رواية عشق الرعد الفصل الثالث بقلم سماء أحمد حصريه وجديده على مدونة النجم المتوهج
 |
في صباح الباكر جدا ليوم جديد
كان الجميع يتجهز للذهاب لسوهاج وخرجوا
جلال : فين عشق يا احمد
احمد : معرفش
جلال : ايمان اطلعي ناديلها
ايمان : حاضر
ذهبت ايمان لعشق ولم تجدها
ايمان : جدو عشق......
جلال : فين عشق
ايمان : مش في شقتهم ولا حتي فأي شقه
جمال : هتكون راحت فين يا بابا
جلال : احمد بنتك فين
عاصم : اكيد هربها يا جدي
احمد : مستحيل تكون هربت
يوسف : ياريت تكون هربت من جبروتكم
ابراهيم : جمال لم ابنك
زينه : يلمه ليه يا بابا هو قال ايه غلط انتم فعلا كده وبتأذوها حد يرد عليا مين حطوا نفسكم ولو للحظه مكانها
ايمان : انا لو مكانها كنت دمرتكم كلكم وخاصه انت يا بن عمي تستاهل الحرق
عاصم : اتلمي احسن يا ايمان والا
يوسف : والا ايه هاااه رد
جلال : بس بنتك فين يا احمد
احمد : معرفش بس اللي اعرفه انها مهربتش لاني امبارح طلبت منها اهربها وهي رفضت
هدير : انت بتكذب يا عمي
صفعه قويه تلقتها من عشق لدرجه انها وقعت
عشق : قطع لسانك انتي وكل اللي يوجه كلمه غلط لبابا من ما كان يكون فهمتي قالتها بصراخ
جلال : كنتي فين
عشق : انت ملكش تسألني لانك ولا حاجه زيرو بالنسبالي بس هرد عليك رأفتا بحالتك كنت بودع امي اللي ماتت بسببك كنت عند قبرها ومهربتش ومش ههرب وهتجوز اللي اختارته لسبب واحد وبس ودي تحقيق لاخر امنيه لجدي قبل ما يموت بالنسبالي انما انت ولا حد فهمت يا استاذ جلال... وقسما بالله لو حد وجه كلمه لابويا قدامي لغايه مغور لقطع لسانه واللي مش مصدق يجرب والكلام موجه ليك يا عاصم انت واستاذ جلال قبل الكل مفهوم ويلا
اغمض جلال عينه ليستوعب ان عشق التي كانت تحبه تتهمه بموت امها وتكره اضعاف ما كانت تحبه وتعتبره مات
عاصم : ولا والقطه طلعلها لسان
عشق : لا دا عقرب وبيقرص ومش بيرحم
جلال : بس يلا خلينا نمشي
وذهبوا جميعا متجهين للصعيد
في السيارات كان احمد وجلال وعاصم وعشق في سياره'ايمان وزينه ويوسف وعمار وهدير في سياره'جمال وزوجته وابراهيم وزوجته في سياره
في سياره
عاصم : احنا رايحين الصعيد ايه مش ناويه تتحجبي
عشق : لاء
عاصم : انا قول.....
احمد : هو انا مت عشان تمشي كلامك على بنتي
جلال : اعتذر يا عاصم من عمك
عاصم بغضب : اسف يا عمي
وبعد عده ساعات وصلوا للصعيد
كانت عشق ترتدي بنطلون اسود ضيق وڤيست اسود لفوق الركبه ضيق يتوسطه حزام فضي وتركت شعرها للخلف مفرود ولم تضع مستحضرات تجميل
استقبلهم الكثير من الناس يترأسهم عتمان
نظر الجميع باستغراب لهم فكانوا الفتيات محجبات الا عشق لكنها الاجمل بالتأكيد
عتمان : اهلا اهلا سوهاج كلها منوره
جلال : نورك يا عتمان
اخذهم عتمان للداخل ودخلوا وجلسوا
عتمان : واللهي وماليكم عليا حلفان منورين
جلال : دا نورك
عتمان : جهزي الوكل يا وليه......العريس اكيد هينزل الوقتي
عشق : احم ممكن حد يقولي فين الحمام
احدي الخدم : اكيد اتفضلي يا ست هانم
عشق : اسمي عشق عشق وبس
وذهبت في نفس وقت نزول رعد ولم يراها وكان يرتدي بنطلون چينس اسود وتيشيرت اسود ضيق يبرز عضلاته وكان يظهر عليه الجديه التامه
رعد ببرود : سلام عليكم وذهب وجلس بجانب عمار
الكل : وعليكم السلام
نظر رعد للفتيات الثلاثه ووجد اثنين مخطوبين والثالثه لا تمني ان لا تكون هي لانها تلبس حجاب وتخرج شعرها وترتدي ضيق وتضع مستحضرات تجميل فتضايق من منظرها
عتمان : اعرفك دا جد عروستك ودول اعمامها ودول اولا اعمامها ودا ابوها
رعد : ليه العروسه في الحضانه ولا الابتدائي
ضحك الكل علي كلامه
نظره واحده من رعد كانت كفيله بإخراس الجميع
جلال : لا في الكليه بس احمد مش بيبان عليه سن او اصلا مش كبير
رعد : اهلا يا...... مش عارف اقولك ايه الصراحه
احمد بالرغم من ضيقه من طريقه زواج ابنته لكنه ضحك علي كلام رعد
احمد : قول احمد
عمار : او ابو عمار
رعد : انت ابنه بجد
يوسف : لا لقيه علي بابا المعبد اليهودي
ابتسم رعد مما زاد وسامته
هدير لنفسها : انا كنت غبيه في واحده يجيلها ده وتهرب يا ريتني ما هببت اللي هببته دا احسن من مليون محمود
عاصم : مش تعرفنا بنفسك ولا عواطلي
رعد بسخريه : لا عواطلي.....او بيقولوا ضابط في المخابرات
عمار : واااو ظابط انا كمان عاوز اكون ضابط ماما الله يرحمها كان نفسها كده
رعد : انا كمان امي كانت عايزه كدا وبابا كان عايز ابقي رجل أعمال
عمار : وبقيت ايه
رعد بهمس : الاتنين من وراهم قدامهم ظابط بس دا سر
عمار بهمس : وااااو مش هقول لحد
رعد : شاطر
عاصم : بتتهامسوا في ايه
رعد : وانت مالك
يوسف : احم اسمك ايه
رعد : رعد آدم الشافعي
عمار : وانا عامر أحمد الشرقاوي.......اتشرفنا
رعد : الشرف ليا يا حلو
عمار : ايه دا انت شكلك بتحب اللون الاسود
رعد : اكيد
عمار : زي اختي
احمد : انت عايش هنا يا رعد اصل لبسك وطريقه كلامك مش صعيدي
رعد : انا عايش في القاهرة
عتمان : رعد عنده قصر في القاهرة عايش هناك بيجي زيارات
ايمان بهمس : هروح اشوف عشق
زينه : استني هاجي معاكي
وذهبوا سويا ودوروا وجدوها تقف في شباك تتأمل الحديقه ودموعها تنزل بغزاره
ايمان : مش هتبطلي عايط
عشق : مش بعيط علي حظي
ايمان : امااال
عشق : علي جودي مش قادرة اروح وانقذها من اللي هي فيه
زينه : هي كمان في مشكله
عشق : اممم
مسحت زينه دموع عشق وقالت عسي ان تكرهوا شيئاً وهو خير لكم وعسي ان تحبوا شئ وهو شر لكم
وفات اليوم وجاء يوم كتب الكتاب لكل ابطالنا
************************************
في صباح يوم جديد استيقظت جودي والاصح لم تنم واستيقظت چيلان ايضا
چيلان : صباح الخير يا عروسه
جودي : صباح النور
چيلان : يلا اليوم طويل قومي نطلع
جودي : حاضر
وقامت ودخلت الحمام وأخذت شاور وتوضأت وادت فريضتها وخرجت
جودي : صباح الخير
محمد : صباح النور يا قلبي......اقعدي افطري لان اخوات عريسك زمانهم جاين
جودي : حاضر
ثناء : مالك يا جودي حساكي هتقعي يا بنتي
جودي : مفيش يا ماما بس مصدعه شويه
چيلان : من كتر العايط بليل
نظرت لها جودي ولم تبدي اي رد فعل
الكل يعتقد ان ما حدث لعشق فقط هو السبب ولكن لم يعرفوا السبب الاخر وبعد وقت جاءوا اقارب عدي
لارا (21 سنه فتاه جميله جدا بشره بيضاء بعيونها الزرقاء كالبحر وشعرها الذهبي المتوسط الطول طويله القامه بنت عم عدي واخت مالك وجاسر )
همس (15 سنه فتاه جميله بعيون عسليه وشعر بني طويل بنت عمة عدي واخت ادهم)
يارا : اذيك يا جودي
جودي بابتسامه : الحمد لله
لارا : احم اعرفك بنفسي انا لارا بنت عم عدي سوري اني مش جيت في الخطوبه لاني كنت مسافره
(الجميع يعرف جايدا لكن عدي حظرهم بعدم ذكرها امام جودي او ابداء اي رد فعل لرؤيتها)
همس : وانا معروفه حسب ما اعتقد
جودي : اي
وجلسوا الفتيات سويا وجاءت بنات البيوتي وبدأوا بتجهيز جودي
في المساء تم تجهيز جودي وارتدت فستان ابيض بسيط وحجاب ابيض بسيط ومستحضرات تجميل قليله فكانت بسيطه وجميله
جاء عدي مع مالك(27 سنه شاب جميل بعيون رماديه وشعر اسود كثيف وبشره بيضاء طويل القامه اخو لارا وجاسر )
وجاسر(26 سنه شاب جميل بعيون زرقاء وبشره بيضاء وشعر اسود طويل القامه)
استقبل محمد عدي واولاد عمه افضل استقبال وكان معهم المأذون وجلسوا
مالك بهمس : ادهم وعمتك وجدك مجوش ليه
عدي بهمس : انا قولتلهم بس اتفقت مع ادهم ميخلهمش يجو عشان جودي فقيره
مالك : وبالتالي كانت الجوازه هتبوظ
عدي : لا بس مش هاوز مشاكل
مالك : صحيح مبتخفش من حد
نظر له عدي وابتسم بلا مبالاه
عدي : يلا نادو العروسه معاد كتب الكتاب
محمد : ثناء هاتي جودي
ثناء : حاضر
خرجت جودي مع الفتيات وفرح عدي كثيرا انها لا تشبه فتيات المجتمع الراقي ولا حتي اختها التوأم فهي بسيطه
مالك بهمس : عدي هي مراتك معندهاش اخت
عدي : ليه
مالك بهمس : ماشاء الله قمر
نظره واحده من عدي جعلته يسكت ويسحب كلامه
وتم كتب الكتاب ولم يبقي سوا اهل عدي واهل جودي
مالك : مبروك يا مدام جودي مبروك يا عدي
جودي : الله يبارك فيك
چيلان : عدي يا اخ عايزه ابارك
مالك : بتكلميني انا
چيلان : بالعقل هو في غيرك قدامي يعني
مالك : لا
چيلان : يبقي انت خدلك جنب بقي
مالك بزهول : خدلك جنب......انتي سخنه يا حاجه
چيلان : حاجه في عينك يا جدو......استاذ عدي انت جايب الاشكال دي منين
محمد : چيلان
چيلان بمرح : اسفين يا ريس
جودي : بطلي طريقه كلامك دي
چيلان : عشق مأثره
حزنت جودي
چيلان : اسفه واللهي مش قصدي افكرك
جودي بتنهيد : ومين قالك اني نسيت او بنسي
چيلان : مبروك يا استاذ عدي...... مبروك يا جوجو
عدي : الله يبارك فيكي.....بلاش استاذ انتي زي يارا
چيلان : يشرفني اكيد
جودي : عقبالك يا حلوه
چيلان : بعيد الشر يا اختشي انا لسه صغننه
جودي : نو كومنت
ثناء : بطلي يا بت كلامك ده
چيلان بمرح : مش عجبك طلقني
محمد : اسكتي يا بت رفعتيلي الضغط
چيلان : ليه بس يا حلو انت دانا حتي سكر
يارا بضحك : دانتي مش سكر دانتي مشكله
چيلان : مشكله حلوه عارفه
جودي : مغروره وهبله
لارا : واضح اوي دا حتي من الصور علي الحيطه
كانت هناك صوره لفتاه غير محجبه وهي عشق وچيلان وهي تحملها علي ظهرها ويضحكون واخري لعشق وچيلان يقبلان جودي من كلتا وجنتها واخري تغفيله لجودي وعشق وهم ينظروا للغروب واخري واخري
چيلان : عااا بابا ازاي مشتلتهمش
محمد : ههههه نسيت
جاسر : ايه دا حضرتك عندك بنت تالته ومش محجبه
ثناء : لا اربعه واحده منهم بنت اختي عشق من سن جودي والتانيه ميته من 15 سنه توأم جودي والرابعه چيلان
جاسر : واضح ان بنت اختك حلوه مش عايزه عريس
محمد : هههه عشق
لارا : عشق
چيلان : حاولت اقنعها تغير اسمها بس اعمل ايه عريسي اللي سماها
يارا : انتي مخطوبه
چيلان : اي من 19 سنه
همس : ليه انتي عندك كم سنه
چيلان : 19 سنه
محمد : هههههه بس بقي.......عشق اتجوزت اصلا فمش محتاجه عريس
جاسر : يا خسارة
يارا بغيره : فعلا يا خساره
مالك بغيره : هي انسه چيلان مخطوبه بجد
چيلان : اي وايه مز اخر حاجه
ثناء : يخربيت الفاظك.....ههههه اصدها جوز خالتها اصلها متعلقه بيه من صغرها ولانه باين عليه صغير من وهي طفلة بتقوله هتجوزك حتي قبل ما اختي تم........
بدأت الدموع تظهر في اعين جودي حتي نزلت تدريجي ولاحظ الجميع
محمد : جودي الرحمه
جودي : ممكن نمشي
عدي : ماشي
جودي : چيلان هاتي حاجاتي
دخلت چيلان وجلبت مزكرات وصوره والبوم صور
وبعد وقت وذهبوا الي القصر
************************************
في سوهاج ظلت عشق علي التراس طوال اليوم وجاءت لها هدير
هدير : يا هدؤك يا شيخة
عشق : عايزه ايه
هدير : ولا حاجة شوفتي العريس
عشق : ميهمنيش اشوفه
هدير : هههه طيب متعرفيش العادات هنا وان الراجل بياخد اللي عايزه غصب عن الست هههههه يا حظك يا بنت عمي
حاولت عشق ان تبقي قويه وان لا تتهز امام ابنه عمها
عشق : ماعاش ولا كان اللي يكسر عشق الشرقاوي
هدير : قويه اما اشوفك بكره
وتركت هدير عشق وذهبت
في المساء جهزت عشق ولم تري عريسها بعد ودخل اباها يسألها عن رأيها وجعلها تمضي وتم كتب الكتاب واصبحت عشق ملك لرعد
اخذوا الفتيات عشق لغرفة رعد وكانت خائفه جدا جلست في زاويه من الغرفه وضمت ارجلها لجسدها ووضعت رأسها بين ايديها وترتعش وتشهق ودموعها تنزل بدون بكاء
عند رعد
رعد لنفسه : يا نهار لو طلعت البنت اللي كنت شايفها اف بجد انا مش عارف ايه اللي وقعني الواقعه دي يا ربي انا اللي جبته لنفسي يلا اهو نتفق ووقت اما تزهق وعايزه تتطلق هطلقها وتمام
ودخل غرفته ووجدها مظلمه ففتح نور بسيط و......
الفصل الرابع والخامس والسادس من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق