رواية المتناقض الحلقه الخامسه بقلم حازم الباشا حصريه وجديده على مدونة النجم المتوهج
 |
تجمد المشهد الصدامي بين اقوى رجلين على سطح هذا الكوكب للحظات ، وكلاهما يتفحص الاخر بنظره عميقه كلها تحدي
فأمجد مازال عقله مخدرا بفعل الخمر ، مما افقده قدرته الخارقه على الولوج الى عقل ادهم ، ومعرفة ما يدور بداخله !!!
بينما ادهم كان مستعدا لتلك المواجهه ، وقد رتب لها منذ عدة شهور سابقه
فقدرته على قراءه المستقبل ، جعلت تلك المواجهه تبدو وكأنها مجرد فيلم يعاد عرضه امام عينيه للمره الثانيه !!!
الا ان ذكاء امجد الاسطوري ، جعله يدرك ان قدوم ادهم اليه بهذا الشكل ، لا يعني الا شيئا واحدا ...
وهو ان حياته مهمه جدا لادهم ، وان سلاح ادهم المصوب اليه ، ليس له اي قيمه !!!
فلو رغب ادهم في انهاء حياته ، لكن من السهل عليه فعل ذاك اثناء نومه ، دون ان يكلف نفسه عناء تلك المواجهه
وكان امجد محقا في تفكيره !!!
فبعد لحظات ، امسك امجد فوهة مسدس ادهم ووجهها الى جبهته ، مخاطبا ادهم بنبره ساخره : يلا يا بطل وريني شجاعتك بقا
ودوس على الزناد
والا انت جايب السلاح ده عشان تتمنظر بيه !!!
رد ادهم بكل ثقه : ما تستعجلش على رزقك يا دكتور امجد
خليني الاول اعرفك المطلوب منك
واوفر عليك التفكير ده كله
رد امجد بسخريه : هو انت فعلا مصدق اني ممكن اسمع كلامك وانفذه !!!
اومأ ادهم برأسه بكل ثقه وقال : لما تأثير الخمره يروح من عقلك
هتعرف تفكر بشكل مثالي
وها تكتشف انه مستحيل بكل ذكائك وقدراتك الخاصه
تقدر تهزم شخص بيقدر يعرف كل خطواتك قبل ما تعملها !!!
رد امجد بنبره تحدي واضح : الكلام ده منطقي جدا
لحد ما افوق من تاثير الخمره
بس لما افوق هاشوف اللي جوا عقلك كله
بما في ذلك المستقبل اللي انت بتشوفه
انا كمان هاشوفه جوا دماغك
وهاقدر اغيره !!!
قاطعه ادهم بحزم : بلاش تخلي غرورك ده يقضي عليك
واسمع الكلمتين اللي انا جاي اقولهم لك بكل ود
شوف يا دكتور امجد
انا هاديلك مهله شهر واحد بس
عشان تعمل فيها عمليات الجراحه اللي انت ملتزم بيها
ما عدا عمليه الامير خالد اللي مفروض تعملها بعد يومين
دي العمليه الوحيده اللي مش هاسمح لك تعملها
رد امجد باندهاش : اشمعنا يعني العمليه دي اللي مش هاقدر اعملها ...
وشهر ايه المهله ده اللي بتتكلم عنها !!!
انت فاكر نفسك مين
انت اكيد بتهزي !!!
تجاهل ادهم اسئله امجد ، واستطرد قائلا : بعد الشهر ما يخلص
لازم تختفي تماما
والا فأنا هاكون مجبر غصب عني اني اقتلك !!!
وبمجرد ان انهى ادهم عبارته ، سحب سلاحه من وجه امجد ، وبحركه مباغته اطلق النار على ساق امجد !!!
سقط امجد على الارض وهو يصرخ : انت اكيد مجنون
وانا هادفعك عمرك كله تمن اللي انت عملته ده !!!
القى ادهم سلاحه على الارض ، وقام بحمل امجد ووضعه على سريره برفق ، وقال بلهجه حازمه : مش وقت خناق دلوقتي : قولي فين مكان شنطه الاسعافات الاوليه
كان امجد ينزف ويتألم بشده ، فأشار لادهم عن مكان شنطه الاسعافات
وبسرعه شديده ... قام ادهم بعمل كافه الاسعافات الطبيه له ، فقد كانت طلقه ادهم مصوبه بعنايه فائقه ، بحيث تحدث جرحا طفيفا في عضله الفخذ ، دون ان تسبب اي ضرر عميق لامجد !!!
وقبل ان ينتهي ادهم من اسعاف امجد ، كان الاخير على وشك ان يفقد وعيه ، حيث قال ادهم : ارجوك سامحني يا دكتور امجد ، بكره هتعرف اني انقذت حياتك للمره التانيه !!!
ثم استطرد وهو يناول امجد هاتفه : ياريت تتصل بأي حد ينقلك على المستشفى
بالفعل اتصل امجد بإنجي عدة مرات ، الا انها لم ترد ، فقال بلهجه مستعطفه : يا ريت تتم جميلك وتتصل من تليفونك بالدكتوره انجي
لانها متخانقه معايا ، ومش هاترد عليا ، وهي دي الشخص الوحيد اللي اثق انه هيعرف يتصرف
نظر اليه ادهم وهو يبتسم ابتسامه ساخره : كل اللفه الطويله دي
عشان توصل لرقمي !!!
عموما انا هاتصرف ما تقلقش
وهاخليها تجيلك فورا
ثم وضع هاتف امجد في جيبه وودعه ببرود قاتل وهو يقول : الف سلامه عليك يا بطل
ما تقلقش ...
كلها اربع ايام بالكتير
وهترجع تقف تاني على رجليك
قال ادهم عبارته ، وهو ينصرف بهدوء من منزل امجد ، تاركا امجد يتألم بشده ، ليس فقط بسبب جرح تلك الرصاصه في فخده
ولكن لجرح اعمق تركه ادهم في كبريائه ، فقد انتهت الجوله الاولى بهزيمه ساحقه لامجد !!!
---------------------ء
مرت قرابه الساعه حتى وصلت انجي وبصحبتها سياره اسعاف الى منزل امجد
وتم نقله الى مستشفاه الخاص ، حيث تلقى كل الاسعافات اللازمه وقد باتت انجي بصحبته حتى استفاق في الصباح ، حيث دار بينهما هذا الحوار ....
انجي مهلله : حمدالله على سلامتك يا دكتور
امجد وهو يحاول النهوض : الله يسلمك
وشكرا على تعبك معايا يا انجي
انتي عرفتي ازاي اني اتصبت !!!
ردت انجي : اللي سرق تليفونك بعتلي رساله انه ضربك بالنار في البيت
فجريت جبت الاسعاف ونقلناك هنا
والحمد لله طلعت اصابه سطحيه
وكلها اربع ايام وهترجع تمشي تاني
وتمارس شغلك زي الاول !!!
قاطعها امجد : هاتي اللاب بتاعك حالا واعملي بحث على موقع تليفوني ، انا لازم اجيب الحيوان ده من قفاه !!!
وبالفعل نفذت انجي المطلوب ، وعثرت على موقع الهاتف ، وقد كان الموقع يشير الى احد البيوت القديمه في حي السيده زينب
وما ان اخبرت امجد بموقع هاتفه ، حتى اصابته حاله من الاندهاش الشديد
فقد كان ذلك الموقع يشير الى نفس المنزل الذي كان يعيش فيه امجد مع جدته ، بعد وفاة امه !!!
كان امجد قد استعاد كامل صفاء ذهنه ، فطلب من انجي ان تتصل بسعيد صديقه ، وتطلب منه ان يذهب لمنزله القديم ، وان يبحث عن هاتفه تحت نفس البلاطه التي كان امجد قد عثر فيها على مظروف النقود !!!
وبالفعل قامت انجي بتنفيذ طلب امجد ، واتصلت بسعيد ، الذي اشتعل غضبا بعد ما علم بما جرى لصديق عمره ، وتوعد بقطع رقبه ذلك اللص جزاء لما فعل
انهت انجي المكالمه ثم بادرت بسؤال امجد عن سر ذلك المظروف !!!
وكعادته دائما ، رد امجد بكل وقاحه : وانتي مالك يا حشريه
كام مره اقولك ما تسأليش عن اي حاجه ما تخصكيش ؟؟؟؟
وبالرغم من اعتياد انجي على وقاحه امجد ، الا انها اندهشت بشده ... وقد لمع في عقلها سوال واحد ... كيف لذلك المخلوق ان يكون بتلك القسوه والوقاحه ... ولم تمر بضع ساعات على انقاذها لحياته !!!
فردت بكل غضب وهي تكتم دموعها : هو انت ايه يا بني ادم
معندكش ذره احساس
بقا بعد كل اللي عملته عشانك
لسه فيك كل العنطزه والغرور والقسوه دي !!!
انا اصلا مش طايقه ابص في وشك
واتحرق بقا لوحدك
ولاول مره يشعر امجد بمدى حقاره تصرفاته مع انجي ، فاعتدل رغم الالم وامسك يدها ، ثم قبلها قبله حانيه ، وهو يقول : انا اسف
حقك عليا يا انجي
انتي معاكي حق
انا فعلا معنديش احساس ،
بس انا مش انسان قذر
ذي ما كتبتي لي في رسالتك !!!
كانت قبله امجد كافيه لتعديل مزاج انجي ، وقد تمنت ان تعقبها العديد من القبلات ، الا ان ذلك لم يحدث !!!
فقالت بصوت ناعم : انا شكلي بحلم !!! صح ؟
رد امجد بسخافته المعتاده : اعتبريه حلم وانسيه
دي بوسه براضيكي بيها مش اكتر
وبلاش خيالك الواسع يوهمك بحاجه اكبر من كده
ظهر الاحباط واضحا على ملامح انجي ، الا ان امجد انتشلها من ذلك الاحباط قائلا : انا هاحكيلك قصة ظرف الفلوس ده
اللي كان جواه( ٧٥٣٠ جنيه ) بالظبط !!!
بس قبل ما احكي لك الموضوع ده ،
عاوزك تنزلي جناج "مستر عماد" بنفسك
وتدخلي الحمام بتاع الجناح
هتلاقي ساعته ملفوفه بكيس بلاستك تحت الحوض
طلعيها ، ورجعيها للراجل اللي انتوا ظلمتوه ده
وبعدها اطلعي مكتبي هتلاقي شيك متقطع
حاولي تجمعيه
وتعالي بعد كده افهمك كل حاجه
اندهشت انجي من طلبات امجد ، لكن فضولها القاتل دفعها لان تنفذ كل ما طلبه منها
وبالفعل وجدت انجي ساعة "مستر عماد" التي كان امجد قد عرف ان الممرضه المحتاله اخفتها قبل ان تفتعل قصه الت....حرش ، وذلك عندما قرأ افكارها وهي بمكتبه !!!
والتي كانت تلك الممرضه تنوي ان تاخذها بعد ان تهدأ الاوضاع ، وتوهم الجميع بأنها كانت ضحيه لذلك الذئب المت...حرش ، وانه اختلق قصه سرقة ساعته للتمويه على فعلته الحقيره !!!
-----------------------ء
مرت الدقائق سريعه ، حتى عادت انجي بعد ان وجدت ساعه "مستر عماد" واعادتها اليه
وكان ومعها بقايا ذلك الشيك ذو المبلغ الضخم وهو يحمل توقيع مدام شروق !!!
وما ان دخلت إنجي على امجد حتى قامت برد القبله الى يد امجد وقالت بصوت حنون : انا شكلي ظلمتك يا امجد
فبادرها امجد بصوت صارم : اسمي دكتور امجد !!!
واخر مره اسمعك بتقولي امجد حاف كده
لم تكترث إنجي بسخافات امجد المعتاده ، وقاطعته بصوت حنون : حاااااضر يا دكتور
ممكن تفهمني بقا عرفت ازاي ان الممرضه بتكدب
وايه قصه الزفته اللي اسمها شروق دي
وليه قلعت هدومها في مكتبك !!!
اضطر امجد لاختلاق كذبه تبرر معرفته بإفك الممرضه ، فاخبر إنجي انه وضع كاميرات مراقبه خفيه في جناح مستر عماد ، تحسبا لسمعته السيئه في التعامل مع السيدات !!!
واختلق كذبه اخرى لتبرير علمه بعلاقه شروق الاثمه مع اخو زوجها عن طريق قراءه افكارها
واوهمها بأن تحاليل ال DNA اثبتت ان هيثم ليس ابنا شرعيا لزوجها عصام بيه !!! ، دون ان يخبرها بماهيه الاب الحقيقي
فإنجي طبيبه متميزه ، وتعلم تماما ان تحاليل النسب لن تثبت عدم البنوه ، اذا ما كان الشك بين الاخوه ، ايا منهما كان الاب الحقيقي !!!
وعلل الشيك ومن بعده تعري شروق في مكتبه ، كنوع من الرشوه ، مقابل كتمانه لسرها ، وانه رفض تلك الرشوه بدليل انه خرج من مكتبه وتركها عاريه !!!
وقد مكن ذكاء امجد الحاد من اقناع إنجي ببراءة موقفه ، ونجح في كسب ولاءها له مره اخرى
فقد كان يعلم تماما انه بحاجه لحشد كل معاونيه واولهم انجي ... اذا ما اراد ان يسحق ذلك المستبصر ... المدعو ... ادهم
وكان قد بدأ في رسم خطه جهنميه للقضاء على ادهم ... وقد علم اهم نقاط ضعف ادهم
فقد علم امجد ... ان نقطه ضعف ادهم الوحيده ... تتلخص في ثلاثه احرف فقط ... ( ريم )
او كما كان يعرفها الجميع ... بإبنه ناصر الحديدي !!!
[ الفتاه التي على الجزء الايسر من الغلاف ]
( انتهت الحلقه الخامسه )
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