رواية ليه يازمن بقلم نسرين بلعجيلي الفصل 31/32/33/34/35 حصريه وجديده على مدونة النجم المتوهج
 |
الفصل 31
فاطمه فضلت مصدومه
فكريه: هي دي كلمتكم لينا ان البنت للولد ؟
المأذون: مبروك عليكم امشي انا
رحمه: بتعمل ايه يا معلم هنا؟
فكريه: أكيد جاي يوقف الجوزاه صح يا سعد
طارق: معلش بس شكل المعلم هو العريس
رحمه : رد عليا يا معلم
هنا طلعت زهرة
زهرة : في إيه؟؟
رحمه: في ايه؟؟ كده تبيعي ابني اللي بحبك ؟
زهرة : إبنك باعني وراح اتجوز
رحمه: اتجوز مين انتي بتقولي ايه؟ دا هو لسه متصل بينا نلحقك
زهرة : خلاص اتجوزت كان فين لما كنت بقوله اخطبني
فكريه: ماهو خطبك وأبوكي قاله انك مقري فتحتك علي ابن عمك ؟
زهرة: ابن عمي مين ومافيش الكلام ده
رحمه: جه خطبك من ابوكي وقال له انك مقري فتحتك بس اداله كلمه انك ليه وكان عايز يكتب عليكي بس ابوكي رفض و تاني يوم جيت انا و عمته نأكد علي الكلام
زهرة كانت مصدومه من الكلام ده
راحت علي أمها
زهرة : صحيح الكلام ده؟؟
فاطمه: خلاص هو اتجوز وشاف حياته انتي كمان اتجوزتي وبقيتي علي ذمه راجل
مراد: انتي بتقولي ايه علي ما اتجوزش خالص وسافر علشان شغل وحاول مليون مره يشوفك و يكلمك و انت مش بتردي و جه عند ابوكي خطبك وتاني يوم الصبح سافر
زهرة: بس انا كلمته وقالي إنه اتجوز بنت المدير
فاطمه: شوفتي احنا ماكذبناش عليكي
زهرة : بس ماقولتيش ليه انه جه خطبني
رحمه: اتجوزتي مين يا زهرة ؟
زهرة : مش عارفه ومش فارقه لاني اتجوزت علشان أبويا ما يتسجنش العريس بيهدده بالسجن انا مضيت علي ورق المأذون وحتي العريس ما شوفتوش
طارق: للأسف العريس هو المعلم سعد ابو علي وانا لما روحت القسم عرفت انهم كانوا عاملينها ثمثيليه عليكي علشان يضغطوا عليكي و توافقي
زهرة: لا مستحيل المعلم مسابناش ولا لحظه وكمان دفع الفلوس للراجل اللي قدم الكمبيالات
عم محمد: إنت مين وداخل بيتي بصفتك ايه؟
طارق: انا المحامي طارق اليزيدي زميل علي وكنت شوفت زهره في القسم وكنت عايز اساعدها بس للأسف بنتي وقعت في المدرسه ومشيت بسرعه وكنت جاي انهارده اكمل مساعدتي ليكم بس الظاهر جيت في وقت مش مناسب
مراد: مين العريس يا عم محمد
لحظه صمت الكل ساكت
زهره حاسه إنها في دوامه وعنيها بتنزل دموع
المعلم : انا العريس
زهرة: إنت ازاي؟؟
المعلم: هو إيه اللي ازاي؟
رحمه: إنت اتجننت تتجوز حبيبه إبنك و خطيبته ؟؟
المعلم: مش خطيبته وبعدين انا كنت مكلم أبوها وهي صغيره بضفاير يعني حتي قبل ما إبنك يشوفها
مراد: مش مصدق ان الاب يعمل في ابنه كده ؟؟؟ انت عارف ان علي بيموت في حاجه اسمها زهرة ازاي تتجوزها ؟؟؟
المعلم: الجواز قسمه و نصيب
فكريه: لا لا انت شكلك اتجننت تتجوز عيله قد بناتك وانت رجلك و القبر إية ياأخي دا انت جد وعندك احفاد وبنتك بتتجوز ومن كل البنات مالاقتش غير اللي ببحبها إبنك
دا علي إبنك البكري من صلبك ازاي تعمل فيه كده ؟؟؟
رحمه الدنيا ابتدت تلف و تدوخ ومش قادره تصلب طولها
مسكها مراد
أما زهرة راحت مسكت في رقبت أمها
زهره: إنتي مستحيل تكوني أم ازاي تبيعيني كده وانت عارفه اني بحب علي تجوزيني ابوه ؟ انتي إيه ملتك ايه؟
فاطمه: اوعي كده انا عايزه مصلحتك ولو كان علي بيحبك كان اتجوزك من زمان
زهرة راحت لطارق
زهرة: أرجوك ساعدني الجوازه دي باطله صح انا بحب علي مستحيل اتجوز ابوه وبعدين ماكنتش اعرف العريس انا بس مضيت
طارق: اكيد هاساعدك مهما كانت عداوتي مع علي بس انتي مالكيش ذنب
هرفع ليكي قضيه ضد ابوكي و امك والمعلم
و القاضي حيطلقك من اول جلسه
صح يا مراد؟
مراد: صح وانا معاك
المعلم ضحك ضحكه مستفزه
المعلم: يبقي خلاص لما ترفعي عليا دعوه انزل انا الفيديو بتاعك وانت استغفر الله تحت السلم فاكره ولا نسيتي وكمان البس ابوكي تهمه انه سرق المخازن ولا أقولك مش هلبسه تهمه هو اصلا كده كده سرق المخازن وصورته منوره الشاشه و امك سرقت دهب من اي شقه عندي
وكده كده علي مستحيل يتجوزك
زهرة: اعمل فيهم اللي انت عايزه انا من اللحظه دي ماليش ام ولا اب
وانا ماليش فيديوهات ولو قصدك علي السلم فانا كنت مع إبنك
المعلم: الفيديو فيه بس انت والله اعلم كنت مع مين ابني متربي ومستحيل يعمل كده
طارق بص لخالد و هما مستغربين ازاي اب يعمل في ابنه كده
رحمه: انا لسه مش قادره أصدق انت تتجوز خطيبة إبنك؟؟
المعلم: مكانتش خطيبته اتكلم يا راجل هو انت اديت لعلي كلمه إنها خطيبته ؟؟
عم محمد : لا
فكريه: حسبي الله ونعم الوكيل فيكم انتم ايه جنس ملتكم ايه ؟؟
فاطمه: يوه بقي هو فيه إيه لكل ده؟؟
Nisrine Bellaajili
رحمه: إنت ليكي عين تتكلمي كمان نسيتي إيدي اللي اتمدت ليكي بالخير نسيتي كل حاجه عملتها علشانك تجوزي بنتك لي جوزي ؟؟ تبيعي بنتك كده وماتقوليش لها إن ابني خطبها؟؟
فاطمه: بقولك إيه جوزك واتجوز بنتي علي سنة الله و رسوله لا عيب ولا حرام غلطت في ايه بقي؟
زهرة: إنت بيعتيني مش جوزتيني ضغطتي عليا ان أبويا حيدخل السجن وانه تعبان وانت عارفه ان علي خطبني وعارفه إن أبوه العريس انتي جالك قلب تعملي فيه كده ازاي انتي عارفه انا بحب علي قد ايه ؟؟؟
فاطمه: لمي الدور يا زهرة علي مايجوزلكيش دلوقتي انتي مرات ابوه وهو ابن جوزك وبس
يلا يا معلم خد عروستك
زهره راحت عند رحمه
زهرة: انا بحب إبنك ابوس ايدك
ونزلت علي ايديها تبوسها
الحقيني انا ماليش حد غيرك
رحمه حضنتها
رحمه: طلقها يا معلم؟
المعلم : هو انتي فاكره اني لما أطلقها هتجوز لي إبنك ويتجوزها لا لانها كانت مرات ابوه
طارق: لا ممكن يتجوزها لأنك طلقتها قبل البناء يعني قبل ماتدخل عليها وبعدين هي مش موافقه ويبقي الجواز باطل شرعا
المعلم: انا ماليش فيه طلاق مش هطلق ويلا انجري قدامي
وراح يمسكها من شعرها
بس طارق بعده عنها
طارق: إيدك ماتتمدش عليها فاهم ولا مش فاهم ؟
المعلم: لا مش فاهم دي مراتي ومافيش قوه تبعدها عني
زهرة : أنا مش عايزاك طلقني انتوا ضحكتوا عليا
المعلم: ليه ياختي عيله صغيره مش قلتي بفم مليان انك موافقه علي العريس ؟ و سألك المأذون وقولتي موافقه ايه اللي اتغير دلوقتي؟
زهره: ماكنتش اعرف انك انت العريس انا ماقدرش اعيش معاك قلبي وعقلي ملك علي اللي هو إبنك
المعلم: محمد كلم بنتك والا اقسم بالله فضيحتكم هتبقي علي كل لسان فاهم ولا مش فاهم
عم محمد كأنه اتحول وراح لزهرة مسكها من شعرها
عم محمد: انا عارف ان آخرتي علي ايدك انتي هتروحي مع عريسك والا قسما بالله اقتلك هنا
فكريه: ويجيلك قلب تقتل بنتك؟
عم محمد : انا ماليش بنات
قولتي ايه
روايات نسرين بلعجيلي Nisrine Bellaajili
زهره راحت ورا طارق
زهره : وانا مش هروح في حته وبكرهكم ومنك الله يا علي انت اللي وصلتني لكده إبنك مش راجل ضحك عليا ياما اترجيته يتجوزني وهو كان رافض قال ايه لما يخلص المكتب
رحمه: طلقها يا معلم ؟
المعلم مش مطلق يا رحمه
رحمه: يبقي طلقني انا
فكريه: اسكتي يا رحمه بتقولي ايه ؟؟
رحمه: يا يطلقها يا طلقني انا ؟
المعلم : إنت طالق يا رحمه
فكريه شهقت بصوت عالي
الوقت دا زهره هربت ونزلت السلالم و هي مش عارفه تروح فين
والكل شايفها في الحاره نازله بفستان الفرح و بتجري
وداد كانت في شقتها و قلبها مقبوض لأنها عارفه ان اليوم كتب كتاب اختها وهي مارضيتش تحضر
حاسه انها خانت اختها اللي علي طول واقفه جنبها
طلعت لها جمالات
وفتحت الشقه عادي بالمفتاح
جمالات : غريبه مش انهارده كتب كتاب اختك زي ما امك قالت؟
وداد بعد تنهيده كبيره
وداد : ايوه
جمالات : و ماروحتيش ليه ؟؟
وداد : ماليش مزاج
جمالات : في وحده ماتحضرش كتب كتاب اختها ويبقي مين عريس الغفله بقي ؟
وداد : المعلم
جمالات : مين المعلم ده .... تقصدي المعلم سعد ؟؟
وداد: ايوه
جمالات : و مالك مكشره ليه ؟؟ في حد يكره الخير لاخته ؟؟
وداد كانت عايزه تتكلم مع أي حد من القهره اللي حاساها جواها
وداد: اصلك ماتعرفيش الحقيقه
جمالات: مالك يابت عايزه تعيطي قولي و فضفضي مهما كان انا حماتك وانتي مرات ابني
وداد: علي ابن المعلم خطب زهره وهما بيحبوا بعض بس أبويا وامي جوزها لابوه من غير ماهي تعرف
جمالات : فزوره دي ولا ايه ؟؟
يعني الولا و ابوه عايزين اختك؟
وداد : بصي زهرة و علي بيحبوا بعض من زمان وعلي راح اتقدم ليها قبل ما يسافر بس أبوها توه في الكلام و جوزها لابوه المشكله بقي ان عمت علي و امه الحاجه رحمه جم البيت عندنا و طلبوا إيد زهره لعلي وانا كنت موجوده امي الله يسامحها قالت لهم خير ولما مشيوا جت عندي وقالت لي ماجبش سيره لزهره ان اهله كانوا هنا
لا وكمان انا ضغطت علي زهرة علشان توافق علي العريس بحجه اني أبويا هيدخل السجن و كذبت على زهره وقلت ليها ان علي اتجوز زميلته زهره زعلت و وافقت علي العريس بس هي ماتعرفش مين
جمالات: يا نهاركم اسود إنت وامك ايه الشر اللي انتوا فيه دا ؟؟!!! في حد يعمل قي بنته كده هي بجد امكم ولا لا ؟!!
وداد: ايوه امنا ليه؟
جمالات : لا لا دا مش قلب أم تحرق قلب ضناها وكمان تجوزها ابو الراجل اللي بتحبه بطلوا دا واسمعوا دا ..انا معرفش ازاي ام تعمل كده في بنتها يا خرابي علي كهن النسوان تتآمر علي بنتها ضناها .
يا حزني على زهرة ماتستهلش كده لا حول ولاقوة الا بالله العلي العظيم وانت يابت تسكتي كده دا الساكت عن الحق شيطان اخرس مش عيب عليكي اللي عملتيه
منك الله يا شيخه انت وامك في يوم واحد
امك دي ماتعتبش بيتي فاهمه ولا لأ السوسه دي بقت خطر
قومي فزي البسي خلينا نروح عند الولا في المستشفى
وداد : حاضر
في الشارع
راجل: لا حول ولا قوه الا بالله دي عروسه شكلها هربانه والعربيه خبطتها كلموا الإسعاف
صاحب العربيه خبطها و هرب منه الله
ست من اللي كانوا موجودين
الست: يا حبت عيني دي بتنزف بسرعه حد ياخدها المستشفى لو استنينا الإسعاف مش هتيجي والبت تموت
صاحب التاكسي
تيحي معايا واخدها المستشفى مايرضينيش بنت تموت في الشارع وكمان لازم حد يشهد معايا انا راجل في حالي مش ناقص سين و جيم
الست : كثر خيرك يا خويا امشي معاك شيل بالراحه
خالد و طارق نزلوا من فوق بعد ما الكل نزل يدور علي زهره
طارق: على قد ما بكره علي على قد ما بشفق عليه ابوه اتجوز حبيبته لا والبنت صعبت عليا
خالد: بجد وانا كمان بس دلوقتي الصوره واضحه جدا
طارق : طبعا قولتلك علي دخل عش الدابابير برجليه
البنت اللي راحت ضحيه
خالد: طارق يبقي كده ابعد وخاف علي سيلا و وامك مالناش دعوه خالص بالموضوع ده احنا ما صدقنا نخلص منهم
بقلم نسرين بلعجيلي
معلش الصدمه كبيره عليكم عارفه
يس اللي جاي فيه حاجات كثيره
ليه يازمن بقلم نسرين بلعجيلي
الفصل 32
صاحب التاكسي وصل زهرة المستشفى ودخلوها بسرعه العمليات
صاحب التاكسي: يلا ياست نمشي من هنا دي شكلها حالتها صعبه واحنا مش ناقصين سين وجيم يلا الله يباركلك
الست: و نسيبها يا كبدي لوحدها
صاحب التاكسي : ليها ربنا شويه و يتصلوا بالبوليس ومش هنخلص
الست : ربنا يتولاها برحمته انا صاحبة مرض ومش قادره علي البهدلة في سني دا
صاحب التاكسي: تعالي نطلع من الباب اللي ورا علشان ماحدش يشوفنا
خرجوا من المستشفى
صاحب التاكسي : اوصلك فين ؟
الست: لا يابني روح لقط رزقك انا هركب اي مواصله
صاحب التاكسي : لا يا ست عملنا خير نكمله لاخره
الست: خلاص وصلني مكان الحادثه انا ساكنه قريب من هناك .
Nisrine Bellaajili
في دبي
هايدي كانت قاعده علي نار لحد ما جتلها مكالمه
هايدي: ألو
المجهول: في إيه كل شويه زن زن
هايدي: انا علي اعصابي طمني
المجهول: اللي حصل هيبسطك علي الآخر اتجوزت ابوه
هايدي: ابو مين؟
المجهول: فتحي مخك معايا أبو علي اتجوز زهرة
هايدي: نعم!؟؟
المجهول: زي ما سمعتي
هايدي: مش قولت هتخلصوا منها؟
المجهول : حصل العروسه هربت لما عرفت مين هو العريس لا وكمان صاحبك طارق كان موجود هناك
هايدي: طارق؟ ازاي ؟ انا مابقتش فاهمه حاجه خالص
المجهول: مش مهم مش كنتي عايزاها تبعد عن طريقه؟
هايدي: ايوه بس مش تتجوز ابوه
المجهول: دا تخطيط كبير مالكيش فيه المهم مضي الأوراق ولا لسه؟
هايدي: لسه علي تايه انا خايفه عليه اوي
المجهول: يا حنينه لما خايفه عليه سلمتيه ليه؟؟
هايدي: أقسم بالله ماكنتش اعرف ان الموضوع كبير كده
انا اتصدمت لما شوفته
واكيد بابا مكانش يعرف انه موجود
المجهول : لا ابوكي كان عارف وهو اللي مخطط انك تروحي
هايدي: انت بتقول ايه ؟ دا مستحيل
المجهول: اهدي ابوكي قدم ولائه للباشا كده هيعرف يسيبكم في حالكم انجزي انتي وخليه يمضي بسرعه
و اوعي تقولي له أن حبيبت القلب اتجوزت ابوه
هايدي: لا مش هقول حاجه
انا رايحه عنده و اشوف هيعمل إيه
المجهول: لازم تقنعيه انه يمضي في اسرع وقت
هايدي : حاضر
روايات نسرين بلعجيلي Nisrine Bellaajili
في المستشفي
زهره ابتدت تستعيد و عيها شويه
جت الممرضه
الممرضة: حمدالله علي السلامه
زهرة: انا فين ؟
الممرضة: إنتي في المستشفى يا ختي
زهرة: اه جسمي بيوجعني
الممرضة: معلش الخبطه كانت جامده بس احمدي ربنا إنه ماحصلكيش كسر
زهره: راسي بيوجعني اوي
الممرضة: هنده لك علي الدكتور الا قوليلي ياختي انتي هربتي من عريسك اصلك يعني جيتي بفستان الفرح
بس قلعناكي علشان نكشف عليكي بس خلي بالك في جروح علي ركبتك و في رجليكي
زهره فضلت سرحانه وتفكر في كل اللي حصل معقوله بقت مرات ابو علي ازاي ؟ و هتعمل ايه في المصيبه دي ؟
المعلم و ابوها قلبوا عليها الدنيا وعرفوا إنها عملت حادثه .
رحمه كانت في دوامه مش عارفه تعمل ايه
من ساعت ما رجعت الشقه قافله عليها اوضتها
جت سميره بعد ما فرح كلمتها
اول مادخلت فضلت تزعق لغايه ما صوتها جاب شقه نوال اللي ماقدرتش تستحمل
نزلت تحت تخبط كثير لحد ما مسعده فتحت لها الباب
نوال: خير صوتكم جايب اخر الشارع في ايه؟
فكريه: في مصيبه حلت فوق نافوخنا
نوال: يا مصيبتي في ايه؟ المعلم حصله حاجه؟
سميره : ياريت كنا خلصنا منه
نوال: بعد الشر عليه مالك فيكي ايه ؟ في وحده تدعي علي أبوها؟
فكريه: عليه العوض و منه العوض
صبرنا يا رب
نوال: ما تنطقوا سيبتوا ركبي
فرح: المعلم اتجوز
نوال بعلو صوتها
نوال : نعم !!!
فكريه: لا المصيبه انه طلق رحمه
نوال بصدمه
نوال: ايه طلق رحمه هو اتجنن
وقعدت من صدمتها علي الكنبه
فكريه: و خدي عندك الثقيله اتجوز حبيبت ابنه زهره
نوال مكانتش سامعه الكلام وابتدت تدوخ
فكريه: الحقوا مرات ابوكم
سميره : رحمتك يارب علينا
هنا طلعت رحمه
حاولوا يفوقوا نوال
اول ما فاقت حضنت رحمه وفضلت تعيط كثير
فكريه : يوه بقي انت قلبتيها مندبه كده ليه
نوال: هي مندبه لما المعلم بطلق رحمه تبقي مندبه دي بنت عمه و ام اولاده يستغني عنها بالسهوله دي هو جراله ايه ؟؟ لما بنت عمه و عمل فيها كده انا هيعمل فيا ايه انا لا ليا اب ولا اخ ولا عم و لا خال دا هيرميني في الشارع و ازاي يتجوز خطيبت ابنه اكيد هي لفت عليه
فكريه: اسكتي البت مكانتش تعرف حاجه كله من ابوها و امها
سميره: وإيه العمل دلوقتي ؟
رحمه: العمل عمل ربنا ماحدش يجيب سيره الموضوع دا لعلي لحد ما يرجع
فرح: ولما يرجع هاتبقي كارثه
رحمه : خشي لمي هدومك علشان نروح شقه اخوكي نقعد فيها
فكريه: إنت بتقولي ايه عايزه تسيبي بيتك يا رحمه ؟
رحمه: مبقاش بيتي
فرح: بس علي ماسبش المفاتيح ولا انت عندك نسخه منهم ؟
رحمه :لا معنديش
فكريه: استهدي بالله كده واقعدي في بيتك معززه مكرمه
والمعلم اكيد هيرجعك دي ساعه شيطان و هتروح لحالها
رحمه: اللي بيني وبينه خلص لحد هنا كان بيظلمني و اسكت بس يظلم ولادي لا اللي عمله دا لا يمكن اسامحه عليه و الله أعلم لما علي يرجع ايه اللي حيحصل
سميره: بس ازاي بتقولوا ان زهره ماتعرفش
فكريه ابتدت تشرح ليهم
أما عند مراد كان هيتجنن
و راح بيتهم وحكي لاهله كل حاجه
احمد: اللي انت بتقوله دا صح؟
مراد : ايوه
تهاني: يا مصيبتي السودة
احمد: قولتلكم من الأول وانا مش مرتاح للعيله دي
هو في كده يا ناس يتجوز حبيبت ابنه قد بنته
تهاني: لا وكمان طلق مراته و بنت عمه انا لازم اروح اطمن عليها
احمد: مافيش مرواح خالص لهناك و انت لازم تطلق البنت النسب ده ميشرفناش
مراد: انت بتقول ايه يا بابا فرح ذنبها ايه؟
احمد : مالهاش ذنب احنا كمان ذنبنا ايه نتورط مع العيله دي هتبقي حرب هو انت فاكر علي لما يرجع هيسكت
مراد: هو دة اللي خايف منه انت ماتعرفش هو بيحب زهره قد ايه سنين وهو عايز يتجوزها
احمد: اللي معصبني من الموضوع انه ابوه كان عارف و الحلوه بقي كان معترض قال ايه مش قد المقام وإنه يستاهل واحده تليق بيه و شاف ابنه كان مصمم ازاي
مش قادر اتخيل ازاي يعمل كده والبت قولت إنها ماكنتش تعرف العريس مين ؟ يعني ضحكوا عليها لما اوهموها ان علي اتجوز الموضوع مش سهل في حاجه غلط .
المعلم قعدت معاه بيبان عليه انه طيب و ابن اصول ازاي يعمل كده
هو علي ابنه بجد؟
مراد: آه ابنه
احمد: غريبه لكن مافيش اب عاقل يتصرف كده
بص يابني كفايه لحد كده طلق بنتهم من سكات و يادار مادخلك شر إحنا مش ناقصين فضايح مع الناس
كفايه اللي حصل لحد دلوقتي
تهاني : استهدا بالله يا احمد البنت مالهاش ذنب
احمد: إنت تسكتي خالص وانت نفذ اللي قولتلك عليه و الا لا انت ابني ولا انا اعرفك
و قام طلع من البيت
تهاني: علي فكره ابوك عنده حق انت لازم يابني تفكر في مستقبلك الراجل دا هيبقي جد ولادك الناس هتاكل وشنا لما يعرفوا
و صاحبك هيبقي خال ولادك
واللي انا شايفاه انها هتبقي مدبحه صاحبك مش هيسكت خالص هتكبر ولادك في جو مشحون و قطيعه بين الابن و ابوه ما هو لو علي سكت اكيد هيقاطع ابوه و كمان فرح
قولي بقي لما تعمل فرح مين هيحضر فيه؟
ماتفكرش في دلوقتي فكر في بعدين
مراد: انا مش قادر أصدق كل اللي بيحصل ده و زهره صعبت عليا اوي ياريت الاقيها و اساعدها
تهاني: هتروح فين يعني ؟
مراد: مش عارف دي جريت وهربت نزلنا الشارع كإنها فص وملح و داب
تهاني: مش سهله تكون بتحب الابن و تتجوز ابوه و امها و ابوها يكدبوا عليها
نسرين بلعجيلي
في دبي
هايدي كلمت علي علشان تقابله
وهي مستنياه بره الاوتيل
راح لها و هو قلقان لان مراد قفل تليفونه
وماحدش بيرد عليه
هايدي: اتاخرت اوي عليا
علي: معلش مشغول
هايدي : يا تري مشغول في ايه؟
علي : موضوع شخصي
هايدي : امممم ماشي علي لازم تاخد قرار
علي: بالله عليكي دماغي فيها مليون حاجه مش مركز
هايدي: الموضوع دا لازم يبقى ليه نهايه الناس مستنيه امضتك ربنا يسهل
علي بص لها كويس
علي: هو انتي معايا و لا معاهم ؟؟
هايدي: إيه اللي انت بتقوله اكيد معاك انا وانت في مركب واحده
علي: عايز اصدقك و مش قادر
هايدي: صدقني يا علي انا بحبك اوي انت اول حب ليا
علي: كفايه كلام في الموضوع ده انتي عارفه اني بحب زهره ومافيش ست ممكن تيجي مكانها
هايدي بعصبيه
هايدي: فيها ايه مختلف عني أنا بنت ناس ومتربية واحلي منها مليون مره وبنت أكابر و متخرجه من الجامعه الامريكيه و هي يا دوب بنت الشغاله ومش حلوه و بيئه خالص .
علي: اسكتي ولا كلمه زياده انا شايفها احلي من القمر و ببساطتها سرقت قلبي وانا بموت فيها
هايدي: اوف بقي امضي وخلصنا
علي: هاتي الورق اقراه
هايدي: انت لسه عايز تقراه مفيش وقت انت عارف ان الباشا الكبير ممكن يعند معاك لما يشوفك اتاخرت و يفضح حبيبت القلب وتبقي سيريتها علي كل لسان
علي: هاتي وخلصيني من المصيبه السودة دي
ادته الورق و مضي عليه من غير مايقراه
هايدي كانت مبسوطه اوي إنها اخيرا حققت اللي خططت ليه
و بعتت رساله ليهم انه خلاص وقع كل الورق
هايدي: شاطر يا علي انت اختارت صح
علي: شوفي معاهم أمتي نرجع انا زهقت
هايدي: زهقت دا ايه دا لسه الشغل هيبتدي
علي: شغل ايه؟
هايدي: القضيه بتاعت سالم بص يا علي طالما اتورطت معاهم حاول تستفيد علي قد ماتقدر
علي: استفيد من الحرام؟؟
هايدي: انت مجبر علي ده مش باختيارك كل اللي حصل و انت بتحمي اهلك ونفسك
علي: هايدي أنا مخنوق جدا عايز أفضل لوحدي شويه لو سمحتي
هايدي : اوك انا فاهمه الدوامه اللي انت فيها هارجع الاوتيل
هايدي راحت لسالم الجناح بتاعه ومعاها الورق اللي علي وقع عليه
سالم: لا انتي بنت ابوكي بصحيح
هايدي: علي فكره علي تعبان جدا ومخنوق
سالم: يا حنينه الفلوس بكره تنسيه كل حاجه
هايدي : علي مش كده
سالم: ممممم هايدي ركزي في نفسك و في ابوكي
هايدي: اوعدني يا سالم بيه انكم ما تأذوش علي
سالم: طول ماهو في الخط معانا مافيش خوف عليه
هايدي: نفسي افهم ايه غرضكم ان زهره تتجوز ابوه ؟؟
سالم : مالكيش فيه هايدي خليه يتجوزك لو عايزه تحميه
لأنه شكله غبي مش بيفهم هو وقع مع مين
بقلم نسرين بلعجيلي
يا ترا علي وفعلا مع مين؟؟
و زهره هتعمل ايه؟
ليه يا زمن
بقلم نسرين بلعجيلي
الفصل 33
علي فضل يلف كثير حوالين الأوتيل و هيتجنن، ماحدش بيرد عليه
وتليفون زهرة مقفول.
رن على كريم...
كريم عرف من الحاره إن زهرة اتجوزت و هربت، بس مايعرفش مين العريس.
كريم : إزيك يا علي؟
علي : الحمد لله. بقولك تعرف حاجه عن زهرة ؟
كريم مش عارف يقول إيه..
علي : ساكت ليه؟ بقولك أنا على أعصابي، الكل مش بيرد عليا .
أرجوك يا كريم هي اتجوزت؟
كريم : بص يا علي انا ماعرفش التفاصيل، بس سمعت في الحاره إنها اتجوزت و ناس شافوا المأذون خارج من عندهم و سمعوا الزغاريد. بس الغريبه بيقولوا إنها نزلت تجري في الشارع بفستان الفرح كانها هربت، وانت عارف الناس ابتدت تطلع عليها كلام وحش.
علي دقات قلبه بقت عاليه جدا..
علي : إنت متأكد انها اتجوزت؟. يعني اتكتب كتابها ؟؟
كريم : هو دا اللي سمعته، بس هي هربت.
علي : بقولك إيه؟ لو سمحت روح البيت وخليني اكلم أمي.
كريم : خليك معايا أنا اصلا تحت البيت انا طالع اهو .
طلع كريم و فضل يخبط، ومسعده فتحت الباب.
أول ما دخل شافهم كلهم قاعدين زعلانين...
كريم : مالكم؟ كإنكم قاعدين في عزا!!!
علي اتخض فكر إن زهرة حصل لها حاجه.
كريم : خدي يا أمي دا علي.
رحمه ارتبكت و مش عارفه تقول إيه.
فكريه : هات التليفون دا.
و أخدته من كريم..
فكريه : إزيك يا بني؟
علي : الحمدلله يا عمتي، أمي فين؟
فكريه : أمك بخير و كويسه بس هي مش عارفه تكلمك.
علي : ليه؟ حصل إيه؟؟
فكريه : صلي على النبي يا حبيبي.
علي : عليه أفضل الصلاة و السلام.
فكريه : كل حاجه قسمه و نصيب، وانت قسمتك و نصيبك مش زهرة ماعرفناش نلحقها وصلنا متأخر، إتكتب كتابها. بس يابني الشهاده الله هي مغصوبه.
علي : يعني إيه ؟؟ زهرة راحت من بين ايديا ؟؟
فكريه : دا نصيب يابني، ربنا يبعتلك بنت الحلال.
علي : بنت الحلال؟!! إنت متعرفيش حاجه يا عمتي، زهره دي بنتي انا كبرتها على إيدي وتقوليلي بنت الحلال؟ زهره دي روحي وعقلي و قلبي وكل دنيتي، إزاي تتجوز غيري؟ إزاي تقبل على نفسها حد غيري يلمسها؟ دا أنا كنت بخاف عليها من نفسي. ليه تعمل فيا كده ليه يا عمتي؟
علي بيتكلم و هو بعيط...
فكريه كانت فاتحه الاسبيكر الكل كان بعيط.
رحمه أخذت التليفون..
رحمه : و حد الله يابني، كله من ابوها و امها كذبوا عليها و قالوا ليها انك اتجوزت بنت المدير. وابوها عليه شيكات و بلاوي سوده، أبوها باعها يابني وهي هربت وماحدش عارف هي فين.
برضايا عليك يا ضنايا إنساها وشوف حياتك. هي بقت متحرمه عليك ليوم الدين، خلاص يابني.
علي : ليه يا أمي يحصل فيا كده ؟ أنا غلطان، كانت على طول تقولي اتجوزني وانا اقولها لسه بدري لما اخلص المكتب، لما أقف على رجلي، كانت بتقولي أنا حاسه إن الزمن هيفرقنا وماكنتش بدي كلامها أهميه. نار في قلبي يا أمي.
روايات نسرين بلعجيلي Nisrine Bellaajili
رحمه : يارب يهون عليك و عليها المصيبه دي.
علي : لو هي هربت دوروا عليها وانا هرفع لها دعوه طلاق. أكيد هي مش موافقه علشان كده هربت صح ؟
رحمه : ماينفعش يابني.
علي : لأ ينفع. أنا اخلي مراد يدور عليها، أنا مش عارف انزل عندي شغل كثير. ادعيلي يا أمي اطلع من اللي انا فيه.
رحمه : بدعيلك يا بني ربنا يهونها عليك.
علي : اديني كريم.
كريم : معاك يا علي.
علي : انت راجل ياض صح؟
كربم : ايوه يا علي، من غير ما تكمل هاشوف كل شباب الحاره و ندور عليها بإذنك يارب.
علي : لو عملت كده عمري ما هنسى جميلك ده.
كريم : عيب يا علي، احنا اخوات.
وقفل معاه.
الكل بيعيط..
كريم شاف امه
كريم : إنت كمان يا نوال بتعيطي ؟؟
نوال : بعيط على أبوك و عمايله، بعيط على أخوك و حرقة قلبه، بعيط على رحمه اللي فتحت لي دراعتها و ربتكم، بعيط على نفسي و عليكم.
كريم : مش مصدق اللي بسمعه. إيه الدراما دي؟؟
نوال : هو انت تعرف زهرة اتجوزت مين؟؟
كريم : لأ.
نوال : اتجوزت أبوك يا موكوس. أبوك خطف حبيبة ابنه وطلق امك رحمه. فهمت بعيط ليه؟؟ بعد رحمه احنا مالناش حد.
فكريه : يوه بقى يا نوال، اسكتي يا ختي قلبنا محروق.
كريم : لا لا!! إنت شكلك بتخرفي، جواز المعلم عامل لك خرم في دماغك.
فكريه : كلام امك صح.
كريم : إزاي المعلم يتجوز زهرة وهو عارف إن علي بيحبها؟؟
فكريه : أيوه، و حسك عينك تجيب سيره لعلي.
كريم : دا علي يروح فيها. لأ وكمان طلق أمي؟ هو إنت بتتكلمي على المعلم سعد ولا حد تاني؟؟!!
فكريه : أبوك يا ولا عمل كل دا.
سميره : البت تكون هربت فين؟ و هنساعدها ولا نعمل إيه ؟
فكريه : ربنا يتولاها. المصيبه إنها اتحرمت على علي ماينفعش يتجوزها.
رحمه : ما انت سمعت المحامي قال لو مدخلش عليها يبقى تجوز ليه، بس لو دخل عليها تبقى متحرمه عليه.
فكريه : يا رحمه ماينفعش، إزاي يتجوز مرات ابوه؟ ومين يعرف دخل عليها ولا لأ... سيريتنا هتبقي على كل لسان. خلاصة البت راحت من إيديه.
فرح : ليه على طول بيفضحنا؟ أهل مراد هيقولوا إيه ؟؟؟
فكريه : أنا بقولك اهو، ممكن الجوازه تتفركش. عمك قالي أمه وابوه موافقين بالعافيه لان مراد ضغط عليهم.
رحمه : يارب الطف بينا.
بعد أسبوع.....
علي وافق على شروط سالم بيه و ابتدا يشتغل. واستغرب إن كل الورق والشغل سليم. حاجات خاصه بالضريبه و الجمارك ومافيش حاجه خارجه عن القانون. إطمن شويه وحمد ربنا.
زهره كانت لسه في المستشفى. بعد ما عرفوا هي فين خلوا الدكتور يديها مهدئات علشان تبقى مهدوده وتنام بعد ما حاولت تهرب، امها كانت معاها ليل نهار.
زهره كانت في دوامه مش عارفه تصحى منها.
والمعلم كان موصي عليها جامد.
في العماره المعلم جهز الشقه الي فوق.
رحمه فهمت إنه خلاص لقاها، نزلت نوال تجري وترن الجرس و تخبط
فتحت لها مسعده.
نوال : وسعي كده، سنه على ما تفتحي الباب؟
مسعده : معلش كنت في المطبخ، الحاجه جوه.
راحت تجري فتحت الباب كانت فكريه و رحمه بيتكلموا.
فكريه : بتك جرالها حاجه ؟؟
نوال : البت مقهوره وبتضيع مني، و الولا كريم مش عارفه أراضيه،
والمعلم جاب العفش و أوضه النوم.
سامعه يا رحمه خلاص راحت علينا أنا وانت أطلقنا، هنعمل إيه؟
رحمه : لا حول ولاقوة الا بالله العلي العظيم. العمل عمل ربنا، معنديش مفتاح شقة علي كنت قولتلك يلا نروحوا نعيشوا فيها.
نوال : دي شقة إبنك، أنا أعيش فيها بصفتي إيه؟
رحمه : مرات ابوه يا نوال، احنا عشرة عمر.
نوال : أنا هموت يا رحمه انا ماليش حد. أسبوع وانا لوحدي، البت مش عايزه تكلمني و الولا مش عارفه أراضيه. هو انا وحشه كده؟؟
Nisrine Bellaajili
فكريه : إهدي يا نوال كلنا حواليكي.
نوال : إنتم حوالين رحمه انا لوحدي.
هموت من القهره، ضيعت شبابي واولادي. يارب اعمل إيه؟؟؟
و ابتدت تعيط و رحمه كمان...
احساس القهر و الظلم صعب.
نوال فعلا كانت بتنسى نفسها وتفكر في راحه المعلم، وحتى أولادها كانوا آخر اهتمامتها. وحتى لما بتهتم بنفسها علشان المعلم مش علشانها. حرمت نفسها تطلع و تخرج و تتعلم او تشتغل. كل تفكيرها إزاي تسعد المعلم.
رحمه تنازلت كثير عن كرامتها و من قيمتها و من حقوقها ومن فلوسها علشان ولادها، و في الآخر المعلم طلقها بكل سهوله.
إبن عمها جه عليها و ماصنش العشره .
كل جوازه كانت بتنقهر جدا جدا. مافيش ست مهما كان التزامها و تدينها تقبل بشريكه في جوزها. دي غريزه خلقها فينا ربنا، غريزه الغيره. رحمه قست على نفسها كثير، واستحملت كثير. كفايه انها محرومه من حقوقها الشرعية كأي زوجه، و هي شايفاه مدلع نوال و نانسي وغيرهم.
الموضوع مع نانسي مكانش فارق أوي لأنها من الأول عارفه إنها محطه في حياه المعلم. بس لما نزلت وشافت نوال و رحمه بتعيط صعبوا عليها و حست بالذنب انها دخلت ضره عليهم، و دموعها إبتدت تنزل لأنها جربت الإحساس دا لما طليقها اتجوز و هي لسه بتحبه.
فكريه بقت محتاره تسكت مين فيهم، وبتقول في نفسها: بينك وبين ربنا إيه يا سعد علشان الستات تعيط عليك؟؟
وهما كده سمعوا الزغاريد على السلم.
الوقت دا المعلم وصل مع زهره و امها. زهره كانت واخده مهدئ ومش حاسه.
طالعين على السلم و فاطمه بتزغرد. نوال كانت عايزه تخرج لهم بس فكريه و سميره مسكوها.
نوال : سيبوني اطلع اموته.
فكريه : خلاص، هتودي نفسك في داهيه.
يا مسعده تعالي بسرعه.
مسعده : أيوه يا ستي.
فكريه : إطلعي قولي لي الزفته فاطمه كفايه زغاريد.
مسعده : فوريره يا ستي.
رحمه : أستغفرك ربي و أتوب اليك.
سميره : هنسيبه كده و نسيب زهره؟ لازم نتصرف.
فكريه : مش عارفه أعمل إيه، بس شكلها جت معاه بخاطرها.
جت هنا فرح.
فرح : لا يا عمتي، زهره مش طبيعيه، أمها والمعلم مسندينها. أنا كلمت مراد و هو جاي، قالي إنه لازم يلحقها.
جت مسعده.
مسعده : قولت لها بس كرشتني. وكمان المعلم طردني و قالي ما شوفش وشك تاني.
رحمه : طردك؟
مسعده : أيوه. وكمان العروسه دايخه و امها بتقلعها هدومها وهي مش دريانه
فكريه : يبقى لازم نطلع نلحقها.
فاطمه خلصت مع زهره، قلعتها هدومها كلها و غطتها بس.
فاطمه : إسمعي يابت، خلصينا في ليلتك السوده دي مش عايزين فضايح. دخلتك على المعلم دلوقتي.
وطلعت بره..
Nisrine Bellaajili
فاطمه : اتفضل يا معلم البت جاهزه.
المعلم : فهمتيها وفطنتيها؟
فاطمه : من غير ما افهمها، البت يا حبه عيني مش دريانه بحاجه.
المعلم : خليكي بره أخلص و روحي. وانا قفلت الباب إوعي تفتحي لحد.
فاطمه : أوامرك يا معلم.
دخل المعلم..
المعلم : يا صلاة النبي، إيه الجمال ده؟
وابتدا يقلع هدومه...
زهره مش حاسه بحاجه لحد ماحست بيه بيلمس جسمها، ابتدت تترعش.
المعلم : إيه الملبن دا؟ إيه الحلاوه دي؟ كإن عمري ما شوفت نسوان، هموت عليكي يا بت.
متخافيش، كله زي شكه الدبوس ونخلص الموضوع، وتبقي ليا.
وابتدا يبوسها.
هنا زهره ابتدت تستعيد وعيها.
زهره : إبعد عني. إلحقوني....
رحمه أول ما سمعت صوتها إبتدت تخبط الباب كثير..
رحمه : لا يا معلم، سيبها حرام عليك.
إبنك بيحبها.
المعلم : إسكتي يا زهرتي.
زهره افتكرت علي وهو بينده عليها.
زهره : علي إنت فين؟
المعلم ماستحملش ضربها بالقلم على وشها.
زهره : إلحقني يا علي.
المعلم : ماحدش هيلحقك، ثواني وتكوني ليا.
إنقض عليها وابتدا يفترس جسمها بالبوس بلا رحمه.
زهره : لا لا ابعد. علي انا بحب علي يا علي.
رحمه كلها بتترعش وهي سامعه استغاثات زهره.
هيكسروا االباب من الخبط عليه.
وصل مراد بيحاول يفتح الباب
و عايز يكسره.
سمعوا زهره بتصرخ صرخه الروح المجروحه.
زهره : سا محني يا علي.. علييييييييييييييي بأعلى صوتها.
هنا فاطمه زغردت.
رحمه وقعت من طولها بلا حركه...
روايه ليه يازمن بقلم نسرين بلعجيلي
معلش يا جماعه موعدنا يوم الجمعه
لاني معنديش حاجه جاهزه انزلها ليكم الفتره دي
زي ما انته عارفين كنت تعبانه
ولخب اكتب علي رواق لان الأحداث دلوقتي محتاجه تركيز
روايه ليه يازمن
بقلم نسرين بلعجيلي
الفصل 34
الكل انشغل بوقوع رحمه و نزلوها شقتها، وجابوا لها دكتور أمر بنقلها بسرعه للمستشفى...
أما زهره بعد اللي حصل، نامت من الحقنه و المخدر اللي كانت واخداه..
فاطمه راحت للمعلم
فاطمه : البت نامت؟
المعلم : خدي دول ويلا بالسلامه انت.
فاطمه : خلي بالك من زهره.
المعلم : ضحك بسخرية، خايفه عليها؟
فاطمه : آه طبعا، مش بنتي؟
المعلم : آه آه!! واضح جدا. يلا اطلعي بره.
نسرين بلعجيلي
فاطمه مشيت.
و المعلم دخل عند زهرة، شافها نايمه زي الملاك، نام جنبها.
في المستشفى....
الدكتور بلغهم إن الحاجه رحمه عندها شلل نصفي بسبب الجلطه.
الكل زعلان علشان رحمه.. فرح ما بطلتش عياط. جت سميره هي و جوزها.
الموقف كان صعب على الكل، بس قرروا ما يبلغوش علي علشان ما ينزلش و يعرف اللي حصل لحبيبته و امه.
وداد بقت كل يوم تروح تزور عماد مع جمالات..
وداد اتعودت على العيشه، وكمان شايفه بعد اللي حصل لزهره مالهاش حل تاني غير كده، انها تستحمل، وإن دا نصيبها.
في دبي...
بعد الاجتماع اللي عملوه، سالم إتصل على علي وطلبه عنده في السويت.
علي استغرب إنه طلبه من غير هايدي. وصل السويت و دخل..
سالم : تعالى يا علي.
علي : مساء الخير، حضرتك طلبتني ؟
سالم : أيوه اقعد، تشرب حاجه؟
علي : لا شكرا.
سالم : شوف يا علي، أنا عارف انك في دوامه كبيره، موقفك ده أنا كنت فيه زمان. هو كأس و بيدور على الكل. وانا كمان إتعرض عليا شغل زيك وكان عندى مبادئ وحلال و حرام، بس لما تتهدد بأعز الناس عليك لازم تضحي و تحميهم.
وكمان شغلنا بيدينا مركز كبير في المجتمع، و فلوس، و عز وحياه عمرك ماكنت تحلم تعيشها ولا توصل ليها. الحياه إختيار، يا تعيش طول عمرك كحيان وبتشقي على لقمه العيش، يا تختار تعيش باشا في نفسك و الكل يحترمك ويعملك ألف حساب.
كمان أبوك اختار حياته .
علي : ماله أبويا؟ راجل في حاله وشغال بما يرضي الله. هو فيه عيب واحد بيحب يتجوز.
سالم ضحك كثير..
سالم : والله انت على نياتك.
أبوك أكبر معلم ذهب و تجارة آثار. وثروة أبوك ماحدش يعرفها غيره. ورغم كل دا لسه عايش في الحاره علشان ماحدش يشك فيه.
علي : لو سمحت أبويا بعيد عن كل ده، و ثروته من التجاره و من ورث امي.
سالم : اتفرج يا علي على الفيديو ده علشان تفهم بقول إيه.
شغل الفيديو، وشاف أبوه في مكان غريب و ظلمه، و بيسلم آثار لخواجه، و استلم شنطه فلوس و ركب العربيه.
علي مش مصدق عينيه واللي شافه.
سالم : الصدمه كبيره عارف، بس هي الدنيا كده. ومش محتاج أقولك إنك لو ماشتغلتش معانا الناس الكبيره ممكن يعملوا إيه بالفيديو ده.
وأبوك يروح لحبل المشنقه.
دا غير أخوك كريم اللي بقي مدمن، وكمان أبوك اتجوز من جديد عروسه صغيره بنت بنوت. زي ماقولتلك إختار حياته. علي ركز معانا، هتوصل
بكره شحنه لازم تروح مصر.
إنت روح الشركه و خلص الإجراءات كلها، وبعد 24 ساعه هتلاقي حسابك وصل له مليون جنيه، دا غير المليون اللي منوره حسابك اللي كان كحيان.
علي وقف ومش قادر يسمع ولا يفهم أي حاجه.
طلع من السويت..
سالم : آه يا علي! فكرتني بنفسي أيام زمان، أيام الضمير الصاحي. مسيرك تفهم إنت دخلت في إيه.
في بيت مراد...
احمد : ناوي تعمل إيه يا مراد؟
مراد : أعمل إيه في إيه؟
احمد : بص، من غير لف ولا دوران لازم تطلق فرح النهارده قبل بكره.
بعد عملة أبوها، ما يشرفناش يكون نسيبنا. ودلوقتي أمها ربنا يشفيها تعبت، فا مفيش جواز لأن البنت لازم تقعد مع امها تخدمها.
مراد : بابا أرجوك، طلاق مش هطلق. إزاي أسيب فرح في الظروف دي؟؟!
أحمد : أنا مش هتكلم كثير. يا انا و امك يا هي؟؟؟
مراد : لا يا بابا أرجوك مش هقدر. إيه الاختيار الصعب دا؟
احمد : عقلك في رأسك تعرف خلاصك.
وراح اوضته.
تهاني كانت سامعه الحوار كله وكانت بتعيط.
تهاني : ليه يا احمد؟ ليه تحط إبنك في الاختيار الصعب دا؟ ماتسيبه يعيش حياته. ولا قولك خليه يتجوز ويسافر معانا، اهو تبعده عن العيله دي، وكمان البنت مالهاش أي ذنب وابنك بيحبها.
Nisrine Bellaajili
احمد : إزاي يا تهاني؟؟! أمها بقى عندها شلل، يعني لازم حد يرعاها
إزاي بنتها تتجوز و تسافر وتسيب امها. وبقولك انا مش متفائل خير. قوليلي لما يرجع علي ويلاقي خطيبته متجوزه أبوه و كمان دخل عليها، يعني اتحرمت عليه شرعا و قانونا، و حتي لو مدخلش عليها إزاي يتجوز طليقة أبوه؟؟ لا دين ولا شرع ولا عرف ولا تقاليد تسمح بده. قلبي وجعني اوي، حاسس هتحصل جريمه.
ليه ندخل نفسنا في المتاهه دي؟ يطلقها و انا اخليه يسافر معانا، مش هسيبه هنا خالص.
عارف إني بضغط عليه، بس لمصلحته.
تهاني : والله عارفه إن معاك حق، بس انا كمان أم، مش قادره اكسر قلب ابني. جيب العواقب سليمه يارب...
في المستشفى...
فرح ساكته وبتعيط.
أما سميره منهاره في حضن محمد جوزها.
محمد : سميره، إهدي بالله عليكي.
سميره: إنت سمعت الدكتور قال إيه؟
محمد : إن شاء الله تعدي الأزمه دي على خير.
سميره : ماما بقت مشلوله يا محمد.
محمد : بصي، الدكتور قال مش لازم تتعرض لأي أزمه نفسيه، فا علشان كده لما تطلع بإذن الله، ناخذها عندنا شقتنا هي و فرح لحد ما علي يرجع بالسلامه.
سميره : بجد يا محمد؟؟
محمد : هو انت عندك شك في كده؟ دي أمك زي أمي بالضبط. و الحمد لله عمري ما شفت منها غير كل خير،
ودا أقل واجب اعمله معاها.
على جنب....
فكريه : أخوك اتجنن يا حسنين.
حسنين : عليه العوض ومنه العوض. كان مستخبي لنا دا فين. والله يا ياختي كنت ملازمه زي ضله، مش عارف إمتى عمل كل ده.
فكريه : يا خوفي لما علي ينزل.
حسنين : ربنا يستر. الراجل يطلق نوال و رحمه و يتجوز عيله ؟
خطيبة إبنه ؟ إزاي ؟ إنت ماشفتيش حمى فرح كان بيبص علينا ازاي ؟
شكل الجوازه مش على مراوحه.
فكريه : عنده حق، اتبهدلنا وبقت سيريتنا على كل لسان. هنقول للناس إيه ؟ و أهلنا في البلد ؟
عند نوال...
كانت مصدومه جدا، كانت لسه راجعه من عند رحمه و شافت سماح لابسه و خارجه.
نوال : رايحه عند رحمه ؟ استني أخوكي يوصلك.
سماح : طالعه أشم هوا.
نوال : نعم يا ختي؟ طالعه تشمي هوا؟ هو ده وقته؟
سماح : أومال إمتى وقته؟
نوال : هو انت في الدنيا معانا ولا لأ؟ دخلة أبوكي كانت على خطيبة اخوكي علي، و امك رحمه اتشلت و تقوليلي اشم هوا.
سماح : أنا طلعوني من مشاكلكم كلكم. و عن إذنك.
وخرجت
نوال : لا لا، دى عين و صابتنا من ساعة مادخلت بوز الإخص دي نانسي، واحنا مش قادرين نفوق من المشاكل.
أطلع لها أشوفها.
طلعت عند نانسي...
فتحت لها وهي لابسه عبايه ومعاها شنطه...
نوال : على فين العزم إن شاء الله؟
نانسي : رايحه بيتنا.
نوال : لايكونش المعلم طلقك؟
نانسي : لسه، بس مش هستنى كثير لحد ما يرميني في الشارع.
نوال : وسعي خليني أخش.
نانسي : بالله عليكي يا نوال انا مش عايزه اتخانق و لا ناقصه مناهده معاكي. أنا لسه صوت البت في وداني.
نوال : لأ والله مش جايه اتخانق، أنا أصلي هطق من جنابي، اكلم مين؟ الولا مش عارفه فين، و البت اللي ماكنتش عاوزة تطلع من أوضتها قال إيه نزلت تشم هواء.
نانسي : داري على ولادك يا نوال مالكيش غيرهم.
نوال قعدت على الكنبه...
نوال : في دي عندك حق، أهو انت رايحه عند أهلك، و رحمه أهلها و و لادها دايرين بيها.
أما أنا يتيمه، لا أب ولا أم ولا أخ ولا خال ولا عم، وحتى الولاد مش معايا، و المعلم في الآخر استغنى عني و طلقني
Nisrine Bellaajili
نانسي : معلش مسيره يرجعك.
نوال : هو استغنى عن رحمه، وعايزاه يرجعني. مش بعيد يطلعني من الشقه، أروح فين؟
نانسي : هي الشقه مش بإسمك؟
نوال : لأ، ولا عمره كتب لي حاجه ولا طلبت حاجه. كل اللي كنت عايزاه صدر حنين ومعلم يحبني ربع ما بحبه. بس نقول إيه، مهما عملت الراجل عينه فارغه أوي.
نانسي : أقولك حاجه بس من غير زعل؟
نوال : قولي ياختي.
نانسي : كنت بتصعبي عليا. إنت ست حلوه وألف واحد يتمناكي، بس كنت بشوف حبك للمعلم و ازاي كنتي بتحاربي علشانه، وعمري مازعلت منك لأني ست وعارفه إحساس الست بيكون ازاي.
بس يا نوال، فكري في نفسك بقى وخلي بالك من عيالك. المعلم كده شكله اتجنن ومابقاش مسؤول عن تصرفاته. و الدليل جوازه من حبيبة إبنه.
إي نعم هو حويط في الفلوس، بس اللي جاي صعب. ممكن علي يقلب عليه وخاصة لما طلق الحاجه، واللي سمعته ان كله من خيرها.
نوال : عندك حق، كله من خيرها و ورث جدها و ابوها. بس كمان المعلم عامل شغل ليه لوحده، وكان على طول يقولي ادعيلي، و لما أموره كانت بتبقى كويسه، بيجيب لي حتة ذهب. ومره شوفته شايل شنطه كلها فلوس، و قالي إنها فلوس ناس، وكمان كان داخل في مشروع مباني مع ناس.
يعني هو كمان فلوسه من شقاه و تعبه.
نسرين بلعجيلي
نانسي : خليني امشي قبل ما اليل يليل عليا في الشارع.
نوال : تبقي عبيطه لو مشيتي. إنت لسه على ذمته، خليكي معاه. البت زهره دي مش سهله خالص.
نانسي : حرام عليكي دي غلبانه.
نوال : هي مين دي اللي غلبانه ؟ بكره تشوفي هيحصل إيه.
نانسي : أنا آسفه يا نوال لو زعلتك، مكانش قصدي والله. المعلم مكانش عايز يسيبني وانا ست في حالي، قلت اتجوزه أحسن من الحرام.
نوال : خير يا رب. إنت ولا غيرك، ماهو كان هيتجوز عليا، بس اللي عملته غصب عني، الغيره نار و بتحرق، وانا المعلم حرقني بما فيه الكفايه.
زهره ابتدت تفوق و تستوعب هي فين.
بصت جنبها شافت المعلم نايم، وبصت على نفسها لاقت نفسها عريانه، إتخضت و ابتدت تفتكر اللي حصل، و ابتدت تعيط بيهستريه و بصوت عالي.
المعلم : مالك يا بت في حاجه؟
زهره: إنت عملت إيه؟
المعلم وهو بيضحك...
صباحيه مباركه يا ست العرايس.
زهره : لا لا، إنت بتكذب عليا.
المعلم : اكذب ليه بس؟؟ تعالي تعالي شوفي، أنا مش بكذب. و حاول يقرب منها يبوسها.
إبتدت تصرخ...
زهره : إبعد عني حرام عليك.
هو انا خلاص بقيت محرمه على علي؟
المعلم إتعصب و مسكها من شعرها...
بقولك إيه؟ اخر مره تجيبي اسمه على لسانك، فاهمه ولا لأ؟؟ من دلوقتي إنت مراتي أنا و بس.
زهره : إنت إزاي مجرم كده؟ إزاي تعمل في إبنك كده؟
المعلم بعصبيه..
المعلم : علي مش ابني، وانت بقيتي مراتي، فاهمه؟ و انقض عليها.
نوال و نانسي سمعوا صوتها و هي بتصوت باسم علي.....
عارفه ان الفصل بيوجع بس
معلش
الأحداث كلها هتتغير
يا ترا شايفين الأحداث الجايه ايه؟ بعد ما زهرة بقت محرمه على علي؟
روايات نسرين بلعجيلي Nisrine Bellaajili
ليه يازمن
بقلم روايات نسرين بلعجيلي Nisrine Bellaajili
الفصل 35
في المستشفى عند عماد.....
جمالات راحت هي و وداد ودخلوا عند الدكتور.
الدكتور : بصي يا ست جمالات،
إبنك ممكن يطلع زي ما انت عايزه، بس لازم ليه علاج في البيت. فيه دوا لازم ياخذه بشكل يومي، هو دا اللي هيهديه وكمان قطرات يوم آه و يوم لأ دي بتقلل من الرغبه الجنسيه المفرطه عندو.
كمان مش لازم يتحرم من العلاقه. الكلام ده ليكي يا بنتي.
ممنوع تقولي لأ ، حاولي تسايريه الفتره الأولى لحد ما الدوا يجيب نتيجه.
هتتعبي فتره، بس بأكد ليكي إنك هترتاحي.
الدواء بتاع الصبح هيخليه هادي، يعني مش هيكون في عنف او عصبيه او ضرب، دا لو انت التزمتي بي العلاج اللي يمشي عليه.
لو نسيتي الدوا يبقى تتحملي النتيجه.
ودي أقراص ياخذها قبل النوم كمان بتساعدو إنه ينام كويس.
وياريت يكون ليه روتين يمشي عليه.
وداد : معلش يا دكتور، إيه الروتين ده؟
الدكتور : روتين يعني وقت معين يصحى فيه، و وقت يفطر فيه و قت يتغدا فيه و وقت يتعشى فيه و وقت ينام فيه، بيكون نفس التوقيت، ده اسمه روتين.
يعني مثلا يصحى 8 تفطروا 9 تتغدوا 2 تتعشوا 7 تناموا 10، ده مثلا. شوفي على حسب وقتكم و شغله. ولازم يشتغل ويشغل وقته، ولازم يلعب رياضه، ضروري جدا جدا علشان يطلع كل الطاقه بتاعته فيها.
أهم حاجه الراحه النفسيه، تبعدوه عن أي توثر او ستريس او مشاكل.
لازم جو هادي علشان نعرف نعالجه، وكمان زياره هنا كل أسبوع علشان التحاليل.
حالته لازم تبقى تحت المراقبه، هو غير مؤهل نفسيا.
وداد : يعني مجنون؟
جمالات : نعم ياختي؟ مجنون دا إيه؟ دا ابني سيد الرجاله.
الدكتور : مش قصدي الجنان إنه ممنوع يطلع الشارع. درجات الجنون متفاوته، بس عماد لو اتعصب يبقى خطر على اللي حواليه. إسمعي يا ست جمالات، أنا تعبت اشرح ليكي حالة إبنك، و للأسف مش عايزه تفهمي و لا تستوعبي مدا خطورة الموضوع، وده كله بسببك لأنك مكملتيش ليه علاج. دلوقتي الموضوع بقى في حياة ست تانيه اللي هي مراته. وانا بنصح انكم تأجلوا الخلفه لحد ما نشوف حالته هتوصل لي إيه.
جملات : لا يا دكتور انا عايزه افرح بخلفة ابني.
الدكتور : لا حول ولاقوة الابالله العلي العظيم. يا ست جملات إبنك مرفوع عنه القلم هيبقى أب ازاي؟
جمالات : بلاش الكلام ده قدام البت.
الدكتور : دي مراته، وهي اللي هتعيش معاه وتنام جنبه. لازم تعرف هي داخله على إيه. وبعد إذنك تطلعي بره عايز وداد في كلمتين.
جمالات : لا لا يا دكتور، لازم ابقى موجوده أعرف هتقولها إيه. دا إبني برضك.
الدكتور : في كلام عيب تسمعيه حاجه خاصه بيهم.
جمالات : يبقى وصيها بالله عليك تاخذ بالها من الواد، دا اللي حيلتي.
الدكتور : ماشي يا ست جمالات.
طلعت وسابتهم.
الدكتور : شويه و تيجي دكتوره متخصصة علاقات جنسيه هتكلمك و تفهمك إزاي تتعاملي معاه.
وعلى فكره إنت مش مجبره تعيشي معاه، أنا ممكن أكتب ليكي تقرير بحالته النفسيه ودا يساعدك تطلقي بسهوله لأنه في سبب هو الضرر النفسي و الجسدي عليكي.
وداد : مش هينفع يا دكتور، أهلي بعوني للست جملات. وأهلي عندهم ظروف وحشه مش هينفع اطلق. أنا رضيت بنصيبي. بس يا دكتور الدوا هيجيب نتيجه و يهدأ عليا.
الدكتور : أيوه، بس بلاش تزودي القطرات، هما 10، لأنك لو زودتي ممكن تجيله سكته قلبيه. إوعي يا بنتي تتهوري لأنك هتمضي تعهد في المستشفى إنك إنت اللي هتديه العلاج، تحت تدريب ممرضه
هتيجي أول أسبوع عندكم البيت لحد ما تتعلمي إزاي تواجهي الموضوع، و ازاي تسيطري على نوبات الغضب عنده. ولما يكون في حالة هيجان، إزاي تتعاملي معاه.
وداد : ربنا يقدرني يارب.
في دبي....
علي وهايدي راحوا شركه كبيره جدا.
سالم : أهلا و سهلا! نورتوا الشركه.
علي : شكرا ليك، بس ممكن اعرف إيه اللي مطلوب مننا؟
سالم : إنت على طول مستعجل؟
علي : فعلا أنا مستعجل، لازم انزل مصر شكل أمي تعبانه.
سالم : لا ألف سلامه عليها. طيب، الشركه دي عايز أفتح فرع ليها في مصر. عايزك تمسكها بنفسك و تخلص كل الإجراءات القانونيه.
الشركه دي الحاجه النظيفه في حياتي.
وابتدا يضحك.
علي : سالم بيه، وانا بشوف الملفات شفت ملفات كثيره لديور الأيتام حضرتك متكفل بيهم، فا معلش حسيت الموضوع فيه تناقض كبير. إزاي بتعمل شر و تعمل خير في نفس الوقت؟
نسرين بلعجيلي
هايدي : علي، عيب اللي بتقوله دا.
سالم : لا خليه مش عيب من حقه يفهم و يعرف.
بص يا علي انا يتيم. أمي ولدتني وحطتني جنب ملجأ. كبرت فيه وطلعت وكنت فحالي. بس وقعت في إيدين ناس مش بترحم، دخلت معاهم. وباعمل خير، وخاصه في دار الأيتام لأني كبرت فيها وعارف ناقص إيه فيها وإيه إلي الأطفال محتاجينه.
أهو باكفر عن ذنوبي و ربنا يتقبل.
و دار الأيتام اللي كبرت فيها هي دي ماسك كل حاجه فيها. وبنيت دار من أول و جديد وبنيت كمان مسجد، ربنا يتقبل. بحاول أعمل خير وعارف إني بعمل شر. بس أنا مسير مش مخير، ماختارتش أدخل السكه دي.
ماعلينا ركز في شغلك يا علي علشان الناس ترضى عليك.
علي : قولي إيه المطلوب مني عايز أعمله علشان انزل مصر.
سالم : خير إن شاء الله. هاشرح ليك هتعمل إيه بالظبط.
في المستشفى...
محمد : يلا نروح الشقه تجهزي شنطهة والدتك.
سميره : تعرف إن المعلم مسألش عليها؟!!
محمد : إنسيه يا سميره
سميره : إزاي؟ دا أبويا.
محمد : عارف، بس فكري في الحاجه رحمه محتاجه ليكي أكثر.
سميره : باقولك هنعمل إيه في مصاريف المستشفى؟ أنا مش عارفه هي بتحط فلوسها فين.
محمد : على عيني يا سميره، بس إنت عارفه البير و غطاه.
سميره : هشوف فرح لو معاها.
راحت عند فرح..
سميره : باقولك معاكي ندفع مصاريف المستشفى؟
فرح : مراد ماتصلش بيا ولا كلمني ولا جا هنا، دا معناه إيه؟
سميره : لا حول ولاقوة الا بالله، يمكن مشغول.
فرح : لا لا في حاجه غلط.
سميره : كل حاجه هتبان مع الوقت. باقولك معاكي فلوس؟
فرح : آه وماما بتحط الفلوس في الخزنه عندها في الدولاب.
على جنب....
حسنين: أنا دفعت فلوس المستشفى
فكريه : كثر خيرك يا خويا.
حسنين : طيب هتعملوا إيه؟
فكريه : مش عارفه، سميره عايزه تاخذها عندها البيت هي و فرح، بس أنا مش موافقه لأني مش هعرف أروح معاهم، البيت صغير وكمان رحمه مش لازم تسيب بيتها.
حسنين : مش لازم تتعرض لأي ضغوط، وهناك في المعلم، مش هتستحمل.
فكريه : وانا اعمل إيه ؟
حسنين : مش عارف. مافيش مفاتيح لشقة علي ؟
فكريه : بقولك لأ.
حسنين : هاكلم صاحبه مراد يمكن عارف حاجه أو معاه نسخه.
فكريه : ياريت يا خويا.
أما في الحاره، صويت و صراخ زهره سمع كل الناس..
بعد ما خلص منها المعلم.
المعلم : اكتمي يا بت فضحتينا.
زهره: حرام عليك.
المعلم : حرمت عليكي عشتك. ده حقي الشرعي.
زهره قامت من على السرير ولبست أول حاجه جات قدامها.
زهره : إنت قلت إن علي مش إبنك، يعني لو طلقتني أقدر اتجوزه ؟؟
المعلم : يابت إنت مجنونه ؟
خلاص اتحرمت عليه، و آخر مره تجيبي سيرته. فاهمه؟
زهره : لا لا، إنت انت قلت إنه مش إبنك.
المعلم : و بعدين بقى؟؟؟
زهره : إنت ليه عملت فيا كده؟ حرام عليك حرمتني من إبنك. منك لله، ربنا ياخدك إنت و أبويا و أمي في يوم واحد.
وابتدت تعيط وتضرب في نفسها...
المعلم : إهدي خلاص، إنت لسه تعبانه، الدكتور قال إن الضربه شديده على نفوخك.
زهره : أنا عايزه أموت. إنت قتلتني و قتلت حبي لعلي. آه يا علي أبوك موتني.
منكم لله قتلتوني حرام عليكم. يارب ياخودكم، حرقتوا قلبي.
المعلم : علي مكانش هيتجوزك وانا سترت عليكي. الفيديو كان هينتشر وفضيحتك كانت هتكون على كل لسان.
زهره : فضيحه إيه؟ أنا كنت مع إبنك و معملتش حاجه وحشه. دي أول مره يبوسني فيها.
المعلم : خلاص اسكتي بقى.
زهره : لا لا قولي ان ده حلم وإني هصحى منه.
المعلم : اسكتي بقى. خلاص بقيتي مراتي، انسي علي
زهره بصوت عالي.
زهره : ماتقوليش انسي علي. عمري ما هنساه، ده حب عمري إنت حرمتني منه. إنت لازم تموت، أنا لازم اقتلك.
وراحت على طبق الفاكهه اخدت منه سكينه.
المعلم : يا مجنونه بتعملي إيه ؟
زهره : لازم اقتلك زي ما قتلتني.
المعلم : تقتلي مين؟ إنت شكل الضربه في نافوخك جننتك.
وهو لسه بيتكلم زهره هجمت
عليه، الضربه جات في جنبه
ابتدا يصرخ..
تحت نوال و نانسي سمعوا صريخ المعلم وطلعوا يجروايخبطوا الباب.
فتحت زهره الباب وهي في حاله وحشه. إيديها مليانه دم و شعرها منكوش.
زهره : انا قتلته.
نوال : يا مصيبتي السوده!! إوعي كده.
دخلت شافت المعلم بيغمى عليه.
المعلم : الحقيني يا نوال.
نانسي اتصلت بالإسعاف.
نوال منهاره عياط و خايفه على المعلم.
Nisrine Bellaajili
أما زهره قعدت جنب الباب تعيط.
زهره تحت تأثير المهدآت مش قادره تعمل أي مجهود. قاعده و بتعيط.
الحاره كلها عرفت إن زهره ضربت المعلم بسكين، وجا البوليس أخدها.
سميره كانت وصلت هي و جوزها وشافت الحاره مقلوبه.
وعرفت اللي حصل وراحت مع جوزها المستشفى.
أما زهره.. كانت حالتها تقهر أي حد يشوفها. و كانت من جواها تتمنى إن المعلم يموت، خاصه لما قال ليها إنه مش ابنه، عقلها صور ليها حاجات كثيره ان المعلم يموت وهي تتجوز علي.
دخلت عند الظابط..
الضابط : اسمك إيه؟
زهره : اسمي زهره.
الضابط : إنت متهمه بمحاوله قتل جوزك؟
زهره : محاوله قتل؟؟! يعني لسه عايش؟؟؟
الضابط : أيوه، بس حالته شويه وحشه لان الضربه جات جنب الكلية اليمين.
زهره ابتدت تعيط..
زهره : أنا كنت عايزاه يموت.
الضابط : يعني بتعترفي إنك حاولت تقتليه؟
زهره : أيوه، وهقتله لحد ما يموت. إنت ماتعرفش هو عمل إيه؟
الضابط : زهره اهدي، أي كلمه هتقوليها هتتحسب عليكي. دي جريمه وممكن تتسجني.
زهره : انا كنت عايزاه يموت علشان اتجوز علي.
الضابط : علي مين؟ عشيقك؟
زهره : علي حبيبي وهو إبنه.
الضابط وقف من على الكرسي..
الضابط : نعم يا ختي ؟!!
زهره : أيوه علي بيحبني وانا بحبه وجه خطبني و سافر
بس أبوه المجرم المفتري إتجوزني.
اتفق مع اهلي.
الضابط : شكلك بتخرفي.
زهره : لا لا. أنا مش بكذب.
الضابط : يعني إبنه خطبك و أبوه اتجوزك؟!
زهره : أيوه. بس هو قالي إنه مش ابنه، علشان كده كنت عايزه اقتله علشان اتجوز علي.
كنت عايزه أحافظ على نفسي لعلي، بس أبوه المجرم اخذني بالغصب.
لا، أمي و ابويا كمان مجرمين لأنهم جوزوني ليه. مش غريبه عليهم، هما جوزوا اختي لواحد مجنون.
بس هو قال مش ابنه، يعني ممكن علي بتجوزني صح؟
الضابط : لا حول ولاقوة الا بالله العلي العظيم...
بقلم نسرين بلعجيلي
إيه اللي حيحصل مع زهره؟
وعلي هتكون رده فعله ايه لمة يرجع ؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق