رواية ضابط_واربع_بنات البارت الثامن والتاسع والعاشر بقلم أمل أحمد سلوم حصريه وجديده على مدونة النجم المتوهج
 |
كان طارق متسطح على تخته وقت رن موبايله برقم تململ واتناول الموبايل م̷ـــِْن بعد رنات متتاليه لحتى فتح الخط.
طارق : اي لارا
وصله صوتها المتعب : طارق .....طارق الحقني البيت عم يحترق هموت!!
انتفض ووقف بصدمة : لارا اهدي ومتخافي انا جاي فورا
لارا ببكاء : بسرعة الله يخليك انا عم اختنق ومو قادرة اتنفس.
طارق : مارح يصيرلك شي لارا انا جاي فورا !!!.
....تناول مفاتيحه وركض بسرعه و ركب سيارته و انطلق بسرعة فائقة اتصل بمعن و صرخ : معن بيت البنات الجديد عم يحترق ولارا موجوده بالبيت اطلب الاطفائيه وجيب معاذ وتعالوا بسرعة.
معن: ټمـٱمـ جاي فورا
سكر الخط و زاد من السرعة وهو عم يدعي انه ما يصيبها مكروه!!!
*╚══════ღღ══════╝
بالفيلا كانت امينه قاعده بالصاله مع زوجها وابنها وفجأه وقع م̷ـــِْن ايدها فنجان القهوه وشهقت
امينه : بنتي! !!
معاذ. : بسم •اللّـہ̣̥ عليكي امي شو صرلك
ابو معاذ: شو صرلك ام معاذ!
امينه حاطه ايدها عصدرها وبتتنفس بسرعه وخوف وحاسه بقشعريره سرت بكل جسمها
نطقت بشفايف مرتجفه: بنتي، ، بنتي صرلا شي
ابو معاذ: وكلي •اللّـہ̣̥ يابنت الناس البُـنًتٍ مع صاحباتها واخدت منا ازن لتبات عندن
هزت راسها شمال ويمين بسرعه ودموعها عم تتجمع بعيونها
امينه: مو مرتاحه قَلبـ♡ــيے، بيقلي هدى صرلا شي
قام معاذ وحضن كفوف امه لصدره
معاذ: امي انَـتي بجد عم تحسي بهدى
امينه: ڵـڱ ايييييه بنتي صاير معها شي اعطيني التلفون لاتصل فيها بدي اطمن ع بنتي كرمال •اللّـہ̣̥
سحب معاذ موبايله م̷ـــِْن جيبته واتصل ع رقم لارا، ،،، بقي يرن يرن بس ماحدا عم يرد
ابو معاذ. : شو صار معك ابي
معاذ بلع ريقه: لـحـظـــِھّ ; .. ابي الشبكه ماعم تلقط
رجع اتصل مَـرّھٌ تانيه وبرضو مافي رد نزل الموبايل م̷ـــِْن ايدو واطلع ب امه، ،،،
كانت تطلع فِيَھ وايديها عتمها ودموعها بعرض وجهها وبس شافت عيون معاذ المحتاره شهقت بخوف
امينه: ماااعم ترد عليييك قلتلكم بنتي صاير معها شي،
معاذ: اهدي امي يمكن بالحمام او نايمه رح جرب دق لوحده م̷ـــِْن البنات
ابو معاذ بقلق: اي عجل أإأبـْيے
طلب معاذ رقم لين واستنى الرد رن رن واخيرا فتحت خط
لين. : الو مين معي
معاذ: هاد انا معاذ يالين
لين بلبكه: اهلين معاذ، ،، في شي
معاذ: بصراحه امي بدها تحكي مع اختي هدى بس ماعم ترد ع موبايلها ممكن تعطيني ياها
لين: و •اللّـہ̣̥ نحنا مو بالبيت ولارا قصدي هدى ماقبلت تجي معنا
معاذ: يعني هيه بقيت وحدها بالبيت. !!
لين. : اي شو فيها
معاذ: طيب لَيــِْ♡̷̴̬̩̃̊ـِْش. ماعم ترد عموبايلها
لين. : اكيد نايمه هي حكت بدها تنام
اتنهد براحه وارف: اي ټمـٱمـ يسلمو لين ولو سمحتي لاتتأخرو برا
لين: حاضر
نزل الموبايل م̷ـــِْن ايدو وابتسم: شفتي امي قلقتي عالفاضي هدى نايمه
امينه بتهز راسها بالنفي: مو مرتاحه ابدا
بعد عنها معاذ وبقي يراقبها بعيونوا، ،، قلقها خوفها احساسها انه هدى صاير معها شي
معاذ بقلبه: كيف امي حست بلارا وهي مو بنتا! !
طلعوا م̷ـــِْن شرودو اتصال معن ضغط ع زر الاجابه ورد
معاذ: اهلين معن
معن بصوت مرتجف: معاذ البيت اللي فِيَھ لارا عم يحترق ولارا وحدها بالبيت تعال بسررررعه
وقف م̷ـــِْن مكانه بفزع واطلع ب امه بعيون جاحضه
امينه: شو في ابني شبك
معاذ. : اختي! !!!!!!!!!
*╚══════ღღ══════╝
بعد مدة وصل للمكان وشاف رجال الاطفاء عم يطفوا الحريق و كل جزء من البيت عم يحترق و النيران نشبت بشكل كبير لدرجة انه ظن الليل انتهى
ركض ناح الباب وماقدر يفتحه ركله بقوة ليوقع جزء منه عالارض وتندفع النيران لبرا
طارق: م̷ـــِْن الباب صعب فوت
لمح الشباك بالطابق التاني مفتوح توجه لعند الاطفائيه بسرعه وشلح سترته وركب بسلم الانقاذ واشر ب ايدو للسايق يرفعوا لفوق اتسلق بخفة لفوق و السنة النار عم تلسعه لكنه ما اكترث و قلقه ازداد عليها
طارق: يا ترى شو صرلك لارا ؟؟!! يارب تكوني بخير
اخيرا وصل للشباك ونط لجوات البيت وهو بجول بحجر عينه وبيدور ع لارا وانفاسه عم تعلٱ وتهبط بسرعه
مسح عرقه بكف ايدو وديق عيونو وهمس : لارا! !
كانت واقعه ع الارض ايدها ع رقبتها عم تحاول تتنفس : طارق. : لاااااراااااا.
رفعت عيونها بتعب وشافته عم يحاول يوصل الها و يركض عليها م̷ـــِْن بين النيران
نزلت دموعها بخوف وهي شايفه كل شي بالغرفة عم يحترق !!!
لارا: طططارق كحح كححح
وصل لعندا وحملها بسرعة بين ايديه ومسح علـّۓ. شعرها
طارق: انا هون لارا فتحي عـــيونك
فتحت عيونها بتعب وهمست
لارا: جيت كرمالي
طارق: لٱ
لارا: لَـگِنْ اتركني موت
ابتسم وحملها ووقف فيها وهي متل الاموات عم تترنح بين ايديه
طارق: مجنونه جيت كرمالك اكيد
لارا: بحبك طارق
طارق: ناويه تكملي رومانسيه ونحنا بوسط النار
غمضت عيونها ورخت راسها عصدرو وهي ع وشك تفقد وعيها وركض فيها ناح الشباك، ،، ليساعدوه اخيرا رجالالاطفاء وينزلوها لتحت بسلام
*╚══════ღღ══════╝
بعد شوي رجعوا البنات عالبيت وتفاجئوا بالشرطه والاطفائيه والناس بعدهم ملتمين حوالين البيت
لين: لارا! ! لارراااااا
ركضوا ليفوتوا جوات ومنعوهم رجال الشرطه
مايا: اتركونا نفوت صديقتنا جوا
الشرطي: اهدي يا انسه البُـنًتٍ اللي كانت جوا تم انقاذها ونقلوها عالمشفى
مايا بتبكي ،، يعني هيه منيحه
الشرطي، ، الْحٍمَدٍ للـّہ الضابط طارق لحقها ب آخر لـحـظـــِھّ ; ..
مايا، ، الضابط طارق انقذها ؟
الضابط : ايه و م̷ـــِْن حسن حظها انه وصل بالوقت المناسب
تلفتوا البنات عبعض بدهششه
الشرطي: انتو ساكنين بهاد البيت
لين: ايه
الشرطي. : شاكين بحدا يكون عمل هيك
سكتوا واطلعوا برهف اللي كانت واقفه مكانها ومصدومه
مايا بقلبها: اكيد رهف يلي كانت مقصوده
الشرطي: شبكم سكتوا
مايا: ابدا ماعم نشك بحدا نحنا انتقلنا جديد لهون واحتمال الشي صار بسبب ماس كهربا او شي متل هيك
الشرطي: ټمـٱمـ بس ياريت بكرا تمرو عالقسم لناخد افادتكم
مايا: ماشي، ،، عن ازنك
ركبوا السياره وانطلقوا بسرعه عالمشفى
رهف بتبكي: انا يلي كنت مقصوده ماهيك
مايا: اهدي رهف خلينا بالاول نطمن على لارا
لين: كان غلط منا نتركها وحدها بالبيت
رهف: ازا صار ل لارا شي مارح سامح حالي 😭
مايا: لاتفاولي عليها لارا منيحه
لين: شدي شوي مايا خلينا نوصل بسرعه
دعست بنزين وانطلقت ب اقصى سرعه
*╚══════ღღ══════╝
وبالــــــمشفــــى
كان طارق واقف قدام غرفتها بتوتر لمح معن بيقرب منه و وجهه مابيبشر بالخير ووقف قدامه
طارق بجدية : شو الاخبار عرفتو مين عمل هيك
مسح معن على شعره بتعب واردف : البيت كله احترق و للاسف ماعرفنا مين اللي عمل هالشي
طارق بحدة : بس انا كنت حاطط حراس يراقبوهم 24 ساعه كيف مانتبهوا للحريق
معن باستغراب : وانا كمان مستغرب وبس رحت لهناك مالقيت حدا منن و.......
سكت فجأة واطلع بطارق بصدمة و اردف بتساؤل : معقول يكونو جماعة المافيا اللي عملوا هيك واللي كانت مقصوده رهف مو لارا !!!
غمض طارق عيونه و هو حاسس بدمه عم يغلي بعروقه من الانفعال وهمس بحقد : الكلب عرف يلعبها صح كنت شاكك انه حاطط جواسيس بكل مكان و هلأ اتأكدت....نحنا مابينفع نثق بحدا يا معن. .
معن : بس انت اساسا مابتثق بحدا من اللي شغالين معانا......المهم لارا كيفا.
طارق : و ليش بتسأل عنها حضرتك 😏
عقد حواجبه بتعجب و هتف : ههههه شبك طارق بتتصرف كأنها مرتك و بتغير عليها.
طارق بلعثمه : لا… مممو هيك بس قصدي انها منيحه ومافي داعي للقلق
ضحك معن عليه وغمزو بخباثه و كان ع وشك يحكي بس استوقفه خروج الدكتورة من الغرفة
طارق: خير دكتوره طمنيني كيف صارت
الدكتورة : حالتها مستقره ومنشطاتها الحيويه رجعت لطبيعتها بس في شوية حروق خفيفة بايديها غير هيك هي تمام حاليا هي لازملها راحة ويستحسن محدا يزكرها بالحريق كرمال نفسيتها… . الحمد لله على سلامتها.
طارق : يعطيكي العافيه دكتوره .. شكرا الك
الدكتوره : ولو هاد واجبي… بالازن
اومأ براسه و انصرفت الدكتوره فتح الباب ببطئ و طل منه لقيها نايمة متل لملاك عتختها......قرب مها بخطوات هادية وهو بيتأمل ملامحها عيونها المغمضين بتعب و بعض الجروح الخفيفة على وجهها و شعرها الاسود الطويل متناثر ع مخدتها
سحب الكرسي وقعد قبالها ومسك ايدها بحزن يتأمل الشاش المغطي حروقها وتسللت ضحكه عثغره بدون ماينتبه عحاله وهو بيتزكر كلامها بنص الحريق
لارا: جيت كرمالي
طارق: لٱ
لارا: لَـگِنْ اتركني موت
ابتسم وحملها ووقف فيها وهي متل الاموات عم تترنح بين ايديه
طارق: مجنونه جيت كرمالك اكيد
لارا: بحبك طارق
طارق: ناويه تكملي رومانسيه ونحنا بوسط النار
مسح عشعرها بحنية : معقول لهدرجه بتحبيني يامجنونه و •اللّـہ̣̥ لْـۆ صرلك شي كنت جنيت، ،،
قرب منـِْهـ♡̨̐ـِْا اكتر وهمس: لارا انا، ،،،
انفتح الباب فجأه واندفعت امينه بسرعه لجوا الغرفه ووراها معاذ وابو معاذ والبنات التلات
تنحنح طارق وبعد عن لارا ووقف بعيد عنها
امينه بفزع: بنتي حبيبتي شو صرلك ياروحي ردي على امك ياعمري
ابو معاذ: هدى منيحه ياطارق ماهيك
طارق: اهدو ياجماعه الانسه هدى متل الفل بس محتاجه شوية راحه واهم شي ماحدا يزكرها بالحريق هيك حكت الدكتوره
ابو معاذ. : كيف صار الحريق اكيد مو بفعل فاعل ماهيك
اطلع طارق بطرف عينه ناح رهف واردف: اطمن عمي مو بفعل فاعل الحريق بسبب ماس كهربائي
رهف: يعني لارا منيحه
معاذ بعجل: ايه طبعا اختي هددددى منيحه
امينه موجهه كلامها للبنات بصرامه: ممنوع تباتو برات البيت وممنوع تفكرو تستأجرو بيت وحدكم انا ماصدقت وبنتي ترجعلي مابدي ارجع افقدها بسبب عنادكم
مايا بخجل. : حاضر خاله
لارا بألم. : اااه اااه امي ابي
قعدت امينه عطرف التخت تمسح عشعر لارا بحنيه: ياروحي ياامي ريت الوجع لقلبي
ابو معاذ: نحنا هون يابي فتحي عيونك ياضي عيوني
فتحت لارا عيونها بتعب والتم الكل حواليها بخوف
لين: حمدلله عالسلامه ياروحي
مايا: خوفتينا عليكي يامجنونه
رهف بتبكي: الْحٍمَدٍ للـّہ اني شفتك بخير يااختي
ابتسمت لارا وحكت بصوت هادي: انا منيحه لاتخافوا
امينه: عم يجعك شي امي
هزت راسها بالنفي
امينه: معاذ روح انده للدكتور يشيك عليها وازا كانت منيحه بدي اخدها معي عالبيت
ابو معاذ: خليها ترتاح بالمشفى افضل ومنه بيهتموا فيها
امينه بجديه : ولا كل مشافي الدنيا بتقدر تهتم ببنتي متلي انا مارح اتحرك م̷ـــِْن هون الا واجري ع اجرها
كان معاذ عم يراقب امه بحيره في شي مو صّـْْ(☑)ـْْحّ كيف قدرت تحس انها لارا بخطر وهي مو بنتها الحقيقيه! !
مايا بهمس: حضرة الضابط ممكن نحكي شوي برا
طارق. : اكيد
مايا وهي بتأشر للبنات ومعن ومعاذ وانتو كمان شرفوا معنا
معاذ: طيب امي نحنا برا شوي ازا احتجتي شي اندهيني
ماردت عليه كان كل اهتمامها وحواسها منصبين عند هدى وهالشي زاد حيرته
*╚══════ღღ══════╝
نزل الكل عالكافتيريا وكان باين ع مايا التوتر
طارق: جبتينا لتسمعينا سكوتك مايا
شبكت ايديها بتوتر واردفت: مين هنه اهل لارا ياحضرة الضابط
طارق: !!!!
التفت الكل بصدمه ناح طارق
معاذ: انت بتعرف شي طارق
طارق: لٱ
مايا: ماتستعجل بالرد ياكابتن، ،، اسمع هالتسجيل بالاول
تناولت موبايلها وفاتت عالتسجيلات، ،، كانت مسجله كل الحديث اللي دار بينها وبين الست ناديه وقت راحت لعندها عالمكتب
سكت الكل وبلشوا يسمعوا التسجيل ب اهتمام وبس خلص تحولت الانظار ب استفهام ناح طارق
مايا: شو تعليقك عالموضوع حضرة الضابط
طارق: اياكي تحاولي تلمحي لشي انا مَآعِرَفتّ بالشبه اللي بين لارا وهدى الا بالصدفه وقت كنت عند معاذ
معاذ: صحيح كلام طارق هو اصلا ماشاف هدى الا مرتين او تلات ومابيعرفها منيح
معن. : هالتسجيل بيأكد انه في حدا كان بيعرف انه لارا وهدى بيشبهوا بعض وكان بدو يوصل للحقيقه قبلنا لغرض
لين: ومين هالشخص
معن: مابعرف
معاذ. : معقول يكون صالح
طارق بجديه: لٱ مو صالح يلي كان عم يدور ع لارا حدا تاني حدا متورط بشي كبير وبدو كرت ربحان يحميه
رهف. : معناته لارا فعلا اختك يامعاذ! !
سكت معاذ شوي وهو بيفكر بتصرفات امه واردف بحيره: مابعرف بس اوقات بحس تصرفات امي غريبه تصوروا وقت صار الحريق امي حست انها لارا بخطر
معن: بس لارا بالسجن م̷ـــِْن تلات سنوات وهدى مفقوده م̷ـــِْن سنه وماضي لارا معروف وفي مَـرّھٌ ربتها
لين: صحيح لَيــِْ♡̷̴̬̩̃̊ـِْش. مانسأل المره اللي ربتها
طارق. : برافو عليكي لين انا كيف فاتتني هيك نقطه مهمه
مايا: وفي نقطه مهمه لآزٍمٍ تعرفوها
معن. : شو هيه
مايا. : يلي كان عم يسأل عن لارا ومجند لمصلحته بطه وناديه مو بعيده يكون، ،،،
طارق. : يكون شووو احكي
مايا: يكون لعب بتقرير المختبر لحتى يظللك يا حضرة الضابط
طارق بصدمه وانفاسه عم تعلا وتنزل بسرعه: معقول تكون لارا توأم لهدى! !!
معاذ: يعني بدو يكون عِنـ.̷̷̸̷̐ـديّ كمان اخت وما اعرف
رهف: عيدو تحليل dne. وتأكدو
معاذ: مستحيل انا ماعندي الا اخت وحده هيه هدى
طارق : في حلقه مفقوده، ،،،، واطلع بمعاذ، ،،،، وحلها عند الست امينه يامعاذ بس بالاول لآزٍمٍ نعيد تحليل dne. واقابل المره يلي ربت لارا
معن. : القصه عم تتشربك اكتر
طارق. : بالعكس الخيوط عم تتحلل قدامي خيط خيط وقريبا رح اوصل للحقيقه هالتسجيل بيأكد انه في سر كبير ولازم اعرفه واعرف مين اهل لارا يلي خافت ناديه تصرح عن اسمهم وبس كانت رح تحكي خلصوا عليها
معاذ : بكرا الحفله وخايف حدا يئزي لارا
معن : معقول يحاولو يتخلصوا منـِْهـ♡̨̐ـِْا
طارق : هالشي مو وارد بالاخص انه كلنا منعرف انه رهف يلي كانت مقصوده بالحريق
معن: بس اللي كان عم يتجسس ع مايا وناديه سمع مايا وقت حكت انه المومري مع لارا
طارق: وين المومري مايا
مايا : مافي اي مومري انا حكيت هيك لاخوف ناديه
مشط شعرو ب ايدو ورجع ضهرو عالكرسي : افففففف معناته لارا بخطر ولازم ننتبه
*╚══════ღღ══════╝
تاني نهار كان طارق ومعن ومعاذ بيفتشوا بين ملفات البنات يلي كانوا بالاصلاحيه
معن ب ابتسامه: لقيتوا شباب
مسك طارق الملف بسرعه وقلب فِيَھ شوي وبعدا مسك ورقه وكتب عليها العنوان
طارق: خلونا نتحرك شباب في عنا حفله خاصه
معاذ بصدمه : مستحيل !!! ماعم صدق !!
تلفتو عليه بتعجب وهو ماسك ملف لارا وعيونو مفتوحين على وسعهم
طارق : شبك معاذ
معاذ : لك تاريخ الميلاد نفس تاريخ ميلاد هدى 😲
معن : متأكد
معاذ : طبعا متأكد واليوم بيوافق يوم ميلادها
طارق : ماعاد في مجال للشك خلونا نتحرك فورا
الشباب : يالله
*╚══════ღღ══════╝
فاقت لارا من نومها وتملمت بفراشها بكسل… وقفت وهي بتطلع بالشاش الملفوف ب ايدها
لارا : معقول كنت عم احلم بس انا سمعتك طارق كنت خايف عليي
تنهدت وفتلت حالها وفاتت عالحمام غسلت وجهها ب ايدها السليمه وطلعت تبدل تيابها
اندق الباب وفاتت لين
لين : صباحوووو … . ييييي شو عم تعملي لارا
لارا : شوفة عينك بدي بدل تيابي
توجهت لعندها بسرعه : خليني ساعدك انتي هلأ مشلوله 😂
لارا : تضربي انتي ومزحك
لين : ههههه يالله عجلي الخاله امينه ناطرتك عالسفره
لارا : ساعديني لكان انا مشلوله 😭
لين : 😂
*╚══════ღღ══════╝
على حي شعبي قديم وقذر وصلوا الشباب وهنه بيتلفتوا حواليهم…
كانت الزباله حواليهم وولاد صغار عم يركضوا ورا كره مصنوعه من الشرايط… حبال الغسيل بتدلى من البلكون والمجاري طافحه والريحه البشعه بتلعي النفس
حط معاذ ايدو على تمو وارف ب اختناق : العما مو قادر اتنفس
معن : كيف هالناس عايشين هون
طارق : اتعودوا… وهالريحه صارت جزء منن
معاذ : وين بيت البطيخة لك رح مووووت 😷
طارق : ليكو ب اخر الحاره خلونا نتحرك بسرعه
معاذ : ع اساس رح نوصل 😵
مشيوا بعض امتار بخطوات سريعة هاربين من الريحه البشعه وفجأه وقف طارق
معاذ : ليش وقفت
طارق : هاد هو البيت ..
معن : شو رح نعمل هلأ
طارق : لازم نقابل سميه ونفهم منها كلشي
معن : لازم ننتبه يلي بعرفه انها سميه رئيسة المتشردين واكيد عندها زلم يحموها ويحموا مقرها
طارق : لو عندها جيش مارح تنفد مني
سحب مسدسه وتوجه ناح الباب وركله بقوه… الشرطه ماحدا يتحرك
اندفع لجوا ولحقوا معاذ ومعن…
انتفض الاولاد الصغار وحاولت سميه تهرب بس كمشوها وبكف واحد كانت متكومه عالكرسي الخشبي المهتري
سميه بخوف : شو بدكم مني انا ماساويت شي
طارق : اخرسي وماتحكي الا بس اسألك
بلعت سميه السانها بخوف وبلشت تنقل نظرها بينهم بخوف
مسك معن حبل وربطها ووقفوا التلات قبالها
طارق : اي سميه احكيلنا بشويش وبكل هدوء كيف اجت لارا لعندك
سميه : مين لارا… مممابعرف حدا بهالاسم
ضربها كف خلا رقبتها تلف عالجهه التانيه ورجع مسكها من شعرها وسحبها لورى وحط المسدس براسها
طارق : اسمعي ولي ماتفكري اني جاي اللعب معك… هلأ بدك تخبريني كل شي عم تفهمي
سميه بخوف : حححاضر حححاضر بس الله يخليك لاتئزيني
طارق : ازا حكيتي الصدق مارح ائزيكي… احكي لشوف
سميه : من سنين طويلة اجت مره وعطتني ياها وعطتني مصاري لحتى دير بالي عليها
طارق : مين هالمره
سميه : صدقني مابعرف انا فكرت رح ترجع تسأل عنها وبس مرت السنين قلت هالبنت مافي وراها اهل يسألوا عليها لهيك شغلتها معي
طارق : نشاله
سميه : الفقر يابيك بيخلينا نسرق
طارق : كملي
سميه : قبل 3 سنوات اجا شب يسأل عنها وانا قلتلو ما بعرف عنها شي لانها كانت بالسجن بعد مالقطتها الشرطه وهي بتسرق بيت ناس اكابر
طارق ; كمان الشب مابتعرفيه
سميه : هزت راسها بالنفي… ممابعرفه بس يلي فهمته منه انها سارقه من بيته شغلات مهمه وبدو ياها ب اي ثمن
طارق : وبعدين وبعدين كملي لاتسكتي
معن : طول بالك طارق… اي سميه يعني لارا ماكانت فاقده زاكرتا !! او شي من هيك
سميه : لا ..البنت اجتني وعمرها يوم وانا يلي ربيتها بس
كز طارق ع اسنانه واحمرت عيونو : بس شو انطقي
سميه : لما رجعت لارا من سنة كانت فاقده زاكرتا
اطلع الشباب ببعضهم ب استغراب
معاذ : مين يلي رجعت من سنه!!
سميه. : لارا
طارق : انتي جدبه شي كيف رجعت قبل سنه وهيه كانت بالسجن ومن جديد طلعت
سميه : لا يابيك لارا طلعت من السجن قبل سنه
معن : ووينها هلأ
سميه : بترجاكم نحنا دروايش شو بدكم فينا
معاذ بعصبيه : لاتكتررررري حكي وانطقي وينا لارا
سميه : هيه… هيه
قبل ماتكفي كلمتها تلقت رصاصه بنص راسها وقلبت مع الكرسي الخشبي لورى ووقعت عالارض ميته
ركض معن ومعاذ وصاروا يدورو عاللي اطلق الرصاصه وبقي طارق يحاول يفيق سميه بس كان فات الاوان
*╚══════ღღ══════╝
امينه : يالله يابنات لاخدكم عالصالون لتجهزوا قبل موعد الحفله
لارا : مافي مجال تتأجل هالحفله امي شوفي كيف ايدي و
حطت ايدها عتمها وماخلتها تكمل كلامها
امينه : نسيانه انه اليوم عيد ميلادك ياروحي
لارا بقلبها : كيف عرفت انه اليوم عيد ميلادي 😲
بلعت ريقها وحكت : اه اسفه ماما ماعم اتزكر
امينه : معلش يا روحي معك معك رح ترجعلك زاكرتك وهلأ يالله لاخدكم بنفسي عالصالون
البنات : حاضر
*╚══════ღღ══════╝
رجعوا الشباب عالقسم وهنه حاسين بضيق شديد
معاذ: الوضع مابيطمن كل حدا بيحاول يفتح تمه بيصفوه فورا
معن: كيف بيعرفوا تحركاتنا
قعد طارق ورى مكتبه وشغل اللاب توب و بلش يستعرض شريط كاميرات المراقبة وابتسم بخبث وقت شاف رجال عم يراقبو الفيلا يلي ساكن فيها معاذ
طارق: هه متل ماتوقعت الكل مراقب
معن ب استغراب : شو في طارق وشو سر هالابتسامة الشريرة انا مو مطمنلك الصراحة.
اطلع فِيَھ طارق بهدوء و لف اللاب عليه قرب معن وضيق عيونه وبعدا فتحهم باتساع والدهشه على وجهو
معن بصدمة : هاد بيت معاذ و اكيد عرفو ان رهف او لارا بعدها عايشة
معاذ: جواسيس ببيتي انا! !
معن: اها و بيراقبوك وبيراقبوا الكل، ،،، واطلع بطارق ڵـڱ انت لَيــِْ♡̷̴̬̩̃̊ـِْش. هيك مبتسم المفروض تعصب.....
طارق بهدوء: انا بدي ياهم يعرفوا انه لارا عايشه وانه المومري معها
سكت معن شوي وبعدا استدرك شي م̷ـــِْن كلام طارق
معن : لـحـظـــِھّ ; .. لـحـظـــِھّ ; .. انت عارف انهم عم يراقبوا البنات و بيراقبوك و هاد اللي بدك ياه ماهيك ؟!
ارخى طارق جسمه على الكرسي وهو عم يبتسم بجانبية فتابع معن كلامه بصدمة : انت بدك تخلي لارا طعم لحتى تقدر توصل للعصابه! !!!
معاذ بعصبيه: انت جنيت طارق هيك حياتها حتكون بخطر !!!.
طارق:
معن: لَيــِْ♡̷̴̬̩̃̊ـِْش. ساكت احكي، ،،، ايه خلص فهمت انت اخدتها ع بيت معاذ لحتى تستغلها لمصالحك الشخصية استغليت هالمره خوفها على رهف و قصة الشهادة كانت مجرد حجة انت كنت عارف انهم رح يحاولو يقتلوها مَـرّھٌ تانيه و لحتى تستدرجهم استغليتها!!!
طارق بهدوء : ماشاء •اللّـہ̣̥ كيف عرفت انا لشو بخطط
مسك معاذ الكرسي تبع طارق وفتلو بعصبيه
معاذ : انت هيك جنيت رسمي طارق معقول هي ما بتهمك لهي الدرجه ?? ڵـڱ نسيان انها لارا احتمال تكون اختي !!!
طارق بحدة : لو خلصتو مواعظكم خلوني اعرف احكي
معن: اتفضل احكي
طارق: المطلوب منكم تخلوا عيونكم ع الجواسيس لحتى نظللهم ونعطيهم المعلومات يلي نحنا بدنا يعرفوها وبس وبهيك هرح نكسب وقت اكتر.
معاذ بعصبيه : وافرض صار ل لارا شي انا لا يمكن اسمحلك.....
قاطعه بحدة اكبر : ضابط معاذ احنا هلأ مو صحاب و بما اني اعلى رتبة منك انت مضطر تنفذ كل اوامري واضح!!
شد على قبضته بقهر وتمتم بقهر : امرك يا باشا ،، بس ازا صار لاختي شي مارح اتزكر انك صاحبي او شو هيه رتبتك
طلع م̷ـــِْن المكتب ولحقه معن وضرب الباب وراه بقوه
طارق بقلبه: مستحيل اسمح لحدا يمس شعره مـڼـڱ يا لارا سامحيني مضطر اعمل هالشي والليله بالحفله متأكد الكلاب رح تضهر ورح كون ب انتظارهم بعاهدك احميكي بروحي
#ضابط_واربع_بنات
#الجزء_التاسع
#بقلمي_امل_احمد_سلوم
*╚══════ღღ══════╝
حل المسا وبلش المعازيم يتوافدو عالفيلا ورجال الشرطه موزعين بكل جهه باللبس المدني
طارق : كيف الاوضاع برا معن
معن : كلشي تمام والشباب توزعوا ع اماكنهم
طارق : انتبهوا منيح مابدي الدبانه تفوت بدون ماتنتبهوا عليها وخلي الشباب يلي عند كاميرات المراقبة يصورو كل ركن بالفيلا جوا وبرا
معاذ : اطمن انا اشرفت ع توزيع الكاميرات بنفسي
اطلع بساعته وهتف بهدوء : كأنهم طولوا بالصالون
معن : يعني مابتعرف البنات وطولة روحهم باللبس والمكياج
طارق بتهكم : لبس ومكياج وحكي فاضي ما بعرف شو بيستفيدو من هالهبل كله
معن بمزاح : لو كنت بنت كنت عرفت
طارق : قولتك بنفق
معاذ: كل فوله مسوسه والها كيال اعور 😂
طارق ; فشرت عينك لك والله لو كنت بنت لاطلع شقفة
معن : لك بدون ماتكون بنت انا بحبك يابطه
طارق : خراس ولا
معن : ههههههههههه
كانو عم يضحكوا وقت وقفت سيارة امينه خانوم الخاصه ونزلو منها الصبايا
معن بصدمه : لك شوووو هاد 😲
معاذ : مين هدول 😲
التفت طارق وراه وغابت الضحكه عن ثغره وعقد حواجبه وهو عمبطلع بلارا ولبسها
كانت لابسه فستان اسود طويل عقد الجسم مع فتحه جانبيه لفوق الركبه وشيفون رقيق بمنطقة الصدر والاكتاف وفارده شعرها الاسود ومزينته بتاج صغير الماسي مع مكياب خفيف وهادي بيبرز انوثتها
اما مايا كانت لابسه فستان نيلي للركبه ضيق بدون اكمام وعامله شعرها كيريلي مع مكياج صاخب
بالنسبه لرهف لبست تنوره جينز وبروتيل احمر وعامله شعرها دنبة فرس مع مكياج هادي
ولين الشقيه لبست فستان دهبي ديق من فوق وبيتوسع تدريجا لتحت مع شاحط صغير ومكياج مثير لامع براق وعامله شعرها ڤير
تقدموا الشباب من الصبايا وكانو عم ياكلوهم بعيونهم
معاذ : لك شو هالحلا هاد كلو
معن : كنتو مخبايين بقشوركم ياصبايا والله ماعرفتكم
مايا : شو يعني كنا جعافر بالاول
معن ب اعجاب : لك فشر جعفر وكله اهله ممكن نتعرف بالحلوه
مايا : بعتزر مرتبطه… وفتلت حالها ومشيت ولحقها بسرعه ومسكلا ايدها
معن : بجد مرتبطه
مايا : اها
معن : مين هوه ليكون طارق !!
مايا : وشو بيهمك
معن بتلعثم : للا مجرد سؤال
مايا : ايوا… مجرد جواب لا مو طارق عن ازنك
شد ع ايدها وقربها عليه وركز بعيونها
معن : بجد مرتبطه
مايا : اييييه وقلبي مشغول مشغول كتير
معن : ممكن اعرفه
مايا : اطلع حواليك بتعرفه يا غبي
تركته ومشيت وبقي واقف مكانه يتلفت حواليه
معن : مافي حدا غيري هون !!! معقول تكون !!! لك ماااياااا
اما لين كانت واقفة تشرب عصير بحد المسبح ووقف معاذ حدها
معاذ : مسا الخير
لين بخجل مسا النور
معاذ : بتعرفي انك كتير طالعه حلوه
نزلت عيونها بالارض وابتسمت لتبان غمازتها
لين : وانت كمان كتير حلو وجنتل بالبدله
معاذ : انا مو حلو… عيونك الحلوين هنه يلي بيشوفوا كلشي حلو
لين : مرسي معاذ بيك
معاذ : شو هي بيك… لو سمحتي بتندهيني معاذ .. معاذ وبس
لين : حاضر معاذ
حس بدقات قلبه عم تزيد وحرارته عم تعلا قرب منها ومسكلا ايدها
معاذ : ماكنت بعرف انه اسمي حلو لهي الدرجه ممكن تعيديه
لين : معاذ 🙈
معاذ : عيون معاذ
تلفتت بعيونو يلي كانو مركزين بعيونها
لين : انا ؟؟
معاذ : اي انتي… . انا بحبك لين
لين : بتحبني !!!
معاذ : اسف ازا كنت احرجتك او
حطت ايدها الناعمه عتمه وحكت بهمس
لين : وانا بحبك معاذ
رهف اخدت زاويا وركت ضهرها عالحيط وتناولت كاسة عصير ووقفت تتفرج بصاحباتها وتضحك بقلبها
رهف : شو قليلات عقل وبسرعه بتأمنوا للرجال هه الله يبعدني عن جنس آدم كلو 😏
وعند لارا وطارق…
كانت لارا ماشيه بحد امها عم تسلم عالضيوف وبطرف عينها بتطلع بطارق ونظراته الناريه… ما تحمل يستنى لحتى تسلم عكل الموجودين توجه لعندها بخطوات سريعة ورسم ابتسامه للست امينه
طارق : بعد ازنك امينه خانوم تسمحيلي اخد الانسه هدى لتشاركني هالرقصه
امينه : اي شو عليه روحي بنتي
طارق موجه كلامه ل لارا : اسمحيلي بالرقصه الاولى
مد ايدو قدامها واطلع بعيونها ومتل الاميرات مدت ايدها اله ليسحبها بلطف ويطوق خصرها بالايد التانيه ويفتل فيها لساحة الرقص
طارق بجديه : شو هاد يلي لابستيه
لارا : مو حلو
طارق : مو ضراب السخن بتروحي هلأ وبتبدليه وبتلبسي شي محتشم وواسع ولا عاجبك نظرات الشباب الك
لارا بعصبيه : شو قصدك
طارق بهمس : وطي صوتك وابتسمي الناس بيطلعوا فينا و عم نتصور
لارا : ☺ وبقلبها 😏
طارق : اول ما تخلص الغنيه دغري بتروحي تبدلي تيابك كلامي واضح
لارا : كمان بهي بدك تدخل حضرة الضابط
كز عسنانه وشد ع ايدها بغيض : اسمعي الكلمه لارا احسلك
لارا : وازا ماسمعتا شو رح تعمل
طارق : رح
ماعم صدق عيوني… هدى ياورحي انتي اشتقتلك اشتقتلك كتيررررر 😍😍
تلفتوا طارق وهدى ب استغراب عالشخص يلي كان واقف قدامهم
طارق : عفوا مين حضرتك
انا رعد خطيب الانسه هدى…
جمد الدم بعروق لارا وشحب لونها ولزقت بصدر طارق والخوف بادي على وجهها…
اما طارق كانت صدمته كفيله تشل كل تفكيره وبقي متمسمر مكانه
رعد : لو سمحت يا اخ ممكن اخد خطيبتي
طارق :
لارا بقلبها : لك هاد نفسه… . !! نفس الشخص يلي بعتتني سميه لاسرق بيته وبعدا شفتوا عنا بالبيت !! ياربي شو هالورطه !!
بقيت تطلع فيه ورجعت بزاكرتها لورى
فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥
بيومها كانت الدنيا شا والجو برد والشغل خفيف ومافي مصاري ولا اكل ولاشرب ولا حتى حطب ليدفوا
فاتت سميه لعند لارا ودفشتها ب اجرها
سميه : ولي لارا فيقي بدي ابعتك مشوار
فركت عيونها واطلعت بالساعه لقتها عشره بالليل
لارا : مشوار بهالوقت
سميه : لاتكتري حكي وقومي معي
لارا : حاضر
قامت لارا من فرشتها ولحقت سميه
سميه : انتي شايفه كيف الوضع مافي لا اكل ولاشرب لهيك رح ابعتك لبيت ناس اكابر تقشيه قش وتجيبي ماخف حمله وغلي تمنه مفهوم
لارا : حاضر
سميه : خدي العنوان بهي الورقه وياويلك ازا بترجعي وايدك فاضيه يلا تحركي
حست لارا انه في شي غريب وسميه مو على بعضها طلعت من البيت ولفت من ناح المخزن ومدت راسها من الشباك
سميه : اللي طبته صار يابيك
رعد : برافوا عليكي خدي هاد الموبايل خليه معك و اول ما ترجع عطيني خبر
سميه : امرك… بس ماقلتلي ليش بدك ياها تنحبس
رعد : لاتدخلي بشي مابيعنيكي نفذي وبس
سميه : بس هيك رح اخسر هالبنت انا بنتفع منها
رمالها رزمة مصاري ونزلت ع الارض تلم فيها
رعد : بعرف انك بترخصي عند الليرات ازا نفزتي يلي طلبته منك رح اطمرك بالمصاري طمر
سميه وهي حاضنه المصاري بفرح : انت بتؤمر يابيك
نزلت راسها ب استغراب
لارا : عن مين عم يحكوا هدول ومين هاد الرجال اول مره بشوفوا… .. افففف وانا شو خصني اكيد سميه متل عادتها عم تتآمر عحدا كرمال المصاري
حملت حالها وراحت عالعنوان يلي عطتها ياه سميه… كانت فيلا كبيره وما عليها حراسه وللصدفة البحته واحد من الشبابيك مفتوح
لارا : شو هالبيت يلي ماعليه حراسه وشبابيكه مفتحه هه فعلا المال السايب بيعلم السرقه
نطت من الشباك بخفه وبلشت تحط بالخيشه يلي معها كل شي خفيف وغالي وبلشت تفوت ع غرف النوم وتنبشها
لارا : اوووووه كفاها الله رح تنبسط سميه كتير
فتلت حالها لترجع واستوقفها لاب توب وبحدو بعض سيديهات
لارا : يااااي باب لوب شو نفسي بواحد متله 😍 اي ليش لا مارح ابخل عحالي بشقفة باب لوب
مسكت اللاب توب وحطته بالخيشه ومسكت السيديهات وصارت تقلب فيهم
لارا : مكتوب خاص… شو يعني خاص 🤔 مافي شي اغاني رومانسيه… احسن شي اخدهم كلهم وجرب عمهلي 😅
اخدت السيديهات وحملت حالها وطلعت من الغرفه ومتل مافاتت رجعت… لامن شاف ولا من دري
قبل ماتفوت لبيتها خافت من سميه تاخد منها اللاب توب والسيديهات… تسللت عالمخزن ومدت راسها
لارا : منيح مافي حدا رح خبيه هون
خبت اللاب توب والسيديهات وطلعت من المخزن وفاتت عالبيت
لارا : سميه انا جيت
جالت بحجر عينها هون وهون….. ماكان في حدا بالبيت
رجعت لارا ندهت بصوت عالي : سمييييه لك وينكم… يوه وين راحوا هدول
فتحت الباب لتروح ادور عليهم واجا بعيونها ضو قوي
سلمي حالك المكان كله محاصر
لارا بفزع : الشرطه 😲
انحكمت لارا 3 سنوات وبقي اللاب توب مكانه ماحدا بيعرف وين مكانه
™̸̮بَََّـْْْـْْْbackـََْْـَّْْآَّڪَْْ∂⌣̶♥
مد رعد ايدو ل لارا وهو راسم عوجهوا ابتسامه صفرا وعم يتمايزها
ولارا بعدها ماسكه ب ايد طارق بقوه والخوف عم يتغلغل جواتها اكتر واكتر… هي كانت ناطره هاللحظه لتختبر مشاعر طارق .. كانت تتمنى تشوف الغيره بعيونه بس الشي اللي صار والموقف يلي نحطت فيه ماعملتله حساب ولاتوقعته من الاساس
رعد : شو يا روحي ماعرفتيني
لارا : للا انا ماعم اتزكر شي
رعد : حكتلي عمتي انك فقدتي الزاكره معلش حياتي انا رح ابقى معك لحتى ترجعلك زاكرتك
سحبها من ايدها ليحس طارق انه روحوا انسحبت من صدرو وهو مو قادر يمنعه او يبعدو عنها… بإختصار هوه قدام الكل احق فيها منه
بلمح البصر كان ضاممها لصدرو ومحاوط خصرها ب ايديه التنتين وعم يشدها لعندو اكتر ولارا بخوف عم تحاول تبعده عنها
شد طارق على قبضته وانعمى عقلبه ومشي خطوه ناحهم لياخدها منه بس ايد معن يلي اجت عكتفه ثبتته مكانه
معن بهمس : اي حركة غلط رح تضيع كل تعبنا سدا وتكشف كلشي
طارق بغضب : لك من وين طلعلي هاد هلأ
معن : المفروض انه خطيبها يعني هوه يلي لازم يغير عليها مو العكس
طارق : غيره !!! انت قصدك اني غيران عليها !!!
حط ايديه بجيابه ورفع كتافه : ما بعرف اسأل حالك
زفر طارق بضيق : بلا حكي فاضي… كل ما هنالك اني مابدي حدا يزعج لارا لانها…
معن بخبث : لانها شو… .انت حبيتها
طارق : لك شو حبيتا ماحبيتا انت واعي عحالك
معن : امممم لكان روق وخليك طبيعي ولاتتطرني جيب مرايه ووريك ملامح وجهك 😉
اخد نفس ومسح عشعرو بتوتر وهو بيطلع برعد ولارا… حاول يمتص غضبه ويبان طبيعي… اساسا لازم يكون طبيعي هالبنت الهوائيه مابتعنيلو شي… مابيجي من وراها الا وجع الراس
طارق : حكيت لمايا اتجيب العينه للمختبر
معن : اي
طارق بهروب : لكن انتبهوا منيح انا واقف بالجهه التانيه
تراجع بخطواته لورى وعيونو ماعم تنشال عن لارا غمض عيونو وفتل وجهوا وانسحب بهدوء… هدوء بيعكس البراكين اللي بداخله…
♬♫♪◖(● o ●)◗♪♫♬
رعد : وين شارده ياروحي
لارا : اه… لاا ماني شارده ولاشي
رعد : عنجد ماعم تتزكري شي
لارا : شي متل شو
رعد : يعني كيف راحت منك زاكرتك وشو صار معك
هزت راسها بالنفي ونزلت عيونها بالارض : لا ماعم اتزكر اي شي من الماضي
رفع ايدها وباسها من راحتها وبمكر ثعلب اطلع براحة ايدها وابتسم
فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥
وقت رجعت لارا عالبيت كانت سميه عم تراقبها م̷ـــِْن بعيد واول ماشافتها فاتت عالبيت اتصلت برقم رعد
سميه: الو رعد بيك البُـنًتٍ رجعت وليكا بالبيت
رعد: ابعدي عن البيت بسرعه الشرطه بالطريق
سميه: امرك
وصلت الشرطه والقوا القبض على لارا متلبسه
وتاني نهار
رعد: •اللّـہ̣̥ يلعنك ياكلبه بدل ما اضيعك انتي ضيعتيني بس شو عليه انتي مافيكي تفتحي اللاب توب وانتي بالسجن
جودت( والد رعد ) : ڵـڱ كيف بتنسى هيك شغلات مهمه وماحطيتها بالخزنه
رعد. يابي لاتخاف هالبنت غبيه هي سرقت مجموعة الاغاني يلي كانت عالطاوله و م̷ـــِْن بيناتهم السي دي يلي عليه الملفات وحتى لْـۆ فتحته مارح تفهم او تستوعب انها هالملفات والفيديوهات بتخص المافيا
جودت: مالازم نأمن ابني ،،، تخلص م̷ـــِْن هالبنت فورا
قعد عطرف تخته يفكر
رعد: رح اضرب 4 عصافير بحجر
جودت: بشو عم تفكر
رعد: الرائد طارق بيفكر انه صالح ورا مقتل عيلته وشوقي بيك مابيعرف انه هدى الها اخت توأم وصالح بيخاف ع بنته نتالي
جودت: ماعم افهم عليك
رعد: رح وقع نتالي بحبي وبس تغمز السناره بتخطبلي هدى بنت عمتي امينه
جودت : وشو رح تستفيد م̷ـــِْن هالشي! !!
رعد: هلأ مافيي اشرحلك شي أإأبـْيے، ،، انت بس اتفرج على ابنك كيف رح يضربهم ببعض ويصفوا بعض بتارات مالها وجود
جودت بمكر: ابن ابوك مابينخاف عليك
™̸̮بَََّـْْْـْْْbackـََْْـَّْْآَّڪَْْ∂⌣̶♥
رعد بقلبه : بتفكريني اهبل ولا اجدب لحتى صدق انك هدى.. انا بعرف انك لارا… . لاني ببساطه معلم هدى بعلامه تميزها عنك يا توأمها العزيز وقريبا رح تشرفي حد اختك واضرب ضربتي القاضيه بس بالاول لازم رجع اللي سرقتيه مني 😈
( ˘ ɜ˘) ♬♪♫( ˘ ɜ˘) ♬♪♫
طلعت مايا من الفيلا بعد ما اخدت من مشط لارا كم شعره وخبتهم بمحرمتها
مايا : لين لك بست لييييين وطرش
لين : اي اي شو في
مايا : مين هاد يلي عم ترقص معه لارا
لين : ما بعرف اول مره بشوفوا
مايا : وينا رهف
لين : ما بعرف
مايا : انتي شو بتعرفي
مطت شفايفها بعدم رضا : شبك ست مايا انا مو الداده تبع لارا ورهف بدك ياهم دوري عليهم
على مين بدورو
تلفتت لين وراها : هه ليكا ست زبيده شرفت وين كنتي ولي
رهف : كنت عم دخن سيجاره برا
مايا : لك مابدك تبطلي هالعادة
رهف : سيجاره عاديه والله 🙈
لين : باين من عيونك انها سيجاره عاديه
رهف : يووووه رح تخربوا المزاج تبعي انا رايحه اقعد عند المسبح
لين : اي مع السلامه يارب الشرطه تكمشك ونرتاح منك
فتلت رهف وجهها وانصدمت بس شافت رعد عم يرقص مع لارا
فركت عيونها ونفضت راسها
رهف بخوف : لك هاد هوه 😲 والله هوه مستحيل انسى وجهو
تلفتت حواليها بفزع وتراجعت بخطواتها لورى ولفت جسمها وركضت عالفيلا
*╚══════ღღ══════╝
لارا : لو سمحت انا تعبت وبدي ارتاح
رعد بخبث : سلامتك ياروحي تعي لوصلك لغرفتك لحتى ترتاحي
لارا بخوف : لا لا مممافي داعي انا بروح وحدي
مسك ايدها وشد عليها : مابدك تكوني معي
لارا : ماهيك قصدي بس
رعد : انا فاهم حبيبتي اكيد موضوع الذاكره مأثر عليكي
لارا : ايه .. هوي هيك فعلا
قرب منها وهمس : بس اكيد مانسيتي حبنا ولانسيتي رعد حبيبك ماهيك
لارا : ممكن روح لغرفتي
رعد : اكيد بس خليني وصلك… . ولا مو مشتاقه لحضني
بلشت تتنفس بسرعه وبعدته عنها ودقات قلبها عم تخفق بقوه
مشيت بين ممرات الفيلا وقبل ما توصل الدرج في ايد مسكتها بقوه ورجعتها لورى
لزقت بالحيط وهي فاتحه عيونها على وسعهم وهي،شايفه رعد محاوطها ب ايديها وانفاسه عم تلفح وجهها
لارا : ششو بدك مني ليش لاحقني،
رعد : مستحيل تكوني هدى
لارا بصدمه : امبلا انا هدى شو خلاك تفكر اني مو هدى
رعد : ازا كنتي هدى اثبتيلي هالشي
لارا : كيف اثبتلك
قرب منها بشكل خطير وهمس : انتي عارفه كيف
لارا : لللا مو عارفه
رعد : بيسدعني عرفك لكن بلكي ترجعلك زاكراتك
بحركه سريعه ثبت ايديها لورى ضهرها وبالايد التانيه سحبها من شعرها وقبل ما توصل شفايفه عشفايفها ركتله بكل قوتها ليترنح وهو بيتألم وبحركه اسرع من حركاته لفت حوالين حالها ورفعت فستانها ورجعت ركتله ب اجرها ليوقع بعيد عنها ويتكوم ب ارضه
لارا بعصبيه : اياك تحاول تقرب مني، عم تفهم وانا متأكده لو رجعتلي زاكرتي رح تلعي نفسك منك متل ماعم تلعي هلأ
تركته بنص صدمته وطلعت تركض لغرفتها ماكانت بتعرف انه طارق كان عم بيراقبها وشاف كلشي صار
ابتسم واخد نفس براحه : فكرتك قطه شيرازيه طلعتي قطه بريه مفترسه… . برافوا عليكي لارا
*╚══════ღღ══════╝
فاتت لغرفتها وسكرت وراها الباب بالمفتاح وركت ضهرها عليه… عم تحاول جاهدة تنظم نفسها….
لارا : مستحيل يكون بني ادم طبيعي هاد مسخ حقير انا متأكدة انه ورى كلشي صار معي بس كيف بدي اثبت هالشي
مشت ناح تختها ولمحت حدا متكور ونايم ..تراجعت لورى شهقت من الخوف
لارا : مين في هون
رفعت راسها لتبان عيونها المورمين من البكي وارتجافها الواضح من تحت الغطا
لارا : رهف 😲
ركضت لعندها وضمتها : شبك رهف شو صرلك ليش عم تبكي لك ليش عم ترجفي هيك
ماردت عليها بقيت عم تشد حالها بحضنها بخوف
مسكتها من كتافها وهزتها بقوه : ررررررررهف حاكيني متل ماعم حاكيكي
رهف ب ارتجاف : شششفتو شششفتو
لارا بصدمه : شفتي مين !!
رهف : يلي كان مع الرجال يلي قتلو بطه
لارا : شو !!! مين هوه ووين شفتيه
رهف : هوه نفسه يلي كنتي عم ترقصي معه
حطت ايدها على تمها وشهقت : رعد !!!!
*╚══════ღღ══════╝
وبالجهه التانيه
رعد : الو… صالح بيك البنت فعلا فاقده زاكرتا هالشي اتأكدت منه بنفسي
صالح : قبل ماتخبرني عن لارا وزاكرتا… قلي وينا هدى يارعد
رعد : قلتلك يابيك هدى بخير طول ما انا بخير بس اي حركة غدر رح تدفع الثمن غالي
صالح : وهلأ شو بدك رعد
رعد : بدي بنتي وبهيك بنكون خالصين
صالح : هلأ اتزكرت انه الك بنت… . نسيان انك نكرتها ونكرت امها بعد عملتك السوده وبدل ما تصلح غلطك رحت خطفت هدى وعم تهددني فيها
رعد : موضوع هدى منتهي بضهور لارا وطارق مفكر حاله زكي وعم يلعب مابيعرف اني بلعب على الف من عينته
صالح : وشو يضمني انك ماتحكي وقت تاخد بنتك
رعد : انا كلمتي طابو يابيك ولو بدي احكي كنت حكيت من زمان
صالح : عطيني يومين وبردلك خبر
رعد : تمام بس هنه يومين مافي غيرهم
صالح : تمام
سكر الخط وزفر بضيق
صالح : جابر…. جااابر… لك ياااازفت
جابر بخطوات سريعة وصل لعندو : ائمرني معلم
صالح : بتروح وبتنفذ يلي طلبته منك وحسك عينك حدا يشتلق عليك مابدي حدا يعرف انه نتالي بعدها بالبلد عم تفهم
صالح : اعتبرو صار معالم
وعند رعد… . نزل الموبايل من ايدو وحط ايديه بجيابه وغمز لواحد من رجاله وبخطوات بطيئه مشي ناحه وهمس
رعد : نفذ يلي طلبته منك
الشخص : امرك ياريس
رعد : الغلط مننوع وازا انكمشت اقتل نفسك لاني مارح خليك عايش .. يالله تحرك
الشخص : حاضر
اندس زلمة رعد بين المدعوين وبقي يراقب بدقه وينطر اللحظه المناسبه لينفذ الخطه
*╚══════ღღ══════╝
رايحه جاي بالغرفه عم تفرك ايديها بتوتر
لارا : نحنا لازم نتصرف بسرعه
رهف : ازا عرفوا انو انا يلي شفتهم رح يخلصوا عليي
لارا : محدا رح يعرف شي بس لازم خبر طارق بشغله مهمه لحتى يتصرف
رهف : شو هالشغله
لارا : بعدين بفهمك لازم اتحرك بسرعه
توجهت لعند خزانتها وطالت بلطلون جينز اسود وكنزه سوده مخططه بالابيض… بدلت تيابها ورفعت شعرها دنبة فرس واردفت بحزم
لارا : اياكي تطلعي من الغرفه رهف مفهوم
رهف : حاضر
فتحت الباب وطلعت ونزلت بحذر عالدرج وبحجر عينها عم تتنقل هون وهون باحثه عن رعد
لارا : في صوت جاي من الطابق الاول اكيد الزفت بعدو هون
شلحت من اجرها ونزلت عالدرج ع طرف اصابعها كاتمه نفسها وشاده اعصابها…
طلت من فوق السلم لمحت طارق وابتسمت
لارا : هاد طارق الحمد لله لروح بسرعه خبرو باللي عرفته
نزلت باقي الدرج بسرعه واستوقفها صوت انثوي
لارا : مين هي يلي واقفه مع طارق !!
قربت شوي ومدت راسها وانصدمت : مايا !!!
باللحظه اللي نزلت لارا على الدرج كانت مايا واقفه مع طارق لتعطيه العينه بسريه وبعيد عن العين
صدمت لارا ماخلتها تستوعب شي ولاتشوف قربت اكتر لتسمع شو عم يحكوا
مايا : انت متأكد انك مابدك لارا تعرف شي
طارق : لارا عاطفيه كتير ولو عرفت شي مارح تسكت وتخرب كلشي
مايا : بس هيه بالاخر رح تعرف واكيد رح تزعل لانه خبينا عليها
طارق بجديه : زعل لارا مو مهم حاليا المهم يلي بينا يبقى بينا مفهوم مايا
كانت كاتمه صرختها ب ايديها والدموع عم تتجمع بعيونها اخر شي توقعته خيانة صديقتها ومع مين مع حبيبها !!!!
تراجعت لورى وركضت لبرا بدون وعي
مايا : وفرض لارا طلعت فعلا اخت معاذ
طارق : وقتها بكون فعلا لميت شمل العيله وبرجع من نقطة الصفر من عند سميه
مايا : سميه !!!
طارق : سميه انقتلت متل ما انقتلت ناديه وبطه بس قدرت تعطينا خيط رفيع
مايا ' : شو هالخيط
كان ع وشك يفتح تمه ويكمل كلامه لحتى وصل لمسامعه صرخة لارا عم تندهو طااااااااااااارق
طلع يركض ومايا بتركض وراه
كانت لارا عم تركض وهي منهاره ودموعها بعرض وجهها حاسه قلبها انكسر بعد ما شافت خيانة اعز الناس لقلبها عم يخونوها
فجأة حست بقبضه قويه مسكتها من زندها و سمعت صوت غريب وقفت واتلفتت بخوف
لارا : مممين انت !!
الشخص : موتك المحتوم
حاولت تفلت حالها و تركض للفيلا لكنه مسكها ولوى ايدها ورى ضهرها
الشخص بضحك : هههههه لوين يا حلوة اخيرا لقيناكي
كان عوشك يسحبها وياخدها لبرا حاولت تبعده عنها وماقدرت بلشت تبكي وتصرخ : طاااااااااااااااااارق !!
سحبها من ايدها وحملها عكتفه وهي بتصرخ وتضربه عضهرو واول مافتل وجهو لقي ايد حديديه عم تلكمه بعنف ليوقع ع الارض وتوقع بحدو لارا
صرخت بفزع و اطلعت قدامها له وشافت طارق…
هجم طارق وانقض عليه بالضرب الركل والصفع و اللكم بعنف
لارا : طارق انتبه طااارق
من ورا طارق كان في شخص تاني مسلط مسدسه عليه صرخت لارا ومايا طاااارق التفت بسرعة وفجأه وقعت مايا بالارض بعد ماتلقت الرصاصه عن طارق
لارا : مااااياااااا 😲
وبسرعه سحب طارق مسدسه وطخه براسه
على صوت الرصاص هرع رجال الشرطه بلباسهم المدني للممكان ومعن ومعاذ
معن : طااارق
اول ما وصلوا شافوا مايا واقعه بالارض وطارق واقف ومصوب مسدسه ناح الشخص الاول اللي استغل الفرصة ومسك لارا وصوب المسدس عراسها
معاذ : اياك تلمس شعره منها
. طارق : اتركها لانك مارح تطلع من هون عايش
ابتسم الرجل باستفزاز وعلى غفلة رمى لارا ع الارض بقوه صوب مسدسه ناحها واطلق رصاصة
صرخت لين بفزع واطلع طارق بسرعة على لارا وصرخ لااااارااااااااااااااا
#ضابط_واربع_بنات
#الجزء_العاشر
#بقلمي_امل_احمد_سلوم
*╚══════ღღ══════╝
هرج ومرج بممرات المشفى وحالة الطوارئ اعلنت بغرفة العمليات دكاتره فايتين وطالعين والتوتر باين عالكل
كانت لارا واقفه بحد الشباك عم تقضم اضافرها بقهر وتوتر وعيونها مسلطين على طارق بحقد
قربت منها رهف وهمست : لارا انتي منيحه
لارا :
رهف : تعي معي رح اطلب من الدكتور يكشف عليكي
لارا بشرود : انا منيحه رهف
رهف : بعرف الي صار معك مو قليل كرمالي تعي لخلي الدكتور يكشف عليكي
لارا : قلتلك انا منيحه مافي دكتور رح يفهم شو وجعي
رهف : شو وجعك ياروحي احكي فشيلي قلبك
غمضت عيونها بألم وفتلت وجهها عالشباك وهمست بداخلها
لارا : قلبي عم يوجعني يااختي قلبي 💔
فتحت عيونها وهي ببتزكر شو صار
فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥
معاذ : اياك تلمس شعره منها
. طارق : اتركها لانك مارح تطلع من هون عايش
ابتسم الرجل باستفزاز وعلى غفلة رمى لارا ع الارض بقوه صوب مسدسه ناحها واطلق رصاصة
صرخت لين بفزع واطلع طارق بسرعة على لارا وصرخ لااااارااااااااااااااا
الرصاصه اجت بحد لارا وماصابتها استغل زلمة رعد خوف طارق على لارا وصوب مسدسه عليه
معاذ : انتبه طااارق
التفت طارق بسرعه ورفع مسدسه وارتجفت ايدو وماصاب الهدف
الشخص : بشوفك بجهنم حضرة الرائد
كان ع وشك يضغط عالزناد… وباللحظه المناسبه اجت رهف من وراه وركتله بضهرو بقوه ليوقع تحت اجرين طارق الغاضب
هجم عليه طارق وبلش يضربه لكمات متتاليه ومعاذ فورا حط الكلبشات ب ايديه
معاذ خلصت طارق .. واشر للشباب خدوه عالقسم ومابدي حدا يشوفوا ابدا تحركوا
ركض معن ناح راما وحملها بين ايديه وهو عم يتفقد جرحها
معن : مايا… مايا ردي عليي
فتحت عيونها بتعب : انا منيحه شو صار بطارق
نزل طارق ع ركبه وقعد حدها ومسكلا ايدها : انا منيح مايا شكرا الك انتي انقذتيني من الموت ودمك مارح يروح هدر
مايا: بدهم يخلصوا عليك اااه لارا ماكانت هدفهم
غمضت عيونها وغابت عن الوعي تاركه طارق بحالة صدمه
حملها معن وركبها بسيارة طارق وانطلقوا فيها بأقصى سرعه عالمشفى
كانت لارا بعدها ع الارض مصدومه… مايا ضحت بحياتها لتنقذ طارق
هتفت بكلماتها بصوت مهزوز ونزلت راسها ع الارض وهي عم تشد ع حفنة تراب بين ايديها
لارا : متل ماحرقتوا قلبي رح احرقكم
™̸̮بَََّـْْْـْْْbackـََْْـَّْْآَّڪَْْ∂⌣̶♥
صحيت من شرودها على صوت الدكتور يلي طلع من غرفة العمليات والتم الكل حواليه
معن : طمني دكتور كيف وضعها
الدكتور : اطمنوا الرصاصه برانيه وما اخترقت العظم اسبوع زمان وبتقوم متل الحصان
معن بقلق : يعني مافي خطر على حياتها
الدكتور : لا لا اطمن البنت بنيتها قويه ومن حسن حظها الرصاصه اجت بذراعها وماخترقت العظم لهيك رح تتعافى بسرعه هي بس محتاجة ترتاح وتتغزى منيح لتعوض الدم يلي خسرته
تنهد براحه وهتف : الف الحمد لله
لين : فينا نشوفها
الدكتور : نحنا نقلناها ع غرفتها وبس تصحى من البنج فيكم تطمنوا عليها
طارق : شكرا دكتور يعطيك العافية
الدكتور : العفو والحمدلله على سلامتها
لين براحه : اووووف الحمدلله اطمنا عليها كتير خفت والله
رهف : اي والله وانا متلك قلبي كان يرجف بضلوعي من خوفي عليها
حول طارق نظرو ناح لارا وشافها واقفه مكانها ومتكتفه بدون اي ردة فعل تقدم منها وحط ايدو عكتفها
طارق : انتي منيحه
لارا بنفره : ولا احسن مني كتير منيحه
طارق : شبك لارا
لارا : شبني حضرة الضابط شايفني بصرخ ولابشد بشعري ليكني ماشالله عني
طارق بتفهم : اكيد مزعوجه عالشي اللي صار… اطمني مايا بخير
لارا بمسخره : مو مهم اطمن انا المهم انت اطمنت
طارق : شو قصدك !!!
لارا .: سلامتك حضرة الضابط وهلأ بالازن منك
مسكها من ايدها ورجعها مكانها
طارق : لو عم تلمحي لارا
لارا بصوت عالي : ممكن تتركلي ايدي وتحل عني فيك تروح لعند حبيبة القلب وتطمن عليها
طارق : حبيبة القلب!!!
رهف : لارا شو صرلك
لارا : ماصرلي شي فيكي تسألي البيك
طارق بغضب : لااااا انتي زودتيها كتير… وشكلك نسيتي حالك
لارا : فعلا كنت نسيانه حالي وهلأ تزكرت مين بكون ممكن تبعد عن طريقي لاروح
طارق : لوين بدك تروحي
لارا بهمس : لجهنم الحمرا… انت ماخصك فيي
احمرت عيونو من الغضب ورخى ايدو عن معصمها بهدوء
طارق : تفضلي وروحي وين مابدك لارا خانوم
لارا بتهكم : مرسي روميو .. عن ازنك
فتلت حالها ومشت بخطوات سريعة ولحقتها رهف ولين
معاذ : شبها شو صرلا !!
معن : عن مين بتقصد بحبيبة قلبك !!!
مسح شعرو بقهر وغمغم بضيق : شو بعرفني… . وربي مجنونه هوائيه مافي براسها ذرة عقل
*╚══════ღღ══════╝
رهف : استني لارا وقفي… . اسمعيني شوي بس
كانت ماشيه بسرعه ودموعها بعرض وجهها… . ماعاد بدها تسمع حدا ولاتحكي مع حدا ازا كان حبيبها يلي اعترفتله بحبها وصديقتها المقربه يلي بتعتبرها اختها خانوها شو ناطره من البقيه
مسكتها رهف ولين وهنه بيلهثوا ووقفوها
لين : لك حاااج تركضي شوو. صرلك
لارا ببكا : اتركوووني مابدي احكي مع حدااا 😭
رهف : نتركك !! لا ماحزرتي نتركك وبدك تحكيلنا كل شي صار معك
لارا : شو بدي احكي… . احكي انه اللي حبيته من قلبي عم يخوني ومع مين مع اعز صديقاتي 💔
رهف بصدمه : قصدك مايا 😲
لارا : 😔
لين : انتي فاهمه غلط اكيد… . لك مافي شي من يلي براسك بنوب
لارا ب انهيار : لك بعيووووووني شفتهم وكان يوصيها اني مااعرف شي
اطلعوا لين ورهف ببعض واردفت رهف بحده : غبيه
لارا : اي انا غبيه كان لازم اعرف انها… .
رهف : اخرررسي مايا وطارق ماخانوكي…
لين : كلام رهف صح نحنا منعرف شو في بيناتهم وليش مابدهم تعرفي
لارا : بتعرفوا !!
رهف : اي بنعرف بس الموضوع مو متل مانك مفكره
لين : تعي معنا لنفهمك كلشي
*╚══════ღღ══════╝
واقف بقهر عم يدخن بشراهه كلامها الغبي واتهامها الباطل خلا النار تشعل بقلبه
معن : طارق مايا فاقت انا رايح شوفها بدك تجي معي
اطلع عليه بهدوء وهز راسه بالنفي
طارق : روح انت وطمني عليها
معن : ماشي
راح معن وبقي طارق مكانه عم يفكر بكلام لارا لحتى قطع تفكيرو رنة موبايلو
مسك الموبايل وفتح خط
طارق بجديه : ايه يا ابني شو صار معكم
المحقق : المتهم اعترف سيدي واعترف كمان انه كان السبب بالحريق اللي نشب ببيت الانسه لارا
طارق : انا جاي فورا
معاذ : شو في
طارق : الشخص اللي حاول يخطف لارا بالحفله اعترف بكل شي رايح شوف شو القصه
معاذ : استنى جاي معك
طارق : لا انت خد هي العينه وروح عالمختبر لتعيد فحص ال Dne واطلب منهم تحليل فوري
معاذ : تمام
*╚══════ღღ══════╝
لارا : يعني انا عندي اخت توأم وفعلا امي امينه وابي شوقي واخي معاذ،😲
حكت جملتها وهي مصدومه وانفاسها متسارعه… لترد عليها رهف بهدوء
رهف : بعدنا ما اتأكدنا من شي وناطرين نتيجة التحليل الجديده
لين : وقت شفتي مايا واقفه مع طارق وعم يحكوا عنك كانو عم يحكوا عن العينه ومابدهم تعرفي لحتى ماتنصدمتي ازا طلعت النتيجه سلبيه
رهف : ومايا وقت رمت حالها قدام الرصاص لحتى تحميكي وتحمي طارق وانا لو مكانها كنت عملت نفس الشي
لين : وانا كمان
لارا : بدي شوف مايا
رهف : قومي معنا لنطمن عليها كلنا
*╚══════ღღ══════╝
فتح باب غرفتها وطل براسه… كانت صاحيه وعيونها بتطلع بالفراغ قرب منها وهمس
معن : حمدلله عالسلامه مايا
التفتت عليه وابتسمت : الله يسلمك معن… طمني حدا صرلو شي
معن : لا الحمدلله الكل بخير والجاني تم القبض عليه
تنهدت براحه : الحمدلله
معن بتوتر : حاسه بوجع
مايا : شوي
معن : ريت الوجع لقلبي
مايا : بعيد الشر عنك
معن : مايا ممكن اسألك سؤال ❔
ابتسمت وردت بتلقائية : اي بحبك
ابتسم وقعد حدها ومسك ايديها : وانا بحبك مايا بحبك من لما شفتك اول مره
مايا : وليش ماحكيت
معن : بصراحه خفت
مايا : من شو
معن : خفت تصديني او يكون قلبكــ معلق بحدا
مايا : قلبي بعمرو مادق ولاعرف الحب الا بس شفتك معن
قرب منها وزاح خصلة شعرها عن وجهها : بحبك لاخر نفس مايا
بقي سرحان بعيونها وهي هيمانه بعيونه وبدون سابق إنذار نزل اكتر وغمض عيونو وهو حاسس ب انفاسها اختلطت ب انفاسه وطبع بوسة عشفايفها وبلحظة حب اتعمق بالقبله اكتر
عغفله فاتو البنات وشافوا المنظر
رهف : ولي 😲
لين : عم تتمعشقوا 🙈
لارا : شو حلوين 😍
بعد معن بسرعه واتلبكت مايا واحمرو خدودها
معن : احمم طيب بستئزن وازا احتجتي شي اتصلي عليي انا رايح عالقسم ..
هزت راسها وابتسمت وطلع معن هريبه من الغرفه 😂
رهف : الضاهر جينا بوقت غير مناسب
مايا بخجل : لللا عادي
لين : حمدلله عسلامتك ميمي
مايا : الله يسلمك حبيبتي
لارا : انتي بتحبي معن
مايا خجلت وهزت براسها ايه
لارا : تتهنوا يارب… . بالازن راجعه
طلعت لارا ورى معن وندهت عليه : معن معن
التفت معن بخجل وارف : اي لارا… بالنسبه للي،شفتيه احنا يعني
لارا : بالعكس انبسطلكم بس بدي اسألك سؤال ❔
معن : شو هو
لارا : انتو رحتوا لعند سميه
معن : ايه
لارا : وشو صار
حكالها معن شو صارر وكيف انتقلت سميه قبل متكفي كلامها كانت لارا عم تستمع ب اهتمام واخيرا حكت بصدمه
لارا : يعني سميه حكت انه في شخص حكا معها بخصوصي انا
معن : ايه وانك سارقه منه شي ضروري وبيهمه
سكتت لارا وهي عم تفكر هالشخص اكيد هو نفسه يلي بعتتها سميه تسرق بيته وبنفس اليوم انكمشت بس ليش سميه ماحكت عن الاتفاق اللي صار بينهم ومين المره يلي اخدتها لعندها وعمرها يوم معقول امها !! او يمكن حدا خطفها !!!
معن : بشو بتفكري
لارا : ولاشي
معن : انتي مو متزكره بيت الشخص اللي سرقتيه
لارا بقلبها : انا يلي متزكرته بس بالاول لازم روح عالمخزن وجيب اللاب توب والسديهات لاعرف مين بيكون
معن : وين بتشردي
لارا : معك معك : عم حاول اتزكر
معن : ازا اتزكرتي شي خبريني تمام
لارا : اوك
معن : صحيح ليش تصرفتي هيك مع طارق ومين قصدك حبيبة قلبه
لارا بلبكه : هههه كنت عم امزح 😜
معن : تمزحي… لك طارق جن جنونه بسبب هالمزحه
لارا : خلص رح اعتزر منه 🙈
رن موبايل معن ورد
معن : اي طارق… الحمد لله منيحه… والله يعني اعترف طيب انا جاي فورا
لارا عم تتسمع عالمكالمه وساكته وفجأه سكت معن واطلع فيها
معن : اي لا تشغل بالك هيه معي… . تمام يالله بشوفك
سكر الخط وحكا بخبث : يالله بدك شي
لارا : شو كان يقلك عني
معن : عنك !! ماحكى شي
لارا : لكن مين هيه يلي سأل عنها وقلتله انها معك 🔥
معن : ممممم ماعم بتزكر 🤔
لارا بغيض : اييييه طيب خليه براحته
معن : هههههه يامجنونه كان عم يسألني عنك
لارا : جد 😍
معن : اها
لارا : انت رايح لعندو
معن : ايه
لارا : سلم عليه وقله بتقلك لارا سامحها
معن : على شو
لارا : بعدين بتعرف انا رايحه اطمن على مايا
راحت وتركت معن بحيره
معن : شو قصدها ب انه يسامحها !!!!
*╚══════ღღ══════╝
بفيلا صغيره مطوقه بالحراسة كانت قاعده عم تشرب الشاي وتقرأ بالجريده
(( هجوم مسلح على فيلا الملياردير شوقي الاغا… ))
(( المجرمون حاولو اختطاف ابنة المليادير شوقي الاغا والتي ضهرت بعد ان فقدت لسنه كامله ))
(( هل للمافيا علاقه بالهجوم المسلح على فيلا الملياردير شوقي الاغا ))
(( السيد رعد يعلن انه سوف يقتص من الجناه وسيعلن قريبا موعد حفل زفافه على ابنة الملياردير شوقي الاغا ))
(( هدى الاغا بعد تعرضها للاختطاف ،،، لم يكتفوا بحرماني من اهلي سنه كامله… ويريدون تنفيذ خطتهم الشريره ))
(( الرائد طارق المحمد .. ماحدث بفيلا الاغا امس دليل على خوف المتورطين بمحاولة اغتيال الانسه هدى ويردون الخلاص منها كي لا يكتشف السر ))
(( القبض على احد المتورطين بجريمة اختطاف الانسه هدى الاغا ))
طوت الجريده ورمتها عالطاوله وتناولت كوب الشاي
نتالي : يعني هدى ما ماتت بهداك اليوم وابي كزب عليي وحابسني هون طول الوقت
حكت دقنها بتفكير : اكيد رعد الو ايد بالشي الي صار ..سكوت ابي عنه بعد ماعرف حقيقة اللي كان بينا مو مريحني… في شي مخبى ولازم اعرفه…
اطلعت حدها ناح بنتها الصغيره وهتفت بحزن
نتالي : ابوكي ماكان الك الاب الحنون ولا وفى بوعدو الي ولازم يدفع ثمن كلشي صار… سامحيني بنتي بوعدك رح كون الك الاب والام
اندق الباب وفاتت الخادمة
نتالي : شوفي كريمه
كريمه : جابر بيك هون وبدو يقابل حضرتك
ابتسمت ابتسامه جانبيه واردفت : خليه يفوت
هزت الخادمه راسها وطلعت لبرا وبعد دقيقه فات جابر لعندها
جابر : مسا الخير نتالي خانوم
نتالي : شو جابك ياجابر انت مابتجي لعندي الا تكون وراك مصيبه
بلع ريقه وحكا : بصراحه انا جاي لاخد ورد
نتالي : تاخد ورد !! لمين تاخدها
جابر : السيد صالح بدو ياها
نتالي : ايوا ابي حن اخيرا لحفيدته… بس شو سر هالطلب فجأه
جابر : رعد بدو بنتو
نتالي : شوووو… انت اكيد جنيت اي جنيت وابي كمان جن كيف بتتخيلو اني ممكن اعطي بنتي لهاد الحيوان
جابر : انا اسف ياخانوم بس هيك الاوامر وهلأ لو سمحتي جهزي الانسه ورد لاخدها معي
نتالي : اي على عيني رح جهزها تكه وبرجعلك
*╚══════ღღ══════╝
بعد مدة وصل معن عالقسم وفات لجوا بسرعه و علامات وجهه ما تبشر بالخير
شمر عن ساعديه وفات لغرفة التحقيق ولقي زلمة رعد مربط ووجهه مليان كدمات قرب منه بسرعة و لكمه بعنف.
معن : لك ياواطي رح اطلع بروحك
صرخ الرجل بألم ومسكه معن من قميصه و زمجر بحدة : مين اللي حاول يموتها انطق.
الرجل بخوف : يا باشا انا عبد مأمور وكان لازم انفذ الاوامر.
لكمه مره تانيه وصرخ بصوت عالي : هات من الاخر مين اللي امرك تعمل هالشي
الرجل : الرئيس الرئيس يا باشا.
طارق : أهدى يامعن واتركلي ياه شوي
معن : لك كيييف بدك ياني أهدى هالواطي واللي معه كانو رح يتسببوا بموت مايا وموتك وموت لارا
طارق : بعرف لهيك أهدى واتركلي ياه
قرب طارق ونزل ع مستوى الرجل وهتف
طارق : قلتلي شو اسمك
الرجل : ررضا اسمي رضا يابيك
طارق : اي يارضا .....والرئيس تبعك بدو يموتها بس لانها شاهدة ع الجريمة
رضا :
طارق شوف رضا .....الافضل تعترف بكل شي بتعرفه انت هيك هيك ميت صح.
رضا بتوتر : هو من الاول كان بدو يقتلها لانها شافت الجريمة بس...
طارق : بس شو
رضا ..امبيرحه سمعته بيحكي مع واحد..
ادهم : ايه وشو سمعت
سكت لبرهه وتردد يحكي فرجع لكمه عدة مرات بعنف لحتى صار الدم يتدفق من تمه وأنفه
صرخ بألم : بترجاك ارحمني خلص رح احكي كل شي
طارق بهدوء : ما كان من الاول يلا احكي
رضا : هو....هو الصراحة انا سمعتوا امبيرحه عن يحكي مع شخص و بيقلو ان هو لازم يقتلها لانها قريبته و رح تشكل خطر عليهم.
اطلع طارق بمعن بصدمة ورجع لورى خطوة قبض على ايده و تمتم : بتقربله !! كيف يعني بتقربله
بلش رضا يحس بالاختناق وضربات قلبه عم تضعف والعرق عم ينزل منه بكثره
رضا بخفوت : البنت بتكون بنت.....
معن : شبك ولا شو صرلك
جحضت عيون رضا وقطع النفس ... بعد ما اخد حبه اسمها جرعة الموت اول ماتم القبض عليه لأنه بيعرف أنه رعد مارح يتركه عايش بجميع الحالات
مسكه طارق من قميصه وهزو بقوه ... بنت مين ولاااا احكي احكي
مسكه معن وبعده عنه وحط ايدو ع رقبة رضا واطلع لطارق
معن : الرجال مات
طارق : مات : لك كيييف يموووووووت كيييييف
رجع هجم عليه وصار يهزو
طارق : قوووم قوووم قلي لارا بنت مين ومين هوه رئيسك
معن : حاج طارق عم قلك مااات
طارق : كل ماقرب من الحقيقه .. الحقيقه بتبعد عني ليش هيك عم بيصير معييي ليشششش
صار يضرب ويكسر كلشي حواليه وبهاللحظه فات معاذ وشاف طارق منهار ومعصب ومعن مو قادر يسيطر عليه بسرعه مسكه وقعده عالكرسي وثبته من كتافه
معاذ : شو في شبك طارق
طارق : مات
معاذ وهو بيطلع برضا بصدمه : شو !!!
طارق : كل ماقرب من الحقيقه برجع من البدايه انا تعبت
معاذ : أهدى طارق كلشي بلتقاله حل
معن : العصابه مفكرين لارا يلي شافت الجريمه وبدهم يخلصوا عليها
طارق : في سر ورى لارا ولازم أعرفه لو كلفني هالشي حياتي
///////*╚══════ღღ══════╝
كانت قاعده مع البنات عم تفكر وتحلل الأمور براسها
لارا بقلبها ... السي دي واللاب توب هنه هدف رعد ... انا لازم جيبهم بس كيف اكيد العصابه عم تراقبني وطارق كمان ... اففف ياربي ساعدني
رهف : بشو شارده لارا
لارا : اه .. لا ولاشي
لين : عم تكزبي لارا انتي مو على بعضك
لارا : بصراحه عم فكر بشي وبدي مساعدتكم
لين : شو هالشي ...
لارا : مافيي قلكم هلأ بس بدي مساعدتكم لاخلص من المراقبه وروح لبيت سميه
مايا : وشو بدك تروحي تعملي هناك
لارا : مافيي احكي لأتأكد
رهف : تتأكدي من شو
لارا : من شغله ... رح تساعدوني ولا لا
رهف : اكيد لعيونك
لين : نحنا ايد وحده
مايا : ياريت فيي روح معكم
لارا : مهمتك تغطي عغيابنا لحتى نرجع
مايا: اوك بس انتبهوا وارجعوا بسرعه لاتشغلوا بالي عليكم
لارا : ان شاء الله.. يالله صبايا
///////*╚══════ღღ══════╝
جابر : الو صالح بيك نتالي خانوم اخدت ورد وهربت
صالح بصراخ : كيف بتهرب منكم يا اغبياء روحوا دوروا عليها بسرررعه
جابر. : امرك معلم
////////*╚══════ღღ══════╝
طلعوا البنات من المشفى وركبوا بالسياره وفعلا كانو مراقبين
رهف : كيف رح نخلص من المراقبه
لارا هلأ بس نوصل للمول كل وحده منكم بتروح ع جهه وحده بتجيب باروكه بشعر ابيض ووحده بتجيب لبس ختايري ع مقاسي
رهف : وانتي وين رح تكوني
لارا : انا رح اخد لبس وفوت لغرفة الغيار واعمل حالي عم قيس التياب وبس اتجيبوا يلي طلبته منكم بتعطوني ياه وانا بعطيكم اللبس يلي اخترته وبترجعوا تتفرقوا وكل وحده تطلع من جهه وبس تركبوا بالسياره بترجعوا عالمشفى فورا
لين : وانتي ؟؟
لارا : رح اقضي مشوار وارجعلكم
رهف : لحالك !
لارا : اي
رهف : بالله شو مارح اسمحلك تروحي لحالك
لارا : بترجاكي رهف اسمعي الكلمه
رهف : بس يالارا افرضي انكشفتي وكان في حدا وراكي
لارا : لكن ليش انا بدي اتنكر
رهف بعدم رضا : امري لله ... مع اني مو مرتاحه ابدا
فاتوا البنات عالمول ومتل ماحكت لارا عملوا .. قدرت تبدل تيابها وتلبس باروكا وطلعت من المول وكأنها ختياره بالستين
من بعيد كان في عيون بيطلعوا فيها بصدمه وعم يراقبوها من ساعة ما فاتت عالمول
ليش هدى تنكرت !! ياترى لوين رايحه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق