روايه مراهقه اوقعتنى فى حبها البارت السادس والسابع والثامن والتاسع والعاشر بقلم أمل احمد حصريه وجديده على مدونة النجم المتوهج
 |
مى قطع سرحانها حد بيخبط على الباب
توق توق توق
مى: مين؟
رباب: أنا رباب يا بنتى
مى فتحت الباب
مى: نعم يا طنط رباب
رباب: استاذ خالد جه تحت يا حبيبتى وعايزك تنزليله
مى بفرحه: حاضر قوليله نازله حالاً
مى فعلاً نزلت و أول ما شافت خالها حضنته جامد وكانت فرحانه اوى بوجوده
خالد: مى حبيبتى عامله اي
مى بطفوله: أنا الحمدلله بس لسه زعلانه منك يا خالو
خالد: ليه بس هو انتى مش مبسوطه هنا؟!
مى بتفكير : امم.. لا مش مبسوطه ولا زعلانه..بس عارف يا خالو وقربت من ودنه...الواد باسل دا غريب اوى
خالها وهو بيبصلها: غريب ازااى؟!
مى: يعني..شويه يبقى طيب وشويه يبقى شرير كدا وعصبى مش عارفه واد غريب
خالها وهو بيضحك: واد؟!!..بصى يا مى باسل كويس جداً بس انتى اسمعى كلامه و متعصبيهوش وهو هيبقى طيب معاكى وبعدين فى مفاجأة بكره
مى باستغراب: مفاجأة اييى يا خالوو هااا بالله عليك قولى
خالد بضحك : يا مى ما أنا لو قولت مش هتبقى مفاجأة
مى بزعل وبتربع ايديها: يعنى بردو مش هتقولى يا خالووو
خالد بابتسامه: بصى اقعدى فكرى بقا وخمنى لحد بكره لحد ما تصحى تلاقى المفاجأة قدامك
مى بفرحه: الله أنا عايزه بكره يّجى
خالد بضحك على فرحتها: متستعجليش...يلا بقا يا حبيبتى أنا همشى عشان اروح الشغل
مى بزعل: لا بقا انت ملحقتش تقعد معايا يا خالوو
خالد: معلش يا حبيبتى عشان الشغل وبعدين أنا هجيلك بكره إن شاء الله بمفاجأة وغمزلها
مى : اهاا ماشى خلاص روح
خالد بضحك: بعتينى عشان مفاجأة مااشى أنا ماشى
مى بضحك: مقدرش يا خالووو دا انت حبيبى وحضنته
خالد: وانتى كمان والله يا مى يلا يا حبيبتى أنا همشى عايزه حاجه
مى بابتسامه: لا سلامتك يا خالوو
خالد فعلاً راح الشغل و مى طلعت غرفتها وقررت أنها تغير ديكور الغرفه على زوقها.. بقلمى أمل احمد✍🏻
تفتكرو اى هى المفاجأة🤩🤔
_____________________
عند سامى
كان قاعد قصاد بيت خال مى ومستنيها تنزل لكن مفيش حد نزل من البيت
سامى زهق وقرر أنه يسأل البواب
سامى: بقولك اي يا رجوله
البواب: نعم يا ابنى
سامى: هو مفيش حد نزل من العماره لحد دلوقتي
البواب بشك: حد! حد زى مين؟!
سامى : اى حدد
البواب: انت عايز مين يا ابنى؟!
سامى بخبث : أنا بصراحة كدا زميل البنت ال فى العماره دى وهى كانت قايلالى استناها لكنها منزلتش لحد دلوقتي ف قلقت عليها يعنى ف متعرفش هى نزلت ولا لاء؟!!
البواب بشك اكترر: اسمها اى البنت ال بتقول عليها دى؟
سامى بدأ يتوتر: اسمها اسمهااا..
البواب : اسمها ايي يا ابنى؟!
سامى: بصراحه انا مش فاكر اسمها اوى
البواب: طيب لما تفتكر اسمها ابقى اسألنى يا ابنى
ولسه هيمشى ويسيبه سامى مسك دراعه
سامى: استنى بس يا حاج انت بتقفش ليه كدا
البواب: اقفش!!
سامى: طيب هو مفيش اى بنت نزلت من العماره النهارده خالص؟!
البواب بعصبيه: بقولك اي يا ابنى انت لما تعرف انت عايز مين ابقى قولى لكن غير كدا متسألنيش واتفضل بقا عشان هنرش مياه
سامى بغيظ من طريقه كلامه: ماااشى يا حااج هامشي!
وفعلاً سامى مشى وهو متغااظ جداً من البواب ومستحلفله
اما البواب ف مكنش مرتاح لسامى خاالص
____________________
عند باسل
اول ما وصل القسم راح للواء كمال
باسل وهو بيخبط : صباح الخير يا فندم
اللواء كمال: اتفضل يا باسل تعالى اقعد
باسل: خير يافندم مهمه اي المهمه
اللواء كمال: خير ان شاء الله بصى يا باسل المهمه دى....
وهتتم أن شاء الله كمان اسبوعين ف أنا قولت اقولك من بدرى لأنها مسأله حياه او موت وانت طبعاً عارف شغلنا كويس.!
باسل: طبعاً يا فندم عارف وان شاء الله اكون عند حسن ظن حضرتك
اللواء كمال: أن شاء الله يا باسل أنا واثق فيك
باسل: وان شاء الله اكون قد ثقتك بيا
اللواء كمال: أن شاء الله يا باسل تقدر تتفضل
باسل: تمام عن إذن حضرتك
اللواء كمال: اتفضل..
___________________
عند خالد و شمس
خالد وهو طالع بيته
خالد: السلام عليكم يا عم صابر
(ملحوظه: عم صابر دا البواب)
صابر: وعليكم السلام ورحمه الله وبركاته ازيك يا استاذ خالد
خالد: الله يسلمك عامل اي يا عم صابر
صابر: الحمدلله فى نعمه
خالد: طيب الحمدلله أنا هطلع بقى
صابر بتردد: بقولك اي يا استاذ خالد
خالد: خير يا صابر فى حاجه
صابر: بصراحه كدا فى واحد جه النهارده و سألنى لو حد نزل من العماره
خالد: مين دا؟ وامتى الكلام دا؟!
صابر: كان الصبح بعد ما حضرتك مشيت كدا بحوالى ساعه بس معرفوش كنت اول مره اشوفه
خالد: وبعدين قالك اي
صابر: لقيته عمال يسأل كدا برخامه وبيقولى بصراحه انا زميل البنت ال فى العماره وكانت قايلالى استناها وهى منزلتش لحد دلوقتي ولما سألته اسمها اى اتوتر كدا و قالى أنا بصراحة مش فاكر اسمها
خالد استغرب من كلامه: اى الكلام المش راكب مع بعضه دا وبعدين بنت مين الى زميلته وقالتله يستناها ومش فاكر اسمها أنا مش فاهم حااجه؟!
صابر: أنا بردو مفهمتش حاجه منه و أنا بصراحة مش مرتاحله
خالد: طيب هو يقصد مين الواد دا؟!
صابر: والله ما اعرف يا استاذ خالد أنا قولت اعرف حضرتك عشان يكون عندك علم بالموضوع
خالد: تمام يا صابر
وطلع شقته
خالد كان بيجهز ال مفاجأة الوعد مى بيها وكان محتار يجبلها اى هديه ف قرر أنه يسأل شمس
خالد: شمس
شمس وهى فى المطبخ: ايوه يا خالد فى حاااااجه
خالد: جرا اي يا وليه برااحه ودنيى
شمس وهى خارجه من المطبخ: جرا اي يا راجل انت بتتريق عليا
خالد : لاااه هو انا اقدررر
شمس بغيظ: طب يا اخويا عايز اي
خالد: بصى عيدميلاد مى بكره وانا عايز اعملها مفاجأة وبفكر اتفق مع باسل كمان ولا انتى اى رأيك
شمس : اى دا بجدد عيد ميلادها بكره هى كدا هتمم ال كام سنه؟
خالد: ال١٩ أن شاء الله
شمس: ماشاء الله بص يا خالد هو باسل ملوش اوى فى جو اعياد الميلاد دا
خالد: يعنى مش هيعرف يساعدنى انى افاجئها
شمس : بص انت حاول معاه يمكن يرضى بس معتقدش أنه هيحب الموضوع
خالد: طيب خلاص طالما مش بيحب الجو دا ...صحيح يا شمس فى حاجه حصلت النهارده مع عم صابر حكالى عليها وانا طالع
شمس: حاجه اى يا خالد
خالد حكالها على كل العم صابر قالهولو...
خالد: وانا بصراحه مستغرب خاصه ان مفيش بنت كبيره فى العماره غير مى
شمس بشك وبتربط الأحداث ببعض: ينهار اسووح!!
خالد: فى ايي
شمس: لا يكون الواد إلى حاول يتهجم على مى وچنى
خالد بشك: تصدقى ممكن لأن اخر مره مى كانت بتقول أنه بيراقبها!! وحيات امى لو هو وبيحاول يأذيها أنا همحيه من على وش الأرض!
شمس : بس اي ال هيخليه يكدب ويقول إنه زميلها
خالد بسخريه: ما هو لازم يخترع اى حجه يا شمس عشان يقابلها هو غبي!
شمس: حسبى الله ونعم الوكيل فى كل من بيفكر يأذى حد هو عايز منها أي بجد ربنا ينتقم منه
خالد: خلاص يا شمس أنا ان شاء الله هحاول اشوف الموضوع دا بس دلوقتي عايزك تفكرى معايا اجيب هديه اي ل مى
شمس: بص احنا نجبلها....
وظل خالد وشمس يخططون بعيد ميلاد مى وكانو متحمسين جداً لرؤيه رد فعلها
__________________
عند باسل
روح الڤيلا
باسل: السلام عليكم
مى وهى مركزه مع التلفزيون : وعليكم السلام
باسل: اى دا انتى مندمجة اوى كدا ليه
مى وهى مركزه مع التلفزيون: اصل الفيلم دا مشوق اووى واسكت بقا عشان اعرف اسمع
باسل: اسكتت!
يابت لمى نفسك
مى بطفوله: هو أنا قولت حاجه عشان تقولى لمى نفسك
باسل بغيط : رباااب...يا ربااااب
رباب: نعم يا باسل بيه خير فى حاجه
باسل بعصبية: فين الأكل هو انتى مش عارفه انى باجى جعاان
رباب: حاضر يا باسل بيه والله اصل أنا كنت..
باسل:خلاااص خلاص روحى جهزى الأكل بس انجزى شويه
رباب: حاضر يا باسل بيه
و اتجهت للمطبخ
كل دا ومى قاعده مراقبه الموقف واتضايفت على رد فعل باسل مع رباب
مى وبدون مقدمات
مى بسخريه : انت ياعم الرااائد
باسل بصلها بحده
مى: ما تخف على طنط رباب شويه الله انت بتكلمها كدا لييه
باسل بعصبية: وانتى ماالك انتى
هو حد كلمك؟!
مى اتعصبت من طريقه كلامه: على فكره انت كدا مش محترم!!
اوبااا
ربنا يسترها عليكى يا مى😂🙂
روايه
مراهقه اوقعتنى فى حبها
البارت ال7
بقلمى أمل أحمد🖊️
مى اتعصبت من طريقه كلامه: على فكره انت كدا مش محترم!!
باسل اتصدم من الى قالته وقام وقف ومسكها من ياقه التيشيرت
باسل بعصبية وهو ماسكها من الياقه: مين دا يابت إلى مش محترم! دا انتى انتى ليلتك مش معدايااا
مى: اوعى يا عم سيب التيشيرت
باسل بحده: دا انا هقطعك انتى والتيشرت انتى هبله يا بتت!!
مى بخوف من طريقته وبدأت تدمع: اوعى يا باسل
باسل: بعد كدا أسمى باسل بيه انتى فاهمهه!!
مى: اوعى سيبنى بقااا أنا هقول لخالو على ال أنت بتعمله دا !
باسل وهو بيرميها بغباء: شكلك هتتعبى معايا يا مى
مى فضلت على الأرض بتعيط وباسل سابها وطلع غرفته..ورباب جت لقت مى على الأرض و بتعيط جاامد
رباب وهى بتجرى عليها: مالك يا حبيبتى فى اي؟! بتعيطى ليه
مى وهى بتقوم وبتمسح دموعها: أنا عايزه اكلم خالو يا طنط رباب عايزه خالو ياخدنى من هنااا
رباب: حاضر يا حبيبتى هكلمك خالك بس احكيلى بس اي الحصل؟!
مى بزعيق بصوت عالى: البنى ادم ال اسمه باسل دا مسكنى من التيشيرت و عمال يهزق فياا هو فاكر نفسه ايي؟!
باسل خرج من الغرفه بتاعته على صوت مى ونزلها
رباب: أهدى بس يا حبيبتى ميصحش كدا باسل بيه كبير عنك و بيعرفك الصح من الغلط معلش
مى: ايوه بس مش معنى كدا أنه يكلمك بالطريقه دى
رباب: مين؟! يكلمنى انا؟!
