رواية اربعتاشر بت وشايب الحلقه الثامنه والاخيرة بقلم محمد منصور حصريه وجديده على مدونة النجم المتوهج للروايات والمعلومات
 |
رواية اربعتاشر بت وشايب الحلقه الثامنه والاخيرة بقلم محمد منصور حصريه وجديده على مدونة النجم المتوهج للروايات والمعلومات
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
ومن جوة القسم كان واقف حمودي وقصاد منه فشة وفي وسطهم صباح ومتكمم بوقهم ورغم كدة عمالين يعيدوا في نفس الحوار وعيد بيقول للظابط
ولما انت بتعالج اللي اسمه فشة دة من زمان لية ما جربتش معه المية الملحة
عيد
دة بحث ايطالي لسة واصل له وما كنتش اسمع بي قبل كدة وعالج حالة شبة حاله فشة وباذن الله ينفع مع فشة. وحضرتك خد مننا كلنا عينات دم واتاكد اننا مش واخدين مخدرات.
الظابط
ياريت كانو طلعو واخدين مخدرات كنت اقتنعت بدل ما تلاته يتجننوا بنفس المرض في عيلة واحدة
عيد
عيلة نجمها خفيف بيتلبسوا قوام. او اما المرض دة معي. و دلوقتي بقي هنقدر نخرج
الظابط
خدهم وامشي وربنا يشفيهم، ،،،،،،،،،
ومن علي الشاطئ. يقف عيد ومعه نفس المجموعة ويبص ل ميسرة وزمردة وقال
اسمعوني كويس كل واحد مننا هيكون مسئول عن واحد منهم ينزل دماغه تحت المية لمدة 20 ث. وبعدها نشوف رد الفعل لو لسة بيعيدوا نفس الحوار ننزل دماغهم تاني تحت المية مفهوم
زمردة بشر وهي مبرقة ل فشة قالت
انا موافقة وجاهزة اغرق فشة. وحتي لو خف هسيب دماغه في قلب المية ولو فضل يبقلل. مش هطلعه
عيد بص ل زمردة وقال
صاحب عتمة بين شفاف الناد النادي
لا صوت ولا نور جوة الحيطان
فيه في دماغك صوت بيقولك خافي خافي
شايف جسم لفوق جمب الدخان.
زمردة وهي رايحة ناحية فشة وبتسحبة من ايدة ناحية البحر كانت بتقول
العدل فوق الجميع وبيعشقه المخلوق
وابن الغفير والوزير من التراب مخلوق
يا عيني يا ليل يا ليل
ميسرة
احسن يستاهل. افتري كتير
عيد وهو باصص ل حمودي قال
سيبك منها وانا هاخد حمودي وانتي خدي صابرين
وراحت ميسرة ناحية صابرين وعيد مسك ايد حمودي وقال
تعالي يا قناوي يا ابني اجوزك هنومة
حمودي
هنومة يا عم فجلة
عيد وهو بيدخل البحر
عم. فجلة يا كلب. مش مهم المهم تخف
ومسك عيد دماغ حمودي ونزل بيها في البحر وفضل مغطس دماغ حمودي في البحر ل عشرين ثانية وبعدها طلع دماغ حمودي من المية وحمودي بخ شوية مية دخلو بوقه في وش عيد مسحهم عيد وقال
حمودي انا مين
حمودي
انت عيد
عيد فرح اوي وقال
نجحت نجحت. انا شكلي بقيت دكتور
حمودي
انت حمار فلندي
عيد
مش مهم. وقل ادبك زي ما انت عايز المهم انك خفيت
حمودي
خفيت من اية يا اهطل انت. انا ماكنتش عيان اصلا
عيد
نعم
حمودي
ولا ابويا كمان عيان
عيد لطم وقال
نعم
حمودي
كل اللي حصل دة كانت لعبه بيني وبين ابويا علشان نعلم ميسرة الادب ونعرفها ان الله حق
عيد قعد وربع في وسط البحر وقال
انت بتقول اية
حمودي
ميسرة كانت بتسرق ابويا وبتقلبه في فلوس علي حسي وبعد ما حرمتني منه طول السنين اللي فاتت دي وبعدتني عني كانت عايزا تاخدني وتسافر برة. لكن حظها المنيل وداها لعم سمير فيزا. علشان يطلع لنا فيز مضروبه نعرف نسافر بيها فيز تبقي سعرها حنين شوية. وعلي قد الفلوس اللي معها. عم سمير دة بقي حبيب بابا فشة الروح بالروح راح له وحكي له علي كل الاتفاق اللي تم بينه وبين امي. وبابا فشة حكي لي وانا ما صدقتش لغاية ما شوفت وسمعت ميسرة بتاخد منه 100 الف ج. علي حس اني عيان وهعمل عملية. اتصدمت في امي وكان لازم اديها درس عمرها ما تنسي. واتفق مع بابا فشة علي اللعبة دي. واهو من ناحية اخليها تشوفني وانا بتهان واضرب دول من انا قريب من اخواتي وابعد عنها واخلي عم سمير يتعطل في تطليع الفيز المضروبه.
وعمري ما كنت اتخيل ان امي تنكر نسبي ل بابا فشة وكمان تنكر ان البنات اخواتي
عيد.
يا. اما قصة عبرة صحيح
حمودي
عجبتك القصة
عيد
اة. ما تكتبها يا حمودي
حمودي
منص بيكتبها
عيد
طيب اية المشهد اللي جاي
حمودي
هتجوز صابرين
عيد برق، ،،،،،،،،،،،،
وفي نفس الوقت كانت زمردة بتبص ل فشة اللي بص لها وهو مبلول وبيقول
ما خلاص يا ولية انتي بتخللي خيارة
زمردة
يعني انت خفيت
فشة
انا ما كنتش عيان اصلا يا روح اهلك.
وقلع البلغة بتاعته ومسكها في ايدة وقال
كنت بتقولي اية يا ادلعتي. العدل فوق الجميع وبيعشقه المخلوق. وابن الغفير والوزير من التراب مخلوق. عاملي فيها بدرية طلبة.
واستعد لضربها لكن زمردة قالت
بدرية السيد تقصد
فشة
عاملة فيها سفاحة الجيزة
ونزل بالبلغة علي كتفها اتوجعت زمردة وطلعت جري من البحر، ،،،،،،،،،،،
ومن جوة بيت ميسرة كانت مبسرة بتقول ل حمودي
احنا هنسافر
حمودي
نسافر فين بس. ومن امتي انتي بتفكري في السفر
ميسرة
من زمان. بس كنت مستنية ورقنا يخلص
حمودي
بس انا مش عايز اسافر
ميسرة
لية بقي مش خلاص ابوك خف
حمودي
الحوار مش حوار ابويا الحوار حوار صابرين مراتي
ميسرة
انت لسة بتحكي في حوار صابرين. ما قولنا مش هينفع بقي
حمودي
بحبها يا ميسرة ومش هقدر اعيش من غيرها
ميسرة
مش هينفع تتجوز صابرين
حمودي بمكر
لية
ميسرة
علشان صابرين اختك
حمودي
هو اية الحوار بقي. هي اختي ولا مش اختي وفشة بابا ولا مش بابا
ميسرة ارتبكت وقالت
حمودي افهمني
حمودي
انا مش عايز افهم غير لية. عملتي كدة.
ميسرة
عملت اية
حمودي
حرمتني من اخواتي خلتيني ما اعرفهمش من بعض حبستيي جوة اوضة حرير في حرير خلتيني مدلع عيب لما اكون ولد وبسببك في بنات ارجل مني.
واتنهد حمودي وقال بصوت حزين
كنت ديما مصدقك انتي ومكدب بابا. اللي ياما كرهتيني في. وانتي كنتي بتشحتي عليه ومعرفا اني عيان وهعمل عملية. ازاي قدرتي تقوليها
ميسرة عيطت وقالت
بتحاسبني. وشايفني وحشة. بس انت لو مكاني وكنت صغيرة واول حب في حياتي هو ابوك اللي ست واحدة في حياته ما كنتش كفاية. خلاني اشك في نفسي واحس اني وحشة وهو كل يوم والتاني مع واحدة شكل بس اكتر حاجة حبتها هو انت
وما حبتش تكون ل حد غيري
وبدات تعيط اوي وقالت
تعرف اني كنت شايلة هم اليوم اللي هتتجوز في وتكون ل حد غيري
حمودي صعبت عليه امه ومسك ايدها باسها وقال
انتي امي ومراتي مهما كانت هي مين مستحيل تاخدني منك.
ميسرة
بجد يا حمودي مش هتسيبني زي ابوك ما عمل معايا زمان
حمودي ابتسم وباس ايديها وقال
مش هسيبك ابدأ. وهتجوز واعيش معاكي. واللي كنت ناوي اعمله معاكي. هلغي كله وكفاية كدة اوي عليكي
ميسرة
كنت متفق عليه يا حمودي مودي
حمودي
انسي بقي كل اللي فات. وعلي فكرة لا انا ولا بابا فشة كنا عيانين دة احنا كنا متفقين عليكي
ميسرة بحدة
نعم
حمودي
اية يا ميسرة اتحولتي لية كدة
ميسرة
انت لسة شوفت. تحويل. دة انا هنفخك
وقلعت شبشبها. وبدات تجري وراء منه في الشقة، ،،،،،،
وتعدي الايام وحمودي واقف في ظهر ابوة بيجوز بنت وراء بنت. ودي كانت حكاية حمودي مع 14 بت وشايب. اللي بتمني انها تكون عجبتكم. واحداث القصة تكون قدرت ترسم علي وشكم ولو ابتسامة تهون علينا وعليكم
تمت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق