البارت 6
رواية المتمرد علي قوانين الحب البارت السادس بقلم الكاتبه منة الله الجزار حصريه وجديده على مدونة النجم المتوهج
رواية المتمرد علي قوانين الحب الفصل السادس بقلم الكاتبه منة الله الجزار
رواية المتمرد علي قوانين الحب الحلقه السادسه بقلم الكاتبه منة الله الجزار
رواية المتمرد علي قوانين الحب الجزء السادس بقلم الكاتبه منة الله الجزار
رواية المتمرد علي قوانين الحب البارت السادس بقلم الكاتبه منة الله الجزار حصريه وجديده على مدونة النجم المتوهج
نبدا بسم الله الرحمن الرحيم
❤❤❤❤
زياد بهزار مع البنت.. طيب ما تجيبي رقمك؟
البنت بغمزه.. بس كدا خد عندك 011*****
زياد اتفأج انها فعلاً اداته رقمها وهو مكنش يقصد كدا هو كان بيهزر بس.
البنت كتبت رقمها ليه في ورقه وحطتها في جيب البنطلون بتاعه.
جميلة بغيره..راحت عندهم ومسكت في دراع زياد واتكلمت بدلع.. بيبي انا مش عجبني حاجه هنا خلينا نروح محل تاني.
زياد كان متنح وعلامات الصدمه علي وشه.
جميلة اتكت علي سنانها.. يلا يابيبي.
واخدت زياد من ايده وخرجو وبسمه بتضحك عليهم وقربت من البنت اللى كانت علامات الغضب علي وشها.. وهمست.. معلش هو نسي يقولك انه متجوز باي يابيبي. وسابتها ومشيت وهي بتضحك.
خرجو بره المحل.
زياد سحب ايده من ايدها.. هو ايه اللى حصل جوه ده؟
جميلة بغيظ.. كنت واقف بتهزر يعني عادي ولا اكننا معاك وبعدين انت عمرك معمتلها مع حد عشان تعملها مع ام صورم اللى كانت واقفه جوه وسايبها ماشاء الله تتسنكح عليك وانت عادي كدا.
زياد برفع حاجب.. وانتي ايه اللى غايظك اعمل اللى انا عايزه دي حياتي انا مش حياتك وبعدين اللى حصل جوه ده معتش يتكرر لو سمحتي انا سكت جوه عشان مكسفكيش قدامها بس ميحصلش تاني.
جميلة بزعل.. اسفه يا ابيه.
زياد زم شفته.. وفي سره رجعت تقول ابيه تاني بس كدا افضل الاحترام حلو.
بسمه خرجت.. يلا نشوف محل تاني.
وشدت جميلة من ايديها لما لقتها زعلانه عرفت انه هو زعق ليها.. ايه رايك نروح المحل ده باين عليه حاجاته حلوة.
راحت وهو كان ماشي وراهم.
دخلو المحل وكان باين عليه غالي.
كان فيه كل الاقسام و كانو بيدوروا علي فستان حلو وزياد كان حاسس بملل وكانت بيتلفت عادي لمح فستان كان حلو وبسيط و كان عجبه اوي بس المشكله اللى فيه انه من اللى بيرسم الجسم وبسمه كانت بتدور معاهم ولمحته مركز في مكان بصت علي اللى بيبص عليه وشافت الفستان راحت عند جميلة وشاورت ليها عليه بس جميلة اتقمصت لانها مش بتحب الفساتين الضيقه بتحب الواسعه.
زياد في سره.. هيبقي حلو اوي عليها و حاول يتخيل ليلي فيه بس مكنش شايف صورتها هي كان شايف صورت اللى تنشكي علي عينها زي ماهو مسميها.
غمض عينه بقوة ورجع بصلها تاني لقاها عيونها علي الفساتين ركز معاهم هما وراح ليهم وقف جانبهم.
جميلة اختارت كام فستان عجبها وراحت البروفه تقيس وهما كانو واقفين بره.
زياد كان بيلعب في الفون بتاعه وبسمه كانت بتشوف فستان ليها.
بعد شويه جميلة خرجت وهي لبسه فستان لونه احمر وكان طويل اوي عليها... ها ايه رايكم؟
زياد رفع عينه من علي الفون بصله بقرف وهكذا بسمه.
جميلة.. من نظراتكم كدا وحش، هروح اغيره.
راحت لبست واحد تاني بس كان لونه ازرق كان ضيق لحد الركبه ونازل بوسع.. طيب وده؟
زياد بقرف.. روحي غيري القرف ده يلا مش هنشغلك رقاصه احنا.
جميلة بصتله بغيظ ودخلت غيرت لواحد تاني كان بجاكت وخرجت.
بسمه.. الجاكت ضيق صح يا زياد؟
زياد بغضب.. ده دراعه كله باين بروح امها عاوزه المحل يتك"سر علي دماغها.
جميلة..بغيظ.. اوووف انتم مش عجبكم حاجه خالص ايه ده امال اشتري ايه؟ وبعدين انت يا استاذ مش عجبك حاجه ليه ان شاء الله هو انت ليه محسسني اني هلبس علي ذوقك انت.
زياد بصلها بنص عين وعلامات الغضب بانت علي وشه.. يمكن عشان انا الراجل اللى معاكم ولا انتي عاوزه تتعاكسي وتسمعي كلام انظبطي كدا عشان مو"لعش فيكي، و اه صح هتلبسي علي ذوقي هو انتي اصلا تطولي تلبسي علي ذوقي.
بسمه لقت الدنيا هتشيط بينهم ادخلت بسرعه.. زوز خلاص روح انت نقي ليها فستان انت الراجل واكيد عارف الشباب بتحب ايه وبعدين مش تنسي انه لاحمد وعاوزنها تكون حلوة ليه.
بصلها بطرف عينه.. وبسمه خافت.
جميلة.. بعند.. وانا مش هلبس علي ذوق حد.
زياد.. يبقي نروح والبسي اي حاجه من عندك زي الشاطره كدا بدل ام المشوره دي.. هستناكم بره.
وسابهم وخرج بره المحل.
بعد شويه خرجو وزياد اخدهم ومشي علي المطعم.
زياد حس انه زودها معاها وبعدين هو ماله ماتلبس اللى هي عاوزه وانا مالي بيها وحب يلطف الجو واخدهم علي مطعم وجاب ليهم اكل بس جميلة كانت معنده ومش عاوزه منه حاجه خبط بسمه في رجليها من تحت الترابيزه وشاور ليها بعنيه وهي فهمت.
بسمه.. جوجو مش بتاكلي ليه؟
جميلة بعند.. مش جاي ليا نفس وبعدين مش عاوزه حاجه منه.
زياد بضيق.. احسن وفرتي.
زياد جاله صداع 🤕هو طول اليوم ما اخدش حاجه ودماغه صدعت وكمان مش عارف ياخد عشان مش يتكشف حط راسه بين ايده وغمض عينه.. بوجع.
جميلة بخوف.. مالك؟
زياد بوجع.. مصدع شويه.
بسمه بخوف.. طيب من ايه؟
زياد.. عشان معرفتش انام طول الليل وجيت الصبح معرفتش انام بسبب احدهم.
جميلة.. طيب تعال نروح نقيس الضغط يمكن نازل.
بسمه.. جميلة معاها حق.
زياد.. بسرعه.. لالا مفيش حاجة بس عشان منمتش بس.
جميلة كانت بتبص عليه بشك..طيب يلا نروح عشان تنام.
زياد دفع ومشيو راحو البيت.
❤❤❤❤
عند معتز كان قاعد بيح"شش ومستمتع رن فونه باسم زياد ابتسم بخبث وسابه يرن وهو قعد يضحك.
وكانت في بنت بترقص ليه وكان مستمع اوي.
معتز بشر.. انت السبب في كل اللى بيحصلك ده يا زياد اه لو كنت سبتني اكمل اللى كنت بعمله كان زمانك في امان بس انت غبي اوي وكمان انت السر الوحيد اللى ضامن انه مش هيفتح بؤقه لو عملت نفس العمله تاني انت روحك في ايدي يا زوز.
❤❤❤❤
زياد كان تعبان قوي ومعتز مكنش بيرد عليه والصداع بيزيد اكتر كان قاعد في اوضته وخايف امه تسمع صوته هو قالها انه داخل ينام حتي النوم اتحرم منه من كتر الصداع.. قعد يعيط من كتر الوجع.
❤❤❤❤❤
بليل
كان احمد عند جميلة وكانت عسوله كانت بسمه حطت ليها ميكب وهي لبست فستان من عندها لونه كحلي وعليه خمار ابيض وفيه ورد كحلي كانو قاعدين سوا وبيهزرو وجميله حست بوجع جواها هي مش عارفه اللى بتعمله ده صح ولا غلط
جمال كان ملاحظ انها مش معاهم اصلا بس فضل السكوت وهيسالها لما احمد يمشي.
اهل احمد كانو معاه وابوها وابوه قرأو الفاتحه بتاعتهم وبسمه زغرطتت هي وامها وقعدو يزغرطو ليهم و بسمه اتعمدت تفتح الباب وتروح تنادي ام زياد تزغرط لاختها كان هو سامع صوت الزغريط دي خرج بستغراب جاي منين الصوت ده هو اصلا دماغه هتفرقع من كتر الصداع هو ناقص صداع 🤕.
فتح الباب وخرج لقاهم بيرقصو وبيزغرطو خبط علي الباب و محمد قاله انه يدخل.
زياد دخل وهو مش فاهم حاجة سلم علي الموجودين كلهم وقعد.
زياد.. ببتسمه.. اهلا بيكم.
احمد.. اهلا بيك انت.
محمد حط ايده علي كتف زياد.. ده بقا ابني التاني زياد.
احمد ببتسمه.. يعني هو اخو جميلة التاني صح؟
زينب.. اه.
احمد.. انا احمد فؤاد ابقي خطيب جميلة اختك الصغيره.
زياد وقف مره واحده... ننننعم؟
وويتبع.
رايكم زياد هيفتح راس احمد ولا ايه؟
عاوزه تفاعل حلو بقا
رواية المتمرد علي قوانين الحب
للكاتبة منة الله الجزار
اشوفكم بخير باي
إرسال تعليق