سكريبت حماتي خربتلي حياتي بقلم تالا شام حصريه وجديده وكامله جميع الفصول على مدونة النجم المتوهج
 |
سكريبت حماتي خربتلي حياتي بقلم تالا شام حصريه وجديده وكامله جميع الفصول على مدونة النجم المتوهج
كلياتنا منسمع بهالجملة حماتي جابتلي حياتي
بس انا حماتي خربتلي حياتي
__________
انا سحر عمري 20 سنة بيضا بعيون عسلية رشيقة كتير شعري اسود بلشت قصتي لما كان عمري 16 سنة كنت صغيرة لما اجت حماتي خطبتني لجوزي غسان طبعا نحن بعيلتنا مفهومن انو الزواج سترة للبنت ومن هل حكي وهيك وافقو اهلي وحددنا موعد الخطبة وكتب الكتاب وهاد كلو وانا ماتاخد رأيي بشي كان شي عادي بالنسبة الي لانو قرايبيني كلون متلي تزوجو وانخطبو وجابو اولاد وهنن بعمري انا بنت وحيدة على 3 شباب اخواتي كلون اكبر مني انا ماشفت زوجي لبعد كتب الكتاب لأنو عيب شوفو قبل كتب الكتاب
_____
امي: جهزي حالك امي جاي الشيخ ياخود رأيك
سحر: حاضر امي
اجا الشيخ واخد رأيي طبعا بالموافقة أصلا مابقد قول غير موافقة انا كان طاير عقلي اني رح صير عروس وست بيتي واعمل شو مابدي
الشيخ: يا بنتي انتي موافقة غسان ابن**** يكون زوجك
سحر: اي موافقة
وهيك انكتب كتابي وراح غسان عالبيت ليجهز حالو ويجي مع اهلو عالخطبة المسا وامي دقت لخالتي وعماتي وقرايبينا لحتى يجو عالخطبة نزلنا عالسوق انا وامي نقتلي امي فستان بخجل البسو بيني وبين حالي
سحر: امي شو هاد انا مستحيل البسو بخجل
امي: لشو الخجل انتي عروس
سحر: بس
امي: بلا بسبسه بيت حماكي وعريسك لازم يطير عقلن فيكي امشي من تم ساكت ولاتدخلي بشي
ماكان فيني قول شي غير حاضر
خلصنا من السوق واخدتني امي عالكوافيرة طلبت امي من الكوافيرة تترك نص شعري مفلوت علي ضهري بعدا دقت امي لأخي سعيد يجي ياخدنا بما انو مابقدر حط شي على راسي مشان ماتخرب التسريحة
وصلنا اخي سعيد عالبيت وراح
وامي بلشت تحضر بالضيافة وبالبيت صار كلشي جاهز
وعال 24 بلشت تجهيز فيني لبستني فستان الي اشترتلي ياه فستان احمر قصير لفوق الركبة بكتير حفر ضهرو مفتوح وسكربينه لون اسود طبعا على زوق امي وطلبت من الكوفيرة الميك اب يكون هادي بس تغمق الروج
جهزتني امي وطلعت باخد العقل انا ماعرفت حالي
سحر: مع انو الفستان كتير مكشوف ومو على زوقي بس طالعين كتير حلوين يسلم ايديكي امي الله يخليلي ياكي
امي: الله يرضى عليكي ويسعدك مع جوزك يابنت بطني
____
اندق الباب وبلشو يجو خالاتي وعماتي وبناتن والكل طار عقلو فيني اجو اهل زوجي والكل انبهر حماتي عم تشوف حالا على قرايبينا على هالكنة الي اخدتا لأبنا وبنات حماي الاربعة عم يرقصوني ويبتسمولي نسيت قلكن انو جوزي عندو 4 اخوات بنات واخ واحد صار وقت يدخل جوزي شوفو ويشوفني انا كنت رح دوب من خجلي لانو بحياتا ماطلعت بهيك لبس قدام حدا وخاصة قدام رجال اتغطو كل النسوان ولبسو عباياتن ضلينا انا وبنات حمايي وحماتي وامي بلا غطا فات اول ماشافني ماصدق حالو انو هالجمال كلو الو
هو كان اسمراني بعيون بنية طويل شعرو اسود ممشط بطريقة حلوة بس ماكان هالجمال الزايد يعني عمرو 29 سنة
اكبر مني ب 13 سنة النسوان صارو يزغردو وامي وحماتي قعدونا جمب بعض قمنا رقصنا شوي ولبسنا المحابس والدهب وطلع بصراحة انا عجبني كان مقبول بس ماكان بيوصل لجمالي وهيك راحو الكل وماضل غير اهلي وبيت حمايي دخلونا تلى غرفة لحالنا لحتى نتعرف علب بعض ونحكي مو بقيان شي للعرس حتى نتعود على بعض غسان كان عم ياكلني بعيونو وانا خجلانة مو عرفانة وين بدي روح بحالي بلش يحكي معي
غسان: كيفك يا عروس
سحر: الحمدالله انت كيفك
غسان؛ منشكر الله امي قالتلي انك حلوة كتير بس توقعت لهالدرجة
سحر: (بخجل) تسلم
غسان: انتي عمرك 16 سنة مو هيك
سحر: اي
غسان: انا بحب البنت الخجولة والمطيعة
سحر: ان شاءالله كون عند حسن ظنك
غسان: انا عندي محل البسة اكيد مابتعرفي
سحر: لا مابعرف الله يرزقك
بعد اكتر من ساعتين صار وقت يروحو قمت سلمت على بيت حماي وهو سلم على اهلي وراحو اجو اخواتي الشباب باركولي
اخي مروان الوسطاني: مبروك اختي عقبال العرس
سحر: الله بيارك فيك
اخي احمد الصغير: مبروك سحر الله يتمملك على خير
سحر: الله يسلمك اخي ونفرح فيك
اخي الكبير سعيد: الف مبروك يافصعونة كبرتي ورح تتجوزي
سحر: ههههه عقبالك اخي
______
دخلت سحر على غرفتا لتنام فيقتا اما يوم التاني بكير
امي: قومي ولك سحر عنا شغل خير الله مابقيان غير 10 ايام لعرسك لك قومي هلق بتوصل حماتك
سحر: فقت امي شو بدك مني اعمل
امي: جهزي حالك بدنا نروح نجهزلك ملبوس بدن
سحر: طيب امي دقيقتين بكون جاهزة
بيندق الباب بتكون حماتي
حماتي: صباح الخير شو نايمين وينا عروستنا ناديلي ياها
سحر: اهلين مرت عمي نورتي البيت
حماتي: ييي تؤبري قلبي شو مرت عمي عم تنقط من تمك متل العسل
سحر: ( بخجل) الله يخليلنا ياكي ويطولنا بعمرك
ام سحر: خجلتيا يا ام غسان كيفك كيف البنات وينن مايروحو معنا
حماتي؛ والله بنتي سعاد راحو تاخود ابنا لعند حماتا
ولاحقتنا
امي: اي منيح
طلعنا من البيت وكان غسان جوزي واختو سعاد عم يستنونا
تحت طلعت حماتي من قدام ونحن من ورا وصلنا عالسوق وراح على محلو دخلو حماتي وامي وبنت حماي وصار يشترولي شغلات بحياتي مو شايفتا خلصنا ورجعنا عالبيت بهل عشرة تيام شفت غسان 4 مرات اجا يوم العرس لبست فستاني الابيض ورفعت شعري وحطيت الميك اب متناسق مع فستاني الابيض كنت طالعة احلا من يوم الخطبة بكتير كنت طالعة اميرة اجو قرايبينا لعنا لحتى يروحو معنا عالصالة الافراح وبعد اجو بيت حمايي حتى ياخدوني كانت لحظة صعبة بالنسبة الي بكيت وامي بكيت معي وخالاتي وعماتي اخدتني امي على جنب وقالتلي كيف لازم اتصرف وشو اعمل
امي: انتي اليوم عروس طالعة من بيت ابوكي
سحر:.....
امي: رضى قلبي وربي عليكي حماتك بتعتبريا امك بتقلك لبن اسود بتقولي اسود فهمانة علي امي وبنات حماكي الكبار بتحترمين متل مابتحترمي حماتك والصغارر بتعتبرين اخواتك وحماكي متل ابوكي فهمانة علي شو عم قول
سحر: حاضر امي
امي : جوزك شو مابيطلب منك بتقوليلو امرك وحاضر هو سترك وغطاكي شو مابقلك بالليلة بتقولي اي من تم ساكت
سحر: فهمت امي
ضميت امي ورحت لودع ابي واخواتي ابي كانو عيونو مدمعين
كانو عيون ابي مدمعين على فراقي واخواتي كمان زعلانين ودعتن وطالعوني اخواتي لعند جوزي دخلنا بالسيارة ورحنا عالصالة كانو كلون نسوانن كان عرسي من احلا مايكون بعد شوي فات العريس رقصنا مع بعض
خلص العرس على خير ورحنا على بيتي يعني بيت حماي كان 5 غرف وحدةة الي ولجوزي وحدة لحماتي وعمي وحدة لبنات حماي النتين وصالون وابن حماي مسافر وصلونا عالبيت وراحو ينامو ببيت بنتن لحتى ناخود راحتنا
غسا: راحو هلق مافي حدا غير انا وانتي
سحر: ...
مضت الليلة فقت الصبح الساعة 9 قبل ماتجي امي وحماتي جهزت حالي ولبست شلحتي البيضة وظبطت الميك اب وجهزت فطور وفيقت جوزي بلمساتي الناعمة
سحر: صباح الخير
غسان: يسعد صباحك دخيل جمالك انا
سحر: (بخجل ) انا وجمالي تحت امرك
مسك غسان سحر من خصرا وقربا عليه بيندق الباب
غسان : هلق وقتن
سحر: رح افتح
فتحت الباب كانو اما وحماتا وبنات كماها المتزوجين
حماتي: يسعدلي هالصباح ياعرسان صباحية مباركة عقبال اشوف خلفتك ياضي عيوني
امي:صباخ الخيرات ياعرسان الف مبروك
غسان: وصباحك ياست الكل والله يبارك بعمرك حماتي
سحر؛ يخليلنا ياكون
سعاد: بالهنا والسعادة اخي عقبال اشوف خلفتك ياروح اختك
غسان: الله يخليلي ياكي ان شاءالله بفرح بابنك
مريم: بالرفاه والبنين كنتنا
سحر:تسلميلي
باركولنا وراحو بعد كم ساعة مابشوف غير حماتي وبناتا وعمي جايين عالبيت
سحر؛ اهلين مرت عمي
حماتي :اهلين فيكي ياعروس
سماهر بنت حماي التالتة: مبروك مرت اخي
سحر: الله يبارك بعمرك
بنات حماي كلون كانو اكبر مني اصغر وحدة فيهن عمرا 19 سنة استغربت انو شو جابن بهالسرعة ي
بس قلت بلكي مابدن يتقلو على بيت بنتن
____
يوم التاني طلبت من جوزي يوصلني لعند اهلي وافق
امي: اهلين سحر كيفك كيفو جوزك
سحر : الحمدالله سمنة على عسل عم نفذ كل الي قلتيلي عليه
امي:اي منيح الله يرضى عليكي جوزك وحماتك مافي منن
سحر: اي والله
تغديت عند اهلي ورجعت عالبيت كانت حماتي عم تعزل دخلنا انا وجوزي كانت عم تتوجع وتشكي من ضهرا ركض جوزي على امو
غسان:شبك يامو ليش عم تشتغلي لحالك وينن اخواتي
حماتي:والله ياابني اخواتك كلن راحو على بيت اختك مريم وسحر عند اهلا
غسان: ريحي حالك هلق سحر بتعزل البيت كلو اهم شي راحتك ورضاكي علينا
حماتي: لا ياابني مرتك لساتا عروس جديد
سحر؛ لا مرت عمي انتي ارتاحي بغرفتك وانا بكمل
حماتي: الله يرضى عليكي يا مرباية
كنت صغيرة مابفهم شو الي عم تعملو حماتي كنت مفكرا انو بتحبني وبدا سعادتي وسعادة ابنا بس طلع بالعكس
بعد ماخلصت تعزيل وهلكت فيه اجو بنات حماي
سماهر:ييي شو معزلين البيت لو بعرف كنت ساعدتك
سحر: انبسطو انتو ولا تاكلو همي
راما: سحر وينا امي مو شايفتا
سحر: مرت عمي تعبانة شوي وليكا بغرفتا عم ترتاح
راما: ولي عل قلبي شبها
سحر:مافي شي بس شوية تعب
سماهر: امشي اختي خلينا نشوفا
__
راحو بنات حمايي لعند حماتي ليطمنو عليها انا جهزت الغدا لحماي وجوزي لانو صار وقت رجعتن من الشغل
وصلو عمي وجوزي دخل جوزي لعند امو ليطمن عليها طلع وفات على غرفتنا لحقتو لشوف اذا لازمو شي
سحر:لازمك شي اعملك ياه
غسان: اي بدي ياكي ماتخلي امي تقرب من شغل البيت خطي مرة كبيرة
سحر: حاضر
غسان:دخيلو المرضي قربي لقلك
بيندق الباب علينا
سماهر : يلا اخي مابدكن تاكلو
غسان: يلا اختي جايين
غسان جوزي كان بيخاف من امو واخواتو كان بيحترمن لابعد حد حتى راما كان بيحكي معا بكل احترام
خلصنا غدا وعملت متل مابدو جوزي قامو بنات حمايي ليساعدوني
سحر:معلش ارتاحو انا بشيلن
عمي: الله يرضى عليكي يابنتي
عمي كان كتير رجال طيب شلت الصفرة لحالي بدقلي امي بيوم وبتخبرني
بتخبرني لنروح نخطب لاخي سعيد اجا جوزي المسا اخدت اذنو ووافق يوم التاني جهزت حالي لروح لعند امي بتشوفني حمات
حماتي: لوين يا مهون
سحر: رايحين انا وامي نخطب لاخي سعيد
حماتي: والله ايه مبروك
سحر: الله يبارك فيكي مرت عمي
حماتي: ورايحة لحالك يا بعدي وينو جوزك
سحر: لا مرت عمي غسان تحت عم يستناني
نزلت كان جوزي عم يستناني
غسان: وينك صرلك ساعة لتجهزي
سحر: لا بس مرت عمي كانت عم تحكي معي لهيك تأخرت
غسان: اذا هيك معلش امشي يلا تأخرت على شغلي
وصلت على بيت اهلي كانو امي وخالتي جاهزين وصلنا اخي سعيد ع بيت العروس كانو جماعة كتير محترمة الام وبناتا قامو بالواجب على اكمل وجه اتفقول امي واما على كلشي
طلعنا من عندن طول الطريق امي وخالتي عم يحكو على بيت العروس ويمدحو فيهن
امي: ماشاءالله على هل بنات ادب وحشمة الله يستر عليهن
خالتي: ولا ام محمد على هل ذوق ماعليهن حكي بنوب وسعيد بيستاهل كل خير
امي: اي والله الله يتمملنا على خير
خالتي: شو خالتي مالك معنا ما عطيتي رأيك
سحر: انتو ادرى خالتي الجماعة مافي منن
عقلي ماكان معن بنوب كنت عم فكر ليش حماتي تغيرت معي
فجآة وصارت تحكي من برات منافسا وانا ماشافو مني كل خير
وصلنا عالبيت جهزنا الغدا انا وامي اجو ابس واخواتي فرحو بشوفتي لانو صرلن زمان مو شايفيني اكلنا ومزحنا بعدا اجا جوزي ورجعت معو عالبيت كانت حماتي عم تستناني لحط الاكل حماتي: جيتي كنتي فوتي الله يرضى عليكي ساعدي سماهر وراما بحط الاكل غيرت تيابي وفتت لساعدن لقيتن قاعدين كل وحدة على تليفونا
سحر: شو يا صبايا مرت عمي بعتتني لساعدكن شو اعمل انا
سماهر: والله يا مرت اخي دخلت لحضر الصفرة فجآة دخت
راما: وانا سعاد عم تحكي معي بشي ضروري
سحر: طيب ماشي رح جهز لحالي
غسان: شو صار بالاكل ساعتين
سماهر: يلا اخي ليكو جهز
راما: هاتي هاتي من ايدك انا بدخلو
اخدت راما الصينية من ايدي بعد ماجهزت كلشي لحالي
حماتي: شو يا بنات ساعتين لتجهزو لقمة اكل
قعدو الكل عالاكل وصارو يحكو عن عيد ميلاد مريم كيف بدن يعملولا حفلة وحماتي طلبت من جوزي يشتري قطعة دهب لمريم
غسان: تكرمي يامو من بكرا بتكون القطعة عندك
حماتي: الله يرضى عليك يا زينة الرجال
طبعآ جوزي نفش ريشو بعد هالكلمتين الي سمعن من حماتي
بما انو انا صغيرة فحبيت يجبلي الي كمان قطعة دهب متل مريم
سحر: غسان انا كمان حابة تجبلي قطعة دهب جديدة
غسان: والله يا بنت الحلال مامعي هلق بس يصير معي بجبلك وحدة
سحر: كيف مامعك وبدك تجبلا لمريم وحدة
غسان: مجبور بدي دبر حالي مافيني قول لامي لا
لما حكا هيك جوزي سكرت تمي وعرفت انو جوزي مالو كلمة قدام كلمة امو
فقنا اليوم التاني لنجهز لعيد ميلاد مريم كانو الكل مشغولين وعم يحضرو اشهى الاكلات وراما عم تزيين البيت وسعاد عم تساعد حماتي بتحضير الاكلات وسماهر راحت لعند مريم لتلهيا
حماتي: سحر نضفيلي الصالون منيح بدي ياه عم يضوي
سحر: من عيوني مرت عمي
سعاد: راما شو صار معك دقيلو لغسان ليجيب الكاتو والكولا
راما: يلا اختي
اجا جوزي وجاب كل الاغراض وعطا لامو قطعة الدهب جهزنا طاولة طويلة عريضة في كلشي بتشتهي النفس راح جوزي ليجيب مريم وسماهر وعمي من القهوة
اجت مريم وصارت تبوس باما واخواتا
مريم: الله يخليلي ياكن ولا يحرمني منكن
حماتي: كل عام وانتي بألف خير بنتي
مريم: وانتي بألف خير امي الغالية
غسان: عقبال كل سنة اختي الله يخليلك جوزك وابنك
مريم: يييي تقبر قلبي عقبال اشوف خلفتك
سحر: عقبال المية بنت حماي
مريم: تسلمي يا مرت الغالي
عمي: كل عام وانتي بخير بنتي
مريم: وانت بخير ابي يخليلي ياك
احتفلو كلون ببنت حماي اجا المسا جوزا جايبلا طقم دهب كامل كأنو شايفة ومو مصدق
راحو بنات حماي المتجوزات والباقي كلون دخلو على غرفن لينامو
حماتي: سحر ضبي البيت البنات تعبو اليوم
سحر: حاضر مرت عمي
استنيت غسان ليحكيلو شي كلمة بس عبث فات هو كمان لينام
ضبضبت وخلصت صار البيت والمطبخ عم يلمع رجعت على غرفتي مكسرة تكسير كان جوزي عم يستناني
سحر: لسه مانمت بدك شي
غسان: كنت عم بستناكي اشتقتلك
سحر:والله تعبانة كتير مو قادرة اتحرك
زعل جوزي وصار يحكي ويبتبت كابرت على تعبي وعطيتو الي بدو ياه جوزي نوعآ ما كان كويس بس لو مو امو
دقتلي امي باليوم التاني الصبح وخبرتني لحتى اجي وجيب حماتي مشان خطبة اخي سعيد خبرت حماتي وصلنا غسان لعند اهلي كانو خالاتي وعماتي ونسوان عمامي وخوالي وقرايبينا كلون موجودين اخي حجز 3 باصات لنروح على بيت العروس
امي كانت مشتريه فساتين وهدايا للعروس واخواتا لما شافتني جاي بفستان من ايام عرسي عطتني واحد لالبسو بما اني اخت العريس الوحيدة كان فستان حلو كتير حبيتو لما شافتو حماتي طار عقلا وصارت تزوني مافهمت ليش رحنا على بيت العروس لبستا امي الدهب ورقصنا وانبسطنا كتير وفرحتلو لاخي
مرت اخي اسما دهب اسم على مسمى كانت كتير منيحة كانت تحترم امي لابعد حد يمكن لانو انا كنت احترم بيت حماي الله بعت لامي كنة كويسة
وصلني اخي مروان انا وحماتي عالبيت دخلت على غرفتي غير تيابي لجهز اكل لجوزي وعمي حضرت الاكل اجا جوزي اكل ونادتلو امو دخلت انا على غرفتي كنت تعبانة شوي من الخطبة ماشفت غير جاي جوزي والشرار بين عيونو
غسان: وليه كيف بتلبسي فستان من عند امك
سحر: انا انا امي عطتني ياه لانو فستاني ماكان مناسب
غسان: امك عم تتصدق عليكي بشبعا وبشبع عيلتا فهمانة
سحر: شو هالحكي هي امي
بلش ضرب فيني هي اول مرة بيضربني فيا الله اعلم شو حشت براسو حماتي لحتى اجا وضربني
سكتت وماخبرت اهلي لانو رح يقولولي طولي بالك عليه وماحبيت انزعلن فرحتن بأخي سعيد
كان عيد زواجي الاول ماباقيلو شي وكنت اسمع من بنات عمي شو بيعملو وكيف بيدللو جوازن قررت اعمل شي شغلة بهاليوم وصيت جوزي على كم غرض جبلي ياهن من دون مايسأل لشو الاغراض
كنت عم جهز للسهرة حماتي وبناتا كانو مجتمعين عند سعاد الظاهر لياخدو راحتن بالحكي علي لقيتا فرصة ودقيتلو لجوزي خبرتو بأني تعبانة كتير ومافي حدا بالبيت اجا جوزي ركض
كنت لابسه مشلحة حمرا كلا فرو وحاطة مكياجي وفالتة شعري كلو جاي على ضهري وعملت اجواء رومنسية اجا جوزي
غسان: شبك شوفي ليش هيك عاملة بحالك
سحر:(بغنج)كل سنة وانت الي ويديمك فوق راسي اليوم عيد زواجنا
غسان: وانتي بألف خير يارب
جوزي انبسط كتير بأني مهتمه فيه وبهاليوم وخبرني انز هاد احلا يوم بقضي معي واعتذر مني لانو ضربني وكسر بخاطري
انا انبسطت كمان وقلت انو جوزي تغير رجع جوزي عالشغل شافتو حماتي قدام الباب قلا اني كنت تعبانة واجا ليشوفني
اجت حماتي وشافتني كيف لابسة
حماتي: ليش هيك عاملة بحالك
سحر: اليوم كان عيد زواجنا وحبيت دلل غسان شوي
لما حماتي سمعت انو صرلنا سنة متزوجين قررت تنغص علي فرحتي وبلشت تنق وتسمع حكي مشان الاولاد وليش ماحبلت
حماتي: انتي صار لازم يشوفك دكتور
سحر: بس انا لساتني عروس وفي ناس بيتزوجو سنة وسنتين ومابيحبلو
حماتي: سكتي انتي شو فهمك بهالشغلات مريم وسعاد من اول شهر حبلو وجابو لجوازن الصبيان
مريم: خلص امي لا تهزي بدنك بكرا باخدا ومنروح عالدكتور
اجا جوزي المسا وبلشت حماتي تعبي براسو
حماتي: ابني صرلك سنة متزوج ولهلق مرتك ماحبلت
غسان: الله كريم امي مالي مستعجل
حماتي:(تبكي) اذا انت مالك مستعجل انا بدي شوف ولادك قبل موت
غسان: شو هالحكي يامو الله يطولنا بعمرك
حماتي: معناها بكرا رح ابعت سحر مه اختك مريم لعند الدكتورة لتفحصا وتعرفلنا لليش لهلق ماحبلت
غسان: الي بتشوفي مناسب اعملي يامو
اجت يوم التاني بنت حماي لنروح عالدكتورة وصلنا لعند الدكتور
مريم: كيفك دكتورة بدي ياكي تفحصيا صرلا سنة متزوجة ولهلق ماحبلت
الدكتورة: هلق بفحصا بس عادي في ناس بتتزوج سنة وسنتين وتلاتة ومابيحبلو وفي ناس من اول شهر وشهرين بيحبلو
فحصتني الدكتورة وانا كنت خايفة يكون فيني مشكلة
مريم: طمنيني دكتورة تطمن عليكي العافية الهي
الدكتورة: اطمني المدام مابتعاني من اية مشاكل بس الشغلة بدا شوية وقت
مريم: يعطيكي العافية دكتورة
رتحت كتير لما الدكتورة قالت اني مابعاني من اي مشكلة
رجعنا عالبيت ومريم خبرت حماتي بحكي الدكتورة طبعا حماتي ماعجبا هالشي
اجا وقت عرس اخي سعيد وكنا انا وجوزي متل السمنة عالعسل
طلب مني جوزي انو نروح نشتري لبس الي كرمال عرس اخي رحنا واشترالي كلشي مانقص علي شي وبعدين دخلني على محل دهب اشترالي بلاك عجبتني كتير اخدني ناكول صندويشات شاورما ورجعني عالبيت لما شافتنا حماتي انزعجت وحست ابنا رح تخصرو
رجعت نقت مشان شغلة الاولاد ونغصتلي فرحتي
حماتي: شو ابني رح يصرلك سنتين متزوج ولسه مافي حمل
غسان: الله كريم امي كلو خير
اجا يوم عرس اخي تزوجو سعيد ودهب فعلا دهب ماكان في متلا ادب واحترام مرق على عرسن 3 شهور وطلعت دهب حامل بالشهر الاول اهلي فرحو كتير وانا فرحتلن كمان لما سمعت حماتي انو مرت اخي حامل ماعاد قدرت تخبي بقلبا اكتر
حماتي: ليكي نحن تحملناكي كتير ورح يصرلك سنتين عنا وماحبلتي المكتوب مبين من عنوانو
سحر: حرام عليكي يا مرت عمي شو ذنبي انا اذا الله لسه ماراد
حماتي: ليكا مرت اخوكي ماصرلا 3 شهور متزوجة وحبلت
سحر: هاد نصيبنا لا اعتراض على حكمتو
بيجي جوزي من الشغل وبيسمع حديثنا
غسان: شوفي امي شو القصة
حماتي:والله يا امي الظاهر مرتك ماعادت احترمت حالا
سحر: مرت عمي فهميني انا شو عملتلك والله مابعتبرك غير متل امي
حماتي: من شوي كنتي عم تحكي غير هيك قال الكنة كنة لو كانت حورية من الجنة
غسان: وليه سحر شو حكيتي من شوي
سحر:والله ماقلت شي
حماتي: عم تكذبيني كمان
غسان: سحر عالغرفة حسابك بعدين
سحبت حالي ورحت على غرفتي كنت عرفانة شو مستنيني اكيد رح تعبي براسو
فات لعندي كالعادة وهو معصب طلب مني فضي الغرفة وانقل غراضي عالفرفة الصغيرة من تم ساكت نفذت الي طلبو مني
باليوم التاني طلعت من غرفتي شفت بنات حماي وحماتي مجهزين حالن
حماتي: يلا يابنات هلق منتأخر عالجماعة مابيصير عيب
سعاد: يلا امي جاهزين ان شاءالله مامنتأخر على نسايبنا
وتركوني وراحو
سألت راما وين راحو
راما: لا تستعجلي مرت اخي رح تعرفي عن قريب
وتركتني وفاتت على غرفتا تركتني بحيرتي كنت خايفة يكون الي ببالي صحيح رجعو حماتي وبنات حماي بعد ساعتين مبسوطين وعم يضحكو
حماتي: راما هاتي هالتليفون احكي مع اخوكن خطي خلي يفرح شوي ويشتغل منيح
سماهر: اي امي بتعملي زينة العقل
حماتي: الو كيفك ابني اي اي رجعنا مبروك الله يتمملك على خير ماشي يا عيون امك مابدي غير سلامتك
مريم: شو امي شو قالك اكيد انبسط
حماتي: لو تشوفو كيف كان فرحان مسكين حاجتو تعتير
سعاد: اي والله ظلمنا كتير
سحر: على شو عم تباركولو مرت عمي
حماتي: والله يا كنتي على عرسو بعد اسبوع ليجبلنا الصبي الي ماقدرتي تجيبي
سماهر: شوي شوي عليها امي لتكون حامل وتسقط من ورا هالخبر
الكل: هههههه
فتت بنوبة بكي كنت عم ابكي بحرقة ماحدا فين تكرم علي بمحرمة كانو عم يتابعو شي فلم تركي
اجا جوزي المسا واخدلي كل دهباتي لعروستو الجديدة
اجا يوم العرس كانت حماتي عم تتلذذ بعذابي كأني قاتلتلا حدا من ولادا لو عدوتا كانت رحمتني
حماتي: غسان ابني يلا رح نتأخر عالعروس
غسان:(عم يحكي ولا كأني موجودة) اي امي جاهز شو رأيك فيني ناقصني شي
سعاد: تقبر قلبي شو بدو يكون ناقصك
سحر: شو رأيكن تاخدوني معكن برقص قدام العروس
والعريس وبصفقلن وبغنيلن كنت عم احكي بحرقة
حماتي:(بخبث) ريحي حالك كنتي انا واخواتو منكفي ومنوفي بعدين اذا بدك تساعدينا يمكن يحتاجوكي العرسان بالليل ههههههه
غسان:خلصيني انقلعي من وشي مابدي شوفك قدامي
سماهر: اتركا اخي اصلآ نحن رايحين
راحو وتركوني كان عم يجي على بالي اقتلن ولا اقتل حالي وارتاح رحت جبت شفرة لقطع شراييني خليني موت مرة احسن ماموت كل يوم مسكت الشفرة وقربتا على ايدي ودموعي متل الشلال
وهي عم تمسك الشفرة لتموت حالا بيطلع ولد صغير قداما عم يبتسملا ويهز راسو بمعنى لا تعمليا بترك الشفرة من ايدي وبيختفي الولد عرفت الله بعتلي هالولد لحتى مااقتل حالي
رحت توضيت وركعت لربي انو يسامحني وينتقم منن بقلب محروق ضليت 4 ساعات عم بركع وادعي الله ياخدلي حقي منن قمت مسحت دموعي حسيت جبل وانزاح عن قلبي سمعت صوت سيارات من تحت وعرفت انن اجو رحت غسلت وجي حتى مايبين اني بكيانة دخلت على غرفتي وسكرت على حالي الباب صواتن كانت عم تقرب اكتر وصوت الزلاغيط عم تنقر براسي وتموتني بس كنت صبر حالي وقول ياااارب
حماتي: ان شاءالله الف الف الف مبروك يا عرسان بالرفاه والبنين حركي حالك يا عروس وجيبيلنا الصبي
العروس مروة: ان شاءالله مرت عمي
كانو عم يباركولن ندهتلي سعاد لبارك للعرسان
سعاد: سحر سحر ولك يا سحر شو طرشتي
سحر: خير بنت حماي
حماتي: شو مابدك تباركيلن لجوزك وضرتك
سحر: مبروك يا جوزي ويا ضرتي بالرفاه والبنين
مريم: يييي عقبالك انتي كمان الله يجبر بخاطرك ويبعتلك ولد
سحر: الله كريم
حماتي: بدكن شي ابني خدو راحتكن نحن رايحين على بيت اختك رح نفضيلك الجو اسبوع وانتي مروة اذا بدك اي شي بتطلبي من ضرتك مفهوم
مروة: امرك مرت عمي
راحو حماتي وبنات حماي ودخلو العرسان عل غرفة وصوات ضحكن وسهسكتن واصلة لعندي مروة كانت بنت كتير حلوة ناعمة
يوم التاني دق علي الباب كان جوزي طلب مني حضرلن الفطور والغدا وانا عم احترق من جواتي جهزت الفطور اكلو ورجعو فاتو عالغرفة لملمت الفطور بيندق التليفون
امي: لا تزعلي يا امي الله كبير بياخد حقك
سحر: اهلين امي كيفك كيفو ابي واخواتي
امي: فيكي شي امي
سحر: لا بالعكس انا كتير منيحة ليكو جوزي جوا مبسوط وانا هون عم واجه قدري
امي: مابيطلع شي بالايد الي صار صار
سحر: قصدك الي نكسر نكسر ماشي امي بحكيكي بعدين
جهزتلن الغدا عالطاولة ودخلت على غرفتي
ضليت اسبوع كامل عم حاول كون قوية ومابين ضعفي لحدا
اجو بيت حماي وبلشت حماتي تسأل ضرتي شغلات
حماتي: مروة رككزي معي عم تحسي حالك تعبانة او عم تلعي معدتك او عم تدوخي
مروة: لا مرت عمي ماعم حس بشي
حماتي: اي عادي لسه بكير ومابيبين شي الله يجبر بخاطرك بولد يا غسان يا بني
بيوم كنت بغرفتي ماسمعت غير صوت زلاغيط حماتي وبنات حماي طلعت لشوف شو القصة كانت حماتي نازلة تبويس بمروة
سحر:خير مرت عمي شوفي ليش هالزلاغيط
حماتي: خير يصيبك كنتي باركيلا لضرتك حامل
انا نزل علي الخبر متل الصاعقة
سحر: مبروك الله يقومك بالسلامة
مروة: تسلمي عقبالك ههه
تركتن طايرين من الفرح ودخلت على غرفتي هل مرة ما بكيت
ركعت لربي يحرق قلبن متل ماحرقولي قلبي
متل كل يوم مجاكرات من طرف حماتي وبنات حماي وانا بتحاشاهن ودلال كلو لمروة مروة حامل بالرابع وعم يحيصو ويليصو ليعرفو شو بدا تجبلن
حماتي: لازم نزور الدكتورة لنعرف شو جنس الجنين
سعاد: بكير امي لسه بدا شهر ليبين
مريم: لا بكير ولاشي رفيقتي اختا راحت صورة بالرابع وبين
مروة: لا تاكلي هم مرت عمي متأكدة اني رح جيب ولي العهد ينطوط قدامك
حماتي: الله يسمع منك يارب
سماهر: عرفتلكن اسم المشفى الي فيو اجهزة حديثة ببين جنس المولد بكير
حماتي: منيح كتير بكرا انا وسعاد ومروة منروح
اجا جوزي المسا جايب لمروة طقم الماس عطاها ياه قدام عيني وانا عم اتفرج
غسان: ان شاءالله يكون عجبك ام ماهر
مرة: يسلملي المذوق
حماتي: ييي تسلمولي انتو التنين
كانت علاقتي مع جوزي جدا رسمية ماكان يجي لعندي غير اذا بدو شي مني
فقت الصبح ماكان في حدا غير سماهر عرفت انن راحو يعرفو جنس المولد قلت يااااارب وبلشت شغلي خلصت وقعدت عالتلفزيون اجو وكان وجهن مابيتفسر
سماهر: طمنوني اكيد صبي يقبر قلب عمتو
حماتي: لا تفرحي كتير يامو بنت
سماهر: بنت
غسان: توم بنات اختي
حماتي: ولي علي عليك يا ابني وعلى حظك
قلت بقلبي نقيتي مشان الاولاد وهلق مابقى يعجبك البنات الله كبير يا ام غسان فاتت مروة على غرفتا وهي زعلانة وانا رحت على غرفتي حسيت حالي تعبانة بدق علي باب الغرفة بتكون راما جاي تخبرني امي عالتليفون رحت لاحكي
امي: وينك بنتي صرلك فترة ماعم تسالي علينا وعلى مرت اخوكي على وج ولادة
سحر: حقكن علي بس والله ماعم افضى بوعدك زوركن بهالكم يوم سلميلي على دهب وابي واخواتي كتير مشتقتلكن كلكون
امي: ماشي يابنتي الله معك
سكرت واستنيت جوزي لاجا المسا استأذنتو لروح ضل كم يوم عند اهلي وافق روح رحت لعند اهلي حسيت براحة من زمان ماحسيتا ارتاحت نفسيتي كتير كنت مشتقتلن
احمد: نور البيت اختي
سحر: منور بوجودك اخي
ابي: كيفك يابي كيف صحتك ليش وجهك تعبان
سحر: مافي شي صحتي تمام بس من شغل البيت
سعيد: لا تعبي حالك كتير وجهك مصفر كتير
سحر: لا تاكلو همي وينو مروان مو شايفتو
امي: طلع مع ابن عمك عندو شوية شغل
سحر: الله يعطي العافية اي دهب حبيبتي كيفك وكيف الحمل معك اديش باقيلك
دهب: الحمدلله ماشي الحال بهاليومين ان شاءالله
امي: رح تجي لاخوكي بنوته حلوة متل اما
سحر: فرحتوني عقبال قيامك انتي والبنوتة بالسلامة
دهب: تسلميلي
سحر: مرت غسان كمان حامل بتوم بنات
دغري اهلي غيرو السيرة بس انا ماعاد تفرق معي شكيتن لرب العباد ياخدلي حقي منن
فجآة بلشت مرت اخي تصرخ وتتوجع اخدناها عالمشفى لتولد واجتو بنوتة متل القمر لاخي بتشبه اما قررو يسموها سحر على اسمي لانو كانت بتشبهني كتير
ضلت مرت اخي يومين بالمشفى وانا كنت عم حس على اعراض غريبة عم تصير معي بصراحة خفت ورحت لاعمل تحاليل بعد ساعتين طلعو التحاليل واخدتن لعند الدكتورة
نصدمت من حكي الي قالتلي ياه الدكتورة
الدكتورة: يا مدام انتي حامل بالشهر التالت انت اهملتي حالك كتير لازم اكتبلك على شوية فيتامينات وبتراجعيني بعد شهر
سحر: طيب دكتورة يعطيكي العافية
طلعت من عند الدكتورة ماكنت عرفانة انبسط ولا ازعل قررت ماخبر حدا واحتفظ بهالشي لحالي طلعت عالغرفة لعند مرت اخي دهب كانو مجهزين حالون ليخرجو دهب
امي: وين كنتي امي بدنا نروح
سحر: كنت تحت عم اشرب مي وينو سعيد
دهب: راح يجيب سيارة
سحر: امي انتي ساعدي دهب وانا بحمل البنوتة
امي: يلا
نزلنا كان اخي عم يستنانا وصلنا عالبيت وراح يجيب ضيافة اول ماوصلنا اجو بيت اهلا لدهب يباركولا لبنتن
اخو دهب: مبارك مااجاكي اختي تربى بعزك ودلال ابوها ماشاءالله قمر مصور الله يحفظا ويجعلا من الصالحات
دهب: تسلملي اخي عقبال فرحتنا فيك
ام دهب: مبروك ماجاكن يا ام غسان كيفك سحر حببيبتي
سحر: الحمدلله خالة انتي كيفك
ام دهب الحمدلله يا بنتي
اخت دهب: الحمدلله على سلامتك دهب يخليلي هالحلوة شو سميتوها
دهب: سميناها سحر على اسم عمتا
اخو دهب طارق: بستأذن منكن لازم روح
امي: خليك ياابني هلق بيجي سعيد
طارق: برجع خالتي غير مرة
طارق اخوها لدهب شب اشقراني بعيون بنية عمرو بيطلع 27 سنة مو اكتر كتير محترم
سعيد: اهلين حماتي شو وينو طارق
ام دهب: والله شافك ماجيت استحا وراح
حطينا غدا وتغدينا بيندق الباب بيفتح اخي بيكونو بيت حماي وجوزي قال اجو يباركو لاهلي بقيام مرت اخي والبنت بخير
حماتي: الف مبروك مااجاكن عقبال سحر
غسان: مبروك سعيد الله يخليلك ياها
سعيد: تسلم صهر
غسان: سحر جهزي حالك بدنا نرجع عالبيت
ماكنت حابه ارجع بس مرجوعي لهنيك رجعنا عالبيت حسيت حالي رجعت على قبري كان بطن مروة كبران بهالاسبوع كان كلشي متل قبل رجعت لحزني كنت حب نام كتير واحيانا تخبط معدتي بس ماكنت خلي حدا يحس علي صار موعدي عند الدكتورة وطلعت من البيت من دون ماحدا يحس وصلت عالمشفى كان في قدامي 5 اشخاص حبيت اتمشى شوي تمشيت شوي وبعدا رجعت عالمشفى كان دوري دخلت عند الدكتورة
الدكتورة: اهلين مدام سحر كيف شايفتيلي وضعك
سحر: الحمدلله دكتورة
الدكتورة: خلينا نفحصك ونطمن اكتر
فحصتني الدكتورة وقالت جنس البيبي باين معها
الدكتورة: شوبتتمني يجيكي
سحر: شو مابعتلي ربي مااحلاه
الدكتورة: مبروك انتي معك صبي
سحر: عنجد دكتورة
الدكتورة: اي والله بتحبي تسمعي دقات قلبو ﻻبنك
سحر: ياريت
الدكتورة:تكرم عيونك
سمعت دقات قلب ابني الي عطاني الامل قبل مايجي عهالدنيا حبيتو قبل ماشوفو طلعت من عند الدكتورة وانا عم فكر كيف بدي كبرو رجعت عالبيت كان جوزي واهلو قاعدين الظاهر حسو على غيابي فتت وانا رافعة راسي وماهمني حدا
غسان: وين كنتي يا مدام يا محترمة
سحر:.......
حماتي: شو القط اكل لسانك
غسان: برجع بقلك وين كنتي لهلق ماسك اعصابي لسه
سحر: كتير بيهمك امري يا جوزي
غسان: خرسي ولي حقيرة اهلك ماعرفو يربوكي انا بربيكي
سحر: مابسمحلك تجيب سيرة اهلي عالقليلة امي مابتعبي براس اخي على مرتو
حماتي: صايرلك لسان تحكي يا الي مابتجيبي اولاد
سحر: لك انتي حرام تكوني ام
هجم علي جوزي وصار يضربني ويرفس على بطني
سحر: لك اتركني يا كلب الله لا ييوفقك لا انت ولا امك ان شاءالله بشوف فيكن يوم
غسان: والله لموتك يا كلبة
سحر: لك اتركني ابني رح اخسر ابني
حطيت ايدي على بطني لاحمي ابني ماحسيت غير دم عم ينزل
سحر: الله لايوفقك قتلت ابنك
حماتي: انتي انتي حامل
كنت مع كل وجع عم ادعي عليهن
وصلنا عالمشفى اسعاف دخلوني عالعملية اول شي انحرمت من السعادة وبعد من ابني طلعت الدكتورة لتخبرن انو الطفل مات
الدكتور: العوض بسلامتكن الولد راح
غسان: كيف يعني دكتورة يعني الولد مات
الدكتورة: مع الاسف شو صار معا الصبح كانت عندي وكان وضعا ووضع البيبي تمام وخبرتا انو معا صبي
غسان: صبي يعني الي كان ببطن سحر صبي
قعد جوزي عالارض وصار يبكي متل ولاد صغار هو وحماتي
وانا جوا قلبي عم يعتصر عم يحترق اجت امي واخي مروان لياخدوني عالبيت
امي: الله لايوفقن فكرناهن عالم وخلق طلعو مابيستاهلو ضفرك ماعاد الك رجعة لعندن تحملناهن وتحملنا تعاملن معك
مروان: لا تاكلي هم اختي بيتنا مفتوح الك باي وقت
سحر: الله يخليلي ياكون
ارتحت كتير لما حكو معي هل حكي اهلي بلشت امي تساعدني لحتى نطلع من المشفى
غسان: خير مرت عمي وين اخدين سحر
امي: واللله لعند اهلا احسلا من هالجوازة
غسان: سحر لا تروحي انا بعتذر ماكان قصدي
سحر: انت واهلك جرحتوني وعذبتوني كتير لو كنتو حجر كنتو حسيتو
غسان: والله ماعاد اسمح لحدا يزعجك بس ارجعي معي
سحر: تأخرت كتير على هالحكي يا غسان روح لعند مروة وبناتك الي ببطنا وانساني
غسان: انا بدي ياكي انتي بدي نرجع متل قبل سنتين
سحر: انا عطيتك كتير فرص انت شخص منيح بس امك واخواتك الله يسامحن خربولي حياتي وحياتك وقتلولي ابني الي ببطني
غسان: بس انا بحبك
سحر: كانو يقولو القلب الطيب اذا نجرح بيقسى بيصير حجر وانا هيك لا تحاول
طلعنا من المشفى انا وامي واخي مروان كنت مبسوطة حاسة بالنصر عرف غلطو بس بعد شو بعد ماموتولي ابني ولا بعد ماحرقو قلبي وصلنا لعند اهلي اول ماشفت سحر الصغيرة تذكرت ابني الي ماشفتو لسه اخدتا وضميتا رغم صغرا بس حسيت هي الامان بالنسبة الي قعدنا عالغدا حسيت بجو العيلة الي من زمان نسيتو حسيت بالحب والامان والحنان اول ماشفت اهلي نسيت كل شي مريت فيه كنت قضي وقتي كلو مع دهب وسحر بابا بعتلو خبر لغسان لحتى يطلقني وفعلا طلقني وارتحت من شي اسمو غسان واهلو بعد فترة تقدملي طارق اخوها لدهب كان شب مابنرفض بس انا صار عندي عقدة من كل الرجال حاولو كتير استسلمت ووافقت كنت مرتاحة من ناحية هالخطبة بس تجربتي الاولى كانت مرافقتني تمت خطبتي انا وطارق كان شخص رائع كان رجال بكل معنى الكلمة كان يوم عن يوم حبو بقلبي عم يكبر نساني كل مرقت فيه حسيت ربي عوضني فيه لينسيني كل الايام البشعة المرقت فيها قرب موعد عرسي انا وطارق اصر اني البس الفستان الابيض وانا وافقت يوم عرسنا كان طالع بيجنن كلن حسدوني عليه وانا كمان كنت بطير العقل خلص العرس كان بيتي فوق بيت حماي
طارق: نورتي بيتك
سحر: تسلم منورة بوجوك
طارق: انا برا اذا بتحبي غيري تيابك
سحر: ماشي
طلع طارق غيرت الفستان ولحقتو كان محضر عشا وشموع واغاني رومانسية
طارق: تفضلي يا حبيبة قلبي
سحر:(بخجل) شكرا حبيبي
طارق: سحر انا بحبك من اول ماشفتك سالت امي بس قالتلي انك متزوجة
سحر: ياريت لو بعرفك من زمان
طارق: رح عوضك عن كلشي وعد جهزي حالك بكرا طالعين شهر عسل
سحر: عنجد عم تحكي
طارق: اي عنجد
سحر: بحبك
طارق: وانا بموت فيكي اوالله يقدرني اسعدك طول العمر
سحر: الله يخليلي ياك
طلعنا يوم التاني شهر عسل قضيت احلا ايام حياتي بهل عشر تيام كان حبي الو عم يكبر يوم عن يوم رجعنا على بيتنا ارتحنا شوي ونزلنا نسلم على بيت حماي بيت اهلا لدهب
حماتي ام طارق: الحمدلله على سلامتكن حبيباتي
سحر:( حماتي كانت رائعة كانت احن من امي علي ) الله يسلمك مرت عمي
طارق: شو وينو ابي مشتقلو
حماتي: طلع مع رفقاتو عالقهوة واخواتك راحو لعند دهب
سحر: وانا مشتاقة اهلي ولدهب ولسحر شو رأيكن نروح نشوفن
طارق: طبعا منروح جهزو حالكن
جهزت حالي انا وحماتي ورحنا لعند اهلي انبسطو بشوفتنا كتير كنت مشتقتلن كتير قضيت الوقت مع دهب وسحر وريهام ولانا اخوات طارق تعشينا عند اهلي ورجعنا عالبيت يوم التاني نزل طارق عالشغل وانا نزلت لبيت حماي كانو البنات عم ينضفو البيت وحماتي عم تطبخ
ريهام: اهلين سوسو
سحر: اهلين ريهامو شو عم تعملو مليت لحالي قلت انزل لعندكن
لانا: هلا نورت والله
سحر: ههه يخليلي ياكي عم تنضفو خليني ساعدكن
حماتي: شو تساعدين انتي لساتك عروس
لانا: ايه هلق الدلال كلو صار لمرت ابنا
حماتي: يخليلي ياكون كلياتكون خلينا نخلص شغل على بكير
سحر: انا رح امسح الغبرة
خلصنا شغل وقعدنا نتسلى ونحكي اجا طارق مالاقاني بلبيت
طارق: امي وينا سحر عندكن هي
حماتي: اي ابني الله يرضى عليها من الصبح هون عم تساعد اخواتك ليكون بالغرفة ععم يرتاحو
فات طارق لعنا
طارق: شو عم يعملو الحلوين
ريهام: اهلين اخي يعطيك العافية
طارق: الله يعافيكي اختي شو مابدكن تغدونا
قامو البنات ليجهزو الغدا وانا قمت لالحقن مسكني طارق من ايدي
طارق: اشتقتلك كتير
سحر: وانا اشتقتلك خليني روح حضر الغدا
حضرنا الغدا اجا عمي وتغدينا كلياتنا سوا وطلعنا على بيتنا
بعد فترة سمعت انو غسان صار عندو بنتين ومرتو حامل كمان ببنت وسعاد جوزا تجوز عليها ومريم اطلقت سماهر حبت واحد وضحك عليها كلون قالولي انو اللله اخدلي حقي منن بس انا ماهتميت كان طارق عندي بالدنيا كلا
بيوم عملت سهرة واستنيت طارق ليجي
ارق: خير يا مرتي الحلوة شو مناسبة هالسهرة
يحر: هالسهرة لحتى نحتفل بالبيبي الجديد
طارق: يعني انتي حامل رح صير اب
سحر: اي
حملني طارق وصار يدور فيني اهلي وبيت حماي انبسطولنا كتير
انا هلق بالشهر الخامس رح يجينا صبي بدنا نسمي ورد
انتهت
لازم نحارب مانستسلم لازم نواجهه كل الصعوبات ونتخطاها
صبايا رايكون بها 😍لا تنسو التعليق 😍
صبايا احكولنا تجربتكن مع حمواتكن .
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق