رواية حر والملكة شمس الحلقه الثالثه كتابة واقتباس محمد منصور **منص** حصريه وجديده في مدونة النجم المتوهج للروايات والمعلومات

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

وداد شافت رجل شمس في الزيت المغلي اتصدمت وقالت

شمس انتي مش حاسة باي وجع

شمس

لا.

وداد

ازاي وانت رجلك في طاسة الزيت المغلي

بصت شمس ل رجليها اللي كانت في نص الطاسة ورفعت رجليها ورغم ان جلد

رجليها بان عليه الحرق لكنها ما كنتش حاسة باي وجع فقالت وداد

انتي اية جن ولا انس

ولا ميته رجعت الدنيا. بس دة مستحيل ما فيش ميت بيرجع للدنيا من تاني

و اتوجعت وداد و بصت

ل ايدها فقالت لها شمس

طيب انا اقدر اعمل اية علشان تبطلي تتوجعي

وداد حطت دقيق علي ايدها وخرجت من المطبخ وقالت

انا مش عايزا منك اي حاجة غير انك تمشي

شمس

امشي اروح فين

وداد

ما اعرفش بس بعد اللي انا شوفته دة انا مش هعرف اتعامل معاكي. انا ست غلبانه وعايشة في حالي وانتي تخوفي وان،،،،،،

لكن وداد سكتت لما شافت مية بتنزل من عند شمس من تحت برقت وداد وقالت

انتي شكلك بتولدي

شمس

بولد

وداد

ما هو لما بتولديش يبقي اية المية دي ما انتي مش عيلة صغيرة هتكوني بتشخي علي نفسك مثلا

شمس

طيب وانا اعرف ازاي اني بولد

وداد

نامي علي ظهرك بسرعة

وفعلا نامت شمس علي ظهرها وبدات وداد تكشف علي شمس وفعلا كانت ولادة فبصت وداد ل شمس وقالت

هو انتي اية مش حاسة باي وجع

شمس

لا.

وداد

حتي وجع الولادة مش حاسة بي. ازاي تتحسبي من العايشين لكن مش وقته الكلام دة اولدك الاول وبعدها نبقي نشوف انتي اية،،،

ونروح ل حر اللي كان في الاوضة مع مراته الهام وهي بتقرب منه وبتقول

قلعت الاسود ولبست فستان احمر. اكتر لون انت بتحبو عليه

حر بص لها وفضل ساكت وهي قالت

صديق مالك لية حاسة انك مش فرحان انك رجعت للدنيا

وحطيت ايدها علي صدره وهنا حر يشوف الهام وهي واقفة في اوضة ومعاها فهد اللي كان بيقول لها

دة علم يا جاهلة وانا قادر ازرع جوة منه المرض

و اعالجة منه

الهام

ولو مات

فهد

ما هو ميت ميت. دة مريض ب سرطان المخ يعني دة احسن واحد اجرب عليه علاج للفيرس اللي انا اكتشفته وفوق دة كله هو طلب مني اريحة من الوجع اللي هو في

الهام

عمي وابويا ل عرفه باللي انت بتعمله في صديق مش هيرحمونا

فهد

انا مهما اعمل في مش هيشوف العذاب اللي بشوفه مع كل كلمة توبيخ ليا ومقارنه بي ما هما ديما شايفنه الاحسن. بقي دة احسن مني دة مع دبلوم تجارة

الهام

لكنه اذكي منك وقدر من مليون واحد كان كل اللي حيلة عمي وبابا يخلي مليار

فهد

من الشغل الشمال

الهام

لا يا فهد وانت عارف وانا عارفه انا صديق. انظف واحد في عيلة الجيار

فهد

اهو بيموت وتحت ايدي وانا بس اللي اقدر اشفي من اللي هو في

الهام

وانت هتعمل كدة

فهد بص لها وسكت، ،

وهنا الهام تهز حر لما لقيته سرحان ف بص لها حر وهي قالت

سرحت مني في اية

حر قام وخرج من الاوضة ولسة هيخرج من القصر ناصر منعه وقال

رايح فين يا صديق

حر

انا حر مش صديق وسابني امشي من هنا

ولسة هيتحرك حر ناصر منعه تاني وقال

انت تعبان ومش هتخرج من هنا وانت في الحالة دي

حر

ما حدش يقدر يمنعني من الخروج

ناصر

صديق انا مقدر اللي انت ممكن تكون شوفته في قبرك ما هما برضو ليلتين جوة قبر مقفول عليك مش قليل وسهل بسببهم تتجنن لكني عايزك كدة تفوق وترجع صديق اللي احنا نعرفه علشان احنا من غيرك بنخسر دة انت اخر فترة كنت فيها عيان شركتنا خسرت 200 مليون ج.

حر

صدقني انا مش هفيدكم لاني مش الشخص اللي انتم بتقولو اسمه

ناصر

انت هو بس اعصابك تعبانه شوية لكني هعرف ازاي اعالجك ما انا مش هستحمل اتحرم من الفلوس بعد ما ذوقت طعم العز

حر

كل دة كلام بالنسبة لي ملهوش لزمة

ناصر بخبث

طيب اطلع اوضك دلوقتي ارتاح

حر بحدة

مش طالع اوضي

وحاول يمشي لكن ناصر منعه لثالث مرة وقال

باين ان الذوق مش هينفع معاك

وندهه ل تلاته من حراس القصر وقال

نزلو البدروم واحبسو تحت في اوضة الخضار واياك يخرج منها مهما حصل

وفعلا الرجاله بداو يسحبو بالعافية ل تحت وحر حاول يفلت منهم لكنه ما اقدرش وناصر بص عليهم وهو بيسحبو للبدروم وطلع موبيلة واتصل ب رقم واستني كام ثانية قبل ما يقول

شوف لي دكتور نفسي يعالج صديق لان حالته صعبة،،،،،،

ونرجع ل شمس اللي ولدت بنت زي القمر وكانت وداد شايلة البنت وبتقول

ل شمس

بنت زي القمر

شمس حست بحنين ناحية البنت دي ومديت ايدها خدتها في حضنها وكل ما البنت كانت تعيط كانت شمس بتعيط علي عياطها

ف استغربت وداد وقالت

انتي حاسة بوجعها

شمس مسحت دموعها وقالت

اة كأن الوجع فيا انا

وداد

انتي هتلخبطيني لية. يعني ما بتحسيش بالوجع اللي في جسمك وحاسة بوجع بنتك

شمس

هي دي بنتي

وداد

انتي عندك شك انها بنتك

شمس

اسمها اية

وداد

اختاري لها اسم

شمس

انا شمس تبقي هي نور

وداد

مش فاكرة اي حاجة عن ابوها

شمس سكتت وفضلت باصة ل نور وهي بتقول

نور شمس نور شمس

هنا وداد مسكت موبيلها واتصلت ب صفاء ورديت صفاء فقالت وداد

تعالي شقتي حالا،،،،،،،،

ويتغير المشهد ونروح ل حر اللي كان قاعد في اوضة المكتب الموجودة في القصر وقصاد منه دكتورة نفسية اسمها هند ماسكة قلم وورقة وجاهزة تكتب كل اللي هيقوله حر وهي قالت له

عايزاك تحكي لي كل اللي حصل من وقت ما فتحت عيونك ولقيت نفسك في القبر

حر

انا مش فاكر اي حاجة غير اني اسمي حر

سابت هند القلم وقالت

حر

انتي تعرفيني

هند

اسم حر ما اتكررش قدام مني الا مرة واحدة وانا بقراء في كتاب بيحكي عن اسطورة بحيرة الزمن اصلي غاوية قراية

حر

انا مش فاهم حاجة

هند

انت و الملكة شمس اللي كانت هتبقي مراتك لولا هجوم المتمردين عليكم يوم فرحكم وهروبكم منهم بالنط في بحيرة الزمن. اصل انتم اخير اتنين نطو في البحيرة