رواية أم البنات الفصل السابع بقلم الكاتبه ريهام علي حصريه وجديده على مدونة النجم المتوهج
 |
في الجامعه عند سلمى
كانت بتتكلم مع ساره وحكتلها على اللي حصل مع سليم
ساره / ابتسمت وقالت وحسيتي بايه يا سلمى لما لمس أيدك
سلمى / اتنهدت وقالت كنت حاسه بامان اوي يا ساره المفروض اي واحده مكاني تخاف منه بس بالعكس انا مخفتش منه .... عارفه يا ساره لو مش خايفه يفهمني غلط كنت حضنته كمان عشان احس بالامان اكتر وسكت شويه وقالت الامان اللي أتحرمنا منه انا وامي واخواتي من يوم ما بابا مات ومحدش كان بيسال فينا
ساره / كانت مبتسمه وهي بتسمعها
سلمى / انتي ساكته ليه يا ساره
ساره / اتنهدت وقالت انت بتحبيه يا سلمى
سلمى / ابتسمت وقالت ايوه بحبه ... بحبه اوي
ساره / حضنتها بفرحه وقالت انا فرحنالك اوي يا ميمي
سلمى / اتنهدت وقالت تفتكري فرحتي هتكمل معاه يا ساره
ساره / هتكمل يا حبيبتي ان شاء الله بس انتي ادعي ربنا يجمعكم مع بعض في الحلال ويسعدكم
سلمي / بابتسامه امل يارب
ساره / وهي بتضحك تعرفي افتكرتك لقيتي عفريت لما لقيتك خارجه من الاوضه بتجري وانا جريت وراكي ومش فاهمه ليه ههههههه
سلمى / وهي بتضحك هعمل ايه بس محسيتش بنفسي غير وانا بجري
ساره / ربنا يسعدكم يا حبيبتي يارب
سلمى / يارب
____________________________
في بيت امين شكري
كان عرفان قاعد معاهم وبيتكلموا مع بعض
عرفان / وهو بيشرب الشاي فين مليكه وسلمى
فاطمه / سلمى في جامعتها في اسكندريه ساكنه هناك ومليكه لسه نازله الجامعه بقالها يومين
عرفان / واه سلمى ساكنه في اسكندريه لوحديها
فاطمه / لا مع بنات صحابها
عرفان / جرالك ايه يا ام البنات كيف تسيبي بتك تنام بره لوحديها
فاطمه / والله انا مربيه بناتي كويس وهكون مطمنه عليهم لو في وسط ميت راجل
عرفان / اتنهد وقال ما علينا يا ام البنات عشان شكل كلامي اللي هيودي ولا هيجيب وانتم خلاص بجيت عيشتكم زي المصاروه
عاليه / هو ايه اللي عيشتكم زي المصاروه دي ليه يعني انت شايفنا عايشين ازاي ما كل الناس كده
عرفان/ اتحشمي يا بت مش كفايه جاعده جدام خطيبك بشعرك و بلبس بيتي قمان
عاليه / شبكت دراعها في أيد علي عشان تغيظه اكتر وقالت سلامة سمعك يا عمي مش ماما قالتلك انه جوزي
عرفان / بس لسه مدخلش عليك عشان تجعدي معاه كديه
على / سهل اوي من بكره نجهز للفرح ونعمله في اقرب وقت... ولا ليه في اقرب وقت من بكره الدخله عشان حضرتك تبقي مطمن عليها معايا انا برضه ما يرضنيش زعلك يا عمو وبص لعاليه وغمزلها
عاليه / اتغاظت منه وقرصته في دراعه
على / حاول يكتم صوته
فاطمه / ابتسمت وقالت هنتكلم في الموضوع ده بعدين يا علي ونحدده مع بعض
عاليه / بصوت واطي لامها قالت تحددي ايه معاه يا ماما هتجننيني انت كمان وجزت على اسنانها
على / لولو حبيبتي سنانك يا قلبي تتكسر كده بلاش تجزي عليهم
عاليه / بصوت واطي حبيبتك وقلبك مين يا اخي وجع في قلبك ربنا ياخدني منك مش عارفه ايه تدبيسة ايه السودا اللي ماما ده دبستني فيها دي
على / كتم ضحكته عليها وسكت
عرفان / طب يا ام البنات هتشرفونا ميتا عشان تستلمه حجكم
فاطمه / نشرفكم فين يا عرفان
عرفان / تشرفونا في البلد طبعا في دوار ابوي
فاطمه / لنفسها اتنهدت بحزن وقالت شكلك عايز تعيد الماضي ياعرفان بس ورحمة الغالي لهعرفك الزمن غيرني قد ايه وبصت لعرفان وقالت مش هنقدر نسافر دلوقتي عشان مليكه وسلمى وجامعتهم خليها للاجازه
عرفان/ لا الاجازه دي كتير جوي هي سلمى مش بتاجي اجازات
فاطمه / على حسب دراستها
عرفان/ عموما مش هناخركم هو اسبوع بس انتي والبنات تشرفونا وتستلموا حجكم ونعملوا معاكم الواجب وترجعوا طوالي
فاطمه /هشوف البنات هعرفهم الاول وهعرفك عشان نحددها مع بعض وعلى يشوف ظروفه ايه
على / بص لفاطمه وابتسم
عرفان / واو وده هياجي معاكم بصفته ايه قمان
على / ايه يا عمو انت نسيت اني جوز عاليه ولا ايه
عرفان / عارف انك جوزها بس هتاجي ليه
على / الله يعني عايزني اسيب مراتي وحماتي واخوات مراتي كمان يسافروا لوحدهم يا عمو من غير راجل وبصله وقال له مش ده الواجب برضه
عرفان / بزهق عداك العيب يا ولدي وقام وقف وطلع ورقه وقال دي ارقامي يا ام البنات وجت ما تجهزوا للسفر كلموني عشان نستجبلكم في المحطه
فاطمه / ان شاء الله يا عرفان
عرفان / بالاذن
فاطمه / مع السلامه
وسابهم وخرج
عاليه / وقفت بغضب وقالت ممكن تفهميني انتي عملتي كده ليه وازاي تقوليله ان انا متجوزه يا ماما
فاطمه / والله انا مش صغيره وعارفه انا قولت ايه
عاليه / بصت لعلى بغيظ وسابتهم ودخلت الاوضه
فاطمه / بصت لعلي وقالت اسفه يا ابني اننا دخلتك في اللعبه دي
علي / انا تحت امرك
فاطمه / اتنهدت وقالت انت مش جاي عشان تعتذر وتصلح غلطتك بسبب اللي عملته
علي / ايوه
فاطمه / انا هقولك تصلح غلطتك ازاي
على / ابتسم وقال تحت امرك يا حماتي
فاطمه / ضحكت وقالت اسمع يا علي انت هتعمل .............
___________________________
بعد مرور اسبوع
كانت عاليه نازله الجامعه وخرجت من بيتها لقيت على واقف في العربيه مستنيها
عاليه ركبت معاه من غير ما تتكلم
علي / طب قولي اهلا ولا مراحب اي حاجه هو انتي راكبه مع ميت
عاليه / تعرف تسوق وانت ساكت
على / اتنهد وقال حد يكلم جوزو كده
عاليه / بصتله بغضب وقالت انت هتستهبل ولا ايه ولا هتصدق نفسك
علي / رجع بضهر لورا وقال والله لو مش مصدقه روحي اسالي مامتك
عاليه / يووووه ممكن نروح الجامعه بقى ولا هنقضيها كلام هنا
على / غمزلها وقال عيون جوزو من جوه وشغل العربيه ومشي
عاليه / حاولت تداري ابتسامتها وبصت من الشباك
_____________________________
في الجامعه عند مليكه
دخلت الجامعه بس وقفها شهاب
مليكه/ اوووف اصطبحنا بقى
شهاب / مليكه انتي ليه مش عايزه تصدقيني ولا تصدقي انا لسه بحبك
مليكه / بصتله باستهزاء وقالت وانا مبحبكش
شهاب / كذابه يا مليكه عيونك بتقول غير كده
مليكه / يا سلام عيوني بتقول غير كده وضحكت باستهزاء ولسه هتمشي
شهاب / شد أيدها وقال مليكه استني
مليكه / شدت ايدها بعصبيه وقالت المره دي بحذرك يا شهاب لكن المره الجايه هعمللك محضر في القسم عشان اخلص منك
شهاب / بلوم للدرجه دي يا مليكه مش طيقاني
مليكه / قربت منه وقالت انا وجودك نفسه مش طيقاه يا شهاب وغلطه عمري اني سلمت قلبي في يوم لواحد زيك وسابته ومشيت
شهاب / شاط الارض برجله بغيظ ودخل المحاضره
____________________________
عند سلمى في الجامعه
كانت في محاضره سليم ودخلهم عميد الجامعه
العميد / صباح الخير
الطلبه / صباح النور
العميد / ان شاء الله هتطلعو الغردقه الاسبوع اللي جاي عشان تحضروا لمشروع التخرج هناك ياريت كل الطلبه تعمل حسابها على السفر وبالنسبه للاقامه هتكون في فندق بكل خدماته والدكتور سليم هيشرحلكم بالظبط المطلوب واتمنى التعاون والاجتهاد وبالتوفيق لجميع الطلبه وخرج
سليم / هعرفكم المطلوب بالظبط بس مش المحاضره دي عشان نخلص اللي بشرحه وياريت ننتبه
بعد وقت انتهت محاضره سليم وخرج
ميرنا ومروه وساره / بصوا لسلمى لقوها سرحانه
ساره / مالك يا سلمى
سلمى / اتنهدت وقالت من يوم اللي حصل في المكتب وهو مكلمنيش ولا حتى جه لنونه
ساره / بصت للبنات وغمزتلهم وبصت لسلمي وقالت احمم تلاقيه مشغول في حاجه بس يا سلمى
سلمى / بزهق حاجه ايه دي اللي تشغله عني بالشكل ده
ميرنا / يا بت اتقلى عليه شويه كده
مروه / يا سلام الست ميرنا بتقول أتقلي. من امته دا
ساره / وهي بتضحك تلاقي يوسف مطلع عينها كالعاده واتعلمت منه التقل
البنات / ههههههههه
ميرنا / بصتلهم بدموع وقالت بتتريقوا عليا ... بتتريقوا على ايه هو ده ذنبي اني بحبه ودموعها نزلت وقالت انا عارفه انه مغصوب عليا عشان سلو عيلتنا وهو فاكر اننا كمان مغصوب عليا اني اتجوزه وميعرفش ان ده اليوم اللي بتمناه من وانا صغيره اقوم وانام وانا في حضنه وبصتلهم وقالت يوسف بالنسبالي مش اي حد يوسف كل حاجه حلوه في حياتي وحياتي من غيره ما ينفعش تتعاش اصلا عشان كده هتحمله واستحمل تقله عليا مهما حصل وهتجوزه وانا عارفه اني مش انا اللى بتمناها لكن عندى امل في يوم يحس بيا ويعرف اللي جوايا
مروه / حضنتها وقالت متزعليش مننا احنا كنا بنهزر معاكي
سلمي / طبطبت عليها وقالت اه والله يا ميري احنا بنهزر
ساره /ومن امتى واحنا بناخد الهزار جد كده يا ميرنا
ميرنا / وهي تمسح دموعها ابتسمت وقالت بعيد عنكم صاحبتكم بقت مشاعرها فياضه من كتر ما انا مش لاقيه حب منه
البنات / هههههههه
سلمى / سيبيها على الله يا حبيبتي وكل حاجه هتبان ليه
ميرنا / يارب يا سلمى انتم عارفين يا بنات انا دخلت كليه هندسه مخصوص عشان اكون زيه وادرس نفس اللي درسه نفسي في حاجات كتير اوي اعملهاله عشان يعرف قد ايه انا بحبه
ساره / يخرب عقلك يا بت يا ميرو دا انتي طلعتي ليكي قلب كبير وبتحبي
مروه / اه عقبالي انا كمان احب واتحب
سلمى / وهي بتضحك طب ركزوا الدكتور دخل و هيبدا المحاضره
وانتبهوا البنات للمحاضره
______________________________
في الجامعه عند مليكه
كانت خارجه مع صاحبتها مياده وجيلان وكان مالك واقف مستنيها بعربيته
مليكه / ابتسمتله وراحت عنده وقالت دكتور مالك بتعمل ايه هنا
مالك / ابتسم وقال جيت اطمنن عليكي وكنت حابب اتكلم معاكي شويه
مليكه / اه طبعا أتفضل اتكلم
مالك / بص حواليه وقال اتكلم فين هنا قدام الجامعه
مليكه / امال حضرتك عايز تتكلم فين
مالك / اي مكان هادي نقعد فيه شويه وهنرجع علطول
مليكه / بتفكير امممم اوكي
مالك / ابتسم وقال أتفضلي
مليكه شورت للبنات و شاورولها وابتسموا ومشيوا وركبت مع مالك العربيه وراحوا لمكان هادى
شهاب /وكان واقف وشاف مليكه وهي بتركب مع حد كان واقف حاطط أيده في جيوبه وبيشوط الارض بغيظ جات عليه راندا
راندا / ايه يا شيبو مش هنروح بقى
شهاب / بغيظ ما تروحي وانا ماسك فيكي
راندا / بزعل ايه ده يا شيبو انت هتسبني اروح لوحدي
شهاب / يعني عايزه ايه يا راندا أخلصي
رندا / ابتسمت وقالت وصلني معاك
شهاب / انا مش مروح يا راندا دلوقتي روحي انتي وسابها ومشي
رندا / ربعت أيدها على صدرها وقالت لسه بتفكر فيها يا شهاب واخرتها بقى مع الست مليكه دي ومشيت
___________________________
في الجامعه عند عاليه
خرجت عاليه وكان علي واقفلها بالعربيه عشان يوصلها وركبت معاه من غير كلام
عاليه / بصت على الطريق وكان مش طريق بيتهم قالت ايه ده انت رايح فين ده مش طريق البيت
علي / اتنهد وقال عارف انا رايح لمكان هادي نتكلم فيه مع بعض شويه
عاليه / نتكلم في ايه مفيش بيني وبينك كلام يا علي
علي / لأ فيه يا عاليه
عاليه / انا قولت مفيش ومش هروح معاك اي مكان
على / وقف بالعربيه وقال طب خلاص نتكلم هنا في العربيه مدام مش عايزه تروحي لاي مكان
عاليه / انت ايه يا خي بقولك مش عايزه اتكلم معاك انت جبله
علي / جبله . جبله بس هتسمعيني
عاليه / اتنهدت وقالت نعم يا علي عايز ايه
علي / .............
___________________________
في الجامعه عند سلمى
كانت خرجت هي والبنات من الجامعه وراحوا للسكن الخاص بيهم وجهزوا أكل واتغدوا مع بعض
ساره / بقولك ايه يا سلمى في محل شيك اوي منزل لبس جديد متيجي معانا يمكن تعجبك حاجه تشتريها
سلمى / لا لا اجي فين انا يدوب انام شويه عشان الحق اروح لنونا
ميرنا / يا بنتي تعالي معانا مش هنتاخر
مروه / يلا بقى يا سلمى تعالي متبقيش رخمه
سلمى / وهي بتتثاوب بقولكم ايه اطلعوا من نفوخي وروحوا انتو وسيبوني انام ولو في حاجه حلوه تليق بيا صورها و هبقى اشوف اجيبها قبل ما اسافر الغردقه
ساره / اوكي يلا بنات احنا سلام
سلمي / سلام
وخرجوا البنات وقفلوا الباب وراهم ودخلت سلمي تنام
____________________________
في كافيه هادي
كانت مليكه ومالك قاعدين مع بعض
مليكه / ها يا دكتور كنت عايز تكلمني في ايه
مالك / قرب منها وابتسم وقال ممكن بلاش دكتور دي خليها مالك بس
مليكه / اتكسفت وقالت احم مش هينفع طبعا
مالك / ابتسملها وقال هينفع عشان مش عايز بيني وبينك اي حواجز مهما كانت يا مليكه
مليكه / باستغراب يعني ايه
مالك / قرب منها وقال يعني بحبك وعايز اتجوزك
مليكه/ بصتله قالت ايه
مالك / غمزلها وقالت عايزه تفهميني انك مش فهماني يعني ياشيخه دي عاليه كانت بتقفشني دايما
مليكه / ضحكت عليه وسكتت
مالك / ها قولتي ايه يا مليكه
مليكه / ابتسمت وهزت راسها بمعنى اه
مالك / بصلها باستغراب وشاورلها بصباعه وقال الحركه دي معناها اه صح ولا بيتهيالي
ملكه / ضحكت وقالت صح
مالك /وواقف وقال طب يلا بينا
مليكه / باستغراب على فين
مالك / على مامتك طبعا هطلبك منها حالا ولسه بيشدها
مليكه / شدت أيده قالت استنى هنا يا مجنون انت ... ولسه هتكمل كلامها
مالك / قطع كلامها وقال يلا وشدها وراحوا على البيت
___________________________
في بيت في الصعيد
كان عرفان قاعد مع اولاده ومراته وحكالهم على اللي حصل في مقابلته مع فاطمه
رسميه مراة عرفان / كيف ده يا ابو طه ازاي يعني ياجو لهنه و ياخدوا حجهم قمان
عرفان / اسمعيني زين يا رسميه هما لازم ياجوا بنفسهم عشان يشوفوا الارض كيف بور ومتصلحش للزراعه ولو حد جبل ياخدها بربع التمن يبجى زين جوي
رسميه / طب وفلوسهم يا عرفان هياخدوها قمان
عرفان / بصلها وابتسم بشر وقال عيب عليكي يا ام طه انا هاديلهم جزء منها كديه عشان خطتنا تمشي زي ماحنا مظبطينها
طه / بس يا بوي ده حرام شرعا
رسميه / اخرس انت ياض وبصت لعرفان وقالت عفارم عليك يا ابو طه وانت اتاكدت بنفسك من حكاية جوازة البت دي
عرفان / ايوه اتاكدت
رسميه / بصتله وقالت يبجا كديه ننفذوا الخطه التانيه يا ابو طه
عرفان / ابتسم بشر وقال عيب عليكي يا ام طه كله متخطط هنه وشاور علي دماغه وقال لنفسه انا لازم اخد حجي منهم تالت ومتلت قمان وانتي بالذات يا فاطمه حسابك تجل معايا كتير جوي كفايه اني مستحمل بعدك عني بجالي 20 سنه وده كله بسبب اخوي .. بس ورحمه ابوي الغالي مهعتجك ،،،،،،
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق