جميع الروايات كامله

اعلان اعلى المواضيع

 رواية عُهر_الرجال الفصل الثاني بقلم وَِّسآمَ آلَفِّرآجِيِّ حصريه وجديده على مدونة النجم المتوهج 

رواية عُهر_الرجال الفصل الثاني بقلم وَِّسآمَ آلَفِّرآجِيِّ حصريه وجديده على مدونة النجم المتوهج 

..طن صوت رسالة وصلته ..

باوع زين ..

نظارته بجيب الدشداشة لزمها وحطها ع عيونه حتى يشوف الرسالة

كمت ركضت اني بدون وعي ..

اركض واتخيل شلون ابوي يشوف الفيديو واتخيل شلون من جنت اقرا القصص من يغسلون عار بنتهم ..

كلشي صار كدام عيوني ..

ركضت كل حيلي لغرفتي وسديت الباب .. 

قفلته ..

اخوي سامر ركض وراي ويصيح شبيج شمس شمممس شبيها هاي تخبلت ..

يدك بباب الغرفة ويكلي ..

ـ افتحي الباب لج اقسم بالله مخبلة هالبنية

ـ ماريد عوفني 

ـ لج باب راح اكسر الباب ع راسج افتحي لتتخبلين

ـ تريد تكتلني اعرفك

ـ يمممممة تعالي شوفي بنتج تخبلت رسمي والله

امي تدك بالباب .. 

امي ـ افتحي شموسة شبيج حبيبتي

سامر ـ رقوها هاي متلبسها جني 

كلت الهم عوفوني وحدي عوفوووني ..

سامر ـ قسما بالله العظيم اذا مافتحت الباب ادفره هسة واكسره ع راسها لان الف مرة كلت الج هاي شكد ما كاعدة تقرا قصص طاك عدها فيوز وجاي تقلد القصص هسة

امي ـ افتحي الباب يا بنتي وخلي الليلة تفض ع خير ..

كمت افتح الباب 

حطيت ايدي عاليدة مالت الباب 

ورجعت بعدتها ..

يكتلوني والله ..

ليش يردوني افتح الباب جاي يقنعون بية 

كلت لازم اواجهم بالحقيقة ..

اخذت نفس وفتحت الباب رجعت ليورة وتقدم عليه سامر لزمني من زندي وايده الثانية ع حنجي ويكلي شبيج شبيج متخبلة انتِ مو صاحية 

ضربني راشدي وسمعت صياح ابوي

ابوي ـ  لتضربها الف مرة كايلك ممنوع منعًا باتًا تمس شمس ..

سامر ـ ماتشوف تصرفاتها يا يابه لتظل تدافعلها ترا تكبر راسها 

ابوي ـ هو شعندي غير شمس عوفها 

عافني و صد ع امي جان يكلها ..

هذا رجلج الا يطلع عينها لبنتج ويجي يوم ونشوف ..

اني لو ذابحني عادي خلي يشبعني كتل المهم طلع مو نفس ما توقعت ..

جان كل ظني الفيديو رسله وجاي يشوفه ابوي الحمد لله يارب طلع مو هو لان لو هو جان هسة ابوية معلكني بالبنكة ..

ابوي ـ لك ابو راس لتظل تمسلت بسوالفك امشي ولي اطلع ديح ويا جماعتك الساقطة ..

سامر ـ اديح ليش ما اديح و باجر من تطلع عن الطريق بسبب دلالك عود خلي يفيدك عنادك

ابوي ـ امشي لك جاي يعلمني هو بس انتَ ماربيتك صحيح 

دفاع ابوية عليه خلاني اتندم ندم قوي ع الي سويته ماريد يجي يوم وسامر يكول لابوية شوف مو كلتلك بس ما طعتني ..

خليت الاجواء تهدأ شوي وسامر طلع برا البيت وابوي عالتلفون وامي كذلك جاي تشوف مقاطع طبخ ..

استغليت هالوقت وفتحت تلفوني ..

لكيته داز ضحكة جبيرة وكالي 

شافت وماردت ..

صدكت الثولة غير اموت عليج شلون ادزها لابوج واني طالع بالتصوير..

 جاي اشاقيج يمعودة .. 

وينج ..

الو شموستي ..

اهو واحد يتورط ويشاقيها 

قريتهن كلهن ودزيتله 

ـ انتَ كل عقلك جاي تسوي هيج شي ؟

ـ شمسوي ليش ؟

ـ كل هذا ومو مسوي 

ـ غير تكلي شمسوي 

ـ مصور الاتصال كله 

ـ اي شنو بيها اعرف مراح نتصل هواي صورته حتى من اشتاك اشوفه

ـ وعد انتَ تدري ردت اموت من دزيتلي راح اشوفها لابوج 

ـ شدعوة يمعودة هو شمسوية قابل متصلخة

ـ فتحت الشال

ـ هو شال ترا عادي اهلج حيل معقدين وين ظل احد يلبس حجاب بهالوكت 

سالفته قهرتني بس ماردت اسوي مشكلة وحجينه شلون ممكن نتزوج وابوي رافض اتزوج خارج المحافظة .. 

كلي دبرت واحد شيخ مقامه معروف ومؤثر راح اخلي يحجي ويا ابوج ..

كم يوم ويجي ابوية بالليل من الشغل جان يصيحني اني بصراحة كلش خايفة خصوصا لما يصيحني احس اكو شي او فضيحة ..

كعدني كباله وكلي انتِ تريدين هذا الولد الي خارج المحافظة ؟ 

كتله ياولد عود ثولتها سويت نفسي ما ادري

كلي الي يمشي عليج كم مرة ونرفضه ..

كتله مدري كلي اصعدي فوك ويا امج سولفوا وانطوني خبر ..

رغم اني مو موافق ع هالشي ابد وماحبيته للولد .. 

امي صعدت وياي وكلت الها اريييده وابوي كلش مو حاب هالنصيب وسامر كذلك ..

من سمع سامر بالقصة كال ما تتزوج هذا الي مانعرف اصله وفصله واذا تريده تاخذه ولا تشوفنه وجهها بعد ..

كلت اله اي اتزوجه وماشوفكم وجهي ..

جاي يكلي سامر هذولي ابوج وامج لج ..

كلت اله هو يصير الي اب و ام ..

طلع ابوي يسمع سوالفي وزعل كلش من عندي وكلي مع الاسف تبدلينه بواحد غريب .. 

زعل واخذ ع خاطره كلش بس اني ماظل عندي حل غير اتزوجه والله مجاي اتحمل بعده عني يعني شسوي .. 

ابوي كال عاد لسامر و لأمي لحد يوكف بطريقها خليها تاخذ الي تريده مانريد تجينه حجاية من وراها ..

ابوي يحجي بزعل بس كلت ميخالف هو يرضى بس اتزوج وعد واخلص من هالمشكلة ..

وبالفعل كاللهم موافقين واجوا كم شخص منهم وخطبوا وهاي خواته بوكت الخطوبة ذبن لحم ولبس ومكياج وحصر بحيث كل الناس تباوعلهن ..

حتى لمحت وحدة منهن واكفة ويا سامر وكيفت كلت بلكي يتعرفون شي ويغيرون رأي سامر ..

واستغربت من سامر واكف وياهن رغم هو مايريد يحضر اي شي من المناسبة هاي بس هو نسونجي شوي والظاهر يزحفلها ..

وهي اسم الله عليها كمر اربعطعش تخبل هي ولبسها ..

بس اهلي مبولزين وكرايبي لابسات مستورات وماعجبنهن لبس خوات وعد وناس تكص بناس ..

من خلصنا الخطوبة الي هي عبارة عن حرب و ناس تحجي ع ناس 

.. وعد كلي ..

اهلج عقليتهم ع قبل!

وين ظلت وحدة تلبس حجاب بهالوكت! 

 الوكت تغير والناس تحضرت وتثقفت .. 

البنية اهم شي داخلها تعرف الله الشكل الخارجي ما يصير نحكم عليه ..

ضحكتله وكلت اله اكيد تتشاقه وياي وهو ابتسم وما رد غير الموضوع واني كلت هذا جاي يختبرني بوكت الخطوبة ويريد يشوف رأيي ولازم ابين اله اني ضد هالشي واظل متمسكة ..

تزوجت واهلي كلهم زعلانين عليه بس كلت وكت ويرضون المهم اخذ وعد .. 

تزوجت وعرسي صار عالسريع بس تفاجئت بوعد بالعرس اني غرفتي ببيتهم صايرة ..

كلي ليلة العرس نخلصها #بغرفة_خاصة  وبيت صغير من بيوتنا كتله ليش مو غرفتنا ببيتكم والاثاث 

كلي لا اول ليلة غير شكل .. 

واريد نستخلي وحدنا ومن هالحجي المهم اقتنعت رغم ردت افوت عاروسة للبيت ..

ظلينا 3 ايام 

رابع يوم العرس بالضبط اخذنا للبيت مالهم ومنطقة هيج بيوتها تحسيها خرابة وطبينا للبيت وهلا وهلا والف هلا نسوان اكو واكو زلم وكلهم مجتمعين سوة واني متت خجل وهن يضحكن بصوت عالي يعني صوت اوفر 

الخميس العرس ..

مو الجمعة ولا السبت ولا الاحد 

الاثنين ..

 اجه عليه للغرفة بأول يوم بالبيت مالهم وكلي البسي برمودة او تراك او يشي نفهي عن جسمج  ليش خانكة نفسج بهذا اللبس كدام اهلي وانزلي عليهم سلمي العائلة كلها مجتمعة 

#اخوي #حسام ومرته 

#وخواتي_اثنين العزابيات (شيماء .. عذراء)

#واختي_شهد وزوجها 

وامي بس  ..

كتله بس ميصير شلون تريد مني البس هيج كدامهم عيب مو راهمة اني عروسة ومن الاحترام البس شي مستور لان يعتبرون غربة .. 

كلي اني راضي هيج تسوين وثانيا عادي خواتي هيج لابسات وكاعدات يمهم ..

كتله لا استحي والله حتى انزل وياهم عيب مااعرفهم و لح عليه الا انزل و اسلم عليهم

وكتله يا ابن الحلال والله عيب ماترهم انزل اسلم عليهم هو البنات استحي مو انوب اخوك وازواج اخواتك ما اكدر والله ..

زعل مني ونزل وظليت اني بغرفتي و اندك باب غرفتي وكلت منو طبت عمتي كالت الي ست #شمس مو عاجبج لازم تشوفين العائلة لو متعلمة نوم واكل يم اهلج .. 

كلت الها لا العفو عمة مو هيج والله بس #وعد يريدني انزل الهم بلبس ماحب البسه ..

عمتي ـ شنو يا لبس بنتي

ـ مو عاجبه انزل محجبة ولبس كامل يريد تراك او بدون حجاب

ـ وشنو بيها هذولي كلهم اخوتج الي جوة قابل يبصبصون ع مرت اخوهم 

ـ مفهمتيني عمة بس استحي اني والله 

ـ كلت اله وماسمع كلامي 

ـ شكلتي اله ؟

ـ عود هو يكلج 

جان تروح وصار عندي فضول شكالت اله عني وما سمع كلامها ..

اسمع صوت ضحكهم وشقاهم وسهرتهم طولت ..

واني تمددت انتظر وعد حدما غفيت .. 

ع سد باب غرفتي كعدت .. لكيت وعد توة طاب للغرفة كلي

وعد ـ نايمة ؟

شمس ـ جنت انتظرك و غفيت 

وعد ـ هنيالي والله

شمس ـ ليش هيج تتصرف وياي قبل ما تزوجنا ما جنت هيج

وعد ـ ليش شنو تغير بية ؟

شمس ـ قبل جنت دائما تسمعني كلام حلو عن لبسي وستري وحجابي شنو الي اختلف هسة ما ادري

وعد ـ هسة اني رجلج وماترفضيلي طلب لان اني اليه القوامة ولازم تطيعيني 

شمس ـ ع عيني وراسي وطايعتك بكلشي الا الشي بي عصيان لرب العالمين

وعد ـ ذولي اخوتج ليش تلحين وتنگين بالموضوع

شمس ـ بس غريبين ميصير اظهر شي مني كدامهم شنو ماتغار احد يشوفني بمنظر بس انت مسموحلك تشوفني بي ؟

وعد ـ امي خوش حجت حجاية بس جنت غبي وماطعتها

شمس ـ شحاجية امك ؟ 

وعد ـ كملي نومتج كملي

شمس ـ بس اريد اسهر وياك اني مرتك وبعدنا عرسان

وعد ـ تعبان مالي خلك اسهر 

نمت ونطيته ظهري بس نار بكلبي من تصرفاته شوكت يفهم اني مرته اله وحلاله اله مو ملك الجميع .. 

قهرني ليش ماعنده غيرة عليه وعادي عنده اذا كعدت بنص الزلم .. 

عيوني دمعت وصرت اغمض بيهن حتى ينزلن ومايبين شي .. 

مد ايده ع جتفي وسحبني عليه وشافني ابجي جان يكلي ..

وعد ـ من اكلج هيج شي يعني اني واثق بيج لو احطج بنص الزلم اني عندي ثقة اليه وبس 

شمس ـ بس لازم تغار

وعد ـ ومنو كلج ما اغار بس هيج شي مااغار عليه لان واثق منج بس الي يقهرني ماتسمعين كلامي .. 

رجعت ع مخدتي وايقنت الكلام وياه ما ينفع وواكعة بمصيبة مالها حل لأن عاندت كل اهلي على هالزواج وزعلوا وجنت راضية بزعلهم بس اخذ وعد وهسة هذا وعد تخبل عليه واذا احجي لأهلي راح يتشمتون بية ويكولون اليه الله مايلام بيج نصحناج وماسمعتي الكلام ..

شسوي يربي هسة شلون اخلي يغار هذا ويبدل عقليته هاي 

حرت بزماني انوب لو ظالة ببيت اهلي مو احسن من متزوجة هيج واحد كلبه بارد .. 

المصيبة اني اختاريته و حب وانتظار يموت عليه جان وتقدملي اكثر من 5 مرات ختم القران يلا وافقوا اهلي وهم ما وافقوا لوما اني كلت الهم اني اريده وصارت الف مشكلة يلا تزوجنا ..

جان يحجيلي بالدين والعفة والعفاف والستر والصلاة ومن اسمعله احسه هذا غركان بالدين ..

جنت اعرفه هو وما اعرف اهله ووقت حبنا جان زين وهالوقت جان كفيل اذا عنده هيج تصرفات تبين بس مدري اني ثولة و اتأمل بلكي يستعدل لان بعدنا اول اسبوع زواج .. 

خامس يوم العرس تقريبا اجوا علينا زلمة ومرته وطبوا سلموا ع العائلة واجاني وعد متلهف ..

وعد ـ تمكيجي وعدلي نفسج وتعالي سلمي هذا اعز صديق عندي اسمه #ياس جاي هو ومرته ..

شمس ـ منو ياس وليش اتمكيج شنو عندي سهرة 

وعد ـ احسج لسانج جاي يطول شوي شوي اني رجلج ونفذي الي اكوله الج .. 

شمس ـ وعد شبيك اتمكيج الك شتريد اسويلك انتَ مو مجبورة بالعالم اني خلي عندك خصوصية 

وعد ـ متشوفين مرته وياه شو ميتقيدون مثلج

شمس ـ مو مجبورة اصير مثل مرته اني الي شخصيتي وخصوصيتي ماحب هيج تجمعات .. 

وعد ـ خير ان شاء الله نتحاسب بالليل .. 

شمس ـ ع شنو تتحاسب شمسوية اني 

راح ومارد عليه رديت الباب وكعدت عالجرباية ..

وصرت افكر يمكن هاي الشغلة ما راح توكف لهنا وهذا ماراح يمل وراح يظل يحاول حدما استسلم لسوالفه ..

لازم الاكي حل سريع قبل ما اتورط ..

زين اروح لأهلي ؟ 

مستحيل يستقبلوني خصوصا اني عاندتهم كلهم واخذت وعد وكلت الهم اني اخذه واني مسؤولة عن قراري .. 

زين انهزم ؟

وين اولي وين انطي وجهي 

لازم اظل ع موقفي وما اخليهم يغووني ويورطوني بهيج تصرفات..

اروح لبيت صديقتي حوراء اهلها متشددين و عندي موقف وياهم مو زين اكيد مايتحملوني ..

اني غرفتي طابق ثاني  وشباكها اكدر اشوف الباب الخارجي والفرع بالكامل ..

شو بالليل تطبك سيارة وسيارتين عالباب واني مستغربة معقولة جماعة وعد جاي يباركوله 

وليش اغلب زياراتهم بالليل .. 

راسلت صديقتي #حوراء هاي اقرب الناس اليه وهي تعرف كل تفاصيل قصتي وحجيتلها الي جاي يصير وكالتلي هاي حوبة #وليد 

كلت الها مو وكت هالسوالف لاكيلي حل اني بورطة احس نفسي عايشة بغابة ..

كالتلي والله مدري بس اذا رجعتي لأهلج يطردوج من الباب لان عاركتيهم ع وعد ..

كلت الها هو هذا الحاركني 

وصارت تنطي حلول وماكو اي حل مناسب .. 

حدما اندك الباب ..

ـ منو ؟

ـ عذراء 

ـ فوتي عذورة

ـ شلونج حبيبتي 

ـ هلا عذورة شلونج انتِ ؟

ـ بخير الحمد لله شو مجاي تختلطين ويانه ليش ؟

ـ لا حبيبتي بالعكس بس استحي من الزلم والا مشتاكة نتعرف ونتصادق تخبلن ما شاء الله 

ـ يروحي، اليوم حجيت لصديقي عنج وكصيتج سامحيني هههه كلت اله ماشفنا وجهها

ـ صديقج ؟ 

ـ اي والله مثل روحي هذا كلما يجي لدوامه يمر علينا يسلم وعلاقته ويا امي كلش قوية بحيث مايجي اذا مو هدية بيده لأمي

ـ اهاا هههه الله يديمكم 

ـ انتِ ماعندج اصدقاء ؟

ـ لا والله حبيبتي اني صديقي وحبيبي وابوية وعد بس 

ـ اي بس مابيها شي تتعرفين عالناس قابل تخلصين حياتج بين اربع حيطان 

ـ متعودة 

....

شو اني شوي شوي صرت احس نفسي كاعدة ببيت كله فضايح ما ادري ليش صرت اربط شي بشي ماجاي تطلع عندي نتيجة غير هاي .. 

اجه الليل وطبعا عيالي عدهم الليل نهار والنهار ليل..

روتينهم الليل كله كاعدين وطلعات وطبات والنهار نايمين للمغرب ..

اجه عليه وعد كلي رتبي نفسج فد نص ساعة جايج وكلت اله تمام ميحتاج توصي ..

بس فاجئني كلي اهلي مو هنا انزلي عالغرفة الجوة وكتله ليش مو غرفتنا فوك كال لا عالجوة ..

وكمت رتبت نفسي ع اخر حبة وهو زوجي ومن حقه .. 

ونزلت لكيت البيت فارغ مابي نفس ..

وانتظرته شوي وراسلت صديقتي #حوراء وكلت الها ع الي يصير كالتلي يجوز يريد يغير مكان يغير جو دام البيت فارغ ..

اخذت بكلامها بس ما ادري حسيت مغص بمعدتي من كدما خفت اكو شي .. 

كاعد و ايد تفرك بإيد واصابعي اطكطك بيهن ومتوترة ..

جان اسمعه يصيح فوت فوت ماكو احد غريب .. 

صوت زلمة تنحنح وهو يكله دفوت البيت بيتك ..

اني ركض بدون وعي لوحدة من غرف الجوة وسديت الباب كلت تحاصرت شكد عيب شيصعدني بعد فوك وهذولي راح يسهرون ..

وكفت عند الباب اسمع حجيهم .. 

بس مجاي افتهم يتبادلون سيارة يمكن مدري حاجة المهم سمعت شي بي تبادل لمدة يوم ..

ويضحكون بصوت و هذا الزلمة يكول لوعد عاد سيارتك بعدها بحيلها لذلك تسوة واحد ينطيك فرق ..

و هو يكله انتظرت هواي اخذ هيج سيارة علمود اشوف سيارتك سياقتها زينة من زمان ببالي .. 

والزلمة ضحك بصوت عالي يكله يا ادغم طلعت عينك زايغة واني ما ادري ..

يربي شبيهم ذولي عبالك سكرانين مو صاحين شنو شجاي يحجون والله ما مفتهم شي منهم ..

صوت وعد يصيح ..

ـ شمس .. شمممس .. شممممس

اني اسمعه ومارديت عيب يسمع صوتي الزلمة الي وياه .. 

اسمعه يكله هاي تستحي تحملنه شوي ..

فتح الباب حطيت ايدي ع حلكي خفت يطلع الزلمة ويشوفني محمرة ومكيجة ..

جان يطلع وعد و يكلي طالعة صاروخ اليوم ..

كتله 

ـ اريد اصعد فوك لغرفتي 

ـ ليش اريدج هنا

ـ زلمة غريب برا واهلك هسة يجون

ـ هذا #ياس مو غريب الضلع مالتي 

ـ اي هسة شسوي مافهمت ..

ـ اليوم ياس يمج واني عند مرت ياس تبادل لمدة يوم! 

ـ مافهمت وضحلي اكثر شنو تبادل ؟ شنو مدة يوم ؟

ـ شبيج اني اروح يم مرته وهو يمج تبادل زوجات يعني!

اني من الصدمة والله معرفت احجي كلمة مستحيل احد يصدك هالشي صحيح ..

جان يصيح ياس تعال شوفلي هالسيارة مالتي الجديدة شلون تخبل واخر موديل ..

الفصل الثالث من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

ادسنس وسط المقال