القائمة الرئيسية

الصفحات

رواية همسات جثه ما_تخبئه_الارواح الفصل الثاني بقلم إسلام الأمير حصريه وجديده على مدونة النجم المتوهج

رواية همسات جثه ما_تخبئه_الارواح الفصل الثاني بقلم إسلام الأمير حصريه وجديده على مدونة النجم المتوهج 

رواية همسات جثه ما_تخبئه_الارواح الفصل الثاني بقلم إسلام الأمير حصريه وجديده على مدونة النجم المتوهج 


 "همسات ج*ثة" 

"الجزء الثاني"بقلم/اسلام الامير...

قربت من التقرير ومسكته وانا بدقق في الجمله المكتوبه باللون الاحمر بخط كبير مكنش موجود قبل كدا والجمله بتقول..... 


"انا اتظلمت وعايزه حقي" 


وفجأه نور المبني كله يطفي...!!


شغلت فلاش تليفوني وقعدت علي المكتب وانا مستني النور يشتغل علطول لأن المستشفيات بيكون فيها مولدات كهرباء بتشتغل تلقائيا بعد انقطاع الكهرباء بدقيقه او اتنين لأن المستشفي كلها اجهزه وناس حياتها متعلقه بالاجهزه دي ومينفعش الكهرباء تقطع فيها 


المهم قعدت دقيقه في اتنين في خمسه والنور لسه قاطع ودا مستحيل يحصل ومستحيل المولدات كل دا متشتغلش


مسكت التليفون وقلت اكلم طارق وطارق دا مسؤل غرفه التحكم في المستشفي قلت اكلمه اسأله ازاي المولدات متشتغلش كل الوقت دا 


وبالفعل كلمته 


طارق: اخبارك ايه يا دكتور ايه خير ايه مصحيك لدلوقتي في البرد دا 


- وهو حد عارف ينام في المستشفي دي 


طارق:ليه خير يا دكتور حصل حاجه.؟ 


-هو انت ازاي سايب المولدات فاصله .؟!! 


-واشغلها ليه اصلا.؟ 


تشغلها علشان النور قاطع بقاله 10 دقايق ودا خطر علي ارواح الناس اللي تحت الاجهزه 


-نور ايه اللي قاطع يا دكتور سلامتك هو البرد اثر عليك ولا ايه النور شغال وزي الفل اهو 


-ازاي يعني بقولك النور قاطع عندي هنا لحظه انا نازلك 


قفلت مع طارق وبدأت ادور علي الباب علشان اخرج وبالفعل فتحت الباب ولكن اترعبت لما لقيت ان الكهربا شغاله زي الفل والنور منور الدور كله 


بس ازاي معقول الكهربا فصلت في مكتبي بس.؟؟ 


ولسه بلف وابص علي مكتبي لقيت المكتب منور زي الفل ومش قاطعه الكهربا.؟!! 


طيب ازاي دا حصل دا لسه من لحظات كان عتمه .؟!!


رجعت تاني للمكتب وانا مش فاهم حاجه ولكن قعدت علي كرسي المكتب وانا مش فاهم اي حاجه بس لحظه في حاجه غريبه


التقرير بتاع الج*ثه اللي كان علي المكتب مش موجود.؟!!! 


ازاي وانا سايبه علي المكتب .؟!! 


بدأت ادور في كل حته لكن ملقتهوش ولكن فتحت درج المكتب بالمفتاح اللي كان معايا والرعب زاد لما لقيت التقرير موجود في درج المكتب 


طيب ازاي وهو كان في البدايه في درج المكتب وانا قفلت عليه وبعدها لقيته بره الدرج وبعدها قفلت الدرج ودلوقتي الاقيه تاني في الدرج طيب ازاي والدرج مقفول بالمفتاح والمفتاح في جيبي انا وبس


انا لازم انزل ابدأ شغل في الج*ثه دي دلوقتي لازم اعرف هي مخبيه ايه 


2:45 فجراً 


عم محمود.. عم محمود اصحي 


-ايه تاني يادكتور خير 


-جهزلي غرفه التش*ريح وطلعلي ج*ثه البنت اللي وصلت من شويه 


-اشمعنا دلوقتي يا دكتور 


-انا قلتلك طلع الج*ثه وجهز غرفه التشريح اتفضل نفذ شغلك بدون استفسارات 


- اللي يريحك ماشي 


بدأ عم محمود يتحرك وهو متكاسل وبيتكلم بكلام انا مسمعتهوش بس هو اكيد كان بيشتمني 


عدت ربع ساعه وكان عم محمود بيقولي اتفضل يا دكتور كل حاجه جاهزه 


دخلت غرفه التشريح ودي كانت غرفه متوسطه الحجم وفي منتصفها سرير حديدي وفوق السرير استقر جسد هاوي متغطي بملايه بيضاء 


بدأت اقرب ناحيه الج*ثه بعد ما لبست الكمامه والجوانتي وبدأت اكشف وشها واللي كان غريب جدا واضح عليه كم المع*اناه اللي تعرضت ليها الفتاه ولكن البنت لازالت تحتفظ ببراءتها برغم كل ما حدث 


طلعت تليفوني وشغلت التسجيل علشان اسجل ملاحظاتي ولما اطلع مكتبي افرغ الكلام واكتب التقربر 


"مريم احمد زكريا الدمرداش، 21 سنه" 


"فتاه في العقد الثاني من عمرها مصابه ببعض الج*روح والكد*مات في سائر جسدها وهي كالاتي 


بعض الكدمات علي الوجه ، واثار تشقق علي الشفتين تدل علي معاناه الج*ثه من العطش قبل وفا*تها 


جر*ح غائر في جانب الرقبه الايمين بأستخدام اله غير حا*ده وهذا يتبين من تعمق الجر*ح ويبدوا من زاويه الج*رح انه ارتكب من الخلف وليس بالمباشره وايضا يتضح ان من استخدم اداه الجر*يمه يستخدم يده اليسري"اشول" 


بدأت اكمل استكشاف في الجر*يمه المرعبه اللي قدامي وانا حزين علي البنت واللي حصل فيها وكملت 


طع*نه نافذه في جانب البطن الايمن بعمق 6 سنتي بواسطه سك*ين صغير او مط*وه ويبدوا ان الطعنه حدثت قبل جر*ح الرقبه بوقت قصير جدا 


توجد كد*مه في اسفل الظهر وكد*مه قويه في الكتف الايمن، هناك اثار لجذب الش*عر واقت*لاعه من مكانه، وايضا هناك اثار واضحه لكدمات قويه في اماكن حس*اسه في الج*ثه ، تحديدا منطقه الصدر وهناك خدوش قويه في نفس المنطقه ، يبدوا ان الج*ثه تم الاع*تداء عليها جن*سياً  قبل قت*لها، ويبدوا ان الاعت*داء كان من اكثر من شخص.... 


وايضا هناك شئ غريب 


هناك اثار علي قدمي الفتاه ويديها ، كانت اثار ربط حبل يبدوا انها قد تم ربطها وتكتيفها بواسطه حبل... 


مش هكذب واقول ان كنت كعادتي شغال وانا في كامل هدوئي لا المره دي كنت متوتر وشكل البنت وبراءه وشها خلتني زعلان علشانها خصوصا ان واضح انها عا*نت كتير قبل مو*تها 


كملت شغلي لمده ساعه ونص لحد ما خلاص الفجر بدأ يأذن وقتها سبت المش*رط من ايدي وطلبت من محمود يدخل الج*ثه التلاجه ومشيت رحت الحمام 

وبدأت اغسل وشي واحاول افوق لأن كان التعب والجهد المره دي نال مني بشده 


طلعت مكتبي وانا محتار مين اللي عمل في البنت كدا وليه يرتكب كل الفظ*ائع دي فيها وهي عملت ايه علشان تستحق كل دا 


طلعت مكتبي وبدأت افرغ تسجيل التقرير في تقرير ورقي وكان كالاتي 


قدمت الي المستشفي في تمام الساعه 12:15 ج*ثه لفتاه برفقه امين شرطه ورجل اخر يدعي عثمان والفتاه تدعي "مريم احمد زكريا الدمرداش، 21 سنه"

وقد تم العمل علي الحاله  بواسطه دكتور/علي نور الدين الطيب، والتقرير كان كالاتي 


هناك بعض الجر*وح والط*عنات والكد*مات المتفرقه في سائر انحاء جسد الفتاه وهي كالاتي 


جر*ح غائر في جانب الرقبه الايمن ويبدوا ان الج*رح حدث بسبب اله غير حا*ده فهي متعمقه بشده في الرقبه وبعد الفحص اتضح ان الج*اني قد التف حول الض*حيه من الخلف وذب*حها واتضح ايضا ان الج*اني استخدم يده اليسري وقد يكون اشول بالفعل 


وهناك ايضا طع*نه نافذه في حانب البطن الايسر بعمق 6 سنتي بواسطه سك*ين صغير او مط*وه وبعد الفحص اتضح ان طع*نه البطن حدثت قبل جر*ح الرقبه ب 15 ثانيه وهذا يدل علي ان الجا*ني كان في حاله هي*اج شديده 


توجد كد*مه في اسفل الظهر وكد*مه قويه في الكتف الايمن، وهناك اثار لجذب الش*عر واقتلاعه من مكانه، 

وايضا اثار لربط حبال علي ايدي واقدام الفتاه ويتضح انها بقيت مربوطه يوم وليله ليس اقل


وايضا من الواضح ان الفتاه قد تم الاعت*داء عليها حن*سياً وهذا يتضح من  اثار الكد*مات القويه في اماكن حسا*سه في الج*ثه ، تحديدا منطقه الصدر وهناك خد*وش قويه في نفس المنطقه ، يبدوا ان الج*ثه تم الاعت*داء عليها حن*سياً قبل قت*لها، ويبدوا ان الاعتداء كان من اكثر من شخص....


-كتبت التقرير ومضيت عليه وسبته علي المكتب وقمت علشان احاول اريح جسمي شويه لأني الليله كانت النباطشيه بتاعتي ومفيهاش مرواح للبيت 


وبالفعل رحت في النوم بكل سهوله نظرا للتعب اللي مريت بيه ولكن فجأه لقيت الباب بتاع مكتبي بيفتح وفي بنت داخله عليا 


من بعيد مكنش ليها اي ملامح باينه ولكن لما قربت اكتشفت انها هي هي البنت اللي كنت شغال علي جث*تها تحت، وفجأه بصتلي وقالت"قت*لني" ظل*مني" عايزه حقي" وفجأه وشها اتحول للون الابيض وبدات تظهر فيه تشققات مرعبه والبنت بدأت تقرب مني وانا بصرخ ولكن فجأه صحيت 


كنت بحلم وكنت عرقان بشده برغم الجو المتلج وكنت بتنفض وبصيت للساعه كانت الساعه 8:47 صباحاً 


الباب يخبط 


-ادخل 


كانت الممرضه هدير 


-لو سمحت يادكتور في حد بره طالب يتكلم معاك شويه 


- طيب شويه ودخليه، استني افوق بس 


-تمام يادكتور بعد اذنك 


-قمت من مكاني ودخلت الحمام غسلت وشي وبدأت افوق وبعدها خرجت بره المكتب وقلت للمرضه تدخل الشخص اللي عايز يقابلني 


شويه ودخل عليا شاب في نفس عمري او اكبر شويه 


-صباح الخير يا دكتور بتأسف علي الازعاج انا "احمد ابو المجد" الظابط المكلف بقضيه مريم اللي وصلت جث*تها المستشفي امبارح بليل 


-اهلا بيك يا احمد بيه اتفضل تشرب ايه .؟! 


قهوه مظبوط ان امكن 


-رفعت سماعه التليفون وطلبت"اتنين قهوه واحده مظبوط وواحده ساده" 


احمد- الصراحه جيت وسألت عن الحاله وعرفت انك انت الطبيب اللي استلمها 


-اه استلمتها امبارح وكمان اشتغلت عليها 


-ما شاء الله عليك يا دكتور ايه النشاط دا 


-صدقني هي اللي اجبرتني اشتغل عليها 


-نعم .؟!! مين دي اللي اجبرتك ..؟!!! 


- لا لا متاخدش في بالك اتفضل دا التقرير المبدئ للحاله 


- بدأ احمد يراجع في التقرير وهو بيقول مش متخيل مين اللي يقدر يعمل كدا في بنت زي دي وايه الدافع 


- اظن دي حاله اخت*طاف واعت*داء جن*سي واضحه 


احمد- طيب هو لو هيع*تدي عليها جن*سيا ايه اللي يخليه يأذيها جسديا بكل الاصابات دي 


-اكيد قاومت 


احمد: هي اكيد قاومت بس الاكيد اننا قدام مج*رم سا*دي ومؤ*ذي مش مجرد خاطف عادي 


-طيب وصلتوا لأهل البنت اكيد عندهم معلومات 


احمد:اهل البنت كانوا مبلغين بأختفاء بنتهم قبل العثور علي الج*ثه بيومين 


-اظن دي حاله اختطاف واضحه جدا 


احمد:اه حاجه زي كدا 


-حضرتك الشخص اللي جي مع امين الشرطه بيقول انه لقاها جنب الكشك بتاعه مرميه وسط الزباله 


-لحظه قصدك عثمان .!؟ 


-اه 


-دخلت هدير بالقهوه وقدمتها ومشيت 


احمد: بس مش عثمان اللي لقي الج*ثه اللي لقي الج*ثه كان واحد من السكان وكان عثمان ضمن الحضور 


-غريبه بس ليه يقول انه هو اللي لقيها 


احمد وهو بيشرب من القهوه -مش عارف بس هنعرف 


-هم احمد بالقيام وهو ماسك التقرير في ايده وبيقول شكرا جدا يا دكتور اتمني تديني رقمك علشان لو احتجت حاجه بخصوص القضيه اكلمك 


-اخد الرقم وبدأ يتحرك ناحيه الباب ولكن لستوقفه علي لما قال 


احمد بيه: لعلمك القا*تل اشول القا*تل ق*تل بايده الشمال ودا انا كاتبه في التقرير 


-ابتسم احمد وقاله كويس كدا معلومه جيده اشكرك بعد اذنك 


مشي الظابط وسابني في مكتبي وتعدي كام دقيقه وباب المكتب يخبط 


-ادخل... 


كان عم محمود 


-ايه ياعم محمود في حاجه 


-الج*ثه اللي حضرتك طلبت مني اجهزها علشان تشتغل عليها انهارده جاهزه تحت يادكتور 


-نعم ج*ثه مين دي.؟!! 


ج*ثه مريم يادكتور البنت اللي جات امبارح، انا طلعتها من التلاجه زي ما حضرتك امرت وهي جاهزه في غرفه التش*ريح 


- انت بتهزر يعم انت امتي انا طلبت منك حاجه زي دي محصلش 


-ازاي يا دكتور حضرتك من شويه جيت الاستقبال وطلبت مني كدا 


-محصلش الكلام دا، انا من امبارح منزلتش 


يعني ايه.؟؟ 

مين اللي جاني من شويه مين اللي كلمته وكلمني انت هتجنني يا دكتور.!!


-قعدت علي الكرسي وانا بقوله اظن مريم عايزه تبين لينا حاجه، عايزه تلفت انتباهنا لحاجه معينه تعالي ننزل وهنعرف هي عايزه ايه بالظبط.. 


يتبع.... انتظروا الجزء الثالث قريبا 


ولو انت وصلت لحد هنا متنساش تتفاعل علي القصه باللايك والكومنت الجميل كمان اعمل شير للقصه عندك ومنشن لصحابك اللي بيحبوا الرعب وقولهم في عظمه بتحصل هنا 


بس كدا وانتظروا الجزء الثالث من القصه قريبا سلام يامرعبين❤❤ 


بداية الروايه من هنا


🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 


أجدد وأحدث الروايات من هنا


روايات كامله وحصريه من هنا


وكمان اروع الروايات هنا 👇


روايات جديده وكامله من هنا


انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


تعليقات

التنقل السريع
    CLOSE ADS
    CLOSE ADS