رواية بنت البائعه الحلقه الحادية عشر حتي الحلقه الخامسه عشر بقلم شيماء منير حصريه وجديده على مدونة النجم المتوهج
 |
ادهم قرب منه ولكمه في وجهه
رائد وقع على السرير من اثر الضربه
ادهم كان هيلكمه التانيه بس حد ماسكه من ذراعه وبعيده عنه
امجد بقلق:في ايه ؟؟
ادهم بانفاس متقطعه ملكش دعوه اطلع بره
امجد :طيب افهم في ايه اللي حصل
ادهم بغضب وصوت عالى اخرج بره بقولك
امجد وبص لرائد اللي كان بيمسح الدم اللي نازل من مناخيره وفمه
اشار رائد له ان يخرج
امجد باستسلام خرج من الاوضه
ادهم واغلق الباب وراه
وقرب من رائد...
.......
دخلت المطبخ وجدتها تجلس
إيلاف :متزعليش مني انا كنت مضايقه
مديحه وهي تقف:لا ياهانم ولايهم حضرتك
إيلاف بضيق:متخنوقنيش اكتر بالله عليك انا اصلا بتعصب اما اسمع كلمة هانم دي
مديحه :مقدرش اقول غيرها
إيلاف:لا تقدري تقوليلي باسم
مديحه بمرح اسمك صعب انا هقولك ياهانم وخلاص
إيلاف بابتسامه متزعليش منى انا كنت مضايقه
مديحه :مش زعلانه بس بشرط
إيلاف بتعجب كمان شرط
مديحه:ايوه تاكلي لانك مأكلتش من وقت مافطرتي
الصبح
ن
إيلاف:والله ماليش نفس بجد
مديحه:بس لازم تاكلي عشان العلاج
إيلاف :انا بقيت كويسه مش محتاجه علاج
مديحه:اااه طيب انا كده هتصل بادهم بيه وهو يجي يتصرف بنفسه
إيلاف:لا لا خلاص هاكل
مديحه :ههههههه طيب اسبقيني على السفره
.........
كانت تجلس وعيونها متورمه من كثرة البكاء
زهيره:بطلي عياط بقا عشان نتكلم
سما نظرت لها ببكاء
زهيره:هو انا مش قولتلك متدخليش اوضة رائد
سما بصوت مبحوح من كثرة البكاء:والله ياتيتا كنت بسأله على حاجه
زهيره بحده خفيفه دا انتي لو هتسأليه في البتاع اللي اسمه الموبيل اللي معاكي ده
سما بدموع:كنت بورايه الفستان اللي هلبسه يوم العرض
زهيره بعصبيه:في اوضته ليه ما الجنينه واسعه تحت اهيه واكملت بعصبيه اكتر اخوكي منبه عليكي متدخليش حصل والا لا
سما من بين دموعها حصل
زهيره وهي تهز رأسها خلاص اي قرار هو هياخده محدش هيقف قصاده فيه
سما ببكاء:يعني ايه اي قرار هياخده
زهيره:اما ينزل نبقا نشوف
.......
في غرفة رائد
ادهم وقرب من رائد ومسكه من مقدمة قميصه اختي مش زي اي حد وانت مش قد الثقه االي انا ادتهالك
رائد برجاء:اسمعني يا ادهم بس اسمعني والله العظيم ماحصل حاجه
ادهم بعصبيه وان شاء الله انا هستنا اما يحصل يا... انت
رائد بحده:خلاص نتجوز احنا بقالنا سنتين مخطوبين
ادهم:واتفاقنا بعد ماتخلص كليتها بس انا غيرت الاتفاق
نظر له رائد بعدم فهم
اكمل ادهم وهو يترك لايقة قميصه بإهمال مفيش جواز خالص اختي مش ليك
نظر له رائد بصدمه وهو يفتح عيونه
تركه ادهم واتجه الى الخارج
خرج ورائه رائد امسكه من ذراعه انت بتقول ايه انت اكيد بتهزر
ادهم ببرود وههزر مع واحد زيك ليه
كاد ان يتحرك اوقفه رائد الذي كان يتحدث بهدوء لانه يعلم ان لافائده للعصبيه مع ادهم
رائد :ادهم القرار ده اخده انا وسما انا بحبها وهي بتحبني
ادهم:تعرف تخليك في نفسك ومتتكلمش عنها خالص
رائد بصوت عالى ماهو دا جنان بقا انا مش هسمح بيه
ادهم بغضب:متعليش صوتك واتكلم بصوت واطي ومتنساش نفسك
رائد بعصبيه:ماهو انا مش هسكت على الهبل ده انا مش هاسبها
تحرك ادهم من مكانه واتجه الي اسفل
اكمل رائد بصوت اعلى مش هاسبها يا ادهم سامع لحد اخر يوم في عمري
........
مديحه:طيب انتي قلقانه ليه ماهو دخل البيت من بابه اهوه
إيلاف وهي تتوقف عن الاكل خايفه يكون عطف منه وانا مش عايزه ده
مديحه :والنبي ياختي فهميني كده الا انا مش بفهم الا على قدي ايه معني اللي انتي قولتيه ده
إيلاف وهي تمنع ضحكاتها قولي لا اله الا الله الاول
مديحه:لا اله الا الله محمد رسول الله
إيلاف :عليه الصلاة والسلام..بوصي انا لما سالته انت عايز تتجوزني ليه مردش عليا وطنش السؤال
نظرت لها مديحه بعدم فهم
إيلاف اقصد نفسي اما اتجوز حد يكون بيحبني وانا بحبه
مديحه :اااااه فهمت ماهو لو مش بيحبك مكانش قال كده وانا شاهده انه بيحبك اصلك مشوفتهوش وانتي تعبانه كان عامل ازاي دا كان زي المجنون
إيلاف:مايمكن كنت صعبانه عليه
مديحه :دا انتي متعلمه وتفهاميها وهي طايره لو كان بيعطف عليكي كان سابك في اي مستشفى
انما جابك هنا وحوليك الاوضه اللي جواه دي كأنها مستشفى ودكاترة ايه اللي خارجه وداخله
ومشفتهوش لما واحد فيهم يقوله انك هتفوقي قريب كانت عيونه دي تلمع من الفرحه والا لما حد يقوله العكس يالهووي كنت بمشي من قدامه عيونه دي كانت بتتحول اسود من الغضب
إيلاف نفسي اشوف كل اللي انتي بتقوليه دا بنفسي
مديحه:والله الايام هتثبتلك كتير وتعرفي انه بيحبك وانتي بتقولي انه قالك فكري مايمكن عايزك تفكري من غير ما كلمه تأثر عليكي
إيلاف بحيره:مش عارفه
........
دخلت غرفتها
ارتمت على السرير وهي تبكي بصوت
بعد ان اخبرها اخاها بان انه تم فسخ خطوبتها هي ورائد
طرقات على الباب
وفتح الباب
هند وهي تقترب من سما:في ايه مالك؟
سماببكاء مفيش اطلعي بره مش عايزه اشوف حد هنا
هند:طيب لو في حاجه ممكن اساعدك
سما:بصوت عالي لا واطلعي بره بقا
هند بضيق:انا غلطانه اولعي
سما وهي تقوم من مكانها يارب ارتاحتي بقا يلا اخرجي
هند وخرجت من غرفة سما
كان ادهم يتجه الى غرفته
ويعتريه الغضب
هند:مساء الخير
لم يرد عليها ادهم ودخل غرفته واغلقها بشده
هند:هما مالهم دول والله انا غلطانه اني بعبرهم
........
في الصباح
كان يجلس الجميع على مائدة الافطار
يجلس ادهم في المقدمه وعلى يمينه زهيره وبجانبها سما وهند
وفي الجهه المقابله يجلس رائد وبجانبه امجد وبجابنه مي
الصمت هو سيد الموقف الجميع ياكل في صمت ماعدا سما اللي تحرك الاكل فقط وعيونها متورمه من كثرة البكاء
ورائد وعلى وجهه اثر ضربة ادهم وهو يحاول اختلاس النظر اليها
كان يسود الصمت جو من التوتر
قاطعه ادهم وهو يوجه كلامه لرائد
تطلع على المصنع تشوفلي ايه الاخبار هناك وتشوفلي التصميم هتجهز امتى والتصممين اللي طلبتهم منك عايزهم النهارده
رائد بتعجب النهارده!!
ادهم :اه
رائد:انت مش قولت قبل العرض باسبوع
ادهم ببرود وهو يضع الطعام في فمه غيرت رأي
نظر له رائد بغضب مكتوم بس مستحيل يخلصوا النهارده
ادهم ببرود:اقعد جمب المكن يجهزوا باي طريقه انت بقيت فاضي وراك ايه
نظر له رائد وهو يكور يديه بضيق حااضر
وجه كلامه ل امجد وانت يا امجد
نظر له امجد بانتباه
ادهم تروح الصاله اللي هيتعمل فيها العرض وتشوف اي حاجه فيها مش مظبوطه تظبتها الكاميرات االي في المكان تشوفها شغاله والا لا ولوفيه حاجه مش شغاله تغيرها عايز الصاله ملهاش مثيل من كل حاجه فاهم
امجد:تمام
كان ينظر لها بأسف وهو يرى الدموع محتبسه في عيونها
رائد كا نفسه يقوم ياخدها في حضنه واللي يحصل يحصل
فاق من شروده
على صوت ادهم وهو يضع يديه على ظهره بعنف كوول يا رائد
رائد :احم انا شبعت هقوم اروح المصنع
اشار له ادهم بيديه الى باب القصر اتفضل
.......
عدى اليومين اللي ادهم اداهم فرصه ل إيلاف
كانت تجلس في البلكونه
كانت تتوقع مجئ ادهم بعد الشغل
كانت متوتره جدا
لكن رن هاتف مديحه التى تركته على المنضده الصغيره الموجوده في الصاله
اقتربت ايلاف من الهاتف ونظرت اليه
لاقت مكتوب ادهم بيه
رجعت بصت من البلكونه بسرعه ملاقتش العربيه تحت العماره
التليفون فصل
بس رجع رن تاني
إيلاف لمديحه اللي كانت في المطبخ
موبيلك بيرن يامديحه
مديحه وجاءت مهروله من المطبخ ومسكت الموبيل وردت بسرعه ايوه يابيه..اه يابيه صحيت ...حاضر ..حاضر يابيه ..مع السلامه
نظرت لها إيلاف بتوتر
مديحه ادهم بيه بيقولك هيعدي على حضرتك الساعه5تكوني جاهزه عشان هتروحوا المقابر
إيلاف وهي تهز راسها ماشي هو قالك كده بس
مديحه:ايوه ..اشوف الاكل ليتحرق
الساعه 5
وقف تحت قدام العماره
مسك الموبيل ورن على مديحه
ادهم:ايوه يامديحه الهانم جاهزه ...طيب انا مستني تحت خليها تنزل
الحلقه الثانية عشر
إيلاف مديحه بلغتها ان ادهم منتظرها تحت ف العربيه قدام العماره
إيلاف ونزلت لاقته واقف قدام العربيه وبيتكلم في الموبيل
كانت اول مره تشوفه كاجول
كان لابس تشيرت من اللون الزيتي وبنطلون من اللون الاسود ويصصف شعره الطويل نسبيا الى الخلف
ويرتدي نظارة شمس من اللون الاسود
انهى مكالمته
نظر اليها وهي تقترب منه ببطء
كانت ترتدي فستان طويل من اللون الكحلي ويوجد بيه بعض الخطوط البيضاء وطرحه من اللون الكحلي
ظل يتأملها والابتسامه ظاهره على وجهه
إيلاف:مساء الخير
ادهم وهو يزيل نظاراته:مساء النور ..جاهزه
إيلاف وهي تتحاشي النظر اليه اممم جاهزه
فتح لها باب السياره
جلست اغلق الباب واتجه الى مكان القياده
وادار السياره
بعد وقت ليس بكثير
وصلوا المقابر
ادهم وصلها للقبر اللي فيه والداتها
ادهم:هعمل مكالمه وارجع
إيلاف هزت دماغها بالايجاب
تحرك ادهم من مكانه
جلست إيلاف بجانب قبر والداتها
خانتها دموعها
واحشتني اووي ياماما
انا محتاجلك اوي والله ..انا وحيده اووي حاسه اني تايهه ومليش حد نفسي اقعد نتكلم انا وانتي واحكيلك كل اللي تاعبني
.......
كانت تجلس في جنينية الفيلا وتجلس بجانبها جدتها
كانت عيونها مثبته على بوابة القصر
زهيره:عينك هتوجعك هي ورقبتك
نظرت لها سما بصمت حزين
نزلت دموعها بغزاره
زهيره بحنو:بطلي عياط ياحبيبتي عيونك هتوجع دي بقا لونها لون الدم
سما من بين دموعها يعني بذمتك اللي بيحصل ده عدل ولا معقول اصلا يعني ينهي كل حاجه هو
زهيره:انتي عارفه اخوكي لما بيقرر حاجه محدش بيقدر يرجعه فيها
سما ببكاء اكتر والله انتوا مش حاسين بيا اموتلكوا نفسي يعني عشان تحسوا بيا
زهيره بضيق بطلي الهبل ده اخوكي لو سمعك بترددي الكلام الاهبل ده هيموتك هو وريحيك...غلطتي انتي وهو واتحملوا نتيجة غلطكم وعشان بعد كده تنفذي كلام اخوكي في اي حاجه
سما وهي تبكي وتمسك يد زهيره طيب ياتيتا عشان خاطري كلميه يعني انتي راضيه عن اللي حصل ده
زهيره:طالما ادهم راضي انا كمان راضيه
سما ببكاء يوووه بقا انا طالعه اوضتي
..........
اقترب منها بعد ان انهى مكالمته وجدها تبكي
ادهم وهو يجلس القرفصاء امامها وينزل لمستوها ينفع كدا هو احنا جايبك هنا عشان تعملي كده
إيلاف فضلت تبصله ودموعها نازله
ادهم وقف وماسكها من ايدها ووقفها بطلي عياط
اخرج منديل من جيبه واعطه لها
إيلاف اخدت منه المنديل ومسحت دموعها
وبعد كده راكبوا العربيه
ومشيوا
طول الطريق إيلاف سانده رأسها على الشباك ومغمضه عيونها
ولما تنزل منها دموعه تمسحها بسرعه بالمنديل
ادهم كان بيصبلها ومضايق عشانها وكمان خايف عليها
فجاءه وقف العربيه
إيلاف فتحت عيونها وبصت حواليها
احنا فين؟؟
ادهم هنقعد شويه في الكافيه ده
إيلاف زهرت راسها بالايجاب
ادهم فاتحلها العربيه ونزلت
ودخلوا الكافيه
قعدوا الى احد الترابيزات واحد طالب ليها عصير وطلب قهوه لنفسه
الصمت هو سيد الموقف
قطعه النادل وهو يضع المشاريب امامهم
النادل:اي اوامر تانيه يافندم
ادهم :لاشكرا
النادل مشي
ادهم:اشربي العصير
إيلاف ومسكت الكوبايه وارتشفت منها رشفه خفيفه وحطتها تاني
ادهم:احم إيلاف انا عارف انه مش وقته بس كنت عايز اعرف رأيك في الموضوع اللي كنت كلمتك فيه والمفروض هترد عليا النهارده
إيلاف نظرت له بخجل واتحول وجهها للون الاحمر وقالت بتلجلج انا موافقه
ادهم بابتسامه:تمام يلا بينا
إيلاف:يلا بينا فين؟
ادهم هنكتب الكتاب وبعدها هاخدك على القصر
إيلاف نظرت له وفتحت عيونها بشده مما سمعته
ادهم :متقلقيش انا هعمل احسن فرح بس انا مأجله شويه عشان والداتك وكمان عشان انتي عارفه العرض السنوي قرب ومشغول
إيلاف :انا مش بتكلم على كده مش لازم نعمل فرح انا بس انا مش عايزه اعيش في القصر
ادهم بعدم فهم:ليه؟
إيلاف بتوتر :يعني دا طلب بطلبه منك انا مش مستعده ل ده هفضل في الشقه اللي انا موجوده فيها
ادهم:امم ماشي بس دا هيبقا مؤقت مش دايما
إيلاف:ماشي
........
رجع من الشغل كان مرهق جدا بعد يوم طويل كلفه بيه ادهم
كان لسه هيطلع السلم
اوقفته زهيره بصوتها
طيب مش هتسلم عليا دا انا بقالي يومين مشوفتاكش
رائد وبص عليها بتعب
رجع بخطوات وقرب منها ونزل لمستواها وهي قاعده وقبل ايدها
رائد:انا اسفه ياتيتا معلش انشغلت شويه
زهيره بحنان:ولايهمك ياحبيبي
رائد :مش محتاجه اي حاجه اعمهالك
زهيره:لا مش محتاجه غير اني اشوفك كويس
رائد وهو يقبل رأسها ربنا ميحرمنيش منك ياتيتا
ثم اكمل وهو يدور وجهه يمين وشمال هو مفيش حد هنا والا ايه؟
زهيره:لا امجد رجع واخد مي وهند يتعشوا بره وادهم لسه مرجعش
نظر لها رائد وكأنه ينتظر اجابه اخرى بقاله يومين ماشافهاش كان بيخرج بدري ويرجع متاخر
زهيره بتمعن:وسما في اوضتها
رائد:ماشي انا هطلع انام تصبحي على خير
زهيره وهي تشعر بحزنه وانت من اهله
.......
كان يقود السياره وتركب هي بجانبه
بعد ما كتبوا الكتاب
كانوا مروحين على الشقه
ادهم وقف العربيه
إيلاف بصلته باستغراب
ادهم خرج علبه من جيبه وفتحها
كان موجود فيها خاتم سوليتر بسيط ورقيق
ادهم ومد ايده ليها
إيلاف بخجل مدت هي كمان ايدها
ادهم ولبسها الخاتم
وضع قبله رقيقه على ايدها مبرووك
إيلاف بخجل وهي تضغط على شفاتيها الله يبارك فيك
..مكنش فيه داعي لده
ادهم وهو يدير السياره ازاي طيب دا اقل حاجه ممكن اقدمهالك
نظرت له إيلاف بخجل وسكتت
وصلوا العماره
وركبوا الاسانسير
ادهم ضغط على الدور الخامس
إيلاف ظهر شبح ابتسامه على وجهها وافتكرت اول يوم مادخلت الشقه وكانت راكبه الاسانسير بردوه مع ادهم
فجاءه ادهم شدها ليها وبصوت هامس فاكره اول يوم اتقابلنا فيه
ابتسمت إيلاف بتوتر وكأنه قرأ افكارها اممم فاكره
ادهم ومسك وجهها من مقدمته وبص في عيونها دا احلى اجمل يوم في حياتي
ثم اكمل وهو يحرك ابهامه على شفتايتها عشان قابلت اجمل انسانه شافتها عيوني
إيلاف بصت في الارض بخجل
ادهم :ممكن تبطلي الكسوف ده بقا انا جوزك وانتي مراتي
إيلاف وهي بتحاول
تبقا عاديه انا مش مسكوفه... عادي
ادهم بابتسامه ومسك ايدها ووضع قبله رقيقه في بطن يديها على فكره اكتر حاجه بحبها فيكي كسوفك ثم اكمل وهو بيغمز بعيونه وتبقي حلوه وانتي متوتره
إيلاف ابتسمت بخجل واحمرت وجناتها
اتفتح الاسانسير
ادهم فاضل ماسك ايدها ودخلوا الشقه
ادهم بصوت عالى نسبيا مديحه مديحه
مديحه خرجت من المطبخ تحت امرك يابيه
ادهم واعطها الطعام االي في ايده جهزلنا ده على السفره
مديحه واخدت منه الاكياس حاضر بيه دقائق ويكون جاهز
إيلاف ووقفت في البلكونه
ادهم وراح وقف وراها وحاضنها من الخلف
ادهم ووضع قبله خفيفه على خدها حبيبي بيفكر في ايه؟
إيلاف بإحراج من قربه مش بفكر في حاجه
ادهم:انا نفذت طلبك وجينا على هنا بس انا مش مقتنع وجودنا المفروض يكون هناك
إيلاف: معلش اعتبرنا كننا مخطوبين لسه انا ..
وسكتت
ادهم ولفها لحد ما اصبح وجهه في وجها وايده مازلت في ظهرها
ايه ؟سكتي ليه؟
إيلاف وهي تنظر في الارض بخجل انا عارفه ان الحياه هناك مختلفه وانا مش متعوده ..فاحبه الاول ابقى بعيد شويه
ادهم بعد اقتناع زي ماتحبي بس مش هنطول هنا انا مش هعرف اكون موجود معاكي هنا واسيب القصر والعكس طبعا مينفعش تفضلي هنا بعيد عني
إيلاف وهي مازلت باصه في الارض ماشي
ادهم وهو مازل حاطط ايده وراه ظهرها وبايده التانيه خرج موبيلها القديم من جيبه
ادهم وهو يضعه امام وجهها موبيلك اهوه
إيلاف بلهفه مسكت الموبيل وكأنها لاقيت روحها
إيلاف وهي تمسك الهاتف شكرا
ادهم وحط ايده تاني وخرج موبيل تاني بس حديث وتاتش وده كمان بتاعك
إيلاف :انا معايا ده وخلاص
ادهم :لا عشان انا شيلت الخط من تليفونك القديم وحطتيته هنا
إيلاف واخدت الموبيل منه ماشي
ادهم:حاجه واحده بس هي اللي معايا بس مش هدهلك
إيلاف بتساؤل وعدم فهم ايه هي؟
ادهم وهو يخرج السلسله بتاعتها اللي هو لبسها
دي
إيلاف بتعجب السلسله انا فكرتها ضاعت
ادهم وبيضمها اليه اكتر:تو تو انا كنت خلعتهالك وانتي في المستشفى بس زي ماقولتلك مش هقدر ادهالك لانها هتفضل جمب قلبي هنا
مديحه وهي تقف على مسافه بعيده :احم العشاء جاهز
ادهم وهو ظهره ليها ومازل واضع ايده في ظهر إيلاف ماشي روحي انتي
إيلاف كانت مكسوفه جدا
ادهم وحاسس بكسوفها
وضع قبله خفيفه على شفاتيها وماسكها من ذقنها ورفع وشها وبص في عيونها يلااا ناكل؟
إيلاف وهي تنظراول مره في عيونه يلا
الحلقه الثالثة عشر
تاني يوم في الشركه
ادهم كان بيخلص شغل في المكتب
طرقات على الباب
ادهم :ادخل
رائد بجديه:صباح الخير
ادهم بجديه وهو ينظر له واضح انه جهز الفساتين اللي كان طلبهم منه:اممم خير
رائد بضيق من اسلوب ادهم بيحاول يداريه:الشغل اللي انت طلبته مني يكون جاهز هو جاهز من امبارح بس جيت هنا لقيتك مشيت
ادهم وهو يقوم من مكانه اممم فرجني
رائد وطلع الفستان الاول من جرابه ولابسه لمليكان موجود في مكتب ادهم
ادهم :تمام وريني التاني
رائد وشال الاول وحط التاني
ادهم فضل يبص للفستان شويه وقال الاول كويس انما ده الشغل اللي على الصدر يخف شويه اووفر اووي وكمان شكله مش مظبوط من الوسط
ثم اكمل وهو يجلس مره اخرى على كرسي مكتبه تخلصه وتجيبهم انا اخدهم النهارده
رائد :تمام اي حاجه تانيه
ادهم وهو ينظر في الاب:لا خلاص تقدر تتفضل انت
ادهم كان مشغول جدا في الشغل
ورجع تعبان على القصر ونام من التعب
إيلاف كانت قاعده مضايقه متاصلش بيه حتى
فضلت تبص على الموبيل لاقت الساعه عدت 12بعد منتصف الليل
رمت الموبيل وزفرت بضيق
مديحه قربت منها انا هدخل انام ياهانم هتحتاجي حاجه
إيلاف وواضح عليهاالضيق:لا شكرا روحي نامي
مديحه:طيب ماتجربي انتي ترن عليه يمكن هو مشغول
إيلاف وهي تقف:لا انا هدخل انام تصبحي على خير
إيلاف ودخلت الاوضه وهي مضايقه انه مرنش عليها ولو مره واحده نفسها تسمع صوته ولو مره واحده بس فكرت ترن زي ما مديحه قالت بس لاقت الوقت اتاخر
فضلت تفكر لحد ما راحت في النوم
فاقت الصبح على صوت موبيلها
إيلاف بصوت نائم الو
ادهم:يعني اهون عليكي لحد دلوقت مسمعش صوتك من اول امبارح
إيلاف وركزت وقعدت على السرير صباح الخير
ادهم:صباح الورد والفل والياسمين على اجمل عيون في الدنيا
ابتسمت إيلاف
جاءها صوته وحشتني
إيلاف بخجل وانت كمان وحشتني
ادهم:طيب ممكن البرنسيسه تسمحلي اجي اتغدى معها النهارده
إيلاف:طبعا تنور في اي وقت
الساعه 4إيلاف كانت جاهزه ومستنيه ادهم
ادهم ورن الجرس
إيلاف و فتحتله الباب
ادهم بتفاجاء القمر بنفسه بيفتحلي
إيلاف :مديحه مشغوله في المطبخ ففولت افتح انا
ادهم وشدها لحضنه ايه ما وحشتكيش
إيلاف وهي تسند رأسها على صدره لا واحشتني اووي
ادهم وهو ينظر اليها انتي ليه لابسه الحجاب انتي في البيت وانا جوزك
إيلاف بخجل مش قصدي عشان مش متعوده
ادهم:لا اتعودي ياقلبي
قعدوا اتغدوا
وبعد الاكل قعدوا في البلكونه يتكلموا
إيلاف: ادهم ايه رايك في الاكل
ادهم:كويس بس ليه؟
إيلاف بابتسامه:انا اللي جهزته
ادهم :اممم هو كويس تسلم ايدك بس متتكررش تاني
إيلاف واختفت الابتسامه من على وجهها ليه؟
ادهم:إيلاف اسمعني انا جايب مديحه عشان تريحك وانتي متعمليش حاجه
إيلاف:بس انا مرتاح طالما الحاجه دي بعملها عشانك
ادهم وقام قعد بجانبها حبيبتي افهمني في القصر الكلام ده ماينفعش وانتي لازم تتعودي على كده
إيلاف: عشان كده بقولك عايزه افضل عايشه هنا مش عايزه اروح القصر هبقا مقيده
ادهم بحده:إيلاف احنا هنا قاعدين مؤقت لكن انتي مكانك في القصر وده قرب على فكره مديحه هتبقا معاكي هناك انا حاسس انك مرتحه معها هتبقا مهمتها انتي وبس
إيلاف بضيق:يعني ايه قرب
ادهم:العرض السنوي يوم الخميس وطبعا انتي هتحضريه وهناك الكل هيعرف انك مراتي
إيلاف وهي وقفت مكانها ومن قال اني هحضر العرض
ادهم :انا اللي قولت
إيلاف:بس انا مش عايزه احضر
ادهم:مش بمزاجك انا اللي اقول مش انتي
نظرت له إيلاف بضيق
ادهم وقام وقف
في فستانين هيوصلكي هنا ومعاهم كل اكسسوراتهم هتلبسي واحد منهم يوم العرض وهعدي عليكي الساعه8 تكوني جاهزه
ثم اتجه الى باب الشقه وخرج واغلق الباب بعنف
إيلاف فضلت واقفه بضيق وبصت عليه من البلكونه وهو بيركب العربيه ويمشي
فضلت قاعده مكانها
مديحه وقربت منها
اعملك حاجه تشربيها ياهانم؟
إيلاف بصت لها ومردتش
مديحه وهي تقف امامها انا ممكن اقولك حاجه
نظرت لها إيلاف بصمت
مديحه:والله انا متصنتش بس صوتكم كان عالي واصلني وانا قاعده في المطبخ انتي غلطانه
نظرت ليها إيلاف ورفعت حاجيبها
مديحه:مش قصدي ادخل بس اي واحده مكانك المفروض تفرح انها هتروح القصر دا انتي هتبقي مرات ادهم بيه انتي عارفه يعني ايه ده يعني كل اللي في القصر هيخدم فيكي وكلمتك هتتنفذ
إيلاف انتي مش فاهمه حاجه
مديحه:طيب ماتفهمني
إيلاف بتعب:مش وقته انا هدخل انام دلوقت دماغي واحعني اووي
....
ادهم وصل القصر
قابله رائد
رائد:كنت عايز اتكلم معاك شويه
ادهم وواضح عليه الغضب انا جايب اخري دلوقت ومش عايز اتكلم في حاجه
رائد بضيق خفيف:طيب هنتكلم امتى
ادهم بعصبيه:بقولك ايه اطلع من دماغي اللي عندي قولته
رائد بعصبيه:ودا مش كلام ناس عاقله انا بحبها
ادهم وهو يتجه ناحية السلم اما تبقا تعرف قميتها تبقا ليك
صعد السلم وتوجه الى غرفته
دخل الحمام واخد شاور
خرج من الحمام وهو بيلف فوطه حوالين وسطه
مسك الموبيل ورن على مديحه
ايوه يامديحه
مديحه :ايوه يابيه
ادهم:الهانم فين؟
مديحه:نامت يابيه من شويه
ادهم:ماشي متسبهاش لوحدهاوخليكي جمبها
مديحه:حاضر يابيه
عدت 3 ايام
ادهم مكانش بيكلم ايلاف او حتى بيروحلها وكمان كان مشغول عشان العرض
في الصاله االي هيتعمل فيها العرض
كان موجود هناك ادهم ورائد وامجد وحتى سمر السكرتيره
وبعض موظفين من الشركه والمصنع والمهندسين االي مسؤلين عن التصاميم وطبعا امجد في مقدمتهم
طبعا كانوا موجودين بيعملو بروفا على العرض
ادهم كان عصبي جدا كالعاده بس كان زياده شويه
الكل كان مفكر انه عصبي عشان العرض اللي هيبقا بكره بس الحقيقه هو عصبي عشان ده رابع يوم مش بيشوفها ولا بيكلمها وبيطمن عليها من مديحه
ادهم بعصبيه وهو بيكلم رائد وواقف بنتين لابسين فساتين
ادهم وهو بيشير للفستان شغلك اوفر ليه مش عارف
رائد:انا ماشي حسب التصاميم
ادهم بعصبيه ممزوجه بسخريه:لا يا بيه التصميم الهيكلي بس انما الشغل االي بره ده شغلتك انت
ثم اكمل وهو يشير الى الفستاين
اللي لابساهم البنتين
شايف مثلا دا
انت بوص كده مش هترتاح لشكلهم اقولك انا بقا ليه الحزام من هنا مش مظبوط زي هنا
ووجه كلامه للبنت لفي كده
والبنت لفت واعطتهم ظهرها
ادهم بوص كده من واره وضحت اكتر
كمان شغله من قدام اووفر والشغل اللي على دراع ده ملوش اي ستين لازمه حاجه تقرف من الاخر يعني
زفر رائد بضيق من طريقة ادهم
ادهم وهو يجلس على احد الكراسي يلا عايز الشغل ده كله يتظبط
رائد ومشي والبنتين
ودخل غرفه كده ملحقه بالصاله
دخل امجد وراه
امجد :هو في ايه هو متعصب اووي كده ليه
رائد وهو ينظر في شغل في ايده ايه الجديد ماهو على طول صوته عالي
امجد:بس الايام اللي فاتت كان اهدى من كده
رائد :بكره نعرف مستعجل ليه
امجد :تقصد ايه مش فاهم؟
رائد بضيق :مقصدش حاجه وسيبني اخلص شغلي ده
.....
عند إيلاف
الفساتين وصلت االي بعتهم ادهم
إيلاف اتفرجت على الفساتين بانبهار
مسكت الاول كان لون احمر بكم من الدنتل طويل لحد تحت مش موجود عليه اي شغل غير انه في وسطه حزام من نفس اللون مرصع بفصوص من االلون الفضي
مسكت التاني كان من اللون الموف كان قطعتين قطعه ساده تحت طويل لحد تحت والتانيه بتتلبس من الوسط بحزام لونها اسود بس منقوشه باللون الموف من نفس درجة القطعه الاولي
مديحه وهي فاتحه بقها ببلاهه ايه الفساتين دي
إيلاف باعجاب وهي تنظر للفساتين ايه رايك
مديحه :دوول حلوين اووي وهيبقوا عليكي احلى
إيلاف بضيق وهي تتجه لغرفتها مش لو روحت
مديحه :انتي بردوه لسه مصممه
إيلاف يعني انت شايفاه معبرني اووي وبقاله 4ايام مش بيكلمني حتى
مديحه :اكيد مشغول .
إيلاف بضيق :بردوه هو االي مش عايز يكلمني وانا بقا مش عايزه اروح العرض
مديحه :نصيحتي اسمعي الكلام وبطلي العند واخذي الشيطان لهتشوفي منه وش تاني عمرك ماشوفتيه
إيلاف وهي تتجه لغرفتها يعمل اللي يعمل هو مش اشتراني
الحلقه الرابعة عشر
يوم العرض السنوي
ادهم جيه بالعربيه ووقف قدام العماره
بص في الساعه االي في ايده كانت 8.00بالظبط
مسك الموبيل ورن على مديحه
....
فوق في الشقه مديحه موبيلها رن
كانت عارفه انه ادهم
مديحه:ايوه يابيه
ادهم بجديه:الهانم جهزت والا لسه
مديحه وهي تحرك فمها يمينا ويسارا بتوتر مش عارفه يابيه
ادهم بحده خفيفه ماتشوفيها يامتخلفه انتي والا اطلع اشوفهالك انا
مديحه واتحركت بسرعه اتجاه غرفة إيلاف حاضر يابيه بشوفها
مديحه وخبطت على الباب
فتحت الباب وزي ماتوقغت لقت إيلاف قاعده على السرير ومجهزتش
مديحه وهي بتبص ل إيلاف وبتشاور بايدها على الموبيل بتنبها ان ادهم على الخط ادهم بيه بيسأل حضرتك جهزتي والا لسه
إيلاف ببرود وهي مازلت جالسه على السرير قوليله مش جايه
نظرت لها مديحه برجاء ممزوج بالخوف
إيلاف وهي تقف هاتي وانا اكلمه بنفسي
في الوقت دا قفل ادهم الخط
مديحه بصت في الموبيل لقته فصل
لسه هتتكلم
سمعت باب الشقه بيتقفل
ادهم ودخل الاوضه كانت مديحه واقفه على اول الاوضه وايلاف واقفه جو شويه جمب السرير
ادهم بغضب وهو ينظر لمديحه اطلعي واقفلي الباب
مديحه بصتله ورجعت بصت ل إيلاف
ادهم بصوت اعلى:انتي مسمعتيش
مديحه بسرعه خرجت وقفلت الباب من غير ولا كلمه
ادهم وقرب من إيلاف
ملبستيش ليه؟
إيلاف بشجاعه مزيفه:مش ..عايزه اجي
ادهم بعصبيه:هو احنا مش اتكلمنا قبل كده
آيلاف:متكلمناش انت اديت اوامر ومشيت
ادهم:طيب يلا البسي
إيلاف بعند: لا مش لابسه ..مش جايه
ادهم وقرب من ذراعها وماسكها منه
وقال وهو بيضغط على دراعهاكلمة لا دي مش بحب اسمعها ومش بحب اسمع غير حاضر سامعه والا لا
إيلاف بتوجع وهي تبكي:اه سامعه ااه سيب دراعي
ادهم وسابها
وفتح الباب
ونادى على مديحه
اللي جاءت بسرعه تحت امرك يابيه
ادهم:ساعدي الهانم انها تلبس وانا مستني بره
ادهم وخرج وقفل الباب
مديحه واقتربت من إيلاف اللي بتبكي وبصت على ذراعها وكانت صوابع ادهم معلمه عليه
مديحه بحنان :يلا قومي البسي
كان قاعد في البلكونه
بص في الساعه كانت8.45
زفر بضيق
المفروض يكون هناك بدري
قام بتلقائيه وفتح باب الغرفه
كانت مديحه بتربط الحزام ل إيلاف
الاتنين بصوا باتجاه الباب
ادهم بجديه روحي يامديحه وسبيني مع الهانم
انتي عارفه هتعملي ايه؟
مديحه:اه يابيه هجهز الشنط وهستنا الاسطى حسن يجي ياخدني بالشنط
اشار لها ادهم ان تخرج اقترب هو من إيلاف التي تبكي ربط لها الحزام
بحث بعيونه وجد العلبه التي بها الاكسسورات موجوده على التسريحه فتحهاواخرج منها كوليه اللي هو اشترهلها ادهم مسكه بايده وبداء يلبسهولها
ادهم لبسهولها وهو بيعد خصلا شعرها المتبعثره على رقبتها
كل ده وإيلاف ثابته ودموعها بتنزل من عيونها
ادهم ومسك وشها بين ايده ومسح دموعها بشفايفه وهو بيحركها على وجهها
واقترب من شفاتيها كاد ان يضع بصمته عليهم
لكن الباب خبط
ادهم زفر بضيق ايه مديحه
مديحه :تليفون حضرتك رن اكتر من مره فقولت اقول لحضرتك
ادهم :طيب سبيه مكانه وانا جاي
ادهم وجاب الطرحه اللي ايلاف هتلبسها
وحاطها على شعرها
ادهم وهو بيلبسهالك شعرك ده اجمل شعر شوفتي في حياتي واحلى حاجه ان انا اللي بشوفه بس
نظرت له إيلاف بصمت
ادهم ولبسها الحجاب بمهاره ايه رايك كده
إيلاف وبصت في المراءه
هزت دماغها بالموافقه
......
رائد:اووف انا مش عارف هو مبيردش
امجد:ممكن يكون جاي في الطريق
رائد دا مش يوم التاخير اصلا
رائد بيدور وشه الناحية تانيه بص وفتح عينه بدهشه
امجد وهو بيص لرائد بتعجب وبص اتجاه ما بيبص
لاقى ادهم داخل وإيلاف متعقله في ذراعه
امجد وملامحه كلها اتحولت لغضب
ادهم وإيلاف قربوا منهم
ادهم :واقفين كده ليه؟
رائد والدهشه مسيطره عليه وهو ينظر لايلاف اللي كانت بتحاول تخبي نفسها في ادهم من نظرات رائد وامجد
رائد: مفيش منتظرينك انت اتاخرت
ادهم وهو يمسك ايد إيلاف انا واصل في ميعادي
واتجه الى الصاله اللي هيتعمل فيها العرض واللي كانت موجود فيها ناس ملهاش عدد
رائد وامجد مشيوا وراه
امجد بغضب:هي البت دي رجعت امتى؟
رائد:معرفش
امجد بضيق: لا كده بقا كتير اووي ياترى هيحصل ايه تاني
ادهم دخل الصاله وإيلاف ماسكه في إيده
كان فيه مصورين كتير وبدوا يلتقطوا صور
ادهم وضغط على إيد إيلاف بيطمنها واتجه للصف الاول
كانت زهيره تجلس وبجانبها سما وبجانبهم مي وهند
الكل بص ناحية ادهم وإيلاف
زهيره اللي هزت رأسها بابتسامه هي عارفه حفيدها لم يحط حاجه في دماغه
سما بدهشه مش معقول إيلاف
هند وهي تنظر ل ايد ادهم اللي ماسكه ايد إيلاف بضيق
ومي اللي عينها كانت على الفستان والكوليه والخاتم اللي لبساهم ايلاف
ادهم وقرب من زهيره وقبل ايدها
زهيره بابتسامه حمدلله على السلامه ياحبيبي
ادهم:الله يسلمك
ادهم وهو يمسك ايد إيلاف اللي واقفه وراه ويوقفها قدام زهيره إيلاف مراتي ياتيتا
هند ومي بصوا لبعض بضيق
وامجد بص لرائد اللي كان سامع بس مركز مع سما اللي بتبص بابتسامه واسعه وفرحانه
زهيره وهي تنظر بابتسامه واسعه ل إيلاف اهلا ياحبيبتي
إيلاف وانحنت لمستوى زهيرها وقبلت يديها اهلا بحضرتك يا تيتا
سما وحضنت ايلاف جامد وحشتني اووي
إيلاف وهي تبادلها الحضن وانتي كمان وحشتني اووي
رائد ل ادهم:مبرووك
ادهم :الله يبارك فيك
امجد بضيق بيحاول يداريه مبرووك
ادهم :الله يبارك فيك
اما هند ومي فالاتنين قعدوا من غير ولا كلمه
ادهم قعد بجانب زهيره وجمبه إيلاف وجمبها سما وبعدها هند وبعدها مي وامجد ورائد جمب امجد
وبداء العرض
ادهم لف ايده حولين كتف إيلاف وبايده ضغط على ايدها اللي حس برعشتها
وبصوت هامس في ودنها مفيش حاجه مستهله التوتر ده كله
إيلاف بصتله ابتسمتله بخفه
ادهم وكأنه مش حاسس بكل اللي حواليه وضع قبله خفيفه على شفايفها
إيلاف بصلته بخجل وبصت في الارض
مي طول العرض وهي مركزه مع إيلاف وادهم
هند كانت باصه قدامها بضيق مش مستوعبه هو في ايه اصلا مش متخيله انه فضل ايلاف عليها واختار إيلاف
عكس سما اللي كانت كل شويه تبص على إيلاف مش
مصدقه انها رجعت
العرض استمر 3ساعات
بعد انتهاء العرض
بدوا يخرجوا من الصاله وكل واحد يستقل عربيته
في عربية رائد ركبت سما وزهيره
وامجد ركب ومعه مي مراته وهند اخته
ادهم ركب هو آيلاف عربيته
في عربية امجد
مي كانت راكبه جمبه
كانت مضايقه جدا
مي بعصبيه:انا مش مصدقه الجنان ده بقا يجوز بنت البايعه دي
امجد بحده:مي اسكتي شويه
مي:اسكت ايه.. ايه البرود اللي انت فيه ده يعني عجبك ده
امجد:لا مش عاجبني بس هقول ايه هقوله متتجوزش هو حر
مي بعصبيه هو يعني اختار واحده عدله دا اختار وحده جربوعه ومش بس كده شوفت الفستان اللي لابسه دا لا انا ولاهند ولا حتى سما لبسنا زيه والا الكويله والا الخاتم اللي لابسه
امجد مردش عليها هو اللي عامل التصميم دي وعارف ان ادهم منزلش التصميم ده واخده ل إيلاف
تنهد بضيق وانا مقصرتش معاكي في حاجه انتي عندك دا دول 10مرات
مي ونظرت لهند اللي قاعده وراه بنت البايعه عرفت تعمل االي ناس مقدرتش تعمله
هند بصلتها ورجعت بصت من الشباك بضيق
الحلقه الخامسة عشر
وصلوا القصر
الكل نزل من العربيات
واتوجهوا للداخل
ادهم كان ماسك ايد إيلاف اللي كانت هي كمان ماسكه فيه
بصت للقصر بانبهار كان فخم اووي اكتر ما هي توقعت وتصورت
دخلوا من باب القصر
في المقدمه الجده ورائد ومعهم سما
ووراهم امجد ومي وهند
وفي الاخر ادهم وإيلاف
جلست الجده على اقرب مقعد
زهيره:الف مبروك ياحبايبي عقبال كل سنه وانتم في نجاح واشوفكم دايما في مكانه عاليه
ثم وجهت كلامها ل إيلاف وادهم وانتوا طبعا كملتوا الفرحه ربنا يسعدكم ويهدي سركم
اقترب منها ادهم وقبل رأسها ويباركلنا في عمرك ياتيتا الفرحه كامله بوجودك وسطنا
زهيره بابتسامه ربنا يبارك فيك ياحبيبي
ادهم واقترب من إيلاف
وبصوت عالى نسبيا مديحه ..مديحه
اتت مديحه مهروله اليه تحت امرك يا ادهم بيه
تفأجاء الجميع بوجود مديحه
ولكن لم يتحدث احد
ادهم:طلعتي شنط الهانم فوق
مديحه:ايوه يابيه وكل حاجه في مكانها
ادهم:تمام وصلي الهانم للاوضه
مديحه:حاضر يابيه
ادهم ل إيلاف وبصوت هادي اطلعي انتي شويه وهحصلك مش هتاخر
هزت إيلاف رأسها بلايجاب
وتحركت وبجانبها مديحه
زهيره :هي مديحه رجعت امتى؟
ادهم:من النهارده هي تبقا مسؤله بس عن إيلاف
كانت مي قد وصلت لقمة فرستها ونفاذ صبرها
وقالت في نفسها كمان جايب لها خدمه لوحدها كدا كتيرالموضوع زاد عن حده
كانت هند تشعر وكأنها في غيبوبه لم تعد تتحمل كذلك
قامت فجاءه ووجهها غاضب انا تعبانه وطالعه انام تصبحو على خير
الجميع:وانتي من اهله
مي:استني انا كمان هطلع انام تصبحوا على خير
......
في عرفة ادهم
مديحه بسعاده جاليه على وجهها:نورتي القصر ياهانم
إيلاف بابتسامه :شكرا يامديحه
مديحه وهي تشير الى غرفه صغيره ملحقه بالغرفه الموجودين فيها الاوضه دي اوضة اللبس جوع هتلاقي لبسك في الدولاب وفي هدوم تانيه ادهم بيه ادهاني موجوده كمان
إيلاف بتساؤل :هدوم ايه؟
مديحه بابتسامه :احم ابقي شوفها انتي بقا ..الحمام جاهز هتحتاجي مني حاجه
إيلاف: ايه رايحه فين؟
مديحه:هنزل بقا مينفعش افضل هنا اكتر من كده الوضع اتغير هنا مش زي ما كنا في الشقه تؤمرني بحاجه
إيلاف:شكرا
مديحه وخرجت من الاوضه
إيلاف اتفرجت شويه على الاوضه وبعد كده دخلت تاخد حمام
......
جلست على الكرسي في غرفتها بتعب
شكرا ياحبيبي تعبتك
ادهم وهو يقبل راسها ولاتعب ولاحاجه ياتيتا انتي مش عارفه غلاوتك عندي والا ايه
زهيره بزعل مصطنع:اه ما انا عارفه عشان كده اتجوزت بالطريقه دي ومقولتليش
ثم اكملت بنبره تحذريه ومتقولش كل حاجه جاءت فجاءه انت شكلك مرتب كل حاجه
ادهم وهو بيضخك اووي طيب والله كل حاجه جاءت فجاءه
زهيره بلوم:ياسلام طيب ازاي وانت مرتب كل حاجه حتى جبت مديحه
ادهم :هحكيلك كل حاجه بس بعديين
زهيره:ماشي ..اطلع بقا لمراتك متسبهاش لوحدها كل ده زمانه مضايقه جديده في المكان
ادهم وهو يقف:ماشي ياست الكل ان مكنتش بس تحلفي
زهيره بابتسامه واسعه ربنا يسعدكم خود بالك منها شكلها غلبانه وطيبه
...
خرجت من الحمام
كانت ترتدي برموده من اللون الزيتي كب
جلست امام المراءه تصفف شعرها الناعم الطويل تأملت نفسها بخجل لاول مره ستظهر امامه هكذا شعرت بالتوتر عندما سمعت باب الغرفه بيتفتح
بصت في المرايه لقت ادهم داخل كان ماسك الجاكت بتاعه في ايده
ادهم وهو يغلق باب الغرفه مساء الخير
إيلاف بخجل وهي تصفف شعرها مساء النور
ادهم وقرب منها واخد منها الفرشاه وبداء يسرح لها هو شعرها
إيلاف كانت مكسوفه وباصه في الارض
ادهم ولاحظ الكدمات اللي على ذراعها من مكان ايده واللي بدات تتحول للون الاحمر الغامق والمايل للاسود
ادهم ساب شعرها ودخل للغرفه الملحقه
إيلاف استغربت انه سابها فجاءه ودخل
بس فهمت لما لاقته راجع بكريم في ايده
ادهم وجلس على الارض على ركبه
ومسك دراعها وبداء يحط على كريم على الكدمات ويدلكه برفق
ادهم:عجبك كده شوفتي عيندك وصلنا ل ايه
إيلاف مكنتش مركزه في كلامه متوقعتش انه ممكن يعمل كده قد ايه برغم غضبه وعصبيته بتشوف في عيونه حنيه
افتكرت كلام مديحه لما قالت لها بكره الايام تثبتلك كتير
ادهم خلص الكريم حطه على التسريحه
وقف ومسك ايد إيلاف ووقفها
وضع قبله خفيفه على ايدها
ادهم ومسك وجهها بين ايديه وهو بيحرك إباهمه على شفايفها بحبك
نظرت له إيلاف بابتسامه خجله كان نفسها تسمع الكلمه دي منه
ادهم وهو مازل على وضعه ايه مش هتردي عليا نفسي اسمعها من بين شفايفك
إيلاف بخجل :بح..بك
ادهم وهو ينظر الى شفاتيها قوليها تاني
إيلاف بخجل اكبر واحمرت وجناتها بح.ب
لم تكمل وابتلع كلماتها والتهم شفاتيها بقبله .....
.......
كانت تمشي في الاوضه ذهابا وايابا في ضيق
امجد بتعب:انتي مش هتقفلي النور بقا انا تعبان بقالي اسبوع منمتش نفسي انام بقا
مي وهي تقترب منه بضيق يابختك ليك نفس تنام
امجد بحده:في ايه يامي مالك هو انتي مش شايفه اني بقالي اسبوع منمتش
مي بضيق:انت المفروض متنامش ونقعد نفكر في المصيبه اللي حصلت دي
امجد:مصيبة ايه؟
مي:الزفته اللي جاءت واتجوزها ادهم دي بنت البايعه جايبها يعملها علينا هانم
امجد بضيق:واحنا مالنا مايتجوز اللي يتجوزها هو حر لو حاجه تهينه فلنفسه واعتقد انه مش عيل صغير وعارف هو بيعمل ايه
مي:انت بتستهبل البت دي مش سهله واحنا مش عارفين ناويه على ايه
امجد وهو ينام :تنوي على اللي تنوي عليه انا اعرف اوقفها عند حدها كويس
ثم اكمل وهو يضع الوساده على رأسه اقفلي النور بقا
........
تاني يوم
تململت في الفراش ببطء
فتحت عيونها بكسل واغمضت مره اخرى
ولكنها سرعان مافتحتها
نظرت حواليها استوعبت هي فين
دثرت نفسها في الملايه وهي تبتسم بخجل وهي تتذكر ليلة امس
في اللحظه دي خرج ادهم من الحمام وهو يرتدي البوكسر فقط
إيلاف وشدت على الملايه اكثر وبصتله بخجل
ادهم بابتسامه وقرب منها صباح الورد
إيلاف بخجل:صباح النور
ادهم وقعد قدامها مش يلا بقا كفايه كسل المفروض البيت كله مستنينا تحت على الغداء
إيلاف بتوتر وملامح وشها اتغير بضيق بتظهر هي عكس بابتسامه بسيطه:حاضر هقوم
اجهز
إيلاف وكانت هتتحرك من على السرير
ادهم ووضع ايده على ايدها مالك؟
إيلاف وهي تهز رأسها:مفيش حاجه
ادهم:ليه دايما متوتره كده؟
إيلاف وهي ترفع كتافيها مش متوتره ولاحاجه
إيلاف وكانت هتقوم
ادهم مسك ايدها مش عايزك دايما خايفه كده انا عارف انك كنتي خايفه من المواجهه واعتقد ماكانتش صعبه
إيلاف ديرت وشها بخجل انه فاهمها
ادهم وماسكها من ذقنها وثبت عيونه في عيونها وهو بيتكلم بجديه باينه في عينه انا عايزك تتعملي مع كل اللي في البيت او اي حد تقابله انك إيلاف مرات ادهم الشهاوي اللي لو اي حد مس شعره منك هخفيه من على وش الدنيا ومحدش هيعرفله طريق
نظرت له إيلاف بصمت
ادهم:يلا قومي اجهزي مينفعش يفضلوا منتظرنا اكتر من كده
إيلاف:حاضر مش هتاخر
.....
كان الجميع ينتظرهم
بعد ادهم ما بلغهم انهم هينزلوا على الغدا
رائد:انا جوعت ياتيتا هما بيعذبونا والا ايه؟
زهيره:زمانهم نازلين اصبر شويه
رائد بمكر وهو ينظر لسما التي يجلس بحانبها ويغمز بعينه:اه يابا عقبالي بقا يابختك يا ادهم طول عمره محظوظ
نظرت له سما بضيق مصطنع وهي بتحاول كتم ضحكاتها
زهيره بجديه مصطنعه طيب قوم من جمبها لو نزل لقاك قاعد جمبها لا هتتجوز ولا هتعيش حتى
رائد وهو يقوم من مكانه ويقعد جمب امجد الذي ينظر في هاتفه المحمول وعلى ايه اقعد جمب امجد احسن
كانت تجلس بجانب هند وعلى ملامحها الضيق
مي :خلينا قاعدين منتظرين السنيوره اما تنزل
هند بضيق:انا معتش قادره استحمل العيشه في القصر ده
مي:مين سميعك شوفتي حتة بت لا راحت ولاجت عملت ايه علمت علينا كلنا انا عايزه اعرف انتي كنتي في الشركه بتعملي ايه هناك
هند بضيق:اعمل ايه يعني انتي مشوفتش كان بيعملني ازاي عايزني اروح مكتبه عشان يهزقني قدام السكرتيره كمان
مي:اهو حتة سكرتيره اخدته في شهرين
هند بغيظ :البت دي مش كانت اختفت وغارت في داهيه
مي بسخريه:اختفت دي كانت مع ادهم بيه
هند كانت هتتكلم
بس نزول ادهم وإيلاف خلها تسكت وتبص عليهم
انتظروا التكملة
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق