علية اجي افتحلج الباب
::- شمدريني ولج صارت وياي
مشاكل وانتي ما تدرين
::- خير شنو صاير
::- اي حقج انتي نايمة ومتعرفين
::- احجي ولج شبيج صاير شي
واضح اكو شي احجييي
::- وليد اتصل عليه ما يجاوب
مقفول جهازة ما ادري ليش وينه
ماعرف اخر مرة ردت التقي بي
واني عفته ماعرف شصار ويا
::- يعني يمكن عنده
شغل او ما يسمع جهاز
::- صارلي فترة اتصل عليه ما يجاوب
::- والله ما ادري بس
عادي يمكن مشغول
::- ميشتغل اصلاً عوفينة
تعالي اكلججج ولج
هاي ريماس تحب
::- شنو تحب؟
::- تحبب شنو بعددة
::- قصدج تحبلهة واحد؟
::- اييي
::- صدكك؟؟ وليشش محجيتيي
::- اصلاً اني ستوني دريت
لو بس تعرفين واحزري منو
راح تصدمين مثلي
::- منو بس لا كيان هوَ؟؟
::- ياريت لو صدكك تحبه
بس تحب هذا عمار مدري شسمة
::- ياهو ياعمار منوة ؟؟
::- وولج هذا الي اجة للبيت علساس
يشتغل بشركت بابا ومدري شريد
تدريننن عرفت شنو يريددد من
شفت وليد اول مرة ومن رجعت
كلتج صارت عركة وطشرت غراضي
هو جان موجود هناك وكعت محفظته
واني اخذتهة حتى مشفتهة وهوَ من شافني
كال عني بواكة بس ما بكتتها والله
::- هااا فهمتت والمحفظه عندج
::- رجعتهة لكيت بيهة كومت فلوس
::- اي وشصار فهميني
انتي جذبين علية؟ لو لاا
::- راح افهمج ريماس
مو تشتغل بحمل مالملابس
::- اي؟؟
::- طلع هو هم يشتغل وياهة
ومتعارفين ومدري شنو اني مجاي
استوعب شحجيي
::- اوكفيي لحضة اني هم
مجاي افهم شي زين هوَ طلع يشتغل وياهة
::- اي بعدين دريت
::- ومن شوكت ويعرفون
بعض وشلون طلعت تحبة اني
اعرف اختج تكره العلاقاتتتت
::- لا هية ماكالت تحبة بس
كالت هو حباب ومدري شنو
مو انسان سيء
::- والله دوختيني هية تحبة لو لا
::- مادري بس يمكن واحد
مانعرف اصلة وفصلة وتحبة انيي
خايفةة عليهةةة
::- روحي افهمي منهة يمكن
صدك الولد ما عندة نية سيئة
الشي الرادة محفظته وانتي اخذتيها
::- لا بعد ماخليهة تشوفة ولا تروح
للشغل اخاف يسويلهة شي اختي
بعدهة زغيرة والشباب هاذة الوكت
مو بشر راح احجيلج كلشي
::- صدك تحجين يعني انتي
رايح البيتة علمود ترجعين
المحفظه مجاي اصدك
::- هذا الصاررر وما اعرف
وهيجج كلتت اكيد يضحك عليها
::- ماجاي اصدك ماعرف
شكلج بس انتي واختج مخبلات
::- شتحجينن اني بس خايفة
شفت محفظة مانطاني كلبي اخذ الفلوس
ورجعتهن واني غبية نسيت اوضحله السالفة
::- تردين الصراحة الشاب من شفتة
مابين عندة حركات مو حلوة وهو حلو
واني اعرف اختج تفتهم اذا تحبة خليهة
تستمر علاقتهم
::- لاا انتي شبيج شنو تستمر علاقتهم
ولج تخبلتي هسا كون اشمرج من الشباج
لجججج هوووووَه غريبببب جاي اكلجج اخاف
عليهة منةةة يسويي بيهااا شيييي
::- ؏ كيفج اني شحجيت
وبعدين شكو بيهة اذا اختج تحبة
شكو بيهة كلنة نحب
::- اني مو قصت حب ولج واحد
غريبب افهمي راح اتخبل ماعرفةة
طاحضججج خليي يوليييي
::- اهدي شبيج كافيي
::- اوفففف والمشكلة وليد
مادري شصاير راد يحجي وياي
بموضوع مهم وراد يشوفني وماعرفت
::- ولج بس لا يريد يتقدملج
::- شنو تخبلتي شتحجين
::- ولج غبية انتي مو تحجيلي عنة
وكلتي هوة يحبني ويحجي وياي
يمكن يريد يتقدملج يريد يخطبججج
صدكيني اني ردت اكلج
::- مادري يعني معقولةةةة صدك؟؟
اصلا اتصل عليه رقمه مغلق حاولت ماكو
::- اكلج واسمعي زين اذا اتقدملج
وافقي ترى متلكين احسن منة خوش ولد
وغنننيي واهلج يعرفونه وحباب شتردين بعد
::- مادري بس اريدة
يجاوب عليه اريد افتهم
شلون هيجج ميحجيي يمكن ضحك عليه
::- اكلج روحي البيتة
وشوفي اخاف صاير شي
ما يضحك عليج
::- صدك اي اني اعرف بيتة
::- صدك يمعودة ترى اشاقة؟!!
::- لا فكرة حلوة وشكو بيهة
شرايج نروح اني اعرف عنوان بيتهم
::- بس اذا رحتي شراح تكليل
الهم شنو تكليلهم اني حبيبتة؟
::- لا عندي خطة كومي اريد
ملابس من عندج واعرف شسوي
ولاتخافين بيتهم قريب منا
::- تمام اذا عندج خطة اني
ماعندي شي بس شنو فكرتج
::- كومي خلي نبدل
اني اعرف شسوي
::- تمام راح انطيج ملابس من عندي
كمنه بدلت لبست لبس حلو وطويل
لبست فستان بلون البيض والسود
وبي رباط ؏ شكل وردة وطويل وحلو
ولبست حذاء رياضية وحليت شعري
ومشطتة وحطيت مكياج خفيف
وطلعت مختلفة وحلوة صفنت عليه وابتسمت
::- الله طالعة تخبلين شنو هاي
::- اي لازم البس هيج شنو ترديني
::- اي بس طالعة فقيرة وحبابة ههه وكيوت
::- اي نسرين شوفي البسي محبس تمام
::- ليش؟
::- خاف من تجي امة وتشوفج
وتختارج فـ لبسي محبس وكليلهة
اني مخطوبة ولاتحجين شي
::- فهمت هههه راح البس
علمود ماتختارني ههههههه تزوجني
::- اذا ما يرد عليه اني اروحلة
وخلي نتعرف ؏ عائلتة خلي اتعرف
؏ امة واريد اعرف اكثر عن حياتة
::- يلا اطلعي وهسا اطلع
وراج
طلعت واحس روحي مختلفة اني
ما البس لبس هيج استايلي عبارة
عن ضيق اهلي ميحجون وعادي
طلعنة كلت
::- خلي نطلب تكسي احسن
::- يلا
وكفنة سيارة اجراة كمنه
نخطط ونسولف ونضحك
وصلنة نزلنه كمنه تمشة بحيهم
شفنه بيتهم وكفت واشرت عليه
::- لج وواو شنو هذا البيتة
::- اي حيل حلو يلا
::- امشي طبي
::- اي هههه مثل ما كتلج وعلمت
اوكي حسب الخطة مو تفشلينة افتهمتي
::- اي تمام عرفت لاتخافين
دكينة باب البيت طلعتنه بنية
حلوة همست نسرين احجي هية
نسرين ::- ها اي... مرحبا
::- هلا؟؟
نسرين ::- ااءءة هذا بيت ابو نور؟
::- لا مو بيت ابو نور؟
لميس ::- اوف احنة انريد نشوف
نور صديقتنة ومنعرف وينها
::- لا انتن غلطانات العنوان مو الهم؟
لميس ::- اخخخخ راسيييي نسرين راسي
يوجعني اااه.. ااااه
وكمت اموع بروحي واتنفس كوة
اجت نسرين مفزوعه وتكمش بية
نسرين ::- شبيج لميسس
حبيبتتتيي انتي بخييير
البنية توترت كالت
::- ببيهة شييي..؟؟
نسرين ::- لا مو صارلنة ساعة نمشي
وشمس حيل حادة وخطية راسهة
كام يوجهة داخت ما تتحمل
::- لعد طبن جوة خطية امشن
جوة خاف صاراهة شي
كمشت ايد نسرين واموع بروحي
لميس ::- نسرين اريد مييي ميي
نسرين ::- حبيببتي على كيفجج
تكدرين تجيبين ميي؟
::- فوتن جوة تعالن
::- لا اصلاً احنة ما نعرفكم ماريد نزعجكم
احسن شي نرجع لو ادري ما اجينه
::- لا طبن خلي تشرب ماي
عل الاقل هية مو زينة
نسرين ::- اي والله ولو تصير زحمة بس
حالتة مو زينة شكراً تعالي لميس طبي
خطية ماتحمل
لميس ::- اااه
طبينة جوة والبيت جبير والحديقة حلوة
وبيها شجر حبيت شكل البيت
ردت ابستم بس اتذكرت اني امثل
تعبانة طبينة جوة وداخل يخبل
اكعدن بالصالة كالت هسا اجي
نسرين ::- هذا البيت الحلو الله يخبلل
لميس ::- هههه عن قريب راح
يصير بيتي وتجين تزورينه
نسرين ::- ولج اجتتت
رجعت امثل كدامهة
لميس:::- اخخخ راسي يوجعني
::- اخذي ماي بارد شوي بلكت
صيرين زينة واني راح اصيح الام ايهاب
نسرين ::- حبيبتي لا تصيحيلهة هسا
نطلع راحت اني بقيت صافة كلت
اكلج منو ام ايهاب هاي شنو امة؟؟
لميس ::- اني شمدريني اي يمكن
نسرين ::- اي حلو اجت اتصرفي
عدل اجت بس امبينة امة
جانت حلوة كالت
::- هلا؟
نسرين ::- هلا خالة اسفين ؏ الازعاج
::- لا حبيبتي هلا بيجن
نسرين ::- اعذرينه هاي بت عمي
داخت بالشمس جنة جاين الصديقتنة
وما نعرف عنوانهة عبالنة هذا بيتهة
وخطية تخربطت شوي واعتذر ازعجناكم
::- هلا بيجن لا ازعاج ولا شي
وهسا صارت زينة شلونهة هسا؟؟
نسرين ::- اي هسا احسن
::- بس منو انتن؟
نسرين ::- اني اسمي نسرين وهاي
بت عمي لميس خطية ما تتحمل
الشمس احنة اول مرة نجي لهنا
::- هلا بيجن لا عادي سوسن
جيبي شي بارد نشربة مين انتن؟
نسرين ::- احنه من****
::- هلا بيجن شلون صرتي
لميس ::- اي بخير احسن
خالة هاي بنتج الله يحفظها
حبابة استقبلتنة استقبال حلو
وشكرا لستقبالكم الحلو
::- هلا بيجن وهاي مو بنتي
بس تشتغل هنا
لميس ::- هاا والله اكلج صراحة ما احب
اجيب شغالة البيتنة اكلج ليش خالة
::- ليش حبيبتي
نسرين ::- ابكلبي "
هلا راح تلعب لعب هاي المخبلة"
لميس ::- اول شي اني اشتغل
واطبخ واحب اهتم بالبيت وامي
دائماً تصيح علية بس اني اعاند اكللهة
ما يصير انتي ربيتيني وكبرتيني وتعبتي
علية واني هسا اتعب واصير مكانج وابد
ماعرف اكعد كل شغل البيت عليهة
نسرين::- بكلبي "
كلش؟؟ امج صيح عليج وانتي
نايمة وبس اكل تاكلين وتكرهين
تشتغلين بالبيت بس صدك الكلام
سهل ضحكت عل مرة شلون فشلة
::- عفية اي والله صعب بهذا الوكت
البنات مدللات مالهن خللك
لميس ::- اي ترى بيتج كلش
حلو وچبير ما شاء الله
::- هذا من ذوقج انتي بنية
حبابة وانتي حبيبتي
نسرين ::- ها لا اني ما احب اشتغل
يعني عندي دروس وهسا اني مخطوبة
بس لميس حبابة وكل ما اجيهة
الكيهة تطبخ وعبالك ام بيت ههه
حتى اكلهة يخبل
::- والله امبينة امج تعبانة عليج حتى
تصيرين هيج وانتي مخطوبة مبروك
نسرين ::- تسلمين خالة
لميس ::- اي والله امي دائماً تكلي
اهتمي بدراستج بس اني ما اريد حابة
ابقة بالبيت وخصوصاً اذا اني مزوجة جان
اهم شي اهتم بيهم وبعيالي واذا جان
عندي جهال اربيهم احلى تربية
واتمنة تصير عندي عائلة وتصير عندي
ام ثانية وحتى اني اهلي يخافون
علية حيل ويحبوني كلش
نسرين ::- صدك لميس مثقفة وحلو
ما تحب تطلع واني كوة جبتهة لهنا
كلت" بكلبي كلش اربعة وعشرين
ساعة دايحة وما تكعدين راحة راح تخبلني
احس كلش اتفشلت من تحجي هيج
::- عفية عليج وامج عاشت ايدهة
وحتى لبسج مستور وحلو هاذة شعرج
صابغتة لو هوة هيج
لميس ::- لا خالة اني شگرة ما احتاج
اصبغ وحتى ما احب المكياج ولا البس
قصير احب البس ملابس حلوة وطويلة ومرتبة
::- صدك انتي مؤدبة وحبابة
وحلوة ما شاء الله عليج
لميس ::- شكراً خالة انتي الاحلى
نسرين ::- اي خاله شكد عندج
اولاد لو انتي ماعندج؟
::- اني عندي تلاث ولد وبنية وحدة
ابني الاكبر ايهاب والثاني وليد
والاخيرة ريحانة بس
لميس ::- الله يحفضهم الج متزوجين
نسرين بكلبي ::- عزةةة بعينج وتسأل
اذا مزوجين ابد ماتستحي يمة الفشلة
::- اي بس ايهاب وليد مخطوب
وعرسة عن قريب
من صدمه طفرت مصدومه من
مكاني حجيت بدون عقلي
لميس ::- شنوووو مخطوب؟؟؟
حطيت ايدي ؏ حلكي
ستحيت توترت
::- ههه اسفة خالة بس شوية الشمس
اثرت علية وصحت اسفة اعذريني
نسرين ::- هههه شبيج
حبيبتتي... اسفة متقصد
::- لا عادي هسا اجي اروح
اجيبلجن شي تاكلنة اضيفجن
لميس ::- لا انريد نروح
خالة مانريد شي والله
::- لا عادي وسوالفجن
حلوة انتن خوش بنات
لميس ::- اي راحت
للمطبخ ومدري شصارلي
نسرين ::- انتي صدك مخبلة شبيج
طفرتي ها والله فشلتينة طاحضججج
هسا شنكول عليج مخخخبلةةةة
لميس ::- اني شمدريني عوفيج ولج
معقولة وليد مخطوب عزةةة اذا صدك
مجنتت اعرفففف ياااربيي ما اصدكك
نسرين ::- اسكتي اجت امه
::- تفضلن جبتلجن
كيك اكلن ولاتستحن
نسرين ::- شكرا
لميس ::- شكراً بس اني مهتمة
بصحتي كلش حتى اسوي
اكل كلة صحي احسن
"اول ما شفت الكيك صدك
شتهيت حيل بس لزمت نفسي
يشهي والريحة راح اموت كلش اشتهيت
::- انتي صدك حبابة وسلمي ؏ امج
وكليلهة ام ايهاب تكول عاشت ايدج
؏ هاي البنية نادرة الحليوة
لميس ::- خجلتيني خالة بس شسوي
اني هيج احب الاهتمام بالبيت والنظافة
اهم شي
::- لعد اليوم عشاجن
يمي ما اخليجن تطلعن
لميس ::- لا خالة اذا
تردين اني اطبخلج والله
نسرين ::- كلت بكلبي"
كلش ولج ماعون ما غسلتي بحياتج
وتريدين تطبخين ولج واذا كلتلج كومي
طبخي والله تخزينة كدامهة
::- لا حبيبتي مو هل درجة اول مرة
اشوفج واعزمج وتردين تطبخين ما يصير
انتي ضيفة اكلي لا تستحين
لميس ::- شكرا خالة ، اخذت قطعة واكل
؏ كيفي وسمعت واحد يصيح صدك
خترعت يصيح..
::- يمةةة.. يمة ةة..
اني اول ماشفتة طفرت وصحت
::- ولددد يمةةة
لبدت ورا نسرين والشاب اول
مشافنة خلة وطلع يمكن استحة
من كلت يا ولد! راح صعد لفوك!!
نسرين بقيت مستحيه
كلش حارت شتحجي
نسرين ::- اةة ه هاي
ششششبيج ليش صيحتي؟؟!!!
لميس ::- اسفة بس اني ما متعودة
اطب بيت ما عرفة وخصوصاً اذا
شفت واحد غريب استحي كلش
::- لا عادي اصلاً راح الهل درجة
هاذة ابني اذا راد شي يصيح هيج
اعذريني خوفج
لميس ::- لا بس اني استحي
ومرة من عدهة شفت واحد طب
البيتنة واني كمت اصيح وخفت
وكمت ابجي وطلع اخوي
واني عبالي غريب وحبست
نفسي بالغرفة يومين كلش اخاف
نسرين ::- بكلبي " هاي شتحجي
كلششش ولج انتي تحجين ويا آي
واحد وماتخافين من اي احد وتتعرفين
راح تخبلني هاي الجذب عدهة عسل؟؟؟
::- حبيبتي شدعوة ما توقعتج
هيج انتي احسن وحدة اشوفهة بحياتي
لأن احب النادرات والمؤدبات
لميس ::- اي خالة اسفة صحت
يلا اعذريني ودوختج
::- لا تحجين هيج حبيبتي
نسرين يلا خالة نريد نروح
مشكورة عل ضيافة ازعجناج
::- لا خالة بالعكس السوالف
وياجن حلوة بعد وكت ابقن هنا للعشة
لميس ::- لا خالة مشكورة وتعرفين
اني امي عفتهة وحدهي بالبيت
ومحد يمهة ضل بالي يمهة ماتحمل
اعوفهة وحدهي ومحد يمهة
::- حبيبي سلميلي ؏ امج والله وياجن
لميس ::- الله يسلمج خالة يلا مع
السلامة تعالي احبج سلمت عليه
واذا تردين تجين البيتنة ترا قريب
::- ان شاء الله اجيكم ونكعد
ونسولف واتعرف ؏ امج
كامت تبوس بيهة وتحضن بيه
ولج حتى امج مابوستيهة مثله
بقيت صافنه صارت لوكيه علمود ابنهة
لميس ::- الله يحفظج خليج
مكانج احنة نعرف طريق
طلعنه لبرة كمشت ايدي
نسرين ::- ولج انتي تخبلتي صدك
تحجين تكليلهة اطبخ واريد تصير
عندي ام ثانية ومدري شنو انتي
ابد مو صاحية لج شلون فشلتينةةة
لميس ::- يمعودة مو اني ميتة عليهة
شبيج غير تحبني خوش مثلت مو ههههههه
نسرين ::- والله ما ادري بيج شكد
فشلة هاي لو اني بكانج صميت
حلكي فشلة وتجذبين عليهة
لميس ::- بابا غير تحبني امة
عادي ما تكول شي شسويلهة
نسرين:اي شراح تسوين اذا تزوجتي
تعيشين وياهم
لميس ::- هو من شفت ابنها مو صاحي
والله اذا مثلا ازوجته ما اعيش
يمهم شنو مخبلة ابنها شلون خرعني
نسرين ::- اي والله بس انتي
كلشي تسوين وبلكت تشوف
وجهج الحقيقي ساعتهة تنصدم
لميس ::- اي ههه بس اكلجج اني
القاهرني وليد مخطوب ما جاي
طب بدماغي معقولة وماهوة بالبيت وينه؟؟
نسرين ::- اي والله ذكرتيني لا يمكن
جذب راح تصيرين الچنة والعمة رهمت
لميس ::- شنو تجذب لو صدك
مخطوب جان كلي وامه كلش حبابة
وحلوة ومثقفة وعجبني بيتهم يخبل
نسرين ::- اي ولله
صلنة باب البيتهم وشفنة سيارة
نزلت ونزلت ابنية حلوة احنة
وكفنة وكمنة نتباوع عليها
كالت ::- سوسن وينج نزلي
الغراض من السيارة طلعت
البنية شالت الغراض باوعت علينه
::-منو هذني؟
::- هذني بنات اجن وعبالهن
بيت صديقتهن وهسا راحن
::- ها جاياتني من الشارع
روحي جيبي ملابس نزليها
واني طابة جوة الجو حار
لميس ::- منوو هاييي؟؟؟
نسرين ::- ما ادري روحي اسأليها للبنية
لميس ::- ممكن سؤال
هاي البنية شصير منكم
::- اتصير خطيبت وليد وعرسهم عن قريب
نسرين ::- ها شكرا تعالي
لميس خل نرجع للبيت
بقيت صافنة
::- شنو يعني وليد صدك مخطوب وعرسة راح
يجي وكل هذا واني ما اعرف شششلونن هيج؟؟
::- خليي نمشيي للبيت ونحجي هناك
رجنة للبيت واني كلش مقهورة
كعدت ؏ السرير ومصدومه
::- والله صدمتني
::- اوفف اوففف مني اني
وحدة غبية وراح ابقة غبية
شششلونن يععععني ضحك علية
حححقيرررر صددكك حقيرر لجج
شلوننن ضحكك عليهه انني غبيةة
ريماس كالت بس اني ما سمعتة
ياربي عرفته يخدعني اني هم
غبيهة كلت لا مستحيل وليد هيج
طلع حجيهة كلة صح وجذاااب
::- اي واني ما توقعتة لميس شوفي
عوفي انتي عرفتي من بداية وما حبيتي
طلع جذاب وفوكاها مخطوبب شلون
هيج يسويي ويلعب بمشاعرررج
::- واحددد حيوااانننن وججذاب
بس كلت خلي اجرب احبة
بس طلع واحد حقيررر قهرني
انيي ما اسمح الاحد يضحكك عليه
::- تمام وهاي عرفنه كلشي
وانتي بعدجج بالبداية همزين عرفتي
وهاي خطيبته شلون متعرفة شكد غبيه
::- اني غبية وفوكاهة رحت
البيتة وتعرف ؏ امة لان
صدكت بي وكلت انطي فرصة
::- تمام يروحي لا تنقهرين
بدلي واني راح اجيبلج ماي تمام
::- راح ابقة يمج اليوم ماروح
شكد طلع كلببب وحقيررى
ريماس "
::- صار اليل اتصل ؏ لميس
ترفض ومترد شافتني عمتي باوعت عليها
::- شبيج ضايجة ؟
::- اتصلت ؏ لميس ترفض
::- بس ستوهة تصلت علية
وكالت تريد تنام يم نسرين وباجر تجي
::- ؏ الاقل ترد علية شبيهة؟؟
::- ما ادري خليها يلا
اني رايحة الغرفتي ونامي
بقيت افتر رحت للمطبخ شربت
ماي تأخر الوقت تذكرت بابا لسا
مرجع وامي تعبانه نايمة بالغرفة والبيت هادء
صعدت لفوك سمعت موبايل يرن اخذته
بسرعه شفت رقم غريب صفنت عليه
سديت الباب فتحت الخط حجة شخص؟
::- اطلعي برة منتظرج
استغربت ردت احجي سد الخط
توترت منو هذا؟ رجعت فتحت الباب
نزلت جوة البيت هادء ومطفين الأضوية
وظلمة كمت اسمع صوت خوفني للحظة
ماعرف شسوي فتحت الباب طلعت برة
كمت التفت باوعت عل كراج بيتنه
ردت ارجع انكمشت ايدي بقوة انسحبت
من وراي اخترعت فزيت ردت اصرخ حط ايدة
على حلكي جرني بسرعه لطخت بالحايط
وكعت بالكاع اخترعت رجع دنك عليه بسرعه
وخنكني انكطع صوتي بسبب رعب
ضربني برجلة على بطني بقوة متت بمكاني
كمت اصرخ بهدوء وجع قوي رجع ضربني
كمت ابجي بصوت عالي حاوطت ادية
على صدري وميتة وجع حسيت بصدمه
ومكاعد اشوف شي كدامي
صرخت برعب
::- اااه ممممممنوووووو انتةةةةةةةةةةةة
وخرررررر يمةةةة يماااااااااااه!!
جراني حيل واني اصرخ بصوت ناصي
احاول ابتعد عنه واوكف رجع ضربني
راجدي ؏ وجهي طحت بمكاني لطخ
راسي بلكاع وحيل وجعني درت وجهي
واحاول ما اخلي يضربني
المكان اظلم وشخص غريب ومرعب
كام يضرب بية وانفاسة نار عليه
ما اشوفة واحسة أقترب مني
يضرب ويدفر بجسمي كمت ابجي
واصيح بعد ما احس بشي كمت اون
من وجع واتنفس بصعوبة للتفتت
حتى اشوفة عيوني غوشت من بجي
شفته دار ضهرة وطلع بسرعه من بيت
حطيت ايدي على بطني ميتة وجع
وحيل مرعوبة مرت دقايق قويت نفسي
وكمت من مكاني حسيت الخوف
ياكل بية واحسة راح يرجع يضربني
دخلت لجوة كوة امشي وابجي بألم
صعدت لفوك رحت لغرفتي وكعت
بالكاع كمت اون وجع وماكدر احجي
كلمة ، ما احس بجسمي موتني ضرب كل
ضربة موتتني بمكاني بعد مادري شصار بية
طحت واني ضعيفة افكر اريد احد من اهلي
يجي يمي لكن جسمي زورك بسبب دفرات
منو هو ما اعرف بقيت كاعدة ودايخة
غمضت عيوني واغمة علية
لميس
::- صار صبح فتحت عيوني
تريكت ويا نسرين وضايجة
::- اوف اليوم اسوء يوم بحياتيييي
::- كافي شبيج صدعتي راسي
كتلج الصار صار انسي خلي يولي
هسا هو ملتي راح يزوج وناسيج
::- اي اكيد ضحك عليه
بكم كلمة واني صدكته
شكد حقيرر مستحيلل بعد
يهمنيي ولا راح افكر بي
::- اي صح تلكين احسن منه
والله واحسن ويكون بكد كلمته ويحبج
::- اي والله هيج متخيلة
شخص يمي ويهتم بية ويحبني
شكد اتمنه وميعوووفني ابدد
يارب حققلي حلمي وبواحد يحبني
::- هههه امينن
::- والله اعرف حضي ماكو
واحد بي حظ عشت حياتي
وتعرفت كلهم جذابين ويضحكون
::- لا تنسين انتي تضحكين عليهم
::- هههه اي بس هذا طلع فجأة
وقشمرني واني صدكت وريماس
تتصل علية واني رفضتة ما اريد
ارد عليهة شنو بعد الحجته وياي
وفهمت وكالت لا تروحيلة هو
يخونج واني ما صدكت بيه وعصبت
ما اريد احجي اني زعلانة من نفسي
وجاي احاسب حتى نفسي وهذا
الجذاب بعد ما اريدة ولا اريد اهلة
ولا اريد احجي ويا واحد جذاب
وخاين صدك كرهتة ضحك عليه الحقير
::- لو سامعتهة جان هسا عرفتي
حقيقتة يلا امهم عوفيج شوكت ترجعين
::- هسا اشوف مادري
ريماس "
::- كعدت شفت نفسي نايمة
بالكاع مصدومة وتذكرت كلشي
كمت ابجي احس بوجع بطني
احاول استوعب مجاي اكدر
رفعت روحي كوة دايخة منو هذا
الشخص هيج ضربني بقيت بمكاني
ومحجيت شي الأهلي خفت كلش
والضربة الأكلتها كتلتني كمت
رحت للحمام رفعت تيشيرت بطني
مزوركة وجعتني كلش نزلت دموعي
غسلت وجهي سمعت صوت امي تصيح
صوتي مكطوع وماكدر احجي الصار
ابد مو طبيعي وما ينسكت عليه
ايدي يرجفن والخوف حيل بكلبي
ليلة مرعبة وابد ما انسا كمت اسمع
امي صياحتلي كالت تعالي تريكي
بقيت صافنة شسوي اذا شافتني
وخصوصا ركبتي حمرة وتوجتني
قويت نفسي كلت خل انسة
الالم وما افكر عدلت روحي ونزلت
تحملت الوجع وبقيت ساكتة شفت امي
درت وجهي وماباوعت عليه كالت::-
::- صباح الخير تعالي اتريكي
ابوج راح للشغل وماتريك تعالي
اكليلج لكمة
حجيت بهدوء
::- اي راح اكل اني اصلا
ماكدر اكل لكمة روحي
تلعب راحت امي طلعت بطني
كامت توجعني مشبعني دفرلت ؏ بطني
كوة متحملة نفسي بس افكر بليت
البارحة مدري شصيرلي كلش جانت
مرعبه كتلتي منو هذا الله لا يوفقة
سمعت صوت عياط اخوي فزيت
كمت ارتعش شبي هذا دخل عليه
::- وينجججج اليومممم اطيححح حضجججج
محددددد يخلصججججج مممنيييي
كمت باوعتلة نضرت حقد ومعصب
ماعرف شبي كلت بخوف
::- شبيك احمد؟
::- ياقندرةةةةة شنوووووو هذااااااا
السمعتةةةة عنججج ليييششش هههييججج
بقيت جامدة ماكدر اتحرك
::- ششن ششششنوو شبيك؟؟
اقترب مني ضربني راجدي حيل
؏ وجهي لنصدمت مكاعد استوعب
وهاي اول مرة يضربني بيهة نزلت دموعي
كام وجع الي بجسمي حركني كمت
اسعل ما احس بروحي
::- اجاني حجيييي ولججج
انتييي من تروحيننن تشتغلين
تروحين ويا شبابببب انيي اعلممج
جراني من شعري بقوة كام يسحل
رجعت وكعت بالكاع جرني من ايدي
كمت ابجي واصيح بصوت عالي
::- اخخخ عووووووفنييي يييمةةةةةةة يمةةةةةةة
شافتنه امي فزعت اجت بسرعه
وتحاول توخرة عني
::- احمددددد شبيكككك عووف البنيةةةة
ليشش تسوي هيجج شبيككككككك
::- يمة وخري عني بنتج
مسوية شغلات ما تعرفين بيهةةةةةةة
::- شمسوية ولكككك عوووووفهة
ولكك كتلتههههههة احمدددددد شبببيككك
اخذاني للغرفة وكطفني
حيل بعد ماحس بروحي
ماكدر احرك بجسمي
::- بعد طلعة ماكو من هاي
الغرفة ماكو بنت الزفر انعل ابوج
اطيحححح حظجججج
تفل بوجهي وقفل الباب كضاهة
بس يشتم ومعصب حيل صاحت امي
::- عوفهة للللليش حححبستهة شمسوية
ولككككك عوفهة افتح الباببببب
احمدددد شبيكككك ليشش هيجج
::- يمةةةةةة اذا شفتتتتتت واحدددد
حجة وياهة والله اكتلةةةةة ورااهاااا
كامت تصيح عليه خلة وطلع
طلعت عمتي مفزوعة من سمعت
عياط احمد صاحت شكوو
امي كامت تفتح بالباب طلعت
ورا احمد باوعت وصاحت بي
::- احمد شبيك تصيح شبيكممممم
::- روحي شوفي بت اخوج
هاي طلعت وحدة سايبة وتمشي
ويا شباب واذا بابا عرف بيها مايرحمهة
::- منو كالك هاذة الحجي
ها فهمني ياهية لميس مو معقولةةةة؟؟
::- لااا مو صخامة بت اخوج
الثانييةةة منو غيرهة اليوم خابرني كرم
وكال انتبه ؏ اختك ترى تطلع ويا شباب
والشباب كامشيهم واني من كلالي هذا
الحجي تخبلت الشباب هسا بالسجن..!!
::- شنوووو شاحححجييييي
ريماس"
::- نمت بالكاع وضليت اسمع
احمد بس يصيح ويغلط ضليت
صافنة وما احس بنفسي وشعري ؏
وجهي وغمضت عيوني ونمت
ما احس بروحي ابد جسمي يحرك
بية وجع بطني موتني حسيتهة تنزف
نهايت البارت
❤️🌺🌹❤️🌺🌹❤️🌺❤️
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🌺🌹❤️
تعليقات
إرسال تعليق