رواية أمل الحياه الفصل السابع عشر والثامن عشر والتاسع عشر بقلم الكاتبه يارا عبد العزيز حصريه وجديده على مدونة النجم المتوهج
 |
وقف قدام كريم و اتكلم بغضب مفرط
= عملت في بنت اخويا ايه ؟!!!!!
كريم كان لسه هيتكلم بس قاطعته ناديه لما اتكلمت بحده و هي بتقف قدام كريم
= مش كل اما يحصل حاجه لبنت اخوك تلبسها في ابني من غير ما تسمع اللي حصل ايه
مسح على وشه بغضب و بصلها بانتباه و اتكلم بحده ممزوجه ببعض السخريه
= و ايه بقى اللي حصل!!!!
فهميني حياة و فردوس مشيوا من البيت ليه يا ناديه ؟!!!
ايه اللي يخلي بنت اخويا تسيب بيت ابوها اللي اتربيت فيه و تمشي و هي حامل و على زمه ابنك
ناديه بحده و غضب
= ذمه ابني ااااه
اللي انت متعرفهوش بقى يا مجدي ان الست حياة اللي انت ديما بدافع عنها دي
هي نفسها اللي اجهضـ.ت حفيدك و هو جوا بطنها و مـ.وتته من قبل ما يشوف الدنيا عشان عايزه تتخلص من ابني و تطلق منه !!!!!
و هي نفسها برضوا اللي طلبت منه الطلاق و سابت البيت و مشيت و كأنها ما صدقت تخلـ.ص منه !!!!!!
مجدي بصلها و معالم الصدمه بانت على وشه اتكلم بصدمه و همس
= مستحيل مستحيل حياة تعمل كدا
انا عارف حياة كويس و عارف ان عمرها ما تقدر تأ.ذي نمله ازاي هتمـ.وت ابنها اللي هو حته منها
انتوا اكيد فاهمين غلط حياة مستحيل تعمل كدا !!!!!!
ناديه بغضب و صدمه
= بعد كل اللي حصل!!!!!!
بعد كل اللي حصل و لسه برضوا بدافع عنها
كملت بغضب مفرط و هي بتصـ.رخ في وشه
= بقولك مـ.وتت حفيدك قبل ما يجي الدنيا حر.قت قلبي و قلب ابنك عليه حر.ام عليك يا مجدي حرام عليك
هتفضل لحد امتى واقف في صفهم و جاي علينا فهمنا انك بتنفذ وصيه اخوك الله يرحمه و مكنتش عايز تحسسهم بغياب ابوهم لكن تيجي علينا عشانهم
لما رفع محمود اللي يرحمه على ابنك الله من لحمك و د.مك السلا.ح فضلت ساكت و سبته و كان هيمـ.وته قصاد عينك و جبرت ابنك انه يتجوزها غصبن عنه و هي اصلا السبب في كل اللي حصل لو مكنتيش سلـ.مت نفسها ليه قبل.....
قاطعها مجدي و هو بيتكلم بغضب مفرط
= ناديه محدش غلط في الموضوع دا كله غير كريم حياة مشيت ورا مشاعرها و وقفت عقلها اللي هو في الاساس عقل طفله استغل ضعفها و حبها ليه و خد منها اللي هو عايزاه و معترفش بغلطته و اتخلى عنها و لولا انها حملت منه كان زمانها مستقبلها ضا.ع بسبب ابنك و طشيه بطلي تدافعي انتي عنه و تطلعي حياة و بس هي اللي غلطانه و اياكي اسمعك بتتكلمي عن اخويا أو مراته أو اي حد من ولاده بأسلوب مش كويس انتي فاهمه
قال كلامه و خرج من البيت بغضب
تحت نظرات الغضب من روان و كريم و ناديه
ناديه بصدمه = و الله لو سحرنله ما كان هيبقى كدا بقوله مـ.وتت حفيدك قبل ما يجي الدنيا و برضوا بيدافع عنها
روان راحت عندها و اتكلمت بدموع و الم..
= خالتي هو انتي بجد هتخلي كريم يتجوز عليا ؟!!!!
انكمشت ملامحها بغضب
= انتي شايفه ان دا وقته نتكلم في الموضوع دا !!!!!!
كملت كلامها و هي بتمشي و بتدخل اوضتها بغضب
= كل واحد بيقول يلا نفسي
روان بصيت لطفيها بدموع و بعدين بصيت لكريم اللي خرج من البيت بغضب و ضيق
قعدت على الكنبه و فضلت تعيط بقوه و قلبها هيقف من فكره انه ممكن يتجوز عليها
اقسمت بداخلها انها لازم تعمل اي حاجه عشان تخلف حتى لو كان الموضوع فيه خطـ.ر عليها
رندا بصتلها بدموع و دخلت الاوضه بتاعتها و هي ماسكه بطنها ببعض الالم اتكلمت برعب و همس
= يا رب ما يكون اللي في بالي صح انا خايفه حتى اعمل الاختبار أو اروح اكشف يا رب استرها عليا
حياة صحيت من النوم
لاقيت ريان واقف قدام التسريحه و بيظبط الجرفته بتاعته
اتعدلت على السرير و اتكلمت بصدمه
= هو انت خارج
ريان بهدوء و هو بيبصلها في المرايا
= ااه رايح الشركة
حياة بغضب و هي بتقوم تقف قدامه و بتتكلم بحده
= ازاي!!!
انت المفروض تعقد تستريح كام يوم كدا ممكن الجـ.رح يفتح مينفعش تخرج خالص
بصلها و اتكلم ببأبتسامه اظهرت و سامته و هو بيحاوط رقبتها بايديه و بيتكلم بمرح
= انتي قصيره كدا ليه يحياة!!!!!
انتي مش واصله لكتفي حتى تعالي كدا اشوفك واصله لفين
قال كلامه وشدها عليه و هو بيضمها لصدره بحنان و كانت رأسها واصله لموضع قلبه
غمضت عينيها بحب و هي بتحاوط خصره و اتكلمت بتلقائيه و همس
= انت جميل اوي و حضنك حلو اوي اوي و عندك سكرتيرات كتير اوي حلوين و بيلبسوا قصير خالص و
استوعبت اللي هي بتقوله فتحت عينيها بصدمه و كانت لسه هتبعد بس كان ماسكها بقوه و بيستنشق ريحتها بتوهان و ابتسامه اتكلم بهمس
= كملي و ايه
حياة بخجل و هي بتبصله و بتحاول تغير الموضوع
= امممم و انا عايزه اجيب حاجتي من بيتنا هروح انهاردة اجيبهم
ريان بهدوء و همس و هو بيميل عليه و بيد.فن راسه في عنقها
= متتعبيش نفسك هبعت حد يجبهم
حياة بخجل = لا انا عايزه اجيبهم معلش هروح ماشي
ريان بهدوء و هو بيبعد عنها بصعوبه بعد ما حس برعـ.شه جسدها بين ايديه
= حاضر روحي انتي بس هاجي معاكي متروحيش لوحدك
هزيت راسها بهدوء و كملت بمرح
= هنزل بقى اعملك شوربه زي بتاعت انبارح عشان تاكله مفيده خالص
بصلها بتفحص من فوق لتحت و نظراته كانت مليانه رغـ.به كبيره فيها
حاول يسيطر على نفسه و اتكلم بهدوء و غيره
= هتنزلي كدا ؟!!!!
بلبسك دا بقميصي!!!!!
حياة باستغراب=
هو البيت فيه رجاله ؟!
ريان بحده و غيره= البيت فيه خدم و مامتك و فريده احنا مش ساكنين في البيت لوحدنا
حياة بهدوء و استغراب
= بس كل دول ستات !!!!
عادي يعني و .....
ريان بمقاطعة و غضب مفرط ممزوج بغيرته من ان ممكن اي حد يشوفها كدا حتى لو امها
= حياااة مش هتنزلي كدا
هزيت راسها بقله حيله و اتكلمت بضيق طفولي
= طب انا دلوقتي اعمل ايه مش معايا هدوم و الدريس بتاعي اتبهدل بالد.م و حاولت اغسله مرضيش يتغسل اعمل انا ايه دلوقتي و انا اصلا عايزه اخرج
ريان بهدوء و ابتسامه على. عضبها الطفولي
= خلاص خلاص انا هتصرف اهدي
خد تلفيونه من على التسريحه و عمل مكالمه
بص لحياة اللي راحت قعدت على السرير و الدموع في عينيها ، راح عندها و قعد جانبها و خد ايديها من جانبها من على السرير و حاطها على رجله و اتكلم بحنان
= زعلانه ليه ؟!
حياة بهدوء و هي بتمسح دموعها
= مفيش
ريان بحنان و هو بيسحبها لحضنه
= ليه ديما بحس ان جواكي حزن كبير بتكوني محتاجه اي حاجه حتى لو بسيطه عشان تعيطي انا عارف انك صغيره بس انتي لازم تواجهي مشاكلك صح متعقديش جانبها و تعيطي
كمل كلامه و هو بيقـ.بل رأسها بحنان
= صح و لا ايه
هزيت راسها بهدوء و كانت لسه هتتكلم بس قاطعها خبط على باب الجناح
راح ريان ناحيه الباب و فتحه دخلت بنت و معاها حامل فساتين بِعَجل و كان محمل عليه ما يقرب عشر فساتين ماركات عاليه
حياة راحت عندها بفرحه كبيره و بصيت للفساتين بانبهار
= واوووو تحفه ايه الجمال دا
ريان بصلها ببأبتسامه كبيره للفرحه اللي شافها في عينيها
= كلهم بتوعك عاجبوكي
حياة و هي بتطنطط بفرحه كبيره و طفوله
= تحفه اوي
قربت عليه و حضنته بفرحه كبيره و هي بتتشعلق في رقبته زي الاطفال
حاوط خصرها بايديه و هو بيرفعها لمستواه
و شاور للبنت تخرج
بعدت حياة بخجل و هي بتبص للفساتين
= البس اي واحدة فيهم ؟
قولي رأيك كدا
طلع فستان زهري من على الاستاند و اتكلم بحب
= دا هيكون تحفه عليكي ادخلي غيري بقى و يلا عشان هنمشي دلوقتي
هزيت راسها بفرحه و هي بتاخد منه الفستان و دخلت الحمام تغير هدومها و هي في قمه فرحتها
نزلوا و وصلوا بيت حياة و دخلوا الشقه
دخلت حياة اوضتها و بدأت تلم في حاجتها و هو كان متابعها و متابع كل تفصيله فيها و هو بيبصلها بعشق
خلصت حاجتها و دخلت اوضه فردوس و بدأت تلم في حاجتها
راحت عند الكومود و قعدت على السرير و مسكت صورتها هي و محمود
بصتلها بحزن كبير و دموعها نزلت بتلقائيه على الصوره
ريان لاحظها راح عندها و قعد جانبها و هو بياخد منها الصوره
= دا محمود صح ؟
هزيت راسها بدموع حاوط خصرها و حط راسها على صدره
اتكلمت بدموع
= الصوره دي كان بيلبسني فيها السلسله شوف كنت مبسوطة خالص ازاي انا لسه لحد دلوقتي مش عارفه استوعب انه مش موجود تعرف طول الوقت بفضل اصبر نفسي و اقول دا مسافر و هيرجع بس هو مش هيرجع
كملت و هي بتعيط بقوه
= مش هيرجع خالص و مش هشوفه تاني !!!!!!
ريان بحزن و هو بيقـ.بل راسها اتكلم بحنان و هو بيحاول يطلعها من التفكير اللي هي فيه
= فين السلسلة دي ؟
عايز اشوفها
حياة بحزن = بعتها عشان نصرف بفلوسها مكنش معايا فلوس خالص يوم ما أطلقت و سبت البيت فاضطريت ابعيها و انا بشيلها من رقبتي حسيت اني بشيل جزء مني بس الحمد لله كله خير
حط ايديه تحت ركبتها و ايديه التانيه على ضهرها و هو بيشيلها بين ايديه
شهقت حياة بصدمه بس اتحولت لفرحه لما بدأ يدور بيها في الاوضه و هو بيبتسم و بيحاول يطلعها من الحزن اللي هي فيه
مسكت في رقبته و خايفه تقع بس في نفس الوقت مستمتعه بوجودها معاه و كانت بتضحك
اتكلمت في وسط ضحكاتها
= خلاص انا دوخت
نزل بيها على السرير و هو فوقيها و اتكلم بحب و بيرجع خُصـله شارده من شعرها ورا اذنها بحب كبير
ميل بوشه على رقبتها و بدأ يقبـ.ل عنقها قبـ.لات متفرقه بعمق و عشق
فك سوسته الفستان بهدوء و حب
مسكت ايديه قبل ما يفتح السوسته لاخرها و اتكلمت بدموع و هي بتهز راسها
= لا ريان لا لو سمحت ابعد انا مش هقبل اكون مجرد شهـ.وه تاني ابعد ارجوك
بصلها بصدمه من انها شافته كدا و قام بسرعه و هو بيعدل هدومه و بيتكلم بحزن
= خلصتي صح ؟
البسي طرحتك و يلا عشان هنمشي
بصيت لزعله بحزن و وقفت قدامه و اتكلمت بحزن و هي بتمسح دموعها و بتمسك ايديه
= انا اسفه بس هو احنا اللي بنعمله دا ايه غير كدا
احنا نعرف بعض من يومين انا بجد اسفه مقصدتش....
قاطعها و هو بيتكلم بحده
= هششش مش عايز اتكلم في الموضوع تاني و انا مش هقربلك تاني انا اسف
قال كلامه و طلع من الاوضه بحزن و حياة بصيت لطفيه بغضب من نفسها
بس هي فعلا مشفتش غير كدا هي عاشت ظروف كتير صعبه و مستغرباه مستغربة تصرفاته اللي مش مفهومه ما هو يا شهـ.وه يا حب و اكيد مش حب
بدأت تلف طرحتها و هي بتبص لنفسها في المرايا بغضب
خرجت و معاها الشنطه خدها منه و لاحظ دموعها و اتكلم بحده = هاتي
اتكلمت بصوت مخـ.نوق من طريقته
= ماشي
مقدرش يشوفها كدا وقف قدامها و مسك ايديها الاتنين بحب و اتكلم بهمس
= متعيطيش!!!!
معلش متزعليش انا اللي غلطت لما خلاتك تشوفني كدا
بس انا عمري ما شوفتك كدا
حياة بتساؤل = اومال ايه ؟
ريان بهدوء = و الله ما اعرف !!!!!
انا طول عمري كتاب مفتوح لنفسي فاهم نفسي و فاهم انا عايز ايه كويس اوي بس معاكي انتي بالذات بحس بمشاعر مختلفه عليا جديده و مش مفهومه انتي غيرتي كل قوانين ريان النصراوي و حولتيه من كتاب مفتوح لشخص مبقاش فاهم هو. عايز ايه بالظبط
ابتسمت بفرحه من كلامه و هي حاسه انه بيبدالها مشاعرها
ايه دا انا طلعت بحبه بجد
حسيت بضربات قلبها بقيت قويه جدا و ان قلبها هيطلع من مكانه
فاقت على صوت ريان و هو بيمسك ايديها
= يلا
هزيت راسها و خرجوا من البيت
وصل ريان حياة القصر و طلع على الشركه
دخلت القصر لاقيت فريده داخله وراها ، كانت لسه هتطلع بس وقفها صوت فريده
= استني
وقفت حياة و بصتلها بانتباه اتكلمت فريده بتساؤل
= انتي مرات ريان صح ؟
حياة هزيت راسها باحترام و اتكلمت بهدوء
= ايوا
فريده بحده = و تبقي بنت مين بقى باين عليكي صغيره
انتي من هنا و لا منين
حياة= ايوا من القاهره انا جدي يبقى علي الهواري و ابقى....
فريده قاطعتها و هي بتتكلم بخوف شديد و قلبها هيقف من الخوف
= انتي رندا ؟
حياة هزيت راسها بالنفي و اتكلمت باحترام و هي مستغربه ان فريده عارفه رندا
= لا رندا تبقى بنت عمو مجدي اخو بابا انا ابقى بنت حسين
فريده اتنهدت براحه كبيره تحت نظرات استغراب من حياه
اتكلمت حياة بفضول
= هو حضرتك تعرفي رندا منين
فريده بغضب مفرط
= و انتي مالك اطلعي و لا شوفي كنتي رايحه فين
حياة بصتلها باستغراب و مشيت تحت نظرات الخوف الشديد من فريده
مسكت الفون بتاعها و رنيت على احدهم و اتكلمت بغضب و خوف
= عايزه اشوفك دلوقتي ايوا في الشقه بسرعه الموضوع مش مستحمل تأخير
وصلت قدام عماره فخمه في التجمع و دخلت في شقه في الدور السادس
لاقته قاعد مستنيها على الكنبه
جري عليها و هو بياخدها في حضـ.نه بحب كبير
= وحشتيني اوي اوي تعرفي لو مكنتيش اتكلمتي أنتي كنت أنا هكلمك
بعدت ايديه عنها بغضب و اتكلمت بخوف
= ريان اتجوز رسمي و عارف اتجوز مين اتجوز بنت اخوك حياة يا مجدي
مجدي بصدمه= حياة ؟!!!!!
ازاي و هو ايه اللي وصل حياة لريان ؟!!!!
فريده بخوف شديد و هي بتعقد على الكنبه
= معرفش معرفش جابها منين انا اول اما قالتلي انها تبقى حفيده علي الهواري اترعبت خوفت تكون رندا بنتك
خوفت يكون اتجوز اخته!!!!!!!
مجدي حاول يتصنع الهدوء و راح عندها و مسك ايديها و اتكلم بحنان
= اهدي يا فريده مفيش اي حاجه هتحصل انتي خايفه كدا ليه
بعدت ايديه عنها بغضب و اتكلمت ببكاء و رعب
= خايفه كدا ليه ؟!!!
انت ايه البرود اللي انت فيه دا بقولك بنت اخوك بقيت مرات ريان ابني رسمي بقيت حرم ريان النصراوي
ريان اللي فضل عمره كله يدور عليك عشان يخـ.لص عليك و عليا مع بعض دلوقتي بقى فيه ما بينك انت و هو نسب
ريان مينفعش يشوفك مينفعش يبقى فيه اي حاجه بتربطه بيك لو في يوم عرف
كملت برعب و هي بتترعش و عيونها بتدمع من خوفها
= لو عرف انك انت اللي كنت معايا في اليوم دا و انك انت السبب في مـ.وت ابوه خلاص كدا هيمـ.وتنا
مجدي بغضب مفرط
= فريده ريان يبقى ابني انا من صُلبي انا مش ابن ابراهيم النصرواي
فريده بغضب = هو دا كل اللي همك !!!!!!
مش همك اي حاجه من اللي قولتها غير انه ابنك انت ما انا عارفه يا مجدي انه ابنك انت عارفه هو انت مفكر ان دا هيشفعلك عنده دا مش بعيد لو عرف حاجه زي كدا يمـ.وتنا احنا الاتنين و بعدين يمـ.وت نفسه
مسحت دموعها و اتكلمت بتحدي
= البنت اللي اسمها حياة دي لازم تبعد عن حياه ابني خالص مينفعش يربطك بيه اي حاجه لا حياة و لا غيره اتصرف وطلقها منه اعمل اي حاجه و الا انا اللي هعمل انا مش عايزة إذ.يها عشان هي بنت اخوك بس لازم تبعد لازم تبعد عشان انا و انت و ابني نعيش
مجدي بهدوء
= فريده ريان مستحيل يعرف اني انا اللي كنت معاكي في اليوم دا حتى لو عرف اني عم حياة مراته اهدي يحبيبتى و شيلي كل الاوهام دي من دماغك مفيش حاجه هتحصل محدش يعرف اللي حصل غير انا و انتي و ابراهيم الله يرحمه مين بقى اللي هيروح و يقوله ان مجدي الهواري هو اللي كان مع امك في اوضه نومها و على سر.يرها في القصر
ريان لما طلع وقتها كنت هربت و مشفنيش و لحد دلوقتي بيدور عليا و مش عارف يوصلي هيجي دلوقتي و بعد خمستاشر سنه و يوصلي بسبب حياة و انه اتجوز بنت اخويا اعقليها كدا
كلامه بدأ يطمنها و حاولت تهدى هزيت راسها بهدوء و هي بتحاول تتنفس و تطلع كل خوفها
اتكلمت بتنهيده
= ربنا يستر
اتكلم بهمس و هو بيد.فن وشه في عنقها
= وحشتني
فريده بحده و غيره
= طبعاا روحت للست ناديه اول واحده تشوفها بعد ما رجعت مع اني مراتك زيي زيها
مجدي بحب و هو بيشيلها
= بلاش تنكدي بقى مش كفايه مقعداني على اعصابي من ساعه ما كلمتني فكرت فيه مُصيبه
دفنـ.ت وشها في عنقه و هي بتستنشق ريحته
= و انت كمان وحشتني اوي و فيه حاجات كتير عايزه اقولهالك بخصوص ريان
حاطها على السرير بحب و همس جنب ودنها
= لما اشـ.بع منك الاول
نزلت رندا و جابت اختبار حمل من الصيدليه و دخلت الحمام و عاملته فضلت منتظره دقايق و هي ببترقب الاختبار بخوف شديد
انصدمت بشده بمجرد ما ظهر قدامها خطين حمر واضحين جدا لطـ.مت على وشها بخوف شديد و
(18)
فضلت منتظره بعض الدقائق و هي بتترقب اختبار الحمل و ايديها بتترعش جدا
و كأنها منتظره نتيجه حياة أو مـ.وت بالنسبالها
انصدمت بشده و رعب حقيقي لما ظهر قدامها خطين حمر واضحين جدا في الاختبار
وقع الاختبار من ايديها على ارضيه الحمام بسبب ايديها اللي
كانت بتترعش بقوه
لطـ.مت على وشها برعب و هي بتبص للاختبار اللي واقع على الارض برعب و اتكلمت بهمس و صوت ملئ بالخوف و هي بتسند على حوض الحمام و دموعها على خدها
= دا حصل ازاي !!!!!!!
حصل ازاي !!!! و انا باخد حبوب منع الحمل باستمرار يبقى ازاي دا حصل هعمل ايه
نزلت لمستوى الاختبار و شالته من على الارض بايد مرتعشه جداا و خفيته في هدومها و بدأت تمسح دموعها و تاخد بعض الانفاس و هي بطلع فيها خوفها عشان ميظهرش عليها قدام اي حد
دخلت اوضتها و مسكت فونها اللي كان على السرير و بدأت تطلب احمد و هي في قمه التوتر و الخوف
فضلت تكلمه كذا مره و لكن بدون اي جدوى لما لاقته مش بيرد
قعدت على السرير و فضلت تعيط بخوف شديد و جسدها كله بيترعش و هي بتحاول مره ورا مره ترن عليه بس بدون اي فايده
فريده كانت في حضـ.ن مجدي
اتكلم بهمس و هو بيقـ.بل رأسها
= امممم كنتي عايزه تقولي ايه بخصوص ريان !!!!!
بصتله بحزن و هي بتتعدل في قعدتها اكتر و بتحرك ايديها على صد.ره العا.ري
= انا بقيت خايفه عليه اوي
كمال الشناوي مش سايبه في حاله و ريان واخدها كانها منافسه و مش راضي ينسحب منها انا مش عارفه هو ليه مش عايز يسيبله الانتخابات
هو ريان محتاج الانتخابات في ايه !!!!!!
ريان ابوه سابله املاك و سُلطه مخلياه مش محتاج اي حاجه تانيه غيرها و هو كبرها اكتر و بقى من انجح رجال الأعمال في العالم كله
مجدي بهدوء و هو بيحاول يتحكم في عصبيته
= فريده !!!!
مسمعكيش تاني تقولي ما بيني و بينك ان ابراهيم ابو ريان مش كفايه مستحمل السنين دي كلها و هو متسجل على اسمه مع انه من د.مي انا
و تانيه حاجه متخافيش على ريان ابنك بيعمل حساب لكل خطوه بيعملها كويس اوي و بيكون عارف عواقبها قبل ما ينفذها
فريده بخوف و دموع
= عواقبها دي حياته!!!!!
فاهم يعني ايه انبارح بليل جاي البيت و بنت اخوك سانده و د.مه متصفي هستناه لما المره الجايه يجبوه جـ.ثه انت لازم تتصرف و تزيح كمال الشناوي دا من طريق ريان خالص
مسك ايديها و حضنها بين ايديه و قـ.بل ايديها بحب
= حاضر بس اهدي
هزيت راسها و اتكلمت و هي بتحرك ايديها على صد.ره بدلع ممزوج بغيرتها
= روحت عند ناديه عملت ايه ؟
مجدي بضيق = ياريتني ما روحت نكدوا عليا و جيت
الست ناديه بتسقف لابنها في اي حاجه بيعملها و انا اخر ما ازهق منه بجد هربيه من اول و جديد
كمل بحب = متخافيش مجتش ناحيتها أنتي عارفه كويس اني معاها عشان الولاد و بس و اني عمري ما حبيت و لا هحب في حياتي غيرك
هزيت راسها ببأبتسامه و هي بتد.فن وشها في صدره اكتر و بتحاوط خصره و حاسه بالامان و الفرحه ان محدش غيرها في قلبه
في شركه النصرواي
كان قاعد ريان و هو شارد
دخل عمر بعد ما خبط الباب كذا مره بس ريان مسمعهوش بسبب شروده
دخل و قعد على كرسي المكتب و اتكلم بتساؤل
= انت قطعت الورقتين اللي ما بينك انت و نسمه !!!
ريان فاق من شروده على صوته و اتكلم بتوهان
= بتقول حاجه يا عمر
عمر بصله و ابتسم و اتكلم ببعض السخريه
= اول مره تتجوز و تنهي بالسرعه دي
نسمه معجبتكش و لا ايه
غريبه مع انها احلى واحدة في كل اللي انت اتجوزتهم !!!!!
ريان بهدوء و هو بيرجع راسه لورا على الكرسي و بيمسك دماغه بارهاق
= تعبت من كتر التفكير حاسس ان دماغي هتنـ.فجر
عمر بهدوء و هو بيشاور على دماغه
= و بتفكر بي دا ليه !!!!!
الحب مفيهوش تفكير بدا
الحب بنشغل فيه القلب و بس و خصوصاً معاك انت لانك لو لاغيت قلبك المره دي بالذات هتخـسر كتير اوي و هتعيش عمرك كله ندمان
ريان بصله بانتباه و بيقدم جسمه كله لقدام و بيحط ايديه على المكتب
كمل عمر بهدوء و حكمه
= بُص يا ريان انا مش عارف ايه اللي عملته خالتي مخليك كارهها و كاره معاها الصنف كله
ماشي يا عم اكر.ه الكل دي حاجه مش هنقدر نغيرها فيك مهما حاولنا
بس السؤال هنا بقى عرفت تكر.ه حياة زي الباقي ؟!!!!
و لا قلبك المره دي اعلن الاستسلام للحب
ريان بحده
= عمر قولتلك مليون مره قبل كدا انا قلبي متخلقش عشان يحب حد قلبي موجود عشان ينبض و انا اعيش غير كدا فهو مش موجود و محدش هيدخله
عمر ببأبتسامه سخريه
= بس احب اقولك يا ابن خالتي ان حياة دخلت و قعدت و ربعت كمان
من قبل ما ترد انا هقولك مليون دليل من ساعه ما عرفتها
اول حاجه خوفك عليها و احنا في القسم
بقى ريان النصراوي ينزل يعقد على الارض قدام اي حد دا انا كنت حاسس اني بحلم
و اتجوزتها رسمي مع انك رافض جدا الموضوع دا و متقوليش عشان الصحافه عرفت و الهبل دا سيب الكلام دا لشكري عشان انت كنت ممكن بكل بساطه تهد.د الصحفي قبل ما ينشر اي خبر بس انت خدتها حجه لنفسك عشان تتجوزها
و كمان طلعتها الجناح مع ان دا برضوا كان مرفوض عندك و لا و انت ماسك فيها بكل قوتك و الدكتور بيخيط الجر.ح كنت ماسك فيها زي العيل الصغير اللي متشعلق في حضـ.ن امه و بيستخبى جواها من الدنيا كلها
كل دا و مش حب !!!!!
عارف انت عيبك ايه انك مفكر الناس كلها واحد و انك بتيجي على نفسك ديما و كأنك مصمم تعاقب نفسك بس انا دلوقتي بقولك كفايه يا ريان حياة جت عشان تكون هي الامل اللي هيفرحك و يدخل و اخيراا السعاده لقلبك و لو مشيت أنت هتعيش حزن اضعاف مُضعفه
فكر كويس و بقلبك مش بعقلك عشان الندم بعدين مش هيبقى حلو عن اذنك هروح احضر للاجتماع
ريان بهدوء و هو بيحاول يطرد كلام عمر من دماغه
= الغيه الغي اي حاجه انهاردة عندي موضوع مهم و لازم امشي
قال كلامه و سابه و مشي من قبل ما عمر يتكلم
خرج من الشركه و فضل طول ما هو سايق بيحاول يطرد كلام عمر لكن مش عارف كلامه كله صح
وصل القصر و طلع غرفه فردوس و خبط على الباب
و دخل بعد ما اتاه اذن الدخول منها
لاقها قاعدة على الكنبه و معاها سلوى البنت اللي بتراعيها
اتكلم بهدوء و هو بيبص لسلوى
= ممكن تسبينا لوحدنا لو سمحتي
خرجت سلوى تحت نظرات الاستغراب من فردوس
قعد ريان جانبها على الكنبه و اتكلم بهدوء
= كنت عايز اسأل حضرتك عن حاجه
فردوس بابتسامة
= ما بلاش حضرتك دي دا انت جوز بنتي يعني زي ابني و بعدين انت تسأل من غير ما تستأذن
ريان ببأبتسامه= السلسله اللي كان جايبها محمود لحياة اللي هي بعتها عايز اعرف بعتوها فين يعني اسم المحل ايه و كنتوا بعتوها من اد ايه
فردوس بصتله بابتسامة و فهمت هو عايز يعرف ليه بس كانت عايزه تسمعها منه
= بتسأل ليه
ريان بهدوء و هو بيحرك ايديه على شعره ببأبتسامه
= اممم كنت عايز افرحها و اجبهلها
فردوس عيونها دمعت بفرحه اتكلمت بفرحه مقدرتش تدرايها
= ما انت ممكن تجبلها واحدة شبهها اصل الموضوع دا من حوالي خمس شهور يعني ممكن متلاقيهاش
ريان بهدوء و ثقه = انا عايز سلسله محمود اللي كانت في رقبتها قوليلي انتي بس اسم المحل و عنونه و انا هتصرف
هزيت راسها بفرحه كبيره و هي بتحمد ربنا في نفسها لأن بنتها بقيت مع الشخص الصح و خصوصاً لما شافت عيون ريان بتلمع بالحب و هو بيقول اسم حياة
ادتله العنوان و طلب منها متقولش لحياة حاجه عشان يفجأها و خرج راح المحل
= بس يا ريان باشا السلسله زي ما انت بتقول اتباعت من خمس شهور يعني اكيد حد اشترها
بس حضرتك قولي التاريخ اللي اتباعت فيه و وريني شكلها و أنا هحاول اطلعلك فاتوره باسم و عنوان اللي اشترها احنا عنينا ليك يباشا دا انت نورتنا و اتمنى متكونش اخر زياره
هز ريان راسه بهدوء و بدأ يديله التاريخ و يوريله شكل السلسه
و بالفعل صاحب المحل قدر يطلعله عنوان الست اللي اشترتها
راحلها ريان و خد منها السلسله و كانت مقابل انه اداها طقم من الالماظ الست اول اما شافته انبهرت بيه و فرحت جدا و ادته السلسله
رندا فضلت قاعدة على السرير و هي بتحاول ترن على احمد لحد اما رد عليها و اخيرااا
اتكلمت بلهفه و خوف
= انت فين برن عليك من الصبح مبتردش فيه حاجه مهمه عايزه اقولهالك
احمد بجمود = انا في الغردقه جت هنا في شغل و هعقد كام يوم كنتي عايزه تقولي ايه
رندا بدموع و خوف = يعني ايه في شغل انا مش هقدر استحمل يومين سيب كل حاجه و تعال دلوقتي الموضوع مهم جدا
احمد بحده = هو انتي اتجننتي هو ايه اللي سيب الشغل
الشغل دا اكل عيشي لو سابته هاكل منين و اخلصي قولي فيه ايه
رندا ببكاء و صوت مرتعش
= انا حامل
احمد بصدمه و خوف = ايه
ازاي !!!!
هو انتي كنتي بستغفلني و مش بتاخدي موانع حمل
رندا ببكاء= و الله كنت باخد بانتظام بس اعمل ايه ربنا عايز كدا انت لازم تيجي لاهلي و تعمل المستحيل عشان يوفقوا على جوازنا اتصرف اعمل اي حاجه قبل ما بطني تكبر
احمد بغضب = طب اقفلي دلوقتي عندي شغل و انا هفكر في حل و اكلمك
قفل المكالمه من قبل ما تتكلم بصيت للفون بصدمه و خوف و دخلت في نوبه بكاء اخرى
في قصر النصراوي
كان ريان في الحمام و حياة كانت قاعدة على السرير
خديت قميصه اللي خلعه و رماه بعشوائية على السرير قبل ما يدخل الحمام
مسكته بايديها و ضمته لصدرها و هي بتتخيله هو
بدأت تشمه بحب كبير و هي بتستنشق ريحته اللي موجوده فيه و كانت مغمضه عينيها و تايهه في ريحته اللي تعتبر ادمـ.نتها
مخدتش بالها من اللي خرج من الحمام و هو لافف منشفه على خصره و بينشف شعره و فضل يبصلها ببأبتسامه
راح عندها و قعد جانبها و همس جنب ودنها بحب
= طب ما تحـ.ضنيني انا احسن انا حضـ.ني احلى من القميص و الله
فتحت عينها بخجل و هي بتستوعب انه جانبها مسكت في القميص بتوتر و خجل شديد و خدودها بقيت حمره جدا من خجلها
خد منها القميص و رماه و هو بيحاول يمنع ضحكته على شكلها
بدأت الدموع تلمع في عينيها من خجلها و توترها و بتحاول تتجنب النظر ليه
مسك ايديها و حضـ.نـها بين ايديه و حاطها على صدره العا.ري و بايديه التانيه مسك خصر.ها و هو بيشدها عليه اكتر و مبقاش يفصلهم سنتي واحد حتى
غمض عينيه بحب و ميل على رقبتها و بدأ يقـ.بل رقبتها و كتفها بعشق و حياه كانت دايبه في العالم اللي داخلها فيه بحنيته معاها غمضت عينيها بخجل
حاطت ايديها التانيه اللي مش ماسكه ايديه على كتفه و حطيت راسها على صدره و هي بتتمنى ان الزمن يقف عند اللحظه دي و ميبعدش عنها ابدا
و هي بتعلن حبها و عشقها ليه من اول ما شافت صورته و اللي فضل يكبر جواها لحد اما وصل لاكبر حد مع شوفته و قربه منها
مد ايديه و فتح درج الكومود من جانبه و هو ما زال يقـ.بل عنقها بعشق
خرج السلسله و بعد بعصوبه عشان يعرف يلبسهلها
فاقت من توهانها فيه عليه و هو بيلبسها السلسله بحنان
فتحت عينيها و بصتله باستغراب لاقته بيبصلها و بيبتسم بحب
بصيت للسلسه بصدمه اتحولت لفرحه شديده و هي بتمسك السلسله و دموع الفرحه في عينيها
اتكلمت بفرحه كبيره و هي مش مستوعبه لسه
= دي بتاعت ابيه صح ؟!!!
هز راسه و هو بيبتسم بفرحه و بيقـ.بل ايديها بعشق ظهر في عينيه
فضلت ماسكه السلسه و هي بتقـ.بلها بفرحه كبيره
= طب ازاي ؟!!!
جبتها ازاي دا هي نفس السلسله بتاعته انا معلمها انا مش مصدقه و الله
حضنته بكل قوتها و هي بتتكلم بفرحه
= مش عارفه اقولك ايه بس انت مش متخيل كميه الفرحه اللي انا فيها بسبب انها في رقبتي دلوقتي انا مبسوطة أوي أوي و الله شكرا لاخر عمري مش هتكفيك
فضلت تسقف بايديها بفرحه تحت نظرات الحب و الفرحه منه
يا رتيني كنت جبتها من بدري عشان اشوف الفرحه دي
فتح درج الكومود و جاب منه علبه الماظ زرقه و خرج منها خاتم الماظ كان شكله رقيق جدا
اتكلم بعشق
= السلسله هديه محمود
كمل بمرح= و محمود مينفعش يجيب هديه و انا لا
ممكن تقبليه مني
بصيت للخاتم بانبهار و هزيت راسها بالايجاب بفرحه
ابتسم و بدأ يلبسها الخاتم بحنان و قبـ.ل ايديها بعمق
= شكرا
بصتله باستغراب
= على ايه ؟!
ريان بعشق= هتعرفي كمان شويه انا بشكرك على ايه المهم دلوقتي قومي غيري هدومك عازمك على العشا
حياة بفرحه = بجد فوريره هكون خلصت البس الخاتم و احنا خارجين عادي و لا هيقع مني انا بقول بلاش احسن شكله غالي و خايفه يقع
ريان بحنان= الغالي يرخصلك و بعدين و ايه اللي فيها لو حتى وقع فداكي مليون خاتم فداكي عمري كله يحياة و الله
بصتله باستغراب و مكنتش فاهمه كلامه و نظراته
خجلت من نظراته اللي كانت مدققه مع كل تفصيله فيها و سابته و دخلت تغير هدومها
خلصت لبس خرجت لاقته لابس قميص اسود و عليه بنطلون من نفس اللون و كان شكله في غايه الاناقه و الوسامه
تاهت في جماله شويه
رفع عينيه ليها و بصلها بانبهار فكل مره بيشوفها فيها بتبهره اكتر من اللي قبلها
مسك ايديها بحب و خرجوا من القصر بدون اي حراسه و طلعوا بالعربيه
حياة كانت بتبصله بخوف
= مش كانا خدنا حراسه عشان ميحصلش زي ما حصل المره اللي فاتت
مسك ايديها بحب و قـ.بل ايديها و اتكلم بحنان
= مش عايز حد معانا انا و انتي و بس و متخافيش المكان اللي رايحينه بيكون متأمن كويس
هزيت راسها و هي لسه خايفه وصلوا قدام مطعم فخم جدا كان بيطل على النيل
و كان محجوز كله
دخلت حياة و بصتله بانبهار و فرحه لانه كان مزين بالورود و الاضويه كانت مطفيه و النور كان ضوء الشموع
بصيت لريان بفرحه كبيره
بدالها نظره مليانه حب و اتكلم بعشق
= عاجبك
حياة بفرحه = قول بهرك!!!!!
تحفه اوي بجد احنا هنتعشى هنا صح
هز راسه ببأبتسامه و راح عند التربيزه و شد الكرسي بتاعها للخلف قعدت و هي بتتكلم بهمس
= شكرا
قعد قصدها و مسك ايديها و اتكلم بحنان
= حياة يعني ايه حب ؟
استغربت حياة السؤال بس اتكلمت بحماس و هي بتبصله و تايهه فيه
= يعني فرحه كبيره بمجرد ما تبقى مع اللي بتحبه و دقات قلب متسارعه مش بتبطأ يعني حنان و توهه حلوه اوي في عالم مفيش غير حبيك فيه
فضل ماسك ايديها و قومها من على التربيزه حط ايديها على رقبته و حاوط خصـ.رها بايديه الاتنين و هو بيضمها ليه بحنان
اتكلم بحب كبير و هو بيهمس جنب ودنها بعشق
= مش هقولك بحبك عشان انا اتخطيت الحب و الله العظيم معرفش ازاي بالسرعه دي بس خلاص مبقتش قادر ابعد عنك لحظه واحده مش قادر اكتمها جوايا اكتر من كدا عايز اقولها كل دقيقه و كل ثانيه قررت اعيش معاكي السعاده اللي فضلت عمري كله محروم منها قررت ادي لحياتي امل بيكي
كمل و هو بيد.فن وشه في عنقها و بيتكلم بهمس و هو بيستنشق ريحتها بعشق
= حياة انا بعشقك
عيونها دمعت بفرحه كبيره حسيت ان قلبها بيدق بعنف
مسكت في رقبته اكتر و هي حاسه انه دايخه
دموعها نزلت على كتفه
ماسكها بحمايه بعد ما حس انها هتقع اتكلم بخوف و حنان
= انتي كويسه يحبيبتى
طلعها من حضنه و هو لسه ماسك خصـ.رها بحمايه
لاقى الدموع في عينيها بصلها و اتكلم بخوف
= مالك انا ضايقتك باللي قولته ؟
هزيت راسها بالنفي و اتكلمت بدموع
= لا انا عايزه اروح ممكن نروح لو سمحت حاسه اني دايخه و مش قادره اقعد
ريان بخوف شديد و حنان
= نروح المستشفى حاسه بي ايه طيب ؟
حياة بهدوء و هي مانعه دموعها من انها تنزل بالعافيه اتكلمت بصعوبه و همس
= انا تمام مش مستاهله المستشفى بس عايزه امشي
هز راسه بحزن و حاسس ان كلامه زعلها و في نفس الوقت خايف تكون تعبانه بجد
حاوط كتفها و طلعوا من المطعم على القصر
فردوس بفرحه = سلوى معلش ممكن تحركي الكرسي للبلكونه عايزه اشوف حياة و هي داخله مع ريان نفسي اشوف الفرحه في عينيها
هزيت سلوى راسها ببأبتسامه و خرجت فردوس البلكونه
دخل ريان القصر بالعربيه و نزل هو و حياة
اتحولت نظرات فردوس لحزن كبير لما شافت الحزن في عيون حياة
اتكلمت في نفسها بغضب
= ليه يبنت بطني ليه
فردوس بحزن = خرجني يا سلوى على باب الاوضه
طلع ريان و معاه حياة و في دماغه مليون سناريو
مشفش الفرحه في عينيها
معقول تكون مبتحبوش طب ازاي و امها بنفسها اللي بلغته و شجعته يقولها
فاق من شروده على صوت فردوس و هي بتتكلم بحده
= حياة عايزكي معلش يا ريان عايزاها في حاجه مهمه شويه و هرجعهالك
هز راسه بهدوء و فردوس طلبت من سلوى تسيبها مع حياة لوحدهم
اتكلمت فردوس بحده
= ليه يحياة ليه مصممه تتعبي قلبك ما تعيشي بقى و تكلمي
مقدرتش تتحكم في دموعها اللي فضلت كاتمها طول الطريق و اتكلمت ببكاء
= بيقولي انتي هتكوني امل حياتي اللي هيطلعني من الحزن و قررت اعيش معاكي السعاده اللي انحرمت منها قالي حياة انا بعشقك
فردوس بفرحه = طب ما كويس خالص اهو الحمد لله
بصتلها باستغراب و كملت و هي لسه بتعيط و بعصبيه و الم
= ماما ريان حب حياة البنت النقيه البريئه
ميعرفش حياة اللي سلـ.مت نفسها لكريم من غير جواز
ميعرفش ان حياة عمرها ما هتعرف تخليه اب طول حياته
انا مينفعش اكون انانيه و ابني سعادتي على تعاسته انا بعترف اني بحبه بس هيفيد بي ايه حبنا لبعض لما يعرف الحقيقة
فردوس بهدوء و هو بتربط على ضهرها
= يحبيبتى و هو ايه اللي هيعرفه بس كريم كان ماضي و صفحه و اتقفلت خالص و بالنسبه لموضوع الخلفه دا ما انا قولتلك هنروح للدكتور و هنلاقي حل اكيد ربنا كبير و مش هيسيبك
حياة بدموع = و افرض ملاقتش هبقى ربطت حياته بواحدة مبتخلفش العمر كله هحرمه من كلمه بابا بسببي
فردوس بحنان= طب بصي بلاش دلوقتي يحصل حاجه قوليله اي حاجه قوليله تعبانه لحد اما نروح للدكتور و نشوف حل للموضوع دا بس المهم دلوقتي اطلعي قوليله مشاعرك من ناحيته دا الواد يعين امه عامل زي الغرقا.ن و باين عليه زعلان خالص
حياة بهدوء و دموع = لا مش هطلع انا هنام معاكي انهاردة و مش هقوله حاجه و مش هربطه بيا اكتر من كدا
فردوس بغضب= اطلعي يحياة لجوزك مفيش نوم هنا عايزة تقوليله أو لا انتي حره بس مفيش غيرك هيندم في الاخر
حياه بدموع و غضب طفولي
= يا ماما
فردوس بغضب و حده
= قولتلك اطلعي لجوزك يحياة و لا عشان انا عا.جزه و ضعيفه فمش هتسمعي كلامي
حياة بدموع و هي بتهز راسها بالنفي
= لا و الله خلاص هطلع بس انتي متزعليش
طلعت حياة الجناح لاقته قاعد على السرير عا.ري الصدر و شارد بصتله بحزن حسيت انها مخـ.نوقه
دخلت البلكونه يمكن تعرف تتنفس بص لطيفها و دخل وراها حضـ.نها من ضهرها و دفـ.ن وشه في عنقها و اتكلم بهمس
= لسه تعبانه
هزيت راسها بالنفي و حاولت تبعد بس مسك فيها اكتر
اتكلم ببعض الحده
= هو فيه ايه يحياة انا عملت ايه زعلك اوي كدا
حياة بدموع
= معملتش حاجه انا بس...
سكتت و مقدرتش تتكلم لفها ليه و فكلها طرحتها بحنان و دفـ.ن وشه في عنقها و فضل يقـ.بل عنقها بعمق و عشق كبير و كل جزء في وجهها و هو بيطلع كل شوقه و حبه و رغبـ.ته فيها
كانت عامله زي التايهه بين ايديه ، استسلمت لحنانه و حبه ليها و قلبها و حاوطت ضهرها بايديها اللي تعتبر لا شئ بالنسبه لضهره العريض اتكلم بهمس و هو بيـ.قبل عنقها
= بعشقك اوي اوي يحياة و خلاص مبقتش قادر على بعدك
حس باستسلامها بين ايديها حملها بحنان و حاطها على السرير و
بعد فتره من الوقت كانت في حضـ.ـنه و بتعيط بقوه
حس بغصه في قلبه من الندم اللي شافه في عينيها
اتكلم بحزن
= انتي زعلانة من اللي حصل
لدرجه دي مش قابلني ؟!!!!
حياة بانهيار و هي لسه دافـ.نه راسها في صدره و مقدرتش تتكلم و هي بتبصله و تشوف نظرات عينيه على اللي هتقوله
فضلت دافـ.نه وشها في صدره و ماسكه فيه بقوه و خايفه من انه يسيبها اتكلمت بشهقات و مع كل شهقه منها كان بيحس بالم شديد في قلبه كان لسه هيتكلم بس قاطعته و هي بتتكلم بشهقات
= ريان انا مبخلفش انا مش هقدر اخليك اب طول حياتك !!!!!!!!
(19)
= ريان انا مبخلفش و عمري ما هقدر اخليك اب طول حياتك
قالت بشهقات و هي بداري نفسها في صد.ره و خايفه من نظرات عينيه
لحظه من السكون مفيش فيها اي صوت غير صوت بكاء حياة اللي هز كل اركان الغرفه و كان بيغـ.رز و يجـ.رح في قلبه
طلعت راسها من حضـ.نه و بصتله بدموع حاولت تمنع صوت شهقاتها و تبقى اقوى
اتكلمت ببعض القوه عكس اللي جواها من الم.. و هي بتبص لعينيه اللي مشفتش فيها غير حزن
صوتها كان مخـ.نوق و ضعيف
= انا مش هقدر اسعدك مش هقدر اكون الجزء الكويس اللي دخل حياتك عشان يديها الامل للسعاده أنت اتجوزت واحدة مُطلقه و مبتخلفش و انت ريان النصراوي و بنت العالم كلهم يتمنوك انا منفعكش و مرضلكش انك تكمل حياتك مع واحدة زيي و اعتبر اللي حصل دلوقتي كأنه محصلش انا هنساه و انت كمان هتنساه و هنكمل زي ما اتفاقنا اول اما تخلص الانتخابات هنطـ.لق و شكرا لكل حاجه حلوه انا عشتها معاك انت هتفضل ذكرى جميله عمري ما هنساها بتمنالك السعاده
قالت كلامها و ضمت اللحاف عليها بضعف و هي بداري جسد.ها به عشان تقوم من جانبه كانت لسه هتقوم مسك ايديها بكل قوته و قعدها على رجله و بيحط راسها على صد.ره بحنان
حس برعشه جسدها ضمها ليه اكتر و شد اللحاف عليها اكتر و اتكلم بحنان
= انا اللي هعتبر نفسي مسمعتش اي حاجه من اللي قولتيها تعرفي انك طلعتي فعلا صغيره عقلك طلع بيفكر تفكير اطفال انا اصلا مش محتاج عيال عشان بنتي معايا و مش عايز غيرها في حياتي انتي الظاهر مفهمتيش كلامي كويس و يمكن لانك مش مقدره كميه الحب اللي جوايا ليكِ انا اكتفيت بيكِ عن كل ارتباط في حياتي اكتفيت بيكي عن امي و ابويا و بقيتي انتي عليتي كلها مش عايز اب مش عايز اسمعها انا عايزك انتي صوتك و بس هو اللي عايز اسمعه صوتك و حضـ.نك و كل حاجه فيكي
حياة بدموع = بس انا
قاطعها و هو بيضمها ليه اكتر و بيدخلها جواه اكتر و محاوط كتفها بتملك اتكلم بهمس
= هششش مش عايز اسمع اي حاجه بخصوص الموضوع دا تاني و أنتي لو عايزه تبقي ام فيه طرق اتطورت و ممكن نجرب انا مش عايز غير سعادتك
حياة بدموع و هي بتهز راسها بالنفي
= خايفه خايفه اوي من كلامهم مش عايزة اسمع منهم كلمه مستحيل تاني الكلمه دي بتد.بحني و بتوجعني اوي
بصلها بحزن و طبع قبلا.ت متفرقه على كتفها و اتكلم بحنان و هو موجوع على شكلها و الحزن اللي في عنيها
= سلامتك من الوجع يعمري خلاص يحبيبي مش هنتكلم فيه تاني و مش هنتكلم في اي حاجه ممكن تزعلك لما تبقي جاهزه نروح نبقى نروح المهم مش عايز اشوف الدموع دي في عينيكي تاني
حياة بدموع و صوت ضعيف و هي مركزه مع عينيه اللي كانت بتبصلها بعشق
= يعني انت مش زعلان ؟!!!
هز راسه بالنفي و حاوط خصرها بحمايه و حنان
= و الله العظيم ما زعلان غير على دموعك انتي اهدي بقى لو بتحبني بجد و يهمك سعادتي بطلي عياط و انا معاكي في اي قرار هتاخديه لو عايزه نسافر برا مفيش اي مشكله نسافر لو العلاج هيطول سنين و احول كل املاكي على برا مصر معنديش اي مشكله برضوا هتلاقيني جانبك في اي خطوه انتي فكري كويس و اعملي اللي يريحك و يخليكي مبسوط و انا مش عايز غير كدا و اخر مره اسمعك تجيبي سيره الطلاق التاني دا انا كان قلبي هيقف لما فضلتي تعيطي كدا و انا مش فاهم انا عاملتلك ايه مليون سناريو جيه في دماغي انك مبتحبنيش و انك ندمتي على اللي حصل
ابتسمت بحب و هي بتحط كف ايديها الصُغير على وشه بحنان ، مسك كف ايديها و قـ.بله بعمق و عشق
كملت بحب و خجل
= انا كنت اسعد واحده و انا بين ايديك
حاولت تتجنب النظر ليه من خجلها منه و من الوضع اللي هم فيه استخبت من نظرات جوا حضنـ.نه
اتكلم بحنان و هو بيملس على شعرها برفق
= قوليها يحياة انا مسمعتهاش!!!!!
قوليها و طمني قلبي
ابتسمت بخجل و اتكلمت بضعف و هي لسه حاطه راسها على صد.ره
= انا محتاجه انام !!!!!
اتكلم ببعض الخوف الممزوج بحنانه
= تعبانه ؟!
حياة بخجل و هي بتغمض عينيها و بتحاوط خصره
= لا بس لما ببقى في حضـ.نك بحس اني عايزه انام مش عارفه ليه
ابتسم بحب و اتكلم بمرح
= دا انا منوم بقى شكلي !!!!
حس بانتظام انفاسها عرف انها نامت اتنهد بقله حيله و هو بيبصلها
كان نفسه يسمع منها كلمه بحبك هو ااه شافها بعينيها لكن مسمعهاش!!!!
اتحولت نظراته من قله الحيله للعشق الشديد و هو بيبصلها و هي نايمه بين ايديه بملامحها الطفوليه اللي بيشعقها
فضل يقـ.بل كل جزء في وجهها و عنقها و كتفها و هو بيشبع منها و مش عايز يسيبها
اكتشف ان نومتها كدا مش مريحه و ممكن تتعب عدلها و هو لسه ضاممها لصدره و عدل المخده تحت راسها و ضم الغطاء على جسـ.دها بحنان و طبع قـ.بله صغيره على خدها و هو بيحاول يبعد نفسه عنها بصعوبه عشان يسيبها ترتاح
بِعد بعد معاناه و دخل الحمام ياخد دش
في الصباح
صحيت حياة على و هي حاسه بكتله صلبه تحت راسها و ايد ضامها بحمايه و تملك
فتحت عينيها بنوم لاقته نايم بعمق و ماسكها و كأنها هتهرب منه
ابتسمت بحب كبير و هي بتمشي ايديها الصغيره على خده بحب و حنان
فاق على لامسـ.تها ، قبـ.ل ايديها بحنان و اتكلم ببأبتسامه
= صباح القمر
حياة بخجل و حب = شكلك بيكون حلو اوي اوي و انت نايم بجد عامل زي الاطفال خالص
ريان بهدوء و حب و هو بيحرك ضهر أنامله على كتفها بحنان
= اومال انتي تبقي ايه بقى لو انا صغير !!!!
حياة بخجل و توهان في لمساته ليها
= اممم انا هقوم اخاد شاور بقى
كانت لسه هتقوم بس مسكها و شدها عليه و اتكلم بعشق
= هسمعها امتى ؟!
حياة بخجل و هي بتحاول تتهرب من الموضوع
= هي ايه ؟
ريان بهدوء و ابتسامه = انتي عارفه كويس هي ايه!!!!
حياة بخجل مفرط و ضربات قلبها بتزيد
= طب ما انت عارف مش لازم اقول صح
ريان و هو بيتصنع الحزن
= يبقى شكلي انا اللي فهمت غلط و انتي مبتحـ.....
بترت كلمته و هي بتحط ايديها على فمه بحنان و بتتكلم بخجل مفرط
= بحبك و الله
بصلها بعشق كبير و قلبه بقى بيدق بعنف شدها عليه اكتر و فضل يقـ.بل رقبتها قبـ.لات متفرقه و مع كل قـ.بله كان بيقولها المشاعر اللي جواه من ناحيتها بهمس و عشق
كانت دايبه بين ايديه و مستسلمه ليه كليا و كأنها اتولدت من جديد و محيت ماضيها كله معاه
فاقوا هم الاتنين على صوت هاتف ريان
بعد بصعوبه و هو بياخد الهاتف من على الكومود
استغليت حياة انشغاله و قامت بسرعه و هي واخده الغطاء كله عليها و دخلت الحمام
ابتسم على طفولتها و خجلها بحب و رد على الهاتف و كان من الشركه
خرجت من الحمام و هي لابسه البرنص و لافه منشفه على شعرها
اتكلمت بخجل من نظراته اللي كانت مدققه جدا مع تفاصليها
= اممم هتروح الشركه ؟
راح عندها و مسك ايديها و اتكلم بحنان
= كان فيه اجتماع مهم انا لاغيته انبارح و لازم يتعمل انهاردة مش عايزيني اروح ؟
حياة بهدوء = لا روح ادام مهم انا هروح مجموعه ماشي
ريان ببعض الحده
= و دي فين المجموعه ؟
حياة ببعض الخوف من حدته= عند واحده صاحبتي في بيتها احنا دلوقتي بقينا في أيام المراجعه الامتحانات كلها تلت شهور و هتبتدي
حس بخوفها اتكلم بحنان و هو بيحاوط وشها بايديه
= يحبيبتى هتبطلي امتى تخافي مني كدا !!!!
انا مستحيل إذ.يكي يحبيبى
قولي اسمي المدرس و انا هجيبه هنا و هاتي معاكي اصحابك بس البنات بس يحياه و هيجي في وجودي تمام
حياة برقه = بس انت بتكون طول اليوم في الشغل و مش بتيجي غير بليل و مش هينفع ناخد بليل عشان البنات
ريان بهدوء
= يبقى بلاش البنات خدي لوحدك المهم اكون موجود
هزيت راسها بهدوء
كمل بتساؤل = حياة ازاي انتي مبتخلفيش و على حد علمي انك حملتي قبل كدا !!!!!
حياة بحزن = بعد ما اجضهـ.ضت الدكتور قالي اني مش هخلف تاني
ريان بحزن على حالتها كان عايز يسألها سبب الإجها.ض بس حس انها زعلت فمحبش يزود عليها
ضمها لحضـ.نه بحب و اتكلم بحنان
= هنلاقي حل يحبيبتى متزعليش نفسك
كان عايز يقـ.بل راسها
اتكلم بمرح و هو بيبص للمنشفه اللي شعرها
= ايه دي يحياة
حياة برقه = عشان شعري مبلول ماما ديما كانت بتقولي متخرجيش بشعرك مبلول من الحمام يحياة عشان بتتعبي
ريان بمرح و هو بيشيل المنشف من على شعرها
= يحبيبتى الاوضه مفيش ادفى منها و احنا قافلين البلكونه متخافيش مش هيحصلك حاجه
شال الفوطه من على لينسدل شعرها المبلول قدامه بصلها بحب كبير و اتكلم بحنان
= حلو اوي كدا تعالي كدا بقى
شدها عليه و دفـ.ن وشه في عنقها ، حطيت ايديها على كتفه بخجل
= مش هتروح الشركه عشان متتأخرش على الاجتماع
بعد بصعوبه و هو بياخد انفاسه اللي مش بيقدر يسيطر عليها كل اما تكون قريبه منه
دخل الحمام بسرعه ، بصيت لطيفه ببأبتسامه خجل
على تربيزه السفره
كانوا قاعدين كلهم بما فيهم فردوس و فريده اللي كانت بتبص لحياه بخوف شديد
دخلت الخدامه و اتكلمت باحترام
= فيه واحد برا و عايز حياة هانم و فردوس هانم
ريان بغيره = واحد مين ؟!
= بيقول عم حياة هانم!!!!
فريده بصتلها بخوف شديد و ايديها بدأت تترعش
وقـ.عت كوبايه العصير من ايديها تحت نظرات الاستغراب منهم
حياة بهدوء = خليه يجي هنا
كملت و هي بتبص لريان
= بعد اذنك طبعا ؟
ريان بهدوء و حنان = دا بيتك
دخل مجدي غرفه السفره
حياة جريت عليه و حضـ.نته بحب و امان
= عمو وحشتني اوي انت رجعت امتى من السفر
مجدي بحنان
= انبارح يحبيبتى ازيك يا ام محمود
فردوس هزيت راسها بهدوء و ابتسامه
كمل مجدي و هو بيروح عند ريان و بيمدله ايديه
= مجدي الهواري عم حياة
مد ريان ايديه بهدوء و اتكلم ببأبتسامه
= اتشرفت بمعرفتك
بصيت فريده لايديهم بخوف شديد قلبها بدأ ينبض بشده و هي بتتوعد لمجدي انه جيه
كمل ريان بهدوء = معلش عندي اجتماع مهم و لازم امشي البيت بيتك يا استاذ مجدي عن اذنكوا
راح عند حياة و قبـ.ل راسها بحنان و همس
= انتي كويسه ؟
هزيت راسها بهدوء و ابتسامه
تحت نظرات الفرحه من فردوس و مجدي
خرج ريان و فريده اتنهدت براحه كبيره و مشيت تحت نظرات مجدي
مجدي بهدوء = حياة انا هنا عشان اطمن عليكي و الحمد لله اطمنت و تاني حاجه عايز اعرف الحقيقة
حياة بتنهيده = هي مراتك قالتلك ايه يا عمي
مجدي بهدوء = انا عايز اسمع منك يحياة ملكيش دعوه بناديه و اللي قالته ناديه انا مش هصدق غيرك قولي يحياة اللي حصل بالتفصيل
حياة بصتله بخوف شديد من فكره ان ناديه تطلع الصور اللي معاها و اللي هدد.تها بيها اتكلمت بخوف و دموع
= انا ممـ.وتش ابني يا عمي و دا كل اللي عندي و لو سمحت متسألش كتير في الموضوع دا
مجدي كان لسه هيتكلم بس قاطعته فردوس بحده
= مجدي لو سمحت كفايه كدا كفايه على بنتي كل اللي عاشته بسببكوا و سابها تعيش
مجدي بهدوء = تمام يحياة انا هعرف بنفسي ايه اللي حصل ادام انتي مش عايزه تقولي
قال كلامه و سابهم و مشي تحت نظرات الحزن من حياة
كريم كان قاعد على مكتبه في شركه مجدي
دخلت السكرتيره بتاعته و اتكلمت برقه
= الورق دا عايز يتمضي من حضرتك يفندم
كريم باعجاب
= نرمين أنتي مرتبطه مخطوبه يعني أو متجوزه
نرمين بخجل من نظراته اتكلمت برقه و خجل
= لا مش مرتبطه
كريم ببأبتسامه و خبث
= حلو اوي هاتي الورق
بصتله باستغراب و حطيت الورق قدامه و استنتاه يمضيه و خدته و خرجت تحت نظرات الاعجاب الشديد منه
طلع تلفيونه على صوره حياة و بصلها بحب
= انا مش عارف ابطل تفكير فيكي ليه !!!!
مع انك مـ.وتي ابني و لحد دلوقتي انا مسمعتش كلمه بابا بسببك بس مش عارف اكر.هك أو انساكي يا ريتني كنت قدرت حبك ليا من الاول و اخترتك انتي كان زماني دلوقتي اسعد واحد في العالم بحبك يحياة
حط الفون على موضع قلبه و غمض عينيه و هو بيتخيلها و هي بتبتسم قدامه
في بيت مجدي
مجدي بغضب = حياة مشيت من البيت ازاي يا ناديه و عرفتوا منين انها السبب في مـ.وت الولد
ناديه بغضب مفرط
= يوااااه انت مبتزهقش من السؤال دا و بقولك نفس الاجابه انت عايز تطلعها بريئه و خلاص
مجدي بحده = انا واثق انها مستحيل تعمل كدا بس عايز اعرف اللي حصل عايز اعرف الحقيقة
ناديه بغضب = الحقيقة هي ان بنت اخوك نز.لت حفيدي قبل ما يجي الدنيا عشان تتخـ.لص من ابنك و من الحاجه الوحيده اللي بتربطها بيه اعقلها يا مجدي انت عارف ان حياة مكنتش بطيق كريم فهي اكيد على استعداد انها تعمل اي حاجه عشان تتخلص منه
مجدي بغضب = لدرجه انها تقـ.تل ابنها!!!!!
ناديه بحده = الست مننا لما بتكـ.ره بعد ما بتحب بتتحول و بتعمل اي حاجه ممكن تتخيلها
مجدي بلع ريقه بخوف و هو برضوا لسه مش مستوعب ان حياة ممكن تعمل كدا
كريم دخل و لاقهم بيزعقوا مع بعض
اتأفف بضيق
مجدي راح عنده و اتكلم بسخريه
= انت جيت يا عين امك!!!!!
حمد لله على السلامه صحيح كنت عايز اقولكوا حاجه مهمه حياة اتجوزت و عارفين اتجوزت مين اتجوزت ريان النصراوي اظن غني عن التعريف يا كيمو صح دا عشان متفكريش انك انتصرتي على بنت اخويا يا ناديه اتجوزت واحد ضفره برقبه ابنك
كريم بصله بصدمه و الم و ناديه بصتله بقهر كبير
اتكلمت و هي لسه في صدمتها
= هي الدنيا ماشيه معانا بالعكس ليه ؟!!!!
ليه هي تبقى مبسوطه و تاخد كل حاجه و هي اللي ظالمنا
مجدي بصلها بسخريه و دخل الاوضه
اما كريم فكان في حاله لا يحسد عليها خالص
قعد على الكنبه و هو حاسس بغصه في قلبه و الم.. شديد
خرج من البيت بغضب مفرط تحت نظرات الحزن و القهر من ناديه
وصل قدام شركه ريان و هو بيتنفس بغضب مفرط
دخل الشركه و اتكلم مع موظفه الاستقبال
= عايز اقابل صاحب الشركه
= فيه معياد سابق ؟
كريم بهدوء = لا مفيش معياد بس الموضوع ضروري بلغيه ان الموضوع حياة أو مـ.وت
= هكلم سكرتيره مكتبه تقوله بس موعدكش انه ممكن يقابلك اتفضل حضرتك استريح و شويه و هندهلك
قعد كريم و هو بيبص للصرح بتاع ريان يعتبر الشركه دي عشر اضعاف شركتهم و اكتر بص للشركه بغضب شديد و غل و هو بيهز رجله بغضب
فاق على صوت السكرتيره اللي بلغته ان ريان وافق يقابله و دلته على مكتبه
طلع كريم و دخل مكتب ريان
لاقه قاعد بيبص للملفات اللي قدامه و هو متجاهل وجوده تماما اتكلم بهدوء و لسه باصص للملفات مما اثار من غضب كريم بصله بغضب و غل كان عايز يقوم يقـ.تله و هو بيدقق في ملامحه في شخصيته
فاق على صوت ريان اللي بيتكلم و هو لسه باصص في الملفات اللي قدامه اتكلم بجديه
= قولولي انك عايزيني في موضوع مهم قولت حياة أو مـ.وت باين معاك
كريم بحده = كريم مجدي الهواري ابن عم حياة و اللي كنت متجوازها قبلك
رفع وشه من على الملفات و بصله بحده ممزوجة بغيرته
اتكلم بهدوء عكس اللي جواه من غضب
= و جاي ليه بقى يا استاذ كريم عايز شغل و جاي تاخد وسطه مني بما انك ابن عم مراتي
كريم بحده و غضب= طب و ليه الغلط!!!
ريان ببرود و سخريه= هو انا غلطت في ايه!!!!!
دا انت حتى ابن عم مراتي و زي اخوها
كريم ببرود = بقولك اللي كانت متجوزاه قبلك يبقى اخوها ازاي
ريان بغضب و حده = اليوم اللي انت طلقتها فيه بقيت مجرد اختك مش اكتر و لو انت جاي عشان الموضوع دا يبقى تتفضل برا من غير مطرود انا لحد دلوقتي عامل حساب انك ابن عم مراتي و مش عايز اذ.يك
كريم بصله بخوف بس حاول يتحكم فيه على اد ما يقدر و اتكلم بسخرية
= من الواضح انها مبلغك بماضيها كله
بس معتقدش انها ممكن تكون بلغتك انها كانت بتعشقني عشق كدا
ريان بصله بغضب شديد و غيره و راح عنده و مسكه من قميصه بغضب مفرط
= انت زودتها اوي و لازم تتربى !!!
كريم بصله بخوف شديد و اتكلم ببرود عكس اللي جواه من رعب
= لدرجه انها سلـ.متلي نفسها قبل الجواز و حملت مني في الحرا.م
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق