رواية اسيره عشقه الفصل العاشر والحادى عشر والثاني عشر بقلم أم ريماس صلاح حصريه وجديده على مدونة النجم المتوهج للروايات والمعلومات
 |
فهد وساره وصلوا تحت البيت فهد قلها انها تنزل وتطلع خلاص .
ساره:نزلت وشاورت له بايدها مع السلامه .
فهد:بيبص عليها لغايه ماطلعت وروح .
فهد:طول الطريق بيفكر هو ليه بيعمل معاها كده للاسف مش لاقي اجابه.
...........
اخيرا الدكتور خلص كشف على نورا
ماجد:طمنى يادكتور نورا مالها .
الدكتور :اولا هيا حامل مبروك .
ماجد: هو فيه ثانيا .
الدكتور :احنا شاكين ان عندها مشاكل في انزيمات الكبد عاليه .
ماجد:بصدمه نعم.
الدكتور :متخافش ياماجد انشالله مع العلاج والمتابعه هتتحسن بعد ازنك بعدين كده عدى عليا في مكتبى اعرفك ايه المطلوب ويخرج ويسيبو معاها في الغرفه .
ماجد:يقرب من نورا ابتدت تفيق حمدلله على السلامه ياحبيبتى كده تخضينى عليكى .
نورا:بتعب الله يسلمك يا حبيبي انا خضاك وتعباك من اول معرفتنى ياماجد حقك عليا .
ماجد :قاعد جمبها فوق السرير وماسك ايدها يحضن راسها ويبوس عليه على قلبي ذي العسل انا اشتكتلك قومى انتى بس ومتعمليش كده تانى .
نورا:بضحك حاضر.
............
فهد:يبص جمبه يلاقي تلفون ساره اللي هو جايبهولها
اوووف بقي دى كمان انا هرجع تانى لسه
هو في نص الطريق .
فهد:يلف ويرجعك .
ساره:دخلت تاخد شاور .
فهد:خبط مسمعتوش رن الجرس برضه مفيش فايده .
ساره:بتغنى في الحمام .
فهد،:لحقت نامت دى ولا ايه يطلع المفتاح ويفتح الباب
فهد:داخل في الصاله وساره لافه عليها الفوطه وشعرها مبلول وخارجه من الحمام .
فهد :وقف مش عارف يعمل ايه من الصدمه والكسوف .
وساره:وقف وحاسه ان قلبها هيقف من الخضه بمنظرها ده وطالعه تغنى .
فهد:ببرطمه مرتبك يشيير نسيتى ده ويحطه على التربيزه وينسحب فورا .
فهد :خرج وقفل الباب ووقف بره خد نفس عميق ونزل فورا اول مره يشوف واحده بالمنظر .
ساره:لسه ضامه ايديها على صدرها وواقفه مزهوله ومكسوفه لان اغلب جسمها مكشوف كان .
ساره:قلبها ابتدا يتعلق بفهد وحست للحظه انه ملاك رجولته وادبه وجماله وانسان راقي جدا وهادى بجد ده مش انسان ده ملاك وربنا بعتهوله علشان يحميها .
ساره:بتكلم نفسها انا ايه مخلينى اقعد هنا انا اخويا قالى تعالى ومش هيجبرنى على حاجه هيا عارفه ان لورجعت ممدوح وامها هيحموها من مصطفي معقول ان هيا مسجونه هنا علشان مش عايزه تبعد عن فهد .
ساره:تخبط على دماغها وتقول لنفسهالالا شيلى الافكار دى من دماغك .
.............
مصطفي رجع البيت بعد فتره صعبه وشاقه امه حكتله ان اخته اتصلت وقالت ان هيا كويسه .
مصطفي برغم النار اللي قايده جواها الاانه ارتاح شويه انه عرف انها بخير
دخل خد شاور ورمى بنفسه على السرير هاتفه يرن رقم غريب.
مصطفي :بتعب الو .
هاجر:عامل ايه دلوقتى .
مصطفي :مين حضرتك .
هاجر:اقفل يعنى انت لسه شايفنى الصبح ومدينى الكارت ولا انت كتير اللي بيكلموك .
مصطفي :اوووو اسف جداا بس عندى شويه مشاكل في البيت
هاجر:كنت عايزه اطمن عليك انت احسن دلوقتى .
مصطفي :يعنى احسن
هاجر :اوك انا قلت اطمن عليك باي.
مصطفي:لا رايحه فين خليكى .
هاجر:هذاكر شويه.
مصطفي :خليكى معايا شويه انا مصدقت رنيتى .
هاجر:نعم .
مصطفي :بربكه قصدى مصدقت حد كلمنى .
هاجر:امممممم احكيلى طيب مالك.
مصطفي وهاجر اتكلموا فتره طويله اوى وحكالها كل حاجه .
..............
عند الدسوقي قاعد مع اسامه ابن عم ساره وهما شركاء في الشغل وواخدين بيوت جمب بعض .
الدسوقي :فهد منشف دماغه مش راضى يمضى ويخلص .
اسامه :نكسرلوا دماغه .
الدسوقى :هو ده اللي هيحصل كمان سمعت انه ليه علاقه بماجد الشريف .
اسامه :مش هو ده اللى واقفلك في كل حاجه .
الدسوقي :ايوه ده تار قديم بينا انا اتسجنت بسببه بس انا طلعت اخويا اللي مش عارف اخرجه.
اسامه :ولا يهمك ياباشا هنقلب عليهم الترابيزه قريب.
الدسوقي :الا ايه اللي انا سمعته ده ان بنت عمك هربت منك .
اسامه :وقف وشال مفاتيحه وتلفونه من ع الترابيزه هما قاعدين في الجنينه .
بعد ازنك بقي مش وقته نتكلم في الموضوع ده مره تانيه .
الدسوقي اوك .
اسامه :طالع وهينفجر من الغيظ ومستحلف لساره.
...............
فهد:وصل البيت ودخل اوضته عمته قالتله تعمله عشاء رفض .
قال هينام .
خد شاور ومسك الالاب بتاعه وفاتحه بس سرحان
مروان :داخل من بره .
مساء الخير ياست الكل .
ام مروان :مساء النور .
مروان :فهد رجع .
امه :ايوه احضرلك عشاء .
مروان :كويس انه رجع مباتش بره ..لا حبيبتى اتعشيت بره.
......
فهد:قلبه مش مطاوعه ان اكيد ساره خايفه بس سابته براحته لان دى رغبته ومينفعش يقعد معاها لان غلط ومينفعش برده يسيبها لوحدها فجاءه قفل الالاب وشال مفاتيحه ونزل .
الفصل 11.
..............
فهد ركب عربيته واتوجهه لشقه عند ساره .
ساره:فاتحه التلفزيون وقاعد تقريبا خايفه تنام بس بتصبر نفسها.
فهد:وصل خبط بالراحه علشان لو نايمه يرجع .
ساره :اتفزعت وقربت عند الباب مين مين بيخبط .
فهد:انا فهد .
ساره :تفتح الباب وتلقائيا تضحك بفرحه كانها مصدقت انه جى .
رجعت ليه .
فهد :دخل ارجع يعنى تانى .
ساره:لا مش قصدى علشان قلت انك هتنام .
فهد:داخل علطول وقعد في المكان اللي كانت قاعده فيه ومسك الريموت بتسمعى ايه .
ساره:فيلم اجنبى .
فهد:نوعه ايه .
ساره:رعب ع اكشن .
فهد:والنبي ايه انتى ناقصه ممكن تعمليلي كوبايه شاى مظبوطه ولا مبتعرفيش .
ساره:بضحك انا بعرف اعمل كل حاجه وبطبخ كمان .
فهد:ايه ده بجد يشيخ اتنيلى تلقيكى ولا بتعرفي تعملى حاجه .
ساره :انا ماشى ماشى حلو التشيرت
فهد:عجبك التشيرت .
ساره :لا مش كده لان اول مره القيك لابس كاجول دايما بدل ورسمى التشيرت فيك احلى .
فهد:شكرا ياستى هنشرب شاى ولا اى.
ساره :لحظه دخلت المطبخ تعمل الشاى وخرجت لقيت فهد نام اتمدد على الانتريه ونام .
ساره :تحط الشاى ويصعب عليها تصحيه ساره لا اراديا قعدت جمبه من غير ميحس ولمست بايديها على شعر فهد للناعم ساره تمشى ايدها على شعره بحب .
فهد :شبه حس بيها بس مغمض عيونه وعامل نفسه نايم .
ساره:تسيب الشاي على الترابيزه وتقفل التلفزيون .
وتجيب لحاف وتغطى فهد وتدخل تنام .
ساره :مش جايلها نوم بتفكر في فهد اللي شغلها وشغل كل عقلها وتفكيرها هيا من امتى بيشغلها حد .
. ............
في الصباح .
شهد وعلى نازلين من السلام .
امهم عمته فهد .
روحوا واحد فيكم يصحى ابن خالكم .
ناصر :ابو فهد تعالوا ريحوا نفسكم ده خرج من بالليل مرجعش .
مروان :ماسك بايد القهوه وبايد الجرنال يرمي الجرنال وبانتباه نعم انت بتقول ايه ياخالى يعنى بعد مرجعنا من بره امبارح خرج .
ناصر:اه انا شفته من الشباك خرج تانى ودخلت اوضته دلوقتى مش بايت فيها .
شهد :وانا كمان معايا شغل تدى امها بوسه باي ياماما بقي .
امها :ربنا يتوب علينا من الشغلانه دى بس .
شهد :رجعنا للحوار ده تانى يماما انا ماشيه .
على :يبوس ايد امه مع السلامه ياست الكل .
امها :ربنا يرضى عنك يابنى .
مروان كمان طلع ركب عربيته وراح على الشركه وصل ملقاش فهد وبعدين معاك يافهد لازم اعرف بتعمل ايه وبتروح فين من ساعه مالبنت دى ظهرت في حياته وهو اتغير .
...............
مصطفى :وهاجر قاعدين في كافيه على النيل .
هاجر:وبعدين هتعملوا ايه .
مصطفي :العمل عمل ربنا بقي احنا عملنا كل حاجه هيا اللي مش عايزه ترجع ولا تعرفنا مكانها هيا اختارت تبعد يبقي براحتها احنا مش عايزينها خلاص.
هاجر:انت بتقول ايه يامصطفي دى اختك ازاى هتستغنى عنها بالسهوله دى .
مصطفي:اختي مش صغيره وبعدين هيا اللي استغنت عنى مش احنا انا لو اتلميت فيها هقتلها .
هاجر:يالهوى انت بتتكلم جد .
مصطفي :اه والله بتكلم جد .
هاجر:من اول يوم عرفتك وانا معنديش شك انك مجنون رسمى .
مصطفي :يرفع حاجبيه يسلام
................
ام ساره:بتحضر الفطار لممدوح رايح الشغل ترن ساره المره دى مش بتلفون الشركه المره د ى بالموبايل اللي جابهولها فهد .
ام ساره:يابنتى ارجعى متوجعيش قلبي انتى بتعملى فينا ليه.
ساره:انا عارفه لو رجعت هتحبسونى وهتجوزونى اسامه
فهد :صحى صدفه وكان جاي يقولها يلا تجهز هيتاخروا سمع الحوار بالصدفه فهد وقف قدام الباب حابب يعرف الحقيقه اللي مش عايزه تقولهاله .
ساره:انا لو رجعت مصطفي ابنك ياما هيموتنى ياما هيجوزنى اسامه
ام ساره:يابنتى محدش هيجوزك اسامه اساسا قال مش عايزك متتعبناش معاكى .
ساره:احسن خليه يغور في داهيه
ممدوح :سمعها وخد التلفون انتى فين يساره
ساره:عند واحده صاحبتى ياابيه ومش عايزه ارجع .
ممدوح :انتى ضميرك مرتاح على عملتيه فينا ده وبعدين احنا سالنا كل اصحابك انتى مش عند حد فيهم .
ساره:واحده صاحبتى انتوا متعرفوهاش .
ممدوح:طب ممكن ترجعى النهارده وهنتفاهم هنا انا بكلمك بهدوء اهو .
ساره:مش هينفع ياابيه ارجع لمصطفي تانى كل ميكون زهقان يطلعه عليا اهانه وشتيمه وضرب وفي الاخر عايز يبعنى لواحد كبير وكان متجوز 3مرات ومبيخلفش ..
ممدوح:مش هيقدر يعملك حاجه .
ساره:بتريقه كل مره بيقدر وكلمته هو اللي بتمشى باي ياابيه .
ممدوح :ساره
ساره:تقفل الخط .
................
فهد :تقريبا عرف هيا هربت ليه وان مش وراها مصيبه ذي مهو فاكر وارتاح نسبيا .
.......
ساره :تعيط وحشتها امها تعيط بحرقه وتحدف الفون ع السرير بس خايفه ترجع .
فهد :دخل عندها لقاها بتعيط مترددش لحظه واحده انه يحضنها هو واقف وهيا قاعده قعد جمبها وضمها اليه بس بس اهدى .
ساره :وحشتنى امى اوى .
فهد:يطبطب عليها انا هوديكى عندها .
ساره :تبعد عنه بخضه لا .
فهد:متخافيش محدش هيقدر يقربلك .
ساره:هيجوزونى اسامه ابن عمى .
فهد:محدش هيقدر يتجوزك انا هحميكى متخافيش وعد ..
فهد:يمسك خدها بايديه خلاص بقي ويمسح لها دموعها بايده مش هنفطر ولا ايه .
ساره :تضحك وتنزل من السرير اوك هعمل اهو .
فهد:وساره فطروا ونزلوا ع الشركه .
.........
مروان مستنيه في مكتبه .
فهد :دخل مكتبه صباح الخير .
مروان :من غير نفس اهلا .
فهد:فيه ايه يلا ع الصبح .
مروان :اسال نفسك .
فهد:قعد ع الكرسي التانى لان مروان قاعد ع مكتبه .انا بسالك انت .
مروان :كنت فاكر انى افرق معاك واخوك وصاحبك لاكن النهارده اكتشفت انى ولا حاجه .
فهد:انت ليه بتقول كده .
مروان :انا عرفت كل حاجه عن البنت اللي كانت معاك ازاى فهد ابن خالي يعمل كده هتجنن .
فهد:يقوم يقف ويوقف قصاد الشباك .
مروان:مكسوف من نفسك مش عارف تقول ايه صح .
فهد:يتكلم بتنهيد انا معملتش حاجه غلط .
مروان :امال ده ايه اللي عملته واحده هربانه ومش عارفين وراها ايه انت عايش معاها مش عارف جايه من اي مصيبه .
فهد؛ساره مش عامله مصايب ساره بنت ناس .
مروان :هيا اسمها ساره كمان وازاى عرفت كل ده مش كانت خرسا ..
فهد:مروان لو سمحت متخلينيش اندم انى كلمتك يومها
مروان :انا زعلان جدا عليك يابن خالى .
فهد:متزعلش ساره هترجع لااهلها النهارده ارتاح بقي
الفصل 12
فهد ومروان شدوا مع بعض ومروان سابه وخرج وفهد قعد مخنوق على الكرسي بتاعه اول مره يتخانق مع مروان طول عمرهم اصحاب ومتربين سواء مروان خرج بره الشركه خالص .
فهد:رن الجرس حبيبه ممكن تبعتيلى ساره .
حبيبه :اوك يافهد بيه .
بعدشويه ساره جات نعم عايزنى .
فهد:،حضري نفسك هوديكى عند اهلك .
ساره،:بصدمه نعم .
فهد :اللي سمعتيه .
ساره،:تمشى ناحيه الباب انا همشي ملكش دعوه بيا .
فهد:يقوم بسرعه ويقف ناحيه الباب يمنعها هتروحى فين .
ساره:ملكش دعوه بيا هروح مطرح ماروح ابعد خلينى اخرج لوسمحت .
فهد :مفيش طلوع من هنا الا على بيتكم افهمى بقي انا خايف عليكى انتى مش هينفع تهربي كده كتير حرام عليكى امك انتى عايزه تعملى فيها ذي ماتعمل فيا انا وابويا ويسكت .
ساره:تهداا كده وتسكت نعم ايه اتعمل فيك انت وابوك وانا ايه دخلنى .
فهد:مفيش حاجه اعتبري انى مقلتش حاجه هتسمعى كلامى ولالا .
ساره،:اوك يافهد ماشى اما اشوف اخرتها بس لو جوزونى اسامه انا هموت نفسي .
فهد:متخافيش مفيش حد هيتجوزك انتى هتعنسي اساسا .
ساره؛بغيظ يكون احسن برضه .
فهد:يلا بينا بقي ولا امك موحشتكيش .
ساره:وحشتنى طبعا لحظه هجيب الفون والشنطه من المكتب .
فهد:اوك .
.............
بعد شويه في العربيه ساره وصلت تحت البيت فهد .
فهد:نعم .
ساره:انا خايفه هتطلع معايا .
فهد:اكيد طبعا متخافيش .
ساره:خد شكرا
فهد:ايه ده .
ساره:ده فونك خلاص بقي .
فهد:بطلى عبط طيب .
ساره:انا مشتغلتش الايوم واحد وده غالى اوى .
فهد:انتى شكلك عايزه تاخدى على وشك صح انزلى وبطلي رغي ايه العبط اللي بتقوليه ده .
ساره:تلاحظ لمعه حزن في عيون فهد بيحاول يداريها .
ساره وفهد ينزلوا .
تخبط ساره الباب تفتح لها امها اول ميشوفوا بعض يترموا في حضن بعض ويعيطوا كده يساره .
ساره:انا اسفه يماما .
ممدوح قاعد في الصاله بيسمع التلفزيون ويلمح ساره اول متشوفه تبوس ايده ويحضنها انا اسفه يااابيه
ممدوح :ميتكلمش ويبص فى فهد بنظره مين ده .
ادم :جاي من بره لقيهم واقفين كلهم في الصاله ادم مرضيش يسلم عليها ودخل على اوضته علطول .
ممدوح :مين حضرتك
فهد:انا فهد الدميري صاحب سلسه شركات ناصر الدميري
ممدوح :اهلا وسهلا ممكن تقعد كده وتحكيلى كل حاجه .
فهد:ساره هتبقي تحكيلكم لازم امشى بعد ازنك .
ممدوح:لا تمشى فين اختى بقالها اسبوع بره ورجعت مع واحد لو انت مكانى هتعمل ايه .
فهد:اطمن يستاذ ممدوح اختك ذي اختى .
ممدوح:يتكلم المقدم ممدوح .
ساره:فهد معملش حاجه غلط يااابيه وبعدين فهد انقذ حياتى كمان .
ممدوح:اتفضل اقعد وتحكولنا انتوا الاتنين كل حاجه كده علشان انا مش مقتنع بالكلام ده اوك .
فهد:حاضر فهد قعد وحكالهم على من اول ملقيها في عربيته لغايه دلوقتى وام ساره بتشكره جامد .
ممدوح :شكره كمان وفهد قرر يمشى .
ساره :طلعت معاه لبره تقفل وراه الباب وتشكره .
فهد :بتاثر ابقي كلمينى طمنينى عليكى اوك ..
ساره :واقفه معاه بره الباب اللي يشوفك يقول هتحمينى بتوصلنى وتبعنى .
فهد:يبتسم بحزن واضح انهم بيحبوكى انا اطمنت عليكى وعرفت ان مفيش حد هيقدر يعملك حاجه .
ساره :بيتهايالك مصطفي لسه مرجعش .
فهد؛يلمس على شعرها بحنيه متخافيش .
ساره؛فهد .
فهد:نعم .
ساره:هتوحشنى اوى .
فهد:وانتى كمان .
ساره :انا متشكره ليك على كل حاجه .
فهد؛شكلى عايزه تضربي صح .
ساره:مش هشوفك تانى بحزن .
فهد:لقي نفسه بيحضنها جامد اوى وهيا بتحضنه من غير متحس .
مصطفي :طالع السلم لقيهم حاضنين بعض وفي عالم تانى .
فهد؛ميفقش الاعلى مصطفي بيسدد له لكمه في وشه .
فهد:هيمسك فيه .
لقي ساره بتصرخ وتقول مصطفي لا يامصطفي .
فهد:فهم ان هو اخوها مرضيش يشد معاه كل اللي بيعمله انه بيتفاداه .
ممدوح وامها طلعوا على صوت ساره وممدوح بيبعدهم من بعض ..
مصطفي :بيزعق الهانم ليها اسبوع هربانه وارجع القيها حاضنه واحد على السلم .
ممدوح :ايه .
تطلع ام محمود وابنها ويهدوا الموقف ومصطفي عايز يولع فيهم هما الاتنين ساره وفهد .
وفهد اخيرا بعد ساعتين من هدوا الموقف ومحاولات وتعب جاب اخره وخايف يمشى ويعملوا حاجه في ساره بسببه طلب ايدها من اخوها ممدوح علشان ينقذها بس .
ممدوح :مردش عليه وقاله انه يمشي وهيتكلموا في الموضوع ده بعدين .
وساره:دخلت اوضتها وقفلتها عليها ومش عايزه تفتح لحد .
وفهد:روح مشى .
ومحمود وام محمود قاعدين مجتمعين بيهدوا مصطفي اللي مستحلف لفهد ومش مقتنع انه حافظ على اخته وشايف ان فهد اللي حرضها على الهروب وان فيه بينهم حاجه .
وممدوح متوعد لمصطفي انه لومس شعره من اخته هتكون حرب بينهم .
مصطفي :مش عايز يتكلم قدام محمود وامه وهينهار طلع وسابهم بعد معرف كل حاجه عن فهد من اخوه ممدوح ممدوح علشان يهديه حكاله كل حاجه حكاها فهد .
ساره:لغايه دلوقتى مش مستوعبه ان فهد طلب ايدها بس طبعا مضايقه لانها تعرف سبب طلبه ايه انه حب ينقذها وانه مش بمزاجه واتمنت ان يكون بمزاجه .
....................
مصطفي راح عند صحابه سهران معاهم وجايب اخره من فهد فاكر ان فهد ده حقير في دماغه ان فهد لازم يتربي وبعدين هيربي اخته بطريقته متوعد لها .
صحابه :وعدوه ان يكسروا مناخيره ويجبوله حقه بحق مزعله .
مصطفي نام في بيت صاحبه حساماللى هو شريك معاه في شركته الصغيره .
في الصباح يفيق على صوت الفون .
مصطفي :بنعاس ايه .
حسام:انت لسه نايم .
مصطفي :انت فين .
حسام :انا مرضتش اصحيك نزلت على الشغل بقولك ايه قوم فوق كده انا محضرلك مفاجاه في الشركه .
مصطفي ؛مفاجاه ايه .
حسام :لما توصل هتعرف .
مصطفي:اوك .
....
حسام يقفل ومعاه منتصر صاحبه يدخلوا جوه في الشركه فيه غرفه فاضيه ويتكلم حسام .
ازيك ياقطه انتى خايفه مننا .
هاجر؛مربوطه على كرسي وبوقها ملزق وايديها مربوطه من وراها بعياط ودموع نازله من عنيها وبتقولهم بدماغها ان يبعدوا عنها هاجر خايفه وبتترعش وتعيط .
منتصر يضحك الاحق يحسام دى خايفه وبتترعش لسه انتى شوفتى حاجه صديقنا التالت جاى وهتكون حفله عليكى النهارده الصبر حلو نص ساعه بس اصبري .
هاجر :تعيط بهستيريا وعايزه تقوم تقف من الكرسي وبتخبط برجليها في الارض وتهز بدماغها بلا .
*********
الفصل الثالث عشر والرابع عشر والخامس عشر من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق