رواية ضابط_واربع_بنات البارت الحادي عشر والثاني عشر والثالث عشر والاخير بقلم أمل أحمد سلوم حصريه وجديده على مدونة النجم المتوهج
 |
طلعت لارا بتاكسي على بيت سميه وقلبها عم يخفق من الرعبه وكل شوي تطلع من بلور السياره ازا كانت ملاحقه او لا
الشوفير كان عمبطلع فيها من مرايته ب استغراب : في شي مشكله خاله
لارا : اه لا مافي شي كمل طريقك ابني
ضحكت بسرها عحالها وكيف غيرت صوتها لختياره ومشت الحيله عالشوفير
وبعد مدة وصلت لارا عالحاره يلي ربيت فيها وطلبت من صاحب التاكسي يستناها لتتناول غرض وترجع
كانت ماشيه بخطوات حذره وبتطلع حواليها بحرص وكأنها بحصة تدريب من تدريبات طارق
وصلت اخيرا عالمخزن ولقيتو مسكر
لارا : يارب يكون المفتاح بعدو بمطرحوا
مدت ايدها بقوار الزريعه وابتسمت : الحمد لله موجود خليني جيب اللاب توب والسديهات وارجع بسرعه قبل ماحدا يشتلق عغيابي
فاتت عالمخزن بدون ماتشعل الاضويه لانها حافضه المكان عن ضهر قلب وبسرعه سحبت اللاب توب والسديهات وحطتهم بشنتتها الكبيره ومتل مافاتت طلعت وعالهدا رجعت للتاكسي
لارا : اطلاع ابني الله يرضى عليك
الشوفير : لوين اخدك خاله
لارا : لنفس المطرح اللي جينا منه ابني
قبل ما يحرك السياره انفتح الباب وفات حدا وقعد بحد لارا
لارا بخوف : مين انتي !!
الشوفير : معلش يا اختي معي طلب
نتالي : اطلع اخي انا مع الخاله
*╚══════ღღ══════╝
وبالمشفى كانو البنات قاعدين على اعصابهم وعم يتصفنوا ببعض
رهف : وبعدين وبعدددين والله طولت حكت ساعة زمن وبرجع
لين : طولي بالك رهف الغايب عزرو معو
رهف : لك انووووو والله رح جن ماكان لازم طاوعتها وتركتها تروح لوحدها انا الحق عليي المفروض رحت معها
مايا : يلي ماعم افهمه لارا شو الها شغل ببيت سميه
لين : ماقبلت تحكي شي وحكت بس ترجع بتفهمنا
رهف : الله يستر وتمرق هالليله على خير
مايا : شو رأيكم خبر معن
لين : لادخيلك معن فورا رح يخبر طارق وهداك مارح يصدق ويطالع جنانه علينا
مايا : يعني بدنا انتم قاعدين ومانعمل شي
لين : خلينا نستنى شوي وازا من هون لساعه مارجعت بتبلغي معن ليتصرف
مايا ; تمام
رهف بقلبها : لسه بدنا ننطر ساعه… اللہ يسوقك يالارا
*╚══════ღღ══════╝
بمنطقه بعيده عن العين كانت لارا واقفه بخوف وهي عم تشد عشنتتها
لارا : مين انتي وشو بدك مني
نتالي : ولو ياهدى ماعرفتيني
لارا : انتي بتعرفيني !!
نتالي : هههههه اشلحي هالباروكه شكلك بيضحك
لارا : سألتك مين انتي وشو بدك مني
نتالي : مابدك تاخدي تارك مني هدى
لارا بتعجب : تاري !! تار شو !! ليش انا وانتي منعرف بعضنا !!
نتالي : اطلعي من هالبواب… موضوع فقدان زاكرتك كله ماخرط مشطي
لارا بقلبها : هالبنت اكيد بتعرف هدى وجايه تعقد معها صفقه او تصفي حسابات قديمة
اخدت نفسها وحكت بثقه : يخرط مشطك او لا هالشي مابيعنيني عن ازنك
مدت نتالي ايدها ومنعتها تتحرك
نتالي : بعدني ما خلصت كلامي
لارا : وانا مو مستعده اوقف معك واتحزر شو بدك لاني فعلا مابعرفك ومابتزكرك لهيك يابتحكي بالالم نشرح او بعدي من طريقي
نتالي : الضاهر فعلا زاكرتك انعدمت والا كنتي خلصتي عليي فورا
لارا : ليش شو عامله معي لحتى خلص عليكي !
نتالي : انا يلي حاولت اقتلك
لارا بصدمه : شوووووو
*╚══════ღღ══════╝
وصل معن عالمشفى برفقة معاذ وطارق وفاتو لعند مايا
معن : مسا الخير… كيفكم صبايا
مايا : اهلين معن مممسا النور
اتلفتت رهف ولين عبعض بلبكه وردو بصوت واحد… مسا النور
معن : كيف صرتي هلأ
مايا : ااالححمدد للله منيحه… منيحه كتير
معاذ : حمدلله عسلامتك بجد انتي بنت شجاعه
لين : احممم 😡
معاذ : قصدي انتو مافي منكم صبايا
طارق : لارا مو هون
مايا : اه… واتلفتت ع رهف… لللااا مو هون راحت مشوار
طارق : مشوار !!! لوحدها !!
رهف ': اي هلأ بترجع
طلع لبرا وطلب واحد من الحراس،
طارق : لارا وينها
الحارس : من شوي كانت هي والصبيتين بالمول وبعدا رجعوا عالمشفى بس ماشفت الانسه لارا نزلت من السياره
طارق بغيض : لكن وين راحت
الحارس : احتمال تكون نزلت بالكراج لهيك ماشفناها يابيك
سكر طارق الخط ورجع عالغرفه
طارق : انتو طلعتوا مع لارا اليوم
رهف : اي رحنا شوي عالمول و رجعنا
طارق : ولارا رجعت معكم
رهف ':
طارق : ليش سكتي رهف… عم بسألك لارا رجعت معكم
رهف : لا 😔
معاذ : لكن وينا ؟؟
رهف : راحت تقضي مشوار وهلأ بترجع
مسح عشعرو بقهر وتمتم بعصبيه :
طارق : مشوار شوو هاد وليش انا ما معي خبر
مايا : عصبيتك هي مالا داعي .. لارا مو صغيره وبتعرف شو بتعمل…
لين : اي صح… هيه مو طفله ولا رح اتوه
رهف : هلأ بترجع لاتشغل بالك
صفق بصوت عالي ثلاث مرات
طارق : برافو برافو… فعلا لارا مو صغيره ولا رح اتوه وهلأ بترجع انا ليش لا شغل بالي شو علاقتي اصلا بعالم عم يتصرفوا من روسهم 😡
رهف : وانت ليش هيك معصب
طارق : لا ابدا وليش لحتى عصب… معقول لان المافيا رغم انهم عارفين انه انتي يلي شفتي الجريمه بس بدهم يقتلوا لارا .. اعتقد هالسبب تافه جدا مو
رهف بصدمه : شوووو شو عم تحكي انت معقول هالشي
طارق بجدية : اسمعي انتي وياها وياها… ازا صار ل لارا شي دمها برقبتكم ورح خليكم اتخوا بالحبوس عم تفهموا
رهف بخوف : لارا راحت لبيت سميه تجيب غرض مهم
طارق : لبيت سميه !!!!! وشو الها هناك
لين : والله حاولنا نعرف منها ليش بدها تروح لهناك ماقبلت تحكي
بدون مايزيد حرف تراجع بخطواته للخلف ولف جسمه وركض لبرا ولحقوه معن ومعاذ
لين بتبكي : يارب مايكون صاير معها شي ياااارب
*╚══════ღღ══════╝
كانت لارا بالسياره بحد نتالي وهي مغمضه عيونها ومو قادره تستوعب الشي يلي سمعته
لارا : وليش جايه تخبريني بهالشي هلأ
حكت جملتها وهي على وضعها وعيونها مغمضين لترد نتالي بحزن
نتالي : بعرف مارح تصدقيني او يمكن فات الأوان للندم بس انا فعلا ندمانه… وبدي تسامحيني
فتحت عيونها واطلعت فيها ببرود : بهالبساطه بدك سامحك نسيانه انك السبب باللي انا فيه هلأ
نتالي ب اسف : بعرف انه طلبي صعب ويمكن ماتسامحيني وانا مو جايه لحتى بري حالي وانفد انا فعلا تعبت تعبت من حالي ومن كل شي… لاني مريت بنفس تجربتك هدى
لارا : بنفس تجربتي !!
نتالي : انا كمان فقدت زاكرتي من لما كان عمري عشر سنوات… ماعم بتزكر الا صوت انفجار وصريخ مرعب وناس عم تحترق… بس ماعم اتزكر ولا اعرف مين هالناس وصرت شوفهم بكوابيسي على طول 😔
لارا : بس انتي مابعدتي عن اهلك ماتغربتي ولاتعزبتي ولا انئزيتي متلي…
نتالي : بعرف هالشي ورعد متل ما خدعني خدعك نحنا التنين ضحيه ياهدى
هدى : ما بعرف شو لازم قلك بس رعد خطيبي ورح نتزوج قريبا ويمكن كل كلامك كزب لتكرهيني فيه ويرجعلك
نتالي : حتى لو قلتلك اني بعرف انك لارا مو هدى
انصدمت لارا وتوسعوا عيونها وحكت بلعثمه : انتي شو عم تخبصي ومين هي لارا
نتالي : السيديهات يلي معك رح توضحلك كلشي لارا… انا هدفي هلأ انتقم من رعد واحمي بنتي منه وانتي ب ايدك تساعديني
لارا : عن اي سديهات عم تحكي .. انا ما معي سديهات
نتالي : يلي سرقتيهم قبل 3 سنوات من بيت رعد و رحتي حبيتهم من شوي
لارا :
نتالي : انتي لازم تساعديني لحتى ننتقم من رعد هو دمرني وكان السبب بسجنك وخطف اختك عندو رهينه
لارا : اختي !!!!
نتالي : اي اختك هدى رهينه عندو… رعد وابوه متورطين ب اعمال وسخه ومتأكده الهم علاقه بالمافيا وللاسف ابي متورط معهم 😔
لارا : مين ابوكي
نتالي : صالح
لارا بصدمه : يلي قتل اهل طارق 😲
نتالي : انا مابعرف شي عن هالموضوع بس متأكده السر كله عند رعد وابوه والسديهات رح تبين كل الحقيقه لارا صدقيني نحنا لازم نحط ايدينا ب ايدين بعض
لارا : وشو بيخليني صدقك مو يمكن يكون هاد ملعوب منك ومتآمره مع رعد لتوقعيني متل ماوقعتي اختي
نتالي : لحتى تلاقي اختك وتضهر الحقيقه رح خلي ورد معك
لارا : مين ورد
نتالي : بنتي من رعد
لارا : بدك اتضحي ببنتك "!!!
نتالي : انا بضحي بعمري ولابضحي فيها… ورد هيه كل حياتي وازا بقيت معي رح ياخدوها مني لهيك مافيي امن عليها الا معك بترجاكي اقبلي وبوعدك ماتكوني خسرانه
لارا : وشو رح استفيد انا… احتمال يحاولوا يخلصوا عليي متل ماعملو وياخدو البنت
نتالي : رح تستفيدي… رح خبرك وين هدى
احتبست انفاس لارا وبلشت تتنفس بصعوبه بعمرها ماتخيلت بكون الها اخت وعيله بس ازا كانت هدى فعلا اختها ليش هيه عند سميه وشو وصلها الها وليش اهلها ماسألو عنها طول هالسنين ولاحتى جابو سيرتها او انه في لهدى اخت توأم !!!!؟؟؟؟
لارا : هدى مو اختي لا يغرك الشبه اللي بينا
نتالي : هدى اختك يالارا
لارا : عم قلك موووو اختي مو اختي
نتالي : متل مابدك بس الايام رح تثبتلك صحة كلامي
لارا :
نتالي : وهلأ شو قلتي رح تساعديني
لارا : خليني فكر بالاول
نتالي : تمام رح وصلك عالبيت… . وناطره منك خبر… هاد رقمي لما تقرري اتصلي فيي
لارا : طيب
نتالي : لارا
لارا : نعم
نتالي : ازا صرلي شي وصاتك ورد
سكتت لارا وماحسنت ترد كلشي عم بيصير متل الكابوس ومو قادره تصحى منه
*╚══════ღღ══════╝
معاذ : دورنا عليها بكل مكان وين بدها تكون راحت
معن : خايف تكون انخطفت لازم تتصرف بسرعه
معاذ : شبك طارق ليش ساكت
طارق : مافي شي..
معاذ : عم تفكر بلارا وكلام السجين رضا ماهيك
طارق : بكزب عليك ازا قلت لا… بس يلي شاغلي بالي وشالش تفكيري لارا شو الها ببيت سميه ليش رجعت هناك
معن بقلبه : لهيك طلبت مني احكي لطارق انه يسامحها !!! ياترى اخبرو ولا لا !!
قطع حديثهم اتصال امينه لمعاذ يلي فتح الخط بسرعه
معاذ : اهلين امي ..
امينه : ليش اتأخرت بالرجعه ابني
معاذ بلبكه : ابدا سهران مع الشباب بشغل
امينه : طيب حبيبي بس لاتنسى تاخد للصبايا عشا شنو اختك نسيت تاخدلهم عشا
سكت شوي وكأنه عم يترجم كلامها بعقله
معاذ : هي هدى بالبيت !!
امينه : اي وصلت من شوي وجايبه معها ضيفه حلوه كتير
معاذ : مين هالضيفه
امنيه : سألتها حكتلي بنت قريبة مايا…
معاذ : نحنا ناقصنا
امينه : هيه طفله صغيره مو صبيه لحتى تنزعج منها
معاذ : اي ماشي امي انتبهي عحالك وعضيفتنا الكريمه… بشوفك
سكر الخط وحكا بمسخره : هي لارا بالبيت والهيئه جايبه معها طفله من بيت سميه
معن : طفله !!
طارق : مين هالطفله
معاذ : هي فهمت امي انها بنت قريبة مايا بس طبعا الشغله واضحه هي راحت هالمشوار كرمال تجيب هالبنت يمكن تكون بنت وحده من يلي كانو عند سميه
معن : تفسير منطقي… وبس عرفت انها سميه ماتت راحت جابتها
طارق : مو قلتلكم هالبنت طايشه وهوائيه
معاذ : لاتحكي عاختي هيك ولا 😡
طارق بقلبه : جايبتلي بنت جديده انا فيكم الاربعه ومو قادر حك راسي لا وكملت معي والله
*╚══════ღღ══════╝
مايا : اي لارا شو صار معك… . شو… قريبتي !! ماعم افهم عليكي… اي خلص خلص هي قريبتي فهمت لاتعصبي… ماشي يا روحي الله معك
رهف : انتي الك قرايب لي
مايا : تخيلي 😂
لين : عن مين كنتو عم تحكوا
مايا : جايبه طفله من بيت سميه وبدها احكي قدام امينه خانوم انها قريبتي
لين : يوه ومين هالبنت !!
رفعت كتافها ب استنكار : مابعرف ..
*╚══════ღღ══════╝
لارا : يوووه اخيرا نمتي… دخيل اللي خلق هالوجه ما احلاه
اطلعت فيها بحسره واردفت بحزن : انتي بدك ماما ماهيك… لاتخافي انا مارح احرمك منها بس خليني بالاول اطمن انه مافي ملعوب بكلام امك اتفقنا… لك يسلملي انا 😍
باستها وحطتها حدها عالتخت وقامت تأكدت انه الباب مسكر بالمفتاح وشيكت عالشبابيك والبرادي ورجعت مكانها شغلت اللاب توب وحطت سمعات بدينها
لارا : وهلأ لنشوف شو مخبي سيد رعد
بلشت تقلب بين الملفات وهي مو فاهمه شي،
حكت راسها ومطت شفايفها : هلأ انا شو افهم من هالارقام والرموز 🤔 معقول تكون شيفرات لشي معين 🤔
اتزكرت فجأه السي دي يلي كان مكتوب عليه خاص .. قلبت بين السديهات لحتى لقيته
لارا : خاص… ايه لنشوف شو هوي الخاص
شغلت السي دي وبلشت تنعرض قدامها صور مرعبه لجثث ناس،مقتولين ومحروقين وكل صوره عندها ملف 📎 خاص باسم الضحيه وتاريخ القتل وليش انقتل
حطت ايدها عتمها وشهقت من الصدمه كانت المناظر كتير بشعه ومو قادره تكفي فرجه… مدت ايدها لتطفي اللاب توب واستوقفها اسم طارق المحمد
رجعت اللاب توب لحضنها وفتحت عالملف وبلشت تقرأ ودموعها عم تنزل عخدها شلال
لارا : هدول عيلة طارق .. المافيا هيه يلي صفتهم !! بس هو حكالي انه اخته كمان انقتلت وينا صورة اخته ليش مو موجوده بالملف !!
بقيت طول الليل تقرأ وتجمع معلومات عرفت كتير امور عن المافيا وانه رعد وابوه وصالح متورطين ب اعمال قذره ووسخه بداية من تجارة المخدرات لحتى القتل
سكرت اللاب توب وخبته بين تيابها اما السي دي فقررت تخبيه بمكان مابيخطر عبال بشر
لارا : طلع كلامك صح يانتالي هلأ لازم لاقي طريقه اعرف وين مخبيين هدى وبهيك رح اوصل للرئيس تبعهم واكشف هالعصابه الحقيره
تنهدت بغصه وهي بتفكر بطارق
لارا : انا زعلته مني وظلمته هو خايف عليي وانا بغبائي عاملته بقسوه احسن شي دقله واعتزر منه وخبرو بالشي اللي عرفته
لارا : اتصل ولا ما اتصل ... لا لا ما رح اتصل
افففف ليش لا رح اتصل
بلكي ادايق
اي وينسطح رح اتصل واللي بدو يصير يصير
*╚══════ღღ══════╝
مسكت موبايلها وطلبت رقمه واستنت الرد رن رن وفتح الخط ووصلها صوتو الدبلان من النعس
لارا : فيقتك
طارق : مو مشكله .. خير في شي !! انتي منيحه
لارا : لا مافي شي.. حبيت اسمع صوتك
اطلع الساعه لقاها اربعه الفجر تجلس بتخته وهتف بإستغراب
طارق : حبيتي تسمعي صوتي الساعه اربعة الفجر !!
لارا : ايه شو فيها
طارق : لا ابدا مافيها شي. خصوصا من وحده مجنونه وكل شوي بعقل
لارا : بعرف اني زعلتك مني كتير بس انا معزوره شفتك واقف مع مايا وعم تقلها مابدي لارا تعرف باللي بينا شو بدك ياني ساوي
طارق : وانتي فسرتيها عكيفك
لارا : ايه طبعا وقت تخبي عليي شي متل هيك رح فسر عكيفي
طارق : اي طيب متل مابدك.. ممكن نام لانه عندي دوام بكير
لارا بغيض : اي ممكن اساسا انا غلطانه لاني اتصلت فيك لراضيك
طارق : تراضيني !! ايمت راضيتيني
لارا : كل هاد ومو عاجبك
طارق : يارب صبرني
لارا : شو حكيت 😡
طارق : عم احكي انتي مافي منك بنوب
لارا : امممممم فكرت
طارق : دخيلك ماتفكري… . صحيح مين الطفلة يلي جبتيها معك وشو سبب روحتك لبيت سميه
تلعثمت لارا وماعرفت شو ترد : بعدين بفهمك كلشي
طارق : وليش مو هلأ
لارا : لانك نعسان وبدك تنام وعندك شغل بكير
طارق : ازا في شي مهم احكي عم اسمعك
لارا : اي في
طارق ب اهتمام : شو في !!
لارا : انا بحبك… .
حكت كلمتها وسكرت الخط ليبتسم طارق ويرجع يدقلها وترد عليه بصوت دبلان وكأنها كانت نايمه
لارا : الو مين معي
طارق : ع اساس نمتي متلا
لارا : يوه طارق اهلين شو مصحيك لهلأ
طارق : ابدا كانت في ناموسه عم تزن حد ادني وشكلي رح افعصها وموتها
لارا : انا ناموسه 😡
طارق : هههههه صحصحتي بشوف
لارا : اي صحصحت شو بدك ليش متصل
طارق : شو الشي المهم
لارا : حكيتلك
طارق : بس هيك
لارا : ليش في اهم من هيك
طارق : مجنونه هوائيه
لارا : رح اتظلك تقلي هوائيه لحتى طير من وجهك ليك انا بكرهك
طارق : وانا بحبك
سكر الخط بسرعة ورجعت لارا اتصلت
طارق بنعاس : الو
لارا : شو قلت
طارق : قلت الو
لارا : بلا غلازه شو قلت قبل ماتسكر
طارق : يعني ماسمعتي
لارا : هئه
طارق : اي بحبك يامجنونه بحبببببك
دبلت عيونها وتنهدت بهيام ومسكت خصله من شعرها وصارت تلعب فيها
لارا : شو تمنيت اسمعها
طارق : مو المهم نسمعها او نحكيها المهم نحس فيها
لارا : وانت حاسسها
طارق : للأسف
لارا : للأسف 😲
طارق : ههههههه وربي مجنونه… لك حاسسها بكل جوارحي
لارا : طب احكيها مره تانيه كرمالي
طارق : بحبك
لارا : 😍 كمان مره ماسمعت 😍
طارق : بحبك .. ابموت فيكي
بقيوا يقرقروا لحتى طلعت الشمس واضطر طارق بسكر لانه موعد دوامه اجا
نسيت لارا ليش اتصلت وشو كان بدها تخبرو حضنت مخدتها واستسلمت للنوم وهي ضامه احلامها الورديه وماعم تسمع الا صوت انفاسه المخمليه……
وفجأه هووووب وقعت عن التخت وصحيت من النوم بفزع مسكينه نامت وهي مو مقرره تتصل أو لأ 😂
لارا : كنت عم احلم 😶 يعني ماحكالي بحبك ولاتأخر عن شغله وهو بيحكي معي 😭
( فعلا هوائيه 😂 )
*╚══════ღღ══════╝
تاني يوم المسا كانت لارا حامله ورد وعم اطعميها .. فاتت عندها امها واتبسمت وقعدت حدها عطرف التخت
امينه : عقبال ماشوف ولادك يا روحي
لارا بخجل : تسلمي ماما
امينه : شو مو رايحه لعند مايا عالمشفى
لارا : لا مافيي اترك ورد واطلع
امينه : ازا على ورد ماتهكلي هم انا بدير بالي عليها
لارا بقلبها : وليش مادرتي بالك على بنتك
رسمت ابتسامه واردفت : لامعلش مابدي لبكك فيها واجمالا انا تعبانه ومابدي اطلع من البيت و بالنسبه لمايا .. رهف ولين عندها
امينه : ماشي حبيبتي متل مابدك
لارا : وينو بابا
امينه : ما بعرف حكا عندو مشوار مهم وطلع ورح يرجع عموعد العشا… بدك منه شي
هزت راسها بالنفي : لا ابدا عم بسأل بس
امينه : طيب حبيبتي ارتاحي شوي لحتى تروحي معي لبيت خالك عازمنا عالعشا
لارا : وشو سر هالعزومه
امينه : هههه لازم يكون في سر لحتى الاخ يعزم اخته… بس اعتقد بدو يحدد موعد عرسك انتي ورعد
انتفض جسمها وحست بلعيه لمجرد ذكر اسم رعد واتزكرت انها ورد بنته ومالازم يشوفها او يعرف انها عندها
لارا : من هون للمسا يخلق الله مالاتعلمون ازا كنت منيحه بروح معك ماما
امينه : طيب حبيبتي… لك صحيح بنت مين هالصغيره يعني بقصد وين امها ؟؟ وليش تاركيتها مع مايا
لارا : امها اضطرت تسافر يومين لتكفي علاج لهيك تركتها عند مايا ومتل مانك شايفه مايا مو قادره ادير بالها عليها قلت انا بهتم فيها
امينه : شكلك بتحبي الاطفال كتير
لارا : اي والله كتير واطلعت بورد… شوفي ما احلا هالوش سبحان اللي خلقه
امينه : اللہ يحميها كتير حلوه ومجزبه
لارا بخبث : ياريت الها اخت توأم تشاركها هالحلا ولا شو رأيك ماما
تلبكت امينه وتغيرت معالم وجهها : اه .. ايه فعلا معك حق… . يالله انا قايمه اخد شور وجهز حالي
لارا : اي ماما ونعيما سلف 💔
*╚══════ღღ══════╝
مرق اسبوع هادي وطلعت مايا من المشفى ورجعت عالفيلا
طلت نتيجة المختبر وهالمره كمان كانت سلبيه وزادت حيرة الكل
اما لارا كانت واثقه أنه في شي غلط ومن بعد نتيجة التحليل الصادمه بلشت تخطط كيف ممكن ترجع هدى وتكشف زعيم المافيا بدون ماحدا يتضرر
قررت تشتغل وحدها بدون ماتشارك حدا أو تعرضه للخطر هالحرب صارت حربها وهي الوحيده يلي بتعرف الحقيقه كامله
واخيرا اخدت قرارها واتصلت بنتالي وطلبت تشوفها بنفس المكان يلي تقابلو فيه اول مره بس هالمره نتالي حتكون متنكره لانهم مو ضامنين مين عم يراقبهم
لبست ولبست ورد ونزلت تتسحب عالدرج وطلعت من الفيلا عالهس ركبت سيارتها وانطلقت فيها بسرعه
رهف : شفتي يلي شفته
لين : لارا صرلا فتره متغيره وعلى طول شارده
مايا : خلونا نلحقها ونعرف لوين رايحه
رهف : بس انتي تعبانه
مايا : انا منيحه خلونا نتحرك بسرعه
طلعوا البنات بسرعه ولحقوا لارا وبمكان قريب
معاذ : لوين عم يتسحبوا هدول
معن : الله اعلم لشو عم يخططوا
طارق : مافي من وراهم الا وجع الراس ...
معاذ : شو نعمل هلأ
طارق بهدوء: خلينا نمشي وراهم ونعرف لوين رايحين
////////
وقفت سيارتها ونزلت منها وتوجهت لعند نتالي يلي كانت ناطريتها بسيارتها
اول ماشافتهم نزلت من سيارتها و ركضت عليهم وحضنت بنتها وهي بتبكي وتتنشوق
نتالي : ياروحي يا امي شو اشتقتلك واشتقت لريحتك
لارا : وهيه كمان اشتاقتلك
نتالي : مو عارفه كيف ردلك هالمعروف يالارا انتي حميتلي بنتي
لارا : ازا بدك تردي المعروف خبريني وين بلاقي هدى
نتالي : هدى موجوده ببيت رعد
لارا : انتي متأكده
نتالي : اي طبعا انا سمعت بابا وهو بيحكي مع رعد لحتى مايئزيها
لارا : وابوكي ليش ليخاف على هدى !!
نتالي : صدقيني مابعرف وهالشي محيرني حتى وقت ماحاولت اقتل هدى ابي يلي ساعدها وحبسني بالمخزن فتره طويله وكأني مو بنته
لارا : رح تكون الفوته على بيت رعد صعبه
نتالي : الفوته لبيت رعد مستحيله الفيلا كلا كاميرات مراقبه وحراس
لارا : انا لازم خلص هدى شو ماكلفني الأمر
نتالي : كيف رح تقدري تفوتي
لارا : ازا مافتت بصفتي بنت خاله بفوت بصفتي مرته
نتالي بصدمه : بدك تتزوجي رعد !!!!
لارا : قصدك بدي ضحي كرمال اختي الأمور كتير تعقدت وانا قربت اعرف من الرئيس تبعهم
نتالي : لا انا مارح اسمحلك تجازفي. هيك مجازفه والله ازا كشفك ليخلص عليكي
لارا : متل ماطارق لم شملي بعيلتي أنا بدي لم شمله مع عيلته
نتالي : شو دخل طارق بزواجك من رعد
لارا : يلي ببحب بيضحي نتالي
نتالي : بشو بدك تضحي واي عيله بدك تجمعيها مع طارق
لارا : انتي
نتالي : انا !! شبني انا !!!
لارا : انتي اختو لطارق يا نتالي ... طارق اخوكي من دمك ولحمك وصالح مو ابوكي
نتالي اختي !!!!
التفتو التنتين ليشوفوا طارق واقف وراهم وعيونه جاحضه !!!
#ضابط_واربع_بنات
#الجزء_الثاني_عشر
#بقلمي_امل_احمد_سلوم
*╚══════ღღ══════╝
كانت لارا قاعده وعيونها بالارض والكل مجتمع حواليها وبعيونهم الف علامة استفهام ؟؟!!
طارق : ليش ساكته لارا احكي كرمال الله الحكي يلي سمعته مزبوط
هزت راسها بالايجاب… بدون ماتحكي او ترفع راسها… مسكها من كتافها وصار يهزها بقوه ودموعوا بتنزل من عيونوا الداميه
طارق : ابووووس ايدك تحكي حاج تعزبيني لارا كيف نتالي هيه اختي كييييييييف لك انتي شو عم تحكي كيف بنت عدوي تكون اختي !!!
نتالي بدموع : لارا بترجاكي احكي احكي وريحينا كيف عرفتي انه طارق بيكون اخي
لارا : مافيي احكي شي هلأ
سحبها لعندو ومسكها بقوه وركز بعيونها
طارق : ليش مافيكي تحكي شو السر يلي مخبيتيه ومابدك حدا يعرفوا
صرخت لارا ب انهيار: مابقدر .. مااابقدر افهمني كرمال اللہ
نترها من ايدو بقوه واردف بصوت متحشرج : انتي وحده انانيه مابيهمك الا حالك… شايفتيني عم بتعزب وناطف قلبي لاسمع منك كلمه تريحني بس الضاهر عم تستمتعي وانتي شايفتيني بتعزب قدامك
لارا بتبكي : انا مو انانيه مو انانيه… انا خايفه عليك وخايفه على اختي 😭
معاذ بصدمه : اختك !!!
لارا : اي اختي هدى اختي يا معاذ هدى توأمي وانت اخي
معاذ : بس نتيجة التحليل
مسحت دمعتها ووقفت بثبات : انت عملت تحليل انسجه الي ولابي لهيك ماطلع في تطابق
معاذ : شو قصدك !!!
لارا : ازا بدك تتأكد اني اختك او لا اعمل تحليل جديد الي ولامي… لانه شوقي مو ابي مو ابي
فقد معاذ اعصابه وضرب لارا كف خلاها تترنح وتوقع ع الارض شهقوا البنات وكانو بدهم يدخلو ومنعهم معن
معاذ : بكل وقاحه عم اتتشكي ب اخلاق امي ياحقيره يانشاله ياخريجة الحبوس 😡
طارق بحده : معااااذ !!!
معن : معاذ اهدى مو هيك بتنحل الامور
معاذ : شو بدك ياني ساوي وهالحيوانه يلي لميناها من الشوارع وآويناها عم تشكك ب اخلاق امي
بكل هدوء مسحت الدم اللي سال من تمها واطلعت بمعاذ وعيونها كلهم دموع
لارا : انا مستحيل شكك ب امي يا معاذ وياريت فيي احكي لاريحك وارتاح ويرتاح الكل
طارق : لهي الدرجه الموضوع خطير
لارا : مافيي احكي شي لاطمن على هدى 😔
معاذ : ليش هدى وينها
اطلعت لارا ونتالي وسكتت
نتالي : هدى عند رعد
اطلع الكل بنتالي بصدمه وتقدم منها معاذ بخطوات بطيئة
معاذ : عيدي شو قلتي
نتالي : اي معاذ رعد ندل وهو يلي لعب بعقلي لاقتل هدى بيوم عيد ميلادي
شد على قبضته لحتى ابيضت ايدو وبرزت عروقه
معاذ : بدي اعرف كلشي نتالي
نتالي بشهقه : رررح خبرك
*╚══════ღღ══════╝
بمكان تاني كان قاعد بغرفته وقدامه اللاب توب عم يشتغل عليه لحتى استوقفه رنة موبايله
مسك الموبايل وابتسم بخبث ورد
رعد : اخيرا شغلتي تليفونك
نتالي : انا موافقه سلمك ورد
اتعدل رعد بقعدته واردف ب اهتمام : عنجد ؟؟ وشو خلاكي تغيري رأيك
نتالي : انا بعرف انها هدى عايشه وهي موجوده عندك انا بدي دفعها تمن كلشي صار معي بسببها انحرمت منك وابي غضبان عليي
حك دقنه بتفكير : بدك تخلصي عليها
نتالي : لا… بدي زل عيلة الآغا وصور هدى بوضع غير لائق وافضحها
رعد : اوف لهي الدرجه حاقده عليها
نتالي : واكتر… النار اللي بقلبي مارح تنطفي لشوف عيلة الاغا روسهم بالارض
رعد : يعني عم تساوميني بورد مقابل هدى
نتالي : اي… بالاول والاخر ورد بنتك و مستحيل تأزيها
رعد : تعي لعندي عالفيلا بس اي حركة غدر حدفعك التمن غالي
نتالي : ماشي مشوار الطريق بكون عندك
سكرت الخط واطلعت بمعاذ : صدقت
وقع معاذ ع ركبه وحط ايديه عراسه : رعد ورى كل شي ماعم صدق طيب ليشششش ليشششش
نتالي : ليش .. الجواب بتلاقيه عند لارا
وقف معاذ ومسك لارا : لارا شو بتعرفي خبريني هلأ
لارا :
طارق : ازا ناويه تتصرفي لوحدك وتشتغلي من راسك فبحب طمنك انتي من هلأ رهن الاعتقال
لارا :
مايا : وانا من رأيك طارق…
رهف : نحنا فاهمين شو عم يدور براسك ومارح نسمحلك تضحي بنفسك
لين : نحنا فريق وايد وحده مو هيك علمنا طارق
بقيت لارا ساكته وقرب منها معاذ وحضنها ونزلت دموعه بغزاره
معاذ : ازا الي خاطر عندك يا اختي احكي وريحينا احكي يلي بتعرفيه لحتى نقدر نتصرف
معن : ايد وحده مابتصفق يالارا
لارا : مارح احكي شي رح خليكم تشوفوا بعيونكم وتسمعوا ب ادانيكم بس بالاول اطمن انها اختي صارت بخير
طارق : لكن خلينا نحط خطه فورا لتبلش نتالي استدراج رعد
*╚══════ღღ══════╝
لغرفه معزولة فات رعد وشعل الضو وقرب بخطوات بطيئة وهو راسم ابتسامه جانبيه عثغرو
قرب اكتر لعند التخت المعدني يلي بزاوية الغرفه وحط ايديه بجيابه وحكا بخبث ولؤم
رعد : كيفك بنت عمتي بتمنى تكون الزياره عنا عاحبتك
رفعت ايدها قدام عيونها لتحجب الضو المتسلط عليها
هدى : شو بدك رعد انا ماعاد فيي ابقى هون اكتر من هيك طالعني احسلك والا رح تدفع التمن غالي
رعد بضحكه عاليه : هههههه ومين بدو يدفعني التمن انتي ولا اختك يلي بكل بساطه اخدت مكانك بدل ماتحكي انها مو انتي راحت عاشت الدور لتنعم بالعز والجاه وتورت كلشي لنفسها
هدى بصدمه : لارا وصلت للقصر 😲
رعد : ايه وعم يعرفوا عليها انها بنتهم هدى تصوري
هدى : وامي كيف وافقت !! مستحيل تقدر تخدع امي
رعد : لاتكوني كتير متأكده يا روحي واعتقد شفتي بعينك وقت رحتي لعند لارا شو صار
سكتت هدى ورجعت بزاكرتها لورى
فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥
صالح : انا عطيتك حريتك بشرط ماترجعي عند اهلك قبل خمس سنوات وازا رجعتي قبل هيك صدقيني رح تندمي
هدى : ليش خمس سنوات
صالح : محتاج وقت لاصلح كتير امور وجودك رح يعقد كلشي وانا مابدي تنئزي
هدى : انت ليش مهتم لامري لهي الدرجه . ليش حميتني من بنتك !!
صالح : رح تعرفي بالوقت المناسب هدى… هلأ اهربي من هون لاني مافيي لاحميكي اكتر روحي لهاد العنوان وهناك رح تقابلي بنت اسمها لارا
هدى : مين لارا
صالح : بس تشوفيها بتعرفي… بس المهم تمثلي قدامها انك فاقده الزاكره وهي بس تشوفك رح تعرفك بتاخديها وبتهربوا لمدة خمس سنوات
هدى : انا ماعم افهم شي مين لارا وليش امثل اني فاقده الزاكره
صالح : لحتى ماتطري تجاوبي على اي سؤال ❔ وهلأ تحركي بسرعه وديري بالك على حالك
طلعت هدى من عند صالح بقيت تركض وتركض بدون وجهه الخوف مالي قلبها ومابتعرف وين تروح بحالها لتخلص من اللي عم يطاردوها
وبعد يومين وصلت للعنوان اللي عطاها ياه صالح قربت بخوف ودقت ع الباب وطلعتها وحده
هدى : مرحبا ممكن كاسة مي
… مين انتي
هدى بحزن : بصراحه انا ماعم اتزكر مين انا
… . ايوا طيب فوتي حبيبتي
فاتت هدى وقعدت عم تتلفت حواليها بخوف
هدى : معلش ممكن اعرف شو اسمك
اسمي لارا
نقز قلب هدى وهي بتطلع بوجه البنت يلي قبالها
انتي جايه من طرف صالح بيك ماهيك
هدى بذعر : كيف عرفتي 😲… قصدي مممماعم اتزكر
ابتسمت البنت بخبث وقامت عملت شاي وجابته
تفضلي ياروحي صالح بيك حكالي عنك وقلي رح تجي لعندك بنت اسمها هدى بدي تريحيها عالاخر 😈
هدى : تريحيني !! كيف يعني تريحيني
هههه رح تعرفي بعدين . بس تصير ثروة شوقي بيك كلها بين ايدي
هدى : انتي شو عم تحكي اااه راسي شو حطيتي بالشاي
بلشت هدى تحس بدوار ووقعت مغمى عليها ولما فاقت لقيت نفسها بهالمكان… فتحت عيونها بتعب وهتفت
هدى : وين انا
رعد : حمدلله عالسلامه اخيرا فقتي
هدى : انت 😲 !!!
رعد : اي ياروحي انا هون بحدك
لاتخافي
هدى : كيف اجيت لهون
رعد : من لما طلعتي من عند صالح وانا لاحقك وبس شفتك دخلتي هداك البيت جن جنوني وبدون وعي بلغت الشرطة وقبضوا عالحيوانه يلي كانت بدها تقتلك لتستولي عكل شي
هدى : قصدك لارا…
رعد بهدوء : الظاهر ماتعرفتي على اختك
هدى : اختي !!!
رعد : اها لارا بتكون اختك
هدى : مستحيل
رعد : شوفي بعينك هي شهادة ميلادك وشهادة ميلادها متل ما انتي هدى شوقي الاغا هيه لارا شوقي الاغا
هدى بصدمه : مستحيل مستحيل هالانسانه تكون اختي… طالعني من هوووون انا لازم احمي اهلي منها
رعد : اهدي ياروحي انا جيتك لهون لاحميكي منها ومن صالح
هدى : ماعم صدق كيف هيك انسانه بتكون اختي كييييييف
رعد : وانا متلك استغربت واكيد في وراها سر بس المهم هلأ تختفي فتره لنشوف شو رح يصير بعدين
™̸̮بَََّـْْْـْْْbackـََْْـَّْْآَّڪَْْ∂⌣̶♥
رعد : شو وين سرحتي
هدى : طالعني من هون بدي خلص عليها ب ايدي التنتين 😡
رعد : 😈
*╚══════ღღ══════╝
وصلت نتالي عالفيلا وهي حامله ورد بين ايديها وندهت بصوت عالي : رررعد ررررعد
رعد : اهلا وسهلا نتالي خانوم نورتي
اطلعت نتالي لفوق وشافت رعد واقف ب اخر الدرج تقدمت بسرعه واردفت بجديه : وينها
رعد : مين هيه
نتالي : لاتجدبا عليي رعد وين هدى
رعد ب استغراب : شبك يا روحي عم تخربطي هدى ماتت وشبعت موت وعلى ايدك كمان
نتالي : هيك لكن ضحكت عليي لاجي عندك ب اجريي
رعد وهو عم ينزل الدرج ببطئ ويشمر عن ساعده
الفرق بيناتنا ياروحي اني دايما سابقك بخطوه… وهلأ هاتي البنت
نتالي : مارح تاخدها الا على جثتي ياندل
فتلت حالها لتهرب منه ومسكها من شعرها ومسك ورد وصار يسحبها من حضن انها بالقوه
الطفله عم تبكي بين امها وابوها والتنين عم يشدو فيها . حست نتالي بغصه على بنتها وتركتها ليسحبها رعد منها ويوقف بعيد عنها
رعد : لا لا ماتبكي يابابا انتي هلأ مع بابا يلي رح يحميكي
نتالي بتبكي :نحنا بينا اتفاق ليش هيك عملت ليش
رعد بهدوء : انا مابتفق مع حدا بنتي ورجعت لحضني وهلأ قولي باي باي لورد وروحي لجهنم بلكي قابلتي امك وابوكي
نتالي بصدمه : امي وابي !!
رعد : هههههه موتهم ماكلف ابي كتير متل ماحرموا ابي من بنته هو حرمه من الحياه وخلاكي تعيش بذاكره معدومه منبوذه
نتالي : انا ماعم افهم عليك انت بقصد انه صالح مو ابي
رعد بمسخره : صالح ههههههه صالح اغبى مخلوق على وجه الارض برساله وحده صدق انها مرته خاينه وزتها بالطريق وهي حامل ولما صحي عحاله وندم راح يرجعها بس ابي سبقه وخطفله وحده من بناته وزتها عند مره مابتخاف الله والتانيه بقيت عايشه واتسجلت بالنفوذ هدى شوقي الآغا
جمد الدم بعروق نتالي وتوسعوا عيونها من الصدمه
نتالي : هدى ولارا بنات صالح وووانا بببنت موسى المحمد واخي بيكون طارق !!!
رعد : ياعيني عليكي ليكك لليوم بتلقطيها عالطاير
نتالي : وليش هيك عملت انت وابوك شو استفدتو من تفريق العيلتين
رعد : هالشي اكبر من انك تستوعبيه وهلأ بعد ماعرفتي مين اهلك وكشفتي السر مضطر الحقك فيهم
سحب مسدسه وسلطه على نتالي اللي كانت واقفة مكانها مذعوره وقبل مايضغط عالزناد تلقى طلقه بنص راسه ووقع الارض ميت
ركضت نتالي عليه وحملت بنتها وقلبها عم يخفق بشدة تلفتت وراها شافت طارق ومعاذ ومعن والبنات الاربعه كلهم موجودين والصدمه على وجوهم
وقفت وعيونها مسلطين على طارق وصارت تقرب منه بخطوات بطيئة وهو يقرب منها ودموعهم عم تنهمر بغزاره
نتالي : انت اخي . . انت اخي ياطارق
رد طارق بصوت مخنوق من بين دموعه : ماعم صدق اني شايفك قدامي يا اختي
نتالي : ااااخ يااااخييييييي 😭
رمت حالها بحضنه وانفجرت بالبكي وصار الكل يبكي الا معاذ كان حاسس بنار وشاعله بقلبه وبدو بأي طريقه يشوف امه ويواجهها بالحقيقه ليرتاح
رهف : مو وقت الدموع هلأ خلونا ندور على هدى بسرعه
مايا : اكيد حابسها هون خلونا ندور عليها لناخدها معها
بلش الكل يدور على هدى بدون فايده ماخلو غرفه ولاقرنه الا فتشوا فيها واخيرا صرخ معن : تعوووو لهون بسرعه
راحوا الكل لعند معن وانصدموا بس شافوا الغرفه يلي فيها تخت هدى الحديدي والحبال مرميه ع الارض
قرب معاذ يطلع حواليه بذهول ووقع عركبه بحد الحبال ومسكهم بين ايديه بقوه
معاذ : هون كان حابسها ابن الحرام لك ااااخ يا اختي ووووينك
نزل لعندو معن وطارق ووقفوه
معن ; مو وقت البكي والنواح خلينا ندور عليها
معاذ : لك وين بدنا ندووور ووووين
طارق : معقول تكون هربت ورجعت عالفيلا ؟؟
سكت معاذ شوي واطلع بلارا بحقد وهجم عليها
معاذ : كلوووووو منك كلوووو منك
هجم عليه طارق ولكمه بوجهو وصرخ بحده : انت مجنون لارا متلا متل هدى ونتالي هنه ضحية
معاذ : لك ماااعم اقدر استوعب كيف يعني هدى ولارا بنات صالح
معن : هالشي ماحدا بيقدر يجاوبك عليه الا امك
طارق : خلونا نروح عالفيلا فورا
*╚══════ღღ══════╝
وبالفيلا عند امينه كانت قاعده هيه وابو معاذ واخوها جودت (ابو رعد ) بالصاله وفجأه فاتت لارا وعيونها محمرين
امينه : اهلين حبيبتي شبك ليش هيك عيونك محمرين
لارا : مافي شي ماما تعبانه شوي
ابو معاذ : تعبانه !!! بتحبي اخدك عالدكتور حبيبتي
هزت لارا راسها بالنفي واشرت ب اصبعها ناح قلبها
لارا : الدكتور مارح يعرف يداوي هاد ابي
جودت : شبك خالو عم تحكي بالالغاز ليكون متخانقه انتي ورعد
اطلعت لارا بجودت بقرف وحكت بنبره هاديه : خالو !! انت متأكد انك خالي
جودت : !!!
امينه : شو هالحكي هدى شو صرلك
لارا : هدى !!! بعدك متزكره انه الك بنت اسمها هدى امينه خانوم
رفعت ايدها بوجههم لتبان علامة حرق بكفها وانتفض جودت من مكانه
لارا : بشو بتزكرك هي ياخالو
جودت وهو عم يبلع ريقه : ااانتي فعلا هدى
هدى : اي انا هدى… هدى يلي تآمرت عليها انت وصالح لحتى تقتلوها هدى يلي حتى امها تخلت عنها وبدلتها بوحده تانيه
امينه بتبكي : هدى بنتي… سامحيني
هدى : سامحك !! على شو ؟؟ عنكرانك الي ولا لانك ممكن تكوني متورطه معهم ومتآمره عليي ولايمكن ماعرفتي انه هالدخيله مو انا
امينه : لا بنتي كنت بعرف من اول يوم انها مو انتي 😔 انتي الك وحمه بضهرك ولارا ما الها وحمه هالشي عرفته من اول يوم بس وقت شفت ابوكي والبيت كله فرح برجعتك ماقدرت احكي
وليش ماقدرتي تحكي امي
تلفتت امينه ناح الصوت وشافت معاذ واقف عالباب وعيونه عم يفيض منها الشرار
امينه : معاذ !!
معاذ : اي امي معاذ شو مابدك اعرف الحقيقه ولا ناويه تخبي عني كل عمري انه عندي اختين توأم مو اخت
ابو معاذ بصدمه : اختين توأم !!!!
معاذ : اي ابي هدى ولارا خواتي بس……… .. انت مو ابوهم
امينه : 😔
ابو معاذ : 😲
هدى : 😲
*╚══════ღღ══════╝
وقف ابو معاذ قدام امينه وعيونه جاحضه وشفايفه عم ترجف
ابو معاذ : الكلام يلي حكاه معاذ مزبوط يا امينه !!
امينه :
مسك ايدها وصرخ فيها : ررردي علييي هدى عندها اخت توأم
امينه بحده : هاد يلي استنتجه من كلام معاذ انه هدى عندها اخت توأم مو مهم مين ابوهم صح
ابو معاذ
نترت ايدو بقوه واردفت بعصبيه : اي هدى عندها اخت توأم وكان اتفاقي مع صالح ليقبل اخد هدى انه ياخد لارا
ابو معاذ : وليش انا مابعرف بهالحكي
امينه : وليش لحتى تعرف… بدك تصفيهم متل ماعملت بعيلة طارق
معاذ : !!!!!!!!
حس ابو معاذ ب اختناق وماعرف شو يرد على امينه اطلع بخوف ناح معاذ يلي كان واقف ومصدوم ووراه طارق ومعن والبنات
شد طارق على قبضته لبرزت عروقه واثار الصدمه عليه كانت واضحه
طارق : انت يلي قتلت عيلتي
ابو معاذ : هي وحده خرفانه مو عارفه شو عم تحكي
امينه مو خرفانه يا شوقي
اتلفت الكل وراهم وانصدموا بصالح واقف ومعه نتالي يلي اول ماعرفت الحقيقه راحت لعندو وواجهته وماقبل يعترف بشي الا قدام الكل
امينه : صالح !!!!
تقدم صالح بخطوات بطيئة وعيون الكل مسلطه عليه ووقف قدام ابو معاذ وجودت
صالح : مجتمعين عند النبي يارب… انتو وين ماتكونوا بتكون في مصيبه
ابو معاذ بعصبيه : انت شو جابك لبيتي يا كلب اطلاع لبرا
هز راسه بهدوء وتمتم بسخريه : هيك بتستقبل ضيوفك يا اغا عالعموم انا مابيشرفني اقعد ببيت واحد متلك .. بس بما انه انكشف المستور فصار لازم نحط النقط على الحروف ولا شو رأيك ابو رعد
جودت : انا مممابعرف عن شو عم تحكي
صالح : لاا هيك بزعل منك مو انت الايد اليمين لزعيم المافيا
جودت بلع ريقه وبلش يحلل كرافته بضيق : مافيا !! انت جنيت ياصالح
صالح : انا اليوم بس رجعلي عقلي والفضل كله ل بنتي لارا
لارا :
صالح : طارق… انت صرلك عشرين سنة بطاردني لتاخد تارك مني وانا ولا مره فكرت ائزيك او ابعتلك رجالي يخلصوا عليك رغم اني مو عجزان عنك ..
التزم طارق بالصمت ليكمل صالح كلامه ويستمع الكل اله
صالح. : قبل 26 سنه ابوك الله يرحمه انقذ بنتي لارا من الموت وخطفها من حضن امها ليحميها مني لاني كنت حالف الا احرق قلب امينه عاولادها متل ماحرقتلي قلبي
ماكنت بعرف انه في قيقان سود عم تنخر بحياتنا لمصالحها الشخصيه ووقعت بالغلط وصدقت انها امينه خانتني
بعد ولادتها عرفت انها جابت بنت رحت لاخلص عليها واحرق قلبها لكني ماقدرت اقتل بنتي وطلبت من امينه تعطيني البنت لاطلع من حياتها للابد
وفعلا اعطتني البنت وهي عمرها يوم واحد اخدتها لمكان بعيد وكنت بثورة غضب عارمة وقبل ما اقتلها تراجعت… حضنتها وبكيت بحسره وماحسيت الا بضربه قويه على راسي افقدتني الوعي لتاني نهار
اخد نفس طويل ليهدي نفسه وتابع سرد قصته
تاني نهار لما وعيت مالقيت البنت عندي جن جنوني وكنت ناوي اجي طربق الدنيا عراس امينه اللي رفضت ترجعلي بعد ماشككت فيها وب اخلاقها وهالشي من حقها
وقبل ما اوصل لعندها وقفني ابوك صديق عمري وصهري
طارق : صهرك !!!!!!!
صالح : اي امك اختي… . ومن بعد ماهداني موسى عرفت منه انه هوي يلي ضربني على راسي واختي حياة اخدت البنت وحطتها عند وحده اسمها سميه
كان العرق عم يتجمع على جبين طارق وانفاسه عم تعلا وتنزل وهو مركز بكل حواسه بكلام صالح
صالح : بعد سنه اتزوج شوقي من امينه بالاكراه طبعا السيد جودت جبرها تتزوجه لحتى يكون زيتهم بدقيقهم هنه شراكه بكل شي ليش مايكونو شراكه بالنسب
بهالوقت كترت عصابات المافيا والمخدرات وشكلت اكبر عصابه بالبلد والزعيم تبعهم ماكان يضهر ابدا
موسى كان متلك بيوم ضابط شرطه وحاول يلقي القبض عليهم لكنهم صفوه بدم بارد قدام بنته يلي شافت ابوها وامها عم يحترقوا قدام عيونها
حاولوا يخلصوا عليها وهاجموها وضربوها عراسها ضربه قويه افقدتها جزء من زاكرتا ويمكن هالشي كان من حسن حظي وحظها لاخدها عندي وربيها على انها بنتي
نتالي : 😢
هدى : لهيك كنت تحميني !!
صالح : تمنيت قلك انك بنتي واني ابوكي لكن جودت وشوقي كانو اسرع مني وقبل ما اعرف الحقيقه كنتي مخطوبه لرعد يلي كان وسخ متلهم
هدى : وليش ما طالبت فيي !!
صالح : لاني ماكنت متأكد ازا انتي بنتي او لأ… يلي متأكد منه انها لارا بنتي وكان لازم دور عليها ولاقيها و الرائد طارق ليوصل لنتالي اضهر لارا بشخصية هدى
اطلعت هدى بعيون لارا الباكيه وهتفت بصدمه : يعني انتي كنتي بتعرفي كلشي !!
لارا : ايه وعندي دليل يثبت كلام ابي صالح
طارق : شو هو الدليل !!
مدت ايدها تحت بلطلونها وطالت السي دي ورفعته بوجهم :
بهاد السي دي موجود كل اعمالهم الوسخه وتورطهم بالمافيا والمخدرات
معاذ بصراخ : كززززب كل كلاااامكم كزززب ابي مادخلو بشي
لارا : انا اسفه معاذ… بس ابوك بيكون زعيم المافيا
شهق بقوه وبحلق عيونو فيها وبعدا حول نظرو ناح والدو
معاذ : ااانت زعيم المافيا ابي !!!
بهاللحظه استغل جودت انشغال الكل بصدمتهم وسحب مسدسه ودفش امينه لتوقع ع الارض ويسندها معاذ ب ايديه وبلمح البصر مسك لين من زندها وفتلها عليهم وهو مسلط مسدسه براسها لتكون درع حمايه اله
جودت : وهلأ انتهت المسرحيه اصطفوا كلكم ورى بعض بسرعه
معاذ : اتركها ياندل
ابو معاذ : برافو عليك صهري خلص عليهم كلهم
معاذ : ابي !!!
هدى : 😲
ابو معاذ : بعالم المافيا بدك تشيل قلبك وتحط مطرحه حجر لك ابني… تمنيت تكون متل رعد… سندي وعزي بس طلعت هايف وبلا قيمه… واي حدا بشتغل ضدنا الموت مصيره ل كان ابني
معاذ : لو كنت متل رعد كان زمانك عم تترحم عليي
واطلع بجودت بشماته : نسيت عزيك ب ابنك قتلته ب ايدي هدول
جودت : شووو قتلت ابني يا كلب والله لاشرب من دمك
صدح صوت الرصاص بكل الفيلا وصرخت هدى ولارا : اخييييييييييييييييييي !!!!
#ضابط_واربع_بنات
#الجزء_الرابع_عشر_والاخير
#بقلمي_امل_احمد_سلوم
*╚══════ღღ══════╝
صرخت لارا تزامنا مع اصطدام سيارتها بالشاحنة و انقلابها عدة مرات....
وقف طارق سيارته و طلع وهو بيصرخ : لااااارااااا !!!
كل شي صار بدقيقتين و كأنه كابوس مرعب !!
وقفت سيارة معاذ ومعن و نزلوا الكل وعيونهم جاحضه وقلوبهم مرعوبه
مايا : لاااااااا لاررراااا
رهف : كرمااااال الله ساعدوهاااا لاارررررااااا
لين : لاراااااا لاتموتي لااااااا
وقفت هدى مصدومه وهيه شايفه منظر السياره مقلوبه والنار عم تشعل فيها
هدى : اختي ..!! لارا اختييييييييييي
اطلع طارق لسيارتها المقلوبة و ركض بسرعة هو ومعاذ ومعن ...تجمع الناس حولهم و الضجة عم تملأ المكان
معن : النار عم تشعل بالسياره
معاذ ب انهيار : اختييي كرماااال الله لاتموتي لاتموتي انا بحاجتك 😭
قرب طارق من السياره بسرعه وانصدم بس شافها بحالة يرثى لها والدم مغطي وجهها
اطلع حواليه بخوف وشاف البنزين عم يتسرب من تحت السياره حرك اجريه بخطوات سريعة وقرب منها بسرعة لكن معن مسكه. ومنعه من الاقتراب
معن: طارق السياره رح تنفجر ا.....
قاطعه طارق بصراخ مخيف : ابببببعد عني انا لازم انقذ لاااراااااا.
معن : رح تموتو تنيناتكم اهدى اااا
لكمه بوجهو بقوة وبعد عنه وبلش يحاول يفتح الباب
كانت لارا عالقة و وجهها كله مغطى بالدماء اطلع عليها برعب و تمتم بنبرة اشبه بالجنون : مارح اسمحلك تموتي لارا....انا رح انقذك او بنموت سوا
دخل ايديه للسيارة بصعوبة وحاول يطالعها عدة مرات لكنه ما قدر
ارتفع صوت الكل وهنه عم يصرخوا عليه لبيعد عن السياره قبل ماتنفجر لكنه ما اهتم....ماكان في شي شاغل باله بهديك اللحظه الا انه ينقذها !!!!
ركض معاذ ومعن وساعدوه بخلع الباب بسرعه
اخيرا قدر يحررها وطلعها من السيارة و حملها بين ايديه والكل عم يبعد بسرعه عن السياره يلي بأي لحظة حتنفجر
ركض فيها وهي مغمى عليها وفاقده الوعي تماما بين ذراعيه وكل جزء من جسمها عم ينزف من اثر الحادث الشنيع .....
هدى بصراخ : احكيلي انها عايشه ابوس ايدك
مارد عليها وحطها بسيارته وركبت معه نتالي وساق ب اقصى سرعه
كان طارق بحالة انهيار وفزع قلبه عم ينبض بقوة رهيبة و بمجرد ماتحرك بسيارته انفجرت سيارتها !!!
*╚══════ღღ══════╝
وبالمــــشفـــى
دخل طارق بسرعة وهو حامل لارا بين ايديه صرخ بالدكاترة : دكتوووووور بسرعه ارجوووووك رح تموت !!
قرب الدكاترة بسرعة ووحطوها على النقالة وفورا فوتوها لغرفة العمليات وقبل ان يفوت الدكتور مسكه طارق و حكا بنبرة رجاء : اعمل اي شي ابوس ايدك مابدي ياها تموت بترجاك
الدكتور : اتوكل ع الله ابني رح نعمل اللي نقدر عليه والباقي على رب العالمين ...
تركه وفات لغرفة العمليات واطلق طارق تنهيده قويه بحرارة واسى
استند على الحيط وهو مصدوم من الشي اللي صار
نتالي اطمن اخي ان شاء الله حتكون بخير
.... اطلع على ايده الملطخة بدمها وقبض عليها بقوة وهو بيحاول يتماسك....
لمح معن ومعاذ والبنات عم. يقربوا منه ونظرات الخوف بعيونهم
وقفت هدى امامه و حكت بفزع : شو صار لاختي ياطارق طمني قلي انها بخير
بقي طارق صافن بوجه هدى وعم يتأملها… حس بالراحه وهو شايف قدامه نسخه من لارا لكنها ابدا مابتحمل قلب لارا
مايا بدموع : شو صار ياطارق
لين : لارا منيحه ماهيك
رهف : طمنا كرمال الله
طارق :
معاذ : ليش ساكت احكي
نتالي : هلأ دخلولها لغرفة العمليات ادعولها
رفع معاذ راسه للسما ونزلت دموعه بغزراه وهتف ب الم يااااااااارب
*╚══════ღღ══════╝
بالســـــجـــن
لاراااااا بنتييييي
فتح صالح عيونو بذعر وهو حاطط ايده على قلبه وانفاسه متسارعه
صالح : لارا… لارا بنتي صاير معها شي
تجلس بمكانه والخوف متملكه… يارب استودعتك بناتي ف احفظهم بعينك التي لا تنام
قام من تخته وراح اتوضا وفرد سجادة الصلاة ورفع ايديه وكبر بحشرجه من بين دموعه .. الله اكبر
*╚══════ღღ══════╝
بعد مدة و صلت امينه للمشفى وعيونها متورمين من البكي و دخلت بسرعة وشافت الكل واقفين قدام غرفة العمليات… ركضت لعندهم وهي بتتعثر بخطواتها هتفت بخوف : وينا بنتي وينا اختك يا معاذ
حضنها معاذ بقوه وغمض عيونه بقهر : لارا بغرفة العمليات امي اختي بين الحياه والموت
امينه : ب بنتي !!! بنتي
ترنحت وكانت رح توقع من طولها وسندها معاذ ولين وقعدوها عالكرسي
امينه بانهيار : دخيل اسمك ياربي احميلي بنتي
قربت منها هدى وحضنت ايديها : اي امي ادعيلها ادعي لاختي تقوم بالسلامه وخليها تسامحني يا امي ابوس ايدك مابدي اختي تموت
حضنتها وانهارت معها بالبكي ورهف والبنات عم يطلعوا فيهم وبيشاركوهم دموعهم
بعد ساعه انفتح باب الغرفة وطلع الدكتور وبسرعه التم الكل حواليه
معاذ بصوت مرتجف : طمنا دكتور كيفا اختي
تنهد الدكتور و رد بأسى : انا اسف بس حالتها صعبة كتير في جروح خطيرة بجسمها كله و عندها اصابة عميقة بالدماغ الصراحة انا مش عارف شو احكي… بس نسبة نجاتها تقريبا معدومة. والاعمار بيد الله
انتفض الكل ووقعت امينه مغمى عليها بحضن معاذ و مايا حضنت رهف ولين ببكاء و نتالي مصدومة تماما ودموعها عم تنزل عالسكت اما معن اطلع ناح طارق اللي تغيرت ملامحه وصارت مرعبة بشكل مو طبيعي
سكت طارق لثواني وهو عمبطلع فيه و لكمه بوحشيه ليوقع الدكتور ع الارض وانفه عم ينزف انحنى بجسمه ومسكه من ياقة قميصه وزمجر بعنف : انت جنييييت انت شو عم تحكي…
اندفع معن ومسك طارق ليخلص الدكتور من قبضته: اترك الدكتور ياطارق
طارق بصراخ. : اتررركني معن تررركني
ورجع مسك الدكتور ونترو بقوه… . اسمعني منيح لو صرلا شي حو عزة جلالة الله رح احرق المشفى باللي فيها عم تسمعني
مسكه معن و بعده بصعوبة عن الدكتور
معن : اهدى يا طارق بالله عليك اهدى.
عدل الدكتور قميصه بخوف و اردف : انا مقدر موقفك والحاله النفسيه يلي انت فيها .. لكن لازم تعرف نحنا عم نعمل اللي بنقدر عليه والباقي لربك… ادعولها هي محتاجة دعائكم هلأ
.
دخل مجددا لغرفة العمليات وترك الكل مدمر وبحالة انهيار
رجع طارق خطوتين لورى وفتل حاله و مشي بخطوات بطيئه بين ممرات المشفى ....
قعد بعيد عنهم وهو عم يتذكر كلام الدكتور "نسبة نجاتها تقريبا معدومة"
حط راسه بين ايديه يده و تنهد بألم ....تزكر كلامها قبل ساعات "يارب اموت علشان ترتاح من مصايبي"...
طارق بقلبه : يارب احميها ورجعلي ياها يارب انا مافيي عيش بلاها والله مارح زعلها ابدا هيه بس ترجعلي....يارب...
.....: ان شاء الله رح تكون منيحه
رفع راسه ببطئ وشاف هدى واقفه قدامه للوهله الاولى ابتسم ونطق لارا… بس سرعان ما تلاشت ابتسامته
طارق : بشوفك خايفه عليها مو انتي اللي كنتي بدك ياها تطلع من حياتك نهائيا هي امنيتك رح تتحقق الف مبروك.
هدى بدموع : انا كنت غلطانه وما بعرف من وين اجتني قسوة هالقلب بس ازا تعافت رح كون الها الاخت بمعنى الكلمه وما اسمح بحدا يئزيها حتى انت مارح اسمحـــ…
قاطعها بهدوء : لو سمحتي اتركيني لوحدي انا مو قادر احكي ولا طايق حدا يحاكيني
تنهدت بيأس و راحت وبقي هو يتذكرها....مر شريط حياتهم مع بعض قدام عيونه من اول يوم شافها بالاصلاحيه وكانت سرحانه وحاسه حالها عروس
تزكر كيف كان يدربها لتحمل الباروده وتقوص تزكر كيف كان يدربها على فنون القتال وحماية النفس
تزكر حاله كيف ارتحلها دون كل السجينات وفتحلها قلبه وحكالها قصته وهي بكل برائه طلبت تتصور معه
تزكر كيف كزب عليها واستغلها اتزكر كيف كان منزرها وهي بوسط الحريق وكيف كانت عيونها عم تشعتل من الغيره لما شافته بيحكي مع مايا تزكر كيف اعترفتله بحبها وصدها ورغم هيك بقيت معه .
اتزكر لما مسكت مسدسه و اطلقت الرصاصه بالخطأ وكيف خافت وفزعت و شحب لونها
... واخر شي تزكره خناقتهم قبل ساعات و عصبيته عليها وجرحه لمشاعرها وهو بيعرف انها بتحبه " صدقيني انا بحياتي ماكرهت وحدة متل مابكرهك . انا بكرهك بكرهك بكرهك ..."...."يارب اموت علشان ترتاح من مصايبي..."
انتفض و للصدمة تحررت دمعة من عيونه وتبعتها عدة دموع وشهقات ببساطة انهار و بلش يبكي بشكل هستيري لاول مرة بحياته !!!
حط ايديه على وجهه و انهار وعليت شهقاته
طارق : ارجعيلي لارا ارجعيلي وانا بوعدك مارح زعلك ابدا بوعدك مارح كون سبب بدموعك ولا رح ضايقك ورح احميكي من كل اللي بدهم ياخدوكي مني رح احميكي حتى من نفسي انا عارف اني غلطت معك و خليتك تدعي على حالك صدقيني انا مستعد استحمل كل مصايبك وجنونك وهوائيتك بس ماتتركيني انا بحبك لارا بحبك
..
اختنقت كلماته و بعدها دموعه عم تنزل بغزارة .....
.سكت فجأة و اتوسعت عيونه بصدمة وضع ايده على وجهه المبلل بدموعه و جملة وحدة بدور بخلده
...انا فعلا عم ابكي !!!.
...هو مابكي بحراره والم قبل هيك ما بكي بحياته الا على والديه ا ولما عرف انها نتالي اخته… معقول طول الوقت كنت بحبك وعم كابر عحالي
قام من مكانه بسرعة و رجع لعند باب غرفة العمليات ولقي الكل بعدهم واقفين بقلق و بتوتر قرب منهم وحكا بحدة : شو الاخبار حدا طلع طمنكم
اطلع عليه معن بصمت وهز راسه بالنفي
وفجأه سمع اصوات الاجهزة عليت انتفضوا الكل واقفين وقربوا عالباب.
انفتحت الغرفة بسرعة وسمع طارق صوت الممرضة وهي بتصرخ : دكتور نبض المريضة وقف.....
كان الدكاتره على قدم وساق عم يفوتوا ويطلعوا بسرعة و طارق في حالة يرثى لها
وقف واحد من الممرضين وسأله بخوف… . شو في شو صار للمريضه
مارد عليه وفات لجوا وبدون وعي تحركت اجريه و ركض لغرفة العمليات
صرخت نتالي : اخي لوين رايح !!
دخل متل المجنون يصرخ لاااااااا وقبل ما يوصل لعندها مسكوه الممرضين وصرخ فيه الدكتور : انت كيف فتت لهون اتفضل اطلع برا
دفع عنه الممرضين بقوة وركض لعند لارا النايمة على سرير العمليات
اطلع فيها بصدمه كانت متل الاموات تحت الاجهزه موصولة فيها
طارق بيصرخ : انتي ماينفع تموتي هلأ لارا لاااااا مارح تموتي انتي لازم تصحي لحتى تسامحيني وقلك اني اسف انا بحبك لازم تعيشي لتكفي اللي بديتيه لا تموتي وتتركيني لاراااااااا !!
الممرض : يا استاز اطلع برا لو سمحت.
زمجر طارق بصوت جهوري : ابعدو عني...اتركوووني
.اطلع فيها و تابع كلامه : مو انتي كنتي تتمني تعرفي هويتك ومين اهلك… كل اهلك هون وبدن ياكي .. انا مارح زعلك مره تانيه بس انتي فيقي كرمال الله لاتتركيني لاااااراااا....
اطلع بوجهها وهديت ملامحه .. ماعم تستجيب بنوب الكدمات عم تحتل وجهها ليبهت لون بشرتها الشاحب ببساطة كانت....كالاموات....
الدكتور : لو سمحت اطلع برا مرتك هتكون بخير انت بس ادعيلها وحافظ على هدوئك وخلينا نعمل اللي نقدر عليه ازا بتربد.
اطلع بالدكتور وهو عم يترنح : حتكون بخير !! كيف حتكون بخير وقلبها وقف ابوس ايدك احكي انها ماماتت
الدكتور : اطمن نبضها رجع طبيعي و مستقر وهلأ لو سمحت اطلع لبرا وخلينا نشوف شغلنا
ابتسم بفرح واحساس بالامل تسلل لقلبه… يارب احميها يارب
*╚══════ღღ══════╝
خلص صالح صلاته ورفع كفيه للسما
صالح : يارب انا انحرمت من بناتي سنين طويلة يارب احميهم واستر عليهم وظلهم تحت ظلك يا رحمن يا رحيم 😭
مسح دموعه يلي بللت لحيته وحمل سجادة الصلاه وطواها ونام بفراشه وبسره مدايق كتير وقلبه فيه غصه بقي يدعي لبناته لحتى غفلت عينه واستسلم للنوم
*╚══════ღღ══════╝
بعد مرور ساعتين
طلع الدكتور من غرفة العمليات ووقف الكل بخوف
طارق بحده : كيف صارت
الطبيب بابتسامة متوترة : اهدى يا استاز و بلاها عصبيتك الحمد لله قدرنا ننقذها و حالتها مستقرة حاليا.
تنهدوا براحة و ابتسمت نتالي بفرح وحضن معاذ امه واخته وصارو رهف ومايا ولين يبكوا بسعاده ويهنوا بعضهم ومعن مبسوط وبيحمد الله عسلامتها اما طارق ماقدر حدا يفسير ملامحه.
طارق : الف حمد وشكر الك يارب… شكرا دكتور ويعطيك الف عافيه
الدكتور بضحكة وهو عم يتحسس انفه : هههه الله يعافيك بس مرة تانيه حاول تتحكم باعصابك مابيكفي الاجهزة يلي كسرتها و الضرب اللي اخدته منك.
حط طاق ايده على كتف الدكتور واردف بهدوء : معلش بعتزر بس كنت قلقان واي مخاسر ضيفها عالحساب تبع المشفى
مايا : يعني لار اتجاوزت مرحلة الخطر دكتور
الدكتور : ايه الحمد للہ بس لازم نصبرشوي وعالعموم رح تبقى تحت المراقبه ال 24 ساعه الجايين لنطمن عليها اكتر
لين : ياربي شو فرحانه…
رهف : الحمد للہ
امينه : اسمحلي شوفا دكتور انا امها
الدكتور : هيه هلأ تحت تأثير البنج ومارح توعى عليكي
امينه : معلش لو سمحت بدي شوفا
هدى : وانا كمان
الدكتور : بعد شوي بتنتقل ع الاي سي يو وبسمحلكم تشوفها خمس دقايق وهلأ بالازن
امينه : شكرا دكتور
*╚══════ღღ══════╝
بعد مده فاتت امينه لعند لارا ومسكت ايدها بحزن
امينه : الف الحمد لله اني شفتك بخير يابنتي .. لو صرلك شي ماكنت رح سامح حالي طول عمري… يالله ياروحي اصحي لترجعي وتنوري بيتك وقلبي
مسحت دمعتها وطلعت وفاتت بعدها هدى ووقفت قبالها وكأنها عم تطلع على انعكاس صورتها
هدى ; مابنكر اني كرهتك وتمنيت ارجع واقتلك ب ايدي بس صدقيني مابعرف شو صرلي وكيف فجأه تحول الكره لحب. . حسيت فيكي وبطيبة قلبك… انتي شبيهتي واختي يلي،مالي غيرها بالدنيا… فتحي عيونك اختي وارجعيلنا نحنا بنحبك
بعد ماطلعت هدى فات معاذ وانحنى قدامها ب انكسار
معاذ : انتي بتعرفي اني بحبك صح بس كلشي صار كان صدمة الي وما عرفت فكر .. انا اسف لاني تخليت عنك اختي بوعدك كون الك الاخ والسند كل عمري… فتحي عيونك ياروحي كلنا ناطرينك ولا مو ناويه تسلميني عروستي
قرب منها وطبع بوسه على جبينها وطلع
معن : حمدلله عسلامتها ياجماعه ياريت تروحوا ع بيوتكم وترتاحوا وجودكم هون عالفاضي…
مايا : بس بدي ابقى حدها
معن : يا روحي حتى لو بقيتي هون مارح تستفيدي شي روحوا ارتاحوا شوي والصبح بترجعوا
امينه : اي بس
معاذ : بدون بس امي معن معه حق خليني اخدك ع البيت لترتاحي
امينه : طيب ابني
*╚══════ღღ══════╝
بعد ماراح الكل....وقف طارق قدام الغرفة وهو حاطط ايديه بجيابه واطلع فيها من خلال الشباك الزجاجي
كان راسها ملفوف بشاش و ايدها الشمال بالجبس واثار الكدمات و بعض الجروح عم تحتل وجهها الهزيل
طارق بخفوت : اه لو تعرفي شو صار فيي وانا شايفك عم بتموتي....حتى دموعي خانتني ونزلت عليكي سخيه !!!
معقول هالبنت المجنونة الهوائيه تخلي الضابط طارق يبكي !!
ابتسم ولمعت دمعه بعيونه معقول لهي الدرجه بجبك لارا !!
كان مستغرب من نفسه مابينكر انه خاف عليها بجنون و بعدو مصدوم من دموعه اللي نزلت منه بدون مايحس وكأنه طفل وضاع عن امه
عم يتزكرها وهي متل الجثة الهامدة بين ايديه ولما وقف قلبها حس بدمه تجمد بعروقه و انفاسه ثقلت بشكل مرعب وما ارتاح الا بعد ماخبرو الدكتور بتحسن حالتها صحيح انه مابين فرحته لحدا لكنه فرحان فرحان ...كتير انها رجعت للحياه ورجعلته من جديد !!!
تنهد بحرارة و استدار بجسمه ولقي معن واقف وراه ومستند عالحيط وهو مكتف ايديه لصدرو وعم يطلع فيه
طارق : انت بعدك هون
معن : انت بعدك هون
ابتسم وقرب منه : ليش مارحت معهم
معن : ماهان عليي اتركك وحدك وبصراحه عم حس بتأنيب الضمير لولا المسج الغبي يلي بعتلك ياه ماكنت جيت وماكان صار اللي صار
طارق : نصيبها ياصاحبي هاد مقدر ومكتوب..
معن : بس انت كتير كنت خايف عليها معقول لهي الدرجه بتكرهها
زالت ابتسامته وحول وجهو ناح الشباك الزجاجي واردف بحزن
طارق : لو صرلا شي كنت رح موت وراها
معن : بعيد الشر عنك وعنها .. دموعك عليها بتحكي اديش بتحبها
طارق بجدية : ددموع شو ااانا مابكيت
معن : اه… فكرتك بكيت لانه كلنا بكينا
ماحب يقله انه شافه وهو منهار وعم يبكي متل الاولاد الصغار
معن : تشرب قهوه
طارق : اي ولله ياريت راسي رح ينفجر
معن : تعا ننزل شوي عالكافتيريا ناكل ساندوش ونشرب قهوه
طارق : روح وجيبلي معك مافيي اتركها وروح
حط ايدو عكتفه وابتسم : ان شاء الله بتصير منيحه وبترجع توقف ع اجريها من جديد وبنفرح فيكم
تركه وراح وبقي طارق واقف مكانه عيونه مسلطين على لارا ودموعه عم تنهمر على خده
طارق : هي بس تصحى وانا مارح اتركها ابدا 💔
*╚══════ღღ══════╝
بعد ثلاث شهور…
السلام عليكم ورحمة الله … السلام عليكم ورحمة الله
ياااارب… يامن أخرجت يونس من بطن الحوت وأخرجت يوسف من غيابات البئر يالله ...يارب أسألك بحق لاحول ولاقوة إلا بالله و بحق قداستها وكرامتها وأسرارها أن تشفي لارا وتعيدها الينا ياحنان يامنان
مر تلات شهور ولارا بالغيبوبه من يوم الحادث .. طولت لحية طارق ونحف وتعبت صحته لكنه ابدا ماتركها
كان ملازمها على طول واهلها وصديقاتها معه
الكدمات اللي كانت بوججها زالت وايدها جبرت وما بقي الا الهالات السوده تحت عيونها مصاحبه بشرتها الشاحبه
كفف دموعه براحة ايديه وطوا سجادة الصلاة وقعد حدها ومسك ايدها
طارق : ماكنت بعرف انك لهي الدرجه قاسيه… هيك يالارا بيهون عليكي تحرميني من نظرة عيونك كل هالمده
بترجاكي اصحي فتحي عيونك اشتقت لجنونك اشتقت لهوائيتك اشتقت لكل شي فيكي معقول انتي ماشتقتيلي
نزل راسه وضم كفها وصار يبكي وفجأه حس بحركة اصابعها
رفع راسها وعيونه الباكيه مفتوحين بدهشه
طارق : للارا لارا انتي حركتي ايدك والله حركتي ايدك ياروحي انتي
انتفض من مكانه وطلع من الغرفه وهو بيصرخ دكتوور دكتووور
مايا مسكت ايد معن بخوف شووو في
لين وقعت كاسة العصير من ايدها وشهقت لاراااا
ومعاذ تلفت ناح طارق بسرعة والدهشه على وجهو
رهف مسكت نتالي بخوف وما قدرت توقف
هدى سندت امها وتوجهوا كلهم ناح طارق
معاذ : شو في ياطارق
طارق بيلهث : لارا لارا حركت اصبعها انا حسيت فيها
معاذ بفرح بصلاة محمد بتحكي جد
طارق : عم قلك حسيت فيها
امينه بتبكي : يارب كملها معنا ورجعلي بنتي يااارب 😭
وصل الدكتور وطلع الكل برا وبقي اكتر من ربع ساعه بغرفة لارا مع الممرضه
لين : كتير طول الدكتور جوا
مايا : هه ليكو طلع
اتجمعوا حواليه ونظرات التساؤل بعيونهم
امينه : طمني دكتور
الدكتور : مو قلتلكم دعائكم بيوصلها
طارق : شششو يعني
الدكتور : حمدلله عسلامتها الانسه لارا فاقت من الغيبوبه
من صدمته وفرحته حس بقشعريره سرت بكل جسمه اطلع بالكل عم يحضنوا بعض بفرح ودموعهم عم تنزل من عيونهم
مايا : بنقدر نشوفها دكتور
الدكتور : اي طبعا بس لاتخلوها تنفعل واي شي بيصير ياريت تندهوني انا بمكتبي
اندفع طارق ليفوت لعندها ومسكته هدى
هدى : ماسمعت شو حكا الدكتور مالازم اول ما تفتح تشوفك قدامها مو ناقصها انفعال
نزل ايدها بهدوء وهمس : انا بعرف كيف هديها
فات لعندها بسرعه وسكر الباب وراه بالمفتاح
مايا : مجنون افتح الباب
لين : اتركيه مايا… طارق كتير تعزب
رهف : يارب ماترميه من الشباك
*╚══════ღღ══════╝
بالخطوه البطيئه والرعشه الواضحه تقدم لعندها ووقف قبالها عم يتفحصها بخوف ليتأكد انها فعلا صحيت ورجعت للحياه
عيونها الدبلانه عم تفتح وتسكر ببطئ وتأوهات بتطلع من تمها
لارا : اااه امي… ابي… طارق
قرب منها بلهفه ومسك ايدها : انا هون يا روحي
فتحت عيونها وتلفتت عليه
طارق : لارا عم تسمعيني
زاحت وجهها عالجهه التانيه وبطرف ايدو رجعوا عليه
طارق : لا مارح اسمحلك تبعدي وجهك عني لارا حاجتي تعزبت تلات شهور وانتي بين الحياه والموت مابعرفك قاسيه لهي الدرجه
لارا ماردت عليه اكتفت تطلع فيه بنظرة عتاب ودمعه حاره نزلت ع خدها
طارق وهو بيمسح دمعتها : هالدمعه غاليه مابدي شوفها بعيونك بعد اليوم
لارا : بتكرهني !!
طارق : هشششش ماتكملي انا بعشقك لارا بعشقك من لما شفتك بس كنت خايف قرب وما بعرف كيف انفعلت وحكيتها يمكن لاني ماكنت قادر اقرب منك
لارا :
طارق : بعدين ليكك حكيتلي بكرهك…
لارا :
طارق : سكوتك معناته انك فعلا بتكرهيني !!
لارا :
مسح عشعرها بخفه وطبع بوسه ع جبينها واحمرت عيونه بعد ما تعبت دموع
بعد عنها واطلع فيها… مو مشكله اكرهيني المهم انك رجعتي وفتحتي عيونك… اكرهيني قد مابدك واقسي عليي انا بستاهل لاني كتير عزبتك… بس والله عقابك كان قاسي كتير
نزل راسه وعليت شهقاته : بدك ياني روح وابعد عنك صدقيني مافيي لارا انا بحبك بحبك اكتر من روحي انتي مابتعرفي شو صار فيي لما شفتك غرقانه بدمك بين ايديي حسيت روحي طلعت من صدري تعزبت كتير بس كان عندي امل انك تفتحي عيونك وترجعيلي لاني حاسس بدقات قلبك بتناديني
سكت وبقي غامر راسه بحدها وصوت بكاه ونحيبه واصل لكل اللي برا… كانو ساكتين ودموعهم تحكي
معاذ مسح دمعته و قرب عالباب ودق بخفه : افتح الباب طارق
رفع راسه ب انكسار وتوجه ناح الباب وفتحه لينصدم الكل من منظرو عيونو المحمره ولحيته المبلله من دموعه وعلامات الحزن والانكسار على وجهو
حضنوا معاذ وانفجرو التنين بنوبة بكي وبعد شوي بعد عنه ومسك اعيدو وفات معه لعند لارا وفاتو الكل
بحجر عينها كانت عم تتنقل بين وجوهم سكوتها الغريب كان كفيل ينهي كل الكلام ويعقد كل الابجديات لتنطلق بين الشفاه بلغه غريبه مو مفهومه
امينه : حمدلله ع سلامتك ياروحي
لارا :
مايا : كيفك لارا
لارا :
رهف : شبك حبيبتي انتي منيحه
لارا :
لين : ليش ساكته لارا احكي شي طمنينا عنك
لارا :
قربت منها هدى وسحبتها بقوه لحضنها وهي بتبكي وتتنشوق
هدى : سامحيني اختي سامحيني
لارا :
ارتخت ايدين هدى واطلعت بمعاذ اللي مسك لارا وضربها كف
شهق طارق : معااااااذ !!!
معاذ : هالكف مو لاني بكرهك هالكف لاني بحبك وبدي تصحي لتشوفي بعيونك الحقيقه
لارا بدموع : اي حقيقه معاذ… انه اهلي نبذوني بدون زنب ولا…… . اطلعت بطارق ونزلت راسها… . انا بدي كون وحدي 😔
نتالي : لاتكوني انانيه يالارا… طول فترة التلات شهور ماحدا منا تركك… ماعم اتمنن عليكي بكلامي لانه هالشي واجبنا بس بدي تفهمي انه لو مابنحبك ماكنا بقينا حدك
مايا : وين لارا الطيبه الحنونه المتسامحة
لين : يمكن فعلا فقدت الزاكره وما عادت بدها تتزكرنا
رهف : خلوها براحتها… يالله لنمشي
امينه : بنتي بنتي
مسكتها رهف من كتافها : بنتك مابدها حدا خاله خلينا نمشي
وقفت امينه ب انكسار واطلع معن بطارق يلي كان واقف ومصدوم… .قرب منه وحط ايده عكتافه
معن : معلش ياصاحبي اتركها عراحتها
طارق بيهز راسه ببطئ : مافيي انا
قاطعه معاذ : هيه مابدها يانا… يمكن نحنا كنا كتير قاسيين لدرجة مابنستاهل منها فرصه تانيه للصفح والمغفره
سكت الكل وتوجهوا ناح الباب حاملين بقلوبهم الم وغصه فتحت لين الباب وصرخت لارا… لاتروووحووووو لاااا
التفت عليها الكل… كانت متجلسه بفراشها ماده ابديها الهم
حضنها معاذ وتبعته هدى ولحقتهم امينه وهجموا البنات عليها يحضنوا فيها ويبوسوها
هدى : سامحتيني اختي
لارا : رب العالمين من عالي سماه بيسامح وبيغفر وبيعطي فرصه تانيه .. مين انا لحتى ماسامح… انتو اهلي شو ما صار
معاذ : بوعدك اختي عوضك عن كل الالم والعزاب اللي عشتيه
معن بهمس لطارق : مابدك تقرب
طارق بهدوء : المهم انها بخير وانا لو كنت بعيد عنها بجسمي رح كون قريب منها بروحي… .
مسك ايد نتالي وحكا ب الم : ديري بالك عليها
نتالي : لوين اخي
مارد وفتل حاله بهدوء ليطلع من الغرفه واستوقفه صوت لارا طاااارق
التفت بسرعه وبسرعه اكبر اتجمعت الدموع بعيونو
لارا : مو قلتلي مره رح تكفي تدريبي بشكل خاص
ابتسم ابتسامه واسعه من بين دموعه وهتف : ايه امبلا قلتلك
لارا : وبعدك عند وعدك
قاطعها معاذ : الضابط طارق مابيحكي كلمه وبيرجع فيها ولا شو ابو نسب 😉
ماقدر طارق يتمالك نفسه تجاوز الكل وركض لعندها وضمها لصدرو لتعلا صوت شهقاتهم وتختلط انفاسهم مع بعض
طارق : تتزوجيني ولي مجنونه
لارا : مجنونه ولا هوائيه
طارق : انتي احلا بنت هوائيه عرفتا بحياتي
لارا : صحيح شو يعني هوائيه
اشر ع قلبها… يعني بتفكري من هون قلبك دايما بياخدك وبيطير لبعيد بدون مايفكر
لارا : قلبي طار بالهوا وهدا عندك
طارق : ومطار قلبي استقبله بكل حب ومارح يسمحله برحلة عوده طول مافيي نفس… . بحبك لارا بحبك
لارا : وانا بحبك طارق
معن بمزاح : حاصلوووو نحكي مبروك
معاذ وهو بيحاوط لين بذراعه : مبروك علينا كلنا
حضن معن مايا بحب لتحط هي راسها عصدرو
معن : اي والله مبروك علينا كلنا
*╚══════ღღ══════╝
بـــعـــد شــــهـــر
نازلين عن الدرج اربع عرايس متل القمر بيوم التمام
طارق عمل المستحيل ليقدر يطالع لصالح اذن من النيابه العامه ليحضر عرس بناته
نزلو الصبايا ووقفت كل وحده بحد زوجها
كمال : مبروك علي انتي يا روحي
هدى : تسلملي حياتي
معاذ : لك شو هاد شو هالحلا لينو دخيل اللي خلقك
لين : حاج معاذ والله بستحي
معاذ : لك دخيلو اللي بخجل
معن : اجمل نساء الكون صارت مرتي ماعم صدق عيوني بحبك مايا بحبك بكل نفس
مايا : وانا بموت فيك معن
طارق : ممكن ناخد صورة ياحلوه
لارا بتضحك : متل هي وطالعت من جزدانها الابيض صورتهم الاولى
طارق : بعدها معك
لارا : هي اجمل صوره اتصورتها بحياتي جواتها مخبيه كل زكرياتي الحلوه والمره
مسك ايدها وباسها : من اليوم مافي بحياتك الا الايام الحلوه ياروحي
صالح : مبروك يا ولاد مابدي وصيكم ع البنات وماتفكرو بس هدى ولارا بناتي… مايا ولين ورهف ونتالي كلن بناتي
التموا العرايس بصحبة رهف ونتالي وحاوطوا صالح وامينه وباسوا ع ايديهم
صالح بشقاوه : بعدك حلوه متل ما كنتي
امينه بخجل : يوه شو هالحكي صالح هلأ بيسمعوا الاولاد
صالح : احممم يالله ياعرسان الهنا كل واحد ياخد عروستوا لسيارتو خلونا نلحق الصاله
امينه : سوقوا ع مهلكم امي الله يسعدكم ويهنيكم وتشوفوا ايام متل الورد ويرزقكم الذريه الصالحه
كل عريس اخد عروستوا وطلع بسيارته وانطلقوا بفارده كبيره عالصاله ليعلنوا بالاخر انتصار الحب ع الكره انتصار الخير ع الشر
اثبتوا بحبهم انه البقاء مو للاقوى البقاء للانقى والاطهر ❤
وبهيك بتنتهي قصتنا بتمنى تكون عجبتكم و
رهف : لحظه لحظه حضرة الكاتبه امل احمد قبل ماتنهي القصه بدي احكي شي للبنات اللي عم يقرأو القصه
الكاتبه امل : شو في رهف احكي
رهف : بيرضيكم يابنات طول القصه الكاتبه ماتخترعلي شقفة عريس اتعربش فيه… صدقوني بقيت طول القصه ساكته ساكته وهي نازله تحطني بمتاعب وعراقيل وانا قول يا بنت معلش اكيد هلأ رح اتفركش بشي شب اسمراني يحبني وحبو بس ماعبرتني… انا حزينه بدي اتجوز 😭
الكاتبه امل : هههههه طيب طيب ماتزعلي خلونا نكفي القصه
بعد موصلوا عالصاله قعد العرسان ب اماكنهم وبلشت الاغاني تصدح… واول ما بلشت اغنية السلو سحب كل واحد عروسته من ايدها ولفها من خصرها ونزلو لساحة الرقص
كانت رهف ونتالي واقفين عجنب عم يطلعوا فيهم بفرحه
نتالي : شو حلوين
رهف : عقبال مانفرح فيكي نتالي
حضنت نتالي ورد واردفت : مابدي اتزوج انا بدي ربي بنتي واوهب حياتي الها
مسا الخير
التفتت رهف ناح الصوت لتشوف قدامها شب اسمراني بكتاف عريضه وعيون شهل
اطلعت فيه ب اعجاب وردت مسا النور
اسمي معتز انا بكون رفيق طارق ومعن ومعاذ
رهف : اتشرفنا سيد معتز
معتز بلبكه مدلها ايدو : بتسمحيلي بهالرقصه
رهف هزت راسها بخجل ومسكت ايدو لطوق بعدها رقبته وهي يحاوطها من حصرها
(( دبري حالك رهف اكتر من هيك مافيي اعملك 😉 ))
رهف بقلبها : ايوا ناس مابتيجي الا بالعين الحمرا
الـــنهايــــــه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق