رواية شيطان في بيتي الفصل الرابع والخامس بقلم الكاتبه زهرة الربيع حصريه وجديده على مدونة النجم المتوهج
 |
المهم عايزها تترجاك على حبايه يعني تدمن بالكامل وتعمل اي حاجه علشان تاخد الجرعه فاهمني..وبالنسبه للمقابله انا هقفل وابعتلك مسج تقراه كويس وتنفذو بالحرف..ومتنساش تحذف الرساله سمعت
وسمعو شويه وابتسم وقال..ايوه كده شطور يا علوه يا ابن الست الحلوه
وقفل معاه وكتب رساله وبعتهالو ولسه هيروح ناحية الدولاب اتفتح الباب ودخلت اسيا بغضب رهيب
اكمل اتنهد وقال بضيق...نعم خير ..جايه تباركيلي برجوعي بيتي
قالت بغضب شديد..عمك تعب وجبنالو الدكتور يا رب تكون مبسوط
ابتسم باستفزاز وقال..والله كان بودي اقولك لا ..بس انا مبسوط..وجدا كمان..بس مش هبقى مبسوط لو خدها من قصيرها ومات
كتفت اديها وقالت بغضب مكتوم..طب كويس والله طلع عندك دم وبتحس
اكمل ضحك ببرود وقال..لا للاسف معنديش...بس هزعل انو مات بسرعه كده ومسابليش فرصه اتشفى فيه
اسيا بصتلو بغضب رهيب و حاولت تهدى واتنهدت وقالت ..طيب..خلينا نتكلم بهدوء يا اكمل...انت مضايق من عمي...على اساس انو ظلمك وحوراتك دي وطبعا من الظلم انك بتعاقب ابنه معاه بس هلاقيلك مبرر بارد واقول انك حابب تعاقبو في اولادو..انما انا..انا مش بنتو ومعملتش حاجه تستدعي اني اتجوز وسخ زيك..انت شايف اني استاهل اتعاقب العقاب ده
اكمل ابتسم ابتسامه جانبيه وقرب منها وقال...شوفي يا اسيا لما بيكون في ضفتين حوالين اي نهر بيبقى لازم فيه جسر صغير يربط ما بينهم ويوصلنا للضفه التانيه...يعني علشان نوصل لازم نستخدمو وندوس عليه كمان لانو بيبقى وسيلة العبور الوحيده ...عمرك مره خدتي بالك لمشاعر الجسر ده وياترى حاسس بايه واحنا كل مره ندوس عليه بس علشان نعدي للبر التاني
اسيا كانت بتبصلو باستغراب وهو كمل وقال..اهو انتي الجسر ده..الي هيوصلني للي انا عايزه.. قدرك بقى تبقى هنا..وانا قدري اني ملاقيش وسيله غيرك
قال كده واتجاهل وجودها وقلع تيشرته وبقى يطلع هدومه من شنطته
اسيا قالت بسخريه...انت فاكر بالحركه دي هتكسف واطلع جري بقى ريح نفسك مش بتكسف غير من الرجاله
اكمل ابتسم بخبث على كلامها والتفت لها وجذبها من شعرها وبا،،سها بقوه في ثواني قبل حتى ما تستوعب عمل ايه
بعد عنها وهيه بتبصلو بصدمه وعيونها مفتوحين على اخرهم وقال ...الرجاله افعال وانا بتاع افعال وبس يا بنت عمي ..ولا تحبي اناديكي حببتي بما اننا هنتجوز
اسيا دفعتو بقوه وهيه بتبصلو بزهول وقالت بزعيق..انت..انت عملت ايه يا حيوااان يا وسخ
اكمل ابتسم وبقى يطلع هدومه من الشنطه بلامبالاه وقال... يا ريت نحترم بعض علشان نعرف نعيش مع بعض
اسيا كانت في قمة الإنفعال ومش حاسه بنفسها قالت بغضب رهيب....احترم مين يا معفن احترم واحد سا،،فل ووسخ زيك...لكن انت هتطلع متربي ازاي وانت تربيه واحده رقاصه سا،،قطه وو،،سخه
اكمل التفت لها بحده و ضم ايده بغضب رهيب وقال..اسيا ..اخرجي حالا
قالت بغضب وزعيق ولو مخرجتش ها....هتعمل ايه..مضايقك قوي كونك واحد ابن حرام نتيجة غلطه بين واحد سكران وواحده ساقطه ...اعرف قيمتك انت اخرك تمسح مكان جزمتي مش تتجوزني
اكمل كان كلامها بيدبحه والغضب بان على ملامحه وقال بحده...اسيا قولت اخرجي من هنا احسنلك
اسيا قالت بغضب اشد ....مش هخرج وهقول الي انا عيزاه انت هتعيش وتموت كلب البيت ده ومش هنعترف بيك ونجوم السما اقربلك من انك تتجوزني انا يستحيل اتجوز واحد تربية شوارع واصلاحيات و
لكن قطعت كلامها بصرخه لما ضربها قلم قوي جدا وقعت على الارض
شيطان في بيتي حصريا بقلم زهرة الربيع
عند فرحه اتصدمت لما لقت لؤي في الحاره وفيه ناس نازله تضربو قالت بزهول..انت عملت ايه الله يخربيتك انت لحقت... تعالى معايا
لؤي قال بسرعه..معملتش حاجه دول ناس مجانين والله
فرحه قالت بضيق وسخريه.... ايوه ما انا عارفه انك غلبان والناس هيه اللي بتيحي عليك
ولسه هيتحركو نزل الراجل ومعاه اتنين زي الحيطان وقال...العيل ده يلزمك يا دكتوره
لؤي أول ما شافهم وقف وراها وقال ....اه ..اه طبعا تبعها ....وهمسلها بخوف وقال....قولي حاجه ابوس ايدك
قالت بهمس من بين اسنانها...واساعدك ليه نسيت اللي عملتو في الصيدليه يا مهزأ
لؤي قال بقلق...حقك عليا ...كانت غلطه هنتكلم والله بس اتصرفي ارجوكي
فرحه اتنهدت وقالت..اه يا معلم شبراوي..تبعي معلش هو دكتور لؤي مش من هنا ومش بيعرف يتعامل كويس حقك على راسي انا امسحها فيا
الراجل بصلها بمعاكسه وقال..علشان عيونك بس.... ولو اني كنت هموت واسلخه واعلقه... اصلي مش دابح انهارده
لؤي قال باندفاع.... تعلقني ليه كنت جلبية ابوك
شبراوي بصلو بحده وقال ....قولت حاجه يا حليوه
لؤي قال بسرعه وخوف...بقول ربنا ياخد اللي يتعبوك يا معلم
شبراوي قال..اه بحسب ....ومشي هو واولاده
فرحه اتنهدت بارتياح وقالت...وانت تاخد بعضك وتمشي حالا من هنا يلا كفايانا مشاكل
ومشيت من قدامو وهو مشي وراها وهو بيقول...فرحه انسه فرحه..انسه فرحه اسمعيني ارجوكي... انا جاي المشوار ده كلو علشانك
وفضل طالع وراها على السلم وهو بيقول...انا اسف..انا اكيد مقصدش اعمل كده..والله انا متربي كويس وعمري ما بعمل حاجه غلط
فرحه قالت بضيق وسخريه وهيه طالعه السلم.... اه ما انا عارفه انك متربي بامارة السفاله اللي عملتها في اول يوم شغل ليا..واحد وسخ...بس انا فهماك انت اصلا عايز تطفشني بس كنت تقدر تقولي كده في وشي و
بس سكتت لما سمعتو بيصفر التفتت وراها واتسعت عنيها بدهشه لما لقت واحده جارتهم نازله وهو نزل وراها وبيصفر ويقول بمعاكسه...اخرك ايه ..يا كريم شانتيه
فرحه اتصدمت ولطمت على خدودها وقالت..يا انهار اسود ...دكتور لؤي
ونزلت جري وراه
لؤي كان ماشي ورا الست وبيعاكس وهيه وقفت عند باب شقه وقالت بضحك..اخري هنا يا حليوه دي شقتي ..تعالى نروقك وسحبتو من قميصه وهيه بتضحك بصوت عالي
لؤي اتسعت عنيه بصدمه لما خد بالو للي عملو وقال...لا..لا افهمي حضرتك انا غلطان في العنوان ....فرررررحه الحقيني يا بت
فرحه كانت نازله جري وراه بس كانت الست قفلت الباب ضربت رجلها على الارض بغيظ وقالت..الله يخربيت فرحه بقى...خليك عندك لحد ما يلموك معاهم ده تمامك اصلا
لؤي دخل المكان وبيبصلو باستغراب اتفاجأ بستات كتير وشباب والمكان واضح جدا انو مشبوه بلع ريقه بارتباك وقال...طبعا انا لو حلفتلك اني عيان مش هتصدقي
ضحكت بقوه وقالت....هييييهييي انا كمان عيانه...كلنا هنا عيانين
لؤي قال بيأس..اممم...مصدقتيش
اما عند سهيله اطمنت على ابوها بعد ما فاق وهدي واتأكدت انو نام وخرجت من غير ما حد يشوفها وهيه حاسه بصداع رهيب
ركبت عربيتها وطلعت على اول الشارع كان على مستنيها ركب معاها وقال...وحشتيني يا سوسو
ابتسمت وقالت..انت اكتر يا علي
على اتنهد وقال..انا مبقتش اقدر على بعدك ونفسي قوي يجمعنا بيت واحد
ابتسمت ونزلت عيونها بكسوف وقالت...انا كمان ....بس الموضوع بقى في ايدك يا على انا مشيت العريس الي كان متقدملي وقولتو اني بحب حد تاني... تعالى بقى انت اتقدم لبابا.... انا مش مبسوطه خالص اني مخبيه موضوعك عن اهلي وبقابلك من وراهم انا عمري ما عملتها
علي ابتسم وقال.... قريب يا قلبي هفاتح اهلي في موضوعنا متقلقيش..
سهيله ابتسمت وقالت..طب يلا اديني حبايه خليني اروح بابا تعبان انهارده
علي ابتسم بخبث وقال..حاضر يا قلبي بس هنعدي على الصيدليه الي بجيبه منها لانه خلص ...يلا اطلعي
سهيله قالت بارتباك ....طب هنتاخر انا مقولتلهمش اني هخرج
على ضحك وقال..يا بنتي هو انتي عيله يلا اطلعي بقى ادينا بنتكلم انتي وحشاني قوي
سهيله ابتسمت بحب وطلعت بالعربيه معاه
عند اسيا كانت مصدومه جدا ومش مصدقه انو ضربها بالطريقه دي كانت بتبصلو بزهول وبس
اكمل كمان محسش باللي عملو من كتر الغضب وفاق لنفسو لما وقعت بالشكل ده قرب منها فورا وقال...قومي معايا ..انا مكانش قصدي.... ومد ايده وهو بيوطي يقومها
بس اسيا دفعتو بعيد عنها وقالت بغضب...خليك بعيد عني وحطت ايدها على شفتها اللي بتنز،،ف وقالت....حيوان ..ومحتاج معاملة الحيونات و بس مينفعش تعيش وسط البشر وطلعت بغضب شديد من عندو
اكمل كان جواه غضب يهد الكون وكلامها بيتكرر في ودانو نزل صورة ابوه وكسرها على الارض وبقى يضرب البروز برجليه وهو بيقول بزعيق...مبسووووط...حاسين بالي بسمعه شايفين عملتو فيا ايه...وقعد على السرير وهو بينهج وقال..هدفعكم التمن كلكم هتدفعوه
اسيا طلعت وهيه بتمسح دموعها وشفتها بغضب
وقف قدامها عدي وقال...اسيا بابا كان بيسأل عليكي عايزك و
بس قطع كلامو لما شاف حالتها بصلها بزهول وقال...ايه الي عمل فيكي كده
اسيا قالت بتوتر...عادي يا عدي اتخبطت في باب الحمام و
بس قاطعها و قال بغضب شديد...هو مش كده...هطلع روحه المرادي
وراح على اوضة اكمل بغضب شديد.... واسيا بقت تجري وراه عايزه توقفه
حصريا بقلم زهرة الربيع
عدي دخل بغضب ومسك اكمل من تيشرته وقال بزعيق ..انت اللي ضربتها
اكمل بص لاسيا يمين وشمال وقال ببرود...اه الحمد لله انا
عدي بصلو بغضب وشدد من مسكتو ليه وقال بحده..انت جنسك ايه يلا لو كنت راجل مكنتش تمد ايدك على واحده ست يا زبا،،له
اكمل زق ايده بغضب وقال..انا مش عايز ابقى راجل انا عايز ابقى من صنفكم اللي لحد دلوقتي متحددش نوعه...انا عشت ٢٧ سنه في الزل وانا راجل...والاوساخ اللي زيكم غرقانين في النعيم
عدي قال بغضب..الاوساخ اللي زينا دول اللي هتموت وتبقى منهم يا حقود وعمرك ما هتقدر اخرك تحلم
اكمل قال بغضب..اطلع يلا بره..مش ناقصه اتكلم مع الصراصير كمان يلا يلا غور من هنا مش رايق السعادي بدل ما ابتلي بواحد وسخ زيك
عدي بصلو بحده وقال..بلاش انت تتكلم عن الوساخه يا تربيه الشوارع يا ابن الركلام
اكمل كان حرفيا دمه بيغلي وعدي مكانش وقته اصلا
ضربو بوكس قوي وقعو على الارض وبقى ينز،،ف من انفو وهجم عليه وهو بيضربو بغل وعن،،ف وبيقول..ابن الركلام ده هيوريكم يا زباله يا كلااب...والله لادفعكم التمن انا هفرجك انت وابوك يا زباله
اسيا اتصدمت كان هيموتو في ايده وهاجم عليه بيضربو بغل دفعتو بكل قوتها بعيد عنو وشدت عدي عليها وكان بيكح جامد وبينز،،ف
قالت بزعيق..انت حيوان هيموت في ايدك ايه اتجننت خلاص
اكمل وقف وقال بغل..البركه فيكم يا ولاد الانصاري..بس وحق كل كلمه بتحرقو بيها قلبي من غير ما يرفلكو جفن..لاخليكم تبكو بدل الدموع دم...وحق القلب اللي مفضلش منو غير اسمو لادفعكم تمن كل حرف بستحملو...ولاخليكم قدام بعض ليل نهار ومتعرفوش تقربو ولا تبعدو
وبص لعدي بحقد وقال..هخليك تشوفها معايا ة في حضني وتوريني رجولتك يا ابن البشوات ....غورو من اوضتي ...وزعق جامد وقال...اطلعو بررررره
اسيا للحظات حست بحزن من منظره وحست انهم ذودوها معاه بس بعد ما قال كده قومت عدي وقالت بضيق.... يلا من هنا يا عدي على شويه والنفس هنا هيبقى مسموم
واخدتو وطلعت واكمل قفل الباب بسرعه وهو مش قادر ياخد نفسو جذب شعره بقوه وجسمو كلو بيرتعش وهو بيفتكر كل كلمه بتتقاله
فتح الدرج بتاعو بسرعه وطلع منو علبة اقراص وكب منها على ايده اكتر من حبايه وشربهم دفعه واحده واديه بترتعش ونام على السرير وضم رجليه لبطنه وحاوطهم باديه كأنه بيحضن نفسه وهو مغمص بقوه وبيحاول ينام وبيجاهد علشان دموعه متنزلش
في الوقت ده دخل شخص ملثم من البلكون ومعاه سكين في ايده واتقدم ناحية سرير اكمل
عند سهيله فضلت تمشي بالعربيه زي ما بيقولها علي لحد ما وصلو لحاره صغيره
في بدايتها علي قال..بس اقفي انتي هنا هروح اجيب لنا علبتين واجي في السريع..معاكي فلوس اصلي نسيت المحفظه
سهيله طلعت فلوس ادتهالو و قالت بلهفه....بجد هتجبلي علبه ليا ...هات وميهمكش الفلوس انا..انا عايزه كتير معايا
علي ضحك وقال..لو لقيت بقى يا مزتي
ونزل من العربيه وهيه فضلت مستنياه وقت طويل بس مجاش نزلت من العرييه وبقت تلف اول المكان وتسأل عنه وفي الوقت ده الدنيا اتقلبت والكل بقى يجري بصراخ
واتفاجأت بالبوليس حاوط المكان
سهيله كانت واقفه مكانها بتبص للناس اللي بتجري باستغراب ومش فاهمه فيه ايه لحد ما واحد من الظباط مسكها بقوه وقال للعسكري ...خد الحلوه دي كمان.... اول مره اشوف المنقبات كمان بيجو هنا جاتكم البلا
سهيله اترعبت وقالت..سيب ايدي لو سمحت عيب انا عملت ايه
الضابط دفعها للعسكري وقال ...عملتي ايه..في القسم هنعرفك وهنجبلك المزاج كمان ..وشاور للعسكري جرجرها ورماها في البوكس مع المجرمين وهيه بتصرخ ومرعوبه جدا ووووو
🏃♀️🏃♀️🏃♀️
#الحلقه_الخامسه حتى المنقبات بقو بتوع مخدر،،ات سهيله كانت بتسمع الجمله دي من كل العساكر والضباط وواقفه وسط المدمنين والتجار وهيه بتبكي ومرعوبه جدا
اتقدم عليها ضابط وقال بغضب...انتي يختي ارفعي الهباب اللي على وشك ده..بلاش قر،،ف امثالك يوسخوه
سهيله بقت تبصلو برعب وقالت بدموع...انا مش هرفع حاجه ..ولو سمحت انا عايزه اكلم اهلي لوسمحتو بقى كفايه انا جايه بالغلط والله العظيم
الضابط قرب عليها بغضب وقال...انتي كمان بتردي ياروح امك قولت اقلعي النقاب ده بدل ما ابهدلك ...وبقى يشدو منها بس سهيله بقت ماسكه النقاب ومثبتاه باديها على وشها وبتبكي وبتزعق معاه بس اتصدمت لما شافت منتصر من بعيد قالت ببكا وصراخ...منتصر...منتصررررر
منتصر اتفاجأ بصوتها والتفت وراه واتصدم ببنت منقبه بتناديلو وكان حاسس انو صوت سهيله جري عليها بسرعه وقال بزعيق...مروااان....سيبها
الضابط مروان قال برسميه...منتصر بيه انا كنت عايز اكشف وشها علشان الفيش
منتصر بقى يبص لسهيله بزهول وهيه كانت بتبكي برعب وفاجأتو لما جريت عليه وقفت وراه من غير ما تلمسو وهيه بتبكي بخوف
منتصر اتاكد انها هيه واكان متفاجأ جدا ونفسو يطمنها ويهديها بس كان لازم يفهم ويتعامل برسميه حمحم و قال...البنت دي جايه في ايه
الضابط قال بجديه.... اتمسكت في الحاره المشبوه اللي تم الإبلاغ عنها عند تجار المخدرات واعترفت انها كانت مع زميلها رايحين يجيبو برشام من هناك حضرتك
منتصر اتصدم بشده وقال...سيبها انا اعرفها
الضابط اتصدم وفضل باصصلو ومنتصر قال بغضب..فيه حاجه روح شوف شغلك
وبص لسهيله وقالت ...احم اتفضلي معايا على مكتبي
سهيله ابتسمت بدموع وكانت مرتاحه من اول ما شافتو وراحت معاه على المكتب وهيه بتشهق بشده واعصابها باظت على الاخر
في البيت عند اكمل كان نايم بتعب بعد الحبوب اللي خدها ودخل شخص ملثم من الشباك وفي ايده سكين
كان بيقرب من اكمل بحذر واول ما اتأكد انو نايم بدأ يفتش في الاوضه وفي الادراج بسرعع و بيدور على حاجه
بس اتصدم بصوت اكمل بيقول...مفيش حاجه هنا متتعبش نفسك
التفت لاكمل بخوف ورفع السكينه بس اتصدم لما لقاه نايم مكانو متحركش وقال وهو مغمض عينه بهدوء...اطلع قول للي بعتك اني مش شبه ابويا خالص...او بمعنى اصح مش اهبل زيو ..الورقه اللي عايزها مش هنا ومش هيلاقيها
الراجل خاف ولسه هيجري ناحية البلكونه اكمل زعق فيه وقال..تعالى هنا انا مش هأذيك
قعد وطلع فلوس من الدرج ورماها على السرير وقال..خد الفلوس دي واطلع قولو مفيش حاجه هنا ..وشد الباب في ايدك عايز انام
الراجل اخد الفلوس بخوف وهو مستغرب جدا واكمل رجع نام وقال...اطلع من الباب مفيش داعي تنزل تاني على المواسير والفرهده دي.... وقولو في اي وقت يحب يجيب واحد يفتش الاوضه يقولي وانا هستقبله مفيش داعي نتعب الناس معانا
الشاب مشي وطلع من الباب بسرعه زي ما قلو وهو مستغربه جدا
اكمل هز راسو بيأس وابتسم بسخريه ورجع نام تاني
عند فرحه كانت واقفه بغيظ قدام شقة الست اللي لؤي دخل عندها وقالت ..اوووف يا ربي طب اسيبه يتورط الغبي ده علشان يتربى
بس اتنهدت وقالت بضيق...بس يمكن ميعرفش هو دخل فين... والله ما عارفه صعبان عليا على ايه
وخبطت على الباب وهيه مضايقه من نفسها
فتحتلها نفس الست وقالت..نعم يا ست الدكتوره فيه حاجه
فرحه قالت بارتباك..اه..اصل..اصل يا ست تحيه الل..احم..اه قريبي قريبي جيه يزورنا ومخو بعافيه شويه وميلت عليها وقالت بهمس بيني وبينك مجنون وبنعالجه ..خلاني بعمله شاي وسهاني ونزل ومش عارفه الاقيه فقولت يمكن يكون جيه هنا ولا لمحتيه نازل....هو شب حليوه اوي وشعره بني بيلمع كده ولابس تيشرت بني وجينز يعني شكلو مميز لو شوفتيه اكيد هتعرفيه انو مش من هنا
تحيه اتخضت وبصت وراها للؤي الي كان قاعد بارتباك ومش واخد بالو لفرحه اصلا وبيبص للمكان بقلق
تحيه بلعت ريقها بخوف وقالت..مجنون..مجنون خالص يعني
فرحه قالت بسرعه...فوووق الخالص سعات بتهب منو وممكن يخنق اللي قدامه
بلعت ريقها برعب وبعدت وشاورت على لؤي وقالت..هو الشاب اللي هناك ده
فرحه قالت بسرعه..ايوه هو هو ده قريبي..لؤي..
لؤي التفت لها بسعاده ومش مصدق قرب منهم وقال..فرحه الحمد لله انك جيتي انا....
بس فرحه قاطعتو وقالت بسرعه..انت نزلت ليه انا مش قولتلك متتحركش تعالى معايا
تحيه كانت بتبصلو بخوف وقالت..اه..اه روح مع قريبتك يا اخويا... ربنا يشفيك
لؤي قال بدهشه....ربنا يشفيني.... انتي عرفتي ازاي مين قلك
تحيه قالت بخوف منو..مش مهم يا خويا ...المهم تخف ربنا يشفي روح مع الدكتوره يلا
لؤي طلع من عندها باستغراب وبص لتحيه وقال...ايوه يعني مين قلك..هو انا بقى باين عليا ولا ايه
تحيه قالت بحسره..والنبي مش باين ابدا حسره عليك ربنا ياخد بالايد وقفلت الباب
لؤي قال بدهشه... حسره عليا..هو انتي قولتلها ايه
فرحه قالت بغيظ..قولتلها الحقيقه..قولتلها انك مجنون وليس على المريض حرج
لؤي قال بسرعه....لا .انا مش مجنون والله ...لسه موصلتش للدرجادي
واتنهد وقال..على العموم شكرا انك طلعتيني
فرحه قالت بغضب..انا كنت خلفتك ونسيتك علشان افضل الف وراك..انت حكايتك ايه يا جدع انت ..شوف بقى لو معاك حاحه عايز تقولها قولها وخلصني يا إما توريني عرض كتافك انا قاعده هنا بالعافيه اصلا متجبليش المشاكل
لؤي اتنهد وقال....شوفي انا لازم اتكلم معاكي..بس مش هنا خوديني على اي مكان مفيهوش اي واحده ست..ولا حتي حاجه مؤنثه ....بصي لو شجره مؤنثه متقعدنيش جمبها
في البيت كانت اسيا بتحط معقم تحت عين عدي بعد ما اكمل ضربو وهو بيقول بغضب...ذودها جدا بني ادم حقير انا مش عارف ازاي هنستحمل الاستفزاز ده ازاي هنعيش وهو معانا في الييت حقيقي تربية شوارع
اسيا قعدت واتنهدت وقالت...يمكن كمان احنا ذودناها زيو..الكلام بتاعنا بيأثر فيه جدا واضح عليه انا..انا خدت بالي لنظراتو واحنا طالعين كان مكسور جدا و
قاطهعا بزهول وقال..انتي بتقولي ايه...انتي معقوله بتشفقي عليه بعد اللي عملو معانا
اسيا اتنهدت وقالت..انا لا بشفق عليه ولا طايقاه بس حسيت كده معرفش ليه...المهم احنا لازم نتصرف وناخد الورقه دي من عندو قبل ما يعمل اي مصيبه
عدي قال بحزن..انا السبب في كل ده
اسيا بصتلو بضيق وقالت...كويس انك عارف كده
ولسه هتمشي مسك ايدها وقال..انتي ..انتي ناويه على ايه..يعني لو حلينا الموضوع ده..هتسامحيني هنكمل في علاقتنا صح
اسيا سحبت ايدها وقالت بسخريه.... ادعي الاول يتحل ..لان السؤال هيبقى هنعمل ايه لو مقدرناش نحلو يا عدي والبركه فيك
قالت كده وخرجت وهو قعد على السرير بحزن
عند عصران كان قاعد في الاوضه بقلق ودخل عندو الشاب اللي كان في اوضة اكمل
عصران اتصدم وقال..انت ازاي داخل من الباب كده الله يخربيتك مخرجتش من البلكونه ليه زي ما دخلت
الشاب قال بتوتر..اصلو يا باشا الجدع نايم في سابع نومه ومحسش بيا فقولت اقابلك بالمره قبل ما امشي
عصران قال بسرعه..المهم عملت ايه لقيت الورقه
قال بارتباك .لا..لا الورقه مش في الاوضه ابدا انا دورت كويس
عصران قال بغضب...كنت متاكد انو مش هيجبها معاه...طيب روح انت ولو حد من الاولاد شافك قولهم انك شغال معايا في المكتب وجيت تطمن عليا ...يلا
الشاب مشي وعصران قعد بضيق وغضب وقال..صبرك عليا يا ابن الشوارع
عند اسيا كانت رايحه اوضتها وجات عيونها على اوضة اكمل اتنهدت وهيه بتفتكر منظره بعد الكلام اللي هيه قالتو واللي عدي قالو قربت من اوضتو وكان الباب مش مقفول من جوه لان الراجل الي بعتو عمها خرج منو
فتحت الباب براحه جدا ودخلت على اطراف اصابعها ووقفت جمب سريره واستغربت من الطريقه الي نايم بيها كان ضامم رجليه لصدره زي الاطفال وحاضن نفسو بدرعاتو زي ما يكون حد بيحضنه بقت تبصلو باستغراب وجات عيونها على علبه الحبوب اللي جمبو وقرت اللي عليها ولقتها مهدء..اتنهدت بحزن وغمضت عيونها ولسه هتمشي اتفاجات بصوتو بيقول..انتي كمان جايه تدوري عليها
شيطان في بيتي حصريا بقلم زهرة الربيع
عند سهيله كانت بتبكي جامد في مكتب منتصر وهو جاب لها ميه وقعد على طرف المكتب قدام الكرسي بتاعها وقال ...احسن دلوقتي
هزت راسها ب لا وهيه بتشهق ببكا
منتصر اتنهد وقال...حاولي تاخدي نفسك وتهدي شويه مفيش حاجه ملهاش حل
سهيله قالت بدموع....انا.. انا والله ما اعرف حاحه من اللي بيقولوها الضباط بره ابدا ...والله
منتصر قال ..طيب اهدي انا عايزك تفهمي اني معاكي هنا ومحدش هيقدر يتعرضلك فلو سمحتى اهدي علشان اعرف افهم منك
سهيله بقت تحاول تهدى ومنتصر قال ..ايه اللي حصل بالظبط
سهيله قالت بدموع وسرعه..انا كنت في عربيتي ورحنا المكان ده ... وبعدين نزل يجيب حاجه من الصيدليه وكنت مستنياه و
بس قاطعها منتصر وقال.... براحه على مهلك..كنتي انتي ومين مين اللي نزل
سهيله خدت بالها لكلامها ومكانتش عايزه تجيب سيرة علي وتورطه قالت بسرعه وارتباك...نزلت...قصدي نزلت واحده صاحبتي كنت معاها
منتصر قال بعدم تصديق...صاحبتك..اها...كملي
سهيله قالت بتوتر.... بعد كده قالتلي هتروح صيدليه قريبه..فضلت مستنيها لما اتاخرت نزلت ابص عليها لقيت الناس بتجري والضباط ملو المكان واخدوني معاهم
وانفعلت وقالت بزعيق وبكا ...والحيوان اللي بره كان عايز يشوف وشي
منتصر ضحك بخفه وقال...معلش ده اجراء لازم..يعني ضروري نتأكد من شكل المتهم
قالت بصدمه..متهم
منتصر اتنهد وقال...شوفي يا انسه سهيله...المكان اللي كنتي فيه ده منطقه مشبوهه ومعروفه لتجار المخدرات وكل اللي هناك يا اما مدمنين بيتعاطو يا اما تجار بيبيعو...محدش بيروح هناك الا اذا كان واحد من الاتنين دول
سهيله بصتلو بدهشه وقالت..والله كنا رايحين صيدليه والله
منتصر اتنهد وقال..انا مش عايز اصدمك في صاحبتك دي بس مفيش صيدليات نهائي هناك
سهيله بقت تبصلو بدهشه شديده
وهو قال.... شوفي انتي حاليا متاخده اشتباه مش اكتر بس طبعا لو مش معاكي حاجه ومش بتتعاطي اقدر اطلعك بس هتبقى مشكله اذا كان معاكي حاجه في التفتيش و
بس سهيله قاطعتو وقالت بسرعه..انت بتقول ايه...لا طبعا اعوذ بالله انا اعرف ربنا كويس يا حضرة الظابط ويستحيل اخد حاجه زي كده
منتصر ابتسم وقال..كده تمام هيفتشو شنطتك بره وهخرجك فورا متقلقيش وقرب منها وبص لعيونها مباشرةً وقال...بس فيه سؤال مهم..اتمنى تجاوبيني عليه بصراحه ده سؤال شخصي يهمني جدا
سهيله هزت راسها بالموافقه وهو كمل ةقال ...الشاب الي كان معاكي هو نفسو اللي..احم..اللي قولتيلي انك بتحبيه ومستنياه يخطبك
سهيله ارتبكت جدا ومنتصر قال ...مش لايقلك الكدب يا سهيله واضح جدا انك مش متعوده عليه..يا ريت تجاوبيني ده شئ هيكون بنا وبس
نزلت عيونها وهزت راسها بالموافقه وقالت...هو...بس ..بس ارجوك انا مش عايزه اورطه هو كان رايح الصيدليه ومكانش يعرف هتحصل حاحه زي كده
منتصر ابتسم بحزن وهز راسو بيأس منها وقال..تمام..هنخلص الاجرأت وهوصلك بنفسي
عند لؤي كان قاعد مع فرحه في اوضة فوق السطوح وهيه كانت بتضحك من قلبها بعد ما حكالها عن ظروف مرضه وقالت بضحك..يعني انت ملبوس ولا ايه
لؤي قال بغيظ..ملبوس ....ده مسطلح يطلع من واحده دكتوره زيك
ضحكت وقالت... طب ما انا بجد اول مره اسمع كده
لؤي اتتهد وقال بحزن ... لا ده نوع من الإنفصام .... معايا واحد سافل مش شبهي لازقلي ومش عارف اعمل ايه
فرحه ابتسمت وقالت..طيب هدي نفسك متزعلش بص انا مصدقاك..وكمان مقدره جدا انك جيت هنا علشان تراضيني وعلشان كده هديلك نصيحه..قول لأهلك..لازم يقفو جمبك ويساعدوك كمان علشان لو حصلت مشكله زي اللي حصلت مع اخت خطيبة بنت عمك يدعموك بدل ما انت هربان كده
لؤي ابتسم وقال..انا نويت على كده اصلا وشكرا يا دكتوره
ابتسمت وقالت..العفو ...معلش سؤال اخير ...انت مولود كده
لؤي بهتت ملامحو جدا ووقف بسرعه وقال...احم...من طفولتي...معرفش السبب...على العموم ..انا..احم انا عارف طبعا ان جيتي لحد هنا مش هتخليكي تأمني ترجعي الشغل وحقك طبعا بس كان لازم اعتزرلك
فرحه فهمت انو مش حابب يتكلم وقالت بسرعه.... انا هاجي الشغل من بكره متقلقش انا اعرف اخد بالي من نفسي ولو ذودتها هعرف اوقفك انا حابة اساعدك مهو مش هينفع بقى تجيب واحده تاني وتضطر تحكيلها هيه كمان
لؤي ابتسم بسعاده وهو مش مصدق انها هترجع تساعده تاني
في البيت اسيا اتفاجأت انو اكمل صاحي والتفتتلو وقالت ..انت صاحي
بصلها وقال..لا كنت نايم بس معشتش في الامان اللي يخليكم تدخلو الاوضه ومحسش..زي ما عمك كان متوقع
ابتسم وقعد وولع سيجاره وقال بسخريه ..اصل عمك كان باعت بلطجي علشان يلاقي الورقه
اسيا اتفاجأت وقالت بضيق..معرفش..بس انا مجتش علشان كده انا..احم...جيت قولت يمكن يكون جرالك حاجه بعد الكلام اللي قولناه
اكمل ضحك بسخريه وقف وبصلها وقال...مش معقول تكوني خوفتي عليا...على العموم اطمني تقدري انتي وابن عمك التافه تقولو الي يجي على بالكم كلو..ميهمنيش مش هيكون اسوء من اللي سمعتو طول حياتي
اسيا حست بحزن من ناحيتو بس اتحول لغضب لما قال..انتو متقدروش تعملو معايا غير انكم تتكلمو يا حرام...وانا معنديش مشكله انتو اتكلمو وسبوني اشتغل اصلي مش بتاع كلام
اسيا بصتلو بضيق وقال بسخريه..الغلط مش عليك الغلط عليا اللي بعبر امثالك مع انها معروفه ....ان اكرمت اللئيم تمرد
ولسه هتمشي قال بسرعه...بس ده ميمنعش بردو ان ليكي عندي اعتذار ..مكانش يصح اضربك اصلا عمري ما ضربت ست لان مش من عوايدي امد ايدي على اللي اضعف مني
اسيا ضحكت جامد وبصتلو وقالت...لو ده مبدأك يبقى متقلقلش انت مفيش اضعف منك في الدنيا دي كلها وتقدر تمد ايدك على اي حد خد راحتك
اكمل ابتسم ببرود وقال..طب كويس علشان ضرباتي هتبقى شديده اوي الفتره دي..مباركتيليش على اول ضربه مش انا رفعت قضيه على حبيب القلب...مبروك هحبسهولك..وهتروحي تزوريه بعيش وحلاوه..مع ان انا رأي تاخديلو عيش بس..لان مصنع الحلاوه كلو هيبقى عندو لما تروحي
اسيا بقت تبصلو بزهول وقالت بغضب..انت بتقول ايه..انت ناوي تحبسو بجد
اما سهيله وصلت مع منتصر البيت وقالت بامتنان..شكرا يا حضرة الظابط...بشكرك من قلبي
منتصر ابتسم وقال...مفيش داعي للشكر اصلا ....انا بس عايزك تحرصي اكتر من كده مش كل مره تسلم الجره
سهيله ابتسمت ونزلت ولسه هيمشي رجعتلو وقالت....انت
قال بسرعه..متقلقيش مش هقول لعصران بيه اي حاجه متخافيش
سهيله ابتسمت بسعاده وقالت..ربنا يكرمك يا حضرة الظابط ومشيت وهوو باصص لطيفها بابتسامه واول ما بعدت عمل مكالمه وقال...ايوه يا عصران بيه
سهيله دخلت البيت وراحت تطمن على ابوها واول ما دخلت سمعتو بيقول..تمام يا منتصر يا ابني مع السلامه
وقفت مكانها وقلبها بيدق بخوف وعصران التفت لها وقال ...انتي جيتي يا سهيله
سهيله قالت بخوف..هو هو منتصر كان بيكلمك ليه
عصران ابتسم وقال..هيكون ليه يعني انتي ناسيه انو جيه يخطبك وابن عمك عك الدنيا ومشي ومتكلمناش في موضوعكم
سهيله اتنهدت بارتياح وقالت..اه نسيت..متزعلش نفسك انت يا بابا كل شيئ نصيب
عصران ابتسم بسعاده وقال ....وازعل نفسي ليه ده النصيب اللي كنت متمنيهولك اصلا
سهيله استغربت كلامو وقالت..مش فاهمه
ابوها قال بسعاده مبروك يا عرويسه منتصر قال انو كلمك واتفقتو وحدد معاد كتب الكتاب كمان ووووو
بووووووم تفاااااعل علشان نكمل تفاعل ومشاركااااات كتيييير وقولو رأيكم وتوقعاتكم تشجيع علشان ينزل البارت يوميا🏃♀️🏃♀️🏃♀️
متابعه للصفحه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
