رواية اسيا البارت السابع عشر والثامن عشر بقلم الكاتبه فاطمه صلاح حصريه وجديده على مدونة النجم المتوهج للروايات والمعلومات
 |
رواية اسيا البارت السابع عشر والثامن عشر بقلم الكاتبه فاطمه صلاح حصريه وجديده على مدونة النجم المتوهج للروايات والمعلومات
اكرم بحزم:من١٤سنه كنت في ١طب شاب مراهق عنده١٩سنه وسيم متفوق ابوه رجل اعمال ليه اسمه يعني بالمختصر كنت جينتل الجامعه كانوا بيترمو حواليا ومكنش حد بيلفت انتباهي لحد مافي يوم لقيت بابا بيقولي ان بنت صاحبه معايا في الجامعه وياريت اخد بالي منها طبعا انا مكنش فبالي لحد ماجيت تاني يوم تعرفني بنفسها شرد وهو يكمل ما كانتش انسانه طبيعيه ساعتها كانت هاله من البراءه والجمال النادر خدنا علي بعض بسرعه وانسجمنا بقينا كل يوم مع بعض بعد سنتين كنت بقيت متيم بها او اكتر طلبت منها الجواز
فلاش باك
كانت حفله بمناسبه انتهاء السنه الثالثه وكان جميع اصدقائهما حاضرين لتشتغل أغنيه يعشقهانها لتامر حسني*تعالا نعيش* ليحضتنها وهما يغنيان ويفتح علبه بها خاتم من الالماس من خلف ظهرها ليبعدها عنه ويجلس علي ركبه ونصف وهو يقول:marry me?
اخذت تصرخ من الفرحه وتردد بدهشه:ohh my god
بعد ان افاقت من دهشتها قالت بتوتر:I can t now
اكرم بضحك:ناو اي بسس يعني كمان شهرين نكتب كتابنا ونتجوز بعد رابعه
سيلينا بتوتر:انا مش مستعده لمسؤليه ولا اقدر اتجوز اسفه يا اكرم وتركته وذهبت!!
افاق وعلي وجهه علامات سخريه بعدها اتجاهلتني تماما وراحت ارتبطت بواحد صاحبها بعدت عن كله وكانت اسوء فتره في حياتي قضيتها بين البنات وبس كان ليا ساعتها حد واحد واقف جنبي بعد لين وهي "ملاك" قاطعته اسيا بصدمه اكبر مش ملاك دي السكرتيره بتاعتك!!!!!!! اكرم وهو يتجاهلها قوتني جدا وقمت من تاني اصلب واقوي بس طبعا بقيت صعب ان حد يتعامل معايا هي الوحيده اللي كانت بتستحملني بعد سنه كنت اتعافيت تماما من سيلينا او كنت بحسب كده جت اخر يوم ملاك ف الامتحانات و
فلاش باك
ملاك بتوتر:أكرم ماما عزماك علي الغدا عندنا
اكرم بحب:طيب تمم هاجي هي كده كده وحشاني
ملاك بضحك:ونت وحشها جدا انا بدات اشك انك اللي ابنها مش انا
ذهب لبيت والدتها وبعد ان تناولا غذائهما في جو مليء بالمرح دلفت ملاك للمطبخ لغسل الاطباق وتحضير الشاي
ساميه بحنان:بتحبها يا ابني
اكرم باستغراب:بحب مين يا أمي؟
ساميه:ملاك؟
اكرم بتوتر:وقفت جنبي كتير وهي بنت مفيهاش غلطه بس انا هظلمها معايا انا عايز علي الاقل فتره اجمع نفسي
ساميه باستغراب:بس هي قالتلي انكم بتحبو بعض!!
اكرم بدهشه:نعم!!
ساميه وقد فهمت ابنتها لتقول بحزن:يبقي سوء تفاهم بص ياكرم نصيحه مني انت زي ابني مش هتلاقي حد يحبك زيها حاول تقرب منها محدش عارف النصيب فين
باك
بعدها قربنا فعلا طول الاجازه مع بعض بدات تتكون مشاعر جوايا ليها بس ماتت بعد وقت قليل في بدايه خامسه سيلينا جالها غيبوبه سكر كانت صدمه بالنسبالي لاني معرفش انها عندها السكر اصلا بس طلع عندها من زمان وبالوراثه قربنا من تاني واتاثرت بكلامها وتزللها ومرضها واتفقنا علي الخطوبه بعد منخلص طب
خلصنا وبابا فتحلي عياده بعدها بابا وابوها كبروها وخلوها مجمع طبي بقينا٢٤ساعه في وش بعض كانت احلي فتره في حياتي !وكنت حاسس اني ملكت الدنيا،،
من ٧سنين بقي كان الحب خلاص اتاكدنا انه حتي اكبر من العشق بقالنا٧سنين طوال الكليه مع بعض نستني ايه؟المهم اتخطبنا كان الحب بيخليني طاير بيها بس كنت بلاحظ كل يوم طبع فيها اسوء م اليوم اللي قبله كل خناقتنا كانت علي سهرها بره والولاد اللي مقطعتش علاقتها بيهم والشرب والكذب والامبالاه!!كنت بزوق الدنيا عشان تمشي لحد ماعدي سنه واتكتب كتابنا ومرضتش نتجوز بعدها بسنه كنا خلاص اتفقنا علي الجواز وهي واخيراً اقتنعت!!مكنتش مصدق نفسي ٧سنين مرتبطين وسنه مخطوبين وسنه مكتوب كتابنا هتجوزها اخيراً ثم اكمل وهو يضحك بسخريه اليوم اللي قبل الفرح كان عندنا عمليه مشتركه لطفله ٦سنين طبعا انا اللي اختارتها تبقي مساعده ويارتني،،اختياري ليها موت طفله
فلاش باك
اكرم بصراخ:اقطعي ياسلينااا اقطعي!!
لتقطع الاخري شريان اخر اوقف قلب المريضه
اكرم بغضب:وقفو النزيف ده،،خليكي مسكاه اوعي تسيبيه
والاخري لم توقف اي شيء تركت الادوات وهي تبكي بذعر فهي قد قتلت طفله والان بسبب جهلها!!
باك
بعدها هي فضلت تردد لاهلها انها قتلتها وللاسف انا قولت ان انا عشان احميها وعارفه اللي بيكذب الكذبه ويصدقها"سيلينا صدقتها"
بعدها ككانت الحياه بينا شبه مستحيله بس قلبي كان لسه بيحبها!!بعدها بشهب لقتيها سيبالي جواب علي مكتبي اني لو مطلقتهاش هتنتحر ويكون ذنبها في رقبتي واني محاولش ادور عليها وانها عمرها ما حبتني كان مجرد انبهار بس للاسف طلعت رجعي ومتخلف وقاتلذ ومستحقهاش!رجولتي نقحت عليا الصراحه وحسيت اني كرهتها طلقتها ومن ساعتها اختفت من حياتي تماما وسابتلي قلب متحطم!!قولت علي نفسي قاتل عشان احميها فخدتها حجه عشان تسبني
اسيا بصدمه:مريضه نفسيه!!!
دورت علي ملاك عشان حسيت ان كله ده ذنبها لقيتها رجعت الصعيد عند اهل ابوها ونقلت كليتها هناك عشان الحاجه ساميه اتوفت وبس من حوالي سنتين كان في اعلان لسكرتيره للمدير بمرتب طبعا اضعاف لو اشتغلت في مستشفي وقدمت وتقبلت بس كل اللي بينا ازيك سلام!!
نظر لاسيا ليجد وجهها مليء بالدموع ولا تنطق من اثر صدمتها اتي بكوب ماء لها وهو يجلس:نتي كويسه
اسيا بوجع:خلاص كده ولا لسه فيه؟
لا المهم لسه مجاش قص عليها ما حدث في الاونه الاخيره وعرض سيلينا:انا ليه بحكي كل ده عشان انا مستحيل اخلي حاجه تبعد بينا!،،كل اللي هعمله اني هسافر القاهره كام شهر عشان احميكي لان وجودي هنا خطر و...
ضحكت بشدهه ظلت تضحك بطريقه هستريه وامسكت بكوب الماء الموضوع امامها وهي تلقيه به حتي كاد يجرح وجه ولكنه تفاداه بمهاره ليقع ارضاً ويتكسر اشلاء:اناا بكرهكك اي اللي دخلك حياتي وبتوعد ليه طول مانت مش قد وعودك انت كذبت وخونت وهتبعد ولا وعد واحد حتي كان حقيقي طلقنييييي واقعد في القاهره باقي عمرك مش كام شهر يا بتاع القاتله والحيه التانبه
اقترب الاخر منها وهو يقول:ده كان ماضي يا اسيا ماضيي لو انا مكنتش حكيت يبقي مكنتيش تامني لنفسك معايا،انا رفضت الصفقات دي عشانك
لتضحك بشده:لا سبني انا عشانها زي ما سبت التانيه انت اصلا او** حد قابلته انا ماشيه ويريت تجي لبابا عشان تتفقو علي الطلاق ارتمي علي الكنبه خلفه وهو يردد:كان نفسي تقدري وتفهميني!!غلطان اني صرحتك انتي واحده غبيه ومبتفهميش
اسيا وهي تلتفت للخروج وتسقط دمعه مخزوله علي وجهها:عندك حق
__________________
دلفت لمنزلها وهي تسرع لحجرتها قبل ان تلتقي بوالدتها وتبدأ في الاستفسار عن احمرار عينيها المخيف
دلفت للمرحاض وهي تنام في"البانيو"لتنزل برأسها اسفله وترفع راسها قبل ان تختنق بلحظه كعادتها عندما يضيق بها العالم ظلت تبكي بحرقه لم تشعر بها من قبل ظ وبعدها خرجت لتنام وهي تردد بداخلها:عارفه انك وصلتي لمرحله انك مش هتعرفي تعيشي منغيره بس سبيه قبل ميسيبك ويهين كرامتك سبيه قبل متكرهيه
لترد علي نفسها قبل ان تغفو:أكره نفسي وهو لأ
..........................................
افاقت علي صوت مراد وهو يقول بصدمه:لا يا عزيز اتأكد بس ثم رد:طبب ازااي "جيددد!" انا متأكد تشابه اسماء
تلاقت نظراتهما ليقول:طيب هبقي اكلمك سلام
كارمه باستغراب:كنت بتزعق ليه!
مراد بتوتر:لا مفيش يلا عشان نفطر
دلف للخارج لتلحقه بعد دقائق
علي سفره الطعام
مراد باهتمام:اهلك هيشرفونا انهارده عشان اكيد وحشوكي وكمان طنط عايزه تطمن عليكي عشان عرفت انك تعبتي شويه
كارمه بسخريه:انت بتكذب علي مين،،عطيتها كام عشان تيجي تشوفني؟
مراد بكذب:احترمي نفسك يكارمه هي اللي كلمتني وقالت عايزه تجيلك
بعد صمت قطعه الاخر:هتروحي للدكتور ولا
توقفت عن الاكل لتنهض بعصبيه وهي تلقي بالمنشفه علي السفره وتذهب باتجاه غرفتها:مش رايحه عند زفتتتت انا
مراد بكبت:حتي لو قولتلك اني هطلقك لو روحتي؟
كارمه بعدم تصديق:انت بتتكلم جد
مراد ببرود كاذب:اكيد مش بهزر!
كارمه بسعاده:الحمدلله يارب انا كنت متاكده انك مش هتسبني ظلت تحمد الله كثيرا ومع كل حرف كانت تنطق به كان بمثابه سكين حاد يغرز في قلبه دون رحمه،يتألم كثيراً كان يظن طوال حياته ان الحب عباره عن سعاده عظيمه ولكن لا يعلم ان الحب خليطاً من الالم والسعاده ولكن كما ان سعادته لا توصف فألمه الاصعب علي الاطلاق ولسوء حظه كان نصيبه الاكبر من الالم.
قاطعها وهو يقول:بعد ما اهلك يمشو هننزل نجيب هدوم وحاجات للبيت
هزت راسها بنعم وهي تغير طريقها وتدلف للصاله لتشاهد التلفاز!!
راقبها بألم وهو يفكر هل هو يشكل عبئاً كبيرا لتلك الدرجه عليها
..........................
في الخامسه عصراً
اتوا اهلها وجلسوا علي سفره الطعام
الحاجه مني:مشاءلله ده بيت ده ولا قصر ياخواتي
لم يعلق احد الا محمود وهو يقول والطعام يتساقط من فمه في مشهد مقزز:تعرفي ياما بيت لارا......
لترد كارمه باستغراب:مش دي بنت صاحب الشركه اللي انت شغال فيها
محمود بثرثره:اهه اتخطيت من عشر ايام كده للولا ابن المحظوظه...
لتقاطعه والدته بحده:اهه ياختي اتخطبت وهتتجوز اهي عقبال منشوف عيالك
فقدت شهيتها بعد اخر ثلاث كلمات تفوهت بهم والدتها:الحمدلله شبعت
_____________________
جلسو يحتسون الشاي لتهتف والدتها:اوعي تكون مقصوفه الرقبه دي مزعلاك فحاجه قولي ونا اقطملك رقبتها!!
كارمه بسخريه مريره:اقطميها يماما انا تحت ايدك
مراد باشمئزاز:لا طبعا دي نورت حياتي ومحدش يقدر يلمس شعره منها طول حياتي
واستغل هذه الفرصه الذهبيه ليحضتنها ويقبل راسها حاولت الابتعاد ولكن احاطها بإحكام شعرت للحظه بالامان في حضنه ولكن تلاشي هذا االشعور سريعا او لنكون صادقين تجاهلته..
الحاج احمد:ربنا يسعدكوا يولاد ويخليكم لبعض
مني بملل:هنقوم احنا عشان عايزه انام
كارمه بدهشه:هتنامي دلوقتي يماما الساعه مجتش٦.٥
والدتها بعصبيه لاداعي لها:بتكذبيني ولا اي يعين امك و...
مراد وهو ينهض قبل ان يفقد اعصابه:يلا عشان اوصلكم
ذهب مراد مع اهلها لتجلس وهي تغرق في ذكرياتها مع سليم
فلاش باك
كانت في البقاله تبتاع بعض الاشياء لتجد البائع محمد جارهم:خلي علينا يقمر
كارمه باحراج:ربنا يخليك
البائع:علي كده لو اتقدملك واحد خريج تجاره وعقبال متتجوزو يكون لقي شغل في شركه توافقي
لتتوتر وهي علي وشك ان تنهره
وبيحبك ومعجب جدا باخلاقك ليقاطعه صوت همجي:هلا هلا وايه كمان ثم امسك ذراعها بشده اتفضلي قدامي علي البيت ووجهه كلامه للاخر: ونتتت حسابك معايا بعدين عشان في كلام مينفعش اقوله في حضورها
يومها ظل يؤنبها طوال الطريق شعرت وبشده بغيرته عليها واخر كلمه قالها لها امام شقتها اقسم بلله ياكرمه لو شوفتك بتكلمي حد هولع فيكي مش مسمحولك الا انا وبس
كارمه بحب:ليه
سليم بغموض:محبه!
فكرت حينها انه يحبها فالغيره هي اكبر اثبات للحب
افاقت وهي تضحك علي سذاجتها وكيف كانت تتعلق بكلمه منه كأنه هو القشه الوحيده للنجاه لم تعلم انه القشه الوحيده للغرق.
____________________
اتي مراد بعد حوالي ساعه و:البسي يلا عشان ننزل
بدلت ملابسها ودلفو للسياره ليصدع المسجل ب"هو انتي ليه بعيده كده ومستحيله بالشكل ده..."تجاهلت الكلمات ولكن قلبها تألم ولكن ليت قلوبنا بأيدينا لكانت الحياه تحولت لنعيم الجنه.
تسوقو كثيراً وتناست مرضها لساعات اشتري لها الكثير من الملابس سواء للخروج او البيت واخيراً كارمه بتعب:انا متت
مراد:يلا طيب نتعشي
مر اليوم سريعاً ليدلفو لشقتهما في الثانيه صباحاً لتقول كارمه قبل
ان تدلف لحجرتها:انت حد نادر ياريتني قابلتك من زمان كانت حياتي هتبقي جنه مش جحيم زي دلوقتي،تصبح ع خير
...............................
تمر الايام سريعاً دون الالتفات لالم احد مننا لتصبح اسابيع وشهور وسنوات ولكن كان الحال مع اسيا مختلف مر اربع ايام كانو بمثابه دهر لها مروا ببطء لا يحتمل فكرت كثيراً كانت لا تفعل شيء سوي التفكير واحتساء الكثير من المنبهات،، كانوا اربع ايام من اصعب مايكون اعتزلت الناس واغلقت هاتفها واعتزلت الطعام وكانت لا تنام سوي ساعات لا تتعدي اصابع اليد الواحده واخيراً توصلت انه لاذنب له في الماضي فكل شخص له ماضي فهي أيضاً أحبت وكانت متيمه به وتراه تماماً مثلما كان يري سيلينا ولا يعد ذلك خيانه،وهي أيضاً لم تقص عليه ماضيها ولا يعد ذلك كذب،ولو كانت مكانه لفعلت ما قرر فعله دون تردد للحفاظ عليه،،قررت فتح هاتفها لتجد الكثير الكثير من المكالمات الفائته لم تهتم سوي بمكالماته ولم تهتم سوي باخر رسائله منذ ساعتين"وحشتيني مفتكرش انها كفايه لوصف اللي جوايا دلوقتي انا ناقص كتير منغيرك!!حاسس اني مش عايش يمكن اربع ايام كانو بيمرو في وجودك زي الهوا بس دلوقتي انا حاسس انهم سنين ضوئيه!!،انا قررت قرار احسن بكتير وياريت اول متشوفيها تكلميني عشان عايزين نسافر عشان نشوف الفندق اللي هنعمل في فرحنا!"
ظلت تصرخ بفرحه وهي تقفز علي الفراش كعادتها ووقفت لتقبل صورته التي توجد خلف سريرها
اخرجت من دولاب ملابسها "إسكارف" باللون الابيض وهي تضعه علي رأسها كحجاب العروس وهي تغني بسعاده امام المرأه:ودوني علي بيت حبيبي...
لتجد باب حجرتها يطرق ويدلف بعد دقائق والددها وعلي وجهه علامات الحزن
اسيا بقلق بعد ان اختفت ملامح السعاده من وجهها:بابا في حاجه كله تمام؟
سامر بحزن:مش عارف اقولك ايه والله بس...
ظل يتحدث كثيراً ولكن لم تسمع سوي كلمه واحده لتقف متحجره بعدها ولم تنبث بحرف تحدثت عوضاً عنها السيول التي جرت من عينيها ليحتضنها والدها وهو يقول بحنان:انتي قويه يا اسيا عديتي باكتر من كده مش هتعدي ده!! حسناً هو كان يقول كل ذلك من باب المواساه اما هو فيعلم جيداً ان الامر لن يمر عليها مرور الكرام
شعرت انها فقدت في تللك االحظه حياتها،،دقات قلبها تؤلمها بشده،،قلبها ينبئها انه سيتوقف من فرط الالم الذي لم تعد تتحمله,،،، وجد ان قواها تخور وقبل ان يمسك بها وجدها
تنزلق حتي وقعت ارضاً مغشي عليها وحجاب العروس سقط بعيداً عنها كحال جميع احلامها،،،ووجهها ممتليء بالدموع في مشهد يدمع له القلب....
آسيا للـكاتبه فاطمه صلاح
البارت الثامن عشر
فتحت عينيها ببطيء وهي تشعر بصداع مميت في رأسها وجدت أبويها و ليلي ومصطفي ولين بجوارها
اسيا بصوت متقطع:أكرم فين!!
لينظر لها الجميع بأسف وحزن لتتذكر ما حدث قبل ساعات
فلاش باك
سامر بحزن:مش عارف اقولك ايه والله بس رؤوف كلمني من نص ساعه وقالي ان أكرم اضرب رصاصه وحالته خطيره جدا و...
لم تستمع لحرف بعد ذلك ثم أغشي عليها..
والدها بصوت عالي:لمياءء اتصلي بالدكتور مجدي بسرعه
اتي الطبيب واخبرهم انها مصابه بهبوط في الدوره الدمويه نتيجه قله الاكل والنوم واخبرهم بضروره ذهابها للمشفي لتعليق المحاليل لها في الحال
باك
_____________________
رمت بالكانيولا وهي تنهض لتشعر بدوار مميت وضعت يدها علي عينيها حتي تتماسك وهي تركض في طرقه المشفي
اسيا بهستريه:اكرم،،أكررم
احاطها والدها:اهدي يا حبيبتي وتعالي ارتاحي هو كويس صدقيني
لمياء ببكاء:يا حبيبتي يا آسو يا حبيبتي يا بنتي
ليلي بضيق:اسيا ياريت تجمدي شويه عشان اللي جي اصعب هو دلوقتي في العمليات من ساعتين وأكتر والعمليه هطول لانها خطيره فوق الوصف والرصاصه جنب القلب بالظبط و...
لين وهي تقاطعها:هيبقي كويس يا اسيا صدقيني
اسيا بصراخ وهي تخبط برجليها بهستريه أرضاً وتصرخ بحرقه:ودوني اشوفه دلوقتي ودوني حالا
ليحاوطاها والدها ووالدتها
لتبعد يديهم وهي تصرخ بهستريه:ودوني اشوفهه حرام عليكم
ثم ظلت تصرخ كأنها فاقده لعقلها
واخيراً تهاوت ارضاً باستسلام
بعد ان حقنتها الممرضه بمهديء،،اخبرهم الطبيب انها اصيبت بانهيار عصبي ويجب ان يشعروها انه يتحسن ولو كذباً حتي لا تسوء حالتها
_____________________
في الثانيه صباحاً
افاقت بتعب وهي تنظر حولها لتجد والدتها نائمه بفراش جوارها
نهضت وهي ترمي الكانيولا ببرود ودلفت للاستعلامات
الممرضه بابتسامه:اقدر اساعدک؟
اسيا:اكرم رؤوف حالته ايه؟
الممرضه بثرثره:مخبيش عليكي حالته حاله،،الرصاصه متنشنه ع القلب بس ربنا ستر وجت جنبه بالظبط،،فعلا الفلوس مش كل حاجه
اسيا بتماسك:طب والعمليه نجحت ولا ايه؟
الممرضه:مش هيبان دلوقتي بعد٢٤ساعه اما دلوقتي فالحاله لسه في خطر لكن الرصاصه اتشالت
اسيا:طب رقم قوضته ايه؟
الممرضه:304,,بس ممنوع الزياره عشان دي عنايه حرجه الا قوليلي نتي تبقي مين
اسيا في طريقها للمصعد:مراته!
_____________________
تلفتت حولها قبل ان تدلف لحجرته بهدوء وجدته ينام بسكون وصدره مليء بالاسلاك والاجهزه من كل ناحيه،،لاول مره تراه من دون ابتسامته التي بها تشرق شمس قلبها،،لم تري عينيه التي تعشق فقد كانت مغمضه بارهاق،،لم تري نظرته التي تختلف من لعوبه/حب/انبهار/تسليه/هيام
جلست بجانبه والدموع لا تتوقف في الهطول:أكرم!
أسيا حبيبتك جيت!اكرم فوق عشان وحشتني اوي ووحشني حضنك،،كنت هكلمك عشان اقولك اني موافقه نتجوز!،،قوم يحبي بقي عشان قلبي عايش بسبب وجودك جنبي،،انا بحبك بحبك بجد مش عارفه اوصفلك بس انت دنيتي انا ولا حاجه من غيرك مبحسش اني عايشه غير بوجودك،بحب عينيك اكتر من اي حاجه،صوتك احسن من اي مزيكا،ضحكتك حياتي ياكرم ضحكتك بتنسيني اي حزن!نت فارق معايا اوي صدقني قوم والنبي
ثم اكملت وشفتيها ترتعش من البكاء:مش هسمح انك تروح مني بعد مالقيتك وبعد ماعطتني حياه جديده؟،هجيب منين حد يتحمل دبشي وشتايمي؟هجيب منين حد يطلع احسن ما فيا واللي مكنتش اعرف انه موجود اصلا!
قوم والنبي ومتوجعش قلبي عليك عشان نا حساه هيقف من خوفي.
اكرم اوعي تكون بتعاقبني علي الطريقه اللي حبيتك بيها صدقني هغيرها كنت هغيرها اصلا منغير كل ده!
انا اسفه يا حبي اني تعبتك معايا،،اسفه علي خوفي،ارتباكي،اسلوبي،اسفه اني كنت جبانه في حبك،ارجع واوعدك هثبتلك اني بحبك في الدقيقه١٠٠٠مره فوق يلا!!
غفت بجانبه بإنهاك ودموعها لم تجف او تتوقف حتي اثناء نومها.
_____________________
في مكان اخر مليء بالكراهيه والحقد يجلس شخص خلق من الانس بالاسم فقدط ولكن قد تغلب علي ابليس في اذاه
.....:يا بيه هي جت كده انا كنت ولله منشن بالظبط انت عارف اني عمري ما خبت
.....:لا يا فالح خبت ويظهر ان نظرك راح!
.....:...................وبكده اخلص عليه؟
...بصراخ:انت عايز توديني في داهيه يا غبي انت،،حقنه اي اللي تموته بيها وزفت احنا هنقعد فتره مختفين بعد العمله الغبيه دي،،الزفت كريم صاحبه قالب الدنيا.
_____________________
في الصباح
افاقت علي دخول الطبيب والممرضه لفحص الاخر وطمأنها الطبيب انه سيتحسن عاجلاً
_____________________
دلفت للغرفه
لمياء:كنتي فين لسه كنت...
اسيا:عند اكرم،،مفيش هدوم ليا؟
اشارت الاخري لحقيبه سوداء:اه هنا ليلي جبتهم امبارح
أخرجت أول طقم وقع تحت يدها ليكون طقم خطوبتها تذكرت عندما نظر لها بانبهار رغم انها كانت تتمني اغاظته ارتدته في اسعد لحظاتهما معاً حتي ولو انكرت ذلك حينها وسترتديه في اسوء لحظاتهما علي الاطلاق من سينظر للها الان تلك النظره؟،فكرت ما الذي حدث ليسوء وضعهم بتلك الطريقه المؤسفه كانوا يعيشون بين السعاده والمشاجرات اللطيفه لمده سنه؟لماذا عاد الحزن مره اخري ليدمر سعادتها الذي لم تصدق انها تصالحت معها اخيراً؟ولكن من الواضح انها قد تناست ان السعاده لا تدوم طويلا كما حال الحزن ايضاً..
تركت شعرها خلفها فلا قدره لها علي رفعه وخرجت لهم كانت هشه للغايه من يراها يخيل له انها هربت حالاً من الاموات من يصدق انها كانت منذ ساعات تطير في انحاء غرفتها كالفراشه وهي تشعر انها واخيراً اسعد مايكون هكذا هو الحب يرفعنا اعلي السموات لنجد أنفسنا وفجأه نرتطم بأسفل أسفل الاراضي.
نظر لها الجميع بحزن سوي لين تساقط منها دمعه وهي تردد بهمس:ربنا ينتقم من اللي اذاك يا اكرم
_____________________
مر أربع أيام لم يحدث أي شيء هام في حياتها سوي انها ذهبت للطبيب النفسي وبدأت تتقبل الوضع قليلاً وقابلت حور الذي نصحتها ان تنسي وتهتم بعلاجها فسليم لا يستحق كل ذاك ولكن من تقنع؟
_____________________
علي مائده الطعام
مراد باهتمام:ايي رايك في الدكتور بتاعك؟
كارمه بلا شعور:عادي؟!!
مراد باستغراب!:يعني اي عادي قولي عشان لو مش حلو نغيره!!
كارمه بهدوء:اللي تشوفه واللي نت عايزه؟
مراد وقد توقف عن الطعام:ايه الهبل ده هو انا اللي بتعالج؟!
كارمه بإنفعال:م الاخر انا مش عايزه اتعالج انا روحت عشان تطلقني ولو مبداتش تمشي في الاجراءات معتش رايحه!
مراد بغضب:مش بمزاجككك انا سايبك براحتك عشان انا مش عايز اضغط عليكي مش اكتر
كارمه بهدوء:تشكر
مراد وهو متجهه لغرفته:مفيش طلاق الا اما علاجك يخلص،هنام ياريت تصحيني ٨ضروري!
_____________________
في المساء
دلفت لحجرته لتوقظه لتجده نائم كالملاك كان وسيم بشده شعره الاسود يتساقط علي وجهه بفوضي ومظهر فمه وهو نائم كفم الاطفال تماماً ظلت تتأمله وارتسم علي وجهها ابتسامه صغيره وهي ترفع خصله متساقطه عن وجهه ثم نادته برقه:مراد مراد
لم يرد لتقول بصوت عالي:مراد
فتح عينيه بضيق و:ابو ام اللي يقولك صحيني يشيخه
ثم نظر لها ولاول مره تكون قريبه بشده وبتلك العفويه كان لا يفصل بينهما سوي سنتيمتر واحد والاخري تضحك علي اخر ما تفوه به
مراد بشرود:انتي حلوه اوي!
كارمه وقد افاقت وهي تنهض بتجاهل:اعملك عصير ولا قهوه؟
مراد وهو يمسح وجهه باحراج:لا هنزل
_____________________
دلف بعد نصف ساعه وهو يرتدي بنطلون من القماش الاسود وقميص ابيض في مظهر جذاب
كارمه باهتمام:رايح فين
مراد باستغراب من سؤالها:خارج مع صحبي
كارمه بتوتر:لا مش قصدي اقصد انك بتلبس كاجول دايما و..
مراد بخيبه امل:عشان رايحين نشتري بدل وكده
كارمه بضحك عفوي:بدل اي ده انت كنت كل يوم بتيجي ببدله شكل يا شيخ و مجنن الدفعه من جمالك مكناش عرفين نفرق بين بدلك والله وال......
افاقت علي صوته وهو يقول بضحك:كنت مجننهم ومجننتكيش ليه؟
كارمه باحراج:اقصد مش محتاج يعني
مراد بفرحه داخليه:لا اصل فرح اخته بكره عشان كده
كارمه وهي توجه نظرها مره اخري للتلفاز:اوكك سلام
ظلت تفكر كم هو شخص مثالي كانت تتمني بشده لو احبته وقابلته منذ زمن تذكرت كلام الطبيب نادر:انا عايز اقولك انه بيحبك بجد وانه نادر حاولي تتقبليه وتقدريه عشان معتش فيه ناس كتير زيه،، كله دلوقتي بيحب وفي ناس كتير بتحب بجد لكن انك تلاقي حد يستحمل ويبقي في ضهرك بدون مقابل ده نادر ويكاد يكون منعدم قدريه عشان متندميش او تفوقي بعد فوات الاوان
افاقت وهي تقول: ياريتني اقدر انا حاسه اني معتش طايقه حد حتي نفسي حتي سليم حتي آسيا اللي كنت بكلمها يوميا اكتر مبتكلم مع اهلي خلاص هي كمان
ثم اضافت وهي تضحك بلا مرح :كنت بفكر قبل ماتعب بجد اني في قمه اكتئابي ويارب ريحني،،دلوقتي عرفت الاكتئاب اللي ع حق
_____________________
دلفت لغرفه مراد وهي تختار روايه رومانسيه لتنشغل بها وجلست علي فراشه لتقرأها...
_____________________
في المساء
لمياء بتعب:قومي كلي ياسيا حرام عليكي نفسك
اسيا بدموع:لو سمحتي يا ماما مش عايزه اسمع صوت
لمياء:هتقعي في الارض يبنتي اشربي عصير حتي
قبل ان ترد وجدت الطبيب يدلف بسرعه للداخل بصحبه الكثير من الممرضات
اسيا وهي تنهض:في ايه
دلفت للداخل بسرعه وهي تجد الطبيب يصرخ بالممرضات وهو يردد:النبض بينخفض بسرعه!!
اسيا بصدمه:نبض ايه!،اكرم فوق وبطل بقي حركات الافلام الهندي ديه فوق يا حبي
الطبيب بصراخ:طلعيها بره
اسيا بهستريه:اطلع بره ايه نتو كلكم اللي تطلعوا ده!!
توقفت وهي تسمع جهاز القلب يعلن عن توقفه!
الطبيب بروتينيه:كنت متوقع!
اسيا بصراخ وهي تدلف للاخر:نت متخلف صحيه بسرعه يا متخلف
الطبيب:بعد اذنك مينفعش كده
اسيا بهستريه:انت عارف اللي حياته مش فارقه معاك ده مين!!ده حياتي!!روحي ودمي ونفسي!!
جهز الاخر صدمات القلب وهو يردد:321
اسيا ببكاء:قوم ياكرم اوعي تتخلي عني انا مقدرش اعيش من غيرك!!
ظل الطبيب يحاول حتي فقد الامل وقد فقد وجه الاخر معالم الحياه ليترك الحجره وياخذ معه الممرضين وترك واحده مع اسيا
اسيا بهستريه والدموع تتساقط من عينيها التي اصبحت بالون الاحمر القاتم:اكرم متسبنيش!!ثم اردفت،احنا خلاص هنتجوز؟ قوم وهعمل اي حاجه انت اللي عايزها ثم امسكت يده بألم وهي تضحك بشهقات:يلا عشان نشوف فندق فرحنا زي مقولتلي،،ياكرم متسبنيشش ياكرم
نظرت لتجد الاخر ولاول مره لا يحاوط يدها:اكرم متسبش ايدي امسكها زي منا مسكاها خليك عايش عشاني،،ارجوك!!انا بحبك اوي مش انت بتحب تسمعها انا بحبك بحبك!
توقف قلبه لتسقط مغشيه عليها وهي ترفض الحياه بدونه لتتعالي صرخات الجميع بالخارج.
_____________________
دلف للمنزل في الواحده صباحاً ليمر علي غرفتها ولم يجدها اعتراه القلق وكاد ان يجن ليدلف لحجرته ليجدها نائمه،، تنفس بعمق وارتياح نام بجانبها وهو يحتضنها بشدهه شعرت به ولم تتحدث بل عادت للنوم من جديد وعلي وجهها ابتسامه صغيره
_____________________
في الصباح
استيقظ ليجد وجهها في وجه وهي نائمه ليلمس علي شعرها ويتأملها لتستيقظ بعد ربع ساعه لتفتح عينيها باستنكار"تبرق😂"وهي تبتعد وتتنحنح:انت جيت هنا ازاي!!
مراد ببرود:نتي اللي جيتي ولله دي قوضتي!
كارمه وهي تهرب للخارج :ثواني والفطار يبقي جاهزز
_____________________
مر اليوم سريعا
ً بعد الغذاء يجلسون امام التلفاز وهما يحتسيان الشاي
كارمه:نت هتروح الفرح ده وهتيجي امتا
مراد:هو هيخلص الصبح اصلا بس هاجي ع الفجر ممكن
كارمه بتسرع:نعم يعني!
مراد بضحك:نعم اي؟
كارمه بضيق:بخاف انام في البيت لوحدي!!
مراد بحب:تيجي معايا؟
كارمه بتفكير:لا مش عايزه اخرج؟
مراد وهو يتنحنح:دكتور نادر مشرحلكيش المرحله اللي نتي فيها دلوقتي؟
كارمه بحزن:شرح
فلاش باك
نادر :كل المراحل اللي فاتت مبيقعدوش الا ايام وساعات كلهم مبيعدوش اسبوع حسب الحاله لكن المرحله الرابعه اللي انتي بقيتي فيها"الاكتئاب"دي اطول مرحله بتقعد مش متحدده ممكن شهر سنه سنين حسب بردو الحاله ودي الشخص فيها خلاص بيبدأ يتأقلم انه خسر الشخص ده مثلا او ان المصيبه حصلت فيقعد يقول مع نفسه خلاص معتش فيه حاجه تستحق بيعيط كتير وبيفتكره اكتر مبيخرجش م البيت وهكذا
باك
كارمه بحزن:هاجي معاكي ولو تعبت هروح
ثم اضافت باحباط:بس معنديش حاجه تناسب الفرح!!
مراد: طب قومي الساعه لسه٦واحنا هنروح١٠
_____________________
اختار لها فستان باللون الفضي مجسم ويأتي بعد ركبتيها بقليل بوسع وكان بأكمام ومن الستان وحجاب باللون النبيتي ووضعت مساحيق تجميل خفيفه جعلتها أجمل ما يكون بنظره
اما هو فارتدي بدله باللون الاسود وقميص ابيض كان وبلا شك جذاب
كانوا في طريقهم للفندق حوالي الحاديه عشر
مراد بحب:دي قصص الحب الحقيقيه؟!
كارمه بانتباه:اشمعنا
مراد بحب:هو عامل بسيط متعين من ثلاث ذهور باين وهي بنت المدير واخوها رجل اعمال مستقر لوحده د/عزيز اكيد نتي عارفاه،،من اول نظره حبيته وهو محترم ومتدين يعني فاصرت رغم الفروق الاجتماعيه والثقافيه عليه لحد ما باباها وافق
لتبتسم كارمه بكسره:الحب اللي مبيهتمش بفروق ده بيبقي اصدق حب المهم انهم مع بعض حتي لو هيعيشو في عشه!!
مراد بمرح:عشه مين يماما عندهم شقه احلي من شقتك عزيز جبهلهم gift!
كارمه باشمئزاز:اي ده ازاي يقبل علي نفسه!؟
مراد وهو يلوي فمه بمعدم معرفته:اللي يقبل بعد ما يتخطبو انها ترقيه وياخد وظيفه ماينفعش حد يخدها اقل من خبره ١٠سنين يبقي طبيعي يقبل شقه!
كارمه بضيق:شكله متجوزها عشان الفلوس!!
مراد بلاشعور:ملناش دعوه ربنا يوفقهم
_____________________
دلفو للقاعه ليجدوا النور مسلط علي العريس وهو يقف بجانب الديجي و يعطيهم ظهره وهو يقول في الميكروفون:"سعادتي انهارده متتوصفش بوجودك جنبي ينورعيني
انتبهت للصوت وهي تقول بداخلها:نتي اجنيتي فعلا خلاص اختشي علي دمك عشان الراجل اللي بيحاول يرضيكي ويعملك قيمه عمرك محسيتي بيها
اتجهت لطاوله في الاواخر وهي تجلس عليها بعد ان تركها الاخر وهو يتجه لصديقه ليبارك له
ليكمل العريس:انا عرفت معاكي يعني اي حب من اول نظره،وعرفت اني اتخلقت عشان اعشقك واسعدك بس،ربنا بيحبني عشان بعتك ليا انتي ربنا جمع فيكي الحنان والطيبه وكل حاجه حلوه,مفيش احلي فعلا من ان الواحد يقابل حد متفصل عشانه بالمللي عشان كده نا هفضل متمسك بيكي لحد ما افارق الدنيا،وعدد مني قدام كل الموجودين وعد مني لقلبك اني احافظ عليه واحميه واسعدك بكل اللي اقدره عليه وابقي ليكي كل حاجه وتبقي اهم حد في حياتي وبتمني ربنا يرزقني باطفال في جمالك وطيبتك،بحبك ليتردد اغنيه"في القلب لادهم سليمان"ويقفو في المكان المخصص للرقص وهو يحضتنها ويبتسمان لبعضهما ظلا يتمايلان حتي اصبحت تري وجهه الاخر بوضوح وهو يظهر عليه علامات السعاده والفرح لتبتلع ريقها وتضع يدها علي قلبها التي شعرت انه سيتوقف عاجلاً ليس اجلاً..
الفصل التاسع عشر والعشرين من هنا
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
