القائمة الرئيسية

الصفحات

رواية الحب في كل زمن البارت الأول بقلم أسيل محمد حصريه وجديده على مدونة النجم المتوهج للروايات والمعلومات

 رواية الحب في كل زمن البارت الأول بقلم أسيل محمد حصريه وجديده على مدونة النجم المتوهج للروايات والمعلومات 

رواية الحب في كل زمن البارت الأول بقلم أسيل محمد حصريه وجديده على مدونة النجم المتوهج للروايات والمعلومات 


سواقه التاكسي هزت دماغها وركبت بسرعه لانها مستعجله

سواقه التاكسي: رايحه ع فين

البنت واسمها جميله قالت: رايحه المعادي بس بس،،، 

ولسه هتكمل بس استغربت الصوت لانه صوت بنت بصت ف المرايه لقت ملامح بنت جميله ببشره قمحاويه جميله وعيون بني واسعه وانف حاد وحواجب عريضه وشفاه متوسطه

جميله: احم هوا انتى بنت مش راجل؟

أمنيه *اللى بتسوق التاكسي*: ايوه بنت مستغربيش انا هنا عشانك

جميله: عشاني ازاى ، هوا انا هموت؟

أمنيه وكانت عارفه اللى بيدور ف دماغها: لا مش هتموتي بس تم اختيارك لمغامرات كتير هتحبيها ، ومتخافيش مش هتبقي لوحدك هبقي معاكي

جميله ولسه هتتكلم قاطعتها أمنيه 

أمنيه وهيا بتديها علبه صغيره: قبل ماتقولي اي حاجه هتفهمي كل حاجه بعدين ، بس المهم انك تاخدي العلبه دي وتاخدي حبايه الساعه ١٢ بليل بالظبط

جميله بزعيق لان مخها مش مستوعب اي حاجه بتقولها: انتى مين اصلا وبتقولي اي ومغامرات اي وحبوب اي اللى بتتكلمى عنها 

وخدت منها العلبه اللى فيها الحبوب وقالت: حبوب شيكيبون دي ولا اي انتى مجنونه؟

أمنيه ببرود: قولتلك هتعرفي كل حاجه بعدين

ولسه جميله هتتكلم أمنيه وقفت التاكسي وقالتلها انزلى وصلنا المعادي

جميله نزلت وقبل ماتمشي قالت امنيه: متنسيش الساعه ١٢ ياجميله محمود رفعت

قالت كدا ومشيت بالتاكسي قبل ما جميله ترد عليها

جميله فضلت واقفه شويه بتستوعب اللى بيحصل 

ومشيت عشان توصل العماره اللى فيها عياده دكتور السنان

&&&&&&&&&&&&&&&&&&&&&&

بعد وقت ف العياده روحت البيت وخبطت ع الباب

راجل ف سن ال٦٠ فتحلها الباب

جميله: سلام عليكم ياحج محمود عامل اي النهارده

والدها محمود: كويس يابنتي

جميله بأهتمام: خدت الادويه بتاعتك؟

محمود بحب وابتسامه ع حنيه بنته: ايوه الحمدلله ، المهم عملتى اي عند الدكتور عملك تنضيف؟

جميله وهيا بتبتسم عشان توريلو سنانها: اه بص بقا شكلها حلو ازاى

محمود: ايوه جميله، استني احطلك تاكلى

جميله هزتله راسها ودخلت غيرت هدومها وطلعت العلبه اللى فيها حبوب حطتها ع التسريحه وسابتها وطلعت

محمود وجميله وهما بياكلو

جميله قالت: سنويه ماما بعد يومين

محمود والحزن باين ع وشه: ايوه فاكر لازم نروحلها 

جميله وافتكرت مامتها وابتسامه حزن ظهرت ع وشها: اكيد يابابا

وبعد ماخلصو اكل جميله جبت تطلع باباها من الحزن اللى هوا فيه 

جميله بمرح: شوفت اللى حصل انهارده ياحج

محمود بأهتمام: حصل اي

جميله حكتله اللى حصل

محمود بقلق: طب ازاى عرفت اسمك كامل وقالت ان تم اختيارك

جميله بحيره: والله معرف يابابا وبعدين شكلها غريب وكلامها اغرب 

وكملت بلا مبالاه: يلا مش مهم اهو اليوم عدي ع خير

محمود بقلق: بس اوعي تاخدي حاجه من دي وارميها

جميله شاورتله ع عنيها الاتنين بمعني حاضر من عين دي قبل العين دي

محمود ابتسم: انا هقوم انام بقا الساعه ١٢ الا خمسه

جميله بحب: تصبح ع خير ياحبيبي

محمود بحب اكبر: وانتى من اهل الخير ياحبيبتي ، وباس راسها ودخل اوضته

وجميله دخلت اوضتها

&&&&&&&&&&&&&&&&&&&&&

دخلت اوضتها وقلعت نضارتها وحطتيها جمب العلبه ومسكتها وبصت عليها

جميله: هيحصل اي لو خدت حبايه منهم يعني وبعدين شكلها شيكولاته اصلا

وبصت لنفسها فالمرايه وبصت ف ملامحها وبياض بشرتها وعيونها المسحوبه البنيه و روموشها الكثيفه وحواجبها العريضه المرسومه وانفها الصغير وخدودها الحمراء وشفايف ممتلئه جميله وشعر بني كثيف وطويل وناعم ورجعت بصت للعلبه وطلعت حبايه وحطتها ف بوقها وبلعتها

وف اقل من ثانيه كانت وقعت مغمي عليها

&&&&&&&&&&&&&&&&&&&&

بعد وقت حست ب جو حر جدا ودوشه حواليها فتحت عنيها ب انزعاج ولسه هتتعود ع الضوء لقت مايه بتدلق عليها لتشهق بفزع وتقوم مخضوضه عشان تسمع صوت غليظ 

زنجر: من أنتى يافتاة ومن أين جأتي اللى هنا؟

زازو بيكمل وبيقول: وما أسمك وما هذا اللباس الغريب ولماذا أنتى نائمه هنا؟

زنجر: هل أنتى مشعوذه؟

جميله بزعيق: ما تبس بقا انت وهوا عماليك لكلوكلوكلوك كفاااييهههه صدعتوني

جميله وافتكر الميه اللى ادلقت عليها وقالت بغيظ وزعيق اكتر: وانتو بهايم عشان تدلقو المايه عليا كدا 

وكملت ب استغراب لما افتكرت طريقه كلامهم وقالت: وانتو بتتكلمو كدا ليه اساسا كأنكو من العصر الحجري

وللحظه بصت حواليها لقت مكان شبه الصحراء بس فيه ناس بتبيع خضره ولبس ولقيت ناس بشرتهم سمراء واقفين ولابسين نفس اللبس اللى عباره عن جيبه بيضه ونفس اللبس لابسينه الشخصين اللى قدامها وحاطين زي عمه ع دماغهم زي الصاعيده ولونها ابيض واغلبهم قرع ولابسين شبشب زنوبه وف لحظه جه ف دماغها الحبوب والحبايه اللى بلعتها وبعدها لقت نفسها هنا وكلام سواقه التاكسي معاها

جميله بصويت ولحظه آدراك: ينهههاااااااارر اسسسوووودددد....

يتبع...

دا اول بارت عارفه انه صغير بس لو لقيت تفاعل البارت التاني هيبقي اطول


🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 


روايات جديده هتعجبكم من هنا


أجدد وأحدث الروايات من هنا


روايات كامله وحصريه من هنا




وكمان اروع الروايات هنا 👇


روايات جديده وكامله من هنا


انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات

التنقل السريع
    CLOSE ADS
    CLOSE ADS