مى: ايوه مينفعش أنه يزعق فيكى او يعلى صوته عليكى كدا
رباب وهى مبتسمه وقلبها دق ل مى
رباب: يا حبيبتى انتى عامله كل دا عشان كلمنى كدا
مى: ايوه يا طنط رباب انتى بردو زى ماما الله يرحمها
رباب خدتها فى حضنها
رباب: يا حبيبتى.. متضايقيش عليا أنا ببقا عارفه ان باسل بيه بيبقى جاى تعبان من الشغل ومضغوط وبيبقى غصب عنه هو آه عصبى بس طيب والله وطيب اوى كمان
مى ببرائه وهى فى حضنها : انتى عارفه يا طنط رباب انتى بتفكرينى ب ماما اوى كانت حنينه عليا اوى زيك كدا وبابا كان بردو بيجى مضغوط من الشغل يقعد يزعق فيها وهى معملتش حاجه عشان كدا أنا بكرهه الشغلل وبكرهه بابا!!
رباب خرجتها من حضنها: اى بتكرهى ابوكى ؟ ليه كدا بس يا بنتى فى حد يقول كدا!
مى بتنهيده: انتى عارفه يا طنط رباب بابا دا محسسنيش فى يوم أنه ابويا فعلاً ولا كان بيسأل فيا ولما كنت اجى اتكلم معاه يقولى مشغول دلوقتي يا مى بعدين بعدين عمره ما اتكلم معايا أو خدنى فى حضنه حتى وعلى طول مركز فى شغله بس ومكنش مهتم بيا أنا وماما خالص عشان كدا أنا بكرهه الشغل ال خد بابا منى والشغل بردو ال يخلى واحد زى باسل دا يزعقلق كدا بسبب شغله..
كل دا وباسل واقف سامع الحديث كله وكان مصدوم وفى نفس الوقت متأثر ب إلى بيسمعه و حاس بالذنب ناحيه مى ال عاملها بطريقه هى متساهلهاش ورباب ال شايلاه وبتخدمه ومبتتكلمش أما يتعصب عليها وطلع فوق بهدوء من غير ما حد يحس بيه..
_____________________
عند باسل
قرر أنه يصالحها وكمان يفرحها بس بطريقه غير مباشره ف قرر أنه يجبلها هديه
و غير هدومه ونزل
باسل: رباب
رباب: نعم يا باسل بيه
باسل: أنا هروح اجيب حاجه وجى خلى بالك من مى
رباب:حاضر يا باسل بيه
باسل وهو بيبوس رأسها: أنا آسف على الطريقه ال كلمتك بيها حقك عليا وياريت بعد كدا ما تقوليليش باسل بيه اعتبرينى ابنك
رباب وهى مستغربه: لا يا حبيبي انا مش زعلانه واشمعناه بتقولى اقولك كدا
باسل بابتسامه وراها وجع بس بيحاول يهزر: اعتبرينى ابنك يا رباب..اي مش قد المقام
رباب: لا طبعا متقولش كدا دا انت سيد الرجاله
باسل بابتسامه: تسلميلى يلا بقا أنا ماشى
رباب : مع السلامه يا ابنى
مى فى الوقت دا كانت فى غرفتها بتكمل تغير ديكور الغرفه وكانت خلصت والغرفه فعلاً كان شكلها تحفه لان مى ذوقها حلو وهادى جداً...
_____________________
عند باسل
ركب العربيه عشان يروح يشترى هديه ل مى
بس مكنش عارف يشتريلها اى لانه مش بيفهم خالص فى اختيار الهدايا فقرر أنه يرن على نورهان
(نورهان زميله باسل وبعتبرها أخته وهى كذلك)
باسل: ردى يا نورهان مش وقتك
نورهان ردت فجأة: بتبرطم تقوول ايه علياا؟!
باسل: بسم الله الرحمن الرحيم فى حد يرد كدااا !
نورهان: اعملك انت إلى سايب الفون وبترن عليا لا وكمان بتشتم فيا يا بجحتك يا اخى
باسل: يا بت اتلمى واسمعينى
نورهان ببرود: هاا عارفاك متعوزنيش الا فى مصلحهه
باسل: طيب هتزتظرفى تانى ولا اقفل
نورهان: عايز ايي يا سياده الراائد
باسل: بصى بقا أنا عايزك تقوليلى اى افضل هديه اصالح بيها حد
نورهان : حد مين؟ وهديه اي؟ وتصالحو ليه؟
باسل: اى كميه الاسئله دى مليكش فيه قوليلى بس اى اكتر هديه هتبقى مناسبه لو جيت اصالح حد زعلان مني
نورهان: زعلت مين يا نصيبا ومين دا ال زعلته انت اتخانقت انت وعلي تانى؟!
باسل: يابت بطلى رخامه لا متخانقتش يختى متخافيش وانجزى بقاا فيدينى ب حاااجه
نورهان: طب منا مش عارفه انت هتصالح مين عشان أفيدك صحبك ولا قريبك ولا مين
باسل: بنت..
نورهان بصدمه: بنت!! اوبااا لا بقا دا انت تحكيلى هى مين وعرفتها فين وامتى وازاى...باسل قطع كلامها
باسل: بس بس بس اى كل دا يخربيت ال يسألك على حاجه هحكيلك كل حاجه بس فيدينى دلوقتي اجبلها اي اصالحها بيه دلوقتي
نورهان:طيب بصى انت هاتلها برفيوم وشيكولاتات كتير وخاتم أو سلسله أو أى حاجه من الاكسسوارات
باسل: طيب انا معرفش زوقها فى البرفيومات ولا الاكسسوارات انتى بتصعبيها عليا ليه
نورهان: ياعم الرائد دى ابسط حاجه انت بقا ال مبتفهمش مش مشكلتي
باسل: أنا مبفهمش؟
نورهان : مين قال كدا أنا أنا أقصد أنا إلى مبفهمش يعنى🙂
باسل: نيله نورهااان
نورهان : اوامرك يا بسلتى
باسل: بسلتك؟!
نورهان : ياعم بنهزرر
باسل: غورى يا نورهان غورى أنا غلطان انى رنيت عليكى وقفل السكه فى وشها..
نورهان: شوف الراجل الى بيقفل فى وشيى ماشى يا باسل
باسل كان سايق بسرعه لانه كان عايز يلحق يجيب هديه لمى قبل ما تنام فجأة حد رن عليه وكان فى عربيه ماشيه عكس اتجاه الطريق وهو كان مشغول بالفون و مركز فى الطريق وفجأة...
