رواية عشق ايام الطفوله البارت_السابع_عشر والثامن عشر بقلم ميرفت محمد حصريه وجديده على مدونة النجم المتوهج
 |
علي بتنهيده :عليا انا اسف
عليا :علي اي
علي:علي غبا*ئي
نظرت له عليا باستغراب
علي:غبا*ئي علشان قولت كلام اهبل غبا*ئي علشان ضيعت اجمل واحلي بني ادمه من ايدي صدقيني والله انا كنت اعم*ي وغب*ي ومش عارف حاجه ..عليا ارجوكي انهي اللعبه دي انا عارف انك مش بتحبي سعد علشان خاطري اديني فرصه تانيه فرصه واحده وانا مش هخليكي تندمي
نظرت له عليا بحيرة بس مكنتش عارفه تعمل اي هي متنكرش انه هو عنده ح انها لسه بتحبه ومش بحب سعد بس لامه معاها وقسوته وكلامه اللي جرحها بس هي مش قادره تسامحه وفي نفس الوقت كش قادره تنسي كلامه لما عرف انها بتحبه وازاي جرحها
عليا بهدوء:طب اللي اتغير فيا مانا زي مانا يعني لا غيرت في لبسي ولا في شخصيتي ولا بقيت زي البنات اللي...
علي بحب وبصدق:انتي في عنيا احلي من كل البنات ....مانا قولت ليكي اني كنت غب*ي خلاص بقا
عليا بحيره:خايفه
علي بحزن:اوعي نختفي طول مانا معاكي وجمبك اووعي اسمعك تقولي خايفه
عليا بحب :هديك فرصه
علي بفرحه:بجد
عليا:بجد
علي :طب يلا
عليا باستغراب:يلا اي
علي:هطلب ايدك دلوقتي
عليا:دلوقتي اي انت ناسي سعد
علي:اي سعد ده كمان هنقوله اي حاجه
عليا:هقوله اي بعد ما قولت للراجل تعالي اتقدم ليا اقوله متجيش اصل هتجوز حد تاني
علي بغيره:يعني انتي عايزه اي
عليا:يعني استني شويه هكلمه ...
علي بغيره وحده:تكلمي مين انا اللي هكلمه
عليا:مينفعش ياعلي هكلمه انا وهفهمه
علي برفض:انا مش عارفه تفهميه ليه اصلا متقولي له محصلش نصيب وخلاص
عليا :ياسلام يعني ينفع اجي اقولك تعالي اتقدم وبكرا اقولك لا معلش اصل اتقدم ليا عريس تاني وانا وافقت عليه انت هتعمل اي
علي:هكس*ر دماغك
عليا:شوفت بقا
علي باقتناع وغضب:طيب
عليا :اطلع بقا بالعربيه وقفتنا كده غلط اصلا
علي:بكرا نقف براحتنا وغمز لها
عليا بخجل وبتضر*به في كتفه :اطلع يا قليل الادب
علي بضحك:بكرا هدفعك التمن غالي ماااشي
عليا:طب اطلع اطلع
***************
مالك وحور طلعوا البلكونه يتكلموا
حور بتنهيده:السنين عدت حد كان بفكر ان مالك وحور الاطفال يكبروا ويفضلوا يحبوا بعض
مالك:انهم يكبروا ممكن ماشي متخيلش لكن يفضلوا يحبوا بعض ده اكيد
حور:ياسلام ده المفروض العكس
مالك:لاطبعا الحب عمره ما بيموت وخصوصا بقا حب مالك وحور ده حب خاص
حور ببتسامه:ياسلام
مالك وهو بيقرب منها:امال عندك شك
حور وهي بترجع لورا :اي ده انت بتقرب كده ليه ابعد
مالك:لا
حور:مالك مامتك ولا اختك يدخلوا
مالك وهو بيبعد:ماشي هبعد
سعاد من برا :حور حبيبتي تعالي يلا علشان تحلي
حور بصدمه:احلي هو لسه في اكل
مالك بضحك:امال اي دي ماما متوصية بيكي جامد
حور ببتسامه:طنط طيبه اووي ربنا يخليهالك ولولو كمان
مالك:يارب ويخليهالك ماهي هتبقي حماتك
حور بخجل:اااه
سعاد:يلا ياولاد
حور: تعالي نخرج يلا ....مالك وحور خرجوا وحور قضت يوم جميل وسط عيلة مالك ومالك اخدها علشان يروحها
حور ببتسامه:بصراحه النهارده احلي يوم في حياتي ..طنط وليلي كانوا وحشني اووي
مالك:وانتي والله كنتي وحشاهم اوي ...ابتسمت له حور وسكتو بس حور ضحكة فجأة
مالك بدهشه وضحك:اي انتي ملبو*سه ولا اي
حور ضربته في كتفه وفضلت تضحك
مالك:في اي يابنتي
حور بضحك:افتكرت واحنا صغيرين هههههههه لما ابن الجيران عاكسني وانت عملت حمش وروحت ضر*بته وهو جاب صحابه وجم ضربو*ك وفتح دماغك وروحت اخدت غرزتين ههههههههه
مالك :اي يابنتي الذكريات دي اي اللي فكرك بيها
حور:فكرني اي دي الخبطه لسه موجوده اهي .وشاورت علي مكا في دماغه متخيط
مالك:ماشي ياختي طب فاكره انتي البت سلوي اللي كانت عينيها مني وانت روحتي جبتيها من شعرها
حور بغرور مصطنع:ايوه بس مضربتش انت اخدت فيه غرزتين
مالك:ياسلام طب متخلنيش اعمل حادثه دلوقتي اخليكي تاخدي بدل الغرزتين سبعه
حور بضحك وخوف مصطنع:لا خلاص سكتوا شويه بس حور رجعت تضحك تاني
مالك:يووه يابت اسكتي
حوربضحك:طب .. خلاص خلاص
فجاة رن فون حور
حور بصدمه وهي بتشوف مين المتصل ولقته سليم
مالك باستغراب من ملامح وشها:في حاجه مين اللي بيتصل
حور بتوتر:ل لا مفيش دي ماما
مالك:طب ما تردي
حوربسرعه:لا ..قصدي لما اروح
ماك:تمام ماشي احنا وصلنا اهو ...اشوفك بقا بكرا
حور:ماشي
مالك باستغراب:حور انت متأكده انك كويسه
حور وهي بتخفي توترها:ايوه ياحبيبي انا كويسه عايزه انام بس
مالك:ماشي سلام
حور:سلام حور نزلت ومالك استني لما طلعت ومشي
حور طلعت وسليم رن تاني وقفلت الفون خالص علشان ميرنش
**************
عند ليلي كان في ورق مهم عايز يتمضي وكانت لازم تروح لصقر تمضيه لانها عرفت من السكرتيره ان عمران بيه عمل لصقر توكيل علشان هو مش هيقدر ينزل الشغل اللي هيمضي الورق صقر
ليلي خبطت وسمعت صوته بيمح لها بالدخول دخلت بس حست بالغيره لما لقت هايدي جوه وقاعدين جمب بعض
صقر:تعالي ياليلي
ليلي:الورق ده المفروض يتمضي
هايدي:بقولك اي ياصقور انا هطلب قهوه اطلب لك
صقر كان لسه هيقول لهايدي انها متقولتش الدلع ده وانهم في شغل بس سكت وابتسم بخبث لما شاف نظرات ليلي اللي كانت ثانيه وهتروح تجيب هايدي من شعرها
صقر بخبث:تمام ياعيون صقر طبعا انتي عارفه قهوتي اي
هايدي:طبعا عارفه ساده مش كده
ليلي بحده:لوسمحت ياصقر بيه امضيلي علي الورق عايزه اخرج
هايدي بتكبر :انتي بتتكلمي كده ليه
ليلي بنفاذ صبر:اللهم طولك ياروح
هايدي وهي بتقترب منها :اي مش عجبك
نظرت ليلي بحده الي صقر لقت انه قاعد ومبتسم ومش همه حاجه
ليلي لصقر :ممكن لو سمحت تمضيلي علي الورق
صقر ببرود :بمضي
هايدي:امضي ياحبيبي انا مش عارفه شغلين الاشكال دي ازاي
ليلي بغضب:لييه ان شاء الله داخله لبسه لكلوك متظبطي كلامك
هايدي بصدمه:لكلوك !!!!اي الاشكال البيئه دي ياصقر مش معقول
ليلي :تعاليلي بقا وانا هوريكي الاشكال دي هتعمل اي ومسكتها من شعرها
صقر فضل يضحك علي منظر هايدي اللي كانت علي الارض كانت بتصوت وليلي كانت فوقها بتضر*ب فيها ومش راضيه تسيبها
هايدي بصراخ:ياصقرررر تعالي الحقني
ليلي بشراسه:والله ما سيباكي
صقر بضحك بيشد ليلي من علي هايدي لحد ما نجح وفعلا شدها
صقر وهو بيتكم ضحكته وبيتكلم بحده:اهدي بقا
ليلي وهي لسه عايزه تهجم عليه :سبني ياصقر
صقر:اهدددي بقولك..وهمس في ودانها:اقسم بالله لو ما سكتي لهعمل حاجه همووت واعملها
ليلي بعدم فهم :هتعمل اي يعني
صقر بغمز وهمس :تحبي اوريكي
ليلي فهمت هو قصده اي بصوت واطي:ابعد ياقليل قليل الادب
صقر ضحك بصوت عالي بس بعد كده شاف تقريبا الشركه كلها كانت متجمعه وبتتفرج عليهم
صقر بحده وبصوت عالي :كله يطلع برا
الكل اختفي
هايدي :والله ما سيباكي
ليلي كانت لسه هتهجم عليها تاني بس صقر مسكها
صقر بحده لهايدي:هايدي معلش امشي دلوقتي
هايدي :مين اللي المفروض يمشي انا ولا هي
ليلي لصقر:قولت لك سبني عليها
صقر بيكتم ضحكته:اتهدي بقا ..ثم وجه كلامه لهايدي :معلش اخرجي دلوقتي ياهايدي
هايدي خرجت
صقر:عجبك اللي حصل ده
ليلي بنفعال:ماهي اللي بتقول عليا كلام وحش وحضرتك قاعد ومستمتع اووي مقولتش حتي نص كلمه
صقر:نص كلمه اي ده البت ما*تت تحت ايدك
ليلي: احسن
ليلي بتلقائيه وغيره:لا وكمان بتدلع عليك ليلي وهي بتقلدها:انا هطلب قهوة ياصقور ...انا عارفه قهوتك اي ياصقور ساده ...حمار*ه انت مش بتشرب القهوة ساده اصلا بتشربها مظبوطه ..ليلي كانت لسه هتكمل بس لاحظت نظرات صقر اللي كلها خبث
ليلي :ايي بتبصلي كده ليه
صقر وهو بيقلدها:ابعد عننني ..انت عايز مني ايي ...انا بقيت بكرهك ....ما هو باين
ليلي بخجل من كلامها وبتلع*ن نفسها لانها بينت غيرتها قدامه
ليلي:مانا لسه عند كلامي
صقر بسخريه:ياشيخه
ليلي:ااه انا بس اللي حرق دمي انها بتدلع دلع مايع .بس وبتقول عليا كلام وحش مش اكتر واوعي بقا علشان انت حرقت دمي برده وزقته ومشت وهو فضل يضحك عليها
********
تاني يوم مالك كان علي مكتبه والممرضه دخلت عليه
الممرضه: في حاله برا ياادكتور
مالك:تمام دخليها
الحاله دخلت ومالك مكنش شايفها
مالك وهو بينظر له:حرك بتشتكي....ثم قال بغضب :اااانت
سليم ببتسامه وخبث:ايوه انا
يتبع
البارت_الثامن_عشر
تاني يوم مالك كان علي مكتبه والممرضه دخلت عليه
الممرضه: في حاله برا ياادكتور
مالك:تمام دخليها
الحاله دخلت ومالك مكنش شايفها
مالك وهو بينظر له:حرك بتشتكي....ثم قال بغضب :اااانت
سليم ببتسامه وخبث:ايوه انا
مالك بغضب :انت عايز اي
سليم:انت اللي عايز اي
مالك :نعم انت اللي جاي
سليم:قصدي حور عايز اي من حور
مالك بغضب وغيرة راح ومسكه من هدومه:ملكش دعوه من حور
سليم ببرود:انا وحور قصة حب من زمان من اول ما شوفتها حبتها انتم قصتكم انتهت. انتهت لما سفرت وانا اللي حبتها انا اللي فضلت جمبها مش انت .انت كنت مستني انها ترجع من السفر
مالك مسكه جامد وضر*به بالبوكس :حوووور بتاعتي انا وبتحبني انا
سليم ببرود رغم وجعه من ضر*ب مالك:متوهمش نفسك حور بتاعتي انا محدش ليه الحق في حور غيري
مالك بغضب:اقسم بالله لو مخرجتش حور من دماغك ومن حياتك كلها انا اللي مش هخرك من هنا سلييييم انت فاهم
سليم :مش هتقدر والاخر مره بقولك حور بتحبني انا وابعد هنا
مالك فقد عقله وهجم علي سليم والمستشفي كلها سمعت وفصلوا بين مالك و سليم
حور جرت علشان تعرف وخايفه علي مالك في اي بس شافت سليم فوق خوفها جمدها مكنتش عارفه تتحرك فضلت واقفه
مالك:الحيو*ان ده لو جه تاني ميدخلش واللي هيدخله هيمشي معاه
الامن خرج سليم برا وحور خوفها من مالك خلها تمشي علشان مالك ميشوفهاش
مالك بحده:حور
حور بتوتر:ن نعم
مالك: استني..الكل برا
*************
قمر كانت قاعده زهقانه وكانت حزينه علي حياتها اللي ادمرت عمرها ما شافت يوم حلو في حياتها كانت دموعها بتنزل بهدوء وهي بتفكر في حياتها الجايه هتكون عامله ازاي قطع تفكيرها صوت خبط علي الباب
قمر :مين
سليم:افتحي ياقمر
قمر فتحت :خير في حاجه
سليم:اي حرام اجي بيتي
قمر:لا مش حرام
سليم :طب انا هدخل انام شويه .
قمر:تنام فين معايا في نفس الشقه
سليم برفع حاجب:هو انتي مش مراتي برده ولا اي
قمر:ايوه بس علي الورق لعبه
سليم ببرود:لعبة مش لعبة ده ميغيرش انك مراتي انا هدخل انام
قمر:طب استني هو انت مش قولت انك عندك شقه تانيه وانت قاعد فيها
سليم بغضب:جرا اي هو انا علشان قعدك في بيتي يبقي خلاص تتحكمي فيه براحتك متنسيش انك هنا ضيفه اسمك مراتي ااه بس قدام الناس زي ما قولتي لعبه .
نظرت له قمر بصدمه ودموع من كلامه
قمر بكسره وحزن:علفكرة انا عارفه ان ده بيتك واسفه اني اديت لنفسي مساحة اني اتحكم فيه
نظر لها سليم بندم ن كلامه بس سكت ودخل غرفته بعد شويه سمع صوت باب الشقه بيتقفل خرج من الاوضه وبينده عليها بس مفيش رد خرج بسرعه علشان يشوفها لقاها ماشيه
سليم بسرعه :قمر ..قمر استني ومسكها من ايديها
قمر وهي بتبعد ايده وقالت ببكاء:عايز اي
سليم بحزن من بكاءها ولهفه:انا اسف والله ما كان قصدي انا بس كنت مدايق شويه معلش طلعت ضيقتي فيكي تعالي يلا نرجع
قمر:لا معلش ..مش هرجع
سليم: قمر انا اعتذرت ليكي قولت ليكي اني الكلام ده طلع غصب عني والله كان قصدي خلاص بقا
نظرت له قمر بحيره ومش عارفه تعمل اي
سليم :يلا بقا ارجعي بلاش الوقفه دي وياستي انا اللي همشي
قمر:لا متشيش خلاص انا مراتك برده انك تقعد معايا مش حرام بس تقعد بأدبك
سليم يضحك:ماشي يلا
ورجعوا البيت وقمر فرحت وحست انها عندها معزه خاصه عند سليم وانه هو عيزها معاه
سليم:انا هدخل انام وابقي صحيني شويه كده
**************
عليا كانت في مكتبها ودخل عليها سعد
سعد خبط ودخل:ممكن ادخل
عليا بتوتر:اتفضل ياسعد
سعد بأسف:انا بعتذر منك ياعليا علي اللي حصل امبارح وان معرفتش اننا نخرج
عليا بارتباك:لا عادي
سعد :طب مش هننزل ننقي الشبكه
عليا:شبكه!!
سعد ببتسامه:ااه الشبكه علشان نحدد معاد الخطوبه
علي دخل ببرود :لا ما هو مفيش خطوبه كل سن وانت طيب
سعد:يعني اي وانت يادكتور بتدخل ليه
علي بسخريه:ادخل ليه !علشان باختصار ان الدكتورة تبقي خطيبتي احنا بس اتخنقنا شويه وانت عارف بقا البنات احنا اسفين
سعد بصدمه:يعني انتم كنتم بتلعبوا عليا
عليا:اكيد لا يا
علي قاطعها:متخدهاش كده انت جيت اتقدمت ومحصلش نصيب خلاص ربنا يرزقك ببنت الحلال
سعد:تمام بس بعد كده لما تتخنقوا بلاش تدخلوا الناس في لعبكم عن اذنكم ومشي
علي ببرود:شوفتي الموضوع سهل ازاي
عليا بتريقه وبتقلده:شوفت الموضوع سهل ازاي ..هو اي ده اللي سهل افرض انه قال لحد شكلي يبقا اي دلوقتي هو ممش انا قولت لك سبني اتكلم معاه انا
علي:بقولك اي هنفضل بقا نتكللم ونشوف مين اللي قال وين اللي مقالش انا عايز اخلص
عليا بعدم فهم:تخلص اي مش فاهمه
علي:انا مش هفضل مستني اجي اتقدم امته
عليا:انت متسربع علي اي
علي:لا والله انت عيزاني استني تاني
عليا بخجل:خلاص تعالي النهارده
علي:ايووه بقا هو ده الكلام هخلص شغل وهتلقيني ناطط عندكم في البيت
عليا ضحكت بخجل وعلي بينظر لها بحب وفرحه انها اخيرا بقت ليه
************
السكرتييرة:صقر بيه في حد برا عايزك
صقر:مين ؟
السكرتيرة:اسمه سليم
صقر:ااه دخليه
صقر:ازيك ياسليم بيه
سليم:بيه اي بقا ياريت يبقي سليم بس
صقر ببتسامه:تمام وياريت يبقي صقر بس
سليم :اوك..فين الملف
صقر :ثانيه واحده تشرب اي
سليم:قهوة مظبوطه
صقر ورفع السماعه وكلم السكرتيره:ابعتيلي ليلي ومعاها الملف اللي كنت قايل لها عليه واعملي اتنين قهوة مظبوطه
سليم وصقر يعرفوا بعض عن طريق الشغل ))
ليلي خبطت وسعت صوته من جوه يأذن لها بالدخول
ليلي :الملف ياصقر بيه
صقر:تمام يا ليلي اتفضلي انتي
ليلي مشت
سليم:مين دي مشوفتهاش هنا قبل كده
صقر:دي ليلي مهندسه جت واشتغلت هنا من فتره
سليم:اسمها ليلي اي
صقر برفع حاجب وغيره:ليه؟
سليم:عادي
صقر:ليلي الغرباوي
سليم بصدمه:الغرباوي!؟ ..اخوها مالك الغرباوي ؟؟!
صقر:ايوه اخوات
سليم بخبث:تماااام
يتبع
تفتكرروا سليم ناوي علي اي ؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق