جميع الروايات كامله

اعلان اعلى المواضيع

 رواية بنت الريف البارت الاول والثاني والثالث والرابع والخامس  بقلم شمس العمراوي حصريه وجديده على مدونة النجم المتوهج 

رواية بنت الريف الجزء الاول والثاني والثالث والرابع والخامس  بقلم شمس العمراوي حصريه وجديده على مدونة النجم المتوهج

رواية بنت الريف الفصل الاول والثاني والثالث والرابع والخامس  بقلم شمس العمراوي حصريه وجديده على مدونة النجم المتوهج

في شقه في منطقه راقيه نجد شاب نائم علي سريره وبجواره ف”تا ة  لا ياست”رهم غير الغطاء

استيقظ بطلنا صاحب العيون الزيتوني

نظر في الهاتف ثم فتح الاتصال وقال: اممم

الشخص: تعالي فورا الشركه في ورق ات س”رق منها

اغلق الاتصال من غير ان يكلف نفسه ان يرد…… وقف وذهب الي المرحاض وخرج منه وهوا يلف جزئه الس”فلي بالمنشفة  ووقف ينظر الي تكوينه العضلي ويرتدي ملابسه التي هي بدله سوداء علي قميص اسود وساعته ووضع برفيوم الخاص به وصفف شعره بعنايه

نظر الي المرأه وجد الفتاه تتململ في الفراش وهي تنظر اليه

فهد: في فلوس في الدرج مشفش وش”ك تاني

وخرج من الشقه ونزل من البنايه وركب سيارته وذهب الي شركته شركة العمري للهندسه المعمارية

دخل الي شركته بطوله الفارع وهو لا يبالي باي احد…….. 

نظر عليه الموظفين الذين يهابون غضبه فهوا ملقب با الو”حش يتعامل مع اصعب الموقف ببرود مثل الثلج لكنه

 لا ير”حم احد شديد الغ”ضب…..

دخل الي المصعد ووصل الي الدور الاخير

دخل الي مكتبه قابل السكرتيره قال فهد: بلغي ادم اني وصلت

السكرتيره وهي تدعي ليلي : حاضر يافندم

دخل فهد الي المكتب وجلس في مكانه المخصص

وضعت ليلي الملف امام فهد وذهبت و أحضرات كوب من القهوا ورحلت

نظر فهد الي الملف الذي امامه وهوا يدرسه بعنايه

دخل عليه ادم وقال: فهد في ورق مهم في صفقة

 الساحل مسرو”ق

نظر إليه فهد ببرود وقال: عرفت مين الي سر” قه

ادم: لا لسه

فهد ببرود: تمام لما تعرف مين وديه علي المخازن

ادم: تمام ساعه ب الكتير وهكون هناك

فهد: تمام

اعطي فهد الملف الذي امامه الي ادم وقال: الملف دا يروح الحسابات عشان هيتقدم بكرا

ادم وهوا ياخذ الملف وقال: تمام عرفت ان شركة مرونكو دخله في المناقصه تجديد قري الريف

فهد ببرود: عارف

ادم: تمام

خرج ادم من المكتب وذهب الي غرفته وجد هاتفه يرن ونظر الي الرقم كثير وقبل ان ينتهي لاتصال فتح الاتصال وقال: عاوز ايه

الشخص: حبيت ارن عليك وقولك المناقصه مش هترسي علي حد تاني غيري

فهد ببرود: ايوا وانا اعملك اي

الشخص: تنسحب عشان الإمبراطورية الي انتا عملها نهايتها علي ايدي

فهد ببرود قال: ماشي نشوف مين الي هيقضي علي التاني

الشخص: ماشي يا أبن العمري

اغلق الاتصال وخرج من المكتب……. وقفت ليلي عندما وجدت فهد يخرج من المكتب

فهد: الغي اي اجتماع انهاردا واي اجتماع مستعجل قولي لي ادم يحضره

ليلي: تمام يا فندم

خرج فهد من الشركه وركب سيارته وذهب الي قصره

دخل الي القصر قابل اخته يمن كانت تجلس في حديقة القصر و امامها حامل لوح الرسم ويوجد بجوارها جميع الالوان المطلوبه والفرش والاقلام

ذهب فهد اليها وقال: بنوتي بتعمل الي

يمن: برسم العصفور الي في علي الحوض ده

شوف اي رايك

نظر فهد الي ال لوحه ثم نظر امامه وجد الرسم نسخه عن الاصل ……

امسك فهد يد يمن وقال: تسلم ايدك يا حبيبتي

يمن وهي تمشي يد”ها علي وجه فهد قالت: اقعد ارسمك

فهد وهوا يمشي يده علي شعر يمن قال: مش النهاردة عندي شغل مهم هـاخلصه و ابقي ارسمي زي مانتي عايزه

يمن: ماشي

فهد: فين جودي

يمن: مع فهد الصغير

فهد: تمام

دخل فهد الي غرفة ابن جودي

وجدها تنام وفهد الصغير يجلس بجوارها وهوا يلعب في هاتف جودي

غطي فهد جودي وحمل شبيه الصغير

فإنه نسخه مصغره منه وذهب الي غرفته ووضعه علي 

السرير ووقف امامه وقال: عامل اي يا بطل

واخذ يلعب معه حتي نام الاثنين

استيقظ فهد علي لمسات بريئه ليد صغير

فهد الصغير: تهد

فهد: حبيب فهد

دخلت عليه جودي وهي تقول: مساء الخير يا فهد

فهد الصغير وهوا يشب علي جودي قال: دودي تهد هااام

حملت جودي فهد الصغير وقالت: عوز تاكل يا قلب ماما……. هتعوز حاجه انا هروح اكل فهد

فهد: لسه مصممه ما تتجوزيش

جوري : مش عايزه انت عارف ان اسلام كان حب الطفوله والشباب وزي ماكنت زوجته في الدينا

هكون زوجته في الاخري وكفايه عليا فهد عيشه عشانه

ابتسم فهد وقال: ربنا يخليهولك

جودي: سلام بقا عشان اروح اكله ياله يا فهودي اعمل 

ل خاله باي

فهد الصغير وهوا يشاور بيد قال: باي تهد

اخذت جودي فهد ورحلت

وقف فهد ودخل الي المرحاض وبعد مرور وقت قصير خرج وهوا ينشف شعره الاسود الكثيف ودخل الي غرفة الملابس

ونزل الي لاسفل وخرج من القصر وركب سيارته

وهوا في الطريق وجد اكثر من عشر سيارات تمشي خلفه قلب عينه بملل ثم رن علي صديقه ادم وقال ببرود: ادم ابعت حراس علي القصر تكون واثق فيهم

ادم: تمام بس حصل حاجه

فهد ببرود: في عربيات بتلحقني

ادم: ابعتلك حراس

فهد: مش هيلحقوا يوصلوا بس اهم حاجه القصر  يتأمن

ادم: فهد خلي بالك من نفسك

فهد ببرود: ماشي

نظر فهد الي المرأة السياره وجد سيارتين من سيارات اقترابت منه ذود سرعة سيارته وبدأ السواقه بمهاره حيث كان يتخطي السيارات بمهاره عاليه لكن لم تدوم طويلا حيث وجد خمس سيارات تسد الطريق…… اوقف فهد سيارته ونزل منها وبدا في الاشت”باك بالا”يدي

عندما كان فهد يدافع عن نفسه احس بشيء ينغزه في رقبته عرف انها حقنة مخدر بقي يعافر بعض الوقت لكن وقع واغمي عليه

في صباح يوم جديد علي الريف المصري

حيث الهواء النقي بعيدا عن دخان المصانع و تلوثات المدينة حيث نجد الارضي الزراعيه والحيوانات انها الساعه السادسه صباحا

في منزل ريفي بسيط نجد سيده تجلس تحت بقره و تحلب فيها وتجلس امامها بدر

تكلمت المرأه واسمها سعيده

سعيده: بت يا بدر

بدر: نعم يا مرات عمي

سعيده: احلبي يابت البقره التانيه دي

بدر: هي بقر”تي ولا بقرت”ك

سعيده: بتعتي يا شملوله

بدر: وانا لما احلبها مين هيخد اللبن

سعيده: انا طبعا

بدر: يبقا انتي الي تحلبيها مش انا

سعيده: ماشي يا بدر الك.....والله لو ما حلبتي

 البقره لا إنتي وكله فطار ولا غده ولا

عشا و هـ تنامي فوق السطوح

بدر: دا علي اساس انك بتأكليني اوي

دا لولا اني بشتغل كان زمني مي”ته من الجوع و بعدين ماله النوم فوق السطوح دا حتي الجو طراوه

سعيده بعد ان انتهت من حلب البقرة الاولي قالت

: خدي اللبن دا دخليه جوه و حضري الفطار وعلي الله الاقيكي واكله حاجه منه

بدر: مش عارفه انتي طالعه بخيله لمين دا حتي الريفين كرمه ياشيخه

سعيده: كرمه للغريب يا رو”ح امك اخلصي وروحي صحي المز”غوده التانيه خليها تروح مدرستها

وقولها قبل متمشي تروق البيت وإنتي حضري الغدا

لم ترد عليها بدر وذهبت الي غرفه بدور وهي تكون ابنه سعيده وعبد الحميد

بدر وهي تحمل في يدها زجاجه من الماء البارد

ثم وضعتها علي الناموسيه وهي قماشه كبيره علي حجم السرير تشبه الخيمه لاكن اصغر مصنوعه لمنع الناموس ل كثرته في منطق الريف

فتحت الغطاء نصف فتحه وثبتتها علي راس بدور مقابل اذن ها وبدأت الزجاج في تقطير الماء في اذن بدور مر بعض الوقت وقامت بدور وهي منفزعه

جلست بعض الوقت ثم قالت بغضب : والله يا بدر الك.....” لأ أعرفك

بدر وهي تضحك قالت: امك بتقولك قبل ماتروحي المدرسه روقي البيت

بدور وهي تنم قالت: هي الساعه كام

بدر: سته ونص قدامك نص ساعه اخلصي عشان تمشي

بدور: طيب

ذهبت كل واحده لادي عملها

كانت بدر تطبخ وهي تدندن بعض الالحان وهي تتزوق الطعام وتأكل منه حصتها دون علم سعيده لانها محرمه من تناول لافطار والغداء والعشاء

عند  الانتها خرجت وذهبت الي غرفتها ولبس زي المدرسه الثانويه وذهبت مشيا اليها

وهي في الطريق كانت المسافه بين بيتها وبين المدرسه تأخذ ساعه مشي ويوجد في منتصف الطريق منطقه مهجوره يوجد بها مخازن قديمه لا يستعملها احد وهي تسير بجوار المخازن سمعت صوت شخص يو”أني

وكالعاده تغلب عليها فضولها وذهبت لي ترا من موجود في الداخل

نظرات من فتحه في الجدار المخزن وجدات رجل مقيد بالحديد

والدم”اء تسيل منه .

فتح فهد عينه وجد خمس حراس ورجل يقف امامهم

تعرف فهد عليه

نظر اليه فهد ببرود وقال: امم عوز اي

الرجل ويدعي مروان وهوا يكون صاحب شركة مرونكو للهندسه المعماري

مروان: ولا حاجه حسيت بشويت ملل قولت اتسلى

نظر اليه فهد وهوا يرفع حاجبه بمعني ماذا

مروان بضحكه شر”يره : دي نهي”تك يا فهد اشوفك بعد شهر دا لو كنت لسه عا”يش

لم يرد عليه فهد بل نظر اليه ببرود ورفع حاجبه باستهزاء

اغتاظ مروان كثيرا ثم 

خرج مروان وقال للحارس الذي وقف علي الباب: عاوزه يتروق عليه اول مخرج جر”ح عميق يصفي دمه

وممنوع حد يدخله له او يديله اي حاجه يكالها و

يشربها ثم لبس نظارته وخرج من المخزن وركب سيارته وقال: كش ما”ت

دخل بعض الرجال علي فهد و بدا ؤ في ضربه ان فهد مقيد اليدين ولم يستطيع ان يدافع عن نفسه بسبب كثرتهم اخرج رجل منهم خنجر وطعن فهد في قدمه وبدء في طعن في جميع جسده  ثم خرجو من الغرفه

في قصر العمري كانت كل من جودي ويمن

يجلسون في صالون المنزل وكل وحده منهم شارده

يعرفون ان فهد يغيب كثيرا في الخارج لكن هذه المره مختلفه يشعرون ان هناك امر حصل مع فهد

كل واحده تفكر في نفس الشيء

دخل عليهم ادم وقال: السلام عليكم

رد كلا من يمن وجودي السلام

يمن بابتسامه: اهلا يا ادم فينك مش بنشوفك

ادم: معلشي يا يمن عندي شغل

جودي:اومال فين فهد

صمت ادم قليلا ثم قال بابتسامه: فهد سافر لشغل

وطلب مني امن القصر عشان واتمني لحد ما هوا يرجع خروجكم من القصر يكون بعلمي ويا ريت يكون معاكم حراس

نظر كلا من جودي ويمن الي ادم ثم قالت جودي: وليه كل دا بقا حصل اي

يمن: حصل اي مع فهد يا ادم

ادم بابتسامة: محصلوش حاجه

اخرج هاتفه من جيبه ثم فتحه واعطي ل جودي

نظرات جودي في الهاتف وجدات رساله من فهد

ان ادم يأمن القصر ويأخذ باله من اخوته لان المكان الذي سيذهب اليه لا يوجد فيه  شبكة ....

رواية بنت الريف 

بقلم شمس العمراوي

البارت الثاني

___________

نظرات بدر من فتحه في جدار المخزن وجدت رجل

مقيد بسلاسل من حديد يسيل منه د”ماء كثير

دخلت من الفتحه ثم نظرات الي جروح جسده

ثم خرجت من المكان وبدل من الذهاب الي المدرسه

ذهبت الي الصيدلية ا الموجوده في القريه

بدر: السلام عليكم

الدكتور : وعليكم السلام

بدر: دكتور عوزه حاجه تعقيم الجروح و شاش وقطن كتير

الدكتور: ليه عوزه الكميه دي

بدر: مافيش بس في خروف كبيره وكمان معزه هجمت عليهم الكلاب وعورتهم وفي دم كتير بينزل منهم عوزه ادويهم

الدكتور: وانتي ليه ما رحتيش صيدلية المواشي

بدر وهي تفكر قالت: عشان عشان اممم اه عشان مش معايا فلوس و ها خد العلاج وانت هتنزله من شهريتي

الدكتور ماشي: بس هما عوزين حقنه مضاد

بدر: خلاص جيب واحده

الدكتور: دي بتجي من صيدلية المواشي

بدر: طيب الي بص جيب واحده من عندك وكمان لو ابره وخيط عشان في جروح عميقه

الدكتور : ماشي يا بدر اما نشوف اخرتها معاكي ايه

بدر: فل انشاء الله بس حاجه كمان والنبي

الدكتور: عاوزه اي تاني

بدر: ولا حاجه بس لو حد سالك حد جه خد من هنا 

حاجات من دي متقولش اني اخدت

الدكتور: ليه

بدر: انتا عارف جوز مرات عمي رجل جلده و بخيل زي مراته

الدكتور : احنا قولنا اي كدا عيب

بدر وهي تعض علي لسانها قالت: اسفه بس هما الي بيخرجوني عن شعوري سلام بقا

ثم ذهبت الي منزل والدها الذي كان مرتب كان احد 

يسكن فيه كانت عندما تطرد ها سعيده او عبد الحميد

 خارج المنزل ليلا

كانو يظنون انها تنام فوق المنزل لكن كانت تذهب

 الي بيت والدها و تنام هناك

كانت تخاف النوم وحدها لكن هذا افضل من العراء علي الاقل تشعر بالامان في منزل والدها

ثم ذهبت الي جارهم وقالت: السلام عليكم يا حاج رضا

الحاج رضا: وعليكم السلام يا بدر عامله ايه

بدر بابتسامه: كويسه الحمدلله كنت عاوزه العربيه 

بالحمار نص ساعه

الحاج رضا: عاوزاه ليه

بدر: تعرف انهاردة روحت بيت بابا و نظفته في شويه 

كر كبه هاشيلهم علي العربيه انتا عارف.مش بستحمل

 القي اي حاجه عفشه في البيت.

الحاج رضا: ماشي يا بنتي خديها عندك اهي

اخذت بدر العربه و تسوقها  ثم ذهبت الي منزلها ووضعت عليها بعض الكراتين و القماش المستهلك ثم ذهبت الي المخازن القديمه نظرت الي الفتحه التي في الجدار التي يوجد خلفها بعض البراميل لم يرها احد

ثم دخلت و ازحت البراميل و اخرجت زجاجه بها ماء نار التي افرغتها من بطاريه لدرجه ناريه قديمه

ثم وضعتها علي لحام السلاسل ثم حاولت ان تجر فهد لكن لم تنهض خرجت واحضرت لوح من الخشب ثم وضعت فهد عليه وجابت حبل وربطته في لوح الخشب ثم سحبت فهد الي ان وصلت الي عربه ثم حاولت كثيرا الي ان وضعته عليه ثم جابت بعض الاقمشه و فرشتها عليه ثم رحلت الي منزلها

لكن قبل ان تخرج وضعت زجاجة التي بها الماده

ثم خرجت و مسحت بعض الدم الذي عمل اثر

ثم وضعت البراميل كما كانت ثم اخذت العربه وذهبت الي منزلها  انزلت فهد من علي العربه ودخلته الي المنزل ثم وضعته علي السرير و قفلت الباب وخرجت من المنزل

 و اخذت العربه والحمار وذهبت

بدر: حاج رضا العربيه اهي شكرا

الحاج: ماشي يا بنتي العفو

رجعت بدر الي منزلها ثم دخلت الي الغرفه

و بدات في تعقيم جروح فهد و خيطت الجروح العميقه

لان بدر كانت تعمل في الصيدليه التي احضرت منها الشاش

 و المعقم….. ف اصبحت تداوي جروح بعض الفقراء في القريه لو احد اصاب بجرح عميق يطلبون منها ان تعقيم الجرح لعدم اخذ المال منهم لانها اشتغلت تحت يد دكتور جراح قبل ذهابها الي الصيدليه لكن

تجادلت مع الدكتور الجراح لعدم علاج طفل فقير

وهي من دفعت حساب علاج الطفل وتركت العمل مع الطبيب

بعد الانتهاء وضعت عليه غطاء وخرجت من المنزل

وذهبت الي الصيدلية التي تعمل بها

بدر: السلام عليكم دكتور

دكتور: وعليكم السلام عملتي ايه

بدر: الحمد لله بقو بخير

دكتور: ربنا يجزاكي خير

بدر: يا رب

__________

في قصر العمري كانت جودي تجلس في غرفة فهد الصغير وهي تلعب معه دخلت عليها يمن ثم جلست بجوار اختها وهي شارده

نظرات جودي الي اختها والي حيرتها

هل يا ترا تفكر في فهد…… اهي تشعر مثلها ان فهد حصل معه شيء

جودي: مالك يا يمن بتفكر ي في ايه

يمن: قلقا نه  علي فهد مش عارفه قلبي مش مطمئن

جودي: وانا كمان عندي احساس ان ادم مخبي

عننا حاجه تخص فهد

يمن: ايوا وانا كمان بالاخص لما يرن انهاردة كتير

 و يشوف ان كنا محتاجين حاجه

جودي: امممم واحنا هـ نعرف هوا مخبي ايه  ازاي

يمن: استني كدا هــ جرب حاجه

اخرجت يمن الهاتف و رنت   علي ادم وادعت انها تبكي.

كان ادم في شركة فهد يدير اعماله وهوا يبحث عن فهد رن علي كبير الحراس وقال: سامح عملت  ايه

سامح: مش عارفين مكانه دورنا كتير حتي راقبنا

مروان موجود في الشركه

ادم: دور اكتر من كدا شوفو الكمرات الي في الطريق

اعرف ان فهد لو معرفتش مكانه انهاردا قبل بكرا

مش هيحصل كويس وانت اول الي هيـنضر

ثم اغلق  ا لاتصال وقبل ان يضع  الهاتف علي

المكتب وجد اتصال من يمن

فتح لاتصال وقال بصوت خشن: الو

يمن بكاء: انت ازي متقولش الي حصل مع فهد

ادم بتوتر: فهد حصل اي

يمن ببكاء وهي تنظر الي جودي وهي تهزها و تبرق

 لكي تخبرها اي مصيبه

جودي وهي تفكر قليلا ثم قالت اول شيء خطر في بالها بصوت منخفض: قولي انو اتـخطف

يمن: انو اتـخطف

ادم وهوا يقف و ابتلع ريقه: انتو عرفتي منين

يمن بصدمه قالت ادم: اخويا فين اخويا يرجع يا والله

 لتكون دمار علي الكل

ثم اغلقت الاتصال و اخذت تبكي كثيرا

احتضنتها جودي واخذ يبكون علي ما حصل مع فهد

مر بعض الوقت وجدت جودي اتصال من اخو زوجها بالبغيض الذي لا تطيق فقفلت الهاتف

يمن: الز”فت دا عاوز اي

جودي : انا اعرف

يمن: هوا لسه ب يتصل بكي

جودي: ايوا

ثم نظرات الي الهاتف مره اخر وجدت اتصال اخر

يمن: هاتي الفون دا كدا

اخذت يمن الهاتف وقالت: عوز اي ياز”فت

بترن علي اختي ليه يا حيو”ان

انتا مش بتحرم عاوز كمان عشان تتعلم

عاوز اي يا مروان الك”لب

مروان: باس صوتك يا حلوة  لا تندمي

يمن: لا عاش وكان الي يخليني اندم ووانتا عارف كدا كويس

مروان: قولت صوتك   يو طي و ادني جودي

يمن بصوت عالي: وأن مو طاش هتعمل اي

مروان ببرود قال: هعمل فكي زي ما عملت في اخوكي فهد

يمن بتوتر: وانت عملت اي في فهد

مروان بخبث اطلق ضحكه ثم قال: هكون عملت اي

ثم تغيرت نبرة صوته وقال : عدي عندك واحد خطفته اثنتين خليت رجالتي تمنع عنه لاكل والمياه تلاته خلتهم بردو يشرحوه متخيله انتي خنجر يقطع جسم اخوكي لا وكمان مربوط زي الك*** مش عارف يدافع عن نفسه لا وكمان يتقفل عليه باب مصنوع من حديد حتي لو نجي من دا كله هيموت من الجوع والعطش ما تقلقيش جثة اخوكي هتوصلكم اخر الشهر عشان يبقا يلعب معايا ويوقع شركه 

من شركاتي ويمد ايده عليا

يمن: هموتك والله وعظمته لو حصل حاجه لخويا

لتكون روحك وروح كل علتك هي التمن

ومش فهد العمري الي يحصل فيه كدا ولو حصل

محدش هيموتك غيري

مروان بضحك قال: العبي مع حد قدك يا شطره

يمن: هتشوف واعرف ان ولاد العمري مش ضعاف وان غاب فهد اخوته موجدين واعرف ان حريم بيته ارجل منك

وقبل ان يرد عليها اغلقت الاتصال ثم رنت علي ادم

___________

عند بدر كانت بدر تقف تتحدث مع الدكتور وقالت

: عاوزه طلب

الدكتور: عاوزه ايه

بدر: عاوزه سلفه

الدكتور: ليه

بدر: متعقبه انهردا وكنت متعقبه امبارح وانا متغديتش ولا اتعشيت بقالي يومين ف عوزه فلوس اجيب اكل

الدكتور وهوا يخرج مبلغ وقال: ماشي خدي

بدر بسعاده: شكرا جدا

اخذت بدر المال وذهبت الي محل بيع الخضار

و اشترت بعض من الخضروات والفواكه

وذهبت الي منزل والدها

ودخلت الي الغرفه التي بها فهد و قاست درجة حراره فهد وجدتها مرتفعه ذهبت الي المطبخ و احضرت وعاء به ماء وثلج ومنشفه و بدأت في عمل كمادات له

بقيت بدر تعتني بفهد لمده ثلاثة ايام متواصله تذهب في الصباح الي منزل زوجة عمها في الصبح

تتعار”ك معها لكي تعاقبها بان تخرج من المنزل

لكي تذهب الي بيت والدها لتبقي مع فهد

كل من في القريه يعلم قسوة زوجة عمها وزوج زوجة 

عمها عليها ويعلمون انها تترد من المنزل

وانها تحرمها من الطعام كانو عندما يروها تفتح منزل والدها يعلمون انها معاقبه اكان بعض الناس يأخذون الطعام لكي تأكل….. كانت ترفض ان تأخذ منهم شيء لعلمها بشدة احتياجهم لهذا الطعام فكان فقراء القريه يحبونها كثير……… وانها لا تقدر علي العيش في منزل والدها لانها متوكل 

بها بعد موت اسرتهاهي سعيده اخذت الوصيه عليها قبل موت عمها

وانهم في الريف لا يجوز ان تبيت البنت وحدها في منزل منعزل عن القريه خوفا عليها من ان يستغل احد وحدتها 

في المنزل ويفعل بها شيء يأذيها

___________

 في قصر العمري

اخبرت يمن ادم بما حصل معهم وان مروان اتصل بهم…. بحث ادم كثيرا عن فهد لمدة الثلاثة ايام الماضيه

لم يعلم مروان ان فهد لم يعد موجود في المخازن لانه منع اي احد من الدخول اليه

كذالك رجال مروان لم يعلم احد بدخول بدر الي المخزن لان بابه من حديد وهي حاولت ان لا تفعل اي صوت حتي العربه والتي كانت معها وضعتها في مكان بعيد عن مسمع الحراس

في اليوم الرابع

فتح فهد عينه ونظر حوله وجد نفسه في مكان غير الذي كان يوجد فحاول ان يجلس لكن كان لا يستطيع جسده موجوع….. بقي كما كان لكن تفقد الغرفه الذي هوا فيها وجدها غرفه اصغر من مساحة المرحاض في غرفته

ليس بها اي اساس غير السرير الذي ينام عليه

لفت نظره شئ ابيض

نظر الي من تقف وهي ترتدي خمار ابيض وهي تصلي بخشوع وتدعو الي الله ان يشفي هذا الرجل

بقي يستمع اليها وهي ترتل ايات القرآن الكريم

رواية بنت الريف 

بقلم شمس العمراوي

البارت  _  الثالث

___________

بقي فهد ينظر الي بدر وهوا يستمع الي جمال صوتها في ترتيل القرآن الكريم اخذ يتفحص ها

وجه شديد البياض مستدير ترا هل لو وضع يده علي بشره وجهها ستترك اثر، انف صغير و شفاه مثل الكرز الطازج ترا

 ما مزاقهم وعيون كبيره جدا لونها ازرق مائل الي الرمادي ورموش طويله وكثيفه

بقي ينظر الي بدر وهوا شارد ويفكر في هذا الملاك الذي 

نزل له من السماء

كانت بدر تصلي عند الانتهاء رفعت يدها تدعو الي الله ان يشفي هذا الشاب وان يرجع الي اسرته

شعرت ان جوز من العيون ينظرون عليها التفتت لمن

 يتسطح علي ظهره

نظرت الي عينه الخضراء المائله الي اللون الزيتوني بعض الوقت ثم قالت بصوت جميل اثار فهد كثيرا: حمد لله علي سلامة حضرتك

نظر فهد اليها بـ تقيم الي ملابسها

عباره عن عبائة بيتي باللون الاحمر الباهت من كثرة 

الغسيل فيها علي خمار ابيض الذي يخص والدتها

هي ليست متخمره لكن ترتديه في صلاتها

ليست طويلة بل هي قصيره لو وقف بجوارها ستصل

 الي صدره

لم يرد عليها فهد بسبب تمعنه بها

بدر: اي يا استاذ انتا مش سامعني

فهد: انتي مين

بدر: انا بدر

نظر فهد حوله وقال: انا فين

بدر وهي تناوله ماء قالت: اشرب انت في بيتي

فهد: وانا بعمل اي في بيتك

بدر: لقيتك مضروب بخنجر وباين ان انت واخد علقه مخدهاش حمار في السوق

فهد وهوا يشرب بعض الماء ثم ابعد الكوب وقال: المياه 

دي طعمها عامل كدا ليه

بدر: مالها انا لسه جيبها من الزير

فهد باستغراب: اي الزير دا

بدر: بص هوا في حجم البرميل الصغير القاعده بتاعته نزله ببوز من الفخار بنحط فيه المياه الي جيه من الحنفيه وبنشرب منه

فهد وهوا ينظر اليها باستغراب كانه يتكلم مع احد

كائنات الفضاء

وقفت بدر وذهبت الي المطبخ

واحضرت له فرخه وسلطه و ارز  وذهبت اليه

وضعت الصنيه علي السرير

وقالت: اتعدل عشان تاكل

حاول فهد ان يجلس

ساعدته بدر علي الجلوس ثم وضعت الصنيه امامه

نظر فهد الي الاكل وقال: اي دا

بدر: دي فرخ وشربه ورز و سلطه

فهد: لا دي مش شبه الفراخ الي بناكل منها

بدر: لا دي فراخ بلدي دوق وقولي رأيك

علي فكرا انتا نايم بقالك اربع ايام

و لازم تاكل عشان تعوض الدم الي خسرته

وانا كمان شويه هروح اجبلك لبن تشربه

تزوق فهد من الطعام وجد طعمه ليس سيء

اكل كثير وكذالك بدر اكلت معه لانها لم تاكل طوال الأيام الماضيه لكي توفر اليه الطعام لعلمها انه سيكون جائع كثيرا

وبعد لانتهاء قالت: خد بقا من الحبوب الي جنبك دي

فهد: حبوب ايه

بدر: مضاد عشان جروحك

نظر فهد الي كمية الشاش الذي يلتف به مثل الموميا

دخلت بدر الي المطبخ وصنعت شاي وذهبت اليه

وضعت له كوب الشاي ثم ذهبت واحضرت كتب لكي تذاكر علي الارض

كان فهد شارد ثم نظر الي بدر وهي تذاكر وجدها تكشر 

وجهها نظر الي المسأله التي تحلها وجدها تحلها خطأ

قال: انتي بتحليها غلط

نظرات بدر اليه ببراءه وقالت: بجد ثم وقفت واخذت 

الكتاب وذهبت ليه وقالت: فهمها ليا

فهد: خدي كتابك وابعدي عني انا مش الاستاذ بتاعك

نظر اليها فهد وجد ها تضغط علي شفايفها

و وجهها احمر من شدت الغضب

انها شبه فهد الصغير في غضبه طفله

شعر بجوز من الاسنان مثل الارنب علي كف يده

نظر فهد الي مكان اسنانها وجدها معلمه مكانها سنتان فقط وتبدو انها عضة طفل

نظر اليها قال: اي الي انتي عملتيه دا يا عبيطه انتي

بدر وهي تأخذ كتابها ورجعت مكانها ولم ترد عليه

نظر فهد اليها… حتي ردود افعالها تشبه فهد الصغير

تأخذ حقها ثم تخاصم طفله هي في تصرفاتها

انها الساعه السادسه صباحا

وقفت بدر و لمت كتبها ولم تنظر الي فهد وخرجت

نظر اليها فهد كثير وهي تخرج

ثم اغمض عينه وذهب في سباب عميق

ذهبت بدر الي منزل زوجه عمها

ودخلت الي الحظيره وجلست مكانها امام سعيده

 وهي تحلب البقره

نظرات سعيده الي بدر وقالت: بت يا بدر

بدر: خير

سعيده: خدي يا بت اللبن دا وعملي الفطار

بدر: ا حلب بدلك البقره دي واخد كوبية لبن

سعيده: ماشي ا حلبي بس هوا كوبيه وحده

بدر: لا هما اتنين عشان الغدا كمان

سعيده: ماشي انا هخد اللبن دا و هـحضر الفطار

و اروح ل عمك عبد الحميد

بدر: بالسلامه

اخذت بدر طاجن وجلست تحت البقرة وبدت في

حلب البقره عند لانتهاء   ذهبت الي المطبخ و صنعت

 الغداء وأخذتحصتها من الطعام واللبن وذهبت الي منزل والدهاو دخلت الي غرفة والديها واخذت طاوله مستديره

ووضعتها امام السرير الذي ينام فيه فهد ووضعت عليها كوب من اللبن و صينيه يوجد عيها الفطار واخذت حقيبة المدرسه ورحلت

___________

في قصر العمري

كانت كل من يمن وجودي يبكون علي ما حصل  لاخاهم 

دخل عليهم ادم وهو يجلس بتعب وقال: مش لقينه دورنا كتير مش عارفينه فين

يمن ببكاء: اومال راح فين دورت في المخازن او اي منشاءه تبعه

ادم: دورت كتير في كل الاماكن الي تخصه

جودي بهدوء: طيب هوا محاولش يروح عنده خالص

ادم: لا من الشركه للبار للبيت مافيش مكان تاني بيروحه

يمن : يا رب يا فهد تكون بخير

نظر ادم الي يمن وهيأتها التي تخطف لانفاس

ثم تنهد ووقف وقال: انا هروح الشركه

يمن وجودي: خلي بالك من نفسك

ادم: ماشي سلام

عند خروج ادم اخرجت جودي الهاتف ورنت علي مروان

كان مروان يجلس في مكتبه وهوا يعمل علي مشروع

وجد هاتفه يرن نظر علي اسم المتصل وجده جودي

 اتسعت ابتسامته ثم رد وقال: الو

جودي: انتا عاوز ايه يا مروان

مروان: عوز ك وعاوز ابن اخويا الي انتي ختيه من عيلته

جودي: موافقه بس بشرط اخويا يرجع

مروان: موافق بس اتجوزك قبل ما يرجع

جودي: لا اخويا يرجع وتجي تطلبني منه وانا هوفق

مروان: وانا اي يضمني انك هتوافقي

جودي: وانا اي يضمن ان اخوي عايش وبعدين انتا عارف

 اني مش بتنازل عن كلمه قولتها

مروان: تمام اخوكي بكرا هيكون في البيت

وبعد بكرا هيكون كتب كتبنا

جودي: موافقه

و اغلقت لاتصال

نظرت يمن اليها وقالت: اي الي انتي قولتيه دا

جودي: متصدقيش هوا  دلوقتي يروح لفهد ساعتها هنعرف مكانه ونرجعه وساعتها يبقا موافقش عشان احنا الي رجعناه مش هوا

يمن: يخربيت دماغك انا هرن علي ادم وقوله

جودي: بس بسرعه

اخرجت يمن الهاتف و رنت علي ادم وخبرته علي ما قالته جودي

ادم: البت دماغها شغاله مش بتقف تمام انا هرن علي الرجل الي بيرقبه ونشوف

عند مروان

بعد قفل اتصال مع جودي رن علي رجاله

وقال: جهز العربيه والحراس

ثم اغلق لاتصال وخرج من الشركه

وذهب الي القريه التي فيها فهد وكان ادم يراقبه

في القريه استيقظ فهد من نومه ونظر الي الغرفه وجد كوب لبن عليه غطاء وطعام يوجد عليه غطاء نظر بجواره وجد ورقه مكتوب فيها

اشرب اللبن وكل عشان تعوض الدم الي خسرته

ازح فهد الاغطيه التي علي الطعام وجد عسل نحل وجبنه قريش وجبنه قديمه وحلاوه طحينيه و طحينه و طعميه وفول و سلطته  وبيض مسلوق وبيض مقلي و قشطه 

وعيش بلدي  و فطير

اغلب الطعام الموجود يعلمه و غلابه لا

لكن من شدت جوعه اكل كثيرا اعجب بي القشطه كثيرا تزوق من الفطير لكن وجده سمين كثيرا لم ياكل منه

عند انتهاء من تناول الطعام شرب كوب اللبن وأخذ علاجه

 و رقد علي السرير وشرد قليلا

وصل مروان الي القريه وذهب الي المخازن

وقف الرجال التي كانت تقف علي باب المخزن

احد الرجال وكان عبد الحميد زوج زوجة عم بدر

عبد الحميد : اهلا يا مروان باشا

مروان: افتح الباب دا

فتح عبد الحميد الباب ثم دخل الي المخزن لم يجد احد فيه

تعصب مروان وقال: فين هوا رح فين

عبد الحميد : يا باشا منعرفش هوا كان هنا من يوم ما قولت محدش يدخله محدش دخل

مروان دوره عليه

نظر مروان علي الارض وجد دماء ناشفه

ثم نظر الي البراميل وقال: دور وري البراميل دي كدا

دور الرجال خلف البراميل وجدو فتحه كبيره في الجدار خلفها

عبد الحميد : مروان باشا تعالي بص كدا

نظر مروان الي الفتحه وهوا متعصب

وقال: انتو شويه حمي….. ر ازي قدر يحل السلاسل

احد من رجال: باشا في مايه ن”ار في الزجاج دي

مروان: انا لما مشيت عملت فيه ايه

عبد الحميد : زي ما انت قولت يا باشا

مروان : يعني هوا يقدر يمشي بعد الي عملته

عبد الحميد: لا يا باشا

مروان: في حد ساعده دور عليه في القريه

كان ادم يق خلف باب المخزن وعندما سمع ما حصل اخرج فون وخبر رجاله ان تبحث عن فهد قبل مروان

كانت بدر خارجه من المدرسه وتمشي وجدت اكثر من سياره ويوجد حراس كثر علمت انهم يبحثون عن الرجل الذي موجود في منزل والدها

ذهبت الي منزلها ودخلت و قفلت الباب ودخلت عند فهد ورمت حقيبة المدرسة

نظر اليها فهد والي زي المدرسي عباره عن جيبه وقميص ابيض وحجاب ابيض علي كوتشي ابيض

كانت جميله جدا

فهد: مالك

بدر: الناس الي كانت خطفاك بدور عليك

فهد: وانتي عرفتي منين

بدر: وانا راجعه من المدرسه لقيت عربيات كتيره سمره

شكلها نضيفه و ملينه رجاله لبسه بدل سمره

ومسكين س”لاح

فهد ببرود: طيب

بدر: طيب اي انت مش خايف يلقوك

فهد وهوا يغمض عينه: ما يلقوني عادي

بدر: علي فكرا انت بارد

نظر فهد اليه بغضب

نظرات بدر اليه بعناد و قالت: انا مش اكلف نفسي شيلتك من المخازن لهنا وتعب وفي الي خر التعب دا يروح كدا….. ان كنت مش خايف علي حياتك اي ذنب عيلتك في انها تتو”جع عليك

فهد: هوا رجع دلوقتي يبقا في حد من اهل البيت ساومه علي حاجه عشان يرجعني يا كدا يا مكنش رجع اصلا…. انا همشي من هنا بليل

بدر: تمام انا مشيه سلام

خرجت بدر من المنزل وذهبت الي بيت عبدالحميد ....

رواية بنت الريف 

بقلم شمس العمراوي

البارت  _  الرابع

___________

وصلت بدر الي منزل عبد الحميد وجدت السيارات السوده التي كانت عند المخازن

دخلت الي المنزل ودخلت الي غرفة بدور

بدر بفضول مزيف: بت يا بدور مين دول

بدور: مش عارفه بس في موزز تحت قعدين مع بابا

في المندرة

بدر : وهما جين ليه

بدور: مش عارفه بس سمعت ان بابا شغال معاهم 

وإنهم هيتغدو هنا

نادت عليهم سعيده وقالت: انتي يابت انتي وهي

 قدمي علي المطبخ وانتي يا بدر اعملي شاي ووديه 

المندرة

هزات بدر راسها و صنعت الشاي وذهبت به الي المندره

دخلت بدر الي المندر ووضعت الشاي ولم تنظر الي 

اي رجل فيها

نظر مروان الي بدر وأعجب بجمالها

وقبل ان ترحل بدر ناد عليها مروان وقال: استني

وقفت بدر

عبد الحميد: تستنا ليه يا باشا هي عملت حاجه

انتي عملتي ايه يا وش الفقر انتي

مروان: بنتك دي

عبد الحميد: لا يا باشا دي بنت يتيمه قولت اكسب

 فيها ثواب واربيها

بدر بصوت منخفض لم يسمعه غير مروان : تربيه 

سوده بعيد عنك

مروان: اسمك ايه

عبد الحميد: بدر يا باشا

مروان: انا سالتها هي مش انت

ثم نظر الي بدر وقال: اسمك ايه

نظرات بدر اليه بتقييم عيون زرقاء وجه ابيض دقن

 خفيفه انه جميل لكن الرجل الذي في منزلها اجمل

فهو عيون خضراء زيتوني وجه ابيض و انف حاد شفاء غليظه و دقن خفيفه وشعر اسود كثيف

جسد عضلي ضخم

كانت بدر تضع مقارنه بين فهد ومروان

عبد الحميد: ردي علي الباشا يابت

نظرت بدر الي مروان ثم عبد الحميد ورفعت حاجبها

ثم خرجت وقبل ان تخرج وجدت يد تمسك يدها

نفضت بدر يده ونظرات اليه بشراسه وقالت: ايدك 

عني بدل ما كسرها

قال مروان وهوا ينظر في عيون بدر : اناطالب ايد

 بدر منك والمبلغ اللي انت عاوزه في مهرها

لمعت عين عبد الحميد عندما سمع عن المال

وقال: موافق

بدر وهي تنظر الي عبد الحميد قالت بشراسة : وقف 

عليك قطر يا شيخ….. اي موافق دي يكش انتا الي 

هتتجوز وانا معرفش ….. هي سلعه تبعها وخلاص

اعجب مروان كثيرا بشراسة بدر وقال: نكتب الكتاب دلوقتي

عبد الحميد: موافق بس مهرها خمسه مليون

مروان: كتير بس تستاهل

نظرت بدر إليهم ثم قالت: والله بعينك…… مش بدر الزيني الي تتجبر علي حاجه وقبل ان تخرج من المندرة قال

 مروان: علي فين يا حلوه

المأذون جاي في الطريق

بدر: لما تشوف حلمت ودنك

ثم خرجت من المنزل وذهبت الي منزل والدها

ودخلت الي الغرفة التي بها فهد

عند ادم كان يبحث في ارجاء القريه واول مكان ذهب

 اليه هي الصيدليه

ادم: السلام عليكم

الدكتور: وعليكم السلام

ادم: ممكن خدمه

الدكتور: اتفضل

ادم: في خلال الايام الي فاتت محدش اخد من هنا 

شاش وتعقيم جروح

الدكتور باستغراب قال: ممكن اعرف السبب

ادم: اخويا كان مخطوف و هرب من الي خطفينه

 او حد ساعده وعاوز اوصل له قبل ماحد منهم يلقيه

فكر الدكتور قليلا وقال: طيب لحظه بس

انا اضمن منين متكونش من اللي خطفينه

ادم: عندك حق بس زي ما حطيت احتمال اني

 الخاطف حط احتمال اكون صادق

الدكتور وقد شعر انه صادق قال: طيب لحظه

خرج من الصيدلية وناد علي طفل وقال: بقول تعالي

 ذهب الطفل اليه وقال: نعم

الدكتور : نادي لبدر الزيني من بيت ابوها اجري

ذهب الطفل الي منزل بدر

كانت بدر تجلس في الغرفه التي بها فهد وهي متعصبه

 كثيرا وتفكر في حل لتخرج من هذه الزيجه نظر 

اليها فهد كثيرا

فهد: مالك

نظرات بدر اليه وقالت بشراسة: الرجل اللي كان خطفك …… قال اي عاوز يشترني من عبد الحميد الك…….

نظر اليها فهد وهوا لا يعلم لماذا تعصب او هوا لماذا يهتم بأمر ها

فهد ببرود قال: وهوا شافك فين

بدر وهي تقطم شفتها بغيظ: وانا بقدم لهم الشاي في المندره

فهد: متعرفيش اسمه اي

بدر : عبد الحميد الهي اشوفه متعلق من شنبه اللي عامل شبه الليفه المحروقه قول امين….. كان بيقول له يا مروان

وقبل ان يتحدث فهد وجدو باب المنزل يطرق

نظرت بدر الي فهد بتوتر

فهد بصوت واطي: روحي شوفي مين و اتكلمي بهدوء

هزت بدر راسها وفتحت الباب نظرت امامها لم تجد احد نظرت الي اليمين و اليسار لم تجد احد جاءت لتقفل الباب

الطفل: طيب بوصي تحت في بشر قصيرين برضوا نظر ت بدر الي الطفل وقالت: عاوز اي يا شبر ونص اخلص

الطفل: الدكتور عاوزك في الصيدلية

وقبل ان يكمل كلامه وجدت رجل يلبس بدله يقف خلف الطفل

نظرت بدر اليه ثم بلعت ريقها وقالت: خير في حاجه

الرجل: انا كنت عاوز اسال حضرتك عن حاجه

بدر: خير

الراجل: حضرتك أخدتي من الصيدليه شاش كتير

 ومعقم من الصيدليه

بدر وهي تبتلع ريقها قالت في خاطرها: الله يسامحك 

يا دكتور ثم نظرت الي الرجل وقالت: خير هوا انا كنت

 لازم اخذ اذن حضرتك عشان اخدهم

نظرت بدر الي الطفل وقالت: انت يا قزعه لسه واقف

 شوف انت ريح فين ياله

ذهب الطفل

نظر الرجل خلف بدر وجد فهد يقف خلفها

نظرت بدر الي الرجل ثم نظرت خلفها وجدت فهد

فهد: دخل

دخل الرجل وكان رئيس الحراسه

الرجل ويدعي سامح

وقفت بدر امامهم ثم قالت: انت تعرفه

نظر فهد اليها ولم يجيب

سامح بسعاده: حمد الله على سلامتك يا فهد باشا

لم يرد عليه فهد لكن قال: سامح عرفت مكاني ازي

سامح: الي عرفته يا فندم ان جودي هانم كلمت مروان.. 

وهوا اتشرط انو يتجوزها عشان يرجعك

بس هي عملت كدا عشان يجيلك واحنا نجي وراه

هز فهد رأسه وجلس علي السرير

رن سامح الي ادم واخبره انه وجد فهد

اخذ فهد من سامح الهاتف واخبر ادم ان يحضر معه 

شيء يلبسه وامر اخر

كانت بدر تقف في المطبخ تعمل شاي وجدت باب المنزل يطرق ذهبت لكي تفتح الباب وجدت المدعو سامح يفتحه

دخل ادم ومعه بعض الرجال نظرت اليهم بدر ببعض من الرهبه لا يجب ان تفضل في المنزل وهوا يمتلاء بالرجال

جاءت لكي تخرج وجدت فهد يخرج من الغرفه وهوا يتأنق في بدله سوده وقميص اسود ويفتح

اول زراير ويصفف شعره بعنايه

فهد: راحه فين

بدر: هخرج مينفعش اقعد معكم في بيت واحد كدا

 فهد: ما تخرجيش عاوزك

بدر: في ايه

فهد: تمضي علي الورق ده

بدر: ورق اي

فهد: رد جميل لوقفتك معايا

بدر: شكرا بس انا مش عوزه حاجه

فهد: امضي علي الورق هوا اللي هيخرجك من 

الجوازة اللي ادبستي فيها

بدر: ازي

فهد: احسنلك تمضي علي الورق دا

بدر: ورق اي دا

فهد: جوزنا

بدر: ناااااعم جواز مين هوا انا اخرج من وحده 

وادبس في التنيه

فهد ببرود: اولا هيكون علي الورق لحد سنه

هدخلك الكليه الي تناسبك

وكمان هتشتغلي عندي في الشركه لكن محدش

 يعرف إنك مراتي ولا اي حد غير اهل قريتك

بدر بعناد: مش موافقه انا مش ملزمه اني اتجوز بالطريقه دي

اما بنسبه لمروان الي عمل شبه الك….. كل ما يشوف حتة لحمه يجري عليها… بعينه وعين علته بحلها مش انا

 اللي حد يجبرني علي حاجه ولو سمحت انتا بقيت كويس تقدر تخرج من هنا انتا و رجلتك

في منزل عبد الحميد

مروان: هي راحت فين

عبد الحميد: هتلقيها راحت بيت ابوها

مروان: فين هوا

عبد الحميد: في اخر القريه

مروان: تعالي نروحلها

خرج مروان وعبد الحميد و بعض رجال مروان

وذهب الي بيت والد  بدر

_________

في قصر العمري كانت كل من جودي ويمن يجلسون في حديقة القصر وهم قلقون ان تفشل خططهم

يمن: هوا ادم مرنش ليه لحد دلوقتي ليه انا قلقانه

جودي: وانا اكتر منك حاسه ان قلبي هيقف من الخوف

يمن: ارن عليه

جودي: ماشي رني

رنت يمن علي ادم

كان ادم يجلس في سيارة وهوا عائد الي القاهر

فتح ادم الاتصال وقال

ادم: الو

يمن: الو ادم لقتو فهد

ادم: ايوا

يمن بسعاده: بجد وهوا عامل ايه

ادم: كويس شويه و هنوصل

يمن: توصلوا بسلامه

اغلقت يمن لاتصال ثم نظرات الي جودي وقالت: فهد كمان شويه هيكون هنا انا هروح لداده هدي تعمل اكل عشان فهد

عند مروان وصل الي منزل بدر وطرق علي الباب لم يجد 

اي رد

نظر الي عبد الحميد وقال: هي مش هنا

عبد الحميد: لو مش هنا هتكون في الشغل

مروان: افتح الباب دا وروح نادي لها و جيب المأذون معاك

فتح عبد الحميد الباب ودخل مروان الي المنزل

ثم اخذ لفه به ودخل الي غرفه وجد ورقه

نظر اليها وجدها رساله من فهد

نهايتك قربت 

نظر الي الرساله كثيرا  ثم نظر الي العلاج و المعقم

و الشاش مكان تغير الجروح

تعصب مروان كثيرا واخذ يقطع الورقه وقال: والله

 لتندم يا فهد  ثم خرج من المنزل وجد عبد الحميد

عبد الحميد: ملقتهاش يا باشا

مروان: مالوش لزوم تدور عليها هي اللي عالجت فهد

عبد الحميد: يا باشا البت دي اصلا مش بطقها

ديم جيبلي مشا “كل

مروان: بدر اختارت الشخص الغلط وانا لما عني تعجب بحاجه مش بسبها وانا مش هـسبها

ثم ركب سيارته ورحل

دخلت سيارة فهد الي  القصر ونزل منها فهد وبجواره بدر وادم

نظرت بدر الي القصر بانبهار شديد

من شدة جماله اخذت تنظر الي منظر الحديقه والي حمام السباحه و النافوره و قفص الببغاء

والي جمال النباتات والاشجار كانت الحديقه في الليل شديدة الجمال كان هناك زهور تتفتح في الليل شديدة الجمال

فهد: تعالي

دخل فهد الي القصر نظرت بدر الي جمال القصر من الداخل كانت تشعر انها تدخل احد القصور الاسطوريه التي كانت

 تقرا عنها

نظرت الي من يأتون الي فهد رقد وهم يحتضنوه

كانت كلا من جودي ويمن يجلسون في صالون المنزل وجدو اخاهم يدخل من الباب من شدة اشتياقهم لي اخاهم

 و خوفهم عليه لم يرو بدر التي كانت تقف بجواره

يمن وهي تحضن فهد قالت: حمد الله علي سلامتك يا حبيبي متعرفش انا قلبي كان هيقف لما مروان قال انك بتمو”ت وان هوا شرح جسمك

فهد: حبيبتي متقلقيش انا بخير

جودي: ابعدي عنه بقا عوز احضنه انا كمان

يمن وهي تحضن فهد اكثر لا تعلم انها ضغطت علي بعض من جروحه لكن فهد تحكم في المه حتي لا تقلق يمن

يمن: لا سبيني اشبع منه

جودي وهي تبعد يمن عن فهد وا حتضنته كثير

قالت:  اوعي……. الف سلامه عليك يا حبيبي

نظرت يمن الي التي تقف بجوار اخيها

وقالت: مين دي........

رواية بنت الريف ا

البارت الخامس

____________

نظرات يمن الي بدر باستغراب و فضول في نفس

 الوقت : مين دي

ابتعدت جودي عن فهد ونظرت الي من تشاور عليها

 يمن اول شيء خط في بالها انها جميله جدا

اخذت تتفحص ملامح بدر فهي شديدة البياض بشره  ناعمة لون احمر خفيف في خديها، وجه مستدير وعيون زرقاء كبيره تخطيها رموش شديدة ا السواد و كثيفه وطويله علي جسد مناسب مع طولها فأن بدر طولها 145سم قصيرة القامه

وكل هذا الجمال يزيد عند لبسها المتحشم وانها محجبه كل واحده فيهم اخذات تفكر ترا ما لون شعرها اهوا طويل ام قصير ماذا لونه

نظر فهد الي اخوته وهوا يعلم أنهم يقيمون جمالها الاسر للقلوب

فهد: دي البنت الي ساعدتني

وهي ها تعيش معانا  هنا  لمده …. بدر دي اختي الكبيره جودي ودي اختي الصغيره يمن

بنات دي بدر

جودي: ماشاءالله اسمك يليق بيكي اوي

يمن: عيون حلوين بيغرو اي حد

بدر: جودي اسمك جميل زيك…. وانتي يا بلد الشقيقه 

اسمك جميل زي جمالك الهادي

فهد: بنات خد و بدر لغرفه الضيوف  و شوفو لها هدوم

اخذت كل من جودي ويمن بدر الي غرفة الضيوف

بدر: شكرا ليكم

يمن: انتي منين

بدر: انا من قريه في …

جودي : واهلك فين وازي سبوكي تخرجي مع فهد

بدر وهي تبتسم وفي دخلها وجع فقدان الاهل

اهل تستند بهم في الشده اب حنون تشاغبه ام صارمه وحنونه تحكي لها عن تفاصيل يومها، اخ او اخت تكون سند اها ،،،، يتشاغبون علي ملابس بعضهم،، وفي الاخر يرتدون ملبس بعضهم

لكن حرمت من كل هذا من الطفوله عاشت يتيمه

لم يرحمها احد عمها الذي كان يقول انها عاله عليه

من وهي في السابعه وعندما مات تزوجت زوجة عمها

وعاشت حياه بائسة لكن تعلمت ان تضحك ولا تحزن فأن بعد العسر يسر…. وبعد الليالي شديدة البرد يوجد نهار مشمس يدفء القلوب المثلجه

وان الله اذا احب عبد ابتلاه….. كانت ت أمن بالقضاء والقدر خيره وشره…… فكانت تصبر علي ازي زوجت وزج زوجت عمها …. أن الله كان مع الصابرين

بدر: الله يرحمهم

يمن: الله يرحمهم اسفه

بدر: لا عادي

جودي: نسيبك ترتاحي و نشوفك الصبح

ثم خرجت كل من يمن وجودي

نظرت بدر الي الغرفه انها فاخره جدا

اكبر من منزلها يوجد بها سرير يتوسط الغرفه مستدير لونه ابيض ويوجد أريكة و دولاب ابيض كبير وجدت بابان بجوار بعضهم

فتحت لاول وجدته المرحاض فتحت الثاني وجدت غرفه يوجد بها ارفف كثيرا لم تعلم ماذا يفعلون بها

نظرات الي ملابسها كانت ترتدي ملابس المدرسه لم تحضر معها اي ملابس لسبب تسرعهم في المجيء

ثم افتكرت ان كل ما تملك من الملابس هذه الملابس التي ترتديها وعبائه وخمار امها

فأن سعيده لم تشتري لها اي ملابس وكانت توفر المال لتكمل علامها

استفاقت من تاملها في الغرفه علي طرق علي باب الغرفه

فتحت الباب وجدت جودي تمسك في يدها ملابس وقالت: هتكون طويله شويه بس هتنسبك

بدر: شكرا لكي

اخذت بدر من جودي الملابس

رحلت جودي و قفلت بدر الباب و نظرت الي الملابس التي معها وجدتها بجامه بلون الودي

مرسوم عليها مكي موس وبعض الملابس الداخليه

دخلت الي المرحاض ونظرت الي حوض الاستحمام ب اعجاب نزعت عنها الملابس و حجابها ونزل شعرها الذي يصل الي بعد ركبتها قليلا كان باللون البني مموج بعض الشيء

ثم نزلت الي الحوض شعرت ببعض الراحه

ثم سندت رأسها علي الحوض

وهي شارده فما حصل عندما رفضت الزواج من فهد

فهد: امضي علي الورق اولا انا مش هعمل حاجه

فيكي انا عاوز احميكي من مروان

وكمان عاوز ارد الجميل الي انتي عملتيه عشان

مروان مش هي سيبك في حالك اقل شيء لومطلكيش هيموتك   ضغط عليها فهد كثيرا حتي و فاقت

بدر: موافقه بس بشرط

انك ما تداخلش في اي حاجه تخصني

فهد: مواقف

وقعت بدر علي اورق زواجها من فهد و اعطي فهد الورق

 الي المحامي وركب السياره

فهد: اركبي

ركبت بدر السياره بجوار فهد ”

استفاقت بدر من شرود ها وخرجت من المرحاض وذهبت الي السرير وراحت في سبات عميق

ان الساعه واحده بعد منتصف الليل

خرج فهد من المنزل هوا وادم وذهب الي مكان

شبيه بالصحراء يوجد به مصنع مهجور     

في هذا المكان نجد صوت الريح مع صوت موأنات احد احد يطلب الخلاص

دخل فهد الي المصنع ثم وقف امام الرجل المربوط او بال احر الرجال

نظر فهد اليهم ببرود واخرج من جيبه خنجر

له قبضه سوداء منحوت عليها وجه حيوان الفهد وكلمات ” العمري ” بخط الرقعه

ان هذا الخنجر متوارث في عائلة العمر ي  اهدا الجد الاكبر الي جد فهد وقال له ان هذا الخنجر يورث لي احفادي وعلمهم ان لا يتركون حقهم وإن اذهم احد جسدين ياخذ حقه بهذا الخنجر لا يقتله لكن علامه لكي يتعلم ان ولاد العمري لا يتركون حقهم مهما كان بسيط اجعل في قلبهم بعض من القسوه ان العالم لا يمشي الا بها ولا يخا”فون من احد

نظرا فهد الي الرجل الذي امامه ومشي الخنجر علي وجهه ببطء وكان الرجل يصرخ وكان يطلب العفو منه وبعد الانتهاء منهم قال: ارميهم علي اي باب مستشفي حكومي

ثم نظر علي ثلاثة رجال ملقون علي الارض والد”ماء تخرج من جميع جسدهم

ثم خرج من المصنع وهوا يمسح الخنجر وقف ادم امام فهد وقال: هتعمل اي في مروان

فهد ببرود: دا وقته لسه مجاش

ثم ركب السياره و ذهب الي البار

وقف ادم امام البار وقال : انا لحد هنا و كافيا عليا

فهد: مش ها تدخل

ادم: لا ياعم انا مليش في الاماكن دي مش بحبها

فهد: تمام

ذهب ادم الي بيته ودخل فهد الي البار

نظر وجد مروان يجلس علي طاوله وبجواره بعض من الفتيات او عاهر…

ذهب اليه فهد وجلس امامه ثم طلب مشروب

نظر اليه مروان ثم ابتسم وقال: اي دا فهد العمري

حمد لله البسلامه …… اتمني اقامتك عندي عجبتك

اصل الرجاله قالولي انهم عملوا معاك الواجب و زياده

فهد وهوا يشرب بعض من المشروب قال: بس انت اقامتك عندي هتكون احسن و هتليق بيك

وقريب اوي ها تشرف في س”جن مملكتي

ثم وقف وجاء لي يرحل

مروان: حلوة البنت الريفيه كان اسمها اي

ثم ادع التفكير بدر ثم نظر الي فهد وقال عاوزها

فهد بابتسامه بارده: اتعلم ان مش كل حاجه تعوزه هتلقيها لان دي بذات مش هتطولها لهي ولا اختي

مروان: هتشوف هي الي هتسيبك لما تعرف اديه انت قا”سي ومافيش عندك اي رحمه سعتها هتجلي انا

رفع فهد حاجبه ثم ذهب وجلس علي طاوله اخري

جاءت عليه احدا العا***…هرا

و اخذها ورحل الي شقته

وفي سكون هذا الليل يصدح صوت اذان الفجر

حيث يبدا المؤمنون في الاستيقاظ وذهب الي المسجد لي اداء فريضة الله….. ان خير الصلات وأحبها عند الله هي صلاة الفجر

فتحت بدر عيونها الزرقاء علي صوت الاذان

وقفت وذهبت الي المرحاض و بداءت في والوضوء

ثم ادات فرضها بحيث علي مصحف ل تقرا فيه حتي يبدا خط النهار تشق عتمة الليل

لم تجد اي مصحف

بدر: ان شاء الله اول ما جودي او يمن يصحو هبقا اسالهم علي مكان مصحف

طيب اعمل اي بقا انا في الوقت دا

وضعت بدر حجاب عشوائي علي شعرها البني الامع و نزلت بدر الي حديقة القصر وجلست تسبح وتنظر الي جمال المكان ذهبت الي احد الشجيرات الكبيره وجلست تحتها

وقف فهد ينظر من شرفة الشقه وهوا يدخن ثم نظر الي المرأة التي تنام علي سريره لا يصدق انه تخيلها بدر كيف لها ان تستحوز علي تفكيره الي هذه الدرجه…. انه تعرف عليها امس ؟

ماذا فعلت له هذه الفتاة  لماذا تخذ حيز كبير علي عقله….. هل لأنها مختلفه ام لانها من انقظته و علاجته  خرج من الشقه وذهب الي القصر

وصل فهد الي القصر نزل من سيارته ومشي في طريق الدخول لفت نظره احد ينام خلف شجره

نظر حوله لم يجد احد ذهب الي هناك

ثم نظر الي من تسند ظهرها علي الشجرة وتمدد قدمها

تمعن في ملامحها علي خيوط ضوء النهار

كانت تنام ونصف شعرها موضوع عليه حجاب ابيض اللون وشعرها ينتشر حول وجهها

ويوجد بعض الون الاحمر في وجنتها

وقعت عينه علي ثغرها نظر اليه كثير كمن يحاول التحكم في نفسه أن لا يقبل هاتان الكرزتان التي تغو”ي من يرها

فتحت بدر عينها علي وجه فهد نظرت اليه بعض الوقت

نظر فهد الي عينها التي اسرته يود لو يغوص في محيط عينها….. شعر ان هتان الحاجرين من الماس الازرق يوجد بهم الم….. شعر انها نز”فت الكثير من قطرات من الد”موع المالحه التي تحرق وجنتيها

الحمراء والتي يشعر ان مالمسهم مثل القطن

عندما استوعبت بدر ان فهد ينظر اليها

انعدلت و فركت عينها وقالت بصوت مليء بالنوم

اثر فهد كثيرا

بدر: صباح الخير

لم يرد عليها فهد بل كانت عينه مثبته علي شفتها

نظرت بدر حولها وقالت  : اي دا هوا انا نمت هنا

ثم وقفت ووضعت يدها علي الحجاب تتاكد انها ترتديه وجدته وقع علي كتفها وضعت الحجاب علي شعرها وقالت: انا دخله سلام

نظر فهد الي خصلات شعرها التي تصل الي قبل ركبتها بقليل وهي تمشي و تعطيه ظهرها

رغب كثير ان يغلغل اصابع يده في خصلات شعرها الذي يشبه الشكولاتة

دخلت بدر الي المنزل ولا تعلم اين تذهب

نظرت خلفها وجدت فهد

بدر: لو سمحت يا استاذ هي القوضه الي كنت فيها فين لاني معتش عرفه مكانها

فهد: الدور التاني علي ايدك اليمن اول اوضه

بدر: تشكر يا ذوق

ثم ذهبت الي غرفتها

وبعد مرور بعض الوقت

اجتمعت الاسرة  علي طاولة الافطار وكانت بدر تجلس وهي ترتدي الملابس التي اتت بها

فهد: جودي فين فهد مشفهتوش

جودي: هوا نايم دلوقتي دا ما نيمنيش طول الليل

يمن: مداتهوش للداده ليه

جودي: وانا ادهولها ليه دا ابني لو متعبتش عشانه

 وهوا صغير مش هيتعب عشاني لما يكبر

وبعدين اجمل حاجه بعد التعب دا كله اشوفه وهوا نا

يم زي الملاك في حضني دي لوحدها بفرحه الدنيا

كل التعب بيروح بضحكة منه

بدر: ربنا يخلهولك

فهد: بدر بكرا اول يوم لكي في الشركه

بدر: هعمل فيها اي انا مش عرفه حاجه عن شغلك

فهد: في الي هيعلمك

بدر: ماشي

خرج فهد من القصر وذهب الي شركته

جودي : يمن خدي بدر و روحي اشتري لها هدوم

بدر: بس انا مش عايزه

يمن: مش عايزه اي يابت انتي معندكيش هدوم

بدر بحرج: بس انا مش معايا فلوس اشتري

جودي : ولا يهمك يا حبيبتي يمن هي الي هتحاسبلك

وقبل ان تنهي كلامها وجدت اكثر من شخص يحمل الكثير من الملابس والاكسسوارات

و الاحذيه و الشنط

سامح: فهد باشا بعت دول الى  الانسة بدر

نظرات بدر الي كل هذه الاشياء

ثم نظرات الي جودي وقالت: انا مش هعرف اخدهم

جودي: ليه بس

بدر: مش هقبل حد يصرف عليا انا مسؤوله من نفسي

يبقا انا اشتغل واجيب لنفسي هدوم علي ادي

لكن الهدوم دي شكلها غاليه اوي

يمن: انا عندي حل

بدر : اي هوا

يمن: خديهم وانتي هتبدي شغل من بكرا وابقي قولي لفهد يخصم نص الشهر عليهم وبكدا تبقي دفعتي حقهم

بدر……………….

تكملة الرواية حتى الفصل العاشر من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

ادسنس وسط المقال