رواية بنت البائعه الحلقه السادسه والسابعه والثامنه والتاسعه والعاشره بقلم شيماء منير حصريه وجديده على مدونة النجم المتوهج
 |
دخلت القاعه خطوات بطئه متوتره
كان في ناس كتير
ايلاف دورت على سما بعينها وجدتها تقف جمب رائد ومعهم ناس كانت سما ترتدي فستان من اللون السيلفر طويل من وراه قصير من قدام وسايبه شعرها وحطه تاج بسيط على شعرها وميكب اب خفيف
ابتسمت إيلاف على جمالها
وهي تقف بجانب رائد الذي يضع يديه حول وسطه ويضمها ليه فهم حب منذ الطفوله كما حكت لها سما
انهى مكالمه في هاتفه
رفع عينه ونظر في اتجاه الباب واخفضها
ولكن رجع ورفعها تاني بسرعه وهو يجدها تقف واخته ترحب بها
ابتسم بتلقائيه
سما:وليه تاعبه نفسك يا قلبي
إيلاف:ولاتعب ولا حاجه دي حاجه بسيطه
سما:متحرمش منك ابدا يا إيلاف انا مبسوطه اوي انك جيتي
إيلاف بابتسامه:عشان بس متزعليش
سما:تعالي بقا اعرفك على تيتا
سما ومسكت إيلاف من ايدها ورواحو عند التربيزه اللي قاعده عليها زهيره
سما :تيتا اعرفك إيلاف صاحبتي اللي كلمتك عنها
زهيره بابتسامه اهلا يابنتي
اقتربت منها إيلاف ووضع قبله على يديها اهلا ياتيتا
ابتسمت لها زهيره وربتت على كتفها اهلابيكي ياحبيبتي اقعدي
إيلاف قعدت امامها
زهيره:انتي زميلة سما في الكليه؟
ايلاف بابتسامه:اه
اقترب البنات من سما يلا عشان نرقص بقا
سما وراحت معاهم
اقترب منهم
جاء من خلف جدته وهو عيون مثبته علي إيلاف
وضع قبله خفيفه على رأس جدته وهو يضع يديه على كتفها
ابتسمت زهيره وهي تربت على يديه المثبته على كتفها ربنا يبارك فيك ياحبيبي
ايلاف اول ماشافته اتوترت وشها بقا ميت لون وبصت في الارض
ادهم وجلس بجانب زهيره
ازيك ياإيلاف
إيلاف بخجل :كويسه الحمدلله
زهيره:قومي ياحبيبتي هيصي مع البنات لو عايزه
إيلاف:لا ياتيتا انا هقعد شويه وهمشي عشان متاخرش على ماما
تأملها وهي تحول نظرها في المكان وهي تتحاشى النظر اليه
ابتسم بخفه عليها هو يعشق خجلها هذا
اقتربت هند منهم
وجلست بجانب زهيره كانت ترتدي فستان من اللون الموف الغامق كب لحد فوق الركبه
انا زعلانه ياتيتا
زهيره:ليه بس؟
هند:عشان القاعه دي اكبر من القاعه االي كان معمول فيها عيد ميلادي
نظر ادهم لزهيره بتأفف
زهيره:عيد ميلادك اللي جاي ابقى اعملي فيها
هند :طيب ثم نظرت لإيلاف مش انتي السكرتيره؟؟ صاحبة سما؟؟
إيلاف وهي تشير برأسها اممم
ثم مالت على اذن زهيره وهي تنظر ل ايلاف نظره مشمئزه من فوق لتحدت شوفتي بتصاحب ناس عامله ازاي حتى مش عارفه تختار صاحبها
زهيره بنظره حاده وصوت هامس عيب كده اسكتي
هند بملل:طيب
ايلاف لم تسمع شئ ولكن شعرت بالضيق من نظرات هند وهي تتحدث مع زهيره
هند ل ادهم ماتيجي نرقص
ادهم بابتسامه بارده مبرقص
هند بضيق وهي تقف ماشي
إيلاف وهي تقف طيب انا همشي ياتيتا بقا
ثم نظرت الى سما وهي منشغله مع رائد وناس تانيه ابقى سلميلي على سما عشان هي مشغوله
زهيره:انتي مستعجله ليه اقعدي شويه يابنتي
إيلاف بابتسامه:معلش عشان ماما تصبحي على خير
زهيره:وانتي من اهله
تحركت إيلاف بخطوات سريعه واتجهت الى خارج القاعه
كانت تشعر بالاختناق من نظرات هند لها وطريقة حديثه مع الجده هي لم تسمع شئ ولكن من الواضح ان الحديث كان يخصها
وقفت امام احد المرايات اللي الموجوده في الصاله الخارجيه للقاعه
ونظرت لتفسها
تجمعت الدموع في عيونها اغمضت عيونها وقالت من بين دموعها واضح ان انتي بس اللي بتشوفني قمر ياماما
فتحت عيونها ببطء وهي تنظر في المراءه وجدته يقف خلفها
ادرات وجهه بسرعه وهي تشعر بالخضه
ادهم:مالك؟
إيلاف وهي تمسح دموعها وبابتسامه مفيش دخل في عيني حاجه فكنت بشوفها في المرايه دي انا ماشيه
كادت ان تتحرك ولكن مسكها من ذراعها بهدوء في حد زعلك؟
ابتعدت عنه وهي تملص ذراعها من يديه ببطء لا مفيش حاجه
ادهم:طيب يلا عشان اوصلك
إيلاف وهي تتراجع للخلف انا هركب تاكسي
ادهم:مش هينفع الوقت اتاخر دلوقت يلا
تقدمها بخطوات اتبعته بخطوات بطيئه
اقترب من السياره وفتح الباب لها
إيلاف بابتسامه شكرا
ادهم وهو يغلق الباب العفو
ثم تحرك وجلس في مكان القياده
كانت تشعر بالخجل وهي تجلس بجانبه كانت تنظر امامها
كان هو بين الحين والاخر ينظر اليها
ادهم:عندك شغل بكره
آيلاف ايوه يوم الشغل بكره
ادهم:اما تبدئي امتحانات خودي اجازه عشان تعرفي تركزي
إيلاف :لا عادي انا مرتبه مذكرتي وهقدر اوصل عادي
ادهم:لا دراستك اهم
وصلوا الشارع اللي إيلاف ساكنه فيه
إيلاف :خلاص حضرتك هنزل هنا عشان الشارع ضيق من قدام والعربيه مش هتمشي فيه
ادهم وقف العربيه
إيلاف بابتسامه :تصبح على خير
ادهم :وانتي من اهله
نزلت إيلاف من السياره
وتقدمت بخطوات
ظل يراقبها حتى اختفت من أمامه
ادرالسياره مره اخرى
كاد ان يتحرك ولكن ...
اقتربت إيلاف من منزلها وجدت مجموعه من الاشخاص يقفون
اقتربت بخوف وجدت
والداتها ملقاه على الارض وبعض السيدات يحاولون افقتها
وبعض اثاث منزلهم ملقى بجانبها
إيلاف بصراخ ماماااا
اقتربت منها ببكاء ايه اللي حصل ياماما ردي عليا
اجبتها سيده من الواقفين وهي تنظر الى صاحب البيت منه لله رمى حاجتكم بره الشقه عشان ياجرها لناس تانيه وهي ياحبيبتي مستحنلتش ووقعت بنحاول نفوق فيها مش بترد علينا
اخرجت زجاجة برفان من حقيبتها وحاولت افاقتها ولكن لا رد...
سمع صوت صرخها نزل من السياره واغلقها
تقدم بخطوات مسرعه في اتجاه الصوت
وصل وجدها تجلس على الارض وتبكي وتمسك بيد والداتها
اقترب منها بحذر إيلاف في ايه؟
إيلاف ببكاء ماما ..ماما
ادهم بحده كأنه بيحاول يفوق إيلاف من الصدمه
طيب قومي هناخدها المستشفى
ادهم وشال سميحه بكل قوته واتجه بها ناحية السياره
إيلاف جريت وراه وبسرعه فتحتله باب السياره الخلفى
وضعها فيه
واتجه ناحية المستشفى
اول ماوصلوا المستشفى طاقم التمريض اخدها من العربيه
ادهم مسك ايد إيلاف ودخلوا وراه
الدكتور فاصحها للاسف البقاءلله
ادهم بص لايلاف
اللي ارتطمت بالارض واغمى عليها
ادهم شالها بسرعه وهو بيجري بقلق دكتور بسرعه
........
في مكتب ادهم
القى الاوراق بعنف على الارض دا شغل اطلع بيه للناس
رائد:يا ادهم انا بفرجك عليه لو مش عجبكنغيره
ادهم بعصبيه ولما انت شايف ان هو مينفعش بتورهوني ليه انتوا ايه محدش فيكم عارف يشوف شغله والاستاذ التاني فين
رائد بضيق بيحاول يدريه:امجد مراته تعبانه وراح يكشف عليها
ادهم بعصبيه ممزوجه بالسخريه والكشف ميبقاش غير وقت الشغل
نظر له رائد بصمت
ادهم:اتصل بيه خليه يخلص ويجي احنا مش بنلعب هنا انا عايز شغل والقرف اللي انتي جايبهولي ده مش عايز اشوفه عايز شغل نضيف
رائد وهو يشير برأسه بالايجاب حاضر
توجه رائد الى الخارج
رفع ادهم سماعة الهاتف سمر خليهم يعموللي قهوه
.......
رائد كان ماشي في الطرقه اللي بتودي لمكتبه قابل امجد
رائد كويس انك جيت كنت لسه هرن عليك
امجد :ايه هو ساعتين اللي خرجتهم كمان مش رحمني فيهم
رائد :طمني الاول مي عامله ايه؟
امجد :كويسه كان برد في معدتها
رائد :طيب الحمدلله انها كويسه
امجد:وريته التصاميم
رائد :اه مش عاحبينه
امجد بضيق:افندم دي للمره التالته
رائد :وانا اعمل ايه رمها في وشي زي المرتين اللي قبلهم
امجد:انت بتهزر مش فكرة تصاميم هي من وقت البت اياها ما اختفت وهو متغير والعفريت راكبه
رائد:الله يحرقك وطي صوتك انتي عايزوه يطلع يمسح بينا بلاط الشركه دي
امجد:انا زهقت اصلا وبعدين موضوع الجيم انا مكلمه بقالي فتره طويله ولحد دلوقت لسه بيفكر
رائد :عايز نصحتي بلاش الايام دي خالص هو مش ادهم العادي بقا بيتعصب على الهواء
ياترى ايلاف راحت فين؟
الحلقه السابعه
كانت تجلس مع جدتها
كانت شارده بحزن
زهيره:وهي مش بتيجي الكليه
سما:لا ياتيتا وروحت سالت في البيت اللي كانت ساكنه فيه محدش يعرف عنها حاجه حتى الشقه سكنت ناس تانيه
زهيره بحيره غريبه يعني هتكون راحت فين؟
سما بحزن:مش عارفه
زهيره:يمكن تيجي في الامتحانات
سما:دا الامل الوحيد غيابها مأثر فيا اووي ياتيتا مكنتش اعرف اني بحبها كده
زهيره وهي تنظر من شباك غرفتها المطل على الجنينه
وكان يجلس ادهم ويرجع رأسه للخلف وهو شارد
زهيره بتنهديه مش انتي لوحدك يابنتي
سما بعد فهم:قصدك ايه؟
زهيره:مفيش اطلعي ارتاحي شويه ومتفكريش كتير
ثم اكملت بتذكر وصلحي رائد انتي زعلتيه امبارح من غير داعي
سما:ماهو انا كنت مضايقه وشايفني زعلانه وجاي يهزر
زهيره:مش بيحاول يخرجك من الزعل وعايزك تضحكي وبعدين كفايه عصبية ادهم عليه ياحبيبي دا رائد ده بيكتم في نفسه كتير
سما بإحراج من جدتها :حاضر يا تيتا هاصلحه
......
كان يجلس شاردا ينظر في السماء
اقتربت منه وهي تستند على عكازها
جلست بجانبه بهدوء
ادهم واعتدل في جلسته احم انتي كويسه ياتيتا
زهيره:اه كويسه ...بس مش المهم انا المهم انت مش كويس
ادهم:انا كويس اهوه مالي
زهيره:انا عارفه انك كنت بتحبها انا فاهمه نظراتك ليها من يوم عيد ميلا سما
ادهم بإحراج:هي مين؟
اكملت زهيره انا عارفه ان فراقها وجعك بس احنا منعرفش هي فين
نظر ادهم امامه بصمت ولم يتحدث
....
تاني يوم في الشركه
كان يجلس يقوم ببعض الاعمال
سمع طرقات على الباب
ادهم :ادخل
امجد:عايز اتكلم معاك شويه
ادهم بجديه:تعالى
امجد دخل وقعد على الكرسي امامه
ادهم:خير
امجد :احم.. موضوع الجيم االي كنت كلمتك فيه من3شهور وقولتلي هفكر
اغلق ادهم الاب توب امامه
انت شايف ان ده وقته
امجد بحده:ما كل حاجه ماشيه في الحياه اشمعنا الحاجه دي اللي مش هتنفع
ادهم بضيق:دايما باصص لكل حاجه من منظور ضيق او اللي يخصك بس.. احنا في اخر السنه يابيه وانت عارف الوقت ده بنبقا مزنوقين في الاردات
امجد:طيب عايز اعرف امتى هبداء تنفيذ فيه
ادهم :على الاقل بعد شهرين كمان
امجد بضيق:ماشي
ادهم وهو يفتح الاب قوم يلا شوف هتعمل ايه وركز شويه التصاميم مش عجباني
.............
في المساء
كان يجلس في غرفته
جاءه صوت طرقات على باب الغرفه
رائد وقام بتعب وفتح الباب
اتفاجاء انها سما
سما:مساء الخير
رائد:مساء النور في ايه؟
سما:مفيش انت هتفضل زعلان مني كده
زفر بضيق ودخل الغرفه وجلس على السرير
دخلت ورائه وتركت الباب مفتوح
سما وهي تقف امامه والله ما كان فصدي ازعلك كنت مضايقه
ظل ينظر امامه بصمت
جلست بجانبه هتفضل ساكت كتير
رائد:اوقات السكوت بيكون احسن
سما بضيق وصوت عالى انا معملتش حاجه لكل ده
رائد ووقف بضيق متعليش صوتك ده
وقفت سما تنهدت بضيق مش بعلى صوتك
رائد بعصبيه :لا صوتك دايما عالى كأنك انتي الراجل
سما:ماهو انتي بتعصبني
رائد:بردوه عودي نفسك متعليش صوتك عليا ياسما
سما بزعل وصوت مكتوم :ماشي
زفر هو بضيق رائد وماسكها من ايدها وقربها ليه متزعليش انا بس اضايقت انك اتعصبتي عليا قدام كل الموجودين
سما ببكاء:انا اسفه بس كنت مضايقه
رائد وهو يمسح دموعها بابهامه انا كمان اسف حقك عليا
ثم اكمل بمرح ويلا امشي بقا على اوضتك عشان ادهم لو شافك هنا مش هيحصل كويس وهيشردني يرضيكي اتشرد
ابتسمت من بين دموعها لا ميرضنيش
.......
في غرفة أمجد
مي بضيق :يعني ايه شهرين؟؟
أمجد :يعني شهرين الشركه دلوقت مش متحمله اي مصاريف زياده
مي:انا مش مقتنعه باللي انت بتقوله ده
امجد بنفاذ صبر براحتك
مي:دلوقت الشركه محتاجه فلوس إنما نجيب سكرتيره ملهاش لازمه نشغلها وندفعلها مرتب يبقا فلوس عشان على مزجنا
امجد بعصبيه:اسكتي يامي شويه اياكي تكرري الكلام ده تاني قدام اي حد انا مش عايز مشاكل مع ادهم ودي اسرار الشركه ادهم لو سمع اي كلمه من االي انتي بتقوليها دي مش هيعديها على خير
مي بضيق:اما نشوفوا اخرة سي ادهم دي ايه
.......
تاني يوم في ااشركه
كانت تجلس على مكتبها نقوم ببعض الاعمال
اقترب منها احدهم
صباح الخير يا أنسه هند
هند وهي تنظر اليه:صباح النور افندم؟
الشخص وهو يعطيها بعض الورق الحاجات مطلوب من حضرتك تخلصيها
هند وهي تاخد من الورق ماشي سيبهم
على:تمام
ظل واقفا يتأملها وهي تنظر في الورق
على في نفسه مش عارف اصارحها ازاي بحبي ...خايف اقولها تفهمني غلط
تنهد بضيق
هند وهي تنظر له وترفع حاجبيها في حاجه؟
على بتوتر:احم لا بس الورق بس
هند:تمام تقدر تتفضل انت
على:ماشي عن اذنك
هزت هند رأسها باللايجاب في صمت
........
في غرفة الاجتماعات
كان يجلس شاردا
وهو يتذكرها يتذكر ابتسامتها وخجلها وتوترها وهي تقف بجانبه
فاق من شروده على صوت رائد ايه يا ادهم مش هنبداء
ادهم بتنهديه ماشي يلا
بداء امجدالحديث وهويضع
ملف امام ادهم احنا بداءنا تنفيذ كل التصاميم اللي موجوده في الملف اللي انت طبعا اختارتها
ادهم بتركيز:تمام
اكمل امجد طبعا التصاميم دي هي اللي هتكون في العرض السنووي االي هو بعد اسبوعين
ادهم :تمام
رائد ووضح ملف امام ادهم الملف ده كل التكاليف االي اللي هتتصرف لحد يوم العرض
ووضع ملف تاني امامه
الملف ده فيه اسماء الناس اللي منتظره تاخد تصاميم بعد العرض طبعا
ادهم:تمام
ثم اكمل حديثه ل امجد عايزك يوم العرض تكون شغلك اليوم ده هناك في مكان العرض
امجد:تمام
ادهم:اي غلطه صغيره هتتحاسب عليها انت
امجد:ماشي
ثم وجه حديثه لرائد وانت طبعا هتكون موجود في المصنع عشان الحاجه اللي هتخرج من هناك
رائد :متقلقش انا مرتب كل حاجه
ادهم:تمام في اي حاجه عايزين تقولها
الاتنين:لا
ادهم وهو يقوم من مكانه تمام
خرج من المكتب توجه الى غرفة مكتب
دخلت سمر وراه
ادهم وهو يفك ازز قميصه العليا بخنقه
سمر ابعتلي قهوه
سمر:حاضر يافندم اي اومر تانيه
اشار ادهم له بيديه ان تخرج
تنفس بتعب وهو يرجع رأسه للخلف ويسنده على الكرسي
Flash back
ادهم وهو يحملها بقلق وباعلى صوت:دكتور بسرعه
طاقم التمريض يحملونه ويوضعونها على السرير المتحرك ونقلوه الى احدى الغرف بداء الطبيب بفحصها
كان يقف في الخارج بقلق
حتى خروج الطبيب
ادهم:طمني هي عامله ايه؟
الطبيب للاسف المريضه دخلت في غيبوبه مؤقته رافضه تفوق
ادهم بعصبيه:يعني مش هتفوق
الطبيب بخوف من عصبية ادهم : انا مقولتش مش هتفوق انا قولت مؤقت بس مش عارفين لحد امتى
BACK
اخرج من صدره تلك السلسه التي يرتدها وهي سلسله من الفضه مكتوب عليها حرفE كانت هي ترتديها في تلك الليله
ولكنه هو اخذها وارتدها كي تكون قريبة من قلبه
تنهد ادهم بتعب وهو ينظر الى السلسله مش هتفوقي بقا وترحمي قلبي من الوجع اللي هو فيه بسببك ايه انتي بقالك اكتر من شهر في دنيا تانيه
رن هاتفه المحمول
نظر فيه بإهمال ..ولكن سرعان ما اعاد النظر مره اخرى وضع يديه على زر الاجابه
ادهم بقلق:الو
:ايوه يا ادهم بيه الحقني الانسه إيلاف فاقت بس منهاره جدا
ادهم :فاقت!!طيب انا جاي حالا خليكي جمبها يامديحه انا مسافة الطريق
مديحه:حاضر يابيه
خرج من المكتب مسرعا
قابله رائد
رائد:رايح فين؟
لم يرد عليه ادهم
واتجه مسرعا الى اسفل واستقل سيارته
وانطلق بسرعه حتى وصل الى وووقف امام احدى العمارات الكبيره في احدى المناطق الراقيه
نزل من السياره
عندما رأه البواب وقف بسرعه اهلا يا ادهم بيه
لم يرد عليه ادهم واستقل الاسانسير
اللي وقف في الدور الخامس
وقف امام الشقه يلتقط انفاسه بصعوبه
وضع يديه على الجرس
الحلقه الثامنه
وضع يديه على الجرس
ولكنه سمع صوت صراخ من الداخل
اخرج نسخة المفتاح التي معه من جيبه وفتح الباب
دخل مسرعا الى الغرفه ااموجوده فيها
وجدها تبكي وتصرخ بهستريا تمسك احدي الزجاجات في يديها وهي تحاول ان توصلها ليديها ولكن مديحه تمسك يديها بقوة
اقترب منهم بسرعه شديده واقعها إيلاف على السرير
ابتعدت مديحه عنها اول ما شافت ادهم
ضغط على يديها بقوه فخارت قوتها فاخذ منها الزجاجه التي في يديها
اعطاها لمديحه التي كانت تقف بقلق بجانبهم
ادهم بجديه وهو ينهج بقوه:مديحه هاتلي شنطة الاسعافات
مديحه بطاعه :حاضر يا ادهم بيه
خرجت مديحه من الغرفه مسرعه واحضرتها
مديحه:اتفضل يا ادهم بيه
ادهم اخد منها الشنطه وفضل يطهر الجروح اللي في ايد إيلاف اللي كانت مستسلم وهي مسطحه على السرير والدموع تنهطل من عيونها بغزاره
ادهم ل مديحه اخرجي واقفلي الباب وراكي وجهزي الاوضه التانيه عشان الهانم هتتنقل فيها
مديحه:حاضر يابيه حضرتك مش محتاج مني اي مساعده
ادهم وهو يضع اللزق حول كف ايلاف لا اعملي كأس ليمون للهانم
مديحه:حاضر يابيه
وخرجت من الغرفه
انتهى من وضع اللزق قبل يديها برقه
وجدها مازلت تبكي
اتى من جانبه بمنديل مسح دموعها
ادهم بصوت هادئ
لو انتي مستغنيه عن نفسك انا مش مستغني عنك
مش معقول نفسك ضعيفه كده ونفسك رخيصه عندك وكمان عايزه تموتي منتحره
ثم اكمل وهو يمسح دموعها بإبهامه
كل اللي حصل كان قضاء ربنا وقدره مامتك في مكان احسن من هنا واكيد هي بتتعذب لما تشوفك كده
بداءت ايلاف في البكاء بانين وصوت
ادهم محاولا تهدئتها:إيلاف كده هتتعبي اكتر عشان خاطري بطلي عياط
استمرت في البكاء بصوت
ادهم :طيب ممكن تبطلي عياط شوري بس على االي انتي عايزه وانا اعمله
إيلاف ببكاء:عايزه امي
ادهم بفرح من جواه انه سمع صوتها بقاله شهر بيتمنى ده حبيبتي ماما في مكان احسن من هنا واكيد هي لو شافتك مبسوطه هتبقى هي كمان مبسوطه
إيلاف ببكاء:هي اتندفت فين وازاي عايزه ازور قبرها
ادهم:متقلقيش انا خلصت كل حاجه ولما تبقي كويسه هوديكي تزوريها
إيلاف وكأنها لسه مستبوعه وجودها انا فين؟
ادهم :انتي في شقتي
إيلاف قعدت فجاءه ايه ؟؟فين؟؟
ادهم:اهدي الشقه دي انا اصلا مش بجيها انا قاعد في القصر بس كنت شاريها اوقات كنت بحب اقعد في هدوء بعيد عن القصر كنت باجي هنا
إيلاف بصوت متعب:طيب انت ليه جبتني هنا؟؟
ادهم : مش وقت اسئله دلوقت انا عايزك تقومي تاخدي شاور عشان توفقي
إيلاف وهي تنظر في الغرفه حواليها اللي كله مليانه اجهزه ومحاليل وادويه هو انا بقالي كتير هنا؟؟
ادهم:بقالك شهر
طرقات على ااباب
ادهم:ادخل
مديحه وفتحت ااباب وقالت وهي تحمل صنيه عليها العصير االي حضرتك طلبته
ادهم:العصير ده الهانم هتشربه وبعدها هتساعديها تاخد شاور
مديحه:حاضر يا ادهم بيه
ادهم ووقف انا همشي
نظرت له إيلاف بصمت ولكن في عيونها مائة سؤال
ادهم واخد العصير من مديحه وبداء يشربه بنفسه ل إيلاف رفضت في الاول
بس ادهم اصر عليها وبداءت تشرب منه حبه بحبه ..ثم تكلم وهو يصوب الكأس اتجه فمها مش هتاخر عليكي هروح اشوف شغلي اللي في الشركه على بس ما تاخدي شاور
هزت راسها بالايجاب
انتهى من تناولها العصير
تحرك من مكانه
ادهم وهو يتجه ناحية الباب مديحه عايزك تعالي
مديحه وهي تتجه ناحيته حاضر
خرجت مديحه وراء ادهم
ادهم مش عايز حاجه زجاج اوي اي حاجه حاده في الاوضه اللي هتبقا فيها الهانم
مديحه:حاضر
ادهم:عايزك تنضفي الاوضه اللي كانت فيها وتمحي اي حاجه فيها ادويه اي حاجه عايزاها كأنها جديده وكمان متسبهاش لوحدها نهائي حتى لو نايمه
مديحه:حاضر بيه
ادهم وهو يخرج بعض النقود من جيبه خودي دول علشانك
مديحه:مفيش داعي يابيه خيرك سابق
ادهم:دول حلاوة ان الهانم فاقت
مديحه بخجل وهي تاخد الفلوس ماشي يابيه ربنا يكمل شفاها على خير
بعد ما ادهم مشي
دخلت مديحه الغرفه عند إيلاف التي مازلت جالسه مكانها
مديحه:يلا ياهانم عشان اساعد حضرتك عشان تاخدي شاور
إيلاف:اسمي إيلاف ممكن متقولليش هانم دي
مديحه:مقدرش اقول غير كده دي طالما ادهم بيه نطقها كده ليا اناكمان مقولش غير كده انا مش مستغنيه عن نفسي
إيلاف:هو انتي معايا من امتى؟
مديحه:من يوم ماجيتي هنا يلا قومي عشان تلاحقي تخلصي الشاور قبل ما ادهم بيه يرجع
إيلاف قامت بمساعدة مديحه واخدت الشاور
مديحه جبتلها لبس ولبسته
وخرجت من الحمام
مديحه بابتسامه:تعالي بقا عشان اسرحلك شعرك على فكره انا طول الشهر اللي فات انا بسرحهولك
ايلاف وهي تجلس امامها بابتسامه شكرا
مديحه بحنان وبداءت تصفف شعر إيلاف:والله كنتي صعبانه عليا بقيت ابوصلك وقول الجمال دا كله ماشاء الله نايم كده كنتي ياحبيبتي في دنيا تانيه
إيلاف بتساؤل:هو انا كان عندي ايه؟
مديحه:والله االي فهمته انك كنتي في غيبوبه بيقولوا مؤقته دا اللي فهمته من الدكاتره االي كانوا بيجوا هنا اصل نص كلامهم انجيلزي وانا يدوب بفك الخط
ابتسمت إيلاف على حديثها
اكملت مديحه بس الشهاده لله ادهم بيه مقصرش معاكي
إيلاف اول ماسمعت اسمه ظهرت ابتسامه على وشها وكانت حاسه ان قبلها هيخرج من مكانه من سرعة دقاته
مديحه:كل يوم دكتور مختلف ويجي ويقعد يتكلم معاكي بالخمس ساعات وكان خايف عليكي من الهواء انا عمري ماشوفته هادي غير معاكي انتي دا في القصر صوته عالى على الكبير قبل الصغير ماعدا ستي الحاجه بيخاف عليها بردوه من الهواء
إيلاف:هو انتي تعرفيه منين هو انتي كنتي شغاله في القصر؟
مديحه:ايه رايك كده شعرك كويس كده
إيلاف وهي تنظر في المراءه:اه كويس شكرا
مديحه:اه انا كنت شغاله عندهم في القصر اعتبر متربيه هناك اصل انا امي سعديه كبيرة الخدم هناك ولما اتجوزت جوزي الله يرحمه قالي بلاش اشغل اتستتي بقا بس بعد مامات احتاجت الشغل جيت ارجع القصر كانوا جابوا خدامين والقصر ماشاء الله اتملى بس ادهم بيه وعدني لو فضى مكان هيبعتلي على الرغم انه مقصرش معايا الله يوسع عليه
بس لاقيته من شهر بعتلي وجابنبي على هنا
إيلاف:طيب من جابلي الهدوماللي انا لابسه دي؟
مديحه:ادهم بيه
إيلاف:اممم طيب ممكن تجبيلي حاجه بكم وطويله وعايزه حجاب
مديحه :حاضر كل اللي انتي عايزاه موجود
.......
دخل الشركه توجه الى مكتبه
ادهم :لوسمحتي ياسمر عايز قهوتي
سمر بتعجب من تغير حاله حاضر يافندم
ادهم بابتسامه شكرا
سمر وهي تبتسم بتعجب اكتر العفو
دخل مكتبه
رفع الهاتف رائد تعالى عايزك
واغلق الهاتف
بعد دقائق جيه رائد
رائد:ايوه ياادهم كلمتني
ادهم وهو ينظر في الاب:اقعد الاول
رائد وهو يجلس قعدت في ايه؟
ادهم وادار له الاب توب في اتجاهه التصممين دول؟
رائد وهو ينظر في الاب ايوه مالهم
ادهم:جهزوا والا لسه؟
رائد :مانت عارف لسه كل حاجه تحت التجهيز شغالين على اخرنا والله
ادهم:انا عارف انا مش بتكلم على الشغل انا عايز دول يتعمل منهم واحد واحد بس وتجهزهملي وماينزلش زيهم العرض
رائد بعد فهم:مش فاهم؟
تكلم ادهم بحده خفيفه هو انا بتكلم الماني انا بقولك عايز الفستانين دول يتعملو ويجولي وميتعملش زيهم وبوضوح مينزلش زيهم العرض
رائد :طيب ليه؟
ادهم :كده ومش عايز اسئله كتير ورغي كتير
رائد :هو في جديد والا ايه ماتفهمني؟
ادهم :امممم طيب عايز تعرغ الجديد
رائد وعلى وجهه ابتسامه :ياريت
ادهم:الجديد انك هتكون شغتلك بكره تسقي الزرع اللي في القصر مكان الجانيني لومقومتش تنفذ اللي قولتلك عليه
رائد واختفت الابتسامه من على وجهه حاضر
ادهم بجديه:وعايزهم قبل يوم العرض باسبوع
رائد:كمان صعب اووي
ادهم:مش صعب والفستانين دول كوم والعرض كله دول تاني مش عايز فيهم غلطه
رائد بنفاذ صبر ولكن لايستطيع التحدث:حاااضر اي اوامر تانيه
اشار له ادهم ان يخرج
مسك هاتفه المحمول
وضرب احد الارقام
ادهم:ايوه يامديحه ايه الاخبار عندك
مديحه:كله تمام يا ادهم بيه مش عايزه حضرتك تقلق
ادهم:اوعي تسيبها لوحدها
مديحه :متقلقش هي اتوضت وصلت وقالت هتنام شويه على ماحضرتك تيجي
وانا كنت جمبها بس خرجت ارد على التليفون عشان هي متقلقش
ادهم:تمام انا هخلص شغل واعدي عليكم
مديحه قفلت الموبيل
وفتحت الاوضه بهدوء
إيلاف:انا صاحيه على فكره
مديحه وهي تضع ايدها على صدرهت بخضه وانا اللي فكرتك نايمه خضتني والله
إيلاف وهي تجلس وتضحك:متتخضيش انا حسيت بيكي من اول ما الموبيل رن
مديحه:طيب انا هروح اجهزلك حاجه تكليها
إيلاف :انا نفسي اشرب شاي
مديحه :كولي واشربي بعدها شاي
.........
كان يسوق سيارته بسرعه بعد ان انهى عمله كان يريد ان يرأها فهي التى هزت عرش قلبه كانت الابتسامه لاتفارق شفاتيه
رن هاتفه
بص في الموبيل لاقى سما اخته
ادهم وهو يضع الهاند فري في اذنه:الو
سما ببكاء:الحقني يا ادهم الحق تيتا
ادهم ووقف العربيه في ايه بتقولي ايه؟
الحلقه التاسعه
ادهم وقف العربيه ايه بتقولي ايه ياسما في ايه تيتا مالها
سما ببكاء اغمى عليها ومش عارفين نفوقها
ادهم وهو يدير السياره وغير اتجاهها انا جااي مسافة الطريق
بعد وقت مش كتير كان الجميع يقف امام غرفة الجده في قلق
كانت سما لاتكف عن اابكاء وبجانبها هند وهي تبكي ايضا
ورائد يقف بجانبها في قلق
وامجد الذي كان يقف بجانب مي التي كانت تحاول ان تخفي فرحتها
خرج هو والطبيب من غرفة الجده
ادهم ل رائد:وصل الدكتور
رائد:حاضر ..اتفضل يادكتور
التف الجميع حول ادهم
امجد:طمنا يا ادهم تيتا عامله ايه؟
ادهم :كويسه
سما ببكاء:فاقت؟؟
ادهم:ايوه فاقت
هند وهي تمسح دموعها :طيب عايزين نشوفها
ادهم:لا هي نايمه دلوقت
ثم ناد بصوت عالي نسبيا
سعديه ...سعديه
اتت اليه مهرولة
تحت امرك يا بيه
ادهم وهو يعطي لها الروشته الخاصه بالدواء خلى حد من الخدم يجيب العلاج
وتحصلني على المكتب انتي واللي حضر الاكل اللي اكلته زهيره هانم
سعديه بتوتر:حاضر يابيه
امجد وهو يقف امام ادهم ماتفهمنا في ايه؟ واكل ايه؟
ادهم وهو يتجه الى مكتبه متقلقش مش وقته يلا ياريت شوية هدوء عشان هي ترتاح
........
كانت تجلس في البكونه تتناول الشاي
وتجلس امامها مديحه
إيلاف وهي تقف وتنظر للاسفل هو احنا في الدور الكام
مديحه :في الخامس
إيلاف:امممم اصل انا بخاف من الاماكن العليا
مديحه:دا مش عالي انا اشتغلت في عند ناس كانوا ساكنين في الدور 50
إيلاف :وهي تنظر للاسفل اممم هي الساعه كام
مديحه:الساعه8
إيلاف وهي تجلس :ماشي
مديحه:زمانه جاي انتي عارفه مشاغله كتير وحمله كبير
إيلاف بتوتر:هو مين؟
مديحه بابتسامه هيكون مين ادهم بيه
إيلاف ووشها جاب ميت لون عادي على فكره مايجي وقت مايجي
........
في مكتب ادهم
كان يجلس على كرسي مكتبه وتقف امامه سعديه واحدى الخادمات
ادهم بجديه انا مش مديكم نظام ل اكل زهيره هانم
سعديه بخوف:والله يا ادهم بيه انا ماشيه على النظام زي اللي في الورقه بالظبط
ادهم بعصبيه خفيفه:ازاي الدكتور قال انها اكلت نسبة سكريات عاليه وكانت هتدخل في غيبوبه
سعديه وهي تنظر للخادمه االي واقفه جامبه بحوف والله يابيه سوسن محضره الاكل قدامي ومكانش فيه غلطه
طرقات على الباب
ادهم بجديه:ادخل
سما ببكاء:انا عايزه اتكلم معاك شويه.
ادهم:مش وقته ياسما هبقا اجيلك اوضتك
سما وهي تتقدم الى الداخل لا لازم اقول دلوقت انا اللي اكلت تيتا شكولاته كانت معايا
ثم اكملت ببكاء بس والله مكنتش اعرف انها هتتعب كده
اشار ادهم لسعديه وسوسن بالخروج
قام من مكانه واقترب من سما التي تبكي
ادهم واحتضتنها خلاص بطلي عياط
سما مين بين شهقاتها انا اسفه ...بس خوفت اوي لما شوفتها اغمى عليها وجسمها وايدها تلجت كنت هموووت ولقتني بطلع الموبيل واتصل عليك
ادهم :طيب بس اهدى خلاص بس متكررش تاني انتي عارفه انها مريضة سكر والحاجات دي غلط عليها
سما بدموع حاضر بس عايزه اشوفها
ادهم:هي نايمه دلوقت
سما برجاء:عشان خاطري يا ادهم ابص عليها بس مش هرتاح غير لما اشوفها
ادهم وماسكها من ايدها:ماشي تعالي يامتعبه
........
كانت تجلس بضيق
نظرت في ساعة الحائط امامها
وجدتها 11
إيلاف وقامت من مكانها انا هدخل انام
مديحه وهي تشعر بضيقها طيب مش هتكلي حاجه
إيلاف وهي تتجه ناحية الغرفه:لا مش عايزه
ودخلت الغرفه واغلقتها
جلست على السرير بضيق وهي تحرك رجليها بضيق
قامت من مكانها وهي تفرك في ايدها بتوتر
انا مضايقه ليه ..ميجيش عادي وبعدين اصلا انا وجودي هنا مش مفهوم اصلا دماغي راحت فين اقعد في بيت راجل غريب
كان مجرد مديري في الشغل...
.......
كان يجلس بجانب جدته النائمه في ثبات عميق
ادهم وهو يقبل يديها خضتني عليكي ياتيتا عايزه تسبيني لوحدي والا ايه
وقف امام الشباك تذكر إيلاف ضرب بخفه على مقدمه رأسه
واخرج الهاتف وجد الوقت قد تعدى الواحده صباحا رن على مديحه
ادهم :ايوه يامديحه
مديحه :ايوه يا ادهم
ادهم:الهانم نامت؟
مديحه:ايوه يابيه نامت فضلت منتظره حضرتك بس زهقت ونامت
ادهم :ماشي حصلت ظروف ومعرفتش اجي بكره هعدي عليكم خودي بالك منها وخليها تاكل كويس
مديحه:حاضر يابيه
.........
في الصباح
وجد نفسه نائم على الكرسي
مسح على وجهه بتعب
نظر امامه على السرير لم يجد جدته نظر حوله بسرعه وجدها تصلي وهي تجلس على احد الكراسي
انتظر حتى انتهت من صلاتها
اقترب منها وقبل يديها تقبل الله ياتيتا
زهيره:منا ومنك ياحبيبي
ادهم :كده ياتيتا تخضني عليكي كده دا انا كنت هموت لما البت سما البومه دي كلمتني معرفش انا وصلت لحد هنا ازاي
زهيره:ههههههه يعني هيحصل ايه هموت العمر واحد والرب واحد
ادهم:بعد الشر عليكي ربنا يطول عمرك... بس انتي مش عارفه ان الشكولاته غلط عليكي
زهيره :والله دي مكنتش كتير ومكنتش اعرف انها هتعمل فيا كده
ادهم وهو يربت على يديها بحنو يلا اهي عدت على خير بس ياريت متكررش تاني
...........
فاقت من النوم
نظرت في الساعه الموجوده على الحائط
وجدتها الثانيه عشر ظهرا
إيلاف:معقول نمت كل ده
قامت دخلت الحمام واخدت شاور واتوضت ولبست وصلت الظهر
خرجت من الغرفه
دورت بعينها على مديحه بس سمعت صوت من المطبخ اتجهت للمطبخ
إيلاف :صباح الخير
مديحه بابتسامه:صباح الورد على عيونك بس ايه النوم دا كله دخلت كذا مره اصحيكي بس كل مره صعبتي عليا قولت اسيبك تصحي براحتك
إيلاف :محستش بنفسي غير من شويه
ثم نظرت الى مافي يديها اساعدك ايه؟ ثم نظرت الى الحوض اللي فيه الاطباق انا ممكن اغسلك الاطباق دي
واتجهت ناحية الحوض
مديحه وهي تمسكها من ذراعها انتي رايحه فين
إيلاف:هغسلك الاطباق اللي في الحوض
مديحه وهي تشدها وتخرجها انتي عايزه توديني في داهيه انتي تروحي تقعدي معززه مكرمه على السفره دي وانا هجبلك تفطري
إيلاف:وفيها ايه يعني اما اساعدك انتي تقريبا بتعملي كل حاجه لوحدك
مديحه:ودا شغل اللي انا باخد عليه فلوسه
يالهووي انا مش متخيله لو ادهم بيه جاءه ولاقكي واقفه في المطبخ مش قادره اتخيل اصلا دا يعلقني في ميدان عام
ايلاف: انتي اووفراووي على فكره
وياستي لو قال حاجه هقولك انا اللي اصريت عليكي
مديحه وهي تعوج فمها يمينا ويسارا لاشكرا اقعدي يلا عشان هجبلك الفطار
جلست إيلاف بضيق انا زهقت اصلا وبعدين من قالك انه هيجي
مديحه وهي تضع الطعام امامها هو االي قالي كلمني امبارح بعد انتي مانمتي وقالي هيجي بعد الشغل
إيلاف بصوت هامس ماهو قال امبارح كده
مديحه :بتقولي ايه؟
إيلاف بملل مفيش بقولك طيب افطري معايا
مديحه:لا انا فطرت من بدري
نظرت لها إيلاف بضيق
مديحه:هقعد بس اسليكي بالكلام شويه
ابتسمت إيلاف وبداءت في تناول الطعام
.........
فتحت باب الغرفه بهدوء
سما:صباح الخير
زهيره وهي تفتح لها ذراعيها :صباح النور تعالي ياحبيبتي
سما ورمت نفسها في حضن جدتها وبدموع انا اسفه
ابتسمت زهيره وهي تربت على شعرها ياحبيبتي هو انت اكلتني غصب عني والحمدلله عدت على خير
سما بابتسامه:الحمدلله وجودك بنا بالدنيا كلها ياتيتا
........
كانت تجلس بالغرفه
دخلت عليها مديحه الغرفه
مديحه:ادهم بيه بره وعايز حضرتك
إيلاف وقفت مكانها وظهرت ابتسامه على وجهها
ولكن سرعان ما اختفها ماشي هلبس واجي
مديحه بتعجب من حالها طيب اساعدك في حاجه
إيلاف:لا شكرا
خرجت مديحه
إيلاف فتحت الدولاب وخرجت الهدوم وبداءت تلبس...
الحلقه العاشره
خرجت من الغرفه
كانت ترتدي فستان بيتي من اللون الموف الهادي بكم منقوش بورد من اللون الاسود يصل لتحت ولابسه طرحه من اللون الاسود
ادارت عينها بالمكان وجدت يقف في البلكون يعطى ظهره لها ويتحدث في الهاتف
اقتربت ببطء
ادهم وهو يتحدث في الهاتف ماشي.. مش هتاخر عليكي ..خودي بس انتي العلاج زي ما اتفقنا ..ماشي ياحبيبتي بخلص مشوار كده وهرجع ..تمام
مع السلامه
كنت تستمع الى حديثه في الهاتف
شعرت بالضيق في داخلها
ظلت واقفه مكانها وهي تفكر مع من كان يتحدث ذلك كان يظهر الضيق على وجهها
اغلق الهاتف ادار وجهه
وجدها تقف وتنظر امامها بشرود ووجهها عابس
ادهم بابتسامه وهو يتأملها:حمدلله على السلامه
إيلاف وهي تعتدل في وقفتها :احم الله يسلمك
ادهم :مالك؟ حاسه بتعب او اي حاجه
إيلاف:لا انا كويسه ..ثم تكلمت بجديه كنت عايزه اتكلم مع حضرتك شوويه
ادهم وهو مستغرب من طريقتها طيب ممكن نقعد الاول
إيلاف:ماشي
وقعدوا على الكراسي الموجوده حول التربيزه الموجوده في البلكونه
ادهم :اتفضلي كنتي عايزه تتكلمي معايا شويه
إيلاف بتردد :انا كنت عايزه اعرف حاجتي فين وماما مدفونه فين؟
ادهم:حاجتك كلها انا حطتها في مخزن بتاعي ماعدا الكتب هي اللي جبتها هنا ثم اشار باحد اصابعه
موجوده في المكتبه دي بس طبعا انتي كنتي في غيبوبه والامتحانات عدت بس احتفظتلك بيهم وبالنسبه لمامتك في اي وقت لو تحبي اوديكي تزوري قبرها
إيلاف:اولا انا بشكر حضرتك على كل حاجه عملتها معايا بس كنت عايزه كل حاجتي عشان انا هأجر شقه واقعد فيها
ادهم :ما انتي قاعده في شقه اهوه
إيلاف بحرج:دي شقة حضرتك وكتر خيرك لحد كده انا هاجر شقه تانيه مش هينفع اجي هنا كتير
ادهم بعصبيه خفيفه بطلي هبل انا مش باجي هنا اصلا انا على طول في القصر الشقه دي كنت شريها من زمان وكنت اما اتخنق اجي اقعد فيها بس انا دلوقتي مشغول ومش بفضي اجي ..وبعدين هي خلاص بتاعتك وقبل ما امشي هغيرلك كالون الشقه عشان متبقيش قلقانه
إيلاف وهي تقف مش فكرة قلقانه انا اسفه انا عايزه امشي حتى لو هأجرها من حضرتك مش هقدر على إيجارها فانا هأجر شقه في مكان على قدي وانقل حاجتي فيها انا وجودي هنا ملهوش مبررر
ادهم وهو يمسكها من ايدها ممكن تقعدي
إيلاف وبعدت ايده بسرعه
ادهم ويبعد ايده طيب لو سمحتي اقعدي ونتكلم مبحبش اتناقش مع حد وهو واقف
إيلاف وقعدت وكانت بتهز رجليها بتوتر
ساد الصمت لدقائق
قطعه ادهم تتجوزيني؟؟
رفعت نظره اليه بصدمه هزت رأسها بتلقائيه كانها تحاول استيعاب مع سمعت هل هو حقيقه ام خيال
ظلت تنظر له في صمت
اتت مديحه وهي تحمل فنجان من القهوه
مديحه: اتفضل يا ادهم بيه القهوه اللي حضرتك طلبتها
ادهم:ماشي يامديحه شكرا
مديحه :العفو يابيه تؤمرني بحاجه تانيه
ادهم :اعملي كأس عصير ليمون للهانم
إيلاف واتكلمت بصوت متشحرج من اثر السكوت لا مش عايزه مليش نفس
ادهم :روحي يامديحه واعملي اللي قولتلك عليه
مديحه بطاعه حاضر يابيه
ادهم:مرتديش عليا؟
آيلاف:هو حضرتك بتقول كده ليه ؟
ادهم:ممكن تبطلي تقولي حضرتك قوليلي ادهم
إيلاف بإحراج:لا مينفعش
ادهم:لا هينفع عادي ..عموما بعد يومين هعدي عليكي عشان تروحي تزوري قبر والدتك واسمع ردك ايه فكري واي رد هحترمه منك
نظرت له إيلاف بصمت
ادهم وارتشف من فنجان القهوه
ووضعه مره ثانيه
ووقف
ثم تكلم وهو بياخد مفاتيحه وموبيله انا همشي دلوقتي
تحبي اجبلك حاجه وانا جاي او ابعتلك حاجه
إيلاف:شكرا بس هو موبيلي فين والا في المخزن
ادهم:لا معايا هجبولك معايا اي حاجه تانيه
إيلاف :لا شكرا
ادهم:تمام اشوفك بعد يومين
إيلاف بعد ادهم ما مشي فضلت قاعده مكانها بتفكر ياترى هو طلب مني كده ليه لما سألته مردش عليا اكيد بيعمل كده عطف عليا
لو بيحبني كان على الاقل رد عليا وقالي عشان بحبك دماغي هتنفجر
دخلت عليها مديحه
مديحه:يلا ياهانم انا جهزتلك العشا
إيلاف:مليش نفس اكل
مديحه:ليه بس عشان العلاج اللي بتخديه
إيلاف:مش جعانه
مديحه:في ايه بس وبعدين من وقت من ادهم بيه مشي بقالك اربع ساعات قاعده كده قومي يلا عشان تاكلي
إيلاف بغضب اول مره يظهر عليها اسكتي بقا شويه مش عايزه اكل ايه هتاكلني بالعافيه
مديحه ونظرت لها بصمت انا اسفه ياهانم انا في المطبخ لو حضرتك احتاجتي حاجه
وتحركت من مكانها و راحت المطبخ
زفرت إيلاف بضيق ودي ذنبها ايه بقا ..انا بس مضايقه شويه
........
كان يجلس في غرفته
طرقات على الباب
رائد:ادخل
سما وفتحت الباب فاضي والا
رائد:ولو مش فاضي افضى للقمر
سما ابتسمت ودخلت كنت هاخد رايك في حاجه
رائد وهو يجلس امام الاب توب الموضوع على المكتب الموجود في غرفته :حاجه ايه؟
سما وهي تقف بجانبه تضع التاب بتاعها امامه ايه رايك انهي واحد احلى في دوول
رائد بتفكير الازرق احلى ثم اكمل وهو يغزلها وهيبقا عليكي يجنن
سما بخجل:بس بقا يعني الازرق احلى عشان هحضر بيه يوم العرض
رائد :اممم احلى
سما بحزن:كنت باخد راي إيلاف بس مش موجوده
رائد:ان شاء الله هترجع بالسلامه
سما وتنهطل الدموع من عيونها انت مش متخيل غيابها مأثر فيا قد ايه
رائد وهو يقف ويمسح دموعها بإبهامه حبيبتي خلاص ان شاء الله هي كويسه والغايب مسيره يرجع
سما بتمني وهي بتبكي : يارب
رائد وهو يحتضنها خلاص بقا بطلي عياط شكلك اصلا بيبقا قمر وانتي بتعيطي
ابتسمت سما من بين دموعها
رائد :بحبك يامجنونتي
سما :وانا كمان بحبك
ولكن ابعدها رائد عنه وهو ينظر ل ادهم الواقف على الباب ينظر لهم بغضب
سما واول ما شافت ادهم ابتلعت ريقها بخوف وهي تنظر له
اشار لها ادهم بسبباته ان تاتي اليه
تحركت من مكانها بخوف وذهبت اليها امسكها من يديها بغضب وتحرك في الطرقه اللي امام الغرفه متجها الى اسفل
رائد وهو يتحرك مسرعا ويتجه ناحيتهم ويمسك ادهم ذراعه ادهم استنى متفهمش غلط
نفض ادهم بغضب ايد رائد اللي على دراعه
رائد برجاء:ادهم عشان خاطري متأذهاش هي ملهاش دعوه نتكلم انا وانت
ادهم بغضب وهو ينظر له:استتني في اوضتك ليا كلام معاك تاني
واخد سما اللي كانت بتبكي
ونزل للاسفل
كان يضغط على يديها بغضب ويمشي بخطوات سريعه
كانت سما تنهطل الدموع من عيونها والله يا ادهم انت فاهم غلط
ادهم مردش عليها واتجخ ناحية غرفة زهيره
فتح الباب بغضب على طول من غير مايخبط
كانت جدتهم بتقرأ في المصحف
ادهم ورمي سما بعنف وقعت على السرير
زهيره بصلتهم بخضه وقفلت المصحف
في ايه؟
سما وقامت واترمت في حضنها
زهيره وهي تحتضنها ممكن افهم في ايه؟
ادهم بغضب:هي البت دي انا مش محذرها ومأكد عليها متروحش ناحية اوضة رائد
نظرت لها زهيره بعتاب
اخفضت سما نظرها في الارض وهي تبكي والله ياادهم انت فاهم غلط
ثم اكملت وهي تنظر لزهيره والله ياتيتا كنت بسأله على حاجه
ادهم بغضب ممزوج بالسخريه اه ياهانم كنت بتسأليه في حاجه انتي واقفه في حضنه
نظرت لها زهيره بغضب
سما ببكاء اكتر:والله ماهو كده طيب اسمعني
زهيره:خلاص يا ادهم روح انت وسيبني معها
ادهم خرج بغضب من غرفة جدته واتجه الى اعلى
ثم الى غرفة رائد
رائد كان قاعد في قلق مش عارف ادهم هيعمل ايه مع سما
فجاء بص قدامه لاقى ادهم واقف قدمه
رائد وقف لسه هيتكلم
ادهم قربله وكور ايده وادله بوكس في وشه.
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق