القائمة الرئيسية

الصفحات

تعديل المشاركة

رواية تحت أمر الحب الفصل الاول حتى الفصل الخامس عشر بقلم شيماء صبحي حصريه وجديده على مدونة النجم المتوهج

كاتب مميز
(0)
اعلان اعلى المواضيع

 رواية تحت أمر الحب الفصل الاول حتى الفصل الخامس عشر بقلم شيماء صبحي حصريه وجديده على مدونة النجم المتوهج 

رواية تحت أمر الحب الفصل الاول حتى الفصل الخامس عشر بقلم شيماء صبحي حصريه وجديده على مدونة النجم المتوهج 

انا بقيت تحت ايد مجرمين يا تري هيعملو فيا ايه!! 

قالت كلامها وهيا بتحط ايديها علي عيونها بخوف وبتدعي ان ربنا ينجيها من وسط المجزرة اللي بتحصل برا !! 

عدي دقايق وصوت ضرب النار بره بيتبادل لحدما فجأة الاصوات كلها أختفت والباب اتفتح ودخل منه أشخاص ملامحهم مش باينه بسبب الظلام ..وقفت وهيا بتقول برعب:والله ما قت'لته اهو عايش قدامكوا اهو سيبوني  عايشة!!! 


قالت كلامها وهيا لسا حاطة ايديها علي عينيها لحدما قرب منها شخص وشال ايديها وهو بيقول:كويس انه لسا عايش.. 

رفعت عينيها بخوف وهيا مستغربة من الشبه الكبير اللي بين الشخص دا والمريض اللي نايم فقالت بصدمة:هو أنا مت ودخلت الجنه ولا ايه! 


الشخص دا كانت عيونه مركزه جدا مع عيونها وهيا كانت لسا مصدومه لحدما بصت حواليها ولقت انها لسا في المستشفي فبعدت عن الشخص دا وهيا بتقول:انت تبع مين فيهم اللي عايزينه يموت والا اللي عايزيني أقت'له!! 

الشخص دا هز راسه وقال:لا اللي عايزينه يعيش بس للاسف مش هينفع نسيبك هنا!! 

 

بصتله برعب وهيا بتبلع ريقها وبتقول: لية هتق'تلني!! 

الشخص دا هز راسه بالرفض وقال:لا هتجوزك !! 

#الفصل_الأول

#تحت_أمر_الحب

#الكاتبة_شيماء_صبحي


بتبدأ قصتنا في مستشفي وبيكون في إجتماع لكل الاطباء الموجودين فيها وبيتكلم مدير المستشفي وبيقول: هيتم ترحيل كل الدكاترة اللي هنا للجيش المصري لان عندهم عجز في الدكاترة خصوصا بعد الهجوم اللي حصل من قبل العدو من خلال قت'ل ثلاثه من الجنود والاستيلاء علي أسلحتهم والمعسكر بتاعهم ...وبما إن المستشفي هنا مفيهاش غير كام مريض فهيتولي أمرهم دكتور واحد منكم وانا مش عايز أي إعتراض علي كلامي بعد إذنكم لان  دا مش مجرد إقتراح دا أمر ولازم يتنفذ.؟ 


كل الدكاتره بصوا للمدير وهزوا راسهم وبعدها المدير بص لدكتوره واقفه بينهم كانت ماسكة موبايلها وبتلعب فيه وقال بغضب:

دكتورة داليدا حضرتك معانا ولا معندكيش وقت!! 


داليدا وقفت بإنتباه وهيا بتعين تيلفونها بسرعه وبتقول:

انا أسفة يا  دكتور بس حضرتك طول عمرك بتتجاهلني وأنا فكرت إن وجودي مش هيضيف اي حاجة يعني وأكيد حضرتك وبقيت الدكاتره هتعملوا الحاجة الصح؟؟ 


المدير أخد نفس وهو بيهز راسه وبيبص لبقيت الدكاتره وقال:مهمة الكام مريض اللي هنا الدكتورة داليدا هيا اللي هتتولي أمرهم وأظن ان دي حاجة  مش صعبه عليها ولو حضراتكم عندكم أي كلمه حابين تقولوها  اتفضلوا..؟ 

الدكاترة كلهم بصوا لبعض وبعدها هزوا راسهم بالرفض والمدير ابتسم ليهم وطلب منهم يمشوا.!


واول ما مشيوا بص المدير لداليدا اللي كانت بصاله وساكته ولحدما اتأكدت ان زملائها مشيوا قربت هيا  من المدير وقالت: دكتور هو حضرتك كلفتني بجد بالمهمة دي!! 

الدكتور هز راسة ليها وقال بجدية:أظن يا داليدا إن دي فرصة كويسه ليكي تثبتي انك تنفعي تكوني دكتورة بجد بدل اللعب اللي بتلعبيها طول الوقت دي ..! 


داليدا بصت للأرض بإحراج وهزت راسها ليه وقالت:حضرتك عارف يا  دكتور ان بعدما بابا مات علي ايدي وانا مش عارفه امسك المشر'ط حتي ؟

الدكتور حط ايديه علي كتفها وقال بحنيه:أنا عارف كل الكلام دا يا داليدا وعلشان كدة بقولك دي فرصتك في انك تحاولي تكسبي ثقتك في نفسك تاني ..إنتي قوية زي باباكي بالظبط وأظن انه لو كان عايش مكنش هيبق مبسوط بالحالة اللي انتي وصلتيلها نهائي؟ 


داليدا هزت راسها والمدير قال:انا هروح مع الدكاترة علشان عندي مأمورية معاهم وطبعا هتكوني انتي وكام ممرضة بس في المستشفي اتمني يا داليدا لما ارجع الاقي داليدا بتاعت زمان رجعت..!! 


داليدا بصت للدكتور وهزت راسها بابتسامه وهو سابها ومشي وفضلت هيا واقفه وبتفكر في كلامة وبعد مرور دقايق علي نفس الحال لقت جرس انذار من مريض فاتجهت ليه بسرعه وهيا قلقانة ليكون حصلة حاجة!! 


وفي غرفة المريض كان بيضغط علي الجرس بكل غضب وبيقول..:بقالي ساعه عايز دكتور محدش بيرد ليه! 

داليدا قربت منه وهيا بتقول بهدوء:اهدي يا استاذ مسعد وقولي ايه اللي حصل .! 

المريض بصلها وهو بيقول بحزن : زهقان يا دكتوره وعايز أخرج أنا واحد حركي ومش متعود علي القعدة دي !! 


داليدا قربت منه وهيا مبتسمه وبتقول:يعني يا أستاذ مسعد بالعقل كدا كل حاجه في الحياة محتاجه وقت علشان تتعافي وأكيد الحادثة دي كانت خير لحضرتك وبعدين مش المفروض انك شخص قوي وتقدر تستحمل الفترة دي لحدما تتعافي تماما ::


مسعد اخد نفس عميق وهو بيقول:ثلاث شهور كاملين وانا علي نفس الحال دا وكل ما اتكلم مع الدكتور يقولي لسا بدري علي حالتك لما تتحسن رغم اني شايف اني بقيت أحسن من الأول بكتير !! 


داليدا أبتسمت وهيا بتقرب من مسعد وبتمسك إيديه وبتقول:وفيها ايه لما تخرج مش غلط ولا حاجه اتفضل معايا يا أستاذ وانا هخرجك وأوريك أحلي واجمل جنينه في الدنيا ! 


مسعد ابتسم ليها وقال:بجد يا دكتوره هخرج! 

داليدا هزت راسها وهيا بتقرب من الكرسي المتحرك وبتقربه من سرير مسعد وبتقول :ايوا يلا يا بطل وريني قوتك !! 

مسعد ابتسم وهو بيرفع الغطا من علي جسمه وبيبص لداليدا وبيحط ايديه علي كتفها وبيقول:أنا أسف يا دكتوره بس هسند عليكي؟ 

داليدا إبتسمت وهيا بتقول:يا خرابي يا مسعد هو أنا أطول برضوا'


مسعد ضحك علي كلامها وقال:انتي الدكتورة الوحيدة اللي  في المستشفي دي  بحس انها طيبه اوي ..وعمرك مبترفضي طلب لاي مريض فينا ودايما الابتسامة البشوشه علي وشك!! 


داليدا ابتسمت وهيا بتبص في الأرض وبتقول بخجل:ربنا يخليك يا مسعد ومتحرمش أبدا من كلامك الجميل دا ' 

مسعد ابتسم وهو بيقعد وداليدا بتجيب الغطا علشان تغطي رجله وبعدها مسكت ايد الكرسي 

وقالت:أستعد  للمغامره العميقة اللي هتشوفها يا أستاذ مسعد  !!!


مسعد ابتسم وهوا بيبصلها وداليدا اتحركت ونزلت للجنينه وهيا بتقول:يا سلام علي المنظر الجميل اللي يخطف القلب ..! 


مسعد إبتسم وهوا بيبص للورود اللي في كل مكان والنجيلة الخضراء اللي ريحتها مريحة للعصاب ..

داليدا بصت عليه وهيا مبتسمه وبعدها قالت:

عارف يا مسعد اي أجمل حاجة في الحياة دي؟

مسعد بصلها بانتباه وهز راسة ليها وهيا كملت كلامها وقالت:إنك تكون في حالك!!! يعني مكتفي بكل اللي حواليك وراضي عنهم !! 


مسعد إبتسم علي كلامها وقال:وعلشان كدة انتي دايما وحيدة ومش بتختلطي بحد !! 

داليدا بصتله وابتسمت وهيا بتقول: أنا مش وحيدة يا مسعد انا مكتفية بنفسي وبحياتي وطبعا بشغلي !! 

مسعد هز راسة ليها وقال:بس يا دكتورة التجارب حلوه ولذيذة  وطبعا من حقك انك تشوفي الحياة من وجهة نظر تانيه وزي مقولتيلي من شوية ان كل ازمة بتحصل محتاجة وقت للتعافي وأظن انك طولتي أوي في فترة التعافي دي  يا دكتورة!!


داليدا بصتله بحزن وهيا بتاخد نفسها وبتقول:احنا لازم نرجع للاوضة تاني علشان دا وقت العلاج بتاعك.! 

مسعد ابتسم ليها وقال:اتمني انك تكوني أحسن يا دكتورة وتلاقي شخص كويس يغير حياتك للأحسن؟ 

داليدا ابتسمت ليه ومسكت الكرسي المتحرك واتحركت لداخل المستشفي ..


كانت في ممرضة بتساعد شخص كفيف انه يقعد علي الكرسي لحدما بنته  تخلص كشف ..! 

داليدا ابتسمت بحب وهيا بتبصلهم وبعدها دخلت هيا ومسعد للاوضة !! 


بدأت تحضر الدواء بتاع مسعد وهو كان منتبه ليها ومبتسم ' 

داليدا قربت منه وهيا بتقول:طبعا انت عارف ان الدواء دا هينيمك مستعد تاخدة..؟


مسعد إبتسم ليها وهز راسه وداليدا بدأت تديله العلاج وبعد دقايق بدأ مسعد يحس بثقل في دماغه وبدأت عينيه تقفل بالتدريج!! 

قعدت داليدا علي الكرسي وهيا بتاخد نفس وبتفكر في كلام مسعد ليها  عن الوقت الكبير اللي اخدته علشان تتعافي من الازمات اللي مرت بيها فحياتها..! 


ابتسمت وهيا بتبصله وبتبص لرجليه المتغطيه وبتفكتر الحادث اللي مر بيه وخسر رجلية الاتنين فيه وقالت: طلعت ازمتك أكبر مني بكتير يا مسعد اتمني ان ربنا يخفف عنك وجع خسارتهم ..


قالت كلامها وهيا بتتنهد لحدما سمعت دوشة كبيرة تحت واصوات صراخ الممرضات !! 

قامت داليدا بسرعه وقفلت الباب علي مسعد ونزلت وهيا بتبص لكمية الناس المس'لحين اللي موجودين في المستشفي بصدمة!! 


واحد منهم كان ماسك ممرضة وبيقول بغضب:فين الدكاترة اللي هنا؟ 

الممرضة كان جسمها بيرتعش من الخوف وهيا بتقول: صدقني والله مفيش ولا واحد منهم هنا طلعوا مأموريه تبع الجيش؟؟ 


الشخص دا اتعصب من كلامها وقرب السلاح أكتر منها وقال:أنا معنديش وقت للكلام الفاضي دا لو الباشا مات هقلب المستشفي دي علي دماغكوا كلكوا!! 


الممرضة خافت من كلامه وفضلت تبص حواليها لحدما شافت داليدا واقفه ومصدومة من اللي بيحصل فشاورت عليها وقالت:الدكتورة داليدا هناك!! 


الشخص دا بص علي داليدا اللي واقفه علي السلالم ومصدومه ف وجه الس'لاح عليها وقال :انزلي يا دكتورة بسرعه..! 

داليدا هزت راسها ونزلت علي السلم بسرعه وقربت من الشخص دا وقالت:لو سمحت اهدأ ونزل الس'لاح المستشفي فيها عيانين كتير وممكن يتأذو بسبب اي تهور ! 


الشخص هز راسه وبصلها وقال وهو بيشاور علي اتنين من رجالته وهما شايلين شاب وكان غار"ق في دمه وبيقول: أخو الزعيم بتاعنا اتعرض لحادثة بسبب غدر ومحتاج يدخل للعمليات وكمل كلامه بتهديد وقال:لو مات هتحصليه..! 

داليدا أول ما سمعت كلامه اتخضت لانها مدخلتش غرفة العمليات من أربع سنين فقالت بصدمة:بس أنا مش بدخل عمليات!!! 


الشخص قرب السلاح من الممرضة تاني وقال بتهديد: بقولك لو مات كلكم هتحصلوه!! 

الممرضة صرخت بخوف وهيا بتقول :الحقيني يا دكتورة المسدس حقيقي ! 

داليدا بصت حواليها بتوتر وبصت للشخص اللي شايلينه وقالت بصوت عالي:دخلو المريض للعمليات! 


الشخص اللي كان بيهدد الممرضة ابتسم وهو بيبعد س'لاحة  وبيقول:حلو الكلام دا  يلا يا دكتورة بالتوفيق بس انا لازم اقولك حاجة مهمه !! 


داليدا هزت راسها ليه وهو قال بتهديد! الشخص دا لو مات أخوه مش هيرحمك!! 

داليدا بصتله بجمود وقالت:انا دكتورة ودا شغلي ولو مات يبق تنتقم من اللي قت'له مش مني!! 


داليدا قالت كلامها وهيا بتبص لكل الممرضات اللي واقفين وقالت:بسرعه جهزوه للعمليات وانا هحصلكم!! 

الممرضات قربوا بسرعه من الشخص دا وحطوه علي الترولي وداليدا جريت بسرعه علشان تجهز نفسها وبعد مرور عشر دقايق كانت داليدا وبقيت الممرضات في غرفة العمليات!

 

الممرضة بصت لداليدا اللي وشها احمر من التوتر وقالت:دكتورة احنا حياتنا متوقفه علي حياة الشخص دا ارجوكي انقذينا؟ 

داليدا بلعت ريقها وهي بتهز راسها وقربت  من المشرط ومسكته  واول ما قربته من جسم المريض بدأت تنهار وهيا بتقول:مش قادرة سامحوني مش قادرة!! 


الممرضة قربت منها وهيا بتقول :انتي قدها يا دكتوره انا عارفة ان والدك مات بسببك بس دا قضاء وقدر وأكيد دا اللي مكتوبله وانتي ملكيش اي ذنب !! 


ممرضة تانيه قالت"ارجوكي يا دكتورة حاولي تاني وان اشاء الله هتنجحي !! 


داليدا غمضت عينيها وهيا بتاخد نفسها وبتهز راسها ليهم وقربت من المريض تاني وهيا بتقرب المشرط من جسمه غمضت عينيها وبعد مرور ثواني بدأت داليدا توقف النزيف وبمساعدة الممرضات قدرت تسيطر علي الوضع وقدروا ينقذوا الشخص دا ويرجعوا قلبه ينبض من جديد!!! 


خارج غرفة العمليات كانوا واقفين الرجالة مستنيين الدكتورة تخرج وقبل ما داليدا تفتح باب غرفة العمليات وطمنهم علي حالة المريض  سمعت صوت ضر'ب نار جاي من الخارج.. وقفت داليدا برعب والممرضات قربوا منها وهما بيقولوا بخوف:هو ايه اللي بيحصل برا يا دكتورة!!! 


داليدا حطت صوباعها علي بوقها وهيا بتسكتهم وفضلت هيا تسمع اللي بيحصل برا كانت اصوات الضرب اختفت بسرعه و الباب اتفتح  عليهم فجأة وكان في شخص واقف وجمبة رجالة م'سلحة  كتير .. 


داليدا بصتلهم بصدمه وبصت علي الارض شافت كل الرجالة التانية وقعين علي الأرض وميتين!!

 

الممرضات مسكوا في بعض بخوف وفضلت داليدا واقفه وهيا مصدومه لحدما قرب الشخص دا منها وقال:انقذتي حياته !!!

داليدا بلعت ريقها وهزت راسها وقالت:أيوا هو كويس دلوقت وقلبة رجع ينبض تاني؟؟ 

الشخص دا بصلها بغضب وقال:مين قالك تعملي كده اتفضلي اقت"يليه ؟ 


داليدا فتحت عينيها من الصدمة والممرضات مسكوا في هدومها بخوف والشخص دا قرب منها وهو بيقول:لو معملتيش كدة هكون مول'ع فيه وفي المستشفي دي كلها!! 

قال جملته بصوت عالي لدرجة ان جسمها اتنفض من مكانه ! 


فضلت بصاله بصدمه وساكته لحدما الشخص دا وجه سلاحه علي ممرضة من اللي وراها وقال:أظن انك مبتجيش غير بالتهديد!! 


الممرضة صرخت وهيا بتقول:الحقيني يا دكتوره ابو'س ايدك! 

الشخص دا ضحك بسخريه ورجع بص لداليدا وقال:اي رئيك أبدأ بيها!! 

داليدا حركت راسها بالرفض وبصت للشخص دا وقالت:مش هقت"لة ولا هسمحلك تق'تلها انت فاكر نفسك مين يا همجي انت !! 


الشخص دا بصلها بصدمه ورجالته رفعوا أسلحتهم عليها ولاكنه رفع ايديه وأمرهم ينزلوا الاسلحه  وهو بيقول:طلعتي قطة مخربشه يا دكتورة بس حقك مهوا مفيش واحدة بالجمال دا وتكون جبانة!! 


داليدا بصت للممرضات بخوف وغمضت عينيها ودقايق وسمعت صوت هجوم لأشخاص تانية بيقربوا عليهم!! 

الشخص دا لف بجسمه واتصدم من كمية الناس اللي موجودة!! 

داليدا  بصت للممرضات وطلبت منهم  يخرجوا بسرعه ويروحوا للمرضي وهيا هتفضل هنا مع المريض دا!! 

الممرضات رفضوا يسيبوها وهيا صرخت فيهم وطلبت منهم  يتحركوا !! 


الممرضات هزوا راسهم ليها وخرجوا وهيا قفلت باب أوضة  العمليات عليها وقربت من الشخص دا بخوف وهيا بتبص لملامحه وبتقول:يا تري انت مين علشان تحصل المجزرة دي كلها علشانك!! 

قالت كلامها وهيا بتنزل علي رجليها وبتستخبي جمب السرير اللي هوا  نايم عليه وهيا بتقول بخوف:

انا بقيت تحت ايد مجرمين يا تري هيعملو فيا ايه!! 

قالت كلامها وهيا بتحط ايديها علي عيونها بخوف وبتدعي ان ربنا ينجيها من وسط المجزرة اللي بتحصل برا !! 

عدي دقايق وصوت ضرب النار بره بيتبادل لحدما فجأة الاصوات كلها أختفت والباب اتفتح ودخل منه أشخاص ملامحهم مش باينه بسبب الظلام ..وقفت وهيا بتقول برعب:والله ما قت'لته اهو عايش قدامكوا اهو سيبوني  عايشة!!! 


قالت كلامها وهيا لسا حاطة ايديها علي عينيها لحدما قرب منها شخص وشال ايديها وهو بيقول:كويس انه لسا عايش.. 

رفعت عينيها بخوف وهيا مستغربة من الشبه الكبير اللي بين الشخص دا والمريض اللي نايم فقالت بصدمة:هو أنا مت ودخلت الجنه ولا ايه! 

الشخص دا كانت عيونه مركزه جدا مع عيونها وهيا كانت لسا مصدومه لحدما بصت حواليها ولقت انها لسا في المستشفي فبعدت عن الشخص دا وهيا بتقول:انت تبع مين فيهم اللي عايزينه يعيش والا اللي عايزيني أقت'له!! 

الشخص دا هز راسه وقال:لا اللي عايزينه يعيش بس للاسف مش هينفع نسيبك هنا!! 

 

بصتله برعب وهيا بتبلع ريقها وبتقول: لية هتق'تلني!! 

الشخص دا هز راسه بالرفض وقال:لا هتجوزك يا دكتورة!! 

يتبع بقلمي الكاتبة شيماء صبحي '

تفتكروا داليدا هتعمل ايه مع الناس المجهولة دي وياتري هتوافق فعلا علي عرضة ليها ولا هترفض ... 🥹

وعايزاكو تتوقعوا إسم البطل بتاعنا ايه وياتري غرضة فعلا الجواز منها ولا حاجة تانيه !! 

 واكتبولي رأيكوا في اسم الرواية والغلاف بتاعها ومتنسوش تعملوا لايك وتكتبولي  كومنت علشان أكمل🩷🩷🩷

#الفصل_الثاني

#تحت_أمر_الحب

#الكاتبة_شيماء_صبحي


داليدا رفعت عينيها بصدمه وهيا بتقول:أفندم تتجوزني أنت مين أصلا علشان تقتحم غرفة العمليات  علي فكرة اللي بتعملو دا غير قانوني!! 

الشخص دا قرب منها وهوا بيقول بجدية:دا أمر مش أقتراح يا دكتورة وأظن ان ليكي الأختيار يا الجواز يا الق'تل..! 


داليدا بلعت ريقها وهيا بتقول:ودا كله ليه أنا عملت ايه انا أنقذت اللي شبهك دا من الموت هل دا جزائي اني دخلت غرفة العمليات رغم اني ممنوعه من دخولها ولا بسبب اني مسكت المشرط لاول مرة بعد اربع سنين من الحرمان؟؟؟ 


الشخص دا بصلها وهو بيمسك  ايديها وبيقول:انا ميهمنيش الكلام دا كله انا اللي يهمني فعلا أخويا ولاكن انتي دلوقت حياتك بقت في خطر لأنك أنقذتيه!! 

داليدا وقفت وهيا مش مستوعبة اللي بحصل قدامها وقالت:من شويه في واحد هددني انه لو مات هيقت'لني ودلوقت انت بتقولي حياتي في خطر اني انقذته انا المفروض كنت اعمل ايه انقذه ولا أقت'لة!! 


الشخص دا هز راسه وقال:الصح انك أنقذتيه علشان لو مكنتيش عملتي كده كنتي هتموتي علي ايدي انا وطبعا انا مكنتش هضرب نار ولاكن ليا طرق كتيرة في الانتقام!؟ 

داليدا حطت ايديها علي راسها وقالت بدموع:طيب انا لازم اروح ازور مريض حالا لان دا معاد العلاج بتاعه وهرجع لحضرتك تاني!! 


الشخص دا هز راسه ليها وداليدا ابتسمت وخرجت من غرفة العمليات ورجالة الشخص دا كانوا هيروحو معاها ولاكن هوا منعهم وسابوها تخرج ..!  وأول ما هيا بعدت عنهم بشويه  جريت بأقصي سرعه عندها ودخلت مكتبها واخدت شنطتها وخرجت من الباب الخلفي للمستشفي واول ما خرجت برا وقفت تاكسي وركبت فيه بسرعه وهيا بتقوله علي عنوان بيتها 

واو لما التاكسي اتحرك  الشخص دا ابتسم وهوا بيبص عليها من الشباك .. 

رجالته قربوا منه وقالو :الاستاذ رشاد فاق يباشا !! 

ابتسم ليهم وهو بيبصلهم وبيقول :انزلوا جهزوا العربيات علشان هننقله للقصر وطبعا فضولي الليله دي كلها  الاول وهددوا الممرضات دي لو اتكلموا وقالو اي حاجة من اللي حصلت هنا هعمل فيهم ايه!! 

رجالته هزوا راسهم ونزلوا ودخل هوا لغرفة العمليات وشاف أخوه وهو فاتح عينه وبيبصله وبيشاورله يقرب منه!! 


قرب منه وهوا مبتسم وبيقول:عامل ايه دلوقت يا رشاد؟؟ 

رشاد ابتسم وهوا بيشاورله انه بخير واتكلم بتعب وقال:خرجني من هنا!! 

هز راسه ليه وقال:هخرجك يا رشاد بس انت لازم تعرف مين السبب في الحادثة دي الأول! 

رشاد بصله وهز راسه وهو اتكلم وقال:كمال شريكك بس متقلقش  انا خدتلك حقك منه وابق اقراله الفتحه لما تبق كويس!! 


رشاد بص لاخوه وهو مصدوم وبيقول :قت'لته ليه!! 

وقف بغضب وهو بيبص لأخوه وبيقول بعصبيه:كان جاي يقتلك كان بيهدد الدكتورة اللي انقذتك انها تخلص عليك ! 

رشاد لف راسه بغضب من اخوه ولاكنه لما افتكر الحادث وقد ايه كان واضح انه متدبر رجع بص لاخوه وقال:متزعلش مني مش قصدي ازعلك بس خرجني من هنا مش طايق المكان دا!! 


هز راسه وقال:متقلقش الرجاله تحت  بيجهزولك العربية اللي هينقلوك فيها بس انت هتقدر تستحمل الطريق!! 

رشاد هز راسه وغمض عينيه وبعد وقت وصلت الرجالة وهما بيقولوا العربيات جاهزه يا باشا ودا الترولي اللي هننقل رشاد باشا عليه! 

هز راسه وامرهم ينقلوه وهو هينزل بعدهم ...! 

رجالته قربوا من رشاد وشالو كل الاجهزه اللي متعلقه بجسمه وحطوه علي الترولي رشاد كان بيتألم ولاكنه مصدرش أي صوت الرجاله شالوا الترولي وخرجوا  من المستشفي وحطوة في العربيه وبعدها اتحركوا للقصر ..! 


وفضل الشخص التاني في المستشفي وهو بيبص لكل ركن فيها دخل  في اوضة الدكتوره داليدا وكان بيبص علي كل التفاصيل اللي فيها وانتبه لكميه شهادات التقدير بتاعها وشاف قد ايه هيا دكتورة شاطره بس اللي استغربه هوا كلامها لما قالتله  انها مدخلتش  غرفة العمليات من اربع سنين ،،؟ 


اول ما قرأ اسمها ابتسم وهو بيقول:داليدا إسمك حلو يا دكتورة!! 

قرب من تيلفونها اللي نسيته في الدرج  وفتحه ولقي صورة ليها هيا وشخص كبير خمن ان دا يبق ابوها!! 

حط تيلفونها في جيبه وخرج من المكتب وهو بيبص للمستشفي ولاحظ كاميرات المراقبة اللي موجودين في كل مكان قرب من مكتب المدير وفتح الباب بسهوله وقدر انه يمسح كل تسجيلات الكاميرات اللي صورت كل اللي حصل  ..وبعدما خلص خرج من المستشفي وركب عربيته واتحرك بيها للقصر بتاعه...!! 


وفي مكان تاني في منزل بسيط كانت واقفه داليدا وهيا بتقول بصدمة" أكيد مش هيسبوني في حالي  الحل الوحيد دلوقت اني اهرب واروح اي مكان بعيد!! 

فضلت تفكر في اي حد من قرايبهم الي عايشين في بلاد بعيده فافتكرت جدها اللي قاعد في المنيا ابتسمت داليدا وهيا بتقول" جدي اكيد هو الوحيد اللي هينقذني من كل دا !! 

قامت داليدا وهيا بتجهز شنطتها بسرعه وحطت فيها كل المستلزمات اللي هتحتاجها طول  فترتها  هناك  وبعدما خلصت اتحركت بسرعه لخارج الشقه واول ما نزلت لقت تاكسي قدام العماره استغربت وجوده فقالت وهي بتبص للسواق  " فاضي!! 

صاحب التاكسي هز راسه ليها وقال" هتروحي فين يا انسة!! 

داليدا بصتله باستغراب وقالت" محطة القطر! 

السواق هز راسه وقرب منها وهو بيقول" كان في زبونه هنا في العماره دي طلبت مني استناها ولحد دلوقت منزلتش اعتقد انها نسيتني!! 


داليدا بصتله وارتاحت لما سمعت كلامه فادتله شنطتها وهيا بتاخد نفسها وبتقول" تلاقيها شهد بنت عمي مخلص هيا علي طول كده!! 

السواق ابتسم وهو بيقول:ربنا يهدي بناتنا جميعا!! 

داليدا ابتسمت وهيا بتديلة الشنطه بتاعها وهوا اخدها وحطها في شنطة العربيه وبعدها ركب واتحركوا!! 


وفي قصر عائلة الصاوي دخلت العربيات اللي موجود فيها الرجاله ومعاهم رشاد !! 

اول ما وصلوا استقبلهم الخدم وقدروا ينقلوا رشاد لاوضته وبعد دقايق كان وصل الدكتور الخاص بالعائلة وبدأ يركب الاجهزة بجسم رشاد علشان حالته غير مستقره لانه اتعرض للهوا وهوا لسا خارج من عمليه جراحية !! 


وبعد وقت وصل عمار وهوا بيركن عربيته وبيستقبله المساعد بتاعه وهو بيقول:عمار باشا احنا اتخلصنا من كل الجثث ورمناهم علي الجبل علشان الموضوع يبان انها كانت خناقه مبينهم !! 

عمار هز راسة وقال:رشاد عامل ايه دلوقت! 

المساعد رد عليه وقال:الدكتور معاه دلوقت يباشا وبيقول ان حالته لسا مش مستقرة لانه أتعرض للهواء وهوا لسا خارج من عمليه جراحية!! 


عمار اتحرك لجوه القصر ودخل بسرعه لأوضة رشاد وهو بيبص للدكتور وبيقول:حالته مش مستقره ازاي يا دكتور!! 

الدكتور وقف وهوا بيقرب من عمار وبيقول:ان شاء الله هيكون كويس هوا بس هيكون تحت الرعايه لمدة ٢٤ ساعه ولو حالته متحسنتش هضطر اخدة عندي المستشفي !؟

عمار بص لاخوه بحزن ورجع بص للدكتور وقال:انا عايز ممرضة تكون جمبه وتعرف ميعاد الادويه بتاعته بس اهم حاجه تكون بنت ثقة يا دكتور!! 

الدكتور هز راسه وقال:انا حاليا معلقله محلول لما يخلص هيتحسن شويه ومتقلقش  انا هتصل بممرضة كويسه تيجي هنا لحضرتك..! 


عمار هز راسه وقال:طيب يا دكتور متشكر علي تعبك معانا! 

الدكتور ابتسم وهو بيقول:أهم حاجة رشاد بيه يتحسن! 

عمار هز راسه وهو بيبص لرشاد وخرج الدكتور علشان يتصل بالممرضة .. 

قعد عمار قدام اخوه وهوا بيمسك إيديه وبيقول:حظرتك منه كتير يا رشاد بس طيبتك دي اللي ضيعتك بس من النهارده انت تحت حمايتي واي حد هيتخطي حدوده مش هكتفي بق'تله بس  ؟؟؟  قال كلامه وهيا بيرجع بضهرة لورا وبيفتكر الدكتورة اللي شافت كل اللي حصل وعجبة اوي قوتها وهيا بتوقف كمال وبترد عليه بتحدي وبتعرفه انها مش هتأذي حد!!! 


بداخل محطة القطر وصلت داليدا وهيا بتبص حواليها بصدمه وهيا مش مستوعبه ان من كام ساعه بس كل حياتها إتغيرت ودلوقت بتهرب!! 


 افتكرت كلام مسعد ليها لما قال :ربنا يرزقك بشخص يغير حياتك للأحسن؟؟ 

داليدا همست بغيظ وقالت:منك لله يا مسعد معدتش تدعيلي تاني !! 

قربت من الشخص اللي بيقطع التذاكر وقالت:قطر المنيا هيوصل امتي؟ 

الشخص بصلها وهو بيقول :الساعه ١٢ يا استاذة !! 

داليدا بصت في الساعه بتاعها لقت انها ٣العصر اتنهدت بتعب وهيا بتقول :٩ سعات بحالهم ليه كدة بس!! 

داليدا خرجت شنطتها وهيا بتطلع الفلوس ولاكن لفت نظرها ان موبايلها مش معاها قالت بصدمة:نسيته في درج المكتب بتاعي!!! 

ضربت دماغها بصدمه وهيا بتقول:أكيد هما لسا هناك ولو روحت مش هيسبوني عايشه بعدما هربت!! 


الشخص كان بيسمع كلامها وباصصلها باستغراب وبيقول:انتي كويسه يا أستاذه! 

داليدا انتبهت ليه وقالت:أيوا كويسه قولتلي بق التذكرة بكام؟؟؟؟ 

الشخص دا بصلها باستغراب من حالتها وقالها السعر وهيا دفعت الفلوس واخدت التذكرة ومشيت في  اتجاه استراحة  المحطة وهيا بتدور علي كرسي تقعد عليه لحدما لقت كرسي فاضي جريت عليه بتعب وحطت شنتطها وهيا بتقول:يارب متحصلش اي مفجأة تانية النهاردة انا معدش عندي طاقة!!


عدي ثلاث سعات وداليدا علي نفس الوضع حاضنة شنطتها وبتبص علي الناس التي بتركب القطر والناس اللي بتخرج منه لحدما نامت من التعب وفي الوقت دا قرب شخص كان متابعها من وقت مهيا قعدت وكان ملاحظ الفلوس اللي طلعتها من شويه وعدتها قرب منها وقعد جمبها لمدة نص ساعه وبعدها بدأ يسحب الشنطة من حضنها بالراحة  وهيا بسبب نومها التقيل سابت الشنطة بسهوله والشخص دا اول ما القطر بتاعة وصل اخد الشنطة وجري علي القطر وركب ..


وبعد مرور ساعتين صحيت داليدا علي صوت طفل صغير بيعيط جمبها وكانت مامته بتصرخ بصوت عالي علشان يسكت .. 

داليدا بصت علي شنتطها واتفجأت إنها مش موجوده بصت للست دي وقالت:لو سمحتي مشفتيش شنتطي !! 


الست هزت راسها بلأ وداليدا وقفت وهيا بتبص حواليها بصدمه وقامت وهيا بتسأل الناس اللي موجودين وكلهم بيقولولها انهم لسا واصلين المحطة  ومشافوش حاجة .! 


خرجت داليدا للشخص اللي بيقطع التذاكر وقالت:لو سمحت انا شنتطي اتسرقت وانا نايمه ومش عارفه مين اللي اخدها ممكن تساعدني! 


الشخص بصلها وهز راسه وقال:انتي متأكدة من كلامك دا يا أستاذه! 

داليدا هزت راسها وقالت:ايوا اتسرقت في حد استغل اني نايمه وسرق الشنطة  لو سمحت شوف الكاميرات الشنطة كان فيها كل فلوسي وحاجتي!! 


الشخص دا شاور للامن اللي موجود وطلب منه يراجع للاستاذه دي الكاميرات والأمن طلب من داليدا إنها تروح معاه لمكتبه ويشوفوا الكاميرات!! 

داليدا مشيت معاه وهيا مصدومة لان الموقف بايخ جدا واول مرة تتعرض ليه ! 

الشخص اللي معاها فحص الكاميرا وسالها : اتسرقت امتي يا استاذه  ؟


 داليدا بصتله باستغراب وقالت مش عارفه بس من وقت منا نمت يعني حوالي الساعه ٦ او ٧ كده يعني! 

الامن هز راسه وراجع الكاميرات لحد الوقت اللي كانت الشنطة موجوده معاها وعدي وقت بسيط ولاحظوا  الشاب اللي قرب منها وسحب الشنطة وقت وصول القطر وركب فيه!! 

داليدا خبطت كف فوق الاخر وهيا بتقول: والله اللي انا بمر بيه مش ناقص سرقة خالص.:

رجل الامن طلع من جيبه ٢٠٠ جنيه وهو بيمد ايديه لداليدا وبيقول:خدي يا بنتي خلي دول معاكي وانا هعرض الفيديو دا للمباحث وانشاء الله هيجيبوا الولد دا بس ممكن تسيبي رقمك او عنوانك واول ما يوصلوا للولد هنتواصل مع حضرتك! 


داليدا بصت للفلوس بحزن واخدتها وهيا بتقول:شكرا لحضرتك ورقمي هات اكتبه !! 

 رجل الآمن ادالها الورقة تكتب رقمها وهيا كتبت رقمها وعنوانها وبعدما خلصت قالت :دا رقمي ودا عنواني واتمني توصلوا للولد دا في اسرع وقت؟ 

 

رجل الامن هز راسه وداليدا خرجت من مكتبه وبصت للمحطة بحزن وهيا بتقول:فرصة هربي من هنا فشلت هروح فين واجي منين بس يا ربي!! 

خرجت من المحطة ومشيت مسافة كبيره علشان تقدر تركب اي مواصلة وترجع شقتها تاني وبعدما ركبت المواصلة والعربيه اتحركت  افتكرت انها ادت رقمها لرجل الامن وتيلفونها مش معاها  فضربت راسها بصدمه  لتاني مره وهيا بتقول:وطبعا مهما يتصلواعليا محدش هيرد بس هقول ايه علي غبائي !! 


وصلت لبيتها بعد طريق طويل واول ما طلعت ووصلت قدام شقتها  لقت بوكس موجود قدام الباب قربت منه باستغراب وفتحته ولقت فيه  جواب ومكتوب علية :  مينفعش تفضلي هنا كتير لازم تبقي في بيتي.! يتبع بقلمي الكاتبة شيماء صبحي 


دايما بنتنا حظها نحس وواضح من البدايه😓 ودعوة مسعد قلبت عكسها😭 تتوقعوا داليدا هتعمل ايه في الورطة اللي هيا وقعت فيها وهل هتقدر تهرب تاني ولا عمار هيمسكها🥲

#الفصل_الثالث

#تحت_أمر_الحب 

#الكاتبة_شيماء_صبحي

وصلت لبيتها بعد طريق طويل واول ما طلعت ووصلت قدام شقتها  لقت بوكس موجود قدام الباب قربت منه باستغراب وفتحته ولقت فيه  جواب ومكتوب علية :  مينفعش تفضلي هنا كتير لازم تبقي في بيتي....! 

داليدا رمت البوكس علي الأرض بصدمة وهيا بتقول: يا نهار أسود عرفوا مكاني ..عرفوا مكاني أهرب أروح  فين دلوقت ؟؟؟ 

فضلت تدور في هدومها علي مفتاح الشقه ولاكنها ملقتهوش همست بحزن:المفتاح كان في الشنطة الي اتسرقت!!


نزلت علي السلم وهيا بتبص حواليها علشان تتاكد لو في حد بيراقبها و لحدما خرجت برا العماره جريت بسرعه في شارع جانبي وهيا بتاخد نفسها وبتقول:لازم اهدي علشان أعرف أفكر هروح فين في الوقت دا؟؟؟

 

قعدت داليدا وهيا بتغمض عينيها وبتقول: لقيتها ريتاچ صحبتي ممكن اروحلها واعرفها اني اتسرقت وبقيت في الشارع وهيا أكيد هتخليني عندها..!


وقفت داليدا بعدما قالت الكلام دا لنفسها واول ما مشيت خطوتين وقفت وهيا بتقول بصدمة :بس ريتاچ  لسا متجوزة جديد وطبعا مش هينفع اروحلها  خالص؟؟ 


رجعت داليدا  تاني وقعدت وهيا بتفكر في اي حد تاني تعرفه  لحدما اخدت قرارها ومشيت..! 


وبداخل ملهي ليلي مجموعة بنات قعدين مع بعض وبيتكلموا علي شخص واقف قصادهم علي البار ! 

واحده منهم قالت بسُكر :بس الباشا واضح ان في حد مزعلة  النهارده ايه رأيكوا نروح ونفرفشة!!

 

بنت تانيه ردت عليها بضحكه خبيثة وقالت:بس انتي عارفه انه غشيم واخر مره كنت هموت في ايديه بس حق ربنا هو يستاهل المغامره !! 


صاحبتها التانيه ضحكت وهيا بتقف وبتقول:انجزوا يا بنات قبل ما يمشي لان واضح فعلا انه متضايق!! 

ضحكوا كلهم وقاموا وقربوا عليه وهما بيتمايلوا علي نغمات الموسيقي  وواحده قربت عليه وقالت وهيا بتحط ايديها علي وشه :حازم باشا مالك متضايق ليه !! 

الشخص دا بصلها بضيق وقال:مليش مزاج يا ليلي خدي اخواتك دول وامشوا من قدامي !! 


ليلي رفعت حاجبها وهيا بتقول:بس انت عارف  بنحبك قد ايه ولما لاحظنا انك متضايق جينا علي طول علشان نخرجك من المود ونفرفشك!! 


البنات ضحكوا علي كلامها وهو بصلهم بضيق وكسر الكاس اللي كان ماسكه وقال بغضب  :قولتلكوا مليش مزاج ؟؟ 

قال كلامه ومشي وهما فضلوا باصين عليه وبيضحكوا وبعدها ليلي بصتلهم وقالت :ملكوش نصيب في الليله دي يبنات يلا كل واحده تروح تصتادلها عريس وتطلع بيه علي  فوق!! 


البنات هزوا راسهم ومشيوا من قدامها  وليلي فضلت تبص حواليها لحدما شافت شاب كان واضح انه سكران خالص فقربت منه وفضلت تتمايل بجسمها  قدامه لحدما الشاب دا قرب منها وهوا بيبص لجس'مها بابتسامه وبيقول'فاضي ولا مشغول زي العادة! 

ليلي ضحكت وهيا بتحط ايديها علي رقبته وبتشده عليها وبتقول:حتي  لو مشغولة علشان عيونك أفضالك! 

الشاب ضحك وبدأ يقرب منها وهيا استسلمت ليه بكل سهولة وسابته يمس'ك جسمها!! 


وفي الخارج ركب الشخص دا عربيته وهوا متعصب وساقها وهو بيقول بغضب:صنف واحد وعمركم مهتتغيروا !! 


وعند داليدا كانت ماشيه بتعب وهيا مقررة هتروح لواحدة جارتهم كانت سابت العمارة من كام سنه وقاعده حاليا  في بيت بنتها بعدما اتجوزت واحد غني وكان البيت دا بعيد شويه عن المكان اللي داليدا عايشة فيه !! 


داليدا فضلت ماشيه  ساعه متواصلة لحدما قربت من البيت وفي الوقت دا قربت عربية منها وكانت ماشيه علي سرعه عالية !! 

داليدا من الصدمة وقفت مكانها والشخص اللي كان سايق العربيه قدر يسيطر عليها ووقفها قبل ما يخبط داليدا بمسافه صغيرة!! 


داليدا فتحت عينيها بعدما إستوعبت انها لسا عايشه  وبصت  للشخص اللي في العربيه دا بغضب وقالت:مش تحاسب يا متهور انت كنت هتموتني!! 

خرج الشخص دا من العربيه وهو بيبص للبنت اللي قدامه وبيقول بزعيق وصوت عالي:انا برضوا اللي احاسب والا انتي الي ماشيه سرحانه!! 


داليدا اتضايقت من كلامه ومشيت وسابته من غير مترد عليه وقربت من البيوت اللي موجوده وهيا بتقرأ الأسامي اللي موجوده علي البوابه وفضل الشخص دا باصص عليها باستغراب وهو مش مصدق ان فيه بنات بالشكل دا!! 


داليدا وقفت قدام بيت وكان مكتوب علي اسمه (فيلا أسر السيناوي) داليدا قرأت الإسم وهيا بتغمض عينيها علشان تتأكد انه يبق نفس الاسم اللي جارتهم قالتلها عليه وبعد كام دقيقه من التفكير هزت راسها وهيا بتقول:ايوا دا نفس الاسم! 


الشخص دا قرب منها لما لقاها بتقرب من بيته وقال بغضب:انتي رايحه فين اقفي عندك انتي فكراها زريبة؟؟ 

داليدا اتعصبت من  اسلوبه  واتضايقت اكتر لما مسكها من دراعها ،  شدت إيديها وبصتله بغضب وقالت:بقولك يا اسمك ايه انت أنا لا فايقالك ولا حتي عايزه اتخانق معاك  فا سبني بق في حالي احسن !! 


حازم رفع حاجبه باستغراب وقال:أسيبك في حالك !! 

داليدا هزت راسها وقبل ما ترن الجرس هوا قرب من الباب وفتحه ودخل وهو بيبصلها وبيقول:أعتقد اني معرفش حد بالشكل دا وأكيد أنتي  غلطانه في العنوان!! 


قال كلامه وهو بيقفل الباب في وشها وسابها واقفه مصدومه!! 


داليدا انتبهت لنفسها وبصت للمكان اللي هيا واقفه فيه وهي بتقول بحزن:هو دا اللي كان ناقص مهيا حياتي خلاص باظت مش هتوقف يعني علي الموقف دا!! 


مشيت داليدا وهيا بتبص علي اسامي البيوت تاني لحدما رجعت لنفس البيت وهيا بتقول:أنا متأكدة ان هو دا نفس الاسم  !! 

رنت الجرس وهيا بتعدل هدومها وعدي ثاني والخادمة فتحت الباب!!


داليدا ابتسمت وهي بتقول:لو سمحتي هيا طنط أمنة او شريهان موجودين ! 

الخادمه بصت لداليدا باستغراب وقالت:حضرتك تقصدي شريهان هانم مرات أسر بيه؟ 

داليدا هزت راسها والخادمه ابتسمت وهيا بتقول:

اتفضلي يا انسه ايوا موجودين .

داليدا ابتسمت وهيا بتهز راسها ودخلت  للبيت وهي بتبصله بإعجاب لان كان شكله جميل اوي وشبه اللي بيجوا في المسلسلات  .

 

الخدامة ابتسمت لداليدا وقالت:اتفضلي اقعدي هنا وانا هبلغ المدام بوجودك أقولها مين!! 


داليدا ابتسمت وهيا بتهز راسها وبتقول:داليدا قوليها كده وهيا هتعرفني.؛

الخادمه هزت راسها بابتسامه و مشيت من قدامها وفضلت داليدا قاعده علي الكرسي وهيا  بتبص لكل ركن في البيت وهيا مبهوره بالتصميم بتاعه! 


نزل حازم وهوا بيدور علي مفتاح عربيته اللي نساه علي الكرسي واول مشاف داليدا قال باستغراب:انتي دخلتي هنا ازاي !


داليدا بصتله بضيق وشاورت علي الباب وقالت:من هنا أكيد مش من جحر الفار يعني؟ 

حازم بصلها بغيظ وقال:معرفش ايه الناس قليلة الزوق دي أكيد انتي تبع شريهان نفس الشكل!! 


داليدا كانت هترد عليه ولاكنها شافت شريهان نازله من علي السلم وهيا مبتسمه وبتقول:داليدا حبيبتي  نورتي البيت  ؟؟ 


داليدا بصتلها بابتسامه ووقفت وهيا بتستقبلها وبتقول: البيت منور بأصحابه!! 

شريهان أبتسمت وقالت:عامله ايه وحشتيني اوي!! 


داليدا ردت عليها بابتسامه وقالت"وانتي كمان وحشتيني اوي يا شريهان!! 


شريهان ابتسمت وهيا بتبص لحازم وبتقول:حازم حمدلله علي السلامه! 

حازم هز راسه وابتسم بضيق وشريهان بصت لداليدا وقالت:دا حازم اخو أسر جوزي .

داليدا بصتله وهيا بتهز راسها بضيق من تصرفه معاها من شويه وحازم كان بيبص لداليدا بسخريه وهيا اتضايقت من نظرته ليها فقالت وهي بتبص لشريهان   : الظاهر ان  جوزك شخص محترم علشان كده أخوه طالع شبهه! 


شريهان ابتسمت علي كلامها ولاكن حازم اتضايق و بصلها بغيظ وسابهم ومشي وداليدا بصت لشريهان وهيا بتقول:أنا مش عارفه أجبهالك ازاي يا شريهان بس أنا حاليا بقيت في الشارع ؟؟ 

شريهان شهقت بخضة وهيا بتقول:ازاي يعني يا داليدا وشقتك  راحت فين! 

داليدا بصتلها بحزن وقالت:شنطتي اللي كان فيها مفتاح الشقه اتسرقت وانا للاسف بسيب النسخه التانيه جوه وانتي عارفه ان انا مليش حد ومعرفش غيرك انتي وطنط أمنه وعلشان كده جيت علي هنا!! 


شريهان ضمت حاجبها بحزن وهيا بتقول:طبعا يا حبيتي انتي تنوري في اي وقت وكويس انك جيتي هنا  يا داليدا احنا منعرفش برضوا ايه اللي كان ممكن يحصلك وانتي في الشارع! 

داليدا هزت راسها بحزن وشريهان قالت:تعالي معايا يا داليدا هوريكي اوضتك اللي هتقعدي فيها!! 


داليدا اتحرجت جدا وقالت:طيب هو انتي مش هتستأذني جوزك الاول ! 

شريهان ضحكت وهيا بتقول:أسر جوزي لا متقلقيش دا طيب جدا ولو كان هنا كان هيعمل نفس اللي هعملة! 

داليدا بصتلها باستغراب وقالت:يعني هوا مش هنا! 

شريهان ضحكت وهيا بتهز راسها وبتقول:أسر حبيبي مسافر عنده شغل وهيرجع بعد اسبوع والمفروض ان حازم اخوه كان معاه بس معرفش ايه اللي جابو بدري كده!! 

داليدا ابتسمت وهيا بتبصلها وبتقول: متشكرة جدا يا شريهان انا والله مش عارفه أقولك ايه بس انا هبات النهارده بس وهمشي الصبح علي ما اجيب حد يفتحلي الباب!! 


شريهان ابتسمت وهيا بتخبط علي ضهر داليدا وبتقول:والله يا داليدا انت هتونسيني انتي عارفه ماما مبتخرجش من اوضتها قد كده وبفضل انا وشي في وش الخدامه طول الوقت ! 


داليدا ابتسمت ليها وهيا بتقول:طيب هو انتي لسا مجبتش نونو!! 

شريهان ابتسمت بحزن وهيا بتقول:جبت بس توفي بعد الولاده بيومين ! 

داليدا خبطت علي ضهرها وهيا بتقول" انا أسفه مكنتش اعرف والله ! 

شريهان ابتسمت وهيا بتحط ايديها علي كتف  داليدا وبتقول:ولا يهمك يا حبيبتي ..شريهان فتحت باب اوضة من الواضح انها كانت مجهزة لطفل! 

شريهان دخلت هيا وداليدا وقالت"  تقدري ترتاحي براحتك اعتبري البيت بيتك يا داليدا!! 

داليدا حض'نتها وهيا بتقول:شكرا يا شريهان انا والله مش عارفه اقولك ايه! 


شريهان ابتسمت وهيا بتقول:شكرا ايه يا هبلة مفيش شكر بين الاخوات! 

داليدا ابتسمت وشريهان قالت:هسيبك بق ترتاحي وهطلع انا اشوف ماما اللي نايمه من الصبح دي! 

داليدا هزت راسها وابتسمت وشريهان خرجت من الاوضة وهيا بتقفل الباب وراها !! 


وفي غرفة حازم كان نايم علي السرير وهو بيقول :مين دي وايه اللي جايبها هنا في الوقت دا!! قال كلامه باستغراب وافتكر رد فعلها لما كان هيخبطها وقد ايه تجاهلته ومردتش تنخانق معاه ! 

خرج من اوضته وهو مقرر يعرف مين دي وبتعمل ايه هنا! 

اول ما خرج من اوضته لاحظ خروج شريهان من الاوضة اللي كانت مخصصة لطفلها اللي مات فقرب منها باستغراب وقال:بس غريبه يعني يا شريهان بتفتحي الاوضة اللي مقفول بقالها سنه! 

شريهان ابتسمت وهيا بصاله وبتقول:ولا غريبه ولا حاجة دي داليدا صحبتي هتبات هنا النهارده علشان مفتاح بيتها ضاع وملهاش حد غيرنا   ! 


حازم هز راسه وهوا بيقول:يا حرام صعبت عليا اوي! 


شريهان هزت راسها وقالت:بعد ازنك يا حازم رايحه اشوف ماما!

حازم هز راسه وهو بيبص للاوضة  وشريهان سابته ومشيت وهو رجع أوضته تاني وقرر يتجاهلها وميفكرش فيها ويفكر هيعمل ايه في خطيبته اللي كدبت عليه وفهمته انها نايمه وطلعت مسافره ومقضياها مع اصحابها!! 


وفي قصر الصاوي وصلت الممرضة الي طلبها الدكتور علشان رعاية رشاد بيه!! 

واحد من رجالة عمار وقفها وهو بيقول: انتي مين وبتعملي ايه هنا!! 

البنت بصت للشخص دا بخوف لانه كان ماسك سلاح فقالت :انا دنيا الممرضة اللي طلبني دكتور هشام؟


 الشخص دا بصلها من فوق لتحت وقال: تعالي معايا علشان تقابلي عمار بيه؟ 


دنيا هزت راسها ومشيت وراه وهيا خايفه لان القصر كله مليان رجاله مسلحين وشكلهم يخوف الشخص دا وقف قدام مكتب كبير وقال بصوته الخشن: ادخلي عمار بيه جوا ! 


دنيا هزت راسها ودخلت واول ما الحارث قفل الباب جسمها اتنفض وهيا بتبص للشخص اللي قاعد ومركز في اللاب توب اللي قدامه فقالت بصوت خايف:السلام عليكم أنا دنيا الممرضة اللي جايه تبع دكتور هشام! 


عمار رفع عينيه وهوا بيبصلها وبيقول:تعالي أقعدي يا دنيا! 


دنيا قربت من الكرسي وقعدت وهوا بصلها وقال:فين السي في بتاعك" 

دنيا بصتله باستغراب وقالت:انا مش معايا السي في بس معايا بطاقتي الشخصيه ! 

عمار هز راسه وطلب منها البطاقه وهيا  خرجت  من شنطتها محفظتها وهيا بتطلع منها البطاقه وعمار كان مركز معاها فقالت بخجل:هيا بس مش راضيه تطلع بس انا هحاول تاني! 

عمار مسك المحفطة من ايديها وطلع هوا البطاقه بتاعها واول مشال البطاقه لفت نظره صورة للدكتورة اللي هربت كانت واقفه  جمب البنت اللي قاعده قدامه! 


عمار خرج الصوره وهو بيبص للبنت اللي قدامه وبيقول:انتي تعرفي البنت دي! 

دنيا بصت للصوره وهيا بتهز راسها بخوف وبتقول:أيوا دي دكتورة داليدا أيمن!

عمار هز راسه وهو بيقول:عارفة عنوانها فين! 

دنيا بلعت ريقها بتوتر وهيا بصاله وهو كان مركز جدا مع عيونها ..دنيا هزت راسها وقالت:أيوا عارفه عنوانها...

عمار هز راسه ليها وادالها المحفظه وهو بينادي علي الراجل بتاعه اللي واقف برا واول ما الراجل دا دخل عمار بصله وقال:خد الممرضة لغرفة  رشاد بيه! 

دنيا قامت وبصت للشخص دا بتوتر وهو بصلها وقال باعجاب واضح في عيونه:اتفضلي يا استاذة!! 

دنيا هزت راسها ومشيت معاه واول ما دخلت غرفة المريض اللي هتهتم بيه بدات تحضرله الحقنه اللي الدكتور بلغها تديهاله اول ما توصل والشخص دا  فضل يبصلها ومبتسم وهيا قربت منه وقالت:لو سمحت مينفعش تفضل هنا علشان المريض بيتأثر بوجود الناس اللي حواليه وممكن دا يضايقه !! 

الحارث هز راسه وقال:طيب بس لو احتاجتي اي حاجه انا واقف برا.. 

دنيا هزت راسها بابتسامه وهو بصلها من فوق لتحت للمرة التانيه وخرج!! 


دنيا اول متأكدت انه خرج مسكت تيلفونها بسرعه وطلعت رقم داليدا واتصلت بيها وهيا مقرره تبلغها بسؤال الشخص دا عليها..يتبع بقلمي الكاتبة شيماء صبحي 


#الفصل_الرابع

#تحت_أمر_الحب

#الكاتبة_شيماء_صبحي


دنيا اول متأكدت انه خرج مسكت تيلفونها بسرعه وطلعت رقم داليدا واتصلت عليها وهيا مقرره تبلغها بسؤال الشخص دا عليها لان من نظراته حست ان في خطر علي حياتها..


وفي أوضة عمار تيلفون الدكتورة داليدا  رن ..

عمار خرج التيلفون من جيبه وهو بيبص للرقم اللي بيتصل بإستغراب لأنه مكنش متسجل  فمسك التيلفون وفتح المكالمه وهو مستني اللي بيتصل يتكلم ..اتكلم رجل الآمن اللي في محطة القطر وهو بيقول:السلام عليكم يا بنتي! 


عمار بعد التيلفون باستغراب وهو بيبص للرقم تاني وبعدها رجع حط التيلفون علي ودنه وقال:وعليكم السلام مين حضرتك! 

رجل الآمن قال بتساؤل :مش دا رقم داليدا أيمن!! 

عمار افتكر اسم داليدا فرد عليه وقال:أيوا مين حضرتك! 

رجل الآمن ابتسم وهو بيقول:شنطة الاستاذة داليدا اللي اتسرقت من ساعتين هنا في المحطة قدرنا نرجعها تاني ونمسك الولد اللي سرقها ف لو هيا تقدر تجي تاخدها دلوقت من المحطة يبق أحسن ليها قبل ما أمشي !! 


عمار هز راسه وقال:محطة ايه دي!! 

رجل الأمن قال:سكة حديد مدينة القاهرة 

عمار هز راسه وقال:طيب انا هاجي انا اخدها بنفسي دقايق وهكون عندك!! 

رجل الامن رد عليه وقال:طيب يا ابني مع السلامه!! 


عمار قفل المكالمه وهو بيبص لصورتها وبيقول:كنتي بتهربي ولا إيه يا دكتورة!! 

قال كلامه ووقف وهو بياخد مفتاح عربيته وبيخرج من المكتب!! 


وعند دنيا كانت بتتصل بداليدا ولاكن الرقم مشغول قفلت التيلفون بقلق وهيا بتقول:يارب تكوني كويسه يا دكتوره !! 


رشاد فتح عينيه وهو بيبص للبنت اللي واقفه وبتكلم نفسها فقال بصوت ضعيف:عايز اشرب مايه!! 

دنيا إنتبهت ليه وهيا مخضوضه وبتقول:هو حضرتك صاحي! 

رشاد بصلها وهز راسه بتعب وهيا قالت:طيب محتاج حاجة!

رشاد هز راسه وقال:عايز أشرب ماية ؟


دنيا هزت راسها وفضلت تبص حواليها علشان تشوف لو في ماية ولاكنها ملقتش فبصت لرشاد وقالت:مفيش مايه هنا وانا معرفش حاجة هنا أجبلك منين!! 

رشاد هز راسه وشاورلها بعينه علي درج موجود وهيا لما فهمت قصده راحت عند الدرج ووقتها لقت ازايز كتير شكلها شبه المايه دنيا خرجت واحده منهم وفتحتها وصبت شويه في كوبايه وقربت من رشاد وهيا بتقول:أنا جبتلك الماية اهي! 

رشاد هز راسه وطلب منها تساعده وهيا قربت منه بهدوء وبدات تشربه من الكوبايه! 

رشاد اول ما شرب  رشفه بصلها بصدمه وهو بيقول:جيبالي ويسكي عايزه تموتيني يا غبيه!! 


دنيا شهقت بخضه وهيا بتقول:يعني ايه ويسكي مش انت اللي شاورتيلي علي الدرج!! 

عمار بصلها بغضب وقال:انا مشاورتلكيش علي حاجه انا كنت ببص عادي بس الظاهر انك بتحبي تشغلي دماغك كتير!! 


دنيا خافت منه وشالت ايديها اللي سانداله بيها ضهره وبعدت عنه ورشاد مقدرش يمسك نفسه  وجسمه رجع علي السرير واتوجع!! 

رشاد بصلها وهيا كانت بصاله وخايفه وكانت لسا ماسكة الكوبايه!! 

دنيا كانت هتعيط من الرعب اللي هيا عايشة فيه فقربت منه وقالت بخوف:هو انت ممكن تقتلني علشان شربتك ويسكي! 


رشاد بصلها بتعب ولف وشه ومردش عليها وهيا رمت كاس الويسكي بسرعه في باسكت الزباله ورجعت تاني وهيا بتقول:خلاص هدورلك علي ماية بس متقتلنيش!! 

رشاد غمض عينيه من التعب وهيا خرجت برا الاوضة وهيا بتقول للحارس اللي واقف برا:لو سمحت المريض محتاج مايه؟ 


الحارس بصلها بسخريه وقال:مكسوفة تقولي انك عطشانة ولا اية!! 

دنيا بصتله باستغراب وقالت:لا والله انا مش عطشانه بس المريض هو اللي طلب مني ماية! 

الحارس بصلها بسخريه ودخل وهو بيبص علي رشاد ولقاه نايم  فبصلها وقال:واضح ان الباشا كان عطشان اوي!! 

دنيا بصت للمريض ولقته نايم فعلا فبصت للحارس بخجل وهو هز راسه ليها وقال:ادخلي وانا هجبلك الماية! 

دنيا هزت راسها ودخلت تاني لأوضة رشاد والحارس  قفل عليهم الباب ونزل يجيبلها ماية!! 


وفي محطة القطر وصل عمار وهوا  بيدور علي رجل الآمن اللي اتصل عليه فقرب من واحد كان واقف وشايل شنطة  وقال: انا جاي أخد شنطة داليدا!!

رجل الأمن هز راسه وهو بيقول بابتسامة:حضرتك جوزها! 

عمار بصله باستغراب وسكت للحظة ورجل الأمن قرب منه الشنطة وقال:شكلها كان تعبان جدا وقتها وعلشان كده انا بلغت الحكومه علي طول وقدروا يمسكوا الولد دا في محطة قريبه من هنا  ! 

عمار هز راسه وهو بياخد الشنطة وبيقول:شكرا لمجهودك الكبير ! 

عمار طلع مبلغ كبير من جيبه  واداهوله وهو بيقول:هيا المدام لما شنتطها اتسرقت سابت رقمها بس!! 

رجل الامن بص لعمار بابتسامه وقال:لا يباشا سابت عنوانها كمان! 

عمار هز راسه وقال:طيب هات  الورقة اللي كتب فيها رقمها وعنوانها ! 

رجل الامن بصله باستغراب ولاكن لما بص للفلوس اللي اخدها منه طلع الورقة اللي داليدا كانت كاتبه فيها عنوانها ورقم تيلفونها وادهاله!! 


عمار بصله وهو بيقول:انا ابق جوزها وطبعا انت كنت هترمي الورقة وانا مش عارف مين ممكن يلاقيها وياخد الرقم او يعرف العنوان! 

رجل الأمن هز راسه وقال: حضرتك ونعم الرجوله ربنا يصلح حالكم يباشا! 

عمار هز راسه وخرج من المحطة وركب عربيته وهو بيبص لشنطتها باستغراب وهو بيقول:شكلها كانت بتهرب فعلا؟ 


ركب عربيته واتحرك بيها للقصر لان الوقت إتاخر وأول ما وصل لقي الحراس نامو وفي كام واحد بس اللي صاحين ،عمار دخل لاوضته بتعب  وحط شنطة داليدا علي الكرسي  وفرد جسمة علي السرير  وغمض عينيه بتعب لأن اليوم النهاردة كان طويل ومرهق…


وفي غرفة رشاد دنيا ادتله اخر حقنه وهوا كان نايم فبصتله بنوم وهيا بتقول:طيب أنا هنام فين دلوقت علي الارض مثلا! 

قالت كلامها وهيا بتدور علي اي حاجة تفرشها علي الارض فقربت من خزنه كبيرة وضغطت علي زرار موجود فيها ووقتها الباب اتفتح ونزل منه سرير جاهز بالفرشة بتاعته!! 


دنيا ابتسمت وهيا بتقول:دا الي بيسموة التقدم التكنولوجي..! 

قالت كلامها وهيا بتنام علي السرير ولاكنها اول ما رفعت رجليها من علي الارض السرير اتقفل بسرعه وحبسها جوا الخزانه لانها مضغطتش علي زرار تثبيت السرير..! 

فضلت دنيا تصرخ ولاكن الخزانه كانت عازله للصوت فبصت حواليها بخوف لانها بتخاف من الضلمة وفضلت تتخيل حجات مخيفة لحدما فقدت وعيها!!! 


في صباح يوم جديد ..صحيت داليدا وهي بتبص حواليها بصدمة وبتقول..:أنا فين!! 

فضلت تبص علي الاوضة اللي كلها رسومات أطفال ودباديب موجوده في كل ركن وبتحاول تفتكر المكان لحدما افتكرت انها في بيت شريهان جارتهم! 

داليدا قامت من علي السرير بتعب وهيا بتحط ايديها علي دماغها وبتقول:يا تري هرجع الشقه ولا هعمل ايه في حياتي اللي باظت دي! 

قربت من الحمام اللي موجود في الأوضة وغسلت وشها وهيا بتفتكر كل حاجة حصلتلها من وقت ما دخلت هيا ومسعد الأوضة لحدما جت هنا البيت دا!! 


شريهان كانت قاعده مع مامتها في الصالون وبتعرفها ان داليدا بنت جارتهم موجوده هنا في البيت ! 

أمنه والدة شريهان اتصدمت وسألتها باستغراب:وهيا داليدا عرفت عنوانك منين! 

شريهان هزت راسها وقالت:انا كنت مديالها العنوان علشان لو حبت تزورني ولا حاجة! 

أمنة هزت راسها بقلق وقالت:بس هيا مينفعش تفضل هنا كتير يا شريهان انتي ناسيه ان حازم اخو جوزك هنا واحنا عارفين انه مش كويس وممكن بعد الشر يعمل فيها حاجة!! 


شريهان غمضت عينيها برفض وقالت:لا يا ماما ايه الكلام اللي بتقوليه دا حازم اتغير عن الاول وبعدين انتي ناسيه انه خاطب!! 

أمنه هزت راسها وقالت وهيا بتخبط علي رجل بنتها:انتي ادري يا شريهان بس انا بعرفك الصح من الغلط!! 

شريهان هزت راسها وقالت:متقلقيش يا ماما داليدا قايلالي انها هتقعد يوم واحد بس وبعدين مش من الزوق اني اقولها تمشي احنا ولاد أصول برضوا! 

أمنة بصت لبنتها وعملت حركة بشافيفها وقالت:والله انتي بت غلبانه ومش عارفه حاجة دي مش بعيد تكون جايه تخطف منك جوزك   ! 


شريهان بصت لأمها بصدمة وقالت:تخطف جوزي ازاي يعني ياماما دي داليدا محترمة وانتي اكتر واحدة عارفه كدة! 


أمنه رفعت حاجبها وهيا بتلف وشها وبتبص علي داليدا اللي نازله وبتقول:اهي جت علي السيرة'


شريهان رفعت عينيها وهيا بتبص لداليدا وبتقكر في كلام امها لحدما داليدا قربت منها وقالت بابتسامة:انا متشكرة اوي يا شريهان علي وقفتك معايا وعلشان متقلش عليكوا انا همشي علشان شغلي! 

شريهان وقفت وهيا بتبص لامها وبتقول: ايه يا داليدا ايه اللي بتقوليه دا البيت بيتك يا حبيبتي وتنوري علي طول ! 

داليدا ابتسمت وهيا بتبص لأمنة وبتقول:إزاي حضرتك يا طنط أمنة! 

أمنة هزت راسها وهيا بتقول:كويسة يا حبيبتي انتي عاملة ايه! 

داليدا ابتسمت وهيا بتقول :انا الحمدلله بخير !! 

أمنه بصت لبنتها وبرقتلها وشريهان قالت:ما تستني تفطري معانا يا داليدا ! 

داليدا ابتسمت وهيا بتهز راسها وبتقول:متحرمش منك يا حبيبتي بس والله انا مستعجله علشان الحق اغير الكالون بالمرة قبل ما اروح الشغل! 

شريهان هزت راسها وسلمت عليها وهيا بتقول:خلاص يا حبيبتي اللي تشوفيه اهم حاجه متحرميناش من شوفتك الحلوة دي!! 


داليدا ابتسمت وهيا بتقول:حاضر يا حبيبتي ! 

شريهان إبتسمت وداليدا قربت من أمنة سلمت عليها وبعدها مشيت مع شريهان لحدما خرجت البيت وقالت:مع السلامه يا شريهان مش محتاجة اي حاجة! 

شريهان إيتسمت وهيا بتهز راسها وبتقول:سلامتك يا حبيبتي ! 

داليدا ابتسمت ليها وسابتها ومشيت وبعد ما بعدت عن البيت شريهان دخلت وهيا بتقول لمامتها بحزن:ليه كده يا ماما داليدا بنت محترمة والله انا كنت عايزاها تفضل معانا شويه كمان ! 

أمنه وقفت وهيا بتقول لبنتها:الي عملتيه دا هو الصح دي غريبه عننا وكفايا اوي اللي احنا عملناه معاها! 

شريهان بصت لأمها بحزن وسابتها ودخلت للمطبخ!


وعند داليدا طلعت الفلوس اللي معاهع

ا ولقت انهم ١٥٠ جنيه ابتسمت وهي بتقول:حلوين اوي يا دوبك اجيب فطار وبعدها اروح المحطة واشوف عملو ايه مع الحرامي اللي سرق الشنطة! 

قالت كلامها وهيا بتوقف تاكسي علشان يوصلها للمحطة وبعد طريق مش كبير وصلت داليدا للمحطة  نزلت من التاكسي بعدما حاسبت السواق  وقربت من مطعم صغير و اشترت اكل علشان تفطر لانها مأكلتش حاجة من امبارح !! 

بقلمي شيماء صبحي 


صاحب المطعم ادالها الاكل وداليدا اخدته ومشيت وهيا بتقرب من كرسي فاضي وقعد عليه وبدات تاكل بجوع لانها بذلت مجهود كبير امبارح من غير اكل !! 

فضلت داليدا تبص حواليها وهيا بتفكر هتعمل ايه بعدما بقت في الشارع هل هترجع بيتها ولا هتروح المستشفي بس اللي كان مخوفها هو الشخص الغريب اللي طلب منها الجواز وانه ممكن يظهر في اي وقت!؟؟؟ 


في قصر الصاوي صحي عمار من النوم علي صوت رنه تيلفونه وكان المتصل المساعد بتاعه!! 

عمار فتح المكالمة وهو بيقول بتساؤل:خير يا رضا !! 

رضا المساعد بتاعه قال بجدية:عمار بيه حضرتك لازم تيجي الشركة لان الوفد الألماني هيوصل بعد ساعة من دلوقت والآنسة نيلي مش موجودة ولما بعتلها السكرتيرة للبيت لقت انها مش موجوده ولسا حالا بعتالنا رساله انها في شرم الشيخ بتغير جو رغم انها عارفه ان في وفد جاي وهيا اللي هتستقبلهم !! 


عمار هز راسه وقال:طيب يا رضا انا هلبس وجايلك بس ابعت ل نيلي رساله ان مخصوم من مرتبها ٤ شهور علشان الاستهتار اللي هيا فيه ! 

رضا هز راسه بابتسامه وقال:حاضر يا عمار بيه ! 

عمار قفل المكالمة مع رضا وقام دخل الحمام واخد شاور سريع وبعدما خلص خرج وهوا لافف الفوطة علي وسطه وبينشف شعره !!  وهو واقف قدام المراية لفت نظرة شنطة الدكتورة داليدا اللي كانت علي السرير !! 

عمار قرب من الشنطة فتحها وهو بيبص للحجات اللي موجودة فيها باستغراب ! 

داليدا كانت حاطة في الشنطة مقص وسكينه وبكرة خيط وابرة ودِرسين وهدوم داخليه واخر حاجة المحفظة بتاعها!! 

عمار ساب الشنطة ودخل غرفة تبديل الملابس ولبس بدلة سودا وبعدها خرج!! 

بص علي الشنطة بصه اخيره وقبل ما يخرج سمع صوت حاجة بتقع علي الارض بص علي شنظتها ولفت نظرة المفتاح اللي واقع !!

  

قرب منه وهو بيمسكه وبيقول:ودا مفتاح ايه بق !! 

فضل يبص للمفتاح شويه وبعدها خرج من اوضته واتجه لغرفة رشاد اخوه علشان يطمن عليه قبل ما يمشي! 


اول ما دخل لقي رشاد صاحي وكان بيبص حواليه ..عمار قرب منه وهو بيقول بتساؤل:فين الممرضة اللي كانت معاك؟ 

رشاد بصله باستغراب وقال:مش عارف انا اخر  مرة شوفتها امبارح وكانت واقفه مكانك كده ! 

عمار فضل يبص علي كل ركن في الاوضة  باستغراب لحدما سمع صوت جاي من خازنه السرير المخفي! 

عمار بص لرشاد وقال:معقوله السرير يكون قفل وهيا نايمة عليه ! 

رشاد هز راسه وقال:اكيد دي بنت غبيه وتلاقيها كانت نايمة عليه ونسيت تضغط علي زرار التثبيت فقفل واخدها معاه! 

عمار استغرب كلامه وقرب من الخزنه وضغط علي زرار الفتح واول ما السرير اتفرد لقي دنيا نايمه عليه وهيا خايفة! 

عمار بص لأخوه ورشاد قال:مش بقولك غبيه! 

عمار قرب منها وقال:انت يبتعملي ايه هنا! 

دنيا انتبهت علي صوته وفتحت عينيها بخوف وقالت:السرير قفل ودخلني جوا هنا! 

عمار قرب منها ومسك ايديها وقال:قومي علشان تدي العلاج لرشاد! 

دنيا استغربته وقالت:مش هتسألني انا كويسه ولا لأ! 

عمار بصلها بغضب وهيا قامت بسرعه وهيا بتقرب من رشاد وبتقول:صباح الخير يا فندم! 

رشاد بصلها بسخرية وقال:عايز اشرب! 

دنيا بصتله باستغراب وقالت بهمس:هو الرد عيب ولا ايه !! 

عمار بص لاخوه وقال:انا خارج يا رشاد واحتمال كبير اتاخر فلو احتاجت اي حاجة معاك دنيا ! 

رشاد بصله وهز راسه وعمار سابه وخرج ودنيا اول ما لقت عمار خرج قربت من رشاد وقالت بحزن:انت مقولتليش ليه ان السرير دا بيقفل انت مش عارف اني بخاف من الضلمة! 

رشاد رفع حاجبة باستغراب وقال:انا لسا شايفك امبارح بس هعرف منين! 

دنيا هزت راسها بتفهم وقالت:طيب هو انت فاكر ايه اللي حصل امبارح !! 

رشاد هز راسه بالرفض وهيا ابتسمت وهيا بتقول:طيب انا هجهزلك الحقنه علشان ترتاح! 


رشاد بصلها بخوف وقال:هرتاح ازاي يعني ! 

دنيا ضحكت وهيا بتقول:انت فهمت ايه قصدي انا قصدي الحقنه المسكنه هتخفف من الوجع يعني ! 

رشاد ابتسم علي ضحكتها وهز راسه وهيا قربت من الحقنه وبدات تجهزها!!! 


وفي محطة القطر داليدا خلصت اكل وهيا بتبص علي المحطة وبتقول:يارب يكونوا رجعو الشنطة!! 

قالت كلامها وهيا بتتحرك في اتجاه سلم المحطة واول ما دخلت قربت من نفس الشخص اللي اشترت منه التذكرة امبارح وقالت:لو سمحت انا اللي شنطتي اتسرقت امبارح ممكن اعرف لقيتوها ولا لسا! 

الشخص دا رد عليها وقال:مش عارف يا استاذه روحي لعمي محسن هو اللي يعرف! 

داليدا بصت علي الشخص اللي بيشاور عليه وابتسمت لانه نفس الراجل اللي ساعدها امبارح! 

داليدا قربت منه بحماس وقالت: السلام عليكم انا داليدا اللي شنطتي اتسرقت امبارح ممكن اعرف لقيتوها ولا لسا! 

رجل الامن بصلها باستغراب وقال:وعليكم السلام يا بنتي ..ايوا احنا مسكنا الحرامي وجبناها  بس الشنطة جوزك جه واخدها امبارح!! 

داليدا اتصدمت من كلامة وهيا بتقول:جوزي مين! 

رجل الامن بصلها باستغراب وقال:جوزك يا بنتي هو اللي رد عليا امبارح اما اتصلت عليكي وجه هنا اخد الشنطة وحتي ادالي فلوس كتير اوي ! 

داليدا بلعت ريقها بخوف وهيا بتقول:ممكن توصفهولي كده علشان اتاكد لو هو او واحد تاني! 


رجل الامن ابتسمت وهو بيقول:هو شاب طويل وعريض شويه  يعني جسمة رياضي وكان لابس بدلة سودا !! 

داليدا قلبها خفق بخوف وهيا بتقول: وعيونه لونها اسود! 

رجل الامن هز راسه وقال:تقريبا! 

داليدا بصتله بحزن وقالت:هو انا ليه بيحصل معايا كدة! 

رجل الامن بصلها باستغراب وقال:ايه اللي بيحصل يبنتي! 

داليدا بصتله وهيا بتقول:ولا حاجة شكرا اوي يا عمو! 

رجل الامن ابتسم وقال:العفو يا بنتي علي ايه بس انا عايز اقولك ربنا يخليكوا لبعض لان جوزك ونعم الرجولة! 

داليدا بصتله باستغراب وقالت:ليه بتقول كدة! 

رجل الامن اتكلم وقال :أصله انبارح  اخد الورقة اللي انتي سبتيها وقالي انه بيغير عليكي وخايف اني لما ارمي الورقة حد يلقيها ويعرف عنوانك..! 

#الفصل_الخامس

#تحت_أمر_الحب

#الكاتبة_شيماء_صبحي 

امبارح  اخد الورقة اللي انتي سبتيها وقالي انه بيغير عليكي وخايف اني لما ارمي الورقة حد يلقيها ويعرف عنوانك..! 


داليدا بصت لرجل الأمن بخضة أكتر وقالت:اخد الورقة ! 

رجل الآمن هز راسه وهو باصص عليها باستغراب وقال:هو مش جوزك يا بنتي ولا انا اديت الشنطة لحد غريب.

داليدا كانت سرحانه وبتفكر في الكلام اللي قالة رجل الأمن ولاكنها انتبهت لما سمعت كلامة تاني  فقالت:لا جوزي انا أسفة اني عطلتك ! 

الراجل ابتسم وهو بيقول:لا عطلتيني ايه بس  دا خير جوزك مغرقني ! 


داليدا اضايقت من كلمة جوزك فابتسمت ليه وقالت:طيب شكرا اوي يا عمو علي وقفتك جمبي انا لازم امشي انا بق! 

رجل الأمن ابتسم وهز راسه وقال:مع ألف سلامة يا بنتي  وابقي سلميلي علي الباشا! 

داليدا مشيت من قدامة بسرعه وخرجت من المحطة وهيا مرعوبة لان الشخص المجهول دا بق عارف عنها كل حاجة ودلوقت معاه موبايلها وشنطتها اللي فيها حاجتها ومفتاح الشقة! 


داليدا وقفت في الشارع وهيا بتفكر هتروح فين !! 


و بعد وقت من التفكير قررت انها ترجع شقتها تاني  واللي يحصل يحصل لانها مش هتقدر تروح عند حد تاني وتسمع الكلام اللي سمعته من ام شريهان عليها!! 


مشيت داليدا وهيا حزينه لانها اول مرة تتعرض لحاجة زي كدة واول مرة تحس بمعني المسؤلية من بعد ما باباها توفي وهيا أصبحت مستهترة وبتتعامل مع اي حاجة ببرود ولاكن موقفها دلوقتي مش محتاج اي استهتار ولازم تنهي اللي بيحصلها دا؟؟ 


بعد مرور نص ساعة وصلت داليدا قدام العمارة اللي فيها شقتها ..فضلت تفرك في ايديها بتوتر لان الموضوع فعلا مرعب ..قررت انها تطلع شقتها وتحاول تفتح الباب واول ما دخلت العمارة سمعه صوت دوشة جاي من فوق..استغربت جدا وقررت تجري بسرعه وتشوف ايه اللي بيحصل .. 

كان في شاب ومامته واقفين قدام شقتها وبينادو عليها بقلق..

داليدا بصت عليهم باستغراب وقربت منهم وهيا بتقول:هو ايه اللي بيحصل هنا!


الشاب دا ومامته بصوا لداليدا بفرحة وقالوا:داليدا انتي كنتي فين كل دا! 

داليدا بصتلهم براحة وهيا بتقول:كنت بايته عند واحدة صاحبتي لان مفتاح شقتي ضاع وكان الوقت متاخر فمردتش اقلقكم! 

الست قربت منها وقالت:ليه كده يا حبيبتي طيب كنتي رني عليا حتي وانا عينيا ليكي كنت هصحيلك سيد ابني يحللك المشكلة! 


داليدا بصت لسيد اللي واقف جمبها وعيونه منزلتش من عليها فقالت بشكر:متحرمش منكم ابدا انا عارفة والله يا ام سيد انك ست جدعه بس انا وقتها دا اللي جه في دماغي بس حصل خير! 

ام سيد ابتسمت وقالت:طيب انتي هتعملي اي دلوقت يا بنتي ! 

داليدا بصتلها باستغراب وقالت:هعمل ايه في ايه! 

ام سيد شاورت علي الباب وقالت:هتفتحي الباب ازاي! 

داليدا بصت علي الباب بخوف ورجعت بصت لام سيد وقالت:مش عارفة! 

سيد كان مركز مع ملامح داليدا  وباصصلها بحب ولما لقاها متضايقة انها مش عارفة هتفتح الباب فقال بابتسامة :انا هفتحلك الباب! 

ام سيد بصت لابنها باستغراب وقالت:وهتفتحة ازاي يا ذكي وهيا بتقولك المفتاح ضاع! 

سيد بص لامه وقال :بالمفك يا اما انتي ناسية اني نجار ولا ايه ! 

داليدا بصت لسيد وابتسمت وقالت:ايوا يا سيد والنبي افتحة بسرعه! 

سيد بص لداليدا وابتسم وقام بسرعه دخل شقتهم المجاورة وخرج بعد ثواني وهو ماسك المفك! 

داليدا ابتسمت وسيد بدأ يفتح الباب وبعد دقايق قدر انه يفتحه! 


ام سيد بصت لابنها بصدمة وقالت:انا اشك انك حرامي يا سيد! 

سيد ضحك وداليدا بصتله وقالت بشكر:انا متشكرة اوي يا سيد والله ماعارفة اقولك ايه! 

سيد ابتسم بحب وقال:متقوليش حاجة يا دكتورة دا وجبي مش اكتر! 

داليدا ابتسمت وهيا بتبصلهم وبتقول:انا هدخل علشان ارتاح شويه واما اصحي هبق اكلمك يا ام سيد! 


ام سيد بصت لداليدا وهزت راسها وقالت:ماشي يا حبيبتي اتفضلي وانت يا سيد يلا روح علي شغلك! 

سيد هز راسه ونزل وداليدا دخلت شقتها وقفلت علي نفسها الباب!! 


وفي شركة عمار كان قاعد في مكتبة بعد انتهاء صفقة  الوفد الألماني وكان ماسك في ايديه المفتاح وبيبصله وهو بيفكر في داليدا ولية بتحاول تهرب منه رغم انه معملهاش حاجة لحد دلوقتي  .

فتح تيلفونها وهو بيبص فيه علي صورتها وابتسم  وهو بيقول:الظاهر ان الدكتورة مروحتش بيتها من امبارح ! 


في بيت داليدا كانت بتبص علي كل حاجة في الشقة بتفحص واستغربت اوي ان الشقة سليمة رغم ان الشخص دا المفروض عرف عنوانها. داليدا قربت من السرير بتاعها بتعب وفردت جسمها عليه وهيا بتقول:النوم في بيت شريهان كان متعب اوي.. 

قالت كلامها وهيا بتغمض عينيها بتعب وبعد وقت نامت.. 


وفي مكتب عمار كان واقف وهو بيجهز نفسه علشان هيخرج وكان مقرر انه هيروح شقة الدكتورة علشان يفكرها بالاتفاق اللي بينهم! 

السكرتيرة بتاعت عمار كانت واقفه وهيا بتقول:حضرتك خارج يا مستر عمار.

عمارهز راسه وهيا قربت منه وقالت:تحب اعدل لحضرتك البدلة! 

عمار بصلها وهز راسه برفض وقال:شكرا ! 

السكرتيره بصت في الارض بخجل  وعمار سابها وخرج !! 


ركب عربيته واتجة بيها لبيت الدكتورة وكان بيبص لصورتها كل شوية ويبتسم! 

وصل عمار بعد وقت مش كبير قدام عمارة من اللي موجودين .خرج من عربيته وهو بيبص حواليه وبيشوف رقم العمارة اللي مكتوب في الورقة لحدما لقي الرقم علي العمارة اللي واقف قدامها اتحرك لجوة وهوا بيبص لارقام الشقق لحدما وصل عند الشقة اللي مكتوب عليها ٧ خرج من جيبة المفتاح اللي كان معاه وفتح بيه الباب واول ما دخل لقي الشقة فاضيه! 

ابتسم لان عندة حق وان داليدا بايته برا البيت فضل يمشي في الشقة وهو بيتفرج علي كل ركن فيها لحدما وصل عند اوضتها وقبل ما يفتح الباب لقي الباب بيخبط..؟ 

#الفصل_السادس

#تحت_أمر_الحب

#الكاتبة_شيماء_صبحي

قبل ما أبدأ الفصل حابة أعتذر عن التأخير اللي حصل مني الكام يوم اللي فاتو بس اعذروني كنت تعبانة شوية والحمدللة بقيت أحسن وان شاء الله مكملين الرواية وعلي ميعادنا كل يوم فصل .

نبدأ..! 

فضل يمشي في الشقة وهو بيتفرج علي كل ركن فيها لحدما وصل عند اوضتها وقبل ما يفتح الباب لقي الباب بيخبط..؟ 

عمار اتصدم وفضل يبص حواليه ولاكنه قرر يروح ويشوف مين اللي بيخبط.

وصل عند الباب وبص من العين السحرية شاف راجل كبير في السن واقف وكان لابس بدلة رسمية .. 

رجع خطوة لورا وهو بيفكر مع نفسه مين ممكن يكون الشخص دا ،. 

الجرس رن التاني وفي الوقت دا الشخص اللي برا نده بصوت عالي وقال:دكتورة داليدا افتحي يابنتي انا الدكتور عصام ! 

عمار فضل واقف مكانه وسامع كلام الشخص دا لحدما سمع صوت فتح الباب اللي كان هيدخله من شويه وخطوات رجل بتقرب منه .. 


كانت خارجة داليدا من الاوضة وهيا بتفرك عينيها بتعب واول ما سمعت صوت اخر خبطة انتبهت وقربت بسرعه من الباب وهيا بتبص من العين السحرية..! 

الدكتور عصام نده عليها تاني ووقتها داليدا فتحت الباب بسرعه.

الدكتور عصام قال  بقلق:انتي كويسه يا داليدا انا بنده عليكي بقالي كتير .

داليدا هزت راسها وقالت:انا كويسه اتفضل يا دكتور.!


الدكتور عصام دخل وداليدا قفلت الباب وطلبت منه يقعد في الصالون لحدما تجهزله القهوة بتاعته.


عصام ابتسم وداليدا دخلت المطبخ وقربت من الكنكة المخصصة للقهوه واخدتها وبدات تحضر القهوة!! 


وعند عمار كان واقف ورا باب المطبخ وشايف داليدا وهيا بتجهز القهوة ولاحظ قد ايه كانت مرهقة.. 

فضل وقت طويل يبصلها ومركز مع كل حركة هيا بتعملها لحدما داليدا خرجت من المطبخ ودخلت الصالون.. عمار اخد نفسو براحة وهوا مبتسم لانها ملاحظتش وجودة.. ولاكنه بعدما ادرك اللي هوا بيعملة والموقف الي اتحط فيه فضل واقف مصدوم وهو مش مستوعب انه بيستخبي من بنت زي دي!! 


داليدا قربت القهوة من دكتور عصام وهيا مبتسمة وبتقول..نورت بيتك يا دكتور.

عصام ابتسم وقال.متحرمش منك يا داليدا. 

داليدا ابتسمت وعصام اخد رشفة من القهوة وبصلها وقال:انا رجعت النهاردة انا والدكاترة الحمدلله قدروا يقبضوا علي الارها.بين  وقدرنا نتخطي وجود اي  مصابين  تانين!!

داليدا هزت راسها وقالت:الحمدللة طيب كان  في مصابين كتير! 

عصام هز راسه بلأ وقال:لما روحنا مكنوش كتير زي مكنا متوقعين بس قدرنا ننقذ كل الي هناك..

داليدا هزت راسها وعصام بص لوشها وقال:انتي كويسة يا بنتي شكلك مرهق اوي..


داليدا بصتله بتوتر وقالت:لا أنا كويسة الحمدلله .

عصام ابتسم وقال:زي ابوكي بالظبط يا داليدا مهما كان يتعب عمرة ابداا ميعترف بتعبه .. 

داليدا ابتسمت بحزن علي ذكر والدها وعصام حاول يغير الموضوع وقال:لما وصلت المستشفي ملقتكيش بس الممرضات هناك قالولي انك أنقذتي واحد من الموت.. 


داليدا جسمها اتنفض اول ما سمعت كلامه فبصتله بتوتر وقالت:ايوه حصل فعلا .

عصام حط ايديه علي كتفها وقال:أنا فخور بيكي يا داليدا واتمني انك تكوني احسن دكتور في مصر ودا طبعا بعدي!! 

داليدا ابتسمت علي كلامة وهيا بتقول:والممرضين  مقالوش اي  حاجة تانية..! 

عصام ابتسم  لمر فهم قصدها وقال:لا قالو طبعا .. بقلم الكاتبة شيماء صبحي 

داليدا بلعت ريقها بصعوبة وهيا بتبص لعصام واللي قال:قالولي انك مسكتي المشرط بايد مرتعشة بس قدرتي تتخلصي من خوفك.. 

داليدا اخدت نفسها بعد سماع كلامه واستغربت ازاي الممرضات مقالوش عن اي حاجة حصلت في المستشفي رغم انهم شافو المجزرة اللي حصلت بعينيهم   .. 

عصام اخد اخر رشفة في الكوبايه وبصلها وقال بابتسامة:انا هعتبرك في اجازه لحدما تكوني كويسه وعايزك تغيري مودك شويه علي الأقل بدل الوحدة اللي انتي عايشة فيها دي.. 

داليدا ابتسمت وهيا بتقف وعصام قرب منها وبا.سها من خدها وقال :أشوفك بعدين يا داليدا مع السلامة.. 

داليدا ابتسمت وهيأ بتقول :شكرا جدا يا دكتور! 

عصام ابتسم وهوا بيقول:بتشكريني علي ايه يا لمضة انتي ناسيه ان انا اللي مربيكي! 

داليدا ابتسمت بخجل ومشيت جمبه وهيا بتوصله لحد الباب وقبل ما تقفل الباب سمعت صوت جاي من المطبخ.. 

عصام بصلها باستغراب وقال:اي الصوت دا يا  بنتي؟


داليدا ابتسمت وهيا بتقول:دي تلاقيها حلة وقعت ولا حاجة! 

عصام هز راسه وبعدها ابتسم لداليدا ومشي وداليدا اول ما اتاكدت انه نزل قفلت الباب وجريت بسرعه علي اوضتها. وقفلت عليها الباب بالمفتاح.' 


عمار كان متابع  كلام داليدا مع الدكتور اللي جه يزورها ولاكنه لما لاحظ انها جريت علي اوضتها خرج بسرعه من المطبخ وقرب من اوضتها وقال:افتحي يا دكتورة!! 

داليدا كان حاطة ايديها علي قلبها برعب ولما سمعت صوته خافت أكتر..! 


عمار اتضايق من حركتها دي فقال بغضب واضح:لو مفتحتيش الباب انا هكسرة!! 

داليدا فضلت تبص حواليها بخوف وهيا مش عارفه تتصرف معاه ازاي فلاحظت كاس مركون عندها بقالو فتره قربت منه ومسكته بإيد مرتعشة وبصت علي الباب .. فضلت واقفه وهيا ماسكة الكاس بخوف ولحدما ما سمعت اخر تخذير منه ليها قربت بسرعه وفتحت الباب وولو ماشافته واقف حدفت الكاس عليه!! 

 

عمار تفادي الكاس بسرعه وبص عليها بغضب وقال:ايه اللي عملتيه دا..؟


داليدا بعدت لورا بخوف منه وقالت:انت جاي هنا ليه وعايز مني ايه.. 

عمار بص لعيونها بصمت وبدأ يقرب منها وداليدا كان الخوف واضح في عيونها ولاكن نظرات عمار ليها كانت غريبه .

فضل يقرب منها لحدما وصلت للحيطة وبق قريب منها جدا لدرجة ان وشه يعتبر في وشها. داليدا بلعت ريقها بخوف وهيا لسا بصاله وهوا كان عيونه مع عيونها اللي سحرته ومكنش قادر يشيل عيونه من عليها.. 


داليدا غمضت عينيها  بخوف لما لقته بيقرب منها عمار انتبه لوجوده قربها بالشكل دا فبعد وهو بيبص عليها وبيقول:افتحي عينك.

داليدا فتحت عينها وبصتله وهو طلع ورقة من جيبه وقال :إمضي هما ؟ 

داليدا مسكت الورقة اللي معاه وبصت فيها وقالت:امضي ليه ؟ 

عمار قرب منها تاني وقال:إمضي ومن غير ليه إنتي ناسية ان دا اتفاق بينا وانتي منفذتيهوش وهربتي!

داليدا بلعت ريقها وقربت منه الورقه وقالت:بس انا متفقتش معاك علي حاجة انت اللي قلت كده وانا وقتها روحت للمريض اللي قلتلك عليه وحتي مدتلكش رد ! 

عمار بصلها باستغراب وقال:انا شايفك بعيني وانتي بتهربي مريض مين بق ! 

داليدا رفعت حاجبها وقالت:المريض كان خارج المستشفي انا موضحتش بس هو فين ولاكن انا لما روحتله واديته العلاج  كنت تعبت من المشوار فجيت هنا علشان ارتاح..! 


عمار بص في عينيها بسخريه واضحه لانه عارف انها  بتكدب عليه فطلع من جيبة صورة ليها كانت موجودة في شنطتها وكانت لداليدا وهيا صغيرة وكانت لابسة. بيكيني اطفالي!! 

داليدا اتصدمت  لما شافت الصوره فضلت بصاله بصدمة وهو كانت عيونه عليها بسخريه داليدا شدت الصورة من ايديه وهيا بتقول بغضب واضح:انت ازاي تفتش في شنطتي انت مجنون! 

عمار رفع حاجبة بضيق وقال بتساؤل : أنا مجنون؟؟ 


داليدا انتبهت للي هيا قالتهوله فبصتله ولاحظت الجمود الواضح في عيونه فهزت راسها بلأ وقالت:لا .! 


عمار قرب منها وهو بيبص للصورة اللي مسكاها وقال:انتي كنتي بتهربي مني ليه ! 

داليدا بعدت الصوره عن عيونه وقالت:علشان ..سكتت شويه وهيا بتفكر تقوله ايه وهوا كان متابع حركاتها لحدما قالت:كنت رايحه مشوار ! 

عمار قرب منها وحط ايديه ورا ضهرها وضغط عليه وقال:مش ناوية تبطلي كدب! 

داليدا بصتله بتوتر وقالت! انت لازم تمشي من هنا..! 

عمار تجاهل كلامها وقعد علي السرير وفرد جسمه عليه وهو بيحط قدام عينيها الورقه وبيقول:مش قبل ما تمضي هنا! 

داليدا اتضايقت من كلامه فقالت برفض:أنا مستحيل أتجوزك ! 

بقلم شيماء صبحي 

عمار انتبه ليها وقال بغضب:انا مش جاي علشان اخد رأيك دا أمر ولازم تنفذية!! 

داليدا ردت عليه بنفس نبرة صوته وقالت:وايه اللي يجبرني اني اعمل كدة! 

عمار بص في عيونها بتلذذ وقال:الحب!!؟

داليدا بصتله باستغراب وقالت:نعم حب ايه يا استاذ انت اللي بتتكلم عنه  ؟ 

عمار وقف قدامها والمرة دي كان واضح فرق الطول والعرض اللي بينه وبين داليدا شدها من ايديها عليه وهو بيركز أكتر في تفاصيل وشها وبيقول :أعتبرية أمر حكومي ،أمر سياسي.أمر حب بس في الأخر لازم تنفذية!! 


داليدا برفض:لا يعني لا قولت مستحيل اتجوزك انت ناسي انت مين انت واحد  قتال قتلة انت قتلت قدامي ناس كتير ! 

عمار اتعصب اكتر من عنادها فبصلها وقال بغضب: اسمعي يا داليدا انا صبري نفذ ومش عايز الموضوع يمشي بالقوه ولاكن لأخر مرة بقولك دا أمر وممنوع الاعتراض عليه هتتجوزيني يعني هتتجوزيني!! 


عمار قال كلامه وهو باصص في عيونها جامد وقطع نضراته ليها اتصال من موبايله.. اتنهد وهو بيخرج موبايلة من جيبه ورد علي المتصل من غير ما يشوف الاسم .

المتصل قال:انت فين يا عمار! 

عمار رد بتلقائية:بتجوز مش فاضي؟؟ 

صوت عالي رد عليه بصدمة:نعم بتتجوز! 

عمار عدل التيلفون وبص علي المتصل ولقي انها بنت خالته اتصدم من اللي قاله ليها فبص لداليدا وشاورلها متتكلمش ورجع قرب التيلفون من ودنه وقال:معلش يا ملوك انا بس كنت نايم ومش مركز!! 

ملوك ضحكت علي كلامه وقالت:مدا العادي يا عمار بس انت المرة دي فجأتني ! 

عمار هز راسه وقال بجدية:المهم دلوقت كنت عايزاني ف حاجة! 

ملوك هزت راسها بانتباه وقالت:ايوا انت لازم تيجي انت ورشاد الصعيد لان خالتك حالفة انكم لو مجيتوش هتيجي هيا بنفسها للقاهرة علشان تجيبكوا! 

عمار استغرب كلامها وقال:وهيا خالتي عايزانا ليه محنا كنا عندكم من سنه! 

ملوك ضحكت علي كلامة وقالت:اديك قولتها سنه دلوقت هيا حالفة انكم لو  مجيتوش هتعمل زي مقتلك!! 

عمار هز راسه وقال: طيب يا ملوك هنيجي بس بعد اسبوع كده لحدما نظبط أمورنا في الشغل !

ملوك ضحكت وقالت:ماشي يا ابن خالتي اما نشوف اخرتها معاكوا!  

عمار قفل مع ملوك ورجع بص لداليدا اللي كانت مركزه اوي مع المكالمة بتاعته ولاكنها لما انتبهت انه خلص عدلت وقفتها وضمت حاجبها وفضلت ساكته! 

عمار قرب منها وقال:إسمعيني كويس يا داليدا انتي لو متجوزتنيش صدقني حياتك انتي وكل اللي حواليكي هتكون في خطر واللي حصل وشوفتيه بعينك في المستشفي مش بعيد يحصل بعد دقايق من دلوقت فانا هخيرك ما بين سلامة اللي بتحبيهم وما بين جوازك مني ! 

داليدا هزت راسها بحزن وقالت:لولا اني شوفت اللي حصل كنت عملت حجات كتير بس اوعدني ان محدش يحصله حاجة! 

عمار هز راسه وداليدا قالت :طيب ممكن اروح عند ام سيد جارتي اجيب منها حاجة وارجع! 

عمار مسك ايديها جامد وقال:ولا ام سيد ولا ام فادي حتي انا خلاص اتعلمت من حركاتك دي! 

داليدا بلعت ريقها وبصتله بقلة حيلة وعمار طلع قلم  من جيبه واداهولها واول ما داليدا اخدته كسرته وهيا بتقول:يوه دا اتكسر دا قلم اي كلام جايبه منين دا ! 

عمار بصلها بغضب وطلع واحد تاني من جيبة  بس قبل ما يدهولها طلع سلاحه وحطه علي دماغها وقال:إمضي!! 

#الفصل_السابع

#تحت_أمر_الحب

#الكاتبة_شيماء_صبحي

قعدت داليدا بعدما مضت العقد وفضلت باصة علي عمار اللي اخد العقد وحطة في جيبه.

عمار بصلها وقال:مش هتقومي تحضري الغداء لجوزك!! 

داليدا رفعت حاجبها بصدمة وهيا بتردد كلمة جوزك في دماغها وبعدها قالت :لا جوزي لازم يمشي انا محتاجة ارتاح! 

عمار قرب منها وقعد جمبها وهو بيقول:مفيش نوم هنا تاني انتي هتيجي معايا القصر بتاعي..! 

داليدا بصتله بتحدي وقالت برفض:أنا مش هتحرك من شقتي واللي بيني وبينك عقد يا عمار باشا ولاكن متفكرش اننا متجوزين بجد!! 

عمار هز راسه ووقف وهو بيقول:براحتك يا دكتورة بس متزعليش من اللي هعملة.

داليدا حست بخوف من كلامه فبصتله بإستغراب وقالت:انت عاوز تعمل ايه؟

عمار ابتسم إبتسامة خفيفة وقال:هعرف الجيران انك مراتي واشوف بق رأيهم  ايه في الموضوع.


قال كلامة وهو بيتحرك عند الباب ،داليدا قامت بسرعه وقربت منه ومسكت إيديه وهيا بتقول:إستني متعملش كده!!


عمار بص لايدها اللي ماسكه في دراعه وقال برفض:لازم الجيران يقولولي الزوجه بتفضل في بيتها ولا في بيت جوزها؟

داليدا فتحت عينيها من الصدمة وقالت:الزوجة بتروح بيت جوزها بس احنا جوازنا مختلف! 

عمار لف بجسمه وهو بيبص في عيونها اللي سحروه وقال:مختلف ازاي مش فاهم؟

داليدا اخدت نفس طويل وهيا بتقول: يعني إجباري دا اسمه جواز إجباري يعني انت غصبتني عليه '


عمار اتضايق من كلامها جدا فقرب من وشها وقال:متقوليش الكلام دا تاني وبعدين انتي دلوقت بقيتي مراتي وانا حقي كزوج هوفرلك مكان كويس تعيشي فيه وبعدين انا مفيش واحده تقولي لأ انتي فاهمة! 


داليدا بصت في عينه اللي بتحمر وهزت راسها وهو ابتسم ورجع قعد علي الكرسي وحط رجل علي رجل وقال بصوت عالي:حضري لجوزك الأكل يا دكتورة!!! 


داليدا ضغطت علي ايديها جامد وبصتله بغيظ وهزت راسها وهوا فرد بضهرة علي الكنبه وطلع تيلفونه وعمل مكالمه مع واحد من رجالته وقال:طمني علي رشاد عامل ايه دلوقت !! 

الراجل بتاعه  رد عليه بتوتر وقال:رشاد بيه ..

عمار بقلق:إنطق مالو رشاد !

الراجل بص علي دنيا اللي واقفه تعيط جمبه وقال:الممرضة الجديده بتاعة رشاد بيه ادتله حقنة غلط ورشاد بيه دخل في نوبة هلع والدكتور هشام حاليا عندة في الأوضة!! 


عمار وقف بغضب وقال بصوت عالي:وانت ازاي متبلعتيش بحاجة زي دي! 

الراجل اتوتر ولسا هيرد عليه لقي عمار قفل السكة في وشه فبص لدنيا وقال:اتشاهدي علي روحك يا عسل..! 

دنيا بصتله بخوف أكتر وبدأت ايديها ترتعش وهيا بتبص علي رشاد اللي نايم والدكتور بيحاول يعالج الوضع !! 


وعند عمار قفل تيلفونه بغضب وخرج من شقة داليدا وقفل الباب وراه بقوة.. 

داليدا كانت في المطبخ ولما انتبهت لصوت الباب خرجت بسرعه وهيا بتدور عليه ولما لقته مش موجود فرحت انه مشي ..! 


عمار ركب عربيته اللي كانت مركونة قدام العمارة  وقبل ما يتحرك لقي واحد واقف قدامه وكان ماسك في ايديه شاكوش وبيقول: انت مين وكنت بتعمل ايه فوق!! 

عمار رفع حاجبه باستغراب وبص للشاب دا وقال بغضب:وانت مالك انت ووسع كده من طريقي! 

سيد اتعصب من  اسلوب الشاب الغني دا فقرب  منه وقال بتحدي:لا مش هوسع غير لما أعرف انت كنت عند مين فوق؟ 


عمار مكنش طايق نفسه فبصله بغضب ونزل من عربيته ومسك في هدومه وقال:لو ممشتش من قدامي حالا هتندم! 

سيد ضحك بسخرية علي كلامه ولاكنه اتفاجئ بضربة قويه من عمار.

سيد وقع علي الارض وصرخ بوجع ودا اللي خلي الجيران ينتبهوا عليه ويجروا بسرعه عنده.


سيد صرخ في وش عمار وقال:اضربوا الحيوان دا.

عمار اتعصب من كلمته وبص للرجاله اللي واقفه بتبصله بغضب اكبر واول واحد قرب منه عمار ضربه والتاني ضربه برضوا وفضلوا يتكاتروا لحدما كان عمار تعب وقدروا يمسكوه ويكتفوه!! 


ام سيد شافت ابنها واقع والرجالة ماسكين في الشاب دا فصرخت بصدمة وهيا بتقول:ابني حبيبي ايه اللي حصل.. 

صوتها كان عالي لدرجة ان داليدا انتبهت عليه وطلعت بسرعه تبص من الشباك علشان تشوف ايه اللي بيحصل واول مشافت عمار الرجاله مسكاه وسيد بيقوم من علي الارض علشان يضربوا ندهت بصوت عالي وهيا بتقول:لا متعملش كده يا سيد! 

كل الرجاله اللي واقفين انتبهوا علي صوتها واولهم سيد اللي اتصدم ان داليدا عارفه الشخص دا! 

داليدا بصت لسيد بخوف وقالت:ارجوك يا سيد استني متعملش حاجة، قالت كلامها ودخلت بسرعه ولبست اسدال علشان تنزل بيه الشارع.. 

نزلت داليدا علي السلم بسرعه واول ما عمار شافها بالاسدال ابتسم وداليدا اول مشافته قالت بقلق:هو ايه اللي حصل.

عمار كان سرحان في جمالها ومش مركز مع اللي بيحصل حواليه لحدما لقي سيد بيمسك ايديها وبيقول:هو انتي تعرفيه يا دكتورة! 


داليدا بصت لسيد وهزت راسها وقالت:أيوا دا قريبي..

سيد اتصدم وبص للشاب دا بخجل وقال للرجاله:سيبوه يا رجالة دا طلع قريب الدكتورة.

الرجالة سابو عمار ولاكن عمار كان متعصب لان سيد ماسك ايد داليدا، سيد بص لعمار وقال:متاخذنيش يباشا مكنتش اعرف انك قريبها.. 

عمار بصله بعين حمرا وقال بتخذير:ابعد ايدك عنها يا حيوان.. 

سيد بصله باستغراب وبص لداليدا اللي سحبت ايديها بسرعه وقالت وهيا بتبص علي الشاب دا :عمار اهدي دا سيد ميقصدش حاجة.. 

عمار بصلها بغضب لانها سابت واحد غريب يمسك ايدها ولاكنه لما لقاها هتعيط بصلها وقال :اطلعي فوق ومتخرجيش من الشقة لحدما ارجع .. 

داليدا هزت راسها بطاعه وعمار بص لسيد وقال بتحذير:كلامي معاك مخلصش ليا  ! 

سيد خاف من طريقته في الكلام وداليدا بصت لسيد ولسا هتتكلم  لقت عمار باصص عليها بتحذير فدخلت بسرعه للعماره وجريت بسرعه علي شقتها. 

عمار دخل عربيته واتحرك بيها باقصي سرعه لدرجة ان اللي واقفين كانوا خايفين ليخبطهم.


ام سيد بصت لابنها وقالت:قريبها منين دا يا واد.


سيد بص لامه بعين مليانه دموع وقال:مش  عارف يا اما انا طالع اسالها يطلع مين دا! 

ام سيد اتفجاة من كلام ابنها وجريت وراه وهيا بتقول:استني يا سيد انت مش سامع قريبها دا قالها ايه! 

سيد بص لامه بغضب وقال:انا بحبها يا اما ودا شكله كمان بيحبها بس انا مستحيل اخليه يقرب منها ولا حتي يلمس شعره منها..


_______

في قصر الصاوي كان دكتور هشام قدر يعالج حالة رشاد وبعدما اتاكد انه بق بخير خرج لدنيا علشان يفهم منها ايه اللي حصل.

دنيا كانت بتعيط وكان ماسكها واحد من رجالة عمار ،دكتور هشام  قرب منها وقال للشخص دا:سيبها خليني اتكلم معاها.

الراجل هز راسه وهشام مسك ايد دنيا واخدها وبعدوا شويه عن رجالة عمار وقال:هو ايه اللي حصل يا دنيا.

دنيا اخدت نفسها وقالت: انا اديتله الحقنه اللي حضرتك قايلي عليها بس مش عارفه ايه اللي حصلة .

دكتور هشام هز راسه وقال هاتيلي علبة الحقنة دي وتعالي.

دنيا هزت راسها ودخلت اوضة رشاد وجابت علبة الحقنه من باسكت الزباله ورجعت تاني ادتها لدكتورهشام. 

بقلم الكاتبة شيماء شيماء 


دنيا مسحت اخر دمعة نزلت من دموعها وهيا مركزة مع الدكتور اللي بيشم العلبه وفضل اكتر من مره يشمها وبعدما اتاكد من اللي شاكك فيه بصلها وقال:العيب مش منك يا دنيا الحقنه دي حد لاعب فيها.. 

دنيا بصتله بصدمة وقالت بخوف:ازاي ياعني يا دكتور دانا بديهاله كل يوم! 

هشام هز راسه وقال:انتي كنتي بتديغة الحقنة الصح ولاكن الحقنه دي ملعوب فيها هو مين اللي جاب العلب دي! 

دنيا بصتله وقالت :امبارح انا طلبت من واحد من الحراس دي يجبوها لانها قربت تخلص ولما صحيت الصبح لقيتها موجوده! 

هشام باستغراب:يعني انتي مشوفتيش مين اللي جاب الحقن! 

دنيا هزت راسها برفض وقالت:لا انا كنت نمت ولما صحيت لاقتهم! 

هشام هز راسه وقال:بس انتي عارفه انتي طلبتيهم من مين! 

دنيا هزت راسها وقالت: ايوا عارفاه اللي بيقف علي  الباب بالليل! 

هشام هز راسه وبصلها وقال:متخافيش يا دنيا انتي ملكيش علاقه باي حاجة وانا هستني لما عمار بيه يرجع وافهمة اللي حصل ! 

دنيا اخدت نفسها براحه وبصتله وقالت: يعني اقدر اروح لرشاد بيه تاني؟ 


هشام هز راسه وهيا  ابتسمت ودخلت للاوضة.


وعند بوابة القصر وصل عمار ورجالته فتحتله الباب دخل بسرعه قدام الباب الرئيسي وخرج من العربيه بسرعه واتجة لغرفة اخوه! 


كان دكتور هشام واقف ومستنيه واول مشافه وقفه وهو بيقول:استني يا عمار بيه متقلقش رشاد بيه بق كويس بس في حاجة مهمه لازم حضرتك تعرفها! 

عمار بصله باستغراب وقال:حاجة ايه دي! 

دكتور هشام بص حواليه وقال:لازم نتكلم بعيد عن هنا! 

عمار هز راسه ونزلوا لمكتبه واول ما دخلوا عمار سأله وقال:ايه الحاجة المهم دي! 

هشام بص لعمار وقال:في حد من رجالتك بدل الحقن الاصليه بحقن مزيفة وعلشان كده لما دنيا ادت الحقنه لرشاد بيه دخل في نوبة هلع لان الحقنه اللي اخدها منتهية الصلاحية من عشر سنين!؟ 


عمار بص لهشام بصدمة وقال:انت متاكد من كلامك يا دكتور ! 

هشام هز راسه بجديه وعمار بدات عروق جسمه تبان من شدة الغضب وقال:دي فيها قتل! 

هشام قرب منه وقال:انا اتكلمت مع دنيا وقالتلي انها امبارح طلبت من الشخص اللي بيحرص الاوضة انه يجيب العلاج وقالت انها دخلت نامت ولما صحيت لقت الحقن موجودة بس متعرفش مين اللي جابهم! 


عمار هز راسه وبصله وقال:طيب يا دكتور متشكر جدا علي تعبك معانا انا طبعا عارف انك مشغول ف سيبلي انا احل المشكلة دي! 

هشام هز راسه وقال:اهم حاجة عايز اقولها ان دنيا ملهاش ذنب دي بنت كويسه وانا اضمنها برقبتي ولاكن هيا كل اللي حصلها صدمة من شكل رشاد لما حصله كدة!! 

عمار هز راسه وقال:متقلقش يا دكتور انا اكيد مش هعملها حاجة! 

هشام هز راسه وخرج من مكتب عمار واخد شنتطه وخرج من القصر!! 


وعند عمار جمع كل رجالته وهو بيقول:مين اخر واحد كان واقف عند اوضة رشاد بيه امبارح ! 

واحد من رجالته رفع ايديه وقال:انا يا عمار باشا.

عمار بصله بتفكير وقال:تعالا هنا يا علي!! 

علي قرب منه وقال:خير يا عمار باشا هو حصل مني حاجة! 

عمار هز راسه وقال للرجاله:كل واحد  يروح يشوف بيعمل ايه وانت يا علي تعالا مكتبي! 

عمار قال كلامه ومشي وعلي راح وراه علي مكتبه واول ما دخل .عمار قعد علي مكتبه وهو ماسك علبه الحقنه وبيقول لعلي:انت اللي جيبت العلبه دي امبارح ! 

علي هز راسه وقال:روحت جبتها من الصيديله والله يباشا! 

عمار هز راسه وقال:ويا تري بق بدلتهم هنا ولا هناك! 

علي اتوتر من كلام عمار وقال:بدلت ايه يباشا انا اصلا مفتحتش العلبة ، 

عمار خرج مسدسه وضرب طلقة جت في صدر علي وقع علي الارض وقال:الخاين لازم يموت يا علي  ..دقايق ووصلوا رجالة عمار اخدوا جثة علي وخرجوا .. 


خرج عمار من مكتبه وطلع علي اوضة رشاد ولقاه نايم ودنيا قاعده جمبه ! 

عمار ابتسم لان اخوه بخير وبعدما اطمن عليه خرج وراح علي اوضته واو لما دخل اتصدم لما شاف …

#الفصل_8

#تحت_أمر_الحب

#الكاتبة_شيماء_صبحي


خرج عمار من مكتبه وطلع علي اوضة رشاد ولقاه نايم ودنيا قاعده جمبه ! 

عمار ابتسم لان اخوه بخير وبعدما اطمن عليه خرج وراح علي اوضته واو لما دخل اتصدم لما شاف جواب علي الأرض فتحة وهو بيقرأ اللي مكتوب فيه واتصدم أكتر لان طريقة الكلام دي مش غريبه عليه  ..! 

قعد علي السرير وهو بيفكر في الكلام اللي مكتوب في الجواب وكان عبارة عن(ألف سلامة علي رشاد بيه يعيش وياخد غيرها)

عمار حط الجواب جمبه وطلع موبايله وطلب واحد من رجالته وقال:لقيتوه! 

رد الراجل :أيوا ياباشا في المخزن! 

ابتسم عمار بانتصار وقام وقف ورمي الجواب في الزباله وركب عربيته وراح للمخزن بتاع الاسلحة!! 


وفي عمارة داليدا فضل سيد يخبط علي الباب وهو بيقول بحزن: انا لازم اتكلم معاكي يا دكتوره!

ام سيد بصت علي ابنها بحزن وقالت:يا ابني اشتري اللي باقي من كرامتك وبلاش تعمل كده’

سيد لف بجسمه وقال :انا بحبها انتي ناسيه عملت عشانها ايه علشان بس تكلمني! 

ام سيد هزت راسها لابنها وفي الوقت دا داليدا فتحت الباب وهيا بتبص علي سيد باستغراب  وبتقول:هو حصل حاجة تاني ولا ايه يا سيد .

رواية تحت أمر الحب بقلمي شيماء صبحي 

سيد بصلها بعيون مليانه حب وقال:داليدا انا اسف اني عملت كده مع قريبك مكنتش اعرف انه و..


داليدا ابتسمت وهيا بتقاطع كلامه وبتقول:حصل خير يا سيد اهم حتاه انك كويس.

سيد ابتسم وقال: ايوا انا  كويس الحمدلله  بس ممكن اتكلم معاكي في موضوع مهم.. 

داليدا بصتلة  بتعب وقالت:ممكن نأجل كلامنا لوقت تاني علشان أنا تعبانه شويه.. 

 سيد بصلها بحزن وهز راسه وقال:طيب يا دكتوره انا اسف علي الازعاج بس انا عندي سؤال أخير!! 


داليدا بصتله وقالت:اتفضل! 

سيد افتكر البوكس اللي كان جايبه من كام يوم وحاطه علي الباب وكان مستني رد فعلها بس اتفاجئ ان البوكس واقع علي الارض وكأنها رمته! 

داليدا كانت واقفه باصه لسيد اللي باصصلها وساكت وقالت:قول يا سيد أنا سامعاك ! 

سيد هز راسه وقال بتوتر:هو انتي معجبكيش البوكس اللي انا جبته ؟

داليدا هزت راسها باستغراب وقالت:بوكس اي دا اللي بتتكلم عنه؟ 

سيد ضغط علي ايديه وقال:البوكس اللي انا جبتهولك وسبته هنا عند الباب من كام يوم.

داليدا فتحت عينيها من الصدمه وقالت بصوت عالي:نعم هو انت اللي كنت جايبه.. 


سيد وامه بصوا لبعض باستغراب من صوتها اللي بق عالي فجأه وهيا لما لاحظت ان صوتها عالي قالت:مش قصدي  اعلي صوتي بس انت كنت كاتب في الجواب ايه.. 

سيد بص لامه بخجل ورجع بصلها وقال:كاتب اللي مش قادر اقوله  يا داليدا كاتب اني  بحبك يا أجمل دكتوره ونفسي تكوني مراتي ونعيش في بيت واحد مع بعض.


داليدا اتوترت من كلامه وبصت لامه اللي واقفه وساكته وقالت:بس انا .

سيد ابتسم وهو بيقول:مش لازم تردي دلوقت انا هسيبك تفكري كويس  في كلامي  .يلا يا اما نطلع علشان نسيب الدكتورة ترتاح.. 

قال كلامة ومسك ايد امه واخدها وطلعوا شقتهم وفضلت داليدا واقفه مكانها وهيا لسا بتستوعب ان كل اللي حصل دا مكنش ليه علاقة بعمار ولاكن من غباء سيد..


دخلت داليدا شقتها وقفلت الباب وكانت لسا في حالة صدمة قعدت علي الكنبه وهيا بتفكر في كل اللي حصل وازاي قدرت توصل عمار بعنوانها عن طريق الخطا بس هيا حاليا بقت مراته ..! 


عمار وصل بعربيته للمخرن واستقبلوه رجالته ودخل وهو بيبص علي الشخص اللي مستنيه واول مشافة قال بسخرية:بق انت يا سامي يطلع منك كل دا بق عايز تسم أخويا! 


سامي بصله بكره وقال:انا لو أطول اسمك انت كمان كنت عملت كده بس صدقني انت هتندم علي وجودي هنا!! 

عمار بصله وسكت وقرب من وشه وقال:مين اللي طلب منك تعمل كده! 

سامي لف وشه ومردش عليه ولاكن عمار كان فاهم دماغه فقرب من وشه تاني وقال:انت فاكر اني مش عارف انك اللي عملت كده! 

سامي ابتسم بسخريه وقال:بس انت خسرت واحد من رجالتك ودي حاجة مخلياني اسعد واحد في الدنيا!! 


 عمار شاور لواحد من رجالته يجيبوا علي وقال:معقول يا سامي بعد شغلك معايا كل السنين دي مش عارف اني بربي رجالتي مش بشتريهم! 

سامي اتصدم اول مشاف علي عايش وقال:ازاي دا انا شايف الدم مغرق جسمة! 

علي ضحك بسخريه وطلع كيس دم وقال:مدا مش دمي دا فيك.. 

عمار بص لسامي وقال:انا معنديش وقت اضيعه معاك في الكلام ولاكن اظن الرجالة هتقوم بالواجب.. 

سامي بلع ريقه وعمار شاور لرجالته يشوفوا شغلهم وهو خرج!! 


علي قرب من سامي وطلع سكي"نه وقربها من ايديه وقال:تحب نبدأ من فوق ولا من تحت! 

سامي صرخ بخوف وهو بيطلب منهم يسيبوا ولاكن فات الأوان .. 

عمار الصاوي رجل أعمال شهير صاحب ال٢٧ عام  بجانب شغله فهو أكبر رجال المافيا في مصر ولاكن في تخصص تجارة السلاح فقط!!  

من وقت ما رشاد الصاوي اتعرض لخيانه من شريكه وعمار اخد عهد علي تفسة  ان اي شخص هيفكر انه يقرب من اخوه هيبيع جسمة لأو"سخ منظمة في تاريخ تجارة الاعضاء!! 


عمار ركب عربيته واتجه بيها لبيت داليدا وفي طريقة وقف قدام مول نزل واشتري لبس كتير ليها وأكل وبعدها ركب العربيه تاني وكمل طريقه! 

وعند داليدا كانت قاعده علي نفس الحال بتفكر هتتصرف ازاي في الكارثة اللي هيا وقعت فيها وهل هتقدر تتخلص من عمار ولا هتعيش معاه بالاجبار!! 

#الفصل_9

#تحت_أمر_الحب

#الكاتبة_شيماء_صبحي

في صباح يوم جديد صحيت داليدا وهيا بتبص في ساعتها علشان تروح الشغل ،قامت بتعب علشان تغسل وشها واول ما خرجت من أوضتها وبتقرب من الحمام سمعت صوت التيلفزيون شغال .. 

غمضت عينيها علشان تفتكر لو هيا نسته إمبارح شغال ولاكن بعد تفكير طويل اتأكدت انها مفتحتوش لانها مخرجتش من أوضتها خالص..


قربت داليدا من الصاله  وهيا بتاخد نفسها واول ما عينيها جت علي الكنبه شافت جسم لشخص نايم عليها.. 

رجعت خطوه لورا وهيا بتهدي نفسها وبتفكر يطلع مين ..لحدما افتكرت عمار وان ممكن يكون هوا ،دخلت تاني للصاله وهيا بتبص علي جسم الشخص اللي نايم لحدما وصلت عند وشه واول مشافته صرخت.. 

فاق الشخص اللي نايم بخضة وبص عليها وقال :في ايه يا داليدا بتصرخي ليه!! 

داليدا بصت لملامحة تاني وهيا مش مستوعبه إنها شايفاه بعد كل السنين دي، فقربت من وشه علشان تلمسه واول ما اتاكدت انه هو قالت : زين 

انت رجعت امتي من السفر؟ 

زين أخوها قرب منها وحضنها بفرحة وهو بيقول:لسا زي منتي متغيرتيش يا داليدا! 

داليدا كانت في حضنه ومغمضة عينيها وهيا بتشم في ريحته اللي وحشتها قالت بدموع وهيا بتضغط علي جسمة:إنت وحشتني أوي يا زين كدة متسألش عليا كل السنين دي؟ 

زين أخوها ابتسم بحزن وقال:معلش يا داليدا كان غصب عني اخدوا مني كل حاجة اول ما وصلت ومقدرتش أوصلك .


داليدا بعدت عن اخوها وهيا بتبص لوشه وبتقول:هما مين اللي أخدوا منك كل حاجتك فهمني.

زين ابتسم وهو بيمسح علي شعرها وبيقول:تعالي اقعدي يا داليدا وانا هفهمك كل حاجة.


داليدا هزت راسها وقعدت جمبه وهيا مركزه مع وشه وبتقول :قولي يا زين كل حاجة ومتخبيش عليا .


زين اخد نفس عميق وهو بيبص لأخته وبيقول:انا كنت مسافر علشان اشتغل عند الراجل اللي حكتلك عنه .. داليدا هزت راسها وهو كمل.. 

زين:الراجل دا كان مفهمنا اننا هنشتغل في مدينه سكنيه هوا مستسمر فيها وكان هيدينا مبلغ كويس ودا غير الأقامة والأكل والشرب.. 

داليدا هزت راسها وقالت:أيوا وبعدين! 

زين كمل وقال:الراجل دا طلع بيكدب علينا ومفيش مدينه سكنيه ولا حاجة .،احنا لما وصلنا هناك لقينا ناس مقنعه واقفين وماسكين أسلحة في ايديهم  وبدأوا يدونا لبس شكلة غريب كده وقالولنا اننا هنشتغل في تصنيع السلاح.. 

داليدا شهقت بصدمة اول  ما سمعت كلامه وهوا حط ايديه علي ايديها بحنيه وكمل كلامه وقال: 

طبعا احنا كلنا  رفضنا وهما لما  عرفوا اننا مش عاجبنا وهنمشي هددونا واخدوا مننا كل حاجتنا واجبرونا نشتغل يا اما هيقت”لونا.. 


داليدا بصت لأخوها بحزن وهو كمل كلامة وقال:طبعا احنا سمعنا كلامهم واشتغلنا وعدوا الاربع سنين واحنا زي محنا لحدما من شهرين بس قدرنا نهرب منهم وبمساعدة السفارة المصريه رجعنا مصر واول ما خرجت من المطار ركبت اول تاكسي وجيت علي هنا. 


داليدا حضنت أخوها تاني ومسحت علي شعره بحب وهيا بتقول:الحمدلله انك كويس وموجود قدامي . 

زين ابتسم ومسك وش داليدا وقال:بس ايه الحلاوه دي كلها دا انا علي كدة أشوفلك عريس.

داليدا ضحكت وهيا بتقول :أنا برضوا اللي عايزه عريس ولا انت.. 

زين ضحك واحمر وشه من الخجل ودا لانه خجول جداا .. 

داليدا ابتسمت وقالت:اهم حاجة الناس دي ممكن يأذوك ! 

زين هز راسه بالرفض وقال:مظنش انهم هيقدروا يجوا مصر أصلا لاننا بلغنا الحكومه بكل حاجة وزمانهم دلوقت في السجن..! 

داليدا هزت راسها وقالت:طيب الحمدلله أنا هقوم أعمل اكل علشان ناكل مع بعض زمانك مأكلتش حاجة من امبارح! 

زين هز راسه وابتسم وداليدا قامت ودخلت المطبخ.. 


وفي قصر الصاوي خرج عمار من جناحه واتجه لغرفة أخوه واللي كان صاحي وبيتكلم مع دنيا ! 

 عمار بابتسامة:صباح الخير يا رشاد باشا ! 

رشاد ابتسم وقال:صباح النور يا عمار باشا.

عمار قرب منه وباس جبينه وقال:أنا شايف انك بقيت أحسن من الأول . 

رشاد هز راسه وبص لدنيا وقال:الفضل يرجع للممرضة دنيا  . 

عمار ورشاد بصوا لدنيا اللي وشها كان أحمر من الخجل وبعدها عمار قال:أنا رايح الشركة بتاعتك طلبوني هناك بيقولوا فيه شحنه هتتسلم ولازم تكون هناك وطبعا انت حالتك متسمحش بالخروج فانا هروح مكانك .. 

رشاد هز راسه وقال: طيب بس انا عايزك ترفد السكرتيره بدالي وخلي زياد يجيب واحده غيرها. 

عمار بصله وقال:انت شاكك فيها ولا ايه. 

رشاد هز راسه وقال:طلعت متجوزه كمال عرفي وانا كنت فاكر الموضوع عادي بس كانت بتسربلة  حجات تخصني! 


عمار هز راسه وحط ايده علي راس اخوه وقال:ولا يهمك يا باشا بكرة ترجع اقوي من الأول وتنظف الشركة بنفسك ! 

رشاد ابتسم وهو بيبص لأخوه بحب وبعدها قال:ربنا يخليك ليا يا عمار مش عارف اقولك ايه! 

عمار ابتسم وهو بيبص لدنيا وبيقول:اديله جرعه زيادة بق خلينا نخلص.. 

دنيا ابتسمت وعمار خرج من الأوضة واول ما رشاد اتاكد انه خرج بص لدنيا وقال:يعني مش موافقة؟ 

دنيا هزت راسها بالرفض وقالت:انت بتطلب مني ايه يا رشاد باشا دا خطر علي صحتك.

رشاد بصلها بغيظ وقال:يعني كاس واحد ممنوع.! 

دنيا هزت راسها بضيق وقالت:قولتك ممنوع وبعدين دا حرام. 

رشاد بصلها باستغراب من طريقتها وصوتها العالي فقال:طيب براحة دنتي طلعتي شرسه.. 

دنيا قربت من الحقن وبدأت تجهزله الحقنة وهيا مبتسمه لانها قدرت تمنعه من شرب الوي”سكي بعدما بحثت عنه وفهمت انه زي الخمرا!! 


في منزل داليدا .. 

كانت جهزت الفطار وقعدت هيا وزين يفطروا وكل ما تاكل حاجه تبص لزين وتبتسم لانه كان وحشها جداا ولاكن لما جه في دماغها موضوع عمار وانها مراته بان علي وشها الحزن.. 

زين كان بياكل ولما بص لداليدا شافها سرحانه وباين علي ملامحها انها حزينه فقال بتساؤل:داليدا انتي كويسة؟ 


داليدا انتبهت علي صوته وهزت راسها وقالت:أنا كويسه بس سرحت شويه..

زين إبتسم ورجع يكمل أكله وبعدما خلصوا وداليدا شالت الاطباق ..قام زين ودخل وراها المطبخ وقعد علي الرخامه وهو بيقول:أنا ناوي انزل ادور علي شغل لان القعده دي انا مش متعود عليها.. 

داليدا ردت عليه وهيا بتغسل الأطباق وقالت: قعدة ايه بس انت لسا واصل وبعدين أنا شايفة انك ترتاح شويه انت كنت في سفر يعني بهدله..! 

زين ابتسم وهو بيقول:لا راحة ايه دنا من الشغل في السلاح اتعودت علي الحركه لحدما بقيت احس ان عندي فرط حركة..!

داليدا ابتسمت وهيا بتقول:طيب ناوي تشتغل ايه. 

زين رفع حاجبه بتفكير وقال:يعني أنا شايف ان انسب شغلانه ليا ياإما نجار او حداد .. 

داليدا بصتله باستغراب وقالت:اشمعني يعني! 

زين :قصدي يعني اي حاجه اجمع فيها قطع علي بعض.. 

داليدا ابتسمت وهيا بتقول:بسيطة انزل اشتغل مع سيد!! 

زين بصلها  بتفكير وقال:سيد مين.

داليدا بصتله ورفعت حاجبها وزين لما افتكره قال:اااه سيد وهو سيد بق شغال ايه! 

داليدا حطت الاطباق مكانها وردت عليه وقالت:في ورشه ابوه هوا اللي بيديرها دلوقت  واظن انك لو اشتغلت معاه هتقبض راتب كويس. 


زين هز راسه وقال:طيب انا هدخل اخد دش سريع كده وانزل اشوف  سيد دا  !! 

داليدا كانت لسا هترد عليه ولاكنها لقته جري بسرعه ودخل لاوضته،ابتسمت بحب واضح لان زين اتغير عن الاول بكثير وبق شخص مسؤل وبيهمة الشغل فخرجت من المطبخ ودخلت اوضتها علشان تغير هدومها هيا كمان وتنزل الشغل… 

رواية تحت أمر الحب بقلمي شيماء صبحي

 

بداخل شركة رشاد  دخل عمار واول مشافه مدير الحسابات جري عليه وهو بيقول بابتسامه:نورت الشركة يا عمار بيه! 

عمار هز راسه وهوا مكمل مشي في الشركه وقال: الشحنه اللي هتتسلم هتوصل امتي. 

المدير بص في ساعته وقال:خلال عشر دقايق من دلوقت ياباشا! 

عمار هز راسه وقال:طيب روح شوف وراك ايه علي ما اخد جولة في الشركة.

المدير هز راسه ومشي وعمار اتجه لمكتب رشاد.. 

ريناد!!! ودي بتكون السكرتيرة الخاصة برشاد كانت قاعدة علي مكتبها وبتعمل مكالمة مع واحده صحبتها وبتضحك وكان صوت ضحكتها عالي وملفت.. 

قرب عمار منها وبصلها بجديه وقال:اسمك ايه! 

ريناد اول مشافته قفلت المكالمه وقالت بابتسامة:اسمي ريناد هو حضرتك مش عارفني.. 

عمار ابتسم بسخريه وقال:مين ميعرفكيش يا ريناد .. 

ريناد ابتسمت وقالت :هو حضرتك جاي علشان الشحنه .. عمار بصلها ولاحظ قد ايه هيا فضوليه فهز راسه وقال: ايوا وعلشان كده جيت علشان اعرف منك التفاصيل.. 

ريناد ابتسمت وطلعت دوسيه من مكتبها وقالت وهيه بتديه لعمار:دي كل المعلومات اللي تخص الشحنه ! 

عمار وقف وهيا فضلت ماسكه الدوسيه ورفعاه قدامه فقال:عاوز التفاصيل من بوقك مش من الدوسيه يا ريناد ! 


ريناد بلعت ريقها وحطت الدوسيه مكانه  بحرج وبصتله تاني  وقالت: الشحنه دي هتتسلم لمستشفي جديده في الإمارات وثمنها ٥٨ مليون جنية !! 

عمار حط ايديه في جيبة وطلع موبايله وهو بيحسب ثمن الشحنه الحقيقي وبعدما طلع المبلغ بصلها وابتسم وقال:متأكدة يا ريناد ! 


ريناد بلعت ريقها وبان علي وشها التوتر لانها حست انه كشفها  فقالت :ثواني برضوا اتاكدت من الحسابات؟ 

عمار هز راسه وهيا فتحت اللاب توب وفضلت تقلب فيه شويه وبعدها وقفت وبصت لعمار وقالت:انا اسفه يا فندم طلع الخطأ مني المبلغ الصحيح٨٥ مليون جنيه! 


عمار قرب منها وفتح اللاب توب ولقي انها كانت بتراسل شخص من الحسابات ومن الواضح انهم لاعبينها سوا فقال بغضب:اخدتي كام من ورا رشاد لحد دلوقت.. 

ريناد رجعت لورا بخوف وبصتله وقالت باستغراب :ماخدتش حاجة هو حضرتك تقصد ايه ! 

عمار خرج من جيبه حقنة صغيره وقال: اقصد ايه دنتي طلعتي مش سهله ابدا! 


ريناد بصتله بخوف ولاحظت الحقنه اللي في ايده وهوا كان بيبصلها وشايف خوفها فقرب الحقنه من وشها وقال: عارفة الحقنة دي فيها ايه! 

ريناد بلعت ريقها بخوف وهزت راسها بلأ ، عمار قال وهوا بيقرب الحقنة من دراعها المكشوف وبيقول:في مادة سامة ولاكن منتهيه من ١٥ سنه بس انا عايز اقولك حاجه الدكتور بيقول انها مبتموتش.. 

ريناد هزت راسها وهوا كمل كلامه وقال:بيقول هيا بتدخل الأول علي الشرايين وبتوقف فيها النبض  وبعد مده بتدخل علي الدماغ تعطل كل الاجهزه وبعد كده  بق بتدخل علي المهمه الاساسيه، القلب ، بتدخل تنهي عليه وبعد كده بق.. 

ريناد بخوف :ايه! 

عمار ابتسم وهو بيبعد الحقنه عنها وبيقول: لا دي حكايه طويله وانا مش فاضي بس احنا ممكن نستغني عنها في حاله وحده! 


ريناد هزت راسها وقالت بخوف منه :موافقه ايا كانت هيا ايه الحاجة دي ! 

عمار بصلها  بجديه وقال:قدامك ساعه كاملة ترجعي كل الفلوس اللي اخدتيها من كمال ورشاد وطبعا انتي عارفه حساب رشاد . وعارفة برضوا انا ممكن اعمل فيكي ايه ..ولا اعرفك

ريناد هزت راسها بخوف  وقالت:لا عارفاك” 

عمار مسك دراعها وضغط عليه جامد  وقال:بعدما تخلصي تيجي هنا وتلمي كل الكراكيب دي وتختفي خالص علشان انا لو شوفت بس خيالك مش هتلحقي تاخدي نفسك من تاني انتي فاهمة .! 


ريناد هزت راسها وجريت من قدامه وهو فضل يبص عليها  لحدما اختفت .


 وصل مدير الحسابات واللي كان باين علي ملامحه التوتر وقال:الشحنه وصلت يباشا ومستنين حضرتك! 

عمار هز راسه وهو بيقول:قولتلي اسمك ايه! 

المدير هز راسه وقال:اسمي فوزي يا باشا. 

عمار ابتسم وهوا بيقول:طيب يا فوزي انا عايزك تيجي معايا.. 

فوزي ابتسم وقال:انا كده كده جاي معاك يباشا علشان انا مدير الحسابات! 

عمار هز راسه وقال: طيب يا فوزي يلا بينا . 

فوزي هز راسه باحترام ومشي ورا عمار واللي كان مسرع خطوته لدرجة ان فوزي كان بيجري وراه..! 


 خرجت داليدا من البيت ومعاها زين واول ما نزلت شاورت لزين علي الورشة وقالت:هي دي الورشه بس انا طالبه منك طلب اخير. 

زين بصلها وهز راسه وقال:انتي تؤمريني يا حضرت الدكتوره! 

داليدا ابتسمت وبصتله وقالت:سيد عايز يتجوزني وانت عارفني بق ومش دا اللي بفكر فيه بصراحه فلو كلمك في الموضوع دا حاول تتوه ماشي.. 

زين ضحك وقال:ماشي متقلقش انا هعرف اوقفه عند حده! 

داليدا ابتسمت وبعدها قالت:طيب انا هروح  المستشفي بق مع السلامه يا حبيبي وخلي بالك علي نفسك ! 

زين ابتسم وهو بيبصلها بحنيه وقال: مع السلامة يا احلي دكتوره .. 

مشيت داليدا  وهيا مبتسمه وكانت بتسرع خطوتها وأول ما بعدت عن البيت وتأكدت ان محدش هياخد باله منها طلعت تيلفونها اللي اخدته إمبارح من عمار وفضلت تدور فيه علي رقمة اللي سجله بدون ارادتها فأول ما لقته ضغطت علي علامة الإتصال وكانت في إنتظار رده.. 

#الفصل_10

#تحت_أمر_الحب

#الكاتبة_شيماء_صبحي

 بعد تسليم الشحنه عمار كان في طريقة لشركته ولاكنه افتكر زياد وانه لازم يبلغة يجيب سكرتيرة جديده فخرج موبايلك من جيبه وقبل ما يتصل ب زياد لقي اتصال من داليدا..فضل يبص لرقمها باستغراب ولاكنه رد عليه وقال: غريبة انك بتتصلي بيا في الوقت دا ..! 

داليدا أخدت نفسها وقالت:عمار احنا لازم نتقابل في موضوع مهم لازم اقولك عليه؟ 

عمار ابتسم وقال:طيب وعايزانا نتقابل فين انا عندي فيلا صغيرة كده علي قدي ممكن نروح ونتكلم هناك براحتنا .. 


داليدا استغربت كلامه فقالت بنية سليمة:طيب ممكن تقولي مكانها فين ! 

عمار ابتسم بخبث وقال:هبعتلك العنوان في رساله .

داليدا قفلت معاه المكالمة واستنت الرساله اللي هيبعتهالها وبعدما وصلت الرساله مشيت في طريقها للطريق العام علشان تركب اي تاكسي.. 


وعند عمار بعدما قفل معاها اتصل ب زياد المحامي الخاص ب رشاد وقال:عايزك تجيب سكرتيرة بدل ريناد لاني طردتها! 

زياد استغرب كلامه وقال بتساؤل:ليه يا عمار باشا ايه اللي حصل.

عمار اتكلم وقال:معنديش وقت أشرحلك يا زياد بس نفذ اللي بقولك عليه دي اوامر رشاد! 

زياد هز راسه وقال: طيب يا عمار باشا محتاج مني اي حاجة تانيه! 

عمار هز راسه بالنفي وقال:لا اعمل اللي قولتك عليه بس! 

قال كلامه وقفل التليفون وركب عربيته واتحرك بيها علي ڤيلته!!


وفي الصعيد وبالتحديد في منزل السيدة كوثر مرات كبير عائلة العزايزي . 

كانت واقفه وهيا بتشاور للستات اللي قدامها وبتقول:بقولكم عايزة بنات حلوه ايه اللي جيبنهم دول انتي فاكرة ان عمار باشا ولا رشاد باشا هيرضوا بيهم!! 

واحدة من السيدات  بصت في الارض باحترام وقالت:انا جبتلك كل بنات البلد بس مفضلش غير بنات عيلة الشهاوي !

كوثر اتضايقت من كلامها وقالت:الا ولاد الشهاوي انتو ناسيين العداوة اللي بينا! 

الست ردت عليها باحترام وقالت:تحت امرك يا حاجة كوثر اوعدك اننا هنلف تاني ونشوفلك اجمل البنات! 


كوثر هزت راسها برضا وقالت:طيب يلا اتحركوا واقفين ليه!! 

السيدات كلهم مشيوا من قدامها وفضلت كوثر واقفة مكانها وهيا بتفتكر وعدها لأختها الله يرحمها انها اللي هتجوز ولادها ولاكن بسبب عيشيتهم في القاهرة صعب انها تلاقي بنات ترضيهم ولاكن علي مين دي الحاجة كوثر يعني سيدة البلد واحسن البنات يتمنوا بس اشارتها؟؟ 


كانت نازله علي السلم ملوك بنتها وكانت ماسكه في ايديها قلم روچ بتحط علي شفايفها وبتدندن اغنيتها المفضله وقبل ما توصل قدام امها خبت القلم وهيا بتقول:صباح الخير يا ست الكل.! 

كوثر كانت عينيها مركزه مع شفايف بنتها وقلم الروح اللي مخبياه وراها  ولما ملوك لاحظت نظرات امها ليها  ابتسمت وهيا بتقول:انا كلمت عمار ورشاد ولاد خالتي وقالولي انهم جايين الصعيد الاسبوع الجاي.. 


كوثر ابتسمت بفرحة ونست موضوع قلم الروچ فقالت بحماس:بجد يا ملوك امتي الكلام دا!! 

 ملوك بصت لامها وقالت:اول امبارح بس انا نسيت اقولك!

كوثر هزت راسها وقالت:اهم حاجة اوعي تكوني عرفتيهم انا عايزاهم ليه ، ملوك إبتسمت وهيا بتقول:عيب عليكي برضوا يا اما دنا ملوك يعني الامانه كلها ! 

كوثر هزت راسها وقربت من بنتها واخدت قلم الروچ من ايديها وقالت:ماشي يا حبيبتي يلا شوفي انتي رايحه فين.. 

ملوك بصت لأمها بصدمة وهيا بتقول:ليه ياما بس كده دا خامس واحد تخدية مني الاسبوع دا!! 

كوثر بصت لبنتها بنص عين وقالت:الزينة لجوزك بس يابنت كوثر ولاكن تحطيها كدة ممنوع وانتي عارفة قوانين البيت دا كويس.. 


ملوك هزت راسها بغيظ واتحركت علشان تروح  للاسطبل  بتاعهم وتطمن علي الخيل . 


وبداخل ورشة سيد دخل زين وهوا بيبص للعمال اللي شغاله بابتسامه وقال:السلام عليكم يا رجالة.. 

العمال بصوبه باستغراب وردوا السلام ولاكن زين مهتمش لنظراتهم قد ما كان بيدور علي سيد فلما ملقهوش بص لواحد وقال:امال فين المعلم سيد.. 

صوت جه من وراه بيقول :انا المعلم سيد .. 

زين لف بحسمه واول ما شاف سيد ابتسم وقال:سيد يخربيت شكلك يا جدع انت بقيت عامل كدة ليه.. 

سيد فضل باصص للشاب اللي قدامة باستغراب وقال:هو انت تعرفني. 

زين قرب من سيد حضنه بعشم وقال:معقولة نسيتني يا سيد قشة! 

سيد بعد عنه وهو بيقول بصدمة:زين؟ 

زين ضحك وهو بيبص لشكله وبيقول:مكنش العشم يا صاحبي. 

سيد حضنه بفرحة وقال:حمدلله علي سلامتك يا زين كنت فين كل دا يا جدع! 

زين خبط علي ضهرة وقال:في الغربه بس الحمدلله رجعت تاني وهستقر هنا خلاص.. 

سيد ابتسم وقال:نورت بيتك ومنطقتك يا حبيب اخوك.

بقلمي الكاتبة شيماء صبحي 

زين مسك دراع سيد وقال:طيب انا عايزك في كلمة كده يا ابو السيد. 

سيد هز راسه وقال بجدية:أومرني يا حبيبي. 

زين بص علي الورشه وقال:انا عايزاشتغل معاك في الورشه وبصراحة لما قولت داليدا قالتلي مفيش قدامك غير سيد جدع ومش هيقصر معاك.. 

سيد ابتسم لما زين جاب اسم داليدا فقال بفرحة:طبعا طبعا يا زين انت اخويا .

زين بصله بابتسامه وقال:يعني ايه برضوا يا سيد! 


سيد بص للرجالة اللي شغاله وقال: لو الارض مشالتكش اشيلك انا  فوق راسي دنتا كفايا بس انك اخو الدكتورة. 

زين ابتسم وسيد مسكه ودخله الورشه وقال بصوت عالي علشان الشباب اللي شغاله تنتبه ليه وقال: صباح الخير يا رجاله انا عايز اعرفكم بزميلكم الجديد زين . 

الرجالة اللي في الورشة بصوا لزين من فوق لتحت وهزوا راسهم وسيد بص لزين وقال:انت اشتغلت في النجارة قبل كده. 


زين هز راسه بالرفض وقال:لا اول مره. 

سيد هز راسه وقال: علي كدة بق هتبدأ لسا من الصفر. 

زين هز راسه وسيد ندة علي صبي معاهم وقال:تعالي يا نادر سلم علي زميلك الجديد! 

نادر بص لزين وابتسم ومد ايديه سلم عليه وسيد قال:من النهاردة يا زين نادر اللي هيعلمك كل حاجة ولحدما تفهم الشغلانه الباقي هيبق عليا انا . 

زين ابتسم وهز راسه وسيد ابتسم وبعدها نادر شاور لزين علي خشب لازم ينقلوة للمخزن وزين هز راسه وراح معاه. 


وفي فيلا عمار وصل عمار الاول ودخل وكان موجود البواب اللي بيحرسها فقال :ازيك يا عم فؤاد انا هقعد في الفيلا النهارده تقدر تروح البيت! 


فؤاد بص لعمار بفرحة وقال: بجد يباشا ! 

عمار هز راسه ودخل وفؤاد جمع حاجته بسرعه وخرج من الفيلا. 


عمار فتح النور بتاع الفيلا وابتسم لان داليدا جايه وهو فهم انهم هيقضوا ليلة سخنه النهاردة فدخل علي المطبخ يجهز المشروب بتاعهم.. 


 وفي الخارج وقف التاكسي اللي داليدا فيه واول ما نزلت اخدت نفس طويل وهيا بترتب كلامها بصوت هامس علشان تعرفة برجوع أخوها من السفر وانه لازم ينهي موضوع جوازهم في أسرع وقت.. 


عمار سمع صوت الجرس فقرب من الباب بحمس وفتحة واول مشاف داليدا ابتسم وهو بيقول:نورتي ڤيلتك يا زوجتي العزيزة.. 

داليدا اتصدمت من كلامة وحست بالخوف من نظراته ليها فرجعت خطوة لورا ولاكن عمار شدها لجوه وهو بيقول:متخافيش يا داليدا انتي في أمان. 

داليدا هزت راسها وفضلت ماشيه وراه لحدما وصلوا عند طرابيزه متجهزة لشخصين فقالت بتساؤل:هو انت كنت مستني حد. 

عمار بصلها وقال:ايوا مستني مراتي.؟ 

داليدا بلعت ريقها وقالت:أنا جيت علشان أقولك ان… 

قاطعها عمار بقبلة حارة سكتت داليدا عن الكلام وغمضت عينيها ولاكنها لما انتبهت للوضع اللي هيا فيه زقته بكل قوتها وضربته بالقلم وهيا بتقول:انت شكلك شارب!! 

عمار اتصدم من ضربها ليه فقال بغضب:انتي مديتي ايدك عليا.. 


داليدا رجعت خطوة لورا بخوف وقالت بتوتر:انا مش قصدي اضربك بس انت اللي استفزتني!


عمار قرب منها وهيا كانت بترجع لورا لحدما كانت هتقع فلحقها عمار بسرعه وشدها في حضنه، داليدا بعدت عنه ولاكنه شدها عليه تاني وكان باصص في عينيها وهمس وقال:معقوله في بنت تكون بالجمال دا .. 

داليدا قلبها فضل يدق من نظراته ليها وللحظة حست انها مغرمة بية ولاكنه بعدها عنه لما لاحظ لمعة عيونها فداليدا انتبهت لنفسها ومسحت شفايفها وقالت: أخويا رجع من السفر إمبارح وهو عايش معايا في الشقة و.. 

-يبق تيجي بيتي وتسيبيه براحته في الشقة.. 

قاطعها عمار وهو بيقول .

داليدا هزت راسها بالرفض وقالت:دا مش قصدي خالص ،انا قصدي ان اخويا ميعرفش اي حاجة وانا جيت اطلب منك تطلقني وكل واحد يروح لحالة..! 


عمار ابتسم ولف وشه ومسك كاس من اللي كان مجهزه وشربه مره واحده ورجع بصلها تاني وقال:بتقولي عايزة تطلقي! 


داليدا هزت راسها ولاكن هوا هز راسه بالنفي وقال:أنا سبق وقولتك يا دكتوره قرار جوازك مني في قدامة تضحية وانتي اختارتي السلام للي بتحبيهم واظن ان أكتر حد غالي عليكي دلوقتي هو زين صح.. 

داليدا فتحت عينيها من الصدمة وقالت:انت تعرف زين منين.. 

عمار قرب منها وقال:طبيعي اني أسأل وأستفسر عن مراتي ولا ايه.. 

داليدا هزت راسها وقالت: بس انا مش عايزة اتجوزك انت  يا عمار انا بحب واحد تاني؟ 


عمار عينيه اتفتحت من الصدمة وحس بغيرة قوية امتلكت قلبه وإتحكمت فيه لدرجة انه صرخ في وشها وقال:وانا قولت مفيش طلاق.. 


حست ان قلبها وقف من الصدمة وكانها دخلت في  غيبوبه مؤقته بتستوعب انها وقعت تحت ايد ذئب بشري غريب الأطوار.. 

عمار اخد نفس طويل ورجع بصلها تاني وقال: اخوكي لازم يعرف انك مراتي بأي طريقة بق انتي تختاريها او تسيبلي انا المهمة دي..! 

داليدا برفض:لا بلاش تتدخل انت أنا هتكلم معاه.. 

عمار ابتسم وقال: قدامك إسبوع بالظبط تكوني  عرفتي أخوكي بجوازك مني وإلا . 

داليدا بصتله باستغراب وقالت:وإشمعني أسبوع هو انت عايز تعمل ايه..! 


عمار قرب من شعرها ومسك خصلة منه لفها حوالين صابعه وقال:هتيجي معايا الصعيد.. 

#الفصل_11 هدية❤️

#تحت_أمر_الحب

#الكاتبة_شيماء_صبحي

 الصعيد!!! قالتها بصدمة وكملت كلامها وقالت:صعيد ايه اللي عايزني أروحها انا أخر مرة خرجت من القاهرة فقدت اعز ناس علي قلبي!! 

عمار لف بجسمة متجاهل كلامها وهيا قربت منه ووقفت قدامة وقالت بضعف:انت ليه بتعمل معايا كل دا أنا عملت معاك ايه أنا كل اللي عملته اني أنقذت أخوك من الموت ليه دا يكون جزائي منك ..؟


عمار بص في عينيها ولاحظ الدموع اللي بتتجمع فقرب من وشها ومسكه بإيدية وقال:أنا سبق وقولتلك انك هنا علشان… 

داليدا هزت راسها وقالت:علشان ايه فهمني ؟

عمار بعد نظره عنها وقال بجمود:اتفاق بيني وبينك وزي مقولتلك يا الجواز يا القت”ل.. 

داليدا هزت راسها وقربت منه وقالت:وأنا موافقة أقتل”ني خليني أخلص بق من اللي بيحصل دا.! 

عمار هز راسه بالرفض وقال:مش انتي يا داليدا اللي هتموتي..! 


داليدا بصتله بعيون مفتوحة وقالت بتساؤل:أمال مين..، قالت كلمتها وهيا بتبلع غصة في حلقها  وكأنها عارفة رده .. 

عمار اتكلم وقال:زين أخوكي !! 

دموعها بدأت تنزل وهيا مش عارفة ترد تقول ايه يعني ايه عايز يقت”ل أخوها احلي حاجة موجوده في حياتها معقول الحياة ظالمة كده تعمل خيرا شرا تلقي.. 

عمار قرب من الترابيزه المجهزه وقعد عليها وبص عليها وقال:تعالي يا داليدا..! 

داليدا عدلت وقفتها وبصت عليه وشافته وهو رافع الكاس وبيشاورلها تقرب منه وكأنه مَلك يطلب جاريته للقدوم اليه لفعل ما يرغب بيه سيدها..


داليدا قربت منه ورفعت وشها وقالت:نعم.

عمار بأمر:أقعدي قدامي ! 

داليدا سمعت كلامة وقعدت علي الكرسي المقابل ليه ورجعت بصتله تاني ..

عمار بص للكاس اللي موجود قدامها وقال:إشربي.

داليدا برفض:لأ مبشربش القرف دا انا مسلمة..! 

عمار ضحك علي كلامها وقال:وانا كمان مسلم وبشرب عادي.. 

داليدا بصتله بإحتقار وهزت راسها بالرفض وقالت:مش هشرب انا مستحيل احط القرف دا علي بوقي..! 

عمار هز راسه وقرب الكاس بتاعه من كاسها وصب لنفسه وقال:دا عصير تفاح يا داليدا تفتكري برضوا اني هشربك ويسكي..! 

داليدا رفعت عينيها بتفكير وقربت من الكاس وشمته ولما أتاكدت من صحة كلامه اخدت رشفة بسيطة وقالت:شربت.. 

عمار هز راسه بابتسامه وقال:اليوم معانا طويل وانا حابب نقضيه مع بعض اي رئيك.. 

داليدا بدون تفكير:موافقة..’ 


عمار ابتسم وقرب منها ومسك ايديها وقال:اي رأيك تتفرجي علي الڤيلا. 

داليدا وقفت ومردتش عليه ولاكنه قدر ببساطة يفهم انها موافقه فمسك ايديها علشان تمشي جمبه ولاكنها سحبت ايديها وحطتها ورا ضهرها.. 


عمار اتحرك لاول غرفة وكانت غرفة أطفال :قال بابتسامه:دي للاطفال لما يجوا في المستقبل.. 

داليدا بصت للأوضة وهزت راسها وبعدها خرجوا ودخلوا أوضة تانيه وهو قال:دي للضيوف علشان لو حبوا يباتوا  .. 

داليدا مردتش عليه كالعادة وهو خرج من الاوضة ودخل اوضة كبيرة وكانت أوضة نوم اول ما داليدا دخلتها جسمها اتنفض وفضلت واقفه علي الباب .. ، عمار انتبه ليها فقرب منها وقال:ادخل متخافيش دي النوم بس!


داليدا هزت راسها وبصت علي كل ركن في الاوضة ورغم انها كانت حلوة الا ان داليدا كان  كل تفكيرها هيا هتمشي امتي.. 

عمار قفل الاوضة وبص لداليدا وقال:في بق فوق دور تاني بس محدش بيطلعه غيري حابة تطلعس تشوفيه !! 

داليدا هزت راسها بالرفض وقالت بتعب:أنا عايزة أروح!! 

عمار اخد نفس ومسك ايديها ونزلوا تاني وقعدوا في الصالون.. 

داليدا قعدت وهيا حاضنه المخدة ومستنياه يتكلم ويقولها تمشي ولاكنه عمل عكس كده وقف واتجه للمطبخ وحضر عصير ليمون وقرب منها وقال: خدي اشربي العصير دا.. 

داليدا بصت للعصير باستغراب وهو كان مركز اوي مع ملامحها فهزت راسها واخدته منه وشربت منه شويه وبعدها مدت ايديها تانيه وقالت:شكرا.. 

هز راسه واخد الكوبايه ودخلها المطبخ تاني ورجع وقعد جمبها وشغل التلفزيون علي فيلم أكشن وبصلها وقال بتساؤل :تأكلي فشار..؟ 


داليدا هزت راسها بالرفض وهوا رجع ضهرة لورا وكان بيتفرج بتركيز وداليدا كانت بتبص عليه من الوقت للتاني لحدما لاحظت انه بدأ ينام وعينه بتقفل بالتدريج.. 


كانت هتقرب منه ولاكنها رجعت تاني مكانها وفضلت مركزه مع تفاصيل الفيلم وشافت خطة عملتها بطلت الفيلم في التخلص من العسكري اللي كان حابسها ..كانت مستخدمة قلم وضربته في رقب..ته ..داليدا ابتسمت وفضلت تبص حواليها لحدما شافت القلم موجود علي الطرابيره فمسكته وهيا بتبص لعمار اللي نايم وكانه دخل في غيبوبه قربت منه وهيا ماسكة القلم بقوة وكأنها بتستعد لتنفيذ خطة بطلة الفيلم.. 


قربت القلم من رقبته وكانت هتضربه الا انها تراجعت  وغمضت عينيها بقوة وكانها بتمانع شخص بيتحكم في جسمها وبيجبرها تعمل كده.. 

عمار حس بقربها منه ففتح عينيه وهيا اول ما شافته بعدت وهيا بتشهق بخوف.. 


عمار قام وهو بيبصلها ولاحظ القلم اللي كانت مسكته فقال بتساؤل:بتدوري علي ورقة؟

داليدا بصت للقلم ورحعت بصت لعمار وهزت راسها وهو ضحك بسخريه وقال:وهتعملي ايه بالورقة  لما انتي عايزه تخلصي عليا.. 

داليدا فضلت بصاله باستغراب وهيا مش عارفة تفهمه ولا تعرف هو بيفكر في ايه وهل دي كانت خطته منه والا عن طريق الصدفة !!


عمار قام ومشي من قدامها وهيا قعدت تاني علي الكنبة ورمت القلم علي الأرض وهيا بتصرخ ولما رجع وشافها قرب منها وقال:ليه بتعملي كده في نفسك لما ممكن تتقبلي كل حاجة.. 

داليدا وقفت وقربت منه وقالت:انا كنت عايشة في حالي ومليش علاقة باي حد ولا اي حاجة بتحصل حواليا لحدما ما انت دخلت حياتي …

عملت ايه ..؟ سالها عمار برفع حاجب وهيا مسكت قميصه وقالت:شقلبتها خليتني اعمل حجات عمري ابدا مفكرت اعملها. 


عمار ابتسم وفي الوقت دا غمازة بسيطة ظهرت علي خدة اليمين داليدا انتبهت ليها ونست هما كانوا بيتكلموا في ايه .. 

عمار اتكلم وقال: تقدري تمشي !! 

داليدا منتبهتش لكلامه وهوا لما لاحظ انها مركزه مع وشه قرب منها علشان يبوس’ها ولاكنها انتبهت وبعدت عنه وقالت:قولت ايه..! 

عمار مسك الجاكت بتاعه وقال:امشي’ 

داليدا هزت راسها وجريت جابت شنطتها واخدت منديل من اللي موجود علي الطرابيره ومسحت بيه دموعها وبعدها بصتله وقالت: انا هعمل اللي اتفقنا عليه بس الا أخويا ..! 


عمار هز راسه بتفهم وهيا مشيت وهو بعد دقايق خرج من الفيلا وهو بيبص عليها  ولاحظ انها مشيت .. 

طلع علي الاوضة اللي هينام فيها فقرب من الستاره فتحها وبص من الشباك وشافها وهيا واقفه بعيد وبتبص حواليها..! 

أخد نفس طويل وقفل الستارة تاني ونزل ركب عربيته واتحرك بيها عندها..؟ 

 

اركبي.. قالها وهو بيفتحلها الباب وهيا فضلت بصاله وساكته. 

عمار اتكلم تاني وقال بصوت اعلي:إركبي هوصلك مفيش هنا اي مواصلة! 

داليدا بصت حواليها ولاحظت ان فعلا مفيش ولا عربيه عدت عليها فهزت راسها وركبت جمبه وقفلت وراها الباب.. 

عمار شغل اغنيه اجنبيه وفضل يغني معاها وداليدا كانت بتبص من الشباك لحدما وصلت عند بيتها بصت لعمار وقالت:شكرا علي التوصيلة! 

عمار هز راسه وهيا نزلت وقفلت وراها الباب واتحركت بسرعه للعمارة ودخلت  وهو اول ما اتاكد انها طلعت شغل العربيه واتحرك بيها لخارج المنطقة؟؟؟؟


بقلمي الكاتبة شيماء صبحي 


في غرفة رشاد .. دنيا كانت بترفع التيشرت علشان تغيرلة علي الجرح ولاكنها كانت بتعاني من صعوبه في التعقيم لان الجرح كان عند الصدر فرشاد بصلها بآلم وقال:قلعيني التيشرت.. 

دنيا بصتله بخحل وقالت:انا هعرف اغير علي الجرح من غير ما اقلعه ! 

رشاد بأمر:لا اقلعيه انا حاسس اني مخنوق من رفعه كده علي رقبتي ..! 


دنيا بلغت ريقها بخحل وقربت منه ورفعت التيشرت أكتر لحدما قلعتهوله ووقتها بان جسم رشاد الرياضي واول ما دنيا شافته وشها قلب للون الأحمر فبعدت عينيها بسرعه وقربت من المطهر وبدأت تطهر الجرح وكان رشاد بيطلق صرخات بسيطة بتدل علي آلمه من لمسها للجرح..’ 

دنيا بدات تحط الشاش وكانت مضطرة تخلي إيديها علي صدرك فبصتله بخجل أكتر واول ما حطت ايديها سمعت نبض قلبه..، بدات تحط الشاش وبعدها لزقت الجرح وقربت من التيشرت ولسا هتلبسهوله رشاد قال برفض:لا سيبيه انا عايز افضل من غيره.. 


دنيا هزت راسها وسابت التيشرت جمبه وقربت هيا من الادوات اللي فتحتها وبدأت ترجع كل حاجة مكانها وبعدما خلصت قعدت علي الكرسي اللي جمبه وهيا بتاخد نفسها بالتدريج..! 


رشاد كان باصص للسقف وكان بيفكر هيعمل ايه أول ما حالته تتحسن هل يروح بار صاحبه ولا يروح الساحل’

دنيا مسكت تيلفونها ولاحظت كمية المكالمات الفائته من مامتها..

ضغطت علي رقم مامتها  وبصت لرشاد وقالت:هخرج اعمل مكالمه وارجع.. 

رشاد بصلها وقال:خليكي هنا واعملي المكالمة عادي.. 

-علشان مزعجكش و.. 

قولتلك خليكي عادي..قالها بنبرة من الجدية وهيا هزت راسها وحطت التيلفون علي ودنها واستنت رد والدتها.. 


رشاد كان مركز معاها وكان عايز يسمع صوتها هو مش عارف ايه السبب ولاكن بيبق مبسوط لما بيسمعها بتتكلم .. 

دنيا ابتسمت بلهفة وقالت:ماما حبيبتي طمنيني عليكي بتاخدي العلاج.. 

امها ردت بصوتها الهادي وقالت:أيوا يا حبيبتي باخذه بس طمنيني انتي عليكي هترجعي امتي بق وحشتيني.


دنيا ابتسمت وهيا بتقول: لسا مش عارفة بس إن شاء الله مش هتأخر اهم حاجة طمنيني علي الزقردة  عاملة ايه!! 

مامتها بابتسامه” عماله تعيط اهي ومش مبطلة.. 

دنيا بابتسامه:ليه بس ايه اللي مزعلها. 

مامتها بتذمر:قال ايه عايزة تروح مصيف مع ولاد خالتك نهى كانو هنا امبارح وعزموا علينا نروح معاهم وانا رفضت علشان انتي مش معانا، بس هيا من وقت ما قالو مصيف وهيا هاتك يا عياط كان ميتلعا عيل !! 


دنيا ضحكت وقالت:خلاص ياماما اديهالي وانا هتفاهم معاها.. 

رشاد كان بيسمع كلامها وعاجبه اوي نبرة صوتها الحنينه اللي بتكلم بيها مامتها فابتسم وسمعها تاني وهيا بتتكلم وبتقول..:حبيبت قلب ماما مزعلة تيتا ليه.. 

رشاد فتح عينه من الصدمة وهو بيقول بهمس::حبيبة قلب ماما وتيتا!! 


دنيا ابتسمت وكملت كلامها وقالت:خلاص استني لما ارجع من الشغل وهاخدك واوديكي احلي مصيف.. 

الطفلة هزت راسها بابتسامه وقالت:بحبك يا ماما

دنيا ابتسمت وقالت:وانا بحبك يا روح قلب ماما..! 

والدت دنيا اخدت التيلفون من الطفلة وكلمت بنتها وقالت: ربنا يخليكي لينا يا حبيبتي طول عمرك و قلبك حنين.

دنيا ابتسمت وهيا بتقول:انتي اللي ربنا يخليكي لينا ومنتخرمش ابدا من وجودك .. 

رشاد كح علشان يلفت انتباهها وهيا لما لاحظت قالت بسرعه” بقولك ايه يا ماما انا مضطرة اقفل علشان المريض صحي ! 

مامتها هزت راسها وقفلت معاها المكالمة بدعوة جميله ودنيا قفلت التيلفون وبصت لرشاد وقالت:حضرتك كويس.. 


رشاد رفع حاجبه بغيظ وقال:لا عطشان..! 

دنيا قربت من الماية وصبتله كوبايه وقربتها منه وقالت:اتفضل.. 

رشاد بص للكوبايه وقال:سخنه ولا ساقعه..!

دنيا لمست الكوبايه وقالت:دافيه..

عمار هز راسه بالرفض وقال:أنا عاوزها ساقعه.

-بس دا غلط علي… 

مش هشربها غير وهيا ساقعه ..قالها بتحدي واضح وهيا لما شافت اصراره هزت راسها وخرجت علشان تجيب مايه ساقعه وهو اول مشافها خرجت مسك تيلفونها وفتحة  ولقي صورة ليها ومعاها طفلة صغيرة لا تتعدي ال٥ سنوات كانت حضناها وفرحانه.. 

ابتسم لان الصورة جميلة وخطفت قلبه ولاكنه افتكر انها طلعت عندها بنت يعني متحوزه فحط التيلفون مكانه ودنيا رجعت بعد دقايق وهيا معاها المايه فقربتها منه وقالت:جبتلك ماية ساقعة.. 


رشاد بص للكوبايه ولقاها مشبرة دليل علي انها ساقعه جدا فقال برفض:بس دي هتتعبني انا عايزها دافية.. 

دنيا ابتسمت وهزت راسها وقالت بهمس :اكيد دي اعراض الالم .. 

دخلت كبت الكوبايه في حوض الحمام ورجعت ملتها مايه دافيه وهو بصلها وأخد منها الكوباية وشربها علي مرة واحدة وهيا ابتسمت وقالت: محتاح ماية تاني.. 

رشاد ركز مع جمالها  وابتسامتها وهز راسه بايوا .. 

دنيا صبتلة كوبايه تانيه وقربتها منه وهوا كانت عيونه عليها ومش عارف ينزلها.. 

دنيا ملامحها اتحولت للون الأحمر بخجل فادتله الكوبايه وقعدت جمبه علي الكرسي لحدما خلصها واداهالها  فقامت رجعتها مكانها وبعدها قعدت تاني  ومسكت تيلفونها.. 


 كانت بتتفرج علي صورها مع جميلة بنت أختها اللي سابتها في رعايتها وهيا طفلة علشان تتجوز وتكون أسرة جديده بعد انفاصلها من جوزها بعدما إكتشفت خيانته  ليها .

.وأصبحت جميلة ضحية لاختيار غلط ولاكن دنيا كانت ليها الام والاب والاخت والخاله وبتحبها أكثر من نفسها.. 


رشاد بص عليها ولاحظ ابتسامتها اللي اتقلبت فجأه لحزن فقال بتساؤل:بتتفرجي علي اية؟ 

دنيا استغربت سؤاله واتوترت ولما لاقته مركز معاها ردت عليه بابتسامه وقالت:جميلة؟

رشاد باستغرتب:هيا مين دي اللي جميلة! 

دنيا إبتسمت وقالت:جميلة دي بنت أختي بس أنا اللي بربيها انا ومامتي..! 

رشاد باستغراب:جميلة دي اللي كنتي بتكلميها من شويه! 

دنيا هزت راسها وقالت:ايوا ..كملت بخحل وقالت:هيا بتقولي يا ماما علشان انا اخدتها من مامتها وهيا لسا شهرين فعلشان كده شيفاني مامتها..! 


رشاد هز راسه وقال:طيب ومامتها فين؟ 

دنيا ابتسمت بحزن وقالت:متجوزه . 

وباباها؟ سالها بسرعه وهو مستني اجابتها فردت عليه بنفس الابتسامه وقالت:متجوز؟ 

رشاد بصلها بابتسامه وقال:يعني كل واحد فتح بيت جديد وجميلة انتي اللي بتربيها ! 

دنيا هزت راسها وقالت:علشان كده هيا بتقولي ياماما لان اختي عندها طفلتين وبتربيهم ولما بتيجي عندنا بتعامل جميلة علي انها خالتها ورغم ان جميلة عارفة انها مامتها الحقيقيه الا انها بتقولها يا خالتو وبتقولي انا يا ماما.. 


رشاد بصلها بتركيز وقال:طيب شعور مامتها ايه؟ 

دنيا :الحقيقة مش بهتم لان اهتمامي كله هو شعور جميلة ايه لما تشوف امها بتعاملها بحدود وبتعامل اخواتها بكل حب..! 

رشاد هز راسه وقال:وبعدين..’ 

دنيا مسحت دمعه نزلت غصب عنها وقالت:هفضل مامتها واختي هتفضل خالتها لحدما جميلة تكبر وتبق عروسة واطمن عليها وبعدها تقدر تندهلي بالاسم اللي هيا عايزاه.. 

رشاد ابتسم علي نقاء دنيا وحنيتها اللي باينه وقال:لو اتجوزتي هتسيبيها لمين.! 

دنيا هزت راسها بالرفض وقالت:مظنش اني ممكن اسيبها فعلشان كده بحط شرط لاي عريس اني هاخدها معايا..؟ 


-وبيوافقوا؟ سالها رشاد بحماس واضح في صوته  

دنيا هزت راسها بالرفض وقالت:كله بيرفض وبيقولوا يربوا عيالهم احسن..! 

رشاد ابتسم وهو بيبصلها وبيقول : متقلقيش اكيد هيجي شخص كويس ويحبها زي منتي بتحبيها بالظبط.. 

دنيا  ابتسمت وهيا بتبص في الأرض وبتقول:اتمني…! 

#الفصل_12

#تحت_أمر_الحب

#الكاتبة_شيماء_صبحي

بعد مرور أسبوع من لقاء داليدا وعمار.

كانت داليدا واقفه قدام زين وهو بيغير هدومة أخدت نفس عميق علشان تبدأ تحكيلة عن جوازها من عمار وقبل ما تتكلم وتنطق بأول حرف جرس الباب رن .. 

داليدا جسمها اتنفض وبصت لاخوها بتوتر وقالت :هروح أفتح الباب!! 

زين هز راسه بابتسامة وداليدا مشيت وهيا جواها إحساس بالخوف إن اللي بيرن الجرس"عمار

قربت من الباب وفتحته بسرعه واول ما رفعت عينيها وشافت الشخص اللي واقف رجعت خطوة لورا وهيا بتقول:سيد؟ 

سيد بابتسامة:صباح الخير يا داليدا زين جهز ولا لسا!


داليدا بصت لأخوها اللي خرج من الأوضة وهوا بيدخل الحزام في البنطلون وبيقول :خلاص يا معلم سيد انا جهزت.. 

سيد هز راسه وبص لداليدا وقال:ما شاء الله يا داليدا عايز أقولك ان زين اتعلم حجات كتيرة اوي في وقت قصير.

داليدا ابتسمت وقالت:طيب كويس شد حيلك بق يا زين اكتر عايزاك تبق صاحب الورشة!

زين هز راسه وهو بيبص لسيد وبيقول:بيني وبينك يا داليدا أنا بفكر ولاكن الورشة دي ملهاش غير صاحب واحد سيد قشطة طبعاا..

داليدا ضحكت وسيد وشه أحمر من الخجل وبص لزين بغضب وقال:يلا يا زين دنا هخلي يومك .. 

زين بصله بضحك وقال:أكيد وردي لاني بحبه جدا.. 

سيد شدة من هدومه وكان بيتجاهل النظر لداليدا لان زين حرجة قدامها باللأسم اللي ندهلة بيه…

داليدا قفلت وراهم الباب وهيا لسا مبتسمة ولاكنها لما اتأكدت ان كل حاجة بقت تمام وانه مطلعش عمار دخلت لاوضتها علشان تفكر هتعمل ايه ،

النهاردة اليوم الأخير ولو معرفتش زين بكل حاجة الله أعلم عمار هيعرفة ازاي..؟ 


في الصعيد صحيت الحاجة كوثر بحماس غير عادتها وقفت في نص البيت وندهت للبنات اللي بتساعدها في البيت بصوت عالي  وهيا بتقول:يلا يا بت منك ليها قربوا هنا بسرعة.. 

البنات انتبهوا لصوتها فبصوا لبعض بتعب وواحدة فيهم قالت:جة اليوم اللي مش هنرتاح فيه ابدا.. 

واحدة من البنات بتوتر:اسكتي يا بت لو الحاجة كوثر سمعت برطمتك دي مش بعيد تخلينا نرتاح وانتي تشيلي الليلة كلها لوحدك.

البنت اللي هتفت بالكلمة حطت إيديها علي بوقها وقالت:انا هسكت احسن انا ضهري مقطوم لوحدة..


بقيت البنات ضحكوا علي خوفها وبعدها نزلوا كلهم ووقفوا قدام الحاجة كوثر.. 

كوثر اتكلمت بجدية وقالت:أنا عايزة البيت دا يلمع كدة من النظافة انتو عارفين مين جي النهاردة عمار ورشاد ولاد اختي الغالية.. 

البنات هزوا راسهم بإحترام وهيا كملت كلامها وقالت:تعملوا أكل أشكال وأنواع كل اللي يخطر علي بالكوا تعملوه انتو فاهمين؟ 

البنات هزوا راسهم وقالوا في صوت واحد:تحت أمرك يا حاجة..! 


جوثر إبتسمت وشاورتلهم يمشوا واتحركت هيا لخارج البيت… 

في أوضة ملوك كانت بتتكلم في التيلفون وبتقول:بس أنت عارف هيا بتدولكم علي عرايس من امتي مش بعيد تجيلها جلطه وأنا مليش غيرها..؟ 

عمار ضحك وقال:متقلقيش أنا هجبلها الموضوع بالتدريج مش هقوله مرة واحدة.. 

ملوك هزت راسها باقتناع وقالت:طيب قولي عايزني اقولها ايه.. 

عمار ابتسم وقال:عرفيها ان جاي معانا ضيوف؟ 

ملوك بتساؤل:وهو رشاد معاه ضيفة هو كمان.

عمار رد عليها بالموافقه وقال:الممرضة اللي بتابع حالته انتي عارفة انه دخل العمليات من اسبوعين وهيكون محتاج لممرضة معاه علشان علاجة..؟ 


ملوك هزت راسها وقالت:خلاص ماشي اهم حاجة متنساش اللي اتفقنا عليه! 

عمار بص للصندوق اللي موجود علي مكتبه وقال:متقلقيش كل حاجة زي مطلبتي..'

ملوك ابتسمت وقالت:طيب انا هقفل علشان امي بتنادي عليا وانتوا متتاخروش.. 

عمار رد عليها وقال:طيب متقلقيش.. 

ملوك قفلت المكالمة وبصت علي التسريحة الخاصة بيها وابتسمت وهيا بتقول بحماس:متقلقيش النهاردة هملاكي بكل الميكب الغالي !! 


خرجت من اوضتها ونزلت علشان تروح الاسطبل كالعادة وتطمن علي الخيل وكانت كوثر امها سبقتها علي هناك  علشان تطمن علي مهرة  أقدم خيل هناك.. 


ملوك وصلت وهيا بتدندن اغنيتها المفضلة كالعادة واول مشافت امها بتأكل مهرة ابتسمت وهيا بتقول:الحاجة كوثر بنفسها هنا.. 

كوثر بصت لبنتها الشقية بابتسامة وقالت:غريبة اني اجي هنا بعد كل السنين دي مش كده..! 

ملوك قربت من امها وسلمت علي مهرة وهيا بتقول: متهيألي ان مهرة رحعت تحبك تاني  .

كوثر هزت راسها بابتسامة وهيا بتمشي ايديها علي رقبة مهرة وبتقول: دي الوحيدة اللي بتتفكرني بكل ذكرياتي اول ما جيت الصعيد؟ 


ملوك بصت لامها بابتسامة مستعدة لسماع قصتها اللي بتقولها علي طول .. 

ورغم ان ملوك سكعت قصتها أكثر من مره الا انها بتتفاجئ بكلامها دايما رغم انها بتبق حافظة كل كلمة كوثر بتقولها .


كوثر ابتسمت وقالت:كنت في سنك كده وكان أبويا صعيدي بس كنا عايشين في القاهرة ،انا ومنال خالتك الله يرحمها كان نفسنا اوي نيجي هنا الصعيد  علشان نتعرف علي بقيت عيلتنا ونعرفهم علي الاقل ويمكن أكون انا كنت الطرف الأكثر حماسا عكس منال اللي كانت متعلقة بالعيشة في القاهرة.! 

ملوك هزت راسها وقالت باستماع:وبعدين كملي. 

كوثر:كنت علي طول بزن علي جدك انه يجيبنا الصعيد كان عندي احساس بالدفي كل ما اتخيل نفسي فيها ولاكن كان بيرفض وكأنه مخبي علينا حاجة،لحدما في يوم بعدما رجعت من الكلية لقيت ناس غريبه في البيت عندنا كانوا قاعدين مع جدك وانا اول ماشوفتهم ابتسمت بفرحة لانهم كانوا لابسين لبس صعيدي فقولت اكيد جايين علشان يصالحوا جدك علشان نرجع هناك تاني  بس اتصدمت لما جدك قالي انهم جايين يخطبوني لابن عمي .. 


ملوك مسحت علي ضهر مهرة بابتسامة وكوثر كملت وقالت:كان أبوكي اجمل واحد في أخواته دا غير انه كان أكبرهم وكان هيبق الوريث لمكان ابوه (كبير العزايري) بس رغم كل دا الا انه كان حنين جدا ودا أكتشفتة لما جيت هنا.. 

طيب انتي وافقتي عليه ازاي وانتي مكنتيش تعرفيه اصلا..سألت ملوك وهيا بتبص لامها بانتباه ؟

كوثر ابتسمت وقالت:مين قالك اني مكنتش أعرفة اصل انا قابلته قبلها كان عند الكلية بتاعتي كان بيسلم علي دكتور عرفت بعدها انه  يبق صاحبة.. 

 بقلمي الكاتبة شيماء صبحي 

اممم..قالتها ملوك بتفهم  ولاكن قبل ما كوثر تكمل كلامها لقت مهرة بتضربها بدماغها وكأنها مش عايزة تسمع بقيت القصة.. 


مهرة اهدي ..قالتها ملوك وهيا بتحاول تهديها وتطمنها انها في امان.. 

ولاكن كوثر فهمت ليه مهرة عملت كده فبصت لبنتها وقالت:أنا راجعه للدار وانتي متتأخريش علشان ولاد خالتك زمانهم في السكة! 

ملوك هزت راسها وامها خرجت من الاسطبل بسرعه وفضلت ملوك تمسح علي ضهر مهرة وهيا بتعني بصوتها العذب وكانها بتهدي طفل صغير كان بيعيط..


داليدا..؟ 

كان صوت عمار اللي بيهتف من ورا باب شقتها .. 

قامت داليدا بفزع وقالت بهمس:بتعمل ايه هنا؟ 

عمار اتكلم بغضب وقال:إفتحي الباب انا جوزك مش حرامي،!

أخدت نفسها وفتحت الباب واول مشافته قالت بتساؤل:انت مش قولتلي إسبوع النهاردة أخر يوم لسا؟ 

عمار هز راسه وقال:مش مهم الكلام دا انتي هتيجي معايا الصعيد دلوقت؟ 

داليدا بصتله بإستغراب وقالت: طيب انت ليه مصمم نروح هناك؟ 

عمار قرب من وشها ولمس خدها وقال:خالتي جيبالي عروسة ومش هتوافق اني ارجع هنا تاني لو روحت لوحدي ؟ 

داليدا ضمت حاجبها بتساؤل وقالت:ليه يعني هتقت"لك..! 

عمار ابتسم بسخرية وقال:لأ هتجوزني وانا مقدرش ارفضلها طلب انتي متعرفيهاش.. 

داليدا ابتسمت بسخريه وقالت:وانت بق بكل الاكشن اللي بتعملة دا مش قادر ترفض جوازة..؟ 

عمار قفل الباب وقرب منها وقال:لما تقابليها هتعرفي انا بقولك مقدرش ليه..؟ 


داليدا اتوترت من قربه ليها فهزت راسها وقالت:طيب موافقه بس لازم استأذن من زين الأول؟ 

عمار هز راسه وقعد علي الكنبه وقال:روحي وانا هستناكي هنا.؟ 

-لا مينفعش انت مجنون..قالتها وهيا بصاله بصدمة ولاكنها اول ما ادركت انها غلطت فيه حطت ايديها علي بوقها وقالت:أنا أسفة مش قصدي!! 

عمار وقف وهو عيونه عليها وكان محدد شفايفها ،داليدا انتبهت لنظراته ف حطت ايديها علي شفايفها بخوف وهوا هز راسه وقال:هستناكي في العربية..

هزت راسها بالموافقه  ولاكنها وقفته وهيا بتسأله وبتقول:أقوله كام يوم!! 

عمار لف بجسمة وهو بيقول:إسبوع .


داليدا هزت راسها وهو خرج من شقتها ونزل بحرص من العمارة لحدما خرج واتجه عند عربيته واتحرك بيها… 


-مش دا قريبك يا زين..قالها سيد اول ما شاف عمار خارج من العمارة وركب عربيته ومشي..! 


زين بص للمكان اللي سيد بيشاور عليه وقال:فين دا مش شايف حد.. 

سيد باستعراب:مهوا مشي بس أنا متأكد انه لسا خارج من العمارة .

زين هز راسه وقال:هبق أسال داليدا عليه شكلك  الدكتور عصام .. 

سيد هز راسه ورجع كمل شغلة وبعد دقايق مرت كانت خارجة داليدا من العمارة وهيا بتبص حواليها بتتاكد ان عمار مش موجود ،قربت من ورشة سيد وندهت علي زين وقالت:زين تعالي عايزاك!! 

زين هز راسه وقرب منها وكل دا تحت أنظار سيد اللي بتراقب في صمت.. 

داليدا بصت لزين وقالت:انا عندي مؤمرية تبع الجيش حصل هناك هجوم ومحتاجين لدكاترة .. 

زين بقلق:لا متروحيش!! 

استني بس يا زين ..قاطعت داليدا كلامه وقالت:انا مليش علاقة باللي بيحصل هناك انا هكون في المستشفي اللي هناك وبعدين انا معايا طاقم كبير من الدكاتره وبيكون هناك ظباط مسؤلين عن حمايتنا..! 


زين اتنهد بعدم راحة وقال:وهتقروحي امتي ولا هتقعدي قد ايه! 

داليدا ردت عليه بسرعه وقالت: إسبوع بس همشي دلوقت علشان الموضوع حالة  طارئة زي مقولتلك؟ 

زين برفض:يا داليدا افهمي انا خايف عليكي و.. 

داليدا بإصرار:علشان خاطري يا زين متقلقش انا هكون كويسه واوعدك بدا!! 

زين هز راسه وقال:هو اللي لسا خارج من العمارة دا كان دكتور عصام.. 


داليدا اتوترت وهزت راسها وقالت:أيوا؟ 

-طيب أنا هاجي اوصلك..

داليدا وقفته بايديها وقالت: عربية المستشفي هتيجي تاخدني من هنا متتعبش نفسك اهم حاجة عندي تكون كويس .. 

زين حضنها وهو بيقول:متخافيش عليا انا كويس اهم حاجة انتي.. 

صوت نار تشتعل بداخل قلب احداهم هل من مستمع اليها؟؟؟ 

نعم انه قلب داليدا الذي كان يحترق من شدة الحزن ..اخدت نفس عميق وهيا تبتعد عن زين وتذهب عائدة الي منزلها حاملة لشنطتها الصغيرة وبعدها تحركت الي خارج المنطقة… 


عمار شافها بتقرب منه ففتح لها العربية واول ما داليدا ركبت قالت بسرعه:اتحرك يا عمار بسرعه..! 

عمار هز راسه واتحرك بأقصي سرعه عنده لدرجة انها كانت هتتخبط ولاكنه قدر يتفادي خبطتها لما حط ايديه عند دمغها ومنع الاصابة.. 

داليدا بصتله بصدمة وهيا مش مصدقة انه عمل كده.. 

عمار اتكلم بجديه وقال:هنروح القصر نجيب رشاد والممرضة بتاعته وبعدها نتحرك!! 


داليدا هزت راسها ورجعت بضهرها تستند علي الكرسي بتعب وهيا بتتخيل ان زين واقف بيدور عليها ولاكن غصب عنها بعدها عنه فهيا واقعه تحت أيد واحد عنيد ومتحكم ومبيرحمش..! 


-وصلنا..قالها عمار علشان يلفت انتباهها لانها كانت سرحانه طول الطريق.. 

داليدا انتبهت لصوته فعدلت نفسها وهيا بتبص حواليها وبتتفرج علي القصر اللي قدامها بانبهار.


كانت مبهورة بشكلة وصفته بقصر الأمير حبيب سندريلا ولاكنها اول مشافت رجالة كتير بتقرب عليهم  خافت واول ما بعدوا شافت الشاب اللي شبه عمار اللي عملته العملية من إسبوعين  كان ماشي بيعرج وكانت ماشية جامبة وسنداه دنيا صحبتها من ايام التدريب .. 


-دنيا .. قالتها داليدا وهيا بتبص لعمار وبتقول:انتوا كمان أجبرتوا دنيا !!! اخدت نفس وهيا بتكمل كلامها وبتقول :إسمعني يا عمار دنيا دي بنت يتيمه وبتربي في طفلة وملهاش غير امها ست كبيرة و.. 

_دنيا تبق الممرضة الخاصة برعاية عمار من وقت ما نقلناه هنا القصر ومتقلقيش هيا جاية بإرادتها.. 

داليدا اخدت نفسها وهيا بتقول:اتمني ان كلامك يطلع صح؟

عمار تجاهل كلامها ونزل من عربيته علشان يساعد عمار يقعد في الكرسي وداليدا اول ما عينيها جت في عين دنيا خرجت بسرعه من العربية وحضنتها وهيا بتقول:دنيا طمنيني عليكي عاملة ايه..! 


دنيا بصتلها بتساؤل وقالت بقلق:دكتورة داليدا انتي بتعملي ايه هنا.. 

داليدا بصت لعمار اللي كان بيضحك مع أخوه وقالت بتنهيدة:أنا أبقي مرات عمار.. 


دنيا فتحت عينيها من الصدمة وكأن دي أخر حاجة كانت تتوقعها من داليدا!! 

عمار قرب من دنيا وقال:يلا خلينا نمشي.. 

دنيا مسكت ايد داليدا وقالت: انتي كويسة.. 

داليدا هزت راسها وركبت جمب عمار ودنيا ركبت جمب رشاد في الكرسي الخلفي .. 


بعد مرور طريق طويل اخد 6 ساعات  كاملين  داليدا نايمة علي كتف عمار ودنيا كانت نايمة علي صدر رشاد اللي كان باصص عليها ومبتسم.. 

رشاد إتكلم بتساؤل. وقال :وصلنا ولا لسا.. 

عمار رد عليه وقال:وصلنا..! 

رشاد بص لدنيا وقال بهمس:يا حضرت الممرضة انتي موتي ولا ايه.. 

دنيا صحيت وهيا بتبص حواليها وبتقول:أنا فين!!

رشاد ابتسم وهو بيقول:في الجنة وأنا حور عينك.. 

خدودها إحمرت من الخجل فبعدت عنه وهيا بتعدل شعرها وبتعدل هدومها ورشاد كان باصص عليها وبيضحك.. 


عمار كان بيبص لداليدا اللي نايمة وكانها منامتش بقالها كتير .. رشاد همس باستغراب:ايه مش هتصحيها؟ 

عمار هز راسه بالرفض وقال:قدامنا لسا نص ساعه علي ما نوصل لبيت خالتك فهسيبها نايمة شويه..! 

رشاد هز راسه وبص لدنيا اللي كانت مركزه مع ملامحه ولاكنها لفت وشها بسرعه اول ما عينيها جت في عينه…؟ 


نورتوا الصعيد يا حبايب قلب خالتكوا.. 

رشاد وعمار بصوالها بابتسامه وهيا اول مشافت شكلهم اطلقت شهقة تشبة الصرخة .. 

داليدا قامت من نومها بفزع وبصت حواليها وشافت ان الأرض بعيده عنها فبصت لعمار اللي شايلها وقالت:انت بتعمل ايه.. 

عمار نزلها وهوا بيبص لخالته وبيقول:عاملة ايه يا خالتي وحشتيني!! 

رشاد بصلها بابتسامه وقرب منها بفرحة وقال هو كمان :ووحشتيني انا كمان.. 

الاتنين قربوا علي كوثر اللي لسا واقفه مصدومة وحضنوها.. 

داليدا بصت لدنيا بصدمة من اللي بيحصل  فقربوا من بعض وحضنوا بعض هما كمان واستنوا لما عمار ورشاد يرجعوا عندهم تاني .. 


-مين دول يا عمار ..قالتها كوثر بجديه وهيا بتبص لداليدا ودنيا  بعيون مليانه بالغضب الشديد.. 

عمار قرب من داليدا ومسك ايديها وقال:اعرفك يا خالتي داليدا مراتي.. 

رشاد قرب من دنيا ومسك ايدها وقال الكلمة اللي صدمت دنيا وخلاتها واقفه متسمره مكانها..

وانا اعرفك يا خالتي بـ دنيا مراتي.. 

#الفصل_13

#تحت_أمر_الحب 

#الكاتبة_شيماء_صبحي 

نهاركوا إسود إنتو اتجوزتوا… 

عمار ورشاد هزوا راسهم وهيا قربت منهم وهيا بتقول:ظيب والبنات اللي انا طلبت إيديهم دول.. 

رشاد بص لاخوه ورفع حاجبة علشان يتكلم وعمار قال باستغراب:بنات مين يا خالتي اللي طلبتي ايديهم..! 

كوثر بصت لعمار وقالت:كنت بنفذ وصيتي لأختي الله يرحمها وأجوزكم بس الظاهر انكم سبقتوني بس ازاي تعملوا كدة من غير متقولولي..؟ 

رشاد بص لدنيا اللي بصة علي كوثر باستغراب ..وقال:احنا صح اتجوزنا بس علي الورق بس لسا مدخلناش.. 

كوثر بصتلهم بحزن وقالت:بق كده يا عمار كدة يا رشاد تعملو فيا انا كدة ..انتو عارفين اني قالبة الصعيد كلها علي عرايس لحدما جبتلكوا اجمل بنات البلد ،أقول ايه للناس اللي كلمتهم دول..! 

عمار قرب من كوثر وقال: والله أنا شايف انك تعرفيهم ان البنات معجبوناش والموضوع هيخلص.. 

كوثر هزت راسها بالرفض وقالت:انتو فاكرين الموضوع بالبساطة دي ..! 

رشاد بصلها وقال:أمال ايه يا خالتي ..؟ 

كوثر قعدت وهيا بتاخد نفسها وبتقول:علشان نعدي فعلا الموضوع لازم تتجوزوا هنا دي البلد مقلوبة عليكوا من وقت ما قولت اني بدور علي عروسة.. 

داليدا كانت واقفه بتسمع الحوار اللي داير بين كوثر وعمار وأخوة ولانها رافضة الجوازه قربت من كوثر وقالت: أسفة اني بقطع كلامكوا بس احنا مينفعش نتجوز هنا ؟ 


عمار ورشاد بصوا لداليدا اللي كانت واقفه وبتبص لكوثر بجدية وكوثر اول ما انتبهت ليها بصتلها وقالت باستغراب:ودا ليه إن شاء الله..! 


داليدا بصت لعمار بضيق ورجعت بصتلها وقالت:لان احنا جايين هنا زيارة ولاكن اهلنا مش معانا علشان نعمل حاجة زي دي احنا صحيح متجوزين ولاكن علي الورق بس ولاكن لسا مشهرناش ب جوازنا.. 

كوثر هزت راسها باقتناع  من كلامها وقالت:والله وعرفت تختار يا عمار دي فاهمة في الأصول كمان.. 

داليدا ابتسمت بسخرية وقالت:أكيد طبعا فاهمة انا اهلي ربوني كويس وانا مش عيلة صغيرة علشان اعمل حاجة زي دي من وراهم .. 

كوثر هزت راسها وهيا مبسوطة من رد داليدا عليها ولاكنها مبينتش انبساطها فقامت وقفت وهيا بتبص لدنيا وبتقول:وانتي معندكيش اعتراض.. 

دنيا انتبهت ليها وقالت بتوتر:اعترض علي ايه هو انا كو… 


رشاد قرب منها وشدها لحضنه وقال:متقلقيش يا خالتي دنيا بنت محترمة وطبعا مستحيل تعمل فرحها من غير وجود اهلها ودا غير اننا لسا كاتبين الكتاب قريب..! 

كوثر هزت راسها وبعدها قعدت وهيا بتخبط علي رجليها وبتقول:ماشي يا ولاد أختي أما أشوف اخرتها معاكوا ايه.. 

عمار بص لاخوة وغمزله ان كل حاجة تمام فرشاد بص لدنيا وهمس في ودنها وقال:انا اسف بس كنت مضطر اعمل كدة !! 

دنيا هزت راسها وداليدا قعدت علي الكرسي بثقة وبعدها قعد جمبها عمار ورشاد مسك ايد دنيا وقعدوا..! 


كوثر فضلت مركزة مع داليدا وتصرفاتها وكانت داليدا بتتجنب النظر لعمار لانها مش طيقاة من وقت ما جابها هنا غصب عنها..


-ولاد خالتي …اهلا اهلا نورتوا الصعيد .. 

كان صوت ملوك اللي كانت جاية من برا بتقرب منهم بفرحة كبيرة باينه علي وشها فأول مشافها عمار ابتسم وقرب منها وحضنها بفرحة وهو بيقول: اي الحلاوة دي كلها .. 

داليدا بصت للبنت الي في حضنه بلامبالاة ولفت وشها بضيق .. 

وملوك بعدت عن عمار وقربت من رشاد وهيا بتقول:ألف س…

عمار بصلها وهوا بيبرقلها وهيا لما انتبهت قالت:دي خطيبتك ولا ايه.. 

رشاد ابتسم وقال:لا دي مراتي.. 

ملوك بصت لدنيا وغمزتلها وهيا بتخحن رشاد وبتقول:ألف مبروك يا ابن خالتي!


رشاد ابتسم وهوا بيمسح علي شعر ملوك بحنيه وبيقول:لسا شقية زي منتي متغيرتيش.. 

ملوك ضحكت وهيا بتقول:دا مبدأ ومش هيتغير.. 


كوثر بصت لبنتها وقالت بصوت في نبرة من الجدية:اهدي شوية يا ملوك ..!

ملوك بصت لامها وهزت راسها وقربت من دنيا وسلمت عليها وهيا بتهمس في ودنها وبتقول:ازيك يا دودو متقلقيش انا عارفة كل حاجة.. 


دنيا ابتسمت وهيا بتبصلها وبعدها ملوك قربت من داليدا وقالت بابتسامة:انتي داليدا مش كده.. 

داليدا هزت راسها وملوك قربت منها وقالت:أنا ملوك بنت خالت عمار.. 

داليدا بصت لعمار اللي كان مركز معاها فابتسمت لملوك ووقفت سلمت عليها .. 


كوثر :خلاص خلصتوا سلام أقعدوا بق خلينا نشوف حل.! 

ملوك بصت لأمها باستغراب وقالت:خير يا امي عاوزين حل لإيه..! 


كوثر قالت برفع حاجب:للبنات اللي انتي روحتي طلبتيهم لعمار ورشاد هنعمل ايه معاهم.. 

ملوك بضحكة قالت :ولا اي حاجة ما هو أنا أصلا م… سكتت ملوك لما انتبهت الي هيا بتقولة..


كوثر بصت لبنتها بصدمة وقالت:انتي ايه يا ملوك انطقي..! 

ملوك اتوترت وبصت لعمار بخوف وقالت:أنا مطلبتش حد..! قالتها ملوك وهيا بتجري علي عمار وبتتحامي فيه وبتقول:والله أنا مليش دعوة هو اللي طلب مني اعمل كده!! 


كوثر كانت باصة لبنتها بصدمة وقالت:يعني انتي كنتي متفقة معاهم ..! 

ملوك هزت راسها وكوثر قالت بغضب:يعني كل الفترة دي وانا مغفلة وفرحانه اني هخطبلهم يطلع الموضوع كدبة!! 

ملوك قالت بدموع:كدبة في ايه يا امي عمار اصلا لما كلمته عرفت انه اتجوز الدكتورة داليدا وبعدين رشاد قالنا دلوقت انه اتجوز  انا بس عرفتهم اللي انتي ناوية تعملية..! 


كوثر هزت راسها وقالت: ماشي يا بنت بطني انا وانتي والايام كتير جاية ..! 

ملوك بصت لعمار وشاورتله يتكلم ف قرب من كوثر وباس ايديها وهو بيقول:انا عارف انك زعلانه مننا بس صدقيني كل حاجة جت فاجأة واحنا طبعا عارفين ان اختيارك هيكون أفضل لينا بس صدقني يا خالتي دول بنات كويسين..! 


كوثر بصتله بعتاب وهو باس راسها ورشاد قرب منها وباس ايديها وراسها وهو بيقول:ايه بق يا كوثر هانم مش هتأكلينا.. 

كوثر ضمت حاجبها بغيظ وقالت:أكيد هتاكلو  زمانكوا جعانين..! 


أوي أوي يا خالتي..قالها رشاد وهو بيبتسم وكوثر ضحكت أخيرا ووقفت تنادي علي البنات يجهزوا السفرة.. 

عمار قرب من داليدا وحط ايديه علي كتفها وقال:مش هتقولي حاجة..! 


داليدا بصتله وسكتت وهو قرب ايديه من وشها وقال:علي فكرة أنا جوزك ولما أكلمك تردي عليا..

داايدا بعدت ايديه بضيق وقالت:ممكن تبعد عني وشيل ايدك دي ..!


عمار ابتسم بخبث وقال:ماشي لينا أوضه هنتجمع فيها.. 

داليدا تجاهلة كلامة وفضلت قاعدة تفكر في زين وياتري بيعمل ايه دلوقت من غيرها… 


قولي يا زين كنت شغال ايه برا مصر..!

واحد من اللي شغالين في الورشة سأل زين السؤال دا..انتبه كل اللي في الورشة لزين ومستنيين رده..! 

زين بلع ريقه وهو بيبتسم وبيقول:مزرعه كنت شغال في مزرعة..!

واحد قال بضحكة خبيثة:زمانك عملت مبلغ كويس علي مدة اصل قريبي مان شغال في مزرعه في السعوديه وعمل مبلغ كبير ..! 


زين بصله وهز راسه وقال:فعلا عملت بس ولاد الحرام بق الله يسامحهم خدوا مني كل حاجة.. 

اللمعه اللي كانت في عين الشاب انطفت لما زين قال كلامة..! 


سيد جه من وراهم وهو بيقول: كفايه كلام وكل واحد يشوف شغله ..! 

الشباب هزوا راسهم وكملوا شغل وزين كان المفروض هيشيل مع نادر خشب يحطوه في المخزن فاتحرك وهوا بيفكر في كلام الرجالة عن الفلوس اللي عملها وأفتكر اول لما جة من السفر وكان معاه شنطة مليانه بالدولارات وقد ايه كان خايف وخباها بسرعه تحت السرير..! 

-يلا يا زين واقف ليه.. :قالها نادر وهوا شايل الخشب وبيتحرك وزين اول ما انتبه ليه شال الخشب ومشي وراه..! 


وبداخل شركة عمار الصاوي دخلت بنت جميلة مرتدية بدلة رسميه وحاطة ميكب ملفت..؟

الحمدلله علي سلامتك يا أنسة نيلي!! 

نيلي هزت راسها بكبرياء وقالت:فين عمار..؟ 

السكرتير بتاعها حط ايديه علي راسه وقال:عمار باشا في أجازه بس سابلك خبر مش هيعجبك..! 

نيلي بصتلة بإستغراب وقالت:خبر ايه !

المساعد اتوتر وقال:الحقيقة عمار بيه خصملك أربع شهور علشان يوم الصفقة بما خضرتك سافرتي ومحضرتيهاش..! 


نيلي بصت للمساعد بضيق وقالت:مين بلغة اني مسافرة أصلا..!

المساعد بصلها وكانه مش عايز يتكلم فهيا قالت بغضب:هو انا هشحت منك الكلام متتكلم..

المساعد هز راسه وقال رضا المساعد بتاع عمار باشا..! 

نيلي هزت راسها وقالت:قولتي عمار.قالتها وهيا بتبصله بتفكير وبعدها اتحركت من قدامه وهيا بتقول: هاتلي الايس كوفي بتاعي وحصلتي علي المكتب..! 

المساعد هز راسه ومشي  وهيا دخلت مكتبها بكل غرور ولا كأن حصل حاجة. 


وفي مكتب رضا كان شغال علي مشروع طلبه منه عمار يقوم بيه لحدما يرجع من الصعيد ويراجعوا..! 

دخلت السكرتيرة بتاعت عمار وهيا بتقول:استاذ رضا نيلي وصلت الشركة.. 

رضا عدل جلسته وهو بيقول بانتباه:امتي..! 

السكرتيره :من شويه بس واضح كده انها متضايقه ومش طايقة حد.

رضا ابتسم وهو بيهز راسه وبيقول:طيب يا سلمي روحي انتي علي مكتبك.. 

سلمي هزت راسها وخرجت وقعد رضا وهو مبسوط لانه قدر يثبت لعمار ان نيلي مستهترة ومش بتشوف شغلها وتستحق الجِزه اللي اخدتها وان هو الوحيد اللي يستحق المنصب اللي هيا فيه ..!


انتهي اليوم ورجع زين علي البيت واول ما قفل الباب دخل بسرعه يدور علي الشنطة واول ما لقاها ابتسم وهو بيشم الفلوس بابتسامة وبيقول:سامحيني يا داليدا كان نفسي والله اجيبهم بالحلال.. 

الجرس رن وانتبه زين وخبي الشنطة بسرعه واتجه عند الباب وفتحه واول مشاف الشخص اللي واقف قال باستغراب:دكتور عصام! 

عصام بص لزين بصدمة وهو بيقول:مين زين..! 

زين ابتسم وهو بيهز راسه وعصام حضنه بفرحه وهو بيقول: انت رجعت امتي من السفر .. 

زين ابتسم وقال:بقالي إسبوع تقريبا!! 

عصام بصله بابتسامه وقال” الف حمدلله علي سلامتك بس ازاي داليدا متقوليش انك رجعت..! 

زين استغرب كلامه وقال: وهيا داليدا مقالتلكش فعلا ..

عصام هز راسه  وقال:من اخر مره شوفتها وهيا مبتتواصلش معايا فعلشان كده جيت اطمن عليها.! 

زين وقف بصدمة وهو بيقول:بس داليدا كانت بتقولي انها بتروح المستشفي ازاي وحضرتك المدير.. 

عصام رفع حاجبة باستغراب وقال:داليدا انا مديها اجازه لما زورتها هنا اخر مره واقيتها تعبانه بس انا فعلا مشوفتهاش خلال الاسبوع دا ولا في المستشفي ولا في اي مكان تاني..؟ 

زين بص لعصام بصدمة أكبر وقال بخوف علي داليدا:داليدا قايلالي انها طالعه مؤموريه تبع الحيش وان حضرتك وبقيت الدكاترة معاها.. 

عصام وقف وهو مش فاهم وقال:مؤمرية ايه يا بني مفيش اي حاجة من دي حصلت وبعدين ازاي هطلع مؤمريه وانا اصلا بقولك مشوفتهاش.. 

زين امتلكة الرعب والخوف علي اخته فبص لدكتور عصام وقال:امال داليدا فين؟؟؟ 

#الفصل_14

#الكاتبة_شيماء_صبحي 

-أنا عايزة ارجع القاهرة مخنوقة اوي ومش قادرة أفضل هنا دقيقة واحدة..

كان عمار نايم علي السرير بلامبالاة وداليدا قالت كلامها وهيا بصالة.. 

بقولك عايزة أرجع القاهرة؟؟ 

عمار قام من علي السرير وهو باصصلها وبيقول:تعالي نامي علشان انا مش فايق للكلام دا..!

داليدا حطت ايديها علي صدرها وقالت:مش عايزه افضل هنا ارجوك خلينا نرجع أنا كدبت علي أخويا وقلبي واجعني من اللي انا بعملة دا؟؟ 

عمار اتنهد وهوا بيرجع تاني وبيفرد جسمة علي السرير ومتجاهل كلامها.. 


داليدا اتضايقت من تجاهلة ليها فقربت منه وهيا بصاله بغيظ:انا بكلمك رد عليا يا اما هرجع انا بنفسي.. 

عمار غمض عينيه بتعب ومردش عليها فاتعصبت اكتر وقربت منه علشان تصحيه فشدها عليه جامد ونامت فوقه.. 


داليدا شهقت بخضة وهيا بتبص لملامحة الحادة وكان باصص في عينيها وساكت..

ان.ا…. قاطع كلامها عمار بقبلة طويلة وسحبها أكتر علي صدرة ومسك ايديها علشان يثبت حركتها وداليدا كانت متفجأة ولاكن مقدرتش تبعد عنه لانه مكتف جسمها.. 


بعد عنها بعد ثواني وهما بياخدوا انفاسهم ورجع يقبلها تاني فحاولت داليدا تفك نفسها ولاكنها معرفتش ..عمار قام وشالها بسرعه وهو لسا بيقبلها فحطها تاني علي السرير وكان جسمه فوق جسمها وداليدا مكنتش متوقعه منه يعمل كده فضل يبص في عينيها اللي خطفت قلبه من أول مره شافها فيها .. 

همس في ودنها وهو بيقول: اخوكي زين تحت إيد رجالتي وبكلمة واحده هيكونوا مخلصين عليه.. 

فتحت عينيها بصدمة وخوف وهيا بصاله وبتهز راسها بلأ وكانت عيونها بتترجاه ميعملش كده.. 

عمار ابتسم بتسليه وهو شايف خوفها علي اخوها فهمس في ودنها تاني وقال:لو متجاوبتيش معايا وتممنا جوازنا الليلة هكون مخلص عليه..! 


كان زين في المستشفي مع دكتور عصام بيسألو الدكاترة والممرضين اللي هناك لو حد فيهم شاف داليدا وبعد وقت كان زين تعب من اللف عليها فرجع لمكتب دكتور عصام وقال:محدش شافها وكله بيقول ان اخر مره شافوها من اسبوعين؟ 

دكتور عصام هز راسه وهو بيقول:دا نفس كلام اللي سألتهم أنا كمان ..

زين بص لعصام وقال:هتكون راحت فين بس؟

عصام بص لزين وقال:انت ملاحظتش عليها اي تغيرات كده يعني في اسلوبها حركاتها  اي حاجة لفتت نظرك..! 

زين هز راسه بلأ وقال: لا كانت طبيعيه خالص وتصرفاتها عادية ،يعني بتضحك وبتهزر عادي  .. 

عصام هز راسه وزين كان باصص في الارض لحدما افتكر سيد لما بلغة ان في شخص خرج من عمارتهم وكان متاكد انه قريبنا كانه شافه قبل كده زين وقف وهو بيقول: هو حضرتك جيت البيت عندنا النهاردة.. 

عصام هز راسه بلأ ف زين هز راسه وقال:طيب انا هستأذن من حضرتك في حاجة هتاكد منها ولو طلعت صح هبلغلك .. 

عصام هز راسه وزين خرج من المستشفي واتجة للمنطقة..


في غرفة رشاد كانت دنيا موجودة معاه في نفس الأوضة .ودي كانت أوامر كوثر علشان كانت شاكة في علاقتهم .. 

دنيا خرجت من الحمام وهيا بتبص علي رشاد بتوتر وخجل فقربت منه وهيا بتقول: انا هحضر الحقنة علشان انت اتحركت النهاردة كتير واكيد الجرح بيوجعك.. 

رشاد ابتسم وهز راسه ودنيا قربت من الشنطة اللي فيها العلاج بتاع رشاد وبدأت تحضرلة الحقنه وكان رشاد مركز معاها وهو مبتسم لحدما دنيا لفت بجسمها وقربت من الحقنه وهيا بتقول: ممكن تجيب دراعك عليا شويه.

رشاد هز راسه وقرب دراعه منها وهيا اول مشافت المكان اللي بتديله فيه الحقنه قالت بحزن:ايدك ورمت من كتر الحقن ممكن اديلك الحقنه دي في ايدك التانيه..! 

رشاد بص لدراعه ورجع بصلها وشاف ملامحها وهيا زعلانه علشانه فهز راسه وقال:تحبي ألفلك !

دنيا هزت راسها بالرفض وقالت:لا خليك مرتاح وانا هلف .. 

رشاد بص جمبه وقال:بس المكان دا ضيق مش هتعرفي تعدي منه ..! 

دنيا هزت راسها بالموافقه  وقالت :طيب لف..

رشاد قام ولف بجسمة وكان بيضغط علي نفسة واول ما لف دنيا قربت من دراعه وادتله الحقنه وقبل ما ترميها قالت:محتاج ماية.. 

رشاد هز راسه وقال:لا مش عايز اتعبك..! 

دنيا ابتسمت بلطف وقالت:لا تعب ايه دا شغلي..

رشاد هز راسه بالموافقه وهيا اول ما خرجت علشان تجيبله مايه ملامحة اتغيرت وبان عليه قد ايه بيتألم من الوجع ..عدي ثواني ورجعت دنيا ومعاها المايه فقربت منه وقالت:اتفضل الماية.. 


رشاد كان الوجع بتاع صدره بيزيد  وهز راسه وهو بياخد منها الكوبايه وقبل ما يشرب وقعت الكوبايه من ايديه علي صدره فاطلق صرخة بسيطة ودنيا اول ما انتبهت ليه شالت الكوبايه بسرعه ولاحظت الدم اللي خارج من قميصه فقالت بفرع…الجرح شكلة  اتفتح!؟؟ 


رشاد رجع بضهرة لورا وهو بيقول:هتعملي ايه ؟ 

دنيا بصتله بخوف وقالت:لازم أشوفة علشان اتاكد الأول بس لازم تقلع التيشرت.. 


رشاد هز راسه وحاول يقلع التيشرت ولكنه معرفش  قربت دنيا منه  وقلعتهوله واول مشافت الجرح قالت :هو متفتحش اوي بس الكوباية لما وقعت عليه ضغطت عليه علشان كده طلع دم!! 


رشاد هز راسه وهيا جريت بسرعه تجيب قطن ومطهر علشان تطهر مكان الجرح وكان رشاد مركز معاها لحدما هيا بعدت ايديها وقالت:خلاص انا طهرت الجرح  انت حاسس بوجع.. 

رشاد بص لوشها وهو بيهز راسه بلأ فقربت منه وهيا بتقول:لازم ترتاح ارجع بضهرك ورا شوية.. 

رشاد هز راسه وبدأ يسمع كلامها وهيا كانت بتساعده لحدما اتاكدت انه بق كويس :.أخدت نَفَسها براحة وقربت من الأدوات اللي استخدمتها وبدات ترجع كل حاجه في مكانها وبعدما خلصت لفت وشها لرشاد اللي كان مغمض عينه فقربت منه وهيا بتبص علي الجرح علشان تتاكد انه مبيخرجش دم وفي اللحظة دي دنيا قررت تبص علي ملامح رشاد واول ما عينيها شافت وشه حست بنبض قلبها الشديد بعدت بصدمة وهي مش مستوعبه انها وقعت في حب المريض اللي بتعالجة.. 

 قعدت علي الكرسي اللي موجود في الاوضة وهيا بتعاتب نفسها ولاكن من غير صوت وفضلت تقول:مينفعش يا دنيا انتي مجرد ممرضة وبعدين هو قالك انك هتمثلي انك مراته وخلاص ملوش لازمه انك تتخيلي كده حقيقي.. 


رشاد كان صاحي وكان حاسس بدنيا وهيا بتقرب منه وحس اكتر بيها لما كانت بتبصله ففتح عين واحده وهو بيبص عليها وشافها وهيا قاعده علي الكرسي وواضح انها مرهقة فقال :انتي مش هتنامي.. 

دنيا اتخضت لما سمعت صوته فانتبهت لنفسها وقامت وهيا بتقول بتوتر واضح :لا هنام..! 


رشاد :طيب منمتيش ليه.. 

دنيا بصت حواليها وهيا بتدور علي مكان تنام فيه فقالت بعدما لاقت ان مفيش قدامها غير الكرسي::هنام علي الكرسي!

رشاد هز راسه بالرفض وقال:لا طبعا كده جسمك يوجعك ومش هترتاحي تعالي نامي جمبي علي السرير.. 


وشها كله احمر من الخجل وهيا بتقول:مش هينفع..؟ 

رشاد هز راسه وقال:متقلقيش انا هحط المخده دي بينا علشان ميحصلش اي تلامس..؟ 

خجلت من كلامه فهزت راسها بالرفض وهيا بتقول:انا هكون مرتاحه أكتر علي الكرسي ..،

رشاد هز راسه ليها وبعدها قال:طيب اللي تشوفيه.. 

قال كلامه وبعدها غمض عينيه وهيا قربت من الكرسي وقعدت عليه وحاولت تنام ولاكنها معرفتش ..؟ 

قالت بزهق::يووه دنتا كرسي رخم..؟ 

رشاد ابتسم لما سمع كلامها فعدل جسمة علي السرير وقال:مش ناويه تغيري رئيك.. 

دنيا بنتباه:اييه..؟ 


في صباح يوم الجديد 

صحيت كوثر وطلعت علي أوضة بنتها وهيا بتقول:افتحي يا ملوك.. 

ملوك كانت صاحيه فقامت فتحت الباب وهيا بتقول بنوم::صباح الخير يا اما في ايه علي الصبح ..؟ 

كوثر بصت لبنتها برفع حاجب وهيا بتقول: روحي صحي ولاد خالتك علشان  الفطار..! 


ملوك بصت لامها باستغراب وقالت:طيب متروحي انتي يا اما انا لسا مفوقتش..؟ 

كوثر بغيظ من بنتها: طيب يا بنت بطني  البسي وفوقي كده وروحي برضوا صحيهم..! 

ملوك هزت راسها وكوثر مشيت من قدامها ونزلت علشان تبلغ البنات ياخروا الفطار ..! 

ملوك قعدت علي سريرها وهيا بتبص للشنطة اللي مليانه كل ما يلزم اي ميكب ارتيست من ميكب ومرطبات للبشرة وللشعر :. 

افتكرت لما طلب من عمار يجبلها الشنطة مقابل انها تعرفه باللي امها بتخططله .. وهو وافق يجيبها وهي وقتها بلغته بكل حاجة… 


في اوضة عمار صحيت داليدا وهيا حاسة بوجع شديد في جسمها بصت جمبها لقت عمار نايم وكان عا'ري الصدر واول ما بصت علي نفسها شهقت بخضة وهيا بتقول:ينهار إسود؟؟؟؟ 

#الفصل_15 هدية🎁 

#الكاتبة_شيماء_صبحي

صحيت داليدا وهيا حاسة بوجع شديد في جسمها بصت جمبها لقت عمار نايم وكان عا'ري الصدر واول ما بصت علي نفسها شهقت بخضة وهيا بتقول:ينهار إسود؟؟؟؟ 

قامت بسرعه وهيا بتلف الملاية علي جسمها العا"ري وبتدخل الحمام.. 

ينهار اسود ومنيل هو عمل فيا ايه::قالتها داليدا وهيا بتبص لنفسها وبتفتكر اللي حصل امبارح بينها وبين عمار ..؟ 

فضلت تعيط وهيا حاطة ايديها علي بؤقها وبتحاول تكتم شهقاتها اللي بدات تظهر وصوتها يعلي أكتر ..! 

واما عمار كان حاسس بيها وهيا بتقوم فبص جمبه واتاكد انها فعلا مش موجوده قام وهو بيبص لجسمه وبعدها قرب من شنطته وخرج منها هدوم واتجة عند الحمام وخبط علي الباب.. 


داليدا اول ما سمعت الخبط اللي علي الباب فتحت ماية الدش بسرعه علشان يعرف انها بتستحمي .. 

عمار اول ماسمع صوت المايه بعد عن الحمام وقعد علي السرير وهو بيفتكر اللي حصل بينه وبينها وتهديده ليها اللي مكانش حقيقي؟؟؟ 

 ولاكنه مكانش فاهم اشمعنا داليدا !!!! 

هو حواليه بنات كتير كويسين ولاكن مفيش واحدة شدته غيرها هو مكنش عارف ليه عمل فيها كده وكان متاكد ان دي بقت مصيبة بالنسبالها لأن محدش يعرف انها  متجوزة ..وبعد تفكير مقدرش يوصل لسبب واضح يجبرة انه يعمل فيها كدة… ؟ 


في بيت داليدا كان زين صاحي وبيفكر ليه داليدا قالتله انها مسافرة تبع شغلها ويطلع كل دا كدب ..؟ 

اول حاجة فكر فيها هيا ان في حد بيهددها وجابرها تعمل حاجة هيا مش عاوزاها لان داليدا بطبعها وشخصيتها مستحيل تكون بتكدب عليه من غير سبب مقنع وانها اكيد في ورطة ومش عايزاه يعرفها .؟ 


الباب خبط وكان سيد قام زين وفتحلة الباب 

سيد بصله وهو بيقول:صباح الخير يا زين ايه مش هتنزل الورشة النهاردة..؟ 

زين هز راسة بالرفض وهو بيقول:تعبان النهارة يا سيد جسمي وجعني اوي.. 

سيد خبط علي كتفه وهو بيقول:خلاص يا صحبي ارتاح والف سلامة عليك .. 

زين ابتسم وسيد قبل ما يمشي لف لزين تاني وقال: بس مقولتليش يا زين الراجل اللي سألتني عليه اميارح دا طلع قريبكوا فعلا ؟؟ 

زين هز راسه بالايجاب وقال:ايوا قريبنا  سا سيد بس من بعيد شوية..؟ 

سيد هز راسه وخرج وزين قفل الباب وهو هيتجنن من قلقة عليها ….


في الصعيد .. 

صحيت دنيا وهيا بتاخد نفسها كالعادة وقبل ما تبتسم وتقول لنفسها صباح الخير حست بحاجة سخنه لازقة فيها.. 

لفت وشها باستيعاب واول مشافت انها كانت نايمة علي صدر رشاد العا"ري شهقت وهيا بتحط ايديها علي بوقها ومش مصدقة ان المخدة اللي هو حطها علشان يحميها فجاه تختفي وتنام هيا في حض"نه..! 

رشاد هز راسه بنوم وهيا اول ما حست بيه قامت بسرعه وهيا لسا بتستوعب اللي حصل.. 

دخلت للحمام وبدات تغسل وشها وهيا بتقول: يا رب سامحني والله كان غصب عني كنت نايمة ومحستش بحاجة.. 


بعد دقايق خرجت وهيا باصة في الارض لانها مش عارفة هتبص في وشة تاني ازاي بعد اللي حصل.. 

رشاد كان لسا نايم فاول مشافته اخدت نفسها براحة وهيا بتقول: يارب مايصحي النهاردة..؟ 

-بتدعي عليا يا دنيا..قالها رشاد وهو باصص عليها بغضب..؟ 


دنيا بصوت متقطع:ه.و انت صاحي؟؟ 

رشاد هز راسه وقال:ايوا صاحي علشان اسمع دعوتك عليا..؟ 

دنيا قربت منه وهيا ضامه حاجبها وبتقول :والله مقصدش خالص كده انا قصدي يعني انك..! 

رشاد بنفس نبرة الصوت:اني ايه..؟ 

دنيا بلعت ريقها وقالت:ولا حاجة انا هروح احضرلك العلاج.. 

مش عايز زفت ومش هتتحركي من هنا غير لما تقولولي اني ايه..؟ 

دنيا جسمها كلو بدأ يعرق من التوتر فركت ايديها وهيا بتقول:اصل انا صحيت لقيت المخدة مش موجودة  وكنت يعني ..احم.. نايمة علي صدر"ك فانا قولت كده علشان محروجة من اللي حصل؟؟

 

رشاد ابتسم ولاكن رجع قلب وشه عليها تاني وقال:طيب علشان نمتي في حضن"ي تدعي عليا وتقولي يارب مايصحي .. 

دنيا بزعل من نفسها قالت :والع  مكنش قصدي اقول كده نهائي انا طبعا اتمني انك تقوم وتكون بصحة كويسة..؟ 

رشاد هز راسه وقام من علي السرير وقرب منها وكل دا وهو مش لابس قميص.. 

دنيا كانت متبعاه لحدما وقف قدامها وقال: لو خالتي سالتك عني هتقوليها ايه..! 

دنيا باستغراب:رشاد باشا؟؟ 

رشاد هز راسه بالرفض وقال:في واحدة تقول علي جوزها باشا ؟ 


دنيا هزت راسها وقالت:بس انت مش جوزي انت المريض اللي بساعدة ؟ 

رشاد هز راسه وقال:طيب بما اني مريض وبتساعديني أنا عايز أخد شاور وبصراحه مش بطول ضهري ؟؟ 

دنيا وشها احمر جدا من كلامه وفضلت بصاله وساكته وهو ضحك وهو بيقول: معقوله طلبي صعب للدرجادي؟؟ 

دنيا هزت راسها وقالت:بصراحة صعب ومرفوض ؟ 

رشاد بصلها بسخريه ودخل الحمام وقبل ما يقفل الباب دنيا قالت:لو هتاخد شاور متجبش مايه علي الجرح؟ 

رشاد قفل الباب وقال:لو خايفة اوي علي الجرح تعالي احمية من المايه…. 

_________

في اوضة ملوك 

 كانت لبست وخرجت من اوضتها وقربت من اوضة رشاد وقالت:رشاد، دنيا اصحوا يلا علشان الفطار!؟ 

دنيا انتبهت لصوت ملوك فقربت وفتحتلها الباب وقالت:رشاد بياخد شاور اول ما يخلص هننزل.. 

ملوك هزت راسها بابتسامه وقالت:طيب يا حبيبتي براحتكم بس متتاخروش .. 

دنيا ابتسمت علي لطافتها معاها  وملوك مشيت  ودنيا قفلت وراها  الباب .. 

قربت من سرير رشاد وقعدت عليه وهيا بتقول بضيق:انا ليه بعمل كده احط نفسي في مواقف بايخة ليه  زمانوا دلوقت بيقول اني بنت مش كويسة..؟ 


رشاد كان مشغل الدش وعمال يغني وهوا بيحط الرغوه علي دراعه ودنيا قاعده برا تندب علي حظها وانها ازاي متقولوش انه قليل الادب وتوقفه عند حده اكيد هو اللي شال المخدة…؟ 


في غرفة داليدا وعمار .. 

خلصت داليدا الشاور وكانت واقفه وهيا ورا الباب وهيا بتقول:عمار..؟ 

عمار كان فارد جسمة علي السرير ومنتبهش لصوتها.. 

داليدا ندهت عليه تاني بصوت اعلي وهيا بتقول:عماار.؟

عمار انتبه لصوتها وقام وقرب من الحمام وهو بيقول: عايزه ايه يا داليدا..؟ 

داليدا اخدت نفس وقالت:ممكن تجيب شنطتي من جمب السرير..؟ 

عمار بص جمب السرير وشاف شنطتها فقرب منها ومسكها وهو بيقول:عايزه  منها ايه وانا اجبهولك..؟ 

داليدا برفض:عايزة الشنطة كلها  ! 

عمار هز راسه وقال:طيب افتحي الباب..

داليدا بصت للفوطة الكبيرة اللي متعلقة فمسكتها ولفتها علي جسمها بعشوائية وفتحت جزء صغير من الباب ومدت ايديها وهو ابتسم وادالها الشنطة وهيا اخدتها بسرعه وقفلت الباب ... 


عدي دقايق وكانت داليدا لبست هدومها وخرجت كانت لابسه دريس باللون الابيض ومشجر بورود لونها أحمر وكان شكلة حلو اوي عليها ..! 

عمار رفع عينه علشان يشوفها وهيا اول ما عيونها جت في عينيه لفت وشها بسرعه . 

عمار قرب منها وقال:ايه الجمال دا  كلوا علي الصبح..! 

داليدا اخدت نفس طويل وهيا بتتجاهل وجودة ومردتش عليه.؟ 

عمار قرب منها ومسكها من دراعها وقال:اللي حصل بينا دا مش غلط احنا متجوزين ولا نسيتي؟ 

داليدا سكتت ودا اللي جنن عمار مسكها جامد ووقفها وخلاها تبص في عينيه  وقال:قولتلك اتقبلي كل حاجة انا بقيت جوزك خلاص قدام الناس وقدام ربنا..؟ 


داليدا هزت راسها بالرفض وقالت:انت بني ادم مش طبيعي جوزي ايه ..؟ ولا جواز ايه اللي بتتكلم عنه ..انا قبلت بكدة علشان خايفة علي اخويا ولاكن انا مقبلش ابدا بواحد زيك.. 

عمار بصلها بغضب وقال:انتي بتغلطي فيا وانا بعديهالك ولاكن انا بحظرك مني يا داليدا.. 


داليدا كانت خايفة منه  لان نظراته بتشرح قد ايه عنده حق.. هيا قوية فعلا ولاكنه أقوي منها بكثير ولو زودت معاه في الكلام هتطلع خسرانه !! 


-عمار، داليدا يلا قوموا علشان الفطار.. 

كان صوت ملوك اللي بتنادي عليهم بصوت هادي.. 

عمار انتبه لصوت ملوك وقال من ورا الباب:حاضر يا ملوك نازلين ؟ 

ملوك مشيت وعمار رجع بص لداليدا بتحذير وبعدها دخل الحمام.. 


داليدا مسكت تيلفونها وهيا بتقتحة وبتتفاجئ بكمية الرسايل والمكالمات اللي مردتش عليهم.. 

كان زين اكتر واحد اتصل بيها ودا غير الممرضات والدكاترة ودكتور عصام اللي رناته لا تقل عن رنات زين في العدد..؟ 


داليدا قفلت التيلفون تاني بسرعه وهيا مش قادرة تستوعب  ان زين عرف الحقيقة وانها مش في مهمه ولا حاجة فقعدت تعيط زي العيال الصغيرة لما بيغلطوا ويكونوا خايفين من عقاب ابوهم!؟ 


داليدا هيا الاخت الأكبر لزين ولاكن هيا بتعتبر زين اخوها الكبير ودا لانه رغم صغر سنه الا ان عقلة كبير ودا اللي بيميزة..؟ 

خرج عمار وهو بيبص عليها ولاحط دموعها اللي بتنزل وهيا بتبص علي تيلفونها قرب منها وهو بيسألها:في ايه ؟ 

داليدا بصتله وهيا بتهز راسها بقلة حيلة وبتقول:أنا انكشفت كل حاجة ظهرت علي الحقيقة .؟


عمار ضم حاجبة باستغراب وقال:مش فاهم ايه اللي حصل ! 

داليدا مسكت تيلفونها وهيا بتقول:زين عرف اني مش في مؤموريه ولا حاجة واني كدبت عليه !! 

عمار مسك تيلفونها وفتحة لقاه فاصل فقال باستغراب:تيلفونك فاصل وبعدين انتي عرفتي ازاي! 

داليدا وقفت قدامه وهيا بتقول بحزن: انا قفلته دلوقت لما لقيت المستشفي كلها متصله عليا وغير دكتور عصام .. 

زين اكيد عرف من دكتور عصام اني مبروحش المستشفي اصلا من اكتر من اسبوع .. 

عمار هز راسه وقال بجدية : دي مشكلتك انتي  انا قولتك عرفية بالحقيقة.؟

داليدا وقفت قدامه وقالت بغضب:وانت فاكر اني محاولتش ،انا كنت كل يوم بقف قدامة اكتر من مره ولاكن مبقدرش انطقها انت فاكرها سهله كده وهتعدي..؟ 

عمار هز راسه بتجاهل وقال: ايوا سهلة هتعرفية انك اتجوزتي قبل ما هو يرجع من السفر .. 

داليدا سكتت وهيا بتقرب من شنطتها  وبتخرج منها مشرط وبتقربه من عمار وبتقول بتهديد: انت السبب مش انا ولازم تخرجني من المشكلة دي انا قولتك مش مواقفه وانت اللي اجبرتني ؟

 

عمار بص للمشرط بسخرية وقال:شيلي الهبل دا من ايدك ! 

داليدا بصت للمشرط برفض وقالت:لا .. 

عمار بتحذير:اخر مره بقولك شيلية! 

داليدا بلعت ريقها وهيا بتبص لملامحه الحادة وبتقول: انا مبقتش داليدا بتاعت زمان انا بقيت مرات قتال قتلة فطبيعي اني اكون مجرمه زيه .. 

رفعت ايديها علشان تخبطة بالمشرط ولاكن حصل المفجأة  .. 

يتبع 


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺




ادسنس وسط المقال

أخر المواضيع من قسم : روايات وقصص

تعليقات

إرسال تعليق

التنقل السريع
    close
     
    CLOSE ADS
    CLOSE ADS