بجد شكراً لحبايبى إلى بيتفاعلو ويشجعونى حقيقى كومنتاكوا فى قلبى🥹
قراءه ممتعه 💜
روايه
مراهقه أوقعتني في حبها
البارت ال8
بقلمى أمل أحمد🖊️
باسل كان سائق بسرعه لانه عايز يلحق يجيب هديه ل مى قبل ما تنام فجأة حد رن عليه وكان فى عربيه ماشيه عكس اتجاه الطريق وهو كان مشغول بالفون و مركز فى الطريق وفجأة...باسل لف بالعربيه بتاعته و نط منها والعربيه الى عكس اتجاه الطريق دخلت فى عربيته وعملت حادثه!!
باسل حاول يقوم بصعوبه لكن كانت دماغه اتفتحت بسبب النطه ال نطها وكان بيحاول ينقذ الشخص إلى فى العربيه و بالفعل ناس كتيير اتلمو و رحلو السواق على عربيه الاسعاف و محدش كان مركز مع جرح باسل
باسل كان مع السواق فى عربيه الاسعاف وبدأت دماغه تنزف لاحظوا دكتور كان قاعد جمبه فى العربيه
الدكتور: اى دا يا انت دماغك بتزف من أي!!
باسل: لا ابدا يا دكتور دا جرح بسيط
الدكتور بص على الجرح: لا دا مش بسيط خاالص دى هتحتاج خياطه!! تعالى بسرعه اقفلك الجرح
باسل كان الجرح بيوجعه اكتر بس كان متماسك وخائف اكتر على السواق وحاسس بالذنب بالرغم من أن السواق إلى كان ماشى عكس الطريق
الدكتور: بس كدا الجرح هيلم شويه على ما نوصل المستشفى
باسل: شكرا يا دكتور
وصلت الاسعاف للمستشفى و حجزو السواق فى غرفه و كانو عايزين يحجزو باسل لكنه رفض و اكتفى بأنه يكشف على دماغه وياخد ليها علاج بس وخد رقم حد من الممرضين فى ورقه لانه فونه كان فى عربيته وبلغهم أن أول ما السواق يفوق يبلغوه بعد ما تكفل بدفع مصاريف المستشفى كلها وخد تاكسى ومشى للڤيلا
___________________
فى الڤيلا
رباب مع نفسها: هو باسل اتأخر كدا ليه دا قالى هيجيب حاجه وجاى استر يارب..قطع سرحانها مى وهى بتندهلها من فوق
مى من فوق: طنط رباااااااب
رباب : نعم يا حبيبتى فى حاجه؟!
مى بحماس: تعالى بسرعههه
رباب طلعتلها
رباب بقلق: فى اى يا بنتى
مى خبت عين رباب
رباب بضحك : انتى بتعملى ايى
مى: اول ما اقولك 123 تفتحى اشطاا
رباب بضحك: هو فى اي يا مى
مى: يلااا..1 2 3
وفتحت عين رباب
مى : تيرااااا اى رأيككك
رباب بذهول من اختلاف ديكور الغرفه: بسم الله ما شاء الله اى الجمال دا انتى ال عملتى كدا يا مى؟!
مى بفرحه: اها أنا بصراحه مكنش عاجبنى ديكور الأوضه دى فى الاول ف حبيت أخليها على ذوقى
رباب بابتسامه: وذوقك حلو اوى بصراحه يا مي الله ينور
مى بفرحه : بجد يا طنط رباب يعنى شكلها حلوو؟!
رباب: قمرر زيك يا حبيبتى
مى حست أن رباب مش بطبيعتها وحستها قلقانه من حاجه
مى: طنط رباب مالك؟ فى حاجه
رباب : هاه لا ياحبيبتي مفيش حاجه
مى : لا بس شكلك متوتره أو خايفه
رباب: بصراحه كدا يا بنتى باسل من ساعتين كان قايلى أنه رايح يجيب حاجه وجاى على طول ومن ساعتها مجاش وانا قلقانه عليه اوى
مى: متخافيش يا طنط رباب أن شاء الله خير مش هو متعود أنه بيتأخر كدا عادى
رباب : هو لما بيبقى هيتأخر بيقى عشان فى مهمه او بيقولى لكن هو قالى أنه هيجيب حاجه ويجى ولسه مجاش
مى: طيب انتى ممكن ترنى عليه
رباب: رنيت بس غير متاح
مى بدأت تقلق هى كمان لأنها بطبيعتها بتخاف على اى حد يحصله حاجه او يتأذى
وفجأة سمعو صوت عم محمود من تحت
عم محمود: اتفضل يا باسل بيه مالك فى اي؟!
باسل بتعب: مفيش يا عم محمود أنا تمام
عم محمود: طيب فين عربيه حضرتك
باسل : عملت حادثة!!
رباب كانت نازله على السلم بسرعه جدا و سمعته واول ما سمعته
رباب وهى بتحط اديها على قلبها: يلهووووى! حادثه!
وجريت عليه
رباب قعدت جنبه: حادثه ازاى يا ابنى واى ال حصل فهمنى؟!!
باسل بابتسامه عشان يطمنها: أنا بخير يا حبيبتي متقلقيش هحكى بعدين بس لانى مش قادر احكى حاجه دلوقتي
رباب : خلاص يا حبيبى هروح احضر لك الأكل
وجريت على المطبخ
كل دا مى كانت واقفه بعيد وصعبان عليها منظره و وبدأت تدمع
باسل خد باله منها واستغرب أنها واقفه بعيد
باسل بقلق: مى! انتى كويسه!
مى اتفحت فى العياط وجريت عليه
مى بعياط طفولى: ب ب باسل أن انت كويس
باسل استغرب دموعها ومسك ايديها وقعدها جنبه
باسل: أهدى أهدى في اى ياعم اومال مين الى كان عامل شبح من كام ساعه أنا كويس متقلقيش
مى بعياط: أوم أوم اومال اي إلى فى دماغك داا؟!
باسل بملامح صعبنيات وبتنهيده: مفيش كنت ماشى وعمود كهرباء وقع على ماغى!!
اول ما باسل قال كدا مى صوتت
مى: اعاااا عمو كهرباء!!!
باسل بضحك : أهدى أهدى بهزر يا مجنونه
مى بعياط مقطع: ط ط طب اى ايه ال حصل ؟!
باسل كان مستغرب اوى قلقها عليه الشديد وكان كل مدى بيحس بالذنب اكتر أنو اذاها ولو بكلام
باسل و هو بيطبطب عليها: أنا بخير يا ميوش متقلقيش
مى: طيب ممكن تحكيلى ال حصل
رباب كانت خارجه فى الوقت دا و جهزت الاكل لباسل
رباب: تعالى يا مى خلى باسل يرتاح شويه مش وقت حكاوى هو هيحكى يا حبيبتى أما يروق
باسل بص ل مى و حسها زعلت لكنها مش مبينه أو كاتمه فى نفسها
باسل وهو بيهمسلها فى ودنها: اول ما اخلص اكل هحكيلك انتى الاول اشطاا
مى بصتله بفرحه: بجدد
باسل بابتسامه على فرحه مى: اه بجد يا ميوش
وقرب منها ومسحلها دموعها
باسل بهدوء: ممكن بقا اكل عشان هموت م الجوع
رباب: احم طب أنا واقفه
مى بكسوف: أنا هروح اقعد فى الجنينه شويه عن اذنكو
باسل: ماشى روحى
ومى قامت وراحت الجنينه
باسل كان قاعد بياكل وبيرفع عينه مره واحده لقاه رباب بصاله
باسل: اى دا فى اي يا رباب انتى باصالى فى الاكل ولا اى
رباب بخبث: لا يا حبيبي بالهنا والشفا
باسل بضحك: لا لا أنا مش مرتاح للبصات ديى
رباب قربت منه وقعدت جمبه
رباب : واد يا باسل
باسل بهزار: واد يا بااسل؟! انتى خدتى عليا اوى يا ربااب
رباب ضربته فى كتفه: بس ياض اتلم
باسل بوجع: اعااا اي يا رباااب اى يا حبيبتى أنا عامل حادثة لو عندك علم
رباب ببردو : معلش يا حبيبى نسيت..بقولك اي
باسل: قولى يا رباب خير يارب
رباب: انت معجب بيها؟!!
باسل بصلها : هى مين دى؟
رباب : متستعبطش انت عارف انا بتكلم على ميين وغمزلته ميوووش
باسل ضحك : انتى بتتكلمى جد!!
رباب: اومال الكلام دا فى هزاار
باسل بعدم اهتمام: هعجب بطفله يا رباب !
رباب : طفله؟! هى مين دى إلى طفله!!
باسل: بصى يا رباب مى لسه دماغها صغيره وطفله وانا اكيد مش هعجب بطفله وبعدين أنا شايل فكره الارتباط والجواز والكلام دا كله من دماغى دلوقتي ومش فايق خالص للكلام ده
رباب: ومين قالك أن مى طفله مى عاقله جداً على فكره بس هى عكس البنات الجريئه هى بريئه جداً وطيبه كمان
باسل: أنا مليش دعوه يا رباب مى بالنسبالى مجرد اخت وانا لو بتعامل معاه كدا ف عشان كان نفسى يبقى ليا اخت بنت و كمان رأفتاً بظروفها وهى بصراحه متستاهلش انى اعملها بطريقه وحشه
رباب كانت سامعه الكلام ومستغربه لكنها سكتت وباسل خلص اكل وطلع غرفته عشان يرتاح وفعلاً نااام
أما مى كانت بتتمشى فى الجنينه و لقت چنى بترن عليها
ردت عليها وقاعدو يتكلموا كتيير ومى خلصت كلام وطلعت ناامت
_____________________
فى صباح يوم جديد
يوم عيد ميلاد مى🥳
مى كانت نايمه لقت الباب بيخبط جااامد
مى قامت مفزوعه
مى: ميين
رباب وهى بتتكلم بسرعه: مى البسى دريس حلوو وانزلى بسرعهه
ونزلت وسابتها و مى مكنتش مستوعبه حاجه لكنها غسلت وشها و جهزت وكان شكلها قمرر
مى كانت لابسه( دريس لونه روز فى ابيض و عامله شعرها ديل حصان و حاطه روچ كورى و مرطب بس)
مى اول ما فتحت الباب لقت زينه كتيير بتقع على دماغها
مى بخضه: اعااا اى دا...وبصت لقت السلم مليان زينه والڤيلا كانت متزينه بشكل خراافى
بدأت تنزل لحد ما وصلت للصالون لقته مليان بلاليين و رقم19 متعلق فى منتصف الصالون وكان خالد وشمس او ما نزلت قالولها فى نفس واحد: كل سنه وانتى طيبههه🎊
مى كانت واقفه مزهوله وكانت مصدومه من الى بيحصل هى مش فاكره أصلا أن النهارده عيد ميلادها و انبسطت اووى و جريت حضنت خالها وشمس
مى بدموع: أنا بحبكو اووى بجد ربنا يخليكو ليا اى المفاجأة الحلوه ديييي
خالد مسح دموعها: حبيبتى يا مى انتى بنتى مش بنت اختى اى رأيك بقا فى المفاجأة دى
مى بصت على الڤيلا : بجد حلوه اوووى يا خالو تسلمولى
خالد: لا مش قصدى دى...ومسك وشها ولفه ناحيه..
باسلل اللى كان لابس بدله وماسك تورته
مى بصت بصدمه وفضلت متنحه لباسل واتنطت جامد وكانت فرحانه اووى
مى وهى بتجرى ناحيه باسل : الله اى التورته الجميله دي
باسل و هو بغمزلها: طيب والجمال دا ملفتش نظرك
مى اتكسفت جامد وفضلت تضحك
خالد: اتلم يا زفت احنا واقفين
باسل بضحكه: والله ما اقصد حاجه
مى خدت التورته من باسل
وكانت فرحانه بيها اوى لأنها بتحب الكيك جداا
باسل: يا بت هتقع منكك
شمس: ليه يا اخويا هى صغيره
باسل بتريقه: لاااه طفله بس
شمس: واحلى طفله يا ناس
مى: يلا بقا نقطع التورته أنا متحمسه اووى
وفعلاً قطعوه التورته و كل واحد خد طبقه وباسل لسه هياكل لقه فونه رن ...
باسل: اى!! طب كويس أنا جااى حالاً!
روايه
مراهقه اوقعتنى فى حبها
البارت ال9
بقلمى أمل أحمد🖊️
باسل: اى!! طب كويس انا جاى حالاً!
باسل قفل المكالمه
باسل: معلش يا جماعه انا لازم استئذن
خالد: يا ابنى هو احنا لحقنا قعدنا مع بعض
باسل: معلش يا خالد تتعوض إن شاء الله...وبص ل مى الكانت قاعده متضايقه أنه مش هيقعد معاها فى عيدميلادها
باسل قرب منها: مى معلش هروح بس اعمل مشوار صغير وارجعلك وبالمناسبة هديتك هتلاقيها فى اوضتك
مى بزعل: أنا مش عايزه هدايااا
باسل باستغرب: ليه كدا يا مى مش عايزه تقبلى الهديه منى
مى بزعل طفولى: لا عشان انت رخمم وهتمشى فى يوم عيد ميلادى وانا بكون مبسوطه أما بلاقى ناس كتير حواليا لأنى على طول لوحدى ومفيش غير خالو وطنط شمس هما إلى معايا
باسل اتأثر بكلامها اوى واتضايق أنه هيمشى ويسيبها خاصه بعد ما فهم أنها نفسها يكون ليها عيله يتلمو حواليها وهو بقى بالنسبالها أشبه ب جزء من العيله
وفضل ساكت لدقايق..
خالد لاحظ ان باسل محتار ومش عارف يعمل أي مع مى ف قرر أنه يقنع مى هو
خالد: بصى يا مى يا حبيبتى باسل مش قصده أنه يمشى ويسيبك هو بس هيروح مشوار و يجى على طول و...مى قطعت كلامه
مى بطفوله: خلاص هروح معاه!!
باسل باستغرب: تروحى معايا فييين! لا طبعاً مش هينفع
فى اللحظه دى خالد بصله بشماته
باسل وهو بيهمس لخالد بصوت واطى: مش هينفع يا خالد أنا رايح مستشفى!!
خالد: طيب استنى ثوانى يا مى وهجيلك تانى
مى: حاضر يا خالو
خالد خد باسل فى الجنينه عشان باسل يفهمه
خالد: مستشفى اى بقا يا باسل إلى لازم تروحها وبعدين تروح ل مين ممكن تفهمني؟!
باسل: بص يا خالد أنا امبارح عملت حادثة تمام
خالد بصدمه: حادثه!! حادثه اى يا ابنى وامتى الكلام دا
باسل: امبارح كنت رايح اجيب ااااه ...وهنا باسل اتوتر
خالد: تجيب اى يا ابنى
باسل: كنت نازل اجيييب ااه حاجه يعنى المهم الفون بتاعى رن ف اتلهيت وانا برد ببص لقيت عربيه ماشيه عكس كانت داخله فيا قومت نزلت من العربيه وانا ماسك الفون ف ايدى وسبحان الله الفون لسه شغال
خالد: ينهار ابيض كل دا يحصل يا باسل ومتقوليش وكمان مى مقالتليش حاجه
باسل: ما هو أنا مش معرف حد فى الڤيلا يا خالد المهم انا طلبت للراجل الدخل فيا بعربيته دا الاسعاف و هو كان فى غيبوبه امبارح ولسه المستشفى رنه عليا دلوقتي وقالولى أنه فاق و أنا هروح دلوقتي اطمن عليه
خالد: طيب الحمدلله أنه فاق بس...وبيبص على دماغه
خالد وهو بيلف دماغه بخضه: اى داا !!
باسل: مفيش دا جرح بسيط من النطه
خالد: بسيط اي بس طيب انت عامل اي دلوقتي
باسل بيحط أيده على كتف خالد: أنا كويس والله ما تخافش
خالد: طيب يا ابنى يعنى انت دلوقتي رايح المستشفى
باسل: آه وعايزك بقا تقنع مى انى والله غضب عنى
خالد: حاضر يا باسل
باسل: بقولك اى يا خالد ممكن اخد عربيتك
خالد: طبعاً يا باسل
باسل: تسلم يلا سلام
خالد دخل ل مى ولقاها زعلانه
مى وهى بتبص و ملقتش باسل مع خالد
مى: خالو هو باسل فين
خالد: مشى يا مى عشان وراه مشوار مهم وهايجى على طول
مى بصدمه: يعنى مشى
وطلعت تجرى على برااا
باسل خرج من الڤيلا و ركب عربيه خالد و لسه كان بيدور العربية عشان يمشى لقا مى واقفه قدام العربيه
باسل وهو بخرج رأسه من الشباك: مى انت بتعملى اي!
مى بعند طفولى: هاجى معاك
باسل: مش هينفع يا مى هى رحله أنا رايح مستشفى
مى راحت فتحت باب العربيه وركبت جنب باسل
باسل: انتى بتعملى اى يا مجنونه
مى بعند: هاجى معاااك
باسل بعصبيه: يا مى أنا رايح مستشفى مش هينفع
مى: وربنا لاجى معااك ويلا اطلع بقا
باسل: يعنى مفيش منك فائده
مى بابتسامه بارده: تؤ تؤ ويلا
باسل اتعصب من برودها وساق العربية بأقصى سرعه..
______________________
عند خالد وشمس
خالد: أنا مستغرب رد فعل مى اوى
شمس بضحك: اها وانا
خالد: ربنا يهديها ويفرحها
شمس: يارب...اى داا
خالد: فى اي يا وليه
شمس بغضب: بعد كل التعب دا مى تروح من غير ما تاكل التورته ولا تتصور جنب الزينه حتى
خالد بضحك: والله انتى رايقه..انتى عارفه باسل رايح فين اصلا
شمس: فين؟!
خالد: رايح المستشفى يا شمس
شمس: يلهوى مستشفى! ليييه ؟!
خالد: أهدى بس يا شمس كل الموضوع ان...وحكالها على كل حاجه
شمس: ينهار ابيض طيب وباسل عامل اي دلوقتي دا انا شوفته كان كويس خالص
خالد: هو كويس بس اتجرح جرح بسيط فى دماغه و اتطمنى هو رايح المستشفى وهيطمن على جرحه
شمس: ربنا يسترها يارب
خالد: يارب يا شمس يلا احنا بقا
استئذن خالد و شمس وسلمو على رباب وعم محمود ومشيو.. بقلمى أمل احمد ✍🏻
________________________
عند باسل و مى
باسل: يلا انزلى يختى وصلنا
مى: لا أنا بخاف من المستشفيات
باسل: نعمم يختييى طب وحيات امك لا تنزلى معايا وهتخشى المستشفى
مى بخوف: لا لا بالله عليك دا أنا بخاف اوى لما اشوف الدكاتره والناس التعبانه
باسل باستهزاء: ليه هما هيعضوكى
مى: أنا بخاف والله طيب روح انت وانا هستناك فى العربيه
باسل ببردو: بعينكك...ونزل من العربيه وفتح باب العربيه ال عند مى
باسل: يلا انزلى
مى برجاء: بالله عليك بلاااش
باسل شدها من ايديها وخرجها من العربيه
مى او ما خرجت من العربيه شافت ناس كتير مريضه داخله المستشفى وال خارجه من المستشفى
مى مسكت فى دراع باسل جامد
وفعلاً دخلو المستشفى
باسل للمرضه: لو سمحت هى غرفه رقم ٥ فين
الممرضه: فى آخر الممر يا فندم
باسل: تمام شكراً
مى كانت عماله تبص للرايح والى جاى و خايفه جدا
لحد ما وصلو غرفه المصاب
واول ما مى شافته....
روايه
مراهقه اوقعتنى فى حبها
البارت ال10
بقلمى أمل احمد🖊️
فى المستشفى..
مى كانت عماله تبص للرايح والجاى وخايفه جداً
لحد ما وصلو لغرفه المصاب
المصاب كان نايم على جنبه
باسل: حمدالله على السلامه يا بطل
المصاب لف وشه لباسل
ومى اول ما شافته كاااانت الصدمههههههه...!!!
مى بخوف: اااه اااه انتااا!!!
واستخبت ورا ضهر باسل وبدأت تعيط
باسل باستغرب: مى مى !!مالك فى اي
مى كانت منهاره من العياط وعماله تبص للمريض بخوف وهو بيبصلها بنظره تهديد
باسل صعب عليه شكل مى وهى منهاره وخدها فى حضنه و هو مستغرب هى ليه خايفه من المريض كدا
باسل وهو بيطبطب: أهدى أهدى مالك فى اي!
مى بتهتة: ااا ان أنا ع عايزه ام امش امشى
باسل: أهدى بس يا مى عايزه تمشى ليه؟
مى كانت منهاره ومش عارفه تتكلم وخايفه تتكلم وكل شويه المريض يبصلها بصه بمعنى اوعى تتكلمى!!
(نعم إنه سااامى)
باسل لاحظ أنها باصه لسامى وخايفه بعدها باسل بص لسامى و أول ما سامى خد باله أن باسل شايفه غير رأيكشنات وشه..و بدأ يتوجع
باسل: انت كويس؟!
سامى باصتناع الوجع: لا لا مش كويس خالص
باسل: طيب تحب اندهلك دكتور
سامى: لا لا مش مستاهله هو انت ال خبطنى!!
باسل: بص اولا كدا أنا مخبطكش أنت ال كنت ماشى عكس و دى غلطه كبيره من عندك و فيها دفع غرامه + انت كمان كنت سايق العربيه بسرعه جنونيه ودا بردو غلط جدا واظن انت عارف كدا كويس
سامى بغضب: والله وانت أن شاء الله ما انت كنت مش مركز فى الطريق وكنت شايفك عمال تجيب حاجه ومش باصص للطريق أصلاً أنا المفروض اعملك محضر انك انت الخبطنى وخلتنى اعمل حادثه
باسل بسخريه: امم واي كمان
سامى بغضب اكتر: اى البرود إلى أنت فيه دا انت معندكش دم يعنى خابط واحد وخليته يعمل حادثه بسببك وبتتبارد كمان
باسل بعصبية: ولاااااااا
لم نفسك يا روح ا.مك دا بدل ما تشكرنى أن أنا طلبتلك الاسعاف لولايه مكنش زمانك عايش دلوقتي وبتبجح كماان
سامى بغضب: لا هو انت كمان كنت عايز تخبطنى ومتطلبليش الاسعاف دا انت ب.جح يلااا
كل دا ومى كانت قاعده وخائفة من رد فعل باسل مع سامى وكانت عماله تعيط من غير صوت
فجأة..
باسل اتعصب من بجاحه سامى وقام وقف و وشه كان احمر من كتر الغضب ومسك سامى من ياقه القميص
باسل: لا دا انت قليل الادب بقا وعايز تتربى هو انت متعرفش أنا مين يا حيلتها ولا اى!!
سامى بعصبيه: لا عارف كويس حته سواق حم.ار بيدخل فى الناس
باسل فى اللحظه دى مشافش قدامه ومسك سامى ونزل فيه ضرب بالبوكسات
باسل وهو بيضربه: أنا الرائد باسل مكرم يا ابن ال**
مى قامت وقفت وهى مفزوعه من شكل باسل وكانت خايفه منه جدااا لأنها اول مره تشوفه وهو بالحاله ديى وجريت برا الأوضة وهى بتنده على دكتور
مى وهى بتنده بصوت عالى: دكتووووووور حد يلحقناااااا !!
جه دكتور ومعاه ممرضه
الدكتور: فى اي يا انسه
مى بعياط مغرق وشها: الحق يا دكتور بي بيضربوه جوااا...وشاورتله على الاوضه
الدكتور فهم وجرى بسرعه هو و الممرضه على الغرفه و اول ما دخل كانت الصدمههه..!!
_____________________
عند خالد فى الشغل (فى المصنع)
خالد: هات يا ابنى القماش دا هنا ومش عايز لغبطه
عامل فى المصنع: تمام يا استاذ خالد
خالد فونه رن وهو شغال
خالد: ياربى هو دا وقته..اى دا دا رقم من المانيا
خالد فتح الفون و رد
خالد: الو
الشخص: الو يا خالد اخبارك اي عرفت أنا مين ولا لسه
خالد وهو بيحاول يفتكر الصوت: الصوت دا مش غريب عليا اوعى تكون إلى ف بالى..
الشخص بضحك: ايوه انا..أنا طارق يا خالد!
خالد بصدمه: ياااااه طب كويس والله انك لسه فاكر أسمى..
طارق بحزن: حقق عليا يا خالد أنا عارف انى غلط كتيييير اووى فى حق اختك وفى حق بنتى وفى حقك
خالد بسخريه: ياااه وجاى بعد السنين دى كلهااا تفتكر انك غلط فى حق الكل فجأة كداا للاسف انت متلزمش حد فينا يا طارق
طارق بسرعه : لا يا خالد أنا بنتى تلزمنى انت بتقول ايي
خالد: ولسه فاكر بنتك طب والله كويس انك فاكر ان عندك بنت..أنت شخص انانى يا طارق و بتاع مصلحتك واحد كل همه الفلوس وبس ...طارق قاطعه بعصبية
طارق: و وهو انا بعمل كل دا لييييه هااااه مش عشان اعيش بنتى احسن عيشه وأوفر ل مراتى كل الطلبات المحتاجاها
خالد بسخريه: مراتك! هى فين مراتك دى حتى مراتك مكنتش مهتم بيها بسبب اشغالك وفى الاخر اى الحصل راحت منك
طارق: هو انت ليه محسسنى أن أنا ال قتلتها دى إراده ربنا انا ذنبى ايي؟!
خالد بعصبيه وزعيق: ذنبك اييي؟!!
اقولك أنا ذنبك اي ذنبك أن قبل سفرك بعد اسبوع من ولاده مى اختى كانت متضايقه وحاسه أن هى ولا فارقه معاك وان انت الشغل عندك اهم وفى نفس اليوم ال أنت قولتلها فى انك مسافر هو نفس اليوم ال كشفت فيه وطلع عندها الكانسرر
طارق بصدمههه: اي كانسررر ازاى ؟!!
خالد: آه يا اخويا الكانسر وطبعا انت متعرفش حاجه كالعادة ما انت كل همك فلووووس وبسس مش همك مشاعر مراتك ولا أنها محتاجلك جنبها فى وقت زى دا وعلى طول بعيد عنها وحجتك الشغلل اى يا اخى ما احنا كلنا بتشتغل بس بردو بنعرف نوفق بين الشغل والبيت ومراتتنا وعيالنا...طيب لو مكنتش بتحبها اتجوزتهااا لييييه وعيشتها فى العذاب دا حسبى الله ونعم الوكيل فيك يا شيخ لا وجاى دلوقتي تقولى حقق عليا يا اخى ك كسر حقك
طارق بدموع: كفااايه كفايه يا خالد ارجوك أنا ضميرى كل يوم بيأنبنى وعايش فى عذاب والله
أنا عارف انى غلط كتير وعايز اصلح غلطى..
خالد بمقاطعة: لا لا متصلحش حاجه يا خالد خليك عندك لأنك لو نزلت صدقنى هتقلب مواجع كتير وسيب بنتك فى حالها يا طارق تعيش حياتها ومتعشمهاش بوجودك وفى الاخر تتخلى عنها عشان خاطر شغلك أنا مش عايزه الدايره دى ترجع تلف تانى
طارق بحزن: انت بتقول اي يا خالد دى بنتى
خالد: وهو انت لسه فاكر ان ليك بنت دلوقتي!!
طارق: خالد ارجوك كفايه وانا هنزل مصر الاسبوع الجاى أن شاء الله عايز ارجع اشوف بنتى خلى بالك منها بالله عليك على ما اجى
خالد: بنتك دى مش هتشوفها يا طارق ريح نفسكك!
طارق: لييه يا خالد ليه عايز تحرمنى منها
خالد: أنا محرمتكش من حد انت ال حرمت نفسك منها هى و أمها زمان واختارت شغلك ودى نتيجه أفعالك اتحملها بقااا زى ما اختى الله يرحمها اتحملت معاك كتيير..وقفل الخط ف وشه
خالد وهو بيتنهد: استر يارب فى إلى جاى ربنا يسترها عليكى يا مى يا بنت اختى..بقلمى أمل احمد ✍🏻
_________________________
فى المستشفى
الدكتور شاف سامى مغم عليه من كتر ضرب باسل ليه ومى كانت واقفه بتترعش من كتر الخووف...
الدكتور و هو بيزوق باسل: انت اى ال انت عملته دااا انت بتهزر يا استااذ دا مرييض!!
باسل مكنش فى وعيه وفجأة فاق واتصدم من منظر سامى وال عمله فيه
الدكتور بعصبية: اتفضلو كله براااا
الممرضه: بعد اذنكوا اتفضلو دلوقتي...وخرجتهم برا الغرفه
برا الغرفه
باسل قعد على الكرسى وحاطط أيده على رأسه ومى كانت واقفه بعيد ولسه بتعيط
باسل رفع رأسه وشافه بتعيط
باسل: تعالى يا مى
مى بخوف: لا مش هاجى
باسل: انتى خايفه منى!
مى بتهته: أ اان انت ض ربته كد ا ل ليه!
باسل: أهدى يا مى مفيش حاجه وتعالى اقعدى
مى: لا
باسل بحده: ميييى قولتلك تعالى اقعدى
مى خافت وراحت قعدت على الكرسى جمب باسل
باسل: ليه عيطى اول ما شوفتى الواد دا؟!
مى بدأت تتوتر: هااه لا مفيش خوفت من شكله بس
باسل وهو بيرفع حاجبه: لا والله
مى بتوتر: اااه
باسل: ميى أنا مبحبش الكدب! قولى فى اي انتى تعرفيه؟!
مى اتوترت اكتر: لا اصللل اااه.. ولسه هتتكلم الدكتور خرج..!
باسل راح على الدكتور
الدكتور بعصبية: هو انت اى يابنى ادم انت ينفع تضرب حد مريض بالشكل داا
باسل بصله وطلع بطاقته
باسل: الرائد باسل مكرم عز الدين
الدكتور اتوتر : اهلا وسهلاً باسل بيه بس بردو مكنش ينفع حضرتك تضربه كدا دا مصاب
باسل: وحضرتك متعرفش هو قال اى أو عمل اى عشان اعمل معاه كدا وانا شاكك فى البنى ادم دا وياريت حضرتك تعالجه وبس
الدكتور: و أنا اكيد مش هتدخل فى شغل حضرتك
باسل: هو عامل اي دلوقتي
الدكتور: هو كويس بس اللكمات ال حضرتك ضربتهالو أثرت جامد عليه ودخل فى غيبوبه
باسل: يعنى هيفوق منها امتى
الدكتور: يعنى على بالليل مثلاً أو بعد خمس ساعات كدا لأن الضرب اثر على المخ مع الحادثه ف اثرو جامد
باسل: تمام يا دكتور أنا بتأسف لحضرتك على القلق ال عملتلهولك فى المستشفى
الدكتور: لا ولا يهم حضرتك طالما حضرتك شايف شغلك عن اذنك
باسل: اتفضل
باسل بص ل مى ال كانت واقفه ولسه خايفه
باسل: انتى لسه خايفه منى
مى بصتله بزعل طفولى : ااه وعايزه اروح
باسل حاضر هنروح بس هنروح مكان الاول وبعدين نروح اشطا
مى باستغرب: مكان!! مكان اي!؟
باسل: هتعرفى تعالى معايا
وخرجوا من المستشفى وركبو العربيه
وهما فى الطريق
باسل بهدوء: مش هتقوليلى تعرفى الواد دا منين
مى بصدمه: اعرفه ؟! أنا أنا معرفوش!!
باسل وهو بيبصلها بجنب عنيه: مييى! انجزى قولى مين دا وتعرفيه منين
مى بتوتر: قولتلك معرفوش يا باسل
باسل: اومال عياطك ال اول ما شوفتيه دا اييي اكيد مش من لا شىء
مى بدموع: قولتلك مفيش حاجه أنا بس خوفت من منظره
باسل: طيب يا مى أنا لو اكتشفت أن فى حاجه انتى تعرفيها عن الواد دا انا ساعتها مش هرحمك يا مى دا غير لو طلعتى بتكذبى عليا هيبقى حسابك عسير معايا
مى فضلت كاتمه الدموع فى عينيها لحد ما..
انفجرت فجأة من العياط
باسل شاف منظرها قام موقف العربيه وركن على جنب
باسل: مى مى!! فى اي؟! بتعيطى لييه
مى بعياط: عشان أنا أعرفه يا باسل
باسل اتصدم بس حاول يمسك اعصابه: وتعرفيه منين يا مييى هااا؟!!
مى بعياط اكترر: اتهجم عليا قبل كدااا
باسل:....
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق