رواية اسيره عشقه الفصل السابع والثامن والتاسع بقلم أم ريماس صلاح حصريه وجديده على مدونة النجم المتوهج للروايات والمعلومات
 |
فهد وساره فتحوا الاكل واتعشوا وساره شغاله تلف وتدور طبعا فى الكلام ومش عايزه توصلوا لحاجه وفهد لما زهق وعرف انها مش عايزه تقول قلها روحى نامى جوه في الغرفه وهو نام في الصاله بره .
..........
في الصباح الباكر حوالي الساعه 6
ممدوح صحى طالع في الصاله ومصطفي مرجعش من امبارح وادم قاعد في اوضته وقافلها عليه وحاله ياس شديد في البيت وحزن من كل ناحيه خوف عليها انها متعرفش حد وخوف من كلام الناس وانها تعتبر حرفيا طفشت وكسرت اخواتها الاولاد .
ممدوح :يبص لامه ايه يامى انتى قاعده هنا منمتيش من امبارح .
ام ساره:ومين هيجيله نوم يابنى محدش كلمك ولا عرفت حاجه عن اختك .
ممدوح :لا والله اسلام زميلى كلمنى بس انا كنت نايم هغير واروحله .
ام ساره:شوفوا يابنى يمكن يكونوا وصلوا لحاجه .
ممدوح:لو كانوا وصلوا ياماما كان بعتلى مسج على العموم انا رايحله .
ام ساره:هحضرلك الفطار
ممدوح:لا مليش نفس هو مين له نفس
................
ساره:صحيت بكسل اوى لانها منمتش طول الليل لان المكان يعتبر غريب عنها .
خرجت في الصاله ملقتش فهد .
راحت كل حته في الشقه ملقتيوش ساره راح فين ده كمان على وش الصبح .
ساره اتاكدت انه مش موجود قفلتها عليها الباب من جوه وقلعت بعض من هدومها علشان تاخد راحتها دخلت خدت شاور وخدت راحتها لان مفيش حد معاها كانت لابسه شبه قميص كات يصل الا الركبه وطبقت باقي هدومها وحطتها فوق السرير .وقعدت مع نفسها بتفكر ياترى هتعمل ايه مع الغريب اللي ظهر لها فجاءه ده تمشى وتشوف حالها لانها كفايه تقلت عليه وشكلها بقي وحش ولا تستنى وتطلب وظيفه تانى ولو مجبلهاش تمشى ولا تعمل ايه .
..........
عند ماجد ونورا ابطالنا الاولانين بفكركم .
يرن جرس الفيلا اذن بالجناينى تفتحله الخادمه معاه بعض الناس .
نورا :نازله من فوق انتوا مين وبتعملوا ايه هنا.
الجناينى :دول ناس باعتهم استاذ ماجد علشان يظبطوا الدنيا لعيد ميلاد فارس بيه .
نوراء:ايوه بس ماجد نايم فوق كلمهم امتى .
الراجل :كلمنا امبارح ياهانم واتفق معانا واحنا معانا كل حاجه تسمحيلنا نشتغل .
نورا:تشير بايدها اتفضلو .
تقول مع نفسها طول عمره ماجد مش بينسى حاجه تفرحنى ربنا يخلهولى ويحفظه لنا تنادى للخادمه ممكن تعمليلي نسكافيه لو سمحتى .
الخادمه :حاضر يهانم
نورا:هتهولى في اوضه العيال
الخادمه :ماشى
.....................
فهد:داخل الفيلا بتاعتهم .
صباح الخير يابابا .
ناصر:صباح الخير يابنى كنت فين كده وعيونك حمرا كده اوى .
فهد:كنت عند واحد صاحبي يبابا .
ناصر:منمتوش ولاايه عيونك حمرا اوى.
فهد:لا نمنا بس منمتش كويس بعد ازنك هروح اخد شاور وطالع تانى .
ناصر:ايه مش هتنام ولاايه .
فهد:لاياحج عندى شغل في الشركه لازم اروح.
ناصر:ربنا يحفظك يابنى بس ارحم نفسك شويه من الشغل ده انت بتجهد نفسك خالص .
فهد:انا اتعودت ياحج متشغلش بالك هروح اشوف عمتى واخد شاور وطلع .
ناصر :تمام في رعايه الله .
فهد:بعد ازنك ويطلع فوق .
يقابل شهد:صباح الخير
شهد:صباح النور ياابن خالى .
فهد:ع فين ع الصبح
شهد:عندى شغل مهم في الشركه.
فهد:مقلنالك مليون مره تعالى اشتغلى معانا تكونى براحتك وشركتك بدال الزل ده
شهد :لالا انا بحب اعتمد على نفسي مش بحب الوسايط وبعدين لو مرتحتش هاجى لكم باي يابن خالى مستعجله .
فهد:ماشي يااختى براحتك انتى حره .
................
ممدوح :وصل مكتبه وعلى اخره وزعلان جدااا ومش طايق حد اي حد ياجى في وشه يتخانق معاه .
فجاءه :دخل عليه مصطفي مع دخول مصطفي ممدوح جرى عليه مسكه من هدومه هيضربه لان اول مره يشوفه من امبارح.
مع المسكه دى ودخول مصطفى دخل اسلام مسكهم من بعد وبيحوشوا وحاول يمسك مصطفي من ايديه من وراء عمل ايه ده ياممدوح .
ممدوح :سيبه ده اخويا .
مصطفي :يتكلم بتضربنى ياممدوح .
ممدوح :هقتلك يامصطفي لو اختك مرجعتش انت السبب .
اسلام :يجماعه مش وقتوا لو سمحته انا جاي اقولك يااممدوح اننا لقينا واحده بنفس المواصفات مقتوله وعايزك تاجى معايا تتعرف عليها .
ممدوح ومصطفى بصدمه وفي صوت واحد اااااااااايه .
.................
فهد:يخبط الباب قبل ميفتحه بالمفتاح ساره تجرى وتلبس هدومها بسرعه .
فهد :يدخل صباح الخير.
ساره:صباح النور .
فهد:انا جبتلك حجات انشالله تعجبك وجبتلك اكل والتلاجه عندك جوه كلمت السواق هيجبلك حجات بعد ساعه وخدى الفون ده سجلتلك رقمى لو عزتى اي حاجه اوك .
ساره:ليه ده كله انت بصراحه احرجتنى جدااا انا بقول من غير حاجه انى تقلت عليك لا مش هينفع كده انا طول عمرى مش بتقل ع حد كده .
فهد:تقلتى ايه بس متقوليش كده اعتبري انك اخوكى ياستى لغايه متشوفي انتى هتعملى ايه .
ساره:اول مشتغل واقبض اول شهريه هدهالك هردلك حق الحجات دى .
فهد:يضحك مش عايز ياستى دى هديه منى ليكى .
ساره :لا طبعا بس انت ليه مش عايز تساعدنى انا عايزه اشتغل مش هينفع كده .
فهد:خدى راحتك كام يوم يمكن تفكري انك ترجعى لااهلك وبعدين انتى مش معاكى اي اوراق محدش هيوافق يشغلك .
ساره:مش مهم اشتغل بمواهلى اي حاجه انشالله خدامه انا موافقه .
فهد:بطلى عبط بقي خدامه ايه الكلام ده وبعدين انتى ناقصك حاجه من امبارح انتى عايزه ايه قولى وانا هجبهولك مش بقولك انا اخوكى .
ساره:ياسلام لا مش هينفع انت تلقيك بتاخد مصروفك من ابوك هتصرف عليا .
فهد:باخد مصروفي من ابويا ماشى شكرا ياستى الله يسامحك الشحط ده كله مش مالي عينك وبياخد مصروفه من ابوه كمان ..
ساره:سورى انا اسفه انا دبش شويه حقك عليا .
فهد:ولا يهمك انا هروح علشان رايح الشغل معايا شغل بعد ازنك .
ساره:انت بتشتغل ايه .
فهد:في شركه .
ساره:ممكن تكلم صاحب الشركه يشغلنى معاكم ارجوك ده طلبي الوحيد رجا .
فهد:حاضر هكلمهولك تمام .
ساره:وممكن طلب تانى .
فهد:ايه
ساره:ممكن تجبلي نقاب انا مش هنزل الشارع بوشى .
فهد:كنت حاسس انك عامله مصيبه وايه كمان .
ساره:لا وربنا وحياه النعمه مش عامله مصيبه .
فهد:اوك هحاول اصدقك اما اشوف اخرتها .
ساره:انا عارفه انى زهقتك سورى .
فهد:ييييييووووو تانى الكلام ده ع العموم هبعتلك كل حاجه مع واحد سواق انا رايح بالليل مشوار عيد ميلاد ابن واحد صاحبى وممكن اتاخر شويه .
ساره :هتتاخر كتير .
فهد:بضحك تعرفي انا متجوزتش لغايه دلوقتى ليه .
ساره:ليه
فهد :علشان ام السوال ده .
ساره:تضحك .
فهد:ع العموم فيه هدوم جبتهالك في الاكياس دى انشالله تعجبك .
ساره:شكرااا اوى انا مش عارفه اودي كل جمايلك دى فين .
فهد:باي بقي هو وخارج لوفيه اي حاجه ابقي رنى اوك .
ساره:تشير بايدها باي متنساش تسالى مديرك .
فهد:اوك.ويمشي
.........................
فهد:وصل شركته .
كل اللي يقابله يوقف ويرد عليه التحيه .
فهد:داخل مكتبه صباح الخير انسه حبيبه .
السكرتيره توقف صباح الخير فهد بيه .
فهد:فيه حد اتصل بخصوص الصفقه الجديده
حبيبه :اه يافندم انا حطيتلك كل ملف الاتصال فوق المكتب بتاعك .
فهد:اوك تمام .
)
الفصل الثامن
***********
فهد:دخل مكتبه ومسك الاوراق يراجعها لقي اسم الدسوقي مكتوب في قائمه الاتصال رن الجرس على حبيبه ممكن تجيلى .
حبيبه اوك .
تخبط حبيبه الباب وتدخل .
فهد :الراجل ده اللي اسمه دسوقي اتصل امتى .
حبيبه:اتصل من حوالى ساعه .
فهد :لو اتصل تانى ابقى قوليلوا انى سافرت.
حبيبه :اوك .
فهد:على فكره فيه موظفه جديده هتوصل بكره شوفى لها مكان في قسم المبيعات.
حبيبه :موظفه مين .
فهد:يبص فيها ويرفع حاجبه وميتكلمش يعنى بمعنى نفذي وانتى ساكته .
حبيبه :تتربك حاضر يافندم بعد ازنك .
فهد:اتفضلى حبيبه.
حبيبه :نعم .
فهد:الموظفه دى تهمنى .
حبيبه:حاضر تحت امرك وتطلع وتقفل الباب.
............................
عند ممدوح ومصطفي راحو يتعرفوا ع الجثه اللي قالهم عليها اسلام والموقف غنى عن اي كلام حاله توتر وخوف فظيعه .
ممدوح:يتكلم لو كانت اختك مش هسامحك يامصطفي حسابى معاك عسير
مصطفي :مش وقته الكلام ده .
وصلوا للمشرحه والدكتور كان مستنيهم وعارف باامر من اسلام كان مديله خبر .
ممدوح:سلام عليكم .
الدكتور :اتفضلوا معايا اهلا وسهلا .
يدخل معاهم جوه ويتكلم مستعدين .
مصطفي ميتكلمش .
ممدوح:يهز بدماغه بمعنى اه .
الدكتور يفتح الثلاجه ويشدها ويقول ممكن تقربوا .
ممدوح :ماسك اعصابه بالعافيه هينهار قرب اول مالدكتور شد الثلاجه وشدها لبره ممدوح غمض عنيه للحظات وفتحها بص لقيها مش اخته .
مصطفي :يفيق من شروده على صوت ممدوح الحمد لله يارب
طلعت مش بنتى ويسجد في الارض من الفرحه .
الدكتور :نعم هيا بنتك ولا اخت حضرتك .
ممدوح:كل حاجه يادكتور بعد ازنك واحنا بنشكرك .
يكلم مصطفي يلا .
مصطفي طالع معاه عاجبك كده عاجبك اللى بتعملوا فينا اختك ده.
ممدوح :مش وقته اهو انا بقولك دلوقتى مش وقته وممكن متتكلمش معايا نهائي لغايه ملاقي اختك .
ويسيبه ويمشى.
...........................
مروان :وصل الشركه .
دخل علطول .
عامله ايه لحبيبيه السكرتيره .
حبيبه :ترفع راسها من الاوراق اللى قدامها وتبتسم صباح النور .
مروان :احنا الضهر قولى مسا النور .
حبيبيه :تبتسم.
مروان :ممكن تطلبيلى قهوه ساده اوك.
حبيبه:حاضر.
مروان :يفتح الباب ويدخل عند فهد صباحو.
فهد:اهلا ياخويا فهد قاعد على مكتبه وبيفتح حجات في الالاب .
مروان :صباحيه مباركه ياعريس بتريقه .
فهد:بتتريق انت فاضى بقي ورايق وجاى تستظرف وانا مش فاضى.
مروان:لا والله بجد مش بتريق وديتها فين قلتلى هقولك في الفون واحنا في الشارع وقفلت فونك منى .
فهد:والنبي لتقوم تشوف بتاع الكمبيوتر يجى يلغى البرمجه دى الالاب هنج قوم بس .
مروان:مش هسيبك متتهربش .
فهد:يقفل الالاب بايده ويبص لمروان بااهتمام عارفك رخم ومش هترتاح الا لما تعرف وديتها القسم تمام .
مروان :لابجد ولا بتهزر .
فهد:واهزر معاك ليه هو انا اعرفك .
مروان :يوقف كده ماشى بعتنى وش طيب براحتك انا رايح مكتبى .
مروان طالع ويبص وراه امى قالتلى انك كنت بايت بره واتصلت بابوك تقوله ولا عبرتنى خليك فاكر بس.
فهد:؟؟؟؟؟؟؟؟؟؟؟
مروان :ماشى طلع بره بقولك ايه ياحبيبه هاتلى القهوه على مكتبى فهد سد نفسي كمان هشربها في وشه وهيا ساده اساسا حبيبه تضحك حاضر.
.................
بالليل في فيلا ماجد .
ماجد:حاسس ان نورا مش طبيعيه وبتدارى .
ماجد:مالك ياحبيتى فيه ايه .
نورا :مفيش حاجه فيه ايه .
ماجد:متاكده .
نورا؛اه ليه .
ماجد:اصلى حاسك تعبانه كده ومرهقه .
يقاطعهم فارس بابا يلا بقي الناس بتسالك عليك تحت
ماجد:حاضر حبيبي انا لبست اهو ونازل ويقرب من فارس ويبوسه وبعدين الناس دى جيالك انت مش انا تقعد معاهم انت يابطل ولا ايه بقي .
فارس :يضحك .
نورا:ربنا يخليك لينا يماجد بتعامل فارس كانه ابنك واكتر .
ماجد:انتى بتقولى ايه هو فيها ابنى وابنك وبعدين عيب الكلام ده قدام الولد روح يافارس ياحبيبي شوف اخوك بدر واستنونا تحت احنا هننزل اهو ماما تخلص لبس وهننزل .
نورا:اسفه جداا مقصدتش .
فارس:حاضر وينزل .
ماجد:قاعد ع السرير ونورا واقفه قدام المرايه بتلبس عقد قربت منه سورى بقي وتبوسه ع خده ممكن تلبسنى ده .
ماجد:مش اول مره تقوليها ع فكره وانا مش محتاج شكر ده ابنى ذي بدر .
نورا:يلا بقي تمد ايدها بالعقد ويلبسهولها .
وينزلوا سواء .
................
داخل عليهم فهد ومروان ومتشيكين جدااا وكل واحد فيهم اجمل من التانى لابسين بدل شيك واللى يشوفهم يقول عارضين ازياء .
ماجد:يسلم عليهم .ليش اتاخرت كنا هنطفي الشمع
فهد:هتطفيه من غيري كنت اعملها كده
ماجد:كنت بمزح معك
فهد:ده مروان ابن عمتى وصاحبي
مروان:اهلا وسهلا.
ماجد:بس انا شفتك قبل كده
مروان:اه وانا فاكر برضه كنت معا اصحابي وشفتك .
ماجد:اهلا وسهلا اتفضلوا.
.......
نورا كانت جميله جداا بفستان جميل جداا
وعاصم ومراته جم وبدر ومراته وكانت ليله جميله جدا.
..........
فهد ومروان مروحين كل واحد في عربيته
مروان:وصل البيت ملقاش فهد وصل مخدش في باله وطلع اوضته فكره انه اتعطل في الطريق عادى لان فهد بيسوق براحته لاكن مروان متهور وبياخد الطريق في نفس واحد وسواقته وحشه جدا .
.........
فهد:يخبط على الباب ويدخل .
فهد؛مساء الخير .
ساره:مسا النور
فهد:انا مش هينفع اجى هنا تانى ابات تقدرى تتعودى
ساره :تسكت متتكلمش.
فهد:عيب ميصحش ان انا وانتى نبات في مكان واحد ولاايه وبعدين انا مش هقدر انى كل يوم ابات بره البيت هقولهم ايه.
ساره:عندك حق .
فهد:اعملى حسابك هتروحى معايا الشغل بكره.
ساره:بفرحه بجد.
فهد:بجد بس ليا شرط .
ساره:شرط ايه .
فهد:عارفه الشاب اللي شوفتيه معايا .
ساره:اه ماله.
فهد:هتشوفيه في الشركه متخلهوش يعرفك اوك انتى مش هتلبسي النقاب متتكلميش معاه ولا تقلعيه قدامه وحتى لو اتكلمتى هو اساسا مش هيعرف صوتك لانك كنتى خرسا .
ساره:تضحك حاضر طب وهشتغل ايه
فهد:لما تروحى الصبح هتعرفي وبعد ازنك هدخل انام في الاوضه دى علشان انامش شايف قدامى
ساره:اتفضل .
فهد:يدخل الاوضه ويسيبها.
ساره:تدخل الاوضه التانيه وتقفلها عليها
.............
في الصباح بدرى فهد يصحى وكان جايب معاه بدله يلبسها الصبح .
دخل خد شاور وطالع لقي ساره جاهزه ولابسه وعملت فطار
فهد:انتى جهزتى كويس اوى دقيقه وهلبس ونمشى .
ساره:مش هتفطر .
فهد:لا هفطرفى الشغل شكرا انتى قولتيلى اسمك ايه صح .
ساره:بغيظ نعم ..
فهد:اسف والله نسيت .
ساره:بضحكه صفرا وغيظ ساره اسمى ساره.
فهد:اسمك الحقيقي ولا .
ساره:نعم .
فهد:علشان اقول للمدير بس .
ساره:؟؟؟؟؟؟؟؟؟متردش.
فهد:اوك براحتك افطري لغايه مالبس .
ودخل يلبس وسابها.
الفصل التاسع.
................
فهد:دخل لبس وخارج يلا .
ساره:تنزل النقاب يلا.
فهدوساره نزلوا .
فهد:فتح لساره الباب مش السواق بتاعك ع فكره .
ساره:وانا مطلبتش منك كده على فكره .
فهد:يفتح اغانى قديمه .
ساره:انت قديم قوى وبعدين اغانى ع الصبح .
فهد:؟؟؟؟؟؟؟؟؟؟
ساره:انا هتكلم مع مين طيب في الشغل او عن الشغل انا مش فاهمه حاجه انا اساسا المفروض انى اكون مزيعه بس النصيب .
فهد:اممممممم مذيعه ويضحك انتى مش عارفه تكشفى وشك هتشتغلى مذيعه .
ساره:حضرتك بتتريق .
فهد:لا مبتريقش سوري .
..............
مصطفي تعب اوى وزهق وجاب اخره نزل من عربيته يتمشى شويه كده بعدين قعد في الشارع في حته هاديه كده على كورنيش النيل الدنيا صباح بدرى هيروح فين او هيدور فين قعد على سور الكورنيش وحط راسه وسط ايديه .
بالصدفه معديه هاجر وحاضنه كتب وماشيه شافته بالصدفه .
مشيت عليه اىىى انت .
مصطفي :يبص فيها انتى .
هاجر:اه انا عندك مانع ايه احنا الصبح بدرى مفيش حد هتعرف تدوسه للاسف دلوقتى .
مصطفي :يبتسم.
هاجر:سورى ع حصل منى ساعتها انا بعتذر .
مصطفي :وانا كمان بعتذر .
هاجر:تمد ايديها انا اسمى هاجر وحضرتك .
مصطفي :يمد ايده انا اسمى مصطفي .
مواصفات هاجر ياجماعه هاجر طالبه وبتدرس في كليه وبنت عمت فهد الصغيره .
هيا قصيره القامه جميله جدااا شكلا رقيقه بس لسانها متبري منها عنيها واسعه وسوده محجبه فيها غمازات بيضه البشره .
مواصفات مصطفي مصطفي عنيه خضرا ذي اخته ساره تقريبا يعنى شبه خضرا عنيه بس مش واسعه اوى طويل القامه شعره اسود بشرته بيضه مربي دقنه .
...
هاجر:انت بتعيط ليه بقي .
مصطفي:نعم بعيط مبعيطش .
هاجر:تشير له اهو فيه دموع في عيونك .
مصطفي :يتحرج اوى ويطلع النضاره من جيبه ويلبسها .
لا مفيش حاجه عنيا وجعانى شويه .
هاجر:اه الف سلامه وانا بعتذر تانى .
مصطفي :ولا يهمك حضرتك رايحه فين انا ممكن اوصلك .
هاجر:لا شكراا انا بحب اتمشى الصبح على فكره كده على النيل لغايه موصل الكليه بيتنا هنا قريب .
مصطفي:ميصحش تمشى لوحدك انا ممكن اوصلك .
هاجر:تضحك لا شكررا انت هتعملى ذي ماما ده موالها بتاع كل يوم علشان برفض ان السواق يوصلنى .
مصطفي :ذي متحبي ويطلع كارت من جيبه ده الكارت بتاعى .
هاجر:اوك بعد ازنك .
مصطفي :اتفضلى.
.......................
فهد وساره وصلوا الشركه .
ساره :داخله معاه وكل محد يشوفه ويقوله صباح الخير يافندم طول ماهو ماشى واللي قاعد يوقف اول ميشوفه ويقول صباح الخير يافندم .
ساره :مستغربه وبتقوله انت شكلك مهم هنا بقي .
فهد:يعنى حاجه ذى كده .
ساره:ياعم روح تلقيك شغال ساعى .
فهد:مثلا حاجه ذي كده .
يدخل على مكتب حبيبه قبل مكتبه .
حبيبه :تقف صباح الخير فهد بيه .
فهد:صباح النور اهي العامله اللي كلمتك عنها وريها الشغل اوك .
ساره:في حاله زهول هيا ليه بتقله بيه وبتقف .
فهد:يدخل مكتبه ويسيبهم
ساره:ممكن اسالك سؤال
حبيبه :اتفضلى .
ساره:وتشير على مكتب فهد هو بيشتغل هنا ايه بالظبط .
حبيبيه باستغراب نعم
ساره:بسال عادى .
حبيبه :انتى جايه معاه ومتعرفيش .
ساره:لا معرفش للاسف.
حبيبه :فهد بيه صاحب الشركه دى .
ساره:نعم الشركه دى كلها بتاعته .
حبيبه :اه ليه فيه حاجه .
ساره:لا اصل شكله صغير يعنى .
حبيبه ؛هيا في الحقيقه شركه والده بس هو اللي ماسكها .
ساره:اممممممممم .
حبيبيه :يلا بقي نشوف الشغل يلا .
ساره:اوك .
...............
عند:ام ساره
ام ساره قاعده بتعيط وقاعده جمبها ام محمود جارتها
وممدوح خد اجازه وقاعد في اوضته وادم نزل الكليه ومصطفي من ساعتها مرجعش البيت بيخلص شغله ويبات في شغله .
التلفون رن .
ام ساره:تجرى على التلفون بلهفه مين .
ساره:انا ساره ياماما .
ام ساره :بصوت عالى ساره ليه تعملى فيا كده يابنتى حرام عليكى .
ممدوح:يسمعها ويطلع يجرى .
ساره:بعياط سامحينى ياامى انا مش عايزه اتجوز اسامه .
ممدوح:ياخد التلفون انتى فين ياساره ارجعى متعمليش فينا كده .
ساره:بتبكى انا اسفه ياممدوح وتقفل الخط.
ام محمود:الحمدلله انك اتطمنتى عليها بس
ام ساره :ايه الفايده بنتى مش هترجع انا عارفه دماغها ناشفه ذي ابوها تبص لممدوح ليه اخدت التلفون وكلمتها انا كنت هعرف هيا فين .
ممدوح:يضرب على الترابيزه اللي عليها الفون ويقول لاامه انا هعرف هيا فين ويسيبها ويخرج .
...........
ممدوح :راح شغله علشان يعرف الرقم اللي رن عليه من اي جهه وفين بالظبط .
............
ساره:مش عارفه حاجه في الشغل
تروح على مكتب فهد حبيبه انتى رايحه فين .
ساره:متردش عليها وتدخل علطول حبيبه قامت وراها ميصحش كده ياانسه .
فهد:يفيق على صوتهم وكان بيمضى على بعض الاوراق فيه ايه .
حبيبه :انا قلتلها انها ميصحش تدخل كده يافندم .
فهد:خلاص روحى انتى لحبيبيه مفيش مشكله .
حبيبه:حاضر وتبص فيها وتخرج .
ساره:انت ليه مقولتليش انك صاحب الشغل .
فهد:هيفرق معاكى في ايه انتى مش عايزه وظيفه وخلاص هيهمك في ايه بقي .
ساره:كنت هرفض طبعا.
فهد:وليه بقي .
ساره:علشان اي شغل هروحه هتكلم لو معجبنيش لاكن منك انت هتحرج لان انت عملت معايا كتير ومش هعرف اطلب حاجه تانيه .
فهد:اممممم ماله الشغل بقي ايه اللي مش عاجبك فيه .
ساره:مش تخصصى ومش عارفه فيه حاجه .
فهد:اوك فهمت يدوس الجرس حبيبه نعم يافندم .
فهد:شوفي الانسه وغيريلها الشغل شوفيها عايزه ايه اوك .
حبيبه :تمام فهد بيه ذي متحب .
ساره:انا اسفه جداا ومتشكره اكتر فجاه يدخل مروان صباح الخير .
فهد:يشير بايده اتفضلى انتى .
ساره:تخرج مروان مين دى بقي وجه جديد دى .
فهد:ملكش دعوه بيها .
مروان :ايه مليش دعوه بيها دى هو انا جيت نحيتها .
فهد:بعرفك بس .
.................
عند ماجد ونورا يدخل ماجد الغرفه الساعه 4عصرا
يجد نورا ملقاه على الارض بجوار السرير ماجد يجري عليها نورا نورا يمسك راسها ويضعها على دراعه ويحاول افاقتها نورا دون جدوى .
ماجد يحمل نوره ونازل بسرعه على السلام يكلم البواب افتح العربيه بسرعه
البواب :يفتح العربيه ماجد يضع نوره بالعربيه ويركب العربيه ويطلع باقصى سرعه ميكلمش حد .
داده عزيزه تطلع تجري تكلم السواق فيه ايه البواب يقلها انه ميعرفش .
.........
عند ساره:دخل عليها فهد خلصتى
ساره:اه خلصت بس اتخنقت من النقاب ده اللي مش عارفه اقلعه .
فهد:معلش .
ساره:هبقي اتعود كل الموظفين اللي معاها في الاوضه كل واحد على مكتبه يسيبوا شغلهم ويبصوا فيهم .
فهد؛ممكن كل واحد يخليه في شغله .
كلهم رجعوا بصوا على ورقهم .
طبعا فهد واقف قريب من ساره وبيكلمها هما ميعرفوش بيقول ايه مش سامعينه بس شايفين .
فهد:اعملى حسابك نص ساعه وهنقفل ونروح يعطيها مفتاح نص ساعه وانزلى استنينى في العربيه هوصلك .
ساره:مفيش لازمه انا عرفت الطريق همشى مواصلات .
فهد:اسمعى الكلام ويحط المفتاح على المكتب قدامها ويمشي
************
الفصل العاشر والحادي عشر والثاني عشر من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
