جميع الروايات كامله

 سكريبت الامومة بقلم_ختام_ حصريه وجديده وكامله جميع الفصول على مدونة النجم المتوهج 

سكريبت الامومة بقلم_ختام_ حصريه وجديده وكامله جميع الفصول على مدونة النجم المتوهج 

لما بتكوني محرومة تكوني أم وهالخيار صعب لحتى تستمري بزواجك لو كنت أنت السبب فهل زوجك حيتحمل الوضع ويبقى معك كل العمر ؟ ومايفكر بالزواج من وحدة تانية لحتى يشوف نفسه أب ؟

ولما بكون بالعكس هل أنت مجبورة تصبري وتكملي زواجك لأن هاد قسمتك ونصيبك و رح يكون بحقله للرجل ما لايحق للمرأة 

بطلتنا عم تعيش صراع الأمومة وزوج بتحبه ياترى لما تخبره أنها مابقى بدها تتعالج لتجيب الولد رح يبقى معها للآخر ؟ ورح يقبل بهالوضع ولا ضغط أهله رح يخليه يفكر بالزواج مرة تانية ؟

قصة اجتماعية قصيرة رح تحمل فكرة أمومة وشو ممكن الإنسان يعمل إذا وقع بين خيارين أصعب من بعض 

#قصة اجتماعية فكرتها مو جديدة يمكن بس اجت من بعد ما صادفت صبايا قصصهم تحكي عن الفكرة نفسها الأمومة  

ولما الشب بكون قادر يتزوج ليصير أب مرة وتنين وثلاثة وأربعة والمرأة شو؟ تابعوا القصة 

الأمومة

ختام_م

الجزء_الأول 

الأمومة شعور حلو بتحسه كل أم 

لما بتلمس ايدين ابنها بعد وج*ع وأل*م تحملته من أول حملها للحظة الولادة لتنسى الآ*لام يلي خاضتها مجرد ماتلمحه

_ لمحته من بعيد التقت عيوني بعيونه كان كبران ومتغير الشيب كاسي شعره كله وحتى جسمه هزيل وكأنه تعبان وحامم هموم الدنيا كلها لمحني بنفس اللحظة ، تلبكت كان نظراته الي بتحمل مية حكاية وحكاية ونظرتي اله بتحكي ألف خيبة ، أوقات العيون بتسبق الكلام والنظرات بتحكي أكثر من الشفايف انمدت ايد بإيده كانت مرته جنبه ومعها ابنها و بهاللحظة رجعت لسنين ورا ولكلمات تردد بإذني والدكتورة عم بتقول

"بعتذر منك مافي أمل "

:دكتورة شو بتقصدي 

: آنسة سماح أنا قلتلك أكثر من مرة وعدت تحاليل إلك ولجوزك على أمل يكون في غلط ، بكفي تعبتي جسمك بالعلاج بدون سبب

:يعني خلص مافي أمل!! 

_كان كلامها متل ط*عنة س*كين نطقت بصعوبة 

سماح :إلا يكون في حل

الدكتورة : في 

:شو هو 

الدكتورة: الإنفصال وكل واحد يعيش حياته مثل ماكتبله ربه

_طلعت من عندها مك*سورة الخاطر وأحلامي مق*تولة يصير عندي طفل أنا ووسام صعب صعب كتير ومستحيل كمان كنت عم إمشي بلا هدى وكلام الدكتورة عم يتردد بإذني لزمور سيارة رجعني لإصحى كادت أنه تض*ربني 

شوفير السيارة بعصبية: جدبة أنت حدا بيمشي هيك

_ ماقدرت انطق تركته وبعدت وقفت تكسي وتوجهت لعند أمي كانت هي ملاذي ويلي بروح لعندها بأفضل و أسوء حالاتي

فتحتلي الباب ورميت حالي بحضنها وأنا عم أبكي 

أم سماح بخوف: شبك حبيبتي شو صايرلك 

سماح عم تبكي وهي منهارة : خلص مافي أمل 

_ دخلنا لجوا وصارت تطبطب عليي وهي عم بتقول 

: الله قادر على كلشي 

: أمي أنا بحب كون أم ، بحب شيل ولادي ،معقول هالشي مستحيل 

: عند ربنا لأ، صرنا ب ٢٠٢٤ إلا يلتقى حل 

_ سكتت وقلت بغصة 

: الإنفصال

: مافهمت 

: الدكتورة عطتني هالحل وبخاف كون عم اظ*لم وسام مابعرف اتركه ولا تم معه 

: لازم تحكي الحقيقة 

_سكتت للحظات وطلعت عليها 

: لقيت الحل لحتى محد فينا ينظ*لم

: كيف 

_ حكيت معها بسرعةورجعت على البيت خبيت كل الأوراق يلي معي لأني مليت من قصة العلاجات ولازم وقف هالشي 

_رحت لبست وزبطت حالي واستنيت جية وسام على البيت كنت حاسة حالي متل يلي عم يستنى ينحط على حبل المش*نقة والانتظار أصعب شي ..وصل وسام وسمعت صوت مفاتيحه على الباب بلعت ريقي بصعوبة رسمت ابتسامة مصطنعة على وجهي وطلعت لاستقبله    

سماح:أهلا حبيبي جيت 

وسام: شو حياتي قلقتيني ماخبرتيني اليوم وجوالك كان مغلق  

: فضي شحنه ، ولسا مافتحته

_ قعد وسام على الكنباية وقلي

:رحتي على الدكتورة ماهيك 

_ توترت قعدت جنبه وصرت أفرك ايديي ببعضهم مو عرفانة كيف رح أنطق مسك إيديي وشدهم وطلعت فيه ، كان صعب عليي احكي وانا عم طلع بعيونه بلشت عيوني تدمع لحد مانزلت غ*صب عني دمعه رفع ايده ومسحها وقلي

: شوفي ، ليش عم تبكي 

_ غ*صيت ونطقت بصعوبة 

: مافي أمل نهائي

جاوب بثقة : ما حنرد على أول دكتورة منستشير أكثر من طبيب

: رحت بعدا على تنين وكانت نفس الإجابة ولا تنسى صرلنا سنين عم نحاول مو شي جديد ومو أول دكتورة بوقف عندها انا

: يعني 

_ غمضت عيوني ونطقت غ*صبا عني .

: أنا مابقدر جيب ولاد 

_ شدني لحضنه وضمني وصرت ابكي 

: لا تخافي منحاول نعمل طفل أنبوب 

_ بعدت عنه وأنا عم قله 

: لأ مابدي إتأمل بشي على الأقل هالفترة اتركني مابدي كون على أعصابي 

: بس

: أنت مستعد تبقى معي كل العمر بدون أولاد ،

_ سكت ومانطق ، ابتسمت وأنا عم حاول أقنعه

: ممكن نجيب طفل من الميتم ونربيه يمكن يعوضناعن طفلنا 

_ تلبك وترك ايديي وقال 

: رح نترك هالموضوع لبعدين حطيلي أكل 

:طيب

_ قمت من مكاني وشفته عم يتصل وقفت ورا الباب لاسمع 

: كيفك دكتورة معك وسام زوج سماح .....

الدكتورة : أهلا أستاذ وسام 

:. يلي قالته سماح مزبوط أنه مافي أمل نهائي ولا أي حل ....  

: للأسف ، حاولت دور على حلول الكم بس هيك الله كاتب   

: طيب بس

: بعتذر منك أستاذ عندي حاليا حالة ولادة ومضطرة أدخل على غرفة العمليات 

: طيب دكتورة 

_ سكر التلفون لقيته مسك مفاتيح سيارته وطلع برا البيت 

كنت بعرف بده يروح لعند أمه متل مارحت لعند أمي قعدت على الأرض وصرت ابكي معقول نفترق ، شو هالامتحان ياربي ، 

تأخر وسام تسطحت ونمت وفقت الصبح لقيته عم يلبس ثيابه 

: شو ايمت رجعت مبارح

: متأخر شوي .، وعندي اجتماع ضروري اليوم لازمك شي 

:سلامتك مابدك تفطر .

: بفطر بالشغل

_ قرب باسني على راسي وطلع ، هدوءه مابطمن ، وماعرفت شو بده يقرر معقول يستفسر أكثر من يلي حكيتله ياه أنا ؟؟

على الساعة ١٠ اندق الباب كنت لسا متسطحة قمت لافتح لقيت حماتي على الباب

: أهلين مرتعمي تفضلي 

: تسلمي 

_قعدت على الكنباية 

: بما أنه لسا ماشربت القهورة مع وسام رح اعمل ونشربها سوا 

: طيب عم استناكي تعمليها لنشربا 

: يلا

_ حطيت المي على النار وجهزت الصينية بين ماتغلي كنت كل شوي اعمل نظرة عليها ماتحركت من محلها ، أكيد بدا تفتحلي موضوع الخلفة ووسام غليت القهوة حطيت فنجان قدامها وفنجان قدامي وقعدنا 

_ كنت عم راقبها وهي عم بتشف من الفنجان رجعته على التبسة واطلعت فيي

: أنا جاييتك بموضوع وأنت بتعرفي شو هو 

_كنت بدي شف شفة رجفوا إيديي وانكب شوي قهوة 

: عفوا

_ أخدت منديل مسحتها واطلعت عليها وبلشت تحكي

أم وسام :بعرفك ملبكة الموضوع مو سهل مبارح كان وسام منهار وطلب آخد الأوراق والتحاليل للدكاترة لنشوف الوضع 

: مرتعمه انا استشرت ٣ دكاترة كلهم نفس الكلام مافي أمل 

: ومنستشير رابع 

_أخدت نفس عميق وغمضت عيوني لآخد دافع انطق وبدون تردد قلت: إن كان من شاني فأنا ماعاد بدي مابدي أتامل بقشة ولا عاد بدي فكر بالموضوع

زورتني وقالت: بس من حقه وسام يكون أب 

: وأنا من حقي كون أم ، بس خلص الله هيك كتب 

عصبت وحطت فنجان القهوة على الطاولة وقالت: كتب إلك مو لإبني 

سماح بثبات : كتبلنا سوا وأنا رضيانة

هدت حالها شوي : بس أنا لأ، مارح إقبل 

سماح بتردد: طيب لو كان وسام هو صاحب المشكلة شو كان ردك !

: لوين حابة توصلي 

: رح تقوليلي هاد حقك كمان ولا رح تقولي اتحملي يا بنتي هيك الله راد 

_ كنت مستنية ردها ، بس هي قررت ماتجاوبني كملت كلام

: انا قلت لوسام منتبنى طفل 

جاوبتني بع*صبية: تتبنوا طفل وابني قادر يجيب ولد ، ليكي سماح أنا بحبك وبعزك مثل بنتي بس أكيد بحب شوف أحفادي من ابني 

كنت بدي استعطفها : لو بنتك مروى كنت قلت نفس الكلام 

: إيه أكيد، الشب بحلقه يشوف ولاده ويتزوج مو بس تنتين ٤ ، وإذا باقية على كلامك هاد وماحابة نشفلك علاج بكفي يلي اتحملنا لهلأ متزوجة من ٣ سنين ومابقى تعرفي تجيبيله ولد 

_ قه*رني كلاما حسيت حالي بدي ابكي حبستا ونطقت 

: ووسام موافقك على هالرأي 

: حتى لو ماوافق هلأ بكرا رح يوافق غصب عنه ، عطيني الأوراق لنكمل علاج بركي منلاقيلك حل 

حكيت بغصة

: من ناحيتي خلصت والأوراق كبيتها وماعاد بدي اعمل أي تحاليل أو أي علاج جديد

أم وسام بجدية : هاد آخر حكي عندك 

أخدت نفس قوي ونطقت : إيه

_ وقفت وقالت : عن إذنك 

_ مشيت بعيد وطلعت لوحدها وسكرت الباب وأنا تميت جامدة بمكاني جسمي عم يهتز من القهر والعص*بية ياترى يلي عم أعمله صح؟

اجا وسام المسا وهو عم ياكل فتح موضوع أمه 

: امي اجت اليوم 

: إيه 

_ كنت عم جاوب بدون ماطلع عليه لان ماكنت قادرة 

: شوصار اتفقتوا تشوفوا دكتور تاني ماهيك

_ رفعت عيوني عليه كان ناطر جوابي 

: أنا مابقى شوف دكاترة تعبت هالسنين كلها واذا كنت ناوي تسمع كلمةأمك وتتزوج وحدة تانية ياريت تخبرني على بكير 

_ غ*صيت عند آخر كم كلمة ترك الملعقة وضمني وأناصرت ابكي 

: مجنونة انت أنا بحبك مستحيل أتزوج حدا تاني 

_ رفعت وجهي لعنده 

: أكيد 

: شو مفكرة لكن ، لو كنت أنا صاحب المشكلة كنت تركتيني 

 _تلبكت وهزيت راسي بالنفي 

: شفتي ، وإذا عم يدايقك للموضوع رح نلغيه هالفترة 

: مو بس هالفترة على طول إلا إذا حابب تجرحني 

: طيب ، ولا يهمك خلص لفي السيرة 

_ مضيت الأيام عادي روتينيه خففت زيارات لعند حماتي حملت بنت حمايي وماسمعت منهم كانوا خايفين صي*بها بالعين دريت من الجيران إنها بشهرها الخامس ، بلشت حس بحسام عم يرجع يحن لفكرة العلاج وأنا كنت صده بأي طريقة ، وتمينا على هالحالة سنة وبلشت اطلب منه نتبنى طفل بالبداية عارض بس فجأة اجا ومغير رأيه 

: سماح 

: اي

: شو رأيك من بكرا نجهز وراقنا ونشوف شو مطلوب منا لنتبنى ولد 

#الامومة

#ختام_م

#الجزء_الثاني_والاخير

: سماح 

: اي

: شو رأيك من بكرا نجهز  وراقنا ونشوف شو مطلوب منا لنتبنى ولد 

_ ماكنت مصدقة ، ابتسمت 

: عنجد، يعني خلص رضيت

: أنا بحب شوفك  فرحانة وإذا هالشي بيسعدك رح أعمله 

: بس هالشي رح يسعدنا تنيناتنا  ماهيك يعني رح يكون عنا طفل يملي وقتنا 

: أكيد 

_ بلشنا نشتغل بأوراقنا  وسمعت أنه ولدت أخته مروى أخدني لنروح نباركلها العيلة كلها كانت مجتمعة   قرب وسام وشال ابنها وصار يصلي على النبي  

: شوفي يا سماح ما أحلاه 

: ماشاء الله حلو لخاله 

_ طلعنا ببعض وضحكنا 

: امسكي شيليه

نطقت مروى: ان شاء الله منشوفك حامل ابنك عن قريب

_ لما سمعت هالكلمة اطلعت عليه وانمسحت ضحكتي من وجهي  ومن شان  يلف الموضوع قلي 

: خدي الولد شبك 

_ جيت لأحمله مسكته حماتي من إيدي وشدته وهي عم تقول 

: بلا ما ينصاب الولد بالعين هلأ هو وأمه 

_ كلماتها كانت جارحة إلي اطلعت على وسام  بعيون قهر وركضت لبرا ، صرت اسمع صواتهم جوا عم  يبهدل وسام بس مانطرته أخدت سيارة تكسي ورحت على أمي  دقيت الباب ماكانت بالبيت فتحت الجارة 

: شو بنتي أنت هون، امك راحت على خالتك 

: اندرت عليها وانا عم قلها 

: طيب

_ مسكتني من ايدي 

:  شوفيكي ادخلي 

: لا خالة بدي روح 

: مابخليكي تروحي بهالحالة مستحيل 

_ دخلت قعدت جوا معها وأنا كنت منهارة بعد شوي منسمع باب اهلي عم يندق  اطلعت الجارة من العين السحرية 

: مو جوزك هاد 

_ اطلعت وكان وسام عم يدق على الباب 

: ايه ، بس مابدي شوفه 

: اتخبي لرد عليه انا 

_ فتحت الباب 

: خير ابني 

: مرتعمي موهون 

: لأ 

: ومافي حدا جوا 

: لأ 

:معلش بس سؤال 

: اتفضل 

: مرتي اجت لهون ماهيك 

: اي ودقت الباب  بس مادخلت لجوا لأن أمها مو هون  

: طيب 

_ طلع وسكرت الباب 

 واطلعت عليي 

: احكيلي شو صار

_ قعدت حكيتلها من البداية لحتى آخر لحظة جيتي لهون 

: الغلط منك ، وامك حكتلي من قبل

: مابعرف ، بجوز 

_تلفوني ماهدي من اتصال وسام  وحتى أمي صارت تتصل شكلها دريت من وسام حكيتها وخبرتا اني عند الجارة   وبعد شوي اجاني رقم مروة عصبت كتير 

: وإلها عين تتصل 

الجارة : ردي بركي صار لوسام شي

_من خوفي رديت 

: ألو 

: شو  حبيبتي جننتي وسام ، وصار يطلع علينا بالعالي 

: أنت شو بدك مني ، آه خلونا نعيش أنا ووسام مرتاحين 

: لأ حبيبتي ماحزرتي ما منرتاح لنشوف ابن وسام قريبا ولعلمك وسام اتزوج من فترة من وحدة عندا ولد يعني مأمنين أنه بتجيب ولاد مو متلك

_ اطلعت على الجارة وأنا مصدومة 

الجارة:شو بنتي

_ وقفت بمكاني وصرخت عليها

: كذابة ، أنت عم تكذبي وسام مابيعملها 

: عملها ومشي الحال وليكفّر عن ذنبه كان ناوي يتبنى ولد من شانك 

_ كنت بحالة انكار صرت هز براسي  بالنفي وأنا عم قول : مابصدق 

 : صدقي ورح ابعتلك عنوان بيته كمان 

_ سكرت التلفون بوجهي 

الجارة:شوفي يابنتي 

_ وقعت على الأرض ماعاد رجليي حملوني جابتلي كاسة مي وصارت تغسلي وجهي 

: شوبنتي 

_طلعت عليها و أنا عم ارجف وقول

: عم تقلي اتجوز ، اتجوز عليي وحدة تانية 

_صرت حوص بمكاني وابكي  وهي تكبلي المي 

: قومي اتجلسي بنتي 

_ مسكت الجوال بدي خبره لإتاكد ماكنت مصدقة لقيتها باعتلي العنوان مسج 

_قمت وقفت  وأخدت شنتتي 

: لوين، جاية أمك

: بدي شوف بعيني لأن مارح صدق إلا إذا شفت 

: رح اجي معك 

: لأ بروح لحالي وإذا اجت أمي خليها تستناني رح ارجع 

: طيب يابنتي الله يكون معك 

_رجع تلفوني يرن وكان وسام كنت متوترة لدرجة جسمي عم يرجف  وايديي حاسستهم مربطين طلعت بتكسي ، رحت بالأول على بيتي جبت غرض ضروري  وتوجهت  على العنوان المذكور قلت بدي انهي المسرحية  إن كان متزوج أو لأ  في شي جواتي عم بقلي وسام بحبني ومستحيل يتزوج  وقفت قدام البناية يلي مذكور فيها العنوان  سألت  صاحب الدكان يلي جنب البناية 

: في بيت قريب من هون لوسام السيد 

: اي بنتي الطابق الثالث 

_ رجف جسمي  حاولت ما ابكي لازم كون قوية دخلت البناية وبلشت اطلع على الدرج درجة درجة كنت عم حس اني عم اطلع على جبل رجليي  مو غضرانين يحملوني كنت عم استند على حرف الدرج لاقدر كمل مابعرف كيف قدرت وصل ووقف قدام الباب مديت ايدي لدق ماكانت قادرة توصل للباب مع هيك خبطت عليه بقوة  سمعت صوت صبية جاية من ورا الباب

:مين 

_حاولت انطق بس الكلام ماكان طالع معي فتحت طرف الباب وطلعت عليي 

: خير اختي مين بدك 

_اجا صوت من ورايي حدا عم بنادي 

: سماح 

:لفيت كان وسام وقعت وغبت عن الوعي بلحظتها دخلني لجوا وفقت وهو عم يبخ وجهي بالمي كان خايف عليي فتحت عيوني وأنا مو عارفة بالأول وين أنا، لمحت وسام وبلا وعي نطقت اسمه

: وسام ؟!

_ نهضت حالي وتجلست لقيت الصبية واقفة ورا وسام  واتزكرت شو عم اعمل هون 

وسام: حبيبتي انت منيحة 

صرت انقل نظري بيناتهم  طلعت عليه بقلب مكسور وعيون عم بدمع 

: الحكي صح تزوجت عليي

:خليني فهمك بس

: على أساس ما بتتزوج لو شو ماصار 

نطقت مرته وقالت

: كله بالحلال

وسام: أنت يلي رفضتي نرجع نحاول 

حكيت بغصة : بس أنت سألتني لو كنت أنتَ ما بتجيب رح تتركيني و أنا جاوبت لأ ، وقلتلي أنا مابتجوز عليكي

: صح بس كان لازم نخلي أمل ونحاول أنت سكرتيها من كل الجهات 

_هون شديت ايديي منه وتجلست مزبوط وضحكت بقهر

: ليش لنحاول وبعدين كم سنة حنبقى على الحالة و أمك لايمت رح تتحمل كم سنة التانية ورح نرجع نوصل لهون 

: لا كان ممكن تتعالجي أنا بدي ولد مني شيله ويكون حامل دمي 

_وماقدرت إلا أضحك بصوت عالي وقلتله

: و أنا بدي ولد مني وشيله ويكون من دمي وحرمت حالي عشانك 

 سكت لثواني وعقد حواجبه وقال : كيف؟

 أخدت نفس قوي ونطقت : أنا ما فيي شي 

_ملامحه تغيرت وكان باين مصدوم

: مافهمت عيدي

سماح وقفت بمكاني  وطلعت الورق يلي خبيته عنه ورميتله ياه

: روح شوف وراجع كل الأطباء انا مافيي شي المشكلة منك أنت مابتقدر تخلف 

_وقف  وهو مصدوم ومسكني من ايديي وصار يهزني 

: لاتكذبي 

_ صرت اضحك أكثر 

: بتعرف شو حابة هاللحظة شوف وجه امك وهي عم تسمع بهالخبر 

عصب وصرخ:كذابة كنت حكيتي من الأول  لحتى ما أتزوج عليكي 

_صفنت بعيونه وقلتله

: لأ، الدكتورة شافت لهفتي للأطفال قالتلي بحقلك تتركيه وتتزوجي رح تجيبي ولاد بس أنا ماحبيت اظلمك خليت هالشي بين ايديك أنت  بتتحملني بلا خلفة بتحملك ما بتتحملني  مابقدر تم معك

_ رفع ايده وضربني كف 

: مابصدقك 

حطيت ايدي على خدي مصدومة منه بكيت بلحظتها حسيت انكسر كلشي بيني وبينه  اطلعت عليه وقلتله : راجع الوراق كلها  وياريت بأقرب فرصة تطلقني بلا محاكم 

_  مسكت شنتايتي وجيت لامشي  لقيت مرته بوجهي 

_اندرت لعنده وانا عم قول 

: على الأقل يلي أخدتها عندها ولد فهي مو مضطرة تتحمل عطش الأمومة يلي تحملته أنا 

_ كانت مرته مصدومة ومانطقت ولا بحرف كملت طريقي طلعت بالتكسي وكل الوقت عم اضحك بس الضحك كان كله قهر عم اضحك على خيبتي   دقيت على امي الباب وفتحتلي وهي خايفة عليي 

: شو صار قلقت عليكي اجيت مالقيتك

: صار الصح حتى ما يأنبني ضميري ، سكتت وضحكت بصوت عالي

ماما: شبك بنتي 

: كان جاية على بالي شوف وجه حماتي ومروى بعد مايعرفوا بالخبر

أمي بحزن : بس خسرتي رجال بحبك كان الأفضل تحكي الحقيقة 

: وشعور الأمومة عندي ينطفي وهاد حقي ، على الأقل هيك مابحس إني ظلمته كنت مستعدة ابقى معه كل العمر ،

سكت بغصة ورجعت قلت 

: كل العمر 

_ حاول وسام بالفترة يلي بعدها يرجعني بس محاولاته كلها فشلت  خلعته  .. وتميت فترة عم عالج جروحي لحتى اجا شخص كان بالنسبه الي العوض كان ارمل وعنده طفله وأنا رضيت كون أم لهالطفلة وبعد فترة حملت أنا كمان وجبت توأم صبيان  لما حملتهم بين ايديي غمرني شعور حلو كتير قطعة مني أنا  بيمشي فيهم دمي أنا هنن ولادي أنا و لهيك قررت اتفرغ للأولاد الثلاثة 

_ كنا بمركز الألعاب وأنا عم امشي شفته  والتقت عيوني بعيونه وقف مصدوم  وأنا تماسكت حاولت مابين قدامه شي  وقفت جنبه مرته نفسها ومعها ابنها كمشت ايدها ايده  وهي عم تقله 

: شو نمشي 

_لف وجهه لعندها وقلها اسبقيني رح جيب كم غرض 

_ تركت ايده وكملت مشي وهو بلش يمشي بخطواته لعندي خفت يشوفه زوجي  فجأة  بيركضوا ولادي وهنن عم بنادوا.

: لقينا ماما 

_ التفتت لعندهم وشلت واحد منهم  وأنا عم اضحك 

: خوفتوني ليش هيك جيتوني فجأة 

 _ وقف زوجي جنبي شال الولد التاني ومسكت البنوتة الأكبر من ايدها وقالت 

: ماما قولي للبابا ياخدنا ناكل بيتزا 

: لازم شو رأيك 

: ناويين تخلصولي الراتب كله اليوم يلا مشوا بعين الله

_ كان واقف وعم براقبنا  مشينا ومرقت من حده من دون ما اطلع عليه ، وكنت حاسة أنه عم يطلع فيي لحتى بعدت عن عيونه ،خلص صار مجرد ماضي أنا كملت حياتي مثل ما كمل حياته  ومثل ما هو اختار وهيك ربنا راد  وحققلي أمنيتي إني كون أم  

                             انتهت

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعديل المقال