جميع الروايات كامله

 رواية المنتقبه والعاجز الحلقه الاولى حتى الحلقه العشرون والاخيره بقلم هويدا زغلول حصريه وجديده على مدونة النجم المتوهج للروايات والمعلومات 

رواية المنتقبه والعاجز الحلقه الاولى حتى الحلقه العشرون والاخيره بقلم هويدا زغلول حصريه وجديده على مدونة النجم المتوهج للروايات والمعلومات 

الحلقه الاولي 

المنتقبه الجميله داخل القصر

وقبل ما نبدا قصتنا احب اعرفكم بنفسي انا اسمي جميله عايشه مع بابا وماما لكن القدر ليه كلام ثاني ماما تعبانه قوي وبين الحياه والموت

وفي يوم بابا صحي من النوم بسرعه وبيكلم ماما وبيقول 

الاب مصطفى

مالك بس يا ابتسام فيكي ايه مش عارفه تاخدي نفسك كده ليه

ابتسام

مش قادره اتكلم يا مصطفى ومش عارفه اخذ نفسي شكلي كده خلاص هي دي النهايه عشان خاطري يا مصطفى خد بالك من جميله بنتي

مصطفى

بطلي الكلام اللي انت بتقوليه ده انت هتبقي زي الفل انا هروح اجيب لك دكتور دلوقتي وهتبقي كويسه

ابتسام

بس يا مصطفى انا حاسه بنفسي يا حبيبي ما تروحش تجيب دكتور اسمع نصيحتي قبل ما اموت الله يخليك خلي بالك من جميله بنتي اوعى تزعلها 

وفي الوقت ده جميله صحيت من النوم ودخلت على مامتها الاوضه وقالت

جميله

يا بابا يا بابا هي ماما مالها هي تعبانه قوي كده ليه مش عارفه تاخد نفسها لي

مصطفى

ما تخافيش يا حبيبتي ان شاء الله ماما هتبقى كويسه خليكي جنبها هروح اجيب الدكتور بسرعه واجي

وبعديها مصطفى جري عشان يجيب الدكتور

وابتسام قالت لي جميله

ابتسام

ما تخافيش يا جميله وما تعيطيش يا حبيبتي وخلي بالك من نفسك عاوزاك تذاكري كويس وتطلعي من الاوائل وتخش الكليه اللي كان نفسك فيها انا عارفه ان انت صغيره وعندك ست سنين بس هتكوني قد المسؤوليه انا متاكده من كده

جميله

يا ماما ما تقوليش الكلام ده انت هتفضلي معايا مش هيحصل لك حاجه ومش هتموتي وهتكوني معايا لحد بدخل الكليه بطلي كلامك ده عشان خاطري

ابتسام

انا بحبك يا جميله وخلي بالك من

ابتسام ما عرفتش تكمل الكلمه وماتت

جميله بعياط

ماما يا ماما يا ماما ردي عليا يا حبيبتي ما تسيبنيش لوحدي عشان خاطري يا ماما يا ماما

وفي الوقت ده مصطفى جه ومعاها الدكتور ودخل الاوضه وقال

مصطفى

اتفضل يا دكتور اهي طمني عليها الله يخليك

جميله

خلاص يا بابا ما لوش لازمه الدكتور ماما ماتت

مصطفى

لا يا جميله ايه اللي انت بتقوليه ده يمكن مغمى عليها ولا حاجه يا بنتي

الدكتور بص عليها وقال

الدكتور

للاسف يا استاذ مصطفى المدام ماتت البقاء لله

مصطفى

اه ايه يا وجعه قلبي يا ابتسام ليه كده سبتيني لوحدي ده الطريق لسه طويل قوي مش اتفقنا هنفضل مع بعض طول العمر

وبعديها مصطفى دفن ابتسام والحزن دخل بيتهم وما خرجش ابدا

وكانت الخاله سماح جت علشان تقعد يومين مع جميله وقالت لها

سماح

خلاص بقى يا جميله يا حبيبتي ما ينفعش اللي انت بتعملي في نفسك ده هتفضلي كده لا تاكلي ولا تشربي

جميله

مش عاوزه حاجه يا خالتو ماما سابتني ومشت والدنيا ما بقاش ليها طعم

سماح

ما تقوليش كده يا حبيبتي الدنيا قدامك هتفتح وتبقى زي الورد يا ورده

مصطفى دخل عليهم وقال

مصطفى

لسه برده مش عاوزه تاكلي يا جميله

جميله

مش عاوزه اي حاجه يا بابا كل اللي انا عاوزاه عاوزه اروح لماما وانام في حضنها

مصطفى

الله يخليك يا جميله كفايه الكلام ده كفايه خسرت امك ربنا يبارك في عمرك يا بنتي وما اخسركيش انت كمان

سماح

ربنا يقويك يا اخويا على تربيتها 

مصطفى

الحمد لله على كل شيء ربنا هيعيني ان شاء الله وانت يا سماح تقدري تروحي عشان عيالك وبيتك وانا وجميله هنعرف نعمل كل حاجه لوحدها

سماح

معلش يا اخويا حقك علي همشي بس بكره وبعد حبه كده هاجي لكم ثاني عشان اطمن على جميله

وبعديها سماح مشيت وجميله ومصطفى عاشوا مع بعض لكن مصطفى ما كانش عارف يربيها لوحده عشان كده قرر ان هو يتجوز

ومصطفى اتجوز واحده اسمها مديحه

شغاله معاه في شركته

واول ما اتجوزها ودخلت البيت

في بيت مصطفى

مديحه

تعالي يا جميله ما تخافيش مني يا حبيبتي انا عارفه ان انت صغننه اعتبريني مامتك

جميله

حاضر يا طنط

مديحه

لا بلاش طنط دي قولي لي يا ماما مش عاوزه اسمع منك كلمه طنط تاني متفقين

جميله

حاضر يا ماما متفقين

مديحه

الله يا جميله كلمه ماما خارجه من بقك زي السكر

مصطفى 

اوعي تزعلي مني يا جميله انا جبت لك مرات اب مش عشاني عشانك انت يا حبيبتي علشان انا مش هعرف اربيك لوحدي 

مديحه 

ايه ده معقوله هو انت زعلانه عشان انا اتجوزت بابا يا جميله 

جميله 

لا طبعا يا ماما مديحه مش زعلانه اهم حاجه ان بابا يكون مبسوط 

مصطفى 

ربنا يخليك ليا يا بنتي من يومك وانت عاقله زي امك 

مديحه بغيره 

لا بقول لك ايه انا بغير من الكلام ده يا ريت سيره ابتسام ما تجيش هنا خالص سامع ولا لا 

مصطفى 

حاضر يا ستي بس اهم حاجه تخلي بالك من جميله بنتي وتعمليها احسن معامله بلاش معامله مرات الاب دي 

مديحه 

اخص عليك اخص يا مصطفى هو انت فاكرني هعامل بنتك معامله مرات الاب لا انت كده زعلتني منك انت هتشوف بنفسك انا هعملها ازاي 

 وبعديها عدى وقت ومديحه طلعت حامل في بنوته جميله وبعد ما ولدت البنوته جميله كانت فرحانه بيها جدا وما كانش في فرق سن بينهم كبير لان جميله عندها ست سنين والبنوته لسه مولوده 

وجميله قالت

الله يا ماما مديحه النونو حلو قوي ممكن تديهاني اشيلها والعب بيها شويه 

مديحه 

تلعبي بيها في عينيك قومي يا بنت يا جميله روقي الشقه بره انا لسه والده ومش هعرف اعمل اي حاجه وبقول لك ايه بطلي كلمه ماما مديحه دي خارجه من بقك زي السم 

جميله بزعل 

ليه كده يا ماما مديحه انت اللي كنت متفقه معايا ما اقولكيش طنط ابدا ودلوقتي مش عاوزاني اقول لك ماما 

مديحه 

غوري بره يا بنت يا جميله انا عاوزه انام شويه وما اشوفكيش ماسكه بنتي رنا ابدا سامعه ولا لا ولو حكيتي لابوكي اي حاجه على اللي بيحصل ده هخليه يمشيكي من هنا وتقعدي يا اختي عند خالتك سماح ماشي 

جميله 

لا خلاص يا طنط مديحه انا مش هتكلم ومش هقول لبابا حاجه بس ما تمشينيش من هنا الله يخليك انا عايزه افضل اعيش جنب بابا وجنب اختي الصغيره 

مديحه 

جدعه برافو عليك يبقى تعملي اللي انا هقول لك عليه ويلا روحي دلوقتي روقي الشقه كلها واول ما يجي ابوكي تعرفيه ان انا اللي روقت وانت اللي كنت قاعده بتلعبي مع النونو سامعه ولا لا 

جميله 

حاضر يا طنط مديحه 

وعدت سنين كتير على الحال ده وجميله ورنا كبروا وبقوا انسات كبار ومديحه فضلت ظلمه زي ما هي وعماله تظلم في جميله وجميله ما بتتكلمش عشان خلاص اتعودت على كده وكمان مصطفى بيحب مديحه جدا ومش هيصدق جميله في اي حاجه 

وبعد سنين طويله 

رنا 

صباح الخير يا مامتي هو فين الفطار هو انا لازم اطلبه بنفسي ما ينفعش يعني حد يجيبه لي لحد عندي 

مديحه 

وما ينفعش ليه يا قلب امك بنت يا جميله انت يا بنت يا جميله فين الفطار بتاع رنا مش قلت لك قبل ما تصحى من النوم تكوني مجهزه ومحضره 

جميله 

معلش يا طنط مديحه راحت عليا نومه النهارده ثواني والفطار هيكون موجود يا رنا 

رنا 

بسرعه يا جميله ويا ريت تبطلي تحطي ملح كثير في الاكل عشان انا ما بحبش الاكل مالح 

مديحه 

هو الملح وبس يا رنا ده اكلها كله استغفر الله العظيم يا رب ما يتاكلش اصلا يا بنتي بس هنعمل ايه مش معانا فلوس نجيب خدامه 

 جميله بزعل 

ثواني والفطار هيكون جاهز وحاضر مش هكتر الملح يا رنا 

وعلى السفره مصطفى ومديحه ورانا كانوا قاعدين جميله كانت بتجيبي 

ومديحه قالت 

يا نهار ابيض يا جميله احنا على طول كده يا بنتي تعبينك طيب استني لما رنا اختك تقوم تساعدك هي دايما كده يا مصطفى ما بتحبش حد يساعدها ابدا وكل ما ندخل المطبخ معاها تقعد تزعق وتتشخط علينا 

مصطفى 

ليه كده يا جميله يا بنتي حرام عليك نفسك وعيب طبعا تتشخطي على ماما مديحه انت اعملي حاجه وهم يعملوا حاجه عشان مش كل حاجه تبقى عليك كده انا بحسب هم اللي ظالمينك اتاريكي انت اللي طالبه كده خلاص يا بنتي براحتك 

جميله 

يا بابا اصل 

ولسه جميله هتكمل كلامها رنا قالت 

رنا 

اصل ايه يا جميله شايفه ايدي زرقاء ازاي من امبارح لما زقتيني في المطبخ عشان بس دخلت اقول لك اساعدك في ايه انت روقي وانا اعمل المواعين زقيتيني قلت لي اطلعي بره 

مصطفى 

لا طبعا يا جميله مش علشان بحبك وما بحبش ازعلك تعملي كده مع اختك اوعي تزعليها ثاني ولا حتى تزقيها سامعه ولا لا 

جميله بزعل 

حاضر يا بابا 

اتفضلي يا طنط مديحه ايه الشاي بتاعك اهو سكر بره زي ما حضرتك طلبتي بالظبط 

مديحه بزعل 

شايف يا مصطفى بنتك بقى لي كم سنه داخله عليها وفي الاخر برده عماله تقول لي يا طنط مديحه مش هاين عليها تقول لي يا ماما اخص عليها اخص ليه بتعمل معايا كده هو انا قصرت معاها في ايه عشان تقول لي يا طنط 

مصطفى 

ما تزعليش يا مديحه عارف ان انت عندك حق تزعلي ليه كده يا جميله بتعملي مع ماما المديحه كده مش انا اكل ما اسالك عملت ايه النهارده تقولي لي طنط مديحه هي اللي روقت الشقه كلها وانا اللي كنت نايمه مع اختي متهيالي ما فيش مرات اب بتعمل كده ابدا يا بنتي دي الام بس يبقى هي تستاهل كلمه ماما منك 

جميله

يا بابا افهمني انا هقول لك على كل حاجه 

مديحه 

هتقولي ايه يا جميله قصدك ايه ان انا كدابه كمان لا يا مصطفى كده ما ينفعش بنتك بقى 

مصطفى 

خلاص بقى يا جميله كفايه لحد كده وعيب قوي اللي انت بتعمليه ده مديحه هي امك الثانيه فاهمه ولا لا 

وبعديها مصطفى قام ما راح شركته

مديحه قالت 

تعالي هنا يا جميله انت كنت عاوزه تقولي ايه لمصطفى ما كنتش عايزه تفهميه ان انا بعاملك وحش انا ورنا بنتي ده انت يبقى يومك اسود وهبعدك وامشيك من هنا خالص سامع ولا لا 

رنا 

خلاص بقى يا ماما سيبك منها هي كل يوم تصدع لنا دماغنا انا رايحه النادي عايزه اي حاجه يا ماما مني 

مديحه 

لا يا روح ماما خلي بالك من نفسك 

جميله 

طب ممكن تاخديني معاكي يا رنا النادي عشان قاعده هنا لوحدي ومتضايقه قوي ونفسي اخرج بره واشوف ناس جديده 

رنا 

انت اتجننتي ولا ايه عاوزاني اخدك بالنقاب اللي انت لابساه ده لا طبعا مش هعرف 

مديحه 

نادي ايه اللي بتتكلمي عليه يا جميله امال مين اللي هيروق البيت ويخلصوا انا كمان رايحه اقابل ناس صحابي ارجع الاقي البيت نجيب والاكل معمول فاهمه ولا لا 

جميله 

حاضر يا طنط مديحه هعمل كل اللي حضرتك عاوزاه 

مديحه 

ومش عايزه اقولها لك ثاني لو مصطفى عرف ان انت اللي بتعملي الكلام ده كله اعتبري نفسك مشيتي من البيت عندنا سامعه ولا لا 

جميله 

حاضر يا طنط مديحه مش هقول له اي حاجه ولحد ما حضرتك تيجي البيت هيكون متروق والاكل هيكون معمول كمان 

مديحه 

برافو عليك طلعت تفهمي مش غبيه 

وعدى وقت كتير وجميله خدامتهم كلهم هم بيخرجوا ويتفسحوا وهي اللي بتروق وبتعمل الاكل ولم بيجي مصطفى ويسالها تقول له طنط مديحه هي اللي عملت كل حاجه عشان جميله خايفه لا مديحه تمشيها وتوديها عند خالتها وطبعا تقدر تعمل كده لان مصطفى ما بيوقعش المديحه اي كلمه 

في الشركه عند مصطفى 

سكرتير 

صباح الخير يا مصطفى بيه

مصطفى 

 خير يا عبده في ايه 

السكرتير 

اصل المنشاوي بيه على التليفون وعاوز اكلم حضرتك ضروري 

مصطفى 

انت بتقول ايه منشاوي بيه ولسه واقف عندك يا غبي هات التليفون بسرعه 

وبعديها مصطفى مسك التليفون وكلم المنشاوي بيه وقال له 

مصطفى 

يا ريت تقبل اعتذار يا باشا ما اعرفش ان حضرتك على التليفون اؤمرني 

المنشاوي 

عامل ايه يا مصطفى كنت فاكر ان انت كنت عاوز تشاركني شركتي وشركتك ونعمل شراكه واحده وانا موافق ومستنيك النهارده في مكتبي يشرب القهوه مع بعض ونشوف الشراكه هتتم ازاي 

مصطفى 

طبعا يا باشا النهارده هكون عند حضرتك في المكتب ده شرف كبير ليا جدا ولشركتي ان حضرتك هتشاركني يا منشاوي بيه 

المنشاوي 

تمام مستنيك يا مصطفى مع السلامه

وبعديها مصطفى قفل السكه وقال 

مصطفى 

عارف يا عبده لو فعلا المنشاوي بيه شاركني يبقى طاقه القدر اتفتحت لي وشركتي هتبقى من اعظم الشركات في الدنيا 

السكرتير 

معقوله يا مصطفى بيه حضرتك قصدك على المنشاوي بيه صاحب الشركات والمصانع الكبيره 

مصطفى 

اه يا غبي هو في حد غيره ياه من زمان وانا نفسي اشاركه والحمد لله الفرصه جات لي ومش هضيعها من ايدي ابدا حتى لو كان ايه المقابل انا عارف اني منشاوي بيه ذكي واستحاله يشاركني كده لله وللوطن اكيد في حاجه في دماغه 

اما في النادي عند رنا ومديحه 

في النادي 

مديحه بتكلم صاحبتها ثريا وبتقول لها 

مديحه 

انا نفسي اعرف انت بتتاخري ليه كده على طول 

ثريا 

ما انا لازم اتاخر مش عندي ولاد بفطرهم وعندي بيت بروقه قبل ما اجي النادي طبعا ما ينفعش اكون مهمله في حياتي 

انا بقى نفسي اعرف انت ازاي بتيجي بدري كده 

مديحه 

لا يا ماما نحن نختلف عن الاخرين انا عندي واحده في البيت بتروق وتطبخ وتعمل كل اللي انا عاوزاه وانا بروح انا وبنتي بشوات 

ثريا 

اه يا بنت الايه جبتي شغاله جديده والله كنت بفكر في الفكره دي لاني تعبت جدا من شغل البيت لوحدي 

مديحه 

هي مش شغاله جديده هي انت تقدري تقولي حاجه زي كده هي بنت جوزي اتجوزت ابوها وهي لسه عيله عندها ست سنين ودلوقتي كبرت ورنا كبرت معاها لكن على مين هي بقت الخدامه وبنتي بقت الهانم 

ثريا 

بس حرام عليك يا مديحه ربنا هيحاسبك على البنت دي ما ينفعش تعملي معاها كده لازم تعامليها وتعوضيها على فراق امها 

مديحه 

بقول لك ايه فكك من الكلام ده انا اهم حاجه عندي بنتي رنا وبس كده 

اما عند رنا كانت واقفه مع مدرب الاسكواش وبيقول لها 

مراد 

لازم انت بتدربي اكثر من كده يا رنا تمرينك مش عاجبني خالص وكده مش هينفع تخشي اي بطوله 

رنا بتبص لمراد برومانسيه وبتقول 

رنا 

طب اعمل ايه يا كابتن عيونك انت الحلوين كل ما ابص ليهم بنسى انت بتقول لي ايه وبنسى التمرين كله 

مراد 

شكل الجريئه قوي يا رنا ايه الكلام اللي انت بتقوليه ده انا الكابتن بتاعك ما يصحش كده 

رنا 

طب اعمل ايه هو بايدي القلب وما يريد ولا من ساعه ما شفتك وانا هتجنن عليك يا كابتن مراد للدرجه دي انت مش شايفني خالص 

مراد 

بصراحه انا شايفك بنوته عاديه ومؤدبه وجميله يا ريت ما تغيريش وجهه نظري يا رنا 

رنا بزعل 

يعني انت شايفني كده وبس متشكره جدا يا كابتن مراد عن اذن حضرتك هروح اتمرن

اما عند مصطفى راحه على طول على شركه المنشاوي بيه والسكرتير دخله المكتب والمنشاوي قال 

في مكتب المنشاوي 

مصطفى 

مساء الخير يا منشاوي بيه اتمنى ما كنتش تاخرت على حضرتك 

المنشاوي 

اهلا يا مصطفى اتفضل ما تتاخرش بل بالعكس انت جاي قبل ميعادك كمان 

مصطفى 

ما انا بصراحه ما اقدرش اتاخر على حضرتك ابدا اؤمرني يا باشا ايه هي نوعيه الشراكه 

المنشاوي 

انا هاجي لك على الدغري يا مصطفى نوعيه الشراكه ان انا هشاركك واحط اسم جنب اسمك في اي صفقه وطبعا انت عارف ده هيخلي شركتك فوق جدا بل بالعكس هيجي لك ارباح عظيمه وتقدر تفتح بدل الشركه اثنين وثلاثه بس ده مقابل حاجه واحده بس 

مصطفى بلع ريقه بخوف وقال 

مصطفى 

وايه هو المقابل يا منشاوي بيه 

المنشاوي 

المقابل ان انا وانت هنبقى نسايب وعاوز اجوز حفيدي لبنتك قلت ايه 

مصطفى فرحه 

يا نهار ابيض هو ده المقابل ده احسن مقابل في الدنيا هي دي فيها كلام بعد كلامك يا باشا موافق طبعا 

المنشاوي 

لما تعرف الاول حفيدي ظروفه ايه 

مصطفى 

مهما كانت ظروفه ايه كفايه ان هو حفيدك يا منشاوي بيه ده شرف ليا ولبنتى كمان

المنشاوي 

لا بس لازم برده تعرف ظروف حفيدي ايه 

حفيدي يا مصطفى اعمل حادثه كبيره جدا ومن ساعتها وهو في غيبوبه نايم على السرير مع بيتحركش والدكتور قال هو سامع كل حاجه بس لازم يلاقي محفزه ليه في الدنيا علشان يقدر يفوق لانه رافض الدنيا 

والحافز ده هيكون جوازه يمكن لما يسمع صوت مراته كل يوم يحاول يقول ويفوق من الغيبوبه اللي هو فيها

قلت ايه يا مصطفى 

مصطفى 

عدم لا مؤاخذه بس يا منشاوي بيه يعني هو حفيد حضرتك نايم على السرير ما بيتحركش خالص ولا حتى بيفتح عينه 

المنشاوي 

مروان حفيدي يا مصطفى كانه ميت لكن سامع اللي حواليه هو اصلا رافض الدنيا ومش عاوز يفوق ويمكن لما اجوزه يحب دنيته ويفوق وعروسته هتكون بنتك يا مصطفى قلت ايه 

مصطفى 

انا من زمان وانا نفسي اشاركك يا منشاوي بيه وما اقدرش ارفض بصراحه بكره هرد على حضرتك يا منشاوي بيه وان شاء الله خير اخد بس راي العروسه 

المنشاوي 

ما فيش مشكله من حقها برده طبعا تقول رايها اخرك بكره بعد بكره اعتبر الناس ان الشراكه مش هتتم ومش هتعرف يا مصطفى تشتغل خالص وشركتك مش هيكون ليها اومه بس ده مش تهديد انا بس بعرفك ايه اللي هيحصل 

وبعديها مصطفى روح البيت وهو حيران وزعلان ومش عارف يعمل ايه ولازم يقبل بالكلام ده علشان لو ما قبلش شركته مش هيكون ليها امه ثاني وهيعلن افلاسه 

في بيت مصطفى 

كانت رنا مديحه رجعوا من النادي قبليه ومديحه اول ما شافت مصطفى قالت

مديحه 

مالك يا مصطفى يا حبيبي زعلان ومهمون كده ليه تعالى بقى عملت لك الاكل اللي انت بتحبه الباميه اللي باللحمه والرز يا حبيبي 

مصطفى 

تسلم ايدك يا مديحه بس انا عاوزك في موضوع مهم جدا تعالي الاوضه عشان الموضوع مش عاوز البنات يعرفوا عنه حاجه 

وبعديها مصطفى خد مديحه ودخل الاوضه وقال لها 

مصطفى 

طبعا انت عارفه المنشاوي بيه تخيلي ان هو عاوز يشاركني وانت عارفه لو شاركني شركتي هتكون فين بل بالعكس هفتح بدل الشركه اثنين وثلاثه بس ليه شرط وانا مش عارف اوافق عليه ولا لا لكن لو ما فقتش عليه شركتي هتكون ما لهاش وجود اصلا في السوق 

مديحه 

وهي دي فيها كلام يا مصطفى لازم توافق طبعا حتى لو الشرط ده على حسابك ايه هو بقى الشرط 

مصطفى 

عاوز يتجوز بنتك لحفيده مروان بيه لكن هو في غيبوبه بقى له سنين طويله ونايم على السرير كانه ميت

مديحه 

نعم يا اخويا امال عاوز يتجوزوا ليه بقى ان شاء الله بدل هو نايم على السرير كانه ميت 

مصطفى 

علشان حفيدو سامع كل حاجه بس هو رافض الحياه ومش عاوز يفوق فعاوز يجوزه عشان مراته تفضل جنبه يمكن يكون ليه حافز ليه في الدنيا ويفوق ايه رايك يا مديحه انت عارفه اني بعد الجوازه دي احنا هنشوف العز كله 

مديحه 

وانا عندي راي ثاني يا مصطفى وبرده هنشوف العز كله بدل ما اتجوزه رنا بنتي جوزوا جميله بنتك هو اصلا ما يعرفش بناتنا وكده نضرب عصفورين بحجر ايه رايك 

مصطفى 

جميله بس ابتسام امها كانت موصياني عليها اخذ بالي منها 

مديحه 

نعم يا اخويا يعني انت كنت عاوز ترمي بنتي الراميه دي وبنتك لا طب بقول لك ايه يا مصطفى خلاصه الكلام جميله هتتجوز مروان بيه والشراكه هتتم ان شاء الله سامع ولا لا 

مصطفى 

انا اصلا ما قدنيش حل غير كده علشان لو رفضت شركتي مش هيكون ليها وجود في السوق اصلا وهفلس يا مديحه بس اكلم جميله ازاي انا مش عاوز اظلمها 

مديحه 

لا يا حبيبي هتظلمها سيب لي انا الكلام ده انا هفهمها كل حاجه روح انت بس كلم المنشاوي بيه وقول له ان انت موافق والحقه قبل ما يغير رايه 

وبعديها مديحه خرجت من الاوضه واتكلمت مع جميله وقالت لها 

مديحه 

بصي بقى يا جميله جاي لك عريس انما ايه هاي هاي قوي ومعاه فلوس ياما ويا بنت المحظوظه يا ريته كان اختار رنا بنتي بس اعمل ايه اختارك انت من يومك وانت حظك جميل 

جميله 

جواز ايه يا طنط مديحه انا مش عاوزه اتجوز انا عاوزه افضل جنب بابا 

مديحه 

تفضلي جنب ابوك ايه يا خايبه انت العريس هو بس تعبان شويه وفي غيبوبه وهيفوق بعد يومين ثلاثه كده وعايزه بقى لما يفوق يلاقيك زي القمر جنبه كده انت اصلا جميله يا جميله 

جميله 

يعني ايه في غيبوبه امال ازاي هيتجوزني انا مش فاهمه حاجه يا مرات ابويا 

مديحه 

بصي يا ستي كل الحكايه ان هو عمل حادثه بسيطه من يومين ثلاثه وحصل له غيبوبه والدكتور قال لازم يتجوز علشان يفوق من الغيبوبه دي وما تخافيش هو مش هيطول في الغيبوبه دي وكلها اسبوع ويفوق يا حبيبتي وتعيشي معاه اجمل ايام حياتك 

جميله 

لا يا طنط مديحه انا مش موافقه ما تزعليش مني انا عايزه افضل هنا معاكم في البيت 

مديحه بتهديد 

بقول لك ايه يا بت يا جميله انت هتتجوزيه غصب عنك ما فيش كلام ثاني بعد كلمتي انا وابوكي سامعه ولا لا وانت كده كده عايشه هنا خدامه احسبيها صح يا غبيه بدل ما تكوني خدامه هنا خليكي خدامه في القصر ولو ما وافقتيش هوديك عند خالتك ومش هخليك تشوفي ابوك ابدا سامعه ولا لا ابوكي دلوقتي هينده عليك وهيقول لك موافقه ولا لا تقولي موافقه 

جميله 

حاضر يا مرات ابويا 

وبعديها مصطفى سال جميله موافقه قالت له اه يا بابا موافقه 

ومصطفى كلم المنشاوي بيه وقال له ان احنا موافقين ومنشاوي قال 

المنشاوي 

بكره تكون عندي في القصر انت وبنتك علشان نكتب الكتاب وهتسيب بنتك عندي في القصر وهتمشي يا مصطفى ويا ريت ما تسالهاش اسئله كثير عن القصر انا عارف فضولك سامع ولا لا 

مصطفى 

تحت امرك يا منشاوي بيه بكره هكون انا وبنتي عند حضرتك في القصر 

وثاني يوم مصطفى خد جميله وجميله لبست نقابها الجميل وراحت القصر هي ومديحه ومصطفى 

في القصر 

كان المنشاوي قاعد ومعاه الماذون وقال 

المنشاوي 

اهلا بك يا مصطفى اهلا بك يا مدام امال فين العروسه 

مصطفى 

العروسه اهي يا منشاوي دي بنتي جميله هي منتقبه من زمان 

منشاوي 

اى النقاب ده بقى الكلام ده جديد عليا 

على العموم يا بنتي انا اهم حاجه عندي ان حفيدي يكون مرتاح ومبسوط مش عاوز غير كده 

نزلت من على سلم القصر سمر مامت مروان وقالت 

سمر 

برده يا حمايا مصمم تعمل اللي في دماغك قلت لك انا مش عاوزه اجوز ابني دلوقتي وليه تجوزوا واحده طمعانه فيه اكيد دي كلبه فلوس وعايزه فلوس وخلاص 

جميله كانت واقفه وعماله تعيط وسمع الكلام اللي بيتقال عليها 

المنشاوي 

خلص الكلام يا سمر جميله هتتجوز مروان 

سمر 

ماشي يا حمايا بس يا ريت تكون عارف ان انت لغتني ولغيت وجودي في حياه ابني 

مديحه 

ما تيلا يا جماعه بقى نكتب الكتاب قبل الشيطان ما يخش بينا والجوازه تتفشكل 

وبعديها كتبوا الكتاب والمنشاوي قال 

المنشاوي 

اتفضلي يا بنتي الاوضه اللي فوق دي اوضتك انت ومروان وانت يا مصطفى ما اشوفش وشك هنا تاني لا انت ولا مراتك مع السلامه 

مصطفى 

طب الشراكه اللي بينا المنشاوي بيه 

المنشاوي 

الشراكه هتتم من بكره واعتبر شركتك بقت من اهم الشركات في الدنيا مع السلامه 

وجميله فهمت ان ابوها باعها كل ده بسبب الفلوس والشركات وكانت طالعه على سلم القصر وهي عماله تعيط واول ما دخلت الاوضه بتاعه مروان لقيت سمر مامته ومعاها دكتوره وقالت 

في اوضه مروان 

سمر 

اهلا اهلا بالطماعه اللي عاوزه تتجوز ابني عشان خاطر الفلوس بس قبل كل ده مش لازم اتاكد انت بنت ولا لا 

جميله 

ايه الكلام اللي حضرتك بتقوليه ده يا طنط صدقيني انا بنت طبعا 

سمر 

وانا استحاله اصدق الكلام ده غير لما اسمعها من الدكتوره اتفضلي يا دكتوره شوفي شغلك وعرفيني اذا كانت بنت ولا لا 

وبعديها جميله استسلمت علشان ما فيش حل غير كده والدكتوره بعد ما اطمنت على جميله 

سكتت وما اتكلمتش خالص 

سمر 

ما تنطقي يا دكتوره هي القطه قطعت لسانك ولا ايه مالك متنحه كده ليه البنت دي بنت فعلا ولا لا 

الدكتوره 

بصراحه.....

#المنتقبه والعاجز

#الحلقه الثانيه 

#بقلم هويدا زغلول 

المنتقبه الجميله داخل القصر 

الحلقه الثانيه 

سمر 

ما تنطقي يا دكتوره هي القطه قطعت لسانك ولا ايه مالك متنحه كده ليه البنت دي بنت فعلا ولا لا 

الدكتوره 

بصراحه هي طلعت بنوته وزي القمر كمان ايه يا بنتي اللي رماكي على الجوازه المنيله دي ليه ترمي نفسك في النار بايديك ده العريس ما بينطقش وبين الحياه والموت 

سمر 

وانت مالك انت حد قال لك تدخلي وهتتكلمي انت تتخرسي خالص خدي الفلوس اهي ويلا غوري في داهيه 

الدكتوره 

حاضر انا همشي بس يا بنتي شاوري عقلك انا اقدر ابلغ البوليس واجي اخدك لو هم غصبينك على حاجه او حتى خطفينك قولي يا بنتي ما تخافيش 

سمر 

لا يا حبيبتي ما تخافيش دي متجوزه برضاها وفرحانه كمان كل ده عشان تكوش على الاملاك لوحدها انا فاهمه الاشكال دي كويس 

ويلا امشي من هنا وما اشوفش وشك هنا تاني يا دكتوره 

وبعديها الدكتوره مشيت وسمر قالت لجميله 

سمر 

طلع حظك حلو وطلعت بنوته مع اني كنت فاكره ايه اللي انت كنت مقضياها قبل الجواز على العموم انت هنا خدامه اوعي تفتكري ان انت هتبقي ست البيت ولا حاجه انا هنا ست البيت 

جميله 

انا ما عنديش اعتراض على اي حاجه انا متجوزه مروان علشان بابا كان عايز كده وانا ما اقدرش ازعل بابا مني ابدا 

سمر بتريقه 

يا كوكو مش قادره تزعلي بابا منك ابدا يا حبيبتي صدقي صعبتي عليا واسمه مروان بيه بس مش مروان بس يا حبيبتي اوعي تنسي نفسك فاهمه ولا لا 

وبعديها سمر سابتها وخرجت في الاوضه مع مروان 

وجميله قربت من مروان وقالت له 

جميله 

يا نهار ابيض انا بحسبك حتى مفتح عينيك للدرجه دي انت بين الحياه والموت الله يشفيك يا رب انا عارفه ان انت سامعني انا هفضل جنبك مش هسيبك ابدا لحد ما تخف 

وطبعا مروان كان سامع كل كلمه بس رافض الحياه ومش عاوز يفتح عينه 

اما عند سمر نزلت في الفيلا تحت عند المنشاوي وقالت له 

سمر 

كده برده يا حمايا تكسر كلمتي ولا كاني لي اعتبار في الفيلا دي 

المنشاوي

اوعي تفكري تمشي كلمتك عليا في يوم من الايام يا سمر سامعه ولا لا وانا هنا في الفيلا عارف مصلحتي الصغير قبل الكبير 

سمر 

طبعا يا حمايا  انا ما اقدرش اقول غير كده بس معلش ما اقدرش اشوف ابني في شيطانه قاعده جنبه وطمعانه في فلوسه واسكت 

المنشاوي 

انا دخلت على ابنك عروسه ملاك هتريحه وتريح قلبه وان شاء الله يقوم بالسلامه ونفرح بيه ونطمن عليه وبكره تشوفي يا سمر ان انا كان عندي حق 

سمر 

ماشي يا حمايا بس لو سمحت ما تحكمش عليا ان انا عاملها كويس كل واحد وحريته 

وعدى اليوم على جميله في الفيلا وكانت قاعده مش عارفه تعمل ايه وابتدت تقرا قران لمروان وتقرا الاحاديث والاذكار وبقت عماله تتكلم معاه وتقول له عارفه ان انت سامعني ان شاء الله هفضل جنبك  وتقوم بالسلامه وتبقى كويس 

وفي الوقت ده دخلت عليها سمر ولقيتها بتقرا قران وقالت 

في اوضه مروان 

سمر 

برافو عليك بدات التمثيليه بدري قوي وبداتيها صح يا جميله لو اشتغلت في التمثيل هتكوني ممثله هايله جدا وهتجيبي فلوس كثير قوي اكثر من اللي انت عاوزه تسرقيها من ابني يا حبيبتي

جميله 

ايه ده حماتي اتفضلي 

سمر 

ما اسمعش منك كلمه حماتي دي تاني سامعه ولا لا انا اسمي سمر هانم اوعي تفكري نفسك ان انت تبقي واحده مننا انت خدامه وهتفضلي خدامه 

جميله 

الله يسامحك يا سمر هانم 

سمر 

وايه اللي انت لابساه ده هو انت فاكره نفسك لما نشوفك لابسه نقاب هنستعطفك ونقول ان انت ملتزمه ونحبك مثلا لا طبعا تبقي غلطانه يا ريت تلخصي التمثيليه دي بدري بدري وتنزلي بالنهايه بقى 

جميله 

صدقيني يا سمر هانم انا مش بمثل ولا اي حاجه انا بتعامل بطبيعتي وحضرتك ظلماني 

بكره الايام تثبت لحضرتك ان انا مش فارق معايا ولا فلوس ولا املاك 

سمر 

بقول لك ايه قفلي على الكلام الفارغ ده المهم اول ما اجي هنا الاوضه علشان اطمن على ابني تطلعي بره على طول وما اشوفش وشك غير لما انا اخرج منها سامعه ولا لا 

جميله 

حاضر يا سمر هانم بس عايزه ادخل الحمام اغسل وشي 

سمر 

بقول لك ايه في بدل الحمام اربع وخمس حمامات بره اتفضلي ادخلي اي حمام بره وارفعي النقاب يا حلوه ما تخافيش ما عندناش رجاله غريبه في البيت 

جميله 

حاضر يا سمر هانم

وبعديها جميله خرجت بره الاوضه وكانت عاوزه تدخل الحمام وداخله الحمام اللي في اخر الطرقه وبعد ما خرجت منه كانت رافعه النقاب لان سمر قالت لها ان ما فيش رجاله في البيت 

وللاسف قابلها سليم ابن عم مروان وقال لها 

سليم 

يا نهار ابيض انا دايما كنت بسمع الحريه البحر بس اول مره اشوفها بعيني ايه الجمال ده انت اموره كده ليه هو انت مين 

جميله نزلت النقاب بسرعه وقالت بتوتر 

جميله 

انا انا ابقى مرات مروان وكنت بحسب الفيلا ما فيهاش رجاله هو حضرتك مين 

سليم 

انا ابقى سليم ابن عم مروان بس انا هنا الكل في الكل انت ايه اللي عملتيه في نفسك ده وازاي تتجوزي واحد ميت اصلا 

جميله 

لو سمحت ما تقولش عليه كده مروان ده بقى جوزي وان شاء الله هيخف وهيقوم بالسلامه 

سليم 

يا سلام يا سلام وانت بقى دلوقتي عاوزاني اصدق التمثيليه اللي انت عاملاها دي ايه يا حبيبتي لحقتي تحبيه ولا حبيتي بسبب فلوسه انا عارف الاشكال دي كويس 

جميله 

هو ليه كلكم بتعملوا معايا كده انا متجوزاه وانا راضيه بظروفه ومش عايزه اي فلوس لو سمحت بطلوا الكلام ده وبعد اذنك عاوز اعدي 

وجات جميله تعدي سليم قعد يعاكس فيها وما رضاش تخليها تعدي ابدا وقال لها

سليم 

طب بقول لك ايه عاوزه كام وتجيلي الاوضه 

وهديكي قد اللي هتاخديه من مروان وزياده كمان ايه رايك 

جميله صدمه 

يا نهار ابيض ايه اللي انت بتقوله ده وسع كده وما لكش دعوه بيا سامع ولا لا 

وبعديها جميله زقت سليم ومشيت وسليم قال في نفسه 

سليم في نفسه 

ليه ان شاء الله هو انت فاكراني هسيبك في حالك لا طبعا ده انت جميله زياده عن اللزوم والصنف ده جديد عليا ولازم اتعرف عليه يا حلوه

وبعد شويه سمر خرجت من الاوضه وقامت جميله دخلت الاوضه عند مروان ومسكت ايده وقعدت تعيط وقالت له 

في اوضه مروان 

جميله 

يا ريت تقوم بالسلامه يا مروان العيشه في الفيلا هنا مرعبه جدا انا مش عارفه هم ازاي عارفين يعيشوا مع بعض وهم فيهم كميه النفاق دي يا ريت تقوم بالسلامه عشان تحميني منهم كلهم 

اما تحت في الفيلا عند المنشاوي كان قاعد على السفره هو وسمر وسليم وابنه كريم ابو مروان 

وجت مرات ابني الثانيه ام سليم شيماء وقالت 

شيماء 

صباح الخير يا سمر عامله ايه وعروستنا عامله ايه النهارده 

سمر بغل

كويسه يا شيماء عقبال ابنك يا حبيبتي 

ومتهيا لي سليم مش باين له جواز خالص لانه مش بتاع جواز 

شيماء 

ههههههه لا لا معلش هو انا ابني اي اي ولا زي زيي ولا ايه ده جوازته هتكون حاجه ثانيه خالص الكل هيحكي ويتحاكى عليها 

المنشاوي 

بس بس مش عاوز اسمع ولا كلمه والكل يقعد يفطر من غير كلام كثير 

يا سعديه يا سعديه اطلعي قولي لستك جميله تنزل تفطر معانا 

سعديه 

حاضر يا منشاوي بيه 

بعديها سعديه طلعت قالت لجميله انزلي وجميله نزلت على طول وقالت 

جميله 

نعم يا جدي حضرتك كنت بتنده لي 

المنشاوي 

اه يا جميله تعالي عشان تفطري معانا انت خلاص بقيتي واحده من العيله 

وعودي نفسك تنزلي وتقعدي وتفطري معانا انت هنا زي اي واحده في الفيلا 

سمر 

ايه ده يا عمي هو ده اللي ناقص كمان الخدامه دي تقعد تفطر معانا وتقعد معايا انا على سفره واحده لا طبعا انا مش هوافق على كده 

انت عجبك كده يا كريم

كريم 

انا مقدرش اتكلم ولا اقول حاجه بعد كلمه ابويا 

كلمه ابويا تمشي علينا كلنا يا سمر 

سمر 

انت هتفضل كده طول عمرك يا كريم سلبي ما بتعرفش تعملي نفسك شخصيه ولا حتى تعرف تعمل لي انا كمان شخصيه 

المنشاوي بزعيق 

انا كلمتي انا اللي هتمشي سامعين ولا لا واللي مش عاجبه الكلام ده يقوم من على الاكل يوفر مكانه كمان 

شيماء 

عندك حق يا حمايا دي ما شاء الله عروسه زي العسل بس ايه النقاب اللي انت لابساه ده يا حبيبتي انت صغيره على الكلام ده 

جميله قعدت على الكرسي اللي جنب المنشاوي قالت 

جميله 

اصل انا لابسه النقاب ده من زمان يا شيماء هانم

شيماء 

ايه يا حبيبتي شيماء هانم دي اخص عليك ما تقوليش كده قولي لي يا شوشو 

المنشاوي 

كلكم هنا هوانم يا جميله اوعي تقولي لحد هانم ثاني انت هنا زيك زيهم بالظبط 

سليم 

اصل انا الكلام ده ما يعجبنيش يا جدي انا رايي من رايي سمر مرات عمي انت ما ينفعش تقعد معانا على السفره الخدامين هو من هب ودب يعرف يدخل عيله المنشاوي ولا ايه 

المنشاوي 

لا والله مين اللي بيتكلم سليم طب ما تعرفني يا حبيبي عملت ايه في القضيه بتاعتك طبعا ولا في بالك ولا حتى بترد على المحامي في التليفون وانا اللي بعمل كل حاجه وانا قاعد مكاني انا مش عارف هفضل اشيل همكم لحد امتى

شيماء بخوف 

طمني يا حمايا هي بجد قضيه سليم ابني وصلت لحد ايه منها لله بنت المفتريه افترت على ابني 

المنشاوي 

والله في طب شرعي هيثبت اذا كانت فعلا بتفتري على ابنك ولا ابنك فعلا اعتدى على البنت دي

سليم توتر 

يعني انت برده يا بيت جدي مصدق البنت دي براحتك قوي انا ما عملتلهاش حاجه هي فعلا بتتبلى عليا تلاقيها عاوزه يا شين زياده من فلوسك او طبعانه في اي فرع من شركاتك انا عارف الاشكال دي كويس 

جميله بعد ما كلت لقمه بسيطه قالت 

جميله 

بعد اذنك يا جدي ينفع بس اروح ازور بابا في الشركه اصل وحشني قوي 

المنشاوي 

اه طبعا ينفع يا بنتي جهزي نفسك وانا رايح الشركه دلوقتي هاخدك معايا في العربيه 

جميله 

شكرا جدا يا جدي ربنا يخليك ليا يا رب 

وبعديها جميله خرجت مع المنشاوي وراحت الشركه عند باباها عشان تطمن عليه 

اما عند مديحه في البيت رنا قالت 

رنا 

وبعدين يا ماما هو انتم مش جوزتوا الزفته اللي اسمها جميله دي علشان تبقوا اغنيه فين الفلوس دي بقى يا حبيبتي 

مديحه 

انت المفروض تحمدي ربنا وتبوسي ايدك وش وظهر عشان العريس ده كان جاي لك انت يا حبيبتي ما كانش جاي دي جميله وانا اللي رحمتك من كل ده ودبست جميله في الجوازه

رنا 

يا نهار اسود ومنيل انا لا طبعا ومين قال لك ان انا هوافق برافو عليك يا ماما كان لازم تعملي كده بس برده فين الفلوس اللي كانت المفروض تمطر علينا زي الرز 

مديحه 

مش عارفه والله يا بنتي لما يجي ابوكي لازم نتكلم معاه وبقول لك ايه انا مش عارفه اروق الشقه ولا عارفه اعمل الاكل هي جميله كانت بتعمل ايه معقوله كانت بتتعب كل يوم التعب ده ساعديني يا رنا في الشقه 

رنا 

معاكي ربنا واثنين ملايكه يا حبيبتي انا رايحه الشركه عند بابا عشان اخد منه اي فلوس انت عارفه انا ما بعرفش ولا اروق شقه ولا حتى ادخل مطبخ سلام يا ماما 

مديحه 

اخص عليك اخص يا رنا طب وبعدين يخرب بيت عقلك يا جميله كنت بتعرفي تعملي ده كله زي لوحدك 

اما في الشركه جميله دخلت المكتب على باباها وقالت له 

في شركه مصطفى 

جميله 

صباح الخير يا حبيبي عامل ايه 

مصطفى بفرحه 

يا حبيبه بابا وقلب بابا عامله ايه يا حبيبتي وحشتيني قوي يا جميله عامله ايه في الفيلا 

جميله 

الحمد لله يا بابا كويسه انت صحتك عامله ايه يا حبيبي 

مصطفى بزعل 

سامحيني يا جميله اذا كنت ظلمتك يا بنتي 

جميله 

انا مش زعلانه يا بابا اهم حاجه ان انت تكون مبسوط وراضي 

مصطفى 

انا زعلان من نفسي قوي عشان متاكد ان ابتسام امك زعلانه مني دلوقتي عشان ما عرفتش احافظ على الامانه اللي هي سابتها لي 

وانت عامله ايه مع مروان 

جميله 

هعمل ايه يعني يا بابا اه نصيبي بقى وهرضى بيه وخلاص هو نايم على طول حتى ما بيفتحش عينه وبصراحه يا بابا انا زهقت من الفيلا ومن الناس اللي فيها ربنا يسامحني مش عاوزه اروح الفيلا ثاني وزهقت قوي يا بابا 

مصطفى 

يا حبيبتي يا بنتي حقك عليا ما تزعليش مني يا جميله 

جميله 

انا مش زعلانه منك يا بابا انا بس بفضفض معاك بكلمتين 

وللاسف في الوقت ده كانت رنا وصلت مكتب باباها وسجلت الكلمتين دول اللي قالتهم جميله على الفيلا وانها زهقانه على تليفونها 

وبعديها دخلت رنا عليهم وقالت

رنا 

ايه ده جميله هنا يا مرحبا يا مرحبا يخرب بيتك هو انت لسه لابسه النقاب حرام عليك يا بنتي انت بقيتي اسمك جميله هانم 

جميله 

حتى لو اسمي جميله هانم يا رنا استحاله اقلع النقاب لو ايه اللي حصل 

رنا 

سبحان الله من يومك وانت غاويه فقر يا قلبي بقول لك يا بابا انا عاوزه فلوس 

مصطفى 

حاضر يا رنا هديكي كل اللي انت عاوزاه 

وانت يا جميله يا حبيبتي مش عاوزه اي حاجه فلوس او اي حاجه 

رنا بضحك

ههههههههه انت بتهزر يا بابا دي جميله هي اللي المفروض تديها فلوس مش احنا اللي نديها فلوس 

جميله 

لا يا حبيبي مش عايزه اي حاجه انا بس كنت جايه اطمن عليك وعلى صحتك وماشيه على طول 

مصطفى 

طب وهتمشي ازاي مين اللي هيوصلك للفيلا 

جميله 

جدو المنشاوي سيد للعربيه تحت والسواق مستنيني يروحني الفيلا تاني 

رنا  صوت واطي 

اه يا بنتي المحظوظه من يومك وانت حظي في السما يا جميله قال ايه السواق مستنيك الله يرحم زمان لما كنت بتمسحي وتكنسي زي الخدامه 

وبعديها جميله مشيت وراحت على الفيلا 

في الفيلا كانت سمر قاعده زعلانه ومهمومه وشيماء راحت لها وقالت 

في الفيلا 

شيماء 

خير يا سموره مالك قاعده زعلانه كده ليه معقوله زعلانه وبتغيري من مرات ابنك 

سمر

ما لكيش دعوه بيا يا شيماء انا عارفه ان انت من جواكي بركان قايد نار علشان حمايا جوز مروان وما جوزت سليم بس يا حبيبتي يا ريت تركزي في ابنك والقضيه اللي عليه 

شيماء 

ايه ده هو انا ما قلتلكيش سليم ابني حبيبي ان شاء الله هيطلع براءه ومش هيكون هو اللي اذى البنت دي والبنت بتتبلى عليه عشان عايزه فلوس وخلاص 

انت بقى ايه اللي خلاك تجيبي دكتوره تكشف على عروسه ابنك للدرجه دي مش واثقه فيها 

سمر بعصبيه 

هو انت مراقباني بقى يا شيماء ولا ايه لا بقول لك ايه انا ما بحبش الكلام ده وما لكيش دعوه باي حاجه 

شيماء 

انا مش قصدي اتدخل يا حبيبتي انا قصدي اقول لك اهدي شويه على البنت وما تطلعيش عليها كل عقدك النفسيه هههههههههه

وبعديها شيماء قامت وكانت سمر قاعده متضايقه جدا ودخلت جميله من باب الفيلا وسمر قالت 

سمر بزعيق 

كنت فين ان شاء الله يا جميله هانم هو عادي كده تخرجي وتطلعي من غير ما تستاذنيني هو علشان جوزك في غيبوبه تلفي على حل شعرك 

جميله 

ليه بس الكلام ده يا سمر هنا انا كنت عند بابا في الشركه بطمن عليه واللي وصلني جدى المنشاوي

سمر 

ما هو اللي عامل فيك كل ده هو المنشاوي بس سهله وبسيطه وانا مش هسكت على الكلام ده ولازم يكون ليا شخصيه 

انت لسه واقفه يلا غوري فوق اطلعي عند مروان 

جميله بخوف 

حاضر يا سمر هانم 

وبعديها جميله طلعت فوق عند مروان ولقت شيماء عنده وقالت 

في اوضه مروان 

جميله 

اهلا بك يا شيماء هانم 

شيماء 

يوه قلت لك قولي لي يا شوشو ايه يا جميله ما تعمليش كده يا روحي احنا مش غرب انت بقيتي واحده مننا خلاص 

جميله 

ربنا يخليك شكرا لذوق حضرتك 

شيماء 

انا عارفه ان انت خايفه مننا بسبب اللي بتعمله سمر حماتك بس لو انت متضايقه منها على طول روحي اشتكي لجدك للمنشاوي وهو بيديها على دماغها

جميله 

لا ما فيش اي زعل ولا حاجه ولا خوف كبير انا الحمد لله كويسه ومرتاحه جدا في الفيلا 

شيماء 

ماشي يا حبيبتي انا كنت جايه اتعرف عليك علشان هنشوف بعض كتير قوي الايام الجايه وزي ما قلت لك لو في اي حاجه مزعلاكي تعالي واشتكي لي وانا هقف جنبك يا قلبي 

جميله 

شكرا جدا وربنا يخليك 

وبعديها شيماء مشيت 

وجميله مسكت ايد مروان وحكيت له على كل حاجه النهارده حصلت 

ومروان طبعا سامع كل حاجه وبدا يحب جميله 

بسبب كلامها الجميل واسلوبها وعرف قد ايه هي غلبانه وطيبه وفعلا اتجوزته علشان تساعده مش علشان فلوس 

اما في بيت مديحه الباب خبط ومديحه قالت 

مديحه 

اكيد دي البنت رنا صعبت عليها فقالت تيجي تروق البيت معايا 

مديحه فتحت وقالت 

مديحه 

ايه ده خير اللهم اجعله خير سماح خاله جميله عاوزه ايه يا سماح 

سماح 

كنت جايه وعاوزه جميله بنت اختي يا مديحه هي فين 

مديحه 

خير يا حبيبتي عاوزه منها ايه هي اتجوزت وبقت اسمها جميله هانم عقبال حبايبك بقى 

سماح 

اخص عليك يا مديحه كده برده اتجوزيها انت ومصطفى من غير ما تعرفوني دي بنتي ليه تعملوا كده 

مديحه 

خلاصه الكلام يا سماح جايه ليه وعايزه ايه انا مش فاضيه 

سماح 

انا كنت جايه عشان في ورث من امي الله يرحمها الغوايش بتاعتها وقلت اسيبها بيني وبين جميله عشان ابتسام اختي ماتت فجميله بنتها تاخد حقها 

مديحه 

خير يا حبيبتي هو ضميرك صحي دلوقتي ولا ايه دى امك ميته بقى لها سنين وسنين

سماح 

لا يا مديحه انا كنت عيناهم علشان اجهز بيهم جميل وقلت اجي اديهم لها واشوفها عايزه اجيب لها بيهم ايه بس بدل هي اتجوزت يبقى خلاص تلبسهم في ايديها وتتهنى بيهم 

مديحه 

طب ما توريني كده الغوايش دي 

واول ما سماح ورد لمديحه الغوايش مديحه عينيها  كانت الغيره خارجه منها وقالت 

مديحه 

يا نهار اسود ومنيل ست غوايش بحالهم ليه يا اختي هي امك كانت غنيه قوي كده يخرب بيوتكم طب خلاص يا سماح يا حبيبتي هاتيهم وانا هديهم لها بنفسي 

سماح 

لا طبعا يا مديحه انا اللي هروح لها الفيلا بنفسي واديهم لها لو سمحتي ما لكيش دعوه بالورث بتاع جميل 

مديحه 

بقول لك هاتيهم هو انت فاكراني حراميه ولا ايه عيب كده يا سماح انا هوديهم لها بنفسي بكره الصبح 

سماح 

لا يا مديحه انت مش حراميه ولا حاجه يا اختي وكثر خيرك لحد كده انا هكلم جميله في التليفون وهعرف اوصل لها واديها ورثها بنفسي مع السلامه فتك بعافيه 

وبعديها سماح خدت الغوايش ومشيت ومزيحه قالت 

مديحه 

يخرب بيتك يا بنت يا جميله هو رزقك ده واسع كده ليه من كل حته جاي لك فلوس اه يا محظوظه يا بنت المحظوظه

اما في النادي عند رنا وكابتن مراد مدرب الاسكواش قال 

في النادي 

مراد 

ايه اللي اخرك كده يا رنا احنا قربنا نخلص تدريب

رنا 

ومين قال لك بقى ان انا جايه علشان اتدرب انا جايه علشان اعزمك على الغداء النهارده بعد التدريب وما فيش اعذار يا كابتن 

مراد 

انت عاوزه ايه يا رنا نفسي اعرف ايه اللي في دماغك 

رنا 

وانا نفسي اعرف مش عاوز تفتح لي قلبك ليه انا بحبك يا كابتن 

مراد 

وانا مش بحب اي ارتباط باي بنت 

رنا 

يا ساتر يا رب مين اللي معقدك كده يا كابتن اكيد دي واحده وحشه جدا عقدتك في صنف البنات كله صح 

مراد 

مش حابب اتكلم في الموضوع بس لو سمحتي يا ريت تخش التدريب مع اصحابك وتعتبريني كابتن سكواش وبس 

رنا 

كده برده يا كابتن يعني حضرتك مش تتغدى معايا النهارده 

مراد بزعيق 

انا مش هكرر كلمتي تاني يا رنا خشي مع اصحابك في التدريب او اتفضلي امشي مع السلامه 

رنا بزعل 

وانا همشي بعد اذنك يا كابتن مراد 

وبعديها رنا روحت البيت 

اما في الشركه عند سليم كان قاعد في مكتبه ودخلت عليه هدى وقالت 

في مكتب سليم 

هدى 

ممكن يا سليم اتكلم معاك في موضوع مهم جدا 

سليم 

هو انت مش رحت اشتكيتي لجدي وقلتي له على كل حاجه وكمان رفعتي عليا قضيه يبقى خلاص اضربي راسك في اتخن حيط ولو فاكره نفسك ان انت هتعرفي تاخدي معايا حق او باطل تبقي غلطانه 

هدى 

طب واللي في بطني ده يا سليم هعمل فيه ايه الله يخليك تعالى بس نتجوز وبعد الجواز بكم شهر طلقني وهكون راضيه ومش هاخد منك اي حاجه وهتنازل عن كل حقوقي 

سليم 

قلت لك اللي في بطنك ده مش ابني وما اعرفش عنه اي حاجه ومش عاوز اشوف وشك هنا تاني امشي اطلعي بره بدل ما اجيب لك الامن يطردوكي 

هدى 

كده برده يا سليم كثر خيرك انا بقى مش هتنازل عن حقي وهفطر في المحاكم لحد ما القانون يجيب لي حقي منك 

سليم 

 هههههههههههه انا سليم المنشاوي يا ماما ما حدش يعرف يقول لي ثالثه الثلاثه كام وبكره تشوفي 

هدى بعياط 

منك لله يا سليم ربنا اقوى منك وان شاء الله هيجيب لي حقي يا ريتني ما اشتغلتش كثيره عندك في الشركه ويا ريتني ما شفتك ولا دخلت الشركه دي من اساسه

سليم 

امشي اطلعي بره وما اشوفش وشك هنا ثاني سامعه ولا لا هو انت كنت بتقولي اصلا تشتغلي عندي في الشركه 

والاخر مره هقولها لك لو ما مشيتيش لوحدك هخلي الامن يطلعوك بره

وبعديها هدى مشيت وهي زعلانه وعماله تعيط وروحت بيتها اللي عايشه فيه لوحدها لان ابوها وامها ميتين وهي حامل وسليم مش عاوز يعترف بكده 

وعدى اليوم وجميله كانت قاعده في الجنينه شويه وطلعت اوضتها 

وجميله دخلت الاوضه عند مروان علشان تنام واول ما دخلت لقيت راجل واقف ومديها ضهره استغربت وقالت 

في اوضه مروان 

جميله 

مين حضرتك 

سليم لف وقال لها 

سليم 

انا يا جميله مش قلت لك انا هنا الكل في الكل وما فيش حاجه بتقف قصادي ابدا 

جميله 

وانت ايه اللي دخلك الاوضه وعاوز ايه هنا 

لو عاوز مروان فيا ريت تيجي له بكره واتفضل اطلع بره 

سيلم

مروان ده بالنسبه لي انتهى ومات خلاص يا حبيبتي اما انا جاي لك انت عشان عاوزك  انت انا من ساعه ما شفتك مش عارف انسى جمالك

جميله 

انت اتجننت ايه اللي انت بتقوله ده انا ممكن اصوت والم عليك الفيلا كلها 

سليم 

وانا ولا يفرق معايا اي حاجه قلت لك بدل بحط حاجه في دماغي هوصل لها يعني هوصل لها وليه مروان هو  اللي يفوز بكل الجمال ده وانا لا يبقى لازم يكون ليا من الحب جانب 

جميله بخوف 

اطلع بره يا سليم عشان خاطري الله يخليك انا مش عاوزه مشاكل انا داخله الفيلا دي وخايفه منكم ومرعوبه بينكم اصلا وعايزه اعيش مع جوزي في سلام وامان وخلاص

سليم قرب عليها وقال 

سليم 

احب اقول لك ان انت ما دخلتيش الفيلا انت دخلتي بيت العقارب وما حدش هيسيبك في حالك غير لما تكوني عقربه زيهم 

جميله 

طب انت بتقرب ليه دلوقتي لو سمحت ابعد عني 

سليم بدا يقرب من جميله خطوه ورا خطوه ورا خطوه لحد ما رماها على السرير 

و.........

#المنتقبه والعاجز

#الحلقه الثالثه

#بقلم هويدا زغلول 

المنتقبه الجميله داخل القصر 

الحلقه الثالثه 

جميله 

طب انت بتقرب ليه دلوقتي لو سمحت ابعد عني

سليم بدا يقرب من جميله خطوه ورا خطوه ورا خطوه لحد ما رماها على السرير وقال 

سليم 

معقوله الجمال ده كله اللي ما يت على السرير هناك ده هياخده لوحده ليه يعني وعلى فكره هو مش هيفوق ابدا مهما عملت يبقى عقلك في راسك تعرفي خلاصك انا هنا اللي هنفعك يبقى سلمي لي نفسك احسن لك 

جميله بدموع 

ابوس ايدك سيبني وابعد عني الله يخليك 

وجميله حاولت انها تصوت علشان حد ينقذها لكن سنين حط ايده على بقها وكتمه وقال 

سليم 

ريحي نفسك يا جميله انا مش هخرج وهعمل اللي انا عاوزه عشان لما بحط حاجه في مخي مش بسيبها غير لما باخدها انت جميله قوي والحسنه اللي في خدك دي مخلياكي جميله اكثر وانا بصراحه مش هقدر اسيب الجمال ده كله واخرج فيا ريت تستسلمى

وجميله عماله تصرخ وسليم حاطط ايده على بقها ومش عارفه تعمل اي حاجه 

وفي الوقت ده المنشاوي كان طالع علشان يطمن على مروان وهو طالع على سلم الفيلا كان  بيتكلم في التليفون وبيقول 

المنشاوي 

خلاص تمام ظبط كل حاجه وظبط السفر كله ونبقى نشوف هنعمل ايه انا داخل دلوقتي اطمن على مروان حفيدي  وبكره ان شاء الله نبقى نتكلم 

سليم طبعا سمع الكلام ده كله قال

سليم 

اللي لحقك مني دلوقتي هو جدي سليم انا خارج بس وغلاوه امي لو قلت اي حاجه هقول ان انت اللي كنت بتشديني ليكي وان انا شفت شكلك وهوصف شكلك كمان وتخيلي بقى لما واحد يعرف شكلي منقبه يبقى اكيد هي اللي رفعت النقاب 

وبعديها سليم خرج من الاوضه جري وراها على اوضته

ودخل المنشاوي في اوضه جميله وقال 

فى اوضه مروان 

المنشاوي 

عامله ايه يا جميله النهارده ومروان عامل ايه يا حبيبتي مالك شكلك مبهدل كده ليه وعيونك حمرين كده ليه كانك معيطه هو حصل حاجه 

جميله 

لا يا جدي ما حصلش حاجه انا كويسه ومروان الحمد لله كويس لسه مديه له العلاج في المحاليل 

المنشاوي 

اصيله يا جميله انا قلت ان انت ممكن مع اول خبطه او اول زعل في الفيلا هتمشي على طول اللي هو يعني هتصبري ليه وعشان ايه بس طلعت اصيله 

جميله 

ربنا يخليك يا جدي انت الوحيد اللي مهون عليا ان انا افضل في الفيلا انت ومروان اما الباقيين صعبين قوي انا مش عارفه هم ازاي عايشين مع بعض 

المنشاوي 

اللي يشوف يا بنتي المنشاوي يتمنى يدخل فيها زيك كده ولما يدخل فيها يندم لانه دخل بيت العقارب ما دخلش بيت المنشاوي 

جميله 

ربنا يخليك لنا يا جدي انت الوحيد اللي عاوز مصلحه الكل وخايف عليهم كلهم 

المنشاوي 

وعاوز مصلحتك انت كمان وبخاف عليك انت بقيتي واحده مننا خلاص يا جميله ولو في اي حد مضايقك تيجي تعرفيني على طول تمام 

جميله كانت نفسها تحكي له على اللي حصل مين سليم بس خافت قوي لحسن سليم يخلوهم يفهموا غلط لانه عرف شكلها 

جميله 

ربنا يخليك لنا يا جدي اكيد لو في اي حاجه هاجي لحضرتك على طول 

وبعديها المنشاوي سابها وخرج وهي وقفت الباب بالمفتاح وكانت قاعده خايفه ومرعوبه من سليم ومسكت ايد مروان وقالت 

جميله 

يا رب تفوق يا مروان عشان تحميني من اللي اسمه سليم ده انا خايفه قوي ده قادر وبجح انه يستناني هنا في الاوضه كمان عاوزني يا رب تفوق يا مروان 

وفي الوقت ده سماح خليتها كلمتها في التليفون وقالت لها 

سماح 

عامله ايه يا قلب خالتك وحشتني قوي يا جميله كده برده تتجوزي من غير ما تقولي لي 

جميله 

حقك عليا يا خالتو وعارفه ان انت من حقك تزعلي بس والله الموضوع كله جه في يوم وليله 

سماح 

لا يا حبيبتي ولا يهمك انا اهم حاجه عندي اشوفك مرتاحه ومبسوطه ببيت جوزك عرفيني بقى فين عنوان الفيلا عشان اجي لك 

جميله 

حاضر يا خالتو خدي عنوان الفيلا اهو بس لو سمحتي قبل ما تيجي عرفيني هتيجي امتى اصل هنا عندهم حبه انضباط شويه 

سماح 

حبه ايه يا اختي لا بقول لك ايه انا ما بفهمش بالكلام ده وربنا يسهل اول ما الاقي نفسي كويسه هاجي لك على طول يا حبيبتي 

جميله 

ماشي يا خالتو تيجي تنوري وربنا يخليك ليا 

وبعديها جميله قفلت السكه مع سماح 

وثاني يوم جميله صحيت من النوم على صوت زغاريط كثير ولما ركزت في الصوت لقيته صوت خالتها وقالت 

جميله 

دي خالتي سماح ايوه هي خالتي سماح يا خراشي عليك يا خالتي هو ده اللي انا قلت لك عرفيني هتيجي امتى قبليها انا لازم انزل بسرعه عشان  حماتي تعملها بطريقه كويسه 

اما تحت في الفيلا سماح دخلت وقالت 

سماح 

لولولولى يا الف نهار مبروك يا الف نهار ابيض الله اكبر الله اكبر بقى جميله بنت اختي عايشه في العز ده كله ما شاء الله عليك يا حبيبتي

جميله لبست نقابها ونزلت على سلم الفيلا بسرعه بسرعه وقالت لها 

جميله 

نورتيني يا خالتي بس الله يخليك وطي صوتك شويه عشان الفيلا دي ساكن فيها ناس كثير قوي 

سماح 

قصدك ايه يا بت يا جميله انه ساكن فيها ناس كثير قوي  يخيابك هو انت يا بت واخده الفيلا شرك ولا ايه اه يا خايبه 

جميله 

شركه ايه يا خالتي لا طبعا انا عايشه هنا مع جوزي ومع اهله كمان واهله حاطين مناخيرهم في السما قوي وما يعرفوش كلامنا ده 

سماح 

يا اختي وانا مالي بكل الكلام ده ما يغوروا في داهيه انا اهم حاجه عندي اني شفتك في بيت جوزك لولولولى كنت عارفه ان انت هتقعي واقفه يا جميله ربنا يعوضك عن كل اللي عملته فيك مديحه الحربوقه 

وفي الوقت ده سمر نزلت على سلم الفيلا وقالت 

سمر بزعيق 

هو في ايه يا ست انت هو انت فاكره نفسك داخله حاره ولا ايه وطي صوتك شويه ايه الكلام الفارغ ده وانت يا ابله جميله الاشكال دي ما ينفعش تقابليها عندنا في الفيلا هنا روحي بره جنب اوضه الكلب بتاعنا وقابليهم هناك 

سماح 

وليه يا اختي ان شاء الله كلب ايه اللي هنقف عنده شايفانا كلاب ولا ايه ولا كنا بنهوهو قدامك لا بقول لك ايه فوقي كده لكلامك انا واحده خلقى ضيق 

جميله 

حقك عليا يا خالتي سماح معلش ما تزعليش من كلام حماتي 

سماح 

يا نهار اسود ومنيل هي دي حماتك هي عامله كده ليه يا اختي ده انا بحسبها اختي جوزك الصغيره مالك يا وليه مسخوطه كده ليه وحاطه الاحمر والاخضر يخرب بيتك ما تعيشي سنك يا اختي والنبي تلاقيكي تحت المكياج ده وليه كركوبه

سمر 

يا نهار اسود ومنيل هي وصلت لكلمه كركوبه بقول لك يا زفته يا اللي اسمك جميله اطلعي بره انت واللي معاكي دي علشان ما اخليش البواب يطلعكم بره 

في الوقت ده المنشاوي صحي وقال 

المنشاوي 

ويطلعوا بره ليه ويعني ايه تخلي البواب يطلعهم بره كانت فيلتك يا سمر ولا ايه والاخر مره هقولها لك ليك حدود لو عديتيها هتزعلي مني 

سمر 

انا مش قصدي يا عم انا كنت خايفه لاحسن صوت الست العالي ده يصحيك من النوم ويقلق منام وفعلا اهو ده اللي حصل 

المنشاوي 

وانا مبسوط وفرحان بان في حد جديد دخل عيله وعمل روح في الفيلا بدل ما هي كئيبه وعامله زي بيت العقارب كده روحي على اوضتك يا سمر بدل انت مش عاوزه تسمعي صوتهم 

وفعلا سمر دخلت اوضتها وهي متغاظه وهي نفسها تنتقل من المنشاوي بسبب ان هو دايما بيقل منها عشان جميله 

اما عند سماح قالت للمنشاوي 

سماح 

شكلك راجل طيب وانت كبير العيله دي بقول لك ايه انا عامله حته فطيرتين بالسمنه البلدي للبنت جميله بس والله مش خساره فيك يلا تعالى افطر معانا 

المنشاوي بضحك 

ههههههههه الله فكرتيني بايام زمان تصدقي ان انا بقى لي سنين يا حاج ما اكلتش الاكله دي 

جميله 

طب تعالى يا جدي عشان تاكلها معانا اتفضلي على السفره يا خالتي 

سماح 

سفره ايه يا ام سفره الكلام ده ما ينفعنيش احنا هنقعد بره في الجنينه يا حاج على الارض ونفرش حاجه ونقعد ناكل يلا تعالى معانا 

وفعلا سماح وجميله قعدوا بره في الجنينه والمنشاوي قعد معاهم وكلوا الفطير بالعسل والجبنه القديمه والمنشاوي قال 

في الجنينه 

المنشاوي 

ياه طعمه جميل قوي يا حاجه سماح انا بحب الجو اللطيف ده اللي بيكون حب من القلب وان انا اصلا محروم منه 

جميله 

ما تقولش كده يا جدي انا والله بحبك من قلبي 

المنشاوي 

ربنا يخليك ليا يا جميله وانت يا حاجه سماح الفيلا فيلتك وما لكيش دعوه باي حد وتيجي تزوري جميله في اي وقت اللي انت عاوزاه انا همشي دلوقتي علشان اروح الشركه 

وفعلا المنشاوي اللي راح شركته 

وكانت شيماء بصه من بلكونه اوضتها وقالت 

شيماء 

يا نهار اسود ومنيل انتوا قعدتوا المنشاوي بنفسه في الجنينه على الارض ياكل فطير ده انت طلعتي مش سهله يا جميله وانا اللي بحسب سمر هي اللي واقفه في طريقي اتاريك انت اللي هتقفي في طريقي ولازم اخلص منك 

اما عند جميله وسماح وسماح قالت 

في الجنينه 

سماح 

بصي يا بنت يا جميله انا جايه لك اصلا علشان اديك الورث بتاعك يا حبيبتي

امسكي الست غوايش دول بتوعك انت البسيهم في ايديك وشخليلي بيهم كده يا بت

الست لازم تلبس ذهب وتتزين بيه 

جميله 

يا حبيبتي يا خالتو ربنا يخليكي لي انت من يومك وانت بتحبي الحق قوي 

سماح 

ويخليك ليا يا حبيبتي انا هقوم امشي بقى وربنا يقويك على بيت العقرب اللي انت دخلتيه 

جميله 

عشان خاطري يا خالتو تفضلي كلميني في التليفون وتعالي بصي عليا وزوريني عشان انا بقيت وحيد وما حدش بيسال فيا ابدا 

سماح 

ما تخافيش يا قلب خالتك انا هفضل جنبك على طول فوتك بعافيه بقى سلام 

وبعديها جميله لبست الغوايش وفرحت بيهم جدا وطلعت فوق اوضتها عند مروان وقالت 

في اوضه مروان 

جميله 

شفت يا مروان خالتي سماح اديتني الورث بتاعي وطلعوا ست غوايش انا فرحانه بيهم قوي بس مامتك الله يسامحها زعلتها بكلامها 

عارف يا مروان انا بعد الصبر ده كله لو في الاخر طلعت زي امك رخم انا هعضك من مناخيرك سامع ولا لا 

وتعرف بقى انا ممكن اعمل في امك ايه 

وفي الوقت ده جميله بتبص جنبها لقيت الكلب قاعد بيبص لها وقالت

جميله 

انت بتبص لي كده ليه يا بوبي انا ما كنتش هعمل حاجه والله اكيد حماتي هي اللي مسلطاك عليا اعااااااا اعاااااا اعاااااا الحقوني الحقوني 

في الوقت ده شيماء دخلت الاوضه على طول وفتحت عليها الباب وقالت لها 

شيماء 

يا نهار ابيض معقوله بتصرخي من الكلب ده بتاع مروان يا حبيبتى وبيحب يجي يقف جنبه ويطمن عليه 

جميله 

طب الله يخليكي مشيه من هنا انا خايفه منه قوي 

شيماء 

حاضر يا حبيبتي همشيه بس انت لازم تتعودي عليه لان دوت الكلب المفضل عند مروان وبيفضل معاه طول اليوم 

جميله 

حاضر هتعود عليه اشمعنا هو يعني ما اتعودت على حاجات كثير من ساعه ما دخلت الفيلا هنا 

شيماء 

بصراحه انا شفت خالتك من شباك الفيلا ونزلت علشان اسلم عليها لقيتها مشيت على طول دي شكلها ست غلبانه قوي هي عامله ايه 

جميله 

ربنا يخليكي ليا يا مرات عمي فعلا انت انسانه طيبه قوي ومتواضعه جدا مش متكبره زي حماتي 

في الوقت ده دخلت سمر وقالت 

سمر 

وهي مين دي متكبره يا جميله هانم 

جميله 

سعديه الخدامه يا سمر هاني ما اعرفش متكبره كده ليه صباحك زي الورد يا حبيبتي 

شيماء 

مالك يا سمر مخوفه البنت منك كده ليه يا حبيبتي عيشي عيشه اهلك وبطلي تعيشي في الدور 

سمر 

وانا قلت لك احترمي نفسك يا شيماء واتكلمي معايا بحدود وايه اللي دخلك اوضه مروان ابني امشي اطلعي بره يلا 

شيماء 

انا اصلا مش جايه اطمن عليك انت انا جايه اطمن على مروان وجميله 

وبعديها شيماء خرجت من الاوضه 

سمر قالت 

ما اشوفش وش خالتك هنا تاني يا جميله سامعه ولا لا ومش معنى ان المنشاوي قال كلمتين في حقك حلوين فتشوفي نفسك عليا 

جميله 

حاضر يا سمر هانم

سمر 

وقلت لك كذا مره اول ما تلاقيني جيت قعدت مع ابني تغولي من هنا مش عاوزاك تقعدي معانا ويا ريت تاخدي في علمك ان انت خدامه ابني مش مراته 

جميله بزعل 

حاضر يا سمر هانم عن اذنك 

وبعديها جميله خرجت من الاوضه ونزلت قعدت في الفيلا وهي زعلانه 

اما في بيت مديحه رنا صحيت من النوم وقالت

في بيت مديحه 

رنا

صباح الخير يا ماما يا ريت تديني 5000 جنيه عايزاهم ضروري النهارده 

مديحه 

مش معايا غير 3000 جنيه يا حبيبتي ابوكي ما سابش فلوس النهارده 

رنا 

بقول لك ايه يا ماما انا الكلام ده مش عاجبني هو في ايه مش انتوا جوزتوا جميله عشان خاطر الفلوس تنزل علينا زي الرز فين بقى الفلوس دي 

مديحه 

شكلي كده يا حبيبتي ابوكي اتعلم انه يخبي علي وبعين الفلوس في الخزنه اللي في الشركه عند المنشاوي ما هو من ساعه ما ابوكي نقل مكتبه في شركه المنشاوي وانا ما بقتش عارفه عنه اي حاجه 

رنا 

لا يا حبيبتي غير الكلام ده ما ينفعنيش انا رايحه بنفس الشركه اخذ الفلوس اللي انا عاوزاها من بابا مش معقول يعني جميله قاعده متهنيه هناك بالفلوس والاملاك وانا هنا مش عارفه اخد منكم 5000 على بعض 

مديحه 

يا حبيبتي ده دلوقتي بقيت متهنيه بالمال والاملاك والذهب كمان طلع عليها يا اختي ست غوايش ورث امها سماح بنت المبقعه جابتهم امبارح وما عرفتش اخدهم منها وزمانها دلوقتي راحت لها الفيلا وملبسهم لها كمان 

رنا 

بقول لك ايه يا ماما احنا لازم نعمل زياره في الفيلا لجميله وطبعا مش من حبنا فيها

يمكن يطلع لنا اي مصلحه هناك 

مديحه 

عندك حق يا بت يا رنا هو انا ازاي ما فكرتش في الكلام ده ان شاء الله هنحدد يوم ونروح هناك 

يلا بقى يا حبيبتي ساعديني في الشقه ابوك البخيل ابن البخيل مش راضي يجيب لي خدام 

رنا 

الله يقويك يا ست الكل انا رايحه اخذ فلوس من بابا عشان رايحه النادي ومش فاضيه الكلام ده خالص 

وبعديها رنا راحت في الشركه عند مصطفى وقالت له 

في شركه 

رنا دخلت مكتب مصطفى قالت 

رنا 

صباح الخير يا بابا عامل ايه انا عاوزه فلوس 

مصطفى 

هو في ايه يا رنا هو كل يوم كده عاوزه فلوس نفسي في يوم يا بنتي تقولي لي شكرا عاوزه عاوزه سلامتك يا بابا 

رنا 

طب وانا هعمل ايه بسلامتك يعني بالعقل كده اديني فلوس يا مصطفى عايز امشي 

مصطفى 

لمضه من يومك امسكي يا ستي الفلوس اهي 

رنا 

ايوه كده هو ده الكلام الصح عايز حاجه يا حبيبي وخلي بالك من سلامتك ايه رايك في الجمله دي جديده صح هههههههههههه 

وبعديها خرجت رنا من مكتب مصطفى وقابلت سليم وقال لها 

سليم 

اوبا ايه القمر والجمال ده اللي على الصبح ده 

رنا 

عيب قوي نكون نسايب وتعاكسني يا سليم 

سليم 

ايه ده نسايب قصدك ايه هو انت تعرفيني

رنا 

انا ابقى رنا اختي جميله يا ريت تتوصى بيها يعني تحط لها موزه تزحلقها على السلم تحط لها سم  فار في اوضتها يعضها عادي بصراحه بحبها قوي قوي 

سليم 

لا ده انت كده بقى تيجي معايا المكتب بتاعي ونطلب اثنين نسكافيه ونتكلم على رواقه 

رنا 

تمام بدل فيها نسكافيه يبقى يلا بينا انا اصلا لسه ما فطرتش 

وبعديها سليم رنا دخلوا مكتب سليم وسليم قال 

في مكتب سليم

سليم 

قولي لي بقى انت بتحبي جميله اختك قوي كده 

رنا 

قوي قوي قوي بطريقه ما تتوصفش بصراحه 

سليم 

اجي لك على الدوغري اختك طلعت مش مظبوطه والنقاب اللي هي لابسها ده بتستخبى فيه كمان 

رنا 

لا الكلام ده جديد عليا بصراحه جميله لابسه النقاب على التزام على فكره انت جبت الكلام ده منين 

سليم 

هي اللي رفعت النقاب ووريتني شكلها بالاماره عندها حسنه كبيره فخدها اليمين صح ولا غلط 

رنا 

اه يا بنت القفل جميله وعامله علينا الخضراء الشريفه وعملت ايه تاني يا سليم قل لي 

سليم

بصراحه نفسي اكشف على حقيقتها لانها عامله فيها الغلبانه ومخليه الكل يحبها وانا خايف قوي على ابن عمي ومش عارف اعملها ازاي 

رنا بخبث

تدفع كام وانا اديك الدليل اللي يعرفهم ان هي مش طايقه مروان ولا طايقه الفيلا باللي فيها 

سليم 

اوبا ده احنا نطلب بقى فراوله بلبن مش نسكافيه عشان الكلام بدا يحلو وايه هو الدليل اللي معاكي يا ست البنات 

رنا 

معايا تسجيل ليها بتتكلم فيه براحتها مع بابا وبتقول ان هي مش طايقه مصطفى ولا طايقه البيت كله 

سليم 

حلو قوي الكلام ده التسجيل ده يلزمني يا ست البنات 

رنا 

تمام وانا ما عنديش مانع خده بس هتاخده بكام 

سليم 

اه ده انت عاوزه تعملي مصلحه بقى احب انا نوع المخربش ده 

رنا 

لا ده انا بخربش وبعض كمان فيا ريت تاخد بالك مني انا التسجيل ده هبيعه ب 100 الف جنيه قلت ايه 

سليم 

ليه كده حيلك حيلك هو تسجيل مين يعني بقول لك ايه هم 50 الف جنيه موافقه ولا مع السلامه من غير ما تشربي الفراوله بلبن 

رنا 

لا موافقه هاتي ال 50 الف جنيه وهبعت لك التسجيل على تليفونك حلو 

وفعلا رنا اخذت من سليم ال 50 الف جنيه وبعتت له التسجيل على تليفونه ومشيت على طول 

وسليم قال 

كده الكلام عمال يحلو يا جميله ولو ما سلمتيش نفسك ليا هتفضحك قدام المنشاوي نفسه 

ومتهيالي انت هتخافي من الفضيحه ولازم تسلمي نفسك ليه 

اما في الفيلا عند المنشاوي كل العيله كانت قاعده على الغداء والمنشاوي قال 

في الفيلا 

المنشاوي 

ان شاء الله انا هسافر بعد ساعه  ويا ريت تخلي بالكم من بعض وتحبوا بعض شويه الكلام ليك يا كريم خلي بالك منهم لحد ما اجي 

كريم 

ما تخافش يا بابا كلهم في عيني وسافر وانت قلبك مطمن 

سعديه 

 تؤمروني بحاجه تانيه منشاوي بيه 

سمر بزعيق 

انت يا بنت انت واقفه عماله تتمايصى كده ليه ما خلاص انت حطيتي الاكل يلا غوري على المطبخ

شيماء 

حتى الخدامه يا سمر مش سايباها في حالها حرام عليك هي عملت لك ايه سعديه مكان مامتها هنا وبصراحه من ساعه ما اشتغلت وهي شايله فيلا كلها فوق راسنا وما شفتش منها حاجه وحشه اهدي عليها شويه يا حبيبتي 

سمر 

ما لكيش دعوه يا شيماء انا حره اقول ان انا عاوزاه

المنشاوي 

بس بقى انتم ايه اعداء نفسي تحبوا بعض شويه نفسي نقعد نتغدى مع بعض واحنا فرحانين الفرح ده عمره ما دخل البيت من ساعه ما سمر وشيماء دخلوا البيت انا بجد قرفت وتعبت والسفريه دي جات لي عشان ارتاح من شكلكم شويه 

وبعديها المنشاوي قام من على السفره وكريم قال 

كريم 

يعجبكم كده يعني ايه اللي انتم بتعملوه ده هو انتم صغيرين ولا ايه ما يصحش كده 

شيماء 

اخس عليك يا كريم هو انت بتزعق لي كل ده علشان جوزي ميت يعني وما ليش حد يجيب لي حقي كثر خيرك يا كريم 

كريم 

بطلي الكلام ده بقى يا شيماء وانت فاهماني وانا فهمك كويس يا ريت يكون قلبنا على بعض شويه انا رايح لى  بابا اراضيه بكلمتين

وبعديها كله قام من على السفره ما عدا سليم وكمان سمر وسليم قال 

سليم 

انت مرتاحه مع مرات ابنك جميله ولا لا يا مرات عمي 

سمر 

كويسه يا سليم لحد دلوقتي كل ما ادخل عليها الاوضه الاقيها تقرا قران لمروان اهم حاجه عندي مصلحه ابني 

سليم 

انا بس حبيت اقول لك بلاش تامنيلها لانها انسانه مش كويسه دي امبارح دخلت عليا اوضتي ورفعت النقاب وعرفتني قد ايه هي جميله ومش عاوزه مروان وعاوزاني انا 

سمر 

ايه الكلام الفارغ اللي انت بتقوله ده يا سليم اوعى تكون بتقول كلام من عندك ده هيكون فيها خراب بيوت 

سليم 

كده برده يا مرات عمي معقوله بتكدبي سليم حبيبك ده انا تربيه ايديك بالاماره كمان عندها حسنه كبيره في حدها اليمين وهي اموره جدا وكل ملامحها مسمسمه وجميله 

سمر 

ايوه فعلا يا سليم هي دي ملامحها 

يعني في الاخر جميله طلعت انسانه مش كويسه هي كمان يا حبيبي يا ابني منك لله يا منشاوي انت اللي عملت فينا كده ودخلت ما بينا شيطانه بس على مين مش هديها فرصه تقرب من ابني عشان ما تاذيهوش 

وفي الوقت ده كان المنشاوي حضر شنطته والعربيه وصلته عند المطار عشان يسافر

وجميله كانت قاعده في اوضتها جنب مروان وعماله تقرا له قران ودخلت عليها سمر بسرعه وقالت 

في اوضه جميله 

سمر 

انت يا بنت انت بطلي تمثيل قومي من جنب ابني وغورى في اي حته اتخمدي فيها وما تقربيش من ابني تاني يا محترمه 

جميله 

ليه بس الكلام ده كله يا سمر هانم هو انا عملت ايه لكل ده 

سمر

انت عارفه كويس انت عملت ايه عامله علينا الخضراء الشريفه وانت اصلا انسانه مش محترمه امشي اطلعي بره 

جميله 

طب هروح فين بس ما هو ده المكان اللي انا بنام فيه 

سمر 

عادي يا حبيبتي روحي نامي في مكانك اللي المفروض تنامي فيه في المطبخ جنب سعديه خدامه 

جميله 

ازاي يا سمر هانم ابقى انا مرات ابنك وانام في المطبخ انت ليه بتعامليني كده هو انا عملت لك ايه 

سمر 

ده انت هتشوفي مني ايام سوداء هو انت لسه شفت مني حاجه انا بكون عامله زي الاعصار لو حد قرب من ابني او اذاه وباين كده الاعصار ده هيعصرك قريب جدا 

جميله بخوف 

بس انا ما عملتش حاجه لكل ده 

سمر 

امشي اطلعي بره قلت لك واتخمدي في المطبخ هو ده كلامي 

جميله فعلا راحت المطبخ علشان تنام 

وبعديها ما ارتاحتش في المطبخ خرجت من المطبخ وهي محتاره وعماله تقول 

جميله 

هو ايه البيت الغريب ده طب اروح فين دلوقتي انا زهقت قوي هم ازاي وحشين كده وبيكرهوا بعض كده

ومره واحده جميله اتضربت على راسها بعصايه جامده جدا واغمى عليها وكان دمها سايح على الارض 

وطبعا اللي ضربها جري على طول 

وسمر خرجت من اوضه مروان ولقت جميله مرميه على الارض ودمها سايح وقالت 

سمر 

يا نهار اسود ومنيل مين اللي عمل فيك كده يا جميله يا جميله 

في الوقت ده جت شيماء وقالت 

شيماء بخضه 

ليه كده يا سمر ضربت البنت وموتيها ليه هي عملت لك ايه حرام عليك 

سمر 

انت اتجننتي يا شيماء انا ما عملتش حاجه انا خرجت من اوضه ابني لقيتها مرميه على الارض ودمها سايح ما اعرفش مين اللي عمل فيها كده 

شيماء 

ما فيش غيرك يا سمر انت الوحيده اللي بتكرهي وجود جميله في الفيلا ونفسك تخليها تموت حرام عليك ليه عملتي فيها كده انا لازم اكلم المنشاوي حالا يرجع من سفره ويشوف هيعمل فيك ايه 

سمر بخوف 

بس انا فعلا ما عملتش حاجه صدقوني 

كريم 

هو انتم لسه بتتكلموا بسرعه يلا ننقلها المستشفى 

وفعلا سليم خد عربيته وكريم دخلها العربيه ونقلوها في مستشفى 

في المستشفى 

الدكتور 

يا نهار ابيض مين اللي عمل فيك كده يا بنتي ده اللي ضربك على دماغك كان ضربك بغل وكان عاوزك تموتي 

سمر 

هي كويسه يا دكتور عامله ايه دلوقتي يعني ممكن تعيش 

شيماء 

طبعا يا سمر انت مش عاوزاها تعيش عشان لو عاشت هتقول عليك ان انت اللي عملت فيها كده 

كريم 

سليم خذ مراه عمك وامك وروحهم الفيلا وانا هفضل هنا مع جميله 

وبعديها بشويه جميله فاقت واول ما فاقت قالت 

جميله 

اه اه دماغي اه 

كريم 

انا كان لازم اعمل فيك كده عشان ما تقوليش على اللي انت شفتيه...........

#المنتقبه_والعاجز 

#الحلقه الرابعه 

#بقلم هويدا زغلول 

الحلقه الرابعه 

وبعديها بشويه جميله فاقت واول ما فقت قالت

 

جميله 

اه اه دماغي اه 

كريم 

انا كان لازم اعمل فيك كده عشان ما تقوليش على اللي انت شفتيه

جميله 

بس انا ما كنتش هتكلم على اللي انا شفته انت ليه عملت معايا كده انت اخر واحد عشان ممكن اشك فيه ان انت تعمل كده او تعمل معايا كده 

كريم 

واخر واحد تشك فيه ليه بقى للدرجه دي شايفاني طيب 

جميله 

طبعا كنت شايفاك اطيب واحد في البيت انت ليه عملت كده بجد مروان ده صعبان عليا قوي انه عنده اب وام بالقساوه دي 

كريم 

انا ما ليش دعوه بسمر سمر من يومها وهي ما بتطيقش حد وطماعه لكن انا دايما ناسياني ودايما شايفاني ما ليش قيمه مش هي وبس وكل الناس اللي في البيت 

جميله 

عشان كده بتفرد شخصيتك على البنت الغلبانه

هي ذنبها ايه ان هم شايفينك ولا حاجه ليه عملت معاها كده 

كريم 

والله كله بفلوسه وخلاص الكلام انا مش هتكلم معاكي كثير اهم حاجه ان انت ما تتكلميش مع حد على اللي انت شفتيه عشان لو مفكره نفسك ان انت هتلوي دراعي تبقي غلطانه انا ممكن اخرجك من الفيلا بفضيحه 

جميله 

والله انا ندمانه ان انا دخلت الفيلا دي فعلا هي مش فيلا هي بيت العقارب 

على العموم ما تخافش انا مش هتكلم مع حد بس عشان خاطري سيبي البنت في حالها هي مين دي انا اول مره اشوفها 

كريم 

بتبقى بنت خاله كانت جايه علشان تساعدها في القصر لكن بصراحه عجبتني وانا الحاجه اللي تعجبني باخدها يعني باخده

الدكتور بيقول ان انت كويسه وتقدري تخرجي في اي وقت بكره هبعت لك العربيه علشان تخرجي من المستشفى زي ما اتفقنا لو قلتي حاجه لحد يبقى انت اللي جناتي على نفسك 

وبعديها كريم خرج من المستشفى وروح الفيلا وجميله قعدت تفتكر اللي حصل 

   

                          فلاش بااااك 

جميله 

طب اروح فين بس كده برده يا حماتي عاوزيني انام في المطبخ هو انا عملت لك ايه لكل ده يا رب طلعني من الفيلا دي على خير انا تعبت بقى 

وبعديها جميله راحت المطبخ ولقيت كريم ماسك بنت من ايديها وبيقول لها 

كريم 

تعالي بس وهديكي كل اللي انت عاوزاه ما هو مش معقول القمر ده يعدي كده من تحت ايدي 

هدى 

ابوس ايدك يا كريم بيه سيبني في حالي كفايه اللي انت عملته فيا قبل كده 

كريم 

طب اعمل ايه باجي قدام جمالك وحلاوتك ما بقدرش امسك نفسي اعذريني يا هدى انا متجوز جعفر هو انا متجوز واحده ست واول مره اشوف بنت بالجمال ده 

هدى دي تبقى بنت خاله سعديه ولسه جايه قريب الفيلا علشان تساعد سعديه في شغل الفيلا لكن كريم ما سابهاش في حالها 

وطبعا جميله اول ما شافت كل ده جريت على طول من عند المطبخ وهي مصدومه وبتقول لنفسها 

جميله في نفسها 

يا نهار اسود حتى انت يا عم كريم ده انت الوحيد اللي قلت عليك اطيب واحد في الفيلا زي جدي المنشاوي بالظبط ايه اللي انت عملته ده هروح فين بس دلوقتي 

في المطبخ عند كريم 

كريم 

ايه ده يا بنت يا هدى مين اللي شافني يا بنت انطقي 

هدى 

واحده منقبه يا كريم بيه 

كريم 

يا نهار اسود ومنيل منقبه دي جميله امراه ابنه لا طبعا انا ما ينفعش اسكت انا لازم اخلص عليها عشان ما تتكلمش وتقول على اللي شافته 

وبعديها كريم خد عصايه كبيره جدا وجري وراه جميله وضربها على راسها وقعت قدام اوضتها ودمها سايح على الارض 

                     بااااااااك 

جميله 

اروح فين بس دلوقتي الله يسامحك يا بابا لو كان بيتك مفتوح لي كنت جيت وقعدت لكن خلاص مديحه مرات ابويا مش هتسيبني اقعد براحتي ابدا 

كده ما فيش قدامي غير ان انا اروح الفيلا واقفل بقي وما اتكلمش مع حد ابدا ولا اخرج من اوضتي حتى 

اما في الفيلا شيماء كانت قاعده وكلمتي من شويه في التليفون وقالت له 

في الفيلا 

شيماء 

ايوه يا حمايا عامل ايه كان نفسي اقول لك النهارده اخبار سعيده بس اعمل ايه ما انت عارف احنا بيت عقارب وما فيش خبر سعيد يجي مننا ابدا 

المنشاوي بقلق

في ايه يا شيماء انطقي قولي على طول ايه اللي حصل 

شيماء 

صحينا امبارح بالليل على جميله كانت قدام باب اوضتها مرميه على الارض ودمها سايح في حد خبطها على راسها بالعصايه جامد وطبعا حضرتك عارف مين اللي عمل كده 

المنشاوي 

قصدك ايه يا شيماء يعني مين اللي عمل كده وازاي البنت تعمله فيها كده هي دي الامانه اللي انا سبتها لكم 

شيماء 

والله يا حمايا انا عماله احاول اخلي بالي منها بس اعمل ايه سمر ما اديتش فرصه لحد وحاولت تموتها

المنشاوي 

ده انتم ليلتكم كلكم سوداء انا في اول طياره نازل على طول عشان اشوف البنت حصل لها ايه وهي جميله فين دلوقتي 

شيماء 

في المستشفى يا عم كنت بصراحه عاوز اقعد معاها بس كريم روحنى 

وطبعا مش هوصيك ان انت لما تيجي لازم تجيب حق جميله من سمر 

وبعديها المنشاوي قفل السكه وشيماء قالت 

شيماء 

ان شاء الله تكون في الضربه القاضيه ليك يا سمر والمنشاوي يطلعك من البيت بقى وتغوري في داهيه من هنا عشان اعرف اعمل اللي في بالي

وبعديها شيماء رجعت مكانها تاني تقعد جنب سمر 

الله كريم روح الفيلا وقال 

كريم 

يا اهلا يا اهلا العقارب كلهم متجمعين يا ترى مين اللي عمل كده ومين اللي كان عاوز يموت جميله 

شيماء 

لا طبعا بلاش تبص لي كلامك ما ينفعش يتوجه لي انا انا اكثر واحده بحب جميله في البيت ده واكثر واحده بتكرهها هي سمر مراتك 

سمر 

حرام عليك يا شيماء انا ما عملتش حاجه انت ليه مصممه تلبسيني انا التهمه دي 

شيماء 

هي خلاص لبستك يا حبيبتي انا كلمت المنشاوي وعرفته على كل حاجه وهو هيركب اول طياره وجايه على طول عشان هيجيب حق جميله بنفسه‏

سمر 

برده يا شيماء عملتي في دماغك منك لله يا شيخ قلت لك مش انا اللي ضربتها انا مالي 

كريم 

بس انت وهي مش عاوز كلام كثير وانت يا شيماء ايه ما بتضيعيش فرصه من ايدك ابدا اهم حاجه دلوقتي البنت الغلبانه اللي في المستشفى دي نطمن على صحتها وهي ان شاء الله بكره هتكون موجوده هنا وسطينا في الفيلا ونشوف مين اللي عمل معها كده 

سليم بصوت واطي 

اه يا بنت المحظوظه يا جميله انا اللي كنت ناوي امبارح اجي لك ونخلص الامور كلها واعمل اللي انا عاوزه وابن المؤذيه اللي ضربك ضيعت من ايدي بس الايام جايه هتروحي مني فين 

اما عند المنشاوي بعد كم ساعه وصل الفيلا وقال 

في الفيلا 

المنشاوي 

اهلا اهلا ببيت العقارب هي دي الامانه اللي انا سلمتها لكم كده برده يا سمر تعملي معايا انا كده 

سمر 

والله يا عمي ما انا اللي ضربتها انت عارف ان انا اهم حاجه عندي صحه ابني ومش عاوزه اي حاجه من البيت ده لا مال ولا ملك اكيد اللي عاوز هو اللي ضربها 

شيماء 

قصدك ايه يا سمر يا ريت ما تحاوليش تهربي من الجريمه اللي انت عملتيها 

المنشاوي 

خلص الموضوع على كده لم هدومك يا سمر وامشي دلوقتي وما اشوفش وشك في بيتي ثاني سامعه ولا لا 

سمر 

لا يا عم حرام عليك ما ينفعش تعمل معايا كده وتحرمني من مروان ابني ده هو كل حياتي ما تتكلم يا كريم هو انت دايما كده ما لكش شخصيه 

كريم 

انا ما اقدرش اكسر كلمه ابويا يا سمر وبدل قال لك امشي يبقى كلمته فعلا هتمشي وانت لمي هدومك وامشي يلا 

سمر بعياط 

والله العظيم انا ما عملت حاجه مش انا اللي ضربتها يعني عشان خاطري خليني جنب ابني 

المنشاوي 

انا رايح اطمن على جميله وهجيبها معايا الفيلا اجي ما لقيكيش يا سمر سامعه ولا لا 

وبعديها المنشاوي راح المستشفى عندي جميله 

في المستشفى 

المنشاوي دخل اوضتك جميله وقال لها 

المنشاوي 

الف سلامه عليك يا جميله يا حبيبتي عامله ايه دلوقتي ومين اللي عمل فيك كده 

جميله بتوتر 

الحمد لله يا جدو انت جيت امتى من السفر انا كويسه وصحتي بقت احسن بس ما اعرفش مين اللي عمل فيا كده 

المنشاوي 

ركزي يا بنتي عشان اخذ لك حقك من اللي عمل كده انا ما ينفعش اسكت لاي حد يعمل غلط ثاني انا حزين على احفادي واللي بيحصل لهم 

جميله 

صدقني يا جدي انا ما اعرفش مين اللي عمل فيا كده بس عاوز اطلب منك طلب 

المنشاوي 

قولي يا بنتي طلب ايه 

جميله 

عشان خاطري يا جدي ما تسافرش تاني وتسيبني انت الوحيد اللي تعرف تحميني من بيت العقارب اللي احنا فيه 

المنشاوي 

عندك حق يا بنتي تليفونك بيرن ردي اكيد باباكي اصل انا كلمته وعرفت كل حاجه 

جميله 

بصراحه يا جدى انا ما رضيتش اخده عليا ثواني هرد على ابويا

جميله ردت على مصطفى في التليفون وقالت له 

جميله 

اعمل ايه يا بابا ما تخافش يا حبيبي انا كويسه 

مصطفى 

كل يوم بقول لك فيه حقك عليا يا بنتي وهفضل اقولها لك انا اللي ظلمتك وجيت عليك عامله ايه دلوقتي يا حبيبتي 

جميله 

انا كويسه يا بابا وما تخافش انا هخرج من المستشفى وهروح مع جدي الفيلا 

مصطفى 

ماشي يا بنتي ولا ان شاء الله بكره هاجي اطمن عليك انا واختك ومديحه 

جميله 

تيجوا تنور يا بابا في اي وقت 

وبعديها المنشاوي خد جميله واروح بيها على الفيلا وطبعا كانت سمر لمت هدومها ومشيت عشان بتخاف تكسر كلمه المنشاوي 

في الفيلا 

جميله دخلت واول ما شافتها شيماء جريت عليها وقالت لها 

شيماء 

هاتي ايدك يا حبيبتي اكيد مش عارفه تمشي يا قلبي من الخبطه  ايه اللي انت اتخبطتيه 

جميله 

ربنا يخليك يا مرات عمي كثر خيرك 

شيماء 

ايه اللي انت بتقوليه ده انت عبيطه ولا ايه انت بنتي يا حبيبتي وسع كده يا حمايا انا هاخدها واطلعها اوضتها لحد فوق 

المنشاوي 

ماشي يا شيماء بس خلي بالك منها عشان هي المفروض كانت تقعد في المستشفى لحد بكره بس انا اللي صممت اجيبها معايا 

شيماء 

دي في عينيا يا عم ما تخافش عليها 

كريم 

حمد لله على سلامتك جميله يا بنتي وان شاء الله انا هجيب لك حقك من اللي عمل فيك كده 

جميله بخوف 

شكرا يا عم كريم 

سليم 

الف سلامه عليك يا مرات اخويا يا نهار ابيض ده انا زعلت قوي قوي عليك 

جميله 

شكرا 

وبعديها شيماء خدتها وطلعت بيها الاوضه ودخلتها اوضتها وقالت لها 

في اوضه مروان 

شيماء 

ادخل يا جميله يا حبيبتي نامي على السرير ربنا يشفيك يا رب 

يا حبيبتي يا جميله انت دايما كده صعبانه عليا ليه عملتي في نفسك كده متجوزه واحد ميت ليه يعني كل ده تغور الفلوس يا حبيبتي 

جميله 

انا مش متجوزاه عشان الفلوس يا مرات عمي انا متجوزه عشان خاطر ما كسرش كلمه بابا وفعلا مروان صعب عليا وانا هفضل جنبه لحد ما يخاف 

شيماء 

اصيله والله يا جميله ربنا يشفيك يا رب 

وعلى فكره حمايا المنشاوي خلي حماتك سمر تلم هدومها وتمشي من هنا 

جميله 

طب ليه عمل كده 

شيماء 

عشان يا حبيبتي سمر هي اللي خبطتك على راسك وكانت عاوزه تموتك وتخلص منك 

جميله 

لا لا سمر هانم ما عملتش كده 

شيماء 

يا نهار ابيض دي كمان محرماك تقولي لها حماتي ومخلياك تقولي لها سمر هانم دي سمر دي جباره وتستاهل اللي حصل لها 

جميله 

طب بعد اذنك يا مرات عمي ممكن تخلي جدى المنشاوي يجي لي بس عشان اقول له حاجه 

شيماء 

من عيني الاتنين يا قلبي 

عاوزه اي حاجه انتهي بس علي وانا اكون في ثانيه عندك 

وبعديها شيماء نزلت وخلت المنشاوي يطلع فوق عند جميله

فى اوضه جميله 

المنشاوي 

خير يا حبيبه جدو كنت عاوزاني في ايه 

جميله 

بصي يا جدو بس يا ريت ما تسالنيش كثير 

وانا هقول لحضرتك وهحكي لك على كل حاجه بس في الوقت المناسب بس خلصت الكلام مش حماتي هي اللي ضربتني على راسي ده حد ثاني 

المنشاوي 

يعني معقوله انت تعرفيه طب هو فين في الفيلا ولا بره الفيلا طمنيني يا بنتي 

جميله 

ريح قلبي يا جدي بس معلش رجع سمر حماتي هي ملهاش ذنب هي اهم حاجه عندها صحه ابنها وده من حقها 

المنشاوي 

معقوله انت  طيبه قوي يا جميله بس حاضر يا حبيبتي هعمل لك اللي انت عاوزاه وهرجع وهعرفها ان انت اللي خليتيها ترجع عشان تحن عليك شويه وتبطل الجبروت اللي هي فيه ده 

وبعديها فعلا منشاوي كلم سمر وخليها ترجع الفيلا تاني وطبعا الكلام ده زعل شيماء قوي لانها كان نفسها تخلص من سمر في اقرب وقت 

اما جميله كانت عطشان وما كانش في ميه في الاوضه بتاعتها وخرجت بره الاوضه علشان تروح المطبخ وتشرب بس كانت مرعوبه وخايفه من كريم لحسن يعمل فيها حاجه تاني 

وهي معديه من قدام اوضه المطبخ سمعت صوت كريم خارج من اوضه تحت السلم وطبعا جميله كان عندها فضول تعرف جميل بيعمل ايه ثاني نزلت تحت السلم البدرون وقفت على باب الاوضه وسمعت كريم بيقول 

في الاوضه اللي في البدرون 

كريم 

ريحي نفسك يا هدى انت مش طالعه من هنا انا هفضل حبسك هنا لحد ما تموتي لاما كده لاما تنزلي العيل اللي في بطنك انا متاكد ان هو مش مني

هدى 

مش منك ازاي بس يا كريم بيه انت الوحيد اللي جيت جنبي من ساعه ما جيت هنا الفيلا وانا كنت حاسه بحاجات غريبه نفسي اغمى عليا وعماله ارجع وكنت متاكده ان انا حامل الله يخليك خرجني من هنا وهمشي عند اهلي ومش هاجي هنا ثاني 

كريم 

عبيطه انا بقى ولا عيل برياله قصادك عشان اصدق الكلام اللي انت بتقوليه ده طبعا لا مش هتمشي من هنا وهتفضلي هنا لحد ما تموتي انت واللي في بطنك سامعه ولا لا 

هدى 

ابوس ايدك بلاش تسيبني وتقفل عليا الباب تاني ايه الجو ضلمه وانا مرعوبه الله يخليك خرجني من هنا 

كريم 

انت مش هتخرجي من هنا يا هدى خلص الكلام على كده لكن لو سمعت صوتك خرج من الاوضه دي انا هاجي وهخلص عليك سامعه ولا لا وخليك هنا لحد ما تموتي 

جميله سمعت الكلام ده وجريت على طول قبل ما كريم يحس بيها ويضربها ثاني زي المره اللي فاتت ودخلت اوضتها وقالت لنفسها 

في اوضه الجميله 

جميله 

يا دي النيله السوداء ايه ده يا كريم ده انت طلعت شيطان على هيئه انسان طب وبعدين انا مش هينفع اسكت البنت الغلبه دي مش ذنبها حاجه انها تموت بالطريقه دي 

في الوقت ده سعديه دخلت عليها الاوضه علشان تديها العلاج بتاعها وقالت لها 

سعديه بحزن 

اتفضل يا جميله هانم العلاج اهو 

جميله 

شكرا يا سعديه مالك عماله تعيطي وزعلانه كده ليه

سعديه 

ما هو الحزن اتكتب عليا اعمل ايه بس مش لاقيه بنت خالتي وخالتي خاربه الدنيا وقالت لي انا عاوزه بنتي ما اعرفش راحت فين بس البنت هدى دي دي غلبانه وما تعرفش حد هنا 

جميله قلبها وجعها وقالت 

جميله 

بصي يا سعديه انا هقول لك 

ولسه جميله هتكمل كلامها دخلت عليهم حماتها سمر وقالت 

سمر 

اطلعي بره يا سعديه وسيبيني انا وجميله مع بعض 

سعديه 

حاضر يا سمر هانم

وبعديها سعديه خرج وسمر قالت لجميله 

سمر 

شكرا يا جميله ان انت قلت كلمه الحق ورجعتيني الفيلا تاني واحده غيرك كانت ممكن بسبب كل المعامله الوحشه اللي انا بعملها لك كانت تخلص مني وما ترجعنيش تاني ابدا 

جميله 

انا عمري ما كرهتك بل بالعكس انا بحبك جدا ليه ان انت حاساك اطيب واحده في الفيلا دي وخايفه على ابنك وكل اللي همك صح 

سمر 

الفيلا دي ما فيهاش طيبين يا جميله واهم حاجه لازم تعيشي معاهم وتعامليهم بنفس معاملتهم عشان ما حدش فيهم ياكلك ويا ريت تبعدي عن شيماء دي اكبر عقربه في البيت 

جميله 

اهم حاجه ان انت رجعت القصر عشان تفضلي جنب مروان اكيد وجودك انت جنبه احسن وافضل من وجودي الف مره انت مامته اما انا مراته ربنا يخليكي لي يا رب 

سمر 

قد ايه انت جميله يا جميله وما تزعليش مني انا المعامله الوحشه اللي انا عملتها لك وشكرا كمان مره ان انت رجعتيني البيت من غيرك المنشاوي ما كانش هيدخلني البيت ده ابدا 

جميله 

انا مش فارق معايا اي حاجه دلوقتي غير صحه مروان يا رب يفوق ويرجع لصحته 

سمر 

يا رب يا جميله بس انت ما تعرفيش مين اللي خبطك على راسك 

جميله بتوتر 

لا لا ما اعرفش مين الله يسامحه بقى 

وبعد شويه مصطفى ورنا ومديحه جم الفيلا علشان يطمنوا على جميله 

في الفيلا 

مصطفى

ازيك يا منشاوي بيه بنتي عامله ايه دلوقتي

المنشاوي 

ما تقلقش عليها يا مصطفى انا وقفت شغل في السفر ونزلت على طول عشانها هي 

مديحه 

من يومك وانت راجل اصيل يا منشاوي بيه 

رنا بتبص على الفيلا شمال ويمين وقالت 

رنا بصوت واطي ما سمعوش غير مديحه 

رنا

من يومي وانا نحس يعني ايه المشكله لو كنا وافقنا على الجوازه دي يا ماما ولا اللي كنت قاعده في المكان ده بدل جميله الخدامه

مديحه 

يعني انت يا اختي كنت هتستحملي جوزك وهو دايم دايما على فراش الموت وبين الحياه والموت ولا ايه 

رنا 

جميله دي غبيه كانت المفروض تستغل الموقف صح 

مديحه 

ايوه يعني تعمل ايه انت لو مكانها كنت عملت ايه 

رنا 

انا لو مكانها كنت موت مروان باي حقنه وخلصت منه وبدل ما اقوم متجوزه اكون ارمله واورث فلوس كثير منها واعيش حياتي لكن اقول ايه جميله الخدامه من يومها وهي مخها واقف 

مديحه 

وطي صوتك يا اختي عشان ما حدش يسمعنا ونروح في داهيه يلا نطلع فوق اوضتها نطمن عليها لازم نعمل الواجب قدام المنشاوي عشان يفضل راضي عنك 

رنا شافت سليم نازل من على سلم الفيلا وقالت 

رنا 

ايه ده سليم عامل ايه 

سليم 

اوعى وشك شكلها ما فيش النهارده لا شركه ولا شغل عامله ايه يا رنا اوعي تقولي لي ان انت جايه تطمني على اختك ازاي وانت مش بتطقيها 

رنا 

وطي صوتك يا سليم هتودينا في داهيه طمني عملت ايه بالتسجيل اللي معاك 

سليم 

لما يجي اوانه وقته انت مش خدتي فلوس وقبضتي خلاص بقى طلعي نفسك من الموضوع ده 

رنا 

ماشي يا سليم بس لينا قاعده ثانيه مع بعض

سليم 

قاعده واحده بس والاثنين ثلاثه اربعه انا بحب قعده البنات الحلوين قوي 

وبعديها مصطفى قال 

مصطفى 

يلا نطلع نطمن على جميله في اوضتها 

المنشاوي 

اتفضل يا مصطفى الفيلا فلتك 

وبعديها مصطفى ومديحه ورنا طلعوا فوق عند جميله وقالوا 

في اوضه جميله 

مصطفى 

حبيبتي يا جميله عامله ايه دلوقتي 

جميله 

يا حبيبي يا بابا انا خفيت من ساعه ما شفتك ربنا يخليك ليا 

مديحه على جميله وتقول 

يا حبيبي يا بابا انا خفيت من ساعه ما شفتك ده انت خبيثه زي اللي جابتك 

جميله 

بتقولي حاجه يا مرات ابويا 

مديحه 

بقول لك حمد لله على سلامتك يا اجمل الجميلات يا نهار ابيض يا رب انا وانت لا 

الله الله دي سماح جت هنا بقى واديتك الغوايش اهي منوره في ايديك 

جميله 

اه يا مرات ابويا جت واديتها لي وقالت لي خليهم في ايديك اوعي تقلعيهم ابدا 

مديحه 

من يومك وانت محظوظه يا جميله 

مصطفى 

ربنا يوسع رزق كمان وكمان يا حبيبتي 

وبعديها رنا بصت على مروان وقالت 

رنا 

يا نهار ابيض هو ده جوزك يا جميله 

جميله 

اه يا رنا ادعي له ربنا يشفيه 

رنا 

ربنا يشفيه ويقويك انت ليه مستحمله القرف ده 

انا منك كنت اتطلقت وخلصت 

مديحه بصوت واطي 

يا بنت السوسه عاوزه تطلقيها عشان تخربي عليها عارفاك وحافظاك يا رنا ما انت تربيتي 

رنا 

ما هو بصراحه بقى لازم جميله تفتح مخها شويه وتجيب لنا اي حاجه من الغنى اللي هي فيه ده هو احنا مش هينوبنا بالحب جانب ولا ايه 

مديحه بصوت واطي 

انا عامله حسابي على كل حاجه يا حبيبتي 

رنا 

مش فاهمه حاجه ناويه تعملي ايه يا مديحه مش مطمنه لك 

مديحه 

انا جايبه سم اللي يشربه في العصير يموت 

وهيكون من نصيب 

رنا 

قبل ما تكملي كلامك اكيد هيكون من نصيب جميله صح 

مديحه 

وانا بقول عليك ذكيه وتربيتي طلعت غبيه زي ابوكي وانا اموت جميله ليه هستفاد منها بايه 

رنا 

امال هتموتي مين يا ماما مش فاهمه حاجه 

مديحه 

المنشاوي يا حبيبتي هو اللي هيموت 

عشان ابوكي في الشركه يكون الكل في الكل بعد المنشاوي هو ده الاتفاق اللي بينهم 

ان لو المنشاوي مات مصطفى هو اللي هيمسك كل حاجه 

رنا 

يخرب بيت دماغك يا ماما الماظ يا ناس الماظ طب وهنحط السم ازاي وهنشرب العصير للمنشاوي زي بقى 

مديحه 

اقعدي واتفرجي على امك لما تكتك يا حبيبتي 

بس اهم حاجه امسكي حبوب السم حطيها في كوبايه العصير اللي قدامك دي واوعي تخلي حد ياخد باله منك 

رنا 

حاضر يا ماما هات السم 

بس هي الخدامه هتفضل واقفه لنا كده كتير ولا ايه 

مديحه 

شكلها كده يا اختي هتفضل واقفه ملكيش دعوه بيها وخدي  بالك احسن حد يشوفك 

رنا 

طب احنا كده مش ممكن نكتشف يا ماما 

ده لو حد عرفها اللي احنا عملناه ده تبقى مصيبه ده المنشاوي بيه يا ماما مش اي حد 

مديحه 

يا بت ما تبقيش غبيه زي ابوك كده وهم يعرفوا ان احنا عملناه كده ليه ولا احنا اللي عملنا العصير ولا احنا كمان اللي هنديه له في ايديه 

حطي الحبوب بس وما لكيش دعوه انا عامله حسابي في كل حاجه 

وفعلا رنا خدت حبوب السم حطتها في كوبايه العصير ومديحه قالت 

مديحه 

بقول لك ايه يا جميله انا عارفه ان المنشاوي بيحبك مش بيكسر لك كلمه ابدا ما تخليه يجي يقعد معانا هنا 

جميله 

حاضر يا مرات ابويا 

بعد اذنك يا سعديه اندهي جدي خليه يجي يقعد معانا شويه 

وفعلا سعديه نزلت تنده المنشاوي وبعد شويه المنشاوي طلع وقال 

المنشاوي 

اديني جيتي ست البنات عايزه ايه 

جميله 

تعالى يا جدو يا حبيبي اقعد معانا شويه

اما في الفيلا تحت عند شيماء قالت لسمر 

شيماء 

معقوله سمر هانم سايبه الناس البيئه دي قاعده فوق فوق اوضه مروان بيه سبحان مغير الاحوال 

سمر 

ما لكيش دعوه بيه يا شيماء وسيبيني في حالي 

للدرجه دي انت طلعت بتكرهيني عملت لك ايه لكل ده 

شيماء 

والله يا حبيبتي انا عامله زي البركان اللي بيجي على حقي وحق ابني هولع فيه 

سمر 

بس كل ده ملك المنشاوي ولا حقك ولا حق ابنك 

شيماء 

ايه ده هو انا ما قلتلكيش يقطعني 

ما انا هاخد كل الحق ده انا وابني وبكره تشوفي يا سمر 

سمر 

انت اللي بكره تشوفي يا شيماء مروان ابني كان الكل في الكل وذراع المنشاوي اليمين وان شاء الله يقوم بالسلامه ويرجع زي الاول واحسن وهتتركني على الرف انت وابنك زي ما كنتم مركونين 

شيماء بضحك 

هههههههههههه

لما بقى مروان ابنك يقوم بالسلامه بقى لك سنين بتقولي الكلمه دي 

اما في اوضه جميله مديحه قالت 

مديحه 

امسكي يا جميله ادي كوبايه العصير دي لجدك المنشاوي يبل بها ريقه 

جميله اخذت الكوبايه من الايد مديحه واديتها للمنشاوي 

اتفضل يا جدي كوبايه العصير دي

المنشاوي 

والله ما عكس في ايدك يا جميله قلبي هاتي يا ست العصير 

والمنشاوي شرب العصير و...........

#المنتقبه والعاجز 

#الحلقه الخامسه 

بقلم هويدا زغلول 

المنتقبه الجميله داخل القصر 

الحلقه الخامسه 

 المنشاوي 

والله ما هكسف ايدك يا جميله قلبي هاتي يا ست العصير 

والمنشاوي شرب العصير ومره واحده جت سعديه من زقه الكوبايه وقعتها على الارض وقالت 

سعديه 

انا اسفه هي منشاوي بيه ما كانش قصدي اصلي جالي دوخه كده واترميت عليك حقك علي 

مديحه بغيظ 

انت متخلفه ولا هاميه ايه اللي انت عملتيه ده يا نهار ابيض يا جميله مشغلين عندكوا خدامين متخلفين بالطريقه دي ازاي 

جميله 

خلاص هي مرات ابويا حصل خير ما لهوش لازمه ان احنا نزعلها بتقول ان هي داخت الف سلامه عليك يا سعديه معلش يا جدي حقك عليا 

المنشاوي 

ما فيش اي حاجه يا جماعه ايه المشكله الف سلامه عليك يا سعديه انا عارف ان انت زعلانه بسبب بنت خالتك هدى ان شاء الله تلاقوها يا حبيبتي 

سعديه 

يا رب يا منشاوي بيه نلاقيها دي خالتي هتتجنن عليها 

جميله في نفسها 

يا نهار ابيض انا لازم اتكلم البنت ممكن تموت تحت في البدرون وانا هشيل ذنبها لو حصل لها حاجه

رنا بصوت واطي 

شفتي بقى كل اللي احنا خططنا له باظ يا ماما هنعمل ايه دلوقتي 

مديحه 

احنا لازم نمشي دلوقتي حالا انا مش عارفه اتلم على اعصابي يلا بينا يا بنت يا رنا

رنا بصوت عالي 

يلا بينا يا بابا علشان انا ورايا حاجات كثير عاوزه اعملها 

جميله 

ده انتوا لسه جايين يا رنا ليه كده تمشي بدري 

مصطفى 

معلش يا بنتي يبقى نجيلك يوم ثاني يلا بينا يا جماعه عن اذنك يا منشاوي بيه 

وبعديها مصطفى خد مديحه ورانا ومشيوا على طول 

والمنشاوي قال 

عاوزه اي حاجه مني يا جميله انا قاعد في المكتب بتاعي يا حبيبتي 

جميله 

ربنا يخليك ليا يا جدي اتفضل انت روح مكتبك 

وبعديها المنشاوي مشي وسعديه قربت من جميله وقالت لها 

سعديه 

انا اللي وقعت كوبايه العصير من ايدي المنشاوي بيه قاصده يا ست جميله ما كنتش دايخه ولا حاجه ده انا كدبت كده عشان ما حدش ياخد باله 

جميله 

ليه يا سعديه هو ايه اللي حصل عشان تعملي كده 

سعديه 

انا سمعت ايه الست مديحه وبنتها ست رنا حاطه حبوب سم للمنشاوي بيه في كوبايه العصير بتاعته وما خافوش لان قالوا ان انت اللي هتدي له العصير بايدك عشان هو يموت ويتهموكي في موته هم اللي بيكرهوك كده 

جميله 

يا لهوي هو الكره بتاعهم وصل للدرجه دي ان هم يموتوا نفس بريئه هم ازاي بيعملوا كده ازاي يجي لهم قلب ليه كده 

سعديه 

مش عارفه والله يا ست هانم خلي بالك منهم انا قلت اقول لحضرتك علشان بدل اذو الناس اللي حواليك عشان يتهموكي فيها يبقى اكيد هياذوك انت كمان 

جميله 

شكرا يا سعديه انا مش عارفه اشكرك ازاي انت انسانه فعلا كويسه وتخافي ربنا 

سعديه 

ادعي لي يا ستي جميله الاقي هدى بنت خالتي انا خايفه عليها قوي يكون حصل لها حاجه 

جميله 

بصي يا سعديه انا هقول لك 

وفي الوقت ده شيماء دخلت الاوضه عند جميله وجميله ما عرفتش تقول حاجه لى سعديه 

شيماء 

عامله ايه يا جميله النهارده انا قلت اجي اطمن عليك وعلى مروان 

جميله 

الحمد لله يا مرات عمي انا كويسه وشكرا جدا ان حضرتك جيتي واتطمنتي علي 

شيماء 

واقفه كده ليه سعديه روحي يلا شوفي شغلك 

سعديه 

حاضر يا ست هانم عن اذنكم

وبعد ما سعديه مشيت شيماء قالت 

شيماء 

انا زعلانه منك قوي يا جميله ايه اللي انت عملتيه ده بقى معقوله بعد ما المنشاوي يخلصنا من الشيطانه اللي اسمها سمر ويمشيها من الفيلا انت اللي ترجعيها تاني 

جميله 

انا قلت الحقيقه كلكم اتهمتوها ان هي اللي خبطتني على راسي ومش هي اللي خبطتني 

شيماء 

وانت ايش عرفك بقى اني مش هي اللي خبطتك يبقى انت كده عارفه مين اللي خبطك قولي يا جميله ما تخافيش يا حبيبتي انا جنبك 

جميله 

برده لا انا ما اعرفش مين اللي خبطني بس كل اللي اعرفه ان هي كانت في الاوضه ما خرجتش منها يبقى خبطتني على راسي ازاي وانا ما بحبش الظلم وما بحبش اظلم حد 

شيماء 

خلاص يا ستي اهم حاجه تكوني مبسوطه وراضيه والف سلامه عليك راسك عامله ايه دلوقتي ومروان عامل ايه

جميله 

الحمد لله كويسه ومروان كمان كويس 

شيماء 

ماشي يا حبيبتي انا قلت اجي اطمن عليك عايزه حاجه اروح اشوف اللي ورايا 

وبالمره اسيبك ترتاحي 

اما ثاني يوم في شقه مديحه كان بيتكلم رنا بنتها وبتقول لها

مديحه 

الله يخرب بيتك يا غبيه كنا هننكشف بس انا حاسه ان الخدامه السوسه العقربه دي حست بحاجه مش عارفه ليه 

رنا 

ده هيبقى سواد على الكل لو سعديه الخدامه خدت بالها من اللي احنا عملناه يا ريتني ما سمعت كلامك يا ماما 

مديحه 

هتسكتي يا بنت وتبطلي ندب وانا هعرف منين ايه اللي هيحصل كل ده ان شاء الله الخدامه ما كنتش خدت بالها من اي حاجه بس برده نعمل احتياطاتنا وما نروحش هناك لمده كبيره عشان الموضوع يتنسي 

رنا 

بقول لك ايه يا ماما تروحي ما تروحيش فكك مني انا نازله ورايحه النادي سلام 

وبعديها رنا راحت النادي والكابتن مراد قال 

في النادي 

مراد 

يا نهار ابيض اخيرا الانسه رنا حنت علينا وجت علشان تتدرب كنت فين كل المده دي يا رنا 

رنا 

والله حسيت ان انا مش في قلبك ومش عاوز كمان تدخلني قلبك قلت بلاش احرج نفسي اكثر من كده 

مراد 

على فكره انا بتكلم على التمرين مش بتكلم على حاجه ثانيه قلتها لك وهقولها لك ثاني انا الكابتن بتاعك ويا ريت يكون في حدود بينا 

رنا 

ولا عايزه حدود ولا عايزه غير حدود انا ماشيه انا كنت جايه عشان اقول لك ان انا مش هاجي التمرين ثاني اصلا ومش محتاجاه في حاجه سلام يا كابتن 

مراد 

يا رنا انت بنت كويسه وبلاش تعملي كده والتمرين ده هينفعك جدا عشان تخشي معانا البطوله 

رنا 

لا لا ايه الكلام ده ما بياكلش عيش انا هروح عند الكلام اللي بياكل عيش سلام يا كابتن 

ابعتيها رنا مشيت وراحت عند سليم في الشركه واول ما دخلت قالت له 

في الشركه عند مكتب سليم 

رنا 

يا صباح الفل عامل ايه 

سليم 

اهلا اهلا ايه النور ده اتفضلي يا رنا 

رنا 

انا عايزه كوبايه قهوه هموت من الصداع 

ما نمتش طول الليل كنت عمال افكر في اللي شاغل قلبي 

سليم 

سلامه قلبك يا صغنون ومين بقى صاحب النصيب اللي حظه حلو قوي كده ودخل قلبك وكمان شغله 

رنا

يعني انت متاكد ان هو حظه حلو ولا بتقول كده وخلاص بتجاملني يعني 

سليم 

لا انا ما بعرفش اجامل انا من ساعه ما شفتك وانا معجب بيكي جدا وبتفكيرك الذكي من بقى صاحب النصيب 

رنا 

انت يا سليم من ساعه ما شفتك وانت دخلت قلبي ومش عارفه انساك ابدا اعمل ايه بقى الحب وعمايله 

سليم 

اوعى وشك دي شكلها الايام الجايه هتكون ايه حب ورومانسيه ونتمشى على الكورنيش بحبه ترمس ودره مشوي 

رنا 

ترمس ايه ودره مشوي ايه يا سليم بقى ينفع حفيد المنشاوي يقول ترمس ودره مشوي ده اقل حاجه بعد الكلام الحلو اللي انا قلته لك ده تجيب لي خاتم الماظ ينور ايدي ولا ايه

 سليم 

اه ولا ايه ولا اه لا بقول لك ايه يا بنت الناس انت لو فاكراني ان انا عيل نايتي وفافي وهيتضحك عليا بكلمتين تبقي غلطانه ده انا صايعه قوي وبصراحه ما ليش في الشغل الهدايا والكلام الفارغ ده 

رنا 

امال لك في شغلي ايه يا سليم قل لي عشان افهم دماغك فيها ايه وبتفكر في ايه 

ولسه سليم هيرد على رنا دخل السكرتير بسرعه وبيقول 

السكرتير 

يا استاذ سليم الحكومه تحت قدام باب الشركه وبتسال على حضرتك وجايين علشان ياخدوك بخصوص موضوع الانسه منى 

سليم 

الله يخرب بيت اخبارك اللي زي وشك امشي من وشي وانا همشي من باب الشركه اللي من الناحيه الثانيه 

لو اي حد جه هعرفهم ان انا ما جيتش الشركه النهارده اصلا 

وبعديها سليم خد رنا ونزل على طول الناحيه الثانيه من باب الشركه وركب العربيه ومشي بسرعه وبعد كده رنا قالت له 

في العربيه

رنا 

حيلك حيلك انت عمال تجري بسرعه كده ليه عرفني ايه اللي حصل يا سليم والحكومه جايه الشركه ليك ليه انت عملت ايه

سليم 

مظلوم يا بيه اعمل ايه عيله منها لله كانت شغاله سكرتيره عندي واسمها منى وقال ايه راحت بره تلف على حل شعرها وفي الاخر طلعت حامل وعاوزه تلبسني انا العيل ده وانا مالي عشان كده اترفع عليا قضيه بسبب الكلام ده

رنا 

بدل انت اللي ما عملتش كده يبقى بتهرب ليه 

سليم بتوتر 

ما هو ما هو  مش سليم المنشاوي اللي يتقبض عليه انت بتهزري ولا ايه لا طبعا 

رنا 

بقول لك ايه يا سليم ما تيجي معايا على الدغري لان انت عينك فضحاك وكدبك باين قوي عرفني انت عملت ايه وما تخافش انا هساعدك 

سليم 

بجد هتعرفي تساعديني يا رنا 

رنا 

اه هساعدك بس عرفني ايه الحكايه والحقيقه 

سليم 

انا هحكي لك على كل حاجه 

وبدا سليم يحكي على كل حاجه 

      

                         فلاش بااااك 

في يوم منى اشتغلت سكرتيره في مكتب سليم واول ما سليم شافها قال 

في مكتب سليم 

سليم 

اوعى وشك هو القمر بيطلع الصبح ولا ايه انت مين يا بطل 

منى 

انا السكرتيره الجديده يا سليم بيه 

سليم 

ما تقوليش السكرتيره الجديده قولي القمر الجديد قولي طبق المهلبيه الجديد ده ايه الجمال ده 

منى 

كله من ذوقك يا سليم بيه شكرا جدا لحضرتك 

سليم 

قولي لي بقى تقدري تسهري النهارده في الشركه ولا بابا ماما هيزعقوا لك 

منى بزعل 

انا ما عنديش لا اب ولا ام هم ماتوا وسابوني لوحدي وكمان ما عنديش اهل ولا اخوات وعايشه لوحدي يعني عادي ممكن اسهر في الشغل 

سليم 

حلوه قوي قوي الكلام ده طب بقول لك ايه احنا لازم نسهر النهارده 

عشان ورانا شغل كتير جدا ولازم يخلص وريني بقى همتك وشطارتك عشان ما اجيبش حد غيرك 

منى التوتر 

تجيب حد غيري ايه لا يا سليم باشا الله يخليك انا ما صدقت لقيت الشغلانه دي انا عايشه في اوضه ومش عارفه ادفع ايجارها 

سليم 

يا نهار ابيض يعني القمر ده يعيش في اوضه اخص عليك يا دنيا اسمعي كلامي وانا اعيشك في فيلا وقصر يا بنت الناس

وفعلا سليم ومنى سهره في الشركه علشان يخلصوا الشغل وسليم بخبث قال

سليم بخبث

يخرب بيت غبائي انا مش عارف مخي بقى واقف كده ليه الملف اللي احنا المفروض نشتغل فيه النهارده هناك في الشقه عندي ايه رايك يا منى نروح نجيبه ونشتغل فيه ونيجي على طول عشان نسلم الشغل ده بكره 

منى 

معلش انا مش هقدر اروح شقتك يا سليم ليه 

سليم 

لا انت شكلك كده يا منى مش واثقه فيا وبلاش تشتغلي معايا احسن بكره اشوف سكرتيره غيرك

منى 

لا لا خلاص يا سليم بيه انا هاجي مع حضرتك نجيب الملف عشان نخلص الشغل النهارده 

وفعلا سليم خد منى وراح شقته الخاصه بيه 

وهناك في الشقه بس اليوم فعلا ضحك على منى وعمل اللي هو عايزه 

فى شقه سليم 

منى انهيار 

ليه كده بس يا سليم بيه هو انا عشان غلبانه وما ليش اهل تعمل فيا كده ده انا كنت واثقه في حضرتك 

سليم 

اهدي يا منى بلاش تعملي كده انا مش نادله ولا غدار شوفي انت عايزه كام وهديهم لك يا حبيبتي 

منى 

فلوس ايه وبتاع ايه انا عاوزاك تتجوزني بعد اللي انت عملته ده انت كده دمرت حياتي كلها 

سليم 

بقول لك ايه يا بنت انت انا عارف الدموع التماسيح دي كويس برافو عليك عرفت تمثلي امشي اطلعي بره انا اخذت اللي انا عاوزه خلاص 

منى 

الله يخليك يا سليم بيه استر عليا واتجوزني 

وبعديها سليم مسك منى من ايديها وطلعها بره الشقه وقفل الباب 

وبعد شهر منى راحت لسليم الشركه وقالت له ان هي حامل وطبعا سليم قال لها ايه الولد مش ابني واللي عندك اعمليه 

                             بااااااااك 

سليم 

ادي كل الحكايه يا ستي ومن ساعتها وهي رافعه عليا قضيه وعاوزه تثبت ان اللي في بطنها ده ابني 

رنا 

يعني في الحقيقه انت اللي عملت كده واللي في بطنها ده ابنك يا سليم 

سليم 

الكذب خيبه بصراحه اه 

رنا 

طب واللي يطلعك من الموضوع ده زي الشعره من العجينه ولا تتسجن ولا تتجوزها كمان تدي له كام 

سليم 

ادي له نص عمري بس اطلع من المشكله دي كافي خيري شر وما حدش يؤذيني 

رنا 

لا يا حبيبي انا مش عايزه نص عمرك انا عايزه فلوس كثير شوف هتديني كام وانا اخلص لك الموضوع ده في ثانيه 

سليم 

هتعملي ايه وانا اقدر واقول لك على الفلوس 

رنا 

اديني عنوان منى واروح لحد بيتها اديها علقه موت واللي في بطنها ينزل وكده خلاص شيل ده مين ده يرتاح ده عندك وهي مش هتعرف تثبت اي حاجه 

سليم 

يعني انت هتعرفي تعملي الكلام ده ولا هتتقفشي ونروح في داهيه 

رنا 

عيب عليك ده انا رنا بكره تشوف وتحلف بذكائي 

سليم 

حلو الكلام ده تعالي بقى نتفق نعمل ايه كويس قوي وبعد ما تخلصي اديني تليفون وطمنيني ان فعلا ارتحت من المصيبه اللي اسمها منى

اما في الفيلا عند جميله 

سماح خالتها راحت لها 

وسعديه فاتحه باب الفيلا وسماح دخلت وقعدت تزغرط وتقول 

في الفيلا 

سماح 

لولولولى يا حبيبتي يا جميله انت فين يا قلبي وحشتيني 

شيماء 

اهلا وسهلا بك بس انت بتزغرطي ليه يا حبيبتي حد قال لك اني جميله اتجوزت امبارح دي لسه خارجه من المستشفى امبارح 

سماح 

اعاااااا اعاااااا يا قلب امك يا بنتي خرجت من المستشفى امبارح ليه عملت لها ايه سميتوها ولا حرقتوها ولا وقعتوها ولا هببتوا فيها ايه ليلتكم زرقاء النهارده 

سمر 

لو سمحتي وطي صوتك شويه بنتك بس اتزحلقت على ظهرها ودماغها اتفتحت عشان كده وديناها المستشفى وهي فوق في اوضتها بتستريح 

سماح 

كله منك انت يا حربوقه يا اللي اسمك سمر مش انت برده حماتها ما انت ما كنتيش طايقه جميله اكيد انت اللي عملتي فيهجميله

شيماء بضحك 

ما جبتش حاجه من عندي ما حدش طايقك وكله شاكك فيك انت وشهد شاهد من اهلها 

سمر 

لو سمحتي بلاش الكلام ده ما حدش عملي جميله حاجه اتفضلي اطلعي اطمني عليها 

سماح 

طبعا هطلع هو انت فاكراني هستاذنك ولا ايه يا حبيبتي يا جميله جايه لك يا بنت اختي 

وفي الوقت ده المنشاوي خرج من مكتبه وقال 

المنشاوي 

ايه الدوشه دي مين اللي عامل الصداع ده 

سماح 

يوه يقطعني هو حضرتك هنا يا حاج عامل ايه وصحتك عامله ايه 

المنشاوي 

اهلا اهلا بالحاجه سماح ده انت نورتينا والفيلا كلها نورت بوجودك وعمري ما هنسى حلاوه الفطير اللي انا اكلته منك المره اللي فاتت 

سماح 

امال لو تعرف بقى دلوقتي جايبه لك ايه 

ده انا عامله طبق كشك الماظيه انما ايه يستاهل بق والله ما حد هيدوق غيرك 

المنشاوي 

الله الله كشك الماظيه مره واحده رجعتينا الايام زمان يا حاجه سماح 

شيماء 

معقوله يا حمايا هتاكل الاكل اللي مع الحاجه سماح ده 

سماح 

وفيها ايه يا اختي ماله اكلنا بقى يا حبيبتي احنا ناس نظيفه قوي ولا عشان احنا على قد حالنا قرفانين مننا 

المنشاوي 

اى الكلام ده يا حاجه سماح لا طبعا هي ما تقصدش كده وانا بنفسي هطلع فوق معاكي انت وجميله واكل الالماظيه يا ستي

سماح 

ماشي يا حاج انا هطلع فوق اطمن على بنتي 

وفعلا سماح طلعت فوق اطمنت على جميله في اوضتها وجميله قالت

في اوضه جميله 

جميله 

يا حبيبتي يا خالتي كنت عارفه ان ده صوتك انت بس اعذريني ما كنتش قادره اتحرك 

سماح 

الف سلامه عليك يا قلب امك ان شاء الله اللي يكرهك وانت لا مين اللي عمل فيك كده اكيد حماتك الحربايه صح ما فيش غيرها هي الوحيده اللي بتكرهك في البيت ده 

جميله 

لا يا خالتي مش هي وما اعرفش مين اللي عمل كده سيبك مني انا انت عامله ايه يا حبيبتي وصحتك عامله ايه 

سماح باصت على مروان وقال 

سماح 

سيبك مني انا يا جميله اهم حاجه هو جوزك ده يا بنتي ما بيتحركش خالص كده الله يقويك على اللي انت فيه 

جميله 

تعالي نقعد الناحيه الثانيه يا خالتي عشان نسيبه يرتاح شويه 

سماح 

يرتاح ايه يا بنتي هو انت محسساني ان هو سامعنا ولا شايفنا ده بين الحياه والموت انت ليه عملتي في نفسك كده بس يا حبيبتي ما تطلبي الطلاق وارتاحي وتعالي عيشي معايا وما لكيش دعوه بمديحه العقربه

جميله

سيبك مني انا بقى يا خالتي انا كويسه ومبسوطه في حياتي مع مروان ان شاء الله هيقوم بالسلامه اهم حاجه انت عامله ايه وسيد ابنك عامل ايه 

سماح

اعمل ايه يا بنتي في سيد ده حاله يصعب على اي حد الشركه اللي كان شغال فيها قفلت ودلوقتي يا اختي قاعد في البيت مش لاقي وظيفه وانا زعلانه عليه قوي وطبعا ما انت عارفه ان هو اللي بيصرف عليا 

جميله 

يا حبيبتي يا خالتي ربنا يقويك ويعينك يا رب 

امسكي الفلوس دي يا حبيبتي خليها معاكي وما تشيليش هم اي حاجه 

سماح 

انت عبيطه يا بت يا جميله ولا ايه والله ما اخد منك ولا مليم عيب كده ده انا اللي المفروض اجي لك بحاجات كثير حسره علي جايه لك بطبق الماظيه وما عرفتش اجيب لك حاجات عشان الظروف بقى حقك عليا 

جميله 

طب ريحيني خدي الفلوس يا خالتي 

سماح 

طب كده يا جميله حطي الفلوس في جيبك واوعي تعملي معايا كده تاني انا الحاجات دي ممكن تزعلني منك 

وفي الوقت ده المنشاوي دخل وقال 

المنشاوي 

انا جيت اهو يا حاجه سماح فين بقى الالماظيه اللي انت هتذوقاني 

سماح 

ابن حلال وحماتك كانت بتحبك كنت لسه هحطها اهو تعالى يلا سمي الله وكل هتعجبك قوي يا حاج

والمنشاوي فعلا قعد وكل الالماظيه وعجبته جدا

وفي الوقت ده جميله  فتحت شنطه سماح وحطت فيها الفلوس علشان تساعدها 

اما عند رنا كانت واقفه في الشارع وكلمت سليم في التليفون وقالت 

في الشارع 

رنا 

جهز فلوسك يا سليم كل حاجه تمام وخلاص خرجت زي الشعره من العجينه مش قلت لك ده انا رنا وهتتفاجئ مني 

سليم 

اه يا بنت الايه ده انا كنت قاعد على ااعصابي

قلت اكيد ممكن حد يمسكك وانت بتعملي كده برافو عليك 

رنا 

لا يا حبيبي انا مش عايزه برافو عليك انا عايزه الفلوس اللي احنا اتفقنا عليها 

سليم 

هتاخدي الفلوس كلها وزياده كمان ده انت ريحتيني من اكبر كابوس في حياتي وتبقى توريني بقى اللي اسمها منى هتمسكني من ايدي اللي بتوجعني ازاي 

وبعديها سليم قفل السكه مع رنا

اما في البيت عند مديحه كان مصطفى لسه راجع من الشغل ومديحه قالت 

في بيت مديحه 

مديحه 

كويس ان انت جيتي يا اخويا بصي بقى ايه العشا دي ما بقتش عجباني لا انا ولا بنتي انت لازم تشوف لنا صرف 

مصطفى 

يا فتاح يا عليم يا رزاق يا كريم في ايه يا مديحه هو في حد كلمك ده انا لسه راجع من الشغل هلكان وتعبان وعاوز انام ساعه 

مديحه 

نوم ايه يا حبيبي ما فيش نوم انت دلوقتي جوزت بنتك جميله لحفيد المنشاوي علشان نبقى اغنيه زيهم ونعيش في فيلا مش في الشقه المعفنه اللي احنا عايشين فيها دي ما ليش دعوه انت لازم تجيب لي فيلا واعيش فيها زي بنتك جميله سامع ولا لا 

مصطفى 

اه قولي كده بقى ان انت مستكتره على بنتي العيشه اللي هي فيها حرام عليك يا شيخه كفايه اللي هي عايشه فيه عايشه مع جوزها اللي نايم على السرير على طول كانه ميت والبنت راضيه عشان كده ربنا كرمها 

مديحه 

ما ليش دعوه انت لازم تجيب لي فيلا انا وبنتك نعيش فيها وكمان تلبسني دهب يعني على اخر الزمن جميله بنتك اللي كانت شغاله عندي خدامه تلبس ذهب ولا لا لا يا حبيبي مش هيحصل انا كمان هلبس 

مصطفى بصدمه

يعني فعلا جميله بنتي كانت شغاله عندي خدامه وانا اللي كنت بكذبها على طول اخص عليك يا مديحه قد ايه انت فعلا طلعت امراه اب وحشه وشريره 

مديحه 

ما يخصنيش الكلام ده بكره تاخد فلوس من الشركه حتى لو هتسرق وانا مالي يا اخويا وتجيب لي الفيلا والذهب لاما كده يا اما هروح اقول للمنشاوي على الفلوس اللي انت بتاخدها من وراه 

مصطفى

وانا  يعني باخد الفلوس من ورا المنشاوي ليه مش عشان لك انت وبنتك في الاخر بتهدديني يا مديحه كثر خيرك قوي

انا داخل انام ومش عاوز اكل 

اما في الفيلا كوثر ام هدى وخاله سعديه جات الفيلا وقعدت تزعق وتقول

في الفيلا 

كوثر 

يا هدى يا هدى انت فين يا بنتي كده برده يا سعديه هي دي الامانه اللي انا اديتها لك مش عارفه تحافظي على بنتي كنت عرفتيني

ما كنتش خليتها تيجي تشتغل معاكي 

سعديه 

وطي صوتك الله يخليك يا خالتي ان شاء الله هنلاقيها انا عماله ادور عليها في كل مكان 

كوثر 

اوطي صوتي ده ايه يا حبيبتي هو انت فاكره في وسطاني ضاع مني ولا تليفوني ضاع مني ده بنتي عارفه يعني ايه بنتي 

سعديه 

حاضر بس ابوس ايديكي وطي صوتك عشان لو حد سامعك ممكن يمشيني من الفيلا وانت عارفه ان انا مش هعرف الاقي شغل زي ده ثاني 

كريم 

ايه الدوشه دي 

سعديه 

حقك عليا يا كريم بيه اصل دي خالتي كوثر ام هدى وهي خايفه على بنتها قوي وجت تدور عليها 

كريم 

ما تخافيش يا مدام كوثر ان شاء الله اول ما نلاقيها هنخليها تروح بيتها على طول ما تشتغلش عندنا تاني لان شكلها كده مش عاقله زي سعديه 

كوثر 

والله يا بيه انت طيبه وعاقله وبتسمع الكلام انا ما اعرفش حد ضحك عليها ولا حد عمل فيها حاجه ولا هي راحت فين 

كريم 

طيب ماشي روحي انت واول ما نلاقيها هنعرفك على طول 

وبعديها كوثر مشت 

اما كريم استنى لما الجو قليل وكل اللي في الفيلا نام وراح البدرون عند هدى علشان يشوف هي عامله ايه 

في البدرون كريم نزل وقال 

كريم 

يا نهار اسود ومنيل ازاي الكلام ده فين هدى مين هربها ولا ايه اللي حصل ما فيش غيرك يا جميله هو انت فاكره نفسك ان انت كده اذكى مني وهتقدري عليا طب اصبري علي النهارده اخر يوم في عمرك يا جميله 

كريم قال الكلام ده وجري على اوضه جميله وهو متعصب جدا واول ما دخل قال لها 

في اوضه جميله 

كريم 

هو انت فاكره نفسك ان انت كده قدرتي عليا تبقي غلطانه وانت كده لعبتي بالنار ولازم تتحرقي بيها عشان ما ينفعش حد يلعب معايا 

جميله بخوف 

في ايه انا مش فاهمه حاجه ايه الكلام الغريب اللي انت بتقوله ده يا عم كريم 

كريم 

انت اللي هربتي هدى من البدرون وانت بقى لو فاكراني ان انا هاجي اتحايل عليك عشان تعرفيني مكانها تبقي غلطانه انا النهارده هخلص منك لان انت الوحيده اللي عرفتي حقيقتي وانت الوحيده اللي اكبر كابوس في حياتي والكابوس ده هينتهي النهارده يا جميله 

وكريم ماسك المخده وحطها على وش جميله علشان يقتل نفسها وجميله بقت عماله تفرفص بايديها ورجليها ومش عارفه تتنفس ولا حتى عارفه صوت ولا في حد عارف ينجدها 

وبعد كده حصل ............

#المنتقبه والعاجز 

#الحلقه السادسه 

#بقلم هويدا زغلول 

المنتقبه الجميله داخل القصر 

الحلقه السادسه 

وكريم ماسك المخده وحطها على وش جميله علشان يكتم نفسها وجميله بقت عماله تفرفص بايديها ورجليها ومش عارفه تتنفس ولا حتى عارفه تصوت ولا في حد عارف ينجدها 

جميله عمال اتصرخ صريخ مكتوم 

ومره واحده كريم ساب المخده من ايده بسبب الصدمه اللي هو شافها 

جميله قامت المخده من على وشها واتصدمت وقالت 

جميله 

ايه ده الحمد لله مروان حرك ايده الحمد لله قوم يا مروان الحقني الحقني وانجدني من اللي بيعملوه فيا 

كريم 

اللي انا شفته ده حلم ولا علم معقوله مروان ممكن يفوق 

جميله جريت على تحت وقعدت تقول بصريخ 

جميله 

يا جدي يا جدي اطلب الدكتور بسرعه مروان حرك ايده يا جدي 

المنشاوي صحي من النوم وخرج من اوضته وقال 

المنشاوي 

انت بتقولي ايه يا جميله بتتكلمي بجد مروان حفيظ يحرك ايده كرمك يا رب علينا 

وجميله قالت على اوضه سمر وخبطت عليها ودخلت وقالت لها 

في اوضه سمر 

جميله 

قومي يا سمر هانم مروان حرك ايده 

سمر بفرحه 

انت بتقولي ايه يا جميله بتتكلمي بجد دي احلى اخبار في الدنيا 

جميله 

يلا بسرعه عشان لازم نودي له المستشفى والدكتور يشوف التغيرات الجديده دي يمكن يغير في دواء ومروان يفوق بقى 

سمر 

عندك حق يا حبيبتي يلا بينا 

وطبعا كريم هرب بسرعه من اوضه جميله عشان ما حدش ياخد باله منه 

والمنشاوي وسمر وجميله خدوا مروان ونقلوه على المستشفى علشان يطمنوا على صحته 

اما عند سماح في البيت صاحب البيت بيخبط عليها بيقول لها 

في بيت سماح 

صاحب البيت 

هو في ايه يا ست سماح انا عاوز الايجار انت متاخر عليك اربع شهور وكده ما ينفعش لو مش قد الايجار سيب الشقه وامشي 

سماح 

حقك عليا يا حاج اصبر عليا شويه يعني همشي اروح فين يا ناس حتى بصوا شنطتي ما فيهاش ولا مليم

سماح بتحط ايديها في الشنطه وكانت ليها الصدمه الكبيره لما لقت فلوس كثير وفهمت ان جميله هي اللي حطيتها لها 

سماح 

كده برده يا جميله يا حبيبتي يا بنتي من يومك وانت حنينه زي امك ربنا يخليكي ليا 

اتفضل يا حاج الايجار الى متاخر عليا اهو 

صاحب البيت 

ايوه كده هو ده الكلام يا ست سماح متشكرين يا ستي ويا ريت ما تتاخريش عليا الايجار تاني 

وبعد كده صاحب البيت مشي 

اما في المستشفى 

الدكتور 

ما شاء الله ده احلى خبر يا منشاوي بيه في تقدم عالي جدا في صحه حفيدك وان شاء الله عن قريب هيفوق 

المنشاوي 

يا ريت يا دكتور يسمع من بقك ربنا

سمر 

ان شاء الله يفوق يا حمايا كل ده بسببك انت يا جميله بعد ربنا طبعا ربنا يخليك انا فقدت الامل ان مروان يفوق بس الحمد لله 

جميله 

الحمد لله يا سمر هانم نحمد ربنا وان شاء الله يفوق ويرجع لحياته ويبقى وسطينا 

سمر 

بلاش يا حبيبتي تقولي لي سمر هانم قولي لي يا حماتي وحقك عليا في كل اللي انا عملته معاكي يا جميله 

جميله 

حاضر يا حماتي انا مش زعلانه من حاجه اهم حاجه صحه مروان تكون بخير 

المنشاوي 

عرفتي بقى يا سمر ان انا ما كنتش غلطان ولا كنت بظلمك ولا بظلم ابنك لما اتجوزت مروان ليه جميله 

سمر 

عرفت يا حمايا وحقك عليا انا عارفه ان انت خايف على مصلحتنا كلنا 

جميله 

طيب انا هروح الفيلا يا جدي علشان اجيب حاجات مروان عشان الدكتور محتاج يشوف كل علاجه عشان يعرف هيمشي على ايه وهيوقف ايه 

المنشاوي 

تمام يا بنتي روحي وانا مستنيك 

سمر 

وانا كمان يا حمايا عندي مشوار مهم جدا هخلصه وهاجي لك على طول هو ما فيش حاجه اغلى من مروان ابني بس المشوار ده لازم يخلص 

المنشاوي 

ما فيش مشكله يا سمر روحي وانا قاعد هنا مع حفيدي 

وبعديها سمر وجميله راحوا المشاوير بتاعتهم 

عند سمر ركبه العربيه بتاعتها وراحت شقه صغيره 

اول ما دخلت فيها وفتحت الباب بالمفتاح وقالت 

في الشقه 

سمر 

ايه يا هدى عامله ايه دلوقتي 

هدى 

الحمد لله يا ست هانم هاتي ايدك ابوسها انا عمري ما هنسالك الجميل ده ابدا ان انت هربتيني من العذاب اللي انا كنت فيه 

سمر 

الحمد لله يا حبيبتي انا عارفه ان جوزي كريم الناس كلها فاكرينه ان هو طيب وحنين لكن هو شيطان على هيئه انسان انا عارفاه كويس 

شيماء 

انا عمري ما هنسى اللي انت عملتيه معايا 

وبدات شيماء تقول اللي حصل 

                         فلاش بااااك 

في البدرون سمر دخلت وفتحت الباب لان معاها نسخه من البدرون واخداها من ورا كريم 

في البدرون 

سمر 

ايه ده يا هدى هو انت هنا واحنا قالبين عليك الدنيا بره مين اللي حبسك كده 

هدى جريت عليها وقالت لها 

هدى 

ابوس ايدك يا ست هانم اوعي تسيبيني هنا خديني وانت ماشيه كريم بيجوز حضرتك هو اللي حابسني عشان غلط معايا وانا حامل وعاوز يموتني انا واللي في بطني 

سمر 

يا نهار اسود كده برده يا كريم الموضوع يوصل بيك انك تعمل كده مع عيله قد ابنك الله يسامحك 

هدى 

عشان خاطر ربنا ما تسيبنيش هنا انا خايفه قوي ده ممكن يموتني 

سمر 

اهدي يا هدى يلا معايا انا ههربك من هنا وهجيب لك شقه تقعدي فيها لحد ما الموضوع يهدى ونحل موضوع اللي في بطنك ده وترجعي عند امك على طول 

هدى باست ايد سمر وقالت لها 

روحي الهي يستر عرضك ربنا يخليك يا رب 

                       بااااااااك 

عند هدى وسمر 

سمر 

خلاص يا هدى اهدي بطلي عياط ان شاء الله هنحل الموضوع بس اهم حاجه اوعي تكلمي حد ولا حتى سعديه ما ينفعش حد يعرف مكانك عشان كريم لو وصل لك ممكن يموتك 

هدى 

ربنا يخليك يا ست سمر انا قاعده في البيت مش هتحرك من الشقه دي ابدا وانت جايبه لي كل حاجه حتى الاكل والشرب جايبه لي ما انحرمش منك ابدا 

سمر 

وامسكي التليفون ده خليه معاكي عشان اعرف اوصل لك واطمن عليك 

انا لازم امشي دلوقتي اقفلي على نفسك الباب اوعي تفتحي ابدا 

اما عندي جميله ووصلت القصر واول ما دخلت علشان تجيب علاج مروان وتروح المستشفى 

ثاني 

للاسف وهي نازله من على سلم العماره وخارجه لقيت ظابط دخل الفيلا وقال 

في الفيلا 

فين جميله مصطفى مطلوب القبض عليها 

جميله بصدمه

انا جميله يا حضره الظابط ليه هو انا عملت ايه 

الظابط 

اتفضلي معايا في القسم وانت تعرفي كل حاجه

شيماء 

يا نهار اسود يا جميله يا ما تحت السواهي دواهي عامله فيها غلبانه وانت عامله مصايب 

جميله 

انا ما عملتش حاجه والله هو انا عملت ايه يا حضره الظابط ممكن تعرفني

الظابط

هتعرفي كل حاجه في القسم هاتوها وركبوها العربيه 

وفعلا الظابط خد جميله وراح بها على القسم لانها متهمه 

وهي مش عارفه هي متهمه في ايه 

اما في اوضه سليم كلم رنا في التليفون وقال لها 

سليم 

ايه يا رنا كل حاجه مشيت زي ما احنا مخطتين بالظبط البوليس جه واخذ جميله عشان تعرفي ان فكرتي ما تخرش الارض ابدا 

رنا 

هي فكرتك وبس يا حبيبي وانا كمان تعبت واتبهدلت عقبال ما لبست النقاب وكعب جزمه كبير عشان اعرف ابقى شبه جميله 

سليم 

يعني انت تنكري ان لولا فكرتي انت كنت تعرفي تعملي حاجه 

رنا 

ده انا اتبهدلت والله يا سليم ومش خساره فيا الفلوس اللي انت هتديهاني وعليها زياده كمان زي ما انت ما قلت 

بدات رنا تحكي اللي حصل 

                      فلاش بااااك 

سليم 

بصي بقى يا رنا الموضوع مش سهل زي ما انت مع فاكره لازم يكون لي تكتيك علشان الخطه تمشي صح 

رنا 

وايه هو بقى التخطيط والتكتيك بتاعك يا سليم 

سليم 

بصي يا اوزعه بما ان جميله اختك اجمل منك طبعا ما تزعليش يا رنا واطول منك يبقى انت لازم تلبسي كعب عالي علشان تكوني طولها ولازم تلبسي نقاب علشان انت هتقلدي شخصيه جميله اليوم ده عشان هي اللي تلبس المصيبه دي 

النقاب

حيلك حيلك تعالى هنا وانت ايش عرفك اني جميله احلى مني شفتها فين ما هي دايما لابسه النقاب

سليم 

ده انت غلبانه قوي يا رنا قلت لك سليم لما بيعوز حاجه وبيحط حاجه في دماغه بيعملها يعني بيعملها

اسمعي بقى الكلام كويس عشان هو ده اللي هيتنفذ بكره 

وفعلا ثاني يوم رنا لبست كعب عالي قوي ولبسه النقاب وراحت عند عماره منى  وهي طالعه البواب سالها 

البواب 

رايحه فين يا ست هانم

رنا 

انا اسمي جميله صاحبه منى  هي ساكنه فين 

البواب 

اه الانسه منى  دي ساكنه في الدور الاخير في اوضه كده 

رنا 

طيب شكرا انا طالعه لها 

وفعلا رنا طلعت فوق في اوضه منى واول ما خبطت الباب منى فتحت وقالت لها 

في اوضه منى 

منى 

مين حضرتك 

رنا 

انا ابقى جميله مرات مروان المنشاوي اكيد طبعا عرفتيني 

منى 

اهلا وسهلا بحضرتك اه طبعا انا عارفه مروان المنشاوي ربنا يشفيه يا رب طبعا حضرتك جايه علشان تصلحي ما بيني انا وسليم صح 

رنا 

غلطانه طبعا انا جايه علشان اعمل لك كده 

ورنا نزلت على منى خبط على بطنها وقعدت تدب كتير برجليها وايديها على بطني منى لحد ما منى اغمى عليها ونزفت 

ورنا بعد ما شافت المنظر ده والدم نازل من منى نزلت جري وطبعا البواب اول ما شافها قال 

البواب 

يا ست هانم يا ست جميله انت بتجري ليه هو ايه اللي حصل

انا لازم اطلع واعرف ايه اللي حصل 

وبعديها البواب طلع في اوضه منى ولقاها سايحه في دمها ومغمى عليها بلغ على طول الاسعاف والحكومه كمان 

                     بااااااااك 

رنا وهي بتكلم سليم في التليفون 

رنا

بذمتك بقى ما استاهلش خاتم الماظ ينور ايديا ولا انت برده تفضل بخير كده يا حفيد المنشاوي 

سليم 

بصراحه تستاهلي اكتر من كده كمان ده انت ريحتيني من اكبر كابوس في حياتي 

رنا 

يلا يا سيدي كده كده جميله بنت حلال وتستاهل وان شاء الله ما تطلعش منها ابدا وكمان منى في المستشفى بين الحياه والموت كده بقى الموضوع بقى زي السكينه في الحلاوه ولا ايه 

سليم 

ولا اه يعجبني فيك ان انت ذكيه يا بنت مصطفى على العموم اول ما افضى هقابلك وهديك الفلوس اللي اتفقنا عليها 

اما في القسم عندي جميله 

الظابط 

انت متهمه يا مدام جميله ان انت متهمه في شروع في قتل الانسه منى وكنت بتحاولي تموتيها هي واللي في بطنها 

جميله 

منى مين انا ما اعرفش حاجه يا حضره الظابط انا من امبارح كنت مع جوزي في المستشفى ومع جدي المنشاوي حضرتك كمان ممكن تساله 

الظابط 

متاسف جدا انا مش هقدر اخرجك ولا هقدر اسال المنشاوي ولو فاكره ان المنشاوي بيه يقدر يخرجك من التهمه دي تبقي غلطانه خدها يا عسكري على الحجز 

جميله 

اسمعني بس يا حضره الظابط والله ما عملت حاجه 

اما عند شيماء كلمت سمر في التليفون وقالت لها

شيماء 

ايوه يا سمر فعلا الطيور على اشكالها تقع واحده حربايه زيك مرات ابنها هتكون ايه ملاك مثلا لازم تكون حربايه زيها 

سمر 

انت عاوزه ايه يا شيماء ما تحترمي نفسك في الكلام عايزه ايه قولي اللي عندك على طول 

شيماء 

اللي عندي هيزعلك قوي يا حبيبتي بس انت بنت حلال وانا بحب اشوفك زعلانه قوي 

سمر 

صبرني يا رب خلصي يا شيماء وقولي اللي عندك بدل ما اقفل السكه في وشك انا مش فاضيه للكلام الفارغ ده 

شيماء 

اهدي بس كده يا حبيبتي لحسن تموتي ما بين ايدينا قولي ان شاء الله 

كل الحكايه ان الظابط جه قبض على جميله مرات ابنك اللي عامله فيها الشريفه العفيفه شوفيها بقى هببت اني مصيبه يا اختي مع السلامه 

سمر 

الو الو شيماء الو 

اه يا ندله قفلت السكه من غير ما تفهميني ايه اللي حصل يا ترى عملت ايه يا جميله 

اما كريم كان في الفيلا عمال يدور على هدى وقلب عليها الدنيا وبرده ما لقيهاش وقال لنفسه 

كريم في نفسه 

انا لازم اروح المستشفى دلوقتي اثبت وجودي قدام ابويا عشان ما يقولش ان انا مش فارق معايا حياه مروان ويفضل راضي عنها اما بقى هدى انا هعرف الاقيك ازاي ومش هسيبك الا لما اخلص عليك 

وبعديها كريم لبس وراح المستشفى عند المنشاوي واول ما شافه قال 

في اوضه  المستشفى 

المنشاوي 

اخيرا جيت يا كريم نفسي اشوفك حنين على ابنك مره في حياتي 

كريم 

معلش يا بابا انا كنت نايم والله وكنت تعبان قوي واول ما صحيت من النوم جيت على طول اهو هو مروان عامل ايه دلوقتي

لسه المنشاوي هيرد عليه سمر دخلت بسرعه الاوضه في المستشفى وقالت 

سمر

الحقني يا حمايا بيقولوا الظابط جه الفيلا وقبض على جميله بس مش عارفه بتهمه ايه 

المنشاوي بصدمه 

انت بتقولي ايه ازاي يحصل الكلام ده وما حدش يعرفني وانت يا استاذ كريم مش كنت في الفيلا ازاي ما عرفتش الكلام ده 

كريم 

انا لسه والله يا بابا سامع الكلام ده زيي زيك بالظبط يمكن علشان كنت نايم ما خدتش بالي من اي حاجه 

المنشاوي 

وانت بتاخد بالك من ايه بس يا كريم الله يسامحك نفسي كنت تكون سند ليا لكن للاسف طلعت سند مايع

خليك هنا يا سمر جنب ابنك مروان وانا وكريم هنروح القسم عشان نعرف جميله عملت ايه 

سمر 

ماشي يا حمايا ربنا معاكم وطمني عليها الله يخليك 

وبعديها المنشاوي وكريم راحوا القسم ومعاهم محامي علشان يعرفوا جميله عملت ايه 

اما سمر قالت لنفسها 

سمر 

اه يانا انا هنزل الكافتيريا اجيب كوبايه قهوه عشان خلاص هموت من الصداع 

واول ما خرجت سمر من الاوضه 

دخل واحد غريب وكان في ايده حقنه 

ودخل حطها في المحاليل عند مروان 

وخرج على طول من الاوضه واتكلم في التليفون وايه 

رامي 

ايوه خلاص عملت اللي احنا اتفقنا عليه وكلها ساعه زمن كل الناس هتسمع خبر وفاه مروان حفيد المنشاوي اوعي تنسي حلاوتي 

وبعد كده رامى  بص قدامه بصدمه وحصل 

#المنتقبه والعاجز 

#الحلقه السابعه

#بقلم هويدا زغلول 

المنتقبه الجميله داخل القصر 

الحلقه السابعه

رامي 

ايوه خلاص عملت اللي احنا اتفقنا عليه وكلها ساعه زمن كل الناس هتسمع خبر وفاه مروان حفيد المنشاوي اوعي تنسي حلاوتي 

في اوضه مروان

وبعد كده رامى بص قدامه بصدمه والدكتوره رقيه خطيبه الدكتور رامي دخلت عليه وقالت 

الدكتوره رقيه 

انت بتعمل ايه يا رامي هنا وايه الحقنه اللي في ايديك دي انا لسه مديه الاستاذ مروان علاجه وريني كده الحقنه 

الدكتوره رقيه باصت للحقنه وكانت مصدومه وقالت له 

رقيه 

يا لهوي هو انت كنت عاوز تموتي يا رامي ليه كده حرام عليك هو عمل لك ايه كل ده 

الدكتور رامي 

اعمل ايه كل ده بسبب ابوكي عاوزنا يتجوز وعاوزني اعيشك في فيلا وانا مش مقدرتي ان انا اعمل كده واتعرض عليا من حد كبير ان انا اموت مروان وهيديني قصاده فلوس كثير جدا للاسف وافقت وضعفت علشان اتجوزك يا رقيه 

رقيه 

اخص عليك يا مروان انا بجد مصدومه فيك وعشاب بحبك انا مش هبلغ عنك لكن لو سمحت ما تخشش الاوضه دي ثاني وتفضل اطلع بره 

ورقيه بسرعه شالت المحاليل من عند مروان علشان الدوا السام ما يلحقش يدخل جسمه وما يحصلوش حاجه وقالت 

رقيه 

الحمد لله لحقت الموقف اتفضل اطلع بره يا دكتور رامي وما تدخلش هنا ثاني انا كنت ممكن اقلع الدبله وارميها في وشك لكن عشان انا بحبك مش هعمل كده وهديك فرصه ثانيه 

رامي 

متاسف جدا يا رقيه ومتشكر ان انت مش هتبلغى عني انا فعلا غلطان ومش هدخل الاوضه دي تاني لو ايه اللي حصل 

وبعد شويه سمر رجعت وقعدت مع ابنها في الاوضه وقعدت تتكلم معي وقالت له انا متاكده ان انت سامعني يا مروان نفسي يا حبيبي تقوم بالسلامه وتبقى سندي لان ابوك عمره ما كان سندي 

اما في القسم المنشاوي وكريم راح والمنشاوي قال 

في القسم 

المنشاوي 

يا حضره الظابط صدقني البنت دي مؤدبه ومحترمه واستحاله تعمل كده 

الظابط 

انا مقدر كلامك يا منشاوي بس ما اقدرش اطلعها لانها متهمه في الشروع في قتل

كريم 

طب وايه الحل دلوقتي يا حضره الظابط 

الظابط 

استاذه منى اللي جميله كانت عاوزه تموتها قامت من المستشفى بالسلامه وبقت كويسه وهتيجي دلوقتي تتعرف على جميله لو فعلا مش جميله هتقدروا تاخدوها معاكم وانتم ماشيين 

المنشاوي 

طب يا حضره الظابط لو للاسف طلعت هي 

الظابط 

يبقى لازم القانون ياخذ حقه منها وما ينفعش تطلع ابدا وهتروح السجن 

كريم 

اهدى يا بابا ان شاء الله خير ما تطلعش جميله ايه اللي عملت كده 

وبعد شويه منى دخلت مكتب الظابط وقالت 

منى 

انا جيت يا حضره الظابط علشان اتعرف على اللي عمل فيها كده زي ما حضرتك قلت لي 

الظابط 

تمام يا استاذه منى اولا حمد لله على سلامتك ثانيا اتفضلي ارتاحي ثواني والمتهمه هتيجي عشان تتعرفي عليها 

وفعلا بعد شويه جميله جت ودخلت مكتب الظابط واول ما شافت المنشاوي قالت له 

جميله 

جدو الحقني يا جدو والله ما عملت كده انا اصلا ما اعرفش بيت منى ولا اعرفها هي شخصيا 

الظابط 

لو سمحت يا مدام جميله اتفضلي بصي لاستاذه منى خليها تتعرف عليك 

منى قامت وقفت وبصت على جميله وبصت على لون عينيها وركزت في صوتها وركزت في مشيتها وقالت 

منى 

لا يا حضره الظابط مش هي دي اللي كانت عاوزه تموتني اولا لون عينيها كان غامق اما اللي قصادي لون عينيها عسلي 

ثانيا اللي كانت عاوزه تموتني صوتها تخين اما اللي قصادي صوتها رقيق جدا 

ثالثا وده الاهم ان اللي كانت عايزه تموتني كانت قصيره ولابسه كعب عالي جدا وكانت عماله تعرج لانها ما كانتش عارفه تمشي في الكعب اما اللي قصادي طويله جدا ومش محتاجه تلبس كعب 

جميله 

احمدك يا رب واشكر فضلك شفت يا حضره الظابط ان انا مظلومه ازاي ما عملتش حاجه صدقني 

المنشاوي 

اكيد دلوقتي اقدر اخد جميله معايا حضره الظابط لانها مظلومه 

الظابط 

ما فيش مشكله يا منشاوي بيه ويا ريت ما تزعلش مننا احنا بنحقق العدل والقانون 

 كريم 

ما فيش مشكله يا حضره الظابط يلا بينا يا بابا عشان نروح 

المنشاوي بص لمنى وقال لها 

المنشاوي 

اوعي تفتكري ان انا زعلان منك على اللي عاملاه مع سليم حفيدي ده حقك يا بنتي واذا فعلا اللي في بطنك ده ابنه غصب عنه هيتجوزك 

وبعدها المنشاوي خد كريم وجميله وروحوا على المستشفى 

في المستشفى 

المنشاوي وكريم وجميله دخلوا اوضه مروان جريت عليها الدكتوره رقيه على طول وقالت لها 

الدكتوره رقيه 

يا استاذه جميله لو سمحتي عاوزه حضرتك في كلمه 

المنشاوي وكريم دخل الاوضه وجميله رجعت تكلم رقيه وقالت لها 

جميله 

خير يا دكتوره في ايه مروان كويس ولا في حاجه 

رقيه 

استاذ مروان صحتك كويسه جدا بس انا هقول لك حاجه ويا ريت ما تسالنيش ايه اللي حصل حياه استاذ مروان خطيره جدا هنا في المستشفى ولازم يروح البيت 

جميله 

ليه ايه اللي حصل طمنيني 

رقيه 

كل اللي هقدر اقوله لك ان في حد حاول يقتله بس هو مين واسمه ايه انا ما اقدرش اقول لك حاجه فيا ريت تاخدي استاذ مروان وتروحي بالفيلا 

جميله 

شكرا جدا ليك يا دكتوره عن اذنك طب معلش ممكن تساعديني وتدخلي تقولي قدام اهل مروان ان هو لازم يروح البيت عشان بقى كويس لانهم ما حدش هيهتم بكلمتي 

رقيه 

تمام ما فيش مشكله 

وفعلا رقيه عرفت اهلي مروان ان صحته بقت كويسه ويقدر يروح 

المنشاوي خد احفاده وسمر وكريم واروح الفيلا 

في الفيلا 

شيماء 

حمد لله على السلامه ايه ده انت خرجتي من التهمه اللي انت فيها يا جميله كنت متاكده ان انت مظلومه 

جميله 

شكرا 

سليم بصدمه

ايه ده انت خرجت ازاي قصدي عرفوا منين ان انت مظلومه 

كريم 

جميله حظها حلو اللي كانت عايزه تموت منى ما عرفتش تقلد جميله كل حاجه منى ولا في الصوت ولا في لون العيون ولا حتى في الطول هو ده اللي طلع جميله براءه 

سليم بصوت واطي 

غبيه يا رنا ازاي ما غيرتيش لون عينيكي بلانسز او قلدتي صوت جميله غبيه خساره فيك الفلوس اللي انت خدتيها حار ونار في جدتك 

كريم 

بتقول حاجه يا سليم 

سليم 

لا فرحان جدا برجوع جميله الفيلا الحمد لله حمد لله على سلامتك يا جميله 

جميله 

شكرا 

وبعديها جميله وسمر طلعوا مروان الاوضه بتاعته وسمر قالت 

في اوضه مروان 

سمر 

جميله يا ريت تاخذي بالك مني وتدي له العلاج في ميعاده عشان انا خايفه عليه قوي 

جميله 

ما تقلقيش عليه يا حماتي هو ان شاء الله هيبقى كويس انا متاكده من كده انا كل يوم بصلي وادعي له 

سمر 

ما شاء الله عليك يا جميله انت بتصلي انا كمان نفسي اصلي جدا ونفسي حد يعلمني الصلاه 

جميله 

من عيني الاتنين يا حماتي بس كنت عاوزاكي في موضوع مهم جدا 

سمر 

خير يا جميله موضوع ايه 

جميله 

بصراحه كده عم كريم هو اللي خاطف هدى وحابسها تحت في البدرون وهي صعبانه عليا جدا ومش عارفه اعمل لها ايه عشان خاطري تعالي معايا ننقذها ونهربها منه 

سمر 

ما تخافيش يا جميله انا اللي هربت هدى كنت متاكده ان كريم جوزي بيعمل حاجه غلط وبيعمل مصيبه من ضمن المصايب بتاعته ومشيت وراه وعرفت ان هو حابس هدى واخذتها هربتها وجبت لها الشقه في العنوان... وكمان كل يوم بروح لها وبجيب لها اكل وشرب اطمني يا حبيبتي 

جميله 

بجد انت انسانه طيبه كده انا اول ما دخلت الفيلا دي كنت انت الوحيده اللي خايفه منك كنت حاساك غامضه بس طلعت انت اكثر واحده حنينه وطيبه في البيت ده كله 

سمر

تمام يا حبيبتي وانت كمان طلعت الطيبه وحنينه وطلعتي عكس انا كنت فكرت فيك اصيله يا جميله خلي بالك من مروان 

جميله 

ما هو ما هو في حاجه تاني بصراحه عاوزه اقول لك عليها 

سمر 

خير يا حبيبتي حاجه ايه قولي 

جميله 

الدكتوره رقيه اللي في المستشفى قالت لي ان في حد كان عاوز يحاول يموت مروان وقالت لي انت لازم تمشي دلوقتي وتروحي بالفيلا عشان كده انا خليتها تقول لكم ان هو صحته بقت كويسه

سمر بصدمه 

ايه ده انت بتقولي ايه الكلام ده بجد طب مين اللي حاول يموته وللدكتوره ما قالتش عليه 

جميله 

باين كده ان الدكتوره خافت تقول على اللي حاول نموته بس اللي يقدر يدخل المستشفى ويموته يقدر يدخل الفيلا وبرده يموته لازم انا وانت يا حماتي ما نسيبش مروان ابدا 

سمر

صح يا جميله عندك حق في اي وقت انت هتخرجي في من الاوضه كلميني اجي على طول اقعد مع ابني عشان ما يسيبوش لوحده ابدا وربنا يسترها 

جميله 

يا رب يا حماتي 

وبعديها سمر خرجت وجميله مسكت ايد مروان وقالت له 

جميله 

يا رب تقوم بالسلامه يا مروان وتبقى كويس عشان بجد انا حبيتك ونفسي اسمع صوتك حاسك طيب وحنين ونفسي اصلي معاك صلاه الجماعه انا متاكده ان انت هتكون مواظب على صلاتك 

اما في الشركه عند المنشاوي كان بيتكلم بزعق ويقول 

في المكتب المنشاوي 

المنشاوي 

يعني ايه الكلام الفارغ ده ازاي ينقص من خزنه الشركه نص مليون جنيه انتوا اتجننتوا ولا ايه 

سليم 

العب نص مليون جنيه مره واحده ده مين الحرامي ابن المتخلفه اللي سرق نص مليون جنيه 

عبده بتوتر 

والله ما اعرف يا منشاوي بيه مفاتيح الخزنه بتكون مع حضرتك ومع استاذ سليم ومع استاذ مصطفى 

سليم 

بتبصي لي كده ليه يا منشاوي بقول لك ايه انا مش ناقص فلوس تحب اسلفك انت فلوس مش انا طبعا شوف بقى نسيبك سرق كام ابن الحراميه 

المنشاوي 

استحاله يكون مصطفى انا عارف ان هو انسان محترم وامين واكيد مش هيسرق ابدا 

وفي الوقت ده دخل مصطفى وقال 

مصطفى 

خير يا منشاوي بيه حضرتك بتزعق كده ليه 

سليم 

تعال يا ابو نسب في نص مليون جنيه ناقصين تحب تقول لي مين اللي خدهم يا امين يا محترم 

مصطفى 

عيب الكلام ده يا سليم المنشاوي بيه عارف ان انا عمري ما امد ايدي ابدا على اي فلوس وفي الاول وفي الاخر الحرامي هينكشف والكاميرات عندكم راجعوها وشوفوا مين اللي سرقها 

المنشاوي 

خلاص يا مصطفى حصل خير انا متاكد واثق فيك ان انت عمرك ما تعمل كده وانت يا سليم يا ريت تراجع الكاميرات كويس جدا وتعرفني مين اللي سرق نص مليون جنيه 

سليم 

من عيني الاتنين يا جدي امسك بس الحرامي وانا هطلع عينه سامعني يا مصطفى 

اما عند رنا كلمت سليم في التليفون وقالت له

رنا 

عامل ايه يا سليم ها نقول مبروك السجن على جميله ولا اى

سليم 

لا يا حبيبتي قولي مبروك على وكستك يا غبيه انت اللي بوظتي كل حاجه مش عارفه يا بخيله يا ام الجهل كله تجيبي حته لانسس تحطيها في عينيك عشان تبقى لونها زي لون جميله 

ولا الصوت ما كنتش عارفه تنعميه شويه 

وبعدين انت مش قد الكعب بتلبسيه ليه كتك نيله

رنا بصدمه 

نعم نعم افهم من كده اني جميله طلعت من التهمه زي الشعره بالعجينه يادي النيله السوداء هي البنت دي ايه بسبعه ارواح هتغور بس من حياتي امتى 

سليم 

يا ريت تقولي انت من حياتي لان زهقت منك بصراحه 

رنا 

نعم نعم يا اخويا زهقت من مين انا عاوزه فلوسي اللي احنا اتفقنا عليها اوعى تكون فاكرني غلبانه وطيبه ده انا لحمي مر واللي يفكر يجي عليا بيخسر 

سليم 

اللي عندك اعمليه وعلى فكره ما لكيش فلوس عندي ومش عاوز اشوف وشك في الشركه ثاني سامعه ولا لا 

رنا 

لا طبعا مش سمعه يا حبيبي وبقول لك ايه انا مسجله لك كل كلمه قلتها على منى وان انت كنت عاوز تقتلها وهيبقى سهل عليا جدا ان انا اروح اقدم التسجيل ده للحكومه وساعتها بقى انت فعلا هتتسجن يا حدق 

سليم بغضب 

اه يا خبيثه يا عقربه صحيح ما هي عادتك ولا تشتريها دايما بتسجلي للناس الكلام انا غلطان ان انا وثقت في واحده زيك ملهاش لازمه عاوزه ايه دلوقتي يا رنا قولي اللي عندك 

رنا 

انا كنت طالبه منك كام تصدق نسيت على العموم سيبك بقى من الاتفاق القديم وخلينا في الاتفاق الجديد 

سليم

وايه هو بقى الاتفاق الجديد يا اخبث واحده عرفتها في حياتي

رنا 

طقم الماظ الكوليه بالاسوره بالخاتم كلهم الماظ يقول لحد عندي يا سليم ولو ما عملتش كده يبقى بعد اسبوع هتشرف في السجن بتهمه ان انت عاوز تموت منى وما تخافش انا مش مخليه صوتي يطلع في التسجيل ابدا يعني ما فيش حد هيعرف يمسك علي حاجه ايه رايك في الذكاء اللي انا فيها 

سليم 

ماشي يا رنا هجيب لك اللي انت عاوزاه بس بلاش تتهوري اوعي تفكري نفسك ان انت هتعرفي تهدديني تاني سامعه ولا لا 

رنا

اخص عليك يا سليم اهددك مره بس ده انا ههددك مره واثنين واربعه وخمسه هو الواحد يلاقي الفرصه بتجيله لحد عنده وما ياخدش حقه منها ده يبقى غبي 

وبعديها سليم قفل السكه في وشها وقال 

سليم 

يا نصابه يا بنت النصابين انا يتعمل معايا كده انا يتضحك عليا من بنت ملهاش لازمه انا اللي غبي اني امنت لواحده زيك وعرفتها عن السر ده 

اما ثاني يوم في الفيلا كانوا كلهم قاعدين بيفطروا ومره واحده دخل عليهم الظابط وقال 

الظابط 

تعرفي واحده اسمها هدى كانت شغاله عندكم هنا 

سعديه الطبق وقع من ايديها على الارض وقالت 

سعديه 

اه يا حضره الظابط دي تبقى بنت خالتي لقيتوها طمني عليها الله يخليك 

المنشاوي 

خير يا حضره الظابط البنت اللي اسمها هدى فيها ايه 

الظابط 

لقيناها النهارده مقتوله ومرميه في الصحراء 

وبعد كده حصل........

#المنتقبه والعاجز 

#الحلقه الثامنه 

#بقلم هويدا زغلول 

المنتقبه الجميله داخل القصر 

الحلقه الثامنه 

الظابط 

لقيناها النهارده مقتوله ومرميه في الصحراء 

وبعد كده كريم نزل جري من على سلم الفيلا وهو متوتر وبيسال وقال

كريم 

في ايه يا حضره الظابط واحنا مالنا دي بنت شمال وقليله الادب وبين كده خرجت بره واتخنقت مع حد وموتوها 

الظابط 

انا مش جاى اتهمكم يا استاذ كريم انا جاي اعرفكم ويا ريت لو حد فيكم عرف اي حاجه عن الجريمه دي يجي يبلغني على طول عشان نجيب حق هدى 

سعديه 

يا لهوي يا لهوي يا لهوي يا حزنك يا خالتي بنت خالتي ماتت يا ناس يا لهوي يا لهوي يا لهوي 

جميله 

اهدي يا سعديه ربنا يرحمها يا رب ويصبرك يا حبيبتي انا عارفه ان هدى كانت طيبه وما تستاهلش كده ابدا 

شيماء 

بنت يا سعديه اخرسي خالص واقفلي بقك انت هتجيبي لنا الحزن والنكد البيت ولا ايه مش ذنبنا ان بنت خالتك قليله الادب 

المنشاوي 

حاضر يا حاطط الظابط اول ما نعرف اي حاجه هنبلغ حضرتك على طول 

وبعديها الظابط مشي على طول وسمر قالت 

سمر بحيره 

طب  ازاي هدى ماتت وراحت فين ومين موتها وعشان ايه انا عندي فضول اعرف كل ده

كريم بتوتر

هو في ايه يا سمر احنا مالنا حته خدامه لا راحت ولا جت ماتت وبطلي بقى كلام كثير

جميله 

انا كمان حزينه عليها قوي هدى طيبه وما كانتش تستاهل كل ده حسبي الله ونعم الوكيل في اللي عمل فيها كده الله يرحمها 

المنشاوي 

فعلا يا بنتي كانت طيبه جدا وغلبانه وما شفناش منها اي حاجه وحشه منه لله الا اذاها

جميله 

عن اذنك يا جدي هطلع اطمن على مروان وادي له العلاج في المحلول واروح اطمن على اهلي 

المنشاوي 

ما فيش مشكله يا حبيبتي ابقي طمنيني عليها وسلمي لي عليها 

بعديها جميله طلعت فوق في الاوضه عند مروان علشان تحط له الدواء في المحلول وكريم دخل وراها وقال 

في اوضه جميله 

كريم 

يعني انت عاوزه تقنعيني ان انت ما تعرفيش حاجه عن موت هدى 

جميله 

انت يا عم كريم اللي عاوز تقنعني ان انت اللي ما موتهاش انت الوحيد اللي من مصلحتك ان هدى تختفي من الدنيا خالص وتموت هي واللي في بطنها عشان اللي في بطنها يبقى ابنك 

كريم حط ايده على بق جميله وقال لها التهديد 

كريم 

انا لو سمعتك بتقول الكلام ده تاني هيبقى اخر يوم في عمرك وكمان هتحصلي هدى سامعه ولا لا ده انا اعيش حياتي كلها مستخبي في ظهر الملاك وتيجي عيله زيك ما لهاش لازمه تكشفني على جثتي الكلام ده 

جميله بخوف 

اوعى ايدك من على بقي انا مش هتكلم انا مش عاوزه منكم اي حاجه كل اللي انا عاوزاه اني مروان يفوق واعيش انا وهو في حياه جميله وبسيطه بعيد عنكم وبعيد عن بيت العقارب 

كريم 

لا ماشي خلاص بقيت شاطره وبقيتي من ضمن العقارب اللي في بيت العقارب على العموم انا مش هسيبك وخدي في بالك ان انا هلبسك مصيبه قريب قوي 

وبعديها كريم خرج بره الاوضه 

وجميله بصت لمروان ومسكت ايده وقالت له 

جميله 

يا رب تقوم يا مروان بالسلامه انا حاسه ان انت هتبقى سندي وظهري في البيت ده وحصل ان انت هتحميني منهم كل شيء انا متاكده من كده 

وبعديها جميله راحت على بيت باباها علشان تطمن على اهلها 

في بيت مديحه 

جميله دخلت وقالت 

جميله 

ازيك يا مرات ابويا عامله ايه وابويا عامل ايه راح الشغل ولا لسه هنا 

مديحه 

ايه ده ايه ده مين عندنا جميله هانم بذات نفسها اهلا بيكي يا حبيبتي وجايه كده اسالي على ابوك مره واحده ما طمرش فيك العشره اللي كانت بينا يا جميله 

جميله 

انا عاوزاك في موضوع انت ورنا وكويسه اللي ولا مش هنا عشان مش عاوزاه يعرف ويزعل اكثر من ما هو زعلان منكم 

رنا خرجت من اوضتها وقالت 

رنا 

وليه بقى يا حبيبتي زعلان مننا احنا عملنا له ايه 

جميله 

انت عارفه ان انت وامك معتبرين ابويا كانه بنك فلوس وخلاص عاوزين مني اي فلوس في مصلحه غير كده ما حدش بيقدره ولا حد خايف على صحته 

مديحه 

يا سلام يا سلام وهو بقى اللي اشتكى لك يا حبيبتي ولا ايه بقول لك ايه بطلي طول التمثيليه دي  من يومك وانت بتمثلي ان انت حنينه يا سوسه عشان كده بتاخدي كل حنيته لكن انت خبيثه 

رنا 

خلاصه الكلام يا جميله هو انت جايه تبصي علينا تطمني علينا ولا جايه تعملي ايه 

جميله 

عشان تعرفي يا مرات ابويا ان انا لسه طيبه ومش خبيثه زي ما انت ما بتقولي انا كنت ممكن اخذ سعديه واخد شهادتها اللي هي شافت اللي انتم بتعملوه  واروح بيها على اي قسم شرطه وابلغ عنكم على اللي انتم كنت ناويين تعملوه مع المنشاوي 

مديحه التوتر 

ليه ان شاء الله واحنا عملنا ايه بقول لك ايه هو انت جايه تلبسينا مصيبه ولا ايه احنا ما عملناش حاجه 

جميله 

لا عملت وكنتوا عاوزين تسمو جدي المنشاوي ليه هو عمل لكم ايه شفته منه ايه وحش ده انتوا العز كله شايفينه على ايديه هي دي رد الجميل يا امرات ابويا 

رنا 

حلو قوي بدل هو اللعب بقى على المكشوف يبقى تفتحي مخك معايا واكيد انت عقارب في البيت بيضايقوكي يبقى تجيبي لي الفلوس اللي انا عاوزاها من خزنه المنشاوي اللي في البيت وانا اخلصك من اي حد مضايقك 

جميله بصدمه 

يا ساتر يا رب هو انت اختي انت انت شيطانه اعوذ بالله منك انا عمري ما اعمل كده 

رنا 

يبقى خلاص بدل احنا مش هنعرف نطلع منك باي مصلحه انت ايه اللي جايبك ايه مش هتطلعي بره انا من يومي وانا بكرهك من يومك وبابا بيحبك انت وبيجيب لك انت كل حاجه وانا لا عشان كده انا بكرهك 

جميله 

ادي تربيتك يا مديحه هانم كنت دايما بصه  المال والاملاك وعمرك ما ركزت في تربيه بنتي ادي النتيجه 

مديحة 

بت يا جميله انت عديت حدودك معايا قوي  انت عارفه لو اتكلمت كلمه تانيه انا هعمل فيك ايه 

جميله بزعيق 

هتعملي ايه يعني انا دلوقتي جميله الجديده الجميله بتاعه زمان ما بقتش موجوده ماتت ودفنتها بايديا اما الشخصيه اللي قصادك دي الشخصيه الجديده اللي نويت اي حد بيعرف قصادي اخفيه من على وش الارض 

رنا 

ياما ياما تصدقي خفت خفي يا ماما جميله بقت تخوف وترعب 

جميله 

اه يا رنا بخوف وبرعب ولو حاولتي تقفي قصادي تاني او تضايقيني او تدخلي في حياتي ساعتها انا همحيكي من على وش الارض مش هكون موجوده في دنيتك اصلا وجميله الجديده تقدر تعمل كده واكثر من كده كمان 

بعديها جميله سابتهم ومشيت ومديحه قالت 

مديحه 

شفتي يا بنت يا رنا جميله بقت بتعرف تخربش وتاذي الناس وقال ايه تقول لك جميله بتاعه زمان ماتت طب ان شاء الله اروح تطلع ونخلص منها 

رنا 

صدقيني عن قريب روح هتطلع وهنخلص منها لان انا ما بقتش طايقاها ولا طايقه وجودها في الدنيا اصلا واخده مني كل حاجه اعمل ايه يا ريتني اتجوزت انا مروان وكان كل العز ده ليا انا 

مديحه 

يعني الحق عليا ان انا كنت خايفه عليك تتجوزي واحد ميت 

رنا 

انا كنت هعرف اتصرف وكنت هموته فعلا واخلص منه واورث كل الفلوس دي بس اقول ايه المنحوس منحوس حتى لو علقوا على راسه فانوس بقول لك ايه يا ماما انا نازله سلام 

مديحه 

وانا كمان يا اختي نازله رايحه اعمل شوبينج مع اصحابي بقى لي كتير ما عملتش منك لله يا مصطفى بقيت قافل على الفلوس زي الراجل البخيل 

رنا 

يا سلام يا سلام بدل هو بقى بابا بخيل وقافل على الفلوس جبت فلوس منين يا ماما 

مديحه 

كنت عامله جمعيه وابطها يا اختي ارتحتي  انبطتي يلا شوفي انت رايحه فين وريني عرض كتافك 

رنا 

ماشي يا ماما انا نازله بس لازم نتكلم في حوار الجمعيه ده جه منين وازاي سلام 

وبعديها رنا نزلت وراحت النادي 

في النادي 

رنا كانت واقفه مع الكابتن مراد وقالت له 

رنا 

عامل ايه يا كابتن ليك وحشه والله 

مراد 

ياه ده كويس ان انت لسه فاكره اسمي وكويس ان انت لسه فاكره عنوان النادي يا رنا اللي فكري كبيره دلوقتي مش انت قلت خلاص ما بقتش محتاجه ولا للتمرين ولا غيره 

رنا 

خلاص بقى يا كابتن ما تزعلش مني ما يبقاش قلبك اسود كده ما انا اعمل ايه ما انا بحبك وانت اللي مصمم تقفل قلبك ومش عاوز تفتحه لي 

نفسي اعرف ليه مش عاوز تفتح قلبك 

مراد 

صدقيني يا رنا انا معجب بشخصيتك جدا انت شخصيه مرحه وجميله وبتحب الضحك والهزار لكن انا قافل قلبي لكل البنات مش ليك انت بس ودي حاجه شخصيه ما بحبش اتكلم عليها 

رنا 

ماشي يا كابتن بس انا هفضل وراك لان انا بحبك ومش عارفه اطلعك ولا من قلبي ولا من عقلي 

مراد

طب يلا يا لمضه خش على التمرين لسه مكانك موجود اعمل ايه ما انت اشطر واحده في المجموعه اللي معايا 

رنا 

طب ما انا عارفه عشان كده عارفه ان مكاني ما حدش هياخده ابدا بس لازم اعمل مكالمه ضروريه وبعد كده هاجي اتمرن

مراد 

تمام بس بسرعه عشان احنا هنستناكي 

وبعديها رنا كلمت سليم في التليفون وقالت له

رنا 

ايوه ايه يا سليم انت فين ما جبتش ليه اللي احنا اتفقنا عليه الكوليه الالماظ ولا انت عاوز النهارده تبات في السجن

سليم رد عليها وقال 

سليم 

لا ازاي بقى سجن ايه انا واقف وراكي بالعربيه انا مراقبك اصلا من ساعه ما نزلتي من بيتكم يا رنا مش انت قصاد النادي برده 

رنا بصيت اليمين وشمال وقالت له 

رنا 

اوبا شفتك وشفت عربيتك خير ان شاء الله وايه الرجاله الغريبه اللي معاك دي سليم المنشاوي بقى يمشي ببودي جارد دلوقتي يا روحي يا روحي مين عايز يضربك يا حبيبي قل ما تخافش 

سليم 

اه يا تقل دمك انا هاجي قصاد النادي هفتح باب العربيه تركبي على طول 

رنا 

وليه بقى ان شاء الله انزل واديني الكوليه عشان عليا تدريب النهارده ولو ما حضرتش الكابتن هيزعل مني جدا 

سليم 

رنا ما بحبش كلام كثير انا داخل عليك بالعربيه تركبي على طول 

بعديها اقفل السكه 

وفعلا سليم راح بالعربيه قصاد النادي واول ما فتح باب العربيه رنا اتوترت من شكل الرجاله اللي معايا وجت ترجع لورا لكن الراجل مسكن ايديها وركبها غصبت عنها العربيه وطبعا مراد شايف المنظر ده كله وجه يجري عشان يلحق رنا للاسف ما لحقش بس اخذ رقم العربيه 

مراد في نفسه 

يا نهار اسود ومنيل هي البنت اتخطفت ولا ايه هي اصلا العربيه شكلها مخيف والرجاله اللي كان فيهم مش طبيعيين سامحيني يا رنا ما لحقتش اني الحقك بس انا لازم اودي ارقام العربيه للبوليس وهي اللي هتعرف تنقذها

وحاول مراد يكلمها في التليفون كثير لكن سليم خد التليفون من رنا 

في مخزن بعيد قوي بتاع سليم 

في المخزن 

دخل سليم ومع الرجاله بتاعته ورنا وسليم قال

سليم 

ارموها هنا على الارض هو ده مكانها الزباله مكانها على الارض 

الرجاله فعلا اللي رموا رنا على الارض ورانا قالت 

رنا 

اعاااااا اعاااااا اعاااااا 

زباله مين يا زباله بقى انت تعمل معايا كده يا سليم انت خاطفني ولا ايه 

سليم 

برافو عليك اللي بيعجبني فيكي ان انت ذكيه ايوه انا فعلا خاطفك وهسيبك هنا لحد ما تموتي بالبطيء قال كوليه الماظ قال كنت مين انت عشان اجيب لك كوليه الماظ 

رنا 

انت بتلعب بالنار يا سليم وانت عارف ان ولا بابا ولا ماما هيسكتوا وهيجيب المشاكل لنفسك مشيني الله يخليك ومش عاوزه منك ولا كوليه ولا فلوس ولا عاوزه منك اي حاجه بس سيبني في حالي 

سليم 

يا سبحان الله دلوقتي مش عاوزه مني اي حاجه امال كنت عماله تهدديني ليه انت اللي بتلعبي بالنار يا رنا وقلت لك ما ينفعش تعملي كده مع سليم المنشاوي ما صدقتنيش خليكي هنا بقى موتي بالبطيء 

انا ماشي يا رجاله خلي بالكم منها عشان ما تهربش وامنعه عنها الاكل والشرب عشان نخلص منها 

الرجاله 

حاضر يا سليم باشا 

رنا 

لا يا سليم ما تمشيش وتسيبني هنا يا سليم يا سليم 

وبعديها سليم مشي وراح شركته عادي كانه ما عملش اي حاجه ما هو متعود على كده ان هو يؤذي ناس كثير وما يفرقش معاه حاجه 

اما مديحه استني ببنتها كتير وقليل وبنتها ما جتش وبعد كده نزلت على طول وراحت النادي علشان تسال على بنتها اصحابها قالوا لها 

في النادي 

اصحاب رنا 

احنا طنط شفنا عربيه سوداء كانت قدام النادي خدتها ومشيت وشكلها كده رنا مخطوفه دلوقتي 

مديحه 

يا نهار اسود ومنيل بنت اتخطفت لا لا دي اكيد جميله اللي عملت كده ايوه هي اخر مره هددتها ان هي هتمحيها من على وش الارض انا لازم اروح ابلغ البوليس عن جميله ليلتك سوداء النهارده يا بنت ابتسام 

وبعديها مديها فعلا راحت البوليس وبلغت عن جميله ان هي اللي خطفت رنا بنتها وقالت لهم ان هي كانت عندها في نفس اليوم وهددتها ان هي تمحيها من على وش الارض 

اما جميله كانت قاعده مع جدها المنشاوي عماله تتكلم معاه على صحه مروان وانها نفسها ان هو يفوق ويبقى كويس وفي الوقت ده الظابط دخل وقال 

في الفيلا 

الظابط 

فين جميله مصطفى 

المنشاوي 

خير يا حضره الظابط في ايه 

الظابط 

مطلوب القبض عليها متهمه ان هي خطفت اختها رنا 

جميله 

يا ليله سوده النهارده يا ربي هو انا كل يوم لازم اروح القسم انا معمول لي عمل والله يا حضره الظابط انا ما عملتش حاجه ولا عملت حاجه لاختي 

الظابط 

الكلام ده تقوليه في القسم اتفضلي معايا 

جميله 

الحقني يا جدي الظابط عاوز ياخدني 

المنشاوي 

ما تخافيش يا جميله يا بنتي انا رايح معاكي القسم 

وفعلا المنشاوي خد جميله وراحوا القسم 

في القسم 

الظابط كان عمال يتكلم مع جميله ويقول لها ان هي متهمه فى خطف اختها 

وجميله تقول انا بريئه وما عملتش اي حاجه 

وفي الوقت ده دخل الكابتن مراد في القسم الشرطه وكان متوتر جدا وحصل ..........

#المنتقبه والعاجز

#الحلقه التاسعه 

بقلم هويدا زغلول 

المنتقبه الجميله داخل القصر 

الحلقه التاسعه 

وفعلا المنشاوي خد جميله وراحوا القسم 

في القسم 

الظابط كان عمال يتكلم مع جميله ويقول لها ان هي متهمه فى خطف اختها 

 جميله 

انا ما عملتش حاجه صدقني يا حضره الظابط 

الظابط 

بس مدام مديحه مرات ابوكي بنت هناك ان انت كنت عندها النهارده وعماله تهدديها ان انت هتمحيها من على وش الدنيا هو فعلا هي اتخطفت تحبي تفهميه ايه اللي حصل 

المنشاوي 

يا حضره الظابط بالعقل كده جميله كانت معايا طول اليوم يا دوبك راحت بصت على اهلها وجت على طول وفي الوقت ده حضرتك قلت ان رنا كانت في النادي وبعديها اتخطفت لكن جميله كانت معايا يبقى ازاي خطفتها وبعدين جميله ما بتعرفش تسوق العربيه السواق هو اللي بيسوقها 

جميله 

صدقني حضره  الظابط انا ما عملتش حاجه وما اعرفش ايه المصايب اللي عماله تنزل على دماغي دي بس يا رب 

الظابط 

تمام ما فيش مشكله تقدري تمشي بس لو في اي كلام تاني في المحضر لازم تيجي 

المنشاوي 

تحت امرك يا حضره الظابط لو في اي حاجه انا هجيبها واجب نفسي 

وبعديها المنشاوي خد جميله وجه يخرج من عند مكتب الظابط مراد دخل بلهفه وقال 

مراد 

لو سمحت يا حضره الظابط انا كابتن مراد كابتن في النادي وشفت رنا مصطفى وهي تتخطف وهو ده رقم العربيه والعربيه بتاعه واحد اسمه سليم المنشاوي انا عارفه لانه مشهور جدا 

وطبعا المنشاوي سمع الكلام ده وخد جميله ومشي على طول وكلم سليم في التليفون وقال له 

المنشاوي كلم سليم في التليفون 

المنشاوي بعد شويه عن جميله عشان يكلم سليم من غير ما تسمع وقال له 

اهلا اهلا برئيس العصابه تحب تقول لي خطفت رنا اختي جميله ليه وليه بتعمل كده اخص عليك انت فعلا حفيدت  تعر مش تشرف 

سليم بتوتر 

حضرتك جبت الكلام ده منين يا جدي انا ما خطفتش حد 

المنشاوي 

خلاصه الكلام الكابتن اللي اسمه مراد ودى النمر عربيتك قسم الشرطه علشان يتحروا عنها لانه شافك وانت بتخطف رنا قصاد النادي 

سليم 

ايه هو ازاي يعمل كده هو ايه يعني اللي حصل لكل ده وبعد كده هي طلعت برضاها العربيه مش غصب عنها 

وايه اللي وداك قسم الشرطه يا جدي 

المنشاوي 

وايه الجديد يعني ما هي اي مصيبه في بيت العقارب بتحصل بيتهموها في جميله ما اعرفش ليه على العموم يا سليم مشاكلك دي تركنها على جنب وما لكش دعوه باختي جميله سيبها خليها تروح بيتها واع شويه عشان والله العظيم انا اللي هسجنك بايديا 

اما عندي الظابط في قسم الشرطه 

في القسم 

الظابط 

تمام يا كابتن مراد يعني انت شفتهم بنفسك برافو عليك ان انت ركزت في العربيه 

مراد 

اه يا فندم لو سمحت البنت دي طايشه شويه لكن هي غلبانه جدا وطيبه 

الظابط 

ما تقلقش احنا هنعمل كل تحرياتنا لحد ما نوصل لها اتفضل انت روح دلوقتي لو حصل اي حاجه هنطلبك تيجي 

اما عند المنشاوي روح هو وجميله البيت وقال 

في الفيلا 

المنشاوي 

حقك عليا يا جميله انت من ساعه ما دخلت البيت ده يا بنتي وما ارتحتيش في ساعه ايه الكل عمال يستغلك والكل عمال يلبسك مصايب انا اللي غلطان اني دخلتك بيت العقارب 

جميله 

انا مستحمله يا جدي عشانك انت ومروان ويا ريت لما مروان يفوق يبقى غيرهم ما يبقاش زيهم 

المنشاوي 

لا يا بنتي مروان غيرهم ومش زيهم انا متاكد وبكره تشوفي بنفسك ان شاء الله يفوق 

اما رنا اختك ما تقلقيش عليها انا عرفت مكانها وان شاء الله هتروح النهارده لاهلك 

جميله 

انا خلاص ما بقتش قلقانه على حد ولا بقيت خايفه على حد انا بقيت خايفه على نفسي وعلى مروان ونفسي نبعد عن الناس دي كلها 

المنشاوي 

حقك يا بنتي تعملي اكتر من كده كمان اطلعي فوق واقعدي جنب مروان علشان تطمني عليه 

ولو عزت اي حاجه انا قاعد في مكتبي 

اما عند سليم في المخزن سليم بيكلم راما بيقول لها 

في المخزن 

سليم 

كان نفسي يا حلوه اتسلى بيكي وارعبك اكتر من كده لان انت بنت حلال وتستاهلي بس اقول ايه القدر ليه قرار ثاني 

رنا بخوف 

الله يخليك يا سليم انا فعلا كنت بلعب بالنار وعرفت ان انت قادر وتقدر تعمل اكثر من كده مشيني من هنا ومش عاوزه فلوس ومش هفتح بقي باي كلمه 

سليم 

انت فعلا هتمشي من هنا بس على شرط هتطلعي على قسم الشرطه عشان الكابتن مراد حبيب القلب خد رقم عربيتي واتهمني ان انا خاطفك هتطلعي دلوقتي وتقولي الكلام ده ما حصلش وان مراد كذاب 

رنا 

يا حبيبي يا مراد للدرجه دي كنت خايف عليا بس انا مش هقدر اعمل كده يا سليم انا كده ممكن اؤذي مراد عشان كده يبقى ازعاج لسلطات

سليم 

يبقى خلاص نخلي كلام مراد صح وبدل ما يكون خطف يبقى موت واخلص منك وتموتي ايه رايك

رنا 

لا لا خلاص هعمل كل اللي انت عاوزه بس مشيني من هنا الله يخليك 

وفعلا سليم وصل رنا لحد قسم الشرطه واول ما دخلت قسم الشرطه الظابط قال لها 

في القسم 

الظابط 

انت رنا بيقولوا ان انت كنت مخطوفه ازاي جيتي لوحدك 

رنا 

انا ما كنتش مخطوفه ولا حاجه انا كنت مع سليم المنشاوي كنا بنتمشى مع بعض ولما عرفت ان مراد مكبر الموضوع قوي قلت اجي واقول لحضرتك الحقيقه  ان انا ما كنتش مخطوف 

الظابط 

تمام اتفضلي ارتاحي 

وبعد شويه الظابط استدعى مراد وجه على طول واول ما دخل قسم الشرطه قال 

في القسم

مراد 

خير يا حضره الظابط حضرتك لقيت رنا

الظابط 

ليه يا استاذ مراد هي كانت مخطوفه اصلا يا ريت قبل ما ترمي مصايب على الناس تتاكد الاول عشان سمعت الناس مش لعبه في ايدك ورانا قصادك اهي 

مراد بص وراه بصدمه وقال

مراد بصدمه 

ايه ده رنا انت جيت ازاي انا اقصد عيني شايفك بتتخطفي ما كنتيش عاوزه تركبي العربيه مع سليم المنشاوي 

رنا 

ما حصلش يا كابتن مراد وكفايه افتراء بقى على الناس حرام عليك انت ليه بترمي مصايب وبلاوي بالطريقه دي على سليم المنشاوي هو عمل لك ايه انا قصادك اهو مش مخطوفه ولا حاجه 

الظابط 

وانا هعدي الموضوع كده من غير ما اعمل لك محضر ازعاج سلطات لان انت شكلك كابتن محترم بس ثاني مره مش هينفع اعديها 

مراد

متاسف جدا يا حضره الظابط انا فعلا دخلت نفسي في اللي ما يخصنيش اقدر امشي 

الظابط 

اه تقدري تمشي انت ورنا مع السلامه 

وبعديها رنا ومرود نزلوا الشارع وراما بقت عماله تجري ورا مراد تقول 

في الشارع 

رنا 

انا اسفه جدا يا مراد كان لازم اعمل كده 

مراد بزعيق 

اسمي كابتن مراد وبلاش تعدي حدودك معايا وما اشوفش وشك في التمرين ثاني انا ما يشرفنيش انى أمرن وادرب واحده زيك كذابه

رنا 

اسمعني وانا هفهمك على كل حاجه 

مراد

ما تحاوليش تكلميني ولا تحاولي تيجي التمارين ثاني ومش عايز اشوف وشك في حياتي 

وبعديها مراد مشي ورانا قعدت في الشارع طيب وعرفت ان هي كده خسرت مراد

 وخسرت حبها الوحيد

وسليم كلمها في التليفون وقال لها 

سليم 

يا نهار ابيض حبك الوحيد سابك ومشي انا كنت براقبك بالعربيه وبشوفك هتعملي اللي هقول لك عليه ولا لا 

رنا 

ابعد عني بقى يا سليم مش عاوزه منك حاجه انت خسرتني كل حياتي 

سليم بضحك 

ما حدش قال لك تلعبي معايا بالنار يا ماما سلام انا رايح اشوف شغلي وانت بقى روحي شوفي لعبه تلعبيها يا نونو يا صغير 

وبعديها سليم راح الشركه وكان زعلان جدا انه ما اعرفش يخوف رنا ويراعبها اكتر من كده 

اما عند سمر دخلت شقه هدى اللي كانت جايبها لها وقالت 

في شقه هدى 

سمر 

انا هتجنن عاوز اعرف ازاي هدى ماتت مين يعرف عنوانها غيري انا وجميله بس ازاي يحصل كده ومين جه خدها من هنا وموتها في الصحراء انا مش فاهمه اي حاجه الله يرحمك يا هدى 

سمر بسط الناحيه الثانيه لقت ايه صوره جميله وقع على الارض سمر بصدمه 

سمر 

ايه ده ايه اللي جاب اسورتك هنا يا جميله معقول انت اللي موتي هدى ليلتك سوداء ومش هتعدي انا غلطانه ان انا افتكرتك طيبه وغلبانه طلعتي تعبانه وعقربه زيهم 

اما في الشركه سليم دخل مكتبه وافتكر ان هو عاوز يعرف مين اللي سرق الفلوس من خزنه جدو وفتح الكاميرا وشاف الفيديو واتصدم وقال 

في مكتب سليم 

سليم بصدمه 

ايه معقوله انت اللي خد الفلوس من الخزنه مدام مديحه مراتك يا مصطفى اوعى وشك ده انا كده هعرف امسكك من ايدك اللي بتوجعك 

وبعديها سليم كلم مصطفى في التليفون علشان يجي مكتبه ومصطفى جه وقال له 

في مكتب سليم 

مصطفى 

خير يا سليم مين اللي يجي للتاني انت اللي يجي لي ولا انا ولا انا اللي اجي لك عاوز ايه خلصني ورايا شغل كثير 

سليم 

بصراحه انا سمعت ان جدي عاوز يخليك نائب المدير في الشركه ولا الكلام ده ما يعجبنيش انا اه عارف ان انت شريكه بس شريكه بيجاملك عشان خاطر بنتك 

مصطفى 

عاوز ايه يا سليم ادخل في الموضوع على طول 

سليم 

انا موافق ان انت تبقى نائب المدير ما عنديش مانع بس تسمع كلامي في كل حاجه هقولها ولازم نعمل الصفقه مع الشركه بتاعه الصياد انت ما تعرفش صاحب الشركه محمود الصياد حبيبي قد ايه 

مصطفى 

انت اتجننت يا سليم الكلام ده ما ينفعش يحصل ابدا ده منشاوي بيه ممكن يروح فيها انت عارف العداوه اللي ما بين الصياد والمنشاوي عامله ازاي 

سليم 

وانا ما ليش دعوه الدور ده دورك انت انت لازم تعمل الصفقه دي من ورا جدي علشان محمود الصياد حبيبي وانا لازم اشاركه انا ما بقتش صغير وجدي مش راضي وانت لازم تعمل كده لاما ما تزعلش مني بقى

مصطفى 

انت بتهددني ازاي الكلام الفارغ ده انا ما بتهددش يا سليم وعيب كده انا مش صغير في السن علشان تكلمني كاني صاحبك 

سليم 

طب ما تيجي نتفرج على فيديو جميل كده انا وانت هيعجبك قوي 

وسليم فرج مصطفى على فيديو اللي مديحه بتسرق فيه الفلوس من خزنه المنشاوي ومصطفى بصدمه قال 

مصطفى 

يا نهار اسود ومنيل ايه الفضايح دي ازاي تعملي كده يا مديحه الله يسامحك فضحتيني واستر عليا سليم الله يخليك بلاش تفضحها ولا تسجنها 

سليم 

عيب عليك يا عم مصطفى ده انا سليم حبيبك اعمل كده برده بس لو سمعت كلامي الفيديو ده هيفضل معايا وما حدش هيشوفه ابدا ولو ما مشيتش كلامي والصفقه اللي ما بينا احنا ومحمود الصياد ما مشيتش يبقى خلاص انت كده بقى عايز مراتك مديحه تتسجن 

مصطفى 

لا الله يخليك سجن اى هعمل لك كل اللي انت عاوزه بس ما تخليش المنشاوي بيه يشوف الفيديو ده انا ما صدقت ان الدنيا معايا اتظبطت 

سليم 

يبقى اتفقنا صفقه محمود الصياد مرميه في الخزنه عند جدي هتفتحها وتكلم محمود الصياد وتتفق معاه على كل حاجه ويا ريت كل الكلام ده يتم من ورا جدي عشان لو عرف انا ما ليش دعوه 

مصطفى بلع ريقه وبخوف وقال 

مصطفى 

ربنا يسترها يا سليم بيه حاضر همشي الصفقه بتاعه محمود الصياد تحت امر حضرتك

بس انا لازم امشي دلوقتي واروح البيت 

وبعديها مصطفى ماشي وروح البيت واول ما راح عند مديحه دخل وضربها بالقلم على وشها وقال 

في بيت مديحه 

مصطفى 

ايه الفضيحه اللي انت عملتها لي في الشغل دي منك لله انت ازاي تروحي تاخدي نص مليون جنيه من خزنه المنشاوي وجبت المفتاح منين 

مديحه بتوتر 

انا ما عملتش حاجه زي كده وانا مالي يا اخويا انت هتلبسني مصيبه ولا ايه 

مصطفى 

ما تكدبيش يا مديحه الكاميرا مصوراكي وللاسف الفيديو وقع في ايد سليم المنشاوي عارفه يعني ايه سليم المنشاوي 

مديحه 

ايوه سرقت واخذت المفتاح من وراك وعملت عليه وعملت نفسي بزورك في الشركه وما كانش في حد في مكتب المنشاوي ودخلت واخذت الفلوس وخرجت على طول من غير ما حد ياخد باله بس ما اعرفش ان في زفت كاميرا مصوراني وانت السبب في كل ده 

مصطفى 

ايه السبب في ايه انا حارمك في ايه 

مديحه 

انت مش معانا اصلا يعني انت تعرف ان بنتك اتخطفت النهارده والحمد لله رجعت على طول ومن ساعتها يا قلب امها قاعده في اوضتها عماله تعيط ومش عاوزه تحكي لي ايه اللي حصل 

مصطفى 

ايه الكلام اللي انتوا بتقولوه ده انا كرهتك انت وبنتك مدخلتني في مواضيع كثير يعني ايه تتخطف النهارده وترجع بالليل ايه الكلام الغريب ده 

وفين الفلوس يا مديحه

مديحه 

بقول لك  ايه يا مصطفى انا الفلوس حطيتها في البنك ونساها يا اخويا انا لازم اؤمن مستقبلي انا وبنتي 

مصطفى الضغط عالي عليه ومش قادر يتكلم وقال 

مصطفى 

منك لله يا مديحه زي ما فضحتيني قصاد الشركه كلها الفلوس لازم تحضر عشان هرجعها مكانها مش ناقص فضايح اكثر من كده 

اما عند جميله دخلت ونامت جنب مروان وقالت له 

في اوضه جميله 

جميله 

تصدق يا مروان ان انا بحسدك على الغيبوبه اللي انت فيها انت في نعمه انا نفسي ابقى زيك في غيبوبه عشان تعبت قوي من اللي اهلك واهلي بيعملوا فيا نفسي يكون ليا سند في الدنيا قوم يا مروان وفوق يمكن تعرف توقفهم عند حدهم 

ونامت جميله جنب مروان وهي عماله تعيط ونفسها انه يفوق علشان يحميها من بيت العقارب 

ومره واحده حد مسك ايديها وحصل ........

#المنتقبه والعاجز

#الحلقه العاشره

#بقلم هويدا زغلول 

المنتقبه الجميله داخل القصر 

الحلقه العاشره

ونامت جميله جنب مروان وهي عماله تعيط ونفسها انه يفوق علشان يحميها من بيت العقارب 

ومره واحده حد مسك ايديها وقال 

في اوضه جميله 

سمر مسكت ايديها وقالت 

سمر 

قومي تعالي  يا قاتله يا ظالمه كده برده عملت لك ايه هدى الغلبانه علشان تموتيها ليه عملتي كده معاها

جميله بصدمه 

عملت ايه يا حماتي انا ما عملتش حاجه والله معقوله انت تصدقي عني كده ان انا قاتل هدى لا طبعا انا عمري ما اعمل كده 

سمر 

امال الاسوره بتاعتك دي بتعمل ايه في شقه هدى وايه اللي وداك هناك وانت الوحيده اللي عارفه عنوانها يبقى افهم من كده ان انت اللي قتلتيها ليه كده عملت لك ايه 

جميله بصدمه 

هو ايه اللي ودى اسوارتى هناك اصلا انا هتجنن

لا كده في حاجه غلط وهم عاوزين يوقعوا ما بينا عشان خاطري انا ما صدقت ان انت بقيتي كويسه معايا وبقيتي في صفي بلاش تبقي ضدي ثاني عشان خاطر مروان 

سمر 

اخرسي قطع لسانك اسمه مروان بيه انت هنا خدامه وهتفضلي خدامه واوعي اسمعك تقولي لي حماتي ثاني انا اسمي سمر هانم اخص عليك انا غلطانه ان انا صدقت واحده قاتله زيك 

جميله 

اسمعيني بس يا حماتي انا مصدومه ما موتش حد وما اعرفش ايه اللي ودى اسويرتي هناك اكيد في حاجه غلط 

سمر بصيت لها بحده وقالت 

سمر 

اسمي سمر هانم ما اسميش حماتي وانت هنا خدامه لا اكتر ولا اقل سامعه ولا لا وانا علشان خاطر مروان ابني مش هبلغ عنك لكن خلاص كفايه عندي ان انا عرفت ان انت قاتله وان انت عقربه من ضمن العقارب اللي في البيت 

وبعديها سمر سابتها وخرجت بره الاوضه وجميله قعدت تعيط ومحتاره مين اللي عمل فيها المغرز ده 

اما في اوضه شيماء دخل عليها سليم وقال 

في اوضه شيماء 

سليم 

وبعدين يا ماما قلتي لي ان البوليس هيجي ويقبض على جميله والمره دي هي مش هتعرف تطلع منها بس ما حصلش كده ليه بقى 

شيماء 

انا هتجنن ازاي لحد دلوقتي سمر ما بلغتش عن جميله بسبب موت هدى مع اني عملت الخطه كويس جدا زي ما انت ما قلت لي 

سليم 

اكيد في حاجه غلط اكيد انت نسيتي حاجه يا امي عشان كده سمر مرات عمي ما خدتش بالها اني جميله هي اللي موتت هدى 

احكي لي بالظبط انت عملت ايه 

شيماء بدات تحكي اللي حصل 

                     فلاش بااااك 

شيماء 

وبعدين يا سليم انا اتخنقت وقرفت من اللي اسمها سمر دي ونفسي اعرف هي بتروح فين كل يوم انا همشي وراها النهارده اعرف هي بتعمل ايه بالضبط 

سليم 

يا واد انت يا واد هتراقبيها مره واحده طب خلي بالك لتاخد بالها منك 

وانا هبقى معاكي في التليفون عشان انا كمان عندي فضول وعاوز اعرف هي بتروح فين 

وفعلا سمر خرجت بره الفيلا وركبت عربيتها وراحت البيت عند هدى 

وطبعا شيماء كانت ماشيه وراها واول ما سمر طلعت الشقه عند هدى شيماء طلعت وراها وشافت رقم الشقه وبعد كده نزلت تاني وقعدت على جنب 

واول ما سمر نزلت من الشقه شيماء طلعت على طول وخبطت على الباب وهدى فتحت وقالت لها 

في شقه هدى

هدى بتوتر 

ايه ده شيماء هانم خير حضرتك عاوزه ايه وبتعملي ايه هنا 

شيماء 

يا سلام يا سلام بقى هي الحكايه كده طب دخليني الاول وقولي لي اتفضلي ولا انت ما بتفهميش في الاصول 

هدى 

الله يخليك يا شيماء هانم انا بعدت عن الفيلا كلها وسبت لكم الدنيا كلها عاوزين مني ايه ثاني جايين هنا ليه 

شيماء 

ما هو ده اللي انا عاوز اعرفه سمر بيجي لك هنا ليه ومين اللي جاب لك الشقه دي انت شحاته وكحيانه ما تعرفيش تجيبي حاجه لنفسك ابدا احكي لي ايه اللي حصل 

هدى 

ما حصلش حاجه وكل اللي انا عاوزاه دلوقتي منك ان انت تمشي من هنا وما لكوش دعوه بيا الله يخليكم 

شيماء 

بقول لك ايه انت كده كده ميته في نظر الناس واهلك والمنشاوي كمان هتحكي لي اللي حصل ولا خلص عليك 

هدى 

لا بقى مش هتخلصي عليا وانا مش هسكت تاني وهصرخ والم عليك الناس الحقوني الحقوني الحقوني يا ناس 

لحد ما شيماء كتمت صوت هدى لحد ما ماتت بس شيماء ما كانش قصدها ان هي تموتها كان قصدها تسكت صوتها بس شيماء بصدمه 

شيماء 

بنت يا هدى بنت يا هدى يا نهار اسود ومنيل انت موتي يا فقريه يا بنت الفقريه يخرب بيتك 

طب اعمل ايه دلوقتي ايه المصيبه المنيله دي يا ربي انا ما كانش قصدي اموتها 

وبعديها شيماء كلمت سليم في التليفون وقالت له 

شيماء 

ايوه يا سليم انت فين دلوقتي تعالى لي حالا في العنوان اللي انا هبعته لك ده 

سليم 

لا بقول لك ايه قبل ما اجي لك عرفيني ونوريني ايه في مصيبه جديده ولا ايه 

شيماء 

في مصيبه كبيره جدا ومش اي مصيبه دي امك ممكن تتسجن فيها وما تطلعش من السجن ابدا الحقني يا سليم

سليم 

طب احكي لي قبل ما اجي يمكن اعرف احلها من عندي 

شيماء حكت لسليم كل حاجه وسليم سمع وقال لها 

سليم بضحك 

 هههههههههههه هو انت فاكره ان كده دي تبقى مصيبه لا طبعا ده انت غلبانه قوي دي جات لنا على الطبطاب واحنا كده هنسجن حد من بيت العقارب ونخلص منه بقى انا ثواني وهاجي لك 

وفعلا بعد شويه سليم راح لها واول ما دخل الشقه قال لها 

في شقه هدى 

سليم 

الله يخرب بيتك ياما ايه اللي انت عملتيه ده موتي البنت كده 

شيماء 

انا خايفه قوي يا سليم والله يا ابني ما كان قصدي اموتها كان قصدي اعرف بس الحكايه بس هي رخمه وسمر منبهه عليها ما تعرفش حاجه لحد 

سليم 

اه يا بنت الناصحه يا هدى يعني موتي والسر معاكي ما كنتش تعرفينا سر مرات عمي ايه وبعد كده غوري في داهيه 

شيماء 

هنعمل ايه دلوقتي يا سليم طمني الله يخليك 

سليم 

بصي انا جبت معايا ايه دي تبقى اسوره جميله دخلت اوضتها وجبتها وهنرميها هنا في الشقه وهناخد هدى وهنرميها في الصحراء وهنبلغ عليها كمان انها ميته وفي الصحراء بس اللي هيبلغ انسان مجهول مش هنعرفه اسمنا وطبعا مرات عمي هتيجي البيت واول ما تشوف اسوره جميله هتعرف ان هي اللي موتتها وانت ما لكيش دعوه باي حاجه 

شيماء 

يا حبيبي يا سليم ايه دماغي دي برافو عليك انت خساره في عيله المنشاوي والله ده انت المفروض انت اللي تمسك كل الشركات 

سليم 

هيحصل وحياتك وهتبقى انت سيده القصر كله وانا اللي همسك كل الشركات بكره تشوفي 

وفعلا سليم وشيماء خدوا هدى وركبوها العربيه ورموها في الصحراء وكمان بلغوا عنها باسم المجهول 

وبعديها روحوا الفيلا ولا كانهم عملوا اي مصيبه واستنوا البوليس لما يجي علشان يشوفوا ايه اللي هيحصل 

                       بااااااااك 

شيماء 

هو ده كل اللي حصل يبقى ازاي بقى لحد دلوقتي سمر ما بلغتش عن جميله ولا للدرجه دي هي حبيتها وخايفه عليها 

سليم 

يا خبر النهارده بفلوس بكره يبقى ببلاش بقول لك ايه انا داخل انام عشان بكره عندي شغل كتير تصبحي على خير 

اما في بيت مديحه 

مديحه 

مصطفى يا اخويا هو انت لسه زعلان مني ولا ايه 

مصطفى 

ريحي نفسك يا مديحه وروحي هاتي الفلوس من البنك لو ما جبتهاش انا هبهدل الدنيا سامعه ولا لا 

مديحه 

يا اخويا احسبها صح علشان لو المنشاوي اداك على قفاك قصدي مثلا مشاك من الشغل نكون مامنين نفسنا ومعانا قرشين 

مصطفى 

وانا قلت لا يعني لا هاتي فلوس من البنك احسن لك يا مديحه بكره تروحي وتجيبي لي الفلوس سامعه ولا لا 

وثاني يوم منى كانت قاعده في شقتها وتليفونها رن وردت وقالت 

في شقه منى

منى 

الو 

المحامي 

ازيك يا مدام منى ليكي عندي اخبار حلوه جدا 

منى 

نفسي والله يا استاذ فاروق اسمع خبر حلو 

المحامي 

اديك هتسمعيه يا ستي انت كسبت القضيه ومن بكره الحكومه هتجيب لك حقك وهتقدري 

تكتبي اللي في بطنك ده باسم سليم المنشاوي 

منى بفرحه 

حضرتك بتتكلم بجد يا استاذ فاروق الله يبارك لك ويديك طوله العمر يا رب انا خلاص كنت قربت افقد الامل الحمد لله يا رب اخيرا ابني هيتولد ويبقى ليه اب 

المحامي 

من بكره انا  الحكومه هتروح له علشان يجيبوا لك حقك 

وبعديها منى قفلت السكه مع المحامي وحمدت ربنا ان حقها وحق ابنها هيجي 

اما عند سليم راح شركه محمود الصياد وقال له 

في شركه محمود الصياد 

سليم 

اي خدمه هتخش صفقتك مع المنشاوي زي ما انت ما كنت عاوز بالظبط قلت لك كل حاجه في ايديا وانت ما صدقتنيش 

محمود 

انت متاكد من اللي انت بتقوله ده يا سليم ولا عيل وبيقول اي كلام 

سليم 

انا مش هحاسبك على كلمه عيل دي دلوقتي غير لما تتم الصفقه على خير وبعد كده هحاسبك عليها لان انا هاخد ثلث المكسب بتاعك قلت ايه 

محمود 

كتير يا سليم طب خليها اقل من كده 

سليم 

والله هو ده شرطي الوحيد لو عاوز تشارك المنشاوي هاخد ثلث المكسب وانت يعني مش هتكسب قليل انت هتكسب كثير جدا ده انت هتشارك المنشاوي ولا انت نسيت 

محمود 

وانا موافق يعني اطمن كده المنشاوي هيشاركني 

سليم 

النهارده النائب المدير بتاع المنشاوي بيه هيكلمك وهيتم معاك الصفقه والشغل بتاعك وهيبدا مع بعض 

محمود 

ومعقوله المنشاوي نسي كل حاجه بالسهوله دي 

سليم 

قلت لك انا سليم واقدر اعمل كل حاجه سلام دلوقتي عشان اروح اشوف شغلي 

وبعديها سليم راح شركته واول ما راح دخل في مكتب مصطفى وقال له 

في شركه المنشاوي في مكتب مصطفى

سليم 

ها يا مصطفى خلاص تمام هتكلم محمود الصياد النهارده امتى 

مصطفى بتوتر 

تحت امرك يا سليم بيه هكلمه على طول بس الدنيا بس كم ساعه اخلص اللي ورايا 

سليم 

ولا ساعه كلمه دلوقتي انا عاوز صفقه دي تتم في اقرب وقت 

مصطفى 

تحت امرك يا سليم بيه حاضر 

وبعديها سليم راح على مكتبه

وبعد شويه الحكومه جت في الشركه المنشاوي والمنشاوي قال 

في شركه المنشاوي 

المنشاوي 

خير يا حضره الظابط في حاجه حصلت ولا ايه 

الظابط

مطلوب القبض على حفيدك يا منشاوي سليم المنشاوي 

المنشاوي 

طب هو عمل ايه فهمني 

الظابط 

يا ريت حضرتك تشرفنا في القسم وهتعرف كل حاجه 

وبعديها الظابط دخل على مكتب سليم وقبض عليه وسليم قال 

سليم 

الحقني يا جدي انا ما اعرفش هم قابضين عليا ليه انا ما عملتش حاجه 

المنشاوي 

انت الله يسامحك يا سليم بتعمل كل المصايب انا جاي وراك ما تخافش 

وبعديها راحوا القسم والمنشاوي حصلهم على هناك 

في القسم 

المنشاوي 

في ايه يا حضره الظابط طمني حفيدي سليم عمل ايه 

الظابط 

كل الحكايه يا منشاوي ان مدام منى كسبت قضيتها وهي دلوقتي عاوزه حقها وكمان عملت محضر عدم تعدي لسليم عشان خايفه منه 

سليم 

يعني ايه كسبت القضيه انا ما عملتلهاش حاجه مش انا اللي جيت جنبها اللي في بطنها ده مش ابني 

المحامي فاروق 

انا المحامي فاروق المحامي بتاع مدام منى واللي في بطن مدام منى يبقى ابن سليم المنشاوي 

وحضرتك تقدر تعمل تحليل بكده 

المنشاوي

انت تعرف يا سليم ان لو حصل تحليل بكده وفي الاخر انت لو طلعت ابو الواد اللي في بطنها انت ممكن تتسجن يلا بقى يا سليم قولي الحقيقه يا ابني 

سليم بتوتر 

سجن ايه يا جدي بصراحه انا مش متاكد اذا كان هو ابني ولا لا 

في الوقت ده دخلت منى وقالت 

منى 

والله العظيم يا حضره الظابط اللي في بطني ده ابن سليمان منشاوي 

المنشاوي 

وانا يا بنتي مصدقك واهلا بيكي في البيت عندنا وفي الفيلا عندنا وسليم غصب عنه هيكتب كتابه عليك علشان اللي في بطنك يتكتب باسم عيله المنشاوي 

منى بفرحه 

بجد يا منشاوي بيه الله يخليك انا والله مش عارفه اشكرك ازاي 

الظابط 

وبالنسبه للمحضر اللي انت عاملاه لسليم يا منى هتتنازلي عليه ولا اى

المنشاوي 

اتنازلي عليه يا بنتي انت هتعيشي في بيت المنشاوي يعني هتعيشي في الامان ما تخافيش على نفسك عندنا 

سليم 

يعني ايه الكلام ده يعني في الاخر هتجوز حته سكرتيره خدامه اللي راحت ولا جت انت ليه بتعمل معايا كده يا جدي 

المنشاوي

انا ما عملتش معاك حاجه يا سليم انت اللي عملت في نفسك كده وبنت الناس دي مش ذنبها حاجه 

المحامي 

بعد اذنك يا حضره الظابط لو منى حصل لها اي اذى في فيله المنشاوي انا هتهم سليم 

الظابط 

 انت هتاخد يا منشاوي منى تعيش عندكم في الفيلا يا ريت تحافظ عليها عشان لو حصل اي حاجه المحامي بتاعها هيتهم حفيدك سليم 

المنشاوي 

متخافش عليها يا حضره الظابط هى هتبقى في امان 

اما في الفيلا شيماء دخلت فى اوضه مروان 

وبعديها شيماء دخلت واتسحبت في اوضه مروان وحطيت له الدواء في المحلول وكلمت الدكتور في التليفون وقالت له 

في اوضه مروان 

شيماء 

ايوه يا دكتور انا لسه حاطه الدواء في المحلول لمروان اللي بحطه له كل يوم علشان ما يفوقش من الغيبوبه ابدا وخد بالك دي اخر علبه معايا انت لازم تجيب لي علب تاني انت عارف ان مروان المنشاوي ما ينفعش يقوم من الغيبوبه ابدا 

الدكتور 

تحت امرك يا شيماء هانم بكره الصبح هيكون عندك علبه جديده من الدواء 

شيماء 

تكون عندي ايه لا طبعا انا هاجي اخدها بنفسي اقفل دلوقتي سلام 

وبعديها شيماء بصت لمروان وقالت له 

شيماء 

تصدق امك صعبانه عليا قوي انها عندها امل ان انت تفوق وما تعرفش ان انا كل يوم بحط لك دواء يزود الغيبوبه وما خلاكش تعرف تفوق منها ابدا وان شاء الله المره الجايه مش هحط لك انبوبه واحده انا هحط لك العلبه كلها علشان اخلص منك بقى يا مروان وتموت 

وبعد كده حصل ..........

 #المنتقبه والعاجز 

#الحلقه الحاديه عشر

#بقلم هويدا زغلول 

الحلقه الحاديه عشر 

وبعديها شيماء بصت لمروان وقالت له 

شيماء 

تصدق امك صعبانه عليا قوي انها عندها امل ان انت تفوق وما تعرفش ان انا كل يوم بحط لك دواء يزود الغيبوبه وما خلاكش تعرف تفوق منها ابدا وان شاء الله المره الجايه مش هحط لك انبوبه واحده انا هحط لك العلبه كلها علشان اخلص منك بقى يا مروان وتموت 

وبعد كده  خرجت جميله من البلكونه وكانت سامعه كل كلمه شيماء بتقولها واول ما خرجت جميله قالت لها 

في اوضه جميله 

جميله 

ليه كده هو عمل لك ايه يا شيخه منك لله يعني انت السبب ان الغيبوبه تطول بالطريقه دي انت ايه مش بني ادمه انت اكيد شيطانه انا لازم اروح اقول لجدي على كل حاجه 

شيماء 

انت كنت مستخبيه فين ولا واقفه فين وطلعتيني من اني مصيبه الله يخرب بيت سنينك هو انت ايه ما فيش فايده فيك ابدا انت قطه بسبعه ارواح كل اما اخلص منك انا وابني برده بتطلعي لنا 

جميله 

يعني معقوله انت وابنك اللي كله مصيبه بتحصل لي بتكوني انت وابنك السبب فيها فعلا انتم عقارب وعايشين في بيت عقارب انا لازم اعرف جدا المنشاوي كل حاجه لازم كل اللي في البيت يعرف حقيقتك انت وابنك 

شيماء 

اه افهم من كده ان انت بتهدديني غلبانه وطيبه قوي يا جميله ما تعرفيش ان انا في ثانيه ممكن اخلص منك يا حبيبتي وثانيه بس هيجيب نص الثاني عشان نعرف هنخلص عليك ازاي 

وبعديها شيماء كتمت بق جميله علشان ولا تصرخ ولا تنده لحد وكلمت سليم في التليفون يجي لها في الاوضه عشان يعرفوا يتصرفوا في المشكله دي 

وبعد شويه سليم جه ودخل اوضه جميله وقال 

في اوضه جميله 

سليم 

في ايه يا ماما مالك وكاتمه نفس الزفته دي ليه ايه اللي حصل

شيماء 

الحقني يا سليم انا في مشكله كبيره البنت دي سمعتني وعرفت ان انا السبب في تطويل غيبوبه مروان واني بحط له الدوا بتاعه كل يوم عشان يخلف الغيبوبه اكثر واكثر وعايزه اتعرف الناس كلها حقيقتي وحقيقتك وتعرف المنشاوي كل حاجه نعمل ايه 

سليم بضحك 

هههههههههههه تصدقي انت صعبانه عليا قوي ياه قد ايه انت طيبه يا جميله وانت فاكره ان عادي كده هسيبك تروحي تقولي لجدي كل حاجه طب ما تسمعي التسجيل ده الاول 

شيماء شالت ايديها من على بقها وجميله قالت 

جميله

تسجيل ايه يا شيطان زي امك انتوا بجد ناس وحشه جدا ولازم الكل يعرف حقيقتكم مهما عملته انا مش هسكت المره دي ابدا يمكن لما انتوا تسيبوا البيت ده وتمشوا نعرف نعيش في امان بدل الرعب اللي احنا عايشين فيه ده 

سليم سقف لها وقال 

سليم

بصراحه كلامك خلاني اخاف واترعب انا وامي بس برده عاوزه تسمعي التسجيل ده الاول وبعد كده ابقي ردي عرفيني هتقولي لهم ولا لا 

وبعد كده سليم سمع جميله التسجيل اللي رنا مسجلاه لما كانت في الشركه عند ابوها وكانت جميله بتقول لمصطفى انها زهقت من البيت ده وانه بيت عقارب وانها عاوزه تخرج منه ومش طايقه حد فيه 

وبعد ما جميله سمعت قالت 

جميله 

انت جبت التسجيل ده منين انا الكلمتين دول قلتهم يا بابا لما كنت عنده في الشركه كنت بفضفض له في الكلام يعني ما كانش قصدي ان انا اغلط في حد في البيت ازاي سجلت لي وانا في الشركه كده 

سليم 

طبعا مش انا اللي سجلت انا اكبر من كده بكثير اللي سجل اختك حبيبتي هي اللي سجلت لك يا قلبي واديتني التسجيل وقبضت حقه كمان شفتي بقى يا ستي 

جميله 

قد ايه انت وحشه يا رنا وغبيه وعمرك ما حبتيني ودايما بتكرهيني منكم لله كلكم انا عايشه  وسط شياطين 

شيماء 

برافو عليك يا واد يا سليم دايما كده يا حبيبي بتيجي زي البطل بتاع ابطال الروايات وتلحقني وتنقذني من اي فخ اقع فى 

سليم 

طبعا يا ست الكل انا ما ليش غيرك ودلوقتي جميله العاقله اللي عارفه مصلحتها فين هتحط لسانها جوه بقها لانها عارفه لو اتكلمت قول المنشاوي وسمر هانم لو سمعوا الكلام ده هيخرجوها من البيت ويخلوها ترجع بيت ابوها ثاني تشتغل خدامه ومساحه سلالم قلت ايه يا جميله

جميله بتوتر 

هقول ايه منكم لله طبعا هسكت ومش هقدر اتكلم عشان مش عايزه حد يفهمني غلط انا ربنا وحده اللي يعلم ان انا قلت الكلام ده كنت بفضفض مع بابا ما كانش قصدي اغلط في حد ولا كان قصدي اني اخرج من البيت 

شيماء 

معلش يا حبيبتي ما هو حسن النيه ده ما حدش هنا في البيت يعرفه كلنا نعرف عن حاجه اسمها سوء النيه وبس طبعا من بعد ما عاشرتينا فهمتينا مش عايزه كلام كثير وحط لسانك جواب بقك واحنا مش هنسمع التسجيل لحد سامعه ولا لا 

جميله 

موافقه بس على شرط 

ولا انت ولا ابنك تدخلو اوضه مروان تاني سامعين ولا لا مش عايز اشوف وشكم هنا عشان لو شفته وشكم صدقوني هتكلم وعلي وعلى اعدائي واللي يحصل يحصل 

سليم 

سهله وبسيطه خلاص يا ماما بطلي تحطي له الدوا ثاني يمكن يفوق ولو فاق انا برده هعرف اخلص منه انا مش صغير وعارف انا هعمل ايه كويس قوي 

شيماء 

ماشي يا حبيبي يلا بينا نخرج من الاوضه دي هي اصلا تقيله على قلبي هي واللي قاعدين فيها يمكن مصيبه تيجي تاخدهم هم الاثنين ونخلص منهم بقى 

وبعديها شيماء وسليم خرجوا من الاوضه وجميله قعدت تعيط ونامت جنب مروان بقت عماله تقول له 

في السرير جنب مروان 

جميله 

يا رب تفوق يا مروان الموضوع عمال يكبر قوي وانا ما بقتش حمل كل الكلام ده وبصراحه انا محتاجه لك قوي انا هحافظ عليك وهخلي عيني عليك ومش هخلي حد يديك الدوا غيري انا وبس يمكن تفوق وساعتها تبقى سند ليا في بيت العقارب 

اما تاني يوم المنشاوي وعيلته كانوا قاعدين على السفره كلهم بيفطروا ومنى دخلت بشنطه هدومها علشان تستقر في الفيلا واول ما المنشاوي شافها وقال 

في الفيلا 

المنشاوي 

اهلا بيك يا منى يا بنتي في بيت المنشاوي اتفضلي وما تقلقيش وما تخافيش انت هنا في امان 

منى 

شكرا يا جدي ربنا يخليك واتمنى كل اللي موجودين في الفيلا يحبوني ويرحبوا بيا زي حضرتك كده وما اكونش تقيله على حد 

شيماء 

هو اللي انا بشوفه ده يا حمايا صح ولا غلط ايه اللي جاب البنت الخدامه دي هنا دي حته سكرتيره اللي راحت ولا جت هو انا اللي فاهماه صح 

المنشاوي 

اه يا شيماء اللي فهماه صح انا هبعت اجيب الماذون وابنك سليم هيكتب كتابه على منى لان اللي في بطنها يبقى ابنه يا زين ما ربيتي يا شيماء بدل ما تيجي على بنت الناس روحي عاتبي ابنك على اللي عمله فيها 

سمر 

يا نهار ابيض كده برده انا بصراحه مستغرباكي انت ازاي ساكته لابنك لما عمل كده ببنت الناس وزعلانه قوي ان هو هيتجوزها ده انت جبروت يا شيخه انت وابنك 

سليم 

بس انت كده يا جدي بتظلمني وعلى فكره الجواز ده هيكون على ورقه بس يعني هي هتعيش معايا كانها مش موجوده كانها هو في الاوضه 

منى 

موافقه وراضيه يا سليم بيه بس اهم حاجه تستر علي وعلى اللي في بطني وتتجوزني وتكتبه على اسمك مش عاوزه حاجه تانيه غير كده 

شيماء 

دي بتقول له سليم بيه عارفين يعني ايه يعني هي مش من مستوانا ما ينفعش تبقى مراته على فكره يا حمايا انت غلطت انت كنت ممكن ترمي لها قرشين انا عارفه الاشكال دي كويس وساعتها كانت هتتنازل وتنزل اللي في بطنها ونخلص منها 

المنشاوي 

بس بقى بطلوا افتراء وظلم وانت يا كريم كلم الماذون خليه يجي في ثواني عشان يكتب كتاب سليم على منى 

كريم 

حاضر يا بابا 

اهلا بك يا حبيبتي نورتي بيتنا انا عم سليم وزي ابوه بالظبط لو زعلك او عمل لك اي حاجه انا موجود عرفيني 

منى بارتياح 

ربنا يخليك ليا يا عم كريم يا رب الكل اللي في البيت يفهمني ويحبني زيك انت وجدي المنشاوي كده 

المنشاوي 

اقعدي يا منى يا بنتي على السفره علشان تفطري معانا انت خلاص بقيتي واحده مننا 

شيماء 

لا بقى انتوا كده زودتوها قوي كمان هتقعدها في السفره معانا كده كثير اللي بتعمله ده يا حمايا انا هقوم من على الاكل مش عاوزه اشوف المنظر المستفز ده قدامي 

وفعلا ودخلت اوضتها وهي تتجنن ازاي ابنها يتجوز واحده زي دي ويقع الوقعه دي 

وطبعا سليم كان قاعد متغاظ وهيتجنن بس مغصوبه على امره علشان ما يتسجنش 

وبعد شويه الماذون جه واول ما دخل الفيلا المنشاوي قال 

المنشاوي 

اهلا بيك يا شيخ نورتنا اتفضل 

الماذون 

يا ترى الفرحه دي فرحه مين يا منشاوي بيه 

المنشاوي 

دي تبقى فرحه حفيدي الصغير سليم 

الماذون 

ربنا يزيد ويبارك من احفادك وربنا يبارك فيهم يا رب 

وبعديها الماذون كتب الكتاب وسليم اتجوز منى والماذون قام مش وسليم قال 

سليم 

خلاص يا جدي عملت اللي انت عاوزه ودبستني تدبيسه سوداء زي وشها يبقى كده خلاص بقى انا رايح اشوف شغلي ويا ريت لما ارجع الاقيها مخموده عشان انا هعتبرها هوا ومش موجوده اصلا 

منى 

كثر خيرك يا سليم ومتشكره جدا على كلامك ده بس عاوزاك تعرف ان انا مش هضايقك ابدا ولا انت ولا اي حد في البيت وهبقى في حالي انا اهم حاجه عندي صحه ابني وحياته مش عاوزه حاجه تاني غير كده 

اما عند شيماء كانت في اوضتها هتتجنن وراها جايه من كتر الحيره والتفكير ودخلت عليها سمر وقالت لها 

في اوضه شيماء 

سمر 

ازيك يا شيماء انا قلت اجي ابارك لك يا حبيبتي عشان خلاص ابنك كتب كتابه على السكرتيره بتاعته الف مبروك يا زين ما اخترتي عروسه ابنك 

شيماء 

هو انت جايه تحرقي دمي يا سمر ولا ايه امشي اطلعي بره وما لكيش دعوه وما تخافيش يا حبيبتي ده مؤقتا بس صدقيني همشيها من البيت يعني همشيها من البيت 

سمر 

لا يا حبيبتي من غير ما تقولي مصدقاك ده انت جبروت وما فيش زيك في جبروتك 

على العموم انا كنت جايه علشان ابارك لك وبس 

وبعديها سمر خرجت ودخلت اوضتها ولقت جميله في الاوضه عندها واول ما سمر ده قالت لها 

في اوضه سمر 

سمر 

عايزه ايه ايه اللي جابك اوضتي هو انا مش قلت خلاص خلصنا من الموضوع ده ومش مصدقاك ولا عاوز اتكلم معاكي تاني يا قتاله القتله انت 

جميله

افهميني بس يا سمر هانم الموضوع كبير قوي

وحضرتك لازم تعرفيه علشان ننقذ مروان مين اللي بيحصل في كل يوم 

سمر 

ويا ترى الكذبه الجديده دي انت اخترعتيها لوحدك ولا في حد ساعدك ايه مش هتطلعي بره يا جميله مش هسمعك ومش هصدق ولا كلمه ثاني قلتيها واحمدي ربنا ان انا لحد دلوقتي مخليكي وما بلغتش عنك البوليس 

جميله 

بس الموضوع مهم وانت لازم تسمعي 

سمر 

انت لو ما خرجتيش بره دلوقتي انا هعرف الناس كلها اللي انت عملت ايه وان انت اللي موتى  هدى قلت لك امشي اطلعي بره 

جميله 

حاضر يا سمر هانم انا هطلع بره بس احب اقول لك مش انا اللي موت هدى 

وبعديها جميله خرجت وراحت قعدت جنب مروان عشان هي بقت خايفه تسيبه لوحده عشان ما حدش ياذيه ثاني 

اما في الشركه عند سليم كان قاعد في مكتبه ومحمود الصياد كلمه في التليفون وقال له 

في الشركه في مكتب سليم 

سليم 

الو محمود الصياد مره واحده على الصبح كده عامل ايه خير في حاجه 

الصياد 

لا مش خير خالص يا سليم هو انت فاكرني عيل صغير معاك ولا ايه لحد دلوقتي ما حدش كلمني على اي صفقه وكمان كلمت  نائب المدير بتاع منشاوي اللي اسمه مصطفى وقال لي ما فيش صفقات احنا مش بنتفق مع ناس قليله الاصل زيك 

سليم بصدمه 

نعم هو ايه اللي انت بتقوله ده الكلام ده انت بتقوله بجد ولا انا بهزر فيه 

الصياد 

لا بجد يا سليم وانا اول مره اعرف ان انت عيل صغير واسف جدا لنفسي ان انا صدقت حفيد المنشاوي لان انت لسه عيل 

وبعديها الصياد قفل السكه في وش سليم 

وسليم زي المجنون راح على مكتب مصطفى وكان داخل وهو متعصب وقال له 

في مكتب مصطفى 

سليم 

هو لعب عيال ولا ايه يا مصطفى بين كده انت عاوز مراتك تتسجن ايه ازاي لحد دلوقتي ما عملتش الصفقه مع محمود الصياد وكمان لما اكلمك زعلته وهنته ايه الكلام الفارغ ده 

مصطفى 

متاسف جدا انا مش هقدر ان انا اخون منشاوي بيه واللي يحصل يحصل 

سليم 

حلو قوي الكلام ده يبقى خلاص حضر لمراتك العيش والحلاوه عشان هتروح تزورها في السجن يا خفيف لاني هعرف جدي كل حاجه ومش بس كده وجدي كمان هيبلغ عنها البوليس وساعتها ابقى روح زورها في السجن 

في الوقت ده دخل المنشاوي وقال لمصطفى 

المنشاوي بضحك 

بقول لك ايه يا مصطفى اول ما تروح تزور مديحه في السجن ابقى عرفني عشان اجي ازورها معاك

هههههههههههه 

سليم 

ايه ده انت سمعت كل حاجه يا جدي طب يرضيك كل الكلام اللي عملته مرات مصطفى ده 

مصطفى 

احلى حاجه فيك يا سليم ان انت مفكر نفسك هتتدخل بينا غلبان قوي ولسه جديد في السوق وما تعرفش نظام الشغل ايه 

سليم 

انا مش فاهم حاجه قصدكم ايه 

المنشاوي بضحك 

هو انت فاكر نفسك ان انت اذكى مني يا سليم وان انا مش عارف اي حاجه انا عارف كل حاجه 

مصطفى بضحك 

اوعى تفكر نفسك ان انت هتعرف تخش بيني وبين المنشاوي بيه وتوقع ما بينا غلبان قوي 

وبعد كده سليم قال .........

المنتقبه الجميله داخل القصر 

الحلقه الثانيه عشر 

مصطفى بضحك 

اوعى تفكر نفسك ان انت هتعرف تخش بيني وبين المنشاوي بيه وتوقع ما بينا غلبان قوي 

وبعد كده سليم قال

سليم 

انت بتتريقوا عليا ولا ايه لا انا مش فاهم اي حاجه انا لازم افهم 

مصطفى 

اه طيب يا سليم عشان اطلب لك يا حبيبي واحد ليمون بدل انت متوتر كده هو انا هفهمك واحكي لك كل حاجه 

وبدا مصطفى يحكي كل حاجه 

                         فلاش بااااك 

مصطفى خد الفلوس من مديحه بعد ما جابتها من البنك وراح بيها على مكتب المنشاوي وقال له 

فى الشركه في مكتب المنشاوي 

المنشاوي 

كويس ان انت جيت يا مصطفى في ورق كثير عاوزين نتكلم فيه ونشوف هنعمل ايه في الصفقات الجديده دي مالك يا مصطفى زعلان وحزين كده ليه 

مصطفى 

انا هقول لك على كل حاجه يا منشاوي بيه وحضرتك تحكم وانا راضي بحكمك ومش هزعل منك صدقني 

المنشاوي 

ايه اللي حصل يا مصطفى طمني 

مصطفى 

بصراحه كده طلع اللي سارق الفلوس من الخزنه هي مديحه مراتي طماعه ووحشه جدا انا معترف بكده وكان نفسي اطلقها بس ما قدرتش عشان خاطر رنا بنتي 

المنشاوي 

ازاي الكلام ده هي اصلا ازاي تعمل كده وايه الجراه اللي هي فيها دي دي ممكن كانت تخرب بيتك وتودي نفسها السجن في ثانيه دي طلعت غبيه جدا يا مصطفى 

مصطفى 

والفلوس اهي انا جبتها لحضرتك كامله بس كل الحكايه ان سليم بيه شاف الفيديو في الكاميرات ان مديحه هي اللي بتسرق الفلوس وبيهددني لا اما اشارك محمود الصياد في الصفقه اللي حضرتك راكنها على جنب لا اما يعرفك كل حاجه وتسجنو مديحه مراتي 

انا عرفت كل حاجه وراضي بحكمك 

المنشاوي 

حط الفلوس مكانها يا مصطفى انا عمري ما اسجن مرات ابني ابدا انت ابني يا مصطفى ومديحه دي طماعه وربنا يقويك ويعينك عليها 

مصطفى بفرحه 

بجد يا  منشاوي بيه يعني حضرتك مسامحني الله يبارك لك والله ده جميل انا عمري ما هنساه لك ابدا 

المنشاوي 

وطبعا محمود الصياد هيكلمك عشان يشوف اخبار الصفقه ايه يا ريت تعرفها ان سليم ده عيل صغير وما ينفعش ياخد على كلام عيل حفيد المنشاوي 

مصطفى 

تحت امرك يا منشاوي بيه انا رايح احط الفلوس في الخزنه وما تخافش مفتاح الخزنه انا بعد كده هسيبه في الشركه مش هاخده معايا البيت تاني متاسف ثاني مره على اللي حصل 

المنشاوي 

اهم حاجه ان مراتك تتعلم من غلطها وما تحطكش في مغرز وحش زي ده تاني عشان لو وقعت في ايد سليم ثاني مش هيرحمك انا عارف حفيدي كويس 

                          بااااااااك 

مصطفى 

هي دي كل الحكايه يا سيدي 

سليم بعصبية 

كده برده يا جدي هو انت بقى كده مفكر ان انت بتحافظ علينا وعلى مالنا واملاكنا بلا بالعكس انت مدخل الغريب بينا والغريب هيكوش على كل حاجه واحنا مش هيكون لنا اي حاجه 

المنشاوي 

اطلع بره يا سليم وروح على مكتبك انا عارف انا بعمل ايه كويس وثاني مره لو اتصرفت من دماغك وهددت حد علشان صفقات محمود الصياد انا هطردك انا هطردك من الشركه وابقى وريني هتشتغل فين 

سليم 

بقى كده يا جدي هي كمان وصلت ان انت تطردني من الشركه متشكر جدا 

وبعديها سليم خرج من مكتب مصطفى وداخل على مكتبه وهو متعصب جدا

وبعد شويه جميله جات الشركه علشان تطمن على ابوها وقالت 

في مكتب مصطفى المنشاوي كان قاعد معاه وجميله قالت 

جميله 

يا نهار ابيض ده انا حظي حلو اشوف بابا وجدي في مكتب واحد عاملين ايه 

المنشاوي 

ايه النور ده وانا اقول الدنيا والشركه منوره ليه اتاري ست البنات جميله الجميلات عندنا هنا في الشركه 

جميله 

ربنا يخليك ليا يا جدي ويبارك في عمرك وصحتك 

مصطفى خد جميله في حضنه وقال لها

مصطفى 

وحشتيني يا جميله من ساعه ما مشيتي من البيت والبيت بقى كئيب وما فيهوش اي بركه اعمل ايه ما هي البركه كلها مشت 

جميله 

ربنا يخليك ليا يا حبيبي وما انحرمش من كلامك الجميل ولا من طيبه قلبك دي ابدا 

المنشاوي 

طيب اسيبكم انا بقى واروح اشوف شغلي عشان اكيد جميله يا مصطفى جايه تبص عليك انت مش عليا انا انا لسه فاطر معاها من الصبح 

وبعديها المنشاوي خرج من المكتب وجميله قالت 

جميله 

انا جايه اشتكي لك من رنا يا بابا 

مصطفى 

انا اللي نفسي اشتكي لك من رنا ومن مديحه ومن اللي بيعملوه فيا يا بنتي مبهدلني ولا بيسالوا فيا  وكمان معتبر اني بنك فلوس ولا حد مهتم بصحتي زيك يا حبيبتي 

جميله 

يا حبيبي يا بابا ربنا يبارك في عمرك 

انا زعلانه من رنا قوي ومن مرات ابويا قوي بجد يا بابا هم زودوها معايا 

مصطفى 

طب هم عملوا لك ايه يا حبيبتي احكي لي 

جميله 

مش مهم اعملوا لي ايه المهم ان انا جيت اشوفك يا حبيبي وافض لك بالكلمتين دول انا كده برتاح 

مصطفى 

حقك عليا وما تزعليش مين اللي بيحصل لك هم متضايقين منك عشان انت احسن منهم الف مره

وبعديها جميله بعد ما خلصت زياره مع ابوها في الشركه روحت على الفيلا على طول عشان مش عاوزه تسيب مروان لوحده 

في الفيلا خلود اخت سمر جت علشان تزورها وسمر قالت لها 

في الفيلا 

سمر 

يا حبيبتي يا خلود ايه النور ده وحشتيني قوي كل المده دي ما اشوفكيش رجعت من السفر امتى 

خلود 

لسه راجعه يا سمر انا الدنيا جت عليا قوي والحزن مالي قلبي ومش عارفه اعمل ايه 

سمر 

يا نهار ابيض ليه يا حبيبتي ايه اللي حصل احكي لي 

خلود 

بعد ما سافرت انا وجوزي بكم سنه جات له جلطه وراح وساعتها عشت هناك لوحدي واتبهدلت قوي في الغربه ومش عارفه اعمل ايه لحد ما لقيت نفسي بحجز اول تذكره وجيت على عندك على طول علشان اترمي في حضنك يا اختي انا تعبانه قوي 

سمر خدت خلود في حضنها وقالت 

سمر 

ما تقوليش كده يا حبيبتي انت مش هتمشي اصلا من هنا انت هتعيشي معايا انت ما لكيش مكان يا خلود هتروحي فين طيب 

خلود 

بصراحه انا كان نفسي اقول لك كده من بدري عاوزه اعيش معاكي هنا في الفيلا مش عايزه اعيش لوحدي كرهت الدنيا كلها مش عارفه اثق في حد بس خايفه احسن المنشاوي بيه يزعل 

سمر 

منشاوي ايه بس اللي يزعل انت عارفه انه بيحبك قد ايه ده لما اتجوزتي وسافرتي زعل قوي ولما يجي من الشغل هيفرح ان انت هنا وهو كمان اللي هيقول لك تعيشي معانا 

خلود 

طمنيني يا سمر مروان عامل ايه دلوقتي 

سمر 

ادعي له يا خلود يقوم بالسلامه لحد دلوقتي في الغيبوبه وكل الدكاتره فقده الامل وقالوا ان هو ممكن ما يخفش ويفضل في الغيبوبه طول عمره

خلود 

لا يا حبيبتي ما تزعليش نفسك ان شاء الله هيقوم وهيبقى كويس وزي الفل 

سمر 

المنشاوي جوزه بنت منتقبه وكويسه يعني 

خلود 

هو ايه كويسه يعني دي يا سمر مش مرتاحه لك هتعملي فيها حماه من اولها ولا ايه 

تعالي يلا عشان اروح اشوف مروان واطمن عليه 

في الوقت ده كانت جميله وصلت اوضه مروان وقعدت جنب وبقت عماله تقرا له قران وتدعي له دعوات كثير 

ودخلت عليها سمر وخلود وكانت جميله رافعه النقاب واول ما خلود شافتها قالت 

في اوضه الجميله 

خلود 

ما شاء الله هي دي مراته يا سمر قد ايه انت جميله واموره جدا اسمك ايه يا حبيبتي 

جميله 

اسم جميله مين حضرتك 

خلود 

اسمك جميله وانت جميله فعلا اسم على مسمى انا ابقى خلود خالت مروان شكل صغير شويه لكن انا مش صغيره انا كبيره بس سني مش باين عليا وممكن نكون صحاب كمان 

جميله 

يا ريت انا نفسي اتعرف على حد واتكلم معاه 

سمر 

يلا يا خلود شوفي مروان واطمني عليه عشان نخرج من الاوضه دي 

خلود 

في ايه يا سمر انت عامله فيها حمى كده ليه دي البنت جميله واول ما شفتها انا ارتحت لها على طول 

سمر بعصبيه 

يا خلود قلت لك خلصي الناس مظاهر بس لكن لما تعشي الناس هتعرفي هم قد ايه وحشين ويرعبوا من جوه 

خلود 

طب خلاص عشان الموضوع ما يكبرش بينكم اكتر من كده يلا بينا يا سمر نخرج نروح اوضتك 

وهبقى اجي لك ثاني يا جميله 

وبعديها سمر وخلود خرجوا راحوا اوضه سمر 

وجميله قعدت تاني تدعي كثير لي مروان

اما منى خرجت من اوضتها وهي زهقانه وحيرانه ومش عارفه اتكلم مين وشافتها شيماء نازله من على سلم الفيلا وقالت لها 

شيماء 

يا سلام يا سلام ما بقاش غير الخدامين كمان ينزلوا جنبنا على السلم ايه اللي بيخرج من الاوضه بتاعتك يا بنت انت 

منى 

زهقت يا حماتي قلت اخرج اشوف الناس اللي في الفيلا او اقف في الجنينه ده بعد اذن حضرتك طبعا 

شيماء 

كلمه حماتي خارجه من بقك زي السم بقول لك ايه بطلي تلف وتدوري وبطلي تعيشي دور الضحيه مش عملتي اللي انت عايزاه ودبست ابني في الجوازه يبقى تغوري على اوضتك واعتبقي نفسك هنا خدامه زيك زي سعديه بالضبط ويلا غوري على المطبخ اعملي لي كوبايه قهوه 

منى 

حاضر يا حماتي 

شيماء 

يوه يخرب بيت غبائك انا اسمي شيماء هانم ما اسمعش منك كلمه حماتي دي سامعه ولا لا 

منى 

حاضر يا شيماء هانم

وبعديها منى راحت المطبخ وقفت جنب سعديه وقالت لها 

في المطبخ 

منى 

انت سعديه انا جايه علشان اعمل كوبايه قهوه لشيماء هانم 

سعديه 

يا ندمتي انت اللي هتعمليها بنفسك لا طبعا يا منى هانم انا اللي هعملها واجيبها لك لحد عندك

منى 

لا لا يا سعديه ما تتعبيش نفسك انا اللي هعملها وما تقوليش منى هانم احنا كلنا واحد يا حبيبتي بس بقول لك ايه هو مين هنا في البيت طيب وغلبان لان انا خايفه اتعرف على حد 

سعديه 

نصيحه مني يا حبيبتي لو عاوزه تتعرفي على حد غلبان وتقعدي معاه ما فيش غير الست جميله مرات مروان بيه طيبه وما فيش زيها في البيت ده كله ومش عارفه تسلم من المصايب بتاعتهم 

منى 

الله يطمنك يا سعديه وربنا يسترها 

بعديها منى خدت القهوه وراحت توديها لشيماء في الريسبشن وفي الوقت ده سمر وخلود شافوها وسما راحت وقالت 

في الريسبشن عند شيماء 

سمر 

يا جبروتك يا شيخه مخليه مرات ابنك الحامل اللي على وش ولاده تعمل لك القهوه بدل ما تخليها تنام على السرير وتستريح 

منى 

اتفضلي يا شيماء هانم القهوه اهي 

شيماء 

 اتنيلي حطيها وامشي من وشي 

سمر 

وكمان بتخليها تقول لك شيماء هانم يا سلام يا سلام 

شيماء 

بقلدك والله يا حبيبتي ما انت مخليه مرات ابنك تقول لك يا سمر هانم 

وايه ده مين عندنا في الفيلا خلود مره واحده عامله ايه يا خلود 

خلود 

انا مش كويسه خالص ايه اللي انتم عاملينه في البنات الناس ده انتم جايبينهم هنا تبهدلوهم ولا تعاملوهم كويس اهلهم مدخلينهم البيت ده امانه عندكم واحده تعاملها بطريقه وحشه والثانيه تعملها كانها خدامه انا الكلام ده ما يعجبنيش اصلا 

شيماء 

انت ما تعرفيش حاجه يا خلود البنات دي مش ولاد ناس اصلا دول ولاد خدامين وما ينفعش كانوا يخشوا ويقعدوا وسطينا بس نقول ايه النصيب 

سمر 

 اوعي تقارني نفسك بيا يا شيماء انا المنشاوي هو اللي غصبني على جوازك جميله وابني كان نايم على السرير لا حول بيه ولا قوه 

اما سليم ابنك هو اللي غلط بسبب سوء تربيتك وان انت ما ربيتهوش من اساسه عشان كده هو اللي جاب لنا البنت دي فاوعي تقارن نفسك بيا ولا بتربيتي لابني 

شيماء 

تصدقي خفت والله منك حتى لو انت ربيتي او ما ربتيش في الاخر بقينا واحد يا حبيبتي 

وانا هقوم اشرب قهوتي في اوضتي عشان مش عاوزه عكننه على الصبح 

وبعد شويه المنشاوي رجع من الشركه واول ما شاف خلود قال 

في الفيلا 

المنشاوي 

ايه النور ده خلود حبيبتي هنا حمد لله على السلامه جوزك ما جاش معاكي من السفر ليه 

خلود بدموع 

جوزي راح يا منشاوي بيه 

المنشاوي 

يا نهار ابيض صدقيني ما كنتش اعرف يا بنتي وانت دلوقتي عايشه فين وقاعده مع مين 

خلود 

انا اول ما جيت من السفر جيت على هنا على طول بس همشي النهارده واروح اقعد في فندق 

المنشاوي 

فندق ايه وبتاع ايه مش هيحصل الكلام ده انت هتقعدي هنا عندنا في الفيلا يا سعديه يا سعديه فضي الاوضه الكبيره لخلود هانم 

خلود 

ربنا يخليك يا منشاوي بيه شكرا جدا لحضرتك والله مش عارفه اشكرك ازاي 

المنشاوي 

تشكري مين ده انا عاوز اقعد معاكي وتحكي لي حكاويك بتاعه زمان يا خلود يا جميله انت

اما في شقه الصياد على السرير كانت شيماء نايمه جنب محمود الصياد وبتقول له 

في شقه الصياد 

شيماء 

وبعدين يا محمود انا الكلام ده تعبت منه خلاص احنا هنتجوز امتى انا مش دايما كده هاجي لك في السر 

محمود 

جواز ايه هي ام جواز ما حدش ضربك على ايدك وقال لك تعالي لي بقى برده على اخر الزمن هتجوز واحده قد امي ده انا قد سليم ابنك يا شيماء هانم 

شيماء 

تصدقي ان انت انسان قليل الادب وقليل الذوق كمان واشمعنى قلت الكلام ده دلوقتي بقى لي شهور وشهور باجي لك البيت هنا ولما قلت لك نتجوز تقول لي الكلام ده لا يا حبيبي انا مش هسكت بقى والملف اللي معايا هوديه لسليم ابني وهتروح في 60 داهيه فاحسن لك اتجوزني 

الصياد بعصبيه 

يعني الملف اللي انا مش لاقيه في الشقه انت اللي اخذتيه يا حراميه والله كنت شاكك فيك هاتي الملف احسن لك يا شيماء 

شيماء 

اكتب كتابك عليا واتجوزني قصاد الناس كلها وساعتها هديك الملف يا صياد وخد بالك الملف ده لو وقع في ايد سليم انت هتتسجن وقول على نفسك يا رحمن يا رحيم 

الصياد 

مسك شيماء ووقعها على الارض  على الترابيزه القزاز وكان جسمها كله بيجيب دم والصياد قال 

الصياد 

اوعي مفكره نفسك ان انا هسكت على كده لا طبعا انا لازم اخلص عليك النهارده يا شيماء 

وفعلا الصياد جاب المخده وكتم نفس شيماء 

وبعد كده حصل .........

انتظرونا في الحلقه القادمه

المنتقبه الجميله داخل القصر

الحلقه الثالثه عشر 

في بيت الصياد

الصياد 

اوعي مفكره نفسك ان انا هسكت على كده لا طبعا انا لازم اخلص عليك النهارده يا شيماء 

وفعلا الصياد جاب المخده وكتم نفس شيماء 

وهي قاعده تقاوم تقاوم علشان نفسها بقيت كده ومره واحده شيماء ماتت وما بقتش عماله تقوي الصياد شال المخده من على وشها ولقاها ماتت وقال في نفسه 

الصياد في نفسه 

يا نهار اسود ومنيل ايه المصيبه اللي انا جبتها لنفسي دي دي ماتت اه يا شيماء انا كنت عارف ان هي دي اخرتك تموتي زي الكلاب ولا لازم تدفني زي الكلام 

وبعديها صياد خد شيماء وحطها في العربيه بتاعته وراح بيها في مكان بعيد جدا ودفنها ورماها وقف قصاد جثتها وقال 

في الصحراء 

الصياد 

هو انت كنت مفكره نفسك هتقدري عليا ولا ايه عشان بس تعرفي ان اللي يهدد الصياد اخره بيموت موته الكلاب 

اما في الفيلا 

جميله كانت قاعده في اوضتها ولقت منى دخلت عليها وقالت لها 

في اوضه جميله 

منى 

عامله ايه يا جميله بصراحه البيت كله قال لي ان انت اطيب واحده هنا قلت اجي اقعد معاكي شويه انا خايفه من الناس اللي هنا قوي 

جميله 

ما تقلقيش يا منى انا كمان كنت خايفه منهم بس هتعملي ايه هتتعودي عليهم والف مبروك على الجواز وان شاء الله ربنا يهدي سليم عليك 

منى 

انت جميله قوي يا جميله ممكن تجيبي لي كوبايه ميه اصل انا عطشانه قوي 

جميله راحت تجيب لي وانا كوبايه ميه واديتها لها وبعد كده منى شربت وقالت 

منى 

انا بجد محتاره انت ليه صابره على مروان ليه مستحمله كل ده انت جميله قوي انا ما اعرفش ان انت بالجمال ده 

جميله 

الحمد لله نصيبي وانا راضيه بيه وانت منوراني وفي اي وقت لاقيه نفسك زهقانه تعالي واتكلمي معايا 

منى 

ربنا يخليك يا جميله شكرا جدا على ذوقك وعلى كلامك الجميل انا من ساعه ما جيت هنا والكل بيعاملني معامله الخدامين الا انت والمنشاوي بيه 

جميله 

جدي المنشاوي ده اصلا احسن حاجه في البيت ده كله بس معلش بكره تتعودي عليهم وربنا يبارك في النونو اللي في بطنك 

منى 

ربنا يخليك يا جميل مش عاوزه اطول عليك اكثر من كده انا هروح اوضتي ولو في اي حاجه اجي واتكلم معاكي 

وبعديها منى ثابت جميله وخرجت

اما عند رنا كانت قاعده في اوضتها زعلانه وعماله اتكلم نفسها وتقول 

في بيت مديحه 

رنا 

كده خلاص انا لازم اتغير ليه هنا بقى وحشه والناس كلها كويسين انا لازم ابقى كويسه زيهم كفايه اللي حصل وكفايه اللي انا خسرت مراد الفلوس ما عملتليش اي حاجه 

انا لازم اتغير وفعلا هتغير من دلوقتي 

وبعديها رنا قامت جهزت نفسها عشان هتنزل وهي خارجه من اوضتها مديحه قالت لها 

مديحه 

رايحه فين يا رنا 

رنا 

رايحه اصلح كل اللي انا كسرته وكل اللي انا خسرته واول حاجه هعملها هروح اصالح  جميله اختي كفايه اللي انا عملته فيها 

مديحه 

نعم يا اختي ومن امتى الكلام ده كله الكلام ده جديد عليا يا حبيبتي 

رنا 

سيبيني في حالي يا ماما الله يخليك انا غلطانه وانا لازم اتغير ما ينفعش افضل كده 

انت اللي عملت فيا كده انت اللي خليتيني ابقى جشع واهم حاجه عندي الفلوس 

مديحه 

بقول لك يا بنت انت انت بتتكلمي زي ابوك كده ليه ما انت كنت صاحبتي وبتتكلمي زيي واهم حاجه عندنا الفلوس ايه الجديد يعني 

رنا 

الجديد هيحصل من النهارده انا هتغير وخلاص على كده ومش عايزه فلوس ثاني ولا عايزه حاجه ثاني اهم حاجه ان انا عايزاها حب من القلب واختي تحبني مش عايزه حاجه تاني 

وبعديها رنا ثابت مديحه ونزلت 

اما في اوضه جميله المنشاوي بيدخل عليها وبيقول لها 

في اوضه جميله 

المنشاوي 

عامله ايه يا جميله 

جميله 

الحمد لله يا جدي انت عامل ايه مالك زعلان كده ليه 

المنشاوي 

كل حاجه فوق دماغي يا جميل في صفقات كثيره قوي نفسي اديها لسليم بس هو مش قد المسؤوليه وانا تعبت من كل ده ونفسي مروان يصحى بقى علشان يشيل عني كل ده 

جميله 

يا ريت يا جدي يا ريت يصحى ادعي له لو مروان فعلا صحي هيشيل من علينا حاجات كثيره قوي 

المنشاوي 

فعلا يا بنتي مروان لو صحي كل حاجه هتتغير 

انا لحد دلوقتي خزنه مروان لسه عينها في المكان السري ودي فيها كل الاوراق المهمه علشان لما يفوق يرجع لشغله تاني 

جميله 

يا حبيبي يا جدي للدرجه دي بتحب مروان ان شاء الله هيفوق وهيفرح قلبك 

المنشاوي 

ان شاء الله يا بنتي انا قلت اجي اطمن عليك قبل ما اروح الشركه سلام 

وبعديها المنشاوي خرج من اوضه جميله 

اما في عربيه كريم كان بيكلم مديحه بيقول لها 

في العربيه 

كريم 

فين الفلوس  اللي احنا اتفقنا عليها تاخديها من خزنه الشركه يا مديحه 

مديحه 

اخص عليك يا كيمو يعني انت هو ده كل اللي همك مش عارف تقول لي وحشتيني او بحبك اخص عليك انت اتغيرت قوي معايا 

كريم 

وحشك قطر يا بعيده وحشتيني ايه وزفت ايه بقول لك فات الفلوس 

مديحه 

بصراحه كده الفلوس مصطفى خدها مني ووديها للمنشاوي ثاني عشان ابنك سليم يا اخويا مسك الفيديو اللي انا ظاهره فيه وانا باخد الفلوس عشان كده مصطفى خير لاحسن المنشاوي يبلغ عني عشان كده رجع الفلوس تاني 

كريم 

نعم يا اختي اللي انت بتقوليه ده انت غبيه وزاي اديتها له ما تتحبسي ولا تغوري في داهيه انا اهم حاجه عندي الفلوس يا غبيه 

مديحه بزعل 

اخص عليك يا كريم كده برده يعني انت كنت معايا كل الشهور اللي فاتت دي عشان خاطر الفلوس انت طلعت واطي قوي وانا هروح للمنشاوي واقول له على كل حاجه وافضحك قصاده 

واوعى تكون فاكرني ان انا بهدد كده وخلاص لا طبعا تبقى غلطان انا معايا تسجيلات بصوتك ان انت متفق معايا ان انا اسرق من خزنه المنشاوي 

كريم بضحك 

تصدقي صعبان عليا قوي يا مديحه مش لما تعرفي تروحي من هنا الاول تبقي توريهم التسجيلات 

مديحه بخوف 

قصدك ايه يا كريم بقول لك ايه انا ما بحبش الغدر انا بهزر انا عمري ما رحت المنشاوي وهقول له حاجه انا كنت بهزر معاك 

كريم 

وانا ما حدش يهزر معايا ابدا يا حلوه 

وبعديها كريم قعد يخنق في مديحه يخنق في مديحه لحد ما ماتت وراح لمكان بعيد جدا ورماها هناك وبعد كده روح بيته وكان معاه تليفونها 

اللي كان في كل التسجيلات

اما في الفيلا رنا تروح عند جميله والخدامه تفتح لها وتطلع على اوضتها على طول وتقول لها 

في اوضه جميله 

رنا 

جميله حبيبتي عامله ايه انا جايه اقول لك كلمتين ويا رب تصدقيني انا اسفه وحقك عليا كل حاجه انا عملتها معاكي انا اتغيرت وعرفت ان انا غلطانه 

جميله 

ويا ترى دي كذبه تانيه ولا مقلب تاني هتعمليه فيا انت وامك ابعدي عني يا رنا انا فيا اللي مكفيني 

رنا 

صدقيني دي مش كذبه انا فعلا اتغيرت واول تغيير هيكون معاكي انت يا حبيبتي عشان انا جيت عليك كثير انت دايما ظلماكي وكنت دايما مبوظه حياتك 

جميله 

بصراحه يا رنا انا مش مصدقاك مش عارفه ليه ما تزعليش مني يا رنا لو انت اتغيرتي ده حاجه حلوه جدا والتغيير الحلو هيخليك انت اجمل بكثير لكن انا مش عارفه اصدقك بسبب كل اللي عملتيه فيا

رنا 

من حقك ما تصدقنيش انا مش زعلانه منك بس الايام هتثبت لك ان انا اتغيرت يا حبيبتي على العموم انا معاكي وفي ظهرك وفي صفك لو في اي حد زعلك او ضايقك انا اول واحده هتلاقيني في ظهرك يا حبيبتي 

وبعديها رنا خرجت من الاوضه الجميله وقبلت سليم على سالم الفيلا وقال لها 

على سلم الفيلا 

سليم 

يا اهلا وسهلا ايه ده بقى ورانا عندنا ذات نفسها ويا ترى جايه ليه في تسجيل ثاني عاوزه تديهوني وتقبضي فلوس عليه 

رنا 

انا مش هرد عليك انا كل اللي انا هقوله لك انا اتغيرت ومش هسمح لك ان انت تاذي اختي يا سليم

سليم 

اوعى وشك دلوقتي بقت اختك يا سلام يا سلام ومن امتى الكلام ده انت يا بنتي كنت بتتفنيني ازاي تاذيها هو ازاي تنكدي عليها عيشتها ايه اللي تغير 

رنا 

اللي تغير هو انا وفقت لنفسي وخلاص انا اتغيرت الاحسن والحمد لله ولو فكرت تاذي اختي يا سليم انا اول واحده هقف قصادك 

وبعديها رنا مشيت ومنى كلمت سليم بغيره وقالت لي 

منى 

ودي بقى تبقى مين يا سليم هو انت عمرك ما هتبط تخص للبنات 

سليم 

بقول لك ايه يا بنت انت ابعدي عني هو انا علشان اتجوزتك هتفكري نفسك ان انت بني ادمه انت رحت وجيتي خدامه لا اكتر ولا اقل 

وبعديها سليم دخل الاوضه بتاعته ومنى جريت وراه وقالت له 

في اوضه سليم

منى 

يا سليم اسمعني انا واحده خايفه على مصلحتك وهفضل في ظهرك وهسندك لحد ما انت اللي تمسك شركه المنشاوي وتبقى انت الراجل العيله دي كلها 

سليم 

ايه ده ايه ده ايه المفاجاه اللي انا فيها دي معقوله منى الغلبانه الطيبه بقت عقربه من ضمن بيت العقارب فينك يا منشاوي تيجي تشوف اللي انت بتحبها وخايف عليها بتقول ايه 

منى 

انا بعمل كل ده علشان اثبت لك ان انا لسه بحبك وعاوزك تحبني ونرجع نعيش مع بعض حياه هاديه وجميله عشان نعرف نربي ابننا كويس 

واول دليل على كده انا عرفت مكان الخزنه بتاعه مروان اللي عين فيها كل الاوراق المهمه وكل الصفقات المهمه ومستني مروان يقوم بالسلامه علشان هو اللي يمسك كل ده 

سليم 

طب والكلام ده عرفت منين  المنشاوي عمري بيقول الكلام ده لحد ابدا انا عارف جدى المنشاوي كويس 

منى 

وعرفت حاجات كتير قوي وكمان المنشاوي سره كله مع جميله ويروح كل يوم يفضفض لها الكلام ويقول لها على كل حاجه اصبر بقى عليا لحد ما تكتك واعرفك كل حاجه عشان تبقى انت اللي في ايديك كل اللجام

سليم 

ماشي وانا موافق اعرفي لي كل حاجه وليكي عليا هعمل لك كل اللي انت عاوزاه بس تعرفيه لي كل الاسرار اللي ما بين جميله والمنشاوي 

منى 

من عيوني الاتنين يا حبيبي انا اهم حاجه عندي انت يا سليم اهم حاجه ان انت تكون كويس معايا 

وفي الوقت ده سمر كانت واقفه وسمعت كل حاجه وقالت لنفسها

قصاد باب اوضه سليم 

سمر في نفسها 

ايه ده انت ازاي عرفتي كل الكلام ده يا منى يا نهار اسود ومنيل هو دايما كده كل لما بتخش البيت بتتقلبوا العقارب ليه كده بس صحيح ما انت حماتك شيماء لازم تكوني اوحش من كده 

وفي الوقت ده المنشاوي رجع من الشركه وسال على شيماء لكن هي مش موجوده في الفيلا من امبارح وسليم قال 

سليم 

انا مش عارف هي فين يا جدي حتى تليفونها مقفول انا مش عارف اي حاجه ربنا يسترها 

سمر

ما تخافش عليها قوي كده يا سليم امك بسبعه ارواح يا حبيبي استحاله يكون حصل لها حاجه 

وفي الوقت ده كانت خلود راجعه من بره وكانت متوتره جدا وسمر قالت لها 

سمر 

كده يا خلود هو انت كنت فين وراجعه متاخر كده ليه 

خلود 

كنت بجيب حبه حاجات من الفندق 

المنشاوي 

طب مالك يا بنتي متوتره كده ليه في حد مخوفك ولا ايه 

خلود 

لا يا جدي كل الحكايه ان انا افتكرت جوزي الله يرحمه ومن ساعتها وجسمي عمال يترعش وخايفه قوي 

المنشاوي 

ربنا يصبرك يا حبيبتي ما تخافيش انت هنا معانا ومش هتحس بالوحده ابدا 

خلود 

ربنا يخليك يا منشاوي بيه شكرا جدا لحضرتك عن اذنك انا هطلع انام 

وبعديها خلود طلعت تنام 

اما في النادي عند مراد رنا راحت وقالت له 

في النادي 

رنا 

مراد يا ريت ما تزعلش مني انا مش جاي اعتذر ولا جاي اقول لك سامحني انا جاي اقول لك ان انا اتغيرت وانا عارفه ان انت اول واحده تفرح بالتغيير ده 

مراد

اتمنى يكون التغيير ده من قلبك مش وقت قصير ويروح لحاله على العموم انا هفرح لك ان انت تبقي كويسه 

رنا 

وبصراحه انا محتاجه حد يبقى كويس اتكلم معاه وفضفضله وما فيش غيرك يا مراد حتى على الاقل نبقى اصحاب 

مراد

انت في الوقت اللي خليتيني فيه افتح لك قلبي كسرتيه يا رنا لو سمحتي ابعدي عني ولا عاوزين نكون صحاب ولا احباب 

رنا 

ليه كده يا مراد على العموم انا كده اطمن عليك وافرحك ان انا اتغيرت عن اذنك 

وكانت رنا بتجري من قدام وهي زعلانه وعماله تعيط وكانت بتقرا كانت فيها عربيه هتخبطها ومراد لحقها واخذها في حضني وقال 

مراد 

خلي بالك يا رنا العربيه كانت هتخبط 

رنا 

يا ريتها خبطتني وارتحت من اللي انا فيه يا مراد 

مراد 

بعد الشر عليك ما تقوليش كده من بكره عاوز اشوفك في التمرين مع اصحابك عشان تخشي معانا البطوله وتكسبيها 

رنا بفرحه 

حاضر يا مراد كل اللي انت عاوزه انا هعمله بس اهم حاجه مش عاوزاك تزعل مني وعاوزاك تحبني 

مراد 

انت كويسه دلوقتي يا رنا خلي بالك من نفسك 

وبعديها مراد مشي وراح النادي ورانا عرفت ان هو لسه زعلان منها بسبب اللي هي عملته 

اما في الفيلا سمر دخلت عند جميله الاوضه

في اوضه جميله 

جميله 

اهلا بك يا سمر هانم صدقيني مش انا اللي قتلت 

ولسه جميله هتكمل كلامها سمر حاطط ايديها على بقها وكتمت نفسها 

وبعد كده حصل........

انتظرونا في الحلقه القادمه

المنتقبه الجميله داخل القصر 

الحلقه الرابعه عشر 

ولسه جميله هتكمل كلامها سمر حاطط ايديها على بقها وكتمت نفسها 

وجميله قعدت تزق ايديها وتقول لها سيبيني سيبيني انا ما عملتلكيش حاجه حرام عليك 

وسمر خرجتها بره الاوضه وقالت لها 

بره اوضه الجميله 

سمر 

افهمي يا غبيه انا مش قصدي ااذيك ولا اعمل فيك حاجه كل حكايه اني منى مرات  سليم اللي فاكرينها غلبانه وبريئه طلعت تعبانه وعقربه وفعلا تستاهل بيت العقارب 

جميله 

ليه هي عملت ايه لكل ده انا ما شفتش منها اي حاجه وحشه 

سمر 

لا يا حبيبتي هتشوفي قريب قوي منها كل الوحش واول حركه وحشه عملتها معاكي دخلت قصتك وزرعت سماعات عشان تسمع كل حاجه بتقوليها وعرفت كل الاسرار اللي المنشاوي قالها لك على مروان وعلى الخزنه السريه بتاعته 

جميله بصدمه

ايه اللي انت بتقوليه ده يا سمر هانم يا نهار ابيض منى تعمل كده هو انا عملت لها ايه يا ساتر يا رب على بيت العقارب واللي بيطلع منه 

طب وانت عرفتي منين كل ده 

سمر 

انا هحكي لك على كل حاجه يا جميله 

وبدات سمر تحكي على كل حاجه 

                         فلاش بااااك 

سمر كانت واقفه وسمعت كل حاجه من سليم ومنى وسليم قال لمنى 

سليم 

انا بقى عاوز اعرف عرفت كل الكلام ده منين يا اروبه يا سوسه انت 

منى شاورت على ودنها وقالت 

منى 

كله هنا وسمعه كل حاجه 

سليم 

قصدك ايه يعني كله هنا اوعي تكوني بتشاوري على مخك والذكاء انت اصلا عديمه الذكاء 

منى 

ذكاء ايه وبتاع ايه يا سليم كل الحكايه ان انا دخلت عند جميله العبيطه وحطيت لها سماعه عشان اسمع كل حاجه هي بتقولها ولسه الايام الجايه احلى واحلى 

سليم 

يخرب بيتك ايه دماغك الشيطانه دي ده انا يعني الموضوع ده ما جاش في دماغي خالص صحيح ما ينفعش الواحد يستهون بواحده ست 

منى 

انا بعمل كل ده عشانك انت يا حبيبي والله عشان ترجع تحبني زي زمان 

                          بااااااااك 

سمر 

هو ده كل اللي حصل ودلوقتي المطلوب منك ان انت تدوري في كل مكان على اوضتك لحد ما تلاقي السماعه واوعي تتكلمي في اي سر في الاوضه سامعه ولا لا 

جميله 

انا خايفه قوي يا سمر هانم انا بجد مرعوبه البيت ده صعب وما لقيتش حد كويس فيه لحد دلوقتي غيرك انت وجدي المنشاوي وطبعا مروان 

سمر 

اهدي يا جميله اكيد كل حاجه هتتحل ده حتى شيماء احنا مش لاقيينها من امبارح واكيد وراها لغز كبير 

جميله 

شيماء دي اكتر واحده شيطانه في البيت  لو مشيت من الفيلا فعلا كلنا هنرتاح منها هي وابنها 

وبعديها بشويه خلود تيجي  وتاخد جميله وسمر في الجنينه ويروحوا يقعدوا شويه وخلود تقول 

في الجنينه 

خلود 

الجو جميل قوي في الجنان ليه ما نجيش نقعد هنا كل يوم ونفضفض لبعض على كل حاجه دى الدنيا بسيطه قوي

سمر 

بسيطه في نظرك انت يا خلود لان انت انسانه بريئه وكويسه اما في بيت العقارب ده الدنيا مش بسيطه خالص 

خلود 

انا عاوزه اعرف شيماء راحت فين دي فص ملح وداب 

جميله 

ربنا يسترها في حاجات كتير قوي بتحصل في البيت انا مستغربه ده حتى التليفون بتاعي انا مش لاقياه من امبارح مش عارفه اروح فين جيت ارن عليه لقيته مقفول يا ترى وقع مني بقى ولا ايه مش عارفه 

سمر 

طب انا هقوم يا خلود انا جميله عشان نبص على مروان يلا يا جميله نبص على مروان وندور على اللي احنا بندور عليه 

جميله 

حاضر 

وفعلا سمر وجميله راحوا اوضه مروان وقعدوا يدوروا يدوروا لحد ما لاقوا السماعه 

في اوضه جميله 

جميله 

اهي لقيتها يا سمر هانم الحمد لله دي طلعت حطاها تحت الترابيزه ايوه فعلا في الوقت ده منى طلبت مني كوبايه ميه ورحت اجيبها لها ولما اديتها لها ما شربتش منها حاجه اتاري كانت بتمشيني عشان تحطي السماعه هنا 

سمر 

وهتعملي بيها ايه يا جميله 

جميله 

انا عارفه انا هعمل ايه بسماعه كويس قوي 

وبعد كده جميله هتروح اوضه منى وتقول لها 

في اوضه منى 

جميله 

ازيك يا منى عامله ايه انا قلت اجي ارد لك الزياره بس قلت ما ينفعش اجي لك وايدي فاضيه امسكي السماعه يا حبيبتي اللي انت كنت حاطاها في اوضتي 

منى بتوتر 

سماعه ايه واوضه ايه انا مش عارفه اي حاجه هو انت عاوزه تلبسيني مصيبه ولا ايه يا جميله 

جميله 

خلاص بقى يا منى سمر هانم شافتك انت وسليم وانتم بتتكلموا وسمعت كل حاجه ليه عملت كده يا منى هو انا اذيتك في ايه عشان تاذيني 

منى 

انا ما ليش دعوه بحد في البيت ده انا اهم حاجه عندي مصلحتي ومن ساعه ما دخلت الفيلا دي ولقيت كله بيقول يلا نفسي اشمعنى انا يعني ايه اللي هبقى كويسه كفايه اللي انا شفته 

جميله 

بس المفروض كنت تكوني احسن من كده وافضل من كده لكن انت اللي اخترت الطريق الشر 

منى 

لو سمحت يا جميله انا مش عاوزه منك اي نصيحه شكرا جدا انا اللي شفته في حياتي والذل اللي شفته في حياتي يخليني اعمل اكتر من كده 

 جميله 

يا خساره يا منى بس ده مش مبرر يخليكي تؤذي واحده ما عملتلكيش حاجه لو سمحتي ما اشوفش وشك في اوضتي ثاني عشان ما اقولش لحد على اللي حصل 

وبعديها جميله خرجت وراحت اوضتها

اما في بيت مصطفى كان قاعد وبيكلم رنا وبيقول لها 

في بيت مصطفى 

مصطفى 

وبعدين يا رنا انا قالب الدنيا على امك مش لاقيها هي راحت فين يا بنتي حتى تليفونها مقفول انا خايف قوي ليكون حصل لها حاجه 

رنا 

بعد الشر عليها يا بابا فال الله ولا فالك ان شاء الله مش هيكون حصل لها حاجه هتكون بس تليفونها فصل شحن وهي شويه وهتيجي 

مصطفى 

لا لا انا مش مطمن انا هستنى النهارده ولكن بكره لو ما جتش هروح اعمل محضر في القسم على غيابها ده وربنا يستر 

رنا 

انا كمان خايفه يا بابا انا كلمت كل اصحابها وقالوا لي ان هم ما شافوهاش النهارده حتى كمان ما راحتش النادي النهارده انا ما اعرفش هي راحت فين بس ان شاء الله يكون تليفونها فاصل شحن وشويه وتخش علينا ونطمن عليها 

مصطفى 

يا رب يا بنتي يا رب

اما في اوضه خلود كانت بتتكلم في التليفون وبتقول 

في اوضه خلود 

خلود 

الله يخليك انا عملت كل اللي انت عاوزه بس اهم حاجه سيرتي ما تجيش في الموضوع وكل اللي انا عاوزاه منك ان فلوس جوزي ترجع لي انت عارف ان انا مش قد الناس دي هو من ساعه ما مات وانا مش عارفه اخد منهم اي حاجه 

في الوقت ده دخلت عليها سمر وخلود قالت 

خلود 

طيب ماشي سلام سلام هكلمك بعدين ماشي هبقى اجي اعمل شعرى في الكوافير 

سمر 

مالك يا خلود اول ما دخلت عليك قفلت السكه على طول كده واتوترت مره واحده هو في حاجه ولا ايه 

خلود 

هيكون في ايه يعني يا سمر ما فيش حاجه ده انا كنت بكلمك كوافير بيقول لي ما جيتيش ليه عملت شعرك قلت له هبقى اجي 

سمر 

بصراحه كده انت مش عاجباني من امبارح حاسه ان انت مخبيه عني حاجه كده برده يا خلود تخبي عن اختك حبيبتك 

خلود 

وانا هخبي ايه يعني بس يا سمر انت اللي مكبره الموضوع على الفاضي يا حبيبتي المهم هي جميله عامله ايه هروح اطمن عليها 

وبعديها خلود ثابت سمر وراحت تطمن على جميله وسمر قالت في نفسها 

سمر في نفسها 

لا يا خلود انت مخبيه حاجه وانا متاكده من كده بس هفضل وراكي لحد ما اعرف انت مخبيه ايه 

اما سليم كان عمال يدور على امه زي المجنون وعمال يدور عليها في كل حته وراحه عمل محضر كمان بسبب غيابها لكن ما لقيهاش وراح عند كل اصحابها وكان متوتر ومتاكد ان غياب مامته وراه سر يا يخوف

اما خلود راحت عند جميله الاوضه وطلبت منها 

في اوضه جميله 

جميله

اهلا بك يا خلود 

خلود 

معلش يا جميله ممكن اطلب منك طلب يا حبيبتي انا بس عاوزاكي تطلعي دلوقتي وتجيبي لي حاجات من الصيدليه المندوب بتاعهم مش موجود وانا عاوزه الدواء ده ضروري 

جميله 

انت ممكن تقولي لسعديه تروح تجيب لك الدوا ده ما فيهاش اي مشكله 

خلود 

انت متعلمه وفاهمه وهتعرفي تجيبي لي الدوا الصح معلش يا جميله هتعبك معايا يا حبيبتي حقك عليا 

جميله 

ما فيش مشكله يا خلود هلبس النقاب بتاعي وانزل اروح الصيدليه اجيب لك اللي انت عاوزاه والف سلامه عليك يا حبيبتي 

خلود 

ربنا يخليك ليا يا جميله 

وبعد كده يا جميله بتلبس النقاب وبتخرج بره الفيلا علشان تجيب الدوا لجميله من الصيدليه وبتغيب وقت طويل عشان الصيدليه بعيده شويه 

في الوقت ده المنشاوي روح البيت 

وسليم اول ما شافوا قال 

في الفيلا 

سليم

للدرجه دي يا جدي انا رخيصه عندك قوي كده ولا عشان ابويا ميت مش عايش ليه ما حدش فيكم سال عليها ولا افكر يدور عليها انا اللي عمال ادور عليها زي المجنون 

المنشاوي 

انا مش هحاسبك على الكلام الفارغ اللي انت بتقوله ده يا سليم ومين قال لك ان انا ساكت يا ابني انا قالب عليها الدنيا ومش لاقيها في اي مكان وربنا يسترها انا مش متفائل خير في غياب شيماء 

سليم 

قصدك ايه يا جدي ان انا امي ممكن يكون بعد الشر حصل لها حاجه لا لا ما تقولش كده هي ان شاء الله هتكون كويسه بس انا هتجنن هي راحت فين بس 

في الوقت ده جميله جت من الصيدليه وقالت 

جميله 

حمد لله على سلامتك يا جدي 

المنشاوي 

كنت فين يا جميله وايه الشنطه اللي معاكي دي 

جميله 

كنت في الصيدليه يا جدي بجيب حاجه لخلود عشان تعبانه شويه 

المنشاوي 

طب تعالي يلا نروح نطمن على مروان انا وانت مع بعض 

سليم 

هو ده اللي همك يا جدي مروان وصحه مروان وحياه مروان اما انا وامي في 60 داهيه ولا نفرق معاك كثر خيرك يا جدي انا هدور على امي بنفسي مش محتاج حاجه من حد 

وبعديها سليم مشى عشان يدور على امه ثاني 

وبعديها جميله والمنشاوي طلعوا فوق في اوضه مروان والمنشاوي خد جميله في حضنه وقال لها 

في اوضه جميله 

المنشاوي 

تعالي يا حبيبتي مالك زعلانه كده ليه 

جميله 

تعبانه يا جدي وقرفت وزهقت كل اللي بيخش البيت ده بيبقى عقارب وفعلا صدق اللي قال البيت ده بيت العقارب 

المنشاوي 

ايوه يا بنتي عندك حق في كل كلمه قلتيها البيت ده بيت العقارب بس اعمل ايه انا بحاول الم احفادي في حضني 

جميله 

ربنا يخليك ليا يا جدي انا من غيرك كنت اتبهدلت في البيت ده وكان الناس كلها بهدلتني 

المنشاوي 

ما تقوليش كده يا جميله انا معاكي يا حبيبتي وبكره مروان يفوق ويقوم بالسلامه ويبقى زي الفل ويقف لاي حد يكلمك ويزعلك 

جميله 

امتى بس يا جدي يا رب يقوم بالسلامه يا رب يفوق نفسي اسمع صوته نفسي 

والول مره مروان يفوق ويقول 

مروان 

اه جميله جميله 

جميله بصدمه 

الحق يا جدي ده مروان بجد اتكلم وفاق حلم ده ولا علم انا مش مصدقه نفسي 

المنشاوي بفرحه 

يا ما انت كريم يا رب انا لازم اكلم الدكتور حالا يجي يشوف التغييرات الجميله اللي حصلت دي احمدك يا رب واشكر فضلك 

جميله 

انا هروح انادي حماتي دي هتفرح قوي 

وجميله راحت عند سمر اوضتها وقالت لها 

في اوضه سمر 

جميله 

هو انت لسه نايمه قومي بسرعه انت مش سامعه الفرحه اللي احنا فيها 

سمر 

في ايه يا جميله وازاي تخش كده من غير ما تخبطي علي 

جميله 

قومي يا حماتي قومي ده مروان قام بالسلامه وسمعتي صوته لاول مره في حياتي مروان اتكلم صدقينى قومي بسرعه عشان تشوفيه 

سمر بلهفه 

انت بتقولي ايه يا جميله انا ابني مروان اتكلم انا ابني مروان قال حاجه انا ابني مروان فاق 

يا ما انت كريم يا رب يلا يا بنت نشوفه بسرعه 

وفعلا سمر وجميله راحوا الاوضه والمنشاوي كان قاعد عمال يعيط وماسك ايد مروان وعمال يبوس فيها ويقول له حمد لله على السلامه يا حبيبي 

في اوضه جميله 

جميله 

اهو مروان اهو يا حماتي اتكلمي مروان قول اي كلمه 

مروان 

يا جميله يا جميله 

سمر 

يا حبيبي يا ابني حمد لله على سلامتك يا حبيبي كده برده يا مروان اول ما تفوق تفوق على كلمه جميله اخص عليك اخص انت كده هتخليني اغير منها 

جميله 

انا راضيه يقول اي حاجه بس يقوم بالسلامه 

المنشاوي 

اصيله يا جميله كل يوم بتاكد ان انا كان عندي حق لما اخترتك عروسه لمروان 

سمر 

ايه الهيصه اللي تحت دي تعالي يا جميله نشوف في ايه 

سمر وجميله نزلوا الفيلا ولقوا الظابط واقف وبيقول 

في صاله الفيلا 

الظابط 

فين مدام جميله 

جميله 

يادي النيله السوداء هو كل حاجه بتحصل ابقى انا انا اهو يا حضره الظابط خير في ايه 

الظابط 

اتفضلي معايا انت متهمه بقتل مدام شيماء 

سمر 

ايه ازاي الكلام ده مستحيل 

سليم دخل من الفيلا على الكلمه دي وقال 

سليم 

نعم انت بتقول ايه  يا حضره الظابط انا امي ماتت طب ازاي وايه اللي حصل ومين موتها ده انا هشرب من دمك يا جميله 

الظابط واقف قصاده وقال 

الظابط 

انت مالك اعصابك يا استاذ سليم بس انت لازم تيجي معانا دلوقتي يا مدام جميله انت متهمه بقتل شيماء 

المنشاوي نزل من على سلم الفيلا وقال 

المنشاوي 

طب وايه هو الدليل يا حضره الظابط 

الظابط 

لقينا تليفون جميله واقع جنب جثه شيماء ولما دخلنا على الوتس لقينا بينهم مكالمات واني جميله بتهدد شيماء انها تموتها وهترميها في الصحراء جنب الكلاب 

وفعلا لقينا شيماء ميته ومرميه في الصحراء جنب الكلاب 

الظابط 

خدوها وهاتوها على القسم

وبعد كده الظابط خد جميله وراح بيها القسم 

وبعد كده حصل .......

انتظرونا في الحلقه القادمه

المنتقبه الجميله داخل القصر 

الحلقه الخامسه عشر 

الظابط 

خدوها وهاتوها على القسم

وبعد كده الظابط خد جميله وراح بيها القسم 

والظابط خد جميله وكل اللي في الفيلا كانوا واقفين مصدومين من اللي حصل لكن لما سمعوا صوت مروان وهو عمال يقول فين جميله فين جميله طلعوا جري على اوضه مروان وسمر قالت 

في اوضه مروان 

سمر 

اهدى بس يا مروان يا حبيبي في بس سوء تفاهم بسيط وجميله الظابط جه اخدها وما تقلقش هي هتطلع على طول اكيد في حاجه غلط 

مروان 

انا عاوز جميله خلوها تيجي دلوقتي حالا البنت دي استحملت عشاني كثير قوي البنت دي انا نفسي اشوفها واقعد اتكلم معاك واعرف هي ليه استحملت كل ده

المنشاوي 

اهدى بس يا حبيبي انا دلوقتي هاخد محامي وهروح القسم ومش هرجع غير وجميله معايا ريح نفسك يا اجمل حاجه في الدنيا الحمد لله ان انا سمعت صوتك قبل ما اموت 

خلود 

الحمد لله يا مروان احنا كلنا كنا زعلانين عشانك قوي ربنا يديك الصحه وتقوم بقى كده يا حبيبي وتمشي على رجلك من تاني 

سليم 

الله الله صحيح ما هو الحيله فاق من الغيبوبه اللي هو كان فيها يبقى كده خلاص هتنسوا سليم وهتنسوا امي وهتنسوا كل حاجه انا كنت عارف ان دايما مروان هو اللي في قلبكم مش انا بس انا مش هسكت وهجيب حقه وامي بنفسي 

المنشاوي 

خدي يا منى يا بنتي وهديه شويه عشان الكلام ده ممكن يزعل ناس كثير منه هو مش واخد باله هو بيقول اى

سليم 

لا يا جدي انا واخد بالي كويس قوي انا بقول ايه انا بقول ان انت من يومك وانت ظالم ودايما بتفرق بيني انا ومروان وكل حاجه مروان 

منى 

يلا بينا يا سليم عشان جدي ما يزعلش منك اهدى يا حبيبي تعالى بس نروح اوضتنا ونتكلم هناك 

وبعد كده منى وسليم خرجوا من الاوضه

المنشاوي راح يجيب محامي عشان يروح لجميله 

اما كريم دخل الاوضه وقال 

كريم 

انا سمعت ان مروان ابني فاق الكلام ده صح

سمر 

خدي حاجه تفرق معاكي يعني اذا كان فاق ولا ما فاقش انت يا كريم موجود معانا كانك مش موجود 

كريم 

الله يخليك يا خلود قولي لاختك سمر بكفايه نكد انا تعبت وجات لي حاله نفسيه من النكد

خلود 

طب تعالي يا سمر اطلع انا وانت بره نشم شويه هوا ونسيب كريم يقعد مع مروان براحته ويتكلم معا

مروان 

هو انت كنت مسافر يا بابا ولا كنت فين انا اللي كنت بسمع صوتهم جميله وامي وجدي وبس عمري ما سمعت صوتك جنبي 

كريم 

انا ما كنتش اقدر ادخل اشوفك وانت تعبان كده يا مروان 

سمر 

يا ريت تبطل كدب شويه بقى يا كريم هو انت كنت فاضي لابنك ولا كنت فاضي الحريم اللي انت عارفهم 

خلود 

خلاص يا سمر مش وقته الكلام ده انا هروح بسرعه اجيب حاجه من اوضتي وابقى اجي لك على الجنينه يلا بقى نخرج من هنا 

وفعلا سمر راحت تستنى خلود في الجنينه لكن اتاخرت فراحت سمر لخلود الاوضه بتاعتها ولسه هتخش عليها الاوضه اتصدمت من الكلام اللي هي سمعته 

في اوضه خلود 

خلود بيكلم محمود الصياد في التليفون وبتقول له 

خلود 

لا يا صياد انا ما ليش دعوه انا عايزه فلوس انا عملت لك كل اللي انت عاوزه وجبت لك تليفون جميله لحد عندك اهو ممكن بقى تجيب لي كل فلوسي 

الصياد 

بقول لك يا خلود مش عاوز وجع دماغ قلت لك هبقى اديك فلوسك خلصنا اول ما البنت اللي اسمها جميله دي هي اللي تدبس في القضيه

القضيه تتقفل على كده الفلوس كلها هتكون عندك 

خلود 

لا يا صياد انت لما فكر نفسك ان انت تعرف تضحك عليا تبقى غلطان انت عارف ان انا ممكن اوقعك واخد حقي منك ومسجله لك تسجيلات وهديك في 60 داهيه فهات لي فلوسك احسن لك 

الصياد 

طبعا هو انت فاكراني مصدوم باللي انت بتقوليه ما انت عقربه ودخلت بيت العقارب قلت لك خلاص مش عاوز وجع دماغ فلوسك هتكون عندك امتى وازاي اصبري يومين كده 

سمر 

دخلت عليها بسرعه وهي مصدومه وقالت 

ايه اللي انا بسمعه ده 

خلود قفل التليفون مع صياد بسرعه وقالت

خلود 

انت هنا من امتى يا سمر وازاي تقفى تتجسسي عليا بالطريقه دي او انت شايفاني صغيره ولا ايه

سمر 

ما تغيريش الموضوع يا خلود وعرفيني ايه المصيبه اللي انت عملتيها دي يعني انت اللي عملت كده في جميله ودبستيها في القضيه دي حرام عليك هي عملت لك ايه  لكل ده 

خلود 

غصب عني والله يا سمر غصب عني الله يخليك ما تبلغيش عني وما تعرفيش حد ان انا اللي عملت كده وانا هحكي لك على كل حاجه 

وبدات حق خلود تحكي على كل حاجه 

                        فلاش بااااك 

خلود لما جوزها مات ونزلت من السفر ومش عارفه تاخد فلوسه اللي في بلاد بره راحت لمحمود الصياد وقالت له 

في بيت الصياد 

خلود 

ازيك يا محمود انا عاوزه منك خدمه طبعا انت واشرف جوزي اصحاب من زمان وانت عارف الناس اللي كان بيشتغل معاهم ممكن تجيب لي كل فلوس اشرف من عندهم انا مش عارفه اخد اي حاجه منهم والفلوس كثير جدا 

الصياد 

تحت امرك يا خلود طبعا انت اختي ومرات اخويا واقف جنبك بس خدي بالك ان الدنيا هات وخد

خلود 

يعني ايه مش فاهمه عاوز يعني نسبه من الفلوس ولا ايه 

الصياد 

لا لا فلوس ايه عاوزك تدخلي بيت المنشاوي وتتزرع فيه وتعرفيني كل اخبارهم واول ما الاقي اليوم المناسب اللي انت تردي لي في الجيميل هجيب لك فلوسك من الناس دي 

خلود 

بقول لك يا صياد انت عارف ان انا من يومي ولا دغري وما بحبش اللف والدوران هتساعدني ولا لا 

الصياد 

خلاص الكلام ما فيش قدامك حل غير ان انت تسمعي كلامي عشان الناس دي خطيره جدا ومش هتديك فلوسك بالسهوله دي 

خلود 

ماشي يا صياد بس الله يخليك اوعى تنساني وهات لي كل الفلوس انا مش هينفع اعيش شحاته كده 

وبعد مده طويله الصياد كلم خلود في التليفون وقال لها 

الصياد 

ايوه يا خلود انا عرفت هتردي لي الجميل ازاي انا عاوز دلوقتي تليفون جميله مرات مروان حفيد المنشاوي 

خلود 

طب وعاوزه ليه عشان ايه 

صياد 

مش عاوز كلام كثير اعملي اللي انا هقول لك عليه وخلاص وكمان لازم تخرجيها تجيب حاجه من بره في الساعه اللي انا هقول لك عليها 

خلود 

ايه الخوف الرعب ده انت في ايه يا صياد ناوي على ايه 

الصياد 

هو ده اللي عندي بعد ساعه زمن تقابليني تديني تليفون جميله لاما كده لاما ما فيش اي فلوس بتاعه جوزك هتجيلك 

خلود 

خلاص يا صياد  هقابلك بعد ساعه فين واجيب لك التليفون 

وفعلا خلود دخلت اوضه جميله وهي كانت في الحمام واخذت تليفونها وراحت اديته للصياد 

                           بااااااك

خلود

هو ده كل اللي حصل يا سمر الله يخليك ما تبلغيش عني وما تعرفيش حد اي حاجه غصب عني صدقيني عشان عايزه فلوس جوزي 

سمر 

غصب عنك ايه وزفت ايه انت ليه تدخلي واحده بريئه ومظلومه السجن حرام عليك منك لله انت والصياد  وما تخافيش انا مش هبلغ عنك مش عشان سواد عيونك لا عشان للاسف انت اختي لكن هقف جنبي جميله لحد ما تطلع من المحنه اللي هي فيها

خلود 

ربنا يخليك ليا يا سمر يا اختي 

سمر 

ابعدي عني اوعي تحضنيني واوعي تفكري تخشي اوضه مروان تاني وكلها اسبوع الصياد يجيب لك فلوسك وتغوري من هنا ما اشوفش وشك تاني يا خلود سامعه ولا لا 

خلود 

حاضر يا سمر 

اما عند مصطفى ويارا عمالين يدوروا على مديحه ومش لاقيين اي اثر ليها وشك ان في حد موتها او عمل فيها حاجه هو بداوا يسالوا في المستشفيات وفي كل حته علشان يلاقوها لكن مصطفى كان قلبه مش مطمن وحاسس ان في مصيبه ورا غياب مديحه 

اما في القسم عند جميله المنشاوي راح ومعاه المحامي بتاعه قال 

في القسم 

المنشاوي 

يا حضره الظابط انا متاكد اني جميله مظلومه وما تعملش كده ابدا 

الظابط 

كله في التحقيقات هيبان يا منشاوي 

وبعديها بشويه عسكري جاب جميله وجميله قالت 

جميله 

الحق يا جدي هو انا كل شويه اقع في مصيبه 

صدقني يا حضره الظابط انا ما اعرفش اي حاجه عن تليفوني ده من ساعه ما ضاع وانا عملت عليه محضر في القسم علشان الاقيه 

المحامي 

قولي كده تاني يا مدام جميله انت قلتي ايه يعني التليفون اللي ضاع منك اول ما تقع انت عملت محضر بفقدانه 

جميله 

ايوه عملت محضر وكمان ورقه المحضر معايا هناك في البيت 

الظابط 

طب وليه ما قلتيش الكلام ده من ساعه ما جيتي هنا يا جميله المحضر اللي انت عملتيه ده يبرقك على طول يبقى مش انت اللي عملتي كده في شيماء 

المنشاوي 

قلت لك يا حضره الظابط جميله دي مظلومه 

انا هروح بنفس البيت اجيب لك ورقه المحضر بتاعه التليفون عشان تثبتها في التحقيقات وجميله تروح معايا 

وفعلا المنشاوي جاب ورقه المحضر بتاعه التليفون اللي ضاع من جميله بعضيها الظابط افرج عن جميله 

والمنشاوي خد جميله وروح على الفيلا على طول 

وبعديها المنشاوي راح وخد جثه شيماء ودفنها وقال في نفسه 

المنشاوي 

كان نفسي اعيش معاك وحياه كويسه يا عيله المنشاوي ليه كده ليه بتروح وكل واحد ورا الثاني ليه بقيته عارف البركه في الباقي بقى 

بعديها روح الفيلا وكانت جميله فوق عند مروان واول مروان ما شافها قال 

في اوضه مروان 

مروان 

انت جميله ممكن ترفع النقاب عشان اشوف 

جميله رفعت النقاب بكسوف ومروان قال 

مروان 

ما شاء الله ايه الجمال ده انا كنت حاسس بيكي وكنت بسمع القران والادعيه اللي انت كنت بتقرايها لي قد ايه انت انسانه جميله وانا محظوظ ان انا متجوز زوجه زيك 

جميله 

حمد لله على سلامتك يا مروان ايوه كده شكل الايام هتضحك لي والدنيا تضحك لي قومي يلا عشان ترجع شغلك وترجع لحياتك الطبيعيه 

مروان 

طول ما انت جنبي هقدر اعمل كل حاجه 

في الوقت ده سمر دخلت وخدت جميله بالحضن وقالت لها

سمر 

جميله حبيبتي انا ما صدقتش نفسي لما المنشاوي قال لي ان انت خرجتي من القسم حمد لله على سلامتك يا حبيبتي انا ما كنتش هسيبك صدقيني 

جميله 

كل اللي انا عاوزاك تصدقي ان انا ما عملتش كده 

وما ليش ذنب في موت شيماء 

سمر 

مصدقاك يا حبيبتي 

كل حاجه دلوقتي خليكي جنب مروه وخدي بالك منه هروح اخد علاجي واجي لكم على طول

اما سليم دخل اوضه مروان وجميله قال 

في اوضه مروان 

سليم 

هو انت فاكره نفسك لما الحكومه طلعتك براءه انا هسيبك في حالك انا هاخد حقي امي من اللي عمل فيها كده وهوريكي ايام سوداء يا جميله 

مروان 

سليم انت اتجننت انت ازاي تكلم مراتي بالطريقه دي احترم نفسك واعرف ان انت بتكلم مرات اخوك الكبير 

سليم 

هي خلاص مش فارقه وهاخد حق امي وعليا وعلى اعدائي واللي يحصل يحصل 

منى 

تعالى بس يا سليم نطلع نتكلم بره انت متعصب يا حبيبي مش عارف انت بتقول ايه 

سليم 

ابعدي عني اوعي تفكروا ان الموضوع عدى كده بس لا ابدا ده انا مستني الوقت المناسب عشان اديكوا الضربه القاضيه اللي توقعكم الارض ما تخليكوش تقوموا تاني 

بعديها سليم خرج وسايب الفيلا كلها 

اما عند سمر دخلت علشان ده ياخد علاجها وفاتحه الدولاب لقيت تليفون استغربت وقالت 

في اوضه سمر 

سمر 

تليفون مين ده يا ترى 

وبعد كده سمر فتحه التليفون وعارفه ان هو تليفوني مديحه اللي مصطفى ويارا بيدوروا عليها وفاتحه التليفون من جوه لقيت فيه تسجيلات ما بين كريم ومديحه متفقين فيها على السرقه وعلى الحب وحاجات كثير وعارفه ان هو كريم اللي قتل مديحه واخذ منها تليفونها 

سمر 

لا يا كريم كده كتير جه الوقت المناسب اللي لازم تدفع الثمن على كل اللي انت عملته ده انا لازم اودي التليفون ده للحكومه عشان تعرف ان انت اللي موتت مديحه وكفايه لحد كده مصايب اللي انت بتعملها يا كريم ولازم تتسجن لازم وسجنك هيكون على ايديا ان شاء الله

اما اوضه خلود كلمه الصياد في التليفون وقالت له 

في اوضه خلود 

خلود 

بقول لك ايه يا صياد جميله طلعت براءه دي انا ما ليش ذنب فيها علشان طلعت ناصحه اول ما تليفونها ضاع راح عملت محضر بفقدانه انا عاوزه فلوسي ما ليش دعوه 

الصياد 

فلوس ايه وزفت ايه اللي انت بتتكلمي عليها يا غبيه اهي كده الحكومه هتكون عينيها علينا اكتر واكتر عشان كده ما اعرفوش مين اللي عمل كده 

خلود 

بقول لك ايه انا ما ليش دعوه هتديني فلوسي النهارده ولا اروح قسم الشرطه واعرفهم على كل حاجه وضربوا الاعور على عينه قال خربانه خربانه 

الصياد 

حلو قوي التهديد ده يا خلود ماشي قابليني في الكافيه اللي انا هبعت لك عنوانه وادخلي هتلاقي ترابيزه باسم الصياد اقعدي عليها واشرب العصير لحد ما اجي لك وهجيب لك معايا الفلوس ومش عاوز اشوف وشك ثاني سامعه ولا لا 

خلود 

انا اللي مش عاوزه اشوف وشك تاني ابعت العنوان وخلص

وبعديها الصياد ابعت العنوان لخلود وفعلا راحت الكافيه 

في الكافيه 

خلود قاعده على الترابيزه اللي باسم الصياد والجرسون نزل لها عصير اللي هي بتحبه 

وطبعا خلود شربت العصير لحد ما صياد يجي

ومره واحده خلود فقدت الوعي ووقعت على الارض 

وبعد كده حصل ..........

المنتقبه الجميله داخل القصر 

الحلقه الثانيه عشر 

مصطفى بضحك 

اوعى تفكر نفسك ان انت هتعرف تخش بيني وبين المنشاوي بيه وتوقع ما بينا غلبان قوي 

وبعد كده سليم قال

سليم 

انت بتتريقوا عليا ولا ايه لا انا مش فاهم اي حاجه انا لازم افهم 

مصطفى 

اه طيب يا سليم عشان اطلب لك يا حبيبي واحد ليمون بدل انت متوتر كده هو انا هفهمك واحكي لك كل حاجه 

وبدا مصطفى يحكي كل حاجه 

                         فلاش بااااك 

مصطفى خد الفلوس من مديحه بعد ما جابتها من البنك وراح بيها على مكتب المنشاوي وقال له 

فى الشركه في مكتب المنشاوي 

المنشاوي 

كويس ان انت جيت يا مصطفى في ورق كثير عاوزين نتكلم فيه ونشوف هنعمل ايه في الصفقات الجديده دي مالك يا مصطفى زعلان وحزين كده ليه 

مصطفى 

انا هقول لك على كل حاجه يا منشاوي بيه وحضرتك تحكم وانا راضي بحكمك ومش هزعل منك صدقني 

المنشاوي 

ايه اللي حصل يا مصطفى طمني 

مصطفى 

بصراحه كده طلع اللي سارق الفلوس من الخزنه هي مديحه مراتي طماعه ووحشه جدا انا معترف بكده وكان نفسي اطلقها بس ما قدرتش عشان خاطر رنا بنتي 

المنشاوي 

ازاي الكلام ده هي اصلا ازاي تعمل كده وايه الجراه اللي هي فيها دي دي ممكن كانت تخرب بيتك وتودي نفسها السجن في ثانيه دي طلعت غبيه جدا يا مصطفى 

مصطفى 

والفلوس اهي انا جبتها لحضرتك كامله بس كل الحكايه ان سليم بيه شاف الفيديو في الكاميرات ان مديحه هي اللي بتسرق الفلوس وبيهددني لا اما اشارك محمود الصياد في الصفقه اللي حضرتك راكنها على جنب لا اما يعرفك كل حاجه وتسجنو مديحه مراتي 

انا عرفت كل حاجه وراضي بحكمك 

المنشاوي 

حط الفلوس مكانها يا مصطفى انا عمري ما اسجن مرات ابني ابدا انت ابني يا مصطفى ومديحه دي طماعه وربنا يقويك ويعينك عليها 

مصطفى بفرحه 

بجد يا  منشاوي بيه يعني حضرتك مسامحني الله يبارك لك والله ده جميل انا عمري ما هنساه لك ابدا 

المنشاوي 

وطبعا محمود الصياد هيكلمك عشان يشوف اخبار الصفقه ايه يا ريت تعرفها ان سليم ده عيل صغير وما ينفعش ياخد على كلام عيل حفيد المنشاوي 

مصطفى 

تحت امرك يا منشاوي بيه انا رايح احط الفلوس في الخزنه وما تخافش مفتاح الخزنه انا بعد كده هسيبه في الشركه مش هاخده معايا البيت تاني متاسف ثاني مره على اللي حصل 

المنشاوي 

اهم حاجه ان مراتك تتعلم من غلطها وما تحطكش في مغرز وحش زي ده تاني عشان لو وقعت في ايد سليم ثاني مش هيرحمك انا عارف حفيدي كويس 

                          بااااااااك 

مصطفى 

هي دي كل الحكايه يا سيدي 

سليم بعصبية 

كده برده يا جدي هو انت بقى كده مفكر ان انت بتحافظ علينا وعلى مالنا واملاكنا بلا بالعكس انت مدخل الغريب بينا والغريب هيكوش على كل حاجه واحنا مش هيكون لنا اي حاجه 

المنشاوي 

اطلع بره يا سليم وروح على مكتبك انا عارف انا بعمل ايه كويس وثاني مره لو اتصرفت من دماغك وهددت حد علشان صفقات محمود الصياد انا هطردك انا هطردك من الشركه وابقى وريني هتشتغل فين 

سليم 

بقى كده يا جدي هي كمان وصلت ان انت تطردني من الشركه متشكر جدا 

وبعديها سليم خرج من مكتب مصطفى وداخل على مكتبه وهو متعصب جدا

وبعد شويه جميله جات الشركه علشان تطمن على ابوها وقالت 

في مكتب مصطفى المنشاوي كان قاعد معاه وجميله قالت 

جميله 

يا نهار ابيض ده انا حظي حلو اشوف بابا وجدي في مكتب واحد عاملين ايه 

المنشاوي 

ايه النور ده وانا اقول الدنيا والشركه منوره ليه اتاري ست البنات جميله الجميلات عندنا هنا في الشركه 

جميله 

ربنا يخليك ليا يا جدي ويبارك في عمرك وصحتك 

مصطفى خد جميله في حضنه وقال لها

مصطفى 

وحشتيني يا جميله من ساعه ما مشيتي من البيت والبيت بقى كئيب وما فيهوش اي بركه اعمل ايه ما هي البركه كلها مشت 

جميله 

ربنا يخليك ليا يا حبيبي وما انحرمش من كلامك الجميل ولا من طيبه قلبك دي ابدا 

المنشاوي 

طيب اسيبكم انا بقى واروح اشوف شغلي عشان اكيد جميله يا مصطفى جايه تبص عليك انت مش عليا انا انا لسه فاطر معاها من الصبح 

وبعديها المنشاوي خرج من المكتب وجميله قالت 

جميله 

انا جايه اشتكي لك من رنا يا بابا 

مصطفى 

انا اللي نفسي اشتكي لك من رنا ومن مديحه ومن اللي بيعملوه فيا يا بنتي مبهدلني ولا بيسالوا فيا  وكمان معتبر اني بنك فلوس ولا حد مهتم بصحتي زيك يا حبيبتي 

جميله 

يا حبيبي يا بابا ربنا يبارك في عمرك 

انا زعلانه من رنا قوي ومن مرات ابويا قوي بجد يا بابا هم زودوها معايا 

مصطفى 

طب هم عملوا لك ايه يا حبيبتي احكي لي 

جميله 

مش مهم اعملوا لي ايه المهم ان انا جيت اشوفك يا حبيبي وافض لك بالكلمتين دول انا كده برتاح 

مصطفى 

حقك عليا وما تزعليش مين اللي بيحصل لك هم متضايقين منك عشان انت احسن منهم الف مره

وبعديها جميله بعد ما خلصت زياره مع ابوها في الشركه روحت على الفيلا على طول عشان مش عاوزه تسيب مروان لوحده 

في الفيلا خلود اخت سمر جت علشان تزورها وسمر قالت لها 

في الفيلا 

سمر 

يا حبيبتي يا خلود ايه النور ده وحشتيني قوي كل المده دي ما اشوفكيش رجعت من السفر امتى 

خلود 

لسه راجعه يا سمر انا الدنيا جت عليا قوي والحزن مالي قلبي ومش عارفه اعمل ايه 

سمر 

يا نهار ابيض ليه يا حبيبتي ايه اللي حصل احكي لي 

خلود 

بعد ما سافرت انا وجوزي بكم سنه جات له جلطه وراح وساعتها عشت هناك لوحدي واتبهدلت قوي في الغربه ومش عارفه اعمل ايه لحد ما لقيت نفسي بحجز اول تذكره وجيت على عندك على طول علشان اترمي في حضنك يا اختي انا تعبانه قوي 

سمر خدت خلود في حضنها وقالت 

سمر 

ما تقوليش كده يا حبيبتي انت مش هتمشي اصلا من هنا انت هتعيشي معايا انت ما لكيش مكان يا خلود هتروحي فين طيب 

خلود 

بصراحه انا كان نفسي اقول لك كده من بدري عاوزه اعيش معاكي هنا في الفيلا مش عايزه اعيش لوحدي كرهت الدنيا كلها مش عارفه اثق في حد بس خايفه احسن المنشاوي بيه يزعل 

سمر 

منشاوي ايه بس اللي يزعل انت عارفه انه بيحبك قد ايه ده لما اتجوزتي وسافرتي زعل قوي ولما يجي من الشغل هيفرح ان انت هنا وهو كمان اللي هيقول لك تعيشي معانا 

خلود 

طمنيني يا سمر مروان عامل ايه دلوقتي 

سمر 

ادعي له يا خلود يقوم بالسلامه لحد دلوقتي في الغيبوبه وكل الدكاتره فقده الامل وقالوا ان هو ممكن ما يخفش ويفضل في الغيبوبه طول عمره

خلود 

لا يا حبيبتي ما تزعليش نفسك ان شاء الله هيقوم وهيبقى كويس وزي الفل 

سمر 

المنشاوي جوزه بنت منتقبه وكويسه يعني 

خلود 

هو ايه كويسه يعني دي يا سمر مش مرتاحه لك هتعملي فيها حماه من اولها ولا ايه 

تعالي يلا عشان اروح اشوف مروان واطمن عليه 

في الوقت ده كانت جميله وصلت اوضه مروان وقعدت جنب وبقت عماله تقرا له قران وتدعي له دعوات كثير 

ودخلت عليها سمر وخلود وكانت جميله رافعه النقاب واول ما خلود شافتها قالت 

في اوضه الجميله 

خلود 

ما شاء الله هي دي مراته يا سمر قد ايه انت جميله واموره جدا اسمك ايه يا حبيبتي 

جميله 

اسم جميله مين حضرتك 

خلود 

اسمك جميله وانت جميله فعلا اسم على مسمى انا ابقى خلود خالت مروان شكل صغير شويه لكن انا مش صغيره انا كبيره بس سني مش باين عليا وممكن نكون صحاب كمان 

جميله 

يا ريت انا نفسي اتعرف على حد واتكلم معاه 

سمر 

يلا يا خلود شوفي مروان واطمني عليه عشان نخرج من الاوضه دي 

خلود 

في ايه يا سمر انت عامله فيها حمى كده ليه دي البنت جميله واول ما شفتها انا ارتحت لها على طول 

سمر بعصبيه 

يا خلود قلت لك خلصي الناس مظاهر بس لكن لما تعشي الناس هتعرفي هم قد ايه وحشين ويرعبوا من جوه 

خلود 

طب خلاص عشان الموضوع ما يكبرش بينكم اكتر من كده يلا بينا يا سمر نخرج نروح اوضتك 

وهبقى اجي لك ثاني يا جميله 

وبعديها سمر وخلود خرجوا راحوا اوضه سمر 

وجميله قعدت تاني تدعي كثير لي مروان

اما منى خرجت من اوضتها وهي زهقانه وحيرانه ومش عارفه اتكلم مين وشافتها شيماء نازله من على سلم الفيلا وقالت لها 

شيماء 

يا سلام يا سلام ما بقاش غير الخدامين كمان ينزلوا جنبنا على السلم ايه اللي بيخرج من الاوضه بتاعتك يا بنت انت 

منى 

زهقت يا حماتي قلت اخرج اشوف الناس اللي في الفيلا او اقف في الجنينه ده بعد اذن حضرتك طبعا 

شيماء 

كلمه حماتي خارجه من بقك زي السم بقول لك ايه بطلي تلف وتدوري وبطلي تعيشي دور الضحيه مش عملتي اللي انت عايزاه ودبست ابني في الجوازه يبقى تغوري على اوضتك واعتبقي نفسك هنا خدامه زيك زي سعديه بالضبط ويلا غوري على المطبخ اعملي لي كوبايه قهوه 

منى 

حاضر يا حماتي 

شيماء 

يوه يخرب بيت غبائك انا اسمي شيماء هانم ما اسمعش منك كلمه حماتي دي سامعه ولا لا 

منى 

حاضر يا شيماء هانم

وبعديها منى راحت المطبخ وقفت جنب سعديه وقالت لها 

في المطبخ 

منى 

انت سعديه انا جايه علشان اعمل كوبايه قهوه لشيماء هانم 

سعديه 

يا ندمتي انت اللي هتعمليها بنفسك لا طبعا يا منى هانم انا اللي هعملها واجيبها لك لحد عندك

منى 

لا لا يا سعديه ما تتعبيش نفسك انا اللي هعملها وما تقوليش منى هانم احنا كلنا واحد يا حبيبتي بس بقول لك ايه هو مين هنا في البيت طيب وغلبان لان انا خايفه اتعرف على حد 

سعديه 

نصيحه مني يا حبيبتي لو عاوزه تتعرفي على حد غلبان وتقعدي معاه ما فيش غير الست جميله مرات مروان بيه طيبه وما فيش زيها في البيت ده كله ومش عارفه تسلم من المصايب بتاعتهم 

منى 

الله يطمنك يا سعديه وربنا يسترها 

بعديها منى خدت القهوه وراحت توديها لشيماء في الريسبشن وفي الوقت ده سمر وخلود شافوها وسما راحت وقالت 

في الريسبشن عند شيماء 

سمر 

يا جبروتك يا شيخه مخليه مرات ابنك الحامل اللي على وش ولاده تعمل لك القهوه بدل ما تخليها تنام على السرير وتستريح 

منى 

اتفضلي يا شيماء هانم القهوه اهي 

شيماء 

 اتنيلي حطيها وامشي من وشي 

سمر 

وكمان بتخليها تقول لك شيماء هانم يا سلام يا سلام 

شيماء 

بقلدك والله يا حبيبتي ما انت مخليه مرات ابنك تقول لك يا سمر هانم 

وايه ده مين عندنا في الفيلا خلود مره واحده عامله ايه يا خلود 

خلود 

انا مش كويسه خالص ايه اللي انتم عاملينه في البنات الناس ده انتم جايبينهم هنا تبهدلوهم ولا تعاملوهم كويس اهلهم مدخلينهم البيت ده امانه عندكم واحده تعاملها بطريقه وحشه والثانيه تعملها كانها خدامه انا الكلام ده ما يعجبنيش اصلا 

شيماء 

انت ما تعرفيش حاجه يا خلود البنات دي مش ولاد ناس اصلا دول ولاد خدامين وما ينفعش كانوا يخشوا ويقعدوا وسطينا بس نقول ايه النصيب 

سمر 

 اوعي تقارني نفسك بيا يا شيماء انا المنشاوي هو اللي غصبني على جوازك جميله وابني كان نايم على السرير لا حول بيه ولا قوه 

اما سليم ابنك هو اللي غلط بسبب سوء تربيتك وان انت ما ربيتهوش من اساسه عشان كده هو اللي جاب لنا البنت دي فاوعي تقارن نفسك بيا ولا بتربيتي لابني 

شيماء 

تصدقي خفت والله منك حتى لو انت ربيتي او ما ربتيش في الاخر بقينا واحد يا حبيبتي 

وانا هقوم اشرب قهوتي في اوضتي عشان مش عاوزه عكننه على الصبح 

وبعد شويه المنشاوي رجع من الشركه واول ما شاف خلود قال 

في الفيلا 

المنشاوي 

ايه النور ده خلود حبيبتي هنا حمد لله على السلامه جوزك ما جاش معاكي من السفر ليه 

خلود بدموع 

جوزي راح يا منشاوي بيه 

المنشاوي 

يا نهار ابيض صدقيني ما كنتش اعرف يا بنتي وانت دلوقتي عايشه فين وقاعده مع مين 

خلود 

انا اول ما جيت من السفر جيت على هنا على طول بس همشي النهارده واروح اقعد في فندق 

المنشاوي 

فندق ايه وبتاع ايه مش هيحصل الكلام ده انت هتقعدي هنا عندنا في الفيلا يا سعديه يا سعديه فضي الاوضه الكبيره لخلود هانم 

خلود 

ربنا يخليك يا منشاوي بيه شكرا جدا لحضرتك والله مش عارفه اشكرك ازاي 

المنشاوي 

تشكري مين ده انا عاوز اقعد معاكي وتحكي لي حكاويك بتاعه زمان يا خلود يا جميله انت

اما في شقه الصياد على السرير كانت شيماء نايمه جنب محمود الصياد وبتقول له 

في شقه الصياد 

شيماء 

وبعدين يا محمود انا الكلام ده تعبت منه خلاص احنا هنتجوز امتى انا مش دايما كده هاجي لك في السر 

محمود 

جواز ايه هي ام جواز ما حدش ضربك على ايدك وقال لك تعالي لي بقى برده على اخر الزمن هتجوز واحده قد امي ده انا قد سليم ابنك يا شيماء هانم 

شيماء 

تصدقي ان انت انسان قليل الادب وقليل الذوق كمان واشمعنى قلت الكلام ده دلوقتي بقى لي شهور وشهور باجي لك البيت هنا ولما قلت لك نتجوز تقول لي الكلام ده لا يا حبيبي انا مش هسكت بقى والملف اللي معايا هوديه لسليم ابني وهتروح في 60 داهيه فاحسن لك اتجوزني 

الصياد بعصبيه 

يعني الملف اللي انا مش لاقيه في الشقه انت اللي اخذتيه يا حراميه والله كنت شاكك فيك هاتي الملف احسن لك يا شيماء 

شيماء 

اكتب كتابك عليا واتجوزني قصاد الناس كلها وساعتها هديك الملف يا صياد وخد بالك الملف ده لو وقع في ايد سليم انت هتتسجن وقول على نفسك يا رحمن يا رحيم 

الصياد 

مسك شيماء ووقعها على الارض  على الترابيزه القزاز وكان جسمها كله بيجيب دم والصياد قال 

الصياد 

اوعي مفكره نفسك ان انا هسكت على كده لا طبعا انا لازم اخلص عليك النهارده يا شيماء 

وفعلا الصياد جاب المخده وكتم نفس شيماء 

وبعد كده حصل .........

انتظرونا في الحلقه القادمه

المنتقبه الجميله داخل القصر

الحلقه الثالثه عشر 

في بيت الصياد

الصياد 

اوعي مفكره نفسك ان انا هسكت على كده لا طبعا انا لازم اخلص عليك النهارده يا شيماء 

وفعلا الصياد جاب المخده وكتم نفس شيماء 

وهي قاعده تقاوم تقاوم علشان نفسها بقيت كده ومره واحده شيماء ماتت وما بقتش عماله تقوي الصياد شال المخده من على وشها ولقاها ماتت وقال في نفسه 

الصياد في نفسه 

يا نهار اسود ومنيل ايه المصيبه اللي انا جبتها لنفسي دي دي ماتت اه يا شيماء انا كنت عارف ان هي دي اخرتك تموتي زي الكلاب ولا لازم تدفني زي الكلام 

وبعديها صياد خد شيماء وحطها في العربيه بتاعته وراح بيها في مكان بعيد جدا ودفنها ورماها وقف قصاد جثتها وقال 

في الصحراء 

الصياد 

هو انت كنت مفكره نفسك هتقدري عليا ولا ايه عشان بس تعرفي ان اللي يهدد الصياد اخره بيموت موته الكلاب 

اما في الفيلا 

جميله كانت قاعده في اوضتها ولقت منى دخلت عليها وقالت لها 

في اوضه جميله 

منى 

عامله ايه يا جميله بصراحه البيت كله قال لي ان انت اطيب واحده هنا قلت اجي اقعد معاكي شويه انا خايفه من الناس اللي هنا قوي 

جميله 

ما تقلقيش يا منى انا كمان كنت خايفه منهم بس هتعملي ايه هتتعودي عليهم والف مبروك على الجواز وان شاء الله ربنا يهدي سليم عليك 

منى 

انت جميله قوي يا جميله ممكن تجيبي لي كوبايه ميه اصل انا عطشانه قوي 

جميله راحت تجيب لي وانا كوبايه ميه واديتها لها وبعد كده منى شربت وقالت 

منى 

انا بجد محتاره انت ليه صابره على مروان ليه مستحمله كل ده انت جميله قوي انا ما اعرفش ان انت بالجمال ده 

جميله 

الحمد لله نصيبي وانا راضيه بيه وانت منوراني وفي اي وقت لاقيه نفسك زهقانه تعالي واتكلمي معايا 

منى 

ربنا يخليك يا جميله شكرا جدا على ذوقك وعلى كلامك الجميل انا من ساعه ما جيت هنا والكل بيعاملني معامله الخدامين الا انت والمنشاوي بيه 

جميله 

جدي المنشاوي ده اصلا احسن حاجه في البيت ده كله بس معلش بكره تتعودي عليهم وربنا يبارك في النونو اللي في بطنك 

منى 

ربنا يخليك يا جميل مش عاوزه اطول عليك اكثر من كده انا هروح اوضتي ولو في اي حاجه اجي واتكلم معاكي 

وبعديها منى ثابت جميله وخرجت

اما عند رنا كانت قاعده في اوضتها زعلانه وعماله اتكلم نفسها وتقول 

في بيت مديحه 

رنا 

كده خلاص انا لازم اتغير ليه هنا بقى وحشه والناس كلها كويسين انا لازم ابقى كويسه زيهم كفايه اللي حصل وكفايه اللي انا خسرت مراد الفلوس ما عملتليش اي حاجه 

انا لازم اتغير وفعلا هتغير من دلوقتي 

وبعديها رنا قامت جهزت نفسها عشان هتنزل وهي خارجه من اوضتها مديحه قالت لها 

مديحه 

رايحه فين يا رنا 

رنا 

رايحه اصلح كل اللي انا كسرته وكل اللي انا خسرته واول حاجه هعملها هروح اصالح  جميله اختي كفايه اللي انا عملته فيها 

مديحه 

نعم يا اختي ومن امتى الكلام ده كله الكلام ده جديد عليا يا حبيبتي 

رنا 

سيبيني في حالي يا ماما الله يخليك انا غلطانه وانا لازم اتغير ما ينفعش افضل كده 

انت اللي عملت فيا كده انت اللي خليتيني ابقى جشع واهم حاجه عندي الفلوس 

مديحه 

بقول لك يا بنت انت انت بتتكلمي زي ابوك كده ليه ما انت كنت صاحبتي وبتتكلمي زيي واهم حاجه عندنا الفلوس ايه الجديد يعني 

رنا 

الجديد هيحصل من النهارده انا هتغير وخلاص على كده ومش عايزه فلوس ثاني ولا عايزه حاجه ثاني اهم حاجه ان انا عايزاها حب من القلب واختي تحبني مش عايزه حاجه تاني 

وبعديها رنا ثابت مديحه ونزلت 

اما في اوضه جميله المنشاوي بيدخل عليها وبيقول لها 

في اوضه جميله 

المنشاوي 

عامله ايه يا جميله 

جميله 

الحمد لله يا جدي انت عامل ايه مالك زعلان كده ليه 

المنشاوي 

كل حاجه فوق دماغي يا جميل في صفقات كثيره قوي نفسي اديها لسليم بس هو مش قد المسؤوليه وانا تعبت من كل ده ونفسي مروان يصحى بقى علشان يشيل عني كل ده 

جميله 

يا ريت يا جدي يا ريت يصحى ادعي له لو مروان فعلا صحي هيشيل من علينا حاجات كثيره قوي 

المنشاوي 

فعلا يا بنتي مروان لو صحي كل حاجه هتتغير 

انا لحد دلوقتي خزنه مروان لسه عينها في المكان السري ودي فيها كل الاوراق المهمه علشان لما يفوق يرجع لشغله تاني 

جميله 

يا حبيبي يا جدي للدرجه دي بتحب مروان ان شاء الله هيفوق وهيفرح قلبك 

المنشاوي 

ان شاء الله يا بنتي انا قلت اجي اطمن عليك قبل ما اروح الشركه سلام 

وبعديها المنشاوي خرج من اوضه جميله 

اما في عربيه كريم كان بيكلم مديحه بيقول لها 

في العربيه 

كريم 

فين الفلوس  اللي احنا اتفقنا عليها تاخديها من خزنه الشركه يا مديحه 

مديحه 

اخص عليك يا كيمو يعني انت هو ده كل اللي همك مش عارف تقول لي وحشتيني او بحبك اخص عليك انت اتغيرت قوي معايا 

كريم 

وحشك قطر يا بعيده وحشتيني ايه وزفت ايه بقول لك فات الفلوس 

مديحه 

بصراحه كده الفلوس مصطفى خدها مني ووديها للمنشاوي ثاني عشان ابنك سليم يا اخويا مسك الفيديو اللي انا ظاهره فيه وانا باخد الفلوس عشان كده مصطفى خير لاحسن المنشاوي يبلغ عني عشان كده رجع الفلوس تاني 

كريم 

نعم يا اختي اللي انت بتقوليه ده انت غبيه وزاي اديتها له ما تتحبسي ولا تغوري في داهيه انا اهم حاجه عندي الفلوس يا غبيه 

مديحه بزعل 

اخص عليك يا كريم كده برده يعني انت كنت معايا كل الشهور اللي فاتت دي عشان خاطر الفلوس انت طلعت واطي قوي وانا هروح للمنشاوي واقول له على كل حاجه وافضحك قصاده 

واوعى تكون فاكرني ان انا بهدد كده وخلاص لا طبعا تبقى غلطان انا معايا تسجيلات بصوتك ان انت متفق معايا ان انا اسرق من خزنه المنشاوي 

كريم بضحك 

تصدقي صعبان عليا قوي يا مديحه مش لما تعرفي تروحي من هنا الاول تبقي توريهم التسجيلات 

مديحه بخوف 

قصدك ايه يا كريم بقول لك ايه انا ما بحبش الغدر انا بهزر انا عمري ما رحت المنشاوي وهقول له حاجه انا كنت بهزر معاك 

كريم 

وانا ما حدش يهزر معايا ابدا يا حلوه 

وبعديها كريم قعد يخنق في مديحه يخنق في مديحه لحد ما ماتت وراح لمكان بعيد جدا ورماها هناك وبعد كده روح بيته وكان معاه تليفونها 

اللي كان في كل التسجيلات

اما في الفيلا رنا تروح عند جميله والخدامه تفتح لها وتطلع على اوضتها على طول وتقول لها 

في اوضه جميله 

رنا 

جميله حبيبتي عامله ايه انا جايه اقول لك كلمتين ويا رب تصدقيني انا اسفه وحقك عليا كل حاجه انا عملتها معاكي انا اتغيرت وعرفت ان انا غلطانه 

جميله 

ويا ترى دي كذبه تانيه ولا مقلب تاني هتعمليه فيا انت وامك ابعدي عني يا رنا انا فيا اللي مكفيني 

رنا 

صدقيني دي مش كذبه انا فعلا اتغيرت واول تغيير هيكون معاكي انت يا حبيبتي عشان انا جيت عليك كثير انت دايما ظلماكي وكنت دايما مبوظه حياتك 

جميله 

بصراحه يا رنا انا مش مصدقاك مش عارفه ليه ما تزعليش مني يا رنا لو انت اتغيرتي ده حاجه حلوه جدا والتغيير الحلو هيخليك انت اجمل بكثير لكن انا مش عارفه اصدقك بسبب كل اللي عملتيه فيا

رنا 

من حقك ما تصدقنيش انا مش زعلانه منك بس الايام هتثبت لك ان انا اتغيرت يا حبيبتي على العموم انا معاكي وفي ظهرك وفي صفك لو في اي حد زعلك او ضايقك انا اول واحده هتلاقيني في ظهرك يا حبيبتي 

وبعديها رنا خرجت من الاوضه الجميله وقبلت سليم على سالم الفيلا وقال لها 

على سلم الفيلا 

سليم 

يا اهلا وسهلا ايه ده بقى ورانا عندنا ذات نفسها ويا ترى جايه ليه في تسجيل ثاني عاوزه تديهوني وتقبضي فلوس عليه 

رنا 

انا مش هرد عليك انا كل اللي انا هقوله لك انا اتغيرت ومش هسمح لك ان انت تاذي اختي يا سليم

سليم 

اوعى وشك دلوقتي بقت اختك يا سلام يا سلام ومن امتى الكلام ده انت يا بنتي كنت بتتفنيني ازاي تاذيها هو ازاي تنكدي عليها عيشتها ايه اللي تغير 

رنا 

اللي تغير هو انا وفقت لنفسي وخلاص انا اتغيرت الاحسن والحمد لله ولو فكرت تاذي اختي يا سليم انا اول واحده هقف قصادك 

وبعديها رنا مشيت ومنى كلمت سليم بغيره وقالت لي 

منى 

ودي بقى تبقى مين يا سليم هو انت عمرك ما هتبط تخص للبنات 

سليم 

بقول لك ايه يا بنت انت ابعدي عني هو انا علشان اتجوزتك هتفكري نفسك ان انت بني ادمه انت رحت وجيتي خدامه لا اكتر ولا اقل 

وبعديها سليم دخل الاوضه بتاعته ومنى جريت وراه وقالت له 

في اوضه سليم

منى 

يا سليم اسمعني انا واحده خايفه على مصلحتك وهفضل في ظهرك وهسندك لحد ما انت اللي تمسك شركه المنشاوي وتبقى انت الراجل العيله دي كلها 

سليم 

ايه ده ايه ده ايه المفاجاه اللي انا فيها دي معقوله منى الغلبانه الطيبه بقت عقربه من ضمن بيت العقارب فينك يا منشاوي تيجي تشوف اللي انت بتحبها وخايف عليها بتقول ايه 

منى 

انا بعمل كل ده علشان اثبت لك ان انا لسه بحبك وعاوزك تحبني ونرجع نعيش مع بعض حياه هاديه وجميله عشان نعرف نربي ابننا كويس 

واول دليل على كده انا عرفت مكان الخزنه بتاعه مروان اللي عين فيها كل الاوراق المهمه وكل الصفقات المهمه ومستني مروان يقوم بالسلامه علشان هو اللي يمسك كل ده 

سليم 

طب والكلام ده عرفت منين  المنشاوي عمري بيقول الكلام ده لحد ابدا انا عارف جدى المنشاوي كويس 

منى 

وعرفت حاجات كتير قوي وكمان المنشاوي سره كله مع جميله ويروح كل يوم يفضفض لها الكلام ويقول لها على كل حاجه اصبر بقى عليا لحد ما تكتك واعرفك كل حاجه عشان تبقى انت اللي في ايديك كل اللجام

سليم 

ماشي وانا موافق اعرفي لي كل حاجه وليكي عليا هعمل لك كل اللي انت عاوزاه بس تعرفيه لي كل الاسرار اللي ما بين جميله والمنشاوي 

منى 

من عيوني الاتنين يا حبيبي انا اهم حاجه عندي انت يا سليم اهم حاجه ان انت تكون كويس معايا 

وفي الوقت ده سمر كانت واقفه وسمعت كل حاجه وقالت لنفسها

قصاد باب اوضه سليم 

سمر في نفسها 

ايه ده انت ازاي عرفتي كل الكلام ده يا منى يا نهار اسود ومنيل هو دايما كده كل لما بتخش البيت بتتقلبوا العقارب ليه كده بس صحيح ما انت حماتك شيماء لازم تكوني اوحش من كده 

وفي الوقت ده المنشاوي رجع من الشركه وسال على شيماء لكن هي مش موجوده في الفيلا من امبارح وسليم قال 

سليم 

انا مش عارف هي فين يا جدي حتى تليفونها مقفول انا مش عارف اي حاجه ربنا يسترها 

سمر

ما تخافش عليها قوي كده يا سليم امك بسبعه ارواح يا حبيبي استحاله يكون حصل لها حاجه 

وفي الوقت ده كانت خلود راجعه من بره وكانت متوتره جدا وسمر قالت لها 

سمر 

كده يا خلود هو انت كنت فين وراجعه متاخر كده ليه 

خلود 

كنت بجيب حبه حاجات من الفندق 

المنشاوي 

طب مالك يا بنتي متوتره كده ليه في حد مخوفك ولا ايه 

خلود 

لا يا جدي كل الحكايه ان انا افتكرت جوزي الله يرحمه ومن ساعتها وجسمي عمال يترعش وخايفه قوي 

المنشاوي 

ربنا يصبرك يا حبيبتي ما تخافيش انت هنا معانا ومش هتحس بالوحده ابدا 

خلود 

ربنا يخليك يا منشاوي بيه شكرا جدا لحضرتك عن اذنك انا هطلع انام 

وبعديها خلود طلعت تنام 

اما في النادي عند مراد رنا راحت وقالت له 

في النادي 

رنا 

مراد يا ريت ما تزعلش مني انا مش جاي اعتذر ولا جاي اقول لك سامحني انا جاي اقول لك ان انا اتغيرت وانا عارفه ان انت اول واحده تفرح بالتغيير ده 

مراد

اتمنى يكون التغيير ده من قلبك مش وقت قصير ويروح لحاله على العموم انا هفرح لك ان انت تبقي ك

المنتقبه والعاجز 

الحلقه السادسه عشر 

بقلم هويدا زغلول 

المنتقبه الجميله داخل القصر

الحلقه السادسه عشر 

ومره واحده خلود فقدت الوعي ووقعت على الارض 

مدير الكافيه نقالها من المستشفى واتصل باهلها وطبعا كلهم راح 

في المستشفى 

سمر 

خير يا دكتور اختي مالها حصل لها ايه 

الدكتور 

متاسف جدا كل اللي انا هقدر على ان اختك في حاله خطيره جدا لان العصير كان مسمم 

سمر 

نعم العصير مسمم يعني ايه العصير مسمى مين اللي جابها هنا المستشفى 

المدير 

ايوه تحت امرك يا فندم انا اللي جبتها هنا المستشفى وعلى فكره احنا الكافيه بتاعنا مفتوح بقى له سنين وسنين اول مره بتحصل معانا المصيبه السوداء دي وانا رجعت كل الكاميرات وما فيش اي حاجه حصلت غريبه انا مش عارف ازاي العصير مسمم

المنشاوي 

ده انا هخرب بيوتكم ده انا هقفل الكافيه ده يعني ايه بنتنا تخش عندكم تطلع مسممه دي مصيبه سوداء انتم ما تستاهلوش انكم تفتحوا الكافيه بتشتغلوا عادي انتم لازم يتقفل على دماغكم ويتطربق 

المدير 

اللي تشوفه حضرتك يا منشاوي بيه بس صدقني احنا ما لناش اي ذنب في كل اللي حصل ده 

والكاميرات معايا على التليفون احنا ممكن نراجعها مع بعض 

وفعلا سمر رجعت الكاميرات مع المدير وسمر قالت له مين بقى اللي اخذ العصير ودخله الاوضه قبل ما يروح لاختي على الترابيزه 

المدير ركز كده شويه وقال 

المدير 

لا يا استاذه سمر الولد ده انا اول مره اشوفه ده مش شغال عندنا في الكافيه

سمر 

ويعني ايه مدير محترم زيك واحد يخش كده ما تعرفوش يشتغل عندك ويحط في العصير سم ايه الكلام ده ما ينفعنيش انا اطمن بس الاول على اختي وبعد كده انا هشوف الموضوع ده بنفسي 

الدكتور خرج وقال لهم وهو زعلان 

الدكتور 

البقاء لله يا جماعه كميه السم كانت كتيره جدا وخطيره جدا مقدرناش نهرب من جسمنا الله يرحمها 

سمر بصريخ 

هي مين دي اللي الله يرحمها لا بقول لك ايه انت بتهزر معايا صح الحقني يا منشاوي  ده بيقول على خلود انها ماتت لا لا اختي ما ماتتش خش بس كده  فوقها هتلاقيها فاقت انا متاكده 

المنشاوي 

لا اله الا الله اهدي بس يا سمر وحدي الله يا حبيبتي 

سمر 

يا منشاوي ما فيش حاجه حصلت انا اختي خلود ما ماتتش صدق هي صاحيه وفايقه خش بس كده وشوف 

الدكتور 

حضرتك يا منشاوي بيه اللي هتستلم مدام خلود علشان تدفنها

المنشاوي 

اه يا دكتور 

خلود 

تدفنوا ايه ايه الكلام اللي انت بتقوله ده انا اختي عايشه يا خلود يا خلود اصحي يا حبيبتي 

وسمر بعد التنهار واتصرخ وما عرفتش تتقبل موت اختها والمنشاوي خد خلود ودفنها وكان حزين جدا عليها وسمر كانت حزينه وهتموت على فراق اختها 

اما المدير جري بسرعه من المستشفى وروح بيته اول ما سمع موت خلود عشان خايف لاحسن حد يقبض عليه 

اما في شركه الصياد 

في مكتب الصياد دخل عليه حسن وقال 

حسن 

انا عملت لك كل اللي انت قلت عليه وحطيت لك السم في العصير وفعلا اللي اسمها خلود ماتت يبقى فين فلوسي انا واخويا 

الصياد 

انت ايه اللي جابك هنا يا حيوان انت اكيد كل العيون عليك دلوقتي انت واخوك ازاي تيجي هنا مش هطلع بره 

حسن 

مين ده اللي يطلع بره ده نجوم السما اقرب لك هات الفلوس اللي ليا انا واخويا احسن لك عشان انا مش باقي على الدنيا وهخليها سواد على الكل انا عاوز النص مليون جديد احنا اتفقنا عليه

الصياد 

انا غلطانه الناس وثقت في واحد خاين زيك وندل زيك كلب فلوس ماشي اطلع بره يا حسن ولما يكون المبلغ جاهز معايا هبقى اكلمك تيجي تاخده 

حسن 

هههههههههههه صدق ضحكتني وانا بقى هسمع كلامك واخرج بره بكل السهوله دي طبعا لا ده انا طلع عيني انا باخويا عقبال ما عملنا المصيبه اللي انت عاوزها دي 

وبدا حسن يحكي ايه اللي حصل 

                            فلاش بااااك 

في بيت حسن داخل على اخوه سامح وقال له 

حسن 

ايه يا سموحه عامل ايه يا حبيبي بقول لك ايه تيجي معايا في مصلحه مش هتكمل 10 دقائق وهتاخد فيها 100 الف جنيه 

سامح 

اوعى وشك معاك طبعا بس مصلحه ايدي اوعى تكون حاجه وحشه 

حسن 

هي مش حاجه وحشه خالص خالص هي كل الحكايه ان احنا هنسم واحده ونحط لها السن في العصير ايه رايك وهتاخد فيها 100 الف جنيه 

سامح 

نهار ابوك اسود ايه اللي انت بتقوله ده طبعا مش موافق دي فيها سجن وحبس قولي لها صوتك لا طبعا مع نفسك يابا 

حسن 

ومين قال لك ان هم 100 الف جنيه هم 150 الف جنيه قلت ايه 

سامح 

ولك نور الدنيا كلها تخليني اقضي عمري كله في السجن حرام عليك يا حسن انا ماشي جنب الحيط ونفسي اتجوز واعيش حياتي مع مراتي ابعد عني يا عم 

حسن

وانت هتتجوز ازاي يا بوش نحس انت بالفلوس الملاليم اللي انت بتقبضها كل شهر من الكافيه يا ابني افهم 150 الف جنيه هتعرف تبدا بيهم حياتك وتتجوز وتعيش حياه من اول وجديد 

سامح 

ولا 150 الف ولا حتى كنوز الدنيا ابعد عني بقى 

حسن 

عندك حق 150 الف شويه ايه رايك في ربع مليون جنيه بتهيا لي بقى المبلغ ده ما يخليكش تقول لا ابدا 

سامح 

انت بتتكلم جد ربع مليون جنيه طب ازاي وفين وايه اللي هيحصل فهمني على كل حاجه 

حسن 

كل اللي هتعمله ان انت هتعمل العصير وبعد كده انا وادخل في اوضه على جنب احط فيه السم وانت تاخد العصير وتقدمه للترابيزه اللي انا هقول لك عليها وبس كده ولو حصل لها حاجه وماتت ورجعوا الكاميرات احنا ما لناش دعوه 

سامح 

تصدق عندك حق انا موافق بس بعد ما نخلص تديني الربع مليون كلهم سامع ولا لا 

حسن 

طبعا يا قلب اخوك يا وش السعد ايوه كده اخيرا هنقب على وش الدنيا 

                           بااااااااك 

حسن 

هو ده كل اللي حصل وحياتك عايزني بقى بعد كل ده اسيبك وامشي كده بالساهل لا طبعا انا عاوز فلوسي لاما كده انا واخويا هنخليها سواد على الكل وهنبلغ عنك ومش فارقه معانا احنا كده كده الدنيا خربانه معانا 

صياد 

انا ما بتهددش يا حسن وقلت لك مش اطلع بره وما اشوفش وشك هنا تاني واللي عندك اعمله بقول لك على حاجه كمان ما لكش فلوس عندي وريني بقى هتعرف تعمل ايه 

حسن لسه هيمسك الصياد ويضربه

لكن الصياد كان اسرع منه وجاب اله حاده ضرب بها حسن وللاسف حسن وقع ومات في نفس الوقت 

في الوقت ده معتز الامن بتاع الصياد دخل وقال 

معتز 

ايه ده يا محمود في ايه اللي حصل حضرتك حصل لك حاجه 

الصياد 

لا يا معتز انا ما حصلش حاجه بس المصيبه دي هنعمل فيها ايه 

معتز 

ولا يهمك يا باشا هناخده ونرميه في اي داهيه ولا اي مصيبه ما تزعلش انت حضرتك 

الصياد 

الله يخليك يا معتز كمل جميلك وهديك عنوان تروح فيه وتموت الولد ده عشان نخلص منهم الاثنين 

معتز 

تحت امرك يا محمود بيه 

الصياد بص لحسن بقرف وقال 

الصياد 

كتك القرف قلت لك بلاش تلعب معايا اللعبه القذره دي انت اللي ما صدقتنيش اديك روحت بدري بدري غبي واخوك اغبى منك 

ما تخافش اخوك هيحصلك بعد كم ساعه 

وبعديها معتز خد حسن وراماه في الصحراء وراح البيت عند سامح خبط عليه وقال له 

في بيت سامح 

معتز 

انت سامح 

سامح 

ايوه انا انت مين 

معتز 

محمود الصياد باعت لك وبيقول لك اخوك راح وانت كمان لازم تروح له 

وبعديها معتز خلص على سامح هو كمان وجري ونزل على طول من غير ما حد يشوفه 

و راح الشركه عند الصياد وقال له

في مكتب الصياد 

معتز 

خلاص يا محمود بيه كل اللي انت عاوزه اتنفذ بالحرف الواحد تؤمر بحاجه تاني 

الصياد 

اه يا معتز كل اللي انا عاوزه منك تشوف لي مكان اعيش فيه لمده كم اسبوع كده عشان في ناس كثير عليها عليا وانا مش عاوزه اروح بيتي 

معتز

تحت امرك يا باشا ما فيش اامن من بيتي في حاره شعبيه وهي عباره عن شقه ضيقه في عماره قديمه يعني استحاله حد يعرف ان انت عايش هناك ابدا 

صياد 

كثر خيرك يا معتز انا مش عارف اقول لك ايه طب يلا نروح هناك 

وفعلا معتز اخذ الصياد وراح بيه في شقته في الحاره الشعبيه وقال له 

في شقه معتز 

الصياد كان عمال يبص لها بقرفه وقرفان جدا من المنطقه وقال 

الصياد 

انت زي معتز وانت بتعرف تقعد في المنطقه دي ده الموضوع صعب قوي 

معتز بضحك 

متعودين على الفقر من يومنا يا باشا معلش بقى حضرتك اللي مش تعرف تتعود عليه بس يومين وهترجع على حياتك الطبيعيه 

الصياد 

شكرا جدا يا معتز انا مش عارف اقول لك ايه 

معتز 

ما تقولش حاجه يا باشا انا هنزل اجيب لحضرتك حبه طلبات واطلع على طول 

بس عدم لا مؤاخذه هو حضرتك مستخبي من ايه 

الصياد 

ما انت كنت معايا يا معتز واحنا بندفن شيماء ام سليم المنشاوي ولو عارف ان انا اللي موت امه هيجي يخلص عليا علشان كده انا قلت استخبى كم اسبوع عشان الموضوع يهدى شويه 

معتز 

ايوه صح عين العقل برده يا باشا عن اذن حضرتك 

اما عند مصطفى ما بقاش يروح شغله ولا شركته وبقى قاعد في البيت حزين جدا على مديحه وكان خايف عليها ودخلت عليه رنا وهي بتقول له 

في بيت مصطفى 

رنا 

الحق يا بابا التتبع بتاع تليفون ماما بين ان تليفون ماما في بيت المنشاوي ازاي الكلام ده 

مصطفى 

انا حاسس ان عيله المنشاوي هي اللي ورا كل ده متاكد ان سليم هو اللي عمل في مديحه كده 

رنا 

ايوه يا بابا عندك حق هو سليم اللي عمل كده في ماما احنا لازم نبلغ البوليس عشان نعرف ماما فين دلوقتي 

مصطفى 

هو انت لسه عندك امل انها ممكن تكون عايشه يا رنا انا متاكد انها ماتت 

رنا 

لا عشان خاطري يا بابا ما تقولش كده ان شاء الله تكون عايشه ويكون سليم حطيتها في اي حته علشان بيضايقك وعايز منك فلوس ولا حاجه ما انت عارف سليم كلب فلوس 

مصطفى 

انا مش هسكت انا لازم ابلغ البوليس عن سليم المنشاوي علشان نعرف امك راحت فين ولو ماتت نعرف هي ماتت فين حتى على الاقل 

اما عندي جميله ومروان 

كان مروان عمال يبص لجميله برومانسيه جميله قالت 

في اوضه جميله 

جميله 

كفايه بقى رومانسيه وحب لحد كده انا لازم اروح لحماتي اوضتها علشان اواسيها في موت خلود اختها 

مروان 

انا كمان حزين عليها قوي يا جميله 

جميله 

طيب هروح لمامتك اواسيها لانها ولا عايزه تاكل ولا عايزه تشرب ولا عاوزه تتكلم مع حد وبعد كده هبقى اجي ونتكلم مع بعض براحتنا 

مروان 

وانت فاكراني هسيبك بالسهوله دي طبعا لا اقعدي جنبي خليني اشبع منك انا مش عارف اشبع منك خالص ولا من جمال عيونك يا ريتني فوقت من زمان عشان ما حصل لكيش كل اللي انا كنت سامعه ده 

جميله 

هو انت فعلا يا مروان كنت سامع كل حاجه 

مروان 

 انا كل حاجه كنت سامعها يا جميله واهم حاجه في الدنيا عاوز اشوفها هي خالتك نفسي اشوفها دى دمها خفيف قوي

ربنا يخليك ليا يا جميله 

جميله 

ويخليك ليا يا مروان ويا ريت تفوق بقى كده علشان ننزل نتمشى في الجنينه انا وانت لازم تتحرك يا حبيبي 

اما عند معتز كلم سليم المنشاوي في التليفون وقال له

معتز 

سليم باشا انا معتز الامن بتاع محمود الصياد لو عاوز تعرف امك حصل لها ايه ومين موتها ادفع نص مليون جنيه 

سليم 

بقول لك ايه ياض انت خلص قول اللي عندك انا مش ناقص هسمع كمان كلامكم انتم يا حبه جرابيع 

معتز 

براحتك يا باشا لو انت مش عاوز تعرف مين اللي عمل في امك كده ومين اللي موتها انا ما عنديش مانع لكن لو عاوز تعرف قابلني في المكان اللي انا هقول لك عليه دلوقتي ويكون معاك نص مليون جنيه عشان اقول لك على كل حاجه 

سليم 

اتزفت تقول لي هتقابلني فين 

وبعد شويه سلم راح وقابل معتز ومعتز قال له 

في الكافيه 

سليم 

امسك الفلوس اهي وتعرفني على كل حاجه لاما كده هوريك الايام سوداء عمرك ما شفتها 

معتز 

لا يا باشا انا شفت كل الايام بالوانها سوداء وكحلي وزفت وقطران على دماغي كمان ولما تجيلي فرصتي لازم امسك فيها بايدي واسناني هات بس كده الفلوس الحلوه دي اطمن عليها الاول 

وبعد ما معتز شاف الفلوس واطمن عليها قال لسليم 

معتز 

اللي موت شيماء هانم هو محمود الصياد وعدم لا مؤاخذه يعني لو فيها اهانه لحضرتك اصل هم كانوا على علاقه مع بعض ولما طلبت منه يتجوزها هو رفض وشيماء هانم هددته وساعتها هو موتها

انا عارف كل حاجه عن محمود الصياد اصل انا دراعه اليمين 

ماسك محمود وادى له بالبونيه في وشه وقال له 

سليم 

مين دول اللي كان ليهم علاقه مع بعض يا حيوان احترم نفسك وانت بتتكلم على امي 

معتز حط ايده على بقه وقال 

معتز 

كده برده يا سليم باشا خيرا تعمل شر طلع تشكر يا باشا على العموم انا قلت لك كل اللي انا اعرفه شوف بقى انت عاوز تعمل ايه وعلى فكره الصياد مش قاعد في بيت الصياد مستخبيه عندي في بيتي

سليم 

قول وعرفني بيتك فين بالظبط اخلاص 

معتز عرف سليم البيت بتاعه اللى الصياد مستخبي فيه

عند الصياد الباب خبط والصياد قال 

الصياد 

ده اكيد معتز بيجيب لي حاجه اكلها والله يكثر خيره على كل اللي بيعمله معايا 

الصياد فتح الباب وقال ادخل يا معتز 

سليم 

ما انا هدخل فعلا بس انا مش معتز انا سليم المنشاوي 

وبعد كده حصل ......

المنتقبه الجميله داخل القصر 

الحلقه السابعه عشر 

في شقه معتز 

الصياد فتح الباب وقال ادخل يا معتز 

سليم 

ما انا هدخل فعلا بس انا مش معتز انا سليم المنشاوي 

الصياد بصدمه 

مين سليم وانت عرفت مكاني منين وايه اللي جابك هنا 

سليم قفلت باب وقال 

سليم

في طار ما بيني وبينك ولازم يخلص حالا يا محمود يا صياد انا غلطان ان انا حطيت ايدي في ايديك في يوم من الايام وانت فكرته ضعف مني وفي الاخر خنتني مش مره لا مرتين مره لما خنتني مع امي ومره لما اذيه امي 

الصياد 

ايه اللي انت بتقوله ده يا سليم انا ما اعرفش حاجه عن الكلام ده بقول لك ايه امشي اطلع بره انت هنا في منطقه شعبيه يعني لو قلت للناس الحقوني وانجدوني هيبهدلوك 

سليم بضحك 

مش عيب عليك محمود الصياد يستخبى في منطقه شعبيه ليه يعني للدرجات انت جبان وخايف بتستخبى من ايه عملت ايه ثاني 

على العموم انا جايه اريحك من الدنيا كلها ما تتعبش نفسك يا صياد 

صياد 

اطلع بره يا سليم انت ما تعرفش تعمل لي حاجه واللي عندك اعمله 

سليم 

انت صعبان عليا والله لان انت خلاص انتهيت وهي دي اخر كلمه ليك في دنيتك كلها 

وبعديها سليم ضرب الصياد بقى لحد كذا مره لحد ما اترمى على الارض والصياد خلاص انتهى وراح 

وفي الوقت ده معتز دخل الشقه وقال 

معتز 

ما تقلقش يا سليم بيه ده انا معتز خلاص خدت حق والدتك قوم واغسل ايدك دي مش هيبتك يا باشا وانا هرميه في الصحراء رميه الكلاب 

سليم 

شكرا يا معتز انا مش عارف اشكرك ازاي انا كده فعلا ارتحت واخذت حق امي 

معتز 

تشكرني ازاي دي هنتكلم فيها بعدين يا باشا اكيد كل حاجه ليها حقها والدنيا هات وخد وانا اديتك يبقى لازم اخد منك صح ولا ايه 

سليم 

بقول لك ايه خلص خلص شيل بس الزفت ده وارميه في اي مصيبه تاخده وبعدين ابقى تعالى للشركه اديك اي قرشين وبطل صداع يا معتز 

وبعديها سليم المنشاوي ماشي من شقه معتز 

ومعتز بص للكاميرا اللي هو كان حاططها في الشقه وقعد يضحك وقال في نفسه 

معتز 

ده انت غلبانه قوي يا سليم يا منشاوي هو انت عاوز بعد كل اللي انا عملته ده ترميني قرشين ده بعينك انا عارف هاخد منك ايه كويس قوي انت اللي زيكم عندكم املاك كثير ولو خدت ملكي من عندكم مش هيفرق معاكم لكن هيفرق معايا الغلبان اللي زيى

اما عند جميله ومروان 

في اوضه مروان 

مروان 

الحق يا جميله انا عارف احرك رجلي اخيرا يا رب الحمد لله معلش اسنديني بس اقف على رجلي واتمشى شويه انا نسيت الفيلا وشكلها 

جميله 

الحمد لله يا مروان حمد لله على سلامتك انا فرحانه قوي ان انت بقيت معايا وفي ظهري انت مش عارف انا استحملت قد ايه 

مروان 

انا كنت حاسس بكل حاجه وعارف ان انت استحملتي حقك عليا يا جميله بس عاوز اسالك سؤال بس كنت خايف احرجك هو انت متعلمه 

جميله 

اه يا مروان متعلمه بس بتسال ليه 

مروان 

عاوزك تكوني شريكه حياتي وشريكه قلبي وشريكه شغلي كمان عاوز انزل شركتي بس تكوني معايا يا جميله انا عمري ما هثق في حد في الدنيا غير فيك انت 

جميله 

ربنا يخليك ليا يا مروان انا بجد حاسه نفسي ان انا في حلم ويا رب لو كان حلم ما اقومش منه ابدا وهفضل فرحانه بيك وانت ماشي على رجلك كده 

مروان 

طب بقول لك ايه تعالي يلا وديني اوضه ماما خليني اشوفها من ساعه ما خالتي خلود راحت وهي حزينه والدمعه مش بتفارق خدها ولا عاوزه تخرج من اوضتها ابدا 

جميله

حاضر يا مروان تعالى معايا نروح عند حماتي 

وبعديها جميله اخذت مروان وراحت على اوضه سمر ومروان دخل وقال 

في اوضه سمر 

مروان 

ايه رايك بقى يا ست الكل في المفاجاه الجميله دي انا كنت متاكد ان هي هتعجبك جدا

سمر بفرحه 

يا حبيبي يا مروان ما شاء الله عليك عرفت تقوم على رجلك الحمد لله يا فرحه قلبي بيك النهارده يا حبيبي من فضلك كله يرجع لربنا ثم جميله كثر خيرك يا جميله بجد على كل اللي عملتيه مع ابني يا حبيبتي فعلا طلعتي اصيله وبنت اصول وعمري ما الاقي زيك ابدا 

جميله 

ربنا يخليك يا حماتي انا كمان فرحانه جدا يا مروان مشي على رجله واول ما وقف قال ان هو لازم يجي يزورك في اوضتك عشان تطلعي من الاوضه ويقول لك كفايه حداد لحد كده 

سمر 

غصب عني يا اولاد دي اختي الصغيره وانا اللي مربياها وكانت تعتبر زي بنتي فراقها مقطع قلبي وكاسر قلبي اه لو اعرف مين اللي عمل فيها كده 

جميله 

خلاص يا حماتي اهدي اهم حاجه ان انت تدعي لها وانت بتصلي ان ربنا يرحمها 

سمر 

يا رب يا جميل بدعي لها وانا بصلي يا حبيبتي 

مروان 

ما شاء الله يا ماما هو انت بتصلي بجد 

سمر 

اه يا مروان الحمد لله بقيت بصلي واللي علمني الصلاه هي مراتك جميله من ساعه ما دخلت الفيلا وهي غيرت حاجات كثير بسبب ادبها واخلاقها وقربها من ربنا 

جميله بصت لمروان وقالت 

جميله 

دورك انت كمان يا مروان لازم تصلي وما تسيبش فرد كمان متفقين 

مروان 

انا هعمل لك كل اللي انت عاوزاه بس تفضلي جنبي يا جميلتك جميلات يا جميله قلبي من جوه 

سمر 

يا سلام يا سلام ايه الرومانسيه الجميله دي يا رب تفضلوا تحبوا بعض كده دايما وما يدخلش بينكم اي شيطان 

اما عند رنا راحت النادي وكانت بتتكلم مع مرات وبتعيط وقالت له 

في النادي 

مراد 

رنا حمد لله على السلامه كل ده غيبه ليه كده يا بنتي ومالك لابسه اسود ليه هو في حاجه حصلت ولا ايه 

رنا 

هو انت ما تعرفش يا مراد ولا حتى اصحابي البنات قالوا لك اصل انا ماما متغيبه بقى لها مده ومش لاقيينها وحاسه ان هي حصل لها حاجه وانا حالتي النفسيه زي الزفت 

مراد 

طيب يا بنتي عملت محضر بغيابها ده طب مش كان معاها تليفون اعملي تتبع للتليفون يمكن تعرفي توصلي لها 

رنا 

للاسف عملت التتبع ولقيته في بيت المنشاوي والنهارده انا وبابا رايحين نعمل محضر في سليم المنشاوي عشان هو الوحيد اللي يقدر يؤذي امي ويوديها وراء الشمس كمان 

مراد 

انا كنت ناوي اجيب لك حقك منه يا رنا لكن انت وقفت قصادي وكسرتيني عشان كده انا بعد ت قلت يمكن انت بتحبيه ولا حاجه 

رنا 

بحبه ايه بس يا مراد ده انا نفسي الدنيا كلها تقلب عليه وحق يجي انا وامي منه ده شيطان ماشي على الارض ما فيش حد عارف سليم المنشاوي قدي 

مراد 

انا معاكي يا رنا ما تخافيش مش هسيبك ولو احتاجت اي حاجه رقمي معاكي اوعي تترددي لحظه 

رنا 

ربنا يخليك ليا يا مراد دلوقتي ما بقاش ليا في الدنيا غير ثلاثه وبس بابا وانت وجميله اختي 

مراد 

وهتعملي ايه دلوقتي 

رنا 

رايحه انا وبابا نعمل محضر تسلمي المنشاوي عشان هو السبب في غياب ماما انا متاكده من كده واحنا لازم نمشي قانوني عشان عيله المنشاوي دي عيله واصله واحنا مش قدها 

عن اذنك يا مراد

وبعديها رنا قابلت مصطفى وراحوا على قسم الشرطه وهناك الظابط قال 

في القسم 

الظابط 

يعني انتم متاكدين ان التليفون في بيت المنشاوي انتم عملتوا عليه تتبع 

رنا 

اه يا حضره الظابط وماما متغيبه بقى لها مده وانا متاكده ان هو سليم المنشاوي السبب في كل ده 

مصطفى 

استني بس يا رنا يا بنتي يمكن التليفون وقع منها ولا حاجه مش عاوزين نظلم حد 

رنا 

بس يا بابا بقى كفايه اخوك لحد كده انا عارفه ان انت خايف من سليم المنشاوي لاحسن ياذيني لكن انا خلاص من بعد فراق امي ما بقتش عاوزه حاجه من الدنيا ممكن يا حضره الظابط تقبض على سليم المنشاوي

الظابط 

طبعا احنا مش هنسيب حق مامتك يروح كده وهنعرف نجيب حقها ولو سليم المنشاوي هو اللي عمل كده هيتحاكم طبعا القانون فوق الكل

مصطفى 

شكرا جدا يا حضره الظابط كثر الف خير سعادتك عن اذن حضرتك 

وبعديها مصطفى ورنا روحوا البيت

اما في الفيلا عند منى 

لا تقول لي العيله قاعده متجمعه جميله ومروان وسمر وسعديه خدامه كمان وسعديه قالت 

في الفيلا 

سعديه 

بصراحه يا مروان بيه انت من ساعه ما فقت والفيلا بقيت فرحانه الله يبارك في عمرك يا بيه 

وبصراحه انت متجوز القمر كله ده ما فيش اجمل من المدام جميله هي اسمها جميله وهي جميله اسم على مسمى

جميله 

كفايه مبالغه بقى يا سعديه انت اللي عيونك جميله يا حبيبتي عشان كده شايفاني جميله 

مروان 

لا يا جميله هي مش بتبالغ انت اجمل واحده شفتها في حياتي ما لقيتش اجمل منك ولا اجمل من طيبه قلبك يا حبيبتي 

سمر 

اوبا انا بقول بقى يا سعديه احنا نقوم من هنا عشان ما لناش مكان ونجيب بدلنا شجره واثنين ليمون ايه رايكم 

سعديه بضحك 

هههههههه بصراحه انتوا لايقين على بعض قوي ربنا يخليكم لبعض فعلا الطيبين للطيبات لكن اللي اسمها منى دي يا اعوذ بالله

ولسه هتكمل كلامها لكن منى جت وقالت 

منى 

قول يا سعديه منى مالها عملت لك ايه عشان تغلطي فيا انت كمان وقاعدين فرحانين مبسوطين وبتضحكوا ولا في بالكم اي حاجه حماتي ماتت وجوزي خارب الدنيا وعمال يدور على حق امه وانتم مش في بالكم حاجه للدرجه دي انتم قلبكم حجر 

جميله 

انت اخر واحده يا منى تتكلمي على القلب الحجر انت كنت جميله وطيبه ايه اللي حصل لك ليه بقيتي كده 

منى 

من اللي شفته يا جميله شفت شقه وتعب وفقر وجوع وذل ما حدش في الدنيا شافه ولما قلت ان الدنيا ضحكت لي ابن الزوات سليم المنشاوي

ضحك عليا وذلني  وكمان بعث لي ناس علشان يسقطوني واول ما جات لي الفرصه ان نقف على حالي واخذ حقي من الدنيا عايزاني اربع ايدي واقف لا طبعا انا هنهش من الدنيا كل اللي اقدر اطوله منها 

سمر 

انا مش مصدومه منك انت فعلا مرات سليم المنشاوي الطيبين للطيبات والخابثين للخابثات

فعلا انت وسليم لايقين على بعض جدا 

منى 

كثر الف خيركم بس على فكره انتم لو فاكرين ان انا غلبانه وهسكت تبقى غلطانين انا هفضل ورا مروان لحد ما هو يمسك مكان المنشاوي وابنك اللي انت فرحانه بيه ده مش هيخرج من الفيلا لو ايه اللي حصل وانا مش زي شيماء من تحت لتحت لا انا بتكلم في الوش وما بخافش من حد 

جميله 

وليه هتعملي كل ده ما انت مش بتحبي سليم وسليم مش بيحبك ليه عماله تساعديه انا مش فاهماك يا منى 

منى 

انت غلطانه وطيبه قوي يا جميله انا مش بساعد سليم المنشاوي انا بساعد ابني اللي في بطني اللي لازم يتولد يلاقي املاكه كلها تحت ايديه وساعتها انا هكون خدت حقي عشان انا عارفه ايه اللي انا هعمله لما اولد يا حبيبتي على العموم انا مش هضيع وقتي معاكم اضحكوا براحتكم بس الشاطر اللي يضحك في الاخر 

وبعديها منى طلعت الاوضه بتاعتها ومروان ايه 

مروان 

ايه كميه الغل ده انتوا ازاي عايشين في الفيلا دي ده انا يا دوبك فايق بقى لي كم يوم مش طايق نفسي انت ازاي يا جميله عايشه كده وانت يا ماما 

سمر 

هعمل ايه يا مروان يا حبيبي صدق اللي قال عليه بيت العقارب بس ان شاء الله تقف على حالك ونمشي من المكان ده خالص ونروح لاي مكان ثاني اعيش فيه انا وانت وجميله 

سعديه 

ابوس ايدك يا ست هانم خديني معاكي انت عارفه احنا عشره سنين وانا مش هعرف اخدم حد غيرك 

جميله 

ما تخافيش يا سعديه انا اللي مش هستغنى عنك ابدا انت فعلا اصيله ويعتمد عليك في كل حاجه 

مروان 

طبعا يا سعديه هتيجي معانا انت بقى لك زمن معانا وما تخافيش انت واحده من العيله اوعي تقولي على نفسك خدامه ابدا 

نفسي اعرف يا ماما هو فين بابا 

سمر 

ابوك ما بقاش حد فاهم له اي حاجه الله يخليك بلاش تركز معايا عشان ده عمره ما يكون قدوه ليك ابدا

وكانت كل العيله قاعدين وسمعوا زغاريط زغاريط زغاريط واستغربوا جدا الزغاريط دي جايه منين

ودخلت سماح خاله جميله من باب الفيلا وهي بتقول 

في الفيلا 

سماح 

لولولولى 

باركوا لي يا بنات باركولي يا صبيان الحمد لله نصيبي جالي لحد عندي واتجوزت زينه الرجال المنشاوي بيه 

سمر بصدمه 

نعم انت بتقولي ايه سمعيني كده تاني اتجوزت مين الحقي يا جميله الحقني يا مروان هي الدنيا اتقلبت ولا ايه جرى ايه يا حمايا هو انت فيك نفس تتجوز 

المنشاوي 

هو في ايه يا سمر هو انا ما ليش نفسي اتجوز ولا ايه لا لا بقول لك ايه اوعي تفكريني راجل عجوز ده انا لسه شباب وهصبغ شعري كمان 

سماح 

نعم يا الدلعادي وفيها ايه يا اختي لما يتجوز لا لا لا بقول لك ايه اقفي عوج واتكلمي عادل يلا يا شوشو بيه هروح المطبخ اعمل لك اكله كوارع ترمي بيها عضمك يا حبيبي 

جميله 

دي هتبقى سواد على الكل ايه اللي انت عملتيه ده يا خالتي انت اتجوزتي ازاي وازاي المنشاوي بيه يتجوز اصلا انا مش فاهمه حاجه تعالي يا خالتي بقى فهميني

سماح 

لا بقى يا حبيبتي افهمك بعدين احنا عرسان جداد يلا بينا يا شوشو 

المنشاوي 

يلا بينا يا روح قلبي 

وبعد كده حصل ........

المنتقبه الجميله داخل القصر 

الحلقه الثامنه عشر 

سماح 

لا بقى يا حبيبتي افهمك بعدين احنا عرسان جداد يلا بينا يا شوشو 

المنشاوي 

يلا بينا يا روح قلبي ده انا حاسس ان حياتي ابتدت من النهارده 

سمر 

حياه مين اللي ابتدت يا حمايا انت حياتك المفروض تكون بتخلص ايه اللي انت عملته في نفسك ده جبت لنا مصيبه في البيت 

سماح 

انا مش هرد عليك يا بت يا سمر احتراما لجوزي انا هخلى شوشو وجوزي حبيبي هو اللي يرد عليك

المنشاوي 

لو سمحت يا سمر التزم حدودك وما تغلطيش في مراتي سامعه ولا لا ومين دي اللي مصيبه ده انا جبت لكم احلى كريزه في الدنيا ده هي اللي هتحل البيت 

سمر 

الحقني يا مروان الحقيني يا جميله انا هتجنن خلاص 

مروان 

الف مبروك يا جدي انت من زمان وانت شايل همنا ودايما حزين وزعلان على عيله المنشاوي احفاد المنشاوي بصراحه يا عين العقل اللي انت عملته من حقك تعيش لك يومين حلوين 

سماح 

يسلم بقك يا واد يا ميرو يا قمر انت وبقول لك ايه خلي بالك من جميله سامع ولا لا انا قاعده لكم في البيت اللي هيزعلني ولا هيزعل جميله هو اللي جابه لنفسه سمع يا سمر

سمر 

انا داخله اوضتي عشان خلاص ضغطي علي لازم اخذ دواء الضغط دلوقتي 

جميله 

ممكن يا خالتي تيجي في كلمتين على انفراد عاوز افهم منك حاجه ما هو اللي بيحصل ده مش طبيعي 

وبعديها جميله خدت خالتها سماح ووقفت على جنب وقالت لها 

جميله 

عرفيني يا خالتي كل ده حصل ازاي ازاي المنشاوي اتجوزك 

سماح 

ما تخافيش يا بنت يا جميله انا عملت له عمل بس عمل خفيف كده على عظمه فرخه يا بنت مش عضمه جاموسه قلت لا هو مش هيستحمل عمل عظمه الجاموسه 

جميله بصدمه 

يا لهوي يا لهوي ايه اللي انت عملتيه ده يا خالتي طب وليه عملت كل ده وهو جالك امتى وشافك امتى 

سماح 

يا بت يا جميله انا رحت عند الراجل اللي جنبنا وطلب مني عظمه فرخه عشان يعمل عمل يكون حنين كده وخفيف وعلى قد فلوسي وبعد ما خلصت العمل قلت اكيد ده كلام فارغ طلعت شقتي لقيت المنشاوي داخل وبيخبط وبيقول لي انا بحبك يا سماح تيجي نتجوز طبعا انا ما رفضتش وقلت يلا بينا 

جميله 

طب وابنك ده شاب كبير وافق على الكلام ده 

سماح 

اه طبعا وافق امال ايه مش هسيب له الشقه هيتجوز فيها اديني جيت بقى وعشت في الهنا اللي انت كنت عايشه فيه وبقول لك ايه عايزاك تيجي معايا في مره ونروح للراجل ده عشان يعمل عمل لحماتك الحربوقه يمكن تخليها تتهدي عنك شويه 

جميله 

لا لا يا حماتي الله يخليك مش عاوزه منك ولا عمل ولا على عظمه فرخه ولا عضمه عصفوره انا مرتاحه كده في حياتي 

سماح 

طيب يا اختي وسعي بقى كده النهارده دخلتي ما حدش يوقفني يلا بينا يا شوشو نطلع اوضتنا 

المنشاوي 

يلا بينا يا روح قلبي يا ولاد حارتنا يوم الخميس اه هكتب كتابي وابقى عريس اه 

سماح 

ما احنا كتبناه يا راجل هههههههه

يلا بينا بقى علشان اصحى من النوم بكره اعمل لك اكله ترم بيها عظمك يا حبيبي 

وبعديها المنشاوي خد سماح وطلع بيها على اوضته

وسمر طلعت على اوضتها 

اما جميله ومروان كانوا قاعدين جنب بعض وجميله قالت 

جميله 

يا نهار ابيض انا مش مصدقه نفسي ايه اللي حصل ده يا مروان معقوله جد المنشاوي يتجوز في السن ده وكمان خالتي 

مروان 

وايه المشكله انا مش هنسى الاكل الجميل اللي كانت خالتك بتجيبه وكان جد المنشاوي بياكلوا معاكم انا كنت سامع كل حاجه وعارف كل حاجه 

جميله 

بصراحه انا كنت عايزه افتحك في الموضوع ده يا مروان يعني انت كنت سامع كل حاجه كل حاجه وكنت سامع اللي 

مروان 

قبل ما تكملي كلامك يا جميله اه كنت سامع اللي بابا كان كتم بقك علشان ما تقوليش الحقيقه وان سليم كان عاوز يعتدي عليك وكل واحد ليه يومه وانا مش هسكت وهاخد حقك يا حبيبتي 

في الوقت ده سليم دخل وقال 

سليم 

فينك يا امي تيجي تشوفي الحفيد المدلل المدلع لما قام من الغيبوبه اللي هو فيها عملوا في ايه ركنوني على الرف وما بقتش موجود اصلا 

مروان 

ابعد عني يا سليم وما لكش دعوه بيا وانا عارف انت كنت بتعمل ايه وهتعمل ايه انا اكثر واحد فاهمك وخلصت الكلام بكره الصبح ما اشوفش وشك في الشركه تاني سامع ولا لا 

سليم 

نعم نعم يا حبيبي ايه اللي انت بتقوله ده لا لا ده انت اتجننت ولا اقول لك على حاجه ده هي بطرف صباعي ممكن اخليك ترجع الغيبوبه تاني ونخلص منك بقى المره دي 

مروان قام وقف وقال بزعيق 

مروان

تبقى غلطان يا سليم لو افتكرت ان انت هتعرف تعمل حاجه تاني انا خلاص فقت ليك والاشكالك ومن بكره اللي هيمسك الشركه انا وجميله مراتي وما اشوفش وشك ولا وش اي حد هناك 

في الوقت ده كريم نزل من على سلم الفيلا وقال 

كريم 

هو في ايه يا مروان هو انت من ساعه ما فقت وهتعلمنا الادب ولا ايه ما حسسني ان انت المدرس واحنا الطلاب عندك 

مروان 

ياه اخيرا ظهرت يا بابا انت عمرك ما حسستني بحنانك ولا عمرك حسستني بحبك انت اهم حاجه عندك الفلوس وبس

كريم 

هو في حاجه اهم من الفلوس بقول لك ايه 

بطل بتلعب دوري المنشاوي كفايه علينا المنشاوي الكبير ما ينفعش يكون عندنا منشاوي كبير ومنشاوي صغير كمان ده تبقى خنقه كبيره قوي 

مروان 

انا مش هتكلم معاكم كثير بس كل حاجه عملتوها مع مراتي انا هعرف اخد حقي منكم كويس قوي اوعى تكون فاكر يا بابا ان انا مش عارف انت عملت ايه وانت يا سليم خلاصه الكلام من بكره مش عاوز اشوف وش حد في الشركه

ومروان خد جميله وطلع في اوضته وقال لها 

في اوضه مروان 

مروان 

انا عارف ان انت اتبهدلت كثير قوي وخلاص جه وقت ان انا ارجع لك كرامتك وهيبتك اللي راحت منك وحقك عليا في كل حاجه حصلت لك بسببي يا جميله 

جميله 

ربنا يخليك ليا يا مروان انا كنت متاكده وعندي يقين في ربنا ان انت هتقوم من الغيبوبه

والحمد لله قمت بالسلامه وبقيت سند ليه يجعلك سند ليا طول حياتي يا رب 

مروان حط ايده على خدي جميله وقال لها 

مروان 

انا كنت اعرف ان انت بالجمال ده كنت هحاول اقوم من زمان قوي 

جميله التوتر والكسوف 

جميله 

طيب اجيب لك حاجه تاكلها او تشربها 

مروان 

لا انا عاوزك انت يا جميله افضلي في حضني طول حياتي ربنا يخليكي ليا 

وثاني يوم جميله ومروان راحوا الشركه وكريم وسليم طبعا ما يقدروش يروحوا لان هو ما يعرفوش يكسروا كلمه مروان لانهم عارفين انه ما بيهددش زي المنشاوي بالظبط 

في الشركه 

مروان 

يا نهار ابيض هي الشركه عملت كده ليه يا جميله انا بجد حزين قوي عليها 

جميله 

كلامك جميل زي جدي المنشاوي بالظبط

بس على فكره انا بابا شريك هنا في الشركه بس عشان خاطر مرات ابويا مش لاقيينها عشان كده بابا بيدور عليها ومش فاضي يجي يشتغل 

مروان 

انا عارف كل حاجه يا جميله باباك يجي ينور في اي وقت يا حبيبتي 

وفي الوقت ده دخلت رنا اختي جميله الشركه واول ما شافت جميله ومروان قالت 

في مكتب المنشاوي كان مروان قاعد هو وجميله ورنا دخلت وقالت

رنا 

ايه ده انت هنا يا جميله الحمد لله على سلامتك يا مروان 

جميله 

اهلا بك يا رنا اتفضلي يا مروان دى اختي رنا 

مروان 

اه طبعا عارفها وعارفها كويس جدا اهلا بك يا رنا 

رنا 

انا عارفه ان انت بتقولها بتريقه بس على فكره انا اتغيرت وبقيت كويسه جدا وبصراحه انا كنت طمعانه في جميله ان كل الخير ده كان المفروض يكون ليا انا بس في الاخر عرفت ان كل واحد ما بياخدش غير نصيبه وانا رضيت بنصيبي والله يا جميله انا اتغيرت صدقيني وبقيت كويسه 

جميله 

مش وقته الكلام ده يا رنا هو انت كنت جايه الشركه ليه الحمد لله لقيتي مامتك 

رنا 

لا يا جميله ما لقيتش ماما وانا كنت جايه الشركه علشان عاوزه اتكلم مع سليم عشان عامله له مفاجاه حلوه قوي النهارده 

مروان 

ويا ترى ايه هي المفاجاه 

رنا 

مش هينفع تتقال لانها اسمها مفاجاه عن اذنكم

وبعديها رنا مشيت ومروان وجميله قعدوا يشتغلوا كتير جدا ويظبطوا كل الشغل اللي وقع منهم

وجميله ومروان رجعوا من الشركه وكانت سمر قاعده متغاظه من سماح وعمايلها وجميله قالت 

في الفيلا 

جميله 

مالك يا حماتي في ايه مين اللي مزعلك كده 

سمر 

ده انا  نفسي اسيب البيت ده وامشي خلاص البيت بقى كله مجنون ما بقاش بيت العقارب بقى بيت المجانين يا جميله 

جميله 

ليه بس يا حبيبتي ايه اللي حصل 

مروان 

امال فين جدي المنشاوي ومراته 

سمر 

اوعى تجيب سيرتهم يا مروان سامع ولا لا واللي زاد وغطى كمان ان ابوك النهارده ما راحش الشركه هو وسليم وقاعدين في الفيلا والدنيا خانقه جدا الله يخليك يا جميله خليكي معايا في البيت بلاش تروحي الشركه ده انا هطق من غيظي 

مروان 

متاسف جدا يا ماما انا مش هقدر اسيب جميله ابدا دي بقيت كل حياتي بصراحه ما بعرفش اتنفس وهي بعيد عني 

سمر

حلوه قوي الكلام ده انت ما بتعرفش تتنفس وهي بعيد عنك والمنشاوي ما بيعرفش يتدلع وسماح بعيد عنه اما انا بقى اقعد واموت يا اخويا صح كده 

مروان 

بعد الشر عليك من الموت يا حبيبتي انا عندي في قسم الحسابات محتاج مديره تكون شاطره ومش هلاقي اشطر منك من بكره تيجي معانا الشركه ما هو تسلي وقتك ايه رايك 

سمر 

بجد يا مروان ايوه كده ده احلى خبر سمعته النهارده ربنا يخليك ليا يا حبيبي 

وفي الوقت ده خرجت سماح من المطبخ وقالت 

سماح 

حمد لله على سلامتك يا جميله حمد لله على سلامتك يا مروان يلا حماتكم بتحبكم مع اني اشك لانها حربوقه يلا علشان حضرت الغداء عامله لكم حته اكله تاكله صوابعكم وراها

المنشاوي 

الله الله اول مره اشوف السفره بتاعتنا بالجمال ده يلا يا ولاد ده الاكل يفتح النفس 

سمر بصت على الاكل وقالت 

سمر 

هو ايه ده يا مدام سماح هو انت عامله اكل ايه انا مش عارفه حاجه الاكل الغريب ده 

سماح 

ده بفضله خيرك عامله لكم في كوارع وكرشه وفشه وممبار حلويات العجل يعني ايه ما بتحبهاش 

سمر 

يا لهوي يا لهوي انت قلتي ايه ايه الاسامي الغريبه دي لا طبعا انا مش باكلها خالص يا ربي يا سعديه انت فين يا سعديه 

سعديه خرجت من المطبخ وقالت 

سعديه 

نعم يا ست هانم تحت امرك 

سمر

الله يخليك يا سعديه فين الغداء الجميل بتاعك اللي انت بتعمليه 

سعديه 

يا دى  الكسوف اصل سامح هانم قالت لي ان انا ما اعملش اكل وهو ده الاكل اللي هيتاكل وانتم اللي طالبينه منها عشان كده انا ما طبختش النهارده يا سمر هانم 

سمر 

اه انتم كلكم اتفقتوا عليا بقى لا بقول لكم ايه انا داخله انام ومش عايزه اكل اصلا 

جميله 

ليه كده بس يا خالتي تخليها تنام من غير اكل كنت عملت لها اي حاجه من اللي هي بتحبها 

سماح 

بقول لك ايه يا جميله بلا كلام فارغ قال ايه عاوزه تاكل لحمه ستيك ستيك ايه يا بنتي من امتى واحنا بناكل البلاستيك استغفر الله العظيم يا رب افتح بقك يا شوشو خد مني صباع الممبار ده 

المنشاوي 

الله الله ايه الجمال ده اول مره اشوف الريحه دي في الفيلا عندنا يا موحه يا حبيبتي 

سماح 

امال لو دقت بقى الكوارع يا حبيبي بقول لك ايه مش هتنساها ابدا هههههههه يلا يلا كل عشان بكره اعمل لك دقيه باميه باللحمه الضاني يا عنيا 

مروان 

اوعى وشك ده انا جدي هيتدلع على الاخر فعلا في زوجه بتيجي بتدلع وزوجها بتيجي بتقفل الواحد 

جميله 

يا سلام يا سلام وانا بقى من انهي نوع فيهم 

مروان 

انت من اجمل الزوجات يا روح قلبي انت حاجه ثانيه خالص ربنا يخليك ليا 

سماح 

كده برده يا مروان هتكسفني زي امك الحربوقه ومش هتقعد تتغدى معايا 

مروان 

لا طبعا هقعد واكل معاك يا ست الكل هو في احلى من الاكل ده اقعدي يا جميله عشان خالتك ما تزعلش مننا هو احنا نقدر على زعلها برده 

وكانت العيله قاعده عماله بتضحك وفرحانه جدا وفي الوقت ده دخل الظابط ومعاه مصطفى ورانا والظابط قال 

في صاله فيله منشاوي

الظابط 

فين سليم المنشاوي 

جميله 

اخيرا يا حضره الظابط هتخشي بيت المنشاوي ومش هتقبض عليا 

مصطفى 

يا منشاوي فين سليم هو السبب في غياب مديحه وانا متاكد ان هو موتها 

مروان 

ازاي يا استاذ مصطفى بتقول الكلام ده معاك دليل 

مصطفى 

الدليل عندكم انتم في البيت وهو ده اللي كشف سليم المنشاوي 

المنشاوي 

دليل ايه انا مش فاهم حاجه يا حضره الظابط وسليم ماله بغياب مدام مديحه 

الظابط 

تليفون مديحه عملنا عليه تتبع ولقيناه عندكم هنا يا منشاوي في الفيلا وهي متغيبه بقى لها كثير ولازم نعرف هي راحت فين والسر عند سليم المنشاوي 

وسليم وكريم نزلو من اوضتهم على صوت الظابط وسليم قال

سليم 

انا ما عملتش حاجه وما اعرفش مدام مديحه راحت فين لا لا الظلم وحش حاطط الظابط انا ما عملتش حاجه والله 

الظابط 

ما تحاولش تنكر يا سليم اقبضوا عليه 

في الوقت ده سمر نزلت من على سلم الفيلا وقالت 

سمر 

لا يا حضره الظابط مش سليم اللي عمل كده في مديحه اللي عمل كده في مديحه هو 

وبعد كده حصل ........

انتظرونا في الحلقه القادمه

المنتقبه الجميله داخل القصر 

الحلقه التاسعه عشر 

الظابط 

ما تحاولش تنكر يا سليم اقبضوا عليه 

في الوقت ده سمر نزلت من على سلم الفيلا وقالت 

سمر 

لا يا حضره الظابط مش سليم اللي عمل كده في مديحه اللي عمل كده في مديحه هو كريم جوزي هو المجرم الحقيقي والتليفون كمان لقيته مخبيه في الدولاب بتاعه اتفضل يا حضره الظابط التليفون اهو 

كريم 

انت كدابه ايه اللي انت بتقوليه ده هي سمر التليفون ده ايه اللي جابه في الدولابي اكيد سليم هو اللي موتها وعشان يلبسني التهمه جاب لي التليفون في دولابي انا مظلوم يا حضره 

الظابط 

سمر 

انا اصلا يا حضره الظابط كنت ناويه اجي ابلغ عن كريم جوزي بس علشان خلود اختي راحت فكنت حزينه عليها وما كنتش فايقه حضرتك تقدر تسمع كل التسجيلات وهتعرف ان هو اللي سبب في غياب مديحه 

وفعلا ظابط سمع كل التسجيلات وعارف ان كريم هو ايه السبب في غياب مديحه ومصطفى قال 

مصطفى 

الله يخليك يا كريم عرفني هي مديحه فين حتى لو مش عشاني علشان بنتها ما تبقاش يتيمه طمنا 

كريم 

خلاص مش هعرف اكدب تاني للاسف الكذب ما لوش رجلين انت زعلان عليها كده ليه يا مصطفى انت انسان محترم مديحه دي خاينه وكانت بتخونك معايا وكان كل اللي هاممها الفلوس وخلاص واه انا اللي قتلتها بايدي ودفنتها في الصحراء زي الكلاب لان هو ده قيمتها 

رنا بصريخ

يا حيوان ربنا ينتقم منك يا ظالم انا مش هسيبك انا لازم اخذ حق امي منك انا مش هسيبك 

مصطفى مسك رنا في حضنه قال 

مصطفى 

حسبي الله ونعم الوكيل فيك يا كريم مش مسامحك ابدا خلاص يا رنا يا بنتي سيبي القانون ياخذ حقه منه 

الظابط 

وانا اوعدكم ان القانون هيجيب حق مدام مديحه اقبضوا عليه 

كريم 

ماشي يا سمر عملت اللي في دماغك برده انا بكرهك انا عمري ما حبيتك في الاخر تسجنيني ماشي يا سمر ماشي يا سمر 

وبعديها الظابط خد كريم ومشيوا والمنشاوي قال 

المنشاوي 

الله يصبرك يا مصطفى والله يصبرك يا رانيا يا بنتي تعالي في حضني يا حبيبتي 

سماح 

احم احم حضن مين يا عنيا انا بغير على فكره ارجعي يا بنت جنب ابوكي قال حضن قال 

معلش الظروف السوداء دي ما خلتنيش اعرفكم بنفسي انا سماح وبيدلعوني بيقولوا لي يا موحه مرات المنشاوي 

رنا 

اهلا بحضرتك يلا بينا يا بابا عشان نمشي من هنا 

جميله 

رنا حبيبتي انا حاسه الاحساس اللي انت حاسه بيه احساسي ان انت تكوني يتيمه الام صعب قوي الله يصبرك يا حبيبتي بس انا هفضل جنبك ومش هسيبك ابدا انا اختك الكبيره وتقدري تيجي تترمي في حضني في اي وقت 

رنا اترمت في حضني جميله وقعدت تعيط وانهارت من العياط 

مروان 

اهدي يا رنا البيت ده بيتك في اي وقت عاوزه تيجي فيه تيجي تنوري وانت يا استاذ مصطفى من بكره ترجع شركتك شريكك الجديد هو انا مع احترامي ليك يا جدي 

مصطفى 

ان شاء الله يا مروان هرجع الشغل من بكره 

ربنا ييسر الحال ويصبرنا على اللي احنا فيه 

جميله 

وانت يا رنا خليكي معايا النهارده مش عاوزاك تقعدي لوحدك 

رنا بصت لسليم وقالت 

 رنا

لا يا جميله سيبيني اروح بيتي احسن مش عايزه اقعد هنا يلا يا بابا نمشي ربنا يرحمك يا ماما 

وبعديها مصطفى خد رنا ومشيوا

وبعديها سليم ما اتكلمش مع حد خالص ودخل اوضته ومنى قالت لي 

في اوضه سليم 

منى 

انا عاوزه اعرف يا سليم انت ما بتروحش الشركه ليه شغلك وحالك ومالك كله سايبه المروان ليه 

سليم 

انا خلاص ما بقتش عاوز اي حاجه من حد وانت ما لكيش دعوه اروح ما اروحش ما يخصكيش انت هتنسي نفسك ولا ايه انت هنا خدامه رحتي او جيتي هتفضلي خدامه في عيني فاهمه ولا لا 

منى 

لا طبعا مش فاهمه منى بتاعه زمان خلاص يا حبيبي راحت منى بتاعه دلوقتي بتاعه مصلحتها وبس ما انا دخلت بيت العقارب هو لازم اكون عقربه زيهم 

سليم 

خير وعاوزه ايه يا عقربه هانم 

منى 

كل اللي انا عاوزاه ترجع لشركتك ويكون معاك فلوس كثيره جدا وتخلص من مروان والمنشاوي كمان عشان لما ابني يتولد يكون هو صاحب الملك ده كله ولو انت مش هتعرف تعمل كده انا ممكن اساعدك واخلصك من مروان والمنشاوي بقزازه سم واحده 

سليم بصدمه 

يا ساتر يا رب ايه كل الغل والحقد اللي فيك ده اللي يشوفك يقول عليك ملاك بريء لكن اللي يشوف سمك من جوه يخاف منك ده احنا ظلمنا العقربه يا شيخ لما سميناك بيها 

منى 

انا قلت لك اللي عندي انا شفت ايام سوداء كتير وما عنديش استعداد اخلي الايام دي ابني هو كمان يشوفها وهعمل المستحيل عشان خاطر ابني يجي الدنيا على خير ويفرح ويكون كل الملك ده بتاعي انا وهو وبس 

سليم 

قصدك ايه بكلمه انا وهو وبس وانا هكون فين 

منى بتوتر 

اعمل بس اللي هقول لك عليه وبعد كده هبقى اعرفك انت هتكون فين

سليم 

هو انت فاكراني مجنون ولا عيل عبيط ان انا هسمع كلام واحده حربايه زيك ابعدي عني يا بنت انت ما تدخليش في اللي ما لكيش فيه ثاني 

اما في صاله الفيلا مروان واهله كانوا قاعدين ومروان قال بحزن 

في صاله الفيلا 

مروان 

ليه يا امي بابا وصلنا لكده انا حزين وزعلان جدا ليه هو عمل كده انا كنت في غيبوبه اه لكن كنت سامع كل حاجه وعارف حاجات كثير انتم مش عارفينها لان اللي بيجي يتكلم وهو واقف جنبي بيكون فاكرني ان انا ميت ما يعرفش ان انا كنت سامع كل حاجه 

المنشاوي 

يا كسره قلبي عليك يا كريم يا ابني ليه بس كده ليه عملت كده ايه المشكله لو كنت عشت حياه بسيطه مع ابنك ومراتك ما كانش هيحصل اي حاجه 

جميله 

طب معقوله يا جدي هنسيبه كده من غير ما نقوم له محامي 

مروان 

اصيله يا جميله بعد كل اللي عمله معاكي برده خايفه عليه قلبك من جوه ابيض زي الفل 

سمر 

وانت عايزانا ازاي يعني نروح نقوم له محامي وهي الجريمه لابساه لابساه وبصراحه يستاهل وانا مش مسامحاه على كل اللي عمله فيا 

المنشاوي 

يا ريت بقى الايام الجايه تكون خير لان انا تعبت وحالتي النفسيه تعبت جدا مين اللي بشوفه من عيالي واحفادي 

سماح 

اخص عليك يا شوشو وانا رحت فين يا راجل ما انا موجوده في الفيلا عشان ادلعك وانعنشك واضحكك يا عيوني 

المنشاوي 

والله يا سماح  انت اللي مهونه عليا كل ده 

سماح 

لا ولسه اللي جاي احلى كمان هقوم اعمل لك طاجن ام علي انما ايه يستاهل بقك يا حبيبي تاكلي معانا يا بنت يا سمر ده انا هعمله بالسمن البلدي 

سمر 

ابعدي عني لو سمحت يا مدام سماح انا هطلع اوضتي ومش عايزه اخرج منها ابدا 

جميله 

تعالى يا مروان ريح جسمك شويه يا حبيبي

الدكتور قال ما ينفعش تيجي على صحتك قوي كده 

مروان 

حاضر يا جميل بعد الموقف بتاع بابا اللي حصل ده وانا مش طايق نفسي وتعبانه قوي وعاوزك جنبي

وجميله خدت مروان وطلعت فوق الاوضه علشان تهون عليه حبس باباه كريم 

سماح 

يلا بقى يا شوشو انا وانت اهو فضلنا لوحدنا تعالى بقى الاعبك دور ضمنه هغلبك فيه انا عارفه كويس 

المنشاوي 

معلش يا سماح مش فايق زعلان قوي على ابني ما كنتش اتصور ان هو ممكن يعمل في نفسه كده ابدا 

سماح 

يوه العكنانه دي بقى طب بقول لك ايه قوم كده اتمشى انا وانت في الجنينه لا ما انا مش هسيبك لوحدك زعلان انا بحب الفرفشه والضحك 

المنشاوي 

ربنا يخليك ليا يا سماح انا مش عارف انت لو ما كنتيش جنبي انا كان هيحصل لي ايه كنت حاسس ان انا هطق اموت من جنابي 

سماح 

بعد الشر عليك يا شوشو ان شاء الله سمر مرات ابنك وانت لا

اما ثاني يوم معتز راح لسليم الشركه وما لقاهوش موجود وقعد يتصل بيه كتير وما ردش عليه فقرر ان هو يروح له الفيلا 

في الفيلا 

معتز 

سلم بيه موجود 

سعديه 

ايوه يا بيه موجود اقول له مين 

معتز 

قولي له صاحبك وحبيبك بيسلم عليك 

سعديه 

طب اتفضل في الصالون لحد ما ادي له خبر 

وبعديها معتز دخل قعد في الصالون وسعديه طلعت فوق عندي سليم وقالت له 

في اوضه سليم 

سعديه 

صباح الخير يا منى هانم صحي سليم بيه علشان صاحبه مستنيه تحت في الصالون 

منى 

صاحبه مين اللي مستنيه على العموم ماشي يا سعديه روحي انت وحضري لي الفطار

سعديه 

حاضر  يا منى هانم هحضر لك الفطار 

وبعديها منى قفلت الباب في وش سعديه قالت في نفسها

سعديه في نفسها 

ده ايه قله الذوق دي صحيح الادب والاخلاق مش بالفلوس مهما عملتي عمرك ما تكوني زي جميله هانم ابدا الست جميله دي جميله وهي ست البيت فعلا 

وبعديها منى صحه سليم وقالت له 

منى 

يا سليم يا سليم صاحبك تحت في الصالون مستنيك يا ترى مين ده 

سليم 

صاحبي انا خلاص خلاص هنزل اشوف مين بطلي دوشه 

منى 

برده استسلمت خوفا من مروان وكلامه قلت لك قوم والبس وروح شركتك وحافظ على مالك ومال ابنك 

سليم 

يوه ابعدي عني بقى ده انت وش الفقر يا شيخه 

وبعديها سليم لبس ونزل تحت في الصالون ولقى معتز وقال 

في الصالون 

سليم 

انت ايه اللي جابك هنا ياض انت اتجننت ولا ايه هو انت فاكر نفسك صاحبي بجد ايه البجاحه اللي انت فيها دي 

معتز 

والله يا سليم بيه رحت لك الشركه وقالوا لي ان انت بقى لك مده ما بتروحش قلت اجي هنا عشان اعرف اخد حقي منك ازاي 

سليم 

حق ايه يا ابو حق لا لا على الكلام ده ما ينفعنيش مش هيطلع بره وما اشوفش وشك ثاني عشان ما خلصت عليك زي ما خلصت على الباشا بتاعك 

معتز 

يعني انت مش هتديني حقي 

سليم 

اخرك معايا يا معتز هو قرشين ثلاثه شوف عاوز كام وهرمهم لك على الجزمه وغور وما اشوفش وشك هنا تاني 

معتز 

لا لا لا لا ده انت فهمت قصدي غلط خالص فلوس ايه اللي انا عاوزها الموضوع اكبر من كده ده انت مفتح يا باشا وفهمني كويس انا عاوز منك المصنع بتاعك يتكتب باسمي قلت ايه 

سليم 

قلت انت لو ما مشيتش من وشي دلوقتي هوديك في 60 داهيه يا معتز مصنع ايه يا معفن اللي انت بتتكلم عليه انت اخرك معايا 50 الف جنيه وانا كده كارمك كمان وغور وما اشوفش وشك  هنا ثاني

معتز 

طب ايه رايك اتفرج على الفيديو ده وبعديها تبقى تحكم تكتب لي المصنع ولا لا 

وبعديها سليم اتفرج على الفيديو وكانت الصدمه ليه علشان كان معتز حاطط كاميرات وصور سليم وهو بيموت الصياد وسليم قال 

سليم 

اه يا واطي صحيح انا ازاي اثق فيك وانت شغال مع اوطى واحد في الدنيا عايز ايه يا معتز 

معتز 

بعد الشتيمه اللي انت شتمتها لي دي انا عاوز الشركه والمصنع كمان ولو قلت لا هسلم الفيديو ده للحكومه وعلي وعلى اعدائي انا كده كده مش فارقه معايا الدنيا 

سليم 

وانا هخلص عليك النهارده تعالى هنا 

وسليم ماسك معتز قعد يخنق فيه يخنق فيه علشان يموت لكن معتز كانت جنبه فازه مسكها وضربها على راس ليه لحد ما سليم اغمى عليه ومعتز خرج بره الفيلا على طول علشان يلحق نفسه وسليم ما يموتوش 

وبعديها سعديه دخلت علشان تحط العصير لسليم وصاحبه لقيته مغمى عليه ومتعور في راسه قعدت تصرخ وتقول 

في الصالون 

سعديه 

اعاااااا اعاااااا اعاااااا الحقوني الحقوني سليم بيه ما بينطقش الحقوني 

منى نزلت وسمر والمنشاوي وقالوا 

منى 

سليم سليم رد عليا مالك يا سليم 

سمر 

اوعي كده انا هفوقه يا سليم فوق يا بابا فوق ايه اللي حصل 

سليم ايه ولقى كله حواليه وقال 

سليم 

فين الحيوان اللي كان هنا مشي ولا ايه 

سعديه 

اه يا سليم بيه انا شفته بيجري ودخلت احط لكم العصير لقيتك مغمى عليك هو عمل لك حاجه 

المنشاوي 

مين ده يا سليم وعاوز منك ايه وايه اللي حصل يا ابني طمني عليك 

سليم 

ياه خايف عليا قوي يا جدي كثر خيرك مش عاوز حاجه من حد وسعه كده كلكم انا طالع اوضتي وما تخافوش انا كويس وهفضل كويس وعمري ما هتكسر ابدا 

وبعديها سليم ومنى طلعوا الاوضه 

وسماح نزلت من على سلم الفيلا وقالت 

في صاله الفيلا 

سماح 

هو في ايه يا شوشو كنت بتجري من جنبي كده ليه يا راجل هو في حاجه حصلت ولا ايه 

المنشاوي 

لا يا حبيبتي ما فيش حاجه ربنا يهدي احفادي 

سماح 

بصراحه ايه العيال دي ما تربوش وعاوزين تربيه من اول وجديد ايه ده سموره عامله ايه مالك يا حبيبتي شكلك وحش كده ليه اه افتكرت ان انت لسه ما حطيتيش المكياج 

سمر 

نعم هو ايه اللي انت بتقوليه ده لا بقول لك ايه اعدلي اسلوبك معايا هو انت فاكره نفسك صاحبتي ولا صاحبتي 

في الوقت ده جميله ومروان كانوا جهزوا علشان هيروحوا الشركه ومروان قال 

مروان وجميله نزلوا وقالوا 

مروان 

في ايه بس يا ماما هو كل يوم كده خناقه مع مدام سماح 

جميله 

الله يخليك يا خالتي اهدي شويه مش عاوزين مشاكل 

سماح 

بقول لكم ايه انا ما بعملش مشاكل مع حد اعمل ايه يعني  ما هي هرمونات الحمل هي اللي بتعمل كده يوه يقطعني 

هو انا ما قلتلكيش يا سمر ان انا حامل 

وبعد كده حصل .......

المنتقفه الجميله داخل القصر 

الحلقه العشرون والاخيره

سماح 

بقول لكم ايه انا ما بعملش مشاكل مع حد اعمل ايه يعني  ما هي هرمونات الحمل هي اللي بتعمل كده يوه يقطعني 

هو انا ما قلتلكيش يا سمر ان انا حامل 

سمر 

نعم حامل حامل ازاي انا نفسي اعرف اللي بيحصل ده طبيعي ولا ايه بالظبط انت يا ستي انت دخلتي علينا من غير احم ولا دستور وكمان حامل لا ده كده اوفر وكتير 

سماح 

يا ساتر يا رب شكلك حسوده وصفراء وعينيك مدوره قولي ما شاء الله يا حبيبتي ربنا يبارك في عمري شوشو حبيبي ويبارك في عمري واجيب له المنشاوي الصغير يفضل يجري في الفيلا رايح جاي ويعمل لنا ونس 

سمر 

انا الحمد لله لقيت الحل لكل حرقه الدم دي انا هطلع يا مروان يا حبيبي الم هدومي واحضر شنطتي لو عاوز تيجي معايا انت وجميله تعالوا انا هروح بيتنا القديم عشان ما تجيليش جلطه يا ابني 

المنشاوي 

انت بتتكلمي بجد يا موحه معقوله انت حامل 

سماح 

اه يا شوشو حامل وبتوحم كمان ونفسي راحه على طقم الماظ انما ايه من اللي قلبك يحبه 

جميله 

يا سلام على الوحم الجديد يا سلام يا سلام 

مروان 

انت فرحان يا جدي ولا ايه اهم حاجه عندي فرحتك يا حبيبي بس مش شايف نفسك ان انت كبير شويه وما ينفعش تعمل في نفسك كده 

المنشاوي 

كده برده يا مروان تيجي منك انت سيبني يا ابني اتمتع بحياتي شويه بدل القرف اللي شفته من ابوك واحفادي 

مروان 

ربنا يصلح حالك يا جدي وتشوف الهناء والسعد كله يلا بينا يا جميله نروح شركتنا قبل ما نتجنن احنا كمان 

جميله 

لا لا لا يا مروان انا مش رايحه الشركه دلوقتي انا لازم اعرف من خالتي كم حاجه تعالي معايا يا خالتي 

وجميله اخذت سماح على جنب وقالت لها 

جميله 

بقول لك ايه يا خالتي خلاصه الكلام انا راجل ده اللي عملت عنده العمل انا لازم افكه حرام عليك هعمل ايه يا خالتي ده المنشاوي مش عارف ياخد نفسه 

سماح بضحك 

يوه انت صدقتي عمل ايه ايه اللي انا هعمله يا جميل هو انا برده بتاعه الكلام ده يا جميله انا ما عملتش اعمال ولا حاجه انا كنت بهزر معاكي انا كل اللي عملته كنت بصلي الفجر ودعيت ربنا يرزقني بالخير ويجيبه لي لحد عندي وثاني يوم الصبح لقيت المنشاوي بيخبط علي اشاره دي بقى ولا مش اشاره 

جميله 

ايوه كده طمنتيني يا خالتي بحسبك فعلا مشيتي في السكه الوحشه دي السكه دي بتغضب ربنا طيب وايه حكايه الحمل دي بقى 

سماح 

عامل ايه يا هبله هو انا عبيطه ده انا لو حملت هيحصل لي حاجه يا جميل ده انا عامله الدور ده عشان افرس حماتك الحربوقه بنت المبقعه بس كده 

جميله 

طمنتيني يا خالتي الله يطمن قلبك روحي بقى افرسيها براحتك وانا هروح على شركتي مع السلامه 

وبعديها سماح رجعت للمنشاوي وقعد الجنب وجميله قالت 

جميله 

عاوز حاجه يا جدو هروح انا ومروان شغلنا 

المنشاوي 

انا فرحان جدا بيك يا مروان ان انت دخلت جميله شريكه معاك في الشركه 

مروان 

بعد اذنك يا جدي مع احترامي ليك وربنا يبارك في عمرك انا هخلي الشركات كلها باسم جميله نعتبر احنا اللي شغالين عندها ايه رايك ده اقل حاجه اردها لها بعد اللي هي شافته وانا في الغيبوبه

المنشاوي 

موافق طبعا يا ابني وهي دي فيها كلام انا قدي جميله عمري كله وما اكونش خايف عليه 

جميله 

ايه يا مروان دي اللي انت بتقوله ده لا طبعا يا جدي كثير عليا صدقوني انا ما عملتش غير واجب اللي عليا وبس 

مروان 

لا طبعا انت ضحيتي كثير قوي عشاني ربنا يخليك ليا ويقدرني واقدر اساعدك وارد لك كل اللي انت عملتيه يا حبيبتي يلا بينا عشان ما نتاخرش 

وبعديها مروان وجميله مشوا والمنشاوي قال لسماح 

المنشاوي 

بجد يا سماح حامل 

سماح 

حامل ايه يا راجل انت انت بتهزر يا منشاوي ولا ايه هو احنا فينا نفس نربي عيل خلينا نزقطط كده ونتدلع

انا كنت بقول كده عشان افرس البنت اللي اسمها سمر بصراحه مش طايقاها في البيت 

المنشاوي 

اوعي تدعي عليها عشان انت دعوتك متقبله اخر مره لما دعيتي ان ربنا يرزقك بالخير انا خبطت عليك يا موحه عشان تعرفي بس ان انا ابن حلال وانت بنت حلال 

سماح 

ويخليك ليا يا شوشو اوعى بقى اما اقوم اجهز لك الغداء من دلوقتي هعمل لك طاجن باميه باللحمه الضاني انما ايه هتاكل صوابعك وراه 

اما في الشركه معتز جه لمروان وقال له 

في مكتب مروان 

معتز 

حضرتك كنت عاوزني يا باشا بس عرفت مكاني ازاي 

مروان 

ليه وانت فاكر ان اللي بيخش بيت المنشاوي بيطلع كده عادي لما خرجت جريت الحرس بتاعي جري وراك لحد ما عرف مكانك واول ما جيت الشركه هنا خليته يجيبك لحد عندي قل لي بقى في ايه بينك وبين سليم واتكلم دغري 

معتز 

بص يا باشا انا هقول كل الحقيقه ان انا عارف ان سليم المنشاوي مش هيسيبني في حالي 

ومعتز حاجه لمروان كل حاجه ومروان قال 

مروان 

حلوه قوي الفيديو ده بقى معاك 

معتز 

اه يا باشا الفيديو معايا 

مروان 

يبقى تبعته لي عشان ده يخصني انا ده سليم حبيبي حبيبي 

معتز 

يا باشا ما تزعلش مني هو ابن عمك وانت هتخاف عليه وهتحميه طب انا مين هيحمني من سليم المنشاوي 

مروان 

قلت لك هات الفيديو مش عاوز كلام كثير ويمسك القرشين دول ويمشي من وشي 

وفعلا مروان خد الفيديو ومعتز ميشي وجميله دخلت عليه المكتب وقالت له 

جميله 

مالك يا مروان سرحان كده ليه 

مروان 

جه الوقت سليم يدفع في التمن كفايه بقى اللي عمله فيك زمان وكفايه اللي عمله فينا كلنا 

جميله 

بس انت يا مروان يا حبيبي طيب وقلبك ابيض ما بتعرفش تاذي ابدا عشان خاطري اوعى تبقى زيهم 

مروان 

انا عمري ما هبقى زيهم يا جميله بس اهم حاجه عندي اني اخذ لك حقك من اللي عمله فيك ما تقلقيش علي مش هبقى شرير زيهم 

جميله 

طب انت قمت وقفت ليه ورايح فين دلوقتي 

مروان 

رايح مشوار يا حضره المديره ينفع اديني اذن كده لمده ساعتين بس بس بلاش تخصمي من مرتبي ههههههه

جميله 

بجد يا مروان ما بهزرش انا حاسه ان انا شايله مسؤوليه مش قدها وخايفه قوي 

مروان 

ما تقوليش كده انت قدها وقدها قوي كمان كل الشركات والمصانع بقت باسمك انت وبقيتي سيده اعمال قد الدنيا رايح مشوار وجاي على طول كملي انت شغل وخلي بالك من نفسك

وبعديها مروان راح على قسم الشرطه وقدم للظابط الفيديو بتاع سليم لما كان بيموت الصياد 

وكده خلاص سليم انتهى 

وبعد كم ساعه مروان وجميله روحوا الفيلا وكانت سمر قاعده ومعاها شنطه هدومها والمنشاوي مش راضي يمشيها وبيقول 

في الفيلا 

المنشاوي 

استهدي بالله بقى يا سمر كده وما تكبريش الموضوع ايه اللي هيمشيكي بس سماح بتهزر معاكي دي قلبها طيب في حد برده ما يحبش سماح 

سمر 

معلش يا عمي الله يخليك سيبني امشي من هنا كفايه حرقه دم لحد كده انا حاسه ان انا هيجي لي جلطه بس بعد اذنك انا عاوز اخذ معايا سعديه 

سعديه 

بعد اذنك يا سمر هانم حقك علي انا ما اقدرش اسيب الست جميله وبصراحه الحاجه سماح دمها خفيف قوي وما اقدرش ابعد عنها 

سمر 

كده برده يا سعديه ماشي مش عاوزاكي خليك انت كمان قاعده مع سماح ام دم خفيف يا اختي 

مروان وجميله دخل الفيلا وقالوا 

مروان 

اهدي يا امي وما تكبريش الموضوع 

سمر 

قلت لك همشي يعني همشي 

جميله 

طب عشان خاطري انا يا حماتي عدي المره دي والمره الجايه خالتي مش هتزعلك ابدا صح يا خالتي 

سماح 

موعدكيش يا قطه 

جميله 

خلاص يا خالتي بقى عيب كده هو البيت بيت ابونا والغرب يطردونا 

سماح 

انا مش غريبه يا عيني انا هنا سيده القصر 

وفي الوقت ده الظابط دخل فيله المنشاوي وقال 

في الفيلا 

الظابط 

مطلوب القبض على سليم المنشاوي 

المنشاوي 

ليه بس كده يا حضره الظابط هو ايه اللي حصل لكل ده انا تعبت بجد من العيله دي هو دايما كده كل يوم بيتسقط منهم واحد 

مروان 

اهدى يا جدي كل واحد ليه اخطائه ولازم يدفع ثمنها روحي يا سعديه اندهي سليم من اوضته 

وسليم ومنى نزلوا من على سلم الفيلا وسليم قال 

سليم بتوتر 

خير يا حضره الظابط حضرتك عاوزني في ايه 

الظابط 

مطلوب القبض عليك في موت محمود الصياد 

ومعانا الدليل الفيديو وانت بتموته وكمان قبضنا اعلى معتز صاحب الشقه وقال لنا على كل حاجه 

اقبضوا عليه 

سليم 

سيبوني محدش يمسكني ما انا كان لازم اعمل كده ما هو اللي موت امي وكمان موت خلود اعمل ايه لكل ده ما كان لازم اخد حقهم

سمر 

انت بتقول ايه محمود الصياد هو اللي موت اختي يلا اهو غار في 60 داهيه 

الظابط 

مهما كان يا سليم في قانون هو اللي هيحدد من الظالم ومن المظلوم مش انت احنا مش عايشين في غابه اقبضوا عليه 

وفعلا الحكومه قبضت على سليم واخذته واتسجل 

ومنى على سلم الفيلا وقالت 

منى بجنون 

هههههههههههه 

يعني كده خلاص ما فيش سليم وما فيش فلوس وما فيش ورث وكده خلاص انا هرجع فقيره تاني هههههههههههه 

ههههههههه

للاسف منى اتجننت من شده الصدمه اللي هي كانت فيها 

وطبعا راحت مكان علشان تتعالج فيه من الجنان

المنشاوي قعد فتره كبيره قوي حزين اه على حفيده سليم بس مش بايده يعمل له حاجه

وفي يوم المنشاوي صحي من النوم ولقى الجنينه كلها فيها نور وورد كتير والمنشاوي قال 

في الجنينه 

المنشاوي 

يا مروان يا مروان تعالى يا ابني ايه الهيصه دي كلها وايه الورد ده احنا عندنا فرح ولا ايه 

مروان 

اه يا جدي عندنا فرح فرحي انا وجميله انت ناسي ان انا ما عملتلهاش فرح ولا كمان لبستها فستان فرح وبصراحه النهارده فرحي انا وجميله

المنشاوي 

رومانسي زي جدك يا واد يا مروان برافو عليك 

وبصراحه ربنا رزقك بزوجك تستاهل اكثر من كده كمان قل لي بقى جبت لها الشبكه ولا اجيبها لها انا 

مروان 

طبعا جبتها لها يا جدي شبكه الماظ تليق بيها الغالي ما بيلبسش غير الغالي 

سامح خرجت جنينه وقالت 

سماح 

لولولولى فرح مين يا اولاد اوعى تكون هتتجوز عليا يا منشاوي هزعل منك قوي 

المنشاوي 

هتجوز عليك ايه بس يا موحه تعالي شوفي ده فرح جميله ومروان ايه رايك 

سماح 

يا حلاوه يا حلاوه برافو عليك يا واد يا مروان جميله طيبه وتستاهل كل خير 

وبعديها سمر صحيت من النوم وقالت 

في اوضه سمر

سمر 

يا سعديه يا سعديه 

سعديه 

نعم يا سمر هانم 

سمر 

ايه الدوشه اللي تحت دي اكيد اللي اسمها سماح عامله دوشه زي كل يوم ما فيش فايده فيها خالص 

سعديه 

لا يا ست هانم مش الحاجه سماح ده مروان بيه بيعمل فرح كبير في الجنينه علشان يكون فرحه هو وجميله هانم 

سمر 

يا حبيبي يا مروان يجعلك فرحان وسعيد دايما يا حبيبي انت وجميله 

وطبعا كل العيله وقفت في الجنينه غير الا جميله مروان كان قافل عليها الباب وكمان البلكونه ومش عارفه تعرف الدوشه دي جايه منين لحد ما مروان قال 

في الجنينه 

مروان 

بس كده احنا تحضيرات الفرح وكمان فستان الفرح وصل من بلاد بره هطلع بقى اديه لها عشان اعمل لها احلى مفاجاه 

سمر 

ربنا يهنيك ويسعدك يا قلبي 

اما في اوضه جميله كانت واقفه زعلانه وعماله تقول 

في اوضه جميله 

جميله 

انا هتجنن يعني الباب اتقفل بالمفتاح وباب البلكونه كمان اتقفل بالمفتاح لا دي غريبه بقى اكيد في حد قافل عليا اكيد مروان بيهزر معايا افتحوا لي الباب ده يا جماعه 

ومره واحده الباب اتفتح وجميله لقت قصادها في فستان فرحها المانيكان لابسه جميله بصت بانبهار وقالت

جميله 

الله ايه الجمال ده 

مروان طلع من ورا فستان وقال لها 

مروان 

الجميل ما بيلبسش غير الجمال كله يلا يا عروسه اجهزي عشان النهارده فرحنا 

جميله حضنت مروان وقالت له

جميله

ربنا يخليك ليا يا مروان ده احلى مفاجاه شفتها في حياتي  بس بصراحه الفستان شكله حلو قوي وشكله غالي جدا ليه كلفت نفسك يا حبيبي 

مروان 

الغالي ما بيلبسش غير الغالي الفستان جاي من بلاد بره مخصوص عشانك انت يا جميلت الجميلات يا جميله قلبي انا

يلا بقى اجهزي عشان هيكون اجمل واحلى فرح في الدنيا 

وبعديها جميله لبست فستان الفرح ومروان لبس بدله الفرح ونزلوا من على سلم الفيلا زي سندريلا بالظبط والامير بتاعها وهي نازله جزمتها كعبيلتها وجميله قالت 

على سلم الفيلا 

جميله 

اه  الجزمه كعبلتني اصلا مش متعوده البس كعب عالي ورجليا وجعتني قوي

مروان شال جميله لحد ما وصلها كرسي الفرح

في الجنينه 

جميله 

ربنا يخليك ليا يا مروان الفرح شكله جميل قوي انا ما اقدرش على الدلع ده كله

مروان 

دي اقل حاجه اقدمها لك يا نور عينيا ربنا يجعلني موجود في الدنيا عشان اسعدك وبس 

وطبعا الفرح كان موجود في مصطفى ورنا اختها وسمر والمنشاوي وسماح وسعديه وكانوا فرحانين جدا 

وبعد ما خلصوا الفرح وكان كله فرحان وسعيد وعمال يرقص والفرح دخل بيت المنشاوي تاني مروان شال جميله وطلع اوضته وقال لها 

في اوضه مروان 

مروان 

عروستي وجميلتي الجميلات انت يا جميله ربنا يخليكي ليا واقدر اساعدك طول حياتي ولسه في مفاجاه ثانيه 

جميله 

ياه في ثاني مفاجات ده انت بقى لو كنت عفريت طالع لي من الفانوس ما كنتش هتعمل كل ده 

مروان 

انا موجود هنا في الدنيا علشان انفذ اوامرك يا روح قلبي واسعدك 

جميله 

وايه هي بقى المفاجاه 

مروان 

بكره الصبح انا وانت وكل العيله هنروح نعمل حج ويا رب تكون حج مبرور وذنب مغفور 

جميله 

يا حبيبي يا مروان ربنا يخليك ليا انا فعلا كان نفسي اطلع اعمل حج او عمره ربنا يخليك يا حبيبي ليا 

اما عند مصطفى فطبعا رجع شركته تاني

ومراد اتقدم لرنا وعمل خطوبه على الضيق علشان مديحه راحت وما ينفعش يعملوا فرح 

اما تاني يوم مروان وجميله صحيوا من النوم وكل العيله ولبسه لبس الاحرام ووقفوا قصاد الفيلا بيركبوا العربيات عشان يروحوا المطار ويسافروا ويعملوا الحج ومديحه قالت 

قصاد باب الفيلا 

مديحه 

ما تفردي وشك شويه يا عوض يوه هو انت سمر ما عرفتكيش عشان مش حاطه مكياج يا نهار ابيض 

سمر 

هو انت يا ست انت ما فيش فايده فيك برده ولا في لسانك ده 

جميله 

عشان خاطري يا خالتي احنا رايحين نعمل حج وربنا يغفر لنا ذنوبنا كلها 

سعديه 

ربنا يخليك يا مروان بيه ان حضرتك هتطلعني معاكوا العمره كثر خيرك يا بيه 

مروان 

انا قلت لك يا سعديه انت مش خدامه انت واحده من العيله 

المنشاوي 

يا فرحه قلبي بيك يا مروان النهارده انا فعلا كده اطمنت على عيله المنشاوي عقبال انت وجميله ما تجيبوا لي المنشاوي الصغير 

مروان 

ان شاء الله يا جدي هنملا لك الفيلا دي كلها عيال وتفرح بيهم يا حبيبي ويبارك في عمرك 

جميله 

امين يا رب العالمين يلا بينا بقى نركب العربيات ونروح علشان الطياره ما تروحش علينا 

سماح 

استني يا بنت يا جميله اما ازغرط زغرطى  يا بنت يا سعديه 

سماح 

لولولولى 

راحه فين يا حاجه يا ام شال قطيفه رايحه ازور النبي محمد والكعبه الشريفه

وبكده تبقى خلصت قصتنا

تعديل المقال